Transparency Myanmar

transparency.myanmar@gmail.com

၁၃.၃.၂၀၁၁

ပြည်တွင်းသတင်းများ



  မြဝတီလမ်းကြောင်း ပိတ်ထားသော်လည်း ကုန်ပစ္စည်းများ ဆက်လက်ဝင်ဆဲဖြစ်

မတ်၁၂။


သတင်းဌာနတချို့တွင်   မြန်မာနိုင်ငံသို့ ထိုင်းကုန်စည်များ အဓိက တင်ပို့ရာ လမ်းကြောင်းအား မြန်မာ အာဏာပိုင်များက စီမံချက်ဟူသော အကြောင်းပြချက်ဖြင့်  ပိတ်ဆို့ခဲ့သည် ဟူသော သတင်းများ ထွက်လာသော်လည်း ယခုအချိန်ထိ ကယ်ရီများ ဆင်းနေဆဲဖြစ်ကြောင်း ကော့ကရိတ်မြို့နယ်ဒေသခံတစ်ဦးမှ ဆိုသည်။

“စုံတက်၊ မဆင်းလေ၊ တိုက်ပွဲရှိလည်း အတက်၊ အဆင်း ရှိနေတာပဲ။ အာဏာပိုင်တွေကလည်း စစ်တာကတော့ ပုံမှန် ရှိနေတာပဲလေ။ မြဝတီမြို့က အထွက် ကုန်သွယ်ရေးဂိတ်မှာရယ်၊ မြဝတီကနေ တောင်ပေါ်အတက်မှာရှိတဲ့ အဖွဲ့စုံ ဂိတ်လို့ခေါ်တဲ့ တောင်ကြားဂိတ်မှာရယ်၊ ကော့ကရိတ်မြို့ဝင်ဂိတ်မှာရယ်က စစ်ဆေးရေးက တောင်တက်၊တောင်ဆင်း အမြဲရှိနေကြတာပဲလေ။ဒါပေမယ့် အဆင်းနေ့တိုင်း ပစ္စည်းကတော့ ရောက်နေတာပါပဲ”ဟုဆိုသည်။

မြဝတီနှင့် ကော့ကရိတ်လမ်းပိုင်းကြားရှိ စစ်ဆေးရးဂိတ်များတွင် စစ်ဆေးသောစစ်ဆေးမှုများ မည်သို့ပင် ပြင်း ထန်သည် ဖြစ်စေ၊ ပစ္စည်းအဝင်မှာ ပုံမှန်သာ ရှိပြီး၊ ကယ်ရီကြေးလည်း မတက်သွားကြောင်း၊ သံတောင် အမှတ်တံဆိပ် တပ်ဆင်ထားသော ဟိုင်းလပ်ယာဉ်ဖြင့် ကယ်ရီချနေသူယာဉ်မောင်းတစ်ဦးမှဆိုသည်။

“ပိတ်လည်း တစ်ရက်၊ စစ်ဆေးရေး ဝင်လည်းတစ်ရက်၊ စစ်သားနဲ့ငပွေးကလွဲလို့ဘယ်သူမှ ဒီလမ်းဒီခရီးက ဂိတ်တွေမှာ မနေနိုင်ဘူး။ တောင်ကြားဂိတ်ကလူတွေတောင် ညနေစောင်းရင် မြဝတီပြန်ရတယ်။ကျွန်တော်တို့က ဒီလမ်း ပိတ်လည်း၊ နောက်တစ်လမ်းပဲ။ ဒီပတ်ဝန်းကျင်တစ်ခုလုံး ထမင်းစားနေရတာက ဒီလမ်းမှာ ပစ္စည်းချလို့ပဲ၊ အခုက တံတား ပိတ်ထားတော့ ကုန်အဝင်လည်းနည်းတယ်။ကျွန်တော်တို့လည်း ပစ္စည်းရတာနည်းတယ်။ ဒါပေမယ့် ကယ်ရီကြေးတော့ မတက်ဘူး။ ပစ္စည်း သယ်တဲ့သူလည်း အရင်ကထက်စာရင် စီးပွားရေးကျတယ်။ ကျွန်တော်တို့လည်း သူတို့နည်းတူ စီးပွား ရေးကျတယ်။ တစ်ဦးနဲ့ တစ်ဦးက ကိုင်းကျွန်းမှီ၊ ကျွန်းကိုင်းမှီဆိုတော့ ကယ်ရီဈေးကို အခုအချိန်တက်ဖို့ စိတ်ကူး မရှိ သေးပါဘူး။”ဟု ဆိုသည်။

“မနေ့က လမ်းပိတ်တယ်လို့တော့ ကြားတယ်။ ဒါပေမယ့် ကျွန်တော် ဒီနေ့ဘားအံကိုဆင်းမှာပါ။ပြီးမှ ကယ်ရီ ကား နဲ့ မြဝတီကို ထပ်တက်မယ်။ လမ်းပိတ်လည်း လမ်းကြောင်းတော့ရှိနေတာပဲ။ ကျွန်တော်က တစ်လကို သုံးခေါက်လောက် တော့ ပုံမှန်ဆင်းတယ်”ဟု ရန်ကုန်မြို့ အောင်မင်္ဂလာ အဝေးပြေးဝင်းသို့ ညနေ ၇နာရီထွက်သော ဘားအံကားမှီရန် ပြင် ဆင်နေသည့် ကိုအောင်သူ(အမည်ပြောင်းထား)မှ အထုပ်အပိုးပြင်ဆင်ရင်း ပြောကြားသည်။

 “အဓိကကတော့ ထိုင်းကုန်စည်တွေကို ပိတ်ဆို့နေတာက နိုင်ငံရေးအရပဲဗျ။ ဒီမဲဆောက်မှာရှိတဲ့ မြန်မာ့နိုင်ငံရေး အတိုက်အခံတွေကို ထိုင်းက လက်ခံထားတာကို မြန်မာနိုင်ငံဘက်ကလက်မခံကြောင်းပြချင်လို့ သူတို့တွေရဲ့ ကုန်စည်ကို မြန်မာဘက်က ပိတ်ဆို့နေတာ၊အခုဆို ထားဝယ်ရေနက်ဆိပ်ကမ်း ဆောက်လုပ်ရေး ပရော့ဂျက် ကိုင်ထားတဲ့ အီတာလျံ- ထိုင်း ကုမ္မဏီရဲ့ လုပ်ငန်းတွေကို ခဏနားခိုင်းထားတယ်။ ဒီတော့ဗျာ ထိုင်းမှာကျွန်တော်တို့ ဒီမိုကရေစီရေး လှုပ်ရှားသူတွေ ရှိနေရင် မြန်မာနိုင်ငံမှာ ထိုင်းနိုင်ငံရဲ့ မြန်မာပြည်မှာ ရင်းနှီးမြုပ်နှံထားတဲ့ စီးပွားရေးလုပ်ငန်းတွေ လွတ်လွတ်လပ်လပ် လုပ်လို့ မရဘူးဆိုတာကို အသိပေးချင်တဲ့ သဘောပါ”ဟု မဲဆောက်အခြေစိုက် မြန်မာအရေး လှုပ်ရှားသူတစ်ဦးမှ ဆိုသည်။

