Posts
 | yangonchronicle 2011- (1) |
၂၇.၁၁.၂ဝ၁၁
ဘာသာပြန်သတင်းများ အပိုင်း (၂)
- မျက်လုံးပွတ်ကြည့်ရသော မြန်မာနိုင်ငံ၏ ရွေ့လျားမှုများ
(26 Nov 2011 ရက်စွဲပါ The Economist မှ Movement in Myanmar: Eye-Rubbing ကို ဘာသာ ပြန်ဆိုသည်)
- မြောက်ကိုရီးယားနှင့် နျူကလီးယားလက်နက် ပူးပေါင်းထုတ်လုပ်ရန် မြန်မာကြိုးပမ်းခဲ့ကြောင်း အမေရိကန် ဆီနိတ်တာထုတ်ဖော်
(The Washington Post သတင်းစာမှ၊ 25 Nov 2011 ရက်စွဲပါ Burma pursued nuclear weapons with North Korea, US senator says ကို ဘာသာပြန်ဆိုသည်)
- မြန်မာပြည်မှ လွဲမှားသော အချက်ပြမှုများ
(Inida Times မှ False signals in Myanmar ကို ဘာသာပြန်ဆိုသည်)
******************************************************************************************
မျက်လုံးပွတ်ကြည့်ရသော မြန်မာနိုင်ငံ၏ ရွေ့လျားမှုများ
(26 Nov 2011 ရက်စွဲပါ The Economist မှ Movement in Myanmar: Eye-Rubbing ကို ဘာသာ ပြန်ဆိုသည်)
လုပ်ရိုးလုပ်စဉ် မဟုတ်သော အံ့အားသင့်ဖွယ် ပြောင်းလဲမှုများ ပြုလုပ်ခဲ့သောနှစ် ကုန်လွန်ကာနီးပြီ ဖြစ်သော်လည်း မြန်မာနိုင်ငံတွင် ဖြစ်ပျက်နေ သည်များ၏ နှုန်းမှာ အံ့ဩဖွယ်ဖြစ်နေဆဲ ဖြစ်သည်။ အမျိုးသား ဒီမိုကရေစီ အဖွဲ့ချုပ် (NLD)သည် ယင်းတို့၏ ခေါင်းဆောင် ဒေါ်အောင်ဆန်းစုကြည်အား ကာလကြာရှည် နေအိမ်အကျယ်ချုပ်မှ လွှတ်ပေးပြီးနောက် တစ်နှစ်အကြာ နိုဝင်ဘာ (၁၈) ရက်နေ့တွင် နိုင်ငံရေးသို့ ပြန်လည်ဝင်ရောက်၍ လာမည့် ကြားဖြတ် ရွေးကောက်ပွဲ ဝင်ရမည်ဟု ပြောကြားခဲ့သည်။
အတိုက်အခံပါတီသည် ပြီးခဲ့သည့်နှစ်က ရွေးကောက်ပွဲသည် စစ်တပ်နောက်ခံပြုပါတီအား မျက်နှာသာပေး၍ ယင်းတို့အား ညစ်ပတ်ခဲ့သည်ဟု ဆိုလျက် ရွေးကောက်ပွဲအား သပိတ်မှောက်ခဲ့သဖြင့် နိုင်ငံရေးပါတီအဖြစ်မှ ပယ်ဖျက်ခြင်း ခံခဲ့ရသည်။
ယခုအခါ NLD က ပြောကြားရာတွင် ၎င်းတို့အနေဖြင့် ရွေးကောက်ပွဲ ဥပဒေများ၏ ပြောင်းလဲမှုကို ကျေနပ်ကြောင်းနှင့် အစိုးရကလည်း ပါတီအား ပြန်လည် ခွင့်ပြုရန် ကျေနပ်သည့် သဘောတွေ့ရကြောင်း ဆိုသည်။ ဒေါ်အောင်ဆန်းစုကြည်ကလည်း သူမကိုယ်တိုင် ပါဝင်အရွေးခံမည်ဟု ပြောကြားခဲ့သည်။ သူမအား ကျယ်ကျယ်ပြန့်ပြန့် ထောက်ခံမှုများရှိပြီး သူမပါဝင်လာမှုသည် လွှတ်တော်တွင် အလွန်လိုအပ်လျက် ရှိသော တရားဝင်မှုအတွက် များစွာ အထောက် အကူပြုမည် ဖြစ်သည်။ သို့သော် စစ်တပ်မှ ရွေးချယ်ထားသော လွှတ်တော် ကိုယ်စားလှယ်များ၏ ကြီးမားသော လွှမ်းမိုးမှုမှာ ရှိနေဆဲဖြစ်သည်။
