Transparency Myanmar

transparency.myanmar@gmail.com

yangonchronicle 2011
yangonchronicle 2011

၉.၇.၂၀၁၁

ပြည်တွင်းသတင်းများ

သာကေတရှုခင်းသာရှိ အကြွေစေ့ဂိမ်းဆိုင်ကို ဝင်ရောက်ဖမ်းဆီး

၂၀၁၁ ခုနှစ် ဇူလိုင်လ ၃ ရက်နေ့၌ ရန်ကုန်တိုင်းဒေသကြီး၊ ဒေါပုံမြို့နယ်၊ သင်္ဘောကျင်းရပ်ကွက်၊ ရှုခင်းသာဥယျာဉ်ဝင်းအတွင်းရှိ ASIA POINT BOWLING CENTRE အဆောက်အဦးရှိ GOLDEN STAR GAME CENTRE အမည်ရှိ ငွေကြေးနှင့်လဲလှယ်၍ ကစားရသည့် အကြွေစေ့ဂိမ်းဆိုင်အား ရန်ကုန်တိုင်းဒေသကြီးရဲတပ်ဖွဲ့မှ အင်အားအလုံးအရင်းဖြင့် ဝင်ရောက်ရှာဖွေဖမ်းဆီးခဲ့ကြောင်း သိရသည်။

အဆိုပါ ရှုခင်းသာဥယျာဉ်ဝင်းအတွင်းရှိ GOLDEN STAR GAME CENTRE အမည်ရှိ ဂိမ်းဆိုင်ကို မလေးရှားနိုင်ငံသားတစ်ဦးနှင့် မြန်မာနိုင်ငံ သား သုံးဦးမှ အစုစပ်ပုံစံဖြင့် ပိုင်ဆိုင်ပြီး တရားဝင်ဂိမ်းဆိုင် အထောက်အထားတစုံတရာ မရှိဘဲ ဖွင့်လှစ်ထားခြင်းဖြစ်ကြောင်း သိရသည်။

ယင်း ဂိမ်းဆိုင်အား ဝင်ရောက်ဖမ်းဆီးစဉ် ငွေကြေးဖြင့်လဲလှယ်၍ ကစားရသည့် အကြွေစေ့သုံးဂိမ်းစက်တွင် ဆော့ကစားနေသည့် ကစားနေသူ အိန္ဒိယနိုင်ငံသားကျားတစ်ဦး၊ မြန်မာနိုင်ငံသား ကျားငါးဦးနှင့်မနှစ်ဦးတို့ကို တွေ့ရှိခဲ့ရကြောင်း သိရသည်။ ထို့ပြင် ရန်ကုန်တိုင်းဒေသကြီး ရဲတပ်ဖွဲ့မှ ၎င်းဂိမ်းဆိုင်အား ဝင်ရောက်ဖမ်းဆီးစဉ် အပေါ်ထပ်ရှိ အကြွေစေ့ဂိမ်းဆိုင် မန်နေဂျာ သန်းဌေးကို ဖမ်းဆီးရမိခဲ့ပြီး၊ အောက်ထပ်ဆိုင်မန်နေဂျာ ဦးပာန်ထွန်းဦးမှာ ထွက်ပြေးသွားခဲ့ကြောင်း သိရသည်။

GOLDEN STAR GAME CENTRE အမည်ရှိ ဂိမ်းဆိုင်မှ ပိုက်ဆံဖြင့်လဲလှယ် ဆော့ကစားရသည့် အကြွေစေ့ ဂိမ်းစက်များ၊ လောင်းကစားမှု ပြုလုပ်ရာ၌ အသုံးပြုခဲ့သည့် အကြွေစေ့များ၊ အကြွေစေ့ဖြင့် လဲလှယ်ပြီးသားငွေကြေးများ၊ စာရွက်စာတမ်းများနှင့် ဆော့ကစားနေသူများ၏ မော်တော်ယာဉ် များကို သိမ်းဆည်းရမိခဲ့ကြောင်း သိရသည်။

မကြာသေးမီကာလအတွင်းကလည်း ရန်ကုန်တိုင်းဒေသကြီးအတွင်း အကြွေစေ့နှင့် လောင်းကစားရသည့် ဂိမ်းဆိုင်များ၊ ကစာဝိုင်းများကို ပိတ် သိမ်း ရမည်ဖြစ်ကြောင်း ရန်ကုန်တိုင်းဒေသကြီးအစိုးရအဖွဲ့မှ ညွှန်ကြားထားခဲ့ကြောင်း သိရသည်။

(Hot News၊ အတွဲ-၁၊ အမှတ်-၄၇ ပါ “သာကေတရှုခင်းသာမှာ လောင်းကစားသမားတွေ ဖမ်းလိုက်ပြီ” သတင်းအား အကျဉ်းချုံး ဖော်ပြသည်)

-----------------------------------------------------------------------------------------------------------------------------------

ယခု ဘဏ္ဍာနှစ်တွင် ကျောက်မီးသွေးတန်ချိန် တိုးမြှင့်ထုတ်လုပ်မည်

ယခင် ဘဏ္ဍာရေးနှစ်က ထုတ်လုပ်ခဲ့သည့် ကျောက်မီးသွေးတန်ချိန် ၅ ဒဿမ ၃၂ သန်းခန့်ထက် ပိုမိုရရှိနိုင်ရန် ယခုနှစ် ၂၀၁၁-၂၀၁၂ ဘဏ္ဍာရေး နှစ်မှစတင်၍ ကျောက်မီးသွေးကို တိုးမြှင့်ထုတ်လုပ်သွားမည်ဖြစ်ကြောင်း သိရသည်။

