Transparency Myanmar

transparency.myanmar@gmail.com

INTERNATIONAL MEDIA (2)
Document INTERNATIONAL MEDIA (2)

Snapshot of the item below:
INTERNATIONAL MEDIA (2)

နိုင်ငံတကာသတင်းများ (၂)

  1. မူဆလင်ဆန့်ကျင်ရေး အကြမ်းဖက်မှုကို ဖြေရှင်းရန် မြန်မာကို အင်ဒိုနီးရှားသမ္မတ တိုက်တွန်း

(Reuters မှ 23 April 2013 ရက်စွဲပါ Indonesian President urges Myanmar to address Muslim violence သတင်းကို ဘာသာပြန်ဆိုသည်)

  1. သွားရမည့်ခရီး ဝေးလွန်းသော မြန်မာနိုင်ငံ

(The Telegraph မှ 22 April 2013 ရက်စွဲပါ Burma has far to go သတင်းဆောင်းပါးကို ဘာသာပြန်ဆိုသည်)


မူဆလင်ဆန့်ကျင်ရေး အကြမ်းဖက်မှုကို ဖြေရှင်းရန် မြန်မာကို အင်ဒိုနီးရှားသမ္မတ တိုက်တွန်း

(Reuters မှ 23 April 2013 ရက်စွဲပါ Indonesian President urges Myanmar to address Muslim violence သတင်းကို ဘာသာပြန်ဆိုသည်)

photo credit by presidentoffice.gov.mm

ကမ္ဘာ့လူသိများ မူဆလင်နိုင်ငံ အင်ဒိုနီးရှား၏ သမ္မတက မူဆလင်များအပေါ် ဗုဒ္ဓဘာသာဝင်များ ဦးဆောင်အကြမ်းဖက်နေမှုကို ဖြေရှင်းရန် မြန်မာအစိုးရကို တိုက်တွန်းမည်ဖြစ်ကြောင်း၊ ထိုအကြမ်းဖက်မှုသည် ဒေသတွင်းနေရာတကာမှ မူဆလင်များအတွက် ပြဿနာများဖြစ်စေနိုင်ကြောင်း အင်္ဂါနေ့တွင် ပြောကြားသည်။

မူဆလင်ဆန့်ကျင်ရေးဂယက်ကို နှိုးဆွပေးလိုက်သော မိတ္ထီလာမြို့မှ အနည်းဆုံး လူ ၄၃ ဦး သေဆုံးခဲ့ရသည့် အကြမ်းဖက်ဖြစ်စဉ်အပြီး တစ်လခန့်အကြာတွင် ဆူဆီနိုဘမ်ဘန်း ယူဒိုယိုနို၏ မြန်မာခရီးစဉ် ပေါ်ထွက်လာခြင်း ဖြစ်သည်။

“တကယ်လို့ ဖြစ်နိုင်သမျှ အကောင်းဆုံးနည်းလမ်းနဲ့ မဖြေရှင်းဘူးဆိုရင် အကျိုးဆက်က မြန်မာနိုင်ငံအတွက် မကောင်းသလို မူဆလင်လူများစုနေထိုင်တဲ့ အင်ဒိုနီးရှားအတွက်လည်း ကောင်းမှာမဟုတ်ဘူး”ဟု စင်္ကာပူတွင်ပြုလုပ်သော Thomson Reuters Newsmaker event တွင် ယူဒိုယိုနိုက ပြောကြားသည်။

အခြေအနေဆိုးသော မိတ္ထီလာနှင့် အလယ်ပိုင်းမြို့များတွင် အာဏာပိုင်များက မာရှယ်လောထုတ်ပြန်ကာ တပ်ဖြန့် ထားသဖြင့် ယခုအခါ အခြေအနေပြန်လည်ငြိမ်သက်လာပြီဖြစ်သည်။ ၎င်းဖြစ်ရပ်များတွင် အကြမ်းဖက်မှုများကို ရဲတပ်ဖွဲ့က လျစ်လျူရှုထားခဲ့ရာ စနစ်တကျ စီစဉ်ထားခြင်းဖြစ်ကြောင်းကို Reuters သတင်းဌာန၏ လေ့လာဆန်းစစ်မှုများက ပြသနေသည်။

“ဒီပြဿနာကို မြန်မာနိုင်ငံက တွေးတွေးဆဆဆီလျော်မှန်ကန်စွာ ဖြေရှင်းပြီး တင်းမာမှုတွေကို တားဆီးလိမ့်မယ်လို့ ကျွန်တော်မျှော်လင့်ပါတယ်။ ဒီအတွက် မြန်မာနိုင်ငံကို ကူညီဖို့ အင်ဒိုနီးရှားက အဆင်သင့်ရှိနေပါတယ်” ဟု ယူဒိုယိုနိုက ဆိုပါသည်။

