Transparency Myanmar

transparency.myanmar@gmail.com

yangonchronicle 2011
yangonchronicle 2011

 

၂၈.၅.၂၀၁၁

ပြည်တွင်းသတင်းများ

ကျောင်းအပ်ရာ၌ သတ်မှတ်ဈေးထက် ပိုယူနေရဆဲ

ရန်ကုန်၊ မေ၂၈။

ရန်ကုန်တိုင်းဒေသကြီးအတွင်းရှိ အခြေခံပညာကျောင်းများတွင် ကျောင်းအပ်နှံရာ၌ သတ်မှတ်ထားသည့် ကျောင်းဝင်ကြေးထက် ပိုမိုကောက်ယူ နေမှုများ ရှိကြောင်း ရန်ကုန်မြို့ခံများက ပြောကြားသည်။

“ ၃ တန်းကလေးကို ကျောင်းသွားအပ်တာ ၄၀၀၀ ကျော်ကုန်တယ်။ ဖတ်စာအုပ်ဖိုး မပါသေးဘူး၊ ကျောင်းကရောင်းတဲ့ ဗလာစာအုပ် တစ်ဒါဇင်ပဲ ပါတယ်။ ပေးလိုက်ရတဲ့ ၄၀၀၀ က ဘာဖိုး၊ညာဖိုးဆိုတာ ချလံလည်း ပြန်မပေးဘူး။ သူတို့တောင်းတဲ့ ပိုက်ဆံကို ဒီကပေးလိုက်ရတာပဲ ရှိတယ်” ဟု မေလ ၂၅ ရက်နေ့က မြို့တွင်းရှိ မူလတန်းကျောင်း တစ်ကျောင်းတွင် ကျောင်းအပ်နှံခဲ့သူတစ်ဦးက ဆိုသည်။

ပညာရေးဝန်ကြီးဌာနမှ မြန်မာတစ်နိုင်ငံလုံးတွင် မူလတန်းပညာရေးအား အခမဲ့ပညာရေးအဖြစ် သတ်မှတ်ထားသော်လည်း ကျောင်းဝင်ကြေးနှင့် အခြား အခကြေးငွေများ ပေးနေရမှုများရှိပြီး နာမည်ကြီးကျောင်းများတွင် ကျောင်းအပ်နှံရာ၌လည်း မိမိအပ်နှံသည့် ကျောင်းနာမည်နှင့် အတန်းအလိုက် ပိုက်ဆံပိုပေးရသည်ဟု စုံစမ်းသိရှိရသည်။

“နာမည်ကြီးကျောင်းတွေကို ခေါ်ပြီးသတိပေးတယ်ဆိုပေမယ့် ဘယ်လိုအရေးယူမယ်ဆိုတာကိုတော့ ပြောထားတာ မတွေ့ရဘူး။ အခုလည်း ကျောင်းအပ်ရာသီ ရောက်နေပြီပဲ၊ ကျောင်းအပ်ခကတော့ အရင်နှစ်တွေကအတိုင်းပဲ လျော့သွားတာ မရှိဘူး” ဟု ဒဂုံ(၁) ကျောင်းတွင် အလယ်တန်း ကျောင်းသားတစ်ဦးအား ကျောင်းအပ်ခဲ့သူ မိခင်တစ်ဦးက ဆိုသည်။

“ ၃ တန်းကလေး ကျောင်းအပ်တာကို လေးသောင်းကျော် ကုန်တယ်။ ကျောင်းဝင်ကြေးပဲ ပါသေးတယ်” ဟု ဆက်လက်ပြောကြားသည်။

ကျောင်းအပ်ရာတွင် သတ်မှတ်ကြေးထက် ပိုတောင်းခံပါက တိုင်ကြားနိုင်ရန် ဖုန်းနံပါတ်များပါဝင်သည့် ကြေငြာချက်များ ကပ်နှံထားမည်ဟု ရန်ကုန်တိုင်းဒေသကြီး အစိုးရအဖွဲ့မှ ထုတ်ပြန်ခဲ့သော်လည်း ယင်းကြေငြာချက်များအား အခြေခံပညာကျောင်းများတွင် ကပ်နှံထားခြင်းမရှိဟု သိရသည်။ ယင်းကြောင့် ရန်ကုန်တိုင်းဒေသကြီး အစိုးရအဖွဲ့၏ ထုတ်ပြန်ချက်မှာ အသက်ဝင်ခြင်းမရှိဟု ရန်ကုန်မြို့ခံများက သုံးသပ်နေကြသည်။

ကျော်စွာ

-----------------------------------------------------------------------------------------------------------------------------------

ပုဂ္ဂလိကဘဏ်အချို့ ငွေလွှဲခဖြင့်သာ ရပ်တည်နေရ

ပုဂ္ဂလိကဘဏ်အချို့တွင် ချေးငွေ ချေးယူမှုထက် အပ်ငွေများ အပ်နှံနေမှု ပိုမိုများပြားသည့်အတွက် ဘဏ်အကျိုးအမြတ်ရရှိမှုမှာ ငွေလွှဲခများဖြင့် သာ ရပ်တည်နေရကြောင်း ပုဂ္ဂလိကဘဏ်အချို့မှ စုံစမ်းသိရှိရသည်။

