Transparency Myanmar

transparency.myanmar@gmail.com

မြန်မာနိုင်ငံ၏ အဆင့်မြင့် ပညာရေးကဏ္ဍတွင် ပုဂ္ဂလိက ရင်းနှီးမြှုပ်နှံမှုများ ခွင့်ပြုရန်အတွက်  နှစ်လမ်းသွား ပညာရေးစနစ် ကျင့်သုံးရန် စီစဉ်နေကြောင်း ရန်ကုန်တက္ကသိုလ် အသိုင်းအဝိုင်းမှ သိရှိရသည်။

မြန်မာနိုင်ငံ၏ အဆင့်မြင့် ပညာရေးစနစ်တွင် နိုင်ငံတကာ စံနှုန်းဖြစ်သည့် ၁၁ တန်းနှင့် ၁၂ တန်း အတန်း နှစ်တန်း ပျောက်ကွယ်နေကြောင်း၊ ယခု အဆိုပါ အတန်း နှစ်တန်း ကို ပုဂ္ဂလိကသို့ လွဲပြောင်း လုပ်ကိုင်ခွင့်ပေးရန် စီစဉ်နေကြောင်း၊ ပညာရေးတက္ကသိုလ်မှ ဆရာတစ်ဦး၏ အဆိုအရ သိရှိရသည်။

စစ်အစိုးရ၏ ဘတ်ဂျက် ခွဲဝေမှုအရ ပညာရေးကဏ္ဍ တစ်ခုလုံးအတွက် GDP ရာခိုင်နှုန်းခန့်သာ သုံးစွဲခွင့် ရပြီး ဒုတိယကမ္ဘာစစ်ပြီးခါစက အရှေ့တောင်အာရှ ထိပ်တန်း ပညာရေးစနစ်ကို ပိုင်ဆိုင်ခဲ့သော မြန်မာနိုင်ငံသည် စစ်အစိုးရခေတ်တွင် ဘတ်ဂျက် မလုံလောက်မှု၊ မူဝါဒ မကြာခဏ ပြောင်းလဲမှု၊ မူဝါဒ လွဲမှားမှုများကြောင့် မြန်မာ့ ပညာရေးအဆင့် နိမ့်ကျခဲ့ရကြောင်း ၎င်းက သုံးသပ် ပြောကြားသည်။

"စစ်အစိုးရအနေနဲ့ လိုအပ်တဲ့ အတန်းတွေကို ငွေမရှိလို့ မဖွင့်နိုင်ရင် ပုဂ္ဂလိကကို လုပ်ခိုင်းသင့်တာပေါ့" ဟု ရန်ကုန်စီးပွားရေး တက္ကသိုလ်မှ အငြိမ်းစား ပါမောက္ခတစ်ဦး က ဆိုသည်။

နှစ်စဉ် ဘတ်ဂျက်လိုငွေ ပြနေသည့် စစ်အစိုးရသည် ယခု ၁၁ တန်းနှင့် ၁၂ တန်းကို ပုဂ္ဂလိကသို့ လွဲပြောင်း လုပ်ကိုင်ခွင့် ပေးသည်မှာ ငွေမရှိ၍ ဖြစ်ကြောင်း မြန်မာကျောင်းသား အများစုသည် ၁၀ တန်းအောင်ပြီး နိုင်ငံခြားသို့ သွားရောက် ပညာသင် ကြားလိုပါက SAT GCE စသည့် အတန်းများကို ပုဂ္ဂလိက သင်တန်းကျောင်းများတွင် ငွေသိန်းချီ အကုန်ခံ သင်တန်းတက်ကာ ဖြေဆိုရန် ကြိုးစားသူများ ရှိကြောင်း ယခု ပုဂ္ဂလိကမှ သက်သာစွာ တရားဝင်လုပ်ကိုင်ခွင့် ရှိလာလျှင် ပညာလိုလားသူများ တက်ရောက်ကြမည် ဖြစ်ကြောင်း ၎င်းက သုံးသပ် ပြောကြားသည်။



--
Posted By icypress to Sensible Rumour at 11/17/2009 06:48:00 AM

By Charles Hutzler, Associated Press

November 16, 2009

အာရှ ပစိဖိတ် ထိပ်သီးဆွေးနွေးပွဲ (APEC) ကောင်းသော အပိတ်ရလဒ်အဖြစ် ယခုနှစ်ကုန်တွင် သက်တမ်း ကုန်ဆုံးမည်ဖြစ်သော အမေရိကနှင့် ရုရှားတို့၏ နျူကလီးယား လက်နက် လျော့ချရေးဆိုင်ရာ သဘောတူညီချက်ကို အသစ် ထပ်မံ စာချုပ်ချုပ်ရန် နှစ်နိုင်ငံစလုံးက အသင့်ဖြစ်နေပြီ ဖြစ်ကြောင်း အမေရိကန်သမ္မတ အိုဘားမားက ပြောကြားသည်။

APEC (အာရှပစိဖိတ် စီးပွားရေး ပူးပေါင်းဆောင်ရွက်မှု့) ထိပ်သီးဆွေးနွေးပွဲသို့ အမေရိကန် သမ္မတ အိုဘားမားနှင့် ရုရှားသမ္မတ မက်ဗီဒက် တို့ တက်ရောက်ခဲ့ကြပါသည်။ ၎င်းတို့နှစ်ဦး၏ သီးသန့် ဆွေးနွေးခဲ့ကြပြီး လာမည့် ဒီဇင်ဘာလ ()ရက်နေ့တွင် သက်တမ်း ကုန်ဆုံးတော့မည့် မဟာဗျူဟာမြောက် နျူကလီးယားလက်နက် လျော့ချရေးစာချုပ်နှင့် ပတ်သက်၍ ထပ်မံ သက်တမ်းတိုးစာချုပ် ချုပ်ဆိုရန်ကိစ္စ ဆွေးနွေးရာ တိုးတက်မှုများ ရရှိခဲ့ကြောင်း အမေရိကန်သမ္မတ အိုဘားမားက ကြေညာချက် ထုတ်ပြန်ခဲ့သည်။

