Transparency Myanmar

transparency.myanmar@gmail.com

Document yangonchronicle 2011- (1)
yangonchronicle 2011- (1)

 

၁.၇.၂၀၁၂

ဘာသာပြန်သတင်းများ

  1. မြန်မာသည်ကမ္ဘာကိုတံခါးဖွင့်ပြီးနောက် ချိနဲ့သောပညာရေးစနစ်နှင့် ကျောင်းမတက်နိုင်သော ပြည်သူများ များပြားနေခြင်းအတွက် တန်ဖိုးကြီးပေးဆပ်ရတော့မည်

(28 June 2012 ရက်စွဲပါ Washington Post မှ Denis d.Gray ရေးသားသော Now opening to world, Myanmar pays price for crippled education system and unschooled citizens ကိုဘာသာပြန်ဆိုသည်။)

*****************************************

ဘာသာပြန်သတင်းများ

မြန်မာသည်ကမ္ဘာကိုတံခါးဖွင့်ပြီးနောက် ချိနဲ့သောပညာရေးစနစ်နှင့် ကျောင်းမတက်နိုင်သော ပြည်သူများ များပြားနေခြင်းအတွက် တန်ဖိုးကြီးပေးဆပ်ရတော့မည်

(28 June 2012 ရက်စွဲပါ Washington Post မှ Denis d.Gray ရေးသားသော Now opening to world, Myanmar pays price for crippled education system and unschooled citizens ကိုဘာသာပြန်ဆိုသည်။)

အဆောင်များသည် လူသူကင်းမဲ့နေသည်။ တချိန်က ဝင့်ကြွားခဲ့သော ပါမောက္ခနေအိမ်များသည် ပေါင်းမြက်များဖုံးလွှမ်းလျက်ရှိသည်။ စစ်တပ်က ဗုံးဖြင့်ခွဲခဲ့သော ကျောင်းသားသမဂ္ဂအဆောက်အဦးနေရာတွင် မြက်များသာ ပေါက်နေသည်။

ဤသည်ကား တစ်ချိန်က အာရှ၏အကောင်းဆုံး ရန်ကုန်တက္ကသိုလ်ကြီးဖြစ်ပြီး၊ ရာစုနှစ်ထက်ဝက်ခန့် စစ်တပ်မှအုပ်စိုးခဲ့ပြီး ပညာရေးစနစ်ကို ချိနဲ့စေခဲ့ခြင်း၏ ဝမ်းနည်းဖွယ်သင်္ကေတတစ်ခု ဖြစ်သည်။ ယခုအချိန်တွင် ဘွဲ့ရပြီးသော ကျောင်းသားများသာ ထိုနေရာတွင် စာသင်နိုင်သည်။ စစ်အစိုးရသည် ကျောင်းသားများဦးဆောင်သည့် ဆန္ဒပြမှုများကို ကြောက်ရွံ့ခြင်းကြောင့်၊ မကြာခဏကျောင်းပိတ်ခဲ့ပြီး၊ ကျောင်းသားများကို ဝေးလံသော နေရာများတွင် အဆောက်အဦးနည်းပါးစွာဖြင့် ဖြန့်ကျက်ပစ်ခဲ့သည်။

ယခုမြန်မာနိုင်ငံသည် ပြင်ပကမ္ဘာသို့ တံခါးဖွင့်ခဲ့ချိန်တွင် ထို့အတွက်ကြီးမားစွာ ပေးဆပ်နေရပြီ ဖြစ်သည်။ တက္ကသိုလ်များကို ဖြိုခွဲပစ်ခဲ့ခြင်းသည် မျိုးဆက်နှင့်ချီသော ဆုံးရှုံးမှုကို ဖြစ်စေခဲ့ပြီ။ ထို့ကြောင့် ဖွံ့ဖြိုးတိုးတက်မှုနှုန်းသည် နှေးကွေးသွားမည်ဖြစ်သည်။ နိုင်ငံခြားရင်းနှီးမြှပ်နှံသူများ၊ အလှူရှင် များနှင့် အမြတ်အစွန်းကိုသာကြည့်မည့်သူများ မျှော်လင့်ထားသည့်အတိုင်း ဝင်ရောက်လာပါက ပညာရေးချို့တဲ့သော မြန်မာပြည်သူများသည် ခေါင်းပုံဖြတ် ခံရတော့မည်ဟု ပညာရှင်များက ပြောသည်။

