yangonchronicle 2013 (2)
 *
|  *
|
၁၃.၂.၂၀၁၃
ဘာသာပြန်သတင်းများ (၂)
- မြန်မာ့ငြိမ်းချမ်းရေး ဆွေးနွေးပွဲအတွက် တရုတ်နိုင်ငံ၏ အကူအညီ
{The Straits Times မှ 9 Feb 2013 ရက်စွဲပါ China's hand in Myanmar's peace talks ကိုဘာသာပြန်ဆိုသည်}
- ဧပြီမှစ၍ နိုင်ငံခြားဘဏ်များ ဖက်စပ်လုပ်ငန်း လုပ်ကိုင်ရန် မြန်မာ ခွင့်ပြုဖွယ်ရှိ
{Financial Times မှ 8 Feb 2013 ရက်စွဲပါ Myanmar May Allow Foreign Bank Joint Ventures as Early as April ကိုဘာသာပြန်ဆိုသည်}
***************************************************************
ဘာသာပြန်သတင်းများ
မြန်မာ့ငြိမ်းချမ်းရေး ဆွေးနွေးပွဲအတွက် တရုတ်နိုင်ငံ၏ အကူအညီ
{The Straits Times မှ 9 Feb 2013 ရက်စွဲပါ China's hand in Myanmar's peace talks ကိုဘာသာပြန်ဆိုသည်}
မကြာသေးခင်က မြန်မာအစိုးရနှင့် ကချင်သူပုန်အုပ်စုတို့အကြား စတင်လိုက်သောငြိမ်းချမ်းရေးဆွေးနွေးမှု၏ ရလဒ်ကိုအားလုံးက မျက်စိဒေါက်ထောက် ကြည့်နေချိန်တွင် ရှင်းရှင်းလင်းလင်းကြီးထွက်ပေါ်သွားသည့် အရာတစ်ခုမှာ တရုတ်အစိုးရ၏ အကူအညီပင် ဖြစ်တော့သည်။
တရုတ်အစိုးရက နယ်စပ်မြို့တစ်ခုဖြစ်သော ရွှေလီတွင်ယင်းဆွေးနွေးပွဲဖြစ်မြောက်အောင် ကမကထပြုလုပ်ပေးခဲ့ရုံသာမက မြန်မာစစ်တပ်နှင့်
ကချင်လွတ်လပ်ရေးတပ်ဖွဲ့(ကေအိုင်အေ) တို့မှကိုယ်စားလှယ်တော်ကြီးများနှင့် တွေ့ဆုံနိုင်ရေးအတွက်တရုတ်အရာရှိကြီးများကိုပါ စေလွှတ်ခဲ့သည်။
ဖေဖော်ဝါရီလ ၄ ရက်(တနင်္လာနေ့)တွင် ၇ နာရီကြာမျှ ကျင်းပပြုလုပ်ခဲ့သည့်ယင်းဆွေးနွေးပွဲက အိမ်နီးချင်း အာဆီယံအဖွဲ့ဝင် မြန်မာနိုင်ငံအပေါ် တရုတ်နိုင်ငံ၏ သြဇာလွှမ်းမိုးမှုကို ရောင်ပြန်ထင်ဟပ်စေသလိုတရုတ်-မြန်မာအကြား ဆက်ဆံရေးအေးခဲနေပြီဟူသည့် သံသယများကိုလည်း လွင့်စင် ကွယ်ပျောက်သွားစေကြောင်း စောင့်ကြည့်လေ့လာသူများက အကဲဖြတ်သည်။
