Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၈.၁၂.၂၀၁၁

ဆောင်းပါးကဏ္ဍ

  1. ဒီမိုကရေစီနှင့် သမူဟ

*************************************************************************************

ဆောင်းပါးကဏ္ဍ

ဒီမိုကရေစီနှင့် သမူဟ

ဒီမိုကရေစီသည် တကမ္ဘာလုံးမှ ကျင့်သုံးနေသည့် နိုင်ငံရေးစနစ်တစ်ခုဖြစ်သည်နှင့်အညီ ဒီမိုကရေစီ အခြေခံသဘောတရားများနှင့် အဆိုးဘက် မျက်နှာစာကို ယခုအချိန်ထိအငြင်းပွားနေရဆဲပင် ဖြစ်လေသည်။ နာမည်ကျော် နိုင်ငံရေးသိပ္ပံပညာရှင်တစ်ဦးဖြစ်သူ ဖရန်စစ်ဖူကူးယားမားက လစ်ဘရယ်ဒီမိုကရေစီနှင့် ဈေးကွက်စီးပွားရေးစနစ်မှာ ကွန်မြူနစ်စနစ်နှင့် စီမံကိန်းစီးပွားရေးစနစ်ကို အပြီးတိုင်အနိုင်ရသွားခဲ့ပြီ၊ ထိုကြောင့် လူသား များမှာ အခြားရွေးချယ်စရာ မရှိတော့ပြီ၊ လစ်ဘရယ်ဒီမိုကရေစီနှင့် ဈေးကွက်စီးပွားရေးစနစ်ကိုသာ နောက်ဆုံး ရွေးချယ်ရမည်ဖြစ်ကြောင်း အကောင်း မြင်ရှုထောင့်က ထုတ်ဖော်ရေးသားသွားခဲ့လေသည်။  

ဒီမိုကရေစီအတက်အကျ သံသရာ

သို့သော် ဆိုဗီယက်ယူနီယံကြီး ပြိုကွဲပြီးနောက်ပိုင်း ဒီမိုကရေစီအနာဂတ်မှာ အကောင်းဘက်သို့ချည်းပင် ဦးတည်သွားသည်တော့ မဟုတ်ပါ။ ဥပမာယဲလ်ဆင်ခေတ်ကရုရှားမှာ နိုင်ငံရေးလွတ်လပ်ခွင့်ရှိသလောက် ယခု မတ်ဗီဒတ်လက်ထက် ရုရှားမှာ လွတ်လပ်ခွင့် နည်းပါးသွားခဲ့လေသည်။ ဒီမိုကရေတစ် အင်စတီကျူးရှင်းများ အခိုင်အခန့် ရှိပါသည်ဟု ဆိုသော အမေရိကန်နိုင်ငံရေးမှာပင်လျှင် အစွန်းနှစ်ဖက် နိုင်ငံရေးစနစ်မျိုး မဖြစ်ပေါ်စေ ရန် ပညာရှင်များက ဝိုင်းဝန်ဝေဖန် ထောက်ပြခြင်းမျိုးလည်း ရှိလေသည်။ ထို့အပြင် ဒီမိုကရေစီမှာ အနောက်စက်မှုဖွံ့ဖြိုးပြီးနိုင်ငံများတွင် အဆက်အဟပ် တည့်သလောက် ဖွံ့ဖြိုးဆဲနိုင်ငံများတွင်တော့ ဒီမိုကရတစ် အလေ့အကျင့်များ ဖြစ်ပေါ်လာဖို့ အခက်အခဲများနှင့် အကန့် အသတ်များ ရှိနေဆဲပင် ဖြစ်လေသည်။           

