Transparency Myanmar

transparency.myanmar@gmail.com

(24 Jan 2011 ရက်စွဲပါ Japan Today မှ Jananese National Dies in Accident in Myanmar ကို ဘာသာ ပြန်ဆိုသည်)

မြန်မာ နိုင်ငံတွင် ကား မတော်တဆမှုကြောင့် ဂျပန် နိုင်ငံသား တစ်ဦး သေဆုံးပြီး အခြား ဂျပန် တစ်ဦး ဒဏ်ရာ ရရှိခဲ့ကြောင်း  မျက်မြင် သက်သေ များနှင့် တရားဝင် သတင်းများက တနင်္ဂနွေနေ့က ပြောကြားခဲ့သည်။

အသက် (၄၀) ကျော် အရွယ် သွားဆရာဝန် Hideki Hasegawa မှာ သေဆုံးခဲ့ပြီး အမည် မဖော်ရသေးသော ဂျပန် တစ်ဦး ဒဏ်ရာ ရခဲ့ကြောင်း ရန်ကုန်- နေပြည်တော် အဝေးပြေးလမ်း ကီလို (၁၇၀) ခန့်တွင် စနေနေ့ည သန်းခေါင်ယံက ၎င်းတို့၏ ကားတိမ်းမှောက်ခဲ့ကြောင်း သတင်းများက ဆိုသည်။

ယင်းတို့သည် မြန်မာ နိုင်ငံ၏ အုပ်ချုပ်ရေး မြို့တော် နေပြည်တော်သို့ သွားခဲ့ကြကြောင်း၊ အဆိုပါ ကားပေါ်တွင် ပါဝင်သူ မြန်မာ အစိုးရ တာဝန်ရှိသူ တစ်ဦးလည်း သေဆုံးကြောင်း သိရှိရသည်။ ဒဏ်ရာရ ဂျပန် တစ်ဦးနှင့် အခြား မြန်မာ နိုင်ငံသား နှစ်ဦးကို တောင်ငူရှိ ဆေးရုံသို့ ပို့ဆောင်ခဲ့သည်ဟု ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(AFP သတင်းဌာနမှ 23 Jan 2011 ရက်စွဲပါ "Rachel O'Brien ၏ Pressure grows for end to Myanmar Sactions"ဆောင်းပါးကို ဘာသာ ပြန်ဆိုသည်)

မြန်မာနိုင်ငံ အပေါ် အနောက် နိုင်ငံများ၏ ပိတ်ဆို့ အရေးယူမှု  အစီအစဉ်များ အဆုံးသတ်ရန် တောင်းဆိုမှုများ ကြီးထွားလာသော်လည်း ဒီမိုကရေစီ ခေါင်းဆောင် ဒေါ်အောင်ဆန်းစုကြည်၏ ထောက်ခံမှုနှင့် လူ့အခွင့်အရေး ဆိုင်ရာ တိုးတက်မှုများ မရှိပဲ မူဝါဒ ပြောင်းလဲရန် အလားအလာ မရှိဟု ကျွမ်းကျင်သူများက ပြောကြားလိုက်သည်။

မြန်မာနိုင်ငံ၏ အနှစ် ၂၀ အတွင်း ပထမဆုံး ရွေးကောက်ပွဲများ အပြီး နိုဝင်ဘာလတွင် ဒေါ်အောင်ဆန်းစုကြည်ကို လွှတ်ပေးခဲ့ခြင်းက မြန်မာအစိုးရ၏  လူ့အခွင့်အရေး ညှင်းပမ်း နှိပ်စက်မှုများ အပေါ် အမေရိကန် ပြည်ထောင်စုနှင့် ဥရောပ သမဂ္ဂက တုန့်ပြန် ချမှတ်ထားသည့် အရေးယူမှု အစီအစဉ်များ၏ ထိရောက်မှုနှင့် ပတ်သက်၍ ငြင်းခုံမှုကို ပြန်လည် အစပျိုးပေးခဲ့သည်။

မူဝါဒ ချမှတ်သူများ (အစိုးရများ) အကြား အတွင်းကြိတ် ငြင်းခုံမှု များစွာ ဖြစ်ပေါ်နေကာ ယခင်က ချမှတ်ထားခဲ့သော ကာလရှည် ထောက်ခံမှု ရရှိခဲ့သည့် အစီအစဉ်များမှာ ပျက်ယွင်းတော့မည်ဟု ယူဆမှုများ မြင့်တက်လာသည်ဟု ဘန်ကောက် အခြေစိုက် အနောက်တိုင်း သံတမန် တစ်ဦးက ဆိုသည်။