ဘဏ်များ၏ ချေးငွေအတိုးနှုန်းမှာ တစ်နှစ်လျှင် ၁၇ ရာခိုင်နှုန်းပေးထားသော်လည်း အပ်ငွေအတိုးနှုန်းမှာ တစ်နှစ်လျှင် ၁၂ ရာခိုင်နှုန်း ပေးထား ကြောင်း သိရသည်။ ပုဂ္ဂလိကဘဏ်များ ချေးငွေအတိုးနှုန်းထက် အပ်ငွေအတိုးနှုန်းမှာ ပိုမိုများပြားသည့်အတွက် ပြည်သူများမှာ ချေးငွေထက် အပ်ငွေ အပ်နှံမှုကို ပိုမိုစိတ်ဝင်စားလျက်ရှိကြောင်း သိရသည်။

ယင်းကဲ့သို့ အပ်ငွေများအပ်နှံသည့်အတွက် ပုဂ္ဂလိကဘဏ်အချို့တွင် ငွေလွှဲခများမှရရှိသော အမြတ်ငွေနှင့်သာ လည်ပတ်နေရကြောင်း သိရ သည်။

ဘဏ်များဆက်လက်ရပ်တည်နေနိုင်ခြင်းမှာ ငွေလွှဲခြင်းမှရရှိသည့် ငွေကြေးများကြောင့်ပင်ဖြစ်ကြောင်း၊ ငွေလွှဲနေမှုမှာ များစွာရှိကြောင်း၊ ပုဂ္ဂလိက ဘဏ်အချို့တွင် ငွေလွှဲခဖြင့်သာရပ်တည်နေရကြောင်း၊ ချေးငွေများနည်းနေသည့်အတွက် ဘဏ်၌ ပိုနေသည့်ငွေများကို အစိုးရထံမှ ငွေတိုက်စာချုပ်များကို ဝယ်ယူ၍ သိမ်းထားရကြောင်း၊ ယင်း ငွေတိုက်စာချုပ်များကို ဝယ်ယူမည့်အစား ငွေများများချေးနိုင်မည်ဆိုပါက ဘဏ်ကောင်းမွန်စွာ ဆက်လက်ရပ်တည် နိုင်သကဲ့သို့ နိုင်ငံစီးပွားရေး ဖွံ့ဖြိုးတိုးတတ်မှုကိုပါ အထောက်အကူပြုနိုင်ကြောင်း ကမ္ဘောဇဘဏ် ဒုတိယဥက္ကဋ္ဌ(၂) ဦးသန်းလွင်က ပြောကြားခဲ့သည်။

ချေးငွေပမာဏ တတ်လာခြင်းသည် တိုင်းပြည်၏ GDP တက်လာရေးကိုအထောက်အကူပြုနိုင်ကြောင်း၊ တိုင်းပြည်စီးပွားရေးဖွံ့ဖြိုးတိုးတတ်မှုမှာ ဘဏ်ရှိချေးငွေများနှင့်လည်း အများကြီး သက်ဆိုင်ကြောင်း ၎င်းက ဆက်လက်ပြောကြားခဲ့သည်။

ဘဏ်မှ ငွေချေးယူနိုင်ရန်ဆိုသည်မှာ လုပ်ငန်းလည်ပတ်မှု မြန်ဆန်ရန် အရေးကြီးကြောင်း၊ ငွေချေး၍ လုပ်ငန်းချဲ့ထွင်လိုသော်လည်း လုပ်ငန်းမှ ရသည့်အမြတ်ငွေမှာ ဘဏ်အားဆပ်လိုက်ရသည့် အတိုးနှုန်းဖြင့် ကုန်ကျသွားကြောင်း၊ လုပ်ငန်းမှ ငွေမပေါ်သေးမီ ချေးငွေအား ချက်ချင်းပြန်ဆပ်ရမည် ဆိုပါက အခက်အခဲတွေ့နိုင်သောကြောင့် ဖြစ်ကြောင်း၊ ဘဏ်မှ ချေးငွေလိုသော်လည်း ရှိသည့်ငွေအရင်းအနှီးဖြင့်သာ လည်ပတ်လျက်ရှိကြောင်း ပို့ကုန်လုပ် ငန်းရှင်တစ်ဦးက ပြောကြားခဲ့သည်။

အိမ်နီးချင်းနိုင်ငံအချို့တွင် ချေးငွေအတိုးနှုန်းမှာ ငါးရာခိုင်နှုန်းနှင့် ခြောက်ရာခိုင်နှုန်းမျှရှိပြီး အပ်ငွေအတိုးနှုန်းမှာ တစ်ရာခိုင်နှုန်း၊ နှစ်ရာခိုင်နှုန်းသာ ရှိကြောင်း သိရသည်။

