Transparency Myanmar

transparency.myanmar@gmail.com

yangonchronicle 2011- (1)
yangonchronicle 2011- (1)

၃၁.၃.၂ဝ၁၂

ဘာသာပြန်သတင်းများ

  1. ရွေးကောက်ပွဲသည် လွတ်လပ် တရားမျှတမည် မဟုတ်သော်လည်း အရေးပါဟု ဒေါ်အောင်ဆန်းစုကြည်ပြော

(CNN မှ 30 March 2012 ရက်စွဲပါ Paula Hancocks နှင့် Jethro Mullen တို့ ရေးသားသော Myanmar Elections not free and fair but still significant, Suu Kyi says ကို ဘာသာ ပြန်ဆိုသည်)

  1. မြန်မာနိုင်ငံကို ခြုံငုံလေ့လာခြင်း

(IRIN News မှ 29 March 2012 ရက်စွဲပါ Myanmar: Overview သတင်းဆောင်းပါးကို ဘာသာ ပြန်ဆိုသည်)

*****************************************************

ရွေးကောက်ပွဲသည် လွတ်လပ် တရားမျှတမည် မဟုတ်သော်လည်း အရေးပါဟု ဒေါ်အောင်ဆန်းစုကြည်ပြော

(CNN မှ 30 March 2012 ရက်စွဲပါ Paula Hancocks နှင့် Jethro Mullen တို့ ရေးသားသော Myanmar Elections not free and fair but still significant, Suu Kyi says ကို ဘာသာ ပြန်ဆိုသည်)

မနက်ဖြန် ကျင်းပတော့မည့် ကြားဖြတ်ရွေးကောက်ပွဲသည် လွတ်လပ်၍ တရားမျှတလိမ့်မည် မဟုတ်သော်လည်း သူမ၏ ပါတီသည် နေရာများစွာ အနိုင်ရမည်ဟု မျှော်လင့်နေဆဲ ဖြစ်ကြောင်း ဒေါ်အောင်ဆန်းစုကြည်က သောကြာနေ့က ပြောကြားလိုက်သည်။

ဆန္ဒမဲပေးသည့် လုပ်ငန်းစဉ်တွင် မူမမှန်မှုများ ရှိနေသည်ဟု သူမယုံကြည်ကြောင်း၊ တာဝန်ရှိ အဖွဲ့အစည်းများသည် တရားမဝင် လုပ်ဆောင်မှုများ၊ ခြိမ်းခြောက်မှုများကို ကျူးလွန်ခြင်း၊ အားပေးအားမြှောက် ပြုလုပ်ခြင်းများ ရှိနေကြောင်း ဒေါ်အောင်ဆန်းစုကြည်က သောကြာနေ့က ပြုလုပ်သော နေအိမ်ရှေ့သတင်းစာ ရှင်းလင်းပွဲတွင် ပြောကြားခဲ့ခြင်း ဖြစ်သည်။ ဆက်လက်ပြီး သူမက ရွေးကောက်ပွဲတွင် ပါဝင်ခြင်းကို နောင်တ မရကြောင်း၊ ရွေးကောက်ပွဲ စည်းရုံးရေး လုပ်ငန်းများသည် မြန်မာပြည်သူလူထုအတွင်း နိုင်ငံရေး အသိအမြင်များ ပိုမို တိုးတက်လာစေခြင်းကြောင့် ဖြစ်သည်ဟု ပြောသည်။

ကမ္ဘာတစ်ဝှမ်းကလည်း ထိုရွေးကောက်ပွဲကို အာရုံပြုလျက် ရှိရာ အစိုးရ၏ ပြုပြင်ပြောင်းလဲရေး ကတိကဝတ်များကို စမ်းသပ်မည့် စမ်းသပ်ချက် တစ်ခုအဖြစ်လည်း ရှုမြင်ထားကြသည်။ ဒေါ်အောင်ဆန်းစုကြည်၏ NLD ပါတီသည် ၄၅ နေရာအနက် ၄၄ နေရာ ဝင်ရောက်ယှဉ်ပြိုင်မည် ဖြစ်သည်။

ဒေါ်အောင်ဆန်းစုကြည်က သမ္မတကြီးသည် ဒီမိုကရေစီ ပြုပြင်ပြောင်းလဲမှုများကို လိုလားသူဟု ယုံကြည်သော်လည်း ယင်းအား စစ်တပ်၏ ထောက်ခံမှု မည်မျှထိရရှိမည်ကို သေချာစွာ မသိကြောင်း ပြောခဲ့သည်။ လက်ရှိအစိုးရအဖွဲ့တွင် ဝန်ကြီးနေရာအတွက် အဆိုပြုလာပါက သူမအနေဖြင့် ပြင်ဆင်ထားခြင်း မရှိကြောင်းလည်း ဆိုသည်။

