Transparency Myanmar

transparency.myanmar@gmail.com

Editorial
Document Editorial

Snapshot of the item below:
Editorial

*

*

၁၈.၂.၂၀၁၃

အတွေးအမြင်

စွန့်ဦးတီတွင် လိုစိတ်နှင့် စွန့်ဦးတီထွင်များ

အယ်ဒီတာ့အာဘော်

ဖွံ့ဖြိုးတိုးတက်မှုကို ရယူနိုင်ခဲ့သည့်နိုင်ငံများအချင်းချင်း နှိုင်းယှဉ်သုံးသပ်ကြည့်သော် အခြားသောရေခံမြေခံ အခြေအနေများ ကွာဟမူရှိကြသော်လည်း တူညီသည့်အချက်တစ်ခုတော့ရှိပါသည်။ ယင်းမှာ နိုင်ငံဖွံ့ဖြိုးရေး အလို့ငှာ အဓိကထောင့်တိုင်များဖြစ်သည့် နိုင်ငံရေး၊ စီးပွားရေး၊ ပညာရေး အစရှိသော နယ်ပယ်အသီးသီးတွင် ရှေ့မှ စွန့်စွန့်စားစား ဦးဆောင်လမ်းပြ ဆောင်ရွက်သွားနိုင်သည့် လူပုဂ္ဂိုလ်များရှိခဲ့ကြခြင်းပင်ဖြစ်သည်။ အရှေ့အာရှနိုင်ငံများ၏ ဖွံ့ဖြိုးတိုးတက်ရေးခရီးလမ်းကို တစ်စေ့တစ်စောင်းလေ့လာကြည့်ပါက စွန့်ဦးတီတွင်များ၏ အရေးပါပုံကို ရှင်းရှင်းလင်းလင်း တွေ့မြင်နိုင်သည်။ ဂျပန်၊ တောင်ကိုရီးယား၊ တိုင်ဝမ်နိုင်ငံများ၏ ဖွံ့ဖြိုးတိုးတက်လာပုံကို ကြည့်လှည့်ပါ၊ အနောက်နိုင်ငံများ နှစ် ၂၀၀ ပတ်ဝန်းကျင်ခန့် ကြိုးပမ်းခဲ့ရသည့် တိုးတက်မှုနှုန်းကို ယင်းနိုင်ငံများ၏ ရာစုနှစ် တစ်ဝက်လောက်အတွင်းမှာပင် အမီလိုက်နိုင်ခဲ့သည်။ ထိုသို့ အမီလိုက်နိုင်ခဲ့ခြင်းမှာ စွန့်ဦးတီထွင်များ၏ နိုင်ငံကဏ္ဍနယ်ပယ်စုံတွင် ရွပ်ရွပ်ချွံချွံပါဝင်နိုင်ခဲ့ခြင်းကြောင့် ဖြစ်သည်။

ယခုအချိန်အခါတွင် မြန်မာနိုင်ငံဖွံ့ဖြိုးတိုးတက်ရေးအတွက် နိုင်ငံရေး၊ စီးပွားရေးနယ်ပယ်တို့တွင် စွန့်ဦးတီတွင်များ အများအပြား လိုအပ်လျက်ရှိနေသည်။ နိုင်ငံရေးအကန့်အသတ်များကို အရဲကိုးကျော်လွှားမည့် စွန့်ဦးတီတွင်များ ရှိခဲ့သည့်အတွက်ကြောင့်လည်း ပင်မရေစီးကြောင်း နိုင်ငံရေး ပီပီပြင်ပြင် ပုံပေါ်လာလေပြီ။ ကျန်ရှိနေသေးသော နိုင်ငံရေးလွတ်လပ်ခွင့်များကို နိုင်ငံရေးစွန့်ဦးတီထွင်များ ပြည်သူ့အကျိုးငှာ ရယူပေးကြ ပေဦးမည်။ ထို့အပြင် မြန်မာနိုင်ငံ၏ တုန့်နှေးနေသည့် စီးပွားရေးကပ်ဆိုးမှ ကျော်လွှားနိုင်ဖို့ စီးပွားရေး စွန့်ဦးတီထွင်များ အများအပြားလိုအပ်ပေသည်။ အစိုးရမှလည်း စွန့်ဦးတီထွင် စီးပွားရေးသမားများ ပေါ်ပေါက်လာဖို့ ၎င်းတို့လွတ်လပ်စွာ ဆောင်ရွက်နိုင်မည့် စီးပွားရေးပတ်ဝန်းကျင်မျိုးကို ဖန်တီးပေးထားနိုင်ရမည်။  

