Transparency Myanmar

transparency.myanmar@gmail.com

yangonchronicle 2011
yangonchronicle 2011

  ၂၆.၉.၂၀၁၁

ပြည်တွင်းသတင်းများ

  1. ပြည်တွင်း INGO တစ်ခု လူကုန်ကူး
  2. ဗြိတိန်နိုင်ငံမှ ဒေါ်အောင်ဆန်းစုကြည်အား ဆုချီးမြှင့်

 ပြည်တွင်းပါတီ၊ နိုင်ငံရေးသတင်းများ  

  1. ရွှေဝါရောင်နှစ်ပတ်လည် ဝတ်ပြုသူများကို လုံခြုံရေးရဲက ၁၅မိနစ် ခွင့်ပြု
  2. ရပ်ကွက် ရုံးအသုံးစရိတ်အဖြစ် ပြည်သူများထံမှ ကောက်ခံမှု ပယ်ဖျက်
  3. ဧရာဝတီနှင့် ပတ်သက်၍ ဒီမိုကရေစီမိတ်ဆွေပါတီများ ကြေညာချက်နှစ်ရပ်ထုတ်ပြန်

 သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. လူထုမီဒီယာဖွံ့ဖြိုးမှု သုံးမျိုးနှင့် မီဒီယာ မော်ဒယ်လေးမျိုး

***************************************************************************************

ပြည်တွင်းသတင်းများ

ပြည်တွင်း INGO တစ်ခု လူကုန်ကူး

မြန်မာနိုင်ငံအတွင်း လူမှုရေးလုပ်ငန်းများဆောင်ရွက်လျက်ရှိသည့် ကမ္ဘာကျော် INGO တစ်ခုဖြစ်သည့် Save The Children မှ ဝန်ထမ်းတစ်ဦးသည် နိုင်ငံရေးစေ့ဆော်လှုပ်ရှားမှုအရ ပြည်တွင်းရှိ ကလေးငယ်များအား လူမှောင်ခိုကူးခဲ့ကြောင်း သိရသည်။

၎င်း လူမှောင်ခိုကူးခဲ့သည့် ပြည်တွင်း INGO တစ်ခုဖြစ်သည့် Save The Children မှ ဝန်ထမ်းသည် ရှမ်းပြည်နယ်၊ နမ့်ခမ်း တွင်နေထိုင်သည့် ကလေးငယ် အနည်းဆုံးဆယ်ဦးနှင့် နမ့်ခမ်းမြို့အနီးပတ်ဝန်းကျင်မှ ကလေးငယ်ခြောက်ဦးအား  နိုင်ငံရေးစေ့ဆော်လှုပ်ရှားမှုအဖြစ် ပြည်ပသို့ မှောင်ခိုကူးခဲ့ခြင်းဖြစ်ကြောင်း သိရသည်။

လက်ရှိအချိန်တွင် လူမှောင်ခိုကူးခဲ့သည့် Save The Children မှ ဝန်ထမ်းအား ဥပဒေအရ အရေးယူဆောင်ရွက်ခဲ့ပြီး ဖြစ်ပြီး နောင်ထပ်မံ၍ ကလေးလူကုန်ကူးမှုထပ်မံ မဖြစ်ပေါ်နိုင်စေရန် ဆောင်ရွက်သွားမည်ဖြစ်ကြောင်း Save The Children မှ တာဝန်ရှိသူတစ်ဦးက ပြောကြားခဲ့သည်။

၎င်းဖြစ်ရပ်တွင် ပြည်တွင်းရှိ ကလေးငယ်အနည်းဆုံး ၁၆ ဦးခန့် လူကုန်ကူးခံခဲ့ရပြီး အချို့ လူကုန်ကူးခံရသည့် ကလေးအချို့မှာ တရုတ်နိုင်ငံသို့ ထွက်ပြေးခဲ့ပြီး အချို့မှာ မြန်မာနိုင်ငံသို့ ပြန်လည်ရောက်ရှိနေပြီဖြစ်ကြောင်း သိရသည်။

ပြည်တွင်းမှ ပြည်ပသို့ နိုင်ငံရေးအရ လူကုန်ကူးခံခဲ့ရသည့် အများစုမှာ ၁၈ နှစ်အောက်လူငယ်အများစုဖြစ်ပြီး မြန်မာနိုင်ငံသို့ ပြန်လည်ရောက်ရှိ လာသည့် လူငယ်များ၏ မိသားစုများအား သက်ဆိုင်ရာမှ ကူညီပံ့ပိုးမှုများပေးခဲ့ကြောင်း သိရသည်။