(မော်ဒန်၊ အမှတ်-၂၅၉ ပါ “ဘဏ်တွေငွေလွှဲခနဲ့သာ လည်ပတ်နေရ” သတင်းအားအကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ဘတ်ဂျက်လျော့၍ ဝန်ကြီးဌာနအချို့ စီမံကိန်းများ ရပ်ဆိုင်းထားရ

ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနအား ယမန်နှစ်ကထက် အသုံးစရိတ် လျော့ချလိုက်သဖြင့် လုပ်ဆောင်နေသော စီမံကိန်း အချို့ ရပ်ဆိုင်းလိုက်ရကြောင်း ယင်းဝန်ကြီးဌာနမှ အကြီးတန်းဝန်ထမ်းတစ်ဦးက ဆိုသည်။

“ဒီနှစ် ဘတ်ဂျက်က ယခင်နှစ်ကထက် တော်တော်လျော့သွားတယ်။ ဒီတော့ တစ်ချို့ ကလေးငယ်စောင့်ရှောက်ရေးဌာနတွေ၊ မသန်မစွမ်း စောင့် ရှောက်ရေးဌာနတွေ၊ လူငယ်လေ့ကျင့်ရေးကျောင်းတွေကို နှစ်နေရာကိုပေါင်းပြီး၊ တစ်နေရာတည်းဖြစ်အောင် လုပ်လိုက်ရတာတွေ ရှိတယ်။ မီးသတ်ဦးစီး ဌာနဆိုရင်လည်း တစ်ချို့စီမံကိန်းတွေ ရပ်ထားလိုက်ရတယ်၊ ဒီနှစ်ချပေးတဲ့ ဘတ်ဂျက်နဲ့တော့ စီမံကိန်းတွေ လုပ်ဆောင်နိုင်ဖို့ရာ မလွယ်ဘူး။ ဝန်ကြီးဌာနကို ပုံမှန်လုပ်ဆောင်ဖို့ပဲ အဆင်ပြေနိုင်တယ်” ဟုဆိုသည်။

မီးသတ်ဦးစီးဌာနမှ တာဝန်ရှိသူတစ်ဦးကလည်း “ ဒီနှစ်ဘတ်ဂျက်လျော့ချပေးတော့ တကယ်ထိခိုက်တာက မီးသတ်ဦးစီးဌာနပါ။ မီးသတ်တပ်ဖွဲ့က လုပ်ဆောင်မယ့် မီးသတ်ကားတွေမှာ GPS၊ GIS တပ်မယ့်ကိစ္စရယ်၊ ရန်ကုန်တိုင်းဒေသကြီးမှာ မီးလောင်မလောင် သေချာကြည့်ဖို့ CCTV မှန်ပြောင်း တပ်မယ်ဆိုတာလည်း နောက်နှစ်မှ အဆင်ပြေတော့မယ်။ နယ်အသီးသီးမှာ ဖွဲ့ထားတဲ့ အရေးပေါ် သဘာဝဘေးအန္တာရာယ် ကာကွယ်ရေးအဖွဲ့တွေကို လည်း မီးသတ်ပစ္စည်းပဲ ထုတ်ပေးထားနိုင်သေးတယ်။ ဘတ်ဂျက်မရှိတော့ ဘာမှသေသေချာချာ မလုပ်နိုင်ဘူး”ဟု ဆိုသည်။

မြန်မာနိုင်ငံ မီးသတ်တပ်ဖွဲ့မှ ပြည်သူများဗဟုသုတရရှိစေရန် ပြတိုက်နှင့် ခေတ်မီ မီးသတ်နည်းပညာများ တွင်တွင်ကျယ်ကျယ် အသုံးပြု နိုင်စေရန် သုတေသနဌာန ဖွင့်လှစ်ရေး စီမံကိန်းသည်လည်း ယခုနှစ်ခွင့်ပြုလိုက်သော ဘတ်ဂျက်အရ ဆောင်ရွက်နိုင်ခြင်းမရှိသေးကြောင်း သိရှိရသည်။

ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနအား ၂၀၁၀-၂၀၁၁ ဘဏ္ဍာနှစ်တွင် ကျပ်သန်းပေါင်း ၁၆၇၇၃ သုံးစွဲခွင့် ပြုထားပြီး ယခု ၂၀၁၁-၂၀၁၂ ဘဏ္ဍာနှစ်တွင်မှု ကျပ်သန်းပေါင်း ၁၄၃၉၇ ကိုသာခွင့်ပြုခဲ့ကြောင်း၊ ယင်း အသုံးစရိတ်သည် တစ်နိုင်ငံလုံးအတွက် ခွင့်ပြုထားသော အသုံး စရိတ်၏ ၀.၂၃ ရာခိုင်နှုန်းဖြစ်ကြောင်း မြန်မာနိုင်ငံတော်ပြန်တမ်းမှ သိရှိရသည်။

ကျော်စွာ

-----------------------------------------------------------------------------------------------------------------------------------