ဒီမိုကရေစီအသွင်ကူးပြောင်းနေသည့် မြန်မာနိုင်ငံအနေဖြင့် ဒီမိုကရေစီကျင့်သုံးမှုပီပြင်သော၊ တရားဥပဒေစိုးမိုးမှုရှိသော၊ စီးပွားရေး ဖွံ့ဖြိုးတိုးတက်မှုနှုန်းမြင့်မားသော နိုင်ငံဖြစ်ဖို့ နယ်ပယ်အသီးသီးတွင် စွန့်ဦးတီတွင်ပုဂ္ဂိုလ်များ ပေါ်ပေါက်လာဖို့နှင့် လူမှန်နေရာမှန်ဖြစ်ဖို့ အထူးပင် လိုအပ်လျက်ရှိနေပါသည်။ မြန်မာနိုင်ငံဖွံ့ဖြိုးတိုးတက်ရေးအတွက်လည်း ဦးဆောင်စွန့်စားလိုသည့် စိတ်ဓာတ်များ မွေးမြူကာ ဆောင်ရွက်သွားကြဖို့ မြန်မာပြည်သူအပေါင်းကို တိုးတွန်းနှိုးဆော်အပ်ပါသည်။

****************************************************************


Google Drive: create, share, and keep all your stuff in one place. Logo for Google Drive

yangonchronicle2013 (1)
Document yangonchronicle2013 (1)

Snapshot of the item below:
yangonchronicle2013 (1)

၁၈.၂.၂၀၁၃

ဘာသာပြန်သတင်းများ

  1. ဖိလစ်ပိုင်ကမ်းခြေတွင် နစ်မြှုပ်သွားသော မြန်မာသင်္ဘောမှ တစ်ဦးသေဆုံး၊ ၁၄ ဦးပျောက်ဆုံးနေ

(AFP News မှ 17 Feb 2013 ရက်စွဲပါ “one dead, 14 missing as ship sinks in Philippine”သတင်းကို ဘာသာပြန်ဆိုသည်)

  1. ရှမ်းပြည်နယ်သည် မူးယစ်ကင်းစင်ဇုန် မဟုတ်သေး

(17 February 2013 ရက်စွဲပါ Bangkok Post မှ Shan still not a drug-free zone ကို ဘာသာပြန်ပါသည်)

  1. ကေအိုင်အေနှင့် ဆက်သွယ်သည်ဟု သံသယရှိသူများကို တပ်မတော်က ဖမ်းဆီးနှိပ်စက်နေခြင်းအပေါ် ကုလသမဂ္ဂ စိုးရိမ်

(AFP News မှ 17 feb 2013 ရက်စွဲပါ “Myanmar torturing Kachin rebel suspect : UN” သတင်းကို ဘာသာပြန်ဆိုသည်)

***************************************************************

ဘာသာပြန်သတင်းများ

ဖိလစ်ပိုင်ကမ်းခြေတွင် နစ်မြှုပ်သွားသော မြန်မာသင်္ဘောမှ တစ်ဦးသေဆုံး၊ ၁၄ ဦးပျောက်ဆုံးနေ

(AFP News မှ 17 Feb 2013 ရက်စွဲပါ “one dead, 14 missing as ship sinks in Philippine”သတင်းကို ဘာသာပြန်ဆိုသည်)

photo credit - AFP

ဖိလစ်ပိုင်မြောက်ပိုင်းကမ်းလွန်တွင် မြန်မာနိုင်ငံအလံတင်ကုန်သင်္ဘောတစ်စင်း နစ်မြှုပ်သွားပြီးနောက် တစ်ဦးသေဆုံးကာ ၁၄ ဦး ပျောက်ဆုံးနေသည်ပာု ဖိလစ်ပိုင် ကမ်းခြေစောင့်တပ်ဖွဲ့ ပြောရေးဆိုခွင့်ရှိသူက တနင်္ဂနွေနေ့တွင် ပြောကြားသည်။

