Transparency Myanmar

transparency.myanmar@gmail.com

yangonchronicle 2011
yangonchronicle 2011

၉.၈.၂၀၁၁

ပြည်တွင်းသတင်းများ

ဖျာပုံလယ်သမားများကြွေးမဆပ်၍ ဦးပိုင်ခေါ်ယူ ထိန်းသိမ်း

နာဂစ်မုန်တိုင်းဒဏ်ကို အပြင်းအထန်ခံခဲ့ရသော ဖျာပုံမြို့နယ် နောက်တိုးကျေးရွာမှ လယ်သမားအယောက် ၂၀ခန့်ကို မြန်မာစီးပွားရေး ဦးပိုင် လီမိတက်မှ တန်တစ်ရာဆန်စက်တွင် ခေါ်ယူထိန်းသိမ်းခဲ့ကြောင်း ဆန်စက်လုပ်ငန်းရှင်တစ်ဦးက ပြောကြားသည်။

လယ်သမားများသည် ပြီးခဲ့သည့်နှစ်က ရာသီဥတု ဖောက်ပြန်သဖြင့် စပါးများ ဈေးကောင်းမရဘဲ ကြွေးတင်နေပြီး အကြွေးများ ပြန်ဆပ်ရမည့် အချိန်ထက် ကျော်လွန်လာကြောင်း ချေးငွေပြန်ဆပ်ရန် ကျန်နေသည် လယ်သမားကို တန်တစ်ရာဆန်စက်ကို ခေါ်ယူပြီး ကြွေးပြန်ဆပ်ရန် ခြိမ်းခြောက် အာမခံတောင်းပြီး မဖြစ်မနေ ပြန်ဆပ်ပါမည်ဟု ဂတိအာမခံချက်ပေးမှ ပြန်လွှတ်ကြောင်း နောက်တိုးကျေးရွာသားတစ်ဦးက ရှင်းပြသည်။

ဖျာပုံခရိုင်တွင် ယုဇနဦးဌေးမြင့် ရှယ်ရာပါဝင်သော ဧရာစိမ်းလန်းမြေ အထူးပြုကုမ္ပဏီမှ ငွေထုတ်ချေးနေပြီး ပျိုးပင်မှ ထူထောင်ပေးထားသည့် အောင်ရတနာ လူမှုရေးအဖွဲ့မှလည်း စိုက်ပျိုးစရိတ်ထုတ်ချေးခြင်း၊ မျိုးနှင့် စိုက်ပျိုးနည်းပညာ ပံ့ပိုးပေးနေကာ ဦးပိုင်မှသာ ငွေမဆပ်နိုင်သူများကို အင်အားသုံး ငွေဆပ်ခိုင်းပြီး စပါးများကိုလည်း အတင်းအကြပ် ရောင်းစေသည်ဟု လယ်သမားများက ဆိုသည်။

မြန်မာစီးပွားရေး ဦးပိုင်လီမီတက်အနေဖြင့် မော်ကျွန်း၊ မြောင်းမြတို့တွင်လည်း စိုက်ပျိုးစရိတ်များ ထုတ်ပေးပြီး စပါးများဝယ်ယူကာ ကုမ္ပဏီ အများ အပြား ဆန်ပါမစ် ပိတ်ထားချိန်တွင် ရန်ကုန် ကြည့်မြင်တိုင် ဗားဂရာဆိပ်ကမ်းမှ တန်၃၆၀ ဆန်ဖြူဖွတ်စက်တွင် ဆန်များသန့်စင်ပြီး တင်ပို့နေသော ကုမ္ပဏီ ဖြစ်သည်ဟု ဆန်စက်လုပ်ငန်းရှင်တစ်ဦးက ဆိုသည်။

“ဘယ်သူမှတင်ပိုခွင့် မရှိလည်း ဦးပိုင်နဲ့ MEC ကတော့ အမြဲပို့နေတာပဲ လယ်သမားတွေကိုတော့ ဘယ်လောက် ချေးလဲမသိဘူး” ဟု ၎င်းက ဆိုသည်။

NZ

-----------------------------------------------------------------------------------------------------------------------------------

ကျပ်ငွေတန်ဖိုးမြင့်တက်မှုကြောင့် နိုင်ငံခြားပို့ကုန်လုပ်ငန်းအချို့ ပိတ်သိမ်း

အစိုးရသစ် ပြောင်းလဲပြီးနောက်ပိုင်း နိုင်ငံခြားငွေနှင့် မြန်မာငွေလဲလှယ်မှုများတွင် မြန်မာကျပ်ငွေတန်ဖိုး မြင့်တက်နေမှုကြောင့် နိုင်ငံခြား ပို့ကုန် လုပ်ငန်းရှင်များ အရှုံးပေါ်၍ လုပ်ငန်းရပ်နားကာ စက်ရုံအချို့ ပိတ်သိမ်းခဲ့ရကြောင်း သတင်းရရှိသည်။