မြန်မာနိုင်ငံ၏ အပြောင်းအလဲများကို စတင်ခဲ့ရာတွင် အဓိကပုဂ္ဂိုလ်တစ်ဦးဖြစ်သူ ဦးသိန်းစိန်သည် အင်ဒိုနီးရှား နိုင်ငံတွင် ကျင်းပသော အာဆီယံ နှစ်ပတ်လည် အစည်းအဝေးတွင် ဆုလာဘ် ရရှိခဲ့သည်။ အစည်းအဝေးတွင် မြန်မာနိုင်ငံသည် ၂၀၁၄ တွင် အဖွဲ့ကြီး၏ ဥက္ကဋ္ဌနေရာကို ရရှိတော့မည်ဖြစ်သည်။ ယင်းမှာ သံတမန်ရေးအရ အရေးပါသော တိုးတက်မှုတစ်ခုဖြစ်သည်။ ယခင်တစ်ကြိမ် ဥက္ကဋ္ဌနေရာအတွက် အဆိုပြုမှုတွင် မြန်မာနိုင်ငံ၏ ဆိုးဝါးသော လူ့အခွင့် အရေးမှတ်တမ်းများကြောင့် နိုင်ငံတကာ၏ ကန့်ကွက်မှုကို ခံခဲ့ရသည်။
သို့သော် အမှန်တကယ်ကြီးမားသော အသိအမှတ်ပြုမှုမှာ နိုဝင်ဘာ ၁၉ ရက်နေ့က သမ္မတ ဘားရက်အိုဘားမားသည် ယင်း၏ နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံသို့ ဒီဇင်ဘာ ၁ ရက်နေ့တွင် သွားရောက်လည်ပတ်မည်ဟု ကြေညာလိုက်ခြင်းပင် ဖြစ်သည်။ ၁၉၆၂ ခုနှစ် မြန်မာနိုင်ငံတွင် စစ်တပ်မှ အာဏာသိမ်းပြီး ကတည်းက အမေရိကန်ပြည်ထောင်စုမှ သွားရောက်လည်ပတ်သူများတွင် သူမသည် အဆင့်အမြင့်ဆုံး ပုဂ္ဂိုလ် ဖြစ်လာမည် ဖြစ် သည်။ မြန်မာနိုင်ငံကို သံတမန်ရေးရာအရ အေးခဲနေမှုများမှ တဖြည်းဖြည်း ညင်သာစွာ လွှတ်ပေးနေပြီ ဖြစ်သည်။
မြန်မာအစိုးရသည်လည်း ယခုကဲ့သို့ ကြီးကျယ်သော လာရောက်လည်ပတ်မှုမျိုး (high-profit visit) ကို လိုချင်ခဲ့သည်မှာ ကြာပြီဖြစ်သည်။ ထိုသို့ ဖြစ်လာရခြင်းမှာလည်း ယခင်စစ်အာဏာရှင် စနစ်မှ ဝေးရာသို့ ရှောင်ထွက်နိုင်အောင် လုပ်ဆောင်လာခြင်းအတွက် ဆုလာဘ်ပင် ဖြစ်သည်။ သို့သော် အမေရိကန်နှင့် မြန်မာအတွက် နောက်ထပ်တွန်းအားပေးသော အချက်တစ်ခုမှာ တရုတ်ပင် ဖြစ်သည်။
မြန်မာနိုင်ငံအား နှစ်ပေါင်းများစွာ သံတမန်ရေးအရလည်းကောင်း၊ စီးပွားရေးအရလည်းကောင်း အထီးကျန် ပြုထားခြင်းကြောင့် အိမ်နီးချင်း တရုတ်၏ ဩဇာလွှမ်းမိုးမှုအောက် ရောက်စေပြီး စီးပွားရေးမလုပ်သင့်ဟု မစဉ်းစားနိုင်ဘဲ တရုတ်နှင့်သာ လုပ်ကိုင်ခဲ့ရသည်။ ယခုအခါ အချို့က တရုတ်အပေါ် မှီခိုမှု လျှော့ချရန် စိတ်အားထက်သန်နေကြသည်။ ယင်းတို့က ကလင်တန်၏ ခရီးစဉ်အပြီးတွင် အနောက်နိုင်ငံအရေးယူမှုများ ဖြေလျော့သွားပြီး