ဖိလစ်ပိုင်ကမ်းခြေ ဘိုလီနာအိုမြို့အနီး၊ တနင်္ဂနွေနေ့ အာရုဏ်မတက်မှီ MV Arita Bauxite နစ်မြှုပ်သွားခြင်းကြောင့် ပျောက်ဆုံးနေသော မြန်မာနိုင်ငံသား ၁၄ ဦးကို ဆက်လက်ရှာဖွေနေကြောင်း လက်ဖတင်နင် ကွန်မန်ဒါ အာမင်ဘာလီလိုက ပြောကြားပါသည်။

သင်္ဘောအဖွဲ့သား ၂၄ ဦးလိုက်ပါလာသော မြန်မာသင်္ဘောသည် အင်ဂျင်စက်ပျက်ကာ နစ်မြှုပ်သွားခြင်းဖြစ်သော်လည်း သင်္ဘောတွင်းသို့ ရေဝင်ရခြင်း၏ အကြောင်းရင်းကိုမူ မသိရသေးပာု အာမင်ဘာလီလိုက ဆိုပါသည်။

အနီးအနားမှ ဖြတ်သန်းသွားသော တရုတ်သင်္ဘောတစ်စင်းက မြန်မာသင်္ဘောသား ၁၀ ဦးကို ကယ်ဆယ်ခဲ့ပြီးနောက် ကမ်းခြေစောင့်တပ်ကို အကြောင်းကြားခဲ့ခြင်းဖြစ်သည်ပာု သိရှိရသည်။

ကမ်းခြေစောင့်တပ်ပြောရေးဆိုခွင့်ရှိသူ အာမင်ဘာလီလိုက ဆက်လက်၍ “သင်္ဘောနစ်မြှုပ်တဲ့အချိန်မှာ ရာသီဥတုကတော့ ကြည်လင်နေပါတယ်။ ဘာဖြစ်ခဲ့သလဲဆိုတာကိုတော့ သင်္ဘောသားတွေကို မမေးရသေးပါဘူး။ နစ်မြှုပ်သွားတဲ့သင်္ဘောက ဆီယိုဖိတ်မှု ရှိ၊ မရှိ စစ်ဆေးနေပေမယ့် ယိုဖိတ်မှု မတွေ့ရပါဘူး။ ပျောက်ဆုံးသင်္ဘောသားတွေကို ရှာဖို့အတွက် ကမ်းခြေစောင့်တပ်က ရပာတ်ယာဉ်နဲ့ သင်္ဘောကို အဲဒီနယ်မြေကို လွှတ်ထားပါတယ်”ပာု ရှင်းလင်းပြောကြားသည်။

မြန်မာသင်္ဘောနစ်မြှုပ်သည့် ဘိုလီနာအိုမြို့မှ ရေမိုင် ၂၂ မိုင်အကွာ ပင်လယ်ပြင်တွင် နစ်မြှုပ်သွားခြင်းဖြစ်သည်ပာု သိရှိရသည်။ ပနားမားနိုင်ငံတွင် မှတ်ပုံတင်ထားသော My Harita Bauxite သည် သင်္ဘောအဖွဲ့ဝင် ၂၄ ဦးလိုက်ပါကာ ထိုင်းနိုင်ငံမှ အင်ဒိုနီးရှားနိုင်ငံသို့အသွား လမ်းခရီးတွင် ယခုကဲ့သို့ နစ်မြှုပ်ခဲ့ခြင်းဖြစ်သည်။

  ---------------------------------------------------------------------------------------------------------

ရှမ်းပြည်နယ်သည် မူးယစ်ကင်းစင်ဇုန် မဟုတ်သေး

(17 February 2013 ရက်စွဲပါ Bangkok Post မှ Shan still not a drug-free zone ကို ဘာသာပြန်ပါသည်)

photo credit - Nyein Chan Naina

အသက် (၂၈) နှစ်ရှိပြီ ဖြစ်သော စိုင်း သည် ဘောလ်ပင်နှစ်ချောင်း အင်္ကျီထဲတွင် မယူပဲအပြင်သို့မထွက်ပေ။ သို့သော် ထိုဘောလ်ပင်များကို ဘယ်သောအခါမှ စာရေးရာတွင် မသုံးပေ။