"မြန်မာနိုင်ငံဟာ တရုတ်သြဇာလွှမ်းမိုးမှုကြီးအောက်ကနေ ရုန်းထွက်ဖြတ်တောက်ပစ်နိုင်တယ်လို့ ထင်မှတ်နေတဲ့သူတွေအနေနဲ့ သတိထား ကြည့်ဖို့လိုတဲ့ကိစ္စတစ်ခုပဲရှိပါတယ်။ အဲဒါကတော့ . .ပြင်ပဝင်ရောက်စွက်ဖက်မှုတွေအပေါ် ပြင်းပြင်းထန်ထန်ဆန့်ကျင်လေ့ရှိတဲ့စစ်ဗိုလ်ချုပ်ကြီးတွေဟာ
ပြည်တွင်းအချုပ်အခြာအာဏာရေးရာနဲ့ပတ်သက်တဲ့ကိစ္စမျိုးမှာသူတို့ကိုယ်တိုင်တရုတ်နိုင်ငံကိုသွားတယ်၊ ဒါမှမဟုတ်သူတို့ရဲ့စေ့စပ်ညှိနှိုင်းရေးသမား
တွေကို တရုတ်နိုင်ငံဆီစေလွှတ်တယ်ဆိုတာပါ"ဟု London School of Economics မှ သုတေသန Fellow နှင့်မြန်မာ့ရေးရာလေ့လာဆန်းစစ်သူ
မောင်ဇာနည်ကပြောသည်။
တရုတ်နိုင်ငံ၏ အနည်းငယ်မျှသာရှိသည့် မိတ်ဆွေနိုင်ငံများစာရင်းတွင်မြန်မာလည်းပါဝင်သည်။ မြန်မာနိုင်ငံတွင် နိုင်ငံရေးအရဆန့်ကျင်သူများ အပေါ်စစ်အစိုးရက ဖိနှိပ်ချုပ်ခြယ်မှုများပြုလုပ်ခဲ့ခြင်းကြောင့် အနောက်ကမ္ဘာကပိတ်ဆို့အရေးယူမှုများ ပြုလုပ်ခဲ့စဉ် ၁၉၈၀ ပြည့်နှစ်များအတွင်း တရုတ်သည် မြန်မာ၏ အကြီးဆုံး အလှူရှင်နှင့် ကုန်သွယ်ဖက်နိုင်ငံကြီးတစ်ခုဖြစ်ခဲ့သည်။
မြန်မာနိုင်ငံ၏ ခေါ်ဝေါ်သုံးနှုန်းမှုအရ တရုတ်သည် မြန်မာနှင့် ဆွေမျိုးပေါက်ဖော် ဟူသည့် အနီးကပ်ဆက်ဆံရေးမျိုးရှိသည့် နိုင်ငံတစ်နိုင်ငံ ဖြစ်သည်။
သို့သော် ၂၀၁၁ ခုနှစ် မြန်မာနိုင်ငံတွင်း ဒီမိုကရေစီပြုပြင်ပြောင်းလဲမှုများ စတင်လုပ်ဆောင်လာပြီးနောက် မြန်မာသည် တရုတ်နှင့် ခပ်ကင်းကင်း နေပြီး အနောက်ကမ္ဘာ(အထူးသဖြင့် အမေရိကန်ပြည်ထောင်စု)သို့ ချဉ်းကပ်မည့် နိုင်ငံခြားရေးမူဝါဒ ပြောင်းလဲကျင့်သုံးနေသည် ဟူသော ပြောဆိုမှုများ ထွက်ပေါ်ခဲ့သည်။
ထို့နောက် အမေရိကန်ပြည်ထောင်စုက ပိတ်ဆို့အရေးယူမှုများ ဖယ်ရှားပြီးနှစ်ပေါင်း ၂၀ ကျော်အတွင်း ပထမဆုံးသံအမတ်ကြီးတစ်ဦး စတင်ခန့်ကာနှစ်နိုင်ငံအကြား စစ်ရေးဆက်ဆံမှုများထူထောင်ခဲ့သည်။ သမ္မတအိုဘားမားအပါအဝင်ထိပ်တန်းအမေရိကန်အရာရှိကြီးများ မြန်မာနိုင်ငံသို့ လာရောက် လည်ပတ်သလိုမြန်မာအစိုးရအရာရှိကြီးများလည်း အမေရိကန်ပြည်ထောင်စုသို့သွားရောက်လည်ပတ်ခဲ့သည်။