ထိုင်းနိုင်ငံမှ ထုတ်ကုန်တချို့ကြောင့် ကျန်းမာရေးအား ထိခိုက်စေသည် ဟုဆိုကာ မြန်မာနိုင်ငံတွင် လွန်ခဲ့သော ၅နှစ်က အားဖြည့်အချိုရည်နှင့် အချိုမှုန့်များအား အခမ်းအနားများ ကျင်းပ၍ ဖျက်ဆီးမှုများ ရှိခဲ့ကြောင်း၊ ယင်းကိစ္စများမှာ မြန်မာနိုင်ငံက ထိုင်းနိုင်ငံအပေါ် ထားရှိသော ပေါ်လစီကြောင့် ဖြစ်ရခြင်းဖြစ်ပြီး ထိုဖြစ်ရပ်များ ဖြစ်ပေါ်ပါက အဓိက ထိခိုက် သူမှာ End User ဟု သတ်မှတ် နိုင်သည့် မြန်မာနိုင်ငံမှ စားသုံးသူများ ဖြစ်ကြောင်း၊ ထိုင်းကုန်စည်များ နေရာတွင် အစားထိုးနိုင်သည့် သွင်းကုန် အစားထိုးလုပ်ငန်းများ မရှိသေးသည့်အတွက် ထိုင်းကုန်စည်များ အားသိသာစွာ မှီခိုနေရခြင်းများ ရှိကြောင်း၊ ထိုင်းကုန်စည်များ ဝင်ရောက်ရာလမ်းကြောင်းအား အမှန်တကယ် ပိတ်ဆို့ထားခြင်း ရှိသည်ဖြစ်စေ၊ မရှိသည် ဖြစ်စေ၊ လမ်းပိတ်သည်ဟူသော သတင်းထွက်ပါက ထိုင်း ကုန်စည်ဈေးနှုန်းသည် လက်ရှိ ရောက်ရှိနေသော ဈေးနှုန်းထက် ပိုမို ဈေးတက်နိုင်ကြောင်း ညောင်ပင်လေးဈေးမှ သွင်းကုန်လုပ်ငန်းရှင်တစ်ဦးက သုံးသပ်ပြသည်။

-------------------------------------------------------------------------------------------------------------

‘ကျောက်ဖြူ’ကို ကန့်ကွက်သော်လည်း ‘ထားဝယ်’ကို လက်ရှောင်နေ

မတ် ၁၂။


မြန်မာ့အရေး လှုပ်ရှားနေသူများသည် တရုတ်နိုင်ငံနှင့် ဖက်စပ် လုပ်ကိုင်သော စီမံကိန်းများကို အပြင်းအထန် ကန့်ကွက်ပြီး ထိုင်းနိုင်ငံနှင့် ဖက်စပ်လုပ်ကိုင်သော စီမံကိန်းကိုမှု အကျိုးစီးပွားအရ မျက်စီမှိတ်နေခြင်းများရှိကြောင်း သိရှိရသည်။

ရခိုင်ပြည်နယ်မှ ထွက်ရှိသော ရေနံနှင့်သဘာဝဓာတ်ငွေ့ကို တရုတ်နိုင်ငံသို့  ပိုက်လိုင်းဖြင့် သွယ်တန်းကာ ပို့ ဆောင်သော စီမံကိန်းနှင့် အရှေ့အလယ်ပိုင်းမှ ထွက်ရှိသော ရေနံများကို သဘောင်္ဖြင့် သယ်ဆောင်ကာ မလက္ကာရေ လက်ကြားအား ဖြတ်၍ တရုတ်နိုင်ငံသို့ သယ်ပို့နေသည့် လမ်းကြောင်းအစား ကျောက်ဖြူ ရေနက်ဆိပ်ကမ်းနှင့် မဒေး ကျွန်းမှ တဆင့် ပိုက်လိုင်းဖြင့် ရေနံအား တရုတ်ပြည်သို့ တွန်းပို့သည့် စီမံကိန်းများ စတင်ချိန်တွင် ရခိုင်ပြည်နယ်နှင့် ပိုက်လိုင်းဖြတ်သန်းရာ တိုင်းဒေသကြီးနှင့် ပြည်နယ်များတွင် လူ့အခွင့်အရေး ချိုးဖောက်သည် ဟူသော အကြောင်းပြ ချက်များဖြင့် ကန့်ကွက်ခြင်း၊ ဆန္ဒပြခြင်းများ ပြုလုပ်ခဲ့ကြသော မြန်မာနိုင်ငံအရေး လှုပ်ရှားသူများ၊ လူ့အခွင့်အရေး လှုပ်ရှားသူများသည် တင်္နသာရီတိုင်း၊ ထားဝယ်မြို့တွင် စတင်နေပြီဖြစ်သော ထားဝယ် ရေနက်စီမံကိန်းနှင့် ပက်သက်၍ မည်သို့မျှ ကန့်ကွက်ခြင်း၊ ဆန္ဒပြခြင်းများ ပြုလုပ်သည်ကို တွေ့ရှိရခြင်း မရှိကြောင်း ပြည်တွင်းသတင်းဂျာနယ် အယ်ဒီတာ တစ်ဦးမှ ဆိုသည်။

