Transparency Myanmar

transparency.myanmar@gmail.com

VOA News,15 Jan 2010

မြန်မာ့အတိုက်အခံခေါင်းဆောင် ဒေါ်အောင်ဆန်းစုကြည်သည် အစိုးရ ဆက်ဆံရေးဝန်ကြီးနှင့် တွေ့ဆုံခဲ့ကြောင်းသိရသည်။

          အထိမ်းသိမ်းခံ ဒီမိုကရေစီ ခေါင်းဆောင်နှင့် ဆက်ဆံရေးဝန်ကြီး ဦးအောင်ကြည်တို့သည် သောကြာနေ့က ရန်ကုန်မြို့တွင် မိနစ် ၂၀ ခန့် တွေ့ဆုံဆွေးနွေးခဲ့သည်ဟု သက်ဆိုင်ရာက ပြောကြား ပါသည်။

          ဒေါ်အောင်ဆန်းစုကြည်အား သူမ၏ NLD ပါတီမှ ဝါရင့်ထိပ်ပိုင်း အဖွဲ့ဝင်များနှင့် တွေ့ဆုံခွင့်ပြု မည့်သတင်းကို အသိပေးရန်အတွက် ဆက်ဆံရေးဝန်ကြီးက သူမကို ဒီဇင်ဘာ ၉ ရက်နေ့က နောက် ဆုံးတွေ့ဆုံခဲ့ပြီး တပတ်ခန့်အကြာတွင် ဒေါ်အောင်ဆန်းစုကြည်နှင့်ပါတီဝင်များ တွေ့ဆုံခဲ့ပါသည်။

          အမျိုးသားဒီမိုကရေစီအဖွဲ့ချုပ် NLD သည် ၁၉၉၀ ခုနှစ်က နောက်ဆုံးကျင်းပခဲ့သော ရွေး ကောက်ပွဲတွင် အပြတ်အသတ် အောင်ပွဲခံခဲ့သော်လည်း အဆိုပါရလဒ်များကို အသိအမှတ်ပြုရန် စစ် ဖက်အစိုးရက ငြင်းဆန်ခဲ့ပါသည်။

          ၁၉၆၂ ကပင် မြန်မာနိုင်ငံကို အုပ်ချုပ်ခဲ့သော စစ်ဖက်အစိုးရက ရက်အတိအကျ မသတ်မှတ်ရ သေးသော ရွေးကောက်ပွဲများကို ယခုနှစ်အတွင်း ကျင်းပပေးရန် စီစဉ်ထားပါသည်။ အဆိုပါ ရွေး ကောက်ပွဲများတွင် ပါဝင်ယှဉ်ပြိုင်ခြင်း ပြု/မပြုကို NLD က ယခုတိုင်မကြေညာရသေးပါ။

          ရွေးကောက်ပွဲတွင် အတိုက်အခံ ပါတီများနှင့် တိုင်းရင်းသား လူမျိုးစုအဖွဲ့များကို ပါဝင်ခွင့်ပြုရန် နိုင်ငံတကာ အသိုင်းအဝိုင်းက မြန်မာအစိုးရအား တိုက်တွန်းထားပါသည်။

          ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွန်ခဲ့သည့် နှစ် ၂၀ အတွင်း ၁၄နှစ်ခန့် အစိုးရက ဖမ်းဆီး ထိန်းသိမ်းထားခဲ့ပြီး အစိုးရကို ဝေဖန်သူ၊ သဘောထားကွဲလွဲသူ နိုင်ငံရေးသမားများ၊ စာနယ်ဇင်းသတင်းထောက်များ၊ နိုင်ငံရေးနှင့် လူ့အခွင့်အရေး လှုပ်ရှားသူပေါင်း များစွာကိုလည်း ထောင်သွင်း အကျဉ်းချ ထားခဲ့ပါသည်။

          ထိုင်းနိုင်ငံရှိ မြန်မာရွှေ့ပြောင်း အလုပ်သမား ၆၀၀၀၀ နီးပါး၏ ရွှေ့ပြောင်း မှတ်ပုံတင် ကဒ်များမှာ ဇန်နဝါရီ(၂၀)တွင် သက်တမ်း ကုန်ဆုံးမည်ဖြစ်၍ လာမည့်ရက် အနည်းငယ်အတွင်း Work Permits မရရှိခဲ့လျှင် (သို့မဟုတ်) ၎င်းတို့အား နေထိုင်ခွင့်ပြုရန် ထိုင်းအစိုးရ၏ မူဝါဒ အလျင်အမြန် ပြောင်းလဲသွားခဲ့လျှင် ထိုင်းနိုင်ငံမှ ထွက်ခွာကြရလိမ့်မည်ဟု ထိုင်းနိုင်ငံတွင်းရှိ လူ့အခွင့်အရေး အဖွဲ့များ အဆိုအရ သိရ ပါသည်။