ရင်းနှီးမြှုပ်နှံမှု များ စတင်စီးဝင်လာစေရန် မျှော်လင့်လျက် ရှိသည်။ ၎င်း၏ အစိတ်အပိုင်း အနေဖြင့် အိုဘားမား၏ ဗဟိုချက်အသစ်ကို အာရှသို့ ဦးတည်နေခြင်း၏ တစ်စိတ်တစ်ပိုင်း အဖြစ် မြန်မာနိုင်ငံအား တရုတ်၏ ပတ်လမ်းမှ ခွာစေရန် မျှော်လင့်နေမည်ဖြစ်သည်။ အချို့ မြန်မာများကမူ မြန်မာနိုင်ငံအနေဖြင့် စူပါပါဝါ များ၏ ပြိုင်ဆိုင်မှုတွင် အဓိက မောင်းနှင်သူ၏ နေရာ (Cockpit) အသစ် မဖြစ်ပါစေနှင့်ဟု ဆုတောင်းနေမည် ဖြစ်သည်။
***************************************************************************
မြောက်ကိုရီးယားနှင့် နျူကလီးယားလက်နက်ပူးပေါင်းထုတ်လုပ်ရန် မြန်မာကြိုးပမ်းခဲ့ကြောင်း အမေရိကန် ဆီနိတ်တာ ထုတ်ဖော်
(The Washington Post သတင်းစာမှ၊ 25 Nov 2011 ရက်စွဲပါ Burma pursued nuclear weapons with North Korea, US senator says ကို ဘာသာ ပြန်ဆိုသည်)
မြန်မာအစိုးရတွင် မြောက်ကိုရီးယားနိုင်ငံ၏ အကူအညီဖြင့် နျူကလီးယားလက်နက်တပ်ဆင်ထုတ်လုပ်ရန် ဦးတည်ချက်ရှိကြောင်း ဖော်ပြပါရှိသည့် သတင်းအချက်အလက်များကို အမေရိကန်ပြည်ထောင်စု ဆီးနိတ်၏ နိုင်ငံခြားဆက်ဆံရေးကော်မတီက လွန်ခဲ့သည့် ၅ နှစ်တာကာလခန့်က လက်ခံရရှိခဲ့ ကြောင်း ဆီနိတ်တာ Richard G. Lugar ၏အဆိုအရသိရသည်။
ထိုစဉ်က အမေရိကန်အစိုးရအရာရှိကြီးများထံသို့ အဆိုပါ သတင်းအချက်အလက်အသေးစိတ်ကို ကော်မတီက လက်ဆင့်ကမ်းပေးခဲ့သော်လည်း လူသိရှင်ကြားထုတ်ဖော် ပြောဆိုခဲ့ခြင်းမရှိကြောင်း ကော်မတီအဖွဲ့ဝင် Keith Luse ကပြောကြားသည်။ အမေရိကန်နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံသို့ သွားရောက်လည်ပတ်မှု မပြုမီ နိုဝင်ဘာလ ၂၃ ရက်နေ့တွင် ဆီးနိတ်တာ Lugar ကကြေညာချက် ထုတ်ပြန်ခဲ့သည်။ ဟီလာရီကလင်တန် သည် ဆယ်စုနှစ်ငါးခုတာကာလအတွင်း အထီးကျန်ဖြစ်နေသည့် မြန်မာနိုင်ငံသို့ ပထမဆုံးသွားရောက်လည်ပတ်သည့် အမေရိကန်နိုင်ငံခြားရေးဝန်ကြီး ဖြစ်လာ မည်ဖြစ်သည်။
"နိုင်ငံခြားရေးဝန်ကြီး ခရီးစဉ်မတိုင်မီ ဆီနိတ်တာ Lugar က အခုကိစ္စကို ထုတ်ဖော်မီးမောင်းထိုးပြလိုက်တာ ဖြစ်ပါတယ်။ ခရီးစဉ်အတွင်း မြန်မာ အစိုးရ နဲ့ စေ့စပ်ဆွေးနွေးတဲ့ အခါမှာ အဲဒီ နျူကလီးယားလက်နက်ကိစ္စကို ထည့်သွင်းဆွေးနွေးနိုင်ရေးအတွက်ဖြစ်ပါတယ်" ဟု Keith Luse က ပြောကြား သည်။ မစ္စတာ Richard Lugar