Transparency Myanmar

transparency.myanmar@gmail.com

(BBC သတင်းကို ဘာသာ ပြန်ဆိုသည်)

အမေ ရိကန် မဟာမိတ် တပ်ဖွဲ့များ လေကြောင်းမှ သာမက ရေပြင် မှပါ ဒုံးကျည်များ၊ ရော့ကက် များဖြင့် ပစ်ခတ် တိုက်ခိုက် မှုကြောင့် အပြစ်မဲ့ အရပ် သားများ သေဆုံး ခဲ့ကြ ရကြောင်း လစ်ဗျား အစိုးရက ထုတ်ဖော် ပြောဆိုသည်။ မဟာမိတ်တို့ လစ်ဗျားကို စတင် ထိုးစစ်ဆင် တိုက်ခိုက်မှု သုံးရက် မြောက်နေ့တွင် မြို့တော် ထရီ ပိုလီရှိ ခေါင်းဆောင်ကြီး ကဒါဖီ၏ အဆောက် အအုံများ ထိခိုက် ပျက်စီး သွားသည်။

လစ်ဗျားတွင် အစိုးရက အပစ် အခတ် ရပ်စဲရေး ကြေညာ ထားသည့် တိုင် ကဒါဖီကို သစ္စာ ခံသော အင်အားစု များနှင့် ဆန့်ကျင်သူ သူပုန်များ အကြား တိုက်ခိုက် မှုများ ဆက်လက် ဖြစ်ပေါ် နေဆဲ ဖြစ်သည်။ လစ်ဗျား အရှေ့ပိုင်း အက်ဒါ ဘီးယား မြို့ အပြင်ဘက်တွင် အစိုးရ တပ်ဖွဲ့ များက သူပုန် များကို နှိမ်နင်း တိုက်ထုတ် ခဲ့သည်ဟု ဆိုသည်။ တတိယ အကြီးဆုံး မြို့ဖြစ်သည့် မီဆရာတာ မြို့တွင် တပ်စွဲ ထားသော သူပုန်များ သည်လည်း ကဒါဖီ တပ်ဖွဲ့များ၏ ထိုးစစ် ဆင်မှု များနှင့် ရင်ဆိုင် နေရကြောင်း ဘီဘီစီ သတင်း ဌာနက ဆိုသည်။

ဤအတော အတွင်း မှာပင် အမေရိကန် သမ္မတ ဘားရက် အိုဘားမားက အမေရိကန် ပြည်ထောင်စု အနေဖြင့် လစ်ဗျား အရေ အတွက် ဦးဆောင် လုပ်ကိုင် နေသော အခန်း ကဏ္ဍ အား ရက်ပိုင်း အတွင်း လွှဲပြောင်း ပေးမည် ဖြစ်ကြောင်း ဆိုသည်။ ထို့ပြင် အမေ ရိကန် အနေဖြင့် လစ်ဗျား ခေါင်းဆောင် ကဒါဖီ ရာထူးမှ ဖယ်ရှား ပေးသည်ကို တွေ့မြင် လိုကြောင်း၊ သို့သော် ယခု ထိုးစစ် ဆင် တိုက်ခိုက် မှုသည် လစ်ဗျား ပြည်သူ များအား အကာ အကွယ် ပေးရေး ကိုသာ အဓိက အာရုံ စိုက်ကြောင်း ပြောကြားသည်။