ရန်ကုန်မြို့တွင် အထည်ချုပ်လုပ်ငန်း လုပ်ကိုင်နေသူ စီးပွားရေးလုပ်ငန်းရှင်တစ်ဦးက ငွေလဲနှုန်းတွင် ကျပ်ငွေတန်ဖိုး တရိပ်ရိပ် တက်နေခြင်း ကြောင့် နိုင်ငံခြားသို့ ပို့ကုန်လုပ်ငန်း လုပ်ကိုင်နေသူများ အရှုံးပေါ်ကာ ရေထွက်ပို့ကုန်လုပ်ငန်း လုပ်ကိုင်သည့် စက်ရုံအချို့ ပိတ်သိမ်းခဲ့ရကြောင်း ပြောကြား သည်။

ရန်ကုန်မြို့ သင်္ယန်းကျွန်းမြို့နယ်တွင် ဖွင့်လှစ်ထားသော လင်းထက် သိုးမွှေးအထည်ချုပ်စက်ရုံသည်လည်း အရှုံးပေါ်သဖြင့် လုပ်ငန်း ရပ်နားခဲ့ရာ အလုပ်သမားများ မကျေနပ်သဖြင့် ဇူလိုင်လ ၂၂ ရက်နေ့တွင် ဆန္ဒပြမှုများ ရှိခဲ့သည်။

လှိုင်သာယာစက်မှုဇုန်မှ အထည်ချုပ် လုပ်ငန်းရှင်တစ်ဦးမှ နိုင်ငံခြားမှပို့သော အပ်ထည်များကို ချုပ်ပြီးပြန်ပို့သောအခါ ချုပ်ခငွေကို ဒေါ်လာနှင့် ရရှိပြီး ယခုအချိန်တွင် ဒေါ်လာဈေးများ အလွန်ကျဆင်းနေမှုကြောင့် တချို့စက်ရုံများသည် အမြတ်ငွေမရဘဲ အရှုံးပေါ်နေကြောင်း၊ စက်ရုံများ ပိတ်သိမ်း ရမည့် အခြေအနေသို့ ရောက်ရှိနေကြောင်း ပြောကြားသည်။

မြန်မာနိုင်ငံတွင် အထည်ချုပ်လုပ်ငန်း လုပ်ကိုင်နေသည့် စက်ရုံပေါင်း ၃၀၀ ကျော်ရှိပြီး အလုပ်သမားဝန်ထမ်း ၁ သိန်းနီးပါး ရှိကြောင်း ပြည်ထောင်စု မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) ၏ စာရင်းဇယားများအရ သိရှိရသည်။ နိုင်ငံခြားငွေတန်ဖိုးမှာ ယခု အချိန်တွင် ၇၆၀ ဝန်းကျင်သာ ရှိကြောင်း နိုင်ငံခြားငွေ လဲ လှယ်မှုလုပ်ကိုင်နေသူတစ်ဦးမှ ပြောကြားသည်။

YC

-----------------------------------------------------------------------------------------------------------------------------------

ကုန်းတွင်းရေနံလုပ်ကွက်များ ပြည်တွင်းကုမ္ပဏီများပါ ပူးတွဲလုပ်ကိုင်ခွင့်ပေးမည်

စွမ်းအင်ဝန်ကြီးဌာနမှ ကုန်းတွင်း ရေနံနှင့် သဘာဝဓာတ်ငွေ့ စမ်းသပ်ရှာဖွေ၊ တူးဖော်ထုတ်လုပ်ရေး လုပ်ကွက် ၁၈ ခုတွင် နိုင်ငံခြား ကုမ္ပဏီများနှင့် ပူးပေါင်းလုပ်ကိုင်နိုင်မည့် မြန်မာနိုင်ငံသားပိုင် ကုမ္ပဏီများအား သြဂုတ်လ ၅ ရက်နေ့က တရားဝင် ဖိတ်ခေါ်လိုက်ကြောင်း သိရသည်။

ကုန်းတွင်းပိုင်း ရေနံနှင့်သဘာဝဓာတ်ငွေ့လုပ်ကွက် ၁၈ ခုတွင် နိုင်ငံခြားရေနံကုမ္ပဏီများနှင့် ပူးပေါင်းလုပ်ဆောင်လိုသည့် ပြည်တွင်း စီးပွားရေး လုပ်ငန်းရှင်များအနေဖြင့် မိမိလုပ်ကိုင်လိုသော ရေနံလုပ်ကွက်နေရာ၊ ကုမ္ပဏီမှတ်ပုံတင်၊ အသင်းအဖွဲ့မှတ်တမ်း၊ အသင်းအဖွဲ့စည်းမျဉ်း၊ ငွေကြေး ပိုင်ဆိုင် မှုနှင့် ခိုင်မာမှု အထောက်အထားများကို စွမ်းအင်ဝန်ကြီးဌာနတွင် မှတ်ပုံတင်ထားရမည်ဖြစ်ပြီး စက်တင်ဘာလ ၉ ရက်နေ့ နောက်ဆုံးထားပြီး လျှောက်ထား ရမည် ဖြစ်သည်။

