Transparency Myanmar

transparency.myanmar@gmail.com

eaglecentre.blogspot.com မှ ကူးယူဖော်ပြသည်။

The Associated Press

8th Oct, 2009

မြန်မာနိုင်ငံ စစ်အစိုးရခေါင်းဆောင်သည် ထိန်းသိမ်းခံထားရသော ဒီမိုကရေစီခေါင်းဆောင် ဒေါ်အောင်ဆန်းစုကြည်အား အနောက်နိုင်ငံများမှ သံတမန်များနှင့် တိုင်းပြည်အပေါ်ချမှတ်ထားသော အရေးယူပိတ်ဆို့မှု ရုတ်သိမ်းရေးအတွက် ဆွေးနွေးရန်အတွက် ခွင့်ပြုလိုက်ကြောင်း အစိုးရတာဝန်ရှိသူများထံမှ သိရှိရပါသည်။

အစိုးရ တာဝန်ရှိသူများက ဒေါ်အောင်ဆန်းစုကြည်သည် သောကြာနေ့တွင် အမေရိကန်ပြည်ထောင်စု၊ ဗြိတိန်နှင့် ဩစတြေးလျတို့မှ သံတမန်များနှင့် အစိုးရဧည့်ဂေဟာတွင် တွေ့ဆုံမည်ဖြစ်ကြောင်း ပြောကြားပါသည်။

အစိုးရတာဝန်ရှိသူက ၎င်း၏ အမည်မှာ မပြောနိုင်ကြောင်း၊ သတင်းဌာနများသို့ အဆိုပါသတင်းများ တရားဝင်ကြေငြာခွင့်မရှိကြောင်း ပြောပါသည်။

ပြီးခဲ့သည့်လက ဒေါ်အောင်ဆန်းစုကြည်သည် ဗိုလ်ချုပ်မှူးကြီးသန်းရွှေထံသို့ အရေးယူပိတ်ဆို့မှုများ ရုတ်သိမ်းရေးကို ပူးပေါင်းဆောင်ရွက်ရန်နှင့် အနောက်နိုင်ငံမှ သံတမန်များနှင့် တွေ့ဆုံခွင့်ကို စာရေး၍ တောင်းခံခဲ့ပါသည်။

eaglecentre.blogspot.com မှ ကူးယူဖော်ပြသည်။

အောက်တိုဘာ ၈ ရန်ကုန်

ရန်ကုန်တွင် ယခင် အသုံးပြုခဲ့သော နာမယ်ဆိုး စွမ်းအားရှင်များ နေရာတွင် အစားထိုးရန် အရံရဲ စနစ်သစ် ကျင့်သုံးမည် ဟု စမ်းချောင်း ရယက တဦးကပြောသည်။

စမ်းချောင်းမြို့နယ်တွင်းရှိ ဆိုက္ကားသမားတစ်ယောက်သည် ညနေပိုင်းတွင် ရဲဝတ်စုံဝတ်ထားသည်ကို တွေ့ရှိ၍ မေးကြည့်သောအခါ အဆိုပါဆိုက္ကားသမားမှ ပြောကြားရာတွင် - လက်ရဲဇက်ရဲရှိသည့် ဆိုက္ကားသမား များကို အရံရဲထဲဝင်ရန် လိုက်လံစည်းရုံးနေ၍ ၀င်ခြင်းဖြစ်ကြောင်း၊ အရံရဲထဲဝင်လျှင် ရဲသင်တန်းလဲ တက်စရာမလိုကြောင်း၊ ရဲဝတ်စုံတစ်စုံထုတ်ပေးကြောင်း၊ တစ်လကို လစာ(နှစ်သောင်းငါးထောင်)ပေးကြောင်း၊ အစိုးရ၀န်ထမ်းဟောင်းဆိုလျှင် ဦးစားပေးခန့်ကြောင်း၊ အကြောင်းရှိကခေါ်ယူမည်ဟုပြောကြောင်း- သိရှိရပါသည်။

eaglecentre.blogspot.com မှ ကူးယူဖော်ပြသည်။


ရန်ကုန်မြို့တွင်း တာဝန်ထမ်းဆောင်နေသော လက်ထောက်ဆရာဝန်များသည် အခြားဒေသများတွင် တာဝန်ထမ်းဆောင်နေကြသော လက်ထောက်ဆရာဝန်များ ထက်နှုတ်ထွက် စာတင်ရန် ပိုမိုလွယ်ကူကြောင်း သိရသည်။

လက်ရှိမြန်မာနိုင်ငံတွင် ဆရာဝန်များအနေဖြင့် အစိုးရအလုပ်ဝင်ထားပါက နှုတ်ထွက်စာ တင်ရန် ခက်ခဲသည်။

သို့သော် ယခုအချိန်တွင် ကျေးလက်ဒေသများနှင့် အခြားဒေသများတွင် တာဝန်ထမ်းဆောင်နေကြသော လက်ထောက်ဆရာဝန်များသည် တရားဝင်နှုတ်ထွက် စာတင်သော်လည်း နှုတ်ထွက်ခွင့်မရရှိဘဲ၊ ရန်ကုန်မြို့တွင်းတွင် တာဝန်ထမ်းဆောင်နေသည့် လက်ထောက်ဆရာဝန်များ တရားဝင်နှုတ်ထွက်စာ တင်ပါက ချက်ခြင်း နှုတ်ထွက်ခွင့်ရရှိနေကြောင်း ဆရာဝန်များ အသိုင်းအဝိုင်းက တညီတစ်ညွတ်တည်း ပြောဆိုကြသည်။

ကျေးလက်ဒေသနှင့် အခြားဒေသများတွင် တာဝန်ထမ်းဆောင်နေကြသော ဆရာ ဝန်များ နှုတ်ထွက်လိုပါက တရားမဝင်နည်းလမ်းများနှင့် ဆောင်ရွက်နေကြရပြီး ငွေသိန်းပေါင်းများစွာ ကုန်ကျခံမှသာ နှုတ်ထွက်နိုင်သည် ဟု သိရသည်။

ရန်ကုန်မြို့တွင်းနှုတ်ထွက်မှုကို ချက်ခြင်းခွင့်ပြုပေးခြင်းမှာ မြို့ပေါ်တွင်တာဝန်ထမ်း ဆောင်လိုသူများပြားပြီး၊ နယ်သို့သွားရောက်တာဝန်ထမ်းဆောင်လိုသူနည်းပါးခြင်းအတွက် ဖြစ်သည်ဟု ဆရာဝန်တစ်ဦးကပြောသည်။

