yangonchronicle2011
၂၃.၂.၂၀၁၂
ပြည်တွင်းသတင်းများ
- ဆန်တင်ပို့သူ နိုင်ငံများအဖွဲ့ ဖွဲ့စည်းမည်
- မြန်မာ့သစ်အား ဂျပန်နှင့် ကနေဒါမှ ဝယ်ယူရန် ကမ်းလှမ်း
ပြည်တွင်းပါတီ၊ နိုင်ငံရေးသတင်းများ
- လစာတိုးပေးခြင်းအဆိုနှင့် ပက်သက်၍ ပြည်ထောင်စု လွှတ်တော်သို့ သဝဏ်လွှာအား ထပ်မံပေးပို့ခဲ့ဟု သူရရွှေမန်းပြောကြား
- ကြားဖြတ်ရွေးကောက်ပွဲ၌ ပြည်ခိုင်ဖြိုးကိုယ်စားပြုအဖြစ် တစညပါတီဝင်ပောာင်းတစ်ဦး ဝင်မည်
- ဒေါ်နေရီဗဆွေအား NLD မှ ပါတီဝင်အဖြစ် လက်ခံ
သတင်းနှင့် ဆောင်းပါးများမှ ကောက်နှုတ်ချက်များ
*****************************************
ပြည်တွင်းသတင်းများ
ဆန်တင်ပို့သူ နိုင်ငံများအဖွဲ့ ဖွဲ့စည်းမည်
ထိုင်းနိုင်ငံရှိ သက်ဆိုင်ရာတာဝန်ရှိသူများက ရေနံတင်ပို့သူနိုင်ငံများ (OPEC)ကဲ့သို့ ဆန်တင်ပို့သူနိုင်ငံများအဖွဲ့ OREC(Organization of Rice Export Countries) ဖွဲ့စည်းနိုင်ရန် မြန်မာနိုင်ငံရှိ ဆန်စပါးလုပ်ငန်းရှင်များအသင်းမှ တာဝန်ရှိသူများနှင့် ဖေဖော်ဝါရီ ၂၀ ရက်နေ့တွင် Park Royal ပိာုတယ်၌ လာရောက်ဆွေးနွေးခဲ့ကြောင်း သိရသည်။
ဆန်တင်ပို့သူနိုင်ငံများအဖွဲ့ ဖွဲ့စည်းရန် မြန်မာနိုင်ငံသို့ လာရောက်ဆွေးနွေးခဲ့သည့် နိုင်ငံများတွင် နိုင်ငံတကာသို့ ဆန်အဓိက တင်ပို့လျက်ရှိသည့် ထိုင်း၊ ဗီယက်နမ်ကဲ့သို့ အရှေ့တောင်အာရှနိုင်ငံများပါဝင်ပြီး ယင်းဆွေးနွေးပွဲ၌ နိုင်ငံတာရှိ တောင်သူများ တွေ့ကြုံနေရသည့် အခက်အခဲများ၊ ဆန်တင်ပို့မှု အခြေအနေများနှင့် လုပ်ဆောင်နေမှုများကို ဆွေးနွေးခဲ့ကြကြောင်း သိရသည်။
ဆန်တင်ပို့သူနိုင်ငံများအဖွဲ့ ဖွဲ့စည်းရန်ကိစ္စရပ်နှင့် ပတ်သက်၍ စီးပွားရေးလေ့လာနေသူတစ်ဦးက “ဆန်တင်ပို့သူ နိုင်ငံများအဖွဲ့ ဖွဲ့လိုက်ပြီးပြီ ဆိုရင် လက်ရှိ တောင်သူတွေ တွေ့ကြုံနေရတဲ့ အခက်အခဲတွေကို နိုင်ငံတကာနဲ့ ပူးပေါင်းပြီးတော့ ဖြေရှင်းနိုင်လိမ့်မယ်လို့ ထင်ပါတယ်။ မြန်မာနိုင်ငံက အ ဓိကတင်ပို့နေတဲ့ ဆန်စပါးတွေလည်း နိုင်ငံတကာနည်းတူ ဈေးရရှိနိုင်ပါလိမ့်မယ်” ပာု ပြောကြားသည်။