ထိုဘောလ်ပင်များကို ၀.၄ စင်တီမီတာရှိသော မက်သာဖက်တမင်းဆေးပြားများ ထည့်သွင်းထားပါသည်။ ထိုင်းနိုင်ငံတွင် အဆိုပါ ဆေးပြားများကို ရာဘဟုခေါ်ပြီး၊ ရှမ်းပြည်နယ်မှ ဒေသခံများကမူ ရာမဟုခေါ်ပြီး မြင်းဆေးဟုလည်းခေါ်ကြပါသည်။ နာမည်ကျော်ဆေးပြားတွင် မြင်းပုံစံကို တံဆိပ်တွင် ထည့်သွင်းထားပြီး ထိုင်းနိုင်ငံရှိဆေးဝါးရောင်းသော ဆိုင်များတွင် အာဟာရထိန်းရန်ဆေးပြား (diet pill) အဖြစ် ရောင်းပါသည်။

(ပါးစပ်ရာဇဝင်တွင်မူ အဆိုပါဆေးသုံးစွဲသူသည် မြင်းကဲ့သို့ သန်စွမ်းသည်ဟု ဆိုပါသည်)

စိုင်း (အမည်လွှဲထားသူ) သည် ရှမ်းပြည်နယ်မှ မူးယစ်ဆေးဝါး ရောင်းဝယ်သူတစ်ဦး ဖြစ်ပါသည်။ လွန်ခဲ့သော ဆယ်နှစ်က ရွှေတြိဂံနယ်မြေသည် ကမ္ဘာပေါ်တွင်အကြီးဆုံး ဘိန်းနှင့်အဆင့်မြင့် ဟီရိုးအင်းရောင်းဝယ်ရာဌာန ဖြစ်ခဲ့ပါသည်။ ယနေ့အချိန်တွင်မူ အရှေ့တောင်အာရှ၏ မက်သာဖက်တမင်း ဆေးပြား အဓိက ထုတ်လုပ်သူဖြစ်လာပါသည်။

ယခုရက်များတွင် စိုင်း သည်၎င်း၏ ဖောက်သည်များကို ပိုမိုစီစစ်ရွေးချယ်လျက်ရှိပါသည်။

“လူတိုင်းကို မရောင်းရဲဘူး။ နယ်မြေခံရဲတွေကို ကျွန်တော်သိပေမယ့် မူးယစ်ဆေးဝါးနှိမ်နင်းရေး တပ်ဖွဲ့ကရဲတွေကို ကျွန်တော်မသိဘူး။ ” ဟု ၎င်းကပြောပါသည်။

မြန်မာအာဏာပိုင်များသည်ပြီးခဲ့သည့်နှစ်က မူးယစ်ဆေးဝါးဖမ်းဆီးရမိမှုတွင် စံချိန်တင်ခဲ့ကြောင်း၊ ကုလသမဂ္ဂ မူးယစ်ဆေးဝါးနှင့် ရာဇဝတ်မှုရုံး (UNODC) ၏ အဆိုအရသိရှိရပါသည်။

ထိုသို့ ဖမ်းဆီးရရှိမှုမြင့်မားရခြင်းသည် ရဲများပို၍ အလုပ်လုပ်ခြင်းကြောင့်လော သို့မဟုတ် မူးယစ်ဆေးဝါး ထုတ်လုပ်မှု မြင့်တက်လာခြင်းကြောင့်လော ဆိုသည်ကို သဲသဲကွဲကွဲ မသိရှိနိုင်ပါ။ သို့သော် ဖမ်းဆီးရမိမှု အများအပြားသည် ရန်ကုန်တွင် ဖြစ်နေရာ ကောင်းမွန်သော သတင်းတစ်ခုမဟုတ်သည်က သေချာပါသည်။

“ဆိုလိုတာက ရဲတွေရဲ့စစ်ဆေးရေးစခန်းတွေ ကောင်းကောင်းအလုပ်မလုပ်လို့ မူးယစ်ဆေးဝါးတွေ ရန်ကုန်အထိရောက်လာတယ်လိူ့ ကျွန်တော်ထင်ပါတယ်။” ဟု ထွန်းနေစိုး ကပြောပါသည်။

ရန်ကုန်သို့ရောက်လာသည့် တရားမဝင် မူးယစ်ဆေးဝါးများမှာ နာမည်ဆိုးဖြင့် ကျော်ကြားသော တရားဥပဒေမရှိသည့် ရှမ်းပြည်နယ်မှ လာပါသည်။