“ကျွန်တော်က သတင်းတွေကို စိတ်ဝင်စားသူ တစ်ယောက်မို့လို့ ပြည်ပသတင်းဝက်ဆိုက်တွေကို စောင့်ကြည့်နေတာ လွန်ခဲ့တဲ့နှစ်၂၀၀၉-၂၀၁၀ ကဆို ကျောက်ဖြူနဲ့ မဒေးကျွန်းမှာ အခြေစိုက်တဲ့ တရုတ်က ရင်းနှီးမြုပ်နှံတဲ့ စီမံကိန်းကြောင့် ရလာတဲ့ ဆိုးကျိုးတွေ၊ လူ့အခွင့်အရေးတွေ ချိုးဖောက်ပါတယ်ဆိုပြီး သတင်းတွေ တက်လာတာ ခန့်မှန်းပြောရရင် အဲဒီဒေသတွေနဲ့ ဆိုင်တဲ့ သတင်းတွေကို သတင်းဌာနပေါင်းစုံက တင်ပြတာ တစ်ပတ်ကို၂ ပုဒ်လောက် ရှိတယ်။ ဒီလို တက်လာတဲ့ သတင်းတွေအပြင် ဒီစီမံကိန်းကို တစ်သီးတစ်သန့် ဆန့်ကျင်တဲ့ ထိုင်းနိုင်ငံ အခြေစိုက် ရွှေဂက်(စ်)လို အဖွဲ့တွေ၊ Arakan Oil Watch လိုအဖွဲ့တွေက ရခိုင်ပြည်နယ်မှာ ဆန္ဒပြတာတို့၊ လက်ကမ်းကြော်ငြာ ဝေတာတို့ နိုင်ငံတကာကို သွားပြီး ဒီစီမံကိန်းကြောင့် မြန်မာနိုင်ငံမှာ လူ့အခွင့်အရေး ချိုးဖောက်မှု တွေ ပိုများလာပါကြောင်းကို လော်ဘီ လုပ်တာတွေ၊ သုတေသနစာတမ်း ထုတ်တာတွေ ရှိတယ်။ မြစ်ဆုံမှာလုပ်တဲ့ ရေကာတာကိစ္စကိုလည်း ကချင်ပြည်နယ်က တက်ကြွလှုပ်ရှားသူတွေကလည်း ပုံစံမျိုးစုံနဲ့ ကန့်ကွက်တာတွေ လုပ်တယ်။ ဒီနေရာမှာက အခုပြောတဲ့ စီမံကိန်းကို ဦးစီးဦးဆောင် လုပ်တာက တရုတ်နိုင်ငံနဲ့ ပြည်တွင်းက ခရိုနီ အုပ်စုဝင် ကုမ္မဏီတွေပဲ။ ဒါပေမယ့် အခုနှစ်မှာ စလုပ် တဲ့ ထားဝယ် ရေနက်စီမံကိန်း လုပ်ငန်းကျတော့ ကန့်ကွက်တာတို့ ဆန္ဒပြတာတို့ ဒီရေနက်ဆိပ်ကမ်းရဲ့ဆိုးကျိုးတွေကို ပြည်သူတွေဆီ ဖြန့်ဝေတာတို့ မလုပ်ကြသေးဘူးဗျ။ ဒီစီမံကိန်းကို ဦးစီးတာက အီတာလျံ-ထိုင်းကုမ္မဏီဗျ။ ပြီးတော့ ဒီကုမ္မဏီရဲ့ ရလာမယ့် အကျိုးစီးပွားကထိုင်း နိုင်ငံအတွက်တော့ တော်တော်လေး အကျိုးအမြတ်ရှိတယ်။ ဒီကုမ္မဏီက မြန်မာစစ်အစိုးရနဲ့ ဒီစီမံကိန်းအတွက် MOU ထိုး လိုက်တာနဲ့ သူ့ရဲ့ ရှယ်ယာက ၂၅ရာခိုင်နှုန်းကို တက်လာတာတွေ့ရတယ်”ဟု ပြောကြားသွားပါသည်။

ထားဝယ် ရေနက်စီမံကိန်းကြောင့် ရရှိလာမည့် အကျိုးရလဒ်များသည် ထိုင်းနိုင်ငံအတွက် အကျိုးအမြတ်များစွာ ရရှိနိုင်ပြီး ထိုင်းနိုင်ငံ၏ နိုင်ငံခြားရေး ပေါ်လစီဖြစ်သော စစ်ဖြစ်ပွားရာ ဇုန်များကို စီးပွားရေးဇုန်များအဖြစ် အသွင်ပြောင်းရန်အတွက် ခြေလှမ်းအား အရှိန်ပြင်းစွာ လှမ်းခြင်းဖြစ်ကြောင်း၊ ယင်းသို့ ထိုင်းနိုင်ငံအစိုးရနှင့် မြန်မာအစိုးရတို့ ရင်းနှီးစွာ ဆက်ဆံနေခြင်းသည် ထိုင်းနိုင်ငံ အခြေစိုက် မြန်မာ့အရေး လှုပ်ရှားနေသူများအတွက် စိုးရိမ်ဖွယ်ရာဖြစ်သည်ဟု တတိယ နိုင်ငံ ရောက် မြန်မာ့အရေး လှုပ်ရှားသူတစ်ဦးမှ ဆိုသည်။

“ကျွန်တော်တို့ ဒီစီမံကိန်းရဲ့ အကျိုးရလဒ်တွေကို အကောင်း၊အဆိုး နှိုင်းယှဉ်ပြီး ပြည်သူတွေကို ပြောဖို့ လုပ်နေ တာတွေ ရှိပါတယ်။ အခုတော့ လေ့လာဆဲကာလမို့ ဘာမှသေချာပြောလို့ မရသေးပါဘူး”ဟု ထားဝယ် ရေနက်ဆိပ်ကမ်း စီမံကိန်းအားလေ့လာနေသူတစ်ဦးမှဆိုသည်။

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ 

အောင်သိန်းလင်း ကတိ ပျက်ဟု ပြည်သူများပြောကြား

ရန်ကုန်၊ မတ် ၁၂။


 ၂၀၁၀ ရွေးကောက်ပွဲတွင် ဝင်ရောက်ယှဉ်ပြိုင်ခဲ့ အနိုင်ရခဲ့သည့် ဦးအောင်သိန်လင်း၏ မဲဆွယ်ကတိသည် ပျက်ပြယ်သွားပြီဟု ရန်ကုန်မြို့ခံများက ပြောဆိုနေကြကြောင်း သတင်းရရှိသည်

ပြီးခဲ့သော၂၀၁၀ ရွေးကောက်ပွဲတွင် တောင်ဥက္ကလာပပြည်သူ့လွှတ်တော် မဲဆန္ဒနယ်၌ ပြည်သူ့လွှတ်တော် ကိုယ် စားလှယ်လောင်းနေရာမှဝင်ရောက် ယှဉ်ပြိုင်ခဲ့ပြီး၊ ရန်ကုန်တိုင်းဒေသကြီးတွင် ပြည်ခိုင်ဖြိုးပါတီအနိုင်ရစေရန် ရှေ့တန်းမှ ဆောင်ရွက်ခဲ့သည် ဟုသိရှိရသော ရန်ကုန်မြို့တော်ဝန်ဟောင်း ဦးအောင်သိန်းလင်း၏ ရွေးကောက်ပွဲ အနိုင်ရရေး မဲဆွယ် ရာတွင် အသုံးပြုခဲ့သော ကတိသည်  “ ပြည်ခိုင်ဖြိုးပါတီ အနိုင်ရပါက ပြည်သူတွေ၏ဘဝ တိုးတက်မြှင့်တင်ဖို့ ဦးစွာ ကြိုးစား ပေးမယ်။ လမ်းပန်းဆက်သွယ်ရေး လွယ်ကူစေရန် လမ်းတိုင်း ကွန်ကရစ်ခင်းပေးမယ်။ ပြည်သူတွေရဲ့ ဘဝ ရေ၊ မီးစုံလင် စေရမယ်။” ဟူသော ရွေးကောက်ပွဲကတိ ဖြစ်ကြောင်း  သိရသည်။
       