သည် ဆီနိတ်၏နိုင်ငံခြားဆက်ဆံရေးကော်မတီမှ ရီပတ်ဘလီကန်တစ်ဦးဖြစ်သည်။ ပြီးခဲ့သည့် ဇွန်လအတွင်း အမေရိကန် ဆီနိတ်တာ ဂျွန်မက်ကိန်း မြန်မာနိုင်ငံသို့လာရောက်စဉ် အစိုးရ အာဏာပိုင်များက နျူကလီးယားဦးတည်ချက်များနှင့် ပတ်သက်၍ ငြင်းဆိုခဲ့ပြီး ဆင်းရဲ နွမ်းပါးသော မြန်မာအနေဖြင့် နျူကလီးယားလက်နက်မျိုး တပ်ဆင်နိုင်ခြင်းမရှိပါကြောင်း ပြောဆိုခဲ့သည်။ သို့သော် အမေရိကန်အစိုးရအရာရှိကြီးများက မြောက်ကိုရီးယားနှင့် မြန်မာနှစ်နိုင်ငံဆက်ဆံရေးအပေါ် နှစ်များစွာ အနီးကပ်စောင့်ကြည့်လေ့လာခဲ့ကြသည်။
လတ်တလောနှစ်များအတွင်း အမေရိကန်ရေတပ်က လက်နက်များတင်ဆောင်ထားသည်ဟု သံသယရှိသော မြောက်ကိုရီးယားသင်္ဘောများ မြန်မာ နိုင်ငံသို့ ဦးတည်သွား ခဲ့သည်ကို တွေ့ရှိခဲ့သည်။ မြန်မာစစ်တပ်မှ ထွက်ပြေးသွားသူ စစ်ဘက်အရာရှိများကလည်း စစ်အစိုးရသည် နျူကလီးယား နည်းပညာ ရရှိရန် ကြိုးပမ်းလျက်ရှိကြောင်း ထုတ်ဖော် ပြောဆိုလာကြသည်။ ထို့ပြင် WikiLeaks ကယမန်နှစ်အတွင်း ထုတ်ဖော်လိုက်သည့် လျှို့ဝှက်သံတမန် ကြေးနန်းများတွင် အထီးကျန်ဖြစ်နေသော မြန်မာနှင့် မြောက်ကိုရီးယား နှစ်နိုင်ငံပူးပေါင်းဆောင်ရွက်မှုများရှိနေသည်ဟု သံသယဖြစ်မိကြောင်း အမေရိကန် အရာရှိများကဖော်ပြထားပြီး မြန်မာပြည်တောတွင်းတစ်နေရာရှိ စစ်စခန်းတစ်ခု၌ မြောက်ကိုရီးယားနိုင်ငံသား ရာနှင့်ချီ၍အလုပ်လုပ်ကိုင်နေသည်ဟု ယူဆရ ကြောင်းရေးသားထားသည်။
"မြန်မာအစိုးရက ကျယ်ကျယ်ပြန့်ပြန့်နဲ့ ပြုပြင်ပြောင်းလဲမှုတွေလုပ်ပါမယ်ဆိုပြီး ကတိကဝတ်ပြုထားတဲ့အပေါ် ဘယ်လောက်အတိုင်းအတာအထိ ရိုးရိုးရှင်းရှင်းရှိတယ် ဆိုတာကို အပြောထက် အလုပ်နဲ့သက်သေပြရမှာဖြစ်ပါတယ်" ဟု Lugar က ကြေညာချက်တွင်ရေးသားဖော်ပြထားသည်။
ဟီလာရီကလင်တန်သည် နိုဝင်ဘာလ ၂၈ ရက်နေ့တွင် အာရှဒေသသို့ လေကြောင်းခရီးစဉ်ဖြင့် စတင် ထွက်ခွာမည် ဖြစ်သည်။ ၎င်းသည် နိုင်ငံ တကာ အကူအညီများကိစ္စနှင့်ပတ်သက်သော ဆွေးနွေးပွဲတက်ရောက်ရန် တောင်ကိုရီးယားနိုင်ငံသို့ ပထမဦးစွာသွားရောက်မည်ဖြစ်ကာ ထိုမှတစ်ဆင့် မြန်မာ နိုင်ငံသို့ သွားမည်ဖြစ်သည်။
********************************************************************************
မြန်မာပြည်မှ လွဲမှားသော အချက်ပြမှုများ
(Inida Times မှ False signals in Myanmar ကို ဘာသာပြန်ဆိုသည်)