                                                            Ref:မြန်မာပို့စ်

   ***************************************************************************************

ဗြိတိန်နိုင်ငံမှ ဒေါ်အောင်ဆန်းစုကြည်အား ဆုချီးမြှင့်

ဗြိတိန်နိုင်ငံ၏ နိုင်ငံရေးလောကတွင် ဂုဏ်သိက္ခာရှိသော ဆုတစ်ဆုဖြစ်သည့် Chatham House Prize ဆုအား မြန်မာနိုင်ငံ၏ လူထုခေါင်းဆောင် ဒေါ်အောင်ဆန်းစုကြည်အား ချီးမြှင့်ခဲ့ကြောင်း သိရသည်။

ဒေါ်အောင်ဆန်းစုကြည်အား ချီးမြှင့်သည့် ဆုသည် ဗြိတိန်နိုင်ငံ နိုင်ငံတကာရေးရာ တော်ဝင်သိပ္ပံ (Royal Institute of International Affairs) မှ ချီးမြှင့်ခဲ့ခြင်းဖြစ်ပြီး လွန်ခဲ့သည့် နှစ်များအတွင်း နိုင်ငံတကာဆက်ဆံရေးတိုးတက်လာနိုင်စေရန် အားသွန်ခွန်စိုက်ဆောင်ရွက်သည်ပာု ယုံကြည်ရသော ပုဂ္ဂိုလ်အား ဗြိတိန်နိုင်ငံမှ ပေးအပ်သည့် ဆုဖြစ်ကြောင်း သိရသည်။

အဆိုပါ ဗြိတိန်နိုင်ငံမှ ချီးမြှင့်သည့် ဆုအား ဒေါ်အောင်ဆန်းစုကြည်အနေနှင့် ဗြိတိန်နိုင်ငံ လန်ဒန်မြို့သို့ ဆုသွားရောက်ယူမည်မပာုတ်ဘဲ ဒေါ်အောင်ဆန်းစုကြည်အစား အမေရိကန်နိုင်ငံခြားရေးဝန်ကြီးပောာင်း မန်ဒယ်လင်းအောလ်ဘရိုက်မှ ဆုကိုယ်စားလက်ခံယူမည်ဖြစ်ကြောင်း သိရသည်။

လန်ဒန်နိုင်ငံမှ ဒေါ်အောင်ဆန်းစုကြည်အားချီးမြှင့်သည့် Chatham House Prize ဆုသည် အမျိုးသားရေးနှင့် အပြည်ပြည်ဆိုင်ရာ ကိစ္စရပ်များအကြား အလွန်ထူးခြားသည့် တစ်ခုတည်းသော ပူးပေါင်းဆောင်ရွက်မှုဖြစ်ကြောင်း၊ ငြိမ်းချမ်းမှုနှင့် လွတ်လပ်မှုကို လိုလားတောင့်တလျက် ရှိသည့် မြန်မာနိုင်ငံမှ ပြည်သူများအတွက် မိမိ၏ရုန်းကန်မှုမှာ Insight တစ်ခုပေးစွမ်းနိုင်ခဲ့ကြောင်း လူထုခေါင်းဆောင် ဒေါ်အောင်ဆန်းစုကြည်က ပြောကြားခဲ့သည်။

ဒေါ်အောင်ဆန်းစုကြည်သည် ၁၉၉၁ ခုနှစ်အတွင်းက နေအိမ်အကျယ်ချုပ်ကျခံနေရစဉ်ကာလများအတွင်းကလည်း ကမ္ဘာပေါ်ရှိ နာမည်ကြီး ဆုတစ်ဆုဖြစ်သည့် ငြိမ်းချမ်းရေှးနိုဘယ်ဆုအား ရရှိခဲ့ပြိး ၎င်း နိုဘယ်ဆုအား ဒေါ်အောင်ဆန်းစုကြည်၏ သားများဖြစ်သော အလက်ဇန်းဒါးနှင့် ကင်မ် တို့က ကိုယ်စားလက်ခံရယူခဲ့ကြောင်း သိရသည်။

                                                      Ref: မြန်မာပို့စ်

***************************************************************************************

 ပြည်တွင်းပါတီ၊ နိုင်ငံရေးသတင်းများ  

ရွှေဝါရောင်နှစ်ပတ်လည် ဝတ်ပြုသူများကို လုံခြုံရေးရဲက ၁၅မိနစ် ခွင့်ပြု

လေးနှစ်ပြည့် သံဃာ့အရေးအခင်းနှစ်ပတ်လည်နေ့အား ဂုဏ်ပြုသောအားဖြစ် ရန်ကုန်မြို့လည်ရှိဆူးလေစေတီ ရင်ပြင်တော်တွင် လာရောက်ဝတ်ပြု ဆုတောင်းသူများကို အသင့်စောင့်ဆိုင်းနေသော လုံခြုံရေးရဲများက ၁၅မိနစ်သာဝတ်ပြုခွင့်ပေးခဲ့ကြောင်း လာရောက် ဝတ်ပြုသူ အဖွဲ့ခေါင်းဆောင်ကပြောသည်။