“ကျွန်မတို့လမ်းကို လာမဲဆွယ်တုန်းက ဒီလိုပြောခဲ့တာပါ”ဟု တောင်ဥက္ကလာပမြို့ခံတစ်ဦးက ဆိုသည်။ ရန်ကုန် မြို့၏ ဆင်ခြေဖုံးရပ်ကွက်များတွင် ကွန်ကရစ်လမ်းခင်းရန် မြေသား ဖော်ထုတ်မှုများအား တပိုင်းတစဖြင့် လုပ်ငန်းများ ရပ်တန့်နေမှုများရှိကြောင်း မြောက်ဒဂုံမြို့နယ်တွင် နေထိုင်သူတစ်ဦးက “ရွေးကောက်ပွဲမတိုင်ခင် တစ်လလောက်က တစ်အိမ် ကို ၂၀၀၀၀ ထည့်ခိုင်းပြီး တစ်အိမ်ကို တစ်ယောက် လမ်းခင်းဖို့ လုပ်အားပေးခိုင်းတယ်။ လမ်းကမြေသားတွေက်ု ဖဲ့ချပြီး လမ်းမြေကို ညှိနေတာ အခု ရွေးကောက်ပွဲ ပြီးတာပဲ (၃)လ ကျော်နေပြီ။ လမ်းက မြေသားညှိနေတာနဲ့တင် ရပ်နေတယ်။စည်ပင်က လူတွေလည်း မလာတော့ဘူး။သွားပြောတာလည်း အထက်က ဒီထက်အရေးကြီးတဲ့ အလုပ်တွေ ခိုင်းနေလို့ပါ ဆိုတဲ့ အဖြေပဲရတယ်။ အခု မိုးက တဖြိုက်၊နှစ်ဖြိုက် ရွာနေပြီဆိုတော့ လမ်းမှာမြင်တဲ့ အတိုင်းဗွက်ထနေတယ်”ဟုဆိုသည်။
        
ပြည်ခိုင်ဖြိုးပါတီအား မဲပေးပါက လက်ရှိရနေသည့် လူနေမှု အဆင့်အတန်းထက် အနည်းငယ်ပြောင်းလဲ သွားနိုင်မည်ဟူသော အတွေးနဲ့ ထောက်ခံမဲ ပေးခဲ့သူတစ်ဦးက “ပိုကောင်းလာမလားလို့ မဲပေးလိုက်ပါတယ်။ ဒုံရင်းကဒုံရင်းပါပဲ။ နွေရောက်တာနဲ့ မီးပြတ်တာလည်း ပုံမှန်ပဲ၊ ရေမလာတာလည်း ပုံမှန်ပါပဲ။ အခုတောင် နေအရမ်းပူလာတာနဲ့ ကန်ရေက ခန်း၊ သူတို့ သွယ်ထားတဲ့ ရေပိုက်က ရေပြတ်နေပြီ”ဟု တောင်ဒဂုံမြို့နယ်နေ ပြည်သူတစ်ဦးက ဆိုသည်။
        
ဦးအောင်သိန်းလင်းပေးခဲ့သော ကတိသည် မြို့တော်ဝန်အဖြစ် ၎င်းတာဝန်ယူခဲ့ချိန်က ပေးခဲ့သောဂတိ ဖြစ်ပြီး ယခု သူရောက်ရှိနေသော နေရာသည် လွှတ်တော်အမတ်နေရာဖြစ်သဖြင့် ယခင်သူပေးခဲ့ဖူးသည့် ကတိကို အကောင်အထည်ဖော်ရန် မဖြစ်နိုင်တော့ကြောင်း၊ မဲဆန္ဒရှင် ပြည်သူများအနေဖြင့် မဲဆွယ်ကတိပေါ်မှ ရလာမည့်အကျိုးအမြတ်ကိုသာ ကြည့်ပြီး၊ဖြစ်လာနိုင်မည့် အလား အလာများကို သေချာစွာမစူးစမ်းမည်သည့်အတွက်၊ ဤသို့သော ကတိပျက်မှု ဖြစ်လာရခြင်း ဖြစ်ကြောင်း၊ မြန်မာနိုင်ငံ၏ နှစ်ပေါင်း၂၀ အကြာတွင် ကျင်းပခဲ့သော ရွေးကောက်ပွဲတွင် ပြည်သူ့မဲဆန္ဒကိုရစေရန် လိမ်လည်မှု၊ ကတိပျက်မှုများကို နောက်၅နှစ်တွင် ကျင်းပမည့် ရွေးကောက်ပွဲတွင် မဖြစ်နိုင်ရန် ပြည်သူများအနေဖြင့် ရွေးချယ်မှု မမှားစေရန် ကိုယ်စားလှယ်လောင်း တစ်ဦးခြင်းစီ၏ အကြောင်း၊ မဲဆွယ်စည်းရုံးစဉ်တွင် ပေးသည့်ကတိများကို လည်းကောင်း တိကျသေချာစွာ ဆန်းစစ်ရန် လိုကြောင်း သတင်းစာဆရာတစ်ဦးက ပြောကြားသည်။

ပြည်ခိုင်ဖြိုးပါတီသည် ရွေးကောက်ပွဲတွင် အနိုင်ရစေရန် ရန်ကုန်မြို့တစ်ဝှမ်းလုံး၌ ကွန်ကရစ်လမ်း ခင်းပေးခြင်း၊ ‘ကြံ့ခိုင်ရေးရေ’ဟု ပြည်သူအများက ခေါ်ကြသည့် ငမိုးရိပ်ရေလှောင်ကန်မှ ရေကို ယခင်က အသုံးပြုရသည့် ဂျိုးဖြူရေထက် လျော့သောဈေးဖြင့် ဖြန့်ဖြူးပေးခြင်းများကို ရွေးကောက်ပွဲကျင်းပသောရက်ဖြစ်သည့် နိုဝင်ဘာ(၇)ရက်နေ့ မတိုင်မှီအထိ အင်တိုက်အားတိုက် ပြုလုပ်ပေးခဲ့ ကြောင်း သိရှိရသည်။