မြို့တော် ထရီပိုလီ အခြေစိုက် ဘီဘီစီ သတင်းထောက် အဆို အရ မတ်လ ၂၂ ရက်နေ့တွင် ကောင်းကင်ယံ၌ ဒုံးကျည်များ၊ ရော့ကက် များကို မကြာ ခဏ တွေ့မြင် သည်ဟု ဆိုသည်။ AFP သတင်း ဌာန ရေးသားချက် အရ ခေါင်းဆောင်ကြီး ကဒါဖီ နေထိုင်သော ဝင်း အနီးတွင် ပေါက်ကွဲ သံများ ကြားရကြောင်း သိရသည်။ လစ်ဗျား နိုင်ငံပိုင် ရုပ်သံ ဌာနက မြို့တော် ထရီပိုလီသည် ရန်သူများ ဗုံးကြဲ တိုက်ခိုက် မှုဖြင့် ရင်ဆိုင် နေရ သည်ဟု ထုတ်လွှင့် ဖော်ပြသည်။ အချို့သော နေရာများ မှာလည်း တိုက်ခိုက် ဖျက်ဆီးခြင်း ခံရကြောင်း၊ သို့သော် ယင်းတိုက် ခိုက်မှု များက လစ်ဗျား ပြည်သူ များကို ခြောက်လှန့် စေနိုင်မည် မဟုတ်ကြောင်း ရုပ်သံ ဌာနက ဆိုသည်။

လစ်ဗျား အစိုးရ ပြောရေး ဆိုခွင့် ရှိသူ Moussa Ibrahim က တောင်ပိုင်း ဒေသရှိ ဆီဘား မြို့လည်း မတ်လ ၂၂ ရက် နေ့တွင် တိုက်ခိုက် ခံရကြောင်း၊ မဟာမိတ် တပ်ဖွဲ့ များသည် ထရီပို လီမြို့ အနီးရှိ တံငါ ဆိပ်ကမ်း ကိုလည်း တိုက်ခိုက် ခဲ့ကြောင်း ပြောသည်။ AFP သတင်း ဌာန ရေးသားချက် အရ ထရီပိုလီမြို့ အနီးရှိ လစ်ဗျား ရေတပ် အခြေစိုက် စခန်းလည်း ဗုံးကြဲ ခံရသည်။ Aljazeera ရုပ်သံ ဌာနက ဘန်ဂါဇီမြို့ရှိ လေတပ် စခန်း နှစ်ခု တိုက်ခိုက် ခံရပုံ များကို ထုတ်လွှင့် ပြသသည်။ မတ်လ ၂၂ ရက်နေ့ တိုက်ခိုက်မှုသည် အရပ်သား အတော် များများကို ထိခိုက် စေခဲ့ပြီး အရပ်သုံး လေယာဉ်ကွင်း တစ်ခုလည်း ပျက်စီး သွားသည်ဟု မစ္စတာ Ibrahim က ဆိုသည်။

မျက်မြင် သက်သေ များက Reuters သတင်း ဌာနကို ပြောပြ ချက် များအရ ကဒါဖီ တပ်ဖွဲ့ များက တူနီးရှား နယ်စပ် ဒေသရှိ ဇင်တန်မြို့ကို ကဒါဖီ၏ တပ်ဖွဲ့များက အမြောက်များ၊ တင့်ကား များဖြင့် ပစ်ခတ် တိုက်ခိုက် ခဲ့ရာ နေအိမ်များနှင့် ဗလီ တစ်ခု ပျက်စီး သွားသည်။ အဆိုပါ မြို့ကို တင့်ကား စီးရေ ၄၀ ခန့်ဖြင့် တိုက်ခိုက် ခဲ့ခြင်း ဖြစ်သည်။ လစ်ဗျား အရှေ့ပိုင်း ဒေသ တွင်လည်း ကဒါဖီ သစ္စာခံ တပ်ဖွဲ့ များက အတိုက် အခံ အင်အားစု များကို တင့်ကား များဖြင့် ပစ်ခတ် တိုက်ခိုက် ခဲ့ရာ ထိခိုက် သေဆုံးမှု များပြားသည်ဟု ဆိုသည်။