လွန်ခဲ့သည့် နှစ်ပေါင်း ၂၀ ကျော်ကာလ၊ အမျိုးသားဒီမိုကရေစီပါတီ(NLD) ဒီမိုကရေစီရွေးကောက်ပွဲတွင် အနိုင်ရရှိပြီးနောက် ဒေါ်အောင်ဆန်း စုကြည်သည် နိုင်ငံရေးအာဏာရရှိမည့် အနေအထားသို့ အနည်းငယ် နီးကပ်သွားခဲ့သည်။ ဒေါ်အောင်ဆန်းစုကြည်မှာ ရွေးကောက်ပွဲတွင် ပြည်လုံးကျွတ် အတိုင်းအတာဖြင့် အနိုင်ရရှိခဲ့သည့်တိုင် အစိုးရက သူမကိုအာဏာလွှဲပြောင်းပေးမှုမပြုရုံသာမက နေအိမ်အကျယ်ချုပ်ဖြင့် နှစ်ပေါင်း ၁၅ နှစ်ကျော်တာမျှ ဖမ်းဆီး ထိန်းသိမ်းထားခဲ့သည်။ မဆုတ်မနစ်သော စူးစိုက်မှု၊ အကြမ်းမဖက်သော နည်းလမ်းကို ခိုင်ခိုင်မာမာကျင့်သုံးမှု၊ ဂုဏ်ယူစရာကောင်းလောက်အောင် ခေါင်းမာတတ်မှု အစရှိသည်တို့က စစ်ဗိုလ်ချုပ်ကြီးများအား ဒေါ်အောင်ဆန်းစုကြည် အနေဖြင့် ရွေးကောက်ပွဲသို့ဝင်ရောက်ယှဉ်ပြိုင်လာအောင် လမ်းဖွင့်ပေး လိုက်ရ သည့် အခြေအနေသို့ တွန်းပို့ခဲ့သည်။ သို့သော် မြန်မာစစ်ဗိုလ်ချုပ်ကြီးများက ပုံစံတစ်မျိုးဖြင့် အာဏာကိုဆက်လက်ထိန်းသိမ်းနိုင်မည်ဟူသော မျှော်လင့်ချက်ဖြင့် လမ်းဖွင့်ပေးခြင်းဖြစ်သည်။
အမှန်စင်စစ် ဒေါ်အောင်ဆန်းစုကြည်သည် သူမအပေါ် နိုင်ငံရေးအရ အသာစီးရရန် လှည့်ကွက်မျိုးစုံဖြင့် ဗျူဟာခင်းခဲ့သူများက ဒီဇိုင်းဆင်ထား သော နိုင်ငံရေးဖြစ်စဉ်ထဲသို့ ပူးပေါင်းဝင်ရောက်လိုက်ခြင်းသာဖြစ်သည်။ သို့သော် ယခုတစ်ကြိမ်တွင် ပြုပြင်ပြောင်းလဲရေးအတွက် အလေးအနက်ထားလျက် ရှိပါသည်ဟူသော စစ်ဗိုလ်ချုပ်ကြီးများ၏ ပြောဆိုမှုကို ဒေါ်အောင်ဆန်းစုကြည်က လက်သင့်ခံလျက်ရှိသည်။
ဒေါ်အောင်ဆန်းစုကြည် ရှေ့ဆက်လျှောက်ရမည့်လမ်းကြောင်းမှာ မရေရာမသေချာမှုများစွာကျန်ရှိနေပါသည်။ စစ်ဗိုလ်ချုပ်ကြီးများက နိုင်ငံရေး အာဏာကို စွန့်လွှတ်ပြီး ၎င်းတို့စိတ်တိုင်းကျ အရပ်သားအစိုးရတစ်ရပ်ကို အာဏာ လွှဲပြောင်းပေးခြင်း၊ ဒေါ်အောင်ဆန်းစုကြည်အနေဖြင့် ကြားဖြတ် ရွေးကောက်ပွဲတွင် ဝင်ရောက်ယှဉ်ပြိုင်နိုင်အောင် ဥပဒေများပြင်ဆင်ရေးဆွဲပေးခြင်းတို့ ပြုလုပ်ထားသည့်တိုင် ၎င်းတို့အပေါ်သံသယများ ဆက်လက်ရှိနေ ကြဆဲပင် ဖြစ်သည်။ အမှန်အတိုင်းပြောရမည်ဆိုပါက ၎င်းတို့သည် အာဏာကိုဆက်လက်ရယူထိန်းသိမ်းထားဆဲပင်ဖြစ်သည်။ ရွေးကောက်ပွဲကို စောင့်ကြည့် လေ့လာမည့် လွတ်လပ်သောကော်မရှင်တစ်ရပ် ဖွဲ့စည်းခွင့်မပြုသေးသလို နိုင်ငံရေးအကျဉ်းသား အားလုံးကိုလည်း လွှတ်ပေးခြင်းမရှိသေးပေ။