အင်ဒိုသမ္မတသည် မြန်မာခရီးစဉ်တွင် သမ္မတဦးသိန်းစိန်နှင့် တွေ့ဆုံမည်ဖြစ်ကြောင်း၊ ဆန်စပါးကုန်သွယ်ရေး နားလည်မှုစာချွန်လွှာကို လက်မှတ်ရေးထိုးမည်ဖြစ်ကြောင်း၊ HRW က လူမျိုးတုန်းသန့်စင်မှုဟု တနင်္လာနေ့ အစီရင်ခံစာတွင် စွပ်စွဲထားသော မနှစ်က အကြမ်းဖက်အဓိကရုဏ်း ဖြစ်ပွားရာ ရခိုင်ပြည်နယ်သို့လည်း သွားရောက်မည်ဖြစ်ကြောင်း အင်ဒိုနီးရှားအစိုးရ တာဝန်ရှိသူတစ်ဦးက ပြောကြားပါသည်။

“မြန်မာနိုင်ငံမှာ ရိုဟင်ဂျာတွေ ရင်ဆိုင်နေရတဲ့ လူမျိုးရေးတင်းမာမှုလိုမျိုး အခြားစိန်ခေါ်မှုတွေလည်း ရှိနေပါတယ်”ဟု ယူဒိုယိုနိုက ပြောကြားသည်။

မနှစ်က ရခိုင်ပြည်နယ်က အဓိကရုဏ်းတွင် အနည်းဆုံး လူ ၁၁၀ ခန့် သေဆုံးခဲ့ရပြီး လူပေါင်း ၁၂၀,၀၀၀ ခန့် အိုးမဲ့အိမ်မဲ့ဖြစ်ခဲ့ရသည်။

ရိုဟင်ဂျာများက မြန်မာနိုင်ငံတွင် သူတို့နေထိုင်ခဲ့သည်မှာ ရာစုနှစ်ချီနေပြီဟု စောဒကတက်ကြသော်လည်း မြန်မာအစိုးရက ရခိုင်ပြည်နယ်မှ ခန့်မှန်းခြေ ရိုဟင်ဂျာ ၈၀၀,၀၀၀ ခန့်ကို ဘင်္ဂလားဒေ့ရ်ှမှ တရားမဝင် ရွှေ့ပြောင်းလာသူများဟု သတ်မှတ်ထားကာ နိုင်ငံသားခံယူခွင့်ကို ပယ်ချထားသည်။ ဘင်္ဂလားဒေ့ရ်ှကလည်း ၁၉၉၂ နောက်ပိုင်းတွင် ရိုဟင်ဂျာများကို ဒုက္ခသည်အဆင့်အတန်းပေးရန် ငြင်းဆန်ခဲ့သည်။

မနှစ်က အကြမ်းဖက်အဓိကရုဏ်းကြောင့် ရခိုင်ပြည်နယ်မှ ရိုဟင်ဂျာထောင်ပေါင်းများစွာသည် စက်လှေများဖြင့် ပင်လယ်ဖြတ်ကူးကာ အင်ဒိုနီးရှားအပါအဝင် အရှေ့တောင်အာရှနိုင်ငံများသို့ ဦးတည်ထွက်ပြေးလျှက်ရှိသည်။ ထိုအကျိုးဆက်ကြောင့် ပြီးခဲ့သောလက အင်ဒိုနီးရှား လူဝင်မှုကြီးကြပ်ရေး ထိန်းသိမ်းရေးစခန်းတွင် မြန်မာနှင့် ရိုဟင်ဂျာများ အငြင်းပွားသတ်ဖြတ်မှုဖြစ်ပွားခဲ့ရသည်။

ယူဒိုယိုနိုက “အင်ဒိုနီးရှားသည် မြန်မာခေါင်းဆောင်များနှင့် အမြဲထိတွေ့ဆက်ဆံခဲ့သော သမိုင်းကြောင်းရှိခဲ့ကြောင်း၊ မြန်မာတို့၏ ဒီမိုကရေစီ ကူးပြောင်းရေးလုပ်ငန်းစဉ်ကိုလည်း ဆက်လက်လုပ်ဆောင်ရန် အားပေးနေကြောင်း၊ သို့ဆိုပါက အရေးယူပိတ်ဆို့မှုများကြောင့် နိုင်ငံထိခိုက်နစ်နာရန် မရှိတော့ကြောင်း” ဆက်လက်ပြောကြားခဲ့သည်။

