Transparency Myanmar

transparency.myanmar@gmail.com

yangonchronicle 2011
yangonchronicle 2011

၅.၄.၂၀၁၁

ပြည်တွင်းသတင်းများ

ထားဝယ်အထူးစီးပွားရေးဇုန် အထောက်အကူပြုအဖွဲ့ ဖွဲ့စည်း

ဧပြီ ၄။

ထားဝယ် အထူးစီးပွားရေးဇုန်စီမံကိန်းတွင် အီတာလျံထိုင်း ကုမ္ပဏီလီမိတက်နှင့်အတူ အစိုးရဝန်ကြီးဌာနများမှ ကိုယ်စားလှယ်များ ပူးပေါင်းပါဝင် သည့် အထောက်အကူပြုလုပ်ငန်းအဖွဲ့ကို စတင်လုပ်ကိုင်ဆာင်ရွက်နေပြီ ဖြစ်ကြောင်း သတင်းရရှိသည်။

အဆိုပါအဖွဲ့တွင် ကြေးတိုင်နှင့် မြေစာရင်းဦးစီးဌာန၊ လူဝင်မှုကြီးကြပ်ရေး နှင့် ပြည်သူ့အင်အားဦးစီးဌာန၊ ရှေ့နေ ချုပ်ရုံး၊ အကောက်ခွန်ဦးစီး ဌာန၊ ကုန်သွယ်ရေးညွှန်ကြားမှု ဦးစီးဌာန၊ အလုပ်သမား ညွှန်ကြားရေးဦးစီးဌာန၊ ကုန်းလမ်းပို့ဆောင်ရေး ဦးစီးဌာန၊ မြို့ရွာနှင့် အိုးအိမ်ဖွံ့ဖြိုးရေးဦးစီးဌာန၊ စည်ပင်သာယာရေးဦးစီးဌာန၊ မြန်မာနိုင်ငံ ရဲတပ်ဖွဲ့ဌာနချုပ်၊ နိုင်ငံခြားစီးပွား ဆက်သွယ်ရေးဦးစီးဌာန၊ တနင်္သာရီ တိုင်းဒေသကြီး အေးချမ်းသာယာရေး နှင့် ဖွံ့ဖြိုးရေးကောင်စီ၊ အီတာလျံထိုင်း အများပိုင် ကုမ္ပဏီလီမိတက်၊ ဒေသခံ မြန်မာကုမ္ပဏီများ၊ စီမံကိန်းတွင် လုပ်ငန်းပါဝင်လုပ်ကိုင်နေသူ ကန်ထရိုက် လုပ်ငန်းများမှ ကိုယ်စားလှယ်တစ်ဦးစီ ပါဝင်ကြောင်း သိရသည်။

အဆိုပါအဖွဲ့၏ အတွင်းရေးမှူးအဖြစ် မြန်မာ့ဆိပ်ကမ်းအာဏာပိုင်မှ ဒုတိယအင်ဂျင်နီယာချုပ် ဦးစိုးသိန်းက ဆောင်ရွက်သည်။

ယခု ဖွဲ့စည်းထားသော ထားဝယ် အထူးစီးပွားရေးစက်မှုဇုန် အထောက်အကူပြုအဖွဲ့တွင် တစ်ခုအပါအဝင်ဖြစ်သော အလုပ်သမား ညွှန်ကြား ရေးဦးစီးဌာနကလည်း ထိုဒေသရှိ အလုပ်သမားများအတွက် လိုအပ်သည့် အလုပ်သမားကတ်များ ထုတ်ပေးနိုင်ရန် ဆောင်ရွက်ပေးမည် ဖြစ်ကြောင်း အဖွဲ့ဝင်တစ်ဦးက ပြောကြားသည်။

ထိုင်းနိုင်ငံမှ အီတာလျံထိုင်း အများပိုင်ကုမ္ပဏီ၏ စီမံကိန်းမန်နေဂျာအား မေးမြန်းရာတွင် အဆိုပါအဖွဲ့နှင့် ပူးပေါင်းဆောင်ရွက်နေသည်မှာ မှန်ကန်ကြောင်းနှင့် အခြားသတင်း အချက်အလက်များကိုမူ ပြောဆိုရန် ငြင်းဆိုခဲ့သည်။

