Transparency Myanmar

transparency.myanmar@gmail.com

{Yangon Chronicle 2010:811} စက်ရုံ အလုပ်သမားများ ဆန္ဒပြမှုကြောင့် လုံခြုံရေး ရဲများ တပ်ဖြန့်ထား

Posted by Transparency Myanmar 2010
Wednesday, February 10, 2010
comments (0)

Reuters, 9th February 2010

          ရန်ကုန်မြို့ စက်ရုံ ၂ ခုမှ အလုပ်သမား ၂၀၀၀ ကျော်သည် လစာငွေ နည်းပါးမှုကြောင့် ဆန္ဒပြခဲ့ကြပြီးနောက် အင်္ဂါနေ့တွင် မြန်မာ စစ်ဖက် အစိုးရက လက်နက်ကိုင် အဓိကရုဏ်း နှိမ်နင်းရေး ရဲ ရာဂဏန်းကို တပ်ဖြန့်၍ လုံခြုံရေး တိုးမြှင့်လိုက်ပါသည်။

          ရန်ကုန်မြို့နှင့် ၁၁ ကီလိုမီတာ (၇ မိုင်) ခန့် ကွာဝေးသော လှိုင်သာယာ စက်မှုဇုံ ပတ်ပတ်လည်ရှိ လမ်းများကို လုံခြုံရေး ထိန်းသိမ်းရန် ရိုင်ဖယ် သေနတ်များ၊ ဒိုင်းများ တပ်ဆင် ပေးထားသော အဓိကရုဏ်း နှိမ်နင်းရေး ရဲများ တင်ဆောင်ထားသော ထရပ်ကား ၅၀ ခန့် စေလွှတ်၍ နေရာယူထားသည်ဟု ရိုက်တာ သတင်းထောက်က ပြောကြားပါသည်။

          Taiyi ရှူးဖိနပ် စက်ရုံနှင့် Opal 2 အထည်ချုပ် စက်ရုံမှ အလုပ်သမားများက တနင်္လာနေ့တွင် စတင် ဆန္ဒပြခဲ့ကြခြင်း ဖြစ်သည်ဟု မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းမှ အရာရှိကြီးတစ်ဦးက ပြောကြားခဲ့ပြီး အင်္ဂါနေ့တွင် Taiyi အလုပ်သမားများနှင့် အုပ်ချုပ်သူများ အကြား သဘောတူညီမှု ရရှိလု နီးနေပြီဟုလည်း ဆိုပါသည်။

          ပုံစံ အမျိုးမျိုးဖြင့် ကန့်ကွက် ဆန္ဒပြမှုများမှာ မြန်မာနိုင်ငံတွင် ဖြစ်တောင့်ဖြစ်ခဲ ရှားပါးလှပြီး ၂၀၀၇ ခုနှစ်ကမူ လောင်စာဆီနှင့် ဓာတ်ငွေ့ ဈေးနှုန်းများ တက်ခဲ့ခြင်းကြောင့် ဖြစ်ပွားခဲ့သော အသေးစား ဆန္ဒပြမှုများသည် သံဃာတော်များကြောင့် နိုင်ငံအနှံ့ ကျယ်ပြန့်သွားခဲ့ပြီး အစိုးရက ရက်ရက်စက်စက် နှိမ်နင်း ဖြိုခွဲခဲ့ရာ လူ ၃၁ ဦးခန့် သေဆုံးခဲ့ပါသည်။

          စစ်ဖက် အစိုးရက ရေးဆွဲထားသော ဒီမိုကရေစီ လမ်းညွှန်မြေပုံ၏ နောက်ဆုံးအဆင့် ဖြစ်သော ရွေးကောက်ပွဲများကို ယခုနှစ်အတွင်း ကျင်ပရန် စီစဉ်ထားရာ မငြိမ်သက်မှုများ ဖြစ်လာနိုင်သော အန္တရာယ်များကို အစိုးရက ဆတ်ဆတ်ထိမခံ တုံ့ပြန်လိမ့်မည်ဟု အကဲခတ်သမားများနှင့် သံတမန်များက ပြောကြားပါသည်။

          "အလုပ်သမား ဝန်ကြီးဌာနက အရာရှိကြီးတွေက ဆန္ဒပြ အလုပ်သမားတွေနဲ့ အလုပ်ရှင်တွေကြားမှာ ကူညီ ညှိနှိုင်းပေးနေတယ်လို့ ယူဆရပါတယ်" ဟု ပြောကြားသူမှာ မီဒီယာများသို့ ပြောရေးဆိုခွင့် မရှိသဖြင့် အမည် မဖော်လိုသူ အရာရှိတစ်ဦး ဖြစ်သည်။

          ပြည်တွင်း၊ ပြည်ပ ကုမ္ပဏီများ ပိုင်ဆိုင်သည့် အထည်ချုပ် စက်ရုံ ၁၃၀ ခန့် မြန်မာနိုင်ငံတွင် ရှိပြီး လူဦးရေ ၄၅၀၀၀ ခန့်ကို အလုပ်ပေးထားပါသည်။

          အဝတ်အထည်များ ပြည်ပ တင်ပို့မှုမှာ ၂၀၀၈-၂၀၀၉ ဘဏ္ဍာရေးနှစ်တွင် ဒေါ်လာ ၂၉၂ သန်းရရှိ ခဲ့ပြီး၊ ၂၀၀၇-၀၈ တွင် ဒေါ်လာ ၂၈၂ သန်း၊ ၂၀၀၆-၀၇ တွင် ဒေါ်လာ ၂၇၈ သန်း အသီးသီး ရရှိခဲ့သည်ဟု တရားဝင် စာရင်းဇယားများအရ သိရပါသည်။

          လူ့အခွင့်အရေး ချိုးဖောက်မှုများကြောင့် အနောက်နိုင်ငံများ၏ အရေးယူ ပိတ်ဆို့မှုများနှင့် ရင်ဆိုင်နေရသော မြန်မာနိုင်ငံသည် ကုန်ကျစရိတ် နည်းပါးခြင်း၊ အလုပ်သမားခ ဈေးပေါခြင်း စသော ကိစ္စများတွင် ဘင်္ဂလားဒေ့ရှ်၊ ကမ္ဘောဒီးယား၊ ဗီယက်နမ်၊ ထိုင်း စသော အိမ်နီးချင်း နိုင်ငံများ၏ ယှဉ်ပြိုင်မှု ကြီးထွားလာခြင်းနှင့် ရင်ဆိုင်နေရပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:810} ကရင်ဒုက္ခသည်များ မီဒီယာများနှင့် အဆက်အသွယ် မလုပ်ရန် ထိုင်းစစ်တပ်က သတိပေး

Posted by Transparency Myanmar 2010
comments (0)

DVB, 8th February 2010

          ထိုင်း စစ်တပ်က မြန်မာနိုင်ငံသို့ အတင်းအကြပ် ပြန်ပို့မည့် ကရင် ဒုက္ခသည်များအား မီဒီယာများနှင့် စကားမပြောရန်နှင့် ပြောပါက အဖမ်းခံရမည် ဖြစ်ကြောင်း ပြောကြားခဲ့သည်ဟု ဆိုပါသည်။

          ထိုင်းနိုင်ငံ အနောက်မြောက်ဖက်တွင် ကရင် စစ်ပြေးဒုက္ခသည် ၃၀၀၀ ခန့်သည် ၎င်းတို့ကို မြန်မာနိုင်ငံသို့ ပြန်လည် ပို့မပို့ သတင်းကို နားစွင့်နေကြပါသည်။ ၎င်းတို့သည် ၂၀၀၉ ခုနှစ် ဇွန်လ မြန်မာ စစ်တပ်နှင့် တိုင်းရင်းသား ကရင်အဖွဲ့များ တိုက်ပွဲများ ဖြစ်ပွားစဉ်က ထွက်ပြေး လာကြသူများ ဖြစ်ပါ သည်။

          လူ့အခွင့်အရေး အဖွဲ့များက ထိုင်းအစိုးရအား ဒုက္ခသည်များ နေရပ် ပြန်ခြင်းမှာ သူ့သဘောနှင့် သူ ပြန်သွားခြင်းကို သေချာစေရန် တိုက်တွန်းထားပြီး၊ ၎င်းတို့၏ မူရင်း ဒေသများတွင် မြေမြှုပ်မိုင်းများ ရှိကြောင်း၊ မြန်မာ စစ်တပ်သို့ အတင်းဝင်ရောက် စစ်မှုထမ်းရန် လုပ်ဆောင်မှုများ လည်း ရှိကြောင်း ပြောပါသည်။

          ကရင် အမျိုးသမီးများအဖွဲ့(KWO) မှ အကြီးတန်း အဖွဲ့ဝင် Blooming Night Zen က စနေနေ့က ဒုက္ခသည်များနှင့် တွေ့ဆုံရာတွင် ထိုင်း စစ်သားများက ၎င်းတို့အား မီဒီယာများနှင့် အခြား အဖွဲ့အစည်းများကို နေရပ် ပြန်ပို့ခြင်းနှင့် ပတ်သက်၍ စကားပြောလျှင် ဖမ်းဆီးပြီး၊ နေရပ် ပြန်ပို့ခံရမည် ဟု ပြောကြားခဲ့သည်ဟု ဆိုပါသည်။