          ဇန်နဝါရီ ၂၀ တွင် မှတ်ပုံတင် သက်တမ်းကုန်ဆုံးမည့် ရွှေ့ပြောင်း အလုပ်သမား ၅၉၂၂၈ ယောက်သည် တရားဝင် အသိအမှတ်ပြု ခံရရန်အတွက် လျှောက်ထားခွင့် မရှိတော့ပါ။ အကယ်၍ ထိုင်းအစိုးရကသာ ၎င်းတို့၏ မှတ်ပုံတင် ကဒ်များကို နောက်တစ်နှစ် သက်တမ်းတိုး မပေးပါက နိုင်ငံတွင်းမှ ထွက်ခွာရဖွယ် ရှိသည်ဟု ဘန်ကောက်အခြေစိုက် Migrant Justice Programme မှ ညွှန်ကြားရေးမှူး Andy Hall က ပြောကြားပါသည်။

          အကယ်၍ ထိုင်းအစိုးရက မောင်းထုတ်ခဲ့လျှင်လည်း ပိုက်ဆံလိုနေသူတို့မှာ တရားမဝင် ပြန်ဝင် လာမည်သာ ဖြစ်သည်။ ၎င်းတို့အတွက် ပြေလည်နိုင်မည့် နည်းလမ်းကို အစိုးရက ရှာဖွေသင့်ပါသည်။ တရားမဝင် ဥပဒေမဲ့ အတင်းအကျပ် ခိုင်းစေခြင်း ခံရပါက ၎င်းတို့အတွက် အန္တရာယ် ကြီးမားလှသည် ဟု Andy Hall က ပြောကြားပါသည်။

          ရွှေ့ပြောင်း နေထိုင်သူ ၅၉၂၂၈ ဦးကို နှင်ထုတ်ခဲ့ပါက မည်သို့ ဖြစ်လာနိုင်သည်ကို အလေး အနက် စဉ်းစားပေးရန် ထိုင်းဝန်ကြီးချုပ် အဘီဆစ်ဗဲ့ဂျာဂျီဗားထံ တောင်းဆိုမည်ဟု MPT က ဆိုပါသည်။

          ၂၀၁၀ ဖေဖော်ဝါရီ ၂၈ အတွင်း တရားဝင် အသိအမှတ်ပြု ကဒ်ပြား မပြုလုပ်ရသေးသူများ နိုင်ငံတွင်းမှ ထွက်ခွာရမည်ဟု ထိုင်းအစိုးရက ၂၀၀၈ ဒီဇင်ဘာတွင် ကြေညာခဲ့ပါသည်။

          MPT နှင့် အခြား လူ့အခွင့်အရေး အဖွဲ့များက ပြောကြားရာတွင် ထိုင်းအစိုးရသည် မကြာမီ ကက်ဘိနက် အစည်းအဝေး ကျင်းပမည်ဖြစ်၍ ရွှေ့ပြောင်း နေထိုင်သူများသည် ၎င်းတို့၏ အလုပ် လုပ်ခွင့်ပါမစ် တရားဝင် သက်တမ်းတိုးရန် ကက်ဘိနက် ဆုံးဖြတ်ချက်ကို စောင့်ဆိုင်းရမည်ဟု ဆိုပါသည်။

          ရွှေ့ပြောင်း အလုပ်သမားများ တရားဝင် အသိအမှတ်ပြုရေး လုပ်ငန်းစဉ်ကို နောက်ထပ် ၂ နှစ် ခွင့်ပြုရန် ထိုင်းအစိုးရအား လူ့အခွင့်အရေး အဖွဲ့များက တိုက်တွန်းထားပါသည်။ လက်ရှိ ထိုင်းနိုင်ငံထဲတွင် အလုပ်လုပ်ခွင့်ပါမစ် ရရှိထားသော ရွှေ့ပြောင်းအလုပ်သမား ၁၂၀၀၀ ခန့်သာ ရှိပါသည်။

