yangonchronicle2011
၅.၃.၂၀၁၂
ပြည်တွင်းသတင်းများ
- တန်ဖိုးနည်း မိုဘိုင်းဖုန်းများအား ယခုလတွင်း စတင်ချပေးမည်ဟု မြန်မာ့ဆက်သွယ်ရေးလုပ်ငန်းမှ ထုတ်ပြန်
- ဧပြီ ၁ ရက်နေ့မှ စတင်၍ ပို့ကုန်သွင်းကုန်လိုင်စင် စနစ်ပြောင်းလဲမည်
- မြန်မာ့ဆက်သွယ်ရေးမှ ညပိုင်းဖုန်းခေါ်ဆိုနှုန်းထားများ လျော့ချ
ပြည်တွင်းပါတီ၊ နိုင်ငံရေးသတင်းများ
- ဒီချုပ်ပါတီဥက္ကဋ္ဌ စစ်ကိုင်းမှပြည်သူလူထုအား ကြားဖြတ်ရွေးကောက်ပွဲ၌ မဲထည့်ရန် ပြောကြား
- ပွင့်လင်းရိုးသားမှုအား အခြေခံ၍ လုပ်ဆောင်မှသာ ဒီမိုကရစီသို့ ရောက်ရှိနိုင်ဟု ၈၈မျိုးဆက်များမှ ပြောကြား
သတင်းနှင့် ဆောင်းပါးများမှ ကောက်နှုတ်ချက်များ
*****************************************
ပြည်တွင်းသတင်းများ
တန်ဖိုးနည်း မိုဘိုင်းဖုန်းများအား ယခုလတွင်း စတင်ချပေးမည်ဟု မြန်မာ့ဆက်သွယ်ရေးလုပ်ငန်းမှ ထုတ်ပြန်
၂၀၁၂ခုနှစ် မတ်လ ၁၄ရက်နေ့မှ စတင်၍ နှစ်သိန်းတန် ဂျီအက်စ်စမ်ဖုန်းနှင့် CDMA-450 MHzတို့နှင့် နှစ်သိန်းငါးသောင်းကျပ်များဖြင့် WCDMA နှင့် CDMA-800 MHzတို့အား စတင်ရောင်းချမည်ဖြစ်ပြီး ပြည်သူလူထုအား အဆင်ပြေသုံးစွဲနိုင်စေရန်နှင့် လူမှုဖွံ့ဖြိုးတိုးတက်စေရန်အတွက် ကြိုးစား ဆောင်ရွက်နေသည်ဟု မြန်မာ့ဆက်သွယ်ရေးလုပ်ငန်း၏ ထုတ်ပြန်ချက်အရ သတင်းရရှိသည်။
မတ်လ ၁ရက်နေ့တွင် ပထမအကြိမ် ပြည်ထောင်စုလွှတ်တော် တတိယပုံမှန်အစည်းအဝေးမှ နိုင်ငံတော်သမ္မတဦးသိန်းစိန်၏ တာဝန်ထမ်းဆောင် မှု တစ်နှစ်ပြည့်အထိမ်းအမှတ်တွင် ပြောကြားသွားခဲ့သည့် မိန့်ခွန်းထဲမှ “မိုဘိုင်းဖုန်းကိစ္စနှင့် ပတ်သက်ပြီး လောလောဆယ်တွင် ကျွန်တော်တို့ တည်ဆောက် ရေးလုပ်ငန်းများ ဆောင်ရွက်လျက်ရှိကြောင်းနှင့် ဒီလုပ်ငန်းများပြီးသည်နှင့်အမျှ ပြည်သူတွေရဲ့ ဆန္ဒများပြည့်ဝစေရန်အတွက် နိုင်ငံတကာ စံချိန်စံညွှန်းများ နှင့်အညီ အကောင်းဆုံးနည်းလမ်းများဖြင့် လုပ်ဆောင်ပေးသွားမှ ဖြစ်ပါတယ်”ဟုလည်း ယင်းထုတ်ပြန်ချက်ထဲတွင် ဖော်ပြပါရှိသည်။