တစ်ချိန်တည်းမှာပင် မြန်မာ့ဈေးကွက်တွင်း အရည်အသွေးညံ့ဖျင်းသည့်တရုတ်ကုန်ပစ္စည်းများ ဒလဟောဝင်ရောက်လွှမ်းမိုးမှုများနှင့် မြန်မာပြည် နေရာအနှံ့အပြား တရုတ်စက်ရုံအလုပ်ရုံများကြောင့်သဘာဝပတ်ဝန်းကျင်ထိခိုက်နစ်နာမှု အစရှိသည်တို့နှင့်ပတ်သက်၍ တရုတ်ဆန့်ကျင်ရေးသဘောတရား မှာ ကြီးထွားလာခဲ့သည်။
သို့သော် ကေအိုင်အေနှင့် စစ်ပြေငြိမ်းရေးအတွက်ဆွေးနွေးမှုကိုကြည့်မည်ဆိုပါက တရုတ်နိုင်ငံ၏ သြဇာလွှမ်းမိုးမှုမှာ လျော့ကျသွားခြင်း မရှိသေးကြောင်း လေ့လာစောင့်ကြည့်သူတို့က သုံးသပ်သည်။
ထင်ရှားသော အကြောင်းအရင်းတစ်ရပ်မှာ အမေရိကန်သံရုံးက ကချင်ပြည်နယ်တွင်းစစ်မက်ပဋိပက္ခအပေါ် ဝေဖန်ပြောဆိုမှုများ ပြုလုပ်ခဲ့ပြီး နောက် မြန်မာနှင့်အမေရိကန်ပြည်ထောင်စုတို့ ပြန်ပေါင်းထုတ်မှုအဆုံးသတ်သွားခြင်းကြောင်းဖြစ်ကြောင်း မောင်ဇာနည်က ဆိုသည်။
မီဒီယာများနှင့် အန်ဂျီအို (NGO) တို့၏ သတင်းပေးပို့ချက်များကို ကိုးကားရေးသားဖော်ပြထားသော အမေရိကန်သံရုံးကြေညာချက်တွင် မြန်မာအစိုးရက ဇန်နဝါရီလ ၁၉ ရက်၌ တစ်ဖက်သတ် အပစ်အခတ်ရပ်စဲရေးကြေညာချက် ထုတ်ပြန်ခဲ့သည့်တိုင် မြန်မာစစ်တပ်သည်လိုင်ဇာအနီးရှိ ကချင်သူပုန်များကို ထိုးစစ်ဆင်မှုများဆက်လက်ပြုလုပ်လျက်ရှိကြောင်း ဖော်ပြထားသည်။
ကချင်သူပုန်နှင့် မြန်မာအစိုးရအကြား အပစ်အခတ်ရပ်စဲရေးဆွေးနွေးမှုများကျင်းပပြုလုပ်ရန် နှင့် ကချင်ပြည်နယ်တွင်းရွှေ့ပြောင်းနေထိုင်ရသူ
ဒုက္ခသည်များအတွက် လူသားချင်းစာနာထောက်ထားသောအကူအညီများ ပေးအပ်ခွင့်ပြုရန် အမေရိကန်သံရုံးက တိုက်တွန်းပြောဆိုသည်။
သို့သော် အမေရိကန်သံရုံးက Myanmar ဟုသုံးနှုန်းရမည့်အစား Burma ဟုခေါ်ဝေါ်သုံးနှုန်းလိုက်ခြင်းက စစ်ဗိုလ်ချုပ်ဟောင်းကြီးများကို စိတ်ပျက်လက်ပျက်ဖြစ်စေခဲ့သည်။ မြန်မာနိုင်ငံခြားရေးဝန်ကြီးဌာနက အမေရိကန်ပြည်ထောင်စုအနေဖြင့် Myanmar ဟူသော နာမည်ကိုသာ ခေါ်ဝေါ် သုံးစွဲရန် တုံ့ပြန် သတိပေးခဲ့သည်။