          ထိုင်းနိုင်ငံထဲတွင် တရားမဝင် မြန်မာရွှေ့ပြောင်း အလုပ်သမား ၂ သန်းမှ ၃ သန်းခန့် အထိရှိ သည်ဟု ခန့်မှန်းထားသည့် အနက်မှ ၁၃၁၀၆၈၆ ဦးခန့်သာ ရွှေ့ပြောင်း အလုပ်သမားအဖြစ် မှတ်ပုံတင် ထားပါသည်။

          ရွှေ့ပြောင်း အလုပ်သမား အများစုမှာ မွန်၊ ကရင်၊ ရှမ်းစသော တိုင်းရင်းသားများဖြစ်၍ မြန်မာစစ်တပ်၏ ဖိနှိပ်မှုများ၊ လူ့အခွင့်အရေး ချိုးဖောက်မှု များကြောင့် ထွက်ပြေး ရောက်ရှိ နေကြခြင်း ဖြစ်သည်။

          အဆိုပါ ရွှေ့ပြောင်း အလုပ်သမားများသည် မြန်မာနိုင်ငံသားအဖြစ် အထောက်အထားပြရန် အတွက် ကိုယ်ရေးရာဇဝင် အချက်အလက် အသေးစိတ်ကို မြန်မာအစိုးရထံ တင်ပြရပါသည်။ ယင်းကဲ့သို့ မြန်မာနိုင်ငံသားဖြစ်ကြောင်း အသိအမှတ်ပြု လုပ်ငန်းစဉ်အတွက် မြန်မာအစိုးရရုံးသို့ သွားရောက် ဆောင်ရွက်ပါက ၎င်းတို့၏ လုံခြုံမှုနှင့် မြန်မာနိုင်ငံတွင်းရှိ ၎င်းတို့၏ မိသားစုဝင်များ သွယ်ဝိုက်၍ ဒုက္ခရောက်နိုင်သဖြင့် အများစုမှာ စိုးရိမ်ပူပန်လျက်ရှိကြပါသည်။

          အဆိုပါ ရွှေ့ပြောင်းအလုပ်သမားများ အသိအမှတ်ပြုရေး လုပ်ငန်းစဉ်နှင့် အကျိုးရလဒ်များကို အလုပ်သမားများနှင့် အလုပ်ရှင်များပါ သိရှိသဘောပေါက်မှု အလွန်နည်းသည်ဟု လူ့အခွင့်အရေးအဖွဲ့ များကပြောကြားပါသည်။

          မြန်မာ့ရွှေ့ပြောင်း အလုပ်သမားများ မှတ်ပုံတင်ရေးကို တိုက်တွန်း အားပေးရန် ရည်ရွယ်၍ ထိုင်းနိုင်ငံတွင်းရှိ မြန်မာနိုင်ငံသားများ အသိအမှတ်ပြု လုပ်ငန်းဆောင်ရွက်ရန် တာဝန်ရှိ ပုဂ္ဂိုလ်များစေ လွှတ်ပေးရေးကို မြန်မာအစိုးရထံ လူ့အခွင့်အရေးအဖွဲ့များက တောင်းဆိုထားပါသည်။

          ထိုသို့ မြန်မာနိုင်ငံသားအဖြစ် အသိအမှတ်ပြုရေးလုပ်ငန်းစဉ်နှင့် ပတ်သက်၍ သတင်းအချက်အလက်နှင့် သဘောပေါက်နားလည်မှု အားနည်းသောကြောင့် ရွှေ့ပြောင်း အလုပ်သမား အများစုမှာ မှတ်ပုံတင်ရန် မကြိုးစားပဲ ဝေးဝေးရှောင်ကြသည် ဟုလည်း သိရပါသည်။

          ကမ္ဘောဒီယားနှင့် လာအိုအစိုးရများသည် အလားတူ လုပ်ငန်းစဉ်မျိုးကို ပြီးစီးအောင် ဆောင်ရွက်ရန်အတွက် အစိုးရ တာဝန်ရှိပုဂ္ဂိုလ်များကို ထိုင်းနိုင်ငံသို့ ယခင်နှစ်များကပင် စေလွှတ်ခဲ့ပါသည်။ သို့သော်လည်း မြန်မာအစိုးရက တောင်းဆိုမှုများကို ငြင်းဆန်ခဲ့ပြီး ရွှေ့ပြောင်း အလုပ်သမားများ အားလုံးကို နိုင်ငံသား အသိအမှတ်ပြု လုပ်ငန်းအတွက် မြဝတီ၊ တာချီလိတ်နှင့် ကော့သောင်းစသော နယ်စပ် စစ်ဆေးရေးဂိတ် ၃ ခုသို့ လာရောက် ဆောင်ရွက်ရန်ကိုသာ လိုလားနေသည်ဟု သိရှိရပါသည်။