“၁၅မိနစ်ကြာရင် လူစုခွဲပေးကြပါ။” ဟု ဆူးလေရင်ပြင်တော်အပေါ်ရှိ လုံခြုံရေးရဲများက သံပြိုင်အော်ဆိုခဲ့သည်။

ယင်းလုံခြုံရေးရဲများသည် လက်နက်များ တပ်ဆင်မထားသည့်အပြင် ဆက်ဆံရေးပြေပြစ်သူများ ဖြစ်ကြောင်း၊ သို့သော်လည်း ကင်မရာ တစ်လုံးဖြင့် သတင်းယူနေသည့် ထောက်လှန်းရေး(SB) များမှာမူ အတော်ပင်ရိုင်းလှကြောင်း လာရောက်ဝတ်ပြုသူတစ်ဦးကပြောသည်။

အ၀ါရောင်ဝတ်ဆင်ထားသော ဝတ်ပြုဆုတောင်းသူ အယောက် ၄၀ကျော်သည် အ၀ါရောင်ပန်းခက်များ ကိုင်ကာ “ဒီမိုကရေစီ လှုပ်ရှားမှုများကြောင့် အကျဉ်းထောင်အသီးသီးတွင် ထောင်ကျအကျဉ်းကျခံနေရသော နိုင်ငံရေးအကျဉ်းသားများ အမြန်ဆုံးပြန်လည်း လွတ်မြောက်ပါစေ၊ နယ်စပ်ဒေသ အသီးသီးတွင် ပြည်တွင်းစစ်ကြောင့် ဒုက္ခရောက်နေသော တိုင်းရင်းသား ပြည်သူလူထုကြီး တရပ်လုံးငြိမ်းချမ်းသာယာစေရန်အတွက် တန်းတူညီမျှတဲ့ စစ်မှန်သော တွေ့ဆုံရှင်းလင်းမှုများနှင့် ဖြေရှင်းနိုင်ပါစေ တိုင်းပြည်နှင့်ပြည်သူလူထုကြီး အကျိုးနှင့် ဆန့်ကျင်သော ဧရာဝတီမြစ်ဆုံ ရေကာတာ စီမံရေးကိစ္စ ပြည်သူလူထုကြီးဆန္ဒနှင့် အညီ ဖြစ်ပေါ်ပါစေ “ ဟု ဆုတောင်းခဲ့သည်။

ဆုတောင်းသူများသည် ယဉ်ကျေးသိမ်မွေ့စွာဆုတောင်းကြပြီး အော်ဟစ်ခြင်း၊ ရိုင်းပြခြင်းမျိုး မရှိခဲ့ကြောင်း၊ သတင်းသမားများ၊ ထောက်လှမ်းရေးများ၊ ရဲများနှင့် လာရောက်ကြည့်ရှုသူများဖြင့် စေတီရင်ပြင်တစ်ခုလုံး စည်ကားလျှက်ရှိကြောင်း ဘုရားလာရောက်ဖူးမျှော်သူတစ်ဦးက ပြောသည်။ အဆိုပါဝတ်ပြု အဖွဲ့သည် ညနေ ၃နာရီတွင် ဘုရားရင်ပြင်ပေါ်မှ ပြန်လည်ဆင်းသက်ခဲ့ပြီး လူစုခွဲခဲ့ကြသည်။

၎င်းအပြင် စက်တင်ဘာ ရွှေဝါရောင်တော်လှန်ရေး ၄ နှစ်မြောက် နှစ်ပတ်လည် အခမ်းအနားကို ရန်ကုန်မြို့၊ တောင်ဥက္ကလာပ မြို့နယ် ၁၅ ရပ်ကွက် ရှိ ၆ ၀ိုင်း ပစ္ဆိမာရုံ (မြိတ်) ကျောင်းတိုက်တွင် ကျင်းပခဲ့ရာ ပြည်တွင်း နိုင်ငံရေးအင်အားစုများ တက်ရောက်ခဲ့ပြီး ယုံကြည်ချက်ကြောင့် အကျဉ်းကျခံ နေရသော နိုင်ငံရေး အကျဉ်းသားများအား အမြန်ဆုံး ပြန်လွှတ်ပေးရန် တောင်းဆိုခဲ့ကြောင်းသိရသည်။