မြန်မာနိုင်ငံသားပိုင်ကုမ္ပဏီများနှင့် နိုင်ငံခြားကုမ္ပဏီများကို ပူးပေါင်းလုပ်ကိုင်ခွင်ပေးမည့် ကုန်းတွင်းပိုင်း ရေနံနှင့် သဘာဝဓာတ်ငွေ့လုပ်ကွက် ၁၈ ခုမှာ PSC E (မြင်းခြံ)၊ PSC G (တောင်တွင်းကြီး)၊ PSC H ( တောင်ငူ-ပျဉ်းမနား)၊ PSC I ( ဟင်္သာတ)၊ PSC J (မော်လမြိုင်)၊ PSC K (ရမည်းသင်း)၊ EP 1 ( ကျောက်ကြီး-မင်းတုန်း)၊ EP 2 (အောင်လံ)၊ EP 5(အင်ပင် - တဲကြီးကုန်း)၊ RSF 2 (တူရွင်းတောင် (မြိုင်) တောင်)၊ RSF 3 (ဂွေးချို-ငရှန်တောင်)၊ RSF 9 (ပြလို့- ပေါက်ခေါင်း)၊ RSF 10(ကံမ-နတ်တောင်)၊ MOGE 4 (မြင်သာ)၊ PSC S (လားရှိုး-သိန္နီ)၊ PSC T (အရှေ့လားရှိုး)၊ PSC U (ကလော)၊ PSC V (လွိုင်ကော်)တို့ ဖြစ်ကြောင်း သိရသည်။

အဆိုပါ ကုန်းတွင်းပိုင်း ရေနံနှင့်သဘာဝဓာတ်ငွေ့လုပ်ကွက် ၁၈ ခုတွင် ရင်းနှီးမြှုပ်နှံလိုသော နိုင်ငံခြားကုမ္ပဏီများကို ဇူလိုင်လ ၁၄ ရက်နေ့က စွမ်းအင်ဝန်ကြီးဌာနမှ ဖိတ်ခေါ်ခဲ့ပြီးဖြစ်သည်။

YC

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

လွှတ်တော်ကိုယ်စားလှယ် ၂၃ ဦး၏ သဘောတူညီချက်ဖြင့်  အိတ်ဖွင့်ပေးစာထုတ်ပြန်

လွှတ်တော်ကိုယ်စားလှယ် ၂၃ ယောက်၏ ပြည်တွင်းငြိမ်းချမ်းရေး လိုလားသူများအတွက် ရည်ရွယ်သော အိတ်ဖွင့်ပေးစာ ကြေညာစာတမ်း တစ်ခုကို သြဂုတ်လ ၈ ရက်နေ့က လက်မှတ်ရေးထိုး ထုတ်ပြန်ကြေညာလိုက်ကြောင်း အဆိုပါ လွှတ်တော်ကိုယ်စားလှယ် ၂၃ ဦးတွင် ပါဝင်သူ ဧရာဝတီတိုင်း ဒေသကြီး၊ ပန်းတနော်မြို့နယ် မဲဆန္ဒနယ်၏ ပြည်သူ့လွှတ်တော် ကိုယ်စားလှယ် ဦးမန်းမောင်မောင်ဥာဏ်က ဆိုသည်။

“ကျွန်တော်တို့ နိုင်ငံမှာ ပြည်တွင်းငြိမ်းချမ်းရေးကို အလေးပေးစေချင်တဲ့ ရည်ရွယ်ချက်ကို အလေးဂရုပြုပြီး ဒီထုတ်ပြန်ကြေငြာချက်ကို ထုတ်ပြန် လိုက်တာပါ။ မည်သူတစ်ဦးတစ်ယောက်ရဲ့ ညွှန်ကြားချက်မဟုတ်ပါဘူး။ စစ်ဘေး၊ စစ်ဒဏ်ကို ခံစားနေရတဲ့ ဒေသက တိုင်းရင်းသား ကိုယ်စားလှယ်တွေရဲ့ တင်ပြချက်တွေ၊ ဆွေးနွေးချက်တွေကြောင့်ပါ”ဟု ပြည်တွင်းသို့ ဖုန်းဆက်မေးမြန်းခြင်းကို ပြန်လည်ဖြေကြားသည်။

အဆိုပါ ကြေညာစာတမ်းတွင် သြဂုတ်လ ၃ ရက်နေ့ထုတ် နိုင်ငံပိုင်သတင်းစာများတွင် ဖော်ပြထားချက်အရ သြဂုတ်လ ၂ ရက်နေ့ ညနေ ၅ နာရီခွဲ အချိန်တွင် ကချင်ပြည်နယ်၊ ဗန်းမော်ခရိုင်၊ မိုးမောက်မြို့နယ်၊ တာပိန် ရေအားလျှပ်စစ်စက်ရုံမှ ပြန်လာသော မော်တော်ယာဉ်တစ်စီးကို ကေအိုင်အေ လက်နက်ကိုင်အဖွဲ့၏ ပစ်ခတ်မှုကြောင့် အပြစ်မဲ့ဝန်ထမ်းများနှင့် ပြည်သူများသေဆုံးသွားရသည့်ဖြစ်ရပ်သည် ကြောက်မက်ဖွယ်ရာ၊ ဝမ်းနည်းဖွယ်ရာ လုပ်ရပ်များ ဖြစ်ပြီး ငြိမ်းချမ်းရေး ဖြစ်မြောက်ရေးအတွက် ခြောက်လှန့်မှုများဖြစ်လာ၍ စိတ်မကောင်းဖြစ်ရကြောင်း ဖော်ပြထားသည်။