မြန်မာနိုင်ငံတွင် တွေ့ရှိရသည့် ကျောက်မီးသွေးသိုက်များ၏ အရွယ်အစားမှာ နိုင်ငံတကာအဆင့်နှင့် နှိုင်းယှဉ်မည်ဆိုပါက သေးငယ်နေကြောင်း၊ သို့သော် ထပ်မံတိုးချဲ့၍ ရှာဖွေမည်ဆိုပါက ကျောက်မီးသွေးဖြစ်ထွန်းနိုင်မည့် အလားအလာကောင်းများကို တွေ့ရှိရကြောင်း၊ ယခင်နှစ်ထက် ယခု ၂၀၁၁- ၂၀၁၂ ဘဏ္ဍာရေးနှစ်တွင် ကျောက်မီးသွေးကို ပိုမိုတိုးမြှင့်၍ ထုတ်လုပ်သွားမည်ဖြစ်ကြောင်း၊ ကျောက်မီးသွေးသုံးစွဲမှုများတွင် ပေါ်ပေါက်လာနိုင်မည့် သဘာဝပတ်ဝန်းကျင်ထိခိုက်မှုကို ကာကွယ်ထိန်းချုပ်နိုင်ရန် ဆောင်ရွက်သွားမည်ဖြစ်ကြောင်း သတ္တုတွင်းလုပ်ငန်းမှ တာဝန်ရှိသူတစ်ဦးက ပြောကြားခဲ့ သည်။

မြန်မာနိုင်ငံတွင် စက်မှုကဏ္ဍဖွံ့ဖြိုးတိုးတက်နိုင်ရန် လျှပ်စစ်ဓာတ်အားပေးစက်ရုံများ၊ ဘိလပ်မြေစက်ရုံများနှင့် အခြားစက်မှုလုပ်ငန်းများအတွက် လိုအပ်သည့် လောင်စာစွမ်းအင်ရရှိနိုင်ရန် ကျောက်မီးသွေးသယံဇာတကို သတ္တုတွင်းဝန်ကြီးဌာနမှ ရှာဖွေခဲ့ရာ မြန်မာနိုင်ငံအတွင်း ကျောက်မီးသွေးတွင်း ၄၉၅ နေရာကို တွေ့ရှိခဲ့ရကြောင်း သိရသည်။

(Hot News၊ အတွဲ-၁၊ အမှတ်-၄၇ ပါ “၂၀၁၁-၂၀၁၂ တွင် ကျောက်မီးသွေးတန်ချိန် တိုးမြှင့်ထုတ်လုပ်မည်” သတင်းအား အကျဉ်းချုံး ဖော်ပြ သည်)

-----------------------------------------------------------------------------------------------------------------------------------

ဆိုင်ဝန်ထမ်းများ အကျင့်ပျက်ခြစားမှုပပျောက်ပါက စက်သုံးဆီဈေး ပိုမိုကျဆင်းနိုင်ဖွယ်ရှိ

ပုဂ္ဂလိက စက်သုံးဆီဆိုင်များတွင် လုပ်ကိုင်လျက်ရှိသော ဆီဆိုင်ဝန်ထမ်းများတွင် လာဘ်ပေးလာဘ်ယူမှု ပပျောက်သွားမည်ဆိုပါက စက်သုံးဆီ ဈေးနှုန်းများ ယခုထက် ပိုမိုကျဆင်းလာနိုင်ဖွယ်ရှိကြောင်း စီးပွားရေးလုပ်ငန်းရှင်တစ်ဦးက ပြောကြားခဲ့သည်။

လက်ရှိ ပုဂ္ဂလိကစက်သုံးဆီဆိုင်များတွင် ရောင်းချသည့် စက်သုံးဆီဈေးနှုန်းများထက် ပြင်ပမှောင်ခို စက်သုံးဆီဈေးနှုန်းမှာ ပိုမိုသက်သာသည့် အတွက် ယာဉ်ပိုင်ရှင်များမှာ စက်သုံးဆီများကို ဈေးနှုန်းပိုမိုသက်သာသည့် ပြင်ပစက်သုံးဆီ မှောင်ခိုဈေးကသာ ဝယ်ယူသုံးစွဲကြကြောင်း သိရသည်။

ပုဂ္ဂလိကစက်သုံးဆီဆိုင်များတွင် စက်သုံးဆီရောင်းဈေးနှုန်းမှာ ဒီဇယ်ဆီ တစ်ဂါလန်လျှင် ၃၆၀၀ ကျပ်နှင့် ၃၈၀၀ ကျပ်အထိရှိပြီး ပြင်ပမှောင်ခို ဈေးကွက်ရှိ စက်သုံးဆီဈေးနှုန်းမှာ တစ်ဂါလန်လျှင် ၃၀၀၀ ကျပ်သာရှိကြောင်း သိရသည်။ ထို့ကြောင့် ယာဉ်ပိုင်ရှင်အများစုသည် စက်သုံးဆီဈေးနှုန်း ပိုမို သက်သာသည့် ပြင်ပစက်သုံးဆီဆိုင်များတွင်သာ ဝယ်ယူလေ့ရှိကြောင်း သိရသည်။