လမ်းချော်သွားတတ်သည်

ဒီမိုကရေစီကို နိုင်ငံရေးသိပ္ပံပညာရှင်များ၊ အတွေးအခေါ်ပညာရှင်များက အဓိပ္ပယ်များစွာ (ခန့်မှန်းချိန် ၁၅၀) ဖွင့်ဆိုထားသော်လည်း ယနေ့ အထိ ပညာရှင်အများစု လက်ခံထားသော ဖွင့်ဆိုချက်မှာ By the people, Of the people, For the people ဟူ၍ဖြစ်လေသည်။ သီအိုရီအရတွင်တော့ လူထုမှ မိမိအကျိုးစီးပွားကို ဆောင်ရွက်ပေးမည့် လူထုကိုယ်စားလှယ်ကိုရွေးချယ်တင်မြောက်ပေးခြင်းဖြင့် အုပ်ချုပ်စေခြင်းမျိုးဖြစ်လေသည်။ စံနှုန်း အခြေပြု ချဉ်းကပ်မှုမျိုး အလွယ်ကူဆုံးနားလည်၍ ရနိုင်လေသည်။ သို့သော် လက်တွေ့ အာဏာနိုင်ငံရေးဖြစ်စဉ်မှာတော့ မိမိအာဏာ တည်မြဲရေး အတွက် ညစ်နည်းပေါင်းစုံဖြင့် ညစ်လာကြပြီးလူထုအကျိုးကို အမှန်တကယ် မဆောင်ရွက်နိုင်သည့်အခါ ဘောဂဗေဒဘာသာရပ် သဘောတရားတစ်ခု ဖြစ်သည့် Priciple-agent problem မျိုးပေါ်ပေါက်လာရတော့သည်။ လုပ်တတ်ကိုင်တတ်သည့် လူနည်းစုက ကိုယ့်ကျိုးစီးပွားအတွက် ဆောင်ရွက် လာကြသော်အခါ ဒီမိုကရေစီစနစ်မှာရင့်ကျက်ပြည့်ဝမှုသို့ ရောက်ရှိမသွားဘဲ အော်လီဂါခီစနစ်ထဲမှာပင် တဝဲဝဲလည်ကာ နိုင်ငံဖွံ့ဖြိုးရေး တိုးတက်ရေး အတွက် အဟန့်အတားများ ဖြစ်ပေါ်လာရလေသည်။ ယင်း ကိုဖွံ့ဖြိုးဆဲနိုင်ငံများ၏ ဒီမိုကရက်တစ် နိုင်ငံရေးဖြစ်စဉ်များတွင် အများဆုံးတွေ့မြင် ရလေသည်။ ဥပမာ အားဖြင့် ဖိလစ်ပိုင်မှာ အမေရိကန်ကိုလိုနီဖြစ်ခဲ့စဉ်က အမေရိကန်နိုင်ငံအနေဖြင့် ဒီမိုကရက်တစ် အင်စတီကျူးရှင်း တစ်ခုဖြစ်သော လွှတ်တော်ကိုသာ စနစ်တကျ တည်ဆောက်ပေးသွားခဲ့သည့်အတွက် ကျန်သည့် အင်စတီကျူးရှင်းများ အားနည်းကာတည်ငြိမ်သည့် ဒီမိုကရေစီစနစ်ကို ယခုထက်တိုင် မရေးတတ်သေး ဖြစ်နေရလေသည်။ ထို့အပြင် ဖိလစ်ပိုင်နိုင်ငံရေးအထက်တန်းလွှာအသိုင်းအဝိုင်းမှာ ကြွယ်ဝချမ်းသာသည့် မြေရှင်မျိုးရိုးမှ ဆင်းသက်လာသူများ ဖြစ်လေ ရာ အခြားသောလူမှုလူတန်းစားများမှာ နိုင်ငံရေးတွင် အထက်တန်းသို့ ရောက်နိုင်ရန် အခွင့်အလမ်းနည်းပါးလေသည်။

အရပ်ဖက်လူ့အဖွဲ့အစည်းများ အားကောင်းဖို့လို

ဒီမိုကရေစီအသီးအပွင့်များကို အမှန်တကယ်ခံစားလိုလျှင် ပြည်သူအများအား နိုင်ငံရေး၊ စီးပွားရေးနှင့်ဆိုင်သော အသိပညာများကို တတ်နိုင် သမျှရရှိအောင် ဖန်တီးဆောင်ရွက်ပေးခြင်း ဖြစ်လေသည်။ သို့မှသာ ပြည်သူများမှာ နိုင်ငံသား လှုပ်ရှားမှုဖြစ်စဉ်များ၊ အာဏာနိုင်ငံရေးမဟုတ်သည့် နိုင်ငံအရေးလှုပ်ရှားမှု ဖြစ်စဉ်များတွင် အရပ်ဖက် လူ့အဖွဲ့အစည်းအသွင်ဖြင့် တက်တက်ကြွကြွ ပါဝင်ပတ်သက်လာမှာ ဖြစ်လေသည်။ ကျန်းမာရေးစနစ်၊ ဆေးရုံစနစ် ကောင်းမွန်လာစေရေးအတွက် ဆရာဝန်များမှ မြန်မာနိုင်ငံဆရာဝန်များအသင်းမှတစ်ဆင့် ပြည်သူ့ကျန်းမာရေးစနစ် ယခုထက်ပိုမို ကောင်းမွန်အောင် အလုပ်ရုံးဆွေးနွေးမှုများပြုလုပ်ခြင်း၊ အချိန်ပိုင်း အခမဲ့ဆေးကုသပေးခြင်းမျိုး ဆောင်ရွက်ခြင်း၊ စီးပွားရေးဖွံ့ဖြိုးအောင် ဆောင်ရွက် ရာတွင် လူမှုရေးနှင့် သဘာဝ ပတ်ဝန်းကျင် ထိခိုက်မှုမရှိအောင် တနည်းရေရှည်ဖွံ့ဖြိုးတိုးတက်မှုကို ရရှိအောင် လူမှုရေးအသင်းအဖွဲ့များ၊ သဘာဝ ပတ်ဝန်းကျင်အသင်းအဖွဲ့များ လေ့လာသုံးသပ်မှုများ မပြတ်ပြုလုပ်ခြင်းတို့ ဖြစ်သည်။