မြန်မာ့ဒီမိုကရေစီ အဆင့်ကို တစ်မှ တစ်ဆယ်အတွင်း အဆင့် သတ်မှတ်ချက် ပေးရန် မေးမြန်းခဲ့သောအခါ သူမက ကျွန်မတို့ အဆင့် တစ် ဖြစ်အောင် ကြိုးစားနေပါတယ် ဟု ချက်ချင်း တုံ့ပြန်ခဲ့သည်။ မကြာမီက NLD ကိုယ်စားလှယ် နှစ်ဦး တိုက်ခိုက်ခံရခြင်းအပေါ် သူမအနေဖြင့် နိုင်ငံတော်မှ စေခိုင်း၍ လုပ်ခြင်း မဟုတ်ဘဲ တစ်ဦးချင်း ကျူးလွန်မှုဟုသာ ထင်ကြောင်းလည်း ပြောသည်။

ဒေါ်အောင်ဆန်းစုကြည်သည် လွှတ်တော်ကိုယ်စားလှယ် နေရာအတွက် ကော့မှူးမှ ဝင်ရောက် ယှဉ်ပြိုင်မည် ဖြစ်ရာ သုံးသပ်သူများက သူမ အနိုင်ရမည်မှာ သေချာကြောင်း ပြောသည်။ ရွေးကောက်ပွဲ ရလဒ်များမှာ တစ်ပတ် အကြာတွင် ထွက်ပေါ်လာမည်ဟု မျှော်လင့်ရသည်။

****************************************

မြန်မာနိုင်ငံကို ခြုံငုံလေ့လာခြင်း

(IRIN News မှ 29 March 2012 ရက်စွဲပါ Myanmar: Overview သတင်းဆောင်းပါးကို ဘာသာ ပြန်ဆိုသည်)

ဧပြီ ၁ ရက် ကြားဖြတ် ရွေးကောက်ပွဲများကို မနက်ဖြန်တွင် မြန်မာပြည်သူ သန်းပေါင်းများစွာ မဲပေးကြတော့မည် ဖြစ်ရာ အမှန်တကယ် ပြောင်းလဲတော့မည် ဟူသော မျှော်လင့်ချက်များလည်း မြင့်မားလျက် ရှိသည်။ အစိုးရက နောက်ပြန်မလှည့်ပါဟု ကတိပြုထားသော နိုင်ငံရေး ပြောင်းလဲမှုလှိုင်း၏ နောက်ကွယ်တွင် ပြည်တွင်းရော ပြည်ပပါ ယခင်က မရှိဖူးသော မျှော်လင့်ချက်များ ထားရှိလာခဲ့ကြသည်။

သို့သော် နိုင်ငံတကာ၏ အပယ်ခံစည်းထဲမှ ဆင်းရဲမွဲတေစွာ ရှင်သန်ခဲ့ရသော နိုင်ငံကို ဆွဲထုတ်ရခြင်းမှာ လွယ်ကူသောကိစ္စကား မဟုတ်ချေ။ ပြီးခဲ့သော နှစ်များအတွင်း မအောင်မြင်သော ၂ဝဝ၇ ရွှေဝါရောင် တော်လှန်ရေးနှင့် ၂ဝဝ၈ နာဂစ်အလွန် ပျက်စီးဆုံးရှုံးထိခိုက်မှုများ အပါအဝင် မြန်မာ၏ သတင်းဆိုးများသည် ကမ္ဘာတစ်လွှား ရှေ့တန်းခေါင်းကြီးပိုင်း သတင်းများ ဖြစ်ခဲ့သည်။

သို့သော် သမ္မတဦးသိန်းစိန် အစိုးရအဖွဲ့သစ်သည် နိုင်ငံတကာ အရေးယူမှုများ ခံနေရကာ ထောက်ပံ့မှု အနည်းဆုံး အဆင့်သာ ရရှိနေသော မြန်မာနိုင်ငံအပေါ် တစ်ကမ္ဘာလုံး၏ အမြင်စောင်းမှုကို ပြောင်းလဲရန် မမောနိုင် မပန်းနိုင် အားထုတ်ခဲ့သည်။ သမ္မတနှင့် ဒေါ်အောင်ဆန်းစုကြည်တို့၂ဝ၁၁ ဩဂုတ်က သမိုင်းဝင်တွေ့ဆုံမှုအပြီးတွင် ထိုနှစ်အစောပိုင်းအထိ ပြည်သူများ စိတ်ကူးယဉ်နိုင်ခြင်းပင် မရှိသော နိုင်ငံရေး၊ စီးပွားရေးနှင့် အုပ်ချုပ်ရေး အပြောင်းအလဲများကို အစိုးရသစ်က ဆက်တိုက် ပြုလုပ်ခဲ့သည်။