မိမိကိုယ်ကိုယ်မိမိ သမ္မတဟုသတ်မှတ်ထားသူမှာလည်း ယခင်က ဗိုလ်ချုပ်ဟောင်းတစ်ဦးပင်ဖြစ်သည်။ မှန်ပါသည်။ စွယ်စုံရအနုပညာရှင်နှင့် ဟာသ ပညာရှင် ဇာဂနာအပါအဝင် နိုင်ငံရေးအကျဉ်းသား ၂၀၀ လောက်ကို လွှတ်ပေးလိုက်ပြီဖြစ်သည့်တိုင် ထောင်တွင်း၌ ဆက်လက်ဖမ်းဆီးထိန်းသိမ်းခံ ထားရ သော နိုင်ငံရေးအကျဉ်းသား ၉ ဆမျှကျန်ရှိနေသေးသည်။ သဘာဝပတ်ဝန်းကျင် ထိခိုက်စေနိုင်သည်ဟူသော အကြောင်းပြချက်ဖြင့် မြစ်ဆုံရေအား လျှပ်စစ် စီမံကိန်းကြီးကို ရပ်ဆိုင်းပေးလိုက်သည့်တိုင် တရုတ်နိုင်ငံကတာဝန်ယူတည်ဆောက်မည့် ရေလှောင်တမံစီမံကိန်းများစွာမှာ ဆက်လက်အကောင် အထည် ဖော်နေဆဲပင်ဖြစ်သည်။ ဤနေရာတွင် အကြောင်းကိစ္စနှစ်ရပ်ကိုပြန်လည်အမှတ်ရမိသည်။ ယင်းမှာ မြန်မာအစိုးရသည် နာဂစ်ဆိုက်ကလုန်း ဝင်ရောက် တိုက်ခတ်ခဲ့စဉ်က နိုင်ငံတကာအသိုင်းအဝိုင်းက ပေးသည့် ကယ်ဆယ်ရေးနှင့် နေရာချထားရေး အကူအညီများကို ငြင်းပယ်ခဲ့သည့် အစိုးရအဖွဲ့ ဖြစ်ပြီး အစိုးရတပ်များဟူသည် ငြိမ်းချမ်းစွာ ဆန္ဒပြသည့် သံဃာတော်များကို ရိုက်နှက်ဖြိုခွင်းရာ၌ လက်မရွံ့ကြသည့် လက်နက်ကိုင်တပ်ဖွဲ့များ ဖြစ်သည် ဟူသောအချက်တို့ပင်ဖြစ်သည်။
ယခုကြားဖြတ်ရွေးကောက်ပွဲကိုကြည့်လျှင်လည်း အမတ်နေရာပေါင်း ၆၆၄ နေရာရှိသည့် လွှတ်တော်တွင်း လစ်လပ်သည့်နေရာမှာ ၅၀ မျှသာဖြစ်ရာ အကယ်၍ NLD သာနေရာစီ အနိုင်ရရှိမည်ဆိုသော်မှ အသေးအဖွဲမျှသာဖြစ်သည့် အောင်မြင်မှုသာဖြစ်ပါလိမ့်မည်။
သို့ဆိုပါက ယင်းဖြစ်ရပ်များသည် အမူအယာပြမှုသာဖြစ်ပြီး ပြုပြင်ပြောင်းလဲမှုများမဟုတ်ပေ။ ပြည်သူလူထု၏ အခွင့်အရေးကို ဗန်းပြပြီး စစ်ဗိုလ်ချုပ် ကြီးများ အတွက် အခွင့်ထူးများကိုဖန်တီးပေးနေခြင်းသာ ဖြစ်သည်။ သို့အတွက်ကြောင့် ယခုအချိန်သည် အိန္ဒိယနိုင်ငံအနေဖြင့် သမိုင်း၏အမှန်တရားဘက်မှ ထွက်ရပ်သင့်သည့် အချိန်ပင် ဖြစ်သည်။ အကြောင်းမှာ အိန္ဒိယ၏ ဧရာမပြိုင်ဘက်ဖြစ်သော တရုတ်နိုင်ငံမှာ စစ်ဗိုလ်ချုပ်ကြီးများကြီးစိုးရာ မြန်မာပြည်၌ ရင်းနှီး မြှုပ်နှံမှုများ အဆမတန်ပြုလုပ်ထားပြီးဖြစ်သောကြောင့်ပင်။ အိန္ဒိယဟူသည် မြန်မာအတိုက်အခံများအနေဖြင့် အသံလွှင့်အစီအစဉ်များ ပြုလုပ်ခွင့်ပေးခဲ့သော နိုင်ငံတစ်ခုဖြစ်ရုံသာမက ဒေါ်အောင်ဆန်းစုကြည်ကို International Understanding ဟူသောအခေါင်းစဉ်ဖြင့် Jawaharalal Nehru Award ဆုချီးမြှင့် ပေးခဲ့သော နိုင်ငံလည်းဖြစ်ခဲ့သည်။