-------------------------------------------------------------------------------------------------------------

ထားဝယ်ရေနက်ဆိပ်ကမ်းစီမံကိန်းမြေနေရာအား BOT စနစ်ဖြင့် ငှားရမ်းထား

ဧပြီ ၄။

ထားဝယ်ရေနက်ဆိပ်ကမ်းစီမံကိန်းအတွက် ငှားရမ်းထားသည့် မြေဧက ၁,၆၀,၀၀၀ အား  Italian - Thai Public Co, Ltd  ကုမ္ပဏီအား BOT စနစ်ဖြင့် ငှားရမ်းထားကြောင်း အဆိုပါ ကုမ္ပဏီ၏ ထုန်ပြန်ချက်အရ သိရသည်။

အဆိုပါ စီမံကိန်း ဆောင်ရွက်ရာတွင် လုပ်ငန်းခွင်နှင့် လွတ်ကင်းမှု မရှိသည့် ကျေးရွာများကို ပြန်လည်နေရာချထားပေးရန် အဓိက ရည်ရွယ်၍  ၎င်း BOTစနစ်ဖြင့် ငှားရမ်းထားခြင်းဖြစ်ကြောင်း သိရသည်။

အဆိုပါ စီမံကိန်းနှင့် မလွတ်ကင်းသည့် ကျေးရွာ ၁၉ ရွာရှိပြီး ထားဝယ်မြစ် အနောက်ဘက်အခြမ်းရှိ ကျေးရွာများ အပါအဝင် ခမောက်ချောင်း ကျေးရွာ၊ ဝက်ချောင်း ကျေးရွာ၊ ဧကနိကျေးရွာ၊ ဘေဇွန်းကျေးရွာနှင့် ရေဖြူအနောက်ဘက်ခြမ်း ကျေးရွာများ ပါဝင်ကြောင်း။ လမ်းဖောက်လုပ်ခြင်းဆိုင်ရာ လုပ်ငန်းများနှင့် မလွတ်ကင်း၍ ပြောင်းရွှေ့ပေးရမည့် နှစ်ရှည်ဥယျာဉ်ခြံများမှ ရော်ဘာ၊ သီဟိုဠ်နှင့် ကွမ်းပင်များအတွက် သက်တမ်းအလိုက် နစ်နာကြေး ပေးရန် စီစဉ်ဆောင် ရွက်လျက်ရှိကြောင်း၊ နှစ်ရှည်ပင်များအတွက် တစ်ပင်ချင်း သက်တမ်းအလိုက် လျော်ကြေးပေးသွားမည် ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားသည်။

(The Myanmar Post  ဂျာနယ် အတွဲ (၃)၊ အမှတ် (၁၄)၊တွင် ပါသည့်  “ထားဝယ်ရေနက်ဆိပ်ကမ်းစီမံကိန်းအတွက် BOTစနစ်ဖြင့် မြေဧက ၁,၆၀, ၀၀၀အား ငှားရမ်းထားကြောင်း Italian – Thai ကြေညာ” သတင်းကို အကျဉ်းချုပ်သည်။)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ရပ်ကွက်၊ မြို့နယ် အုပ်ချုပ်သည့် ဝန်ထမ်း ပထမဆုံးအကြိမ် လစာရတော့မည်

ရန်ကုန်၊ဧပြီ ၄။

ယခုနှစ် မတ်လ ၃၀ရက်နေ့မှ စ၍ အုပ်ချုပ်ရေးမှူးများ အဖြစ်ပြောင်းလဲလိုက်ပြီး ပထမဆုံးအကြိမ် လုပ်ခလစာကို အုပ်ချုပ်ရေးမှူးအသစ် ရွေးချယ်ခန့်အပ်ထားအပြီးတွင် ပေးမည်ဟု ယခင် ရပ်ကွက်အေးချမ်းသာယာရေးနှင့် ဖွံ့ဖြိုးရေးကောင်စီ အသိုင်းအဝိုင်းမှ စုံစမ်းသိရသည်။