ယင်းပြင် မြန်မာ့ဆက်သွယ်ရေးလုပ်ငန်းမှ ပြောဆိုချက်အရ CDMA-800 MHzဖုန်းသည် အင်တာနက်လိုင်းသည် ပိုမိုမြန်ဆန်ခြင်းကြောင့် ဈေးနှုန်းပိုများရခြင်းဖြစ်ပြီး GSM နှစ်သိန်းတန်ဖိုးရှိဖုန်းများတွင်လည်း အင်တာနက်လိုင်းပူးတွဲပါမည်ဖြစ်သည်ဟု သတင်းဖော်ပြချက်များအရ သိရသည်။
ယင်းကဲ့သို့ တန်ဖိုးနည်းဖုန်းများ ချပေးခြင်းနှင့် ပတ်သက်၍ ပထမအဆင့်အနေဖြင့် တန်ဖိုးနည်းသည့် မိုဘိုင်းတယ်လီဖုန်းများကို ဦးစွာ တပ်ဆင် ပြုလုပ်ရခြင်းဖြစ်ပြီး ယင်းဖုန်းခများကိုလည်း လွယ်ကူသက်သာစွာအသုံးပြုနိုင်စေရန်အတွက် ချထားပေးရခြင်း ဖြစ်သည်ဟုလည်း မြန်မာ့ဆက်သွယ်ရေး လုပ်ငန်း၏ ထုတ်ပြန်ချက်အရ သိရသည်။
ATM
--------------------------------------------------------------------------------------------------------------------------------
ဧပြီ ၁ ရက်နေ့မှ စတင်၍ ပို့ကုန်သွင်းကုန်လိုင်စင် စနစ်ပြောင်းလဲမည်
ပို့ကုန်သွင်းကုန်လုပ်ငန်းလိုင်စင်လျှောက်ထားရာတွင် အခြေခံအကျဆုံးဖြစ်သည့် ကုန်ပစ္စည်းအမည်များနှင့် ယူနစ်သတ်မှတ်ချက်(အာဆီယံ စည်း ဝါးညီ အကောက်ခွန်နှုန်းစနစ်) များအား လက်ရှိသုံးစွဲလျက်ရှိသည့် H.S Code 2007 ပုံစံမှ လာမည့် ဧပြီလ ၁ ရက်နေ့မှ စတင်၍ H.S Code 2012 စနစ် အား ပြောင်းလဲ သုံးစွဲသွားမည်ဖြစ်ကြောင်း သိရသည်။
"ကျွန်တော်တို့အနေနဲ့ လက်ရှိ ပို့ကုန်သွင်းကုန်လုပ်ငန်းလိုင်စင်လျှောက်ရာမှာ သုံးစွဲနေတဲ့ H.S Codeကို သုံးရတာပာာ လက်ရှိမှာတော်တော် အ ဆင်ပြေပါတယ်။ ဒါပေမယ့် ဒီလ ကစပြီးတော့ ဒီ H.S Code 2007 စနစ်ကနေ H.S Code 2012 စနစ်ကို ပြောင်းသုံးတော့မယ်လို့ကြားပါတယ်။ ဘာတွေ ဘယ်လို ထပ်ပြောင်းမယ်ဆိုတာတော့ မသိရသေးပါဘူး"ပာု ပို့ကုန်သွင်းကုန် လုပ်ငန်းရှင်တစ်ဦးက ဆိုသည်။
လက်ရှိမြန်မာနိုင်ငံတွင် ပို့ကုန်သွင်းကုန်လိုင်စင်လျှောက်ထားခြင်းများ၌ အသုံးပြုလျက်ရှိသည့် H.S Codeစနစ်အား ကုန်ပစ္စည်းအမျိုးအစား ခွဲ ခြားသည့် နေရာများတွင်သာမက Trade Statistic နဲ့ Trade Negotiation များ ပြုလုပ်ရာတွင်ပါ အသုံးပြုလေ့ရှိပြီး အခြေခံ Codeများနေဖြင့် ၁၂ခုရှိ ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူတစ်ဦးကဆိုသည်။