မြန်မာနိုင်ငံ၏ နယ်စပ် မူဆယ်ကုန်သွယ်ရေးဇုန်မှ တစ်ဆင့်တင်ပို့လျက်ရှိသော ၂၅မှတ်တန်ဆန်မှာ ဖေဖော်ဝါရီလလယ်မှ စတင်၍ ဝယ်လိုအား တက်လာသည့်အတွက် တစ်တန်လျှင် အမေရိကန်ဒေါ်လာ ၄၇၇ ထိ ဈေးကောင်းရရှိခဲ့ ကြောင်း သိရသည်။
YC
-----------------------------------------------------------------------------------------------------------------------------------
မြန်မာ့သစ်အား ဂျပန်နှင့် ကနေဒါမှ ဝယ်ယူရန် ကမ်းလှမ်း
မြန်မာ့သယံဇာတထွက်ပစ္စည်းဖြစ်သည့် မြန်မာ့သစ်အချောထည်ပစ္စည်း ဝယ်ယူမှုများကို နှစ်ပေါင်းများစွာ ရပ်နားထားသည့် နိုင်ငံများအနက် ဂျ ပန်နိုင်ငံနှင့် ကနေဒါနိုင်ငံတို့မှ ပြန်လည်ဝယ်ယူရန် ကမ်းလှမ်းမှုများရှိကြောင်း သိရသည်။
ယခင်မြန်မာနိုင်ငံမှ ထွက်ရှိသည့် သစ်အချောထည်များကို ဂျပန်နိုင်ငံ၊ မလေးရှားနိုင်ငံ၊ တူရကီနိုင်ငံ၊ အစ္စရေးနိုင်ငံ၊ သြစတြေးလျနိုင်ငံ၊ ကနေဒါ နိုင်ငံအပါအဝင် နိုင်ငံပေါင်း ၁၀နိုင်ငံမှ အများဆုံးဝယ်ယူခဲ့သော်လည်း နောက်ပိုင်းကာလများတွင် ၎င်းဝယ်ယူမှုများကို ပြန်လည်ရပ်ဆိုင်းခဲ့ကြောင်း သိရသည်။
မြန်မာနိုင်ငံမှ ပြည်ပသို့ပို့လျက်ရှိသည့် သစ်ဈေးကွက်တွင် ၂၀၀၇ခုနှစ် ဝန်းကျင်ကာလများ၌ နိုင်ငံတကာဈေးကွက် အကောင်းဆုံး အနေအထား တစ်ခုသို့ ရောက်ရှိခဲ့ပြီး ၎င်းနောက်ပိုင်း မြန်မာနိုင်ငံ၏ ပြည်တွင်းမငြိမ်သက်မှုများ၊ နိုင်ငံတကာမှ ပိတ်ဆို့အရေးယူမှုများ၊ ပြည်တွင်း ငွေလဲနှုန်းကျဆင်းမှု များကြောင့် မြန်မာ့သစ်လုပ်ငန်းတွင် ထိခိုက်နစ်နာမှုများ ဖြစ်ပေါ်ခဲ့ရကြောင်း သိရသည်။
ယင်းကိစ္စရပ်များ ဖြေရှင်းနိုင်ရန် သစ်တောပညာရှင်များမှ စုပေါင်း၍ ရေးဆွဲထားသည့် မြန်မာ့သစ်တောနှင့် ပတ်သက်သည့် စာတမ်း ၁၂စောင် အား ယခုနှစ်အတွင်း တင်သွင်းနိုင်ရန် စီစဉ်လျက်ရှိကြောင်း ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနမှ တာဝန်ရှိသူတစ်ဦးက ဖေဖော် ဝါရီလ ၁၆ နှင့် ၁၇ရက်နေ့တွင် နေပြည်တော်၌ ကျင်းပခဲ့သည့် သစ်တောနှင့် ပတ်သက်သော သုတေသနစာတမ်းဖတ်ပွဲတွင် ပြောကြားသည်။