အုပ်ချူပ်ရေးမှူးတစ်ဦး၏ လစာမှာ ကျပ် ၅၀၀၀၀မှ ၁၀၀၀၀၀ကြားတွင် ရှိမည်ဖြစ်ကြောင်း၊ စာရင်းကိုင်များနှင့် ရပ်ကွက်ရုံးဆိုင်ရာ တာဝန်ရှိသူ များမှာ ကျပ် ၅၀၀၀၀ ပတ်ဝန်းကျင်တွင် ရရှိမည်ဖြစ်ကြောင်း၊ အုပ်ချုပ်ရေးမှူးများအဖြစ် ပြောင်းလဲခန့်အပ်မည့်သူများမှာ တက္ကသိုလ်မှ ဘွဲ့တစ်ခုခု ရရှိထား ရမည်ဖြစ်ကြောင်း၊ အသိုင်းအဝိုင်းကောင်းသော အုပ်ချူပ်ရေးမှူးများအတွက်မူ ဖုန်းတစ်လုံးပါ ချထားပေးကြောင်း အလုံမြို့နယ်ရှိ ရာအိမ်မှူးတစ်ဦးက ပြောကြားသည်။

ယခင်က ဤကဲ့သို့လစာပေးခြင်းများ မရှိစဉ်ကမူ ရပ်ကွက်ဥက္ကဋ္ဌများသည် ရုံးလုပ်ငန်းများ လည်ပတ်နိုင်ရန်အတွက် ဝင်ငွေများရရှိအောင် လုပ် ဆောင်ကြရကြောင်း၊ ထို့ကြောင့် လာဘ်စားမှုများ မကြာခဏဖြစ်ပေါ်တတ်ပြီး ဥက္ကဋ္ဌနေရာမှာလည်း အပြောင်းအလဲများလှကြောင်း၊ ယခုကဲ့သို့ ထိုက်တန် သည့်လစာများဖြင့် ခန့်ထားမည်ဖြစ်သောကြောင့် ယင်းကဲ့သို့ ပြဿနာများပေါ်ပေါက်လာနိုင်ခြင်းများ နဲပါးသွားမည်ဟု ဥက္ကဋ္ဌဟောင်းတစ်ဦးက သုံးသပ် ပြောကြားခဲ့သည်။

The CJs News         

-------------------------------------------------------------------------------------------------------------

သတင်းဂျာနယ်များသည် စောင့်ကြည့်ဆဲကာလကို ဖြတ်သန်းနေဆဲဟုဆို

ဧပြီ ၄ ရက်။

မြန်မာနိုင်ငံတွင် နိုင်ငံရေး၊ စီးပွားရေးကဏ္ဍများကို အသားပေးဖော်ပြနေကြသော သတင်းဂျာနယ်များသည် အာဏာပိုင်တို့၏ စောင့်ကြည့်ဆဲ ကာလကို ဖြတ်သန်းနေရကြောင်း ပြန်ကြားရေးဝန်ကြီးဌာနမှ အကြီးတန်း တာဝန်ရှိသူတစ်ဦး က ဆိုသည်။

အဆိုပါ တာဝန်ရှိသူက “အစိုးရသစ်မလာခင် သတင်းဂျာနယ်တွေကို စိစစ်ရေးမတင်ဘဲ Deposit တင်ရမယ်ဆိုပြီး သတင်းထွက်ခဲ့တယ်။ တကယ့် အဖြစ်ကတော့ သတင်းဂျာနယ်တွေကို Cancle လုပ်လိုက်တယ်။ ဖွင့်ပေးလိုက်တဲ့အခါကျတော့ သတင်းဂျာနယ်တွေကို ချန်လှပ်ဖို့ အမိန့်ရောက်လာတယ်။ အစိုးရအသစ်ပေါ်လာပြီး ပထမဆုံးပြုလုပ်တဲ့ ပြန်ကြား ရေးဝန်ကြီးဌာန အကြီးတန်းအစည်းအဝေးမှာ ဝန်ကြီးက သတင်းဂျာနယ်တွေကို စေင့်ကြည့်ရမယ်။ သိပ်လျော့ပေးလို့ မရ သေးဘူးလို့ ပြောတယ်”ဟု ပြောကြားသည်။