ဘိန်းထုတ်လုပ်မှုသည် ၁၉၉၈ ခုနှစ်တွင် အစိုးရ၏ တိုက်ဖျက်ရေးအစီအစဉ်များကြောင့် အမြင့်ဆုံး တန်ချိန် (၁.၃) သန်းမှ ကျဆင်းလာခဲ့ပါသည်။ ပြီးခဲ့သည့်နှစ်က ထွက်ရှိမှုမှာ ၂၀၁၁ ခုနှစ်ကထက် ၁၇% မြင့်တက်ခဲ့ပြီး တန်ချိန် (၆၉၀) ပိုလာပါသည်။ မြန်မာနိုင်ငံသည် ဒုတိယအကြီးဆုံး စိုက်ပျိုးသူ ဖြစ်နေဆဲ ဖြစ်ပြီး၊ ဟီရိုအင်း တန် (၇၀) နီးပါး ထုတ်လုပ်နိုင်ဆဲဖြစ်ပါသည်။

ရှမ်းပြည်နယ်မှ မူးယစ်ဆေးဝါးထုတ်လုပ်မှုသည် ၂၀၀၀ ခုနှစ်များအစောပိုင်းကတည်းကစ၍ မက်သာဖက်တမင်း ထုတ်လုပ်မှုသို့ ပြောင်းသွားခဲ့ရာ ဘိန်းစိုက်ပျိုးမှုထက် ပိုမိုလွယ်ကူပြီး မြန်ဆန်လာပါသည်။

ရှမ်းပြည်နယ်သည် အရှေ့တောင်အာရှတွင် မူးယစ်ဆေးဝါးအဓိကထုတ်လုပ်သည့် ဌာနချုပ်ဖြစ်လာသည်ဟု UNODC ၏ အဆိုအရ သိရှိရပါသည်။

မူးယစ်ဆေးဝါးထုတ်လုပ်ရေးသည် ဒေသခံသူပုန်များနှင့် ဆက်စပ်မှုရှိပါသည်။ သို့သော် သမ္မတဦးသိန်းစိန်၏ ပြုပြင်ပြောင်းလဲရေးနှင့် ငြိမ်းချမ်းရေးဆွေးနွေးမှုများသည် မူးယစ်ဆေးဝါးကဏ္ဍအတွက် သက်ရောက်မှုများရှိရန် မျှော်လင့်ချက်ရှိပုံမရပေ။

ဦးသိန်းစိန်၏ အစိုးရသည် ၂၀၁၁ ခုနှစ် အာဏာရရှိစဉ်မှစ၍ရှမ်းပြည်နယ်တွင် အဓိကသူပုန်အုပ်စုများ ဖြစ်သော ရှမ်းပြည်တပ်မတော်-မြောက် (SSA-North) ၊ ရှမ်းပြည်နယ်တပ်မတော်-တောင် (SSA-South) ၊ ‘ဝ’ သွေးစည်းညီညွတ်ရေးတပ် (UWSA) နှင့် အမျိုးသား ဒီမိုကရက်တစ်မဟာမိတ်တပ် (NDAA) တို့နှင့် အပစ်အခတ်ရပ်စဲရေး သဘောတူညီချက်လက်မှတ်ရေးထိုးခဲ့ပါသည်။ ၎င်းတို့သည် လက်နက်ကိုင်တော်လှန်ရေးအတွက် မူးယစ်ဆေးဝါး ရောင်းဝယ်ရေးမှ ငွေဖြင့်ထောက်ပံ့ခဲ့ကြပါသည်။

သို့သော် အပစ်အခတ်ရပ်စဲရုံမျှဖြင့် မူးယစ်ဆေးဝါးထုတ်လုပ်ရောင်းဝယ်မှုမှ မက်လုံးကို ဖယ်ရှားနိုင်လိမ့်မည်မဟုတ်ဟု ပညာရှင်များက ပြောပါသည်။