ယင်းကဲ့သို့ အနေအထားများကြောင့် ကျန်းမာရေးဦးစီးဌာန အနေဖြင့်အထူးဝင်ငွေ ကောင်းလျှက်ရှိကြောင်းသိရသည်။

မြန်မာနိုင်ငံတွင် ဆရာဝန်စုစုပေါင်းဦးရေ ၁၈၀၀၀ ဝန်းကျင်ရှိကြောင်း နိုင်ငံတော်မှ တရားဝင်ထုတ်ပြန်သည့် ၂၀၀၄ - ၀၅ ခုနှစ်စာရင်းများအရသိရသည်။ယင်းအနက် အစိုးရ ဝန်ထမ်း ဆရာဝန် ၆၅၀၀ နီးပါးနှင့် ဆေးခန်းထိုင်ပုဂ္ဂလိက ဆရာဝန် တစ်သောင်းကျော် ရှိသည်။

eaglecentre.blogspot.com မှ ရယူဖော်ပြသည်။

Delta United FC အသင်းအား Premier Coffee အုပ်စုမှ မန်နေဂျင်းဒါရိုက်တာ ဦးထွန်းရင်မှ လွှဲပြောင်းရယူခဲ့သော်လည်း အဆိုပါ Premier Coffee အုပ်စုအား အဓိက ပိုင်ဆိုင်သူမှာ ဒေါက်တာကိုကိုကြီး ဆိုသူဖြစ်ပါသည်။

အဆိုပါ ဒေါက်တာကိုကိုကြီးမှာ Premier Coffee ကို ယခင်လမ်းစဉ်ပါတီ လူကြီးဟောင်းတစ်ဦး၏ သားဖြစ်သူထံမှ လွှဲပြောင်း ၀ယ်ယူခဲ့ခြင်း ဖြစ်ပါသည်။

ထို့ပြင် မြန်မာနိုင်ကုန်သည်များနှင့် စက်မှုလက်မှုအသင်း၏ ဥက္ကဌ နှင့် ဇေယျရွှေမြေအသင်း ပိုင်ရှင်ဖြစ်သူ ဦးဝင်းမြင့် ပူးပေါင်းပြီး ရွှေနင်္ဂါးမင်းဆိုင်ကယ်စက်ရုံကို စစ်ကိုင်းမြို့တွင် လွန်ခဲ့သည့် (၅)နှစ်ခန့်မှစ၍ တည်ထောင်ထားသူ ဖြစ်ပါသည်။

ဒေါက်တာကိုကိုကြီး၏ ဖခင်ဖြစ်သူမှာ တရုတ်နိုင်ငံ၊ယူနန်ပြည်နယ်သားစစ်စစ်တစ်ဦးဖြစ်ပြီး၊ ယခုလက်ရှိ ယူနန်ပြည်နယ်ကုန်သည်ကြီးများအသင်းဥက္ကဌလည်းဖြစ်သည်။

မြန်မာနေရှင်နယ်လိဂ် ၏ ပြိုင်ပွဲတွင် အမှတ်ပေးဇယားထိပ်ဆုံးတွင်ရောက်ရှိနေသော Delta United FC ဘောလုံးအသင်း အား Premier Coffee အုပ်စုမှ လွှဲပြောင်းရယူသော အခမ်းအနားကို ရန်ကုန်မြို့၊ Trader Hotel တွင် (၂၈-၉-၀၉)တွင်ကျင်းပပြုလုပ်ခဲ့ပါသည်။

eaglecentre.blogspot.com မှ ကူးယူဖော်ပြသည်။
(By Hwang Jang- Jin) (From The Korea Herald Newspaper: 8- 10- 2009)

အမေရိကန် ပြည်ထောင်စု သမ္မတ Barack Obama သည် မြောက်ကိုရီးယားအရေးအပါအဝင် နှစ်နိုင်ငံအကြား ကုန်သွယ်ရေးနှင့် မဟာမိတ်ပြုမှုဆိုင်ရာ ကိစ္စရပ်များနှင့် ပတ်သက်၍ သမ္မတ Lee Myung-bak နှင့် ထိပ်သီးဆွေးနွေးပွဲ ကျင်းပရန် နိုဝင်ဘာ ၁၈ မှ ၁၉ ရက်အတွင်း ဆိုးလ် မြို့သို့ သွားရောက်လိမ့်မည်ဟု Cheong Wa Dae က ယမန်နေ့က ကြေညာသည်။

နိုဝင်ဘာ ၁၄ မှ ၁၅ နှစ်အတွင်း စင်ကာပူနိုင်ငံတွင် ကျင်းပခဲ့သော Asia Pacific Economic Cooperation Summit သို့ နှစ်နိုင်ငံ ခေါင်းဆောင်များ တက်ရောက်ခဲ့ပြီးနောက် ယခုခရီးစဉ် ပေါ်ထွက်လာခြင်းဖြစ်သည်။ Obama သည် ဂျပန်နိုင်ငံနှင့် တရုတ်နိုင်ငံသို့လည်း သွားရောက်မည် ဖြစ်သည်။

ယခုထိပ်သီးဆွေးနွေးပွဲသည် မြောက်ကိုရီးယား အရေးတွင် ပူးပေါင်းဆောင်ရွက်ရေး မူဝါဒအပေါ် ပိုမိုအာရုံစိုက်လုပ်ဆောင်ရန် ရည်ရွယ်ကျင်းပခြင်း ဖြစ်သည်။ ပြီးခဲ့သော လကုန်ပိုင်းတွင် “လီ” က “ကြီးကျယ်ခမ်းနားသော ဈေးဆစ်မှု”(Grand Bargain) ကို အဆိုပြုလိုက်ပြီး နိုင်ငံတကာ အသိုင်းအဝန်း၏ စီးပွားရေးပိတ်ဆို့မှုနှင့် လုံခြုံရေးအာမခံမှုများကို လက်ခံ၍ ပြုံးယမ်း၏ နျူကလီယားအစီအစဉ်များကို ဖျက်သိမ်းပေးရန် တိုက်တွန်းလိုက်သည်။

နှစ်နိုင်ငံ ဥပဒေပြု အာဏာပိုင်အဖွဲ့များ အဆင့်တွင် ရပ်တန့်နေသော လွတ်လပ်စွာ ကုန်သွယ်ရေး သဘောတူညီချက်များ ရှေ့ဆက်၍ အကောင်အထည်ဖော်ရေး အပါအဝင် နှစ်နိုင်ငံကြား ဖြစ်ပေါ်လာနိုင်သော အရေးကိစ္စများကို သမ္မတနှစ်ဦး ဆွေးနွေးကြလိမ့်မည်ဟု တာဝန်ရှိသူများက ပြောကြားသည်။