သယံဇာတ ကြွယ်ဝသော အာရှ-မြန်မာ နိုင်ငံမှ အနောက် နိုင်ငံ ကုမ္ပဏီများ ထွက်သွားအောင် ကြီးမားစွာ စွမ်းဆောင်ခဲ့သော အရေးယူ ပိတ်ဆို့မှုများသည် အဆိုပါ ကမ္ဘာ အဆင်းရဲဆုံး နိုင်ငံ၏ ဖွံ့ဖြိုး တိုးတက်မှုကို နှောင့်နှေးစေခဲ့သည်ဟု မူဝါဒ ဆန်းစစ်သူများက ပြောကြားသည်။

သို့သော်လည်း မြန်မာ ရွေးကောက်ပွဲများကို ပြင်းထန်စွာ ဝေဖန်လျက် ရှိသည့် အနောက် နိုင်ငံများက အရေးယူ ဒဏ်ခတ်မှု အစီအစဉ်များကို ရုတ်သိမ်းခြင်း မပြုမီ ခေါင်းမာ လွန်းသော မြန်မာ အစိုးရ အနေဖြင့် လမ်းကြောင်းမှန်သို့ ဦးတည်သည့် အဆင့်တစ်ခု၊ အရေးကြီးသည်ဟု သတ်မှတ် နိုင်သည့် တစုံတခုကို ဖြည့်ဆည်း ပေးရဦးမည်ဟု မြန်မာ့အရေး လေ့လာသူ ဦးအောင်နိုင်ဦးက ဆိုသည်။

နိုဝင်ဘာ ရွေးကောက်ပွဲတွင် ပါဝင် ယှဉ်ပြိုင်ခဲ့သော ဒီမိုကရေစီ လိုလားသည့်  အဓိက ပါတီ ၂ ခုက ပြည်သူ အများစုကို အကျိုး ဖြစ်ထွန်းစေခြင်း မရှိသည့် အရေးယူမှု အစီအစဉ် အားလုံးကို ရုတ်သိမ်းပေးရန် တောင်းဆိုထားသည်။

မြန်မာနိုင်ငံက အဖွဲ့ဝင် အဖြစ် ပါဝင်သည့် အရှေ့တောင်အာရှ နိုင်ငံများ အဖွဲ့ (အာဆီယံ) နှင့် မြန်မာနိုင်ငံ၏ အဓိက တိုင်းရင်းသား နိုင်ငံရေး ပါတီများ အုပ်စုတို့ကလည်း ဇန်နဝါရီ ၃၁ ရက် လွှတ်တော်သစ် ဖွင့်လှစ်မှု မတိုင်မီ အရေးယူမှု အစီအစဉ်များကို ရုတ်သိမ်းပေးရန် တိုက်တွန်းခဲ့ကြသည်။

"ဒီလို မူဝါဒ ပြောင်းလဲဖို့ တောင်းဆိုထားမှု အားလုံးကို လစ်လျူရှုဖို့ ဆိုတာ ခက်ခဲပါလိမ့်မယ်" ဟု အမည် မဖော်လိုသူ သံတမန်က ပြောကြားသည်။

ဒေါ်အောင်ဆန်းစုကြည်က သူမ အနေဖြင့် အရေးယူ ပိတ်ဆို့မှုများနှင့် ပတ်သက်၍ မြန်မာ အစိုးရနှင့် တွေ့ဆုံ ဆွေးနွေးလိုသည်ဟု ယခင်လက AFP နှင့် အင်တာဗျူးတွင် ပြောကြားခဲ့သည်။

"အရေးယူ ပိတ်ဆို့မှုတွေဟာ အလျှော့အတင်း ညှိနှိုင်းတဲ့ ကိရိယာ တစ်ခုလို့ ကျွန်မ မယူဆပါဘူး။ ဒါပေမယ့် အနေအထားကို တိုးတက်အောင် ကြိုးစားတဲ့ နည်းလမ်း တစ်ခု အဖြစ် ရှုမြင်ပါတယ်" ဟု သူမက ဆိုသည်။

"အလွယ် ပြောရမယ်ဆိုရင် အနောက် ကမ္ဘာမှာ မြန်မာ့ သြဇာကြီး ပုဂ္ဂိုလ် တစ်ယောက်ဖြစ်တဲ့ ဒေါ်အောင်ဆန်းစုကြည်ရဲ့ အားပေး ထောက်ခံမှုဟာ အရေးယူမှု အစီအစဉ်တွေ အဆုံးသတ်ဖို့ အတွက် အရေးပါတယ်လို့ ဆိုနိုင်ပါတယ်" ဟု မြန်မာ့အရေး ကျွမ်းကျင်သူများက မှတ်ချက်ပေးသည်။