မြန်မာနိုင်ငံတွင် ၂၀၁၁ ခုနှစ်က စစ်အုပ်ချုပ်ရေးအဆုံးသတ်ပြီးနောက်ပိုင်း ဒီမိုကရေစီပြောင်းလဲမှုများ ဆက်တိုက်ပြုလုပ်နေသောကြောင့် ဥရောပသမဂ္ဂ အိးယူကလည်း အရေးယူပိတ်ဆို့မှုများကို တနင်္လာနေ့က ရုတ်သိမ်းပေးလိုက်ပြီဖြစ်သည်။

“အခုအချိန်မှာ ပြောင်းလဲသွားပြီဖြစ်တဲ့ မြန်မာနိုင်ငံကို ကမ္ဘာ့ခေါင်းဆောင်တွေ များစွာလာရောက်လည်ပတ်နေကြပါပြီ။ ကျွန်တော်လည်း မြန်မာနိုင်ငံရဲ့ ဒီမိုကရေစီကူးပြောင်းရေး၊ နိုင်ငံတည်ဆောက်ရေး၊ ဥပဒေစိုးမိုးရေး၊ လူ့အခွင့်အရေးလေးစားရေးလုပ်ငန်းစဉ်တွေကို ထောက်ခံအားပေးဖို့အတွက် မြန်မာနိုင်ငံကို ဒီကနေ့သွားမှာပါ”ဟု အင်ဒိုနီးရှားသမ္မတ ယူဒိုယိုနိုက ပြောကြားသွားသည်။


သွားရမည့်ခရီး ဝေးလွန်းသော မြန်မာနိုင်ငံ

(The Telegraph မှ 22 April 2013 ရက်စွဲပါ Burma has far to go သတင်းဆောင်းပါးကို ဘာသာပြန်ဆိုသည်)

သင်၏ ယုံကြည်စိတ်ချရမှုသိက္ခာသည် အများတောင်းဆိုသော အစီအစဉ်များ လုပ်ဆောင်ခြင်းပေါ်တွင် မူတည်နေသည် ဟူသောအချက်မှာ ဒီပလိုမေစီထိရောက်မှုနှင့် ပတ်သက်သည့် သံမဏိစည်းမျဉ်းတစ်ခုပင် ဖြစ်သည်။

အီးယူနိုင်ငံခြားရေးဝန်ကြီးများသည် မြန်မာနိုင်ငံအပေါ် လက်နက်ကုန်သွယ်မှုမှလွဲ၍ ကျန်ပိတ်ဆို့မှုများအားလုံး တရားဝင်ရုတ်သိမ်းပေးခြင်းဖြင့် အထက်ပါသင်ခန်းစာကို မနေ့က လျစ်လျူရှုလိုက်ကြပြီဖြစ်သည်။

ထိုသို့ဆောင်ရွက်ရန်အတွက် သမ္မတဦးသိန်းစိန်အစိုးရသည် စည်းကမ်းချက် ၄ ချက်နှင့် ကိုက်ညီမှသာ ဖြစ်လိမ့်မည်ဟု ထိုဝန်ကြီးများက မနှစ်က ပြောခဲ့ကြသည်။

မြန်မာအစိုးရသည် နိုင်ငံရေးအကျဉ်းသားအားလုံးကို လွှတ်ပေးခြင်း၊ နိုင်ငံတစ်လွှား ကယ်ဆယ်ရေး အကူအညီဖြန့်ဖြူးရန် ခွင့်ပြုခြင်း၊ ရိုဟင်ဂျာဟုခေါ်သော မူဆလင်များ၏ လူမှုဘဝနှင့် အဆင့်ကို မြှင့်တင်ပေးခြင်းတို့ကို လုပ်ဆောင်ရမည်ဖြစ်သည်။

အမှန်တကယ်တွင်မူ အဆိုပါစည်းကမ်းချက်များ တစ်ခုမှ ပြည့်မှီခဲ့ခြင်း မရှိပါ။ ဗုဒဘာသာဘုန်းတော်ကြီးများက အများအားဖြင့် ဦးဆောင်လေ့ရှိသော လူမျိုးရေးနှိပ်ကွပ်မှုများ၏ ပစ်မှတ်ဖြစ်နေသည့် ရိုဟင်ဂျာမူဆလင်များအား ဆက်လက်ခွဲခြားဆက်ဆံနေခြင်းမှာ အထင်ရှားဆုံး ပြယုဂ်တစ်ခုဖြစ်သည်။ နောက်ဆုံးရရှိသော ကြောက်မက်ဖွယ် ဖြစ်ရပ်မှန် ရုပ်သံမှတ်တမ်းတွင် ပြီးခဲ့သောလက မိတ္ထီလာမြို့၌ မူဆလင်များ အကြမ်းဖက်ရိုက်နှက်ခံရ၊ နေအိမ်နှင့် ဆိုင်များ မီးရှို့ဖျက်ဆီးခံနေရချိန်တွင် ရဲတပ်ဖွဲ့ဝင်များက ရပ်ကြည့်နေသော ပုံရိပ်များကို တွေ့မြင်ရပါသည်။

