Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၂၃.၂.၂၀၁၂

ဆောင်းပါးကဏ္ဍ

  1. သန်း ၆၀ အတွက် မနက်ဖြန်

*****************************************

ဆောင်းပါးကဏ္ဍ

သန်း ၆၀ အတွက် မနက်ဖြန်

ထက်ခိုင်

(ဖေဖော်ဝါရီ ၂၃ထုတ် ရန်ကုန်တိုင်းမ် အတွဲ (၈) အမှတ် (၈) မှ ထုတ်ယူဖော်ပြသည်။)

နိဒါန်း

ဒီမိုကရေစီ အသွင်ကူးပြောင်းရေးမှန်သမျှတို့တွင် Power Center အဟောင်းနှင့်အသစ်၊ အတွင်းနှင့် အပြင်၊ အသစ်အချင်းချင်း၊ အဟောင်း အချင်းချင်း စသည်တို့အကြား ပွတ်တိုက်မှုများ မလွဲမသွေ တွေ့ကြုံရလေ့ရှိသောကြောင့် Stakeholder တို့၏ တွေးခေါ်မြှော်မြင်နိုင်စွမ်းက အဓိက ကျနေသည်။ ပန်းတိုင်တူသော်လည်း နည်းလမ်းမတူမှုကို နည်းလမ်းမတူမှုဟူ၍ သဘောမထားနိုင်ဘဲ နည်းလမ်းမှသည် ပါဝင်ပြိုင်ဆိုင်မှု အသွင်အပြင်သို့ ကူးပြောင်း ရောက်ရှိသွားတတ်သလို ယင်းတို့ ကူးပြောင်းရောက်ရှိသွားပြီး အားပြိုင်မှုပြင်းထန်းလာလျှင် သမိုင်းကြောင်းက ကြုံတွေ့ခဲ့ရသော နိုင်ငံ တည်ဆောက်ရေး သစ်ပင်သည် အညွှန့်လည်းကျိုး၊ ပင်စည်လည်းကိုင်းသည့် အခြေအနေသို့ ဆိုက်ရောက်သွားတတ်သည်။ မြန်မာ့သမိုင်းသည် တစ်ပတ် ပြန်လည်တတ် သည်ဟူသော သစ္စာတရားသဖွယ် မှန်ကန်နေသော ဆိုရိုးအဟောင်းတို့ အိပ်ပျော်ရာမှ နိုးထလာခြင်းသည် သန်း ၆၀ သော ပြည်သူများ၏ အနာဂတ်၊ မ နက်ဖြန်နှင့် တိုက်ရိုက်ပတ်သက်ဆက်နွှယ်လာနိုင်သည်။

