UNODC Report, 28th June 2010
ကမ္ဘာတဝှမ်း မူးယစ်ဆေးဝါး သုံးစွဲမှုနှင့် ပတ်သက်သော စာရင်းဇယားများကို စုဆောင်းနေသည့် ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာ ဋ္ဌာန UNODC က မူးယစ်ဆေးဝါး ထုတ်လုပ်နှင့် သုံးစွဲမှုဆိုင်ရာ နောက်ဆုံး အစီရင်ခံစာကို ထုတ်ပြန်လိုက်သည်။ မူးယစ်ဆေးဝါး ထုတ်လုပ်မှုနှင့် ဖြန့်ဖြူးမှုသည် ကမ္ဘာတဝှမ်း မငြိမ်သက်မှုများနှင့် အကျင့်ပျက် လာဘ်စားမှုများ၏ အဓိက အကြောင်းရင်း ဖြစ်သလို မူးယစ်ဆေး သုံးစွဲမှုသည် ပြည်သူတို့၏ အဓိက ကျန်းမာရေး ပြဿနာ တစ်ခု ဖြစ်သည်။ သို့သော်လည်း ကမ္ဘာပေါ်တွင် ယခုတိုင် အများဆုံး ကျယ်ပြန့်စွာ အသုံးပြုနေကြဆဲဖြစ်သော ဆေးခြောက်ကို အရက်လောက် ဆိုးဝါးခြင်း မရှိဟု ယူဆနေကြသည်။ ရိုးရာ ယဉ်ကျေးမှု အများစုက ခွင့်မပြုသော်လည်း ကမ္ဘာတဝှမ်း ဆေးခြောက် သုံးစွဲသူ သန်း ၁၆၀ ခန့် ရှိနေပြီး ယခင်နှစ်က ရာခိုင်နှုန်း အနည်းငယ်သာ ကျဆင်းခဲ့သည်။
ဆေးခြောက်သုံးသူ အများစု နေထိုင်ကြသော ကျေးလက်ဒေသများမှာ ဆေးခြောက်ပင် အလေ့ကျ ပေါက်၍ ဥပဒေ အရ တင်းကြပ်မှုများ ထိရောက်စွာ မကျင့်သုံးနိုင်သော နေရာများ ဖြစ်သည်။ သို့သော်လည်း မြို့ပြဒေသများစွာတွင်မူ ဆေးခြောက်သည် ရာဇဝတ်ဂိုဏ်းများနှင့် အချို့ အကြမ်းဖက်အုပ်စုများ အတွက် အဓိက ဝင်ငွေ ရင်းမြစ်တစ်ခု ဖြစ်နေသည်။ ကိုကင်းနှင့် ဟီးရိုးအင်း ကဲ့သို့ အမြတ်အစွန်း မများသလို၊ ပမာဏ ဖောင်းပွမှုကြောင့် ရောင်းဝယ်ရေး ခက်ခဲသော်လည်း ကြီးမားသော ဈေးကွက် ရှိနေခြင်းကြောင့် အဓိက ခြိမ်းခြောက်မှု အဖြစ် ရပ်တည်နေဆဲ ဖြစ်သည်။
ဆေးခြောက်ကို လူသားတို့ သုံးစွဲခဲ့သည်မှာ နှစ်ပေါင်း ၅၀၀၀ ခန့် ကြာခဲ့ပါပြီ။ ကနဦး၌ ဆေးဝါး ကုသရေး အတွက် သုံးစွဲခဲ့ရာမှ အစားအသောက် ဟင်းလျာနှင့် ဘာသာရေး အခမ်းအနားများတွင်ပါ သုံးစွဲလာခဲ့ကြသည်။ အကြောင်းမှာ ထုတ်လုပ်မှု စရိတ် ကြီးမြင့်သည့် ရှေးဟောင်း ဆေးတစ်ခု ဖြစ်သည့် ဘိန်းလောက် မပြင်းဘဲ အလွယ်တကူလည်း ရရှိနိုင်သောကြောင့် ဖြစ်သည်။ (ကမ္ဘာ အနှံ့အပြား အထူးသဖြင့် ဗဟို အာရှဒေသတွင် အလေ့ကျ ပေါက်သည်)။ လူ့အဖွဲ့အစည်းများနှင့် အစိုးရများသည် ၎င်းဆိုးကျိုးကို လျစ်လျူရှုခဲ့ကြပြီး အရက်ယမကာ ကသာ လူထု အတွက် အန္တရာယ် ပိုကြီးသည်ဟု ယူဆခဲ့ကြသည်။ အဆိုပါ လက်ခံ ယုံကြည်မှုမှာ ယခင် ရာစုနှစ် အတွင်း ပြောင်းလဲသွားခဲ့သည်။