ယခုကဲ့သို့ သွေးစွန်းသော ဖြစ်ရပ်များ ဖုံးမရ ဖိမရပေါ်ထွက်လာချိန်မျိုးတွင် sanction များရုတ်သိမ်းပေးရန် ဗြိတိသျှနိုင်ငံခြားရေးဝန်ကြီး ဝီလျံဟိဂ်က သဘောတူလိုက်ခြင်းမှာ အလွန်အမင်း စိတ်အနှောက်အယှက် ဖြစ်စရာကောင်းပါသည်။

မြန်မာအစိုးရက စစ်မှန်သော ပြုပြင်ပြောင်းလဲမှုများ ပြုလုပ်ခဲ့သည်မှာ အမှန်ပင်ဖြစ်သည်။ အထူးသဖြင့် ဒေါ်အောင်ဆန်းစုကြည်ကို နေအိမ်အကျယ်ချုပ်မှ လွှတ်ပေးကာ နိုင်ငံရေးလှုပ်ရှားခွင့် ပြုပေးခဲ့ခြင်းပင်ဖြစ်သည်။

သို့သော် မြန်မာအစိုးရ၏ စစ်မှန်သော ပြုပြင်ပြောင်းလဲမှုများအတွက် အသိအမှတ်ပြု တုန့်ပြန်ပေးရသော မုန်လာဥနှင့် ပြုပြင်ပြောင်းလဲမှုများ ဆက်လုပ်အောင် ထိန်းကျောင်းပေးရသော ကြိမ်လုံးတို့အကြား ဟန်ချက်မှန်အောင် ထိန်းရသည့်ကိစ္စမှာ အင်အားကြီးနိုင်ငံများအဖို့ အမြဲတစေ ခက်ခဲလေ့ ရှိပါသည်။

မည်သို့ပင်ဖြစ်စေ ယခုအခါ ဝီလျံဟိဂ်နှင့် အပေါင်းအပါ အီးယူဝန်ကြီးများထံတွင် ကြိမ်လုံးများ မရှိတော့ခြင်းမှာ အန္တရာယ်တစ်ခု ဖြစ်နေပါသည်။ သူတို့ကိုယ်တိုင် ရွေးချယ်စရာမရှိအောင် လုပ်သလိုဖြစ်သွားပြီး အရာရာမှာ မြန်မာအစိုးရ၏ စိတ်ရင်းစေတနာပေါ်တွင်သာ မူတည်နေပါတော့သည်။

အကယ်၍ မြန်မာတို့၏ ပြုပြင်ပြောင်းလဲမှုများ ရပ်ဆိုင်းသွားမည်ဆိုပါက အီးယူဝန်ကြီးများ၏ ယခုဆုံးဖြတ်ချက်သည် ကြီးမားသောအမှား ကျူးလွန်မိခြင်းဖြစ်ကြောင်းကို သမိုင်းက အဆုံးအဖြတ်ပေးသွားပါလိမ့်မည်။

မြန်မာပြည်တွင်းမှ အကဲခတ်သူများကမူ မြန်မာ့နွေဦးသည် နှေးကွေးသော်လည်း ရပ်တန့်ဖွယ်မရှိဟု ဆိုကြသည်။ အကြောင်းမှာ နောက်ကွယ်မှ အာဏာရှင်အဖို့ ပြုပြင်ပြောင်းလဲရေးမှလွဲ၍ အခြားရွေးစရာ မရှိတော့သောကြောင့်ဖြစ်သည်ဟု သူတို့က မှတ်ချက်ပေးကြသည်။


 


Google Drive: create, share, and keep all your stuff in one place. Logo for Google Drive

INTERNATIONAL MEDIA (1)
Document INTERNATIONAL MEDIA (1)

Snapshot of the item below:
INTERNATIONAL MEDIA (1)

ဘာသာပြန်သတင်းများ

  1. အမေရိကန်က မြန်မာနိုင်ငံမှ သွင်းကုန်များအပေါ် အကောက်ခွန်ကင်းလွတ်ခွင့်ပြုရန် စီစဉ်နေ

(23 April 2013 ရက်စွဲပါ Hartford Courant မှ Reuters ၏ U.S could waive duties on imports from Myanmar ကို ဘာသာပြန်ပါသည်)