စင်ကာပူအခြေစိုက် မြန်မာ့ရေးရာလေ့လာစောင့်ကြည့်သူ Ian Storey အဆိုအရတရုတ်နှင့် မြန်မာအကြားခိုင်မာသော ဆက်ဆံရေးရှိနေသည့် နောက်ထပ်အကြောင်းအရင်းတစ်ခုမှာ လွန်ခဲ့သည့် နှစ်ပေါင်း ၂၀ အတွင်း တရုတ်ပြည်ကမြန်မာအစိုးရနှင့် တည်ဆောက်ရယူထားသော ချစ်ကြည်ရင်းနှီး မှုပင်ဖြစ်သည်။
သို့အတွက်ကြောင့်ပင် ၂၀၁၁ ခုနှစ်အတွင်း တရုတ်ကျောထောက်နောက်ခံမြစ်ဆုံစီမံကိန်းကြီးအား သမ္မတဦးသိန်းစိန်က ရပ်ဆိုင်းပစ်လိုက်သည့်တိုင် နှစ်နိုင်ငံဆက်ဆံရေး ဆက်လက်ခိုင်မာနေခြင်းဖြစ်သည်။
ထို့ပြင် တရုတ်သည် မြန်မာနိုင်ငံ၏ အကြီးဆုံး ကုန်သွယ်ဖက်နှင့်ရင်းနှီးမြှုပ်နှံသူနိုင်ငံဖြစ်ကြောင်း၊ ၂၀၁၂ ခုနှစ် ကိန်းဂဏန်းများအရ အပြန် အလှန်ကုန်သွယ်ရေးမှာ ယမန်နှစ်ကထက် ၄၆ ရာခိုင်နှုန်းမြင့်တက်လာပြီးအမေရိကန်ဒေါ်လာ ၆ ဒဿမ ၅ ဘီလီယံတန်ဖိုးထိရောက်ရှိလာကြောင်း Ian Storey က ထောက်ပြသည်။
မြန်မာနိုင်ငံတွင် တဖြည်းဖြည်းချင်း များပြားလာသောတရုတ်ရင်းနှီးမြှုပ်နှံမှုတန်ဖိုးမှာ ယမန်နှစ်က ဒေါ်လာ ၁၄ ဘီလီယံထိရောက်ရှိလာသည်။ နေပြည်တော်အစိုးရက ယခုနှစ်အတွင်း ချေးငွေအမေရိကန်ဒေါ်လာ သန်း ၉၀၀ ရယူလိုလျက်ရှိချိန်တွင် တရုတ်ပြည်က ဒေါ်လာ ၅၂၇ သန်း ထုတ်ချေးခဲ့သည်ဟု ဆိုသည်။
ထို့အတူ တရုတ်နိုင်ငံကလည်း မြန်မာနိုင်ငံနှင့် ချစ်ကြည်ရင်းနှီးမှုကိုလက်လွှတ်ဆုံးရှုံးမခံခဲ့ကြောင်း လေ့လာဆန်းစစ်သူတို့က ဆိုသည်။ မြန်မာသည် တရုတ်ပြည်အတွက် အလားအလာရှိသော အိန္ဒိယသမုဒ္ဒရာ ထွက်ပေါက်တစ်ခုဟုတရုတ်အစိုးရက ရှုမြင်သလို ယူနန်ကဲ့သို့သော အနောက် တောင်ဘက်ပြည်နယ်ဒေသများအတွက် အခြားရွေးချယ်စရာ ဈေးကွက်တစ်ခုအဖြစ်ပါရှုမြင်ထားသည်။ ကချင် စစ်မက်ပဋိပက္ခဖြစ်ပွားရာ နေရာသည် လည်းယူနန်ပြည်နယ်ထဲသို့ ရခိုင်ပြည်နယ်၊ ကျောက်ဖြူမှ သွယ်တန်းမည့် ရေနံနှင့်သဘာဝဓာတ်ငွေ့ပိုက်လိုင်းများနှင့် အလွန်နီးကပ်လျက်ရှိသည်။