ထို့ပြင် မြန်မာ့အပြောင်းအလဲအတွက် များစွာ အရေးပါသည်ဟု ရှုမြင်ထားသော ကြားဖြတ် ရွေးကောက်ပွဲများကို လေ့လာစောင့်ကြည့်လိုသည့် အာဆီယံ အဖွဲ့နှင့် နိုင်ငံတကာမှ အကဲခတ်အချို့ကို အာဏာပိုင်များက လက်ခံ ခွင့်ပြုခဲ့သည်။ ထိုကဲ့သို့ အစကောင်းသော တာထွက်မှုများ ရှိနေသော်လည်း အမြစ်တွယ်နေသော အာဏာရှင်စနစ်ဆိုးမှ ဒီမိုကရေစီ စနစ်သို့ ခက်ခဲစွာ ကူးပြောင်းရခြင်းသည် စိန်ခေါ်မှုများ အတန်ကြာ ရှိနေဦးမည် ဖြစ်ကြောင်း ထင်ရှားနေသည်။

နိုင်ငံ၏ အရှေ့ပိုင်းနှင့် တောင်ပိုင်းမှ တိုင်းရင်းသား ပဋိပက္ခများကြောင့် အရေအတွက် သိန်းနှင့် ချီသော ဒေသခံများ အိုးအိမ်စွန့်ခွာ ထွက်ပြေးနေရဆဲ ဖြစ်သည်။ မတ်လဆန်းက ထုတ်ပြန်သော HRW အစီရင်ခံစာတွင် တရုတ် နယ်စပ်တလျှောက် ကချင်ပြည်နယ်၌ အကြမ်းဖက်မှုများ၊ လူ့အခွင့်အရေး ချိုးဖောက်မှုများ ဖြစ်ပွားနေကြောင်း တင်ပြထားသည်။

ကုလသမဂ္ဂကလည်း မြန်မာနိုင်ငံသည် ငြိမ်းချမ်းမှုနှင့် တည်ငြိမ်မှု ရေရှည်တည်တံ့စေရန် အသွင်ကူးပြောင်းရာတွင် ကနဦး အဆင့်၌သာ ရှိသေးသည်ဟု သုံးသပ်ထားသည်။ ကုလဌာနချုပ်တွင် ပြုလုပ်သော သတင်းစာ ရှင်းလင်းပွဲ၌ မြန်မာနိုင်ငံဆိုင်ရာ ကုလ အထူးကိုယ်စားလှယ် ဗီဂျေ နမ်ဘီယာက "ဒီကနဦး ပြောင်းလဲရေး လုပ်ငန်းစဉ်တွေ အောင်မြင်စေဖို့ ပြည်တွင်းနဲ့ နိုင်ငံတကာက သက်ဆိုင်တဲ့ အင်အားစု၊ အုပ်စုအားလုံး ကိုယ့်တာဝန် ကိုယ်ကျေအောင် လုပ်ပေးကြဖို့ လိုအပ်ပါတယ်" ဟု ပြောကြားခဲ့သည်။

မြန်မာ့နွေဦးဟု ခေါ်ဝေါ်နေကြသော အပြောင်းအလဲ အောင်မြင်မှု ရရှိရန်အတွက် ပြည်သူများကော၊ အစိုးရပါ တာဝန်ရှိကြောင်းကိုလည်း နှစ်ဖက် စလုံး သိရှိနားလည်ရမည် ဖြစ်သည်။

ကြားဖြတ်ရွေးကောက်ပွဲကို ကြိုဆိုသောအားဖြင့် IRIN သတင်းဌာနက မြန်မာတို့ ရင်ဆိုင်နေရသော အဓိက စိန်ခေါ်မှုများကို လေ့လာကြည့်ရာတွင် မည်သည့် အပြောင်းအလဲကိုမဆို ပြည်သူများကိုယ်တိုင်ကသာ ပြုလုပ်ကြရမည် ဖြစ်ပြီး ပြင်ပ နိုင်ငံတကာက လက်ခံခြင်းထက် ပြည်သူများ ကိုယ်တိုင် လက်ခံနိုင်သော အတိုင်းအတာသာ ဖြစ်သင့်သည်ဟု ယူဆပါကြောင်း ရေးသား တင်ပြလိုက်ပါသည်။

***************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၃၀.၃.၂၀၁၂

ပြည်တွင်းပါတီ၊ နိုင်ငံရေးသတင်းများ

  1. မိထ္ထီလာမဲဆန္ဒနယ်တွင် ဈေးသူဈေးသားများက ဒေါ်မြင့်မြင့်အေးအား ထောက်ခံလျက်ရှိကြောင်း သိရ
  2. ချပေးသည့် ဘတ်ဂျက်ငွေနည်းခြင်းကြောင့် ကျောင်းများတွင်သာ မဲရုံများအဖြစ် ပြုလုပ်မည်ဟု သိရ
  3. မင်္ဂလာတောင်ညွှန့်မြို့နယ်တွင်  NLD အနိုင်ရဖို့များဟု ပြိုင်ဘက်ပါတီများမှ ဟောကိန်းထုတ်
  4. ကြားဖြတ်ရွေးကောက်ပွဲရလဒ် တစ်ပတ်အတွင်း ထုတ်ပြန်ကြေညာမည်
  5. အလုပ်သမားရေးရာ အငြင်းပွားမှု ဖြေရှင်းရေး ဥပဒေပြဋ္ဌာန်း
  6. ရပ်/ကျေး အုပ်ချုပ်ရေးဥပဒေကို ပြန်လည် ပြင်ဆင်သည့် ဥပဒေပြဋ္ဌာန်း