  1. အီးယူက အရေးယူမှုများ ရုတ်သိမ်းပေးပြီးနောက် မြန်မာနိုင်ငံက နိုင်ငံရေးအကျဉ်းသားများလွှတ်

(23 April 2013 ရက်စွဲပါ BBC News မှ Burma political prisoners freed after EU sanctions move ကို ဘာသာပြန်ပါသည်)

  1. မြန်မာနိုင်ငံတွင် မူဆလင်များအား သတ်ဖြတ်မှုကို ချက်ချင်းရပ်ဆိုင်းရန် အီရန် တောင်းဆို

(FNA မှ 23 April 2013 ရက်စွဲပါ Iran calls for immediate stop of Muslim massacre in Myanmar သတင်းကို ဘာသာပြန်ဆိုသည်)


အမေရိကန်က မြန်မာနိုင်ငံမှ သွင်းကုန်များအပေါ် အကောက်ခွန်ကင်းလွတ်ခွင့်ပြုရန် စီစဉ်နေ

(23 April 2013 ရက်စွဲပါ Hartford Courant မှ Reuters ၏ U.S could waive duties on imports from Myanmar ကို ဘာသာပြန်ပါသည်)

အမေရိကန်ပြည်ထောင်စုသည် မြန်မာနိုင်ငံမှ သွင်းကုန် အမယ်ပေါင်းများစွာအပေါ် သွင်းကုန်အပေါ် အခွန် ကောက်ခံမှု ရပ်ဆိုင်းရေးအတွက် မြန်မာနိုင်ငံနှင့် ကုန်သွယ်မှုဆက်ဆံရေးကို ပြန်လည်သုံးသပ်လျှက် ရှိပါသည်။ အမေရိကန် ကုန်သွယ်ရေးကိုယ်စားလှယ်အဖြစ် ခေတ္တတာဝန်ယူထားသူ Demetrios Marantis သည် ဗုဒ္ဓဟူးနေ့တွင် မြန်မာနိုင်ငံသို့ သွားရောက်လည်ပတ်မည်ဖြစ်ပါသည်။

ပြီးခဲ့သည့်အပတ်က Marantis ၏ အာရှခရီးစဉ် မစတင်မီကလေးတွင်ပင် အမေရိကန်ကုန်သွယ်ရေး ကိုယ်စားလှယ် ရုံးသည် ပြန်လည်သုံးသပ်မှုကို စတင်ခဲ့ရာ မြန်မာနှင့်လာအိုကို GSP (Generalized System of Preferences) စနစ်တွင် ထည်သွင်းရန် ပါဝင်ခဲ့သည်။ GSP စနစ်တွင် နိုင်ငံပေါင်း ၁၂၈ နိုင်ငံနှင့် နယ်မြေများမှ ပစ္စည်းအမျိုးအမည် ၅၀၀၀ ခန့် အခွန်ကင်းလွတ်ခွင့် ရရှိကြသည်။

Marantis သည် ရန်ကုန်နှင့် နေပြည်တော်တွင် အစိုးရတာဝန်ရှိသူများနှင့်လည်းကောင်း၊ စီးပွားရေး ဦးဆောင်ပုဂ္ဂိုလ်များနှင့်လည်းကောင်း တွေ့ဆုံမည်ဖြစ်ပါသည်။

ယခုပြန်လည်သုံးသပ်ခြင်းသည် မြန်မာခေါင်းဆောင်များ၏ အလုပ်အကိုင်ဖန်တီးပေးမှုတွင် အိုဘားမားအစိုးရမှ ကူညီရန် ကြိုးပမ်းမှု၏ အဓိကအစိတ်အပိုင်းတစ်ခုဖြစ်သည်။ အမေရိကန်ပြည်ထောင်စုသည် မြန်မာနိုင်ငံ၏ နိုင်ငံရေးအရ ပြုပြင်ပြောင်းလဲမှုများအပေါ် ကာလကြာရှည်က ချမှတ်ထားသော စီးပွားရေးအရ အရေးပါမှုများ ဖယ်ရှားခြင်း၊ မြန်မာနိုင်ငံမှ သွင်းကုန်များ ပိတ်ပင်ထားမှုကို ဖြေလျော့ပေးခြင်းဖြင့် ဆုလဒ်များပေးခဲ့ပြီးဖြစ်ပါသည်။