လစ်ဗျား အရှေ့ ပိုင်းတွင် အခြေ စိုက်သော သူပုန် ခေါင်းဆောင်များက ကုလ သမဂ္ဂ အရာရှိ ကြီးများနှင့် တွေ့ဆုံကာ လူသားချင်း စာနာ ထောက်ထား သော အကူ အညီများ ကိစ္စ ဆွေးနွေးသည်။ ဘီဘီစီ သတင်းထောက် အဆို အရ စားနပ် ရိက္ခာ များကို လတ်တလော ကာလ အတွင်း အီဂျစ် နိုင်ငံမှ တင်သွင်းလျက် ရှိကြောင်း၊ သို့သော် ပြည်တွင်း စီးပွားရေး အခြေ အနေနှင့် ပတ်သက်၍ ရှင်းရှင်း လင်းလင်း မသိရ သေးကြောင်း သိရသည်။

အမေ ရိကန် သမ္မတ ဘားရက် အိုဘားမားက အမေ ရိကန် ပြည်ထောင်စု၏ မူဝါဒသည် မွမ်မာ ကဒါဖီ နုတ်ထွက် သွားရန် ဖြစ်ကြောင်း၊ မဟာမိတ် များ၏ စစ်ဆင် ရေးသည် အရပ် ဘက် ပြည်သူ များကို အကာ အကွယ် ပေးရန်သာ ဖြစ်ကြောင်း ပြောကြားသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

(မတ်လ ၂၁ ရက် ၂၀၁၁ ရက်စွဲပါ AFP သတင်း မှ "Gaddafi compound strike hit control centre" သတင်း ကို ဘာသာ ပြန်ဆိုသည်)

ထရီ ပိုလီ မြို့တော်ရှိ မွမ်မာ ကဒါဖီ၏ နေအိမ် အပါ အ၀င် ခြံဝင်း အတွင်းရှိ အုပ်ချုပ်ရေး အဆောက် အဦကို လေကြောင်းမှ တိုက်ခိုက်မှုတွင် လစ်ဗျား အာဏာရှင်၏ ကွပ်ကဲ ထိန်းချုပ်မှု ဌာနချုပ်ကို ဖျက်ဆီး နိုင်ခဲ့သည်ဟု နိုင်ငံစုံ တပ်ပေါင်းစု တာဝန် ရှိသူက AFP သို့ တနင်္ဂနွေနေ့တွင် ပြောကြားသည်။

ထရီပိုလီရှိ ကဒါဖီ၏ နေအိမ် တည်ရှိရာ ခြံဝင်း အတွင်းမှ စီမံကွပ်ကဲမှု ဌာနချုပ် အဆောက် အဦကို ဒုံးကျည်ဖြင့် ပစ်ခတ် ဖျက်ဆီးခဲ့ပြီး နောက်တွင် အမည် မဖော်လိုသော အဆိုပါ တာဝန် ရှိသူက မှတ်ချက်ပေး ပြောကြား ခဲ့ခြင်း ဖြစ်သည်။

"နိုင်ငံစုံ တပ်ပေါင်းစုဟာ ကုလ သမဂ္ဂ လုံခြုံရေး ကောင်စီ ဆုံးဖြတ်ချက် UNSCR အမှတ် ၁၉၇၃ ကို အာဏာ တည်အောင် ထိထိ ရောက်ရောက် အားဖြင့် လုပ်ဆောင် နေပါတယ်။ ဒါ့အပြင် ဒီ မစ်ရှင် ရဲ့ တာဝန် အရ အပြစ်မဲ့ လက်နက်မဲ့ လစ်ဗျား ပြည်သူ တွေနဲ့ ကျွန်တော် တို့ရဲ့ မပျံ သန်းရ ဇုံ အကောင် အထည် ဖော်မှုကို တိုက်ခိုက် ခြိမ်းခြောက် နေတဲ့ ပစ်မှတ် တွေကို ဆက်လက် တိုက်ခိုက် သွားမှာပါ" ဟု အဆိုပါ တာဝန် ရှိသူက ဆိုသည်။