မြန်မာနိုင်ငံသည် ယခင် ပါလီမန်ဒီမိုကရေစီခေတ်ကို ဖြတ်သန်းခဲ့ဖူးသော်လည်းဆိုရှယ်လစ်စနစ်၊ အာဏာပိုင်စနစ်နှင့် နှစ်ပေါင်း ၅၀ နီးပါး ယဉ်ပါးလာခဲ့ပြီးမှ ယခုမှတဖန် ဒီမိုကရေစီနိုင်ငံရေးစနစ်ကို ပြန်လည်ကျင့်သုံးမည်ဖြစ်ရာ ဒီမိုကရက်တစ်အလေ့အကျင့်များ ကြွယ်ဝမှု ရှိမည်တော့မဟုတ်။ ယခုအချိန်အခါသည် မြန်မာနိုင်ငံအဖို့ စီးပွားရေး ဖွံ့ဖြိုးတိုးတက်ရန်၊ ဒီမိုကရေစီဖွံ့ဖြိုးရန်အတွက် လမ်းဆုံလမ်းဂွရောက်နေသည့် အခြေအနေမျိုး ဖြစ်လေသည်။ ယခုအချိန်မှစတင်၍ Stakeholder ပြည်သူအပေါင်း နိုင်ငံရေး၊ စီးပွားရေး အင်စတီကျူးရှင်းများကို စနစ်တကျတည်ဆောက်သွားဖို့ အထူးပင် လိုအပ်ပါသည်။ သို့မှသာ ဖြစ်ပေါ်လာဖွယ်ရှိသည့် မတည်ငြိမ်မှုများကို ထိခိုက်နစ်နာမှု အနည်းဆုံးဖြေရှင်းသွားနိုင်ဖို့ပင် ဖြစ်လေသည်။ ဒီမို ကရေစီဆိုသည်မှာ စနစ်တကျ အသုံးချတတ်လျှင် အခြားသော စနစ်များထက်မညီမျှမှုများကို ညီမျှမှုရှိလာအောင် ဆောင်ရွက်၍ ရနိုင်ခြင်း၊ နိုင်ငံသား အခွင့်အရေးများကို အခြေခံဥပဒေဘောင်အတွင်း ပြည့်ပြည့်ဝဝအသုံးချနိုင်ခြင်းအစရှိသည့် အကျိုးကျေးဇူးများရှိပါသည်။ မြန်မာနိုင်ငံတွင် အစိုးရရော၊ ပြည်သူရောဒီမိုကရက်တစ် အလေ့အကျင့်များကို တာဝန်ယူမှုအပြည့်၊ တာဝန်ခံမှုအပြည့် ကျင့်သုံးသွားမည်ဆိုပါက တရားဥပဒေစိုးမိုးမှု ရှိသော ဒီမိုကရေစီ နိုင်ငံတော်ကိုများ မကြာမီကာလအတွင်း တွေ့မြင်လာနိုင်မည်ဖြစ်ပါကြောင်း.........။

*******************************************************************************

 

                                                                                                        

              


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၈.၁၂.၂ဝ၁၁

ပြည်တွင်းသတင်းများ

  1. အမေ့အိမ်ပညာဒါနကျောင်း ဆရာနှင့် ရန်ပုံငွေမလုံလောက်
  2. မြန်မာနိုင်ငံအတွင်း နိုင်ငံခြားဘဏ်ကိုယ်စားလှယ်ရုံး ၁၆ ခုဖွင့်လှစ်ခွင့်ပြု

ပြည်တွင်းပါတီ၊ နိုင်ငံရေးသတင်းများ

  1. ကော့မှူး၌ ရွေးကောက်ပွဲဝင်ရန် ဒေါ်အောင်ဆန်းစုကြည် မသေချာဟုဆိုပြန်
  2. ဥပဒေချိုးဖောက်သည့်ပါတီနှစ်ခုအား ပြည်ထောင်စုရွေးကောက်ပွဲကော်မရှင်မှ အသိပေး
  3. မြန်မာ့လူ့ဘောင်သစ် ဒီမိုကရက်တစ်ပါတီ တည်ထောင်ခွင့်ရ