Peace Press

***************************************************************************************

ရပ်ကွက် ရုံးအသုံးစရိတ်အဖြစ် ပြည်သူများထံမှ ကောက်ခံမှု ပယ်ဖျက်

ပြည်ထောင်စုမြန်မာနိုင်ငံအတွင်းရှိ ရပ်ကွက်(သို့) ကျေးရွာ အုပ်ချုပ်ရေးမှူးများအနေနှင့် ရုံးအသုံးစရိတ်များအား ပြည်သူများထံမှကောက်ခံသည့် ဥပဒေအား ပယ်ဖျက်လိုက်ပြီဖြစ်ကြောင်းသိရသည်။

ယခင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက်တွင် ရပ်ကွက်(သို့) ကျေးရွာ အုပ်ချုပ်ရေးမှူးများ၏ ရုံးအသုံးစရိတ်အား ပြည်သူများထံမှကောက်ခံခွင့်ပြုထားရှိခဲ့သော်လည်း အစိုးရသစ်တာဝန်ယူသည့်အချိန်တွင် ရပ်ကွက်၊ အုပ်ချုပ်ရေးမှူးများ၏ ရုံးအသုံးစရိတ်များကို ပြည်သူလူထုထံမှ ကောက်ခံခြင်းမပြုရန် စက်တင်ဘာလ ၁၆ ရက်နေ့၌ ကျင်းပပြုလုပ်ခဲ့သည့် ပြည်သူ့လွှတ်တော် ဒုတိယပုံမှန်အစည်းအဝေး(၁၉) ရက်မြောက်နေ့၌ လွှတ်တော်ကိုယ်စားလှယ်တစ်ဦးမှ အဆိုတင်သွင်းခဲ့သည်။

၎င်း ရပ်ကွက်ကျေးရွာ ရုံးအသုံးစရိတ်အား ပြည်သူထံမှ ကောက်ခံခြင်းမပြုရန် တင်သွင်းခဲ့သည့် အဆိုအား ပြည်ထောင်စုအစိုးရအဖွဲ့ ကိုယ်စားလှယ်၊ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကိုကို က ကန့်ကွက်ခဲ့သည်။

ရပ်ကွက်(သို့မပာုတ်) ကျေးရွာ အုပ်ချုပ်ရေးမှူးများသည် ချီးမြှင့်ငွေနှင့် ရုံးအသုံးစရိတ်ကို နိုင်ငံတော်ဘဏ္ဍာမှ ထုတ်ယူသုံးစွဲထားခြင်းမရှိဘဲ မိမိတို့အစီအစဉ်ဖြင့်သာ ရပ်ကွက်၊ ကျေးရွာအုပ်ချုပ်ရေးမှူးများက ပြည်သူလူထုထံမှ ကောက်ခံခြင်းဖြင့် နိုင်ငံတော်ကုန်ကျစရိတ်မှာ သက်သာ သွားနိုင်မည်ဖြစ်ကြောင်း ပြည်ထောင်စုဝန်ကြီး ဒုတိယဗိုလ်ချုပ်ကြီး ကိုကိုက ရှင်းလင်းတင်ပြခဲ့သည်။

၎င်း ရုံးအသုံးစရိတ် ပြည်သူလူထုထံမှ ကောက်ခံခွင့်ရှိ၊ မရှိ ကိစ္စရပ်အား လွှတ်တော်တွင်းမဲခွဲ၍ အဆုံးအဖြတ်ရယူရာတွင် မဲပေးခွင့်ရှိသူ ပြည်သူ့လွှတ်တော်ကိုယ်စားလှယ် ၃၇၆ ဦးအနက် ထောက်ခံမဲ(၃၇၀) မဲ၊ ကန့်ကွက်မဲ (၁) မဲသာ ရရှိခဲ့သည့်အတွက် ပြည်သူလူထုထံမှ ရုံးအသုံးစရိတ် ကောက်ခံခြင်းမပြုရန် ဆုံးဖြတ်ခဲ့သည်။

                                                            Ref: Messenger

***************************************************************************************

ဧရာဝတီနှင့် ပတ်သက်၍ ဒီမိုကရေစီမိတ်ဆွေပါတီများ ကြေညာချက်နှစ်ရပ်ထုတ်ပြန်

ဧရာဝတီမြစ်ဆုံတွင် ရေအားလျှပ်စစ်ထုတ်လုပ်ရေး လုပ်ဆောင်လျက်ရှိသည့် ကိစ္စရပ်နှင့် အမျိုးသားပြန်လည်သင့်မြတ်ရေးတို့အတွက် ဒီမိုကရေစီမိတ်ဆွေပါတီများမှ သဘောထားကြေညာစာတမ်းနှစ်စောင်အား စက်တင်ဘာလ ၂၀ ရက်နေ့တွင် ကျင်းပခဲ့သည့် ဒီမိုကရေစီ မိတ်ဆွေပါတီများ အစည်းအဝေးတွင် ထုတ်ပြန်ကြေညာခဲ့ကြောင်း သိရသည်။