အနာဂတ်သို့ ဦးတည်သော “ကိုရီးယား - အမေရိကန် မဟာဗျူဟာ မိတ်ဖက်” အပါအဝင် နှစ်နိုင်ငံအကြား ပိုမိုနက်ရှိုင်းကျယ်ပြန့်စွာ ပူးပေါင်းဆောင်ရွက်သွားမည့် ဆက်ဆံရေးနှင့် ပတ်သက်သော ကိစ္စရပ်များကို သမ္မတ Lee နှင့် သမ္မတ Obama တို့ ဆွေးနွေးကြမည်ဟု Cheong Wa Dae က ပြောကြားခဲ့ပါသည်။

“လီ” နှင့် အိုဘာမားတို့နှစ်ဦးသည် ရာစုနှစ်ဝက်ကျော်နေသော ကာကွယ်ရေး မဟာမိတ်ပြုမှုကို ကမ္ဘာလုံးဆိုင်ရာ ပိုမိုကျယ်ပြန့်သော မဟာဗျူဟာမိတ်ဖက် အဖြစ် အသွင်ပြောင်းလဲရန် ကတိပြုထားသော ပူးတွဲဆုံးဖြတ်ချက်ကို ဇွန်လက လက်ခံချမှတ်ခဲ့ပါသည်။

ခေါင်းဆောင်နှစ်ဦးသည် ကမ္ဘာလုံးဆိုင်ရာ ငွေကြေး အကျပ်အတည်း၊ ရာသီဥတုပြောင်းလဲမှု၊ နျူကလီယား မပြန့်ပွားရေးနှင့် အကြမ်းဖက်မှု တန်ပြန်နှိမ်နင်းရေး ကိစ္စများ အပါအဝင် နိုင်ငံတကာ ကိစ္စရပ်များကိုလည်း ဆွေးနွေးကြမည်ဟု သိရှိရပါသည်။

လီ နှင့် အိုဘားမား တို့၏ ထိပ်သီးဆွေးနွေးပွဲသည် ဧပြီလက လန်ဒန်တွင် တစ်ကြိမ်၊ ဇွန်လတွင် ဝါရှင်တန်၌ တစ်ကြိမ် ကျင်းပခဲ့ပြီးနောက် ယခု တတိယအကြိမ်မြောက် ကျင်းပခဲ့ခြင်းဖြစ်သည်။

eaglecentre.blogspot.com မှ ကူးယူဖော်ပြသည်။
A Step by Step Approach to Burma By Sen. Jim Webb(Sept 30)


အမေရိကန်ပြည်ထောင်စု အနေနှင့် နိုင်ငံခြားရေးရာ ကိစ္စရပ်များတွင် တရုတ်နိုင်ငံ၏ ရပ်တည်မှုအနေအထားကို အားကျစွာ လိုက်လံအတုခိုးပြုလုပ်သင့်သည်ဟု ကျွန်တော် တစ်ခါမှ မယူဆခဲ့ဖူးပါ။

မြန်မာနိုင်ငံအပေါ် တရုတ်၏ ဩဇာလွှမ်းမိုးမှု ကြီးထွားလာခြင်းသည် အမေရိကန်နိုင်ငံအတွက် မဟာဗျူဟာအရ အရေးကြီးသည်ဆိုသည့် အကြောင်းရင်းပေါ်တွင် စိုးရိမ်ပူပန်မိခြင်းသာ ဖြစ်ပါသည်။

အာရှတိုက်တွင် နှစ်လေးဆယ်ကျော်မျှ အတွေ့အကြုံ သက်တမ်းရှိခဲ့သော နိုင်ငံတစ်ခုဖြစ်ခဲ့သည့်အားလျော်စွာ ၎င်းဒေသတွင် အမေရိကန်ပြည်ထောင်စု၏ စီးပွားရေး၊ နိုင်ငံရေး၊ ယဉ်ကျေးမှုနှင့် ကာကွယ်ရေးဆိုင်ရာ အကျိုးသက်ရောက်မှုများ လျော့ကျလာခြင်းကြောင့် အရှေ့တောင်အာရှတွင် မဟာဗျူဟာချိန်ခွင်လျှာ မညီမျှမှုဖြစ်ပေါ်နေသည်ကို အချိန်ကြာမြင့်စွာကပင် ကျွန်တော် သတိပေးခဲ့ပြီးဖြစ်ပါသည်။

လွန်ခဲ့သော ၈ နှစ် ဧပရယ် ၁၃၊ ၂၀၀၁ တွင် ထုတ်ဝေခဲ့သော Wall Street ဂျာနယ်တွင်ပါသော ဆောင်းပါး၌ ယခုသတိပေးချက်များ ဖော်ပြခဲ့ပါသည်။

စီးပွားရေး ပိတ်ဆို့အရေးယူမှုများသည် မြန်မာနိုင်ငံ အရေးကိစ္စတွင် ထိရောက်မှု မရှိကြောင်း နှစ်ပေါင်းအတန်ကြာကပင် ကျွန်တော် သုံးသပ်မိခဲ့ပါသည်။ ဒဿနိကဗေဒဆိုင်ရာ ဆက်စပ်တွေးခေါ်မှု နည်းလမ်းများဖြင့် သုံးသပ်ဝေဖန်သူများက အခိုင်အမာ သုံးသပ်တင်ပြထားသော ယူဆချက်လည်း ဖြစ်ပါသည်။ အဆုံးသတ်၌ ပိတ်ဆို့အရေးယူမှုများ ရုတ်သိမ်းရေးနှင့် ၂၀၁၀ တွင် ကျင်းပရန် အဆိုပြုထားသော ရွေးကောက်ပွဲမှ အပေါင်းလက္ခဏာဆောင်သော အကျိုးရလဒ်များ ထွက်ပေါ်လာရေးကို ဦးတည်လှုပ်ရှားနေသည့် အိုဘားမားအစိုးရ၏ “တစ်လှမ်းပြီး တစ်လှမ်း မြန်မာနိုင်ငံသို့ ချဉ်းကပ်ရေး” မူဝါဒသစ်ကို တစ်ချိန်တည်းမှာပင် ကျွန်တော်က လူသိရှင်ကြား ထောက်ခံခဲ့ပြီး ဖြစ်ပါသည်။