“ကာလအတိုင်းအတာ ဘယ်လောက်အထိ စောင့်ကြည့်မယ်ဆိုတာကိုတော့ အစည်းအဝေးမှာ ဘာမှမပြောသွားဘူး”ဟု အဆိုပါ ပုဂ္ဂိုလ်က ဆက် လက်ပြောကြားသည်။

အစိုးရသစ် မဖွဲ့စည်းခင် ရက်ပိုင်းအလိုတွင် နိုင်ငံရေး၊ စီးပွားရေး၊ လူမှုရေးကဏ္ဍများအား အသားပေးဂျာနယ်များ ကို ဖြေလျော့ပေးခြင်းမရှိဘဲ အခြား ရသစာပေများကို ထုတ်လုပ်ပြီးမှသာ စာပေစိစစ်ရေးသို့ တင်ပြရသောစနစ်ကို ကျင့် သုံးခဲ့သည်။

စာပေထုတ်ဝေရေးလုပ်ငန်း လုပ်ငန်းဆောင်ရွက်နေသူတစ်ဦးအား ဆက်သွယ်မေးမြန်းရာတွင် “ အစိုး ရသစ်အနေနဲ့တော့ ဒီမိုကရေစီစနစ်လို့ လည်း ပြောနေပြီဆိုရင် မီဒီယာကိုတော့ လွတ်လပ်ခွင့်ပေးမယ်။ နိုင်ငံတစ်ခုအနေနဲ့ မပေးသေးဘူးဆိုရင်တော့လည်း အတိုင်းအတာတစ်ခုအထိတော့ လွတ် လပ်ခွင့်ပေးရမယ်။ မီဒီယာအနေနဲ့ ဒီမိုကရေစီ စည်းဘောင်တွေကနေပြီး သိက္ခာရှိတဲ့ မီဒီယာတွေအနေနဲ့ တစ်ရပ်ဖြစ်အောင် နေသင့်ပါတယ်” ဟု ပြန်လည် ဖြေကြားခဲ့သည်။

ကျော်စွာ

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ကျွန်တော်တို့အနေနဲ့ကတော့ အစိုးရက အတိုင်းအတာတစ်ရပ်အထိ ထိန်းသိမ်းပံ့ပိုးဆောင်ရွက်ပေးတဲ့ ဈေးကွက်စီးပွားရေး စနစ်မျိုးကို ရည်မှန်းပါတယ်။ ဝင်ထိန်းပေးမယ်ဆိုတာလည်း ဈေးကွက်ရဲ့လွတ်လပ်မှုကို ထိန်းချုပ်လိုတဲ့ သဘောမျိုးမဟုတ်ဘဲ အရင်းရှင်၊ ဓနရှင်ကြီးများ၊ အခွင့်ထူးခံများက လက်ဝါး ကြီး အုပ်ခြယ်လှယ်တာမျိုး မဖြစ်စေရအောင် ထိန်းကျောင်းတည့်မတ်ပေးတာမျိုးကိုသာ ရည်ရွယ်ပါတယ်။ အမျိုးသားအကျိုးစီးပွားကို အခြေခံပြီး ဝင် ရောက်ထိန်းကျောင်းမှု မျိုးသာ လုပ်သွားမှာဖြစ်တဲ့အပြင် တက်နိုင်သမျှ ဝင်ရောက်စွက်ဖက်မှု၊ ထိန်းချုပ်မှု အနည်းဆုံးဖြစ်အောင် ရပ်တည်ဆောင် ရွက်သွား မှာဖြစ်ပါတယ်"

(ဧပြီ ၄ ထုတ်မ The VOICE weekly အတွဲ(၇) အမှတ် (၁၇) တွင်ပါသည့် အခွင့်ထူးခံများ လက်ဝါးကြီးအုပ် ခြယ်လှယ်မှုမဖြစ်စေရန် ထိန်းကျောင်းမည်ဟု သမ္မတပြောကြား သတင်းမှ ကောက်နှုတ်ချက်)

-------------------------------------------------------------------------------------------------------------