ပါဝါအရွေ့၊ အလျင်နှင့် ပွတ်တိုက်မှု

ပါဝါတို့ဟူသည် မည်သို့သော အခြေအနေမျိုးတွင်မဆို အထိုင်ပြောင်းလဲသွားသည့်အချိန်၌ ကနေဦး ဖြစ်ပေါ်တတ်သော ဟန်ချက်ပျက်မှုကို ထိန်း သိမ်းနိုင်ရန်အရေးကြီးသည်။ မြန်မာ့နိုင်ငံရေး၏ ဆုံချက်သည် ယင်းပါဝါတို့ အထိုင်ကျမကျ ဟန်ချက်ထိန်းနိုင် မထိန်းနိုင်ဟူသော Capacity အပေါ်တွင် မူတည်နေသဖြင့်  The Art of Capacity အမှန်ပင်ဖြစ်နေသည်။ ပါဝါခွဲဝေမှုများသည် ဖွဲ့စည်းပုံအခြေခံဥပဒေ၊ အခြားဥပဒေတို့ အပြင် လူမှုပဋိညာဉ် သတိလက်လွတ်ခြင်းကြောင့် လူမှုအဖွဲ့အစည်းကြီးတစ်ခုလုံးသို့ အန္တရာယ်ဆိုက်ရောက်စေနိုင်သည်အထိ စိုးရိမ်ပူပန်ဖွယ်ရာ ကောင်းနေ သည်။ ပါဝါစင်တာများ အပြောင်းအလဲတွင် ဖြစ်ပေါ်တတ်သော ပါဝါနယ်နိမိတ် မပြတ်သားမှုများသည်လည်း ရံဖန်ရံခါတွင် ပါဝါချင်း ပွတ်တိုက်မှုကို ဖြစ်ပေါ်တတ်ပြီး ပွတ်တိုက်ဖန် များလာသည့်အခါတွင် မီးတောက်များကို ဖြစ်ပေါ်စေသည့် အခြေအနေကို ဖန်တီးလာပေသည်။ ပါဝါစင်တာတို့၏ ဗဟိုချက်သည် နံဘေးရှိ ပါဝါအထောက် အကူတို့၏ လှုံ့ဆော်မှုများသည်လည်း ပါဝါဗဟိုချက်အပေါ် သက်ရောက်မှုများ ရှိတတ်သဖြင့် တစ်ခါတစ်ရံတွင် ပါဝါဗဟိုချက်ကိုယ်တိုင်ပင်လျှင် သက်ရောက်မှုများကို သတိမမူဘဲဖြစ်သွားသည်။ မိမိပါဝါ၏ စည်းကို မိမိဘာသာ ထင်ရှားလာအောင်ရေးဆွဲပြီး မိမိနယ်ပယ်တွင် ခိုင်မာအားကောင်းအောင် တည်ဆောက်ရမည့်အစား အခြားပါဝါတို့၏ ပြစ်ချက်၊ အားနည်းချက်တို့ကို မျက်နှာမူလာသောအခါ အသွင်ကူးပြောင်းစ ပါဝါအချင်းချင်းဆက်ဆံရေးတွင် အန္တရာယ်အကြီးမားဆုံးသော Trust Deficit ကို ဦးတည်လာတော့သည်။ ပါဝါအချင်းချင်း ဆက်ဆံ ရေးဟုဆိုရာတွင် ပါဝါဟောင်းသော်လည်း သြဇာလွှမ်းမိုးနိုင် နေဆဲအနေအထားများကိုလည်း ချင့်တွက်ရန်လိုအပ်သလို ပါဝါအသေးစားတို့၏ စွမ်းရည်ကို လည်း လျှော့မတွက်ရန်လိုသည်။ အဓိကအချက်မှာ မိမိပါဝါကို မိမိဘာသာ စည်းပြတ်အောင်သုံးသပ်ပြီး မိမိ ပါဝါ၏ လုပ်ပိုင်ခွင့်ဘောင်အတွင်းမှ လွတ်မထွက်သွားရန် ဖြစ်သည်။ ထီးပြိုင်နန်းပြိုင် ပါဝါဂိမ်းတို့တွင် ပါဝါအချင်းချင်း ကိုယ်ကျိုးစီးပွားရှေ့တန်းတင်သည့် အစွဲဟောင်းများ မပြတ်သေးသည့် အခါ မိမိတို့၏ လာရင်းကိစ္စများကို မေ့လျော့သွားတတ်သဖြင့် ပါဝါများ၏ အသက်သွေးကြောမှာ အခြားပါဝါများအပေါ် နားလည်မှု၊ ယုံကြည်မှု၊ လေးစားမှုရှိရေးဖြစ်နေသည်။ (ဤတွင် ပါဝါအဟောင်းများအပေါ်တွင်လည်း ဤသ ဘောတရားထားရှိရန်လိုအပ်မည်။)

သန်း ၆၀၏ မနက်ဖြန်

အမှန်စင်စစ် ဖွဲ့စည်းပုံ အခြေခံဥပဒေက အညီအမျှခွဲဝေထားသော ပါဝါစည်းများကို မြင်အောင်ကြည့်၊ သိအောင်ဆင်ခြင်၊ သန်း ၆၀အတွက် အ ခက်ဖြစ်စေလျှင် မြန်မာ့နိုင်ငံရေး အသွင်ကူးပြောင်းမှုသည်  နိုင်ငံတကာက အောချလောက်သော အောင်မြင်မှုကြီးကို ရရှိလာမည်မဟုတ်ပါ။ ပါဝါသည် စား တတ်သည်၊ စားတတ်အောင်လည်း သွေးထိုးမြှောက်ပင့်ပေးမှုများ ရှိတတ်သည်။ ချီးကျူးဟန်ပြင်၍ ချောက်တွန်းတတ်သည်များလည်း ရှိသည်။ ဤသည်မှာ ပါဝါစင်တာတို့ တွေ့ကြုံရမြဲဖြစ်သော သဘာဝတရားသာ ဖြစ်သည်။ သို့သော် ပါဝါဗဟိုချက်တို့ ကိုယ်နှိုက်က လက်ကုန်နှိုက်၍ စည်းကျော်မိသောအခါ ပွတ်တိုက်မှု ညင်သာစေရန်သာ ဆုတောင်းရသည့် အခြေအနေအထိ ဆိုက်ရောက်သွားတတ်သောကြောင့် သန်း (၆၀) သော နိုင်ငံသားများ၏ မနက်ဖြန်သည် ယင်းသို့ အကဲဆတ်လှသည့် ချိန်ခွင်လျှာကို စိုးရိမ်မှုကြီးစွာ စောင့်ကြည့်နေရသည့်အနေအထားကို ရှောင်ရှားရန်လိုမည်။