သတင်းနှင့် ဆောင်းပါးများမှ ကောက်နှုတ်ချက်များ

*************************************************************************************

ပြည်တွင်းသတင်းများ

အမေ့အိမ်ပညာဒါနကျောင်း ဆရာနှင့် ရန်ပုံငွေမလုံလောက်

ဒေါ်အောင်ဆန်းစုကြည်၏ ဦးဆောင်မှုဖြင့် ဆောင်ရွက်နေသော ပညာရေးကွန်ရက်မှ အမေ့အိမ်ပညာဒါနကျောင်းများတွင် ဆရာ/ဆရာမ များနှင့် ရန်ပုံငွေ မလုံလောက်မှုများရှိနေကြောင်း အမေ့အိမ်ပညာရေးကော်မတီမှ တာဝန်ရှိသူတစ်ဦးဖြစ်သည့် ဦးငယ်က ပြောကြားသည်။

"အမေ့အိမ်ကျောင်းတွေမှာ ကျောင်းသားတွေကသာ များလာတယ်။ ကျောင်းဆောင်ကို ထပ်မချဲ့နိုင်တဲ့အပြင် သွားလာရခက်တဲ့ ကျောင်းတွေ မှာဆိုရင် ဆရာတွေက လုံလောက်မှု မရှိဘူး"ဟု ၎င်းကပြောကြားသည်။

ဗြိတိန်နိုင်ငံ နိုင်ငံတကာ ဖွံ့ဖြိုးတိုးတက်ရေးဌာန(DFID) မှ အတွင်းဝန် အယ်(န်)ခြူးမစ်ချယ်(လ်) မြန်မာနိုင်ငံသို့လာရောက်စဉ်က အမေ့အိမ် အပါဝင် ပညာရေးဖွံ့ဖြိုးရေးအတွက် အလှူငွေများလှူဒါန်းသွားမည်ဟု ပြောကြားခဲ့သော်လည်း ယင်းအလှူငွေများပေးဝေမှုကို စတင်မလုပ်ဆောင်သေး ကြောင်း သိရသည်။

ကော့မှူးမြို့နယ်ရှိ အမေ့အိမ်ကျောင်းကိုမှု အလှူရှင်များ လာရောက်လှူတန်းမှုအများဆုံးဖြစ်၍ ကျောင်းဆောင်တိုးချဲ့မှုကို စတင်ဆောင်ရွက် နေပြီ ဖြစ်ကြောင်း ဦးငယ်က ပြောကြားသည်။

လှိုင်သာယာမြို့နယ်၊ သာကေတ၊ ဒေါပုံနှင့် မ/ဥက္ကလာပမြို့နယ်ရှိ အမေ့အိမ်ကျောင်းများတွင် တက္ကသိုလ်ဝင်တန်းစာမေးပွဲ ဖြေဆိုနိုင်ရန် အတွက် အနီးကပ်သင်တန်းများကို ဒီဇင်ဘာ ၅ရက်နေ့မှစ၍ အခမဲ့သင်ကြားပေးနေပြီဖြစ်ကြောင်း သိရသည်။

"သွားလာရခက်ခဲတဲ့ အမေ့အိမ်ကျောင်းတွေမှာဆို ဆရာက မကာမိဘူး။ ဥပမာ ဒလမြို့နယ်ကကျောင်းဆိုရင် ဆရာတွေမသွားနိုင်လို့ ဆရာ/ဆရာမ မလုံလောက်ဘူး ဖြစ်နေတယ်။" ဟု အမေ့အိမ်ပညာရေးကော်မတီဝင်တစ်ဦးက ပြောကြားသည်။

အမေ့အိမ်ပညာဒါနကျောင်းသည် ကျောင်းသူ၊ကျောင်းသားများကို မူကြိုမှအထက်တန်းအထိ အခမဲ့သင်ကြားပေးသည့်အပြင် သင်ကြားရေး အထောက်ကူပြုပစ္စည်းများကိုလည်း ထောက်ပံ့ပေးကြောင်း၊ ဆရာ/ဆရာမ များကိုမူ ခရီးစရိတ်နှင့် အကျွေးမွေးဧည့်ခံကြောင်းသိရသည်။

လာရောက်သင်ကြားကြသော ကျောင်းသူကျောင်းသားများသည် သက်ဆိုင်ရာကျောင်းများ၏ ဒေသခံများဖြစ်ကြပြီး အများစုမှာ ချို့တဲ့သူများ ဖြစ်ကြကြောင်း သိရသည်။

ပညာရေးကွန်ရက်ကို ဒေါ်အောင်ဆန်စုကြည်လွတ်မြောက်လာပြီး တစ်လအကြာတွင် စတင်လုပ်ဆောင်ခဲ့ရာ ရန်ကုန်တိုင်းအတွင်း ကျောင်း ပေါင်း ၁၆ကျောင်းကို တည်ထောင်နိုင်ခဲ့ပြီး ကျောင်းသူ/ကျောင်းသားပေါင်း ၁၆၀၀ကျော်ကို အခမဲ့သင်ကြားပေးနေကြောင်း ဦးငယ်က ပြောကြားသည်။