"ဒေါ်အောင်ဆန်းစုကြည်ရဲ့ လှုံ့ဆော်မှု မပါပဲနဲ့ အီးယူနဲ့ အမေရိကန် ပြည်ထောင်စုက အရေးယူမှုတွေကို ရုတ်သိမ်းနိုင်လိမ့်မယ် ဆိုတာကို ကျွန်တော် သေချာပေါက် ပြောလို့ မရပါဘူး" ဟု London School of Economics မှ မြန်မာ သုတေသန ကျောင်းသား မောင်ဇာနည်က ပြောကြားသည်။

"သူမရဲ့ ထင်မြင်ချက်တွေဟာ လူထုရဲ့ သဘောထားကို ထင်ဟပ်နေတယ်လို့ သတ်မှတ် ယူဆ နိုင်ပါတယ်" ဟု ၎င်းက ဆိုသည်။

ဒေါ်အောင်ဆန်းစုကြည်သည် လွန်ခဲ့သော ၂၁နှစ် အတွင်း ၁၅ နှစ်ခန့် ထိန်းသိမ်းခြင်း ခံရပြီးနောက် နိုဝင်ဘာ (၁၃) ရက်တွင် နေအိမ် အကျယ်ချုပ်မှ လွတ်မြောက်လာခဲ့ခြင်း ဖြစ်သည်။

အမှန် တကယ်တွင် စစ်ဖက်အစိုးရနှင့် အပေါင်းပါများ အားနည်း သွားစေရန် ရည်ရွယ်သော အရေးယူမှု အစီအစဉ်များထက် အနှစ် ၅၀ စစ်အုပ်ချုပ်ရေး အောက်မှ အလွဲလွဲ အမှားမှား စီမံခန့်ခွဲမှုကိုသာ မြန်မာ နိုင်ငံ၏ ဆင်းရဲ ဒုက္ခများ အတွက် အပြစ်တင်ရမည်ဟု အရေးယူ ဒဏ်ခတ်မှုကို ထောက်ခံသူများက ပြောကြားသည်။

မြန်မာ အစိုးရနှင့် ဆက်ဆံသော ကုမ္ပဏီများနှင့် ကုန်သွယ်ခြင်းကို အမေရိကန် ပြည်ထောင်စုက တားမြစ် ထားသည့်အပြင် ၎င်းကုမ္ပဏီတို့၏ ပိုင်ဆိုင်မှုများကို ထိန်းချုပ်ခြင်း၊ မြန်မာနိုင်ငံသို့ ပေးမည့် နိုင်ငံတကာ ချေးငွေများကို ပိတ်ဆို့ခြင်း တို့ကိုလည်း လုပ်ဆောင်ခဲ့သည်။

ဥရောပ သမဂ္ဂ ကလည်း မြန်မာအစိုးရ အဖွဲ့ဝင်များ၏ ပိုင်ဆိုင်မှု၏ စီးပွားရေး လုပ်ငန်းများကို ထိန်းချုပ်ခြင်း၊ ၎င်းတို့၏ ဥရောပ ခရီးသွားလာမှုကို ကန့်သတ်ခြင်း စသော ဒဏ်ခတ်မှုများ ပြုလုပ် ထားသော်လည်း ရေနံကဲ့သို့သော ကုန်သွယ်မှုနှင့် ရင်းနှီးမြှုပ်နှံမှု အချို့ကိုမူ ဆက်လက် လုပ်ကိုင်ခဲ့သည်။

အီးယူ နိုင်ငံခြားရေး မူဝါဒဆိုင်ရာ ပြောရေး ဆိုခွင့် ရှိသူ Catherine Ashton က ပြောကြားရာတွင် ဥရောပ သမဂ္ဂက မြန်မာနိုင်ငံမှ အနေအထားကို ထက်ချပ်မကွာ အနီးကပ် စောင့်ကြည့်လျက် ရှိပြီး အထူးသဖြင့် လူ့အခွင့်အရေး ကိစ္စများနှင့် ပတ်သက်၍ မြန်မာ အစိုးရ ဘာလုပ်မလဲ ဆိုသည်ကို သိရှိလိုသည်ဟု ဆိုသည်။

ဆိုခဲ့သည့် အတိုင်း အနောက်နိုင်ငံ ကုမ္ပဏီများ အပေါ်တွင် ကန့်သတ် တားမြစ်မှုများ ရှိနေသော်လည်း အာရှ ကုမ္ပဏီများ အထူးသဖြင့် တရုတ်၊ အိန္ဒိယ၊ ထိုင်းနှင့် တောင်ကိုရီးယားမှ စီးပွားရေး ကုမ္ပဏီများသည် မြန်မာနိုင်ငံ၏ ပေါကြွယ်သော သဘာဝ သယံဇာတ ကဏ္ဍတွင် ရင်းနှီး မြှုပ်နှံရန် အတွက် နိုင်ငံရေး အခြေအနေနှင့် လူ့အခွင့်အရေး ညှင်းပမ်း နှိပ်စက်မှုများကို လစ်လျူရှုလျက် ရှိကြသည်။