မည်သို့ပင် ဖြစ်စေ၊ ဆေးခြောက်သည် ထင်ရှားသည့် အရာဝတ္ထု တစ်ခု အဖြစ် ရပ်တည်နိုင်ဆဲ ဖြစ်သည်။ အထူးသဖြင့် THC (သင့်အား ရင်ခုန် ပျော်ရွှင်စေသည့် အဓိက ပါဝင်ပစ္စည်း) ပမာဏ မြင့်မားလာအောင် အဆီအနှစ် ထုတ်လာကြခြင်းကြောင့် ဖြစ်သည်။ ယင်းသို့ ပြုလုပ်ခြင်းဖြင့် လွန်ခဲ့သော နှစ် ၃၀ ကျော်က ဆေးခြောက်ထက် THC ပါဝင်မှု ၃ဆကျော် မြင့်မားလာသည်။ အာဖကန် တောင်သူများ အတွက်မူ ဘိန်းဖြူ ထုတ်လုပ်သည့် ပေါ်ပီပင်ထက် ဆေးခြေက် စိုက်ပျိုးခြင်းက ပိုမိုလွယ်ကူ၍ စရိတ်သက်သာ သလို နေတိုးတပ်ဖွဲ့နှင့် အာဖကန် မူးယစ်အဖွဲ့များ၏ သတိပြုမိခြင်းကိုလည်း ရှောင်ရှားနိုင်သည်။ ဆေးခြောက် စိုက်ပျိုးမှုသည် ပေါ်ပီပင်လောက် မမြတ်စွန်းသော်လည်း ဂျုံထက် ပို၍ အမြတ်ရနေဆဲ ဖြစ်သည်။ ဟီးရိုးအင်းနှင့် နှိုင်းယှဉ်လျှင် ငွေ အရနည်းသည့် ဆေးခြောက်ကြောင့် အမှန်တကယ် ထိခိုက်သူများမှာ မူးယစ်ဆေးဝါး ဂိုဏ်းများ ဖြစ်နေသည်။ ထို့အတွက် ၎င်းတို့၏ တာလီဘန် မဟာမိတ်များ အတွက်လည်း ဝင်ငွေ နည်းသွားစေသည်။
ထို့ကြောင့် စက်မှု ထွန်းကားသော နိုင်ငံများ၌ နေအိမ်တွင် ဆေးခြောက် စိုက်ပျိုးမှု ရေပန်းစားလာသည့် အခိုက် ကျေးလက် နိုင်ငံများ၌ ပြင်ပစိုက်ပျိုးမှု ပိုများလာကာ သယ်ဆောင် ရောင်းဝယ်မှု လွယ်ကူစေရန် ပိုမို ပြုပြင် ထုတ်လုပ်လာကြခြင်း ဖြစ်သည်။ ဆေးခြောက်သည် တိုက်မှ ရာဇဝတ် ဂိုဏ်းများ အတွက် ဝင်ငွေရင်းမြစ် အဖြစ် ကြီးထွားလာခဲ့သည်။
ကမ္ဘာပေါ်တွင် လက်ရှိ ကုတ်ကင်း၊ ဟီးရိုးအင်းနှင့် အခြားဆေးပြားများ သုံးစွဲသူ အရေအတွက် သန်း ၃၀ ခန့် ရှိနေသည်။ အဆိုပါ မူးယစ်ဆေးများ အမြတ်စွန်း များပြားရခြင်းမှာ တန်ဖိုး ကြီးမြင့်သောကြောင့် ဖြစ်သည်။
အာဖကန်နစ္စတန်မှ အကြမ်းဖက်မှုများစွာကို ရန်ပုံငွေ ထောက်ပံ့နေသည့် ဟီးရိုးအင်း ထုတ်လုပ်မှု ၆၀ % ကို အနီးအနားမှ အနောက်ဥရောပ၊ ရုရှားနှင့် တရုတ် ဈေးကွက်များက သုံးစွဲလျက် ရှိသည်။ သေးငယ်သော်လည်း အရေးကြီးသည့် ဈေးကွက်များမှာ ပါရှန် ပင်လယ်ကွေ့ နိုင်ငံများနှင့် မြောက် အမေရိကတိုက် ဖြစ်သည့် ဟီးရိုးအင်း အဖြစ် မသန့်စင် ရသေးသည့် ဘိန်းသည် ပို၍ ဈေးပေါသောကြောင့် ဘိန်းစွဲသူ သန်းပေါင်းများစွာ ရှိနေသည့် ပါကစ္စတန် နိုင်ငံကို ဖြတ်သန်းကာ အာဖကန် ထွက် ကျန်ဟီးရိုးအင်း ၄၀ % ကို ခိုးထုတ်ကြသည်။ အီရန်နှင့် တူရကီက မူးယစ် ကုန်သည်များကို ထိထိရောက်ရောက် ကြားဖြတ် နှိမ်နှင်း လာနိုင်သောကြောင့် ပါကစ္စတန်ကို မူးယစ်ဆေးဝါး မှောင်ခိုလမ်းကြောင်း အဖြစ် ရွေးချယ်လာကြခြင်း ဖြစ်သည်။
