Transparency Myanmar

transparency.myanmar@gmail.com

Document yangonchronicle 2011 - (2)
yangonchronicle 2011 - (2)

၇.၅.၂ဝ၁၂

ဘာသာပြန်သတင်းများ အပိုင်း(၂)

  1. မြန်မာ့သယံဇာတများ ရှိရာ အပြေးအလွှား သွားကြခြင်း

(Washington Post မှ 5 April 2012 ရက်စွဲပါ Gold rush to Burma ကို ဆီလျော်အောင် ဘာသာ ပြန်ဆိုသည်)

  1. မြန်မာ့ပြုပြင်ပြောင်းလဲမှုများ ကြွေးမြီကိစ္စအတွက် အပြုသဘောဆောင်

(FT မှ 30 April 2012 ရက်စွဲပါ Myanmar’s reforms hailed as credit positives ကို ဘာသာ ပြန်ဆိုသည်)

******************************

မြန်မာ့သယံဇာတများ ရှိရာ အပြေးအလွှား သွားကြခြင်း

(Washington Post မှ 5 April 2012 ရက်စွဲပါ Gold rush to Burma ကို ဆီလျော်အောင် ဘာသာ ပြန်ဆိုသည်)

မကြာသေးခင် ရက်သတ္တပတ်အတွင်း မြန်မာနိုင်ငံသို့ အလည်အပတ် ရောက်ရှိခဲ့သော ကုလသမဂ္ဂ အထွေထွေ အတွင်းရေးမှူး ဘန်ကီမွန်းက မြန်မာနိုင်ငံတွင် ရင်းနှီးမြှုပ်နှံမှုများ တိုးချဲ့လုပ်ကိုင်သွားရန် နိုင်ငံတကာ အသိုင်းအဝိုင်းသို့ တိုက်တွန်း ပြောကြားခဲ့သည်။ ထို့နောက် မကြာမီအချိန်အတွင်း ပြည်ပြေး မီဒီယာ တစ်ခုဖြစ်သည့် ဧရာဝတီမဂ္ဂဇင်းတွင် ကြေးနီသတ္တုတူးဖော်ရေး လုပ်ငန်း လုပ်ကိုင်ရန် မြန်မာအစိုးရက လယ်ယာမြေ ၇၈၀၀ ဟက်တာခန့်ကို သိမ်းယူခဲ့သည့် သတင်းတစ်ပုဒ် ပါရှိလာသည်။

"လယ်သမားများ၏ ပြောကြားချက်အရ ၎င်းတို့ပိုင်ဆိုင်သော လယ်မြေများကို သိမ်းပိုက်သည့်အတွက် လျော်ကြေးငွေ အနည်းငယ်သာ ရရှိသည်။ ကုမ္ပဏီမှ တာဝန်ရှိသူများ၊ ဒေသခံအရာရှိကြီးများအဆိုအရ အဆိုပါ လယ်မြေများကို နိုင်ငံတော်က ပိုင်ဆိုင်ပြီး သိမ်းယူသည့် ကိစ္စကို သမ္မတ၏ အမိန့် ညွှန်ကြားချက်ဖြင့် လုပ်ကိုင်ခြင်း ဖြစ်သည်" ဟု ဧရာဝတီမီဒီယာက ဖော်ပြသည်။ အဆိုပါ လယ်မြေဒေသများတွင် ကြေးနီတူးဖော်ရေး လုပ်ငန်း လုပ်ကိုင်မည့် ကုမ္ပဏီများမှာ တရုတ်၊ ကနေဒါ နှင့် မြန်မာနိုင်ငံပိုင် ကုမ္ပဏီကြီးများ ဖြစ်ကြသည်။ လုပ်ငန်း လုပ်ကိုင်မည့်နေရာမှာ စစ်ကိုင်းတိုင်း၊ ဆားလင်းကြီးမြို့နယ်တွင် ဖြစ်သည်။

ကုလအကြီးအကဲ ဘန်ကီမွန်း စိုးရိမ်တကြီး ပြောဆိုသွားသည့် အရေးကိစ္စများတွင် အဆိုပါ ဆားလင်းကြီး မြို့နယ်မှ လယ်သမားများနှင့် ၎င်းတို့၏ သိမ်းပိုက်ခံလယ်မြေများ ပါဝင်ပုံမရပေ။ သို့သော် အမေရိကန်ပြည်ထောင်စု၊ ဥရောပ၊ ဂျပန်နှင့် ကိုရီးယားတို့က မြန်မာနှင့်စီးပွားရေး လုပ်ကိုင်ရန် ကန့်သတ် ပိတ်ပင်ထားမှုများကို ဖယ်ရှားနေချိန်တွင် ဧရာဝတီမဂ္ဂဇင်းမှ အဆိုပါသတင်းမှာ လွန်စွာ ဖတ်သင့်ဖတ်ထိုက်သည့် သတင်းဟုပင် ယူဆမိသည်။