“တိုင်းရင်းသား တင်းမာမှုတွေနဲ့ ဆင်းရဲမွဲတွေမှုက ရှိနေတုန်းပါပဲ။ ဒီ ကိစ္စနှစ်ခုကို မပြောင်းလဲနိုင်သ၍ မူးယစ်ဆေးဝါးလုပ်ငန်းကို တိုက်ဖျက်ဖို့ မစဉ်းစားပါနဲ့” ဟု ထွန်းနေစိုးက ပြောပါသည်။

ယခင် မြန်မာစစ်အစိုးရဟောင်းသည် မူးယစ်ဆေးဝါးတိုက်ဖျက်ရေးကို ၂၀၁၄ တွင် အပြီးပြုလုပ်ရန် ရည်မှန်းချက်ထားပြီး၊ တိုင်းပြည်ကို မူးယစ်ဆေးဝါးကင်းစင်ဇုန်ဖြစ်ရန် ပြုလုပ်လိုခဲ့ကြပါသည်။

သို့သော် ရှမ်းပြည်နယ်မှ အခြေအနေမှန်ကို သဘောပေါက်သည့်အလျောက် အစိုးရသည် ၂၀၁၄ မှ ၂၀၁၉ သို့တိတ်တဆိတ်ပြောင်းရွှေ့ခဲ့ကြောင်း မြန်မာနိုင်ငံမူးယစ်ဆေးဝါးဆန့်ကျင်ရေးအဖွဲ့ ဥက္ကဋ္ဌ ဦးစောနွေ ကပြောပါသည်။

ပြီးခဲ့သည့် ဆယ်စုနှစ်က အစိုးရသည် ဘိန်းစိုက်ပျိုးရေးတွင် အာရုံပြု၍ ဘိန်းစိုက်ပျိုးရာသီတွင် ဘိန်းခင်း (၂၉၂၉၀) ဟက်တာခန့်ကို ဖျက်ဆီးခဲ့သည်ဟု ရဲက ရှင်းပြပါသည်။

သို့သော် ရှမ်းပြည်နယ်မှ စီးပွားရေးအခြေအနေမှန်များအရ လူနေမှုဘဝတိုးတက်ရေးအတွက် လုပ်ဆောင်နိုင်သည့် ရွေးချယ်စရာနည်းလမ်း နည်းပါးလှပါသည်။ ဘိန်းခင်းများကို ဖျက်ဆီးရုံမျှဖြင့် မူးယစ်ဆေးဝါးထုတ်လုပ်မှုကို မြေလှန်ပစ်နိုင်လိမ့်မည်မဟုတ်ပေ။

“ရှမ်းပြည်နယ်လိုနေရာမျိုးမှာ ပထဝီအနေအထားအရ ဘာမှလုပ်လို့မရပါဘူး။ ဝင်ငွေအတွက် တရားမဝင်လုပ်ငန်းတွေသာ လုပ်ရပါတယ်” ဟု ထွန်းနေစိုးက ပြောပါသည်။ ဒေသခံများကလည်း တစ်သဘောတည်း ဖြစ်ပါသည်။

“ရှမ်းပြည်နယ်မှာ အလုပ်အကိုင်အခွင့်အလမ်း နည်းပါးတယ်။ ရှိတဲ့အလုပ်ကလည်း လခကောင်းကောင်း မပေးနိုင်ပါဘူး။ ဒါ့ကြောင့် မူးယစ်ဆေးဝါး အရောင်းအဝယ်လုပ်ရပါတယ်။ မူးယစ်ဆေးဝါး ထုတ်လုပ်သူရော ရောင်းဝယ်သူပါ အကျိုးအမြတ်ကောင်းကောင်းရပါတယ်” ဟု ၎င်းက ပြောပါသည်။

စိုင်း သည် မက်သာဖက်တမင်းဆေးပြားများကို တစ်ပြားလျှင်ကျပ် ၄၀၀၀ မှ ၂၀၀၀၀ (၁၇၅-၇၀၀ ဘတ်) အတွင်းရောင်းချရာ တစ်ရက်လျှင်လုပ်ခ (၆၀) ဘတ်သာရှိသော တိုင်းပြည်တွင် အမြတ်ကောင်းစွာရသည်ဟု ဆိုနိုင်ပါသည်။