 ဧည့်စာရင်းကိစ္စ ရန်ကုန်တိုင်းဒေသကြီးအစိုးရ စဉ်းစားမည်

ဧည့်စာရင်းတိုင်ကြားရာ၌ ငွေပေးသင့် မပေးသင့် ကိစ္စရပ်အား ရန်ကုန်တိုင်းဒေသကြီးအစိုးရအဖွဲ့မှ ထည့်သွင်းစဉ်းစားနေပြီဖြစ်ကြောင်း အမျိုးသား လွှတ်တော်ကိုယ်စားလှယ် ဒေါက်တာမြတ်ဉာဏစိုးက ပြောကြားခဲ့သည်။

အမျိုးသားလွှတ်တော်ကိုယ်စားလှယ် ဒေါက်တာမြတ်ဉာဏစိုး၊ ပြည်သူ့လွှတ်တော်ကိုယ်စားလှယ် ဦးခိုင်မောင်ရည်(ခ) ဦးခင်မောင်ရည်၊ အမျိုးသား လွှတ်တော်ကိုယ်စားလှယ် ဒေါ်ခင်ဝိုင်းကြည်၊ အမျိုးသားဒီမိုကရေစီအင်အားစုမှ လွှတ်တော်ကိုယ်စားလှယ်များ၊ တိုင်းရင်းသားပါတီများမှ လွှတ်တော်ကိုယ် စားလှယ်တို့သည် ၂၀၁၁ ခုနှစ် မေလ ၁၇ ရက်နေ့တွင် မြောက်ဒဂုံမြို့နယ်၌ လွှတ်တော်တွင်းအတွေ့အကြုံများကို ပြည်သူများအား ရှင်းလင်းပြောကြား သည့်ပွဲအား ပြုလုပ်ခဲ့ကြောင်း သိရသည်။

ယနေ့အချိန်သည် သက်ဆိုင်ရာလွှတ်တော်ကိုယ်စားလှယ်များနှင့် တိုက်ရိုက်တွေ့ဆုံ၍ ပြည်သူများ၏ ပြဿနာ အခက်အခဲများကို ထုတ်ဖော် ပြောဆိုသင့်ကြောင်း၊ ထိုမှသာ ယင်းအခက်အခဲများကို သက်ဆိုင်ရာလွှတ်တော် ကိုယ်စားလှယ်များက စဉ်းစားပေး၍ ရနိုင်မည်ဖြစ်ကြောင်း၊ ပြည်သူများ ပြောကြားသည့် ကိစ္စရပ်များအား ပြည်ထောင်စု လွှတ်တော်သို့ ပို့၍ စဉ်းစားပေးမည် ဖြစ်ကြောင်း ဦးခင်မောင်ရည်က ပြောကြားခဲ့သည်။

(Hot News၊ အတွဲ-၁၊ အမှတ်-၄၁ ပါ “ရန်ကုန်တိုင်းဒေသကြီးအစိုးရအဖွဲ့ ဧည့်စာရင်းကိစ္စစဉ်းစားမည်” သတင်းအား အကျဉ်းချုံး ဖော်ပြသည်)

 ××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ဒီနိုင်ငံမှာ စက်မှုကဏ္ဍမှာ နိုင်ငံခြားသားလုပ်ငန်းပိုင်ခွင့်ကို ၁၀၀ရာခိုင်နှုန်းလုပ်ပိုင်ခွင့်က အရင်ကတည်းက ရှိတယ်။ ထိုင်းတို့မှာတောင် မရှိဘူး။ ဒါပေမဲ့ ကိုယ့်ဆီကိုမလာကြတာက ဒီမှာက နိုင်ငံခြားသားပါဝင်တဲ့လုပ်နင်းဆိုရင် ရေခွန်၊ မီးခွန်ကအစ ဒေါ်လာနဲ့ကောက်တယ်။ ဈေးကလဲပိုများတယ်။ ပြီးတော့ မြေဌားတာကို အစိုးရဆီမှာပဲ ဌားရတယ်။ ဈေးကလဲ မြင့်တယ်။ တိုင်းရင်းသားလုပ်ငန်းရှင်တွေ ရပ်တည်နိုင်အောင် ခွဲတော့ခွဲခြားရမှာပေါ့။ ဒါပေမဲ့ အရမ်း များတော့ မလာကြတော့ဘူးပေါ့"