မိမိတို့ စက်သုံးဆီဆိုင်တွင် ဒီဇယ်ဆီနှင့် အောက်တိန်းဆီများကို လိုသလောက် ရောင်းပေးလျက်ရှိကြောင်း၊ စက်သုံးဆီဈေးနှုန်းကိုလည်း ဆီအဝင် အပေါ် မူတည်၍ ရောင်းချပေးခဲ့သည့်အတွက် အမြတ်တင်ရောင်းချမှုမျိုး လုံးဝမရှိကြောင်း ဆီဆိုင်ဝန်ထမ်းတစ်ဦးက ပြောကြားခဲ့သည်။

ပုဂ္ဂလိက စက်သုံးဆီဆိုင်များရှိ ဆီဆိုင်ဝန်ထမ်းများသည် ပုံမှန်လာရောက်ဝယ်ယူလျက်ရှိသော ယာဉ်ပိုင်ရှင်အား စက်သုံးဆီထည့်ပေးရာတွင် ဂါလန်လျှော့ခြင်တွယ်၍ ထည့်ပေးပြီး ၎င်းတို့မှ ပိုလျှံဆီများကို ပြင်ပမှောင်ခိုဈေးကွက်တွင် ဈေးနှုန်းသက်သက်သာသာဖြင့် ရောင်းချကြသည့်အတွက် ယခု ကဲ့သို့ ပြင်ပမှောင်ခိုစက်သုံးဆီဈေးနှုန်းမှာ ပုဂ္ဂလိက စက်သုံးဆီဆိုင်ကြီးများထက် ပိုမိုသက်သာနေခြင်းဖြစ်ကြောင်း သိရသည်။

(မြန်မာပို့စ်(ဂလိုဘယ်)၊ အမှတ်-၁၆ ပါ “ဆီဆိုင်ဝန်ထမ်းများ လာဘ်ပေးလာဘ်ယူမှု ပပျောက်ပါက စက်သုံးဆီဈေးများ ပိုမို ကျဆင်းလာမည်” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

NLD ရုံးအား ဝင်ရောက်စီးနင်းမည်ဟု သတင်းထွက်များပေါ်

ရန်ကုန်၊ ဇူလိုင် ၉။

အမျိုးသားဒီမိုကရေစီအဖွဲ့ချုပ်အား ဇူလိုင် ၈ ရက်နေ့ညတွင် ဝင်ရောက်စီးနင်းမည်ဟု သတင်းထွက်ပေါ်လာခဲ့ပြီး အဆိုပါသတင်းသည် မှန်ကန်မှုမရှိကြောင်း ယနေ့ နေ့လည်အချိန်ထိ ဖြေရှင်းနေရသည်ဟု NLD မှ တာဝန်ရှိသူတစ်ဦးက ဆိုသည်။

ယင်းသတင်းသည် ဒေါ်အောင်ဆန်းစုကြည် ပုဂံညောင်ဦးမှရန်ကုန်သို့ ပြန်ရောက်သည့်နေ့တွင် ထွက်ပေါ်လာခြင်း ဖြစ်ကာ၊ NLD၏ ခေါင်းဆောင် နှစ်ဦးဖြစ်သော ဦးအောင်ကြည်နှင့်ဒေါ်အောင်ဆန်းစုကြည်တို့အား ပြည်ထဲရေးဝန်ကြီးမှ NLD ၏ လှုပ်ရှားမှုများနှင့်ပက်သတ်၍ အကြောင်းကြားစာပို့ပြီး နောက် ၁၀ ရက်အကြာတွင် ထွက်ပေါ်လာခြင်းဖြစ်သည်။

NLD ဗဟိုအဖွဲ့ချုပ်လူငယ်တစ်ဦးမှ "အန်တီ ခရီးသွားတဲ့နေ့တွေမှာ ရုံးကို လူငယ် ၅ ယောက်လောက် ညစောင့်အိပ်တယ်။ ဒီလိုစောင့်အိပ်တာ လည်း ၁၀ ရက်ကျော်လောက်ရှိပါပြီး၊ ဒီလိုစောင့်အိပ်တဲ့အချိန်တွေမှာလည်း ထူးခြားတာတွေ မရှိပါဘူး။ အန်တီပြန်လာတဲ့ညမှာတော့ ရုံးချုပ်ရှေ့က လက်ဘက်ရည်ဆိုင်မှာ လုံခြုံရေးအင်အားတိုးပြီး ချထားတာ တွေ့ရပါတယ်။ ပြီးတော့ ဓာတ်ပုံမှတ်တမ်း ယူတာလည်းရှိတယ်"ဟု ဆိုသည်။

အဆိုပါသတင်းထွက်ပေါ်လာခြင်းကြောင့် NLD မှတာဝန်ရှိသူများ၊ မြန်မာ့နိုင်ငံရေးအား စိတ်ဝင်စားသူများကြား လှုပ်လှုပ်ရှားရှားဖြစ်သွားကြောင်း မြန်မာ့နိုင်ငံရေးအား စိတ်ဝင်တစား စောင့်ကြည့်နေသူတစ်ဦးက ဆိုသည်။