ဒီမိုကရေစီမိတ်ဆွေပါတီများ၏ သဘောထားကြေညာချက်တွင် ဧရာဝတီမြစ်ဆုံစီမံကိန်းနှင့် ပတ်သက်၍ ဧရာဝတီမြစ်ဆုံဆည်စီမံကိန်းသည် တိုင်းပြည်အတွက် အရေးကြီးသော စီမံကိန်းဖြစ်သည့်အတွက် အစိုးရဘက်မှ ပညာရှင်များ၊ အစိုးရ မပာုတ်သည့် ပညာရှင်များက မြစ်ဆုံနှင့် ပတ်သက်သော ကိစ္စရပ်အား ကောင်းသည်၊ ဆိုးသည် များကို ပြည်သူလူထုအား အသိပေးသင့်ကြောင်း၊ ယခု စီမံကိန်းကဲ့သို့ အလားတူလုပ်ငန်း ပမာဏကြီးမားပြီး အချက်အလက်အရ ရှုတ်ထွေးသည့် နိုင်ငံတော်အဆင့်အရေးပါသော စီမံကိန်းများကို ဆောင်ရွက်ရာတွင်စီမံကိန်းဒေသခံများနှင့် ပြည်သူတစ်ရပ်လုံး၏ ဆန္ဒများကို အခြေပြုစဉ်းစားစီမံဆောင်ရွက်သွားရန် စသည့်အချက်များပါဝင်ကြောင်း သိရသည်။

အမျိုးသားပြန်လည်သင့်မြတ်ရေးကိစ္စရပ်နှင့် ပတ်သက်၍ မြန်မာနိုင်ငံ အစိုးရသစ်မှ ပြုလုပ်ပေးနေပြီဖြစ်သောကြောင့် လူအများ လက်ခံလာနိုင်ပြီ ဖြစ်သည်။ ဆက်လက်ကျန်ရှိနေသေးသော လုပ်ဆောင်ရန်ရှိသည့် ကိစ္စရပ်များကိုလည်း ဆက်လက်ဆောင်ရွက်ပေးပါရန် ဒီမိုကရေစီမိတ်ဆွေပါတီများမှ ထုတ်ပြန်ချက်တို့ကို ထုတ်ပြန်ကြေညာခဲ့သည်။

၂၀၁၀ ရွေးကောက်ပွဲသို့ ဝင်ရောက်ခဲ့သည့် ဒီမိုကရေစီမိတ်ဆွေပါတီ(၁၀) ပါတီမှာ အမျိုးသားဒီမိုကရေစီအင်အားစုပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ၊ ဒီမိုကရက်တစ်ပါတီ(မြန်မာ)၊ မွန်ဒေသလုံးဆိုင်ရာ ဒီမိုကရေစီပါတီ၊ ဖလုံ-စဝေါ် ဒီမိုကရက်တစ်ပါတီ၊ ဒီမိုကရေစီနှင့် ငြိမ်းချမ်းရေးပါတီ၊ ချင်းအမျိုးသားပါတီ၊ ရခိုင်တိုင်းရင်းသားများ တိုးတက်ရေးပါတီ၊ ပြည်ထောင်စုဒီမိုကရေစီပါတီနှင့် ညီညွှတ်ရေးနှင့် ငြိမ်းချမ်းရေးပါတီတို့ပင်ဖြစ်ကြောင်း သိရသည်။