မဟာသင်္ကြန်ရက်ကာလအတွင်း ယဉ်ကျေးမှုနှင့်  ဆန့်ကျင်သော သရုပ်ပျက်ဝတ်စား ဆင်ယင်မှုများ၊ ပြောဆိုနေထိုင်ခြင်းများ တွေ့ရှိပါက ဗီဒီယိုကင်မရာ များဖြင့် ရိုက်ကူးမှတ်တမ်းတင်၍ အရေးယူသွားမည်။ သရုပ်ပျက်ယဉ်ကျေးမှုနှင့် မဆီလျော်သော ပြုမူဝတ်စားဆင်ယင်မှုများ ကြပ်မတ်စစ်ဆေး မှတ်တမ်း တင် ဆပ်ကော်မတီကို ဖွဲ့စည်းထားကြောင်း သိရသည်။

(ဧပြီ ၄ ထုတ် Favourite news အတွဲ(၂) အမှတ် (၆၂) တွင်ပါသည့် " သရုပ်ပျက်လို့ကတော့ ရုတ်တရက် စစ်မယ် " သတင်းမှ ကောက်နှုတ် ချက်)

-------------------------------------------------------------------------------------------------------------

"အသေးစားချေးငွေ ထုတ်ချေးဖို့  ကျေးရွာဖွံ့ဖြိုးရေးကော်မတီဖွဲ့စည်းပြီး ကော်မတီရဲ့ အစီအစဉ်နဲ့ သင့်လျော်သလို ထုတ်ချေးမှာပါ။ ကာလကတော့ တိတိကျကျ မသတ်မှတ်ပါဘူး။ လုပ်ငန်းအလိုက် ထုတ်ချေးတဲ့ပမာဏ ကွာသလို ပြန်ဆပ်ရမယ့် ကာလလည်း ကွာခြားပါတယ်၊ မြန်မာနိုင်ငံ စီးပွားစီမံ အမှု ဆောင်အဖွဲ့ (MBE) ရဲ့ စီမံကိန်းက ကျေးလက်ဒေသ ဖွံ့ဖြိုးရေးဖြစ်လို့ အမြတ်အစွန်း အဓိကမထားပါဘူး။ အခြားကျန်ရှိတဲ့ မြို့ရွာတွေမှာလည်း အသေးစားချေးငွေ ထုတ်ချေးဖို့ စီ စဉ်နေပါတယ်"

(ဧပြီ ၆ ထုတ် NEWSWATCHS အတွဲ(၆) အမှတ် (၃၈) တွင်ပါသည့် " အသေးစားချေးငွေများကို မြို့ရွာများသို့ တိုးချဲ့ ပေးရန် စီစဉ်နေ" သတင်းမှ MBE အဖွဲ့မှ ဥက္ကဋ္ဌ ဦးမြင်မောင်ထွန်း၏ ပြောကြား ချက်အပေါ် ကောက်နှုတ်ချက်)

-------------------------------------------------------------------------------------------------------------

"ပုဂ္ဂလိကကျောင်းတွေ ပေါ်လာတာတော့ ဟုတ်ပါပြီ။ ဒါပေမယ့် ဒီကျောင်းတွေကိုထားနိုင်တဲ့ လူတန်းစားက ဘယ်လောက်ရှိမှာလဲ။ တစ်နိုင်ငံလုံး ကျောင်းသားဦးရေရဲ့ တစ်ရာခိုင်နှုန်း၊ နှစ်ရာခိုင်နှုန်းပေါ့။ တကယ်တမ်း နိုင်ငံဖွံ့ဖြိုးတိုး တက်ရေး အတွက်ဆိုရင်တော့ တစ်နိုင်ငံလုံးက ကျောင်းသားတွေရဲ့ ပညာရေး အဆင့်အတန်းမြင့်မားဖို့လိုပါတယ်။ ဘုန်းတော်ကြီး သင်ပညာရေး ကျောင်းတွေ အပါအဝင်ပေါ့"