မြန်မာနိုင်ငံသည် နှစ်ကာလကြာမြင့်စွာ ရက်စက် ကြမ်းတမ်းသော စစ်အာဏာရှင်စနစ် အောက်သို့ ရောက်ရှိခဲ့ပြီး မြန်မာ့စီးပွားရေးမှာလည်း ဆိုးဆိုးရွားရွားပင် ကန့်သတ်ပိတ်ပင်မှုများနှင့် ရင်ဆိုင်ကြုံတွေ့ခဲ့ရသည်။ သို့သော် သမ္မတ ဦးသိန်းစိန်က အာဏာရရှိလာပြီးနောက် နိုင်ငံရေး ပြုပြင်ပြောင်းလဲမှုများ လုပ်ဆောင်ခြင်း၊ ဒေါ်အောင်ဆန်းစုကြည် အပါအဝင် ကာလကြာရှည်စွာ ဖမ်းဆီး ထိန်းသိမ်းခံထားရသော နိုင်ငံရေး အကျဉ်းသားများကို လွှတ်ပေးခြင်း၊ ဒေါ်အောင်ဆန်းစုကြည် အနေဖြင့် လွှတ်တော် ကိုယ်စားလှယ်အဖြစ် ရွေးကောက် တင်မြှောက်ခံရအောင် လမ်းဖွင့်ပေးခြင်း အပါအဝင် အပြောင်းအလဲများစွာကို ဆောင်ကြဉ်းပေးခဲ့သည်။ လက်ရှိ အနေအထားအထိလည်း ပြောင်းလဲမှုများကို လုပ်ဆောင်လျက် ရှိသလို နောက်ထပ်များစွာသော အပြောင်းအလဲများလည်း ဖြစ်ပေါ်လာမည်ဟု မျှော်လင့်ရသည်။

ပြီးခဲ့သည့် ဧပြီ ၁ ရက်နေ့တွင် ကျင်းပသည့် ကြားဖြတ် ရွေးကောက်ပွဲတွင် ဒေါ်အောင်ဆန်းစုကြည်နှင့် သူမ၏ အမျိုးသား ဒီမိုကရေစီ အဖွဲ့ချုပ်ပါတီ (NLD) တို့ အပြတ်အသတ် အနိုင်ရရှိခဲ့ကြသည်။ ဒေါ်အောင်ဆန်းစုကြည်သည် မြန်မာ ပြည်သူများအတွက် ငြင်း၍ မရနိုင်သော ပြောရေးဆိုခွင့် ရှိသူ တစ်ဦး ဖြစ်သည်ဟူသော အချက်ကို ယင်းကြားဖြတ် ရွေးကောက်ပွဲက သက်သေ ထူလိုက်ခြင်း ဖြစ်သည်။ သို့သော် သူမ၏ အောင်မြင်မှုက လက်ရှိ စစ်ဗိုလ်ချုပ်ကြီးများနှင့် ယခင် စစ်ဗိုလ်ချုပ်ကြီးများ၏ အာဏာကို အပြောင်းအလဲဖြစ်အောင် လုပ်ဆောင်နိုင်ခြင်း မရှိပေ။ NLD သည် ပါလီမန် လွှတ်တော် ကိုယ်စားလှယ် နေရာများတွင် ၇ ရာခိုင်နှုန်းသာ ရရှိခဲ့ခြင်းဖြစ်သည်။ မြန်မာအစိုးရ၏ မီဒီယာဆင်ဆာ တည်းဖြတ်မှုမှာလည်း ကမ္ဘာပေါ်တွင် အဆိုးဆုံး ၁၀ နိုင်ငံအဆင့်၌ ပါဝင်နေဆဲဖြစ်ကြောင်း သတင်းစာဆရာများ ကာကွယ်ရေး ကော်မတီ၏ အစီရင်ခံစာအရ သိရသည်။ ရာနှင့် ချီသော နိုင်ငံရေးအကျဉ်းသားများလည်း ဖမ်းဆီး ထိန်းသိမ်းခံထားရဆဲပင် ဖြစ်၏။ ယခု စစ်ကိုင်းတိုင်း၊ ဆားလင်းကြီးမှ လယ်သမားများကိစ္စကို ကြည့်မည်ဆိုလျှင်လည်း တရားဥပဒေနှင့် လွတ်လပ်သော တရားစီရင်ရေးစနစ် မြန်မာနိုင်ငံတွင် မရှိသေးသည်မှာ ထင်ရှားလွန်းလှသည်။