အရှေ့တောင်အာရှလေ့လာရေးအင်စတီကျုမှ ပညာရှင်တစ်ဦးလည်းဖြစ်သူ Ian Storey က"တရုတ်သည် မြန်မာနှင့် ထိကပ်နေသည့် နယ်စပ် ဒေသတည်ငြိမ်အေးချမ်းမှုကိုလည်းလိုလားသလို ယူနန်ပြည်နယ်သို့ ကချင်စစ်မက်ပဋိပက္ခကူးစက်ပျံ့နှံ့လာမည်ကိုလည်း မလိုလားကြောင်း၊ သို့မှသာ တရုတ်ကုမ္ပဏီများအနေဖြင့် မြန်မာနိုင်ငံတွင်း စီးပွားရေးလုပ်ငန်းများကောင်းမွန်စွာချိတ်ဆက်လုပ်ကိုင်နိုင်မည်ဖြစ်ကြောင်း" ပြောကြားသည်။
"ယူနန်ပြည်နယ်ထဲကို ကချင်ဒုက္ခသည်တွေ အစုလိုက်အပြုံလိုက် ဝင်ရောက်လာမှာကိုတရုတ်နိုင်ငံက အင်မတန်စိုးရိမ်နေတယ်" ဟု ၎င်းကဆိုသည်။
အမှန်စင်စစ် ကချင်ကိစ္စတွင် ငြိမ်းချမ်းရေးအကျိုးဆောင်တစ်ဦး၏ အခန်းကဏ္ဍမှပါဝင်လာခြင်းသည် မြန်မာနိုင်ငံအပေါ် တရုတ်သြဇာလွှမ်းမိုးမှု
ဆက်လက်ထိန်းသိမ်း ထားနိုင်ရန် အထောက်အပံ့ဖြစ်စေကြောင်းလေ့လာသုံးသပ်သူတို့က ဆိုသည်။
"အနောက်ကမ္ဘာက မြန်မာနိုင်ငံကိုလာပြီး ဒေါ်လာငွေတွေနဲ့ရင်းနှီးမြှုပ်နှံကောင်းမြှုပ်နှံပါလိမ့်မယ်၊ နိုင်ငံခြားအကူအညီဆိုတာတွေ ပေးကောင်း ပေးမယ်။ ဒါပေမဲ့ . . နှစ်ပေါင်း ၆၀ ကျော်ကြာဖြစ်ပွားခဲ့တဲ့ပြည်တွင်းစစ်ကြီး အဆုံးမသတ်နိုင်သေးသရွေ့ စီးပွားရေးဖွံ့ဖြိုးတိုးတက်မှုကို ကြီးကြီးမားမား အကောင်အထည်ဖော်နိုင်မှာမဟုတ်ပါဘူး။ တရုတ်နိုင်ငံကအဲဒီလိုနေရာမျိုးကို အပိုင်ကိုင်ထားတာ၊ သူ့အနေနဲ့ မြန်မာပြည်ရဲ့ ပြည်တွင်းစစ်အဆုံးသတ် သွားအောင် ကူညီလုပ်ကိုင်ပေးနိုင်တယ်၊ . ..ဒါမှမဟုတ် ပြည်တွင်းစစ်ပြန်လည်ကြီးထွားလာအောင်လည်း လုပ်နိုင်တယ်" ဟုမောင်ဇာနည်က သုံးသပ်ပြောဆိုသည်။
--------------------------------------------------------------------------
ဧပြီမှစ၍ နိုင်ငံခြားဘဏ်များ ဖက်စပ်လုပ်ငန်း လုပ်ကိုင်ရန် မြန်မာ ခွင့်ပြုဖွယ်ရှိ
{Financial Times မှ 8 Feb 2013 ရက်စွဲပါ Myanmar May Allow Foreign Bank Joint Ventures as Early as April ကိုဘာသာပြန်ဆိုသည်}
