Posts
Associated Press, 21st March 2010
ဘန်ကောက်မြို့တော်တွင် ကြီးမားသော ဆန္ဒပြပွဲများ ဆင်နွှဲကာ ဝန်ကြီးချုပ် အာဏာစွန့်ရေးကို ဖိအားပေးရန် ကြိုးစားနေသည့် ဆန္ဒပြသူများနှင့် အစိုးရ အဖွဲ့တို့ ဆွေးနွေးမှု ပြုလုပ်ရန် ထိုင်းဝန်ကြီးချုပ်က တနင်္ဂနွေနေ့တွင် ကမ်းလှမ်း လိုက်သော်လည်း ရွေးကောက်ပွဲ အသစ် ချက်ချင်း ကျင်းပရန် တောင်းဆိုထားမှုကိုမူ ငြင်းပယ်ခဲ့သည်။
လွန်ခဲ့သည့် တစ်ရက်က ဘန်ကောက်မြို့ လမ်းများပေါ်တွင် ဆန္ဒပြ အင်အား တစ်သိန်းကျော်က အလွန်များပြားသော မော်တော်ယာဉ်များဖြင့် ကြီးမားစွာ အင်အားပြ ချီတက်ခဲ့ပြီး နောက်တွင် ရှပ်နီ အုပ်စုနှင့် ဆွေးနွေးရန် အစိုးရ အဖွဲ့ဝင် ၂ ဦး စေလွှတ်မည်ဟု ထိုင်းဝန်ကြီးချုပ် အဘီဆစ်ဗဲ့ဂျာဂျီဗား က ပြောကြားခဲ့သည်။ တင်းမာမှုများ လျော့သွားစေချင်သည်ဟုလည်း ၎င်းက ဆိုသည်။
အာဏာရှင် ဆန့်ကျင်ရေး ဒီမိုကရေစီ ညီညွတ်ရေး တပ်ဦးဟု ယခင်က လူသိများသည့် ရှပ်နီ အုပ်စုက အစိုးရ၏ စတင် ကမ်းလှမ်းမှုကို ပယ်ချလိုက်ပြီး ဝန်ကြီးချုပ်နှင့်သာ တိုက်ရိုက် ဆွေးနွေးလိ်ုကြောင်း ပြောကြားခဲ့သည်။
ရှပ်နီ အုပ်စုသည် ၂၀၀၆ ခုနှစ်က အကျင့်ပျက် ခြစားမှုများဖြင့် စွပ်စွဲကာ စစ်တပ်မှ အာဏာသိမ်းခံခဲ့ရသော ဝန်ကြီးချုပ်ဟောင်း သက်ဆင် ရှင်နာဝပ်ထရာ ကို ထောက်ခံသူများနှင့် စစ်တပ် အာဏာသိမ်းမှုကို ဆန့်ကျင်သော ဒီမိုကရေစီ ထောက်ခံသူများ ပူးပေါင်းကာ ဖွဲ့စည်းထားခြင်း ဖြစ်သည်။
လက်ရှိ ဝန်ကြီးချုပ် အဘီဆစ်သည် စစ်တပ်နှင့် အစဉ်အလာ အုပ်ချုပ်သူ လူတန်းစား တစ်စု၏ နောက်ကွယ်မှ ပံ့ပိုးမှုဖြင့် တရားမဝင် အာဏာ ရယူထားခြင်း ဖြစ်သည်ဟု ဆန္ဒပြသူများက ယုံကြည်ထားကြပြီး ရွေးကောက်ပွဲ အသစ် ကျင်းပခြင်းဟု ၎င်းတို့က အခိုင်အမာ ပြောကြားသည်။
သက်ဆင်၏ မဟာမိတ်များသည် ၂၀၀၇ ရွေးကောက်ပွဲတွင် အာဏာ ရရှိခဲ့သော်လည်း တရားရုံး ဆုံးဖြတ်ချက်ကြောင့် နုတ်ထွက်ပေးခဲ့ရသည်။ ထို့နောက် ၂၀၀၈ ဒီဇင်ဘာတွင် အဘီဆစ်၏ ဒီမိုကရက်ပါတီက ညွှန့်ပေါင်း အစိုးရ ဖွဲ့စည်းရန် လုံလောက်သော အမတ် အရေအတွက် ရရှိရန် စုစည်းကာ အာဏာရယူနိုင်ခဲ့သည်။