ဤသို့သော အချိန်တွင် ပိတ်ဆို့အရေးယူမှုများကို ဘယ်လောက် အတိုင်းအတာအထိ လျင်မြန်စွာ ဖယ်ရှားပေးမည်နည်း ဟူသောမေးခွန်းကို ဖြေရန် လွန်စွာ ဘေးကျပ်နံကျပ် ဖြစ်နေပေလိမ့်မည်။ ပိတ်ဆို့မှုများကို တအိအိနှင့် ဖယ်ရှားနေမည်ဆိုပါက ဒီမိုကရေစီအသွင် ကူးပြောင်းရေးဖြစ်စဉ်တွင် မြန်မာ စစ်ဗိုလ်ချုပ်ကြီးများ အကျိုးအမြတ် ဖြစ်ထွန်းမည် မဟုတ်ပေ။ ခပ်မြန်မြန် ဖယ်ရှားမည်ဆိုလျှင်လည်း အခြားသော နိုင်ငံများအနေဖြင့် ဒီမိုကရေစီ အသွင် ကူးပြောင်းရေးဖြစ်စဉ်ကို မြှင့်တင်ပေးရာတွင် သြဇာလွှမ်းမိုးမှု လျော့ကျရပေလိမ့်မည်။ ဥရောပမသဂ္ဂကမူ ပိတ်ဆို့မှုများကို ဖယ်ရှားရေးထက် ဆိုင်းငံ့မှုမျှသာ ပြုလုပ်ပေးရန် ဆုံးဖြတ်ခဲ့သည်။ ချိန်ခွင်လျှာမျှရန် လိုအပ်သောကြောင့် ယင်းသို့ ဆုံးဖြတ်လိုက်ခြင်း ဖြစ်ဟန်ရှိသည်။ သို့သော် မြန်မာ့ ပြုပြင်ပြောင်းလဲမှုမှာ ဥရောပကုမ္ပဏီများ မြန်မာ့ စီးပွားရေး ကွင်းပြင်ပေါ်၌ တစ်ကြိမ်တစ်ခါခြေချလိုက်သည်နှင့် နောက်ကြောင်း ပြန်လှည့်နိုင်သည့် အနေအထားမျိုး ဖြစ်လာဖွယ်ရှိသည် ဟူသောအချက်ကို သဘောပေါက်သင့်ပါသည်။

ရွှေလို တန်ဖိုးကြီးနေသည့် မြန်မာနိုင်ငံမှ သဘာဝရင်းမြစ်များနှင့် သယံဇာတများ ရယူလိုသော ဖွံဖြိုးပြီးနိုင်ငံများက လွှတ်တော်၌ NLD ၇ ရာခိုင်နှုန်း မျှသော နေရာရရှိသည့် ကိစ္စကို ရလဒ်ကောင်းတစ်ခုအဖြစ် ထင်မှတ် ပြောဆိုနေကြသည်မှာ လေးလေးနက်နက် စဉ်းစားကြည့်စရာ ကောင်းသည်။ တကယ်ဆိုလျှင် မြန်မာပြည်သူများသာ အဆိုပါ သယံဇာတများနှင့် ပိုမို ထိုက်တန်သည်ဟု ဆိုချင်သည်။

*****************************

မြန်မာ့ပြုပြင်ပြောင်းလဲမှုများ ကြွေးမြီကိစ္စအတွက် အပြုသဘောဆောင်

(FT မှ 30 April 2012 ရက်စွဲပါ Myanmar’s reforms hailed as credit positives ကို ဘာသာ ပြန်ဆိုသည်)

မြန်မာနိုင်ငံအပေါ် သတ်မှတ်ပြဋ္ဌာန်းထားသည့် ပိတ်ဆို့အရေးယူမှု အများစုကို ဆိုင်းငံ့ရန် ဥရောပသမဂ္ဂ(အီးယူ)၏ ဆုံးဖြတ်ချက်၊ ဂျပန်နိုင်ငံက ရရန်ရှိသည့်ကြွေးမြီများ လျှော်ပေးပြီး အကူအညီ အထောက်အပံ့များ အပြည့်အဝ ပြန်ပေးမည်ဟူသော ကြေညာချက် အစရှိသည်တို့က မြန်မာနိုင်ငံ၏ စီးပွားရေး တိုးတက်မှုကို မြင့်တက်စေမည်ဖြစ်ကြောင်း စီးပွားရေးအဆင့်အတန်း သတ်မှတ်ရေးအေဂျင်စီ Moody က သုံးသပ်ချက် ထုတ်ပြန်သည်။