          နေရပ် ပြန်ပို့သည့် လုပ်ငန်းစဉ်ကို ပြီးခဲ့သည့် အပတ် သောကြာနေ့က စတင်ရမည် ဖြစ်သော်လည်း လူ့အခွင့်အရေး အဖွဲ့များ၏ ပြင်းထန်သော ကန့်ကွက်မှုများ၊ အမေရိကန် ဥပဒေပြု အဖွဲ့ဝင် ၂၇ ဦး၏ ဝန်ကြီးချုပ် အဘီဆစ်သို့ ပေးပို့သော စာများကြောင့် ယာယီ ရပ်ဆိုင်းထားခဲ့ပါသည်။

          ထိုသို့ မရပ်ဆိုင်းမီက ဒုက္ခသည်များကို ဖေဖော်ဝါရီလ ၁၅ ရက် နောက်ဆုံး ထား၍ ပြန်ပို့ရန် စီစဉ် ထားခဲ့ပါသည်။ ပြီးခဲ့သည့် သောကြာနေ့က လမ်းလျှောက်တတ်စ ကလေးတစ်ဦး အပါအဝင် ဒုက္ခသည် ၁၁ ဦး အား ပြန်ပို့ပြီးကြောင်း အတည်ပြုနိုင်ခဲ့ပါသည်။

          လန်ဒန် အခြေစိုက် Burma Campaign UK ကလည်း ဗြိတိသျှ အစိုးရနှင့် နိုင်ငံတကာ ခေါင်းဆောင်များကို ဒုက္ခသည်များအား ပြန်မပို့ရေးအတွက် ထိုင်းအစိုးရကို တိုက်တွန်းပေးရန် တောင်းဆိုခဲ့ပါသည်။

          ထိုင်းအစိုးရ ပြောခွင့်ရ ပုဂ္ဂိုလ်က ပြီးခဲ့သည့် သီတင်းပတ် သတင်းစာ ရှင်းလင်းပွဲတွင် ပြောကြားရာ၌ ဒုက္ခသည်များသည် စစ်ဖြစ်၍ ထွက်ပြေးလာခြင်း မဟုတ်ဘဲ အလုပ်ရှာရန် လာရောက်ကြခြင်း ဖြစ်သည်ဟု ဆိုပါသည်။

          သို့သော် Ler Per Har စခန်းသို့ ရောက်လာသော ဒုက္ခသည် အများစုသည် ကရင်ပြည်နယ်ရှိ ၎င်းတို့၏ နေရာများမှာ မြန်မာစစ်တပ်၏ အမြောက်နှင့် ပစ်ခတ်မှုကြောင့် ထွက်ပြေးလာသူများ ဖြစ်ပြီး၊ ကျန်ခဲ့သူများမှာလည်း မြန်မာ စစ်တပ်အတွင်းသို့ ဝင်ရန် အတင်း ပြုလုပ်ခံရကြောင်း သိရှိရပါသည်။

          ထိုင်းအစိုးရသည် ပြီးခဲ့သည့် နှစ်က Hmong ဒုက္ခသည် ၄၆၀၀ ကို လာအိုသို့ ပြန်ပို့ခဲ့ရာ အကြီးအကျယ် ဝေဖန်ခံခဲ့ရပြီး၊ ဒုက္ခသည်များမှာ ယုံကြည် ကိုးကွယ်မှုကြောင့် နှိပ်စက်မှုများ ခံရဖွယ် ရှိပါသည်။

          အဆိုပါ အဖြစ်အပျက်သည် နိုင်ငံတကာ မီဒီယာများသို့ ပြန့်နှံ့ခဲ့ရာ၊ ယခု ကရင် ဒုက္ခသည်များ ကိစ္စတွင်လည်း ထိုနည်းအတိုင်းပင် ဖြစ်နေပေသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:809} စားသုံးရန် မသင့်သော နို့မှုန့် တန်ချိန် ၁၇၀ ကျော် တရုတ်နိုင်ငံတွင် စစ်ဆေးတွေ့ရှိ

Posted by Transparency Myanmar 2010
comments (0)

Associated Press, 8th February 2010

          တရုတ်နိုင်ငံတွင် စားသုံးရန် မသင့်သော နှို့မှုန့်တန်ချိန် ၁၇၀ ခန့်ကို ရှောင်တခင် ဝင်ရောက် စစ်ဆေးမှုများ အတွင်း တွေ့ရှိခဲ့ခြင်းသည် ၂၀၀၈ ခုနှစ်က ဖြစ်ပွားခဲ့သည့် နို့ မှုန့် ပြဿနာတွင် သိမ်းဆည်းခဲ့သော ကုန်ပစ္စည်းများကို ဖျက်ဆီးခြင်း မပြုဘဲ ပြန်လည် ထုတ်ပိုး ရောင်းချနေသည် ဆိုသော အချက်ကို ပေါ်လွင် ထင်ရှားစေခဲ့ပါသည်။

          လက်ရှိ သီတင်းပတ်များအတွင်း အရေအတွက် တိုးပွားလာသော အထက်ပါ ကိစ္စများသည် အစိုးရက ပေးထားသော ကတိကို စိန်ခေါ်လိုက်ခြင်းပင် ဖြစ်သည်။ ၂၀၀၈ နို့မှုန့် ပြဿနာတွင် ဓာတု ပစ္စည်းများ ပါဝင်သော နို့နှင့် နို့ထွက်ပစ္စည်းများကြောင့် ကလေး သူငယ်ပေါင်း သိန်းနှင့် ချီ၍ ရောဂါ ဖြစ်ပွားခဲ့ပြီး အနည်းဆုံး ၆ ဦးခန့် သေဆုံးခဲ့သည်။ ထို့နောက် အစိုးရက စားသောက်ကုန် ပစ္စည်းများ လုံခြုံ စိတ်ချရရေး အတွက် အစအဆုံး စစ်ဆေး ကိုင်တွယ်သွားမည်ဟု ကတိ ပေးထားခဲ့ခြင်း ဖြစ်သည်။

          ယခု လတ်တလော အရည်အသွေးနိမ့် နို့ထွက်ပစ္စည်းများကို တရုတ်ပြည်၏ အကြီးဆုံး မြို့တော် ရှန်ဟဲနှင့် ရှန်ဇီ၊ ရှမ်ဒေါင်း၊ လျိုနင်း၊ ဇွီဇိုး၊ ဟီဆေး စသော ပြည်နယ်များတွင် တွေ့ရှိခဲ့ခြင်း ဖြစ်သည်။

အဆိုပါ ပစ္စည်းများ အပေါ် တရုတ်နိုင်ငံ၏ ၁၀ ရက်ကြာ ရှောင်တခင် စစ်ဆေးမှုသည် ဗုဒ္ဓဟူးနေ့ တွင် ပြီးဆုံးမည် ဖြစ်၍ ဆက်လက် ပြုလုပ်ခြင်း ရှိ၊ မရှိ ကိုမူ မသိရသေးပါ။ တရုတ်နိုင်ငံ၏ အရေးကြီး ရုံးပိတ်ရက် နှစ်သစ်ကူး ပွဲတော်သည် ယခု သီတင်းပတ်ကုန်တွင် စတင်မည် ဖြစ်၍ အစိုးရရုံး အချို့မှာ ပိတ်သွားကြပြီး ဖြစ်ပြီး သန်းပေါင်း များစွာသော ပြည်သူများမှာလည်း အားလပ်ရက် ယူသွားကြပြီ ဖြစ်ပါသည်။

          ယခု နောက်ဆုံး စစ်ဆေး တွေ့ရှိမှုတွင် စက်မှုသုံး ဓာတုပစ္စည်း ပါဝင်သော အရည်အသွေးနိမ့် နို့မှုန့် တန်ချိန် ၁၇၀ ကျော်ကို ပြန်လည် သိမ်းဆည်းရန် တာဝန်ရှိ ပုဂ္ဂိုလ်များက အမိန့်ပေးခဲ့ပြီး နင်ဇီယာ မြောက်ပိုင်းဒေသမှ နို့ထွက်ပစ္စည်း ကုမ္ပဏီ ၂ ခုကိုလည်း ပိတ်ပစ်လိုက်သည်ဟု China Daily သတင်း စာက တနင်္လာနေ့တွင် ဖော်ပြပါသည်။

          အဆိုပါ သတင်း ဖော်ပြချက်အရ နို့မှုန့် ၇၂ တန်ကို အာဏာပိုင်များက သိမ်းဆည်းခဲ့ပြီး လက်ကျန် ပစ္စည်းများကိုလည်း ရှာဖွေနေဆဲ ဖြစ်နေကြောင်း၊ အဆိုပါ နို့မှုန့်များသည် Ningxia Tiantian Dairy Co.LTD က ပြန်လည် ထုတ်ပိုး၍ အိမ်နီးချင်း မွန်ဂိုလီးယား အတွင်းပိုင်း ဒေသရှိ စက်ရုံများနှင့် ဂွမ်းဒေါင်း၊ ဖူဂျီယန် စသော တောင်ပိုင်း ပြည်နယ်များသို့ ရောင်းချခဲ့သည့် ပစ္စည်းများ ဖြစ်ကြောင်း သိရှိရပါသည်။