နှစ်ဖက်သောအစိုးရများသည် မကြာသေးမီက GSP အစီအစဉ်နှင့်ပတ်သက်၍ စိတ်ဝင်စားမှုရှိကြောင်း ပြသခဲ့ကြပြီးဖြစ်သည်ဟု အမေရိကန်ကုန်သွယ်ရေးကိုယ်စားလှယ်အဖွဲ့က ဖက်ဒရယ်မှတ်ပုံတင်နို့တစ်စာတွင် ထည့်သွင်း ဖော်ပြခဲ့ပါသည်။ အဆိုပါနို့တစ်စာသည် ပြည်သူများမှတ်ချက်ပေးရန် တောင်းခံထားပြီး ဇွန်လအစောပိုင်းတွင် ကြားနာမှုပြုလုပ်ရန် စီစဉ်ထားပါသည်။

အမေရိကန်ပြည်ထောင်စုသည် သွင်းကုန်ပိတ်ပင်မှုများ မပြုလုပ်မီ ၂၀၀၃ ခုနှစ်က မြန်မာနိုင်ငံမှ အဝတ်အထည် အပါအဝင် အခြားပစ္စည်း ဒေါ်လာ ၂၇၅ သန်းဖိုး တင်သွင်းခဲ့ပါသည်။ ကန့်သတ်မှုများ ဖယ်ရှားခဲ့ပြီးနောက် ပြီးခဲ့သည့် ဇန်နဝါရီလက ဒေါ်လာတစ်သိန်းနှင့် ဖေဖော်ဝါရီလက ဒေါ်လာနှစ်သိန်းဖိုး စတင် တင်သွင်းခဲ့ပါသည်။


အီးယူက အရေးယူမှုများ ရုတ်သိမ်းပေးပြီးနောက် မြန်မာနိုင်ငံက နိုင်ငံရေးအကျဉ်းသား များလွှတ်

(23 April 2013 ရက်စွဲပါ BBC News မှ Burma political prisoners freed after EU sanctions move ကို ဘာသာပြန်ပါသည်)

photo credit by online

တနင်္လာနေ့က အီးယူသည် ကျန်ရှိသော အရေးယူပိတ်ဆို့မှုများကို ရုတ်သိမ်းရန် ဆုံးဖြတ်ပြီးနောက် မြန်မာနိုင်ငံတွင် နိုင်ငံရေးအကျဉ်းသား အနည်းဆုံး (၅၆) ဦးလွှတ်ပေးခဲ့ကြောင်း စည်းရုံးလှုံ့ဆော်သူများက ပြောပါသည်။

လွတ်မြောက်လာသူတစ်ဦးဖြစ်သည့် လှုပ်ရှားသူ ဇော်မိုးက ဘီဘီစီ မြန်မာပိုင်းအစီအစဉ်သို့ ပြောကြားရာတွင် ယခုလွှတ်ပေးမှုသည် အီးယူ၏လုပ်ဆောင်မှုနှင့် ဆက်စပ်နေသည်ဟု ဆိုပါသည်။

သတင်းထောက်များက ပြောကြားရာတွင်မူ ယခုလွတ်ငြိမ်းချမ်းသာခွင့်သည် မြန်မာနှစ်သစ်ကူးအစနှင့် ဆက်စပ်နေသည်ဟု ဆိုပါသည်။

သီးခြားတိုးတက်မှုတစ်ရပ်အနေဖြင့် အစိုးရသည် တိုင်းရင်းသား ဘာသာရပ်များ တိုးချဲ့သင်ကြားရေးကို ကြေညာခဲ့ပါသည်။

အစိုးရကျောင်းများမှ ကျောင်းသားများသည် ယခုအခါ ၎င်းတို့၏ မိခင်ဘာသာစကားကို ဒုတိယဘာသာစကားအဖြစ် သင်ကြားနိုင်တော့မည်ဖြစ်သည်။

ယခုအချိန်အထိမူ ကျောင်းသားများသည် မြန်မာဘာသာအပြင် အင်္ဂလိပ်ဘာသာကို ဒုတိယဘာသာအဖြစ် သင်ရပါသည်။ ထိုသို့ကန့်သတ်ထားခြင်းသည် ၎င်းတို့၏ ဘာသာစကားကို ပြောကြားနိုင်ခြင်းမရှိဟု အဓိပ္ပာယ်ဖွင့်ဆိုရ မည်ဖြစ်ပါသည်။

မြန်မာနိုင်ငံတွင် ရှမ်း၊ ကချင်၊ ကရင်နှင့် ရခိုင်အပါအဝင် တိုင်းရင်းသားဘာစကား ၁၀၀ ကျော် စကားပြောလျှက်ရှိပါသည်။ အချို့သောဘာသာစကားများမှာ ပျောက်ကွယ်သွားတော့မည့် အန္တရာယ်ရှိနေသည်ဟု လှုပ်ရှားသူများက ဆိုပါသည်။