*****************************************

ပြည်တွင်းပါတီ၊ နိုင်ငံရေးသတင်းများ

မိထ္ထီလာမဲဆန္ဒနယ်တွင် ဈေးသူဈေးသားများက ဒေါ်မြင့်မြင့်အေးအား ထောက်ခံလျက်ရှိကြောင်း သိရ

မိထ္ထီလာ၊ မတ်၃၀။

လစ်လပ်မဲဆန္ဒနယ် (၄၈)နေရာမှ တစ်နေရာဖြစ်သည့် မန္တလေတိုင်ဒေကြီးအတွင်းမှ မိထ္ထီလာမဲဆန္ဒနယ်၌ ပြည်သူ့လွှတ်တော် ကိုယ်စားလှယ် လောင်းများအဖြစ် ပါတီ ၃ခုနှင့် တသီးပုဂ္ဂလတစ်ခုတို့မှ ဝင်ရောက်ယှဉ်ပြိုင်ကြသည်ဟု အမျိုးသားဒီမိုက ရေစီအဖွဲ့ချုပ်ပါတီ(NLD) မှ အဖွဲ့ဝင်တစ်ဦးက ပြောသည်။

“ပထမကတော့ ပါတီ ၃ခုပေါ့။ နောက်မှ တသီးပုဂ္ဂလ ဒေါ်မြင့်မြင့်အေးက ဝင်ပြိုင်တာ။ အဲဒီတော့ စုစုပေါင်း လေး ခုပေါ့။ ပြီးတော့ ကျွန် တော်တို့ NLDပါတီက ကျေးရွာတွေမှာလည်း ရုံးခွဲတွေလည်း ထားရှိထားပါတယ်။ စည်းရုံးရေးတွေလည်း ဆင်းနေပါတယ်။ ၂၉ရက်နေ့က ဆိုရင် ည ၁၁နာရီ လောက် မှ စည်းရုံးရေးဆင်းတာပြီးတယ်။ ကျွန်တော်တို့ပါတီကနေပြီး ဝင်ပြိုင်တာကတော့ ဗိုလ်ကြီဟောင်း ဦဝင်းထိန်က ဝင်ပြိုင်တယ်။ ဒီမိထ္ထီလာမှာတော့ ကျွန်တော် တို့နိုင်မှာပါ။ နိုင်ဖို့လည်း များပါတယ်။ တပ်မတော်ကလူတွေ များတဲ့နယ်ဆိုပေမယ့် သူတို့ကလည်း NLDကိုပဲ မဲပေးမှာပါ။ အခြေအနေတော့ ကောင်းပါ တယ်။ ပြီတော့ ကျွန်တော်တို့ဆီက တစ်ချို့ဆိုရင် မဲရုံမှူးတွေပါ”ဟု အထက်ပါပုဂ္ဂိုလ်မှ ပြောကြားသည်။

ထို့ပြင် ယင်းမြို့နယ်၌ ဝင်ရောက်ယှဉ်ပြိုင်သည့် တစ်သီးပုဂ္ဂလ ဒေါ်မြင့်မြင့်အေးသည် ပါတီစည်းရုံးရေးများကို ကျေရွာတိုင်းလိုလို မဲဆွယ်ဟောပြော မှုများ ပြုလုပ်ခဲ့ပြီး ၎င်းနောက်တွင် လိုက်ပါစည်ရုံးရေဆင်းသူ ဦးရေမှာလည်း ရာဂဏန်းနီးပါးလောက် ရှိသည်ဟု သိရပြီး ၎င်းအား ဈေးသူဈေးသား များကလည်း ထောက်ခံကြသည်ဟု ဒေသခံတစ်ဦး၏ ပြောပြချက်အရ သိရသည်။