သို့သော် ကြွေးမြီ ပြန်ဆပ်နိုင်မည်ဟု ယုံကြည်စိတ်ချရသည့် အဆင့်မျိုးရောက်ရှိရန် မြန်မာအနေဖြင့် စီးပွားရေး ဖြေလျှော့ပေးမှုများနှင့် လွတ်လပ်ခွင့် ပေးမှုများ ပြုလုပ်ရန် ဆိုးဆိုးရွားရွား လိုအပ်လျက်ရှိကြောင်း Moddy က ထောက်ပြပြောဆိုပြီး မြန်မာ့ဘဏ္ဍာရေးစနစ်ကို “ယိုင်နဲ့နေသည့် ဖွံ့ဖြိုးဆဲ ဘဏ္ဍာရေးစနစ်” ဟု သတ်မှတ်ဖော်ပြသည်။

မေလ ၁ ရက်နေ့တွင် Moody ကထုတ်ပြန်သော ကြွေးမြီအဆင့်အတန်းသတ်မှတ်ချက်တွင် “မြန်မာနိုင်ငံ အနေဖြင့် ကာလကြာရှည်စွာ စီးပွားရေး ပိတ်ဆို့မှုများနှင့် ရင်ဆိုင်ခဲ့ရပြီး ၁၉၈၀ ပြည့်နှစ်နှောင်းပိုင်းက ပေးရန် ရှိသောကြွေးမြီများကို ဆိုင်းငံ့ထားမှုကြောင့် ကြွေးမြီအဆင့်သတ်မှတ်၍ မရနိုင်ကြောင်း” ဖော်ပြထားသည်။

သို့သော် မြန်မာနိုင်ငံသည် ပြုပြင်ပြောင်းလဲမှုများကို ဆက်လက် လုပ်ဆောင်လာခြင်း၊ နိုင်ငံတကာ အသိုင်းအဝိုင်းနှင့် ဆက်ဆံရေး တိုးချဲ့လာခြင်း၊ ပိတ်ဆို့အရေးယူမှုများ လျော့နည်းလာခြင်း၊ ကြွေးမြီလျှော်ပေးမှုတို့ ရရှိလာခြင်း အစရှိသည်တို့ကြောင့် စီးပွားရေးတိုးတက်မှုဆိုင်ရာ အခွင့်အလမ်းများ ပိုမို ရရှိလာမည်ဖြစ်ကာ ဒေသတွင်း နိုင်ငံများနှင့် စီးပွားရေး၊ ဘဏ္ဍာရေး နှင့် သံတမန်ရေးရာ ပူးပေါင်း ဆောင်ရွက်မှုများလည်း အားကောင်း လာမည် ဖြစ်ကြောင်း မှတ်ချက်ပေးထားသည်။

အနောက်နိုင်ငံများက စီးပွားရေးပိတ်ဆို့မှုများ လျှော့ချလာခြင်းကြောင့် မြန်မာနိုင်ငံတွင်း နိုင်ငံခြား ရင်းနှီးမြှုပ်နှံမှုများနှင့် နိုင်ငံစုံပါဝင်သည့် ဘဏ္ဍာရေးအသင်းအဖွဲ့များနှင့် ပြန်လည် ချိတ်ဆက်လုပ်ကိုင်ခွင့်များ ရရှိလာမည် ဖြစ်ကြောင်း Moody က ဆိုသည်။ သို့သော် စီးပွားရေးတံခါး ဖွင့်ပေးမှုနှင့် လွတ်လပ်စွာ လုပ်ကိုင်ဆောင်ရွက်ခွင့် မပြုသေးသရွေ့ မြန်မာနိုင်ငံ၏ စီးပွားရေး တိုးတက်မှုမှာ ရေရှည် တည်တံ့နိုင်မည် မဟုတ်ကြောင်း သတိပေးပြောဆိုသည်။

မြန်မာ့စီးပွားရေးမှာ ယနေ့အချိန်အထိ နိမ့်ကျနေဆဲ ဖြစ်သည်။ ပြီးခဲ့သည့် ၂၀၁၁ ခုနှစ်အတွင်း တစ်ဦးချင်းဂျီဒီပီမှာ ၈၃၂ ဒေါ်လာရှိသည်။ ဆယ်စုနှစ်များစွာ အထီးကျန်နိုင်ငံအဖြစ် ရပ်တည်ခဲ့ရခြင်း၊ ကုန်သွယ်ရေးနှင့် အခြား စီးပွားရေး လုပ်ငန်းများကို နိုင်ငံတကာအသိုင်းအဝိုင်းနှင့် လုပ်ကိုင်ခွင့် မရရှိခဲ့ခြင်း အစရှိသည်တို့ကြောင့် စီးပွားရေး နိမ့်ကျနေခြင်း ဖြစ်သည်ဟု ဆိုသည်။