လွန်ခဲ့သော အပတ်က ဆန္ဒပြပွဲများ စတင်စဉ် ရှပ်နီများက 'သန်းချီသော ချီတက်ပွဲ' အဖြစ် ကြေညာခဲ့သော်လည်း အမြင့်ဆုံး အရေအတွက် တစ်သိန်းခန့်သာ ရှိမည်ဟု ခန့်မှန်းထားကြသည်။ အလုပ် လုပ်ရသော ကြားရက်များတွင် အရေအတွက် ထက်ဝက် လျော့နည်းသွားသည်ဟု ဆိုသည်။
ဝန်ကြီးချုပ် အဘီဆစ်၏ ရုံးခန်း ဂိတ်ပေါက်၊ ပါတီဋ္ဌာနချုပ်နှင့် နေအိမ် တို့ကို သွေးများဖြင့် ပက်ဖြန်းခဲ့မှုကြောင့် ရှပ်နီ အုပ်စုမှာ ပြစ်တင်ဝေဖန်မှုနှင့် ရင်ဆိုင်နေရပြီင်္း ဆန္ဒပြပွဲများကို လူသိများစေရန် တနင်္ဂနွေနေ့က နောက်ဆုံး ပက်ဖြန်းခဲ့သော သွေးများမှာ ၁၅ ကရား ကျော်သည်ဟု သိရှိရသည်။
သွေးရေးပန်းချီ ရေးချယ်ရန် အနုပညာရှင်များနှင့် ရှပ်နီများကို ဖိတ်ခေါ်သွားမည်ဟု ဆန္ဒပြခေါင်းဆောင် ဂျာတူပွန် ပရိုပန်က ရှင်းပြခဲ့သည်။ ကြီးမားသော အဝတ်ဖြူစပေါ်တွင် ရုပ်ပုံများ၊ ကဗျာများနှင့် နိုင်ငံရေး ကြွေးကြော်သံများကို သွေးဖြင့် ရေးဆွဲရန် ထောက်ခံသူများကို ဖိတ်ကြားခဲ့သည်ဟု ဆိုသည်။
အဆိုပါ သီတင်း တစ်ပတ်ကြာ ဆန္ဒပြပွဲများသည် ထိုင်းနိုင်ငံ၏ ဆင်းရဲသော ကျေးလက်ပြည်သူများနှင့် ဘန်ကောက် အခြေစိုက် လူ့မလိုင်များ အကြားမှ တိုက်ပွဲ ဖြစ်သည်ဟု ဆန္ဒပြ ခေါင်းဆောင်များက ပုံဖော်ခဲ့ကြသည်။ ဝေဖန်သူများကမူ ဆန္ဒပြသမားများသည် သက်ဆင် အာဏာ ပြန်လည်ရရှိရေး အတွက် ဆောင်ရွက်ပေးရသော အသုံးချခံ နယ်ရုပ်များသာ ဖြစ်သည်ဟု မှတ်ချက်ပေးသည်။
သက်ဆင်သည် ၎င်းအား ထောင်ဒဏ် ၂ နှစ် ချမှတ်ခဲ့သည့် မျက်ကွယ် တရားစစ်ဆေးမှု မပြုလုပ်မီ ၂၀၀၈ ခုနှစ်က ပြည်ပသို့ ထွက်ပြေး တိမ်းရှောင်ခဲ့သည်။ မိမိသည် နိုင်ငံရေး အရ မတရား စွပ်စွဲခံရသော သားကောင်သာ ဖြစ်သည်ဟု ၎င်းက ဖြေရှင်းချက် ပေးခဲ့သည်။
ထိုင်း သတင်းစာ များမှ အစဉ်အလာ သမားများက လျှော့ပေါ့ ခန့်မှန်းနေကြသောကြောင့်၊ မြို့တော်တွင်းမှ ထောက်ခံသူများသည် အင်အား အမှန်ကို ပြသရန် အတွက် မိုင် ၄၀ ခန့် ရှိသော မြို့တော် လမ်းများ တလျှောက် မော်တော်ယာဉ်များဖြင့် ရွှေ့လျား ဆန္ဒပြခြင်းကို စနေနေ့က ဆင်နွှဲခဲ့ကြပြီး ထောက်ခံသူ လူစုလူဝေး အင်အားကို ပြသခဲ့ကြခြင်း ဖြစ်သည်။