Reuters,15 Jan 2010        

မြန်မာနိုင်ငံ၏ အဓိက အတိုက်အခံပါတီသည် ၎င်း၏ အသက်ကြီး ခေါင်းဆောင်ပိုင်းကို လူငယ်အချို့ဖြင့် အားဖြည့် ထည့်သွင်းခဲ့သည် ဆိုသော်လည်း အသစ် ဝင်ရောက်လာသူများမှာ အသက် ၆၀ တန်းများဖြစ်၍ ကျန်းမာရေးမကောင်းသော အသက် ၉၂ နှစ်အရွယ် ဥက္ကဋ္ဌက ထိပ်ပိုင်းတာဝန်များ ကို ထိန်းသိမ်းထားဆဲ ဖြစ်ပါသည်။

          အထိမ်းသိမ်းခံ နိုဗယ်ဆုရှင် ဒေါ်အောင်ဆန်းစုကြည်၏ အမျိုးသားဒီမိုကရေစီ အဖွဲ့ချုပ် NLD ပါတီက ပြောကြားရာတွင် ဗဟိုအလုပ်အမှုဆောင် ကော်မတီသို့ သက်လတ်ပိုင်းအရွယ် ကော်မတီဝင် သစ် ၉ ဦး ထပ်မံ ပါဝင်လာမည်ဖြစ်ပြီး ယခင်ကော်မတီဝင် ၁၁ ဦးမှာ ပျှမ်းမျှအသက် ၈၂ နှစ်ခန့်ရှိကြ သည်ဟု ဆိုပါသည်။

          လူငယ်ပါတီဝင်များ၏ ဆန္ဒကို ဖြည့်ဆီးရန်နှင့် ဗဟိုအလုပ်အမှုဆောင် ကော်မတီကို အင်အားဖြည့်တင်းရန် သက်လတ်ပိုင်းအရွယ် ကော်မတီဝင် သစ် ၉ ဦး ထပ်မံ ထည့်သွင်းခဲ့သည်ဟု NLD ဝါရင့် ပါတီဝင် တစ်ဦးဖြစ်သူ ဦးခင်မောင်ဆွေက ရိုက်တာသို့ပြောကြားပါသည်။

          NLD ပါတီ ခေါင်းဆောင်အများစုမှာ အင်အားချည့်နဲ့၍ ကျန်းမာရေး မကောင်းတော့ပါ။ ပါတီဥက္ကဋ္ဌ ဦးအောင်ရွှေသည် ကျန်းမာရေး ချို့ယွင်းနေမှုကြောင့် အိမ်အပြင် မထွက်နိုင်သည်မှာ တစ်နှစ်ကျော်ပြီ ဖြစ်ပါသည်။

          ဆယ်စုနှစ် ၂ စုအတွင်း ပထမဆုံးအကြိမ် ကျင်းပမည့် ရွေးကောက်ပွဲများတွင် NLD ပါဝင်ယှဉ်ပြိုင်ရေးကို အသက်ကြီး ပါတီဝင်အချို့က ဆန့်ကျင်နေပါသည်။ အကြောင်းမှာ ဆယ်စုနှစ် ၅ စုကြာမျှ အုပ်ချုပ်လာခဲ့သော တပ်မတော်ကို အခြေခံဥပဒေက အာဏာပါဝါများ အလွန်အကျွံပေးအပ် ထားသည်ဟု ၎င်းတို့က ယုံကြည်နေသောကြောင့် ဖြစ်ပါသည်။

          ကော်မတီဝင် သစ်များ ယခင်နိုင်ငံရေး အကျဉ်းသားများကြောင့် အချိန်တိုအတွင်း ပါတီမူဝါဒ အပေါ် တစုံတစ်ရာ သက်ရောက်နိုင်ခြေ မရှိနိုင်ဆိုသော အချက်မှာ မဖြစ်နိုင်ဟု ယခင် NLD ထိပ်ပိုင်း တာဝန် ပုဂ္ဂိုလ်က ပြောကြားပါသည်။