-------------------------------------------------------------------------------------------------------------

အမြဲတမ်းကော်မတီများ အဆက်မပြတ်တာဝန်ထမ်းဆောင်နေမည်
 

 ပြည်ထောင်စု လွှတ်တော် အစည်းအဝေးများ ရပ်နားပြီးနောက် အမျိုးသား လွှတ်တော်နှင့် ပြည်သူ့ လွှတ်တော် များတွင် အမြဲတမ်း ကော်မတီ လေးခုစီကို ဖွဲ့စည်းခဲ့ပြီးဖြစ်ရာ အဆိုပါ ကော်မတီများသည် အမြဲတမ်း ကော်မတီများ ဖြစ်သည့်အတွက် လွှတ်တော် ရပ်နားထားချိန်များတွင်ပင် သက်ဝင် လည်ပတ်နေမည် ဖြစ်ကြောင်း အမျိုးသား လွှတ်တော် ဥပဒေကြမ်း ကော်မတီဝင် တစ်ဦးဖြစ်သူ ဒေါက်တာမြတ်ဥာဏစိုးမှ ပြောကြားခဲ့သည်။

"လွှတ်တော် အစည်းအဝေးတွေ မရှိချိန်မှာလည်း ဒီကော်မတီတွေဟာ လွှတ်တော်ကြီးရဲ့ လုပ်ငန်းဆောင်တာတွေကို ဆက်ပြီး အကောင်အထည် ဖော်နေမယ်။ ဒါကြောင့် ဥပဒေပြုရေး အပိုင်းဟာ တစ်ချိန်လုံး အသက်ဝင်နေမယ်။ အုပ်ချုပ်ရေး အပိုင်းဟာ သမ္မတတွေ၊ ဝန်ကြီးတွေနဲ့ တစ်ချိန်လုံး အသက်ဝင်နေမယ်"ဟု ဒေါက်တာ မြတ်ဥာဏစိုးမှ ပြောကြား ခဲ့သည်။

ဖွဲ့စည်းလိုက်သော ကော်မတီများတွင် အမျိုးသား လွှတ်တော်ကော်မတီတွင် ဦးအောင်ထွန်း၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီတွင် ဒေါက်တာအေးမောင်၊ပြည်သူ့ လွှတ်တော်ရှိ ကော်မတီကို အမျိုးသား စီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဒုတိယဝန်ကြီးဖြစ်သူ ဦးသူရိန်ဇော်တို့က တာဝန်ယူထားပြီး လွှတ်တော် အခွင့်အရေး ကော်မတီများကိုမူ လွှတ်တော် ဥပဒေများအရ လွှတ်တော် ဒုတိယ ဥက္ကဋ္ဌများကသာ ဥက္ကဋ္ဌအဖြစ် ဆောင်ရွက်ခဲ့ကြသည်။

 ကော်မတီများ ဖွဲ့စည်းရာတွင် ကော်မတီတစ်ခုလျှင် အဖွဲ့ဝင် ၁၅ ဦးဖြစ်၍ ပြည်ခိုင်ဖြိုးပါတီက ၁၀ဦးစီ၊ အခြား ပါတီများက ၅ဦးစီ ဖြစ်ရာ ပြည်ခိုင်ဖြိုးက သုံးပံနှစ်ပုံ ရယူထားသည်ကို တွေ့ရသည်။

အဆိုပါ ကော်မတီများ၏ အစီရင်ခံစာများပေါ် မူတည်ကာ လွှတ်တော် ခေါ်ယူသင့်သည်ဟု လွှတ်တော် ဥက္ကဋ္ဌက ယူဆပါက လွှတ်တော်ကို ထပ်မံခေါ်ယူမည် ဖြစ်ပြီး ယခုကော်မတီများတွင်  အသိပညာရှင်၊ အတတ်ပညာရှင်များ၊ အစိုးရ ၀န်ထမ်းများ အများစု ပါဝင်နေသဖြင့် ထိရောက်စွာ လုပ်ဆောင်ခွင့်ရရန် ကော်မတီဝင်များက မျှော်လင့်လျက်ရှိနေကာ လိုအပ်မှုရှိလျှင် အခြားကော်မတီများကိုလည်း အချိန်ကာလ သတ်မှတ်၍ ဖွဲ့စည်းခွင့်ရှိကြောင်း သိရသည်။


 
×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ


အစိုးရအဖွဲ့ ရုံးစိုက်ရာ နေပြည်တော်တွင် ကျောက်မျက်ရတနာ အရောင်းပြပွဲကို မတ်လ ၁၀ ရက်နေ့၌ စတင်ပြုလုပ်တော့ မည်ဖြစ်ရာ ကျောက်မျက်ကုန်သည်များအား တစ်ခါသုံး GSM ဖုန်းကတ်များအား ပြန်လည်ရောင်းချပေးမည်ဟု သတင်းများ ထွက်ပေါ်ခဲ့သဖြင့် The Voice Weekly က မတ်လ ၈ ရက်နေ့ မွန်းလွဲပိုင်းတွင်  မြန်မာ့ဆက်သွယ်ရေးလုပ်ငန်းကို အတည် ပြုမေးမြန်ခဲ့ရာ “ဈေးကွက် လိုအပ်ချက်အရ ပြန်လည်ရောင်းချဖို့ လူကြီးတွေ ဆုံးဖြတ်လိုက်တာပါ။ ရှေ့အပတ်မှာ FEC 20 တန် ကတ် အရင်ဆုံးထွက်လာပါမယ်။ ငါးသိန်းဖုန်း မလျှောက်နိုင်တဲ့ လူတန်းစားတွေပါမကျန် ဖုန်းအသုံးပြုနိုင်မှာပါ” မြန်မာ့ဆက်သွယ်ရေး ရုံးချုပ် အခြေစိုက် မိုဘိုင်းလ် ဆက်သွယ်ရေးစခန်းမှ တာဝန်ရှိသူတစ်ဦးက ရှင်းပြသည်။
 
The Voice Weekly ဂျာနယ် အတွဲ (၇)၊ အမှတ်(၁၄) တွင်ပါရှိသည့် “တစ်ခါသုံး GSM SIM Card များ ပြန်လည်ရောင်းချ မည်” သတင်းမှ ကောက်နှုတ်ဖော်ပြချက်
-------------------------------------------------------------------------------------------------------------