ကျွန်တော်နှင့် ဒေါ်အောင်ဆန်းစုကြည်တို့ တွေ့ဆုံဆွေးနွေးခဲ့သော ကိစ္စနှင့် ပတ်သက်၍ အသေးစိတ်အချက်အလက်များကို ထုတ်ပြန်ရန် အစဉ်တစိုက် ငြင်းဆန်ခဲ့ပါသည်။ သူမ၏ အကျိုးငှာ လူသိရှင်ကြားပြောဆိုမှုများကို ဒေါ်အောင်ဆန်းစုကြည်အား ခွင့်ပြုထားခြင်း မရှိသော လက်ရှိအခြေအနေများအရ ထောက်ထား၍ ငြင်းဆန်ရခြင်း ဖြစ်ပါသည်။ လွန်ခဲ့သော ရက်ပေါင်းများစွာက သူမ၏ ဆက်သွယ်မှုများသည် တွေ့ဆုံဆွေးနွေးမှုနှင့် ဆက်စပ် ပတ်သက်လိမ့်မည်ဟု ကျွန်တော် ယုံကြည်ပြီး ၎င်းတို့၏ ကိုယ်ပိုင်အရည်အသွေးများနှင့် ပတ်သက်၍လည်း ချီးကျူးခံထိုက်သည်ဟု ယူဆမိပါသည်။

(ဆီနိတ်တာ Jim Webb ရေးသားခဲ့သော ဆောင်းပါး ဖြစ်ပါသည်။)

eaglecentre.blogspot.com မှ ကူးယူဖော်ပြသည်။

ပြည်ပြေးဘ၀ဖြင့် နေထိုင်လျက်ရှိသော မြန်မာ့ဒီမိုကရေစီလှုပ်ရှားသူများ က မြန်မာနိုင်ငံအပေါ် စီးပွားရေးပိတ်ဆို့မှု မူဝါဒများ ဆက်လက်ကျင့်သုံးသွားရန် အမေရိကန်အစိုးရ အားတိုက်တွန်းပြီး ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်ပေးရန် စစ်အစိုးရ အား တောင်းဆိုလိုက်သည်။ စီအန်အန်သတင်းတစ်ရပ်အရ အောက်တိုဘာ ၇ ရက်နေ့က အမေရိကန်ပြည် ထောင်စု၊နယူးယောက်မြို့ ကုလသမဂ္ဂ အဆောက်အအုံရှေ့တွင် မြန်မာ့ဒီမိုက ရေစီအရေးဆန္ဒပြသူများစုရုံးပြီး ဒေါ် အောင်ဆန်းစုကြည် လွတ်မြောက်ရေးအတွက် ဆန္ဒပြတောင်းဆိုကြသည်။

မြန်မာပြည်ပြေးအစိုးရအဖွဲ့မှ ကုလသမဂ္ဂဆိုင်ရာ တရားမ၀င်ကိုယ်စားလှယ် (Unofficial representative to the UN) ဦးသောင်းထွန်းက “ဒီအချိန်ဟာ ပိတ်ဆို့အရေးယူမှုတွေကို ဖယ်ရှားပေးဖို့ အတွက် အချိန်ကောင်းမဟုတ်ပါဘူး” ဟု စီအန်အန်သတင်းဋ္ဌာနကိုပြောသည်။ အမေရိကန်အနေဖြင့် မြန်မာစစ်အစိုး ရအပေါ် စီးပွားရေးပိတ်ဆိုမှုများပြုလုပ်ပြီး ဖိအားပေးမှုများ ဆက်လက်လုပ်ကိုင်စေလိုကြောင်း ဦးသောင်းထွန်းကဆို သည်။

အိုဘားမားအုပ်ချုပ်ရေးအဖွဲ့သည် အဆိုပါစီးပွားရေးပိတ်ဆို့မှု မူဝါဒကိုဆက်လက် ကျင့်သုံးသွားမည်ဟုထုတ်ဖော်ထား သည်။ သို့သော် ပိတ်ဆို့ရေးမူဝါဒသက်သက်ဖြင့် အလုပ်မဖြစ်နိုင်သည်ကို သိရှိလာသောကြောင့် မြန်မာစစ်အစိုးရနှင့် တိုက်ရိုက် စေ့စပ်ညှိနှိုင်းမှုများ ပြုလုပ်မည်ဟုဆိုသည်။ အမေရိကန်အစိုးရက တစ်ဖက်တွင် စီးပွားရေးပိတ်ဆို့မှု မူဝါဒ ကိုကျင့်သုံးပြီး အခြားတစ်ဖက်တွင် စစ်အစိုးရကို သံတမန်နည်းလမ်းဖြင့် ချဉ်းကပ်စကားပြော ဆွေးနွေးရန်စီစဉ်နေသော်လည်း ဒေါ်အောင်ဆန်းစုကြည်ကမူ စီးပွားရေးပိတ်ဆို့မှုများ ဖယ်ရှားနိုင်ရေး အတွက် ကြိုးပမ်းသွားမည်ဟု ထုတ်ဖော်ပြောဆိုခဲ့သည်။ အမေရိကန်-မြန်မာ နိုင်ငံရေး ဆက်နွယ်ချိတ်ဆက်မှုတွင် ဒေါ်အောင်ဆန်းစုကြည် ဖမ်းဆီးထိန်းသိမ်း ခံထားရခြင်းသည် အဓိကကျသော အကြောင်းအရာတစ်ခုဖြစ်လာခဲ့သည်။

စစ်အစိုးရကို အတိုက်အခံနိုင်ငံရေး အင်အားစုများနှင့် လေ့လာအကဲခတ်သူများက ပြစ်တင်ဝေဖန်မှုများ ပြုလုပ်နေကြသည့် အကြောင်းအရင်းမှာ ဒေါ်အောင်ဆန်းစုကြည်ကို ၂၀၁၀ရွေး ကောက်ပွဲတွင် ပါဝင်ယှဉ်ပြိုင်ခွင့်မရရှိအောင် မတရားပစ်ဒဏ်ပေးကာ ဖမ်းဆီး ထိန်းသိမ်းထားခြင်းပင်ဖြစ်သည်။ ၀ါရှင်တန်က စီးပွားရေးပိတ်ဆို့မှုရော သံတမန် နည်းလမ်းပါ မူဝါဒနှစ်ရပ်လက်ကိုင် ကျင့်သုံးခြင်းသည် ထိရောက်မှုအရှိဆုံး သောနည်းလမ်းတစ်ရပ်ဖြစ်နိုင်ကြောင်း ဦးသောင်းထွန်းက ပြောသည်။