မေ ၂၆ ထုတ် Popular New အတွဲ(၃) အမှတ်(၂၀)တွင်ပါသည့် "အခွန်၊ ဘဏ်လုပ်ငန်းနှင့် ဥပဒေပြဌာန်းမှု" သတင်း ဆောင်းပါးမှ လှိုင်သာယာ စက်မှုဇုန် ဥက္ကဋ္ဌ ဦးမြတ်သင်းအောင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"စစ်ဖြစ်ပြီဆိုမှတော့ အကျိုးမရှိတော့ပါဘူး။ အပြစ်ပဲရှိတာပေါ့။ ပြည်သူတွေရဲ့ စိတ်ဓာတ်တွေ ဆုတ်လျော့တာပေါ့။ ဒါက လူသားအရင်းတွေဖြစ်ကုန်တယ်။ မိရိုးဖလာအလုပ်တွေဖြစ်တဲ့ သက်ကယ်ရှာတဲ့အချိန်မှာ သက်ကယ် ရှာမယ်။ မိုးတွင်းမှာ စပါးစိုက်၊ တောင်ယာစိုက်၊ စိုက်ပြီးရင် ကောက်ပဲသီးနှံတွေ သိမ်း မယ်၊ လယ်တွေ ရိတ်မယ်၊ အဲဒီ့ဘက်တွေကျတော့ သွပ်မိုးတွေ ရှားတယ်လေ။ အဲ့တော့ နောက်နှစ်အတွက် သက်ကယ်တွေ ပြန်ရှာမယ်။ ထင်းတွေ ရှာမယ်၊ တစ်နှစ်စာအတွက် စုဆောင်းတာပေါ့။ အဲဒီ့အခြေအနေတွေ အကုန်လုံးကို လက်လွှတ်ဆုံးရှုံးခံရတဲ့ အပြစ်တွေ ခံစားရတာပေါ့"

မေ ၂၆ ထုတ် ပြည်သူ့ခေတ် ဂျာနယ် အတွဲ(၁) အမှတ်(၄၄)တွင်ပါသည့် ရှမ်းတိုင်းရင်းသားများ ဒီမိုကရက်တစ်ပါတီ ပြည်သူ့လွှတ်တော်ကိုယ်စား လှယ် ဦးစိုင်းမောင်တင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ဘယ်လို ကောင်းမွန်လာမလဲဆိုတာက ကိုယ့်ဘက်က နိုင်ငံတကာ ယုံကြည်မှုရအောင် ဘယ်လောက် လုပ်ပေးနိုင်သလဲဆိုတဲ့ အချက်အပေါ် မူတည်တယ်။ ကိုယ်ကကောင်းစေချင်ရင် ထူးထူးခြားခြား ပြောင်းလဲမှုကို လုပ်ပေးရမယ်။ ကိုယ်က အကောင်းလိုချင်ရင် အကောင်းကို ဖန်တီးပေးရမယ်။ ပိုမိုကောင်းမွန်တဲ့ ဆက်ဆံရေး လိုချင်ရင် ပိုမိုကောင်းမွန်တဲ့ ယုံကြည်မှုရဖို့ ကိုယ့်ဘက်ကလည်း ကောင်းတာတွေလုပ်ပေးမယ်။ ကိုယ်ကမလုပ်ပေးဘဲနဲ့ တခြားသူဆီက လိုချင် နေလို့ မရဘူး"

မေ ၂၇ ထုတ် မြန်မာတိုင်းမ် အတွဲ(၂၆) အမှတ် (၅၁၉)တွင်ပါသည့် "မစ္စတာဂျိုးဇက်ယွန်း နိုင်ငံရေးပါတီများနှင့် တွေ့ဆုံခြင်း" သတင်းမှ ဒီမို ကရက်တစ်ပါတီ(မြန်မာ) ဗဟန်းမြို့နယ်တိုင်းဒေသကြီး ကိုယ်စားလှယ် ဒေါက်တာ ညိုညိုသင်း၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"မိုးကုတ်မှာ သတိထားမိတာက လူငယ်လူရွယ် နည်းလာတာပါပဲ။ အရင်ကတော့ ကိုယ့်ဒေသမှာပဲ လုပ်ကိုင်စားကြတာ များတယ်။ အခုနောက်ပိုင်းတော့ တော်တော်များများပြောင်းကြတာတွေ ရှိလာတယ်။ ပညာတတ်တဲ့သူတွေက ပညာတက်တဲ့အလျောက်၊ အတန်းပညာနည်းတဲ့သူက အခြေခံလုပ်သား စတာတွေ လုပ်ကြတယ်။ မိုးကုတ်သူ မိုးကုတ်သားတွေ သူများမြို့မှာ အခြေခံအလုပ် လုပ်ရတယ်ဆိုတာ အရင်ကမရှိခဲ့ဘူး။ ကိုယ့်ဒေသမှာ အလုပ်ပေါတာ ကိုး။ ခုတော့ ဒီလို မဟုတ်တော့ဘူး။ ဒေသခံတွေမှာ လုပ်ကိုင်နိုင်ခွင့်တွေ နည်းလာတယ်"

မေ ၂၇ ထုတ် BiWeekly ELEVEN အတွဲ(၄) အမှတ် (၈) တွင်ပါသည့် "အလုပ်အကိုင်အခွင့်အလမ်းနည်းပါးလာ၍ သဘာဝသယံဇာတများ ထွက်ရှိရာ ဒေသများမှ ဒေသခံအချို့ ပြည်တွင်း၊ ပြည်ပသို့ ပြောင်းရွှေ့လုပ်ကိုင်မှုများ ပိုမိုလာ" သတင်း ဆောင်းပါးမှ မိုးကုတ်မြို့ခံတစ်ဦး၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