                                                Ref: True News၊ မြန်မာပို့စ်

***************************************************************************************

သတင်းနှင့် ဆောင်းပါးများမှ ကောက်နှုတ်ချက်များ

“ပြည်သူတွေ ဗဟုသုတကြွယ်ဝမှ တိုင်းပြည်ဖွံ့ဖြိုးတိုးတက်မှာ ဖြစ်တယ်။ အခုစာဖတ်ခန်းမှာ ဗဟုသုတတွေရှာ စေချင်တယ်။ အထူးသဖြင့်တော့ လူငယ်တွေကို ပိုပြီး ပညာရှာစေချင်တယ်။ အဲဒီလိုပြောတာ လူကြီးတွေကို တော့ ပညာမရှာပါနဲ့လို့ပြောတာမဟုတ်ပါဘူး။ လူငယ်တွေဆိုတာ ပညာရှာတဲ့ အရွယ်မို့ ပညာဗဟုသုတရှာမှီးဖို့ အခွင့်အရေးတွေ၊ အချိန်တွေပိုရှိလို့ ပိုလေ့လာစေချင်တာပါ။ ကျွန်မတို့ စာဖတ်ခန်းကိုသုံးပြီး ဗဟုသုတရှာကြပါ။ အဆင့်မြင့်ပညာတွေရအောင်ရှာပါ။ လူငယ်တွေရဲ့ ပညာအဆင့်မြင့်မှ မြန်မာဟာ ကမ္ဘာ့အလယ်မှာ အဆင့် အတန်းမြင့်လာမှာ ဖြစ်ပါတယ်။ နိုင်ငံရဲ့ အနာဂတ်ဆိုတာ ကိုယ်တိုင်ပုံဖော်မှရမှာပါ။ ကိုယ်တိုင်ဆောင်ရွက်နိုင်ဖို့ ဆိုတာ စွမ်းအားရှိဖို့လိုပါတယ်။ ပညာဟာ အဓိက စွမ်းအားတစ်ခုပါပဲ”

စက်တင်ဘာ ၂၇ ထုတ် Flower News အတွဲ (၇) အမှတ် (၃၇) တွင်ပါသည့် “ အောင်ဆန်းပင်လုံစာဖတ်ခန်း ကို ဒေါ်အောင်ဆန်းစုကြည် ဖဲကြိုးဖြတ်ဖွင့်လှစ်ပေး” သတင်းမှ ဒေါ်အောင်ဆန်းစုကြည်၏ ပြောကြားချက်အပေါ် ကောက်နှုတ်ချက်

 ***************************************************************************************

“ဒီမိုကရေစီနိုင်ငံ ဆိုကတည်းက ပြည်သူ့လက်ထဲမှာ အာဏာရှိတယ်။ ဒီမိုကရေစီရဲ့ အဓိပ္ပယ်ကိုက ပြည်သူက ရွေးကောက်ထားတဲ့ လူတွေလက်ထဲ အာဏာလွှဲပေးလိုက်တာပဲ။ ပြည်သူဆန္ဒအမှန်ကို ထုတ်ဖော်နိုင်ဖို့လိုတယ်။ ဒီမိုကရေစီ အနှစ်သာရမှာ လွတ်လပ်စွာ ဆန္ဒထုတ်ဖော်ခွင့်ကို ရရှိမယ်။ အဲဒီ အနှစ်သာရကိုလည်း အစိုးရပိုင်းက နားလည်သဘောပေါက်ပြီး လက်တွေ့ကျင့်သုံးဖို့လိုအပ်မယ်။ ဒီမိုကရေစီမှာ အားနည်းချက်အချို့လည်း ရှိမယ်။ ဥပမာအနေနဲ့ ပြောရရင် မြစ်ဆုံအရေးပေါ့ လွှတ်တော်မှာ မဲခွဲဆုံးဖြတ်ရင်နိုင်တဲ့အဖွဲ့ရှိမယ်၊ အများရဲ့ ဆန္ဒအ တိုင်းက အလုပ်မဖြစ်ဘူး။ ပြည်သူ့ဆန္ဒဖော်ထုတ်နိုင်မှာမဟုတ်။ အများက သဘောတူသော်လည်း အကောင်း ဆုံး အဖြေမထုတ်နိုင်ဘူး”

စက်တင်ဘာ ၂၇ ထုတ် TRUE NEWS အတွဲ (၄) အမှတ် (၁) တွင်ပါသည့် “ဒီမိုကရေစီနိုင်ငံတော်နှင့် ပြည်သူ့ ဆန္ဒထုတ်ဖော်ခြင်းအပေါ် သူတို့အမြင်” သတင်းမှ ဦးဇိုဇမ်း(ချင်းအမျိုးသားပါတီ) သတင်းမှ ကောက်နှုတ်ချက်

*************************************************************************************** 

“ခေတ်တစ်ခေတ်တုန်းကလူငယ်တွေရဲ့ အသိမှာ နိုင်ငံရေးဆိုတာလုံးဝထိတွေ့ ကိုင်တွယ်စရာမဟုတ်တဲ့အရာ တွေလို့ မိဘတွေက အရိုးစွဲ မှတ်ထင်စေခဲ့တယ်။ အဲဒီအသိလေးတွေပျောက်ပြီး ကိုယ့်နိုင်ငံရေးအပေါ် စိတ်ဝင်စားလာတာကတော့ ကောင်းတဲ့အချက်ပါပဲ။ အဆင့်တစ်ခုတက်ဖို့ အဆင့်တိုင်း မှာတော့ အသိပညာရှိနေဖို့ လူငယ်တွေကိုချပြနိုင်ဖို့ ဦးစွာလုပ်သင့်တယ်လို့ ယူဆမိတယ်”