“ဒီမှာ မူးယစ်ဆေးဝါးစွဲနေတဲ့ လူငယ်တွေရော၊ အလုပ်သမားတွေရော အများကြီးရှိပါတယ်။ ဘိန်းခင်း အတော်များများကလည်း လက်နက်ကိုင် သူပုန်တွေချုပ်ကိုင်ထားတဲ့ နယ်မြေတွေမှာရှိပါတယ်” ဟု အမည်မဖော်လိုသူ ရှမ်းပြည်နယ်မှ ရွာခံတစ်ဦးကပြောပါသည်။

သို့သော် အကယ်၍ အစိုးရသည် ကျန်ရှိသော လက်နက်ကိုင်အုပ်စုများကို အပစ်အခတ်ရပ်စဲရေးအတွက် ဆွဲဆောင်နိုင်ခဲ့မည်ဆိုလျှင်တောင် မူးယစ်ဆေးဝါးထုတ်လုပ်မှုကို လျော့ချနိုင်လိမ့်မည်ဆိုသည်မှာ သံသယဖြစ်ဖွယ်ရှိပါသည်။

“သူပုန်တွေဟာ နယ်ခြားစောင့်တပ်ဖြစ်သွားလို့ မြန်မာစစ်တပ်အောက်ရောက်သွားခဲ့ရင်၊ ရဲတွေအတွက် သူတို့ကိုထိဖို့ ပိုခက်သွားလိမ့်မယ်” ဟု UNODC မှ ထွန်းနေစိုးက ပြောပါသည်။

“ကျွန်တော်ကတော့ အပစ်အခတ်ရပ်စဲရေးဟာ မူးယစ်ဆေးဝါးနှိမ်နင်းရေးအတွက် အထောက်အကူ ဖြစ်မယ်ဆိုတာကို အကောင်းမြင်ကြည့်လို့ မရပါဘူး” ဟု ၎င်းကပြောပါသည်။

-------------------------------------------------------------------------------------------------------------------

ကေအိုင်အေနှင့် ဆက်သွယ်သည်ဟု သံသယရှိသူများကို တပ်မတော်က ဖမ်းဆီးနှိပ်စက်နေခြင်းအပေါ် ကုလသမဂ္ဂ စိုးရိမ်

(AFP News မှ 17 feb 2013 ရက်စွဲပါ “Myanmar torturing Kachin rebel suspect : UN” သတင်းကို ဘာသာပြန်ဆိုသည်)

photo credit - AFP

မြန်မာနိုင်ငံမြောက်ဖျားတွင် ကချင်သူပုန်ဟု စွပ်စွဲခံရသူများကို မြန်မာ့တပ်မတော်က ဥပဒေမဲ့ဖမ်းဆီး နှိပ်စက်နေမှုများအပေါ် စိုးရိမ်မိကြောင်း ကုလသမဂ္ဂ ကိုယ်စားလှယ်က မနေ့က ထုတ်ဖော်ပြောဆိုလိုက်ပြီး တိုက်ပွဲများကို အဆုံးသတ်အောင် ဆက်လက်ကြိုးပမ်းကြရန် တိုက်တွန်း တောင်းဆိုခဲ့ပါသည်။

မြန်မာနိုင်ငံ၏ ကျယ်ကျယ်ပြန့်ပြန့် နိုင်ငံရေးပြောင်းလဲတိုးတက်မှုများကို ထိခိုက်စေသော ကချင်ပြည်နယ်မှ တိုက်ပွဲများရပ်ဆိုင်းသွားစေရန် ရည်ရွယ်သော မကြာသေးမှီက ရွှေလီမြို့ဆွေးနွေးပွဲကို ကုလ လူ့အခွင့်အရေးကိုယ်စားလှယ် သောမတ်အိုဂျာ ကင်တာနာက ကြိုဆိုလိုက်ပါသည်။

သို့သော် တပ်မတော်နှင့် ကေအိုင်အေအကြား ၁၇ နှစ်ကြာအပစ်အခတ်ရပ်စဲမှု ကျိုးပေါက်သွားခဲ့သည့် ၂၀၁၁ ဇွန်လ နောက်ပိုင်းပြင်းထန်သော တိုက်ပွဲများကြောင့် ဒေသခံပြည်သူထောင်ပေါင်းများစွာ အိုးမဲ့အိမ်မဲ့ ဖြစ်ရသည်အထိ သက်ရောက်မှု ကြီးမားခဲ့ခြင်းကို ကင်တာနာ က ထောက်ပြပြောဆိုသည်။