နောက်ကျနေဆဲ အန်ကယ်ဆမ်

မြန်မာနိုင်ငံမှာ တရားမဝင်တဲ့ စစ်အစိုးရ  ရှိနေလို့၊ လူ့အခွင့်အရေးတွေ ချိုးဖောက်နေလို့၊ ဒီမိုကရေစီရေးကို ပစ်ပယ်ခဲ့လို့ဆိုတဲ့ အကြောင်းပြချက် ပေါင်းများစွာနဲ့ အမေရိကန် ပြည်ထောင်စုအပါအဝင် ဥရောပနိုင်ငံတွေဟာ မြန်မာနိုင်ငံ အပေါ်မှာ ပိတ်ဆို့အရေးယူမှု အမျိုးမျိုးကို ပြုလုပ်ခဲ့ကြတာ နှစ်ပေါင်း နှစ်ဆယ်ကျော် ကြာမြင့်ခဲ့ပြီဖြစ်ပါတယ်။

ဒီနှစ်ပေါင်း နှစ်ဆယ်အတွင်းမှာ အဆိုပါ အရေးယူ ပိတ်ဆို့မှုတွေဟာ စစ်အစိုးရကို သက်ရောက်မှု ထူးထူးခြားခြား မဖြစ်စေခဲ့ပါဘူး။ အဓိကအားဖြင့် ပြည်သူလူထုအပေါ်ကိုသာ သက်ရောက်ခဲ့ပြီး အစိုးရရဲ့ တန်ပြန်ပိတ်ဆို့မှုတွေကြောင့် စစ်အစိုးရနဲ့ နီးစပ်တဲ့ လက်ဝေခံ လူတန်းစားတွေလောက်သာ တဟုန် တိုး ကြီးပွားချမ်းသာသွားကြပြီး  သာမန်ပြည်သူတွေဟာ စီးပွားရေးလုပ်ငန်းကြီးတွေ လုပ်ကိုင်ဖို့ ခက်ခဲပါတယ်။ ဒါပေမယ့် စစ်အစိုးရဟာ သူတို့ဦးဆောင်တဲ့ အင်္ဂါမစုံတဲ့ ဈေးကွက်စီးပွားရေးစနစ်ကိုလည်း ကျင့်သုံးခဲ့တာကြောင့်  ပြည်သူတွေဟာ အသက်ရှုပေါက် အနည်းငယ်ရခဲ့ပြီး  တိုင်းပြည်ဟာ ချုံးချုံးကျသွား လောက်အောင်လည်း မဖြစ်ခဲ့ပါဘူး။ ဒါကြောင့် အနောက်အုပ်စုရဲ့ ပိတ်ဆို့မှုတွေဟာ မြန်မာစစ်အစိုးရကို ထိခိုက်အောင် မလုပ်နိုင်ခဲ့ဘူးဆိုတာ တွေ့ရပြီး အဓိကအားဖြင့် မြန်မာပြည်သူတွေသာ ထိခိုက်ခံစားခဲ့ရတာကို တွေ့ရပါတယ်။

အမေရိကန်ရဲ့ပိတ်ဆို့မှုတွေကို တန်ပြန်ဖို့ စစ်အစိုးရဟာ နည်းလမ်းပေါင်းစုံနဲ့ ကြိုးပမ်းခဲ့တာကိုတွေ့ရပါတယ်။ အထူးသဖြင့်တော့ အမေရိကန်ရဲ့ မဟာပြိုင်ဘက် တရုတ်ရဲ့ထီးရိပ်ဆီကို ပိုမိုခိုဝင်စေခဲ့တာပါပဲ၊ ဒီနှစ်ပေါင်းနှစ်ဆယ်ကျော်အတွင်းမှာ တရုတ်ဟာ မြန်မာနိုင်ငံအပေါ်ကနေ  ပြိုင်ဘက်မရှိ အကျိုးအမြတ်များစွာ ထုတ်ယူနိုင်ခဲ့ပါတယ်။ တရုတ်ရဲ့လမ်းစဉ်ကိုလိုက်ပြီး အာဆီယံနိုင်ငံအချို့ကလဲ မြန်မာစစ်အစိုးရနဲ့ စီးပွားရေးအရ ဆက်ဆံခဲ့တာတွေ ကြောင့် ထိုင်းနိုင်ငံ၊ စင်ကာပူနိုင်ငံနဲ့ မလေးရှားလို နိုင်ငံတွေဟာ အကျိုးအမြတ်များစွာရရှိလာခဲ့တယ်။ ဒီမိုကရေစီစံနှုန်းကို တစိုက်မတ်မတ် ပြောဆိုခဲ့တဲ့ အိန္ဒိယတောင် တရုတ်ရဲ့ပါဝါကို တန်ပြန်နိုင်ဖို့ မြန်မာနိုင်ငံနဲ့ ဆက်ဆံမှုတွေ လုပ်ခဲ့ရတယ်။