“ကျွန်တော်တို့နိုင်ငံက သဘာယ သယံဇာတ ထွက်ကုန်တွေ Primary Product(ကုန်ကြမ်း)တွေကိုပဲ ပြည်ပ ဈေးကွက်ကို အဓိက တင်ပို့နိုင်သေးတာဆိုတော့ ပြည်ပနိုင်ငံတွေရဲ့ ဝယ်လိုအားပေါ်မှာ အခြေခံပြီး တစ်ချိန်မဟုတ် တစ်ချိန် ပို့ကုန် ဈေးကျလာမှာပဲ။ ဝယလိုအား အကန့်အသတ်ရှိသလို တင်ပို့နိုင်တဲ့ ဈေးကွက်ကလည်း အကန့်အသတ်ပဲရှိတော့ ဝယ်သူက ဈေးကိုင်နိုင်တယ်။ ပို့ကုန်ဈေးကွက် မြှင့်ဖို့ဆိုရင် တစ်ဖက်ရဲ့ ဝယ်လိုအားကို သိရမယ်။ တစ်ဖက်က ဝယ်လိုအားရှိပြီး ဈေးကွက်ထဲမှာ အပြိုင် တင်ပို့တဲ့ နိုင်ငံလည်း မရှိဘူးဆိုရင် ထုတ်လုပ်မှု လျော့တဲ့အတွက် ဈေးတိုးပြီး ဝယ်လာရမှာပဲ။ ဒါပေမယ့် အဲဒီလို မဟုတ်ရင် ကိုယ့်ရဲ့ ဗျူဟာကို ပြောင်းပစ်နိုင်ရမယ်” စီးပွားရေး မူဝါဒရေးရာ ပညာရှင် ဒေါက်တာ အောင်ကိုကိုက လက်ရှိ ရေချိုငါး ပြည်ပဈေးကွက်တွင် ဖြစ်ပေါ်နေမှုနှင့် ပတ်သတ်၍ သုံးသတ်ပြသည်။
 
The Voice Weekly ဂျာနယ် အတွဲ (၇)၊ အမှတ်(၁၄) တွင်ပါရှိသည့် “ရေချိုငါး မွေးမြူမှု ၄၀ ရာခိုင်နှုန်း လျှော့ချလိုက်သောကြောင့် ဘဏ္ဍာနှစ်သစ်တွင် ရေချိုငါး ဈေးမြင့်နိုင် ” သတင်းဆောင်းပါးမှ ကောက်နှုတ်ဖော်ပြချက်

-------------------------------------------------------------------------------------------------------------

  "၁၀၈ ပေါင် ဆန်တစ်အိတ်ကို သယ်ယူပို့ဆောင်ခက ကျပ် ၃,၀၀၀၊ ၄,၀၀၀ လောက် ဖြစ်သွားတော့ ဆန်ဈေးတွေပါ လိုက်တက် သွားခဲ့တယ်။ ပြည်တွင်းမှာ ဆန်ဈေးတွေ တက်တော့ ပြည်ပတင်ပို့မှုလည်း ရပ်ဆိုင်းသွားတယ်။ ဈေးနှုန်း မြင့်တာကြောင့် အရောင်းအဝယ် အေးပြီး တစ်နယ်နဲ့တစ်နယ် ဆန်တင်ပို့မှုကလည်း နည်းသွားတယ်။ ပြည်တွင်း စီးဆင်းမှု နှေးတာကြောင့် တင်ပို့မှု နည်းသွားတာမို့ စက်သုံးဆီဈေး မကျပေမယ့် သယ်ယူပို့ဆောင်ခက တစ်အိတ်ကို ကျပ် ၁,၀၀၀၊ ၂,၀၀၀ ကြား ပြန်ကျသွားတယ်။

သယ်ယူ ပို့ဆောင်ခ ကျလာလို့ ဆန်ဈေး ပြန်ကျလာပေမယ့် အရောင်းအဝယ်က မှန်မှန်ပါပဲ။ လက်ကားရောင်းတဲ့ သူတွေက ကုန်သလောက်ပဲ မှာရောင်းကြသလို၊ စားသုံးသူတွေမှာလည်း တစ်ခါတည်း များများဝယ်ထားတဲ့သူ တော်တော် နည်းလာပြီ"ဟု မန္တလေးမှ ဆန်ကုန်သည်တစ်ဦးက ပြောကြားသည်။

Myanmar Times ဂျာနယ် အတွဲ ၂၆ ၊ အမှတ် ၅၀၉ တွင်ပါရှိသည့် “ပြည်တွင်းစီးဆင်းမှု နည်းသဖြင့် ဆန်းဈေး ပြန်လည် ကျဆင်း” သတင်းမှ ကောက်နှုတ် ဖော်ပြချက်

 
×××××××××××××××××××××××××××××××××××××××××××××××××××××××××××××××××
သတင်းဆောင်းပါး

ရွေးချယ်စရာမရှိ၍သာ

            ၂၀၀၈ခုနှစ် ဖွဲ့စည်းပုံ အခြေခံဥပဒေကို အခြေခံသော ၂၀၁၀ ရွေးကောက်ပွဲ နီးလာချိန်နှင့် ရွေးကောက်ပွဲအပြီး ကာလ ယနေ့အထိတွင် မြန်မာ့နိုင်ငံရေး အိုင်ဒီယိုလိုဂျီ အငြင်းပွားမှုမှာ ကျယ်လောင်စွာ ရှိနေဆဲပင်ဖြစ်သည်။ အထူး သဖြင့် ရွေးကောက်ပွဲ မတိုင်ခင် အချိန်က စတင်ခဲ့သော အငြင်းပွားမှုများ ဖြစ်သည်။ ထိုကဲ့သို့ အငြင်းပွားမှုမျိုးသည် မြန်မာ့နိုင်ငံရေး သမိုင်းတွင် ထုံးစံတစ်ခုလို ဖြစ်နေရာ အဆန်းတကြယ်တော့ မဟုတ်ပါဟု ဆိုရပေလိမ့်မည်။

            ၂၀၀၈ခုနှစ် ဖွဲ့စည်းပုံ အခြေခံဥပဒေ ရေးဆွဲရန် အမျိုးသား ညီလာခံ ကျင်းပစဉ် ကာလများတည်းက စစ်အစိုးရ ကမကထ ပြုသော ရွေးကောက်ပွဲကို လက်ခံသည့် အုပ်စုနှင့် လက်မခံသည့် အုပ်စုဟူ၍ ကွဲပြားခဲ့သည်။ လက်ခံသည့် အုပ်စုများသည် ရွေးကောက်ပွဲကို ထောက်ခံပြီး ဝင်ရောက်ယှဉ်ပြိုင်မည့် ပါတီများနှင့် တတိယ အုပ်စုဟု ခေါ်တွင်သော မြန်မာ့နိုင်ငံရေး အပြောင်းအလဲကို လိုလားသည့် ပါတီနိုင်ငံရေးနှင့် မပတ်သက်သော ပညာရှင်များ၊ စီးပွားရေး အုပ်စုများ အဖြစ် တွေ့မြင်ရသည်။ လက်မခံသည့် အုပ်စုများမှာ NLD နှင့် အခြားသော တိုင်းရင်းသား အဖွဲ့အစည်းအချို့နှင့် ပြည်ပ ရောက် မြန်မာစစ်အစိုးရ ဆန့်ကျင် လှုပ်ရှားသူများ  ဖြစ်ကြသည်။