အာဖကန်နစ္စတန်သည် ကမ္ဘာ့ ဟီးရိုးအင်း ၈၉ % ကို ထုတ်လုပ်နေသော်လည်း လတ်တလော ဘိန်းခင်းများကို ဖျက်ဆီးနေသည့် Poppy blight ပင်ဖျက်ရောဂါကြောင့် ၁၀ % (သို့) ထို့ထက် ပို၍ ကျဆင်းမည့် လက္ခဏာ ရှိသည်။ သို့သော် မြန်မာနိုင်ငံ ရွှေတြိဂံဒေသမှ အစဉ်အလာ အကြီးစား ထုတ်လုပ်သူများ၊ မက္ကဆီကိုနှင့် ကိုလံဘီယာ မှ ထုတ်လုပ်သူ လက်သစ်များထံမှ ဟီးရိုးအင်း ပိုမို ထွက်ရှိလာသည်။
မူးယစ်ဆေး နောက်တစ်မျိုး ဖြစ်သည့် ကုတ်ကင်းမှာမူ တောင် အမေရိကတိုက် ကိုလံဘီယာ၊ ပီရူး၊ ဘိုလီးဗီးယား နိုင်ငံများမှ အဓိက ဆက်လက် ထွက်ရှိနေပြီး ၄၂ % ရောင်းချရသည့် အကြီးဆုံး ဈေးကွက်မှာ မြောက်အမေရိကတိုက် ဖြစ်သည်။ သို့သော် ဥရောပ ကလည်း အားကျမခံ ၃၉ % ခန့် အားပေးလျက် ရှိသည်။ အမှန်တကယ်မှာ လွန်ခဲ့သည့် နှစ် ၃၀ အတွင်း မြောက်အမေရိက မှ ကိုကင်း သုံးစွဲသူ ထက်ဝက်ခန့် ကျဆင်းသွားချိန်တွင် ဥရောပနှင့် အခြားဈေးကွက်များ၌ သုံးစွဲသူ တိုးမြင့်လာခြင်း ဖြစ်သည်။
ဥရောပ ဈေးကွက် ကြီးထွားလာခြင်းကြောင့်၊ ငွေလိုသည့် အစ္စလာမ် အကြမ်းဖက် အုပ်စုများက စောင့်ကြပ်ပေးသောာာ ဆာဟာရ သဲကန္တာရနှင့် အနောက်အာဖရိကကို ဖြတ်သန်းသည့် မူးယစ် မှောင်ခို လမ်းကြောင်းများကို ကုတ်ကင်းဂိုဏ်းများက ထူထောင်လာကြပါသည်။ အကယ်၍ အနောက် အာရိကသည် အကျင့်ပျက် လာဘ်စားမှုများ ပြောပလောက်အောင် မရှိခဲ့လျှင်လည်း ယခု အချိန်တွင်မူ ကုတ်ကင်းနှင့် ကိုကင်းမှ ရသော ပိုက်ဆံများကြောင့် ပေါ်ပေါက်လာနေရပြီ ဖြစ်သည်။
ကိုကင်းစွဲသူ ၅.၃ သန်း ရှိသော မြောက်အမေရိကတိုက်၏ ထက်ဝက်နီးပါး လိုက်လာသော လက်တင် အမေရိက ဒေသမှာ နောက်ထပ် ကြီးထွားလာသည့် ကိုကင်း ဈေးကွက် တစ်ခုဖြစ်သည်။ ကိုကင်းကို အဆန်းတကြယ် ဖြစ်နေသေးသော အရှေ့အာရှနှင့် ပါရှန် ပင်လယ်ကွေ့ ဒေသမှာလည်း ကြီးထွားလာသော ဈေးကွက်များ ဖြစ်သည်။
မီသိုင်း အင်ဖက်တာမင်းနှင့် အက်စတာဆီ စသော အဆန်းတကျယ် ဖော်စပ်ထားသည့် လူလုပ် မူးယစ်ဆေးပြားများ အတွက်မှာမူ အကြီးမားဆုံး ဖွံ့ထွားလာသည့် ဈေးကွက်ကြီး ရှိနေသည်။ အဆိုပါ ဓါတ်ခွဲခန်း မူးယစ်ဆေးပြား ထုတ်လုပ်မှုမှာ ယခင်နှစ်က ၂၀ % မြင့်တက်လာခဲ့သည်။ ၎င်းဆေးပြားများသည် သူပုန်များနှင့် အကြမ်းဖက် အုပ်စုများအား ရန်ပုံငွေ ရှာပေးမှု နည်းပါးသေးသော်လည်း အနောက်နိုင်ငံရောက် အာရပ် ရွှေ့ပြောင်းသူ အချို့က ၎င်းဆေးပြားများကို တွေ့ရှိသွားကာ ၎င်းတို့၏ အမြတ်အစွန်း အချို့ကို အစ္စလာမ် အကြမ်းဖက် အဖွဲ့အစည်းများထံ ပေးပို့နေသည်ဟု သိရှိရသည်။
--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named
http://transparencymyanmar2010.blogspot.com/ upon their request.
Posts