          ကျွန်တော်တို့ မျှော်လင့်နိုင်တဲ့ တခုတည်းသော ပြောင်းလဲမှုကတော့ ပျှမ်းမျှ အသက်အရွယ်တန်း ကို လျော့ချခြင်းပါပဲဟု ၎င်းကဆိုပါသည်။ သူတို့ ခေါင်းဆောင်ပိုင်း အတွင်းကို သွေးသစ် လောင်းခဲ့ပေမယ့် ပါတီရဲ့ ဦးနှောက်ပိုင်းကတော့ အရင်လို အုံနေဆဲပါပဲ ဟု ၎င်းက မှတ်ချက် ပေးခဲ့ပါသည်။

မြန်မာနိုင်ငံ၏ ရွေးကောက်ပွဲဆိုင်ရာ ဥပဒေအများစုသည် အသင့်ဖြစ်နေပြီဖြစ်၍ သင့်တော်သော လပိုင်းတွင် ထုတ်ပြန်နိုင်မည် ဖြစ်ကြောင်း မြန်မာ နိုင်ငံခြားရေး ဝန်ကြီးနှင့် တွေ့ဆုံပြီးနောက် ထိုင်းနိုင်ငံခြားရေး ဝန်ကြီးက ပြောကြားသည်။ 

၁၉၉၀ ပြည့်နှစ်နောက်ပိုင်း ပထမဆုံးအကြိမ် ကျင်းပပြုလုပ်မည့် အဆိုပါ ရွေးကောက်ပွဲနှင့် ပတ်သက်၍ ဝေဖန်ပြောဆိုမှုများ အမျိုးမျိုး ထွက်ပေါ်လျက် ရှိသည်။ ယခု တစ်ကြိမ် ရွေးကောက်ပွဲကို ၂၀၁၀ နှောင်းပိုင်း အောက်တိုဘာလလောက်တွင် ကျင်းပပြုလုပ်ဖွယ် ရှိသည်ဟု ခန့်မှန်း ပြောဆိုမှုများလည်း ထွက်ပေါ်လျက် ရှိသည်။ 

မြန်မာ စစ်အစိုးရကမူ ယခုနှစ်တွင်း ရွေးကောက်ပွဲ ကျင်းပပေးမည်ဟု အတည်ပြုပြောဆို ထားသည်။  ရွေးကောက်ပွဲသို့ ဝင်ရောက်ယှဉ်ပြိုင်ကြမည့် ပုဂ္ဂိုလ်အချို့က အစိုးရသည် ရွေးကောက်ပွဲ ကျင်းပမည့် နေ့ရက်အတိအကျနှင့် ရွေးကောက်ပွဲဆိုင်ရာ ဥပဒေများကို အတည်ပြု ထုတ်ပြန် နိုင်ခြင်း မရှိသေးသဖြင့် ရွေးကောက်ပွဲ ဝင်နိုင်ရန် ကြိုတင် ပြင်ဆင်မှုများကိုပင် မလုပ်လိုတော့ဘဲ ပြန်လည် ရုပ်သိမ်းရမည့် သကဲ့သို့ ဖြစ်နေကြောင်း ပြောဆိုသည်။ 

ရွေးကောက်ပွဲနှင့် နိုင်ငံရေးပါတီဆိုင်ရာ ဥပဒေများ နှင့် ပတ်သက်၍ ၆၀ မှ ၇၀ ရာခိုင်နှုန်းအထိ ပြုစုပြီးဖြစ်ကြောင်း မြန်မာနိုင်ငံခြားရေး ဝန်ကြီး ဦးဉာဏ်ဝင်းနှင့် တွေ့ဆုံပြီးနောက် ထိုင်း နိုင်ငံခြားရေး ဝန်ကြီး Kasit Piromya က Reuters သတင်းထောက်အား ပြောကြားသည်။ 

"ဒီဥပဒေဆိုင်ရာ ကိစ္စတွေ ရာနှုန်းပြည့် ပြီးမြောက်ဖို့ နောက် ၂ လကနေ ၃ လအထိ အချိန် ယူရဦးမယ်။ ဒါကြောင့် နှစ်ဝက်ပိုင်းမှာ ရွေးကောက်ပွဲတော့ လုပ်နိုင်မယ်လို့ထင်တယ်" ဟု ထိုင်း နိုင်ငံခြားရေးဝန်ကြီးက ပြောပါသည်။ 