“ဒေါ်မြင့်မြင့်အေးက ၈၈ပြီးကတည်းက NLDပါတီအနေနဲ့ ဒီမြို့နယ်မှာ အကျဉ်သားလွတ်မြောက်ရေး ဆုတောင်းပွဲတွေ လုပ်ပါတယ်။ ပြီးတော့ ဈေးသူးဈေးသားတွေဆီက စည်ပင်ကနေ အခွန်တိုးကောက်တဲ့ကိစ္စကိုလည်း ပြေလည်အောင် ဖြေရှင်းပေးခဲ့ပါတယ်။  လယ်ယာမြေကိစ္စတွေလည်း လုပ်ပေး ပါတယ်။ သူ့ကိုထောက်ခံတဲ့လူလည်း တော်တော်များများ ရှိတယ်။ သူက ကြားဖြတ်ရွေကောက်ပွဲမှာ မြို့ပေါ်ကော ကျေးရွာတွေပါလိုက်ပြီး စည်းရုံးရေးဆင်း ဟောပြောမှုတွေ ပြုလုပ်ပါတယ်။ သူစည်းရုံးရေမဆင်းရသေးတဲ့နေရာဆိုတာ ၂၀ကျော် လောက်ပဲရှိပါတယ်။ မြို့ပေါ်မှာလည်း ဆင်းပြီးသွားပြီ။ ကျေးရွာ တွေက ရာနဲ့ချီရှိတာဆိုတော့ ကျန်ရင် ဆယ်ဂဏန်းဝန်းကျင်လောက်ပဲ ကျန်မှာပါ”ဟု ယင်းမြို့နယ်မှ ဒေသခံတစ်ဦးက ပြောကြားသည်။

ထို့နောက် NLDအား မဲမထည့်ရန်နှိုဆော်မှုများ နှောက်ယှက်မှုများကို ယင်းမြို့နယ်ရှိ ကောလိပ်တစ်ခုမှ ကထိက တစ်ဦးက ၎င်းထံရှိ ကျောင်းသား မျာအား ပြောဆိုခဲ့သည့် ပြဿနာရှိသေးပြီ ယင်းကိစ္စနှင့် ပတ်သက်၍ အထက်သို့တင်ပြရန် စီစဉ်ထားကြောင်း၊ ထို့ပြင် ဒေါ်မြင့်မြင့်အေး လက်ရှိ လူအင် အားမှာ NLDပါတီမှ လူများဖြစ်ပြီး ယင်းအား လိုက်လံ ကူညီပါက လူတစ်ဦးအား တစ်နေ့လျှင် နေ့စားစ ရိတ်အဖြစ် ၂၀၀၀မှ ၄၀၀၀အထိ ပေးလျက်ရှိသော ကြောင့် ယင်းကဲ့သို့ ၎င်းနောက်မှလိုက်သည့် လူဦးရေမှာများနေရကြောင်းကိုလည်း မိထ္ထီလာမြို့နယ်ရှိ NLDပါတီမှ စည်းရုံးရေးအဖွဲ့ဝင်တစ်ဦး၏ ပြောပြချက် အရ သိရသည်။

ယင်းမိထ္ထီလာမြို့နယ်တွင် လက်ရှိအချိန်၌ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနှင့် အမျိုးသား မဟာမိတ်များအဖွဲ့ချုပ်ပါတီတို့မှလည်း စည်းရုံးရေးများ အပြိုင်အဆိုင်ဆင်းနေကြပြီး ယင်းမြို့နယ်တစ်ခုလုံးတွင် မဲရုံပေါင်း ၂၇၈ရုံ ရှိပြီး မတ်လ ၂၅ရက်နေ့အထိ မဲပေးနိုင်သူဦးရေ ၂၀၄,၄၂၉ဦး ရှိသည်ဟုလည်း NLDပါတီမှ အဖွဲ့ဝင်တစ်ဦး၏ ပြောပြချက်အရ သိရသည်။

ATM

-----------------------------------------------------------------------------------------------------------------------------------

ချပေးသည့် ဘတ်ဂျက်ငွေနည်းခြင်းကြောင့် ကျောင်းများတွင်သာ မဲရုံများအဖြစ် ပြုလုပ်မည်ဟု သိရ

မိထ္ထီလာ၊ မတ်၃၀။

မိထ္ထီလာမဲဆန္ဒနယ်များရှိ မဲရုံများအား မဲရုံတည်ဆောက်ရန်အတွက် မြို့နယ်ရွေးကောက်ပွဲကော်မရှင်မှ ဘတ်ဂျက်ငွေ ချပေးမှုပမာဏမှာ လောက် ငှခြင်းမရှိပဲ အလွန်နည်းသောကြောင့် စာသင်ကျောင်းများနှင့် ပရဟိတ အဆောက်အဦးများတွင်သာ လုပ်ဆောင်ရမည်ဖြစ်ကြောင်း မိထ္ထီလာ မဲဆန္ဒနယ်မှ ကျေးရွာကော်မရှင်တစ်ဦး၏ ပြောပြချက်အရ သိရသည်။