၎င်းက "လက်ရှိအချိန်မှာ နိုင်ငံက ကလေးတစ်ယောက်လိုပဲ၊ ဘာလုပ်လုပ် စိုးရိမ်တကြီး သွားလာနေရတဲ့အချိန်လေ၊ ဒီလိုအချိန်မျိုးမှာ စိတ်ဝမ်းကွဲစရာ၊ သင်္ကာမကင်းဖြစ်စရာ သတင်းတွေ ထွက်ပေါ်လာရင်တော့ တစ်ဦးကိုတစ်ဦး ယုံထင်ကြောင်ထင်ဖြစ်လာရင် နိုင်ငံသွားနေတဲ့လမ်းမှာ အဆင်မပြေ စရာတွေ ဖြစ်လာနိုင်တယ်။ ဒီတော့ ဒီလို သတင်းတွေကို မဟုတ်ဘဲ၊ ထုတ်ပြန်တာတို့ မလုပ်သင့်ဘူးထင်ပါတယ်"ဟု ဆိုသည်။

ကျော်စွာ

-----------------------------------------------------------------------------------------------------------------------------------

အင်ဂျင်နီယာကောင်စီ ဥပဒေမူကြမ်းတစ်ရပ် တင်သွင်းမည

သိပ္ပံနှင့် နည်းပညာဝန်ကြီးဌာနသည် ယခုနှစ်အတွင်း ပြန်လည်ကျင်းပမည့် ပြည်သူ့လွှတ်တော်သို့ အင်ဂျင်နီယာကောင်စီ ဥပဒေမူကြမ်း တစ်ရပ်ကို တင်သွင်းမည်ဟု အင်ဂျင်နီယာအသင်း (မန္တလေး)မှ စုံစမ်းသိရှိရသည်။

တင်သွင်းမည့် အင်ဂျင်နီယာကောင်စီဥပဒေတွင် မြန်မာအင်ဂျင်နီယာများ အရည်အသွေးမြင့်မားပြီး အလုပ်အကိုင် အခွင့်အလမ်းများနှင့် အိမ်နီး ချင်းနိုင်ငံများရှိ အင်ဂျင်နီယာများနှင့် ရင်ပေါင်တန်းယှဉ်ပြိုင်လုပ်ကိုင်နိုင်မည့် အခွင့်အရေးပါ အချက်များကို ထည့်သွင်းရေးဆွဲထားကြောင်း သိရသည်။

ယင်းဥပဒေကြောင့် ထားဝယ်၊ ကျောက်ဖြူ၊ သီလဝါတို့၌ ထူထောင်မည့် စီးပွားရေးဇုန်များတွင် အင်ဂျင်နီယာများအတွက် အလုပ်အကိုင် အခွင့် အလမ်းများ ပေါ်ထွက်လာမည်ဖြစ်ကြောင်း၊ တင်သွင်းမည့်ယင်းဥပဒေသည် စက်မှုနိုင်ငံ ထူထောင်ရေးနှင့် လူ့စွမ်းအားအရင်း အမြစ်ဖွံ့ဖြိုးတိုးတက်ရေး ရည်မှန်းချက်များအကောင်အထည်ဖော်ရန် လွန်စွာအရေးပါသည့် ဥပဒေဖြစ်ကြောင်း အင်ဂျင်နီယာအသင်း(မန္တလေး)မှ တာဝန်ရှိသူများက ပြောကြားချက် အရ သိရသည်။

မြန်မာနိုင်ငံအင်ဂျင်နီယာအသင်းကို ၁၉၉၈ ခုနှစ်တွင် စတင်ဖွဲ့စည်းခဲ့ပြီးအသင်းဝင်အင်အားမှာ သုံးသောင်းကျော်ရှိကာ ရန်ကုန်မြို့ရှိ တက္ကသိုလ် များလှိုင်နယ်မြေတွင် ရုံးချုပ်ကို ဖွင့်လှစ်ထားသည်။

(The Voice Weekly အတွဲ ၇ ၊ အမှတ်-၃၀ ပါ “သိပ္ပံနှင့် နည်းပညာဝန်ကြီးဌာန အင်ဂျင်နီယာဥပဒေ လွှတ်တော်သို့ တင်သွင်းမည်” သတင်းအား အကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

"ဖွဲ့စည်းပုံအခြေခံဥပဒေမှာ ပါတဲ့ တချို့အချက်တွေမှာ သဘောထား ကွဲလွဲခဲ့ကြတာမျိုးတွေရှိပေမယ့် အမျိုးသားဒီမိုကရေစီအဖွဲ့ချုပ်နဲ့ နိုင်ငံရေးနောက်ခံ အကြောင်းတရားတွေက ရှိနေဆဲ နိုင်ငံရေးအရှိတရားပါ။ အခုလွှတ်တော်အရ ပေါ်ပေါက်လာတဲ့ အစိုးရအသစ်ကလည်း နိုင်ငံရေးမှာ အရှိတရားတစ်ခုပါ။ ဒီနှစ်ခုကြားမှာ စေ့စပ်ဆွေးနွေး ညှိနှိုင်းကြဖို့လိုပါတယ်"