အဆိုပါ လွှတ်တော်ကိုယ်စားလှယ် ၂၃ ဦးတွင် ပါဝင်သူ ရန်ကုန်တိုင်းဒေသကြီး၊ မြောက်ဥက္ကလာပမြို့နယ် ပြည်သူ့လွှတ်တော် ကိုယ်စားလှယ် ဒေါက်တာသန်းဝင်းက “ဒီကိစ္စက မဖြစ်မနေလုပ်ရမယ့် ကိစ္စတစ်ခုမို့ ပြည်သူရွေးချယ်ထားတဲ့ လွှတ်တော်ကိုယ်စားလှယ်တွေ စုပေါင်းပြီး ထုတ်ပြန်လိုက် တာပါ”ဟု ဆိုသည်။

ရန်ကုန်မြို့ခံတစ်ဦးက “MRTV-4 မှာ လွှတ်တော်ကိုယ်စားလှယ်တွေရဲ့ ငြိမ်းချမ်းရေးအတွက် ထုတ်ပြန်ကြေငြာချက်ကို ထုတ်လွှင့်ပြတော့      တော်တော်လေး အံ့သြသွားတယ်။ ဘယ်လိုကြောင့်ဖြစ်ပါစေ ဒီလိုလုပ်ပေးတာကိုပဲ ကောင်းသော ပြောင်းလဲခြင်းတစ်ခု ဖြစ်လာတယ်လို့ ယူဆမိပါတယ်”ဟု ယင်း၏ ခံစားချက်အား ပြောပြသည်။

ဆက်လက်၍လည်းငြိမ်းချမ်းရေး လိုလားသူများအတွက် ကြေငြာစာတမ်းတွင် ပြည်သူများအတွက် ငြိမ်းချမ်းရေး ကြိုးပမ်း ဆောင်ရွက်နေမှုများကို ပြည်သူ့ကိုယ်စားလှယ်၊ တိုင်းရင်းသား ကိုယ်စားလှယ်များဖြစ်သော ကျွန်ုပ်တို့မှ ကြိုဆိုထောက်ခံလျက်ရှိပါကြောင်းနှင့် အမှန်တကယ် ငြိမ်းချမ်းရေး ရလိုလျှင် ပြည်ထောင်စု ကြီးတစ်ခုလုံး၏ အကျိုးစီးပွား ကိုသာရှေ့ရှု၍ စေတနာမှန်၊ သဘောထားမှန်၊ ဆွေးနွေးလုပ်ဆောင်မှု အမှန်များဖြင့် ဆောင်ရွက်ကြပါရန်နှင့် စစ်ပွဲများ မရှိတော့သော်လည်း ပြည်ထောင်စုကြီး ပြိုကွဲချည့်နဲ့သွားမည့် အန္တရာယ်မျိုးကို ရှောင်ရှားကြပါရန် အလေးအနက်ထား တိုက်တွန်းတောင်းဆို အပ်သည်ဟု ပါရှိသည်။

ထိုင်းနိုင်ငံအခြေစိုက် မြန်မာ့အရေးလှုပ်ရှားသူများက “ဒီကိစ္စရဲ့ နောက်ကွယ်မှာ အကြံအစည်တစ်ခုတော့ ရှိပါတယ်”ဟု ဆိုသည်။

          

                                                                YC(KS)

-----------------------------------------------------------------------------------------------------------------------------------

ဒေါ်အောင်ဆန်းစုကြည် သြဂုတ် ၁၄  ပဲခူးသွားမည်

ဒေါ်အောင်ဆန်းစုကြည်သည် ၎င်း၏ နိုင်ငံရေးခရီးကို ယခုလ ၁၄ ရက်နေ့တွင် ပဲခူးသို့သွားရောက်ခြင်းဖြင့် စတင်မည် ဖြစ်ကြောင်း အမျိုးသား ဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်း၏ ပြောကြားချက်အရ သတင်းရရှိသည်။

အဆိုပါ ခရီးစဉ်သည် သူမ နေအိမ်အကျယ်ချုပ်မှ လွှတ်လာပြီး နောက်ပိုင်း ပထမဆုံး ပြုလုပ်သော နိုင်ငံရေးခရီးစဉ် ဖြစ်သည်။

ဒေါ်အောင်ဆန်းစုကြည်သည် ပဲခူးမြို့တွင် စာကြည့်တိုက် တစ်ခု၊ သနပ်ပင်မြို့တွင် တစ်ခု ဖွင့်လှစ်ပေးမည် ဖြစ်ကြောင်းနှင့် လူငယ်များနှင့် တွေ့ဆုံ မည် ဖြစ်ကြောင်း ဦးဥာဏ်ဝင်းက ပြောကြားသည်။

သြဂုတ်လ ၁၄ ရက်နေ့တွင် သွားရောက်မည့် အဆိုပါ ခရီးစဉ်ကို မနက် ၆ နာရီတွင် ရန်ကုန်မှ စတင် ထွက်ခွာမည်ဖြစ်ကာ ညနေပိုင်းတွင် ပြန်လာ ကြမည် ဖြစ်ပြီး ခရီးစဉ် အသေးစိတ်နှင့် လုံခြုံရေး စီမံမှုများကိုမူ NLD တာဝန်ရှိသူများက ပြောဆိုရန် ငြင်းဆန်ကြသည်။