လက်ရှိအနေအထားတွင် မြန်မာ့ဒီမိုကရေစီရေးနှင့် ဖွံ့ဖြိုးတိုးတက်ရေးသည် သင်းသတ်ခံရမည့် ခြိမ်းခြောက်မှုများ ရစ်ဝဲလာနိုင်သည့် အလားအလာ များ မြင်တွေ့လာနိုင်သော အကြောင်းများကြောင့် သန်း ၆၀သော နိုင်ငံသားများ၏ မနက်ဖြန်အတွက် မိမိတို့လာရင်းကိစ္စကို မမေ့မလျော့ နှလုံးသွင်း မျက်နှာမူကြပါမည့်အကြောင်း မေတ္တာရပ်ခံရခြင်းဖြစ်သည်။ အကျိုးစီးပွားများတိုက်ဆိုင်လာသောအချိန်တွင် လာရင်းကိစ္စကို မေ့လျော့ သွားကြရာ သန်း၆၀သော နိုင်ငံသားများအတွက် မနက်ဖြန်ဟူသော လာရင်းကိစ္စသည် မှေးမှန်ပျောက်ကွယ်သွားနိုင်သည်။

နိဂုံး

မိမိတို့ဂိမ်းကို မိမိတို့အာရုံစိုက်ကြမှ မိမိတို့လာရင်းကိစ္စကို မိမိတို့အလေးထားကြမှ သန်း၆၀မှာ အသက်ရှုချောင်မည်ဟူ၍ သဘောရ သောကြောင့် လာရင်းကိစ္စမမေ့ကြရန် သတိပေးနှိုးဆော်ရခြင်းဖြစ်သည်။ သန်း၆၀သော ပြည်သူများမှာ နောက်ကြောင်းပြန်၍ အတိတ်ကို ပြန်လည် ပုံဖော်ခြင်း မပြုလိုသည်မှာ ခါသီးပြီး နာကြည်းဖွယ်ရာကောင်းသော အရိပ်ဆိုးများကြောင့် ဖြစ်သည်ကို သိရှိပါလျှင် မိမိတို့လာရင်းကိစ္စကို မိမိတို့အာရုံပြု ဆောင်ရွက်ခြင်းဖြင့် နိုင်ငံတည်ဆောက်ရေးတာဝန် ကျေပွန်လာပါလိမ့်မည်။ ပါဝါချင်း မပွတ်တိုက်မိအောင် ဆောင်ရွက်ရန်မှာ ခက်ခဲသည် မှန်သော်လည်း သန်း ၆၀ အတွက် မနက်ဖြန်လှစေချင်လျှင် သတိဖြင့် ဆင်ခြင်နိုင်ပါလိမ့်မည်။ စလယ်ဝင် ဖင်မမည်းခင်က ကွဲတတ်သည်ဟူသော ဆိုရိုးစကားများသည် ရှေးလူကြီးများ အခြေအမြစ်မဲ့ ထားရှိခဲ့ခြင်းမဟုတ်သလို သမိုင်းတကျော့ပြန်ခြင်း၏ အန္တရာယ်သည် ယနေ့ဒီမိုကရေစီ ဘယ်ခရီး ရောက်မလဲ ဟူသော အဖြေကို အပြောင်းအလဲကြီးကြီးမားမားဖြစ်အောင်လုပ်နိုင်သည်။

ပေးထားချက်ဖြစ်သော ဖွဲ့စည်းပုံအခြေခံဥပဒေကို အခြေပြု၍ ပုစ္ဆာများ တွက်ချက်ကြသောအခါ ရလဒ်အမျိုးမျိုး ဖြစ်တတ်သည်မှာ ပေးထား ချက်ကို ကုန်စင်အောင်မကြည့်ခြင်း၊ ပေးထားချက်ကိုကျော်လွန်၍ တွက်ချက်ခြင်းတို့ကြောင့် ဖြစ်သည်။ အသွင်ကူးပြောင်းရေးဖြစ်စဉ်များ၏ သဘော သဘာဝအတိုင်း ပေးထားချက်များကို ကုန်စင်အောင်အသုံးပြု၍ တွက်ချက်ကြည့်ဖို့လိုသည်။ ပေးထားချက်ကုန်စင်အောင် ထည့်သွင်း တွက်ချက်ပြီးသော အခါ ရရှိလာသောရလဒ်ကို ထုတ်ပြန်ကြေညာခြင်းမပြုမီ သန်း ၆၀၏ မနက်ဖြန်နှင့် ပြန်လည်တိုက်ဆိုင် စစ်ဆေးကြည့်ရန်သာဖြစ်ကြောင်း အနူးအညွတ် မေတ္တာရပ်ခံတင်ပြလိုက်ရပါသည်။    ။

