Transparency Myanmar

transparency.myanmar@gmail.com

2-Nov-2009

         ဆက်ဒမ်ဟူစိန်၏ အီရတ်ကဲ့သို့ပင် မြန်မာနိုင်ငံကို ဖိနှိပ်ချုပ်ချယ်ထားသော အစိုးရသည် ၎င်း၏ လူ့အခွင့်အရေး ချိုးဖောက် ကျူးလွန်မများ (မုဒိန်းမှု၊ နှိပ်စက်ညှင်းပန်းမှု၊ နိုင်ငံရေး အကျဉ်းသားများအား ထောင်သွင်း အကျဉ်းချမှုများ ၊ တိုင်းရင်းသား လူမျိုးစုများအား သတ်ဖြတ်မှု) ကြောင့် နိုင်ငံတကာ အသိုင်းအဝိုင်းတွင် ထပ်ကာထပ်ကာ ပွက်လောညံစေခဲ့ပါသည်။

၎င်းအပြင် မတရား အတင်းအကြပ် ခိုင်းစေမှုများ ရှိနေသောကြောင့် ILO ကလည်း ပြစ်တင်ဝေဖန် ထားပါသည်။ သတင်းထောက် Sans Frontieres အဖွဲ့က မြန်မာနိုင်ငံကို ​​" စာနယ် ဇင်း သတင်းထောက်များ အတွက် ကမ္ဘာ့အကြီးဆုံး အကျဉ်းထောင်"  ဟုခေါ်ဝေါ် သမုတ် လိုက်ပါသည်။  မြန်မာ့ တပ်မတော်က ရှမ်းတိုင်းရင်းသူများ အပေါ် စနစ်တကျ ကျူးလွန်ခဲ့သော မုဒိန်းမှုများကို ရှမ်းလူ့အခွင့်အရေး ဖောင်ဒေးရှင်းက သက်သေ အထောက်အထား ရှာဖွေ၍  မေလက ထုတ်ပြန်လိုက်သော အစီရင်ခံစာသည် လူထုအတွင်း ပြန့်နှံ့သွားခဲ့ပြီး  နိုင်ငံတကာ အသိုင်းအဝိုင်းက နေပြည်တော် အစိုးရကို ပြင်းထန်စွာ ပြစ်တင် ရှုံ့ချခဲ့ပါသည်။

           ထိုင်းနိုင်ငံ မဲဆောက်တဝိုက်တွင် အခြေစိုက်သော မြန်မာအစိုးရကို သဘောထားကွဲလွဲ ဆန့်ကျင်သူများနှင့် တိုင်းရင်းသား သူပုန်များသည် ဖိနှိပ်သောအစိုးရ၏ လက်အောက်တွင် နေထိုင်ရသော ဘဝကို ကောင်းစွာ နားလည်  စာနာသူများဖြစ်သည့် အားလျော်စွာ အမေရိကန်နှင့် ဗြိတိသျှ တပ်ဖွဲ့များ အီရတ်ကို ဝင်စီး၍ ဆက်ဒမ်အစိုးရကို ဖြုတ်ချခဲ့စဉ်က အားကျစွာ စောင့်ကြည့်ခဲ့သူများဖြစ်သည်။

          အမေရိကန်တွေ အခု အီရတ်မှာ လုပ်နေတဲ့ ပုံစံအတိုင်း မြန်မာနိုင်ငံကို လွန်ခဲ့တဲ့ နှစ် ၅၀ လောက်က ဝင်စီးခဲ့ရင် သိပ်ကောင်းမှာပဲဗျာ ဟုပြောကြားသူမှာ စော်ဘွား တိုင်းရင်းသားအဖွဲ့မှ အဖွဲ့ဝင်တစ်ဦးဖြစ်သူ အောင်နိုင်စိုး ဖြစ်ပြီး ရုပ်မြင်သံကြားစက်မှ CNN နှင့် BBC လိုင်းများကို ရွှေ့ကြည့်နေရင်း ပြောကြားခဲ့ခြင်းဖြစ်သည်။