ဇူလိုင် ၈ ထုတ် Weekly ELEVEN အတွဲ (၄) အမှတ် (၁၄) တွင်ပါသည့် "အစိုးရအဖွဲ့သစ်နှင့် ရက် ၁၀၀" သတင်းဆောင်းပါးမှ ဆရာမောင်ဝံသ ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"တစ်ခါတစ်လေကိုယ်က ကောင်းစေချင်တဲ့စိတ်နဲ့ လုပ်တဲ့ဟာတွေက ကိုယ့်အတွက်ထိခိုက်သွားတယ်။ ဆရာဝန်တစ်ယောက် ထိခိုက်သွားရင်ပိုပြီး နစ်နာ တယ်ဆိုတဲ့ဟာမျိုးပေါ့။ ကျွန်တော်တို့ မတိုင်ခင်အရင်ခေတ် ဆရာဝန်ကြီးအများစုက လူနာလုံခြုံရေးကို ပိုပြီးစဉ်းစားပေးတယ်။ အပွင့်လင်းဆုံးပြောရရင် တရားစွဲတယ် ဘာညာဆိုတာ မရှိခဲ့သလောက် ရှားတာပေါ့။ အခုနောက်ပိုင်းတဖြည်းဖြည်းအနေအထားက ဆရာဝန်လုံခြုံရေး (Doctor Safety) ကိုပိုပြီး စဉ်းစားလာရတယ်။ ဆရာဝန်တွေကို ဒီအချိန်မှာ တရားစွဲတာလည်းရှိလာတယ်။ ဆရာဝန်တွေ ကာကွယ်နိုင်အောင် လုပ်လာကြတာပေါ့။ ဒီအချိန်မှာ လုပ်ပေးလိုက်ဖို့ပိုသင့်တယ်။ လုပ်ပေးလိုက်လို့ ကိုယ့်အတွက် ထိခိုက်သွားမယ်ဆိုရင် မလုပ်ကြတော့ဘူး။ ကိုယ်လွတ်ရုန်းကြတဲ့အတွက် အခုခေတ် အနေ အထားအရ နောက်ပိုင်းမှာ ပိုဆိုးလာတယ်"

ဇူလိုင် ၈ ထုတ် The HOT NEWS အတွဲ (၁) အမှတ် (၄၇) တွင်ပါသည့် "ဆေးကုသမှု အသွင်ပြောင်းလဲလာ" သတင်း ဆောင်းပါးမှ မြန်မာနိုင်ငံ ဆရာဝန်အသင်း၏ လူငယ်ဆရာဝန်တစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"မြန်မာနိုင်ငံ ဆန်စပါးလုပ်ငန်းအသင်းအနေဖြင့် စားသုံးတဲ့သူရော၊ ပြည်တွင်းမှာရှိတဲ့ကုန်သည်ပွဲစားရော အကျိုးအမြတ်ရှိအောင် စဉ်းစားပေးရတာပေါ့။ အဓိကကတော့ နိုင်ငံတော်နဲ့ ပုဂ္ဂလိကလုပ်ငန်းရှင်တို့ကို ချိတ်ဆက်ပေးတာ၊ မင်းက ဘယ်လောက်ပို့၊ သူကဘယ်လောက်ပို့ဆိုပြီး ခွဲတမ်းချပေးတာ မဟုတ် ဘူး။ ပို့ချင်တဲ့ပမာဏကို လက်ဝယ်မှာ စုဆောင်းထားပြီးပြီလား၊ စုဆောင်းထားတဲ့ပမာဏကို အသင်းက သွားစစ်ပြီးတော့မှ လိုင်စင်ရရှိရေးအတွက် သက်ဆိုင်ရာကို ထောက်ခံပေးလိုက်တာ။ အသင်းက ခွဲတမ်းချပေးတာ မဟုတ်ဘူး။ တနည်းအားဖြင့် ဆန်ပို့မယ့်ကုမ္ပဏီနဲ့ နိုင်ငံတော်ကို ချိတ်ဆက် အကျိုး ဆောင်ပေးတာ၊ ခုနကပြောသလို လက်ဝယ်စုဆောင်းထားတဲ့ ပမာဏအပေါ် အခြေခံပြီး ပို့ကုန်လိုင်စင်ရရှိအောင် ချိတ်ဆက်ညှိနှိုင်းပေးတာပါ"

ဇူလိုင် ၆ ထုတ် မြန်မာပို့စ် အတွဲ (၃) အမှတ် (၂၅) တွင်ပါသည့် "မည်သူမဆိုလက်ဝယ်ရှိ ဆန်ပမာဏအပေါ် မူတည်၍ ပြည်ပသို့ တင်ပို့ခွင့်ရရန် မြန်မာနိုင်ငံ ဆန်စပါးလုပ်ငန်းအသင်းမှ ကူညီပေးမည်ဟုဆို" သတင်းမှ မြန်မာနိုင်ငံ ဆန်စပါးလုပ်ငန်းအသင်းမှ အဆင့်မြင့် တာဝန်ရှိသူ တစ်ဦး ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