အတိတ်ကာလကိုကြည့်လျှင်လည်း ဒေါ်အောင်ဆန်းစုကြည်ကိုယ်တိုင်သည်ပင် အိန္ဒိယ၌ ပြည်ပြေးဘဝဖြင့် နေထိုင်ခဲ့ဖူးသည်။ ‘Freedom from Fear’ ဟူသောခေါင်းစဉ်ဖြင့် သူမရေးသားခဲ့သော စာအုပ်တွင် ကိုလိုနီနယ်ချဲ့ ဆန့်ကျင်ရေးခေတ်ကာလအတွင်း အိန္ဒိယနှင့် မြန်မာနိုင်ငံမှ လွတ်လပ်ရေး ကြိုးပမ်းသူများ အမြင်ချင်း ဖလှယ်ခဲ့ကြပုံကို လှပသေသပ်စွာရေးသားဖော်ကျူးထားသလို ဗြိတိသျှအုပ်ချုပ်ရေးစနစ်ဆန့်ကျင်ရေးတွင် မည်မျှ အတိုင်းအတာ အထိ ညီညွတ်ခဲ့ကြပုံကိုလည်း ဖော်ပြထားသည်။
သို့သော် အိန္ဒိယသည် ၁၉၉၃ နောက်ပိုင်းကာလမှစ၍ မြန်မာ့အတိုက်အခံအင်အားစုများအပေါ် ကျောထောက်နောက်ခံပေးမှုများကို စွန့်လွှတ်ကာ မြန်မာနိုင်ငံမှ သဘာဝရင်းမြစ်များရရှိရေးအတွက် စစ်အစိုးရနှင့် အပေးအယူများပြုလုပ်လာသည်။ အကျိုးအမြတ်အားဖြင့် စစ်အစိုးရက အိန္ဒိယပြည် အရှေ့မြောက်ပိုင်းဒေသတွင် ခိုလှုံနေထိုင်လျက်ရှိသော သူပုန်များကိုရှင်းလင်းပေးမည်ဟု ကတိကဝတ်များပေးလာခဲ့သည်။ သို့သော် အိန္ဒိယအနေဖြင့် မြန်မာ စစ်အာဏာရှင်များ မိမိဘက်သို့စိတ်ပါလက်ပါဖြစ်လာအောင် လုပ်ကိုင်ရာတွင် တရုတ်နိုင်ငံကို လိုက်မမီနိုင်သေးပေ။
နိုင်ငံတကာ အသိုင်းအဝိုင်းဟူသည်မှာလည်း မြန်မာနိုင်ငံမှ လက်တစ်ဆုပ်စာမျှသော လုပ်ကိုင်ဆောင်ရွက်မှုများ ရရှိနိုင်ရေးအတွက် စောင့်ဆိုင်းနေ နိုင်မည်မဟုတ်ပါ။ မြန်မာနိုင်ငံတွင် လွန်စွာပေါများသော အလုပ်သမားအင်အားစု၊ သစ်တောသံယံဇာတများရှိသလို သဘာဝဓာတ်ငွေ့ ရှာဖွေတူးဖော်နိုင်ရေး အတွက် အလားအလာကောင်းများရှိနေသည်။
လူ့အခွင့်အရေးအုပ်စုများကမူ မြန်မာစစ်ဗိုလ်ချုပ်ကြီးများနှင့် စီးပွားရေးလုပ်မည့် ကုမ္ပဏီများကိုပစ်မှတ်ထားကာ ကန့်ကွက်လှုံ့ဆော်မှုများ လုပ် ဆောင်လျက်ရှိသည်။ ၎င်းတို့ကြောင့် ကုမ္ပဏီအတော်များများမှာ မြန်မာ့စီးပွားရေးလောကမှ နုတ်ထွက်သွားကြရသလို အချို့မှာလည်း ဖျက်သိမ်းလိုက်ကြရ သည်။ လက်ရှိမြန်မာနိုင်ငံတွင်း စီးပွားရေးလုပ်ကိုင်လျက် ရှိသော ကုမ္ပဏီများကိုကြည့်ပါက ထိုင်း၊ တရုတ်၊ အိန္ဒိယနှင့် အခြားသော အာရှနိုင်ငံများမှ ဖြစ်သည်ကို တွေ့ရလိမ့်မည်။