အရေးယူ ပိတ်ဆို့မှုများကြောင့် အခွင့် အလမ်းများ လက်လွှတ်ရသည်ဟု ခံစားနေရသူ အနောက် နိုင်ငံ ရင်းနှီး မြှုပ်နှံသူများထံမှ မြန်မာနိုင်ငံ အပေါ် အရေးယူမှုများ ရုတ်သိမ်းရန် အမှန်တကယ် တွန်းအားပေးမှု ပေါ်ထွက်လာခြင်း ဖြစ်ပြီး ၎င်း၏ ဝေဖန်မှုများသည် မြန်မာပြည်သူများ ပြောဆိုသကဲ့သို့ သုံးနှုန်း တင်ပြထားသည်ဟု မောင်ဇာနည်က ဆိုသည်။

"အထူးသဖြင့် ရေနံ၊ ဓါတ်ငွေ့၊ သတ္တု တူးဖော်ရေးနဲ့ ကျွန်းသစ်လို သဘာဝ သယံဇာတ ရှာဖွေ ကဏ္ဍမှာ ရင်းနှီး မြှုပ်နှံသူတွေက သူတို့ ပြေးဝင် ယှဉ်ပြိုင်ခွင့် ရပြီဆိုတာနဲ့ အကျိုးအမြတ် ရအောင် ပြုလုပ်နိုင်ကြမယ် ဆိုတာကို သိနေကြပါတယ်" ဟု ၎င်းက ပြောကြားသည်။

အရေးယူ ပိတ်ဆို့မှုများ အဘယ်ကြောင့် အလုပ် မဖြစ်သနည်း ဆိုသည်ကို အတိအကျ ပြောရလျှင် သတ်မှတ်ချက်စည်း မထားပဲ ရင်းနှီးမြှုပ်နှံ လိုသည့် အခြား အာရှနိုင်ငံများ၏ အလို ဆန္ဒကြောင့် ဖြစ်သည်ဟု ဝေဖန် ဆန်းစစ်သူများက ဆိုသည်။

အနောက်နိုင်ငံများ အနေဖြင့် ပစ်မှတ်ထား ငွေကြေးကဏ္ဍ ထိန်းချုပ်မှုများကို ထိန်းသိမ်းနေသည့် အချိန်တွင် သွင်းကုန်နှင့် ရင်းနှီး မြှုပ်နှံမှု ဆိုင်ရာ စီးပွားရေး ပိတ်ဆို့မှုများစွာကို လျှော့ချ ပေးရမည့် ဖိအားနှင့် ရင်ဆိုင် ကြုံတွေ့ရန် အလားအလာ ရှိသည်ဟု မြန်မာ့ စီးပွား ရေးရာ ကျွမ်းကျင်သူ Sean Turnell က ပြောကြားသည်။

မြန်မာ အစိုးရနှင့် ဒိုင်ယာလော့ ဆွေးနွေးမှုကို ၂၀၀၉ ခုနှစ်က စတင်ခဲ့သော အမေရိကန် ပြည်ထောင်စုက လူ့အခွင့်အရေး ဆိုင်ရာ ကိစ္စများတွင် ပြောင်းလဲ တိုးတက်စေလိုကာ အထူးသဖြင့် မြန်မာနိုင်ငံမှ နိုင်ငံရေး အကျဉ်းသား ၂၂၀၀ ကို လွှတ်ပေး စေလိုခြင်း ဖြစ်သည်ဟု Sean Turnell က ဆိုသည်။

နိုင်ငံရေးနှင့် စီးပွားရေး ရှေ့တန်း နယ်ပယ် နှစ်ခုစလုံးတွင် ခိုင်မာသော ပိုမို ပြုပြင် ပြောင်းလဲမှုများ ပေါ်ထွက်လာသည် ကိုလည်း အနောက် နိုင်ငံများက တွေ့မြင်လိုကြသည်ဟု Macquarie University in Australia မှ ပါမောက္ခ Sean Turnell က ပြောကြားသည်။

"ရွေးကောက်ပွဲ အပြီးမှာ သမာသမတ် ကျပြီး ပိုမို လွတ်လပ်တဲ့ စီးပွားရေး မူဝါဒတွေ ပေါ်ထွက်လာဖို့ ပြည်သူ အများစု ဆန္ဒ ပြင်းပြစွာ မျှော်လင့် ထားခဲ့ကြပေမယ့် အခုထိ ဘာမှ ဖြစ်မလာ သေးပါဘူး" ဟု ၎င်းက ပြောဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(Assiciated Press မှ 23 Jan 2011 ရက်စွဲပါ Malaysia Holds 7 Somali Pirates After Saving Ship ကို ဘာသာ ပြန်ဆိုသည်)