နိုင်ငံရေး၏ သားကောင်များ

ယခုနောက်ဆုံးအကျဉ်းသားလွှတ်ပေးမှုကို လူ့အခွင့်အရေးအုပ်စုများက ကြိုဆိုခဲ့ပါသည်။ “ဒါပေမယ့် နိုင်ငံရေး အကျဉ်းသား ၂၀၀၀ လောက် ထောင်တွေထဲမှာ ရှိနေပါသေးတယ်”ဟု နိုင်ငံရေးအကျဉ်းသားများ အကူအညီပေးရေးအဖွဲ့ (AAPP)မှ ဘိုကြည်က AFP သတင်းဌာနသို့ ပြောပါသည်။

“နိုင်ငံရေးအကျဉ်းသားတွေကို နိုင်ငံရေးအကျဉ်းသားလို့ အသိအမှတ်ပြုပြီး ချွင်းချက်မရှိလွှတ်ပေးသင့်ပါတယ်” ဟု ၎င်းကဆိုပါသည်။ ယခုလွှတ်ပေးမှုတွင် မူးယစ်ဆေးဝါးရောင်းဝယ်မှုဖြင့် ဖမ်းဆီးထားသော ရှမ်းပြည်နယ်အရှေ့ပိုင်းမှ သူပုန်ဟောင်း ၄၀ ခန့်ပါဝင်သည်ဟု ဘိုကြည်က ပြောပါသည်။ ၎င်းတို့ကို နိုင်ငံရေး၏ သားကောင်များဟု သုံးနှုံး ဖော်ပြခဲ့ပါသည်။

အစိုးရတာဝန်ရှိသူတစ်ဦးက AFP သို့ ပြောကြားရာတွင် လွှတ်ပေးသူ ၉၃ ဦးတွင် နိုင်ငံရေးအကျဉ်းသားများ ပါဝင်ကြောင်း ထိုအထဲတွင် နိုင်ငံခြားသား သုံးဦးလည်း ပါဝင်သည်ဟု ဆိုပါသည်။ “အခုလွှတ်ပေးတဲ့သူတွေဟာ နိုင်ငံ တည်ဆောက်ရေးမှာ ပါဝင်ခွင့်ရဖို့ရယ်၊ လူသားချင်းစာနာမှုဆိုင်ရာအကြောင်းကို အခြေပြုပြီး လွှတ်ပေးခဲ့တာပါ”ဟု ၎င်းက ပြောပါသည်။

မြန်မာနိုင်ငံတွင် သမ္မတဦးသိန်းစိန် ၂၀၁၁ မတ်လ တာဝန်ယူပြီးသည့်နောက် နိုင်ငံရေးအကျဉ်းသား ရာနှင့်ချီ၍ လွှတ်ပေးခဲ့ပါသည်။ ထိုအချိန်အထိ နိုင်ငံရေးအကျဉ်းသားဟု အသိအမှတ်ပြုခြင်း မရှိခဲ့ပေ။ အစိုးရသည် နိုင်ငံရေးနှင့် ပတ်သက်သော အမှုများကို ပြန်လည်သုံးသပ်မည်ဟု ပြီးခဲ့သည့် နိုဝင်ဘာလက ကြေညာခဲ့ပါသည်။

ယခင်စစ်အစိုးရသည် နိုင်ငံရေးအရဆန့်ကျင်သူ သတင်းစာဆရာများအပါအဝင် ၂၀၀၀ ခန့်ကို မှားယွင်းစွာ ဖမ်းဆီးထောင်ချခဲ့သည်ဟု လူ့အခွင့်အရေးအုပ်စုများက စွပ်စွဲခဲ့ပါသည်။ ၂၀၁၁ မေလမှ ၂၀၁၂ နိုဝင်ဘာလအတွင်း နိုင်ငံရေးအကျဉ်းသား ၈၀၀ ကျော် လွတ်ငြိမ်းချမ်းသာခွင့် ပြုခဲ့ကြောင်း လှုပ်ရှားသူများက ဆိုပါသည်။


မြန်မာနိုင်ငံတွင် မူဆလင်များအား သတ်ဖြတ်မှုကို ချက်ချင်းရပ်ဆိုင်းရန် အီရန် တောင်းဆို

(FNA မှ 23 April 2013 ရက်စွဲပါ Iran calls for immediate stop of Muslim massacre in Myanmar သတင်းကို ဘာသာပြန်ဆိုသည်)

မြန်မာနိုင်ငံတွင် မူဆလင်အမြောက်အများ အသတ်ခံရမှုကို ချက်ချင်းရပ်ဆိုင်းရန် အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ရာမင်မီဟမ်းပါရတ် က ထပ်မံတောင်းဆိုလိုက်ပါသည်။