            ဤနေရာတွင် နိုင်ငံရေး ပါတီတစ်ခုမှ ပုဂ္ဂိုလ်တစ်ဦး၏ မှတ်ချက်ကို ဖော်ပြလိုပါသည်။ NLD သည် ၁၉၉၀ ရွေးကောက်ပွဲ အနိုင်ရ ပါတီဖြစ်ပြီး ထိုရလဒ်ကို စစ်အစိုးရက လက်မခံ၍ တနည်း NLD ကို စစ်အစိုးရက အသိအမှတ် မပြု၍ NLD ကလည်း စစ်အစိုးရကို အသိအမှတ် မပြုခြင်းမှာ ဖြစ်သင့်ဖြစ်ထိုက်သည်ဟု ဆိုသည်။ ထို့ကြောင့် NLD က လက်ရှိ ရွေးကောက်ပွဲနှင့် လက်ရှိ နိုင်ငံရေး အခင်းအကျင်းကို လက်မခံနိုင်သည့် အကြောင်းအရာသည် လုံလောက်သည်ဟု ဆိုရမည်ဖြစ်သည်။

            တဖန် ပြည်ပရောက် မြန်မာအစိုးရ ဆန့်ကျင်ရေး ပြုလုပ်သည့် အဖွဲ့အစည်းများ အနေဖြင့်လည်း ၎င်းတို့ ရပ်တည်ချက်နှင့် ခံယူချက် ရှိပေလိမ့်မည်ဟု ယူဆမိပါသည်။ အချို့မှာ ဒီမိုကရေစီစံ နှုန်းပြည့် နိုင်ငံကြီးများတွင် နေထိုင်ရသည့် ဘဝကို အသားကျ သွားသည်ဖြစ်ရာ မြန်မာနိုင်ငံတွင် ယခုဖြစ်ပေါ်နေသော အပြောင်းအလဲလေးများကို အားမရခြင်းမျိုး ဖြစ်ကြသလို အချို့ကလည်း ပြည်တွင်းတွင် ရှိစဉ်က စစ်အစိုးရ၏ ဖိနှိပ်ညှဉ်းပန်းမှုများကို ခံခဲ့ရပြီး နာကြည်း ချက်များ ရှိနေကြသည်ဖြစ်ရာ ပြည်ပရောက မြန်မာများ အနေဖြင့် ရွေးကောက်ပွဲကို လက်မခံ နိုင်ကြသည် ကိုလည်း စာနာ နားလည်မိပါသည်။

            တတိယ အင်အားစုများ အကြောင်းကို တင်ပြလိုပါသည်။ ဤလူတန်းစားတွင် အထက်က ဆိုခဲ့သလို ရွေးကောက်ပွဲဝင် ပါတီများနှင့် ပညာရှင် အုပ်စုများ( လွယ်လွယ်ကူကူ အီလစ်များ) ပါဝင်ကြသည်ဖြစ်ရာ ပါတီများကိုမူ ရွေးကောက်ပွဲဝင်သည့် ပါတီနိုင်ငံရေး ဖြစ်သည့် အတွက် များစွာ မဆွေးနွေးလိုပါ။ ထိုပါတီများသည်  ရွေးကောက်ပွဲ ဝင်ရသည့် အိုင်ဒီယိုလိုဂျီကို ကြေညာပြီး ဖြစ်သောကြောင့် ဖြစ်ပါသည်။ ထို့ကြောင့် တတိယ အင်အားစုများမှ အီလစ်များ အကြောင်းကို ဆွေးနွေးလိုပါသည်။ ၎င်းတို့၏ အဆိုအရ မည်သည့် နိုင်ငံရေး အုပ်စုနှင့်မဆို တိုင်းပြည် ဖွံ့ဖြိုးရေးအတွက် ပူးပေါင်း လုပ်ဆောင်မည်။ နိုင်ငံရေး ဖြစ်ပေါ်တိုးတက်မှုကို သီအိုရီများအရ လက်သင့်ခံသင့်သည်။ ပြောင်းလဲမှုများ ရှိနေသည်ဟု သုံးသပ်ပြကြသည်။

            အထက်ပါ အမျိုးအစား သုံးခုလုံးသည် ခံယူချက် ကိုယ်စီဖြင့် မှန်ကန်နေကြသည်ဖြစ်ရာ ထိုအဆင့်အထိသည် ပြသနာ မရှိဟုသာ ဆိုရပါလိမ့်မည်။  ဒီမိုကရေစီတွင် လွတ်လပ်စွာ သဘောထား ကွဲလွဲခြင်းကို လက်ခံသောကြောင့် ဖြစ်သည်။ ပြသနာ အစပြုသည်မှာ ထိုအုပ်စုများသည် တစ်ဖက်နှင့်တစ်ဖက်  အိုင်ဒီယိုလိုဂျီ အငြင်းပွားမှုများမှ အကျိုးအကြောင်းမဲ့ ဝေဖန် တိုက်ခိုက်ကြခြင်း ဖြစ်သည်။ စစ်အစိုးရကို ဆန့်ကျင်သည့် အုပ်စုများနှင့် ရွေးကောက်ပွဲကို လက်ခံသော အုပ်စုများ အပြန်အလှန် စွပ်စွဲ တိုက်ခိုက်ကြခြင်းဖြစ်သည်။ စစ်အစိုးရ၏ အလိုတော်ရိများဟု စွပ်စွဲကြသလို တစ်ဖက်ကလည်း အတွေးအခေါ် မရှိသော တက်ကြွလှုပ်ရှားသူများ၊ ဒေါ်လာစား နိုင်ငံရေးသမား စသည်ဖြင့် အပြန်လှန်ပုတ်ခတ် စွပ်စွဲကြသည်။ ထိုသို့ အပြန်အလှန် စွပ်စွဲကြခြင်းသည် မည်သည့် နိုင်ငံရေး တိုးတက်မှုမှ မဖြစ်ပေါ်စေသည်ကို သတိပြုမိပါသည်။ ရှေးယခင် သမိုင်း အဆက်ဆက်က အငြင်းပွားခဲ့ကြသလိုသာ ရှိပါသည်။