Moody ၏ မှတ်ချက်အရ မြန်မာနိုင်ငံတွင် အခြေခံအဆောက်အဦများနှင့် ဘဏ်လုပ်ငန်းများ၏ အရည်အသွေး ညံ့ဖျင်းခြင်း တရားဥပဒေများ အားနည်းချက်ရှိခြင်းနှင့် ငွေကြေးဖောင်းပွမှုနှုန်းထားများ ကာလကြာရှည်စွာ မြင့်မားခဲ့ခြင်းတို့ကြောင့် ကုန်ထုတ်လုပ်မှုစွမ်းအားများ ကန့်သတ်ချက် ရှိခဲ့ခြင်း ဖြစ်သည်။ “အစိုးရ၏ အခွန်စနစ်မှာလည်း အဂတိလိုက်စားမှုများ၊ မှောင်ခိုဈေးကွက်များ အစရှိသည်တို့ကြောင့် ကောင်းမွန်စွာ လည်ပတ်နိုင်ခြင်းမရှိ” ဟု မှတ်ချက်ပေးသည်။

မြန်မာနိုင်ငံအနေဖြင့် နိုင်ငံခြားရင်းနှီးမြှုပ်နှံမှုများကို ဆွဲဆောင်ရန်မဖြစ်မနေ လိုအပ်လျက်ရှိသလို ကြွေးပြန်ဆပ်နိုင်မည်ဟု ယုံကြည်စိတ်ချရသည့် အဆင့် သတ်မှတ်ခံရရေး အတွက် စီးပွားရေး အခွင့်အလမ်းများကို ဖော်ဆောင်ရန် လိုအပ်ကြောင်း Moody က ဆိုသည်။

*******************************


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle 2011- (1)
yangonchronicle 2011- (1)

၇.၅.၂ဝ၁၂

ဘာသာပြန်သတင်းများ အပိုင်း(၁)

  1. ဒေါ်အောင်ဆန်းစုကြည်က အကျိုးရှိမည့် အကူအညီများ ဆက်တိုက် ရရှိရေး တောင်းဆို

(Gulf News မှ 7 May 2012 ရက်စွဲပါ Su Kyi calls for ‘sustainable, sound’ fund ကို ဘာသာ ပြန်ဆိုသည်)

  1. မြန်မာနိုင်ငံတွင်းသို့ ရင်းနှီးမြှုပ်နှံမှုများ အလွန်အကျွံဝင်လာမည်ကို စိုးရိမ်ရ

(IPS မှ 3 May 2012 ရက်စွဲပါ Carey L.Biron ရေးသားသော Over–investment fears loom in Myanmar ကို ဘာသာ ပြန်ဆိုသည်)

  1. မြန်မာ့ နိုင်ငံရေး ခရီးရှည်

(The Telegraph India မှ 7 May 2012 ရက်စွဲပါ Long Journey ကို ဘာသာ ပြန်ဆိုသည်)

*******************************

ဒေါ်အောင်ဆန်းစုကြည်က အကျိုးရှိမည့် အကူအညီများ ဆက်တိုက် ရရှိရေး တောင်းဆို

(Gulf News မှ 7 May 2012 ရက်စွဲပါ Su Kyi calls for ‘sustainable, sound’ fund ကို ဘာသာ ပြန်ဆိုသည်)

မြန်မာနိုင်ငံသည် ဒီမိုကရေစီသို့ အသွင်ကူးပြောင်းရေးကာလကို ဖြတ်သန်းလျက်ရှိရာ အဆက်မပြတ်ဖြစ်ပြီး အကျိုးရှိမည့် အကူအညီများ (sustainable and sound aid) လိုအပ်ကြောင်း မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်က တနင်္ဂနွေနေ့က ပြောကြားခဲ့သည်။

သူမအနေဖြင့် ဗုဒ္ဓဟူးနေ့က လွှတ်တော်သို့ ဝင်ရောက်ခဲ့ရာ နိုင်ငံတကာအသိုင်းအဝိုင်းထံမှ ဘာများ မျှော်လင့်သနည်း မေးမြန်းခဲ့ရာ ဂျာမန်နိုင်ငံ၏ အပတ်စဉ်ထုတ် Welt am Sonntag သို့ ပြောကြားရာတွင် “ခဏပန်း ဝမ်းသာရမယ့် အရာတွေ များများမလိုချင်ပါဘူး။ တိုင်းပြည်အတွက် ရေရှည် ထောက်ပံ့ကူညီမှု ပိုလိုပါတယ်။ ကျွန်မတို့ လိုတာက အဆက်မပြတ် အကျိုးရှိမယ့် အကူအညီပါပဲ” ဟု ဆိုသည်။