(ဧပြီ ၅ ထုတ် TRUE NEWS အတွဲ(၃) အမှတ် (၃၂) တွင်ပါသည့် ဆောင်းပါးရှင် ညီခန့်(I.News) ၏ " အပြောင်းအလဲ တွေဖြစ်လာနိုင်တဲ့ ပညာရေး" ဆောင်းပါးမှ ကောက်နှုတ်ချက်)

××××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

လွန်ခဲ့သော ၇၆နှစ်က ငြင်းခုံပွဲတစ်ခုကို နှစ်ဆယ်တစ်ရာစုသို့ ခေါ်ကြည့်ခြင်း

လွန်ခဲ့သောနှစ်ပေါင်း ၇၆ နှစ်ခန့် ၁၉၃၅ ဧပြီလထုတ် ဂန္တလောက မဂ္ဂဇင်းတွင် ရန်ကုန်တက္ကသိုလ်ကျောင်းသား ကိုသန့်က ကျောင်းသား၊ ကျောင်းသူများ ကျောင်းတွင် တူညီဝတ်စုံ ဝတ်သင့်သည်ဟူသော အချက်နှင့်ပတ်သက်၍ "ကျောင်းတွေမှာ လွတ်လပ်စွာ ဝတ်စားဆင်ယင်မှုသည် အလွန် တရာ အရေးကြီးကြောင်း ကျွန်တော်ယုံကြည်သည်။ လွတ်လပ်သော ပတ်ဝန်းကျင်၏ အမှတ်အသားဖြစ်သည်။ ကျွန်တော်တို့ကျောင်းများ၌ ခက်ခဲစွာ ဆန့်ကျင်တိုက်ခိုက်နေရသောအချက်မှာ လူ့ဘဝတွင် ပုံစံကိုက်ပြုလုပ်မှုပင် ဖြစ်သည်။ ယင်းပုံစံကိုက်ပြုလုပ်မှုကို ကြီးထွားခွင့်ပြုလိုက်သည်နှင့် တစ်ပြိုင် တည်း ၎င်းသည် လူ့ဘောင်ကြီးကို ဖျက်ဆီးချေတော့မည်"  ဟူ၍ ရေးသားခဲ့လေသည်။

ကိုသန့်၏ ရေးသားချက်ကို ပြန်လည်ချေပရေးသားသည့် ဆောင်းပါးမှာ နောက်လထုတ် ဂန္တလောကမဂ္ဂဇင်းတွင် ပါလာသည်။ ရေးသူကား ကျောင်းသားခေါင်းဆောင်း ကိုအောင်ဆန်း။ "ကျွန်တော်တို့၏ အမိနိုင်ငံအတွက် ညီရင်းအကိုကဲ့သို့ တစိတ်တသဘောတည်း၊ တညီတညွတ်တည်း ပူးတွဲ သစ္စာရှိမှုကို ကျွန်တော်တို့နှစ်သက်သည်။ အထူးသဖြင့် ပြည်တွင်းဖြစ်အထည်တွေကို ဝတ်ရမည်။ အရေးပါအရာရောက်အောင်လုပ်ရမည်။ ဤနည်းဖြင့် လွတ်လပ်ရေးဟူသည်၊ အမျိုးသားပန်တိုင်အဖြစ် ကျွန်တော်တို့နှင့် ရင်အုပ်မကွာရှိလာမည်။ လွတ်လပ်စွာ ဝတ်စားဆင်ယင်ရေးဟူသည်မှာ လွတ်လပ်သော ပတ်ဝန်းကျင် အရသာထက်၊ ဝါကြွားမှု၊ ပလွှားမှုများအတွက် အလိုလိုက်မှု စည်းစိမ်ခံစားမှုများအတွက်သာ အထောက်အကူပြုချိမ့်မည်၊ လူ့ဘဝ၏ ပုံစံ ကိုက် ပြုလုပ်သူများသည်၊ အမျိုးသားလွတ်မြောက်ရေးအတွက် အကြွင်းမဲ့ လိုအပ်သောအရာများ ဖြစ်သည်ဟု ကျွန်တော်နားလည်သည်၊ ပင်နီအကျီ ထူလ ပြစ်ကြီးများသည်၊ သက်တောင့်သက်သာမရှိဟု ဦးသန့်က စောဒကတက်မည်လော။ ကျွန်တော်မထင်ပါ။ ကျွန်တော်သိရသလောက် ဦးသန့်သည်လည်း အမျိုးသားရေးဝါဒသမား ပင်ဖြစ်သည်" ဟူ၍ဆိုလေသည်။