“မြို့နယ်ကော်မရှင်အဖွဲ့က ချပေးတာက မဲရုံတစ်ရုံကို ၃၀၀၀ကျပ်ပဲချပေးတယ်။ ဒါပေမယ့် အဲဒီ ၃၀၀၀က ဘယ် လိုမှမလောက် ဘူး။ အနည်းဆုံး ကျပ်တစ်သောင်းကျော်လောက် ကုန်ကျစရိတ်ရှိတယ်။ အဲဒါကြောင့် ကျောင်းတွေမှာပဲ ပိတ်ကာတွေကာပြီး မဲရုံလုပ်ရမှာပါ။ သိတဲ့လူတွေဆီကနေ ဟိုဟာ ငှားဒီဟာငှားနဲ့ လုပ်ရမှာပါ” ဟု အထက်ပါပုဂ္ဂိုလ်မှ ပြောကြားသည်။

ထို့ပြင် မဲရုံများအား ကျေးရွာများ၌ ကျေးရွာနှစ်ရွာလျှင် တစ်ရုံ သို့မဟုတ် ကျေးရွာသုံးရွာလျှင် တစ်ရုံဟူ၍ ထားရှိသွားမည်ဖြစ်ပြီး ယင်းမဲဆန္ဒ နယ် တွင် ကျေးရွာပေါင်း ၁၂၀ကျော်တည်ရှိပြီး မြို့ပေါ်တွင် မဲရုံပေါင်း ၉၀ထားရှိမည်ဟုလည်း သတင်းရရှိသည်။

ATM

-----------------------------------------------------------------------------------------------------------------------------------

မင်္ဂလာတောင်ညွှန့်မြို့နယ်တွင်  NLD အနိုင်ရဖို့များဟု ပြိုင်ဘက်ပါတီများမှ ဟောကိန်းထုတ်

တနင်္ဂနွေနေ့တွင် ကျင်းပပြုလုပ်မည့် ကြားဖြတ်ရွေးကောက်ပွဲတွင် ရန်ကုန်တိုင်းဒေသကြီး၌ မဲဆန္ဒနယ် (၄) နယ်ရှိသည့်အနက် မင်္ဂလာတောင်ညွန့် မြို့နယ်ရှိ ရွေးကောက်ပွဲဝင် ကိုယ်စားလှယ်လောင်းများသည် NLD ပါတီမှ အနိုင်ရဖို့ များ ကြောင်း ရွေးကောက်ပွဲဟောကိန်းများ ထုတ်ခဲ့သည်။

မင်္ဂတောင်ညွှန့်မြို့နယ်တွင် အမျိုးသားဒီမိုကရေစီအဖွဲ့ချုပ်၊ ဒီမိုကရက်တစ်ပါတီ (မြန်မာ)၊ အမျိုးသားဒီမိုကရေ ပါတ်ီသစ်နှင့် မြန်မာဒီမိုကရေစီ ကွန်ဂရက်ပါတီတို့မှ လွှတ်တော်ကိုယ်စားလှယ်လောင်များ ဝင်ရောက်ယှဉ်ပြိုင်မည် ဖြစ်ကြောင်း သိရသည်။

ဒီမိုကရက်တစ်ပါတီ(မြန်မာ) ရွေးကောက်ပွဲ စည်းရုံရေးမှူးမှ “ဒီရွေးကောက်ပွဲဟာ သိပ်မမျှော်လင့်ဘူး၊ အမျိုးသားပဲ နိုင်မှာပေါ့” ဟု ပြောကြားသွား သည်။

အမျိုးသားဒီမိုကရေစီပါတီသစ်မှ စည်းရုံးရေးမှူးမှလည်း “လူတွေအခု အရမ်း ကြိုက်နေတာကတော့ NLD ပေါ့။ သိပ်စဉ်းစားစရာမလိုပါဘူး။ NLD အနိုင်ရဖို့များပါတယ်” ဟု ပြောကြားသွားခဲ့သည်။

ရွေးကောက်ပွဲတွင် ဝင်ရောက်ယှဉ်ပြိုင်သည့် လွှတ်တော်ကိုယ်စားလှယ်လောင်းများသည် NLD အနိုင်ရရှိနိုင်မည်ဟု ခန့်မှန်းကြသော်လည်း နိုင်ငံ ရေး ဆက်လက်ရှင်သန်ရေးနှင့် ပါတီကို လူထုသိစေဖို့ ဝင်ရောက်ယှဉ်ပြိုင်ခဲ့ခြင်းမျိုးလည်း ရှိသည်။

“ခင်ဗျားကို ကျွန်တော်မေးမယ်၊ ကျွန်တော်နဲ့ ဒေါ်အောင်ဆန်းစုကြည်ပြိုင်ရင် ဘယ်သူနိုင်မလဲ၊ အဖြေကထွက်ပြီးသားပါ။ ဒါပေမယ့် ကျွန်တော်ပြိုင် တယ်၊ ဒီမိုကရက်တစ်ဦးအနေနဲ့၊ နိုင်ငံရေးသမား ပီသသူတစ်ဦးအနေနဲ့ ရွေးကောက်ပွဲကို ဝင်ရောက်ယှဉ်ပြိုင်တာဖြစ်တယ်” ဟု မြန်မာဒီမိုကရေစီ ကွန်ဂရက် ပါတီမှ ဥက္ကဋ္ဌဖြစ်သူ ဦးကောင်မြတ်ထွဋ်က မှတ်ချက်ပြုသည်။