ပုံမှန် အားဖြင့် ကဒါဖီ ဧည့်သည် များကို တွေ့ဆုံလေ့ ရှိသည့် ရွက်ဖျက်တဲနှင့် မီတာ ၅၀ အကွာရှိ စီမံ ကွပ်ကဲမှု အဆောက် အဦမှာ ဒုံးကျည် ထိမှန် မှုကြောင့် လုံးဝ ပြိုကျ သွားသည်။

ကဒါဖီ၏ စံအိမ် အနီး တ၀ိုက်တွင် ကြားရသည့် ပြင်းထန်သော ပေါက်ကွဲသံ များကြောင့် တနင်္ဂနွေနေ့က ထရီပိုလီ မြို့တော်တွင် လွန်စွာ ထိတ်လန့် တုန်လှုပ် သွားခဲ့ ကြသည်။

လေယာဉ်ပစ် သေနတ်များ၏ ပစ်ခတ်မှုကြောင့် စံအိမ်တော်နှင့် ထရီပိုလီ တောင်ဖက် ဘက်အယ် အဇီဇီယာ တပ်စခန်းမှ မီးခိုးများ လုံးတက် နေသည်ကို AFP သတင်း ထောက်က မြင်တွေ့ ခဲ့ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကမ္ဘာ့ စံချိန်တင် မြန်မာ့ဘဏ်တိုးနှုန်းကြောင့် လုပ်ငန်းချဲ့ရန် ခက်ခဲ

ရန်ကုန်၊ မတ် ၂၂။

မြန်မာနိုင်ငံရှိ ပုဂ္ဂလိကဘဏ်များ၏ ဘဏ်ချေးငွေ အပေါ်တွင်ရယူနေသော အတိုးနှုန်းသည် ကမ္ဘာ့အများဆုံး သုံးနိုင်ငံတွင် ပါဝင်နေပြီး ထိုသို့များလွန်းနေသဖြင့် စီးပွါးရေးလုပ်ငန်းများ ချဲ့ထွင်နိုင်ရန် အလွန်ခက်ခဲနေ ကြောင်း ပြည်ထောင်စု မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များအသင်းချုပ် (UMFCCI) မှ ထိပ်တန်း စီးပွားရေးလုပ်ငန်းရှင်အချို့က ပြောကြားသည်။

မြန်မာ့ပုဂ္ဂလိကဘဏ်များမှ လက်ရှိရယူနေသည့် ဘဏ်ချေးငွေအတိုးနှုန်းမှာ ၁၇ ရာခိုင်နှုန်းဖြစ်သည်။ ယင်းနှုန်းထားကို ယူသောနိုင်ငံများမှာ မြန်မာ၊ ဘရာဇီးနှင့် အခြားတစ်နိုင်ငံတို့ ဖြစ်ကြောင်း ဘဏ်လုပ်ငန်း အသိုင်းအဝိုင်းမှ သိရသည်။

ထိုသို့ အတိုးနှုန်းအလွန်အမင်းမြင့်မားခြင်းမှာ မြန်မာနိုင်ငံတွင် ငွေကြေးဖောင်းပွမှု မြင့်မား၍ဖြစ်ပြီး ငွေကြေးဖောင်းပွမှုနှုန်းမှာ အနည်းဆုံး ဆယ်ဂဏန်း (Two Digits) အထက်တွင် ရှိနိုင်ကြောင်း စီးပွားရေးပညာရှင် အချို့က ပြောကြားသည်။

"မြန်မာနိုင်ငံမှာ စီးပွားရေးလုပ်ငန်းတွေ အတွက်အရင်းအနှီး (capital)ကို အများဆုံး ဘဏ်ချေးငွေကနေပဲ ရပါတယ်။ အခုဘဏ်တိုးက ၁၇ ရာခိုင်နှုန်းဖြစ်နေတော့ လုပ်ငန်းသစ်နေတွေ စတင်ဖို့ အန္တရာယ်ကြီးပါတယ်။ ကျွန်တော်တို့ကတော့ ဘဏ်တိုးကို ၁၀ ရာခိုင်နှုန်းလောက်ပဲကြိုက်ပါတယ်" ဟု ထိပ်တန်းစီးပွားရေး လုပ်ငန်းရှင်ကြီးတစ်ဦးက လက်ရှိမြန် မာနိုင်ငံတွင် စီးပွားရေးလုပ်ငန်းရှင်များ၏ အခက်အခဲကို ပြောပြသည်။

