Posts
ကချင်ပြည်နယ် တိုးတက်ရေးပါတီ (KSPP) ထူထောင်ရန် ကချင်လွတ်မြောက်ရေးအဖွဲ့ (KIO) ခေါင်းဆောင်ဟောင်း ဦးတူးဂျာသည် မြစ်ကြီးနားမြို့မှ အမျိုးသမီးများ နှင့် ကျောင်းသား ကျောင်းသူ များကို ဖိတ်ကြားပြီး ပါတီအတွက် စည်းရုံးရေး ပြုလုပ်မည့်နည်း လမ်းများကို ပြောကြားခဲ့ကြောင်း သတင်း ရရှိပါသည်။
ဦးတူးဂျာသည် ယခုအခါ ကချင်ပြည်နယ်မှ ကျောင်းသူ ကျောင်းသားများနှင့် အမျိုးသမီးများ ကို အဓိက ပစ်မှတ်ထားကာ မဲဆွယ်လျက် ရှိကြောင်း၊ အကြောင်းမှာ ၎င်းတို့သည် ဈေးများ၊ စာသင် ကျောင်းများနှင့် အခြားသော အများပြည်သူ ဧရိယာများတွင် အရေးပါသည့် အခန်းဏ္ဍမှ ပါဝင် နေခြင်းကြောင့် ဖြစ်ကြောင်း မြစ်ကြီးနား တက္ကသိုလ်မှ ကချင်တိုင်းရင်းသူကျောင်းသူ Marry က Irrawaddy သတင်းဌာနသို့ ပြောကြားသည်။
"အမျိုးသမီးတွေနဲ့ ကျောင်းသားတွေကို အဓိက ပစ်မှတ်ထားတာက သူတို့က KSPP ပါတီနဲ့ ရွေးကောက်ပွဲနဲ့ ပတ်သက်တဲ့ သတင်းတွေကို ဖြန့်ဝေနိုင်လို့ပါ" ဟု ၎င်းကဆိုပါသည်။
ပြီးခဲ့သည့် ၂၀၀၉ ခုနှစ်၊ စက်တင်ဘာလက ဦးတူးဂျာအပါအဝင် အခြား KIO ခေါင်းဆောင် များသည် KSPP ပါတီတွင် အချိန်ပြည့် လုပ်ကိုင်ရန် KIO ပါတီမှ နုတ်ထွက်ခဲ့ကြ သည်။ KSPP ပါတီမှာ ၂၀၁၀ ရွေးကောက်ပွဲတွင် ပါဝင်ယှဉ်ပြိုင်ရန် ၂၀၀၉ မတ်လတွင် ဦးတူးဂျာ ဦးဆောင်ကာ ဖွဲ့စည်း ခဲ့ခြင်းဖြစ်သည်။
မည်သို့ဆိုစေ အဆိုပါ ရွေးကောက်ပွဲနှင့် ပတ်သက်သော ဥပဒေ စည်းမျဉ်းစည်းကမ်းများကို စစ်အစိုးရက ထုတ်ပြန်ခြင်း မရှိသေးသော ကြောင့် KSPP ပါတီအပါအဝင် မည်သည့် နိုင်ငံရေး ပါတီတစ်ခုမျှ တရားဝင် မှတ်ပုံတင်ခြင်း မပြုလုပ်နိုင်ကြပေ။
လေ့လာအကဲခတ်သူများက ရွေးကောက်ပွဲ ဥပဒေများကို လာမည့်မေလတွင် ပြည် သူများ သိအောင် တရားဝင် ထုတ်ပြန်ကြေညာလိမ့်မည်ဟု ခန့်မှန်းကြသည်။
မြန်မာစစ်အစိုးရသည် ယခု ၂၀၁၀ ပြည့်နှစ် သြဂုတ်လနှင့် စက်တင်ဘာလ သို့မဟုတ် နှစ်ဝက်လောက်တွင် ရွေးကောက်ပွဲ ကျင်းပရန် စီစဉ်ထားကြောင်း ဦးတူးရဂျာ၏ ပြောကြားချက်ကို ကိုးကား၍ ထိုင်းနိုင်ငံ အခြေစိုက် Kachin News Group ကရေးသားဖော်ပြပါသည်။ KSPP ပါတီဝင်များ အနေဖြင့် ကြောက်ရွံ့ ထိတ်လန့်ခြင်းမရှိဘဲ ရွေးကောက်ပွဲအတွက် တက်ကြွစွာ မဲဆွယ် စည်းရုံးကြရန် ဦးတူးဂျာက တိုက်တွန်းအားပေး ထားပါသည်။
တရုတ်-မြန်မာ နယ်စပ်ဒေသတွင် နေထိုင်သော ကချင်တိုင်းရင်းသား Awng Wa ၏ အဆိုအရ ဦးတူးဂျာသည် မြစ်ကြီးနား၊ ဗန်းမော်၊ သိန္ဒီ နှင့် မိုးညှင်းအစရှိသည့် ကချင်ပြည်နယ် မြို့များတွင် မဲဆွယ် စည်းရုံးမှုများ ပြုလုပ်လျက် ရှိသည်။
လာမည့် ရွေးကောက်ပွဲဖြစ်စဉ်တွင် ပါဝင်ခြင်းသည် ကချင်ပြည်သူများအတွက် ကောင်းသော လုပ်ရပ်တစ်ခု ဖြစ်သည်ဟု ဦးတူးဂျာနှင့် ကချင်တိုင်းရင်းသား အတော်များများ သဘောတူ ညီမှု ရရှိထားကြောင်း၊ သို့သော် အချို့က အဆိုပါရွေးကောက်ပွဲသည် လွတ်လပ်ပြီး မျှတမှုရှိ မည်မဟုတ်ဟု ယုံကြည် နေကြသဖြင့် ပါဝင်ယှဉ်ပြိုင်မှု မပြုရန် ဆုံးဖြတ်ထားကြကြောင်း ၎င်းက ဆိုပါသည်။
ဦးတူးဂျာသည် ၎င်း၏ KSPP ပါတီကို ၂၀၀၉ခုနှစ် ဇူလိုင်လတွင် တရုတ်-မြန်မာနယ်စပ် Liaza မြို့တွင် ပထမဆုံး တရားဝင် မိတ်ဆက်ခဲ့သည်။ အဆိုပါ မိတ်ဆက်ပွဲအခမ်းအနားသို့ KIO အဖွဲ့ဝင်များ၊ ကချင်ဒီမိုကရက်တစ် တပ်မတော်သစ်နှင့် ကချင် အတိုင်ပင်ခံ ကော်မတီအဖွဲ့ဝင်များ အပါအဝင် လူပေါင်း ၈၀၀ ခန့်တက်ရောက်ခဲ့သည်။
Irrawaddy သတင်းဌာန၏ Kachin Poliitcal Party Becoming More Active ကို ဘာသာ ပြန်ဆိုပါသည်။
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.