လာမည့် ဧပြီလမှစ၍ မြန်မာပြည်တွင်းမှ ဘဏ်လုပ်ငန်းများနှင့် နိုင်ငံခြားဘဏ်လုပ်ငန်းများအကျိုးတူဖက်စပ်လုပ်ကိုင်မှုများကို ဗဟိုဘဏ်က လုပ်ကိုင်ခွင့်ပြုဖွယ်ရှိကြောင်း နိုင်ငံခြားရင်းနှီးမြှုပ်နှံမှုဆိုင်ရာအရေးကိစ္စများကို လုပ်ကိုင်နေသူ အစိုးရအရာရှိကြီးတစ်ဦးကပြောကြားသည်။
မြန်မာနိုင်ငံ၏ ဘဏ္ဍာရေးစနစ်အား အလုံးစုံပြုပြင်မှုများပြုလုပ်ရန်ခြေလှမ်းတစ်ခုအနေဖြင့် ယင်းသို့ခွင့်ပြုရန်စီစဉ်ခြင်းဖြစ်သည်ဟု ဆိုသည်။
လာမည့် ဧပြီလ ၁ ရက်နေ့တွင်စတင်မည့် ဘဏ္ဍာရေးနှစ်သစ်အတွင်းပြည်တွင်းဘဏ်များနှင့် နိုင်ငံခြားဘဏ်များ အကျိုးတူဖက်စပ် လုပ်ကိုင်ခွင့်ပြု မည်ဖြစ်ကြောင်း မြန်မာနိုင်ငံ၊ ဘဏ္ဍာရေးအဖွဲ့အစည်းများထိန်းချုပ်ရေးနှင့် ငွေကြေးခဝါချမှုတိုက်ဖျက်ရေးဌာန အကြီးအကဲ ဒေါ်ခင်စောဦးက ပြောကြား သည်။ အကျိုးတူဖက်စပ်လုပ်ကိုင်ရာတွင် ပြည်တွင်းဘဏ်များအနေဖြင့် အနည်းဆုံး အစုရှယ်ယာ ၂၀ ရာခိုင်နှုန်းပိုင်ဆိုင်မှုရှိရန် လိုအပ်မှုနှင့် ပတ်သက်၍ သက်ဆိုင်ရာတာဝန်ရှိသူများက ယခုအခါ အလေးအနက်စဉ်းစားလျက်ရှိကြောင်း ၎င်းကပြောကြားသည်။
"အကျိုးတူဖက်စပ်လုပ်ငန်းလုပ်ကိုင်နိုင်ရေးအတွက် အနည်းဆုံး ၂ နှစ်ခွင့်ပြုမှာဖြစ်ပါတယ်။ နောက်ပိုင်းမှာတော့ ဘဏ်လုပ်ငန်းခွဲထူထောင်ဖို့
ကျွန်မတို့ခွင့်ပြုသွားမှာဖြစ်ပါတယ်" ဟု ဒေါ်ခင်စောဦးကပြောသည်။
ယခုလို ဘဏ္ဍာရေးဆိုင်ရာ ဥပဒေစည်းမျဉ်းစည်းကမ်း အပြောင်းအလဲကြောင့် StandardChartered Plc နှင့် ဂျပန်နိုင်ငံမှ Mizuho Corporate Bank Ltdကဲ့သို့သော ဘဏ်လုပ်ငန်းကြီးများအနေဖြင့် မြန်မာနိုင်ငံတွင်လုပ်ငန်းတိုးချဲ့သွားနိုင်မည်ဖြစ်သည်။ သမ္မတဦးသိန်းစိန်၏ ပြုပြင်ပြောင်းလဲရေး လုပ်ဆောင်ချက်များဖြစ်သော ပုံသေငွေကြေးလဲလှယ်မှုနှုန်း ဖျက်သိမ်းခြင်း၊ ဘဏ်လုပ်ငန်းစနစ်များ ခေတ်မီဆန်းသစ်ရေး အစရှိသည်တို့က တိုင်းပြည်စီးပွားရေးမြှင့်တင်ရန် အစပျိုးလျက်ရှိကြောင်း နိုင်ငံတကာငွေကြေးရန်ပုံငွေအဖွဲ့ (IMF) က ဇန်နဝါရီလအတွင်း ထုတ်ပြန်သော အစီရင်ခံစာ တွင်ဖော်ပြပါရှိသည်။