စက်တင်ဘာ ၂၈ ထုတ် Weekly ELEVEN အတွဲ (၁၆) အမှတ် (၅၂) တွင်ပါသည့် “၂၀၀၈ နောက်ပိုင်းမှစ၍ နိုင်ငံရေးနှင့်ဆက်နွှယ်သည့် ဘာသာရပ်များလေ့လာရန် လူငယ်များစိတ်ဝင်စား” သတင်းမှ နိုင်ငံတကာပညာ ရေးရာအတိုင်ပင်ခံ ဦးအောင်ကျော်ဆန်း (Crown Education)၏ ပြေကြားချက်အပေါ် ကောက်နှုတ်ချက်

 ***************************************************************************************

“နိုင်ငံမှာ ဒီမိုကရေစီအခွင့်အရေးတွေ ပိုမိုရလာဖို့က လွှတ်တော်က ဖွဲ့စည်းထားတဲ့ရေးရာကော်မတီတွေရဲ့ လုပ်ဆောင်မှု၊ ဖော်ဆောင်နိုင်မှုက အရေးကြီးပါတယ်။ တည်ဆဲဥပဒေတွေ မဖျက်သေးသမျှ ငါးဦးထက်ပိုပြီး  စုဝေးခွင့်မရှိတဲ့အတွက် လွတ်လပ်စွာ စီတန်းလှည့်လည်ခွင့်တို့၊ ဟောပြောခွင့်တို့ ကမရနိုင်သေးဘူး။ ဒီမိုကရေစီနေ့ ကျင်းပတဲ့အတွက် ထူးထူးခြားခြားအပြောင်းအလဲမရှိနိုင်ဘူး။ ဒီနေ့ကို ကမ္ဘာတစ်ဝန်းမှာ ကျင်းပတာပဲ။ ဒီမို ကရေစီနေ့ကျင်းပတဲ့အတွက် ထူးထူးခြားခြားအပြောင်းအလဲမရှိနိုင်ဘူး။ ဒီနေ့ကို ကမ္ဘာတစ်ဝန်းမှာ ကျင်းပတာ ပဲ။ ဒီမိုကရေစီအခွင့်အရေးနဲ့ပတ်သက်ပြီး မျှော်လင့်တာက ၂၀၀၈ ခုနှစ် ဖွဲ့စည်းပုံအခြေခံကို လက်ခံယုံကြည်ပြီး ရွေးကောက်ပွဲဝင်ခဲ့တာဖြစ်လို့ ဖွဲ့စည်းပုံမှာ ပါတဲ့အတိုင်း ဒီမိုကရေစီအခွင့်အရေးတွေ အပြည့်အဝရဖို့ မျှော်လင့် မိတယ်။ ဖွဲ့စည်းပုံအရ ပြည်နယ်တွေရရှိမယ့် အာဏာခွဲဝေမှုကိုလဲ လိုချင်တယ်။ ဒီအခွင့်အရေးတွေ ရအောင် လည်း တိုင်းရင်းသားပါတီတွေကြိုးစားဆောင်ရွက်နေပါတယ်”

စက်တင်ဘာ ၂၇ ထုတ် Flower News အတွဲ (၇) အမှတ် (၃၇) တွင်ပါသည့် “ဒီမိုကရေစီနေ့မှသည်… ဒီမိုကရေစီနိုင်ငံဆီသို့…” သတင်းမှ ဖလုံ-စဝေါ် ဒီမိုကရက်တစ်ပါတီ ဥက္ကဋ္ဌ ဦးစောသန်းကျော်ဦး၏ ပြောကြားချက် အပေါ် ကောက်နှုတ်ချက်