သစ်တောပညာရှင်များမှ ရေးဆွဲထားသည့် သစ်တောနှင့် ပတ်သက်သော သုတေသနစာတမ်း ၁၂စောင်တွင် သစ်တောစီမံအုပ်ချုပ်မှု၊ သစ်တော ပြုစုထိန်းသိမ်းမှု အထောက်အကူပြုစာတမ်းများနှင့် ကျေးလက်နေပြည်သူများ၏ လူမှုစီးပွားရေးကို အထောက်အကူပြုမည့် စာတမ်းများ ပါဝင်မည်ဖြစ် ကြောင်း ၎င်းမှ ဆက်လက်ပြောကြားခဲ့သည်။
မြန်မာနိုင်ငံတွင် သစ်တောနှင့် ပတ်သက်သော သုတေသနလုပ်ငန်းများကို ၁၉၁၄ ခုနှစ်တွင် စတင်ဆောင်ရွက်ခဲ့ပြီး လက်ရှိအချိန်တွင် သစ်တော နှင့်ပတ်သက်သော စာတမ်း ၂၂၁စောင်အား တင်သွင်းထားပြီးဖြစ်ကြောင်းကိုလည်း သိရသည်။
YC
*****************************************
ပြည်တွင်းပါတီ၊ နိုင်ငံရေးသတင်းများ
လစာတိုးပေးခြင်းအဆိုနှင့် ပက်သက်၍ ပြည်ထောင်စု လွှတ်တော်သို့ သဝဏ်လွှာအား ထပ်မံပေးပို့ခဲ့ဟု သူရရွှေမန်း ပြောကြား
ဖေဖော်ဝါရီလ ၂၂ရက်နေ့ မနက် ၉နာရီတွင် ရန်ကုန်တိုင်း ပြည်သူ့လွှတ်တော်သတင်းစာရှင်းလင်းပွဲ၌ ပြည်သူ့လွှတ်တော်ဥက္ကဋ္ဌ သူရဦးရွှေမန်းမှ ၎င်းအနေဖြင့် အစိုးရဝန်ထမ်းများ လုပ်ခလစာတိုးပေးရေး အဆိုတင်သွင်းမှုကိစ္စရပ်အား ဆက်လက်ဆောင်ရွက်သွားရန် ပြည်ထောင်စုလွှတ်တော်သို့ ယခုလ ၂၁ရက်နေ့တွင် သဝဏ်လွှာအား ထပ်မံပေးပို့ထားကြောင်း ပြောကြားသွားခဲ့သည်ဟု သတင်းများအရ သိရသည်။
ပြည်သူများအား အကျိုးဖြစ်စေမည့် စီမံကိန်းများသာ ဆက်လက်၍ အကောင်အထည်ဖော် ဆောင်ရွက်သွားမည်ဖြစ်ပြီး ကုန်ကျစရိတ်များ လျော့ ချ၍ ဝန်ထမ်းများအား လစာတိုးပေးမည်ဖြစ်ကြောင်း ယင်းသဝဏ်လွှာထဲတွင် ဖော်ပြပါရှိသည်။
အစိုးရဝန်ထမ်းများအတွက် အနည်းဆုံးလစာအဖြစ် ကျပ်တစ်သိန်းစတင်၍ ပေးသင့်ကြောင်း၊ ယခုအခါတွင် ဝန်ထမ်းများမှာ လစာပမာဏ နည်း ပါးခြင်းကို အကြောင်းခံကာ လ္ဘက်ရည်ဖိုးတောင်းခြင်းနှင့် အလှူငွေကောက်ခြင်းများ ပြုလုပ်လာသည့် အကျင့်ပျက်ခြစားမှုများကြောင့် လုခလစာအား မဖြစ် မနေ တိုးပေးသင့်ကြောင်းတို့ဖြစ်ကြောင်း ယင်းသဝဏ်လွှာထဲတွင် ပါရှိသည်ဟု သတင်းများအရ သိရသည်။