*****************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၂၄.၂.၂၀၁၂

ပြည်တွင်းသတင်းများ

  1. စတုတ္ထအကြိမ်လာရောက်သည့် ဗုဒ္ဓမြတ်စွယ်တော် မှရရှိသောအလှူငွေတချို့ ပြန်လည်လှူဒါန်းမည်
  2. တရုတ်-မြန်မာ နယ်စပ်ရှိ လွယ်ကျယ်ကုန်သွယ်ရေး လမ်းကြောင်း ပြန်ဖွင့်

ပြည်တွင်းပါတီ၊ နိုင်ငံရေးသတင်းများ

  1. တိုင်းရင်းသားအရေး ညီညွတ်ရန် ပင်လုံစိတ်ဓာတ်နှင့် ပြည်ထောင်စုစိတ်ဓာတ်အကြောင်း ဒေါ်စုပြောကြား
  1. ပြည်သူ့လွှတ်တော်ဥက္ကဋ္ဌ မိန့်ခွန်း ပြန်ကြားရေး ဆင်ဆာဖြတ်
  2. တန်ဖိုးနည်း ဖုန်းရရှိရေး လွှတ်တော်သို့ ကြံ့ခိုင်ရေးပါတီတင်သွင်းမည်

သတင်းနှင့် ဆောင်းပါးများမှ ကောက်နှုတ်ချက်များ

*****************************************

ပြည်တွင်းသတင်းများ

စတုတ္ထအကြိမ်လာရောက်သည့် ဗုဒ္ဓမြတ်စွယ်တော် မှရရှိသော အလှူငွေတချို့ ပြန်လည်လှူဒါန်းမည်

စတုတ္ထအကြိမ် ဗုဒ္ဓမြတ်စွယ်တော် လာရောက်အပူဇော်ခံစဉ် ရရှိခဲ့သည့် အလှူငွေတချို့ကို မြန်မာနိုင်ငံ၏ ပညာရေးနှင့် ကျန်းမာရေး ကဏ္ဍများတွင် ပြန်လည်လှူဒါန်းသွားမည်ဟု တရုတ်နိုင်ငံမှ သာသနာရေးဗျူရို ဒုတိယဝန်ကြီး Mr. Zhang Lebin က ပြောကြားသည်။

“စာသင်ကျောင်းတွေ တည်ဆောက်ပေးသွားမယ်၊ အတွင်းတိမ် မျက်စိဝေဒနာရှင်တွေကို ဆေးကုပေးသွားမယ်” ဟု အထက်ပါ ဒုတိယဝန်ကြီးက ပြောကြားသည်။

အိမ်နီးချင်းကောင်းနိုင်ငံဖြစ်သည့် တရုတ်-မြန်မာ နှစ်နိုင်ငံချစ်ကြည်ရေးတွင် ဗုဒ္ဓဘာသာကိုအခြေခံ၍ နှစ်နိုင်ငံဆက်ဆံရေးကို တိုးမြှင့် သွားမည်ဟု ၎င်းက ပြောကြားသည်။

တရုတ်-မြန်မာ ချစ်ကြည်ရေး ဘုရားကျောင်းကို မြန်မာနိုင်ငံတွင် ထူထောင်နိုင်ရေးအတွက်လည်း သဘောတူလက်မှတ် ရေးထိုးလိုက်ပြီ ဖြစ်ကြောင်း သိရသည်။

နှစ်နိုင်ငံ ချစ်ကြည်ရေးအတွက် တရုတ်ပြည်ရှိ ဗုဒ္ဓမြတ်စွယ်တော်၌ ရင်ငွေ့လှုံထားသည့် ဗုဒ္ဓမြတ်စွယ်တော်ပုံတူ ၃ဆူကိုလည်း မြန်မာနိုင်ငံအ တွက် လှူဒါန်းခဲ့သည်။

ယခုကဲ့သို့ ဗုဒ္ဓဘာသာနှင့်ပတ်သက်ပြီး မြန်မာနိုင်ငံကို စတင်ကူညီပေးရန် စီစဉ်နေသော်လည်း  တိဗက်ဒေသ လာဆာတွင် ဖြစ်ပွားခဲ့သည့် တိ ဗက်ဘုန်းတော်ကြီးများ၏ ဆန္ဒပြပွဲကို တရုတ်အစိုးရက အင်အားသုံး နှိမ်နင်းဖြိုခွဲခဲ့ဖူးသည်။ ယင်းအကြမ်းဖက် နှိမ်နင်းမှုတွင် လူ (၁၀၀)ကျော် သေဆုံးခဲ့ သည်ဟု  ပြည်ပရောက် တိဗက်အစိုးရ စာရင်းထုတ်ပြန်ချက်အရ သိရသည်။