“မူဆလင်တွေ အသတ်ခံနေရတာကို ရပ်တန့်သွားအောင် မြန်မာအစိုးရအနေနဲ့ ချက်ချင်းအရေးယူ ဆောင်ရွက်ဖို့ လိုပါတယ်”ဟု ၎င်းက ထုတ်ဖော်ပြောကြားသည်။

မီဟမ်းပါရတ်က မြန်မာအစိုးရအား နိုင်ငံတွင်း လူမျိုးကွဲ ဘာသာကွဲများအကြား ပဋိပက္ခဖြစ်ပွားမှုကို အင်အားသုံးတားဆီးရန် တိုက်တွန်းတောင်းဆိုသည်။

ယခုအပတ်အစောပိုင်းကပင် လူ့အခွင့်အရေးအုပ်စုကြီးတစ်ခုက မြန်မာနိုင်ငံတွင် ရိုဟင်ဂျာမွတ်ဆလင်များအား လူမျိုးတုံး သန့်စင်ရှင်းလင်းမှု စီမံချက်ကို ပြုလုပ်နေကြောင်း အထောက်အထားများဖြင့် ကိုးကားကာ အစီရင်ခံစာ ထုတ်ပြန်ခဲ့သည်။

မြန်မာနိုင်ငံထဲတွင် နိုင်ငံသားခံယူနိုင်ခွင့် ငြင်းပယ်ခံခဲ့ရသော ရိုဟင်ဂျာများသည် သတ်ဖြတ်ခံရခြင်း၊ ညှင်းပန်းနှိပ်စက် ခံရခြင်း၊ နှင်ထုတ်ခံရခြင်း၊ ရွှေ့ပြောင်းခံရခြင်းအပါအဝင် လူသားမဆန်သော ရာဇဝတ်မှုများကို ရင်ဆိုင်နေရသည်ဟု နယူရောက်အခြေစိုက် Human Rights Watch က တနင်္လာနေ့တွင် ပြောကြားသည်။

မြန်မာတာဝန်ရှိသူများ၊ ရပ်ရွာခေါင်းဆောင်များ၊ ဗုဒ္ဓဘာသာဘုန်းတော်ကြီးများသည် အောက်တိုဘာလက ရခိုင်ပြည်နယ်တွင် မူဆလင်ကျေးရွာများကို စီစဉ်တိုက်ခိုက်ရန်အတွက် လုံခြုံရေးတပ်ဖွဲ့များ၏အားကိုးဖြင့် လူစုလူဝေးကို ဦးဆောင်စည်းရုံးလှုံ့ဆော်ခဲ့ကြသည်ဟု HRW ကဆိုပါသည်။

“မြန်မာနိုင်ငံမှာ ရိုဟင်ဂျာတွေကို လူမျိုးရေးရှင်းလင်းမှု စီမံချက် လုပ်ဆောင်နေတဲ့ မြန်မာအစိုးရဟာ လက်ရှိအချိန်မှာလည်း အသွားအလာကူညီထောက်ပံ့မှုတွေကို တားမြစ်ချုပ်ချယ်ခြင်းအားဖြင့် ဆက်လက်ပြုလုပ်နေပါ တယ်”ဟု HRW ၏ အရှေ့တောင်အာရှရေးရာ လက်ထောက်ဒါရိုက်တာ ဖီလ်ရောဘတ်ဆန်က ပြောကြားသည်။

“လူမျိုးတုံးသန့်စင်မှုဟူသော စကားလုံးမှာ တရားဝင်ဥပဒေကြောင်းအသုံးအနှုန်းမဟုတ်သော်လည်း လူမျိုးစု သို့မဟုတ် ဘာသာရေးအုပ်စုတစ်စုက အခြားအုပ်စုတစ်စုကို သက်ဆိုင်ရာနယ်မြေမှ အကြမ်းဖက်နည်းလမ်းသုံး၍ ဖယ်ရှားပစ်ရန် လက်ကိုင်ထားသော မူဝါဒဟု ယေဘုယျ သတ်မှတ်၍ရကြောင်း” HRW ကတင်ပြသည်။

အင်တာဗျူးပေါင်း ၁၀၀ ကျော်ကို အခြေခံရေးသားသော ၎င်းအစီရင်ခံစာတွင် “ရခိုင်ပြည်နယ်၌ အမြောက်အများ သေဆုံးသောနေရာ ၄ နေရာရှိကြောင်း ဖော်ထုတ်နိုင်ခဲ့ပြီး ရာဇဝတ်မှုဆိုင်ရာ အထောက