          နို့ထွက်ပစ္စည်း ဖြန့်ဖြူးသူများသည် မယ်လမင်းဓာတ် ထည့်သွင်းမှုဖြင့် ယခင် တစ်ခေါက်က စွပ်စွဲ အရေးယူခဲ့ရပြီး ဖြစ်ပါသည်။ မယ်လမင်းသည် နိုက်ထရိုဂျင် ပါဝင်မှု မြင့်မားသောကြောင့် နိုက်ထရိုဂျင် ပါဝင်မှုကို အခြေခံ တိုင်းတာသည့် အရည်အသွေး စစ်ဆေးမှုများတွင် ပရိုတိန်း ကြွယ်ဝစွာ ပါဝင်ကြောင်း ရလဒ် ထွက်ပေါ်စေရန် ပြုလုပ်ကြခြင်း ဖြစ်သည်။

          စားသုံးရန် မသင့်သော နိုမှုန့်များသည် ၂၀၀၈ နို့မှုန့် အရေးအခင်းတွင် ဖျက်ဆီးခံရမည် ဖြစ်ပါလျက် Ningxia Tiantian Dairy က အမည်မသိ ကုမ္ပဏီ တစ်ခုထဲမှ အကြွေးဝယ် ယူရရှိခဲ့ခြင်း ဖြစ်သည် ဟု ဆိုပါသည်။

          နင်ဇီယာပြည်နယ် နို့ထွက်ပစ္စည်း အသင်းမှ အထွေထွေ အတွင်းရေးမှူး ဇိုရှုမင်းက ပြောကြားရာတွင် "ကျွန်တော်တို့ရဲ့ ကုမ္ပဏီ အသေးလေးတွေက သူတို့ရဲ့ စီးပွားဖက်တွေနဲ့ ရေရှည် ဆက်ဆံလာခဲ့တာ ဆိုတော့ အပြည်အဝ ယုံကြည်ထားတာပါ။ အခုလိုမျိုး ထိခိုက်အောင် လုပ်လိမ့်မယ်လို့ မျှော်လင့် မထားပါဘူး" ဟု ဆိုပါသည်။

          Ningxia Tiantian အပါအဝင် နို့ထွက်ပစ္စည်း ကုမ္ပဏီငယ်များတွင် မယ်လမင်း စစ်ဆေးသည့် နည်းပညာ မရှိဟု ဇိုရူးမင်းက ပြောကြားကြောင်း China Daily က ဖော်ပြပါသည်။

          "ပြီးခဲ့တဲ့ စီမံချက်တွေက ချို့ယွင်းချက်တွေကြောင့် လက်ရှိ ပြဿနာ အရှုပ်အထွေးတွေ ဖြစ်ပေါ်လာရတာပါ။ တကယ်လို့ ကုမ္ပဏီတွေက သူတို့ရဲ့ နို့မှုန့် အညံ့တွေကို စီမံချက် ကာလမှာ သိမ်းထားပြီး နောက်ကျမှ ပြန်ရောင်းရင်ကောဗျာ၊ အခု ဖြစ်နေတဲ့ ပုံစံမျိုးပေါ့၊ ဘယ်လိုလုပ်ကြမလဲ" ဟု  ဇို ပြောကြား ခဲ့သည့် အတိုင်း သတင်းစာက ထုတ်ဖော် ရေးသားလိုက်ပါသည်။

          တနင်္လာနေ့ AP သို့ ပြောကြားရာတွင်မူ ဇိုက ပို၍ သတိထားသည့် အနေဖြင့် "ကျွန်တော်တို့ တင်းတင်း ကြပ်ကြပ် စစ်ဆေးရမှာပါ။ ကျွန်တော်တို့ရဲ့ ဖောက်သည် ကုမ္ပဏီတွေကလည်း အလားတူ တင်းတင်းကြပ်ကြပ် စစ်ဆေးကြရမှာပါ" ဟု မှတ်ချက် ပေးခဲ့ပါသည်။

          တရုတ်နိုင်ငံ၏ ၂၀၀၈ နို့မှုန့် ပြဿနာသည် နှစ်ပေါင်း များစွာအတွင်း စားသောက်ကုန် စိတ်ချရမှု နှင့် ပတ်သက်သည့် အဆိုးဝါးဆုံး ပြဿနာ ဖြစ်ခဲ့ပါသည်။ ၂၀၀၈ တွင် ပြဿနာ ပေါ်ခဲ့သော စားသုံးရန် မသင့်သည့် နို့မှုန့်များကို ဖယ်ရှား ရှင်းလင်းရေးသည် ခက်ခဲသော လုပ်ငန်းတစ်ခု ဖြစ်သည်ကို တရုတ် အာဏာပိုင်များက သိရှိသည့် အတွက် ဖမ်းဆီး ပစ္စည်းများကို ကိုယ်တိုင် ဖျက်ဆီးမည်ဟု ကတိ ပေးခဲ့ခြင်း မရှိပါ။

          အစိုးရက ကိုယ်တိုင် မဖျက်ဆီးဘဲ မည်သို့မည်ပုံ ဖျက်ဆီးရမည် ဆိုသည်ကိုသာ လမ်းညွှန်ခဲ့ပါ သည်။ မီးရှို့စက် အကြီးစားများဖြင့် မီးရှို့ ဖျက်ဆီးရန် (သို့) ပမာဏ နည်းပါးပါက မြေမြှုပ် ဖျက်ဆီးရန် အကြံပေးခဲ့ပါသည်။ ဂွမ်ဇိုးပြည်နယ် တောင်ပိုင်းမြို့တော် တစ်ခုတွင်မူ အမှိုက်သိမ်း ကုမ္ပဏီတစ်ခုက မြစ်ထဲသို့ နို့မှုန့်များ သွန်ပစ်ခဲ့ပြီးနောက်တွင် ဒေသခံ အစိုးရက ထိုသို့ စွန့်ပစ်ခြင်းကို ထိန်းချုပ်ခဲ့ပါသည်။

          တရုတ်နိုင်ငံသည် ပြီးခဲ့သော နွေရာသီက စားသောက်ကုန် လုံခြုံစိတ်ချမှု ရှိရေး ဥပဒေသစ် တစ်ရပ်ကို ထုတ်ပြန်ခဲ့ပြီး စားသောက်ကုန် ထုတ်လုပ်သူများ အနေဖြင့် ၎င်းတို့ ထုတ်ကုန်များ စိတ်ချရခြင်း ရှိမရှိကို ပိုမို တာဝန်ယူ အာမခံရန် စည်းကမ်း ချမှတ်ခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:808} ကင်ဂျုံအီလ်ကို မြန်မာ စစ်အစိုးရ ချီးမွမ်း

Posted by Transparency Myanmar 2010
comments (0)

ပြီးခဲ့သည့် ရက်သတ္တပတ်က ကျင်းပ ပြုလုပ်ခဲ့သော မြောက်ကိုရီးယား ကွန်မြူနစ် ခေါင်းဆောင်ကြီး ကင်ဂျုံအီလ်၏ မွေးနေ့တွင် မြန်မာ စစ်အစိုးရက ၎င်းအား ချီးမွမ်းခန်း ဖွင့်ခဲ့ရာ နှစ်နိုင်ငံ အပြန်အလှန် သံတမန် ဆက်ဆံရေး၏ များစွာသော အခန်းကဏ္ဍများကို တရားဝင် ထုတ်ဖော် ပြသလိုက်သည့် သဘောပင် ဖြစ်ပါသည်။

မြန်မာ စစ်အစိုးရ၏ လက်ကိုင်တုတ် သဖွယ် ဖြစ်နေသော အဖွဲ့အစည်း တစ်ခု ဖြစ်သည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (USDA) ဥက္ကဋ္ဌ ဦးအောင်သောင်းက မြောက်ကိုရီးယား အာဏာရှင် ခေါင်းဆောင်ကြီး ကင်ဂျုံအီလ်၏ စွန့်လွှတ် စွန့်စားမှုများကို ချီးမွမ်း ပြောဆိုခဲ့ကြောင်း Korean Central News Agency (KCNA) သတင်းဌာနက ဆိုပါသည်။

"မစ္စတာ ကင်ဂျုံအီလ်ဟာ ပြီးခဲ့တဲ့ ၂၀၀၉ ခုနှစ်ကို ကိုရီးယား သမိုင်းမှာ မှတ်တမ်းတင် လောက်အောင် ထူးခြားတဲ့ ပြောင်းလဲမှုတွေ လုပ်ပြီး ကျက်သရေ မင်္ဂလာအပေါင်း ခညောင်းအောင် လုပ်ဆောင်နိုင်ခဲ့ပါတယ်။ နောက်ပြီးတော့ ခေါင်းဆောင်ကြီး ကင် ဟာ အခု ၂၀၁၀ ပြည့်နှစ် ရောက်တဲ့ အချိန်က စပြီး မြောက်ကိုရီးယား အမျိုးသား စီးပွားရေး နယ်ပယ် အသီးသီးမှာ မရပ်မနား စတမ်း ဦးဆောင်မှု ပြုလုပ်ပေးနေတာကို ဝမ်းသာအားရဖွယ် တွေ့မြင်ရပါတယ်" ဟု ဦးအောင်သောင်း၏ ပြောကြားချက်ကို ကိုးကား၍ KCNA သတင်းဌာနက ဖော်ပြသည်။