"ဝင်ငွေခွန်ထဲက ဒီလိုပရဟိတလုပ်ပြီး အခွန်ပေးဆောင်ရတာဟာ ယဉ်ကျေးမှုလိုဖြစ်နေတယ်။ အရက်လုပ်ငန်းမှ မဟုတ်ဘဲ အခြားလုပ်ငန်းတွေလည်း အခွန်လုပ်ငန်းနဲ့ ညှိနှိုင်းပြီး ပရဟိတလုပ်သလိုနဲ့ ရှောင်တိမ်းလို့ဝင် ငွေခွန်တွေ မရတာတွေလည်း ရှိသလို ရအောင်ယူလို့ အခွန်ရတာတွေလည်းရှိတယ်။ တရားဝင်မှတ်ပုံတင်ထားရင် စစ်ဆေးလို့ ပေါ်ရင်တော့ အခွန်က တိတိကျကျ ပေးဆောင်ရပါတယ်။ တကယ်လို့ အခွန်တွေကိုစည်းကြပ်ပြီး လုပ်ပုံလုပ်နည်း ဓလေ့ထုံးစံအမှန်တိုင်း ကောက်ခံရင်တော့ အခွန်ရှောင်တိမ်းမှုမပြုနိုင်ဘူးလို့ထင်တယ်"

ဇူလိုင် ၄ ထုတ် The Messenger အတွဲ (၂) အမှတ် (၇) တွင်ပါသည့် "မျက်နှာဖုံးသတင်း လုပ်ငန်းရှင်ကြီးများ ပရဟိတ အနည်းငယ်လုပ်၍ အခွန် ရှောင်ခြင်းသည် နိုင်ငံ့ဘဏ္ဍငွေကို ထိခိုက်နိုင်" သတင်းမှ စီးပွားရေးပညာရှင် ဒေါ်ရီရီမြင့်၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ကိုယ့်အိတ်ထဲက အပါမခံတဲ့ ဆွေမျိုးပေါက်ဖော်

"တရုတ်နိုင်ငံဘက်ကိုအကြောင်း အမျိုးမျိုးနဲ့လာကြတဲ့သူတွေရှိပါတယ်။ နယ်စပ်စည်းမျဉ်းကို ဥပဒေနဲ့အညီ တရားဝင်ဖြတ်သန်း ၀င်ရောက်လာတဲ့ သူတွေကို ကျွန်တော်တို့ နိုင်ငံဘက်က ကြိုဆိုပါတယ်။ တချို့တရားမဝင် ဝင်လာတာတွေ ရှိတယ်။ ဒါမျိုးဆိုရင်တော့ မကောင်းဘူးပေါ့။ ရွှေလီမှာရော၊ ကြယ်ဂေါင်မှာရော မြန်မာနိုင်ငံသားတွေ အများကြီးရှိပါတယ်။ နှစ်နိုင်ငံ ချစ်ကြည်ရင်းနှီးမှု၊ နယ်စပ်ဒေသဖွံ့ ဖြိုးတိုးတက်ဖို့ ဆွေမျိုးပေါက်ဖော် ဆက်ဆံရေးကို ကျွန်တော်တို့ အရမ်းအလေးထားပါတယ်"ဟု ကြယ်ဂေါင်အထူးစီးပွားရေးဇုန် ဒုတိယဥက္ကဋ္ဌ မစ္စတာလီကျီကွေးက ကြယ်ဂေါင်မြို့၌ ကျင်းပသော တရုတ် ကွန်မြူနစ် ပါတီနှစ် ၉၀ ပြည့်အခမ်းအနားသို့ တက်ရောက်လာသော မြန်မာစာနယ်ဇင်းသမားများကို ပြောသည်။

“တရားမဝင် ဝင်လာတာတွေ ရှိတယ်၊ ဒါမျိုးဆိုရင်တော့ မကောင်းဘူးပေါ့” ဟူသော စကားရပ်၏ နောက်ကွယ်တွင် တရုတ်နိုင်ငံအတွင်း မြန်မာများ တရားမဝင်နေထိုင်ပါက အရေးယူခြင်းခံရမည်ဟု ဆိုလိုဟန်ရှိသည်။ သို့ဆိုလျှင် မြန်မာနိုင်ငံတွင် တရားမဝင်နေထိုင်သော တရုတ်လူမျိုးများကို မြန်မာ အစိုးရ မည်သို့မျှ အရေးမယူခဲ့သည့် မျက်နှာကိုပင် မထောက်သလောဟု ဆိုဖွယ်ရှာရှိပါသည်။ မြန်မာနိုင်ငံတွင် ၈၈အရေးအခင်းအပြီး တရားမဝင် ရောက်ရှိ လာကြသော တရုတ်လူမျိုး ၂ သန်းကျော် ရှိသည်။ အချို့က ပိုက်ဆံပေး၍ မှတ်ပုံတင်ရကာ တရားဝင် မြန်မာနိုင်ငံသားများ ဖြစ်သွား ကြပြီဖြစ်သည်။ တရုတ် ဘက်သို့ ဝင်လိုလျှင် မြန်မာတစ်ဦးကို ရက်သတ္တပတ်အတွက် မြန်မာငွေ တစ်ထောင်ကျပ်ပေးရသည်။ တရုတ် လဝကများ၊ ရဲများသည် လာဘ်စားမှု ဝါသနာ ထုံပါသည်။ မြန်မာနိုင်ငံမှ ခိုးထုတ်လာသော ပစ္စည်းမှန်သမျှကို လာဘ်ငွေယူ၍ တရုတ်နိုင်ငံအတွင်း တင်သွင်းခွင့်ပြုသည်။ သို့သော် မူးယစ်ဆေးဝါးတော့ တင်သွင်းလျှင် သေဒဏ်ပေးခံရ မည်ဖြစ်သည်။။ တရုတ်နိုင်ငံမှ မြန်မာနိုင်ငံသို့ တင်သွင်းလျှင်မူ ပြဿနာမရှိ။ အဓိကမှာ တရုတ်လူမျိုး ဘိန်းစားမဖြစ်စေနှင့်၊ မြန်မာဖြစ်လျှင် ဖြစ်ပါစေဟူသော စေတနာထားပုံရသည်။ ထို့ပြင် မည်သည့်မြန်မာနိုင်ငံသားမျှ တရုတ်မှတ်ပုံတင် ရသည်ဟူ၍ မကြားဘူး။ မြန်မာပြည်ပေါက် တရုတ်များပင်လျှင် တရုတ်မှတ်ပုံတင်ရဖို့မလွယ်၊ မြန်မာလူမျိုးဆိုလျှင် ပို၍ဝေးပေဦးမည်။ သို့ရာတွင် တရုတ်ပြည်မှ မြန်မာနိုင်ငံအတွင်း ခိုးဝင်လျက်ရှိသော တရုတ်လူမျိုးများကိုမူ ဟန့်တားခြင်းမပြု။ တရုတ်လူမျိုးများ မြန်မာနိုင်ငံအတွင်း စိမ့်ဝင်ပျံ့နှံ့လေလေ မြန်မာနိုင်ငံကို ကျည်ဆံအကုန်အကျ နည်းစွာဖြင့် ကိုလိုနီပြုနိုင် လေမဟုတ်ပါလား။