အခုဆိုရင် မြန်မာနိုင်ငံမှာ အရပ်သားအစိုးရကို ပြောင်းလဲခဲ့ပြီဖြစ်ပါတယ်။ ဥရောပနိုင်ငံအချို့နဲ့ အာဆီယံနိုင်ငံအချို့ဟာ အလွယ်တကူ ပြုတ်ကျဖို့ မရှိတဲ့ စစ်အစိုးရကို ဒီမိုကရေစီ ပြောင်းလဲနိုင်ဖို့ ကြိုးစားပေးခဲ့ကြတယ်။ ဈေးကွက်ရဲ့ ဆွဲခေါ်မှုကြောင့်ရော၊ နိုင်ငံရေး အခြေအနေတွေအရပါ စစ်အစိုးရဟာ အရပ်သားအစိုးရကို ပြောင်းလဲလိုက်ရပါတယ်။ ဒါ ဟာ နှစ်ပေါင်းနှစ်ဆယ်ကျော် ဘယ်လိုမှ မပြုတ်ကျနိုင်ခဲ့တဲ့ စစ်အစိုးရကို သံတမန်နည်းအရ ဒီမိုကရေစီ လမ်းကြောင်းပေါ်ကို စတင်လျှောက်လမ်းစေဖို့ လုပ်ဆောင်ပေးနိုင်ခဲ့တာဖြစ်ပါတယ်။ အခုဆိုရင် မြန်မာပြည်မှာ အရပ်သားအစိုးရလည်း ပေါ်ပေါက်လာပြီ ဒီအရပ်သားအစိုးရကို တစ်စိတ်တစ်ဒေသ ကိုယ်စားပြုတဲ့ ပြည်သူတစ်ရပ်လဲရှိနေတယ်။ အတိုက်အခံပါတီတွေလဲရှိနေတဲ့အတွက် လက်ရှိအစိုးရဟာ ကမ္ဘာမှာ တရားဝင်အစိုးရ ဖြစ်နေပါတော့တယ်။ ဒါကို ဥရောပနဲ့ အာဆီယံနိုင်ငံတွေကလည်း ကြိုဆိုခဲ့ကြပြီး ဥရောပသမဂ္ဂဆိုရင် အပြုသဘောဆောင်တဲ့ ဆက်ဆံမှုတွေ တိုးမြှင့်လုပ်ဆောင်လာတယ်။ စီးပွားရေးအရ ရင်းနှီးမြှပ်နှံဖို့ ကြိုးစားလာကြတယ်၊ ပိတ်ဆို့မှုတွေ လျော့ပေးလာကြတယ်။ အာဆီယံထဲက အင်ဒိုနီးရှားကတောင် မြန်မာနိုင်ငံအပေါ်မှာ ဒီမိုကရေစီ တိုးတက်မှုရှိနေသမျှ ထောက်ခံသွားမှာဖြစ်တယ်လို့ ပြောကြားခဲ့ပါတယ်။

ဒီလို အနေအထားရှိနေတဲ့ကြားထဲကပဲ အမေရိကန် ပြည်ထောင်စုကတော့ ဒီမိုကရေစီ ဂုဏ်သိက္ခာပေါ်မှာ မားမားမတ်မတ် ရပ်တည်လျက် ရှိပါ တယ်။ မေလ ၂၆ ရက်နေ့က အမေရိကန်ရဲ့ ဆီနိတ်တာအချို့ဟာ မြန်မာနိုင်ငံကို ပိတ်ဆို့မှုတွေ  ဆက်လက်ထားရှိဖို့ တင်ပြခဲ့ကြတယ်လို့ဆိုပါတယ်။ မြန်မာ အစိုးရဟာ စစ်အစိုးရကို ဆက်ခံတဲ့သဘော သက်ရောက်နေတယ်လို့ အကြောင်းပြချက်ပေးပါတယ်။

ဒီကိစ္စတွေဟာ မှန်ကောင်းမှန်နိုင်ပါတယ်။ မြန်မာအစိုးရသစ်ဟာလဲ စစ်အစိုးရကို ဆက်ခံတာဖြစ်တဲ့အတွက် စင်းလုံးချော အရပ်သားအစိုးရ လိုတော့ စံနှုန်းတွေ ပြည့်ဝလိမ့်ဦးမယ် မဟုတ်ပါဘူး။ ဒါပေမယ့် လွန်ခဲ့တဲ့တစ်နှစ်ကျော်က ပြောခွင့်မရခဲ့တဲ့စကားတွေ၊ လုပ်ခွင့်မရခဲ့တဲ့ ကိစ္စတွေဟာ အတိုင်း အတာတစ်ခုထိ ပြောခွင့်၊ လုပ်ခွင့်ရနေပြီဖြစ်ပါတယ်။ ဒါဟာ မြန်မာနိုင်ငံကို ဒီမိုကရေစီ လမ်းကြောင်းပေါ်တင်နိုင်ခဲ့ခြင်းရဲ့ အသေးအမွှား အောင်မြင်မှုလေး တွေ ဖြစ်ပါတယ်။ ဥရောပသမဂ္ဂနဲ့ နိုင်ငံအချို့ လုပ်တာတောင် ဒီလောက်အောင်မြင်ခဲ့ရင် အမေရိကန် ပြည်ထောင်စုကပါ ပါဝင်လုပ်ဆောင်ခဲ့မယ်ဆိုရင် မြန်မာနိုင်ငံအနေနဲ့ ဒီထက်ပိုမို ပွင့်လင်းတဲ့ အခြေအနေကို ဦးတည်နိုင်မယ်ဆိုတာ သေချာပါတယ်။