ထင်ရှားသော ဂျပန် အကူအညီ အထောက်အပံ့ပေးရေး အဖွဲ့တစ်ခု၏ အကြီးအကဲနှင့် မြန်မာစစ်အစိုးရ၏ ကိုယ်စားလှယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်း (USDA) အကြီးအကဲတို့ တွေ့ဆုံဆွေးနွေးကြပြီး ပေါက်ကြားခဲ့သော သတင်းများအရ ရွေးကောက်ပွဲကို အောက်တိုဘာလတွင် ကျင်းပမည် ဖြစ်ကြောင်း၊ နေရက်အားဖြင့် ၁၀ နေ့ ဖြစ်နိုင်ကြောင်း သိရှိရပါသည်။ 

၁၀ ရက်၊ ၁၀ လ၊ ၂၀၁၀ နေ့ရက် ဂဏန်းရွေးချယ်ခြင်းသည် စစ်အစိုးရ၏ လုပ်လေ့လုပ်ထ ရှိသော ရွေးချယ် သတ်မှတ်မှုတစ်ရပ် ဖြစ်သည်။ အာဏာရယူပြီး နောက်ပိုင်း အချက်အချာ ကျသည့် ဆုံးဖြတ်ချက် တစ်ခုခုကို ပြုလုပ်တိုင်း ကိန်းဂဏန်းများကို အသေအချာ ရွေးချယ်ကာ လုပ်ဆောင်ခဲ့သည်က များပါသည်။ 

ငွေတန်ဖိုး လျှော့ချရာတွင် လည်းကောင်း၊ ၁၉၉၀ ရွေးကောက်ပွဲ ကျင်းပစဉ်က လည်းကောင်း နေ့ရက် ကိန်းဂဏန်းများကို အလေးအနက်ထားကာ ရွေးချယ်ခဲ့ကြကြောင်း သိရပါသည်။ 

၂၀၀၈ ခုနှစ်၊မေလ နာဂစ်မုန်တိုင်း ကျရောက်ပြီးခါစ ကာလအတွင်း နိုင်ငံလူထု၏ ၉၂ ရာခိုင်နှုန်း ထောက်ခံမှုဖြင့် အတည်ပြုခဲ့သော ဖွဲ့စည်းပုံ အခြေခံဥပဒေ အပေါ် နိုင်ငံတကာက ဝေဖန်မှုများ အမျိုးမျိုး ပေါ်ပေါက်ခဲ့သည်။ အဆိုပါ ဥပဒေသည် စစ်အုပ်ချုပ်ရေးကိုသာ အားကောင်း မောင်းသန်ဖြစ်အောင် ပြုလုပ်ပေးမည်၊ လမ်းခင်းပေးမည် ဟု ပြောဆိုမှုများ ရှိနေသည့်တိုင် ယခု ကျင်းပမည့် ရွေးကောက်ပွဲသည် လွတ်လပ်ပြီး တရားမျှတမည် ဖြစ်ကြောင်း ဦးဉာဏ်ဝင်းက ထိုင်း နိုင်ငံခြားရေး ဝန်ကြီးအား ယုံကြည်အောင် ပြောကြားခဲ့သည်။

နိုင်ငံတကာမှ ပြောဆို ဝေဖန်မှုများအပေါ် အင်ဒိုနီးရှား နိုင်ငံခြားရေး ဝန်ကြီးက အလေးအနက်ထားလျက် ရှိသည်။ သို့သော် ရွေးကောက်ပွဲ ကျင်းပရန် ရက်ကြေညာလိုက်ပါ က အဆိုပါ ဝေဖန်မှုများ ပျက်ပြယ်သွားနိုင်သည်ဟု ၎င်းကဆိုသည်။ 

"ကျွန်တော်တို့ အဖို့ကတော့ အဓိက မှတ်ကျောက် တစ်ခုရှိနေတယ်။ ဒါမှမဟုတ် စွဲလမ်းချက် ရှိနေတယ်လို့လည်း ဆိုချင်တယ်။ ဒါကတော့ ဖြစ်နိုင်ခြေ ရှိ၊မရှိ၊ ဒီမိုကရေစီစနစ် ကျကျ၊ ယုံကြည် စိတ်ချရမှုရှိရှိ နဲ့ ရွေးကောက်ပွဲကို ကျင်းပပေးနိုင်ပါ့မလား ဆိုတာပါပဲ" ဟု ဗီယက်နမ်တွင် ကျင်းပသော အာဆီယံ အစည်းအဝေးတွင် မြန်မာနိုင်ငံခြားရေးဝန်ကြီး ဦးဉာဏ်ဝင်းနှင့် တွေ့ဆုံပြီးနောက် အင်ဒိုနီးရှား နိုင်ငံခြားရေးဝန်ကြီးက ပြောကြားပါသည်။ 