 ***************************************************************************************

ဆောင်းပါးကဏ္ဍ

လူထုမီဒီယာဖွံ့ဖြိုးမှု သုံးမျိုးနှင့် မီဒီယာ မော်ဒယ်လေးမျိုး

မြန်မာနိုင်ငံတွင် ၂၀၀၈ နောက်ပိုင်းမှ စတင်၍ သတင်းနှင့် မီဒီယာလွတ်လပ်ခွင့်ကို အနည်းငယ်ဖြေလျှော့မှုများ ရှိခဲ့သည်မျိုးမဟုတ်ဘဲနှင့် စာနယ်ဇင်းနယ်ပယ်တွင် (အထူးသဖြင့် သတင်းဂျာနယ်) ဖွံ့ဖြိုးတိုးတက်မှုများရှိလာ လေသည်။ သတင်းနှင့် သတင်းဆောင်းပါး ရေးသားရာတွင် အချက်အလက်ပိုင်း၊ အရေးသားပိုင်း၊ အရင်းအမြစ် တို့ကို ယခင်ထက်ပိုမို ကောင်းမွန်အောင် လုပ်ဆောင်လာနိုင်ကြောင်းတွေ့ရလေသည်။ ၂၀၁၀ နောက်ပိုင်း ဖြစ်ပေါ်လာမည့် နိုင်ငံရေး၊ စီးပွားရေးနှင့် လူမှုရေး အပြောင်းအလဲများအတွက် စတုတ္ထုမဏ္ဍိုင်အဖြစ် ခိုင်ခိုင် ခန့်ခန့်ရပ်တည်နိုင်ရန် ကြိုတင်ပြင်ဆင်မှုများပြုလုပ်လာခဲ့ခြင်းဖြစ်ပါသည်။

မီဒီယာ၏ တာဝန်မှာ အချုပ်အခြာအာဏာသုံးရပ်ကို စောင့်ကြည့်ကာ ပြည်သူထံသို့တင်ပြခြင်း၊ အပြန်အလှန်အားဖြင့် ပြည်သူများ၏ အသံကို နားထောင်ကာ အစိုးရထံသို့ တင်ပြခြင်း အစရှိသည်ကို တာဝန်ခံ မှုအပြည့်၊ တာဝန်ယူမှုအပြည့်ဖြင့် အကောင်အထည်ဖော်ဆောင်ရွက်ဖို့ ဖြစ်လေသည်။ တချို့မှာ ဂျာနယ်တိုက် ၏ ရပ်တည်ချက်၊ ပေါ်လစီနှင့် အညီ သိသင့်သော သတင်းများကို ပြည်သူများထံတင်ပြပြီး တချို့မှာမူ မည်သို့သော ပေါ်လစီမျိုး မှမရှိဘဲ ဈေးကွက်တွင် မိမိဂျာနယ်ရောင်းအားတက်ရေးသာ အဓိကထားသည့်အတွက် ပြည်သူအများစုကြိုက်နိုင်သော သတင်းများကိုသာ ရွေးချယ် ရေးသားဖော်ပြသည်များလည်း ရှိပါသည်။

အထက်တွင် ဖော်ပြပြီးသကဲ့သို့ အချုပ်အခြာအာဏာသုံးရပ်၏ လုပ်ဆောင်ချက်များကို စောင့်ကြည့် ဝေဖန်ခြင်းသည် မီဒီယာ၏ တာဝန်ဖြစ်သည်နှင့် အညီ ဆက်သွယ်ရေးမှာ နိုင်ငံရေး၏ အသည်းနှလုံးဟု ဆိုလျှင် လွဲချော်နိုင်မည်မဟုတ်ပါချေ။ မီဒီယာမှ ထိန်းမတ်ပေးခြင်းဖြင့် ဒီမိုကရေစီ၏ အသီးအပွင့်ဖြစ်သော အချုပ်အခြာ အာဏာသုံးရပ် အပြန်အလှန်ထိန်းကျောင်းရေးဖြစ်စဉ်ကို ပို၍ ပီပြင်လာနိုင်သောကြောင့်ဖြစ်လေသည်။ လူထု မီဒီယာ အဘယ်ကြောင့် ဖွံ့ဖြိုးတိုးတက်လာသည်ကို စူးစမ်းကြည့်သော် အကြောင်းသုံးရပ်ကြောင့် ဖြစ်ကြောင်း တွေ့ရ လေသည်။

ပထမအကြောင်းရင်းမှာ နိုင်ငံရေး ယုံကြည်မှုများ၊ တန်ဖိုးများကို မျိုးဆက်တစ်ဆက်မှ တစ်ဆက် သို့ နိုင်ငံရေးဆိုင်ရာ လူမှုရေးပြုမှုဖြစ်စဉ် (Political Socialization) အရ ကူးပြောင်းနိုင်သည့် ကျောင်း၊ မိသားစု အစရှိသော အဓိက(ပထမ) အေးဂျင့်များ၏ အခန်းကဏ္ဍ လျော့နည်းလာမှုဖြစ်ပါသည်။ (ကမ္ဘာ့ကုလသမဂ္ဂ အထွေထွေအတွင်း ရေးမှူးချုပ် ဦးသန့်မှ မြန်မာနိုင်ငံရှိ ကျောင်းများတွင် အလယ်တန်းအဆင့်လောက်မှစ၍ ဒီမိုကရေစီ၏ အခြေခံ သဘောတရားများကို  ပြည်သူ့နီတိ အဖြစ်သင်&