အောင်ဆန်းဂျာမွန်းဟု အမည်ပေးထားသည့် စာကြည့်တိုက်များသည် ပဲခူးမြို့ပေါ်ရှိ ပန်းလှိုင်၂၃ လမ်းနှင့် သနပ်ပင်မြို့ မင်းလမ်းတို့တွင် တည်ရှိ ကာ စာကြည့်တိုက်တစ်ခုချင်းစီတွင် စာအုပ်ပေါင်း ၄,၀၀၀ ကျော် ထားရှိသည်။ ဂျာမွန်းဆိုသည်မှာ ဂျိန်းဖေါဘာသာစကားဖြစ်ပြီး ရွှေဝတ်မှုန်ဟု အဓိပ္ပါယ်ရ ကြောင်း သိရသည်။

ဒေါ်အောင်ဆန်းစုကြည်၏  ပဲခူး ခရီးစဉ်သည် နိုင်ငံရေးခရီးစဉ် ဖြစ်သဖြင့် အစိုးရမှ မည်သို့တုန့်ပြန်မည်ကို အများက စိတ်ဝင်တစား စောင့်ကြည့် နေကြသည်ဟု သိရသည်။

ဒေါ်အောင်ဆန်းစုကြည်သည် ပဲခူး ခရီးစဉ်ပြီးနောက် နောက်ထပ် နယ်ခရီးစဉ်များကို ဆက်လက်ထွက်ရှိဦးမည်ဟု သိရသည်။

YC

-----------------------------------------------------------------------------------------------------------------------------------

ပြည်ခိုင်ဖြိုးနှင့် NDF ပါတီ တောင်သူလယ်သမားရေးရာ အဆိုနှင့် မေးခွန်းများ တင်သွင်းမည်

အစိုးရသစ်လက်ထက် ပထမဆုံးအကြိမ် ကျင်းပမည့် လွှတ်တော်အစည်းအဝေးများတွင် တောင်သူလယ်သမား ရေးရာကိစ္စရပ်များကို ပြည်ထောင် စု ကြံ့ခိုင်ရေးနှင့် ဖွံ့ဖြိုးရေးပါတီမှ  အဆိုတင်သွင်းမည်ဖြစ်ရာ အမျိုးသားဒီမိုကရေစီ အင်အားစုပါတီမှ အဆိုနှင့် မေးခွန်းများ မေးမြန်းမည်ဖြစ်ကြောင်း ပါတီ များ၏ ပြောရေးဆိုခွင့်ရှိသူများက ပြောကြားသည်။

သြဂုတ်လ ၅ ရက်နေ့တွင်ကျင်းပခဲ့သော ဆန်စပါးလုပ်ငန်းအသင်း အစည်းအဝေးတွင် မြန်မာနိုင်ငံတွင် နေထိုင်သူ အများစုသည် လယ်သမားများ ဖြစ်ပြီး လယ်သမားများ၏ အခွင့်ရေးများရရှိသင့်သလောက်မရရှိသဖြင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ သြဂုတ်လ ၂၂ ရက်နေ့တွင် စတင် ကျင်းပမည့် လွှတ်တော်အစည်းအဝေးတွင် လယ်သမားများ အခွင့်အရေးနှင့် ပတ်သက်သော အဆိုကို တင်သွင်းသွားမည် ဖြစ်ကြောင်း ပြည်ခိုင်ဖြိုးပါတီမှ အထွေထွေအတွင်းရေးမှူး ဦးဌေးဦးက ပြောကြားခဲ့သည်။

မြန်မာနိုင်ငံ၏ ဆင်းရဲနွမ်းပါးမှုများတွင် တောင်သူလယ်သမား အများဆုံး ပါဝင်နေသည့်အတွက် တောင်သူလယ်သမားများနှင့် ပတ်သက်သော အဆိုနှင့် မေးခွန်းများကို လာမည့်လွှတ်တော် အစည်းအဝေးတွင် တင်သွင်းသွားမည်ဖြစ်ကြောင်း အမျိုးသားဒီမိုကရေစီအင်အားစုပါတီ၊ တောင်သူလယ် သမားရေးရာ လုပ်ငန်းကော်မတီဝင် ပုဇွန်တောင်မြို့နယ် ပြည်သူ့လွှတ်တော်ကိုယ်စားလှယ် ဦးအောင်ဇံက ပြောကြားသည်။