သို့နှင့် ကိုသန့်၏ဖြေဆိုချက်သည် နောက်လမှာ ပါလာပြန်လေသည်။ ပညာရေးလောကနှင့်ပတ်သက်ပြီး သခင်အောင်ဆန်းကို မေးခွန်း ထုတ်သည်။ "ကိုအောင်ဆန်းသည် လူပြိန်းအမြင်ကို တင်ပြလာသည်။ ကျွန်တော်အနေဖြင့် ပြဿနာတစ်ရပ်ကို လူတွေပညာတက်အောင် သင်ပေးနေသူ တယောက်၏ ရှုထောင့်မှ ကြည့်မြင်သုံးသပ်သည်" ဟူ၍ ပြန်လည်ရေးသားခဲ့လေသည်။ ဤကဲ့သို့ အပြန်အလှန်ရေးသား ငြင်းခုံခဲ့သူနှစ်ဦးမှာ နောင်ကမ္ဘာသိ မြန်မာ့သားကောင်းများ ဖြစ်လာကြသည့် အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် ကမ္ဘာ့ကုလသမဂ္ဂ အထွေထွေအတွင်းရေးမှူး ဦးသန့်တို့ ဖြစ်ကြသည်ကို စာဖတ်သူအများ သိနှင့်ပြီးသား ဖြစ်လေသည်။

နှစ်ဦးစလုံး၏ ပြေဆိုချေပချက်များကို သရုပ်ခွဲစိစစ်ကြည့်ပါက ဒီမိုကရေစီ၏ အဓိကစံတစ်မျိုး ဖြစ်သည့် စုစည်းခြင်းနှင့် ကွဲပြားခြားနားခြင်း (Unity and Diversity) သဘောတရားကို ရောင်ပြန်ဟပ်လေသည်။ ဗိုလ်ချုပ်အောင်ဆန်း၏ အဓိက ဆိုလိုရင်းမှာ စုစည်းညီညွတ်မှု (Unity) ဖြစ်သည်။ တူညီ ဝတ်စုံဝတ်ခြင်းသည် စိတ်ပညာသဘောအရ ညီညွတ်မှုရှိခြင်းနှင့် သတ်မှတ်ပြဋ္ဌာန်းထားသည့် စည်းကမ်းချက်များကို  တညီတညွတ်တည်း လိုက်နာခြင်းကို ရည်ရွယ်ပါသည်။ ဦးသန့်ဆိုလို သည်မှာကား လွတ်လွတ်လပ်လပ်စဉ်းစားတွေးခေါ်မှုကို အဓိက အသားပေးဖော်ပြဟန်ရှိပြီး တစ်ခြား သူများ၏ အယူအဆ အတွေးအခေါ်များကိုလည်း နှလုံးသွင်းဆင်ခြေကာ သဘောကျ နှစ်ခြိုက်ဖြစ်ပေါ်မှုမရှိသည့်တိုင် အပြိုင်တည်ရှိခွင့်ပေးခြင်း ဖြစ်သည်။