"၂၀၁၅မှာ အာဆီယံလွတ်လပ်စွာကုန်သွယ်ခွင့် အတွက် ပြင်ဆင်တဲ့အနေနဲ့ Version မြှင့်လိုက်တဲ့ သဘောပါပဲ။ အခုပြောင်းလဲကျင့်သုံးမယ့် H.S Code 2012 စနစ်ပာာ အကောက်အခွန်ဆိုင်ရာ ကုန်ပစ္စည်းတွေကို အမျိုးအစားခွဲခြားရုံတင်မကဘူး။ ကုန်သွယ်မှုဆိုင်ရာ ကိစ္စရပ်တွေမှာပါ အသုံးပြုလျက် ရှိပါတယ်။ ဒီစနစ်မှာ အလေးချိန်တွေနဲ့ပတ်သက်ရင် ကီလိုဂရမ် နဲ့အသုံးပြုမှာဖြစ်ပြီး ကျောက်မျက်ရတနာတွေနဲ့ ပတ်သက်ရင်တော့ ကာရက်ကို အသုံးပြု မှာပါ"ပာု အထက်ပါပုဂ္ဂိုလ်မှ ဆက်လက်ဆိုသည်။
ဧပြီ ၁ ရက်နေ့မှ စတင် အသုံးပြုမည့် H.S Code 2012 စနစ်သည် ကမ္ဘာ့နိုင်ငံ အသီးသီး၌ လက်ရှိကျင့်သုံးဆောင်ရွက်လျက်ရှိသည့် စနစ်တစ် ခုဖြစ်ပြီး ပို့ကုန်သွင်းကုန်လိုင်စင်လျှောက်ထားရာတွင် အသုံးပြုမည့် စနစ်တစ်ခုဖြစ်သည့်အတွက် လုပ်ငန်းရှင်များအနေဖြင့် ကြိုတင်ပြင်ဆင်ထားသင့် ကြောင်း စီးပွားရေးလေ့လာနေသူတစ်ဦးက အကြံပေးပြောကြားသည်။
YC
--------------------------------------------------------------------------------------------------------------------------------
မြန်မာ့ဆက်သွယ်ရေးမှ ညပိုင်းဖုန်းခေါ်ဆိုနှုန်းထားများ လျှော့ချ
မြန်မာ့ဆက်သွယ်ရေးကဏ္ဍ၌ လက်ရှိသုံးစွဲနေသည့် Postpaid/Prepaid မိုဘိုင်းတယ်လီဖုန်း (GSM, CDMA-450 ,CDMA-800 , WCDMA) များ၏ ညပိုင်း ဖုန်းခေါ်ဆိုခ နှုန်းထားများကို ၂၀၁၂ ခုနှစ် မတ်လ ၁၄ ရက်နေ့မှ စတင်၍ တစ်မိနစ်လျှင် ၂၅ ကျပ်နှုန်းသို့ လျှော့ချ ကောက်ခံသွားမည် ဖြစ်ကြောင်း မြန်မာ့ဆက်သွယ်ရေးမှ သတင်းထုတ်ပြန်ကြေညာခဲ့သည်။
ယင်းထုတ်ပြန်ချက်၌ မြန်မာ့ဆက်သွယ်ရေးလုပ်ငန်း အနေဖြင့် Postpaid/Prepaid မိုဘိုင်းတယ်လီဖုန်း(GSM,CDMA-450, CDMA-800, WCDMA)များ၏ ပြည်တွင်း ခေါ်ဆိုခနှုန်းထားများကို ည ၁၁နာရီမှ နံနက် ၇နာရီအတွင်းခေါ်ဆိုမှုများအတွက် မူလနှုန်းထား၏ ထက်ဝက်ဖြစ်သော တစ်မိ နစ် ၂၅ ကျပ်နှုန်းဖြင့် လျှော့ချကောက်ခံသွားမည်ဖြစ်ပြီး နံနက် ၇နာရီမှ ည ၁၁နာရီအတွင်း မိုဘိုင်းဖုန်းခေါ်ဆိုမှုများ အတွက်မူ မူလနှုန်းထားများအတိုင်း သာ ကောက်ခံသွားမည်ဖြစ်ကြောင်း ဖော်ပြခဲ့သည်။