ယင်းကျောင်းများသို့ သွားရောက်လှူဒါန်းလိုသူများသည် အမျိုးသားဒီမိုကရေစီအဖွဲ့ချုပ်(NLD)အပြင် သက်ဆိုင်ရာ မြို့နယ်ရှိ ကျောင်းများ သို့လည်း လှူဒါန်းနိုင်ကြောင်း၊ အဆိုပါကျောင်းတည်ရှိရာ မြို့နယ်များမှာ လှိုင်သာယာမြို့နယ်၊ ထန်းတပင်၊ ကော့မှူး၊ ဒလ၊ ဒဂုံမြို့သစ်(တောင်)၊ ဒေါပုံ၊ မ/ဥက္ကလာပ၊ ရွှေပြည်သာ၊ သာကေတ၊ ဒဂုံမြို့သစ်(ဆိပ်ကမ်း)၊ အင်းစိန်၊ ခရမ်း၊ တွံတေး၊ ကွမ်းခြံကုန်းနှင့် သင်္ကန်းကျွန်းမြို့နယ်တို့တွင် တည်ရှိကြောင်း သိရသည်။

Peace Press

-----------------------------------------------------------------------------------------------------------------------------------

မြန်မာနိုင်ငံအတွင်း နိုင်ငံခြားဘဏ်ကိုယ်စားလှယ်ရုံး ၁၆ ခုဖွင့်လှစ်ခွင့်ပြု

အစိုးရသစ်လက်ထက်မှ စတင်၍ မြန်မာနိုင်ငံအတွင်း ပြည်ပနိုင်ငံ ၉ နိုင်ငံမှ နိုင်ငံခြားဘဏ်ကိုယ်စားလှယ်ရုံး ၁၆ ခုကို ဖွင့်လှစ်လုပ်ကိုင်ရန် ခွင့်ပြုခဲ့ကြောင်း ဘဏ္ဍာရေးနှင့် အခွန်ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။

မြန်မာနိုင်ငံအတွင်း နိုင်ငံခြားဘဏ်ကိုယ်စားလှယ်ရုံးခွဲများ ကို ICBC အပါအဝင် စင်္ကာပူနိုင်ငံမှ ဘဏ်ကိုယ်စား လှယ်ရုံး ၄ ခု၊ ဘင်္ဂလားဒေ့ရှ် နိုင်ငံမှ ဘဏ်ကိုယ်စားလှယ်ရုံး ၂ ခု၊ မလေးရှားနိုင်ငံမှ ၂ ခု၊ ဂျပန်နိုင်ငံမှ ဘဏ်ကိုယ်စားလှယ်ရုံး ၂ ခု၊ ကမ္ဘောဒီးယား၊ ထိုင်း၊ ဘရူနိုင်း၊ ဗီယက်နမ်နိုင်ငံနှင့် တရုတ်နိုင်ငံ အားလုံးပေါင်း ၉ နိုင်ငံကို မြန်မာနိုင်ငံတွင် ဘဏ်ကိုယ်စားလှယ်ရုံး ၁၆ ခုဖွင့်လှစ်လုပ်ကိုင်ရန် မြန်မာနိုင်ငံဗပိာုဘဏ်မှ ခွင့်ပြုခဲ့ကြောင်း Park Royal ပိာုတယ်၌ ပြုလုပ်ခဲ့သည့် တရုတ်နိုင်ငံ ICBC ဘဏ်၏ နိုင်ငံခြားဘဏ်ကိုယ်စားလှယ်ရုံး စတင်ဖွင့်လှစ်ခြင်း အခမ်းအနား၌ တာဝန်ရှိသူတစ်ဦးက ပြောကြားခဲ့သည်။

တရုတ်နိုင်ငံ၏ အကြီးဆုံးဘဏ်တစ်ခုဖြစ်သည့် ICBC ဘဏ်သည် မြန်မာနိုင်ငံ၏ စီးပွားရေးဈေးကွက်သို့ ပထမဆုံးဝင်ရောက်လာသည့် ဘဏ် တစ်ခုဖြစ်ပြီး ယခုကဲ့သို့ ICBC ဘဏ်မြန်မာနိုင်ငံအတွင်း လာရောက်ဖွင့်လှစ်ခြင်းသည် တရုတ်နိုင်ငံမှ မြန်မာနိုင်ငံအပေါ် လူမှုအဖွဲ့အစည်းနှင့် စီးပွားရေး ဖွံ့ဖြိုးတိုးတက်မှုအပေါ် ယုံကြည်မှုကို ဖော်ပြခြင်းဖြစ်ကြောင်း ဘဏ်ဥက္ကဋ္ဌတစ်ဦးမှ ပြောကြားသွားခဲ့သည်။