မြန်မာအိမ်နီးချင်းများဖြစ်သည့် ထိုင်း၊ မလေးရှားနှင့် စင်္ကာပူတို့၏ ဘဏ်ချေးငွေ အတိုးနှုန်း မှာ ၃ ရာခိုင်နှုန်းသာဖြစ်ကြောင်း ဘဏ်လုပ်ငန်းအသိုင်းအဝိုင်းက ပြောကြားသည်။ သို့သော် အိန္ဒိယနိုင်ငံ၏ အတိုးနှုန်းမှာ ၁၀ ရာခိုင်နှုန်း ဖြစ်သည်။

မြန်မာနိုင်ငံတွင် လက်ရှိ တင်းကျပ်သော စီးပွားရေးမူဝါဒများအပြင် ထုိုကဲ့သို့ ဘဏ်တိုးနှုန်း မြင့်မားလွန်းခြင်းကြောင့် စက်မှုလုပ်ငန်းများကို တိုးချဲ့နိုင်ရန် အဟန့်အတား ဖြစ်နေကြောင်းသိရသည်။

"ဘဏ်အတိုး ၁၇ ရာခိုင်နှုန်းက ရှာရတာတော်တော်ကိုခက်ပါတယ်။ လုပ်ငန်းတွေ တိုးချဲ့နိုင်ဖို့ တကယ့်ကို ခက်လွန်းပါတယ်"ဟု စီးပွားရေး လုပ်ငန်းရှင်တစ်ဦးက ပြောကြားသည်။

မြန်မာပုဂ္ဂလိကဘဏ်များ၏ ချေးငွေအတိုးနှုန်းမှာ ၁၇ ရာခိုင်နှုန်းဖြစ်ပြီး အပ်ငွေအတိုးနှုန်းမှာ ၁၂ရာခိုင်နှုန်း ဖြစ်သည်။

ယင်းနှင့်ပတ်သက်၍ စီးပွါးရေးပညာရှင်တစ်ဦးက "နိုင်ငံတကာမှာ ဘဏ်ချေးငွေ အတိုးနှုန်းကို တိုင်းပြည်ရဲ့ စီးပွားရေးတိုးတက်မှု၊ ငွေဖောင်းပွမှုတွေကိုကြည့်ပြီး လိုက်လျောညီထွေဖြစ်အောင် အတက်အကျ လုပ်ပေး ပါတယ်။ ဒီမှာကတော့ ပုံသေပဲ လုံးဝအတက်အကျ မရှိဘူး။ အဲဒါ စီးပွါးရေးတိုးတက်ဖို့အတွက် ခက်ခဲတယ်"ဟု သုံးသပ် ပြောကြားသည်။

ယင်းဘဏ်တိုးနှုန်းအား ၂၀၀၆ ခုနှစ်မှ စတင်သတ်မှတ်ထားခြင်း ဖြစ်ကြောင်း သိရသည်။

၂၀၀၈ ခုနှစ် ကမ္ဘာ့စီိးပွားရေးအကျပ်အတည်း ကာလတွင်စင်္ကာပူအစိုးရသည် ဘဏ်တိုးများ၊ အခွန်များကို လျှော့ ချခြင်းဖြင့် တိုင်းပြည့်၏ စီးပွါးရေးလုပ်ငန်းများကို ပိတ်သိမ်းရမည့် အခြေအနေမှ ကယ်တင်ကာ ပြည်တွင်း စုစုပေါင်းထုတ်လုပ်မှုတန်ဖိုး (GDP)ကို အချိန်တိုအတွင်း ၂၅ ရာခိုင်နှုန်း ပြန်တက်အောင်ဆောင်ရွက်ခဲ့ကြောင်း အဆိုပါ စီးပွါးရေးပညာရှင်က ပြောကြားသည်။

လက်ရှိမြန်မာ့နိုင်ငံတွင် တိုင်းပြည် တိုးတက်ဖွံ့ဖြိုးရေးအတွက် အရေးပါသည့် စက်မှုလုပ်ငန်းကဏ္ဍသည် စုစုပေါင်း ပြည်တွင်းထုတ်လုပ်မှု တန်ဖိုး၏ ၁၇ ရာခိုင်နှုန်းသာ ရှိသေးကြောင်း စက်မှုလုပ်ငန်းရှင်များက ပြော ကြားသည်။

ထိုင်းနိုင်ငံတွင် GDP ၏ ၄၀ ရာခိုင်နှုန်းခန့်မှာ စက်မှုလုပ်ငန်းများမှ ရရှိနေကြောင်း သိရသည်။

ရွေးကောက်ပွဲနောက်ပိုင်း မြန်မာ့စီးပွာရေး ပြုပြင်ပြောင်းလဲမည်ဟု နိုင်ငံတကာအပြင် လုပ်ငန်းရှင် အသိုင်းအဝိုင်းက မှန်းဆနေသော်လည်း အစိုးရအဖွဲ့ လက်လွဲတော့မည်ဆဲဆဲအချိန် မတ်လ တတိယအပတ်အထိ စီးပွားရေး ပြုပြင်ပြောင်းလဲမှုနှင့် ပတ်သက်၍ မည်သို့သော ဂတိကဝတ်မျိုးမျှ မကြားရသေးချေ။

ဟန်ဇော် (BHO News)

--------------------------------------------------------------------------------------------------------

အာဆီယံ-တရုတ် ဆက်သွယ် မီးရထားလမ်းဖောက်လုပ်မည်

ရန်ကုန်၊ မတ် ၂၂။

           အာဆီယံနိုင်ငံများနှင့် တရုတ်နိုင်ငံအား ဆက်သွယ်ထားမည့် အာဆီယံ-တရုတ် မီးရထားလမ်းစီမံကိန်းအား ခြောက်လအတွင်း အကောင်အထည်ဖော် ဆောင်ရွက်သွားမည်ဖြစ်ကြောင်း သတင်းရရှိသည်။  

            ယင်းမီးရထားလမ်းသည် တရုတ်နိုင်ငံ ယူနန်ုပြည်နယ်မှတစ်ဆင့် မြန်မာပြည်တွင်းကိုဖြတ်၍ အခြားပြည်ပနိုင်ငံများဖြစ်သည့် ထိုင်း၊ လာအိုနှင့် ဗီယက်နမ်အပါအဝင် အခြားနိုင်ငံများသို့ ဖောက်လုပ်၍ မီးရထား ပြေးဆွဲသွားမည်ဖြစ်ကြောင်း မတ်လ ၁၄ ရက်နေ့က ဆီဒိုးနားဟိုတယ်တွင် ကျင်းပခဲ့သည့် မြန်မာ- တရုတ် စီးပွားရေးလုပ်ငန်းရှင်များ တွေ့ဆုံဆွေးနွေးပွဲတွင် တရုတ်နိုင်ငံ အန်ပွီားပြည်နယ် (The Overseas Engineering Company of Ctce Group Co.,Ltd) မှ မစ္စတာ ယူဂျင်းပွာာက ပြောကြားခဲ့သည်။

            ယခုနှစ်မှစတင်၍ ၎င်းမီးရထားလမ်း စီမံကိန်းကိစ္စရပ်အား အကောင်အထည်ဖော် ဆောင်ရွက်သွားနိုင်ဖွယ်ရှိကြောင်း သိရသည်။ ယခင်နှစ်များ၌ ယင်းစီမံကိန်းစတင်ရန် နှောင့်နှေးနေခဲ့သော်လည်း ယခုနှစ်မှ စတင်၍ ခြောက်လအတွင်း စတင်အကောင်အထည်ဖော် ဆောင်ရွက်သွားမည်ဖြစ်သည်။