                                                                                                                            Ref: Yangon Times

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ဘဏ္ဍာရေးနဲ့ ငွေရေးကြေးရေးကဏ္ဍကို ပြုပြင်ပြောင်းလဲမှု လုပ်သင့်တာကြာပါပြီ။ နိုင်ငံတစ်ခုရဲ့ နိုင်ငံခြားငွေ လဲလှယ်နှုန်းက ခေတ်နဲ့လျော်ညီတဲ့ အခြေ အနေ ဖြစ်သင့်ပါတယ်။ နိုင်ငံတစ်နိုင်ငံရဲ့ ငွေကြေးတန်ဖိုး သတ်မှတ်တဲ့နေရာမှာ အမျိုးမျိုး ရှိပေမယ့် အဓိကနှစ်မျိုးရှိပါတယ်။ တစ်ခုက နှုန်းတစ်ခု သတ်မှတ်ပြီး ခိုင်မာတယ်လို့ သတ်မှတ်ထားတဲ့ နိုင်ငံခြား ငွေကြေးတစ်ခုနဲ့ တွဲချိတ်ထားတဲ့နည်းပါ။ နောက်တစ်နည်းက နှုန်းထားတစ်ခု မသတ်မှတ်ဘဲ ကုန်သွယ်ဘက် နိုင်ငံတွေနဲ့ နှိုင်းယှဉ်ပြီး သီးခြားလွတ်လပ်စွာ တွက်တဲ့နည်းပါ။ ဘယ်လိုနည်းပဲဖြစ်ဖြစ် ထိန်းကျောင်းနိုင်တဲ့ ကျွမ်းကျင်မှုရှိဖို့လိုပါတယ်။ ဈေးကွက် အခြေအနေနဲ့ ဝယ်လိုအား၊ ရောင်းလိုအားအပေါ် မူတည်ပြီး အမျိုးမျိုး ပြောင်းလဲမှုတွေနဲ့ လိုက်လျောညီထွေ ဖြစ်နိုင်ရပါမယ်။ ဘဏ်တိုးနှုန်း၊ နိုင်ငံခြားငွေလဲနှုန်း၊ အခွန်၊ ငွေကြေးစီးဆင်းမှု၊ နိုင်ငံခြားရင်းနှီးမြုပ်နှံမှု စတာတွေက အားလုံးနဲ့ စပ်ဆက်နေတာပါ။ တစ်ခုလုံးကို ခြုံငုံစဉ်းစားဖို့ လိုပါတယ်။ စီးပွားရေး ပြုပြင် ပြောင်းလဲမှုမှာ ဘဏ္ဍရေးနဲ့ ငွေရေးကြေးရေးကဏ္ဍကို အရင်ပြောင်းနိုင်ဖို့ လိုပါတယ်။ ဒီကဏ္ဍကို ပြုပြင်ပြောင်းလဲမှု မလုပ်နိုင်ရင် ကျန်တဲ့ ပြောင်းလဲမှုတွေမှာ ထိရောက်မှု နည်း သွားမှာ ဖြစ်ပါတယ်"

ဇူလိုင် ၁၀ ထုတ် Weekly ELEVEN အတွဲ (၆) အမှတ် (၄၅) တွင်ပါသည့်"နိုင်ငံခြားငွေလဲနှုန်းနှင့် ဘဏ်တိုးနှုန်း အပါအဝင် ဘဏ္ဍာရေးနှင့် ငွေရေးကြေးရေးကဏ္ဍ ပြုပြင်ပြောင်းလဲမှုများ ပြုလုပ်နိုင်ရန် သမ္မတအကြံပေးအဖွဲ့နှင့် ပညာရှင်များအစုအဖွဲ့ ပူးပေါင်းဆောင်ရွက်နေ" သတင်းမှ ပုဂ္ဂလိကဘဏ်တစ်ခုမှ ဒုတိယဥက္ကဋ္ဌတစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"အောင်မြင်အောင် လုပ်ရမယ့်နည်းလမ်းတွေကို သိတယ်ဆိုပေမယ့် တကယ်လုပ်ဖြစ်မှ အောင်မြင်မယ့် လမ်းကြောင်းပေါ်ကို ရောက်မှာပါ။ အခွန် ကင်းလွတ်ခွင့်နဲ့ ထောက်ပံ့မှုဆိုတာ ရှိကိုရှိရမယ်။ အကောင်အထည် ဖော်တဲ့အထဲမှာ ထည့်သွင်း ထားတယ်ဆိုပေမယ့် ထည့်သွင်းထားပြီး ဘာမှမလုပ် ဖြစ်တာမျိုး မဖြစ်စေချင်တော့ဘူး။ အဖွဲ့တွေ ဖွဲ့လိုက် ဘာမှမဖြစ်လိုက် အခြေအနေကနေ ရုန်းထွက်သင့်ပြီ။ အခုလည်း ဘယ်လိုပဲဖြစ်ဖြစ် အဖွဲ့အစည်း တွေက အဲဒီ ကဏ္ဍကြီးတစ်ခုလုံးကို ကိုယ်စားပြုတာဖြစ်လို့ ဖွဲ့ပြီးရေးတော့ တကယ်လုပ်ကြပါ"