"အဲဒီအခြေအနေတွေ အားလုံး ဖြစ်ပေါ်နေဖို့က သိပ်အရေးကြီးပါတယ်။ အဲဒါတွေ မဖြစ်သေးဘဲနဲ့ ကိုယ်ဖြစ်စေချင်တာကို အတင်း မဖြစ်ဖြစ်အောင် လုပ်နေမယ်ဆိုရင် မကောင်းပါဘူး။ အဲဒီလို အခြေအနေကောင်းတွေ ခင်ဗျားတို့ဆီမှာ မရှိသေးဘူးဆိုတာ ကျွန်တော်တို့သိပါတယ်" ဟူ၍လည်း ၎င်းက ဆက်လက်ပြောဆိုပါသည်။ 

DVB သတင်းဌာနမှ သတင်းကိုဘာသာပြန်ဆိုပါသည်။

 

'ဝ' တပ်မတော်အား မြန်မာ နယ်ခြားစောင့် တပ်ဖွဲ့အဖြစ် ပြောင်းလဲရေး အတွက် မြန်မာ စစ်တပ်မှ ဗိုလ်ချုပ်ကြီး ရဲမြင့်နှင့် နောက်ထပ် တစ်ကြိမ်ပြုလုပ်မည့် ဆွေးနွေးပွဲကို ညီညွတ်သော 'ဝ' နိုင်ငံပါတီ (UWSP) ဥက္ကဋ္ဌ Bao Yu Xiang က ပယ်ဖျက်လိုက်ကြောင်း သတင်းရရှိပါသည်။ 

မြန်မာစစ်တပ်မှ စစ်ရေးချုပ် ဒုတိယဗိုလ်ချုပ်ကြီး ရဲမြင့်က ယခုလ အစောပိုင်းတွင် UWSP မှ ခေါင်းဆောင်နှင့် တွေ့ဆုံဆွေးနွေးမှု ပြုလုပ်ရန် တယ်လီဖုန်းမှ တစ်ဆင့် ဆက်သွယ်တောင်းဆို ခဲ့ကြောင်း UWSP ၏ လက်နက်ကိုင်တပ်ဖွဲ့က မဇ္ဈိမသတင်းဌာနသို့ ပြောကြားပါသည်။ 

"ဒုတိယ ဗိုလ်ချုပ်ကြီးရဲမြင့်က ကျွန်တော်တို့နဲ့ တွေ့ဆုံ ဆွေးနွေးချင်တယ်လို့ ကျွန်တော်တို့အဖွဲ့ကို ဖုန်းဆက် ပြောပါတယ်။ ဘယ်လိုပဲ ဖြစ်ပါစေ ကျွန်တော်တို့ သူနဲ့တွေ့ဆုံပြီး စကားပြောရမှာပါ။ ဒါပေမဲ့ ခက်တာက ကျွန်တော်တို့ရဲ့ ဥက္ကဋ္ဌ က ကျန်းမာရေးအခြေအနေအရ သူနဲ့အချိန်ကြာကြာထိုင်ပြီး စကားပြောနိုင်မှာ မဟုတ်ပါဘူး။ သူ့အနေနဲ့ ခဏတာလေးပဲ စကားပြောနိုင်မှာပါ" ဟု UWSP မှ အမည်မဖော်လိုသူ ဗိုလ်မှူးတစ်ဦးကပြောပြပါသည်။

မိမိတို့အနေဖြင့် မည်သည့်နေ့၊ မည်သည့် အချိန်အခါတွင် စစ်အစိုးရ၏ ကိုယ်စားလှယ်များနှင့် တွေ့ဆုံသည်ဖြစ်စေ အချက် ၉ ချက်ပါသော အဆိုပြုချက်ကိုသာ အဆိုပြု တင်သွင်းမည်သာ ဖြစ်ကြောင်း ၎င်းက ဖြည့်စွက်ပြောဆိုသည်။ အဆိုပါ အဆိုပြုချက်ကို UWSP ကပြီးခဲ့သည့် နှစ် နိုဝင်ဘာလတွင် စစ်အစိုးရထံသို့ ပေးပို့ခဲ့ ပြီးဖြစ်သည်။