မလေးရှား ခေါင်းဆောင်က ၎င်း၏ နိုင်ငံ ရေတပ်သည် အေဒင် ပင်လယ်ကွေ့တွင် ဓာတု ပစ္စည်းတင် သင်္ဘော တစ်စင်းအား ပြန်ပေးဆွဲရန် ကြိုးစားမှုကို ဟန့်တား နိုင်ခဲ့ပြီး ဆိုမာလီ ပင်လယ် ဓားပြ အနည်းဆုံး ၇ ဦးကို ဖမ်းဆီး ထိန်းသိမ်း ထားသည်ဟု ပြောကြားလိုက်သည်။

အပြန်အလှန် ပစ်ခတ်မှု ဖြစ်စဉ်တွင် ကွန်မန်ဒိုများက ပင်လယ် ဓားပြ ၃ ဦးကို ဒဏ်ရာ ရစေခဲ့ပြီး မလေးရှားပိုင် MT Bunga Laurel သင်္ဘောမှ သင်္ဘောသား ၂၃ ဦးကို ကယ်ဆယ်ခဲ့သည်ဟု မလေးရှား တော်ဝင် ရေတပ်က ကြာသပတေးနေ့ နှောင်းပိုင်းတွင် ပြောကြားခဲ့သည်။

ပင်လယ် ဓားပြများက မလေးရှား သင်္ဘောကို ပစ္စတို သေနတ်များ၊ ချေမှုန်းရေး ရိုင်ဖယ်များဖြင့် တက်ရောက် စီးနင်းပြီး နှစ်နာရီ မပြည့်ခင်မှာပင် ကယ်ဆယ်မှုကို ပြုလုပ်နိုင်ခဲ့ခြင်း ဖြစ်သည်ဟု မလေးရှား ရေတပ်၏ ကြေညာချက်တွင် ဖော်ပြထားသည်။

သင်္ဘော အဖွဲ့သားများက လုံခြုံ စိတ်ချရသော အခန်းတစ်ခုထဲတွင် ကိုယ်တိုင် သော့ပိတ် ပုန်းအောင်း ခဲ့ကြကာ အရေးပေါ် ကယ်ဆယ်ရေး အကူအညီ တောင်းခံခဲ့သည်ဟု သိရှိရသည်။

ပင်လယ် ဓားပြများကို မလေးရှားသို့ ခေါ်ဆောင်ကာ ပြန်ပေးဆွဲရန် ကြိုးစားမှုဖြင့် တရား စွဲဆိုခြင်း ပြုလုပ်ရေးကို အာဏာပိုင်များက စဉ်းစား သုံးသပ်နေသည်ဟု ဝန်ကြီးချုပ် နာဂျစ် ရာဇာတ်က သောကြာနေ့ ညပိုင်း သတင်းစာ ရှင်းလင်းပွဲတွင် ပြောကြားလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(24 ဇန်နဝါရီ 2011 ရက်စွဲပါ Yahoo News မှ AFP ၏ N.Korean Leader meets Egypt telecoms chief ကို ဘာသာ ပြန်ဆိုသည်)

မြောက်ကိုရီးယား ခေါင်းဆောင် ကင်ဂျုံအီသည် ၎င်း၏ ဆင်းရဲသော ကွန်မြူနစ် တိုင်းပြည်တွင် မိုဘိုင်းဖုန်း လုပ်ဆောက်လျက် ရှိသော အီဂျစ် ကုမ္ပဏီမှ အကြီးအကဲနှင့် တွေ့ဆုံခဲ့ကြောင်း နိုင်ငံပိုင် မီဒီယာက တနင်္လာနေ့က သတင်း ထုတ်ပြန်ခဲ့သည်။

Orascom Telecom Holding မှ ဥက္ကဋ္ဌနှင့် CEO ဖြစ်သူ Naguib Sawiris သည် သောကြာနေ့ ကတည်းက မြောက်ကိုရီးယားသို့ ရောက်ရှိနေခဲ့သည်။ ၎င်း၏ ကုမ္ပဏီသည် ၂၀၀၈ နှောင်းပိုင်းမှ စ၍ မြောက်ကိုရီးယား ကုမ္ပဏီနှင့် ပူးတွဲ၍ မိုဘိုင်းဖုန်း လုပ်ငန်း လုပ်ကိုင်လျက် ရှိသည်။

ကင်ဂျုံအီက ယခုကဲ့သို့ Orascom ၏ ရင်းနှီး မြှုပ်နှံမှုများသည် DPRK တွင် တယ်လီဖုန်း ဆက်သွယ်ရေး အပါအဝင် အခြား နယ်ပယ်များတွင် အောင်မြင်မှု ရရှိနေချိန်တွင် လာရောက် လည်ပတ်ခြင်း အတွက် နွေးထွေးစွာ ကြိုဆိုကြောင်း ပြောခဲ့သည်ဟု မြောက်ကိုရီးယား နိုင်ငံပိုင် KCNA သတင်းဌာနက ပြောခဲ့သည်။