ပြီးခဲ့တဲ့ တစ်ပတ်ကျော်လောက်က အမေရိကန် ဒုလက်ထောက် နိုင်ငံခြားရေးဝန်ကြီး ဂျိုးဇက်ယွန်း လာရောက်သွားတဲ့အတွက် နှစ်နိုင်ငံ ဆက်ဆံ ရေး အဆင်ပြေလာမယ်၊ မြန်မာနိုင်ငံအနေနဲ့လည်း အနောက်နိုင်ငံတွေနဲ့ ထိတွေ့လုပ်ကိုင်ရင်းကနေ အစိုးရရော ပြည်သူတွေပါ ဒီမိုကရေစီစံနှုန်းတွေကို သင်ယူနိုင်တော့မယ်လို့ တွေးမိပေမယ့် အထက်က တင်ပြခဲ့တဲ့ အမေရိကန် ဆီနိတ်တာတွေရဲ့ လုပ်ရပ်က အမေရိကန်တွေ ကလေးဆန်နေသေးတယ်လို့ တွေးမိပါတယ်။ အထူးသဖြင့် Myanmar နဲ့ Burma ကိုတောင် လိုက်လိုက်လျောလျော မရှိနိုင်တဲ့ အမေရိကန်များနဲ့ လက်ရှိအစိုးရသစ်ဟာ အခြားမဟာ ဗျူဟာ ကိစ္စတွေကို ဘယ်လိုဆွေးနွေးကြမှာလဲ။  အမေရိကန်အနေနဲ့ NLD ကို မြန်မာနိုင်ငံရဲ့ အဓိက နိုင်ငံရေး အင်အားစုကြီးအနေနဲ့ သဘောထားတာဟာ ဒီမိုကရေစီသိက္ခာအရ မှန်ကန်သလို တရားဝင်နေပြီဖြစ်တဲ့ လွှတ်တော်တွင်းက အခြားပါတီတွေကိုလဲ လေးစားဖို့ လိုပါလိမ့်မယ်။  ဒါကြောင့် ထိတွေ့မှုတွေကို တုံ့နှေးစေမယ့် အပြုအမူတွေ ရှောင်ရှားသင့်ပြီး ပေတံအကြီးကြီးတွေနဲ့ တိုင်းတာနေတာကိုလည်း လျော့သင့်ပါတယ်။

အခု မြန်မာနိုင်ငံအပေါ်မှာ သဘောထားတင်းမာတဲ့ ဂျွန်မက်ကိန်းလာပါဦးမယ်။ ဘာတွေဘယ်လို ဆွေးနွေးကြမယ်ဆိုတာ မသိပေမယ့် မြန်မာ နိုင်ငံကို ပိတ်ဆို့မှုနဲ့ ချဉ်းကပ်မှုနှစ်ခုလုံးလုပ်နေတဲ့ အိုဘားမားအစိုးရကို ဝေဖန်တဲ့သူဖြစ်လို့ သိသာထင်ရှားတဲ့ တိုးတက်မှု ဖြစ်စေလိမ့်မယ်မထင်မိပါဘူး။ တကယ်တော့ အိုဘားမားရဲ့ ပေါ်လစီနှစ်မျိုးကိုက နောက်ကျနေပြီဖြစ်ပြီး အမေရိကန်က ယုံကြည်မှု တည်ဆောက်ဖို့ ကြိုးစားနေတုန်းမှာပဲ တရုတ်နိုင်ငံ ကတော့ သမ္မတဦးသိန်းစိန်ကို တခမ်းတနားကြိုဆိုပြီး ပွဲထုတ်နေပြီဖြစ်ပါတယ်။  အမေရိကန်က မြန်မာအစိုးရသစ်ကို စစ်အစိုးရ စရိုက်မပျောက်သေးလို့ ပိတ်ဆို့မှုလုပ်ဖို့၊ ကမ္ဘာ့ငွေကြေးအဖွဲ့အစည်းတွေအနေနဲ့ မြန်မာနိုင်ငံကို ထောက်ပံ့မှု လုပ်နေတာတွေကို ရပ်ဆိုင်းဖို့ ဆော်သြနေချိန်မှာပဲ တရုတ် အာဏာ ပိုင်တွေက မြန်မာကို အိမ်နီးချင်းကောင်းပီသပြီး စီးပွားရေးဖွံ့ဖြိုးမှုအတွက် အလွန်အမင်း အရေးပါတဲ့ မဟာမိတ်တစ်ဦးအ