ထို့ပြင် နိုင်ငံတော်သမ္မတကြီး၏ ၂၀၁၂ မတ်လ ၁ ရက်နေ့၌ ပြောကြားခဲသည့် ၁ နှစ်ပြည့်မိန့်ခွန်းတွင်လည်း မြန်မာ့ဆက်သွယ်ရေးလုပ်ငန်းနှင့် ပတ်သက်၍ “မိုဘိုင်းဖုန်းကိစ္စနှင့်ပတ်သက်ပြီး လောလောဆယ်မှာ ကျွန်တော်တို့ တည်ဆောက်ရေးလုပ်ငန်းတွေ ဆောင်ရွက်နေရပါတယ်၊ ဒီလုပ်ငန်းတွေ ပြီးတာနဲ့အမျှ ပြည်သူတွေရဲ့ဆန္ဒကို ပြည့်ဝအောင် နိုင်ငံတကာရဲ့ စံချိန်စံညွှန်းတွေနဲ့အညီ အကောင်းဆုံးနည်းလမ်းများ ရှာဖွေပြီး ဆောင်ရွက်ပေးသွားမှာ ဖြစ်ပါတယ်” လို့ ထည့်သွင်းပြောကြားခဲ့ပါတယ်။
မိုဘိုင်းဖုန်းတွေရဲ့ ညပိုင်းခေါ်ဆိုခပြောင်းလဲလိုက်တာနဲ့ ပတ်သက်ပြီးတော့ ဖုန်းသုံးစွဲနေသူ ဦးရဲမြင့်နိုင်က "ဘာပဲပြောပြောလေ အလုပ်ကိစ္စအ တွက် ညပိုင်းဖုန်းခေါ်ဆိုခတွေကို ပြောင်းလဲလိုက်တယ်ဆိုတော့ ညပိုင်းမှာ ပိုပြီး အလုပ်လုပ်ဖြစ်တော့မှာပဲလေ။ မြန်မာ့ဆက်သွယ်ရေးက ဖုန်းခေါ်ဆိုခတွေ ကို နေ့ပိုင်းမှာကော ညပိုင်းမှာပါ ပြောင်းလဲပေးမယ်ဆိုရင်တော့ တော်တော်ကောင်းမှာပါ"လို့ ဆိုပါတယ်။
YC
*****************************************
ပြည်တွင်းပါတီ၊ နိုင်ငံရေးသတင်းများ
ဒီချုပ်ပါတီဥက္ကဋ္ဌ စစ်ကိုင်းမှပြည်သူလူထုအား ကြားဖြတ်ရွေးကောက်ပွဲ၌ မဲထည့်ရန် ပြောကြား
မတ်လ ၄ရက်နေ့ မနက်ပိုင်းတွင် NLDပါတီဥက္ကဋ္ဌ ဒေါ်အောင်ဆန်းစုကြည်သည် ၎င်း၏ ပါတီစည်းရုံးရေး ခရီးစဉ်ဖြင့် စစ်ကိုင်းသို့ သွားရောက်ခဲ့ပြီး လာမယ့် ကြားဖြတ်ရွေးကောက်ပွဲတွင် မဲပေးကြရန်နှင့် မန္တလေးဟောပြောမှုတွင် သူမအနေဖြင့် နေမကောင်းဖြစ်သွားခြင်းကြောင့် မန္တလေးပြည်သူလူထု အား အားနာမိကြောင်း ပြောကြားသွားခဲ့သည်ဟု သတင်းရရှိသည်။
“ဒေါ်စုက ပြည်သူတွေအတွက် အကျိုးမရှိတဲ့ ဥပဒေတွေကို ပယ်ဖျက်တာ၊ ပြဋ္ဌာန်းတာတွေနဲ့ ပတ်သက်ပြီး လွှတ်တော်ထဲမှာ ဆောင်ရွက်ဖို့ကို ထောက်ခံမဲအနေနဲ့ ၇၅ရာခိုင်နှုန်းကျော်ရရှိဖို့ လိုပါတယ်တဲ့။ အဲဒီလို ပြည်သူ့အကျိုးကို တကယ်လိုလားတဲ့ လွှတ်တော်ထဲက တပ်မတော်ကိုယ်စားလှယ် တွေကို စည်းရုံးပူးပေါင်းပြီး လုပ်သွားမယ်လို့လည်း ပြောသွားပါတယ်”ဟု စစ်ကိုင်းဒေသခံတစ်ဦး၏ ပြောပြချက်အရ သိရသည်။