မြစ်ကြီးနားအကျဉ်းထောင်သို့သွားရောက်ပြီးနောက်တွင် ကင်တာနာက “ကချင်အမျိုးသားများကို ကေအိုင်အေနှင့် ဆက်သွယ်သည်ဟူသော စွပ်စွဲချက်ဖြင့် မတရားဖမ်းဆီးနှိပ်စက်စစ်ဆေးနေသော လုပ်ရပ်များ အပေါ် စိုးရိမ်ပူပန်ကြောင်း” ထုတ်ဖော်ပြောကြားသည်။

မြန်မာနိုင်ငံတစ်နံတစ်လျား ခရီးဆန့်ခဲ့သော ကုလ ကိုယ်စားလှယ်က “ကချင်ပြည်နယ်တွင် အစိုးရတပ် အင်အားကြီးမားစွာ တပ်စွဲထားခြင်းသည် လူ့အခွင့်အရေး ဆိုးဆိုးဝါးဝါး ချိုးဖောက်မှုများဆက်လက်ဖြစ်ပွားနေ ခြင်းပင် ဖြစ်သည်။” ဟု ပြောကြားသည်။

မြန်မာအစိုးရက တစ်ဖက်သတ်အပစ်ရပ်ကြောင်း ယခင်လက ကြေညာထားသောငြားလည်း တရုတ်-မြန်မာ နယ်နိမိတ်မျဉ်းနှင့် ကပ်လျက် ကေအိုင်အေဌာနချုပ်နယ်မြေကို ထိန်းချုပ်ရန်အတွက် အရေးပါသော တောင်ကုန်းများကို တိုက်ခိုက်သိမ်းယူခြင်းနှင့်အတူ တိုက်ပွဲများ ဆက်လက် ဖြစ်ပွားလျက်ရှိသည်။

ကိုယ်ပိုင်အုပ်ချုပ်ခွင့်အတွက် တိုက်ပွဲဝင်ရင်း နိုင်ငံရေးအခွင့်အရေးကို ထည့်သွင်းဆွေးနွေးရန် တောင်းဆိုနေသော ကချင်သူပုန်အဖွဲ့က ယခုလအစောပိုင်း ရွှေလီမြို့တွင် ကျင်းပသော ဆွေးနွေးမှုများကို အကန့်အသတ်ရှိနေသော ခြေလှမ်းတစ်ခုဟုသာ ရှုမြင်ကြပါသည်။

အခြား လက်နက်ကိုင်အဖွဲ့များပါဝင်ကြမည့် ဆွေးနွေးပွဲကိုမူ များမကြာမီ ရက်ပိုင်းအတွင်း ထိုင်းနိုင်ငံမြောက်ပိုင်း၌ ကျင်းပရန်စီစဉ်နေကြောင်း သိရှိရသည်။

ကာလရှည်ကြာ စစ်အုပ်ချုပ်ရေးကို ပြည်ဖုံးကားချကာ အုပ်ချုပ်ရေးပုံစံအသစ်ကို မိတ်ဆက်ပေးခဲ့သော သမ္မတဦးသိန်းစိန်အစိုးရသည် ကချင်အုပ်စုမှ လွဲလျှင် အခြားလက်နက်ကိုင်အဖွဲ့ကြီးများနှင့် အပစ်ရပ် သဘောတူညီချက်များရရှိထားပြီး ဖြစ်သည်။

အစိုးရနှင့် ကချင်အုပ်စုအကြား အကြိမ်ကြိမ်ဆွေးနွေးမှုများမှာမူ တိုက်ပွဲများကို အဆုံးသတ်နိုင်ခြင်း မရှိသေးပေ။

ကုလ လူ့အခွင့်အရေးကိုယ်စားလှယ် ကင်တာနာက ဆက်လက်၍ “လက်ရှိ တိုက်ခိုက်မှုများ ရပ်ဆိုင်းသွားအောင် မဖြေရှင်းပါက ဒေသခံစွန့်ခွာ ထွက်ပြေးသူများ၏ ယာယီဒုက္ခသည်စခန်းများသည် အမြဲတမ်း ဒုက္ခသည်စခန်းဖြစ်လာလိမ့်မည် ဖြစ်ကြောင်း၊ သူပုန်ထိန်းချုပ်နယ်ေ)