ဇူလိုင် ၁၀ ထုတ် Weekly ELEVEN အတွဲ (၆) အမှတ် (၄၅) တွင်ပါသည့် "စက်မှုလုပ်ငန်း ဖွံ့ဖြိုးတိုးတက်ရေး ကော်မတီအောက်တွင် ဆပ်ကော် မတီ ၁၂ ရပ် ထပ်မံဖွဲ့စည်းရန် ပြင်ဆင်၊ စက်မှုဆိုင်ရာမူဝါဒအောင်မြင်ရေး အကြိုသုံးသပ်ချက်တွင် ထောက်ပံ့ငွေနှင့် အခွန်ကင်းလွတ်ခွင့် ပေးရေး အချက်များ ထည့်သွင်း" သတင်းမှ သံနှင့်သံမဏိစက်မှုလုပ်ငန်း ထူထောင်သူတစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ဒီကိစ္စနဲ့ပတ်သက်ပြီး ဂျာနယ်တော်တော်များများမှာ ရေးကြ၊ ပြောကြပြီးသွားပါပြီ။ အဓိကဖြစ်ရတဲ့ အကြောင်းရင်းက လက်မှတ်တွေကို အခမဲ့ပေးတဲ့ အတွက်ကြောင့်လို့ ပြောလို့ရတယ်။ ဒီလိုပေးလိုက်တော့ ပွဲကြည့်ပရိသတ်တွေ များလာတယ်။ တချို့ပရိတ်သတ်တွေဆို နိုင်ငံကြီးသား မပီသဘူး။ မြန်မာနေရှင်နယ်လိဂ်ပွဲမှာတောင် တချို့ပွဲကြည့်ပရိသတ်တွေက အားကစားသမားနဲ့ ဒိုင်လူကြီးတွေကို ဆဲလိုက်၊ ပစ္စည်းနဲ့ပေါက်လိုက် လုပ်တာတွေ ရှိတယ်။ အခုပြီးခဲ့တဲ့ပွဲက ကမ္ဘာ့ ဘောလုံးအဖွဲ့ချုပ် FIFA က လုပ်တဲ့ပွဲဆိုတော့ FIFA စည်းမျဉ်းစည်း ကမ်းတွေကို လိုက်နာသင့်တာပေါ့"

သြဂုတ် ၈ ထုတ် The Messenger အတွဲ (၂) အမှတ် (၁၂) တွင်ပါသည့် "နောင်ကျင်းပမည့် နိုင်ငံတကာဘော လုံးပွဲများကို အခမဲ့ ကြည့်ရှုခွင့် ပြုတော့မည် မဟုတ်" သတင်းမှ တက်လမ်း အားကစားဂျာနယ်မှ ဦးချစ်ဝင်းမောင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"အခုပင်စင်လစာ တိုးမြှင့်ခံစားရတာနဲ့ ပတ်သက်ပြီး ငွေကြေးဖောင်းပွနိုင်တဲ့ အလားအလာ တွေ့ရလားဆိုရင် မတွေ့ရဘူး။ ကုန်ဈေးနှုန်းက အခု နိုင်ငံ တကာမှာလည်း အစားအသောက်ဈေးနှုန်းတွေ ၁၀ ရာခိုင်နှုန်းအထိ တက်တယ်လို့ဆိုတယ်။ ဒါကြောင့် ပင်စင်ကြောင့် ဈေးတက်တယ်လို့တော့ မပြောနိုင် ဘူး။ အစိုးရကလဲ ဒါတွေ တွက်ပြီးသားပါ။ အဲဒီအတွက်လည်း သမ္မတက ဌာနဆိုင်ရာအလိုက် အသုံးစရိတ်တွေ လျှော့ချဖို့ ပြောထားတယ်။ ပင်စင်ကြောင့် ချည်း သက်သက်တော့ မြန်မာငွေကြေး မဖောင်းပွနိုင်ပါဘူး။ ကုန်ဈေးနှုန်း လျှော့ချဖို့တော့ သယ်ယူပို့ဆောင်စရိတ်တွေ သိသိသာသာ လျှော့ချပေးရင်တော့ ဈေးမတက်ဘူးပေါ့။ လူတွေလက်ထဲမှာ ကျပ်ငွေနည်းနေတာကနေ ကျပ်ငွေများလာမယ်။ အဲဒီအတွက် အတိုင်းအတာတစ်ခု ထိတော့ အကျိုးသက်ရောက် နိုင်တယ်"

သြဂုတ် ၁၁ ထုတ် ရန်ကုန်တိုင်းမ် အတွဲ (၇) အမှတ် (၃၀) တွင်ပါသည့် "ပင်စင်လစာ တိုးတယ်ဆိုပေမယ့် လူတွေရဲ့ လက်ထဲကို ငွေမရောက် သေးဘူး ဈေးတက်ဖို့ ပြင်တယ်ဆိုရင်တော့ မဖြစ်သင့်ဘူး" သတင်းမှ ဆရာခင်မောင်ညို (ဘောဂဗေဒ)၏ ပြောကြားချက်အပေါ် ကောက်နှုတ် ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