နိုင်ငံတကာ၏ ပိတ်ဆို့ အရေးယူခြင်း ခံနေရသော မြောက်ကိုရီးယားနှင့် မြန်မာနိုင်ငံအကြား ယင်းသို့ နွေးထွေးသော ဆက်ဆံရေးမျိုး သိသိသာသာ ထွက်ပေါ်ခဲ့သည့် ကိစ္စနှင့် ပတ်သက်၍ စိုးရိမ်မိကြောင်း အမေရိကန် ပြည်ထောင်စုက သဘောထား ထုတ်ပြန်ပါသည်။

အဆိုပါ မြောက်ကိုရီးယား ခေါင်းဆောင်ကြီး ကင်ဂျုံအီလ် မွေးနေ့ အခမ်းအနားကို အာဖရိကမှ အာဏာရှင် နိုင်ငံတစ်ခု ဖြစ်သော ဂီနီနိုင်ငံတွင်လည်း ကျင်းပ ပြုလုပ်ခဲ့ပါသည်။ အဆိုပါ နိုင်ငံသည်လည်း စစ်အစိုးရ အာဏာ ရှိသော နိုင်ငံတစ်ခု ဖြစ်သည်။

ဂီနီနိုင်ငံမှ နိုင်ငံရေးပညာ လေ့လာသော အုပ်စုတစ်ခု ဖြစ်သည့် Study of Kimjongilism (ကင်ဂျုံအီလ်ဝါဒ လေ့လာမှု) အဖွဲ့ အကြီးအကဲ Abdoulaye Conte က မြောက်ကိုရီးယား နိုင်ငံ ဆိုရှယ်လစ် စနစ်သည် လွန်စွာ အကျိုးအမြတ် ဖြစ်ထွန်းပြီး အင်အား အကြီးမားဆုံး ဆိုရှယ်လစ် စနစ်တစ်ခု ဖြစ်ကြောင်း၊ အဆိုပါ စနစ်ကို ပြည်သူများကလည်း ယုံကြည် စိတ်ချမှု အပြည့်အဝ ရှိကြောင်း သုံးသပ် ပြောဆိုပါသည်။

ကင်ဂျုံအီလ်သည် ၎င်း၏ ဖခင် ကင်အီဆွန်း ကွယ်လွန်ပြီးနောက် ၁၉၉၄ ခုနှစ်တွင် ခေါင်းဆောင် မြောက်ကိုရီးယား ခေါင်းဆောင် ဖြစ်လာခဲ့သည်။ ၎င်း၏ ပုဂ္ဂိုလ်ရေး အကြောင်းအရာ များကို နိုင်ငံတွင်း မီဒီယာများနှင့် ကျောင်းစာ သင်ရိုးညွှန်းတမ်းများတွင် ထည့်သွင်း ဖော်ပြလေ့ ရှိသည်။

ခေါင်းဆောင်ကြီး ကင်ဂျုံအီလ်တွင် သဘာဝ ရာသီဥတုကိုပင် ပြုပြင် ဖန်တီးနိုင်သည့် စိတ်စွမ်းအင် ရှိသည်ဟု မြောက်ကိုရီးယား ပြည်သူ အတော်များများက ယုံကြည်ကြသည်။

မြောက်ကိုရီးယားနှင့် မြန်မာ နှစ်နိုင်ငံ အပြန်အလှန် ဆက်ဆံရေးနှင့် ပတ်သက်ပြီး နိုင်ငံတကာ အသိုင်းအဝိုင်းက စိုးရိမ်ပူပန်နေသည့် အချက်မှာ နှစ်နိုင်ငံအကြား လက်နက် အပေးအယူ၊ အရောင်းအဝယ် လုပ်မည့် ကိစ္စပင် ဖြစ်ပါသည်။ အချို့သော လေ့လာသူများက ဤသို့ လက်နက် အရောင်းအဝယ် လုပ်သည့် ကိစ္စမှတစ်ဆင့် နျူကလီးယားဘက်သို့ ပြောင်းလဲသွားနိုင်သည်ဟု ခန့်မှန်းကြသည်။

ပြီးခဲ့သည့် ၂၀၀၉ ခုနှစ်အတွင်းက Kang Nam အမည်ရ မြောက်ကိုရီးယား ကုန်တင် သင်္ဘောတစ်စင်းအား အမေရိကန် ရေတပ်က ထောက်လှမ်း တွေ့ရှိခဲ့သည်။ အဆိုပါ သင်္ဘောသည် လက်နက်များ တင်ဆောင်၍ မြန်မာနိုင်ငံသို့ သွားခြင်း ဖြစ်သည်ဟု ယုံကြည်ရကြောင်း အမေရိကန်တို့က ဆိုသည်။ ယင်းဖြစ်ရပ် ထွက်ပေါ်ပြီးနောက် မြန်မာ - မြောက်ကိုရီးယား ဆက်ဆံရေးမှာ နိုင်ငံတကာ၏ စောင့်ကြည့်ခြင်းကို ပို၍ ခံလာရသည်။

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ကလည်း မြန်မာနှင့် မြောက်ကိုရီးယား ဆက်ဆံရေး ပိုမို ကြီးထွားလာသည့် အရိပ် လက္ခဏာများ တွေ့မြင်လာရခြင်းကို အလွန်အမင်း စိုးရိမ်ပူပန်မိကြောင်း ထုတ်ဖော် ပြောဆိုသည်။ "ဒီကိစ္စကြောင့် ဒေသတွင်း မတည်မငြိမ်မှုတွေ ဖြစ်ပေါ်လာနိုင်ပါတယ်။ နောက်ပြီး ဒီကိစ္စဟာ မြန်မာနိုင်ငံရဲ့ အိမ်နီးချင်း နိုင်ငံတွေကိုလည်း တိုက်ရိုက် ခြိမ်းခြောက်ရာ ကျပါတယ်" ဟု ဟီလာရီ ကလင်တန်က မြန်မာ - မြောက်ကိုရီးယား ဆက်ဆံရေး အားကောင်းလာသည့် ကိစ္စနှင့် ပတ်သက်၍ သတိပေး ပြောဆိုခဲ့ဖူးပါသည်။

DVB သတင်းဌာနမှ သတင်းကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:807} ဒေါ်အောင်ဆန်းစုကြည်ကို လွှတ်ပေးရန် မလေးရှား တောင်းဆို

Posted by Transparency Myanmar 2010
comments (0)

Straitstimes.com, 9th February 2010

အောက်တိုဘာလတွင် ကျင်းပမည်ဟု မျှော်လင့်ရသော ရွေးကောက်ပွဲများ မတိုင်မီ အတိုက်အခံ ခေါင်းဆောင် ဒေါ်အောင်ဆန်းစုကြည်ကို လွှတ်ပေးရန် မလေးရှား နိုင်ငံက မြန်မာ စစ်ဖက် အစိုးရအား အင်္ဂါနေ့တွင် တောင်းဆိုလိုက်ပါသည်။

"လွတ်လပ် မျှတပြီး အားလုံး ပါဝင်နိုင်တဲ့ ရွေးကောက်ပွဲကိုပဲ ကျွန်တော်တို့ မြင်ချင်ပါတယ်။ ဒေါ်အောင်ဆန်းစုကြည် အပါအဝင် လူတိုင်းကို အခွင့်အရေး ပေးသင့်ပါတယ်" ဟု နိုင်ငံခြားရေး ဝန်ကြီး  Anifah Aman  က  AFP  သို့ ပြောကြားခဲ့ပြီး ရွေးကောက်ပွဲများကို အောက်တိုဘာလ တစ်ဝိုက်တွင် ကျင်းပဖွယ်ရာ ရှိသည် ဟု ထင်ရကြောင်း ၎င်းက ဖြည့်စွက်ပါသည်။

၁၉၉၀ တွင် ဒေါ်အောင်ဆန်းစုကြည်၏ NLD ပါတီ အပြတ်အသတ် အနိုင် ရရှိခဲ့ပြီး အစိုးရက အသိအမှတ် ပြုရန် ငြင်းဆန်ခဲ့သည့် ရွေးကောက်ပွဲ နောက်ပိုင်း ယခု ပထမဆုံး အကြိမ် ပြန်လည် ကျင်းပမည့် ရွေးကောက်ပွဲများကို ၂၀၁၀ တွင် ပြုလုပ်မည်ဟု မြန်မာ အစိုးရက ကတိ ပေးထားသော်လည်း ကျင်းပမည့် ရက်ကို မသတ်မှတ်ရသေးပေ။