          သို့ရာတွင် မြန်မာနိုင်ငံ ဇာတ်လမ်းကား ဘယ်အချိန် ဆိုးမည်မသိနိုင်ပါ။ အခြားနိုင်ငံများ စိတ်ဝင်စားသည့် ရေနံကဲ့သို့ သဘာဝရင်းမြစ်လည်း မရှိပါ။ ဒီမိုကရေစီ လှုပ်ရှားရုန်းကန်မှုများ၏ ပန်းတိုင်မှာလည်း ဘယ်ဆီဘယ်ဝယ် ငွေပင်လယ် ဆိုသကဲ့သို့ ဘယ်မှာမှန်း မသိနိုင်ပါ။ လူသတ်မှုများ၊ မုဒိန်းမှုများ၊ နှိပ်စက် ညှင်းပန်းမှုများ၊ ဥပဒေမဲ့ ပြစ်ဒဏ်ချမှတ်မှုများ၊ အစုအပြုံလိုက် သတ်ဖြတ်မှုများသည် နောက်ထပ် နှစ် ၅၀ ခန့် ကြာရှည်ဦးမည်လား။ မတွေးဆနိုင်ပါ။

          မြန်မာနိုင်ငံရှိ လူမျိုးစုတပ်ဖွဲ့များဖြစ်သည့် ကရင်၊ ရှမ်း၊ ရခိုင် အုပ်စုများက ၎င်းတို့၏ ဒေသတွင် မြန်မာအစိုးရ၏ အစုလိုက်အပြုံလိုက် သတ်ဖြတ်မှုများ ရှိနေကြောင်း စွပ်စွဲ ပြောကြားခဲ့ပါသည်။ KNLA ဝါရင့် တပ်မှူးတစ်ဦး ဖြစ်သူ ဗိုလ်မှူးကြီး စောနေဒါမြက "ဗမာအစိုးရက ကရင်တွေကို ပြတိုက်ထဲမှာပဲ ထားချင်ပုံရတယ်" ဟုပြောကြားခဲ့ပါသည်။

          မြန်မာနိုင်ငံသည် ၎င်း၏ လူ့အခွင့်အရေး ချိုးဖောက်မှု မှတ်တမ်းများကြောင့် နိုင်ငံတကာ အရေးယူ ပိတ်ဆို့မှုများဖြင့် ရင်ဆိုင်နေရပြီး အတိုက်အခံ ခေါင်းဆောင် ဒေါ်အောင်ဆန်းစုကြည် အပြတ်အသတ် အနိုင်ရရှိခဲ့သော ၁၉၉၀ ရွေးကောက်ပွဲကို အသိအမှတ် မပြုခဲ့သောကြောင့် တစ်ကမ္ဘာလုံး၏ ပြင်းထန်စွာရှုံ့ချခြင်းကို ခံနေရပါသည်။ ထို့အပြင် မြန်မာနိုင်ငံသည် ကမ္ဘာ့ဒုတိယ အကြီးဆုံး ဘိန်းထုတ်လုပ်သူဖြစ်ပါသည်။

 


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

From The Irrawaddy,28th- Oct - 2009

          ဦးဝင်းတင်သည် ၁၉၈၈ ခုနှစ် အမျိုးသားဒီမိုကရေစီအဖွဲ့ချုပ် NLD စတင်တည် ထောင်စဉ်ကတည်းက ပါဝင်သော အဖွဲ့ဝင်တစ်ဦးဖြစ်ပါသည်။ သူသည် ထင်ရှားသော သတင်းစာဆရာ တစ်ဦးလည်း ဖြစ်ပါသည်။ သူသည် ၁၉၈၈ ခုနှစ်တွင် အဖမ်းခံခဲ့ရပြီး ထောင်ထဲတွင် ၁၉ နှစ်ကြာခဲ့ပြီး ၂၀၀၈ ခုနှစ် စက်တင်ဘာလတွင် ပြန်လည် လွတ်မြောက်လာခဲ့ပါသည်။ ယခု သူသည် ဧရာဝတီသို့ နိုင်ငံတကာ စီးပွားရေးပိတ်ဆို့မှုများ၊ ၂၀၁၀ ရွေးကောက်ပွဲ၊ စစ်အစိုးရ၏ ၂၀၀၈ အခြေခံဥပဒေနှင့် NLD လက်ရှိ အနေအထားတို့ကို ပြောကြားသွားခဲ့ပါသည်။