ယင်းအဆိုအား ဖေဖော်ဝါရီလ ၁၆ရက်နေ့တွင် ကျင်းပပြုလုပ်သည့် ပြည်ထောင်စုလွှတ်တော်အစည်းအဝေး၌ နိုင်ငံတော်သမ္မတ ဦးသိန်းစိန် ကိုယ်စား ဘဏ္ဍာရေးဝန်ကြီး ဦးလှထွန်းမှ ထိုသို့ လစာတိုးပေးခြင်းမှာ ယခုနှစ်ဘဏ္ဍာရေးတွင် မဖြစ်နိုင်သေးကြောင်း၊ အကယ်၍ လစာတိုးပေးပါက ပြည်တွင်းဘတ်ဂျက်လိုငွေမှာ ကျပ်ဘီလီယံ ထောင်ချီသွားနိုင်ကြောင်း၊ စီးပွာရေး မတည်ငြိမ်မှုများ ဖြစ်ပွားနိုင်ကြောင်း၊ ထိုကိစ္စအား ၂၀၁၃-၂၀၁၄ ဘဏ္ဍာ နှစ်တွင်သာ စဉ်းစားမည်ဟု ရှင်းလင်းပြောကြား၍ ယင်းအဆိုအား ပယ်ချခံခဲ့ရခြင်းဖြစ်သည်ဟုလည်း သိရသည်။
ထို့ပြင် ယင်းသတင်းစာရှင်းလင်းပွဲ၌ သူရဦးရွှေမန်း၏ ဖေဖော်ဝါရီလ ၇ရက်နေ့တွင် ပြုလုပ်သည့် ပြည်ထောင်စု လွှတ်တော်အစည်းအဝေး၌ ပြောသည့်မိန့်ခွန်းအား အစိုးရပိုင်မီဒီယာများမှ စကားအသုံးအနှုန်းတစ်ချို့ကို ဖြတ်တောက်ခံခဲ့ရသည်ဟုလည်း သတင်းတစ်ချို့၏ ဖော်ပြချက်အရသိရ သည်။
ထို့နောက် ဖေဖော်ဝါရီလ ၁၆ရက်နေ့တွင် ကျင်းပပြုလုပ်သည့် ပြည်ထောင်စုလွှတ်တော်အစည်းအဝေး၌ အစိုးရပိုင်စီမံကိန်းနှင့် ပတ်သက်၍ လည်း လယ်/ဆည်မြောင်းဝန်ကြီး ဦးမြင့်လှိုင်မှ ဆောင်ရွက်နေသည့် မြစ်ရေတင်စီမံကိန်း ၄၁ခုမှ မန္တလေးတိုင်း စဥ့်ကိုင်မြို့နယ် ရွှေလှံဗိုလ် မြစ်ရေတင်စီမံ ကိန်းကိုသာ ယခုဘဏ္ဍာနှစ်အတွင်း ဆက်လက် ဆောင်ရွက်သွားမည်ဟုလည်း ရှင်းလင်းပြောကြားသည်။
ထိုသတင်းစာရှင်းလင်းပွဲသို့ ကော်မရှင်အဖွဲ့ဝင် ပညာရှင်များအပါအဝင် စီးပွားရေးလုပ်ငန်းရှင်အချို့နှင့် သတင်းမီဒီယာများစုစုပေါင်း ၂၀၀ခန့် တက်ရောက်ခဲ့သည်ဟု သတင်းများအရသိရသည်။
ATM
-----------------------------------------------------------------------------------------------------------------------------------
ကြားဖြတ်ရွေးကောက်ပွဲ၌ ပြည်ခိုင်ဖြိုးကိုယ်စားပြုအဖြစ် တစညပါတီဝင်ပောာင်း တစ်ဦး ဝင်မည်
ယခင် ၂၀၁၀ ရွေးကောက်ပွဲ၌ တိုင်းရင်းသား စည်းလုံးညီညွှတ်ရေးပါတီ ကိုယ်စားပြုအဖြစ် ဝင်ရောက် ယှဉ်ပြိုင်ရှုံးနိမ့်ခဲ့သည့် ကိုယ်စားလှယ် လောင်း ဦးတင်စိုးမှ ဧပြီလ ၁ ရက်နေ့၌ ကျင်းပမည့် လွှတ်တော်တွင်း လစ်လပ်နေရာ ပြန်လည် ဖြည့်တင်းမည့် ကြားဖြတ်ရွေးကောက်ပွဲများတွင် ပြည်ခိုင် ဖြိုး ပါတီကိုယ်စားပြုအဖြစ် ဝင်ရောက် ယှဉ်ပြိုင်သွားမည်ဖြစ်ကြောင်း သိရသည်။