အတိုက်အခံ NLD ပါတီနှင့် တိုင်းရင်းသား အဖွဲ့အစည်းများက ရွေးကောက်ပွဲ အပေါ် အကြီးကျယ် သံသယ ဝင်လျက် ရှိနေပြီး စစ်အုပ်ချုပ်ရေး တရားဝင်အောင် စစ် အစိုးရက အသုံးချလိမ့်မည်ဟု ယူဆကာ စိုးရွံ့နေကြပါသည်။

နိုင်ငံခြားရေး ဝန်ကြီး Mr. Anifah က ပြောကြားရာတွင် အာဆီယံ အဖွဲ့ဝင် ၁၀ နိုင်ငံစလုံးသည် မြန်မာနိုင်ငံအား ၎င်း လေလုံးထွားထားသည့် ဒီမိုကရေစီ လမ်းညွှန် မြေပုံ အတိုင်း ဆောင်ရွက်ရန် တိုက်တွန်းရာတွင် သဘောထား တစ်ထပ်တည်း ပူးပေါင်း ရပ်တည်သွားကြမည်ဟု ဆိုပါသည်။

ယခင် ကာလများက မလေးရှားသည် မြန်မာနိုင်ငံနှင့် ရင်းနှီးသော ဆက်ဆံရေး ရှိခဲ့သော်လည်း လတ်တလော နှစ်များ အတွင်း မလေးရှားက စစ်ဖက် အစိုးရ အပေါ် ခပ်တင်းတင်း ဆက်ဆံခဲ့သဖြင့် လက်ရှိ ဆက်ဆံရေး  အေးစက်စက် ဖြစ်နေပါသည်။

ဒီမိုကရေစီ ခေါင်းဆောင် ဒေါ်အောင်ဆန်းစုကြည် မှာလည်း ရန်ကုန်မြို့ အင်းလျားကန်စောင်းရှိ သူမ၏ နေအိမ်တွင် အကျယ်ချုပ် ထိန်းသိမ်းထားခြင်း ခံရသည်မှာ  ၁၄  နှစ် ခန့် ရှိပြီ ဖြစ်သည်။

အမေရိကန်နှင့် ဥရောပ နိုင်ငံများက တင်းကျပ်သော ပိတ်ဆို့ အရေးယူမှုများ ချမှတ်ထားသည့် အပယ်ခံ မြန်မာနိုင်ငံနှင့် တွေ့ဆုံ ညှိနှိုင်းမည့် အမေရိကန် မူဝါဒသစ် အရ သမ္မတ အိုဘားမား အစိုးရက မြန်မာနိုင်ငံတွင် လွတ်လပ်သော ရွေးကောက်ပွဲများ ကျင်းပရန် တိုက်တွန်းထားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:806} အာရှ ပစိဖိတ် စစ်ဆင်ရေး သရုပ်ပြပွဲ မြန်မာရေတပ် ပါဝင်ဆင်နွှဲ

Posted by Transparency Myanmar 2010
comments (0)

The Irrawaddy, by BA KAUNG, 9th February 2010

မြန်မာ ရေတပ်သည် အိန္ဒိယ သမုဒ္ဒရာ အတွင်း အိန္ဒိယနိုင်ငံမှ ကြီးမှူး ကျင်းပသော လေးရက်ကြာ ရေတပ် စစ်ဆင်ရေး သရုပ်ပြပွဲတွင် သြစတြေးလျ ကင်းလှည့် ရေတပ်ယာဉ်များနှင့် အတူ ပါဝင်ခဲ့ပြီး၊ အဆိုပါ သရုပ်ပြပွဲသည် တနင်္လာနေ့တွင် ပြီးဆုံးခဲ့ပါသည်။ တနင်္လာနေ့က သြစတြေးလျ အစိုးရသည် မြန်မာနိုင်ငံသို့ ပေးအပ်သော လူသားချင်း စာနာထောက်ထားမှု အကူအညီများကို  ၄၀ %  ထိ တိုးပေးခဲ့သည်။

သြစတြေးလျ နိုင်ငံခြားရေး ဝန်ကြီး Stephen Smith က ၎င်းတို့ အကူအညီပေးမည့် ငွေကို သြစတြေးလျ ဒေါ်လာ သန်း ၅၀ ထိ တိုးမြှင့်ရန် လျာထားကြောင်း ကျေညာခဲ့သည်။ ကျန်းမာရေး၊ ပညာရေးနှင့် စိုက်ပျိုးရေး ကဏ္ဍများတွင် အသုံးပြုရန် ရည်ရွယ်သော လူသားချင်း စာနာ ထောက်ထားသည့် အကူအညီကို ယခုနှစ်တွင် သြစတြေးလျ ဒေါ်လာ သန်း ၃၀ သတ်မှတ်ထားပြီး၊ လာမည့် နှစ်တွင် သန်း ၅၀ ထိ တိုးပေးမည် ဖြစ်သည်။

ယခုကဲ့သို့ တိုးမြှင့်ပေးခြင်းသည် မြန်မာ စစ်တပ်ကို ဆုလာဒ်ပေးခြင်း မဟုတ်ကြောင်း၊ ယခု မြန်မာ လူမျိုးများနှင့် အနာဂတ် မျိုးဆက် ကြုံတွေ့ရမည့် လုပ်ငန်းကြီးများကို အထောက် အကူပြုရန် ဖြစ်ကြောင်း၊ မြန်မာနို်င်ငံတွင် ယခု ရရှိနေသော နိုင်ငံတကာ အကူအညီများသည် ကမ္ဘောဒီးယား ရရှိနေသော ပမာဏ၏ ဆယ်ပုံ တစ်ပုံ၊ လာအို ရရှိနေသော ပမာဏ၏ ဆယ့်ခြောက်ပုံ တစ်ပုံပင် မရှိကြောင်း  Smith  က ပြောပါသည်။

သြစတြေးလျ အသံလွှင့်ဌာန (ABC) ၏ အဆိုအရ သြစတြေးလျ ကင်းလှည့် ရေယာဉ်  HMAS Glenelg  နှင့် မြန်မာနိုင်ငံမှ ရေတပ် သင်္ဘောတစ်စီး စေလွှတ်ကြောင်း သိရှိရပါသည်။

အာရှ ပစိဖိတ်ဒေသရှိ ရေတပ် ၁၃ ခု မှ သင်္ဘောများသည် အိန္ဒိယ သမုဒ္ဒရာ အတွင်းတွင် ပင်လယ် ဓားပြရန် ကာကွယ်ရေး၊ အကြမ်းဖက်မှု ပြန်လည် နှိမ်နှင်းရေးတို့ အတွက် လေ့ကျင့်ခန်း အစီအစဉ်များတွင် ပါဝင်ကြရပါသည်။ မြန်မာနိုင်ငံသည် အဆိုပါ အစီအစဉ်တွင်  ၂၀၀၃  ခုနှစ် ကတည်းက ပါဝင်ခဲ့ပါသည်။

မီလန် လေ့ကျင့်ခန်း အစီအစဉ်  ( Exercise Milan )  ဟုခေါ်သော အဆိုပါ နှစ်ပတ်လည် နိုင်ငံပေါင်းစုံ ပါဝင်သော လေ့ကျင့်ခန်း အစီအစဉ်ကို  Andaman  သမုဒ္ဒရာ အတွင်းရှိ  Port Blair  နှင့် နီကိုဗာကျွန်းများတွင် ဖေဖော်ဝါရီ ည ၄ ရက်မှ ၈ ရက်ထိ ပြုလုပ်ခဲ့ပါသည်။

သြစတြေးလျသည် မြန်မာနိုင်ငံ အပေါ် စစ်ရေးအရ  အရေးယူ ပိတ်ဆို့မှုများ ချမှတ်ထားရာ မြန်မာစစ်တပ် အတွက် လေ့ကျင့်ရေးနှင့် ထောက်ပံ့ခြင်း အစီအစဉ်များကို ပေး၍ မရပေ။ သို့သော် သြစတြေးလျသည် အခြား ၁၂ နိုင်ငံနှင့် အတူ ယခု အစီအစဉ်တွင် သုံးနှစ်မြောက် ပါဝင်လာခြင်း ဖြစ်ပါသည်။

ABC ရေဒီယိုနှင့် အင်တာဗျူး အစီအစဉ်တွင် Burma Campaign for Australia  မှ  Zetty Blake  က မြန်မာ့ ရေတပ်ကို မေးခွန်းထုတ်ခဲ့ပါသည်။

မြန်မာ့ စစ်တပ် အာဏာရှင်သည် ဒေသတွင်း လုံခြုံရေး အတွက် အကြီးမားဆုံးသော ခြိမ်းခြောက်မှု တစ်ခု ဖြစ်ကြောင်း သူမက ပြောပါသည်။ လက်နက် ရောင်းဝယ်ရေး ကန့်သတ်ထားသော မြန်မာ စစ်တပ်နှင့် ရေတပ် လေ့ကျင့်ခန်း ပါဝင် လုပ်ဆောင်ခြင်း၊ ကျွမ်းကျင်မှုများ ဖြည့်ဆည်းပေးခြင်းများ အတွက် သြစတြေးလျ အစိုးရကို မေးခွန်းထုတ်ကြောင်း သူမက ပြောပါသည်။