စစ်အစိုးရကိုသာ အဓိကပစ်မှတ်ထား ပြီး စီးပွားရေးပိတ်ပင်ကန့်သတ်ချက်များ ပြုလုပ်ခြင်းသည် မြန်မာပြည်သူလူထု ကို ထိခိုက်မှုမရှိနိုင်ပါကြောင်း ဦးသောင်း ထွန်းက ပြင်းထန်သောပိတ်ဆို့မှုများ ပြုလုပ်ရေးနှင့်ပတ်သက်၍ ပြောကြား သည်။

အမေရိကန် စီအိုင်အေကထုတ်ပြန် သောစာရင်းဇယားများအရ မြန်နိုင်ငံလူ ဦးရေ၏ ၃၀ ရာခိုင်နှုန်းမှာ ဆင်းရဲနွမ်းပါးသည့် ဘ၀တွင် နေထိုင်နေကြရသည်။

“မြန်မာပြည်သူတွေဟာ ဆင်းရဲကြတယ်။ စစ်အစိုးရရဲ့စီမံခန့်ခွဲမှုအလွဲအမှားတွေကြောင့် တစ်စထက်တစ်စဆိုးဝါး နေပါတယ်။ တကယ်တော့ ဒီနှစ်ပေါင်း နှစ်ဆယ် ကာလအတွင်းမှာ စစ်ခေါင်းဆောင်နဲ့အစိုးရပိုင်းပဲ ပိုက်ဆံတွေ အများကြီးရလာတာ။ အခုဆိုရင် သူတို့ဟာ ထိုင်းနိုင်ငံတစ်နိုင်ငံတည်းကို သဘာဝ ဓာတ်ငွေ့ရောင်းရုံနဲ့ အမေရိကန်ဒေါ်လာ ၂ ဒဿမ ၆ ဘီလျံ ရတယ်။ ဒါပေမဲ့ အဲဒီပိုက်ဆံတွေကို ပြည်သူတွေအတွက် အသုံးမပြုပါဘူး” ဟု ဦးသောင်းထွန်းက ပြောသည်။

စီးပွားရေးပိတ်ဆို့မှုများသည် ပြည်သူလူထုအပေါ် အကျိုးသက်ရောက်မှုရှိ သည်ဟူသော အချက်ကို အချို့ကလက်ခံသဘောတူခြင်းမရှိပေ။

“ဒေါ်အောင်ဆန်းစုကြည်က မြန်မာပြည်သူတွေ ထိခိုက်နစ်နာမှာကို မလိုလားပါဘူး”ဟု ကုလသမဂ္ဂ အထူးသံတမန် အီဘရာဟင်ဂမ်ဘာရီက ပြောကြားသည်။ “တချို့စီးပွားရေး ပိတ်ပင်မှုတွေဟာ မြန်မာပြည်သူတွေကို ထိခိုက်နစ်နာ စေပါတယ်။”

မြန်မာစစ်အစိုးရ၏၀န်ကြီးချုပ် ဗိုလ်ချုပ်ကြီးသိန်းစိန်က စီးပွားရေးပိတ်ဆို့ မှုများကို အကြမ်းဖက်မှုပုံစံ တစ်ခုဟု သတ်မှတ်ခေါ်ဆိုပြီး ပိတ်ဆို့မှုကြောင့် လူ့အခွင့်အရေးများနှင့် ဒီမိုကရေစီကို မြှင့်တင်နိုင်ခြင်းမရှိကြောင်းပြောသည်။

အမေရိကန်ပြည်ထောင်စု၏ ဆီနိတ်တာတစ်ဦးအဖြစ် မြန်မာပြည်ကို ပထမဆုံးလာရောက်ခဲ့သော ဂျင်ဝက်ဘ်က အကယ်၍အနာဂတ်နိုင်ငံရေးတွင် နှစ်ဦး နှစ်ဖက်အပြန်အလှန် အပြုအမူကောင်းများ ရှိလာပါက အမေရိကန်နိုင်ငံခြားရေးဝန်ကြီးဋ္ဌာနက ဆန်ရှင်ကဲ့သို့သော မူဝါဒများကို ထပ်မံချမှတ်မည်မဟုတ်ကြောင်း ပြောကြားသည်။ သို့သော် ပိတ်ဆို့မှုများဖယ်ရှားရေးအတွက် တုံ့ဆိုင်း နေသည်ဟုဆိုသည်။ “ဒေါ်အောင်ဆန်းစုကြည်အနေနဲ့ အစိုးရခေါင်းဆောင်တွေနဲ့ တစ်ပတ်အတွင်း နှစ်ကြိမ်တိတိ တွေ့ဆုံခွင့်ရခဲ့တာ ကိုတွေ့ရပါတယ်။”

သို့သော် ဒေါ်အောင်ဆန်းစုကြည်မှာ ယနေ့အချိန်ထိ ဖမ်းဆီးထိန်းသိမ်းခံထားရဆဲဖြစ်သည်။ သူမအမှုအတွက် အယူခံကိုလည်း စစ်အစိုးရက ပယ်ချခဲ့သည်။ ဒေါ်အောင်ဆန်းစုကြည်သည် ၁၉၈၈ ခုနှစ် အရေးအခင်းကာလနောက်ပိုင်း နှစ်၂၀ အတွင်း ၁၄ ခန့်မျှ ဖမ်းဆီးထိန်း သိမ်းခံလာရသူဖြစ်သည်။

အမေရိကန်အစိုးရနှင့် စစ်အစိုးရ စကားပြောမည့်ကိစ္စသည် ဒေါ်အောင် ဆန်းစုကြည် ထိန်းသိမ်းခံထားရမှုအပေါ် မည်သို့ သက်ရောက်မှုရှိလာမည်ဟူ သည်ကို ပြောရန်စောနေသေးကြောင်း ဦးသောင်းထွန်းက ဆိုသည်။ “ကျွန်တော်တို့အနေနဲ့ မြန်မာ့နိုင်ငံရေးရဲ့ ပကတိ အနေအထားကို ကြည့်မယ်ဆိုရင် တိုးတက်မှု တစ်ခုမှမရှိတာကို တွေ့ရပါတယ်။”