ပြီးခဲ့သည့် ၂၀၁၀ ရွေးကောက်ပွဲတွင် တစညကိုယ်စားလှယ်လောင်းအဖြစ် ဧရာဝတီတိုင်းဒေသကြီး ရေကြည်မြို့နယ်မှ ဝင်ရောက် ယှဉ်ပြိုင်ရှုံးနိမ့် ခဲ့ပြီး တစ်လခန့်အကြာတွင် ပြည်ခိုင်ဖြိုးပါတီဝင်အဖြစ် လျှောက်ထားခဲ့ခြင်းဖြစ်ကြောင်း သိရသည်။
ကြားဖြတ်ရွေးကောက်ပွဲ၌ ပြည်ခိုင်ဖြိုးပါတီကိုယ်စားပြုအဖြစ် ဝင်ရောက်ယှဉ်ပြိုင်မည့် ယခင်က တစညပါတီဝင်ပောာင်း ဦးတင်စိုးမှာ သီတာ ကုန်းမြင့် ဒေသခံတစ်ဦးဖြစ်ပြီး လယ်ယာလုပ်ငန်း လုပ်ကိုင်နေသူတစ်ဦး ဖြစ်ကြောင်း သိရသည်။
ဧပြီလ ၁ ရက်နေ့၌ ကျင်းပမည့် ကြားဖြတ်ရွေးကောက်ပွဲများတွင် လစ်လပ်မဲဆန္ဒနယ် ၄၈ နေရာရှိကြောင်း သတင်းထုတ်ပြန်ချက်များအရ သိရ သည်။
YC
-----------------------------------------------------------------------------------------------------------------------------------
ဒေါ်နေရီဗဆွေအား NLD မှ ပါတီဝင်အဖြစ် လက်ခံ
ဒီမိုကရက်တစ်ပါတီ(မြန်မာ)၏ အတွင်းရေးမှူးဖြစ်သူ ဒေါ်နေရီဗဆွေအား NLD ပါတီသို့ လျှောက်လွှာ လာတင်စဉ်ကတည်းကပင် ပါတီဝင်အဖြစ် လက်ခံခဲ့ပြီးဖြစ်ကြောင်း ဖေဖော်ဝါရီလ ၂၀ ရက်နေ့က အမျိုးသားဒီမိုကရေစီအဖွဲ့ချုပ်(NLD) ပါတီရုံးချုပ်၌ ပြုလုပ်ခဲ့သည့် သတင်းစာရှင်းလင်းပွဲတွင် NLD ပါတီ၏ ပြောရေးဆိုခွင့်ရှိ သူတစ်ဦးက ပြောကြားခဲ့သည်။
ဒေါ်နေရီဗဆွေအား NLD ပါတီဝင်အဖြစ် လက်ခံခြင်းနှင့် ပတ်သက်၍ NLDပါတီမှ ပြောရေးဆိုခွင့်ရှိသူတစ်ဦးက “သူ့ကို လက်ခံပြီးပြီ။ သူပါတီ ဝင်အဖြစ် မလျှောက်ခင်ကတည်းက ကျွန်တော်တို့နဲ့ တွေ့ပါတယ်။ ကျွန်တော်တို့က သူ့ကို လျှောက်လွှာတင်တာနဲ့ တစ်ခါတည်း လက်ခံလိုက်တယ်” ပာု ပြောကြားခဲ့သည်။
ဝန်ကြီးချုပ်ပောာင်း ဦးဗဆွေ၏ သမီးဖြစ်သူ ဒေါ်နေရီဗဆွေသည် ပြီးခဲ့သည့် ၂၀၁၀ ရွေးကောက်ပွဲ၌ ဦးသုဝေ ဦးဆောင်သည့် ဒီမိုကရက်တစ်ပါ တီ(မြန်မာ) ကိုယ်စားပြုအဖြစ် စမ်းချောင်းမြို့နယ် ပြည်သူ့လွှတ်တော်မဲဆန္ဒနယ်မှ ဝင်ရောက်ယှဉ်ပြိုင်ရာ ရှုံးနိမ့်ခဲ့ပြီး အမျိုးသားဒီမိုကရေစီအဖွဲ့ချုပ်(NLD) ပါတီ တရားဝင်မှတ်ပုံတင်ပြီးနောက် ၎င်းမှ ပါတီဝင်အဖြစ် လက်ခံရန် လျှောက်ထားခဲ့သည်။