နိုင်ငံခြားဘဏ်ကြီးများကို ဖက်စပ်လုပ်ကိုင်ခွင့်ပြုသည့်အတွက်နောက်ဆုံးတွင် လက်အောက်ခံဘဏ်လုပ်ငန်းများပေါ်ပေါက်လာပြီး ထိုမှတစ်ဆင့်
ဘဏ်လုပ်ငန်းခွဲများ တည်ထောင်ခွင့်ရရှိလာမည်ဖြစ်ကြောင်းဒေါ်ခင်စောဦးကပြောသည်။ ထိုသို့လုပ်ကိုင်ခွင့်ပြုရာတွင် ဗဟိုဘဏ်အနေဖြင့် အောင်မြင် ကျော်ကြားသော ဘဏ်လုပ်ငန်းကြီး များကိုရှာဖွေမည်ဖြစ်ကြောင်း၊ဘဏ္ဍာရေးခိုင်မာမှုရှိ၊မရှိကို စစ်ဆေးသွားမည်ဖြစ်သလို အရင်းအနှီးလိုအပ်ချက်များ ကိုလည်း သတ်မှတ်ပြဋ္ဌာန်းပေးသွားမည်ဖြစ်ကြောင်း ၎င်းကပြောသည်။
"အကျိုးတူဖက်စပ် လုပ်ကိုင်ဖို့စိတ်ဝင်စားတဲ့လုပ်ငန်းတွေအနေနဲ့ ဘာမဆိုကိုယ့်အပေါ်မှာပဲမူတည်တယ်လို့ ကျွန်မတို့ကပြောပါတယ်၊ ဖိအားပေး လို့ လုပ်ရတာမျိုးမဟုတ်တဲ့အကြောင်း၊ အကောင်းဆုံးမိတ်ဖက်လုပ်ငန်းကိုကိုယ့်ဘာသာကိုယ်ရှာရမှာဖြစ်တဲ့အကြောင်းပြောပါတယ်။ ဒါမှပထမပိုင်း မှာ စေ့စပ်ညှိနှိုင်းတဲ့သဘောနဲ့လုပ်ကိုင်ပြီး နောက်တော့လုပ်ငန်းတစ်ခုတည်းဖြစ်သွားနိုင်မှာပါ" ဟု ၎င်းကဆိုသည်။
မြန်မာနိုင်ငံတွင် ပြည်တွင်းဘဏ်လုပ်ငန်းပေါင်း ၁၉ ခုရှိပြီး ယင်းဘဏ်များသည် ယခုအခါ ငွေကြေးလွှဲပြောင်းမှုလုပ်ငန်းများ အဆင်ပြေ ချောမွေ့စေရေးအတွက် Visa Inc ၊ MasterCard Inc တို့နှင့် ဆက်ဆံမှုများစတင်တည်ထောင် ထားနိုင်ပြီဖြစ်သလို ATM Network များလည်း ထူထောင် လျက်ရှိပြီဖြစ်သည်။ သမဝါယမဘဏ်(CB Bank) အနေဖြင့်လည်း ဘဏ်လုပ်ငန်းဆိုင်ရာ လေ့ကျင့်သင်ကြားမှုများရရှိရေးနှင့် အထောက်အပံ့များ ရရှိရေး အတွက် ဂျပန်နိုင်ငံမှ Tokyo-Mitsubishi UFJ နှင့်လာမည့် မတ်လတွင် စီးပွားရေးမဟာမိတ်ဖွဲ့ရန် စီစဉ်လျက်ရှိကြောင်း ယင်းဘဏ်၏ မန်နေးဂျင်း ဒါရိုက်တာ ဦးဖေမြင့်က ပြောကြားသည်။