“လွန်ခဲ့တဲ့ ခုနစ်လတာကာလကို ကြည့်မယ်ဆိုရင် စစ်တပ်ရဲ့ အကြမ်းဖက်မှုတွေ၊ နိုင်ငံရေးအကျဉ်းသားဦးရေ တိုးပွားလာမှုတွေနဲ့ တိုင်းရင်းသားလူနည်းစုတွေ အပေါ် စစ်တပ်ရဲ့တိုက်ခိုက်မှုတွေ အများကြီး ထွက်ပေါ်ခဲ့တာကို တွေ့ရပါတယ်။ အဲဒါကြောင့် စစ်အစိုးရကို ဖိအားပေးမှုတွေ ပိုလုပ်ဖို့ လိုအပ်ပါတယ်။ စစ်အစိုးရက စံ သတ်မှတ်ချက်တွေ၊ တောင်းဆိုချက်တွေ မဖြည့်ဆည်းပေးသေးသရွေ့ ဖိအားပေး မှုတွေလုပ်ဖို့လိုအပ်ပါတယ်။ အဲဒီအချက်ကိုကျွန်တော်တို့ အနေနဲ့ တော်တော်ဂရုစိုက် သတိထားကြရပါမယ်” ဟု ဦး သောင်းထွန်းကပြောပါသည်။

စီအန်အန်သတင်းဋ္ဌာန၏ Exiled Myanmar activist backs sanctionsသတင်းဆောင်းပါးကိုဘာသာပြန် ခြင်းဖြစ်ပါသည်။

eaglecentre.blogspot.com မှ ကူးယူဖော်ပြသည်။
(6th Oct, 2009) CNN

မြောက်ကိုရီးယားခေါင်းဆောင် Kim Jong ll က နျူကလီယားအစီအစဉ်နှင့် ပတ်သက်၍ အမေရိကန်နှင့် နှစ်နိုင်ငံ ဆွေးနွေးမှုများကို ပြန်လည်ပြုလုပ်ရန် ဆန္ဒရှိကြောင်း၊ နိုင်ငံ (၆) နိုင်ငံ ပါဝင်သည့် ဆွေးနွေးပွဲသို့လည်း ပြန်လည်တက်ရောက်လိုကြောင်း ပြောကြားခဲ့သည်ဟု တရုတ် စင်ဟွာ သတင်းဌာနက ထုတ်ပြန်ခဲ့ပါသည်။

တရုတ်ဝန်ကြီးချုပ် Wen Jiabao ပြုံးယမ်းသို့ သွားရောက်လည်ပတ်ခဲ့သည့် ကာလအတွင်း ကြေညာခဲ့ခြင်း ဖြစ်ပါသည်။ ကုလသမဂ္ဂက မြောက်ကိုရီးယား၏ နျူကလီယားစမ်းသပ်ဖောက်ခွဲမှုနှင့် ဒုံးကျည်စမ်းသပ်ပစ်လွှတ်မှုတို့ကို အပြစ်တင်ပြောကြားခြင်းကြောင့် မြောက်ကိုရီးယားသည် စကားဝိုင်းနှင့် ဧပြီလတွင် ခွာပြဲခဲ့ကြောင်း သိရှိရပါသည်။

ဝမ်ကြားပေါင်သည် ပြုံးယမ်းတွင် (၃) ရက် လည်ပတ်ပြီးနောက် အင်္ဂါနေ့တွင် တရုတ်ပြည်သို့ ပြန်လည်ထွက်ခွာခဲ့ပါသည်။

တစ်သီးပုဂ္ဂလဖြစ်နေသော ကွန်မြူနစ် မြောက်ကိုရီးယားမှ တရုတ်အထူးကိုယ်စားလှယ် Dai Bingguo နှင့် လွန်ခဲ့သည့်လက တွေ့ဆုံခဲ့စဉ်ကလည်း အထက်ပါအတိုင်း ပြောဆိုခဲ့ဖူးပါသည်။

(၆) နိုင်ငံညှိနှိုင်းမှုတွင် အမေရိကန်၊ တောင်ကိုရီးယား၊ ဂျပန်၊ တရုတ်နှင့် ရုရှားနိုင်ငံတို့ပါဝင်ပါသည်။

အဆိုပါ တုံ့ပြန်ချက်နှင့် ပတ်သက်၍ အမေရိကန်ပြောရေးဆိုခွင့်ရှိသူ Ian Kelly က အမေရိကန်သည် မြောက်ကိုရီးယားနှင့် နှစ်နိုင်ငံ ပူးပေါင်းဆောင်ရွက်မှုကို (၆) နိုင်ငံ သဘောတူညီချက်မူအတိုင်း လုပ်ဆောင်သွားမည် ဖြစ်ကြောင်း၊ မြောက်ကိုရီးယားကို နျူကလီယား ထုတ်လုပ်မှု လုံးဝရပ်ဆိုင်းသည်ထိ နားလည်သဘောတူအောင် ဆောင်ရွက်သွားမည်ဟု ပြောဆိုသွားပါသည်။

ပြုံးယမ်းသည် အိုဘားမားအစိုးရ၏ အထူးကိုယ်စားလှယ်ကို မြောက်ကိုရီးယားသို့လာရောက်ရန် မကြာသေးမီက ဖိတ်ခေါ်ခဲ့သည်။ ဩဂုတ်လအတွင်းက မြောက်ကိုရီးယား သံတမန်များသည် နယူးမက်စီကို သို့ သွားရောက်၍ မြို့တော်ဝန် Bill Richardson နှင့် တွေ့ဆုံခဲ့ပြီး နှစ်နိုင်ငံ တိုက်ရိုက်ဆက်ဆံရေး ကိစ္စရပ်များကို ဆွေးနွေးသွားပါသည်။

ကုလသမဂ္ဂသို့ စက်တင်ဘာလအတွင်းက ပေးပို့ခဲ့သော စာတွင် မြောက်ကိုရီးယားက ၎င်းတို့၏ သုံးစွဲပြီးသော နျူကလီယားလောင်စာဆီ ပြန်လည် ထုတ်လုပ်ထားသော ပလူတိုနီယမ်ဖြင့် လက်နက်ထုတ်ယူနေကြောင်း၊ နိုင်ငံပိုင်သတင်းဌာန၏ ထုတ်ပြန်ချက်ကို ဖော်ပြခဲ့သည်။

ကုလသမဂ္ဂ လုံခြုံရေးကောင်စီ ဥက္ကဋ္ဌထံသို့ ပေးစာတွင်လည်း မြောက်ကိုရီးယားသည် ယူရေနီယံသန့်စင်မှုတွင် နောက်ဆုံးအဆင့်သို့ ရောက်ရှိနေပြီ ဖြစ်ကြောင်း နိုင်ငံပိုင် KCNA သတင်းဌာန၏ ထုတ်ပြန်ချက်ကို ဖော်ပြထားပါသည်။ ယူရေနီယံသည် အမြင့်ဆုံးသော အဆင့်အထိ သန့်စင်ပြီးပါက လက်နက်ထုတ်လုပ်နိုင်သော အဆင့်သို့ ရောက်ရှိနိုင်ပါသည်။ ပလူတိုနီယမ်ကို အက်တမ်ဗုံး ပြုလုပ်ရာတွင် အသုံးပြုသည်။

ကုလသမဂ္ဂလုံခြုံရေးကောင်စီက ဇွန်လတွင် ချမှတ်ခဲ့သော ဆုံးဖြတ်ချက်အရ နျူကလီယား လက်နက်ထုတ်လုပ်မှုကို ရပ်ဆိုင်းရမည်ဟူသော အချက်ကို မြောက်ကိုရီးယားက “လုံးဝဆန့်ကျင်” သည်ဆိုသော်လည်း ၎င်းတို့အနေဖြင့် စေ့စပ်ဆွေးနွေးမှုရော၊ ပိတ်ဆို့မှုအတွက်ပါ ပြင်ဆင်ထားပါသည်ဟု KNCA က ထုတ်ပြန်ထားပါသည်။

eaglecentre.blogspot.com မှ ကူးယူဖော်ပြသည်။

အောက်တိုဘာ ၆

နေပြည်တော်က အမေရိကန်စွမ်းအင်ထုတ်လုပ်မှု ကုမ္ပဏီ Conoco Phillips ကို ဘင်္ဂလားပင်လယ်အော်တွင် ကမ်းလွန်ရေနံထုတ်လုပ်ရန် လေ့လာမှုပြုလုပ်ခြင်းအတွက် သတိပေးခဲ့သောကြောင့် မြန်မာနှင့် ဘင်္ဂလားဒေ့(ရှ်)နိုင်ငံအကြား ထိပ်တိုက် ရင်ဆိုင်မှုများ ဖြစ်ပေါ်လာရသည်။

မြန်မာသည် သတိပေးချက် ထုတ်ပြန်ပြီး အဆိုပါ မကျေမလည်ဖြစ်နေသည့် နယ်စပ်ဒေသ တလျှောက်တွင် စစ်တပ်အင်အားကို တိုးချဲ့ချထားလိုက်ကြောင်း ဘင်္ဂလားဒေ့(ရှ်) ကပြောပါသည်။

အမေရိကန် ရေနံကုမ္ပဏီသည် အဆိုပါကိစ္စနှင့် ပတ်သက်၍ နိုင်ငံခြားရေးဝန်ကြီးဌာနသို့ တင်ပြလာကြောင်း၊ အရာရှိတစ်ဦးမှ ပြောကြားသွားသည်။ ကုမ္ပဏီက ပြောကြားရာတွင် ဘင်္ဂလားဒေ့(ရှ်) က ၎င်းတို့ကို ခွင့်ပြုခဲ့သော ကမ်းလွန်ရေနံထုတ်လုပ်ရေးအကွက် (၁၁) သည် မြန်မာ့ပင်လယ်ရေပိုင်နက် အတွင်းတွင် ရှိသည်ဟူသော ဖော်ပြချက်ဖြင့် မြန်မာတို့ထံမှ သတိပေးစာ ရရှိခဲ့ကြောင်း ပြောကြားပါသည်။

Conoco Phillips ကုမ္ပဏီမှ တာဝန်ရှိသူများက နိုင်ငံခြားရေးဝန်ကြီးဌာနနှင့် ဆွေးနွေးလိုကြောင်း ၊ယခုအပတ်အတွင်း အစည်းအဝေးပြုလုပ်နိုင်မည် ဖြစ်ကြောင်း၊ New Age သတင်းမှ သက်ဆိုင်ရာ အရာရှိတစ်ဦး၏ ပြောကြားချက်အရ ယခုတောင်းဆိုသော နေရာသည် သိသိသာသာ ကျယ်ဝန်းသည့် နယ်မြေမဟုတ်ကြောင်း သိရပါသည်။

အမေရိကန်ကုမ္ပဏီသည် နိုင်ငံပိုင် Petrobangla သို့ ယင်းလုပ်ကွက်(၁၁) ကိုဆက်လက်လုပ်ကိုင်ခြင်းမပြုရန် အတွက် ရန်ကုန်မှသတိပေးချက်ကို အကြောင်း ကြားပြီး ဖြစ်ကြောင်းသိရသည်။

စစ်အစိုးရ အုပ်ချုပ်သော မြန်မာနိုင်ငံနယ်စပ်ရှိ အရှေ့တောင်အာရှဒေသအတွင်း ထူးခြားမှုများ ဖြစ်နေကြောင်း၊ မြန်မာအစိုးရက အခင်းဖြစ်ပွားရာ ဒေသအတွင်း နယ်ခြားစောင့်တပ် ပိုမိုချထားကြောင်း သိရှိရပါသည်။

www.thehindubusinessline.com

eaglecentre.blogspot.com မှ ကူးယူဖော်ပြသည်။

အောက်တိုဘာ ၇၊

အမျိုးသားလုံခြုံရေးကောင်စီ၏ ထိုင်းနယ်ခြားရေးရာနှင့် ကာကွယ်ရေးဗျူရို ဒါရိုက်တာ ဖြစ်သူက ထိုင်းနိုင်ငံသည် ၎င်းတို့၏ နယ်စပ်တွင် ရောက်ရှိနေသော မြန်မာဒုက္ခသည်များကို အတင်းအကြပ် ပြန်လည်မောင်းထုတ်မည် မဟုတ်ကြောင်း ပြောကြားပါသည်။ လာမည့် အထွေထွေ ရွေးကောက်ပွဲ ပြီးဆုံးသည့်အချိန်ထိ ဆက်လက်နေခွင့်ပြုထားမည် ဖြစ်ကြောင်း သိရသည်။