ထို့ပြင် NLDပါတီ၏ ယင်းသတင်းစာရှင်းလင်းပွဲ၌ပင် NLD တာဝန်ရှိသူတစ်ဦးက အမျိုးသားဒီမိုကရေစီအင်အားစုပါတီ ကိုယ်စားပြုအဖြစ် ယခင် ၂၀၁၀ ရွေးကောက်ပွဲ၌ ဝင်ရောက်ယှဉ်ပြိုင်အနိုင်ရရှိခဲ့သည့် အမျိုးသားလွှတ်တော်ကိုယ်စားလှယ် ဒေါက်တာမြတ်ဉာဏစိုးအား NLDပါတီ၏ လွှတ်တော် ကိုယ်စားလှယ်အဖြစ် အသိအမှတ်ပြု လက်ခံလိုက်ပြီဖြစ် ကြောင်း ပြောကြားသည်။
အမျိုးသားဒီမိုကရေစီအဖွဲ့ချုပ်(NLD)ပါတီသည် ၂၀၁၁ခုနှစ် နိုဝင်ဘာလ ၁၈ ရက်နေ့တွင် ဗပိာုအလုပ်အမှုဆောင် အစည်းအဝေးခေါ်ယူ၍ ပါတီ မှတ်ပုံတင်ရန်နှင့် ကြားဖြတ်ရွေးကောက်ပွဲဝင်ရန် ဆုံးဖြတ်ချက် ချမှတ်ခဲ့ပြီး ပြည်ထောင်စု ရွေးကောက်ပွဲကော်မရှင်သို့ ပါတီမှတ်ပုံတင်လျှောက်ထားခဲ့ရာ တွင် ဇန်နဝါရီလ ၅ရက်နေ့၌ အမျိုးသားဒီမိုကရေစီအဖွဲ့ချုပ်(NLD)ပါတီအား နိုင်ငံရေးပါတီမှတ်ပုံတင်အမှတ် ၄၇ဖြင့် ပြည်ထောင်စုရွေးကောက်ပွဲ ကော်မ ရှင်မှ ပါတီမှတ်ပုံတင်ခွင့် ပြုခဲ့သည်ဟုလည်း သိရသည်။
YC
*****************************************
သတင်းနှင့် ဆောင်းပါးများမှ ကောက်နှုတ်ချက်များ
“၀န်ထမ်းတွေ လစာတိုးပေးမယ်ဆိုတဲ့ ကိစ္စမျိုးကို ကြိုဆိုပါတယ်။ ဒါပေမယ့် အဲဒီအတွက် နိုင်ငံတော်ကလည်း ဘတ်ဂျက်လိုပါတယ်။ အရင်တုန်းက နိုင်ငံ တော် ဘတ်ဂျက်ကို ၆ ကျပ်နဲ့ တွက်ခဲ့တာရှိပေမယ့် ဒီနှစ်မှာတော့ ဈေးကွက်ပေါက်ဈေး ၈၀၀ လောက်နဲ့ တွက်မှာပါ။ အဲဒီအတွက် ပညာရှင်တွေနဲ့ ဆွေးနွေး တိုင်ပင်နေကြပါတယ်။ ၀န်ထမ်းတွေရဲ့ အမှန်အတိုင်းပြောရင် လစာတိုးမြှင့်နိုင်ဖို့ လိုပါတယ်။ ဒါမှ လာဘ်ပေးလာဘ်ယူ ကိစ္စတွေ ကျဆင်းသွားမှာပါ။ တ ဖက်ကလည်း အခွင့်အရေးနဲ့အတူ တာဝန်ယူမှုရှိနေပါတယ်။ နိုင်ငံတော်က ၀န်ထမ်းတွေကို လစာတိုးပေးလိုက်သလို ၀န်ထမ်းတွေဘက်ကလည်း နိုင်ငံ တော်ကို အခွန်ပြန်ဆောင်ရမှာတွေ ရှိပါတယ်။ ဒီတော့ ၀န်ထမ်းတွေကလည်း နိုင်ငံတော်ကို အခွန်ဆောင်တတ်တဲ့ အလေ့အကျင့်လေးတွေတော့ ပြုစု ပျိုး ထောင် ထားသင့်ပါတယ်။ တဖက်က နိုင်ငံတော်က အခွန်ကောက်တယ်ဆိုတဲ့ နေရာမှာလည်း မျှမျှတတပဲ ကောက်သင့်ပါတယ်။ ချမ်းသာတဲ့လူတွေကို wealth tax ကောက်မယ်ဆို