ထို့ပြင် NLDပါတီဥက္ကဋ္ဌသည် Mandalay Hill Resort ဟိုတယ်တွင် တည်းခိုခဲ့ပြီး မတ်လ ၄ရက် မနက်၆နာရီလောက်တွင် မန္တလေးမြို့ရှိ မဟာဝိ သုဒ္ဓါရာမ ရွှေကျင်သာသနာပိုင် ဝါဆိုဆရာတော်ကြီးဆီသို့ သွားရောက်၍ ပစ္စည်းလေးပါးလှူဒါန်းခဲ့ပြီး အမရပူရ မဟာဂန္ဓါရုံဆရာတော်ကိုလည်း ဖူး မျှော်ခဲ့ပြီး မနက် ၁၀နာရီခွဲအချိန်ခန့်တွင် စစ်ကိုင်းတံတားအနီးရှိ မြစ်ကမ်းပါးတစ်ခုမှ သဲသောင်ပြင်တွင်ပြုလုပ်ထားသော ဟောပြောပွဲစင်မြင့်သို့ သွား ရောက်၍ စစ်ကိုင်းပြည်သူလူထုအား နာရီဝက်ကြာ မိန့်ခွန်းပြောသွားခဲ့သည်ဟုလည်း သတင်းရရှိသည်။
၎င်းတို့အဖွဲ့သည် မတ်လ ၅ရက်နေ့ မနက် ၁၀နာရီကျော်ခန့်တွင် နွားထိုးကြီးမြို့နယ်တွင် ဟောပြောမှုပြုလုပ်ခဲ့ပြီး မိတ္ထီလာမြို့ရှိ အောင်မင်္ဂလာ ခန်းမတွင်လည်း ဟောပြောမှုခဲ့သည်။
ထို့နောက် ညနေ ၄နာရီကျော်တွင် နေပြည်တော်မြို့ရှိ Royal Kumudra Hotelတွင် ခေတ္တအနားယူ၍ ညနေ ၅နာရီခွဲခန့်မှစ၍ ဒက္ခိဏသီရိမြို့ နယ်ရှိ လမ်းပျဉ်းမနားကျေးရွာ အနီးမှကွင်းပြင်တစ်ခု၌ ဟောပြောပွဲပြုလုပ်ခဲ့သည်ဟု သတင်းများအရ သိရသည်။
“ဒီမိုကရေစီစနစ်ဆိုတာ ပြည်သူတွေရဲ့ သြဇာလွှမ်းမိုးတဲ့ စနစ်ပဲဖြစ်ပါတယ်။ ဒါပေမယ့် ပြည်သူတွေမှာ ဘာဖြစ်သလဲဆိုတော့ တကယ်စဉ်းစား ကြည့်ရင် ပြည်သူတွေရဲ့ အင်အားက နည်းတာမဟုတ်ဘူး။ ပြည်သူမရှိရင် နိုင်ငံဆိုတာမရှိဘူး။ အဲဒါပါပဲ။ နိုင်ငံတစ်နိုင်ငံမှာ ပြည်သူရှိမှ တည်နိုင်မယ်ဆိုတာ အမြဲမှတ်ထားပါ”ဟု နေပြည်တော်ရှိ ဒက္ခိဏသီရိမြို့နယ်မှ လမ်းပျဉ်းမနားကျေးရွာအနီးရှိ ကွင်းပြင်တစ်ခုတွင် ဟောပြောခဲ့သည့် မိန့်ခွန်းများထဲမှ ကောက် နုတ်ဖော်ပြခြင်းဖြစ်သည်။
ထို့နောက် ၎င်းသည် ဇဗ္ဗူသီရိမြို့တွင် ဟောပြောမှုထပ်မံပြုလုပ်ခဲ့ပြီး တက်ရောက်သည့် လူဦးရေ တစ်သိန်းကျော်ရှိသည်ဟု သိရှိရသည်။ ယင်း နောက် မတ်လ ၆ ရက်နေ့ မနက်ပိုင်းတွင်လည်း တောင်ငူမြို့နယ်ရှိ မိုင်ဒါကွင်း၌လည်း ပါတီစည်းရုံးရေးအတွက် လူထုဟောပြောပွဲပြုလုပ်မည်ဟုလည်း သတင်းများအရ သိရ သည်။