မြန်မာစစ်ဗိုလ်ချုပ်ကြီးများက ယခု ၂၀၁၁ ခုနှစ်အတွင်း ပြည်သူလူထု၏ ဝေဖန်ပြောဆိုမှုများအပေါ် အနည်းငယ် လိုက်လျောမှုပြုလာပြီး အာဏာကို မရမကဖက်တွယ်ထားသည်။ စေ့စပ်ဆွေးနွေးသူအချို့မှာ ၎င်းတို့၏ လုပ်ရပ်များကြောင့် များစွာ စိတ်ပျက်အားလျော့လျက်ရှိသည်။ အချို့ကမူ စစ်ဗိုလ်ချုပ် ကြီးများနှင့် စေ့စပ်ညှိနှိုင်းမှုပြုပြီး ဆင်းရဲသား လူတန်းစားများအတွက် လုပ်ကိုင်ပေးရန် ဒေါ်အောင်ဆန်းစုကြည်ကို မေတ္တာရပ်ခံကြသည်။ NLD ပါတီဝင် ဟောင်း အချို့မှာ ဒေါ်အောင်ဆန်းစုကြည်နှင့် လမ်းခွဲသွားကြပြီး အချို့က မြန်မာနိုင်ငံတွင်း ကုန်သွယ်ရေးနှင့် ရင်းနှီးမြှုပ်နှံမှုများ ပြန်လည် ရှင်သန်လာရေး အတွက် ဆော်သြကြသည်။ လတ်တလောအခင်းအကျင်းကိုကြည့်လျှင် ဒေါ်အောင်ဆန်းစုကြည်မှာ ဗိုလ်ချုပ်ကြီးများအတွက် ပြိုင်ဘက်ရန်သူဖြစ်နေသည့်တိုင် မြန်မာ့နိုင်ငံရေး၏ သားကောင်တစ်ဦးသဖွယ်ဖြစ်နေသည်။
အကယ်၍ ကြားဖြတ်ရွေးကောက်ပွဲတွင် နေရာ ၅၀ စလုံး NLD အနိုင်ရရှိသည့်တိုင် ကျန်ရှိသော အမတ်နေရာ ၆၀၀ မှာ အစိုးရလိုလားသူများဖြစ်ရာ NLD အပေါ် အသာတကြည်ထိန်းချုပ်နိုင်လိမ့်မည်ဟူသော သဘောမျိုးဖြင့် စစ်ဗိုလ်ချုပ်ကြီးများက လောင်းကြေးထပ်နေခြင်းဖြစ်သည်။ အမှန်စင်စစ်ဆိုပါက လွှတ်တော်ထဲတွင် ဒေါ်အောင်ဆန်းစုကြည် ရှိပြီး မြန်မာနိုင်ငံတော်သစ် တစ်ခုဖြစ်ပေါ်လာပြီဟူသော ပုံစံမျိုးကို စစ်ဗိုလ်ချုပ်ကြီးများက ခင်းကျင်းပြသလိုကြ ခြင်းသာ ဖြစ်သည်။ “လွှတ်တော်ထဲမှာ ဒေါ်အောင်ဆန်းစုကြည် ပါဝင်ခွင့်ရရှိသည်။ ဒီမိုကရေစီ စနစ်လည်း ထွန်းကားနေပြီ” ဟူသည့်သဘောမျိုး ပေါ်လွင် လာအောင် ကြိုးပမ်းနေခြင်းဖြစ်သည်ဟု ဆိုလျှင် ပို၍မှန်ပေမည်။ လက်ရှိ မြန်မာစစ်ဗိုလ်ချုပ်ကြီးများ ‘စံ’ ထားနေသည်မှာ ဗိုလ်ချုပ်ကြီး ဆူဟာတိုလက်ထက် အင်ဒိုနီးရှား နိုင်ငံမျိုး ဖြစ်ဟန်ရှိသည်။ သို့သော် ဗိုလ်ချုပ်ကြီးဆူဟာတို ဂျကာတာအစိုးရတွင် တွေ့ကြုံခဲ့ရသည့် အတွေ့အကြုံမျိုး၊ မီခေးလ်ဂိုဘာချော့ ဆိုဗီယက် ယူနီယံတွင် ရခဲ့သည့်အတွေ့အကြုံမျိုး၊ အာဏာရှင် FW de Klerk အနေဖြင့် နယ်လ်ဆင်မင်ဒဲလားနှင့် စေ့စပ်ညှိနှိုင်းမှုပြုလုပ်ရာမှ ရရှိခဲ့သော အတွေ့အကြုံမျိုးအရဆိုပါက နောက်ကြောင်းပြန်လှည့်ရိုး ထုံးစံမရှိသည်ကို တွေ့ရပေလိမ့်မည်ဖြစ်ပါသည်။
**********************************************************************
Google Docs makes it easy to create, store and share online documents, spreadsheets and presentations.