သြစတြေးလျ နိုင်ငံခြားရေး ဝန်ကြီးဌာနက တနင်္လာနေ့က ထုတ်ပြန်သော သတင်း ကြေညာချက်တွင် မကြာမီ ကာလများက နိုင်ငံတကာ အရေးယူမှုများ ဖယ်ရှားရေးနှင့် ပတ်သက်၍ ပူးပေါင်း လုပ်ဆောင်ရန်၊ ဒေါ်အောင်ဆန်းစုကြည်၏ အဆိုပြုချက်အပေါ် အပြုသဘော ဆောင်သော တုံ့ပြန်မှုများ ပြုလုပ်ရန် မြန်မာစစ် အစိုးရအား သြစတြေးလျ အစိုးရက တိုက်တွန်းခဲ့ပါသည်။ အဆိုပါ သတင်း ထုတ်ပြန်ချက်တွင် ယခုနှစ် မြန်မာနိုင်ငံတွင် စီစဉ်ထားသည့် ရွေးကောက်ပွဲများ ကျင်းပမည် ဆိုပါက မြန်မာနိုင်ငံ အတွက်သာမက နိုင်ငံတကာက မြန်မာနိုင်ငံနှင့် ဆက်ဆံရေး အတွက်ပါ အရေးကြီးသည်ဟု မှတ်ယူကြောင်း ဖော်ပြထားပါသည်။

တစ်ချိန်တည်းမှာပင် အင်္ဂါနေ့က မလေးရှား နိုင်ငံခြားရေး ဝန်ကြီး Anifah Aman က အတိုက်အခိုက် ခေါင်းဆောင် ဒေါ်အောင်ဆန်းစုကြည်အား ယခုနှစ် ရွေးကောက်ပွဲ မတိုင်မီ လွှတ်ပေးရန် တောင်းဆိုခဲ့ပါသည်။ ထို့အပြင် မြန်မာနိုင်ငံ အနေဖြင့် ၎င်း၏ ဒီမိုကရေစီ လမ်းညွှန် မြေပုံ အတိုင်း ရှေ့ဆက် လုပ်ဆောင်သွားရန် အာဆီယံ အဖွဲ့ဝင် အားလုံးက တညီတညွတ်တည်း တိုက်တွန်းကြောင်း ဖော်ပြထားပါသည်။

မိမိတို့ အနေဖြင့် လွတ်လပ်၍ တရားမျှတပြီး အားလုံး ပါဝင်သော ရွေးကောက်ပွဲကို မြင်တွေ့လိုကြောင်း၊ ဒေါ်အောင်ဆန်းစုကြည် အပါအဝင် လူတိုင်းကို အခွင့်အရေး ပေးသင့်ကြောင်း  Aman  က ပြောကြားခဲ့ပါသည်။

ဖိလစ်ပိုင် နိုင်ငံခြားရေး ဝန်ကြီ်း Alberto Romulo ပြီးခဲ့သည့် လက ဝါရှင်တန်သို့ ရောက်ရှိစဉ်က မြန်မာနိုင်ငံတွင် ရွေးကောက်ပွဲများ စက်တင်ဘာလ ပတ်ဝန်းကျင်တွင် ဖြစ်လိမ့်မည်ဟု ယူဆရကြောင်း၊ သို့သော် အစိုးရသည် ဒေါ်အောင်ဆန်းစုကြည်အား နေအိမ် အကျယ်ချုပ် ထားပြီး မပါဝင်နိုင်အောင် ပြုလုပ်ထားကြောင်း ပြောကြားခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:805} နျူ မပြန့်ပွားရေး ကတိကဝတ် ကိစ္စ ပြန်လည် စတင်မည်ဟု ကင်ဂျုံအီ ထုတ်ဖော်

Posted by Transparency Myanmar 2010
comments (0)

မြောက်ကိုရီးယား ခေါင်းဆောင် ကင်ဂျုံအီလ်က ကိုရီးယား ကျွန်းဆွယ်တွင် နျူကလီးယား ကင်းစင်ရေး ကိစ္စကို ပြန်လည် အကောင်အထည် ဖော်မည်ဟု ထုတ်ဖော် ပြောဆိုလိုက်ကြောင်း သိရသည်။

နျူကလီးယား လက်နက် ဖျက်သိမ်းရေးနှင့် ပတ်သက်၍ သံတမန် နည်းအရ အဖြေရှာ နေချိန်တွင် ခေါင်းဆောင်ကြီး ကင်ဂျုံအီလ်က ၎င်း၏ နျူကလီးယား ဆိုင်ရာ ထိပ်တန်း ကိုယ်စားလှယ် အဖွဲ့အား တရုတ်နိုင်ငံ၊ ဘေကျင်းမြို့သို့ စေလွှတ်လိုက်သည်။

ပြုံးယမ်းသို့ ရောက်ရှိနေသော တရုတ် အကြီးတန်း အရာရှိ Wang Jiarui အား ကင်ဂျုံအီလ်က ကိုရီးယား ကျွန်းဆွယ်တွင် နျူကလီးယား ကင်းစင်ရေးနှင့် ပတ်သက်ပြီး ယင်းသို့ မှတ်ချက်ပြု ပြောဆို လိုက်ခြင်း ဖြစ်ပါသည်။

ပြီးခဲ့သည့် ၂၀၀၉ ခုနှစ်၊ ဧပြီလက ပျက်ပြယ်ခဲ့သော ခြောက်နိုင်ငံ ညှိနှိုင်း ဆွေးနွေးပွဲကို ပြန်လည် စတင်နိုင်ရေးအတွက် အဆိုပါ တရုတ်သံတမန်က ပြုံးယမ်းမြို့သို့ လာရောက်ကာ ပဏာမ သဘော ညှိနှိုင်းခြင်း ဖြစ်သည်။

ကိုရီးယား ကျွန်းဆွယ်တွင် နျူကလီးယား လက်နက် ပပျောက်ရေးကို မိမိတို့ နိုင်ငံအနေဖြင့် မဖြစ်မနေ အကောင်အထည်ဖော် ဆောင်ရွက်မည် ဖြစ်ကြောင်း ကွန်မြူနစ် ခေါင်းဆောင်ကြီး ကင်ဂျုံအီလ်က ဖေဖော်ဝါရီလ ၈ ရက်နေ့ (တနင်္လာနေ့) တွင် ပြောဆိုကြောင်း Xinhua သတင်းဌာနက ဖော်ပြပါသည်။

ခြောက်နိုင်ငံ ညှိနှိုင်းပွဲသည် လွန်စွာ အရေးပါသည်ဟု ကင်ဂျုံအီလ်က ဆိုသည်။ တောင်ကိုရီးယား Yonhap သတင်းဌာန အဆိုအရ ထိပ်တန်း နျူကလီးယား ညှိနှိုင်းရေးမှူး Kim Kye Gwan သည် တရုတ် သံတမန် Wang နှင့်အတူ ဘေဂျင်းသို့ ထွက်ခွာသွားပြီ ဖြစ်ကြောင်း သိရပါသည်။

၂၀၀၉ ခုနှစ်က ဒုံးကျည်နှင့် နျူကလီးယား စမ်းသပ်မှုများ ပြုလုပ်ခဲ့ခြင်းကြောင့် ကုလသမဂ္ဂက မြောက်ကိုရီးယားအပေါ် ပြင်းထန်သော အရေးယူ ပိတ်ဆို့မှုများ ပြုလုပ်ခဲ့သည်။ သို့အတွက်ကြောင့် မြောက်ကိုရီးယားက ပိတ်ဆို့ အရေးယူမှုများကို ပြန်လည် ဖယ်ရှား နိုင်ရေးအတွက် ကိုရီးယား နှစ်နိုင်ငံ၊ တရုတ်၊ ရုရှား၊ ဂျပန်နှင့် အမေရိကန် ပြည်ထောင်စုတို့ ပါဝင်သော ခြောက်နိုင်ငံ ဆွေးနွေးပွဲကို ပြန်လည် စတင်နိုင်မည့် နည်းလမ်း ရှာဖွေခြင်း ဖြစ်ဟန် ရှိကြောင်း လေ့လာ သုံးသပ်သူများက ဆိုပါသည်။

ပြုံးယမ်းမြို့တော်သို့ ရောက်ရှိလာသော တရုတ် သံတမန် Wang က တရုတ် သမ္မတ ဟူဂျင်တောင် ထံမှ ပေးစာ တစ်စောင်ကို ခေါင်းဆောင်ကြီး ကင်ဂျုံအီလ်ထံသို့ ပေးအပ်ခဲ့သည်။ ဟူဂျင်တောင်က ကင်မ်အား ဘေဂျင်းသို့ အလည်အပတ် ဖိတ်ခေါ်ကြောင်းလည်း သိရပါသည်။
 ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်း၏ ထိပ်တန်း နိုင်ငံရေး အကြံပေး ပုဂ္ဂိုလ် Lynn Pascoe လည်း ဇန်နဝါရီလ ၉ ရက်နေ့က ပြုံးယမ်းမြို့သို့ ရောက်ရှိနေပြီး ၎င်း၏ ခရီးစဉ်သည် နျူကလီးးယား ဖျက်သိမ်းရေး ဆွေးနွေးပွဲ ဖြစ်မြောက်ရေးအတွက် မြောက်ကိုရီးယား အစိုးရအား ဖိအားပေးရန် ကြိုးပမ်းမှု တစ်ရပ် ဖြစ်ကြောင်း သိရပါသည်။