စက်မှုဖွံ့ဖြိုးရေးသည်လည်း

မြန်မာနိုင်ငံသည် စိုက်ပျိုးရေးကို အခြေခံသည့် နိုင်ငံတစ်ခု ဖြစ်သောကြောင့် စိုက်ပျိုးထုတ်လုပ်ရေးကို အဓိထားပြီး လုပ်ဆောင်ရမည် ဖြစ်သော်လည်း စက်မှုဖွံ့ဖြိုးရေး လမ်းကြောင်းကိုပါ အစပျိုးအကောင်အထည် ဖော်ဆောင်ရန် လိုအပ်ပါသည်။ စက်မှုဖွံ့ဖြိုးတိုးတက်မှု ရှိမှသာလျှင် နိုင်ငံ ဖွံ့ဖြိုးတိုးတက်မှု အမှန်ရှိလာမည် ဖြစ်ပေသည်။ အိန္ဒိယနိုင်ငံဆိုလျှင် ၁၉၉၀ လောက်မှစ၍ ဆိုရှယ်လစ်စီးပွားရေးစနစ်မှ ဈေးကွက်စီးပွားရေးစနစ်သို့ ပြောင်းလဲ အကောင်အထည်ဖော်သည့်အခါ နဂိုထုတ်လုပ်မှု စွမ်းရည်ရှိပြီးသား လယ်ယာစိုက်ပျိုးစီးပွားရေးကိုသာမက စက်မှုနှင့် သတင်းနည်းပညာကိုပါ ဖွံ့ဖြိုးအောင်လုပ်သည့် လမ်းနှစ်မွှာမဟာဗျူဟာ (Dual Track strategy) အကောင်အထည်ဖော် ဆောင်ရွက်လာရာ ယခု အိန္ဒိယ၏ စီးပွားရေး ဖွံ့ဖြိုးတိုးတက်မှု အံမခန်းအခြေ အနေသို့ ရောက်ရှိလာရခြင်းဖြစ်သည်ကို တွေ့မြင်နိုင်ပါသည်။

စိုက်ပျိုးထွန်ယက်နိုင်သော မြေမှာ လယ်ယာစိုက်ပျိုးစီးပွားရေးတွင် အလွန်အရေးကြီးသည့်အလျှောက် မြေများစွာကို ပိုင်ဆိုင်သည့် မြေရှင်များ သည်လည်း ကုန်ထုတ်စွမ်းအားစု၏ အရင်းအနှီးများစွာကို ပိုင်ဆိုင်သော အရင်းရှင်များ ဖြစ်လေသည်။ အစိုးရမှ သမရိုးကျ မြေယာခွဲဝေမှုစနစ်ဖြင့် လယ် သမားများကို အလုပ်လုပ်ကိုင်ခွင့်ပေးသည့် မူဝါဒ ချမှတ် အကောင်အထည်ဖော်သည့်အခါ မြေရှင်များလည်း မိမိပိုင်မြေများကို အစိုးရသို့ ရောင်းချခဲ့ရသော မြေယာ ပြုပြင်ပြောင်းလဲမှုဖြင့် နိုင်ငံဖွံ့ဖြိုးရေးအရှိန်ယူခဲ့သည့် ၁၉၅၀ အလွန် တောင်ကိုရီးယားနိုင်ငံ၏ ဥပမာကို လေ့လာနိုင်ပေသည်။ သို့သော် တောင် ကိုရီးယားအစိုးရမှာ မြေရှင်များထံမှ မြေကို ထိုက်သင့်သည့် တန်ရာတန်ဖိုးပေးသည့်အပြင် တစ်ဖက်၌လည်း စက်မှုဖွံ့ဖြိုးတိုးတက်ရေးအတွက် စက်မှုဆိုင်ရာ မူဝါဒကို ချမှတ်ပြီး ယခင်မြေရှင်များကို လုပ်ကိုင်ခွင့်ပေးစေခြင်းဖြင့် စီးပွားရေး ဖွံ့ဖြိုးတိုးတက်မှုကို အရယူနိုင်ခဲ့လေသည်။

မြန်မာနိုင်ငံအနေဖြင့် မိမိနိုင်ငံစိုက်ပျိုးရေး ထုတ်ကုန်များကို ဒေသတွင်နိုင်ငံများနှင့် ယှဉ်ပြိုင်နိုင်ရန် ယခုထက်ပိုမို အရည်အသွေးရှိသည့် ထုတ်ကုန်များ ထုတ်လုပ်နိုင်ဖို့ မူဝါဒဆိုင်ရာ ဆွေးနွေးအကြံပြုချက်များ စတင်ဆောင်ရွက်နေပြီ ဖြစ်သည့်အပြင် စက်မှုဖွံ့ဖြိုးတိုက်ရန်အတွက်လည်း စက်မှုလုပ်ငန်း ဖွံ့ဖြိုးတိုးတက်ရေးအတွက် စက်မှုလုပ်ငန်း ဖွံ့ဖြိုးတိုးတက်ရေးကော်မတီကို ယခုအစိုးရသစ်လက်ထက်တွင် ပြောင်းလဲပြင်ဆင် ဖွဲ့စည်း လိုက်ပြီ ဖြစ်လေသည်။ စစ်တပ်အစိုးရမှ အုပ်ချုပ်သော နဝတလက်ထက် အလွန်မှစ၍ ဈေးကွက်စီးပွားရေး စနစ်စတင်ခဲ့သည်ဖြစ်လေရာ နိုင်ငံခြား ရင်းနှီးမြုပ်နှံမှုများလည်း ဝင်ရောက်လာခဲ့ပြီး စက်မှုလုပ်ငန်းများ အခြေအနေမှာ ယခင် ဆိုရှယ်လစ်အစိုးရ လက်ထက်ကထက် ပိုမိုကောင်းမ