            ဤနေရာတွင် တတိယ အင်အားစုများဘက်မှ ရှေ့နေလိုက်ခြင်းဟု မထင်မှတ်ကြစေလိုပါ။ မြန်မာနိုင်ငံတွင် အကြီးမားဆုံး လူထုအုံကြွမှုဖြစ်သည့် ၈၈  အရေးအခင်း၊ နောက် ၉၆ အရေးအခင်း၊ ထို့နောက် ၂၀၀၇ သံဃာ့ အရေးအခင်း စသည်ဖြင့် ဖြစ်ပွားခဲ့ရာတွင် လူထုအုံကြွမှုများကို စစ်အစိုးရက ပြင်းထန်စွာ နှိမ်နှင်းခဲ့သည်ကို တွေ့ရမည်ဖြစ်သည်။ ပြည်သူလူထု များစွာမှပင် အထိနာခဲ့သည်။ အကျိုးဆက်မှာ ပြည်သူသည် လူမဆန်သော စစ်တပ်၏ ရက်စက် ကြမ်းကြုတ်မှုကို လက်တွေ့ ခံစားခဲ့ရပြီး ၂၀၀၇ တွင် သံဃာကိုပင် ငဲ့ညှာမှုမရှိခဲ့သော စစ်တပ်၏ လုပ်ရပ်သည် မည်သည့် အရေးအခင်းမျိုးကိုမဆို တရားမျှတသည် ဖြစ်စေ တရားမမျှတသည် ဖြစ်စေ ချေမှုန်းတော့မည်ကို လက်တွေ့ ပြသလိုက်ခြင်းပင် ဖြစ်သည်။

            ထို့ကြောင့် စစ်အာဏာရှင် စနစ်ကိုလည်း မလိုလား၊ နိုင်ငံရေး အပြောင်းအလဲကိုလဲ မျှော်လင့်၊ အထိနာခဲ့သော အတွေ့ အကြုံများကိုလည်း ထိတ်လန့်လျှက်ပင် ရှိနေသေးသော ပြည်သူတို့သည် နိုင်ငံရေး အခင်းအကျင်း အသစ်ကို မျှော်လင့်လာကြ သည်။ ထိုအထဲတွင် အထက်က ဆိုခဲ့သော တတိယ အင်အားစု ဆိုသူများက သွေးမြေမကျသော အပြောင်းအလဲကို လုပ်ဆောင်ရန် ကြိုးပမ်းလာကြသည်။ ရည်ရွယ်ချက်မှာ စစ်အာဏာရှင် ကွယ်ပျောက်သွားရေးသာ ဖြစ်ပါသည်။ ပြည်သူကို အထိ မနာစေလိုသော လမ်းကြောင်းဖြင့် ရွေးချယ် ဖြတ်သန်းရခြင်း ဖြစ်သည့်အတွက်  စစ်တပ်နှင့် ထိပ်တိုက်တွေ့မည့် လမ်းကြောင်း မှန်သမျှကို အလျော့ပေး ဆက်ဆံရသဖြင့် ချက်ချင်းပင် အပြောင်းအလဲ လိုလားသော အုပ်စုများ အမြင်တွင် စစ်အစိုးရ အလိုတော်ရိများအဖြစ် မြင်လာကြခြင်း ဖြစ်ပါသည်။ ရှုပ်ထွေးလှသော မြန်မာ့ နိုင်ငံရေး အခြေအနေနှင့် လူမဆန်သော စစ်တပ်၏ သဘောထားတို့ကြောင့် မြန်မာ့ နိုင်ငံရေးသည် ထင်သလောက် ခရီးမပေါက်နိုင်သည်ကို လက်ခံနားလည် ပေးကြစေလိုပါသည်။ 

             မည်သို့ပင် ဆိုစေကာမူ လက်ရှိအခင်း အကျင်းတွင် အားမလို အားမရမှုများ ရှိလင့်ကစား အာဏာရှင်စနစ် အောက်မှ ပါလီမန်စနစ်သို့ ကူးပြောင်းလာပြီ ဖြစ်ပါသည်။ တစ်ဦးတည်း အုပ်ချုပ်သော စနစ်ဟောင်းမှ ပါဝါအပြိုင် အုပ်ချုပ်ပြီး ယခင်အစိုးရဟောင်းမှ လူများပင် အပြန်အလှန် ထိန်းကျောင်းသွားသော စနစ်တစ်ခုကိုလည်း တွေ့မြင်နေရပြီ ဖြစ်ပါသည်။ မာရှယ်လော၊  အကြောင်းမဲ့ ဖမ်းဆီးမှု စသည်တို့ထက် သာလွန်သော စနစ်တစ်ခု ဖြစ်ပေါ်နေပြီဖြစ်ကာ ယခင်မသိခဲ့ရသော အစိုးရ အသုံးစားရိတ်၊ အစိုးရ သဘောထားများကို အပြောင်းအလဲ မပြုနိုင်သည့်တိုင် မေးမြန်းခွင့်၊ ဝေဖန်ခွင့် စသည်ဖြင့် ရရှိလာ ခဲ့ပြီဖြစ်ရာ ထိုအလေ့အကျင့်များ ရင့်ကျက်လာလျှင် ဒီမိုကရေစီနှင့် အရပ်သား အုပ်ချုပ်မှုများ ဖြစ်ပေါ်လာလိမ့်မည် ဖြစ်ပါသည်။

            နိဂုံးချုပ် ဆိုရလျှင် တတိယ အင်အားစုများသည် အခြားသော အင်အားစုများနည်းတူ စစ်အာဏာရှင် စနစ်ကို ပြုတ်ကျစေလိုသည်မှာ ယုံမှားသံသယ မရှိစေလိုပါ။ အခြားသော လမ်းကြောင်းများ ရွေးချယ်စရာ မရှိ၍သာ ဖြစ်သင့် ဖြစ်ထိုက်သော လက်ရှိ အခြေအနေနှင့် ကိုက်ညီသော သီအိုရီများ၊ ဖြစ်တန်ချေများဖြင့် နိုင်ငံရေး လမ်းကြောင်း တစ်ခုကို ဖောက်ထွက်ကြည့်ခြင်း ဖြစ်ပါသည်။ ထိုသို့ လမ်းကြောင်းသစ် ဖောက်ထွက်ရခြင်းပင်လျှင် အခြားရွေးစရာ လမ်း ကြောင်းများ အိုင်ဒီယိုလိုဂျီများ မရှိသောကြောင့်ပင် ဖြစ်ပါသည်။
 
Sent to transparency.myanmar@gmail.com: