Transparency Myanmar

transparency.myanmar@gmail.com

yangonchronicle2011
yangonchronicle2011

၁၆.၁၀.၂၀၁၁

ပြည်တွင်းသတင်းများ

  1. ပြည်သူ ခြောက်ထောင်ကျော်တို့ ဘဝ ကသောင်းကနင်း ဖြစ်မှုအား အစိုးရမှပစ်ပယ်ထားမည်ဟု မယုံကြည်
  2. ကျောက်ဖြူ ပင်လယ်ကမ်းခြေ နတ်သမီးကျောက်ဆောင်အနီး သဘာဝရေနံ ထွက်ရှိမှုများလာ
  3. ပြည်ပရင်းနှီးမြှုပ်နှံသူများ ငှားရမ်းလုပ်ကိုင်ခွင့် မရှိသည့် မြေငါးမျိုး သတ်မှတ်

ပြည်တွင်းပါတီ၊ နိုင်ငံရေးသတင်းများ

  1. အမျိုးသားလူ့အခွင့်အရေးကော်မရှင်သို့ တိုင်ကြားလွှာ ၇၀ ကျော်ရောက်ရှိနေ
  2. ပါတီအသစ် ၂ခုအား နိုင်ငံရေးပါတီအဖြစ် မှတ်ပုံတင်ခွင့်ပြု

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. စကားပုံတွေနဲ့ မြန်မာ့နိုင်ငံရေး

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

ပြည်သူ ခြောက်ထောင်ကျော်တို့ဘဝ ကသောင်းကနင်းဖြစ်မှုအား အစိုးရမှပစ်ပယ်ထားမည်ဟု မယုံကြည်

ပြည်သူခြောက်ထောင်ကျော်တို့၏  လူမှုဘဝ ကသောင်းကနင်းဖြစ်မှုအား နိုင်ငံတော် အစိုးရမှ ပစ်မယ်ထားမည် မဟုတ်ကြောင်း လှည်းတန်းရှိ ပြည်မြန်မာကုန်တိုက်တွင် ဆိုင်ခန်းဖွင့်လှစ်သူများက တစ်ညီတစ်ညွတ်တည်း ဆိုကြသည်။

“ကျွန်တော်တို့ရဲ့ မိသားစုဘဝတွေ၊ အလုပ်ရှင် အလုပ်သမားတွေရဲ့ ဆက်ဆံရေး အခြေအနေတွေကို ပျက်စီးပြီး တစ်ဦးတစ်ယောက်တည်းက ချမ်းသာမယ့် အလုပ်ကို အစိုးရအနေနဲ့ လုပ်ဆောင်ဖို့ အားပေးမယ်လို့ မထင်ပါဘူး” ဟု ပြည်မြန်မာကုန်တိုက်အတွင်းရှိ အလှကုန်ပစ္စည်းဆိုင်ရှင် ဦးတင်ဦးက ပြောကြားသည်။

ပြည်မြန်မာဆိုင်ခန်းပိုင်ရှင်များသည် သက်ဆိုင်ရာဝန်ကြီးဌာနမှ ပေးဆောင်ရန် သတ်မှတ်သည့် ဆိုင်ခန်းခွန်၊ ရေခွန်၊ မြေခွန်များကို အတိအကျ ပေးဆောင်သဖြင့် မိမိတို့အား ဖွဲ့စည်းပုံအခြေခံဥပဒေမှ ကာကွယ်မည်မှာ သေချာပါကြောင်း ယင်းက ဆက်လက်ပြောကြားသည်။

“စီးပွား/ကူးသန်းဝန်ကြီးဌာနက ညွှန်ကြားရေးမှူးတစ်ယောက်ဆိုရင် လက်ရှိအစိုးရနဲ့ အရင်အစိုးရ ဘာမှမကွာဘူးလို့ ပြောတာတောင် ကျွန်တော်တို့တွေက ဒီမိုကရေစီအစိုးရကို တန်ဖိုးထားတယ်။ ဒါကြောင့် ကျွန်တော်တို့ နစ်နာမှုတွေ ပြန်ရမယ်လို့ ထင်တယ်”ဟု ပြည်မြန်မာ ကုန်တိုက်ဝင်းတွင် လက်ဘက်ရည်ဆိုင် ဖွင့်ထားခဲ့ဖူးသူတစ်ဦးက ပြောကြားသည်။

“ပြည်သူတစ်ဦးတစ်ယောက်ကို မဟုတ်ဘဲ။ ပြည်သူတွေ အကုန်လုံးကို ထိခိုက်ရင် ပြည်ထောင်စု တရားလွှတ်တော်ချုပ်ကို တားမြစ်စေ အမိန့်တော် ချပေးဖို့ ဦးတိုက်လျှောက်ထားလို့ရတယ်”ဟု တရားရုံးချုပ်ရှေ့နေတစ်ဦးက အကြံပြု ပြောကြားသည်။

စီးပွား/ကူးသန်းဝန်ကြီးဌာနပိုင် ပြည်မြန်မာကုန်တိုက် အဆောက်အဦးအား AA Pharmacy ကုမ္မဏီမှ ပြည်မြန်မာ ဆိုင်ခန်းပိုင်ရှင်တစ်ဦး နာမည် အသုံးပြု၍ ဝယ်ယူခဲ့ပြီးယင်းအဆောက်အဦးအား Shopping Centre ဖွင့်ရန် စီစဉ်ထားကြောင်း သတင်းရရှိသည်။

YC(KS)

-----------------------------------------------------------------------------------------------------------------------------------

ကျောက်ဖြူ ပင်လယ်ကမ်းခြေ နတ်သမီးကျောက်ဆောင်အနီး သဘာဝရေနံ ထွက်ရှိမှုများလာ

ကျောက်ဖြူမြို့နယ် မလကျွန်း၊ လိပ်ခမော်ကျေးရွာ အနောက်ဘက် ပင်လယ်ကမ်းခြေ နတ်သမီးကျောက်ဆောင်အနီး လက်ယက် ရေနံတွင်းများမှ ရေနံအထွက်နှုန်း များလာသောကြောင့် ရေနံတူးသူ များပြားလာပြီး ရေနံတွင်းပေါင်း တစ်ထောင်ကျော်ထိ ရှိလာပြီ ဖြစ်ကြောင်း သိရသည်။

အဆိုပါ နေရာမှာ ကျောက်ဖြူမြို့နှင့် ခြောက်မိုင်အကွာတွင် ရှိပြီး ဂုန်းချွိန်၊ ရေနံတောင်၊ မင်းပြင်၊ ဇင်ချောင်း၊ ကလန့်တဲအုပ်စု ကျေးရွာများရှိ ဒေသခံများမှ လာရောက်တူးဖော် လုပ်ကိုင်လျက်ရှိပြီး ဈေးဆိုင်ခန်းများနှင့် အလွန်သာယာသော နတ်သမီးကျောက်ဆောင်အနီး ပင်လယ်ကမ်းခြေတွင် ရေနံလုပ်သားများ နေ့ရောညပါ ရေနံတူးဖော်နေကြောင်း သိရသည်။

ယခင်က ရေနံတောင် နေရာတွင်သာ တူးဖော်မှုရှိခဲ့ရာ ရေနံတူးသည့်အခါ မြေအောက်အနက် ငါးပေ၊ ၁၀ ပေခန့် တူးရုံဖြင့် ရေနံများထွက်ရှိခဲ့ပြီး ယခုနောက်ပိုင်းတွင် အထွက်နှုန်းလျော့နည်းလာကာ ရေနံတွင်းကိုလည်း အနက်ပေ တစ်ထောင်ကျော်ထိတူးမှ ရေနံထွက်သောကြောင့် ရေနံတွင်း တူးသည့်အခါ ကုန်ကျမှုများလာသည့်အတွက် မလကျွန်း၊ လိပ်ခ မော်ကျေးရွာ နတ်သမီးကျောက်ဆောင်အနီးရှိ ပင်လယ်ကမ်းခြေနေရာသို့ ပြောင်းရွှေ့ လာကြခြင်း ဖြစ်ကြောင်း ရေနံလုပ် သားတစ်ဦးက ပြောကြားသည်။

ရေနံတောင်-မလကျွန်းဒေသမှ ထွက်ရှိသော ရေနံစိမ်းကို ကျောက်ဖြူမြို့ရှိ ပုဂ္ဂလိက ရေနံကုန်သည်များမှ ဝယ်ယူကာ ဒေသတွင်း၌ ဒီဇယ်နှင့် ရေနံချေးအဖြစ် ချက်လုပ်ပြီး ရောင်းချကြောင်း ၂၀၁၁ ခုနှစ် အောက်တိုဘာ ၁၂ ရက်နေ့ထုတ် Weekly Eleven ဂျာနယ်တွင် ဖော်ပြထားသည်။

Ref: Weekly Eleven

-----------------------------------------------------------------------------------------------------------------------------------

ပြည်ပရင်းနှီးမြှုပ်နှံမည့်သူများ ငှားရမ်းလုပ်ကိုင်ခွင့် မရှိသည့် မြေငါးမျိုး သတ်မှတ်

ပြည်ပမှ ရင်းနှီးမြှုပ်နှံမှုပြုလုပ်လိုသူများသည် မြေငါးမျိုးငှားရမ်းခွင့်မရှိကြောင်းကို ပြည်ထောင်စုအစိုးရက ထုတ်ပြန်သည့် မြေအသုံးပြုခွင့်နှင့် ပတ်သက်သည့် အမိန့်ကြော်ငြာစာအရ သိရသည်။

၎င်းမြေများမှာ သာသနာမြေများ၊ နိုင်ငံတော်ကာကွယ်ရေးနှင့် လုံခြုံရေးအတွက် ကန့်သတ်ထားသည့်မြေများ၊ အမှုအခင်း ဖြစ်ပွားလျက်ရှိသည့် မြေများ၊ နိုင်ငံတော်က အခါအားလျော်စွာ ကန့်သတ်ထားသည့်မြေများ၊ ရင်းနှီးမြှုပ်နှံသူ၏ စီးပွားရေးလုပ်ငန်းကြောင့် မြို့ပြလူနေထိုင်မှုတွင် ပတ်ဝန်းကျင်ကို ထိခိုက်စေခြင်း၊ အသံဆူညံမှု ဖြစ်စေခြင်း၊ ယဉ်ကျေးမှု ထိခိုက်စေခြင်း ဖြစ်ပေါ်စေသည့် အရပ်ဒေသ(သို့) အဆောက်အအုံ တည်ရှိသည့် မြေများဖြစ်ကြောင်း သိရသည်။

ထို့အပြင် ရင်းနှီးမြှုပ်နှံသူ ငှားရမ်းခဲ့သည့် မြေပေါ်တွင် မူလအဆိုပြုထားသည့် လုပ်ငန်းများ မဟုတ်ဘဲ အခြားသော လုပ်ငန်းများ လုပ်ကိုင်ခြင်း၊ မြေပေါ်မြေအောက်ရှိ သယံဇာတများ ထုတ်ယူခြင်း မပြုလုပ်ရဟု အမိန့်ကြော်ငြာစာတွင် ပါရှိသည်။

ငှားရမ်းထားသော မြေပေါ်၊ မြေအောက်တွင် ခွင့်ပြုချက်နှင့် မသက်ဆိုင်သည့် သဘာဝသယံဇာတပစ္စည်း၊ ရှေးဟောင်းဝတ္ထုပစ္စည်းတို့ကို တွေ့ခဲ့လျှင် ကော်မရှင်သို့ အကြောင်းကြားရမည်၊ ကော်မရှင်ကခွင့်ပြုလျှင် ယင်းမြေပေါ်၌ ဆက်လက်လုပ်ကိုင်နိုင်ပြီး ခွင့်ပြုချက် မရရှိလျှင် အစားထိုး စီစဉ်ပေးသော နေရာသို့ ပြောင်းလဲရမည်ဟု အမိန့်ကြော်ငြာ စာတွင် ပါဝင်ကြောင်း ၂၀၁၁ ခုနှစ် အောက်တိုဘာ ၁၃ ရက်နေ့ထုတ် 7 Day ဂျာနယ်တွင် ဖော်ပြထားသည်။

Ref: 7 Day

××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

အမျိုးသားလူ့အခွင့်အရေးကော်မရှင်သို့ တိုင်ကြားလွှာ ၇၀ကျော်ရောက်ရှိနေ

နိုင်ငံတော်သမ္မတကြီးအမိန့်ဖြင့် တိုက်ရိုက်ဖွဲ့စည်းထားသည့် အမျိုးသား လူ့အခွင့်အရေးကော်မရှင်သို့ အောက်တိုဘာ ၁၄ ရက်နေ့အထိ တိုင်ကြားလွှာ ပေါင်း ၇၂စောင် ရောက်ရှိနေကြောင်း သတင်းရရှိသည်။

ရောက်ရှိနေသည့် တိုင်ကြားလွှာများကို တိုင်ကြားလွှာစိစစ်ရေးကော်မတီမှ မှန်ကန်ခြင်းရှိ/မရှိစစ်ဆေးနေပြီး မြေယာအငြင်းပွားသည့် ကိစ္စရပ်ကို အဓိကတိုင်ကြားသည်ကိုတွေ့ရကြောင်း ယင်းကော်မရှင်ဥက္ကဋ္ဌ ဦးဝင်းမြကပြောသည်။

“ကျွန်တော်တို့ တိုင်ကြားလွှာ ၄၀ နီးပါးကို စိစစ်ပြီးဖြစ်ပါတယ်။ စိစစ်ပြီးတဲ့ တိုင်ကြားလွှာတွေကို သက်ဆိုင်ရာဌာနတွေ၊ ကုမ္ပဏီတွေဆီကို အကြောင်းကြားစာ ပေးပို့ထားပါတယ်”ဟု ယင်းက ဆိုသည်။

ပြည်သူများမှ တိုင်ကြားသည့် တိုင်ကြားလွှာများကို ပြီးပြတ်အောင် ဆောင်ရွက်ပေးနိုင်သည့် အခြေအနေတစ်ခုသို့ မရောက်ရှိသေးကြောင်း ယင်း ကော်မရှင်မှ အဖွဲ့ဝင်တစ်ဦးက ဆိုသည်။

“ကျွန်တော်တို့က သက်ဆိုင်ရာဝန်ကြီးဌာနရဲက လုပ်ပိုင်ခွင့်ဘောင်ကို ကျော်လို့မရတဲ့အတွက် Enforcement လုပ်လို့မရဘူး။Push ပဲလုပ်လို့ ရတယ်”ဟု ယင်းက ဆက်လက်ပြောကြားသည်။

စက်တင်ဘာ ၆ ရက်တွင် ဖွဲ့စည်းခဲ့သည့် လူ့အခွင့်အရေးကော်မရှင်သည် ပြည်သူများ တကယ်ခံစားနေရသည့် ကိစ္စရပ်များကို ပြေလည်စွာ ဖြေရှင်းပေးနိုင်ခြင်း ရှိ/မရှိကို ဝေဖန်ရန် အချိန်စောသေးကြောင်း ဒီမိုကရက်တစ်ပါတီ(မြန်မာ)မှ တာဝန်ရှိသူတစ်ဦးက ပြောကြားသည်။

လူ့အခွင့်အရေးကော်မရှင်အဖွဲ့ဝင်များအား နဝတလက်ထက်က တာဝန်ယူခဲ့သူ သံအမတ်ကြီးများက ဦးဆောင်သဖြင့် လုပ်နိုင်စွမ်းရှိမည်ဟု မယုံကြည်ကြောင်း NLD ပါတီဗဟို အလုပ်အမှုဆောင်တစ်ဦးက ပြောကြားသည်။

“စောင့်ကြည့်ရမှာပါ။ သမ္မတကြီးကိုတောင် ရက် ၁၀၀ ပေးတာ သူတို့ကိုလည်း ရက် ၁၀၀ လောက်ပေးသင့် ပါတယ်”ဟု ယင်းက ဆက်လက် ပြောကြားသည်။

စက်တင်ဘာ ၆ ရက်တွင် ဖွဲ့စည်းခဲ့သည့် လူ့အခွင့်အရေးကော်မရှင်သည် တစ်လကြာပြီးနောက်တွင် ပြည်သူများထံမှ တိုင်ကြားလွှာများကို လက်ခံခဲ့ပြီး နိုင်ငံတော်သမ္မတ ဦးသိန်းစိန်ထံသို့လည်း ယုံကြည်ချက်ကြောင့် အကျဉ်းကျနေသူများအားလုံး လွှတ်ပေးရန် အိတ်ဖွင့်ပေးစာတစ်စောင် ပေးပို့ခဲ့သည်။

YC(KS)

-----------------------------------------------------------------------------------------------------------------------------------

ပါတီသစ် ၂ခုအား နိုင်ငံရေးပါတီအဖြစ် မှတ်ပုံတင်ခွင့်ပြု

ပြည်ထောင်စု ရွေးကောက်ပွဲ ကော်မရှင်သည် ဒီမိုကရက်တစ် မဟာမိတ်ပါတီနှင့် ညီညွတ်ရေးနှင့် ငြိမ်းချမ်းရေးပါတီတို့အား နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း အောက်တိုဘာ ၁၅ ရက်နေ့ထုတ် နိုင်ငံပိုင် သတင်းစာများတွင် ဖော်ပြချက်အရ  သိရသည်။

ဒီမိုကရက်တစ် မဟာမိတ်ပါတီအား  နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း ပြည်ထောင်စု ရွေးကောက်ပွဲ ကော်မရှင်က ကြေညာချက် အမှတ် (၅၃/၂၀၁၁) ကို အောက်တိုဘာ ၁၄ ရက် ရက်စွဲဖြင့် ထုတ်ပြန်ကြေညာလိုက်ခြင်း ဖြစ်သည်။

အဆိုပါ ကြေညာချက်တွင် မန္တလေးတိုင်းဒေသကြီး၊ ချမ်းအေးသာစံမြို့နယ်၊ ဒေးဝန်းအနောက်ရပ်ကွက်၊ လက်ရွေးကြီးရပ်၊ အကွက်(၃၁၀)တွင် ပါတီရုံးချုပ် ဖွင့်လှစ်ထားရှိသော ဒီမိုကရက်တစ်မဟာမိတ်ပါတီ (Democratic Alliance Party) အား ၂၀၁၁ ခုနှစ်၊ အောက်တိုဘာလ ၁၄ ရက်နေ့မှစ၍ နိုင်ငံရေးပါတီများ မှတ်ပုံတင်ခြင်းဥပဒေပုဒ်မ ၉ နှင့်အညီ မှတ်ပုံတင် ခွင့်ပြုလိုက်ကြောင်း သိရသည်။

ဒီမိုကရက်တစ်မဟာမိတ်ပါတီ (Democratic Alliance Party) ၏ မှတ်ပုံတင်အမှတ်မှာ (၄၅) ဖြစ်ကြောင်း ၂၀၁၁ ခုနှစ် အောက်တိုဘာလ ၁၅ ရက် နေ့ထုတ် နိုင်ငံပိုင် သတင်းစာများ  ဖော်ပြထားသည်။

ထို့အတူ ညီညွတ်ရေးနှင့် ငြိမ်းချမ်းရေးပါတီအား နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း ပြည်ထောင်စု ရွေးကောက်ပွဲ ကော်မရှင်က ကြေညာချက်အမှတ် (၅၃/၂၀၁၁) ကို အောက်တိုဘာ ၁၄ ရက် ရက်စွဲဖြင့် ထုတ်ပြန်ကြေ ညာလိုက်ခြင်း ဖြစ်သည်။

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ သာယာကုန်းရပ်ကွက်၊ ဂေါသကလမ်း၊ အမှတ်(၁၀)တွင် ပါတီရုံးချုပ် ဖွင့်လှစ်ထားရှိသော ဒီမိုကရက်တစ်မဟာမိတ်ပါတီ (Democratic Alliance Party) အား ၂၀၁၁ ခုနှစ်၊ အောက်တိုဘာလ ၁၄ ရက်နေ့မှစ၍ နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့် ပြုလိုက် ကြောင်း သိရသည်။

ဒီမိုကရက်တစ်မဟာမိတ်ပါတီ (Democratic Alliance Party) ၏ မှတ်ပုံတင်အမှတ်မှာ (၄၅) ဖြစ်ကြောင်း ၂၀၁၁ ခုနှစ် အောက်တိုဘာလ ၁၅ ရက်နေ့ထုတ် နိုင်ငံပိုင် သတင်းစာများ  ဖော်ပြထားသည်။

YC

×××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“အကျိုးဆောင်လုပ်ပေးမယ်ဆိုပြီး ကြောငြာနေတဲ့ ကုမ္ပဏီတွေနဲ့ မော်တော်ကားအဟောင်းကို အစားထိုးပြီး ပြည်ပကနေ ကားတစ်စီး ဝယ်ယူ တင်သွင်းခွင့် ပြုထားလို့ ပါမစ်လာလျှောက်နေတဲ့ လူတွေကြားက ဆောင်ရွက်မှုတွေက စီးပွားရေးနှင့် ကူသန်းရောင်းဝယ်ရေး ဝန်ကြီးဌာနရဲ့ လုပ်ထုံးလုပ်နည်းများနဲ့ တစ်ထပ် တည်းမဖြစ်ပါဘူး။ ဒါတွေကို တရားဝင် လုပ်ကြမယ်ဆိုရင် လုပ်ထုံးလုပ်နည်းတွေရှိပါတယ်”

အောက်တိုဘာ ၁၃ ထုတ် 7DAY NEWS အတွဲ (၁၀) အမှတ် (၃၀) တွင်ပါသည့် “ကားတင်သွင်းရန် ဝန်ဆောင်မှုပေးနေသော ကုမ္ပဏီများ စီးပွား/ကူးသန်း၏ လုပ်ထုံးလုပ်နည်းများနှင့်မညီဟုဆို” သတင်းမှ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ညွှန်ကြားရေးမှူး ဦးသန်းအောင်၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ဥပဒေတစ်ခုရေးဆွဲရာမှာ ဥပဒေရေးထုံးရေးနည်းမှန်ကန်ပြီး အကြောင်းအရာအချက်အလက်တွေ ပြည့်စုံဖို့ လိုအပ်ပါ တယ်”ဟု ဦးမြညိမ်းက ပြောသည်။

၁၉၅၃ ခုနှစ် လယ်ယာမြေနိုင်ငံပိုင်ပြုလုပ်ရေး အက်ဥပဒေသည် နှစ်ပေါင်း ၅၀ ကျော် ကျင့်သုံးလာပြီး အခြေကျပြီးသည့် ဥပဒေဖြစ်ကာ ယင်းဥပဒေ၌ ချို့ယွင်းအားနည်းချက်ရှိပါက ပြင်ဆင်ဖြည့်စွက်နိုင်ကြောင်း၊ အခြေကျပြီး ဥပဒေတစ်ခုကို ရုပ်သိမ်းသည်အထိပြုလုပ်ပြီး ဥပဒေအသစ်ဖြင့် အစားထိုးရန် ကိစ္စမှာ ကျယ်ကျယ်ပြန့်ပြန့် ညှိညှိနှိုင်းနှိုင်း စဉ်းစားသင့်သည့် ကိစ္စရပ်ဖြစ်ကြောင်း ဦးမြညိမ်းက ပြောသည်။

အောက်တိုဘာ ၁၄ ထုတ် မြန်မာတိုင်းမ် အတွဲ (၂၇) အမှတ် (၅၃၉) တွင်ပါသည့် “လယ်ယာမြေဥပဒေကြမ်းအား ခိုင်မာပြည့်စုံစေရန် ပြန်လည် ရေးဆွဲသင့်ဟု အမျိုးသားလွှတ်တော်ဆုံးဖြတ်” သတင်းမှ ကောက်နှုတ်ချက်

-----------------------------------------------------------------------------------------------------------------------------------

ထိုသို့ ဆွေးနွေးခဲ့ရာတွင် အထူးဒေသ (၄) မှ အဖွဲ့ခေါင်းဆောင် ဦးစံပေ့က အထူးဒေသ (၄) သည်ပြည်ထောင်စုအတွင်းမှ ခွဲထွက်ခြင်း၊ နိုင်ငံတော်ကို ဆန့်ကျင်ခြင်းစသည့်တို့ကို လုံးဝပြုလုပ်မည်မဟုတ်ကြောင်း၊ ပြည်တွင်းငြိမ်းချမ်းရေးနှင့် နယ်စပ်ဒေသ ဖွံ့ဖြိုးတိုးတက်ရေးအတွက် အထူးဒေသ(၄) ၏ စွမ်းရည်များ ဖြင့် ပူးပေါင်းဆောင်ရွက်သွားမည် ဖြစ်ကြောင်း ပြောဆို ခဲ့ပါသည်။

ထို့နောက် နှစ်ဦးနှစ်ဖက် ဆက်ဆံရေးရုံးများ ပြန်လည်ဖွင့်လှစ်ရေး၊ အထူးဒေသ (၄) တွင် ပညာရေး၊ ကျန်းမာရေး၊ စိုက်ပျိုးရေး၊ လမ်းပန်းဆက်သွယ်မှု ကောင်းမွန်ရေး၊ မူးယစ်ဆေးဝါးပပျောက်ရေး ကိစ္စများအပေါ် နှစ်ဦးနှစ်ဖက် ပူးပေါင်းဆောင်ရွက်ရေး ညှိနှိုင်းဆွေးနွေးပြီး သဘောတူညီချက်များကို လက်မှတ် ရေးထိုးခဲ့ပြီး ဆွေးနွေးမှုများ ထပ်မံပြုလုပ်သွာမည်ဟု သိရသည်။

အောက်တိုဘာ ၁၄ ထုတ် BiWeekly ELEVEN အတွဲ (၄) အမှတ် (၂၈) တွင်ပါသည့် “ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့နှင့် အထူးဒေသ (၄) ငြိမ်းချမ်းရေးဖော်ဆောင်ရေးအဖွဲ့တို့ ငြိမ်းချမ်းရေးကိစ္စ များ ပထမအကြိမ်ဆွေးနွေး” သတင်းမှ ကောက်နှုတ်ချက်

-----------------------------------------------------------------------------------------------------------------------------------

“ကျွန်တော်တို့လုပ်တာ အမြဲမှန်နေမယ်လို့ မယူဆပါဘူး။ မှားယွင်းတာ လိုအပ်တာ ရှိကောင်းရှိနိုင်ပါတယ်။ ကျွန်တော်တို့ လုပ်တာတွေမှာ ချို့ယွင်းချက်၊ အားနည်းချက်တွေ ရှိလာရင် ဖော်ပြနိုင်ပါတယ်။ ပြည်သူတွေဟာ သူတို့ အခက်အခဲကို တင်ပြဖို့ မီဒီယာတွေကိုပဲ အားထားရတယ်ဆိုတာ နားလည်ပါတယ်။ အဲဒါကြောင့် မီဒီယာတွေရဲ့ အသံတွေကို ပြည်သူတွေရဲ့ အသံ၊ မီဒီယာတွေရဲ့ ဖော်ပြချက်ကို ပြည်သူတွေရဲ့ ဖော်ပြချက်လို့ မီဒီယာတွေကို အမြဲမပြတ် လေ့လာလျက် ရှိပါတယ်။ ပြည်သူတွေအတွက်လည်း အရမ်းကောင်းစေချင်ပါတယ်။ ကောင်းစေချင်တဲ့အတွက် တာဝန်ယူပြီး နောက်ပိုင်းမှာ တွက်ချက်ပြီး ချက်ချင်းပေးနိုင်မယ့် နည်းလမ်းတွေကို ဖော်ဆောင်လုပ်ကိုင်ပေးခဲ့ပါတယ်။ ပြည်သူတွေရဲ့ လိုအပ်ချက် အသံတွေကို ဝန်ကြီးဌာနအနေနဲ့ အမြဲတမ်း နားစွင့်နေပါတယ်။  လိုအပ်ရင် ပြုပြင်သွားဖို့ အသင့်ပါပဲ”

အောက်တိုဘာ ၁၄ ထုတ် BiWeekly ELEVEN အတွဲ (၄) အမှတ် (၂၈) တွင်ပါသည့် “ပြည်သူများ၏ လိုအပ်ချက်အတွက် မီဒီယာများအသံကို နားထောင်ပြီး ပူးပေါင်းလုပ်ဆောင်သွားရန် အဆင်သင့်ရှိဟု စီးပွားရေးနှင့် ကူးသန်ရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ပြောကြား” သတင်းမှ ပြည်ထောင်စုဝန်ကြီး ဦးဝင်းမြင့်၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

စကားပုံတွေနဲ့ မြန်မာ့နိုင်ငံရေး

မြန်မာတို့၏ လူမှုရေးနယ်ပယ်တွင် သုံးလေ့ရှိသည့် စကားပုံတစ်ခုမှာ လူ့အလိုနတ်မလိုက်နိုင်ဟူ၍ ဖြစ်သည်။ ပုထုဇဉ် အဖြစ်တွင် လောဘ၊ ဒေါသ၊ မောဟ ၊ အတ္တ၊ မစ္ဆရိယ အကုန်ရှိနေသေး၍ ရောင့်ရဲတင်းတိမ် ကျေနပ်နိုင်ခြင်းမရှိ။ ချမ်းသာပြီးသည့်သူကလည်း ချမ်းသာပြီးရင်း ချမ်းသာချင်သည်။ အောင်မြင်သူကလည်း ပို၍အောင်မြင်ချင်သည်။ ထို့ကြောင့် မည်သည့် နတ်ဒေဝတာကမှ လူတစ်ယောက်၏ဆန္ဒကို ပြည့်အောင် ဖြည့်ဆည်းပေးခြင်း မပြုနိုင်ပေ။ ထို့ကြောင့် ထိုလောဘ၊ ဒေါသ၊ မောဟ စသည့် အစွဲအလမ်းများမှ လွတ်မြောက်ရာလမ်းကို ဗုဒ္ဓက ညွှန်ကြားခဲ့ခြင်း ဖြစ်သည်။

တစ်ခုခုကို အသေစွဲကိုင်သူကို လှေနံဓားထစ်မှတ်ယူသူဟု မြန်မာတို့က ဆိုကြသည်။ မြန်မာတွေ အလွန်ကြိုက်သော ဒီမိုကရေစီဆိုတာ ဘာလဲ။ လွတ်လပ်တာ၊ လူ့အခွင့်အရေးအပြည့်အဝရှိတာ၊ ဒါဆိုလူ့အခွင့်အရေးဆိုတာ ဘာလဲ၊ အဝတ်မပါဘဲ လမ်းပေါ်ထွက်ခွင့် ရှိတာလား၊ အများစုရဲ့ ဆန္ဒကို လိုက်နာ၊ အနည်းစုကို လေးစား၊ စသည်ဖြင့် မရေမတွက်နိုင်အောင် အဓိပ္ပါယ်ဖွင့်ဆိုချက်တွေ အများကြီး ရှိပါသည်။ နေရာတကာ လူထုသဘောအတိုင်း လိုက်လုပ်နေရင်ရော ဖြစ်မှာလားဟု ခေါင်းဆောင်လုပ်သူကလည်း တွေးရသည်။ တစ်ယောက် တစ်ပေါက်နှင့်ဆိုလျှင် ပြီးမှာမဟုတ်တော့။ ဒီမိုကရေစီ၏ လက်ယာဘက် လွန်မြောက်လာလေလေ မင်းမဲ့စရိုက်ကို ဦးတည်လေဖြစ်သည်။ ထို့ကြောင့် ဒိတ်ဒိတ်ကျဲ ဒီမိုကရေစီ နိုင်ငံကြီးများပင်လျှင် ဒီမိုကရေစီ အရေးနှင့် ပတ်သက် ၍ ယနေ့တိုင် အဓိပ္ပါယ်ဖွင့်၍မပြီးသေး။ democracy၊ Liberalism၊ Neo-Liberalism၊ Post-Neo-liberalism စသည့်ဖြင့် ဆင့်ပွားတွေးဆချက်တွေ အိုင်ဒီယာအသစ်တွေ ထပ်ထပ်ပြီး ထွက်နေသည်။ ထို့ကြောင့် လူ့လောက အတွက် ဒီမိုကရေစီသည် မရှိမဖြစ် လိုအပ်သည့် အရာတစ်ခုတော့ မဟုတ်ပေ။ သို့ရာတွင် လူတိုင်းလူတိုင်းသည် လူနှင့်တူအောင် နေနိုင်ဖို့အတွက် လိုအပ်သည့် စည်းမျဉ်းစည်းကမ်းတွေ၊ အင်စတီကျူးရှင်း တွေ ရှိရမည်ဖြစ်သည်။ တရားဥပဒေစိုးမိုးရေးနှင့် လွတ်လပ်စွာ ရှာဖွေစားသောက်ခွင့်ရရေး၊ လွတ်လပ်စွာ ယုံကြည်ခွင့်တို့သည် ဒီမိုကရေစီဆိုသည့် အရာမရှိလည်း ရကိုရသင့်သည့် အခွင့်အရေးများပင် ဖြစ်သည်။ ဒီမိုကရေစီဆိုသည်မှာ အထက်က ဆိုသလို ကိုယ်လုပ်ချင်တာ လုပ်ခွင့်ရပြီဟု လှေနံဓားထစ် မယူသင့်၊ မိမိ၏ လွတ်လပ်ခွင့်မှာ သူတစ်ပါးကို မထိခိုက်ရန် လည်း လိုသေးသည်။

၂၀၁၀ခုနှစ်သည် မြန်မာနိုင်ငံအတွက် ထူးခြားသည့် နှစ်တစ်နှစ် ဖြစ်သည်။ ၂၃နှစ်ကြာ အုပ်ချုပ်ခဲ့သော စစ်အုပ်ချုပ်ရေး ရပ်စဲ၍ ရွေးကောက်ပွဲများရ အရပ်သား အစိုးရသစ်တက်လာသည်။ အရပ်သားအစိုးရ ဖြစ်ပါသည်။ ဒီမိုကရေစီအစိုးရ မဟုတ်ကြောင်း သိစေလိုပါသည်။ ရွေးကောက်ပွဲနှင့် ဒီမိုကရေစီသည် တိုက်ရိုက်နည်းလမ်းမကျဟူသော သီအိုရီတစ်ခုကို မြန်မာ့ရွေးကောက်ပွဲက ဖော်ထုတ်ပေးလိုက်ခြင်းပင်ဖြစ်သည်။ သို့ရာတွင် လှေနံဓားထစ်သူတို့ကမူ ရွေးကောက်ပွဲလုပ်လျှင် ဒီမိုကရေစီ နည်းလမ်းတကျ ဖြစ်ရမည်။ အားလုံးပါဝင်ခွင့်ပေးရမည်။  ဒီမိုကရေစီနှင့် ညီညွတ်သော အခွင့်အရေးတွေ ရှိရမည်ဟု တတွင်တွင် အော်ဟစ်လာသည်။ ဒီမိုကရေစီအုတ်မြစ်ချနေခြင်းကို ပတ်ကားဒီမိုကရေစီ တည်ဆောက်ပြီးဟု လှေနံ ဓားထစ် တွက်ယူကြခြင်းဖြစ်သည်။

လှေနံဓားထစ် ဆိုနေကြသည့် အချက်များကို အစိုးရကလည်း လိုက်လျောရန် ကြိုးစားပါ၏။ သူတို့မှာလည်း ဒီမိုကရေစီအစိုးရအဖြစ် တံဆိပ် အတပ်ခံရရန် လိုနေသေးသည် မဟုတ်ပါလား။ ပြည်တွင်းစစ်တွေ ရပ်နိုင်အောင် အစိုးရက လမ်းဖွင့်ပေးသည်။ သက်ဆိုင်ရာ ပြည်နယ်ဝန်ကြီးချုပ် တွေမှတဆင့် မူကိုဆွေးနွေးရန်၊ ဆက်လက်၍ နောက်တ ဆင့် ဆွေးနွေးရန် အကြောင်းကြားသည်။ လူ့အလိုနတ်မလိုက်နိုင်ဆိုသလိုပင် ဘယ်သူနှင့်မှ ဆွေးနွေးနိုင်မည်။ ဘာတွေ ပေးမှ ဆွေးနွေးနိုင်မည် ဟု စောဒက တက်ကြသည်။ အဆိုးဆုံးမှာ လက်နက်ဆက်လက်ကိုင်စွဲရေး၊ မိမိတို့ပြည်နယ်များမှ အစိုးရ တပ်များ ရုပ်သိမ်းရေးတွေအထိပါသည်။ ၂၀၀၈ဖွဲ့စည်းပုံအရ လက်နက်ကိုင်တပ်များသည် ကာကွယ်ရေးဦးစီးချုပ်၏ လက်အောက်တွင် ရှိရမည်ဆိုသည့် အချက်ကို မေ့လျော့နေဟန်တူသည်။ ယခု အစိုးရသည် ၂၀၀၈ဖွဲ့စည်းပုံအရ လုပ်ဆောင်မည့်အစိုးရ မဟုတ်ပါလား။ မည်သည့် ဒီမိုကရေစီနိုင်ငံမှ ပြည်နယ်များကို သီးခြားစစ်တပ်ပေးသည်ဟု မကြားဖူးပေ။ အမျိုးသƞ