တရုတ်နိုင်ငံသည် မြန်မာနိုင်ငံ၏ ရင်းနှီးမြှုပ်နှံမှုအများဆုံးနှင့် အကြီးဆုံး ကုန်သွယ်ဖက်နိုင်ငံတစ်နိုင်ငံဖြစ်ပြီး ၂၀၁၁ ခုနှစ်တွင် မြန်မာ-တရုတ် နှစ်နိုင်ငံ ကုန်သွယ်ရေးပမာဏမှာ အမေရိကန်ဒေါ်လာ ၄ ဒဿမ ၄ ဘီလျံရှိခဲ့ကြောင်း သိရသည်။

ထို့ပြင် အစိုးရသစ်လက်ထက်၌ မြန်မာနိုင်ငံတော်ဗပိာုဘဏ်မှ ပြည်တွင်း ပုဂ္ဂလိကဘဏ်အချို့ကို နိုင်ငံခြား ဘဏ်လုပ်ငန်း ဆောင်ရွက်ရန် ခွင့်ပြု ပေးခဲ့သည့်အတွက် မြန်မာနိုင်ငံအတွင်း နိုင်ငံခြားရင်းနှီးမြှုပ်နှံမှုများ ပိုမိုဝင်ရောက် လာနိုင်ကြောင်း ဘဏ္ဍာရေးနှင့် အခွန်ဝန်ကြီးဌာနမှ တာဝန်ရှိသူ တစ်ဦးက ပြောကြားခဲ့သည်။

                                                                                              Ref:Popular News

*************************************************************************************

ပြည်တွင်းပါတီ၊ နိုင်ငံရေးသတင်းများ

ကော့မှူး၌ ရွေးကောက်ပွဲဝင်ရန် ဒေါ်အောင်ဆန်းစုကြည် မသေချာဟုဆိုပြန်

အမျိုးသားဒီမိုကရေစီအဖွဲ့ချုပ်မှ အထွေထွေအတွင်းရေးမှူး လူထုခေါင်းဆောင် ဒေါ်အောင်ဆန်းစုကြည်သည် လာမည့် ကြားဖြတ်ရွေးကောက် ပွဲ၌ ကော့မှူးမဲဆန္ဒနယ်မှ ဝင်ရောက်ယှဉ်ပြိုင်မည်ဆိုသည့်သတင်းမှာ သေချာမှုမရှိသေးကြောင်း NLD ပါတီ ဗပိာုကော်မတီဝင် ဦးအုန်းကြိုင်မှ ပြောကြားခဲ့သည်။

ဒ်ါအောင်ဆန်းစုကြည် လာမည့်ကြားဖြတ်ရွေးကောက်ပွဲ ဝင်ရောက်ယှဉ်ပြိုင်ရန် ကိစ္စရပ်နှင့်ပတ်သက်၍ လက်ရှိအချိန်တွင် ဆုံးဖြတ်ရခြင်း မရှိ သေးသည့်အတွက် အတိအကျမပြောနိုင်သေးကြောင်း ၎င်းက ပြောကြားခဲ့သည်။

မကြာသေးမီရက်ပိုင်းအတွင်းက NLD ပါတီ၏ အထွေအထွေအတွင်းရေးမှူး ဒေါ်အောင်ဆန်းစုကြည်သည် ကြားဖြတ်ရွေးကောက်ပွဲ၌ ရန်ကုန် တိုင်းဒေသကြီး ကော့မှူးမဲဆန္ဒနယ်မှ ဝင်ရောက်ယှဉ်ပြိုင်မည်ပာု NLD ပါတီ ပြောရေးဆိုခွင့်ရှိသူတစ်ဦးက ပြောကြားခဲ့သော်လည်း ၎င်းသတင်းမှာ သေချာမှု မရှိသေးကြောင်း ဦးအုန်းကြိုင်မှ ပြန်လည်ပြောကြားခဲ့ခြင်း ဖြစ်သည်။

ဒေါ်အောင်ဆန်းစုကြည် ကြားဖြတ်ရွေးကောက်ပွဲ ဝင်ရောက်ယှဉ်ပြိုင်ရေး ကိစ္စရပ်နှင့် ပတ်သက်၍ ဦးအုန်းကြိုင်မှပင် ဒေါ်အောင်ဆန်းစုကြည် ကြားဖြတ်ရွေးကောက်ပွဲ ဝင်ရောက်ယှဉ်ပြိုင်မည်ဆိုပါက ရန်ကုန်တိုင်းဒေသကြီးရှိ လစ်လပ်မဲဆန္ဒနယ်တွင်ပင် ဝင်ရောက်ယှဉ်ပြိုင်သွားမည်ဖြစ်ပြီး ကော့မှူးမဲဆန္ဒနယ်မှ ဝင်ရောက်ယှဉ်ပြိုင်မည်ဆိုသည်ကို အတပ်မပြောနိုင်သေးကြောင်း ထပ်လောင်းပြောကြားခဲ့သည်။