ကြယ်ဂေါင်မှာ စီးပွားရေးလုပ်လို့ ရပါတယ်။ ရွှေလီမှာပဲဖြစ်ဖြစ်၊ ကြယ်ဂေါင်မှာပဲဖြစ်ဖြစ် မြန်မာနိုင်ငံသားတွေ အတွက် အိမ်ခြံမြေ၀ယ် ယူခွင့်ရှိပါ တယ်။ ဒါပေမယ့် ကိုယ့်စိတ်ကြိုက်နေရာတော့ ဝယ်လို့မရပါဘူး။ သူတို့ အစိုးရကနေ လေလံစနစ်နဲ့ ရောင်းတဲ့နေရာတွေမှာပဲ ဝယ်ယူနိုင်ပါတယ်။ ဒါမှမဟုတ် ရင်တော့ တရုတ်နိုင်ငံသားပိုင် တိုက်ခန်းနေရာတွေကို ငှားပြီးစီးပွားရေးလုပ်ရပါတယ်။ စာချုပ်စာတမ်းနဲ့ငှားပြီး တစ်နှစ်တစ်ခါငှားခ ဈေးနှုန်း ညှိနှိုင်းရပါ တယ်။ အခုတော့ အစိုးရကို လုပ်ငန်းလိုင်စင်ကြေး ပေးရတယ်။ စားသောက်ကုန်လုပ်ငန်းဆိုရင် တရုတ်ကျန်းမာရေးဌာနရဲ့ ထောက်ခံချက်လိုင်စင် ယူရပါ တယ်။ လိုင်စင်ကြေးတွေက မကြာခဏ ဈေးတက်ပါတယ်"ဟု ကြယ်ဂေါင်မြို့တွင် လက်ဖက်ရည်ဆိုင် ဖွင့်လှစ် ရောင်းချနေသော မြန်မာနိုင်ငံသား လုပ်ငန်း ရှင်တစ်ဦးက ပြောသည်။

မြန်မာ့ဦးစွန်း မန္တလေး ရွှေမြို့တော်ကြီးတွင် တရုတ်လူမျိုးများ အကန့်အသတ်မရှိ၊ အိမ်ခြံမြေများ ဝယ်ယူနေကြသည်။ ယခုဆိုလျှင် မန္တလေးနှင့် အနီးတဝိုက် ကျေးရွာများပါမချန် တရုတ်လူမျိုးပိုင်မြေများ လက်ညိုးထိုးမလွဲတော့ပေ။

“ကုလားကဖိ၊ တရုတ်က အိ၊ ရှိသည့်ဗမာ မြို့စွန်မှာ” ဟူ၍ ရှေးလူကြီးများက နိုင်ငံကြီးနှစ်နိုင်ငံကြားတွင် ညပ်နေသော ဤနိုင်ငံလေးသည် တနေ့ နေ့တွင် ယင်းတို့၏ ဝါးမျိုမှုခံရနိုင်သည်ကို အမြော်မြင်ရှိစွာ ဆိုခဲ့လေသည်။ ယခုမူ မြန်မာများသည် မြို့စွန်မှာပင် မနေနိုင်တော့။ ကားလမ်းဘေး ကျေးရွာများ ရောက်ကုန်ပြီဖြစ်သည်။ နံနက်လင်းအားကြီး မန္တလေး၏ မြင်ကွင်းတစ်ရပ်ကိုကြည့်ပါက အမျိုးသားရေးနှင့် ဇာတိမာန်အတွက် များစွာယူကြုံးမရဖွယ် ဖြစ်သည်။ မြန်မာ့ဦးစွန်း နန်းမြို့ရိုးနှင့်ကျုံးကို နောက်ခံထား၍ ဓားများ၊ ယပ်တောင်များဖြင့် တရုတ်သိုင်း လေ့ကျင့်နေသည့် တရုတ်အဖွဲ့များကို တွေ့နေရ၍ ဖြစ်သည်။