ကောက်လို့ရပါတယ်။ ဒီလိုပဲ ဆင်းရဲသားတွေအပေါ်မှာ ကောက်တဲ့အခွန်ကို ကျတော့ တရားနည်းလမ်းကျဖို့ လိုပါတယ်။ တရားနည်းလမ်း မကျဖူး ဆိုရင် အခွန်ထမ်းတဲ့ ပြည်သူတွေကလည်း ဘယ်သူမှထမ်းချင်မှာ မဟုတ်ပါဘူး။ ဒီတော့ အစိုးရနဲ့ ပြည်သူကြားမှာလည်း ယုံကြည်မှု တည်ဆောက်နိုင်ဖုိ့ လိုပါတယ်”
ဖေဖော်ဝါရီ ၂၂ ထုတ် Weekly ELEVEN အတွဲ (၇), အမှတ် (၂၁) တွင်ပါသည့် “နိုင်ငံ့ဝန်ထမ်းများအား လစာတိုးမြှင့်ပေးဦးမည် မဟုတ်ဟု ပြည်ထောင်စုဝန်ကြီး ရှင်းလင်း၊ မီဒီယာနှင့် အများပြည်သူကြား ဝေဖန်မှုအမြင် အမျိုးမျိုးရှိနေ” သတင်းဆောင်းပါးမှ စီးပွားရေးပညာရှင် ဦးမောင်သန်း၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
ဤသို့ဆိုလျှင် မြန်မာ့နိုင်ငံရေး အရွေ့ဘယ်လဲဟူသော မေးခွန်းကိုဖြေရလျှင် စီးပွားရေးအရွေ့နှင့် လူမှုရေးအရွေ့တို့ကိုပါ ထည့်သွင်းဖြေဆိုရပါလိမ့်မည်။ ဆိုခဲ့ပါအတိုင်း နိုင်ငံရေးအရွေ့သည် ရွေ့ခဲ့ပြီဖြစ်သော်လည်း ယခုထက် အရှိန်အဟုန်မြှင့် ရွေ့လျားရန် လိုနေသေးသည်။
ထိုနိုင်ငံရေးအရွေ့နှင့်အတူ စီးပွားရေးနှင့် လူမှုရေးအရွေ့ (Social Mobility)တို့ပါ တပြိုင်နက်တည်း ရွေ့စေရပါမည်။ စနစ်ပြောင်းခဲ့ပြီး ဖြစ်သော်လည်း နိုင် ငံရေးတစ်ခေတ်ကို အပီအပြင် ပြောင်းနိုင်ရေးမှာ ဆိုခဲ့သော အရွေ့သုံးပါးတို့ ဟန်ချက်ညီစွာ ဆင့်ကဲဖြစ်စဉ်အတိုင်း ပြိုင်တူရွေ့စေရေးဖြင့် အကောင်အ ထည် ဖော်သွားနိုင်ပါမည်။ နိုင်ငံသားအားလုံးတို့၏ တူညီသော နိုင်ငံရေး သဘောထားသို့ ရောက်ရှိရေး၊ ဒီမိုကရေစီ အခြေခံဥပဒေအဖြစ် ပြင်ဆင်ရေးနှင့် ခွင့်တူညီမျှ ပြည်ထောင်စုဘဝတို့ ဖြစ်တည်စေရေး စသည့် အမျိုးသားနိုင်ငံရေး လုပ်ငန်းစဉ်များဖြင့် ကြီးမားသော နိုင်ငံရေးအရွေ့ကို ရွေ့စေ၍ နိုင်ငံရေးခေတ်သစ်ကို အရောက်ချီရပေဦးမည်။
ဖေဖော်ဝါရီ ၂၃ ထုတ် ပြည်သူ့ခေတ်ဂျာနယ် အတွဲ(၂) အမှတ် (၈၃) တွင်ပါသည့် ဆောင်းပါးရှင် ဦးခင်မောင် ဆွေ (NDF) ၏ “မြန်မာနိုင်ငံ ရေးအရွေ့ ဘယ်လဲ- နိုင်ငံရေးရေဆန်ခရီး” ဆောင်းပါးမှ ကောက်နှုတ်ချက်
***************************************
Posts