NLD ပါတီသည် ၂၀၁၁ ခုနှစ် ဒီဇင်ဘာလ ၅ ရက်နေ့၌ ရွေးကောက်ပွဲအောင်နိုင်ရေးကော်မတီကို ဖွဲ့စည်းလိုက်ပြီး၎င်းဗပိာု အောင်နိုင်ရေး တာဝန်ခံအဖြစ် ဦးတင်ဦးက ဆောင်ရွက်သွားမည်ဖြစ်ကြောင်း သိရသည်။

အမျိုးသားဒီမိုကရေစီအဖွဲ့ချုပ်(NLD) ပါတီသည် ၂၀၁၁ ခုနှစ် နိုဝင်ဘာလ ၁၈ ရက်နေ့၌ မြန်မာနိုင်ငံ တစ်နိုင်ငံလုံးတွင်ရှိသော NLD ပါတီ ဗပိာု အလုပ်အမှုဆောင်များကို ခေါ်ယူ၍ အစည်းအဝေးကျင်းပခဲ့ပြီး ပါတီမှတ်ပုံတင်ရန်နှင့် ကြားဖြတ်ရွေးကောက်ပွဲဝင်ရန် ဗပာိုအလုပ်အမှုဆောင်များမှ တညီ တညွှတ်တည်း ဆုံးဖြတ်ချက်ချခဲ့သည်။

                                                                                                                  YC

-----------------------------------------------------------------------------------------------------------------------------------

ဥပဒေချိုးဖောက်သည့်ပါတီနှစ်ခုအား ပြည်ထောင်စုရွေးကောက်ပွဲကော်မရှင်မှ အသိပေး

နိုင်ငံရေးပါတီများ မှတ်ပုံတင်ခြင်းဥပဒေပုဒ်မ ၆ ပါ ဝန်ခံချက်များနှင့် ၎င်းဥပဒေပါ ပုဒ်မ ၂၄(က)ပါ တည်ဆဲ ဥပဒေ ပြဋ္ဌာန်းချက်များကို အကြိမ် ကြိမ်ချိုးဖောက်ခဲ့သည့် ၂၀၁၀ ရွေးကောက်ပွဲဝင် ပါတီနှစ်ခုအား ပြည်ထောင်စု ရွေးကောက်ပွဲကော်မရှင်မှ အကြောင်းကြားစာပေးပို့၍ အသိပေး ခဲ့ကြောင်း သိရသည်။

ဥပဒေချိုးဖောက်မှုဖြင့် ပြည်ထောင်စုရွေးကောက်ပွဲကော်မရှင်မှ ခေါ်ယူအသိပေးခြင်းခံခဲ့ရသည့် ၂၀၁၀ ရွေးကောက်ပွဲဝင် ပါတီနှစ်ခုမှာ ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ)ပါတီနှင့် ပြည်ထောင်စုမြန်မာနိုင်ငံ အမျိုးသားနိုင်ငံရေးအဖွဲ့ချုပ်ပါတီတို့ ဖြစ်ကြောင်း သိရ သည်။

၎င်းပါတီနှစ်ခုအနေဖြင့် ဥပဒေချိုးဖောက်မှုများကို ဆက်လက်ပြုလုပ်နေမည်ဆိုပါက နိုင်ငံရေးပါတီများ မှတ်ပုံတင် ခြင်းဥပဒေနှင့်အညီ မှတ်ပုံ တင် ပယ်ဖျက်သည်အထိ အရေးယူဆောင်ရွက်သွားမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်မှ အသိပေးအကြောင်းကြားစာ ပေးပို့ ခဲ့သည်။

၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ)ပါတီနှင့် ပြည်ထောင်စုမြန်မာနိုင်ငံ အမျိုးသားနိုင်ငံရေးအဖွဲ့ချုပ်ပါတီတို့သည် သက်ဆိုင်ရာဒေသအာဏာပိုင်တို့ ထုတ်ပြန်သည့်အမိန့်ကို ချိုးဖောက်၍ အလှူငွေကောက်ခံခြင်းများ နိုင်ငံတော်ပိုင်လမ်းတွင် ဂိတ်ကြေးမပေးဘဲ ဖြတ် သန်းခြင်း၊ လောင်းကစားဥပဒေနှင့် ညိစွန်းသည့် ကံစမ်းမဲလက်မှတ်များ ရောင်းချ၍ အလှူငွေကောက်ခံခြင်းများ၊ တရားမဝင် ဗီဒီယိုခွေများ ရောင်းချ၍ အလှူငွေကောက်ခံခြင်းများနှင့် အခြားနိုင်ငံတော်၏ တည်ဆဲဥပဒေချိုးဖောက်မှုများကြောင့် ပြည်ထောင်စုရွေးကောက်ပွဲကော်မရှင်မှ အသိပေး အကြောင်းကြားစာပေးပို့ရခြင်းဖြစ်ကြောင်း သိရသည်။