ကင်သည် Sawiris နှင့် ချစ်ကြည် ရင်းနှီးစွာ စကားပြောခဲ့ပြီး ညစာ တည်ခင်းခဲ့သည်ဟု သတင်းဌာနက ပြောသည်။

Orasacom မှ ပြောကြားရာတွင် မြောက်ကိုရီးယားတွင် မိုဘိုင်းဖုန်း သုံးစွဲသူများသည် တစ်နှစ် အတွင်းမှာပင် လေးဆခန့် များလာကြောင်း လွန်ခဲ့သော တစ်နှစ်က (၆၉၂၆၁) သာ ရှိခဲ့ရာ ၂၀၁၀ စက်တင်ဘာ လကုန်တွင် (၃၀၁၁၉၉) ထိ ရှိလာကြောင်း ဆိုသည်။

သို့သော် တုိင်းပြည် လူဦးရေနှင့် စာလျှင် မိုဘိုင်းဖုန်း ထိုးဖောက်မှုမှာ ၁ % သာ ရှိကြောင်း၊ Orascom မှ ပြောသည်။ မြောက်ကိုရီးယားတွင် GDP အရ တစ်နှစ်ဝင်ငွေ ၁၇၀၀ ဒေါ်လာ ရှိပြီး၊ လူဦးရေ (၂၄) သန်း ရှိသည်။

မြောက်ကိုရီးယားတွင် ပြင်ပမှ သတင်းများနှင့် ဆက်သွယ်မှုအား တင်းကျပ်စွာ ချုပ်ကိုင်ထားပြီး၊ ရေဒီယိုနှင့် ရုပ်မြင်သံကြားကို တရားဝင် သတင်းဌာနများသာ ဖမ်းယူရန် ကန့်သတ် ထားသည်။

မြောက်ကိုရီးယားတွင် ၂၀၀၂ နိုဝင်ဘာလက မိုဘိုင်းဖုန်း စနစ် စတင်ခဲ့ပြီး (၁၈) လ အကြာတွင် အကြောင်းပြချက် မရှိပဲ ပိတ်သိမ်းခဲ့ပြီး ဖုန်းအခွံများ ပြန်သိမ်းခဲ့သည်။

သို့သော် ၂၀၀၈ ဒီဇင်ဘာတွင် 3G မိုဘိုင်း ဖုန်းစနစ်ကို အီဂျစ် ကုမ္ပဏီဖြင့် ဖက်စပ် ပြုလုပ်၍ စတင် အသုံးပြုခဲ့သည်။

အဆိုပါ အီဂျစ် အုပ်စုသည် ၂၀၀၇ ခုနှစ်က မြောက်ကိုရီးယားတွင် ဒေါ်လာ (၁၁၅) သန်းတန် ဘိလပ်မြေ စက်ရုံ ရင်းနှီး မြှုပ်နှံရန် သဘောတူညီချက် ရခဲ့ပြီး၊ ပြုံယမ်း မြို့တော်တွင် အပြီးသတ်နေသော (၁၀၅) ထပ်ရှိ Ryugyong ဟိုတယ် ဆောက်လုပ်ခြင်းတွင်လည်း ပါဝင်မှု ရှိကြောင်း သိရှိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(AFP သတင်းဌာနမှ 23 Jan 2011 ရက်စွဲပါ "Philippines Navy eyeing purchase From US" သတင်းကို ဘာသာ ပြန်ဆိုသည်)

ဖိလစ်ပိုင် ရေတပ်က ၎င်း၏ ဟောင်းနွမ်းလာသော သက်တမ်းရင့် သင်္ဘောအုပ်စုကို အဆင့်မြင့်ရန် အတွက် တစ်ပတ်ရစ် ကမ်းခြေစောင့် တိုက်ရေယာဉ် တစ်စင်း ဝယ်ယူရန် အမေရိကန် ပြည်ထောင်စုနှင့် ဆွေးနွေးမှုများ ပြုလုပ်လျက် ရှိသည်ဟု တနင်္ဂနွေနေ့က ပြောကြားသည်။

အမည် မဖော်ပြခြင်း မရှိသော ၃၈၀ ပေ (၁၁၅ မီတာ) အရှည် ဟာမီတန် အမျိုးအစား စစ်ရေယာဉ်သည် မနီလာ၏ ကမ်းခြေ စောင့်ရှောက်မှု စွမ်းရည်ကို သိသိသာသာ မြှင့်တင် ပေးနိုင်လိမ့်မည်ဟု ရေတပ် အကြီးအကဲ ဗိုလ်ချုပ် အလက်ဇန်းဒါးပါးမား ကဆိုသည်။

"ဟာမီတန် အမျိုးအစား စစ်သင်္ဘော ဝယ်ယူ ရရှိနိုင်မယ့် အလားအလာကို အမေရိကန် အစိုးရနဲ့ ကျွန်တော်တို့ စိတ်အား ထက်သန်စွာ ဆွေးနွေးနေပါတယ်၊ ကျွန်တော်တို့ရဲ့ သီးသန့် စီးပွားရေးဇုံ လုံခြုံရေးကို မြှင့်တင်ဖိ်ု့ အတွက် ဒီသင်္ဘောကို လိုအပ်ပါတယ်" ဟု ၎င်းက ပြောကြားသည်။

အကြီးစား ရေခဲခွဲ သင်္ဘောများမှ လွဲလျှင် ဟာမီတန် အမျိုးအစားသည် အမေရိကန် ကမ်းခြေစောင့် တပ်ဖွဲ့က အသုံးပြုနေသော အကြီးဆုံး သင်္ဘောများ ဖြစ်သည်ဟု ဗိုလ်ချုပ်ပါးမားက ဆိုသည်။

အဆိုပါ သင်္ဘော ယခုနှစ် ပထမ နှစ်ဝက်တွင် မနီလာသို့ ရောက်ရှိ လာမည်ဟု မျှော်လင့်ရပြီး ကမ္ဘာ့ သက်တမ်း အရင့်ဆုံး Cannon အမျိုးအစား ဖျက်သင်္ဘော တစ်စင်း ဖြစ်သည့် ရေတပ် အလံတင် သင်္ဘော BRP Raja Humabon ၏ နေရာကို အစားထိုးမည်ဟု ဖိလစ်ပိုင် ရေတပ်က ပြောကြားသည်။

ပြန်လည် ခေါက်သိမ်းနိုင်သော လေယာဉ်ရုံ၊ ရဟတ်ယာဉ် ကုန်းပတ်၊ ဂက်စ်တာဘိုင် အင်ဂျင် နှစ်လုံး တပ်ဆင်ထားသည့် တာမီတန် စစ်သင်္ဘောသည် ပတ်လည် ပစ်ခတ်မှု လက်နက် စနစ်များ ပါဝင်သည့် စွမ်းရည်မြင့် သင်္ဘော အမျိုးအစား ဖြစ်သည်ဟု သိရှိရသည်။ မြောက်မြားစွာသော စီစဉ်ထားမှုများ အနက်မှ ပထမဆုံး အစီအစဉ် ဖြစ်သည်ဟု ဆိုသော ယခု ဝယ်ယူမှုနှင့် ပတ်သက်သည့် တိကျသော ကိန်းဂဏန်းများကို ထုတ်ဖော် ပြောဆိုခြင်း မပြုနိုင်ဟု ဗိုလ်ချုပ် ပါးမားက ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(23 ဇန်နဝါရီ 2011ရက်စွဲပါ BBC News မှ Thai "red shirts" protest and demand readers' release ကို ဘာသာ ပြန်သည်)

ရှပ်နီဝတ် အစိုးရ ဆန့်ကျင်ရေး လှုပ်ရှားသူများသည် ထိုင်းနိုင်ငံ မြို့တော်တွင် ဆန္ဒပြခဲ့ကြပြီး၊ ထောင်ကျနေသော ၎င်းတို့၏ ခေါင်းဆောင်များကို လွှတ်ပေးရန် တောင်းဆိုခဲ့ကြသည်။

ရဲများက ပြောကြားရာတွင် လူပေါင်း (၂၇၀၀၀)ခန့်သည် ယမန်နှစ် ဆန္ဒပြသည့် နေရာမှ စ၍ ငြိမ်းချမ်းစွာ ချီတက်ကြပြီး ဒီမိုကရေစီ အထိမ်းအမှတ် အဆောက်အဦးသို့ သွားရောက်ခဲ့သည်ဟု ဆိုသည်။

ယမန်နှစ်က ဆန္ဒပြမှုများ အပြီးတွင် ရှပ်နီဝတ် ခေါင်းဆောင် (၁၉) ဦးနှင့် ၎င်းတို့ကို ထောက်ခံသူ ဒါဇင်ပေါင်း များစွာ ထိန်းသိမ်း ခံနေရလျက် ရှိသည်။

ဆန္ဒပြမှုများ နှိမ်နှင်းမှုကြောင့် လူ (၉၀) ကျော် သေဆုံးပြီး ရာကျော် ဒဏ်ရာ ရရှိခဲ့သည်။