Chulalongkorn University ၏ ထိုင်း-မြန်မာ ဆက်ဆံရေး အစည်းအဝေး တက်ရောက်စဉ် Bhonchart Bunnag က ထိုင်းအစိုးရသည် မြန်မာဒုက္ခသည်များကို လုံခြုံမှုမရှိသော ဒေသအတွင်းသို့ အတင်းအကြပ် ပြန်လည်၍ မောင်းထုတ်ခြင်း ပြုမည်မဟုတ်ကြောင်း သတ်မှတ်ထားသည့် ပေါ်လစီအတိုင်း ဆက်လက်ကျင့်သုံးမည် ဖြစ်ကြောင်း ပြောကြားသွားသည်။ ပြန်လည်ပို့ဆောင်မှု ရှိလျှင်လည်း ပို့ဆောင်ခြင်းခံရသူများ၏ သဘောတူညီချက်အရသာ ဖြစ်သည်ဟုဆိုသည်။

မြန်မာစစ်တပ်သည် ငြိမ်းချမ်းရေးယူထားသော ရှမ်းနှင့် ဝ သူပုန်များအား ဆက်လက်တိုက်ခိုက်ပါက ဒုက္ခသည်ကိစ္စသည် ပိုမိုဆိုးလာမည် ဖြစ်ကြောင်းလည်း ပြောကြားသွားပါသည်။

ဩဂုတ်လအတွင်းက ကိုးကန့်လူမျိုးများကို တရုတ်-မြန်မာနယ်စပ်တွင် တိုက်ခိုက်မှုများကြောင့် ထောင်ပေါင်းများစွာသော တရုတ်လူမျိုးစုများနှင့် တောင်ပေါ်လူမျိုးစုများ တရုတ်နိုင်ငံအတွင်းသို့ ထွက်ပြေးဝင်ရောက်ခဲ့ပါသည်။

ထိုင်းနှင့် တရုတ်နယ်စပ်တွင် ခိုင်မာစွာ တပ်စွဲထားသော အင်အား ၂၀,၀၀၀ ရှိသည့် ဝ ပြည်နယ် တပ်မတော် (United Wa State Army) ကို တိုက်ခိုက်ခြင်းအားဖြင့် ချင်းမိုင်နှင့် ချင်းရိုင်ဒေသအတွင်းသို့ ဒုက္ခသည် ၂၀၀,၀၀၀ ခန့်ကို ရောက်ရှိစေခဲ့ကြောင်း လုံခြုံရေးအရာရှိက ပြောပါသည်။

အဆိုပါနေ့က ပြုလုပ်ခဲ့သော အခြေအတင် ဆွေးနွေးပွဲတွင် အမေရိကန်နိုင်ငံ၏ မြန်မာနိုင်ငံအပေါ် ထားရှိသည့် မဟာဗျူဟာနှင့် ပတ်သက်၍ အဓိကထားဆွေးနွေးခဲ့ကြသည်။ မြန်မာစစ်အစိုးရအား ထောက်ပံ့ စေ့စပ်ဆွေးနွေးခြင်းကို ထောက်ခံပြောဆိုခဲ့သော်လည်း ဒီမိုကရက်တစ်ပါတီ၊ ပါလီမန်အဖွဲ့ဝင် Kraisak Choonhavan က မြန်မာနိုင်ငံအတွင်းနှင့် ထိုင်းနယ်စပ် ဒုက္ခသည်စခန်းများတွင် ရောက်ရှိနေသော ကရင်နှင့် ရှမ်း ဒုက္ခသည်များ၏ အရေးကို အပြည်ပြည်ဆိုင်ရာ အသိုင်းအဝိုင်းအနေဖြင့် လစ်လျူရှုရန် မသင့်ကြောင်း ပြောကြားခဲ့သည်။

Chulalongkorn University မှ နိုင်ငံရေးသိပ္ပံပညာရှင် လက်ထောက်ပါမောက္ခ Puangthong Pawakapan က လူ့အခွင့်အရေးဖောက်ဖျက်မှုသည် တိုင်းပြည်၏ အတွင်းရေးကိစ္စသာ ဖြစ်သည်ဟူသော ယူဆချက်ကို ရှုံ့ချသွားသည်။ ၎င်းကပင် ဆက်လက်၍ ပြည်သူများကို ဖိနှိပ်ခြင်း၊ သူပုန်အဖွဲ့များနှင့် တိုက်ခိုက်ခြင်း၊ အုပ်ချုပ်မှုလျော့ရဲခြင်းနှင့် တရားမဝင် အလုပ်သမားများနှင့် ဒုက္ခသည်များ အလုံးအရင်းနှင့် ဝင်ရောက်လာမှုများ မည်သို့ပင် ရှိစေကာမူ ထိုင်းနိုင်ငံသည် မြန်မာပြည်တွင်းရေး ပြဿနာ အသီးသီးကို လက်ခံနေရသည့် နိုင်ငံတစ်နိုင်ငံဖြစ်နေသည်ဟု ပြောကြားသည်။

ထိုင်းနိုင်ငံသည် မြန်မာနိုင်ငံနှင့် ပတ်သက်၍ မူဝါဒ တရားသေ သတ်မှတ်ထားခြင်း မရှိပါ။ တစ်ဖက်တွင် မိမိတို့သည် မြန်မာနိုင်ငံမှ ဈေးပေါသည့်လုပ်သား၊ သဘာဝသယံဇာတနှင့် နယ်စပ်တွင် သစ်ထုတ်လုပ်မှုကို လိုချင်သည်။ သို့သော် တစ်ဖက်တွင်လည်း မြန်မာစစ်အစိုးရက သူ၏ ပြည်သူများကို ဒုက္ခသည်ဖြစ်စေပြီး ထွက်ပြေးအောင် လုပ်နေကြောင်း၊ ဤအချက်ကို သိထားရန်လိုကြောင်း ပြောပါသည်။

Kraisak က မြန်မာစစ်အစိုးရတပ်သားများ၏ လူမျိုးစု အမျိုးသမီးများအား အဓမ္မပြုကျင့်နေသည့် ရက်စက်သော အပြုအမူများသည် ပြုလုပ်ပိုင်ခွင့် လိုင်စင်ထုတ်ထားပေးသကဲ့သို့ ဖြစ်နေကြောင်း ထောက်ပြသွားသည်။ ဤကိစ္စများသည် ထိုင်းနှင့် နိုင်ငံခြားစီးပွားရေးသမားများ မျက်စိကျနေသော သယံဇာတ ပေါကြွယ်ဝသော မြန်မာနိုင်ငံအတွင်းတွင် ဖြစ်ပေါ်နေပါသည်။

(The Nation သတင်းစာတွင် Oct 7th,2009 ဖော်ပြချက်၊ Kornchanok Raksaseri ရေးသည်)