ဒါဟာ ဖြစ်သင့်တဲ့ကိစ္စပဲ ဒီမိုကရေစီနိုင်ငံတော်အဖြစ် တည်ဆောက်နေတဲ့အချိန်အခါမှာ ချမှတ်ထားတဲ့ဥပဒေ၊ စည်းမျဉ်း စည်းကမ်းတွေကို နိုင်ငံရေးပါတီတင်မကဘူး လူတိုင်းလေးစားလိုက်နာရမယ်၊ အစိုးရအဖွဲ့ အကြီးအကဲတွေကအစ ချိုးဖောက်လို့ မရဘူး၊ ချိုးဖောက်ရင် တာဝန်ရှိသူတွေက အယုတ်အလတ် အမြတ်မရွေး အရေးယူသင့်တယ်ဟု ပြည်သူတစ်ဦးက ပြောကြားသည်။

YC

-----------------------------------------------------------------------------------------------------------------------------------

မြန်မာ့လူ့ဘောင်သစ် ဒီမိုကရက်တစ်ပါတီ တည်ထောင်ခွင့်ရ

ပြည်ထောင်စုရွေးကောက်ပွဲကော်မရှင်မှ ၂၀၁၁ ခုနှစ် ဒီဇင်ဘာလ ၆ ရက်နေ့မှစတင်၍ မြန်မာ့လူ့ဘောင်သစ် ဒီမိုကရက်တစ်ပါတီအား နိုင်ငံရေး ပါတီအဖြစ် တည်ထောင်ခွင့်ပြုလိုက်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။

မြန်မာ့လူ့ဘောင်သစ်ဒီမိုကရက်တစ်ပါတီကို ဦးဇင်အောင်ပါ ၁၈ ဦးတို့မှ လျှောက်ထားခဲ့ခြင်းဖြစ်ပြီး ပါတီတည် ထောင်ခွင့် လျှောက်ထားချက် သည် ဥပဒေ၊ နည်းဥပဒေများနှင့် ညီညွှတ်ကြောင်း တွေ့ရှိရသည့်အတွက် ကော်မရှင်က ယခုကဲ့သို့ ပါတီတည်ထောင်ခွင့်ပြုပေးရခြင်းဖြစ်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။

ပြည်ထောင်စုရွေးကောက်ပွဲကော်မရှင်သည် နိုင်ငံရေးပါတီတည်ထောင်ခွင့် လျှောက်ထားချက်များကို စိစစ်ခွင့်ပြုပေးလျက်ရှိပြီး နိုဝင်ဘာလ ၂၅ ရက်နေ့၌ ပါတီတည်ထောင်ခွင့်လျှောက်ထားခဲ့သည့် အမျိုးသားဒီမိုကရေစီအဖွဲ့ချုပ် (NLD) ပါတီ၏ လျှောက်ထားချက်များကို စိစစ်သုံးသပ်လျက် ရှိနေဆဲဖြစ်ကြောင်း ပြည်ထောင်စုရွေးကောက်ပွဲကော်မရှင်မှ တာဝန်ရှိသူတစ်ဦးက ပြောကြားခဲ့သည်။

                                                                                                                            YC

*************************************************************************************

သတင်းနှင့် ဆောင်းပါးများမှ ကောက်နှုတ်ချက်များ

မေး- NLD ရဲ့ ဆုံးဖြတ်ချက်အပေါ် ကန့်ကွတ်နေသူတွေနဲ့ ပြည်ပက ပြောဆိုနေတာတွေအပေါ်ရော ဘယ်လိုမြင်ပါ သလဲ။

ဖြေ- အဲ့ဒီမှာတစ်ခုစိတ်မကောင်းတာရှိတယ်။ ပြည်ပကနေဒီကိုမလာတဲ့သူတွေအနေနဲ့ ဒေါ်စုကို ဆဲလားပြုလား။ ပုတ်လားခတ်လား လုပ်နေတဲ့အပေါ်မှာ လုံးဝစိတ်မကောင်းဘူး။ တိုင်းပြည်ကိုတကယ်ချစ်ရင် မတောင်းနဲ့ မကြောက်နဲ့ ပြန်လာပြီး တိုင်းပြည်အတွက် ပူးပေါင်းပါ။ ပြည်ပမှာအော်နေလို့ အကျိုး မရှိပါဘူး။ ဒါတွေဟာ အရမ်းအရုပ်ဆိုးပါတယ်။ အားလုံးပူးပေါင်းဆောင်ရွက်မှရမှာ။ ဒါမှသာလျှင် တကယ့်စစ်မှန်တဲ့ ငြိမ်းချမ်းရေးကိုရမှာ ဖြစ်ပါတယ်။ နိုင်ငံခြားက အော်နေဆဲနေလို့ မရဘူး။