ဒေါ်အောင်ဆန်းစုကြည်က ပြောကြားရာတွင် ယခုကာလတွင် စိတ်ကို နှစ်ထားပြီး သတိကြီးစွာထားရကြောင်း၊ အဘယ်ကြောင့်ဆိုသော် အရာ အားလုံး အချိန်ယူရသောကြောင့် ဖြစ်သည်ဟု ဆိုသည်။ လွှတ်တော်တွင် ကျမ်းကျိန်ရန် ငြင်းဆိုခဲ့ပြီးမှ ဆုံးဖြတ်ချက်ပြန်ပြင်ခဲ့သောကိစ္စနှင့် ပတ်သတ်၍ မေးမြန်းရာတွင် ၎င်းက “ဒါဟာ တရားဥပဒေ စိုးမိုးတဲ့ တိုင်းပြည်ကို သွားမယ့်လမ်းပါပဲ” ဟု ဖြေကြားသည်။ “ဆင်းရဲမွဲတွေမှုတိုက်ဖျက်ရေးဟာ ဆက်တိုက် လုပ်ဆောင်နိုင်ပြီး ရလဒ်ကောင်းတွေ ထွက်လာဖို့ ပြည်သူတွေက သူတို့ရဲ့ ရပိုင်ခွင့်တွေကို ကာကွယ်နိုင်မှသာ ဖြစ်မှာပါ” ဟု ၎င်းက ပြောသည်။ လူတစ်ဦးချင်းစီအား ၎င်းတို့၏ လိုအပ်ချက်များ ပြည့်မီရေးသည် နိုင်ငံရေးပြုပြင်ပြောင်းလဲရေးနှင့် အတူတကွလုပ်ဆောင်မှသာ ဖြစ်နိုင်မည်ဟု ၎င်းက ထပ်လောင်း ပြောကြားခဲ့သည်။

*******************************

မြန်မာနိုင်ငံတွင်းသို့ ရင်းနှီးမြှုပ်နှံမှုများ အလွန်အကျွံဝင်လာမည်ကို စိုးရိမ်ရ

(IPS မှ 3 May 2012 ရက်စွဲပါ Carey L.Biron ရေးသားသော Over–investment fears loom in Myanmar ကို ဘာသာ ပြန်ဆိုသည်)

ကမ္ဘာတစ်ဝှမ်းရှိ အစိုးရများသည် မြန်မာနိုင်ငံအပေါ် ချမှတ်ထားသော အရေးယူမှုများကို မည်သို့ဖြေ လျော့ရမည်ကို ဆွေးနွေးလျက် ရှိသည်။ ထို့ကြောင့် မြန်မာနိုင်ငံတွင်းသို့ ရုတ်တရက် နိုင်ငံခြားရင်းနှီးမြှုပ်နှံမှုများ ပုံအော၍ ဝင်လာခြင်းသည် လက်ရှိ ရှုတ်ထွေးသော အသွင်ကူးပြောင်းရေး ကာလကို ထိခိုက်စေမည်လေဟု စိုးရိမ်မှုများ တိုးပွားလာရသည်။

“ရင်းနှီးမြှုပ်နှံမှုတွေကို လိုအပ်တာထက် ပိုပြီး ဝင်လာမှာကိုတွေ့နေရပါတယ်။ တိုင်းပြည်ရဲ့ ရေရှည် အကျိုးစီးပွားအတွက် ရင်းနှီးမြှုပ်နှံမှုကို အရှိန် လျော့ဖို့ အတိုင်းအတာ တစ်ခုအထိ လုပ်ဆောင်ရပါမယ်”ဟု Brookings Institution မှ အရှေ့တောင်အာရှ ကျွမ်းကျင်သူနှင့် စီးပွားရေးပညာရှင် Lex Rieffel က ဝါရှင်တန် Council on foreign Relations တွင် ကြာသပတေးနေ့က ပြောကြားခဲ့သည်။

“ကျွန်တော် အသေအချာ ပြောနိုင်တာ တစ်ခုကတော့၊ အရေးယူမှုတွေကို ဆက်လက်ထားရှိမယ် ဆိုရင်လည်း၊ ရင်းနှီးမြှုပ်နှံမှုတွေက မြန်မာနိုင်ငံကို ဝင်တော့မှာပါပဲ။ ဒါပေမယ့် ပြည်သူတွေအတွက် ရင်းနှီးမြှုပ်နှံမှုတွေဟာ လိုအပ်တာထက် နည်းနေတာကိုတွေ့ရပါတယ်။ အစိုးရဟာ လာသမျှ လူတွေကို လက်ခံတွေ့ဆုံနေပါတယ်။ ဒါပေမယ့် အရေးကြီးတဲ့ ဆုံးဖြတ်ချက် ချရဖို့ ဒါမှမဟုတ် အကောင်အထည်ဖော်ဖို့ အချိန် ချန်ထားပုံ မရပါဘူး” ဟု ၎င်းက ပြောသည်။