ဘန်ကောက် လမ်းများပေါ်တွင် ရွှေ့လျားနေသော ဆန္ဒပြယာဉ်တန်းကြီးသည် အနည်းဆုံး ၆ မိုင်ခန့် ရှည်လျားပြီး ယာဉ်ထိန်းရဲ အကြီးအကဲ ဗီချိုင်းဆောင်ပါပိ်ုင်က ပါဝင်လှုပ်ရှားသူ အရေအတွက် တစ်သိန်းခန့် ရှိသည်ဟု ခန့်မှန်း ပြောကြားခဲ့သော်လည်း နောက်ပိုင်းတွင် ယာဉ်ထိန်းဋ္ဌာနက ထုတ်ပြန်သော စာရင်းများ အရ လူပေါင်း ၆သောင်းခွဲခန့်သည် မော်တော်ဆိုင်ကယ် တစ်သောင်း၊ မော်တော်ကား ၇၀၀၀ ခန့်ဖြင့် လှည့်လည်ခဲ့ကြခြင်း ဖြစ်သည်ဟု ဆိုသည်။
''ဘန်ကောက်မြို့သားတွေ ဆန့်ကျင် ကန့်ကွက်တာကို ကျွန်မတို့ မတွေ့ရဘူး၊ မြို့သူ မြို့သားတွေက ကျေးဇူးတင်နေကြတာပါ၊ ကျွန်မတို့ကို သူတို့လာပြီး အားပေးကြပါတယ်၊ ရေနှင့် အစားအသောက်တွေလည်း လှူဒါန်းကြတယ်'' ဟု ပစ်ကပ် ကားတစ်စီးပေါ်တွင် လိုက်ပါလာသော ပန်းရောင်း အသက်မွေးသူ ကိုချာဝမ်ပင်နန် က ပြောကြားသည်။
''သူတို့ ထွက်လာပြီး အားပေးကြတာကို မြင်ရတာနဲ့ပဲ ကျွန်မ ပျော်မိတယ်ရှင့်၊ သူတို့ အားလုံး ဒီမိုကရေစီ ပြန်လိုချင်ကြတယ်လေ'' ဟု သူမက ဆိုသည်။
၎င်းတို့ ပြောကြားနေသကဲ့သို့ လူတိုင်း ကျေနပ်ကြသည်ကား မဟုတ်ပါ၊ ရိုင်းစိုင်းသောသူ အချို့က 'ရွာမှတက်လာသူများကို အလိုမရှိ' ဟူသော စာတမ်းများကို ကိုင်ဆောင်၍ ဆန္ဒပြသူများအား ကန့်ကွက်ခဲ့သည်။ ဆန္ဒပြခေါင်းဆောင် တစ်ဦး ကားမောင်းသွားစဉ် ပုလင်းတစ်လုံး ထိမှန်ခဲ့သည်ဟု ပြည်တွင်း ရုပ်သံလိုင်း အချို့က ထုတ်လွှင့်သည်ကိုလည်း တွေ့ရသည်။
လှုပ်ရှား ဆန္ဒပြသူတို့သည် စနေနေ့ညပိုင်းတွင် ပို၍ စိတ်မရှည် ဖြစ်လာပုံရပြီး အစိုးရနှင့် သက်ဆိုင်သည့် ပစ်မှတ် ၂ ခုကို လက်ပစ်ဗုံးဖြင့် ပစ်ပေါက်ခဲ့သည်။ ကာကွယ်ရေး ဝန်ကြီးဋ္ဌာန အနီးမှ အသေးစား ပေါက်ကွဲမှုတွင် အနည်းဆုံး လူတစ်ဦး ဒဏ်ရာရရှိသွားသော်လည်း နောက်တစ်နေရာ ဖြစ်သည့် လာဘ်စားမှု တိုက်ဖျက်ရေး ကော်မရှင် ရုံးချုပ်တွင်မူ ကြီးကြီးမားမား ထိခိုက်မှု မရှိဟု သိရှိရသည်။
ယခု သီတင်းပတ် ဆန္ဒပြ ခေါင်းဆောင်များက အကြမ်းဖက်ခဲ့သော လုပ်ဖော်ကိုင်ဖက်များနှင့် ပတ်သက်၍ ဝန်ခံပြောဆိုခြင်း မရှိသလို စနေနေ့ည ပေါက်ကွဲမှုများ အတွက် မည်သူကမှ တာဝန်မယူခဲ့ကြပေ။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
To unsubscribe from this group, send email to yangonchronicle2010+unsubscribegooglegroups.com or reply to this email with the words "REMOVE ME" as the subject.