အမှန်စင်စစ် လွတ်လပ်မှုဟူသည်မှာ စည်းကမ်းရှိမှသာပို၍ ပီပြင်မည်ဖြစ်သည်။ တစ်ဦးချင်းလွတ်လပ်မှုကို ပြောတိုင်း ၎င်းတာဝန်ယူရမည့် စည်း ကမ်းလည်း တစ်ပါတည်းရှိနေမည်သာဖြစ်သည်။ ယင်း စုစည်းခြင်းနှင့် ကွဲပြားခြားနားမှု သဘောတရားကို လက်ရှိမြန်မာနိုင်ငံရေး အပေါ်တင်ကြည့်ပါက ထူးခြားနှစ်ချက် ပေါ်ထွန်းလာပါသည်။ ပထမတစ်ခုမှာ အမျိုးသားပြန်လည် သင့်မြတ်ရေးဖြစ်သည်။ လက်ရှိအာဏာရအစိုးရရော၊ ရွေးကောက်ပွဲကို သပိတ် မှောက်ခဲ့သော နိုင်ငံရေးအင်အားစုများရော အဓိကလိုချင်သည်မှာ အမျိုးသားပြန်လည်သင့်မြတ်ရေးဖြစ်သည်။ ယင်းကို မကြာမီက ပြောကြားခဲ့သည့် နိုင်ငံ တော်သမ္မတ၏ မိန့်ခွန်းပါ အားသုံးအားမှ နိုင်ငံရေးအင်အားတွင် အကျယ်တဝန့် ဖော်ပြထားလေသည်။ မိန့်ခွန်းတွင် အမျိုးသား ပြန်လည်သင့်မြတ်ရေး အတွက် ယခုလို ရုပ်ပိုင်းဆိုင်ရာသာမက တိုင်းရင်းသား စည်းလုံးညီညွတ်ရေးရဲ့ အခြေခံဖြစ်တဲ့ စစ်မှန်တဲ့မျိုးချစ်စိတ်ဓာတ်ဖြစ်သော ပြည်ထောင်စု စိတ်ဓာတ်ထွန်းကားအောင်လည်း ဆောင်ရွက်သွားမှာဖြစ်သည်ဟု  ပြောကြားချက်ကို ကြည့်ခြင်းအားဖြင့် စုစည်းညီညွတ်မှုသဘောကို အဓိကဖော်ပြလို ခြင်းဖြစ်လေသည်။

ဒုတိယတစ်ခုမှာ နိုင်ငံရေးတွင် မတူညီသော သဘောထားများကို လက်ခံနားလည်နိုင်သည့် လွတ်လပ်သည့်စိတ်ဓာတ် (liberal- mind set) ဖြစ်သည်။ နည်းလမ်းများ မတူညီသည့်တိုင် ပန်းတိုင်တူညီမည်ဆိုပါက ရန်သူအဖြစ် သဘောမသက်ရောက်သွားစေဘဲ ပြိုင်ဘက်အဖြစ်သာ သဘောထား မည်ဖြစ်သည်။ အထက်၌ဆိုခဲ့သည့်အတိုင်း ကွဲပြားခြားနားမှုသည် လွတ်လပ်မှုရှိခြင်းကို ဆိုလိုသည်ဖြစ်ရာ လွတ်လပ်မှုနှင့်အတူ တာဝန်ယူရမည် စည်းကမ်းလည်း ပါဝင်မည်ဖြစ် သည်။ ယင်းသဘောကို သမ္မတမိန့်ခွန်း၌ "မတူညီတဲ့ သဘောထားအမြင်တွေ ရှိကြမှာဖြစ်သော်လည်း တိုင်းပြည်ရဲ့အကျိုး စီးပွားအတွက် တူညီတဲ့ကိစ္စတွေမှာ ပူးပေါင်းဆောင်ရွက်ကြမယ်၊ ဒီမိုကရေစီကျင့်စဉ်နှင့်အညီ ရွေးကောက်ပွဲမှာ ပါဝင်ယှဉ် ပြိုင်ကြပြီး လုပ်ပိုင်ခွင့်အာဏာကို တရားနည်းလမ်းကျနစွာဖြင့် ရယူကြမယ်ဆိုရင် လူသာဓုခေါ်၊ နတ်သာဓုခေါ်ကြမှာ ဖြစ်တဲ့အတွက် ကျွန်တော်တို့အစိုးရအဖွဲ့အနေနဲ့ ငြိမ်းချမ်းရေး တံခါးဖွင့် ထားပြီး လက်ကမ်းကြိုဆိုနေမှာဖြစ်ကြောင်း အသိပေးပြောကြားအပ်ပါသည်" ဟူ ပြောကြားခဲ့လေသည်။  သို့ဆိုပါ၍ မြန်မာနိုင်ငံရေးအပေါ် သြဇာသက် ရောက်နေသော နိုင်ငံရေးအင်အားစုအားလုံးမှ  စုစည်းညီညွ