မေး           အနောက်နိုင်ငံများရဲ့ စီးပွားရေးပိတ်ဆို့မှုများ ရုတ်သိမ်းရေးဟာ မြန်မာနိုင်ငံမှာ အမျိုးသား ပြန်လည်ပေါင်းစည်းရေးနှင့် ဘယ်လို့ ဆက်စပ် ပတ်သက်နေပါသလဲ။

ဖြေ။           ကျွန်တော်တို့ နိုင်ငံရေးမှာ အဲဒီနှစ်ခုဟာ ဆက်စပ်နေပါတယ်။ အမေရိကန်တို့နဲ့ ဆွေးနွေးမှုတွေရှိခဲ့ရင်တော့ စစ်အစိုးရလည်း ဒီဖြစ်စဉ်ထဲမှာ ပါလာပြီပေါ့။ အရေးယူ ပိတ်ဆို့မှုတွေဟာ သူတို့ကို အတိုင်းအတာတစ်ခုအထိ ချုပ်ကိုင်မှုရှိပါတယ်။ အရေးယူမှုတွေဟာ ကျွန်တော်တို့ NLD ကို အားကောင်းလာစေဖို့ အထောက်အကူ မဖြစ်ဘူးဆိုရင်တောင်မှ စစ်အစိုးရအပေါ်မှာတော့ လွတ်လွတ်လပ်လပ် မလှုပ်ရှားနိုင်အောင် ထိန်းချုပ်နိုင်ပါတယ်။ အလွန်ဆိုးတဲ့ ဘီလူးကြီးကို ကြိုးတွေနဲ့ တုတ်ထားတော့ ကျွန်တော်တို့  အသက်ရှင်ဖို့ အခွင့်အလမ်းပိုရတာပေါ့။

          ကျွန်တော်အထင်တော့ အရေးယူပိတ်ဆို့မှု သုံးမျိုးသုံးစား ရှိတယ် ထင်ပါတယ်။ ပထမ အမျိုးအစားက သာမန်ပြည်သူတွေကို ထိခိုက်စေတဲ့ အမျိုးအစားများ ဖြစ်ပါ တယ်။ ဥပမာအားဖြင့် အမေရိကန်ရဲ့ Sanction ကြောင့် အထည်ချုပ်စက်ရုံလိုဟာမျိုးတွေ ပိတ်လိုက်ရတော့ စက်ရုံက လူတွေ အလုပ်ပြုတ်ကုန်တာပေါ့။ ဒုတိယ အမျိုးအစား ကတော့ စစ်ဗိုလ်ချုပ်တွေနဲ့ သူတို့နဲ့ပေါင်းတဲ့ အခွင့်ထူးခံ လူတန်းစားကို တိုက်ရိုက် ထိခိုက်ပါတယ်။ တတိယကတော့ မြန်မာနိုင်ငံကို လက်နက်တင်ပို့မှု ပိတ်ဆို့ရေးဖြစ်ပါတယ်။ ဒီသုံးမျိုးအနက်မှာ စစ်အစိုးရနဲ့ ဗိုလ်ချုပ်များကို  ထိခိုက်တဲ့ Sanction များကို ဘာမှ မပြောလိုပေမယ့် သာမန်ပြည်သူတွေကို ထိခိုက်တဲ့ Sanction တွေကိုတော့  ဖြေလျှော့ပေးဖို့ ပြောလိုပါတယ်။