ထို့ပြင် မတ်လ ၇ရက်နေ့တွင် နယူးဇီလန်နိုင်ငံမှ နိုင်ငံခြားရေးဝန်ကြီး Murray McCullyမှ ၎င်း၏ နေအိမ်သို့ သွားရောက်တွေ့ဆုံမည်ဟုလည်း သတင်းများအရ သိရပြီး ၎င်းသည် မြန်မာနိုင်ငံသို့ ပထမဦးဆုံးခရီးစဉ်အဖြစ် လာရောက်မည်ဖြစ်ပြီး အချိန်အားဖြင့် နှစ်ရက်ကြာလာရောက်မည့် ခရီးစဉ် လည်းဖြစ်သည်ဟု သတင်းများအရ သိရသည်။
ATM
--------------------------------------------------------------------------------------------------------------------------------
ပွင့်လင်းရိုးသားမှုအား အခြေခံ၍ လုပ်ဆောင်မှသာ ဒီမိုကရစီသို့ ရောက်ရှိနိုင်ဟု ၈၈မျိုးဆက်များမှ ပြောကြား
မတ်လ ၄ရက်နေ့ တောင်ဥက္ကလာပမြို့နယ် ဝေဇယန္တာလမ်းပေါ်ရှိ သီရိဂုဏ်အိမ်ရာတွင် ပြုလုပ်ကျင်းပခဲ့သည့် ၈၈မျိုးဆက်ကျောင်းသားများ၏ သတင်းစာရှင်းလင်းပွဲ၌ ၎င်းတို့၏ ခရီးစဉ်များကို ရှင်းလင်းပြောကြားခဲ့ပြီး နိုင်ငံတော်သမ္မတ၏ မိန့်ခွန်းနှင့် ပတ်သက်၍ လည်း ပြောကြားသွားခဲ့သည်ဟု သတင်းရရှိသည်။
“ပြီးခဲ့တဲ့ရက်ပိုင်းလောက်က သွားတဲ့ မြစ်ကြီးနားခရီးစဉ်၊ မန္တလေးခရီးစဉ်တွေရဲ့ အတွေ့အကြုံတွေပေါ့။ အဲဒီအတွေ့အကြုံတွေကို မူတည်ပြီးတော့မှ အရပ်ဘက်လူ့အဖွဲ့အစည်းတွေ ပေါ်ပေါက်လာဖို့ ဆောင်ရွက်မယ့်ကိစ္စရပ်တွေကို ရှင်းလင်းသွားမှာပါ။ ပြီးတော့ သမ္မတကြီးရဲ့ မိန့်ခွန်းနဲ့ ပတ်သက်ပြီးလည်း ပြောကြပါတယ်။ နောက်ပြီး ပြည်သူတွေအနေနဲ့ လူ့အဖွဲ့အစည်းအတွင်း ပြုပြင်ပြောင်းလဲဖို့ လိုအပ်တာကို တင်ပြဖို့လိုတယ်လို့လည်း ပြောသွားပါတယ်” ယင်းသတင်းစာရှင်းလင်းပွဲသို့ တက်ရောက်သည့် သတင်းသမားတစ်ဦးမှ ပြောပြချက်အရ သိရသည်။
ထို့နောက် နိုင်ငံတော်သမ္မတမိန့်ခွန်းနှင့် ပတ်သက်၍ ပျော့ပြောင်းသည့် သဘောဆောင်သောကြောင့် ၎င်းတို့အနေဖြင့် ကြိုဆိုကြကြောင်းနှင့် အာဏာပိုင်များ အတိုက်အခံများအကြား ပွင့်လင်းမှုအား အခြေခံလုပ်ဆောင်မှသာ ဒီမိုကရေစီနိုင်ငံသို့ ရောက်ရှိနိုင်မည်ဟုလည်း ပြောသွားကြောင်း အထက်ပါပုဂ္ဂိုလ်၏ ထပ်မံပြောကြားချက်အရ သိရသည်။