တနင်္ဂနွေနေ့က United Front for Democracy against Dictatorship (UDD)၏ ဆန္ဒပြမှုမှာ ဒီဇင်ဘာ (၂၂) ရက်နေ့က ဘန်ကောက်တွင် အရေးပေါ် အခြေအနေ ရုတ်သိမ်းပြီးနောက် ဒုတိယ အကြိမ် လူများစွာ စုဝေးကြခြင်း ဖြစ်သည်။

ဇန်နဝါရီလ (၉) ရက်နေ့က အရောင်းအဝယ် စည်ကားရာ Ratchprasong တွင် တန်းစီ လှည့်လည်ကြရာ အဆိုပါ ရပ်ကွက်မှ စီးပွားရေး သမားများနှင့် ကုန်သွယ်များ၏ မကျေနပ်မှုများ ဆန့်ကျင်မှု များကို ကြုံတွေ့ခဲ့ရသည်။ အဆိုပါ ရပ်ကွက်မှာ ယမန်နှစ်က ရှပ်နီများ သိမ်းပိုက်ပြီး ပိတ်ဆို့ထားသော ဧရိယာ ဖြစ်သည်။

ဆန္ဒပြမှုများကြောင့် စီးပွားရေး ဆုံးရှုံးမှုများ ဖြစ်ပေါ်မည့် အရေးကို ကုန်သည်များက မနှစ်မြို့ကြပေ။

Ratchprasong Square Trade Association က ပြောကြားရာတွင် ယမန် နှစ်တွင် ရှပ်နီများ ဆန္ဒပြမှုကြောင့် စီးပွားရေး လုပ်ငန်း (၂၀၀၀)ကျော်မှ ဘတ်(၁၁) ဘီလျံ (ဒေါ်လာ ၃၆၂ သန်း၊ ပေါင် ၂၂၆ သန်း) ဆုံးရှုံး ခဲ့ရသည်ဟု ဆိုသည်။

စစ်တပ်မှ နှိမ်နှင်းပြီး နောက်ပိုင်းတွင် စစ်သွေးကြွ ဆန္ဒပြသူ များသည် အဆိုပါ ရပ်ကွက်မှ ဒါဇင်ပေါင်း များစွာသော အဆောက် အဦးများကို တိုက်ခိုက်ပြီး မီးရှို့ခဲ့ကြသည်။

တနင်္ဂနွေနေ့က ရှပ်နီများသည် အဆိုပါ ရပ်ကွက်တွင် ဆက်လက် မချီတက်မီ (၂) နာရီသာ ရပ်နားမည်ဟု သဘော တူညီခဲ့ကြသည်။ ဆန္ဒပြ ခေါင်းဆောင် တစ်ဦးဖြစ်သူ Jatuporn Prompan က ပြောကြားရာတွင် ဆန္ဒပြမည့် နေရာများတွင် နေထိုင် လုပ်ကိုင်သူများ ဒုက္ခ မရောက်စေရေး ကြိုးစား သွားမည်ဟု ဆိုခဲ့သည်။

တနင်္ဂနွေနေ့က စီတန်း လှည့်လည်ရာ Mr Jatuporn က ကြေညာရာတွင် တစ်လလျှင် တစ်ခါသာ ဆန္ဒပြပွဲ ကျင်းပမည် ဖြစ်ကြောင်း၊ ယခင် စီစဉ်သကဲ့သို့ နှစ်ခါ မဟုတ်ကြောင်း ဆိုခဲ့သည်။

နောက်ဆုံး ဆန္ဒပြမှုမှာ လှုပ်ရှားမှုများ အင်အား ကြီးနေသေးကြောင်း ပြသလိုက်ခြင်း ဖြစ်ပြီး၊ ကျေးလက်နှင့် မြို့ပြမှ အလုပ်သမား လူတန်းစား၏ ထောက်ခံမှုကိုလည်း ဆွဲဆောင်ခဲ့သည်။

ယခု ဆန္ဒပြသူများသည် ၂၀၀၆ ခုနှစ်က အာဏာ သိမ်းခံရပြီး ထွက်ပြေးခဲ့ရသူ ဝန်ကြီးချုပ်ဟောင်း သက်ဆင်ကို ထောက်ခံသူများ ဖြစ်ကြသည်။

ရှပ်နီ ဆန္ဒပြသူများသည် သက်ဆင်အား ဆန့်ကျင်သူ ရှပ်ဝါ ဆန္ဒပြသူများထက် ပိုမို ဆိုးရွားစွာ နှိပ်ကွပ်ခံခဲ့ရသည်ဟု ၎င်းတို့က ပြောသည်။

UDD သည် ပြီးခဲ့သည့်နှစ် ဆန္ဒပြပွဲများ အတွင်း သေဆုံးမှုများကို စုံစမ်း စစ်ဆေး နေမှုများအား အပြီးသတ်ရန် လိုလားလျက် ရှိသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.