မြန်မာနိုင်ငံကို ကြွေးမြီအများဆုံးပေးသည့်နိုင်ငံဖြစ်သော ဂျပန်သည်မြန်မာနိုင်ငံက ပေးရန်ရှိသည့် ကြွေးကျန် ဒေါ်လာ ၆ ဒဿမ ၆ ဘီလီယံကို ပြီးခဲ့သည့် ၂၀၁၂ ခုနှစ်အတွင်း လျှော်ပေးလိုက်သည်။ ဂျပန်နိုင်ငံတွင်းအတိုးနှုန်းများကျဆင်းလာမှုက ကြွေးမြီအမြတ်အစွန်းအပေါ်ထိခိုက်လျက်ရှိရာ ဂျပန်ဘဏ်လုပ်ငန်းကြီးများသည် ဗီယက်နမ်နှင့် အခြားသော အရှေ့တောင်အာရှနိုင်ငံများတွင် လုပ်ငန်းများပြောင်းလဲလုပ်ကိုင်နိုင်ရေးအတွက် ပိုင်ဆိုင်မှု များရရှိရန် နည်းလမ်းရှာဖွေလျက်ရှိကြသည်။
မြန်မာနိုင်ငံတွင် Oversea-Chinese Banking Corp ၊ Sumitomo Mitsui Banking Corp နှင့် Bangkok Bank Pcl အပါအဝင် နိုင်ငံခြားဘဏ်လုပ်ငန်းပေါင်း ၂၀ ကျော်ခန့်မှာ ၁၉၉၂ ခုနှစ်မှစ၍ကိုယ်စားလှယ်ရုံးခွဲများ ဖွင့်လှစ်ထားနိုင်ပြီးဖြစ်သည်။ Standard Chartered မှာမူ ရန်ကုန်မြို့တွင် မကြာသေးခင်ကကိုယ်စားလှယ်ရုံးခွဲဖွင့်လှစ်လိုက်နိုင်သည်။
မြန်မာပါလီမန်လွှတ်တော်ကလည်း ဗဟိုဘဏ်အနေဖြင့် လွတ်လပ်စွာသီးခြားရပ်တည်လုပ်ကိုင်နိုင်ရေးအတွက် ဥပဒေတစ်ရပ်ရေးဆွဲရန် အလေးအနက်စဉ်းစားလျက်ရှိ သည်။ IMF ၏ အာရှနှင့် ပစိဖိတ်ဒေသဆိုင်ရာဌာန အကြီးအကဲ Anoop Singh ၏အဆိုအရ နိုင်ငံခြားဘဏ်လုပ်ငန်းများ အတွက် လုပ်ငန်းလိုင်စင်ချထားမည့်ကိစ္စမှာ ရှင်းရှင်းလင်းလင်းမရှိသေးကြောင်းသိရသည်။
"မြန်မာပြည်ထဲကို ဝင်ရောက်လုပ်ကိုင်မယ့် နိုင်ငံခြားဘဏ်တွေဘက်က စိတ်ဝင်စားမှုမရှိတာမျိုးတော့ လုံးဝမရှိတာသေချာပါတယ်။ ပြုပြင် ပြောင်းလဲရေးမြန်နှုန်း နဲ့ အတိုင်းအတာအရပြောရမယ်ဆိုရင် အင်မတန်ထူးထူးခြားခြားနဲ့စိတ်ဝင်စားစရာကောင်းတယ်လို့ဆိုရမှာပါပဲ။ အာရှမှာ စီးပွားရေး နယ်မြေသစ်ဆိုတာ အင်မတန်နည်းပါးနေပါတယ်။ မြန်မာနိုင်ငံဟာအဲဒီစီးပွားရေးနယ်မြေသစ်စာရင်းထဲမှာပါလိမ့်မယ်လို့ ကျွန်တော်မျှော်လင့် ပါတယ်. . . ဟုတ်ပါတယ်ဗျာ မြန်မာနိုင်ငံမှာ အဲဒီလို အလားအလာတွေရှိနေပါတယ်" ဟု Anoop Singh ကသုံးသပ်ပြောဆိုသည်။
******************************************************************************
Posts