ယင်းသတင်းစာရှင်းလင်းပွဲသို့ ၈၈မျိုးဆက်ကျောင်းသားခေါင်းဆောင်များဖြစ်သည့် မင်းကိုနိုင်၊ ကိုကိုကြီး၊ ကိုဂျင်မီ၊ ကိုမြအေးတို့မှ ဦးဆောင်ပြု လုပ်ခဲ့ပြီး သတင်းဌာနအသီးသီမှ စာနယ်ဇင်းသမားများလည်း တက်ရောက်၍ သိလိုသည်များ ကို မေးမြန်းခဲ့ကြသည်ဟုလည်း သတင်းရရှိသည်။
ထို့ပြင် ယင်းနေ့ ညနေတွင် ၎င်းတို့သည် မကွေးတိုင်းနှင့် ချောက်မြို့များသို့ ဆက်လက်ခရီးထွက်၍ အရပ်ဘက် လူ့အဖွဲ့အစည်းများ ဖြစ်ပေါ် လာရေးအတွက် ဆောင်ရွက်သွားမည်ဟုလည်း သတင်းဖော်ပြချက်များအရ သိရသည်။
ATM
****************************************
သတင်းနှင့် ဆောင်းပါးများမှ ကောက်နှုတ်ချက်များ
သမ္မတကြီးရဲ့ အစိုးရရဲ့ ဦးစားပေး လုပ်ငန်းစဉ်ထဲ၌ ငြိမ်းချမ်းရေးနှင့်အတူ စီးပွားရေးဦးမော့လာရေးသည်လူထု၏ လက်တွေ့ဘ၀ လိုအင်ဆန္ဒကို ထင်ဟပ်မှုရှိပြီး စီးပွားရေး လုပ်ငန်းစဉ်များ၊ ပြုပြင်ပြောင်းလဲမှုများ နှေးကွေးနေ ရတဲ့ အချက်များထဲ၌ ကမ္ဘာ့စီးပွားရေး မတည်ငြိမ်မှု စီးပွားရေး ပိတ်ဆို့မှု ရှိနေမှုတို့ကြောင့် စီးပွားရေးယှဉ်ပြိုင်နိုင်စွမ်း မရှိမှုတို့ကို ထောက်ပြသွားသော်လည်း ယခင်အစိုးရ လက်ထက်ကစ၍ တည်ရှိခဲ့သော စီးပွားရေး၊ ဘဏ္ဍာရေးပိုင်းဆိုင်ရာ စီမံခန့်ခွဲမှု အားနည်းခြင်း အကျိုးဆက်နှင့် ယခုတိုင် ပြုပြင်နိုင်မှု အားနည်းခြင်းများကို ၀န်ခံသွားခြင်း မရှိသည်ကို တွေ့ရပါတယ်။ ခေတ်နှင့် မလျော်ညီသော လုပ်ထုံးလုပ်နည်းများ ဖယ်ရှားမှု၊ ငွေလဲလှယ်မှုနှုန်းထား စနစ်တစ်ရပ် တည်ထောင်မှု၊ Transactional Cost တွေ ကျဆင်းအောင် လုပ်ဆောင်မှုတွေအပေါ် ကြိုဆိုရပေမယ့် လူတစ်စုလက်ဝယ် တိုင်းပြည်စီးပွားရေး မရောက်ရှိစေမှု၊ မညီမျှမှုများ မဖြစ်စေမှု၊ ခရိုနီလူတန်းစား နောက်ထပ်တစ်စု ဖြစ်ပေါ်လာနေမှု စတဲ့ ဝေဖန်စရာတွေ ရှိနေခဲ့ပါတယ်။ လူအများ စိတ်ဝင်စားနေတဲ့ မိုဘိုင်းဖုန်းကိစ္စကို စာနာမှုရှိကြောင်း ပြသခဲ့ပေမယ့် လုံလောက်သော အကြောင်းပြချက်ပေးခဲ့ခြင်း မည်သည့်အချိန် ကာလ နောက်ခြောက်လ(သို့မဟုတ်) တစ်နှစ်အတွင်း ဆောင်ရွက်ပေးမည်ဆိုသော အာမခံချက်မျိုးကို မပေးနိုင်ခဲ့ပါ။ ၀န်ထမ်းများသာမက ပြည်သူများ၊ ဂျာနယ်လစ်များ၊ စီးပွားရေး အသိုင်းအ၀ိုင်းမှ ပုဂ္ဂိုလ်များ၊ လွှတ်တော်အသီးသီးမှ ကိုယ်စား လှယ်များ အသိချင်ဆုံးဖြစ်သော လစာတိုးရေးကိစ္စအတွက် လုံလောက်တဲ့ အကြောင်းပြချက်၊ အချိန်ကာလ သတ်မှတ်ချက်မပါတာကိုလည်း မိန့်ခွန်းနားထောင်သူ အများစုက စိတ်မကောင်းဖြစ်ကြတာ တွေ့ရပါတယ်။ ၀န်ထမ်း ၃ ဒသမ ၃ ရာခိုင်နှုန်းအတွက်မဟုတ် ငွေကြေးဖောင်းပွမှု မရှိစေရန် ကျန်ပြည်သူ ၉၆ ဒသမ ၇ ရာခိုင်နှုန်းအတွက် ဆိုသောစကားမှာ အကြောင်းပြချက်ကောင်းတစ်ခု မဟုတ်သလို ခံစားကြရပါတယ်။ ၀န်ထမ်းလစာတိုးမှု ဆွေးနွေးတာကြောင့် ကုန်ဈေးနှုန်း အနည်းငယ် တက်ခဲ့တာမဟုတ်ဘဲ ဇန်န၀ါရီလ ၁ ရက်နောက်ပိုင်း စတင်တိုးမြှင့်ခဲ့သော မီတာခနှင့် ဓာတ်ဆီဈေးနှုန်းတို့ကြောင့် ဖေဖော်ဝါရီလရောက်မှ အကျိုးဆက် စတင်ခံစားခဲ့ရတာပဲ ဖြစ်ပါတယ်။
မတ် ၇ ထုတ် Weekly ELEVEN အတွဲ (၁၇) အမှတ် (၂၃) တွင်ပါသည့် “၁.၃.၂၀၁၂ ခုနှစ်တွင် ပြောကြားခဲ့သော နိုင်ငံတော်သမ္မတကြီး ဦးသိန်းစိန်၏ မိန့်ခွန်းအား ခွဲခြမ်းစိတ်ဖြာလေ့လာခြင်း” သတင်းဆောင်းပါးမှ ကောက်နှုတ်ချက်
--------------------------------------------------------------------------------------------------------------------------------
“တချို့က အခြေအနေတွေနဲ့ပတ်သက်လို့ အနည်းငယ် အကောင်းမြင်လွန်း နေပါတယ်။ ကျွန်မတို့အနေနဲ့ကတော့ ဒါကို သတိကြီးစွာထားပြီး အကောင်း မြင်နေတာပါ။ ကျွန်မတို့ အနေနဲ့လမ်းအစကို ရောက်ရှိနေပါပြီ”
မတ် ၇ ထုတ် Weekly ELEVEN အတွဲ (၁၇) အမှတ် (၂၃) တွင်ပါသည့် “နိုင်ငံတကာ အရေးယူပိတ်ဆို့မှုများကြောင့် မြန်မာ အရပ်သား ခေါင်းဆောင်သစ်များသည် ပြုပြင် ပြောင်းလဲရေးများ လုပ်ဆောင်ရန် တွန်းအားပေး ခံနေရကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် ပြောကြား” သတင်းမှ ကောက်နှုတ်ချက်
**************************************
Posts