ဧပြီလ ၂ ရက်နေ့တွင် အရေးပါသော အဖြစ်အပျက်နှစ်ခုမှ စတင်ပြီး မြန်မာနိုင်ငံတွင် ရင်းနှီးမြှုပ်နှံမှုနှင့် ပတ်သက်သော လုပ်ဆောင်မှုများ ဆက်တိုက် တွေ့လာရသည်။ အရေးပါသော အဖြစ်အပျက် နှစ်ခုအနက် တစ်ခုမှာ ဧပြီလ ၂ ရက်နေ့က ကျင်းပသော ကြားဖြတ်ရွေးကောက်ပွဲ ဖြစ်ပြီး၊ ဒေါ်အောင်ဆန်းစုကြည်နှင့် သူမ၏ အမျိုးသား ဒီမိုကရေစီ အဖွဲ့ချုပ်သည် နေရာ ၄၃ နေရာ အနိုင်ရရှိကာ အင်္ဂါနေ့က လွှတ်တော်သို့ ရောက်ရှိခဲ့ခြင်း ဖြစ်သည်။

အမေရိကန်နှင့် ဗြိတိန်အပါအဝင် အချို့နိုင်ငံကြီးများသည် ကြားဖြတ်ရွေးကောက်ပွဲ ရလဒ်ကို ကြည့်၍ စီးပွားရေးအရ အရေးယူမှုများ ပယ်ဖျက်ရန် စတင်လုပ်ဆောင်လာကြသည်။ ဒုတိယတစ်ခုမှာ မြန်မာအစိုးရသည် ဧပြီလ ၁ ရက်နေ့က လုပ်ဆောင်ရန် အချိန်လွန်နေခဲ့ပြီဖြစ်သော ၎င်း၏ ငွေကြေး ကျပ်နှုန်းကို လွတ်လပ်စွာ ထားရှိပေးခဲ့ခြင်း ဖြစ်သည်။ အစိုးရသည် ဆယ်စုနှစ်ပေါင်းများစွာ တရားဝင်ငွေလဲလှယ်နှုန်းကို အမေရိကန် တစ်ဒေါ်လာလျှင် ခြောက်ကျပ်မှ ရှစ်ကျပ်အတွင်းသာ ထားရှိပြီး၊ မှောင်ခိုဈေးကွက်တွင် ၇၀၀ မှ ၁၄၀၀ ကျပ်အတွင်း ပြေးနေသည်။ ထိုသို့သော ဈေးနှုန်း အမျိုးမျိုး ရှိနေခြင်းသည် စီးပွားရေးကို တရားဝင် ရိုးရိုးသားသား ပြုလုပ်ရန် ကြီးစွာသော အတားအဆီး အခက်အခဲတစ်ခု ဖြစ်သည်။

“ငွေကြေးကိစ္စအတွက် ဆုံးဖြတ်ချက်သည် ကြားဖြတ်ရွေးကောက်ပွဲထက် ပို၍ အရေးကြီးသော ခြေလှမ်း တစ်ရပ် ဖြစ်သည်။ မြန်မာနိုင်ငံက သာမန်ပြည်သူတွေ အပေါ် သက်ရောက်မှု အလားအလာကောင်းများ ပိုရှိသောကြောင့် ဖြစ်ပါတယ်”ဟု Rieffel က ပြောသည်။

မြန်မာနိုင်ငံတွင် အရေးကြီးသော ပြုပြင်ပြောင်းလဲမှုများ လုပ်ဆောင်ခဲ့မှုကြောင့် ရွေးကောက်ပွဲမတိုင်မီကပင် နိုင်ငံခြား စီးပွားရေး ကိုယ်စားလှယ်များသည် မြန်မာနိုင်ငံသို့ ဝင်ရောက်လာခဲ့ကြပြီ ဖြစ်သည်။ သတင်းများအရ ရင်းနှီးမြှုပ်နှံမှုပြုလုပ်ရန် လာရောက်ကြသူများကြောင့် မြန်မာနိုင်ငံတွင် လေယာဉ်ခရီးစဉ်များ ဟော်တယ်အခန်းများ ပုံမှန်မဟုတ်ပဲ ပြည့်နေသည်ဟု ဆိုသည်။