မင်္ဂလာတောင်ညွန့်မြို့နယ်သည် မဲရုံ (၆၈) ရုံရှိပြီး မဲပေးနိုင်သူ ဦးရေ ၁၂၀၀၀၀ ကျော်ခန့်ရှိကြောင်း သိရသည်။

MMN

-----------------------------------------------------------------------------------------------------------------------------------

ကြားဖြတ်ရွေးကောက်ပွဲရလဒ် တစ်ပတ်အတွင်း ထုတ်ပြန်ကြေညာမည်

ရန်ကုန်၊ မတ် ၂၈။

လာမည့် ဧပြီလ ၁ ရက်နေ့၌ ကျင်းပမည့် လွှတ်တော်တွင်း လစ်လပ်နေရာ ပြန်လည်ဖြည့်တင်းသည့် ကြားဖြတ်ရွေးကောက်ပွဲများ၏ အရှုံး၊ အနိုင် ရလဒ်များကို တစ်ပတ်အတွင်း ထုတ်ပြန်ကြေညာပေးသွားမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးတင်အေးက မတ်လ ၂၈ ရက် နေ့တွင် နေပြည်တော်ရှိ ကော်မရှင်ရုံးတွင် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားသည်။

“ကြားဖြတ်ရွေးကောက်ပွဲ ရလဒ်တွေကို ရွေးကောက်ပွဲကော်မရှင်က တစ်ပတ်အတွင်း ကြေညာပေးသွားမှာပါ။ မြို့နယ်နဲ့ ခရိုင်ကော်မရှင်တွေ ကတော့ မဲလက်မှတ်ရေတွက်ပြီးတာနဲ့ ကြေညာပေးသွားမှာပါ”ပာု ကော်မရှင်ဥက္ကဋ္ဌ ဦးတင်အေးက ပြောကြားသည်။

လက်ရှိအချိန်တွင် ကြားဖြတ်ရွေးကောက်ပွဲ စောင့်ကြည့်နိုင်ရန် နိုင်ငံတကာမှ လေ့လာမည့်သူ ၁၅၉ ဦးကို ဖိတ်ခေါ်ထားပြီး ကြိုတင်မဲကိစ္စရပ်နှင့် ပတ်သက်၍ ၂၀၁၀ ရွေးကောက်ပွဲကကဲ့သို့ မိမိလက်ထက်တွင် မဖြစ်စေရပာု ၎င်းက ကတိပေးပြောကြားသည်။

ထို့ပြင် ရွေးကောက်ပွဲကျင်းပရန် ရွှေ့ဆိုင်းထားသည့် ကချင်ပြည်နယ်မဲဆန္ဒနယ် ၃ ခုတွင်လည်း နယ်မြေလုံခြုံရေး ပြန်လည်တည်ငြိမ်အေးချမ်းပြီး လွတ်လပ်၍ တရားမျှတသော ရွေးကောက်ပွဲကျင်းပရန် အခြေအနေရှိလာသည်နှင့် ပြန်လည်ကျင်းပပေးသွားမည်ဖြစ်ကြောင်း ၎င်းက ဆက်လက်ဆိုသည်။

လာမည့် ဧပြီလ ၁ ရက်နေ့၌ ကျင်းပမည့် ကြားဖြတ်ရွေးကောက်ပွဲများတွင် လစ်လပ်မဲဆန္ဒနယ်(၄၅)နေရာရှိပြီး ၎င်း လစ်လပ်မဲဆန္ဒနယ်များ၌ နိုင်ငံရေးပါတီ(၁၇) ခုမှ  လွှတ်တော်ကိုယ်စားလှယ်လောင်းများနှင့် တစ်သီးပုဂ္ဂလ လွှတ်တော် ကိုယ်စားလှယ်များမှ ဝင်ရောက်ယှဉ်ပြိုင်သွားမည်ဖြစ်သည်။

                YC

-----------------------------------------------------------------------------------------------------------------------------------

အလုပ်သမားရေးရာ အငြင်းပွားမှု ဖြေရှင်းရေး ဥပဒေပြဋ္ဌာန်း

အလုပ်သမားများ၏ အခွင့်အရေးကို ကာကွယ်စောင့်ရှောက်နိုင်ရန်၊ အလုပ်ရှင်နှင့် အလုပ်သမားများကြားရှိ အငြင်းပွားဖွယ်ကိစ္စရပ်များကို ဖြေရှင်း နိုင်ရန်နှင့် အလုပ်ရှင်နှင့် အလုပ်သမားကြား ဆက်ဆံရေး ကောင်းမွန်နိုင်စေရန် အလုပ်သမားရေးရာ အငြင်းပွားမှုဖြေရှင်းရေး ဥပဒေ ၂၀၁၂ ပြည်ထောင်စု လွှတ်တော် ဥပဒေအမှတ် ၅ ကို ၂၀၁၂ မတ်လ ၂၈ ရက်နေ့ ရက်စွဲဖြင့် ပြဋ္ဌာန်းကြေညာခဲ့ကြောင်း သိရသည်။