ယခု ဇန်နဝါရီလ ၅ ရက်နေ့တွင် ဒုတိယဗိုလ်ချုပ်ကြီးရဲမြင့်က UWSP ဆက်ဆံရေးနှင့် ပြန်ကြားရေး အရာရှိမှ တစ်ဆင့် ပါတီဥက္ကဋ္ဌနှင့် တွေ့ဆုံလိုသည်ဟု ဆက်သွယ် ပြောဆိုခဲ့ကြောင်း၊ သို့သော် ဥက္ကဌက တစ်ဦးချင်း တွေ့ဆုံရန် ဆန္ဒမရှိဟု ပြန်လည်တုံ့ပြန်ခဲ့ကြောင်း Shan Herald Agency ၏ သတင်းအယ်ဒီတာ ဦးစိန်ကြည်က ၏ပြောပြချက်အရသိရှိရပါသည်။ 

"စစ်အစိုးရရဲ့ ကိုယ်စားလှယ်တွေ အနေနဲ့ ပါတီဌာနချုပ်ကို အချိန်မရွေး ဝင်ရောက် နိုင်ပါတယ်လို့ 'ဝ' ပါတီက တုံ့ပြန်လိုက်တယ်။ ဒါပေမဲ့ ပါတီဥက္ကဋ္ဌ ကတော့ နှစ်ယောက်တည်း တွေ့ဆုံဆွေးနွေးမှု မပြုလုပ်လိုတဲ့ အကြောင်း တုံ့ပြန်လိုက်တယ်လို့ သိရပါတယ်။ ဥက္ကဋ္ဌကိုယ်တိုင်က ဘယ်မှ မသွားနိုင်တဲ့အ တွက် သူကိုယ်တိုင် အကြောင်းပြန်လိုက်တာပါ" ဟု ဦးစိန်ကြည်က ပြောပြသည်။ 

စစ်အစိုးရနှင့် UWSP ကိုယ်စားလှယ်များသည် ပြီးခဲ့သည့် နိုဝင်ဘာလက နောက်ဆုံးအကြိမ် တွေ့ဆုံခဲ့ကြသည်။ နယ်ခြားဒေသစောင့် တပ်ဖွဲ့အဖြစ် ပြောင်းလဲရန် နောက်ဆုံးအချိန်အဖြစ် သတ်မှတ်ထားသည့် ကာလမှာလည်း ၂၀၀၉ နှစ်ကုန်တွင် ကုန်ဆုံးသွားပြီဖြစ်ပါသည်။ 

ဦးစိန်ကြည်၏ အဆိုအရ ဥက္ကဋ္ဌ Bao Yu Xing သည် မြန်မာနှင့် တရုတ်နယ်စပ် ဒေသတွင် နေ့စဉ် နံနက်ပိုင်းနှင့် ညနေပိုင်းတို့တွင် Wa State TV မှတစ်ဆင့် မိန့်ခွန်းပြောလေ့ရှိကြောင်း၊ မကြာသေးခင်က ပြောခဲ့သော မိန့်ခွန်းတွင် UWSA အနေဖြင့် မြန်မာစစ်အစိုးရ၏ မည်သို့သော ကျူးကျော် တိုက်ခိုက်မှုများကိုမဆို ပြန်လည်ခုခံ တိုက်ခိုက်ရန် အသင့်အနေအထားတွင် ရှိနေပြီဖြစ်သည်ဟု ထည့်သွင်းခဲ့ကြောင်း သိရှိရပါသည်။ 

မြန်မာစစ်အစိုးရသည် ပြီးခဲ့သည့် ၂၀၀၉ ခုနှစ်၊ ဧပြီလမှစ၍ လက်နက်ကိုင် တပ်ဖွဲ့များ အားလုံးကို နယ်စပ် ဒေသစောင့်တပ်အဖြစ် ပြောင်းလဲဖွဲ့စည်းရန် တောင်းဆိုခဲ့သည်။ 

USWA သည် ဗမာပြည် ကွန်မြူနစ်ပါတီ(CPB)မှ ၁၉၈၉ ခုနှစ်တွင်ခွဲထွက်ခဲ့ပြီး ထိုနှစ်တွင်ပင် စစ်အစိုးရနှင့် အပစ်အခတ် ရပ်စဲရေး သဘောတူညီချက် ရယူနိုင်ခဲ့ပါသည်။ </