ပြိုင်ဆိုင်မှုမှာ အရှိန်မြင့်လာပြီ ဖြစ်သည်။ ပြီးခဲ့သော အပတ်က အမေရိကန် စီးပွားရေးအဝိုင်းက သမ္မတ Barack Obama ထံသို့ ပို့သောစာအရ “အမေရိကန် ကုမ္ပဏီများသည် စတင်ကတည်းက အသာစီးမရကြောင်း၊ ဥရောပနှင့် အာရှမှစီးပွားရေး လုပ်ငန်း အမျိုးမျိုးသည် ပြီးခဲ့သည့် လများအတွင်း ၎င်းတို့၏ ဆက်ဆံခြေလှမ်းများ ခိုင်ခိုင်မာမာ လှမ်းထားပြီ ဖြစ်ပါသည်” ဟု သိရှိရပါသည်။

အဆိုပါစာအား အမေရိကန် ကုန်သည်ကြီးများအသင်း၊ အမေရိကန် အာဆီယံ စီးပွားရေး ကောင်စီနှင့် အခြားသူများက လက်မှတ် ရေးထိုးထားပြီး၊ ငွေကြေးဆိုင်ရာ ဝန်ဆောင်မှုနှင့် ငွေစာရင်း လွှဲပြောင်းခြင်းဆိုင်ရာ အရေးယူမှုများကို ရင်းနှီးမြှုပ်နှံမှု ပိတ်ပင်ထားခြင်းအား ဖြေလျော့ခြင်းနှင့် ဆက်စပ်၍ ရုတ်သိမ်းပေးရန် တောင်းဆိုထားသည်။

အရေးယူမှုများနှင့် ဆိုင်သော ကိစ္စမှာ မြန်မာနိုင်ငံကို စောင့်ကြည့်နေသူများ ကြားတွင် သဘောထား မတူညီမှုများ ဖြစ်နေသည်မှာ ကြာပြီဖြစ်ပြီး၊ နိုင်ငံတကာ၏ အရေးယူမှုများ၏ သက်ရောက်မှုများအပေါ် ယနေ့ထိ စကားအခြေအတင် ပြောနေကြဆဲ ဖြစ်သည်။ အများစုက ငွေကြေးဆိုင်ရာနှင့် အခြား ကန့်သတ်ထားမှုများကို ပြန်လည် ဆွေးနွေးသုံးသပ်ရန် သဘောတူကြရာမှ ယခုအခါ အရေးယူမှုများကို ရုတ်သိမ်းပေးသင့်ကြောင်း ပြောင်း၍ ပြောဆိုလာကြသည်။

“စီးပွားရေး အသိုင်းအဝိုင်းရဲ့ ချဉ်းကပ်မှုကို ကျွန်တော်တို့ သဘောမတူပါဘူး”ဟု U.S Campaign for Burma မှ Jennifer Quigley က IPS သို့ ပြောသည်။ “သူတို့က အားလုံး မြန်မာနိုင်ငံကို သွားနေကြတော့၊ သူတို့လဲ မကျန်ခဲ့ချင်ဘူး ဆိုတဲ့ အကြောင်းပြချက်နဲ့၊ အရေးယူမှုတွေမရှိပဲနဲ့ ကဏ္ဍ အားလုံးမှာ သူတို့ကို ခွင့်ပြုစေလိုတယ်လို့ သူတို့က ထင်နေကြပါတယ်။ ဒါပေမယ့် အမေရိကန် ကုမ္ပဏီတွေ မြန်မာနိုင်ငံသွားဖို့ စောပါသေးတယ်” ဟု ၎င်းက ပြောသည်။

စီးပွားရေးအရ တစ်စတစ်စ ပျက်ယွင်းလာသော မြန်မာနိုင်ငံတွင် နိုင်ငံတကာ ရင်းနှီးမြှုပ်နှံသူများ စ၍ တန်းစီနေရာ စည်းမျဉ်းစည်းကမ်းများ လုံးဝ မရှိခြင်းမှာ ခြောက်လှန့်မှုတစ်ခု ဖြစ်သည်။ အမေရိကန်နှင့် အခြား အဓိကနိုင်ငံကြီးများ အနေဖြင့် မြန်မာပြည်သူများအပေါ် အပေါင်းလက္ခဏာ ဆောင်သော သက်ရောက်မှုများ ပေးမည့် ရင်းနှီးမြှုပ်နှံမှုများ မည်သို့ ပြုလုပ်မည် ဆိုသည်ကိုမူ ချမှတ်နိုင်ရန် U.S Campaign for Burma နှင့် အခြား သူများက လက်ရှိ တွန်းအားပေးလျက် ရှိသည်။

ထိုအထဲတွင် အရေးကြီးသော ကိစ္စတစ်ခုမှာ ဒေသခံပြည်သူများ အတိအကျ ဆိုရလျှင် မိမိတို့အား နှိပ်ထားသည်ဟု ကာလ ရှည်ကြာကပင် ခံစားနေရသော တိုင်းရ)