မြောက်ကိုရီးယား အစိုးရသည် ကုလ သမဂ္ဂ၏ ပိတ်ဆို့ အရေးယူမှုများ ပြန်လည် ဖယ်ရှား ပေးစေလိုသည့် ဆန္ဒ ရှိသလို အမေရိကန် ပြည်ထောင်စုနှင့်လည်း ပုံမှန် ငြိမ်းချမ်းရေး ဆွေးနွေးပွဲများ ပြုလုပ်လိုသည်။

ထို့ပြင် လူ့အခွင့်အရေး ချိုးဖောက်မှုများကို တစ်ဦးတည်း ထုတ်ဖော် ဆန္ဒပြရန် တရုတ် နယ်စပ် ဒေသမှ တစ်ဆင့် တရားမဝင် ဝင်ရောက်ခဲ့သော အမေရိကန် နိုင်ငံသား တစ်ဦးကိုလည်း မြောက်ကိုရီးယား အစိုးရက အပြုအမူကောင်းများ ထုတ်ပြသည့် အနေဖြင့် ဇန်နဝါရီလ ၆ ရက်နေ့တွင် လွှတ်ပေးလိုက်သည်။

သို့သော် မြောက်ကိုရီးယားက တောင်ကိုရီးယားသည် ယခုအခါ ကင်ဂျုံအီလ် အစိုးရအဖွဲ့ ပြုတ်ကျနိုင်ရေးအတွက် အကွက်ချ စီစဉ်လျက် ရှိသည်ဟု စွပ်စွဲ ပြောဆိုကာ မိမိတို့တွင် အင်အား ကောင်းမွန်သော လျှို့ဝှက် တိုက်ခိုက်ရေး အဖွဲ့များ ရှိနေကြောင်း ခြိမ်းခြောက် လိုက်ပါသည်။

"မိမိတို့ နိုင်ငံတွင် အများပြည်သူများကို ထုတ်ဖော်ပြသခြင်း မပြုရသေးသော ကမ္ဘာ့ အဆင့်မီ တိုက်ခိုက်ရေး တပ်ဖွဲ့များနှင့် ခုခံ ကာကွယ်ရေး စနစ်များ ရှိသည်" ဟု မြောက်ကိုရီးယား ပြည်သူများနှင့် နိုင်ငံတော် လုံခြုံရေး ဝန်ကြီးဌာနက ကြေညာချက် ထုတ်ပြန်ပါသည်။

အငြင်းပွားစရာ ဖြစ်ထားသည့် ပင်လယ်ဝါ နယ်စပ်ဒေသတွင် တောင်ကိုရီးယား စစ်တပ်က ကာကွယ်ရေး အစီအမံများ ပြုလုပ်နေခြင်းကို မြောက်ကိုရီးယား ဝေဖန်ပြောဆိုခဲ့ပြီး ကင်ဂျုံအီလ် ဆန့်ကျင်ရေး စာရွက် စာတမ်းများအား တောင်ကိုရီးယားက လေဘောလုံးဖြင့် ကျဲချမှု ကိုလည်း မကျေနပ်ကြောင်း ထုတ်ဖော် ပြောဆိုခဲ့ပါသည်။

ပြီးခဲ့သည့် ဇန်နဝါရီလက အဆိုပါ ပင်လယ်ဝါ ဒေသသို့ မြောက်ကိုရီးယားက အမြောက်များဖြင့် ရုတ်တရက် ပစ်ခတ်ခဲ့သေးသည်။ ယခုအခါ ခေါင်းဆောင်ကြီး ကင်ဂျုံအီလ်သည် ငွေကြေး တန်ဖိုး ပြန်လည် ပြင်ဆင် သတ်မှတ် ခြင်းကြောင့် ဖြစ်ပေါ်လာသော လူမှု မတည်မငြိမ်မှုများနှင့် အမှားအယွင်းများကြောင့် ၎င်း၏ နိုင်ငံရေး အာဏာ ထိပါးမည်ကို စိုးရိမ်လျက် ရှိကြောင်း၊ သို့အတွက်ကြောင့် ပြည်ပ အန္တရာယ် ကာကွယ်ရေး၊ နိုင်ငံတော် အချုပ်အခြာ အာဏာ ခိုင်မြဲရေး စသည်တို့ကို ထုတ်ဖော် ပြောဆိုကာ ၎င်း၏ အာဏာ ခိုင်မြဲအောင် လုပ်ဆောင်နေခြင်း ဖြစ်ကြောင်း တောင်ကိုရီးယားနိုင်ငံ Dongguk University မှ ပေါမောက္ခ Kim Yong Hyun က သုံးသပ်သည်။

"ငွေကြေးတန်ဖိုး ပြန်လည် ပြင်ဆင် သတ်မှတ် လိုက်ပြီးနောက်ပိုင်း မြောက်ကိုရီးယားရဲ့ စီးပွားရေးဟာ ပုံမှန် မဟုတ်ဘဲ အဆိုးဘက် ရောက်လာတယ်။ နောက်ပြီး ခြောက်နိုင်ငံ ဆွေးနွေးပွဲကို ပြန်လည် စတင်ဖို့လည်း မြောက်ကိုရီးယား အနေနဲ့ လိုအပ်နေပါတယ်" ဟု ၎င်းက ပြောပါသည်။

AP သတင်းဌာန၏ North Korea's Kim restates nuclear disarmament pledge ကို ဘာသာ ပြန်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:804} မြန်မာနိုင်ငံတွင် လူတုပ်ကွေး ဖြစ်ပွားသူ ရှစ်ဦး ထပ်မံ တွေ့ရှိ

Posted by Transparency Myanmar 2010
comments (0)

မြန်မာနိုင်ငံ၏ အကြီးဆုံးမြို့ ဖြစ်သော ရန်ကုန်တွင် A/H1N1 တုပ်ကွေး ကူးစက်သူ ရှစ်ဦး အထိ တွေ့ရှိရကြောင်း အစိုးရပိုင် New Light of Myanmar သတင်းစာ၏ ရေးသား ဖော်ပြချက်အရ သိရပါသည်။

ဒဂုံမြို့သစ် မြို့နယ်သို့ ကျန်းမာရေး ဦးစီးဌာန၊ ကူးစက်ရောဂါ ထိန်းချုပ်ရေး အဖွဲ့က သွားရောက် စစ်ဆေးရာ ကလေး သူငယ်များသည် A/H1N1 ကူးစက် ခံနေရကြောင်း အဆိုပါ အဖွဲ့က အတည်ပြု ပြောကြားပါသည်။

တုပ်ကွေး ကူးစက်ခံရသော ကလေးငယ်များကို အထူးကု ဆေးရုံတွင် သီးခြား ထားရှိကာ ကုသပေးလျက် ရှိကြောင်း၊ ၎င်းတို့၏ မိဘများကိုပါ ရောဂါ ကူးစက် ခံရခြင်း ရှိ၊ မရှိ စစ်ဆေးလျက် ရှိကြောင်း သိရပါသည်။

A/H1N1 ကူးစက် ခံရသော ရောဂါသည်များမှာ ယခုအခါ အခြေအနေ တိုးတက် ကောင်းမွန်လျက် ရှိသည်ဟု ဆိုသည်။ ယခုလ အစောပိုင်းကလည်း ချင်းပြည်နယ် ဖလမ်းမြို့နယ်ရှိ ကျေးရွာတစ်ခုတွင် A/H1N1 တုပ်ကွေးရောဂါ ခံစားရသူ ၄ ဦး တွေ့ရှိရပါသည်။ အဆိုပါ ၄ ဦင်္းမှာလည်း ယခုအခါ အခြေအနေ ကောင်းမွန်သွားပြီ ဖြစ်ကြောင်း ကျန်းမာရေး အစီရင်ခံစာအရ သိရသည်။

နိုင်ငံတကာတွင် လွန်ခဲ့သော ၂၀၀၉ ခုနှစ်၊ ဧပြီလ မှ စတင် ဖြစ်ပွားသော အဆိုပါ တုပ်ကွေး ရောဂါကြောင့် မြန်မာနိုင်ငံတွင် ယနေ့အထိ ကူးစက် ခံရသူပေါင်း (အထက် ဖော်ပြပါ ၁၂ ဦး အပါအဝင်) ၈၁ ဦး ရှိကြောင်း စာရင်းဇယားများအရ သိရပါသည်။