          ကျွန်တော်ထင်တယ် အဲဒီ Sanction ကို လျှော့ပေးမယ်ဆိုရင် အမျိုးသားပြန်လည် ပေါင်းစည်းရေးအတွက် အများကြီး ကောင်းသွားမယ်လို့ ထင်ပါတယ်။ အမေရိကန် ရဲ့ မူဝါဒအသစ်က ရှိရင်းစွဲ Sanction တွေကို ဆက်ထားမယ်လို့ ဆိုထားတာကိုး။ ပြဇာတ်တစ်ပုဒ်လိုပါပဲ။ ၀မ်းနည်းစရာရော၊ ပျော်စရာရော နှစ်ပါးသွားရော ပါတာပေါ့။ နောက်ဆုံး ဇာတ်ပေါင်းခန်းတော့ မျှော်ရတာပေါ့။ ဒါကြောင့် နိုင်ငံရေးအရ တွေ့ဆုံဆွေးနွေးမှုတွေ၊ အမျိုးသား ပေါင်းစည်းညီညွှတ်ရေးကိစ္စတွေမှာ Sanction ရဲ့ အခန်းကဏ္ဍကို ကျွန်တော်တို့ ခန့်မှန်းပြောဆိုလို့ မရသေးပါဘူး။ ၂၀၁၀ ရွေးကောက်ပွဲမတိုင်မီတော့ အတော်များများပေါ်ထွက်လာပါလိမ့်မယ်။

မေး။           စစ်အစိုးရရဲ့ အစီအစဉ်အတိုင်း ရွေးကောက်ပွဲကို ကျင်းပပေးမယ်ဆိုတာရယ်၊ သူတို့ရဲ့ ပြင်ဆင်မှုတွေနဲ့ ပတ်သက်လို့ ထင်မြင်ချက်ပေးပါဦး။

ဖြေ။           ပြီးခဲ့တဲ့ မတ်လ ၂၇ ရက်နေ့က ဗိုလ်ချုပ်မှူးကြီးသန်းရွှေက အခြေခံဥပဒေကို ပြန်လည်သုံးသပ်မှာ မဟုတ်ဘူးလို့ ပြောခဲ့ပါတယ်။ မကြာခင်က ထပ်ပြောတာက အခြေခံဥပဒေကို လူအများဆန္ဒအရ အတည်ပြုပြီးဖြစ်လို့ ရွေးကောက်ပွဲကို စနစ်တကျ ကျင်းပပြုလုပ်ပေးမှာဖြစ်တယ်လို့ ပြောသွားပါတယ်။ နိုင်ငံရေးပါတီများဟာ အခြေခံဥပေဒကို လေးစားလိုက်နာရမှာဖြစ်ပြီး စည်းကမ်းလိုက်နာတဲ့ ပါတီတွေကို အစိုးရက အကာကွယ်ပေးသွားမယ်လို့ သူကပြောပါတယ်။ ဆိုလိုတာက စည်းကမ်း မလိုက်နာတဲ့ ပါတီတွေကို အရေးယူမယ်ဆိုတဲ့ သဘောဖြစ်ပါတယ်။ ဒီနှစ်ချက်က အရေးကြီးပါ တယ်။

          သူ့ရဲ့ပြောဆိုချက်တွေကို အဓိပ္ပါယ်ကောက်ရမယ်ဆိုရင်တော့ ဒီလိုပြောရပါလိမ့်မယ်။ နိုင်ငံရေးပါတီတွေဟာ ငြိမ်ငြိမ်လေးနေရပါမယ်။ ရွေးကောက်ပွဲမတိုင်မီ မဲဆွယ်မှုများ အတွက် စည်းမျဉ်းများ ချမှတ်ထားပြီး ဖြစ်လို့ NLD ရဲ့ရွှေဂုံတိုင် ကြေညာစာတမ်းကလို တောင်းဆိုမှုတွေ မလုပ်ရဘူးလို့ ဆိုရပါတယ်။ ကျွန်တော်ထင်ပါတယ်။ အခြားနိုင်ငံရေးပါတီက နိုင်ငံရေး သမားတွေကိုလည်း သတိပေးချင်တယ် ထင်တယ်။ ဥပမာ မဆလအသွင်ပြောင်း တိုင်းရင်းသား စည်းလုံးညီညွတ်ရေးပါတီက အနာဂတ်မှာ အခြေခံဥပဒေကို ပြင်ရလိမ့်မယ်လို့ ဆိုလာတာကိုး။ ကြည့်ရတာ သူတို့ပြောတဲ့အတိုင်းပဲ လုပ်ရမယ်လို့ ပြောလိုက်တာပေါ့။

မေး။           ဒီမိုကရက်တစ်