မိမိတို့ နှစ်ဦးသည် ၁၉၉၁ ခုနှစ်က ချုပ်ဆိုခဲ့ကြသော START စာချုပ်နှင့် ပတ်သက်၍ ဆွေးနွေးရာတွင် တိုးတက်မှုကောင်းများ ရရှိခဲ့ကြောင်း၊ ယခုချိန်တွင် အသေးစိတ် နည်းပညာဆိုင်ရာ ကိစ္စရပ်များကို ဆက်လက်ညှိနှိုင်းရန် ကျန်ရှိနေသေးသော်လည်း၊ အမှန်တကယ် ကြိုးစားသွားပါက သဘောတူညီမှုရမည်ဟု ယုံကြည်ကြောင်း အမေရိကန်သမ္မတ အိုဘားမားက ဆိုသည်။

အဆိုပါ နျူကလီးယားလက်နက် လျော့ချရေးဆိုင်ရာ သဘောတူစာချုပ်ကို လာမည့်ဒီဇင်ဘာလ မတိုင်မီ အပြီးသတ်နိုင်လိမ့်မည်ဟု မျှော်လင့်ကြောင်း ရုရှားသမ္မတ မက်ဗီဒက်က ပြောကြားသည်။

စင်္ကာပူတွင် ကျင်းပသော အေပက် ထိပ်သီးဆွေးနွေးပွဲ၌ အမေရိကန်သမ္မတ အိုဘားမားနှင့် အခြားနိုင်ငံမှ ခေါင်းဆောင်များသည် ကမ္ဘာ့ရာသီဥတုပြောင်းလဲမှု့နှင့် ပတ်သက်၍ သိသာ မြင်သာသော လုပ်ဆောင်ချက်များ ပြုလုပ်ကြရန် သဘောတူညီခဲ့ကြသည်။

ယင်းထိပ်သီးဆွေးနွေးပွဲ၌ ကမ္ဘာ့ခေါင်းဆောင်များသည် လာမည့်လ ကိုပင်ဟေဂင်တွင် ကျင်းပမည့် နိုင်ငံပေါင်း (၁၉၂) နိုင်ငံ ပါဝင်မည့် ရာသီဥတုပြောင်းလဲမှုဆိုင်ရာ ဆွေးနွေးပွဲ၌ နိုင်ငံအားလုံး သဘောတူညီနိုင်မည့် သဘောတူညီချက်များ ချမှတ်နိုင်ရန်လည်း ဆွေးနွေးခဲ့ကြသည်။ ယခု ဆွေးနွေးပွဲကို အထောက်ရှုခြင်းအားဖြင့် လာမည့် ကိုပင်ဟေဂင် ဆွေးနွေးပွဲ၌ ကမ္ဘာကြီးပူနွေးမှုကို အဓိကဖြစ်စေသော ကာဗွန်ထုတ်လွှတ်မှု လျော့ချရေးအတွက် တစ်ကမ္ဘာလုံး သဘောတူညီနိုင်သော စာချုပ်သစ် ချုပ်ဆိုရန် ဖြစ်နိုင်ချေ နည်းပါးဖွယ်ရှိသည်။

ထို့ပြင် အမေရိကန်သမ္မတ အိုဘားမားသည် မြန်မာအပါအဝင် အာဆီယံ (၁၀) နိုင်ငံမှ ခေါင်းဆောင်များနှင့်လည်း တွေ့ဆုံ ဆွေးနွေးခဲ့ရာ မြန်မာတပ်မတော် အစိုးရကို နိုင်ငံတကာအသိုင်းအဝိုင်းမှ ဖယ်ကြဉ်၍ အထီးကျန်စေသည့် အမေရိကန်နှင့် ယခင် နိုင်ငံခြားရေးမူဝါဒကို ပြောင်းလဲခြင်း ဖြစ်ကြောင်း ယင်းသတင်းတွင် ဖော်ပြထားသည်။

မြန်မာဝန်ကြီးချုပ် ဗိုလ်ချုပ်ကြီးသိန်းစိန် အပါအဝင် အာဆီယံခေါင်းဆောင်များနှင့် အမေရိကန်သမ္မတ အိုဘားမား တွေ့ဆုံရာ၌ မြန်မာအစိုးရအနေဖြင့် ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအဝင် အခြားနိုင်ငံရေး အကျဉ်းသားများကို ပြန်လွှတ်ပေးရန် အမေရိကန်သမ္မတ အိုဘားမားက ပြောကြားခဲ့ကြောင်း အမေရိကန်သမ္မတ အိမ်ဖြူတော် ပြောခွင့်ရ ပုဂ္ဂိုလ် ရောဘတ်ဂစ်ဘ က ပြောကြားသည်။

သို့သော် အမေရိကန်နှင့် အာဆီယံခေါင်းဆောင်များ၏ ပူးတွဲသတင်း ထုတ်ပြန်ချက်တွင်မူ ဒေါ်အောင်ဆန်းစုကြည်၏ နာမည် ပါဝင်ခြင်း မရှိပေ။ မြန်မာနိုင်ငံသည် လူ့အခွင့်အရေး ချိုးဖောက်သည့် နိုင်ငံများစာရင်းတွင် ပါဝင်သည်။

အမေရိကန်သမ္မတ အိုဘားမား၏ အာဆီယံဒေသသို့ ပထမဆုံးခရီးစဉ်အဖြစ်