မြန်မာနိုင်ငံတွင် A/H1N1 ကူးစက်တုပ်ကွေး ရောဂါကြောင့် သေဆုံးသူ တစ်ဦးမျှ မရှိသေးပေ။ မြန်မာနိုင်ငံတွင် ပြီးခဲ့သည့် ၂၀၀၉ ခုနှစ်၊ ဇွန်လက စတင်၍ အဆိုပါ တုပ်ကွေး ကူးစက်ခံရသူ တစ်ဦး ပေါ်ပေါက်ခဲ့သည်။ ထိုသူမှာ စင်ကာပူနိုင်ငံမှ ပြန်လည် ရောက်ရှိလာသော အသက် ၁၃ နှစ်အရွယ် မိန်းကလေး တစ်ဦး ဖြစ်ပါသည်။

Eight more people found with A/H1N1 in Myanmar ကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:803} ကွန်မြူနစ်စနစ်ကို ထိခိုက်မည့် ကြိုးပမ်းချက်မှန်သမျှ စစ်ရေးဖြင့် တုံ့ပြန်မည်ဟု မြောက်ကိုရီးယား ခြိမ်းခြောက်

Posted by Transparency Myanmar 2010
comments (0)

မြောက်ကိုရီးယား ကွန်မြူနစ် နိုင်ငံတော်ကို ဖြုတ်ချရန် ရည်ရွယ်သည့် တောင်ကိုရီးယား၏ မည်သည့် ကြိုးပမ်းမှုမဆို စစ်ရေးအရ ပြင်းထန်စွာ တုံ့ပြန်သွားမည်ဖြစ်သည်ဟု မြောက်ကိုရီးယား အစိုးရက ထုတ်ဖော် သတိပေးလိုက်ကြောင်း သိရပါသည်။

မြောက်ကိုရီးယား အစိုးရသည် ဆိုးလ်၊ ဝါရှင်တန်၊ ဘေဂျင်း စသည့် နိုင်ငံများနှင့် သံတမန် ဆက်ဆံရေး ထူထောင်ရန် ခြေလှမ်းများ စတင်နေပြီ ဖြစ်သည့်တိုင် ယင်းသို့ ခြိမ်းခြောက် လိုက်ခြင်း ဖြစ်ပါသည်။

ကမ္ဘာ့အဆင့်မီသော စစ်လက်နက် တပ်ဆင်ထားသည့် တပ်ဖွဲ့များကို ထုတ်ဖော် ပြသခြင်း မရှိသေးသော်လည်း မြောက်ကိုရီးယား ပြည်သူနှင့် နိုင်ငံတော်လုံခြုံရေး ဝန်ကြီးဌာနက တောင်ကိုရီးယား နိုင်ငံကို ခြိမ်းခြောက်မှုပြုသည့် ကြေညာချက်တစ်စောင် ထုတ်ပြန်ခဲ့သည်။

အဆိုအပါ ကြေညာချက် စာတမ်းအရ မြောက်ကိုရီးယားသည် မိမိနိုင်ငံတော် ကာကွယ်ရေးအတွက် စစ်တပ်အင်အား တိုးချဲ့စုရုံးလျက် ရှိကြောင်း သိရပါသည်။ မြောက်ကိုရီးယားသည် မိမိအချုပ်အခြာ အာဏာကို ထိပါးစော်ကားမှု၊ ညီညွတ်ရေး ပျက်ပြားအောင် လုပ်ဆောင်မှုနှင့် ငြိမ်းချမ်းရေး ထိပါးစေမည့် ကြိုးပမ်းမှု အပါအဝင် ဆိုရှယ်လစ်စနစ်၏ ဂုဏ်သိက္ခာကို ထိခိုက်စေမှုများ အားလုံးကို စစ်ရေးအရ အပြည့်အဝ တုံ့ပြန်သွားမည် ဖြစ်သည်ဟု အဆိုပါ ကြေညာချက်က ဖော်ပြသည်။

AP သတင်းဌာနအဆိုအရ တရုတ်နိုင်ငံ၏ အထူးသံတမန်နှင့် မြောက်ကိုရီးယား အရာရှိကြီးများ ပြုံယမ်းမြို့တွင် နျူကလီးယား လက်နက် ဖြုတ်သိမ်းရေးဆိုင်ရာ ခြောက်နိုင်ငံ ဆွေးနွေးပွဲနှင့် ပတ်သက်ပြီး တွေ့ဆုံဆွေးနွေးမှု ပြုလုပ်သည့် အချိန်တွင် အဆိုပါကြေညာချက် ထွက်ပေါ်ခဲ့ခြင်း ဖြစ်သည်။

မြောက်ကိုရီးယား နိုင်ငံအနေဖြင့် နျူကလီးယား ဖြုတ်သိမ်းရေး ဆွေးနွေးပွဲ စကားဝိုင်းသို့ပြန် လည်ဝင်ရောက်ရန် တရုတ်နိုင်ငံ သံတမန်က နိုင်ငံတကာ ကြိုးပမ်းချက် တစ်ရပ်အဖြစ် ယင်းသို့ သွားရောက်ခဲ့သည်ဟု ဆိုသည်။

တရုတ်ကွန်မြူနစ်ပါတီ၏ ထိပ်တန်းအရာရှိ တစ်ဦးဖြစ်သော Wang Jiarui သည် မြောက်ကိုရီးယား အလုပ်သမား ပါတီမှ စီနီယာအရာရှိ Choe Thae Bok နှင့် ပြုံယမ်းမြို့တော်တွင် တွေ့ဆုံခဲ့ကြောင်း၊ အဆိုပါ တွေ့ဆုံပွဲတွင် တရုတ်နိုင်ငံအနေဖြင့် မြောက်ကိုရီးယားနှင့် အပြန်အလှန် ချစ်ကြည်ရင်းနှီးမှု တစ်ရပ်ကို မြှင့်တင်သွားလိုပါသည်ဟု မစ္စတာ Wang က မစ္စတာ Choe ကိုပြောဆိုခဲ့ကြောင်း Xinhua သတင်းက ဖော်ပြပါသည်။

သို့သော် Xinhua ၏ သတင်းရေးသား ဖော်ပြချက်တွင် နျူကလီးယားနှင့် ပတ်သက်သော အရေး ကိစ္စများ ပါဝင်ခြင်းမရှိပေ။ Korea Cable TV Network ၏ သတင်း ပေးပို့ချက်အရ မစ္စတာ Wang သည် မြောက်ကိုရီးယား ထိပ်ဆုံးခေါင်းဆောင်ကြီး ကင်ဂျုံအီလ်နှင့် တွေ့ဆုံကာ ခြောက်နိုင်ငံ ဆွေးနွေးပွဲနှင့် ပတ်သက်ပြီး ညှိနှိုင်း ပြောဆိုဖွယ်ရှိကြောင်း သိရပါသည်။

ထို့ပြင် မစ္စတာ Wang သည် တရုတ်သမ္မတ ဟူဂျင်တောင်က ပေးပို့သော သတင်းစကားကို ကင်ဂျုံအီလ် ထံသို့ ပေးပို့ရန် ရည်မှန်းချက် ရှိပုံရပါသည်ဟု တောင်ကိုရီးယား သတင်းစာဖြစ်သော Chosun Ilbo သတင်းစာက ရေးသား ဖော်ပြသည်။

အဆိုပါ သတင်းစာ ရေးသားချက်အရ ပြုံယမ်းအစိုးရသည် တရုတ်ပြည်မှ စီးပွားရေး အကူအညီ အထောက်အပံ့ ရရှိရန် အလို့ငှာ နျူကလီးယား ဖြုတ်သိမ်းရေးအတွက် တိုးတက် ဖြစ်ထွန်းမှုများ ထုတ်ဖော်ပေးလိုသည့် အနေအထားတွင် ရှိသည်။

တရုတ်သံတမန် ရောက်ရှိနေသည့် ရက်သတ္တပတ် အတွင်းမှာပင် ကုလသမဂ္ဂဆိုင်ရာ နိုင်ငံရေး အကြီးအကဲ B Lynn Pascoe လည်း ပြုံယမ်းသို့ သွားရောက်ခဲ့သည်ဟု ဆိုပါသည်။ မြောက်ကိုရီးယားသည် ပြီးခဲ့သည့် ၂၀၀၉ ခုနှစ်အတွင်း ရော့ကက် စမ်းသပ်ပစ်လွှတ်မှု ပြုလုပ်ခဲ့ရာ နိုင်ငံတကာ၏ ပြစ်တင် ပြောဆိုမှုကို ခံခဲ့ရပြီး ခြောက်နိုင်ငံ စကားဝိုင်းမှ နှုတ်ထွက်ခဲ့သည်။

ထို့နောက် မကြာမီမှာပင် နျူကလီးယား စမ်းသပ်မှုများ၊ တိုက်ချင်းပစ် ဒုံးကျည်စမ်းသပ် ပစ်ခတ်မှုများကို ဆက်တိုက် ဆိုသလို ပြုလုပ်ခဲ့ပါသည်။ ထိုမျှမကသေးဘဲ ပလူတိုနီယံ စမ်းသပ် ထုတ်လုပ်မှုများကိုလည်း ပြန်လည် စတင်ခဲ့သည်။

AP သတင်းဌာန၏ Nkorea threatens South amid push to restart talks ကို ဘာသာ ပြန်ဆိုပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Subscribe to: Posts (Atom)