အလုပ်သမားရေးရာ အငြင်းပွားမှုဖြေရှင်းရေးဥပဒေတွင် အခန်း(၁၀)ခန်းပါရှိပြီး ၎င်းအခန်းများမှာ အမည်နှင့် အဓိပ္ပါယ်ဖော်ပြချက်၊ အလုပ်သမား ရေးရာလုပ်ငန်းညှိနှိုင်းရေး ကော်မတီဖွဲ့စည်းခြင်း၊ အငြင်းပွားမှု ညှိနှိုင်းဖျန်ဖြေရေးအဖွဲ့ ဖွဲ့စည်းခြင်း၊ အငြင်းပွားမှုဖြေရှင်း ခုံသမာဓိအဖွဲ့ ဖွဲ့စည်းခြင်း၊ အငြင်း ပွားမှုဖြေရှင်းရေး ခုံသမာဓိကောင်စီဖွဲ့စည်းခြင်း၊ အငြင်းပွားမှုအား ဖြေရှင်းခြင်း၊ တားမြစ်ချက်များ၊ ပြစ်ဒဏ်များနှင့် အထွေထွေအခန်းတို့ ပါဝင်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။

မြန်မာနိုင်ငံအတွင်းရှိ အလုပ်ရှင်နှင့် အလုပ်သမားကြားဖြစ်ပွားလျက်ရှိသော အငြင်းပွားမှုများကို ဖြေရှင်းရာတွင် အလုပ်ရှင်(သို့) အလုပ်သမား တစ်ဖက်ဖက်သည် မိမိ၏ နစ်နာချက်နှင့် စပ်လျဉ်း၍ တစ်ဦးချင်းအငြင်းပွားမှုကို ညှိနှိုင်းဖျန်ဖြေရေးအဖွဲ့သို့ တိုင်ကြားနိုင်ပြီး ယင်းအဖွဲ့မှ သတ်မှတ်သည့် နည်းလမ်းများနှင့်အညီ ဖျန်ဖြေပေးမှုကို မကျေနပ်ပါက မကျေနပ်သူကိုယ်တိုင်ကဖြစ်စေ၊ တရားဝင်လွှဲအပ်ထားသော ကိုယ်စားလှယ်ဖြင့်ဖြစ်စေ စီရင်ပိုင်ခွင့် ရှိသော တရားရုံးသို့ လျှောက်ထားနိုင်ကြောင်း အလုပ်သမားရေးရာ အငြင်းပွားမှုဥပဒေတွင် ပြဋ္ဌာန်းထားသည်။

အလုပ်သမားများနှင့် အလုပ်ရှင်များ၏ အငြင်းပွားမှုများနှင့် ပတ်သက်၍ တိုင်ကြားပါက သက်ဆိုင်ရာ ညှိနှိုင်းဖျန်ဖြေရေးအဖွဲ့သည် တိုင်ကြားမှုကို လက်ခံရရှိသည့်နေ့ရက်မှ သုံးရက်အတွင်း(တရားဝင် ရုံးပိတ်ရက်မပါ)အတွင်း ပြေငြိမ်းစေရန် ဖျန်ဖြေပေးရမည်ဖြစ်ပြီး ညှိနှိုင်းဖျန်ဖြေရေးအဖွဲ့မှ ဖြေရှင်းနိုင် ခြင်းမရှိသည့် အငြင်းပွားမှုများကို သက်ဆိုင်ရာ ခုံသမာဓိအဖွဲ့သို့ အချက်အလက်အပြည့်အစုံဖြင့် လွှဲပြောင်းပေးအပ်ရမည်ဖြစ်ကြောင်း သိရသည်။

                သက်ဆိုင်ရာ ခုံသမာဓိအဖွဲ့၏ ဖြေရှင်းမှုဆုံးဖြတ်ချက်အပေါ် ကျေနပ်မှုမရှိပါက အငြင်းပွားသူများသည် ခုံသမာဓိအဖွဲ့မှ၏ ဆုံးဖြတ်ချက်ကို လက်ခံရရှိသည့်နေ့မှ ခုနှစ်ရက်အတွင်း ခုံသမာဓိကောင်စီ၏ ဆုံးဖြတ်ချက်ခံယူရန် နှစ်ဖက်စလုံးမှ လျှောက်ထားခြင်း၊ အလုပ်ပိတ်ခြင်း(သို့) သပိတ်မှောက် ခြင်းများကို သက်ဆိုင်ရာ ဥပဒေအရ ပြုလုပ်နိုင်ကြောင်း သိ&