တရုတ်အစိုးရက မြန်မာလူမျိုးများကို အကန့်အသတ်နှင့်သာ ပိုင်ဆိုင်ခွင့်ပေးချိန်တွင် မြန်မာအစိုးရက မြန်မာလူမျိုးများ၏ ပိုင်ဆိုင်မှုကို ကန့်သတ်၍ တရုတ်များကို လွတ်လပ်စွာ ပိုင်ဆိုင်ခွင့်ပြုနေခြင်းမှာ များစွာအံ့သြဖွယ်ဖြစ်သည်။ မန္တလေးနှင့် ရှမ်းပြည်မြောက်ပိုင်းတကြောကိုကြည့်လျှင် တိုက်ကြီးတိုက်ကောင်း ဆယ်လုံးရှိပါက မြန်မာပိုင်တိုက်မှာ တစ်လုံးပင်ရှိသည်က ခပ်ရှားရှားပင်ဖြစ်သည်။ မလေးရှား ဝန်ကြီးချုပ် မဟာသီယာ လက်ထက်က မလေးလူမျိုးများကို တရုတ်လွှမ်းမိုးမှုမှ ကာကွယ်ရန် တရုတ်လူမျိုးများ စီးပွားရေးပိုင်ဆိုင်ခွင့်ကို ပညာသားပါပါ ကန့်သတ်ခဲ့သည်။ မြန်မာနိုင်ငံတွင်မူ လုပ်ငန်းပိုင်ဆိုင် လိုပါက တရုတ်လူမျိုးကိုသာ ဦးစားပေးသည်။ တရုတ်လူမျိုးများမှာ နားလည်မှုရှိပြီး သိတတ်ကာ လဘက်ရည်ဖိုး သိန်းချီပေးသောကြောင့် မြန်မာဝန်ထမ်း များက တရုတ်လူမျိုးများနှင့်သာ အလုပ်လုပ်လိုကြတော့သည်။

ကြယ်ဂေါင် အထူးစီးပွားရေးဇုန် အုပ်ချုပ်ရေးမှူးရုံးမှ ရရှိသော စာရင်းများအရ ကြယ်ဂေါင်မြို့ရှိ နယ်စပ်ဂိတ်များကို ဖြတ်ကျော်ပြီးဝင်ရောက်လာ သည့် ကုန်တင်ကားအရေအတွက်မှာ ပြီးခဲ့သည့်နှစ်တွင် အစီးရေ သိန်း ၂၀ ရှိခဲ့ပြီး လက်ရှိပျမ်းမျှ ကုန်တင်ကား ဖြတ်သန်းမှုမှာ တစ်နေ့လျှင် အစီးရေ ၈၀ မှ ၁၀၀ ကြားရှိကြောင်း သိရသည်။ တရုတ်နိုင်ငံသို့ သွားရောက်သော မြန်မာနိုင်ငံသား အရေအတွက်မှာ ပြီးခဲ့သည့်နှစ်တွင် လူဦးရေ ၈၇ သိန်းရှိခဲ့ကြောင်း သိရသည်။

တစ်နေ့လျှင် ၈၀မှ ၁၀၀ ရှိသော ကုတင်ကားများတွင် မြန်မာ့သယံဇာတများ အမြောက်အမြားပါသွားသည်။ ယင်း အပြင် လက်မှုပစ္စည်းများ၊ သစ်တောထွက် သယံဇာတများ အလုံးအရင်းဖြင့် ထွက်နေသည်။ လက်မှုပစ္စည်းများသည် အနောက်နိုင်ငံမှ စီးပွားရေးပိတ်ဆို့မှုကြောင့် တရုတ်ပြည်ကိုသာ ရောင်းချရသည်။ တရုတ်ပြည်က ( Made In China) တရုတ်ပြည်တွင်လုပ်သည်ဟု တံဆိပ်ကပ်၍ အနောက်နိုင်ငံများသို့ တင်ပို့သည်။ ရွှေချည်ငွေချည်ထိုး လုပ်ကိုင်သော လုပ်ငန်းသည် တရုတ်နိုင်ငံမှဟုဆိုလျှင် ကျွန်တော်တို့ မြန်မာလူမျိုးသည် တရုတ်နိုင်ငံ၏ တိုင်းရင်းသားတစ်မျိုးပင် ဖြစ်လာသလားဟု ခံစားရ မိသည်။

တရုတ်ပြည်မှ ပြန်လည်ဝင်ရောက်လာသော ကားများတွင် မည်သို့မျှ အဟာရမဖြစ်သော ကျန်းမာရေးနှင့် မညီညွတ်သော မုန့်ပဲသွားရေစာများ၊ ပလတ်စတစ် ပစ္စည်းများသာ ပါတော့သည်။ မြန်မာပြည်မှ သစ်သီးဝလံများကို တရုတ်တိုƨ