            တရုတ်နိုင်ငံနှင့် မြန်မာနိုင်ငံအားဆက်သွယ်ထားမည့် မီးရထားလမ်းပိုင်းကို ယခုနှစ်အတွင်း၌ စတင်အကောင်အထည် ဖော်နိုင်ဖွယ်ရှိကြောင်း၊ မြန်မာနိုင်ငံ၏ မီးရထားလမ်းပိုင်းနှင့် တရုတ်နိုင်ငံ၏ မီးရထားလမ်းပိုင်း အကျယ်အဝန်း မတူညီသည့်အတွက် ယင်းစီမံကိန်းမှာ နှောင့်နှေးနေခဲ့ခြင်းဖြစ်ကြောင်း၊ ထို့ကြောင့် မီးရထားလမ်းတည်ဆောက်ရေး စီမံကိန်းများကို ယခုနှစ်၌ စတင်စေချင်ကြောင်း၊ မြန်မာနိုင်ငံမှ စတင်၍ မီးရထားလမ်းပိုင်း အား စတင်ဖွင့်မှာဖြစ်ကြောင်း မြန်မာ့မီးရထားပို့ဆောင်ရေးမှ တာဝန်ရှိသူတစ်ဦးက ပြောကြားခဲ့သည်။

            အာဆီယံနိုင်ငံများနှင့် တရုတ်နိုင်ငံ ဆက်သွယ်ဖောက်လုပ်မည့် မီးရထားလမ်း စီမံကိန်းကို မြန်မာနိုင်ငံမှ စတင်၍ ဖောက်လုပ်မည်ဖြစ်ကြောင်း၊ မီးရထားလမ်း ဖောက်လုပ်ရန်အတွက် မြန်မာအစိုးရအား စာတင်ပြီးသွား ပြီဖြစ်ကြောင်း၊ သဘောတူစာချုပ် လက်မှတ်ရေးထိုးပြီးပါက မြန်မာပြည်တွင်းလမ်းပိုင်းကို ခြောက်လအတွင်း စတင်အကောင်အထည်ဖော် ဆောင်ရွက်သွားနိုင်မည်ဖြစ်ကြောင်း မစ္စတာယူဂျင်ပွာားက ပြောကြားခဲ့သည်။

            အဆိုပါ မီးရထားလမ်း ဖောက်လုပ်မှု ကုန်ကျစရိတ်များကို အစဦးပိုင်းတွင် တရုတ်အစိုးရနှင့် The Overseas Engineering Company of Ctce Group Co.,Ltd တို့က ပူးပေါင်းအကုန်ကျခံ ဖောက်လုပ်မည် ဖြစ်ကြောင်းသိရသည်။

--------------------------------------------------------------------------------------------------------

အထူးစီးပွားရေးဇုန်များ၌ ပြည်ပရောက် ကျွမ်းကျင်လုပ်သားများကို ဦးစားပေးခေါ်ယူလာ

ရန်ကုန်၊ မတ် ၂၂။

             မြန်မာနိုင်ငံ၌ အထူးဦးစားပေး ဆောင်ရွက်လျှက်ရှိသည့် အထူးစီးပွားရေးဇုန် စီမံကိန်းများ၌ အလုပ်သမားများ ခန့်အပ်ရာတွင် ပြည်ပနိုင်ငံများ၌ အလုပ်သွားရောက်လုပ်ကိုင်လျှက်ရှိသည့် မြန်မာများအား ကျွမ်းကျင် လုပ်သားများအဖြစ် ဦးစားပေး ခေါ်ယူသွားမည် ဖြစ်ကြောင်းသိရသည်။

            နိုင်ငံရှိ စက်မှုဇုန်များ၌ လိုအပ်သည့်နည်းပည&