တရုတ်အစိုးရ၏ တိဗက်ဘုန်းတော်ကြီးနှင့် ပြည်သူများကို အကြမ်းဖက်နှိမ်နင်းခဲ့သည့်အပေါ် နိုင်ငံတကာရှိ လူ့အခွင့်အရေး လှုပ်ရှားသူများက ကန့်ကွက် ရှုတ်ချကြသလို ပြည်ပရောက် သာသနာ့ဥသျှောင်အဖွဲ့ကလည်း ဆန့်ကျင် ရှုတ်ချကြောင်း သိရသည်။

စတုတ္ထအကြိမ်အပူဇော်ခံခဲ့ရာတွင် တရုတ်ပြည်သူ့ သမ္မတနိုင်ငံမှ စွယ်တော်တိုက်ဆရာတော်သို့ လွှဲပြောင်းပေးအပ်သည့် လှူဒါန်းမှု အစုစုမှာ အမေရိကန်ဒေါ်လာ ၃ ဒသမ ၉ သန်းကျော်နှင့် နိုင်ငံတကာသုံး  ငွေကြေးများ၊ လက်ဝတ်ရတနာမျိုးစုံနှင့် ကျောက်မျက်ရတနာမျိုးစုံ၊ ခန့်မှန်းတန်ဖိုး ကျပ် ၂၂၂၉ သန်း လွှဲပြောင်းလှူဒါန်းခဲ့ကြောင်း သိရသည်။

မြန်မာနိုင်ငံသို့ တရုတ်ပြည်ဗုဒ္ဓမြတ်စွယ်တော်သည် ပထမအကြိမ်ကို ၁၉၅၅ ခုနှစ်တွင် ပင့်ဆောင်ခဲ့ခြင်းဖြစ်ပြီး ရှစ်လကြာ အပူဇော်ခံခဲ့ကြောင်း၊ ဒုတိယအကြိမ်ကို ၁၉၉၄ ခုနှစ်တွင် ပင့်ဆောင်ခဲ့ခြင်းဖြစ်ပြီး ၄၅ ရက်ကြာ အပူဇော်ခံခဲ့ကြောင်း၊ တတိယအကြိမ်ကို ၁၉၉၆ ခုနှစ်တွင် ပင့်ဆောင်ခဲ့ပြီး ရက် ပေါင်း ၉၀ ကြာအပူဇော်ခံခဲ့ကြောင်း၊ စတုတ္ထအကြိမ်ကို ၂၀၁၁ခုနှစ် နိုဝင်ဘာလ တွင် ပင့်ဆောင်ခဲ့ပြီး ၄၈ရက်ကြာအပူဇော်ခံခဲ့ကြောင်း သိရသည်။

ကမ္ဘာပေါ်တွင် ဗုဒ္ဓမြတ်စွယ်တော်နှစ်ဆူရှိသည့်အနက် တစ်ဆူသည် သီရိလင်္ကာနိုင်ငံတွင် စံပါယ်လျက်ရှိပြီး ကျန်တစ်ဆူမှာ တရုတ်နိုင်ငံ လင်ကွမ်းကျောင်းတော်၌ မူရင်းအတိုင်း စံပယ်လျက် ရှိသည်။ သီရိလင်္ကာရှိ စွယ်တော်သည် လက်ဝဲအောက်စွယ်တော် ဖြစ်ပြီး တရုတ်နိုင်ငံရှိ စွယ်တော်မှာ လက်ဝဲအထက် စွယ်တော် ဖြစ်ကြောင်းသိရသည်။                                 

Peace Press

-----------------------------------------------------------------------------------------------------------------------------------

တရုတ်-မြန်မာ နယ်စပ်ရှိ လွယ်ကျယ်ကုန်သွယ်ရေးလမ်းကြောင်း ပြန်ဖွင့်

တရုတ်-မြန်မာ နယ်စပ်ရှိ ကုန်သွယ်ရေးလမ်းကြောင်း တစ်ခုဖြစ်သည့် ကချင်ပြည်နယ် လွယ်ကျယ်လမ်းကို ပြန်လည်ဖွင့်လှစ်လိုက်ပြီ ဖြစ်ကြောင်း သိရသည်။