“ကမ္ဘာကြီးကို အမှီလိုက်ဖို့ဆိုရင် အနည်းဆုံး ဆယ်နှစ်လောက်လိုပါမယ်။ ကျွန်တော်တို့ရဲ့ ပညာရေးယဉ်ကျေးမှုကြီးကို ပြောင်းပစ်ရပါမယ်။ ဒါပေမယ့် ဒါလုပ်ဖို့သိပ်ခက်ခဲနေပါလိမ့်မယ်”ဟု ပညာရေးမြှင့်တင်မှုများပြုလုပ်နေသော မင်္ဂလာမြန်မာမှအကြီးအကဲ ဒေါက်တာဘုန်းဝင်းက ပြောသည်။

ကနဦးခြေလှမ်းများ စတင်လုပ်ဆောင်နေပြီ ဖြစ်သည်။ ယခင်ကလုပ်ဆောင်ဖူးခြင်းမရှိသော ပြုပြင်ပြောင်းလဲမှုများပြုလုပ်ပြီး စစ်တပ်က အာဏာ ဆုပ်ကိုင်ထားမှုကို လျှော့ချနေသော သမ္မတ ဦးသိန်းစိန်သည် ပြီးခဲ့သည့်နှစ် ၎င်းတက်ရောက်လာစဉ်က မိန့်ကြားခဲ့သောမိန့်ခွန်းတွင် ပညာရေး တိုးတက်ရန် နှင့် နိုင်ငံတကာ အဆင့်မြှင့်တင်ရေးအတွက် နိုင်ငံခြားပညာရှင်များ ရှာဖွေရန်ပြောကြားခဲ့သည်။

ပညာရေးဘက်ဂျက်သည် စစ်တပ်သုံးစွဲမှုထက်စာလျှင် နည်းပါးလွန်းလှပြီး၊ လုံလောက်မှုမရှိဟု ကျယ်ပြန့်စွာ ဝေဖန်ခဲ့ကြသည်။ ဧပြီလက ပညာရေးဘတ်ဂျက်ကို ဒေါ်လာသန်း(၃၄၀)မှ သန်း(၇၄၀)သို့ တိုးမြှင့်ပေးခဲ့သည်။ နှစ်ပေါင်းများစွာကပင် ဘတ်ဂျက်၏ ၂၅% ကိုစစ်တပ်အတွက် အသုံးပြုခဲ့ပြီး၊ ပညာရေးအတွက် ၁.၃% သာအသုံးပြုခဲ့သည်။

မြန်မာနိုင်ငံတွင် ဓါတ်ခွဲခန်းပစ္စည်းများနှင့် ကိရိယာများကိုင်တွယ်နိုင်မည့် အင်ဂျင်နီယာများ မဖြည့်ဆည်းပေးနိုင်သည်မှာ ဓါတုဗေဒပါမောက္ခ မျိုးဆက်နှစ်ဆက်နှစ်ခုရှိပြီဖြစ်ကြောင်း စီးပွားရေးလုပ်ငန်းရှင် ဦးမိုးကျော်က ပြောသည်။

MBA ဘွဲ့ရများမှအစပြု၍ ရှေ့နေများနှင့် စာရင်းကိုင်များအဆုံးများစွာ လိုအပ်လျက်ရှိသည်။ ဦးမိုးကျော်က တိတိပပ စိုးရိမ်ရသောအချက်မှာ အကယ်၍ ရင်းနှီးမြှုပ်နှံမှုများ ပုံအောဝင်လာပါက ကျွမ်းကျင်သောပညာရှင်များနှင့်လုပ်သားများ မရှိခြင်းဖြစ်ကြောင်း ပြောခဲ့သည်။ မကြာသေးမီက ရန်ကုန်၏ အနာဂါတ်နှင့်ပတ်သက်၍ ကွန်ဖရင့်တစ်ခုတွင် အစိုးရတာဝန်ရှိသူများက တိုင်းပြည်တွင်မြို့ပြဖွံ့ဖြိုးရေးနှင့်ပတ်သက်သော ပညာရှင်(၅၀)ဦး ခန့်သာ ရှိပြီး (၅၀၀)ခန့် လိုအပ်ကြောင်း ပြောကြားခဲ့သည်။

“မြန်မာနိုင်ငံဟာ အမြတ်ထုတ်ခံရနိုင်တယ်လို့ ပြောနိုင်ပါတယ်။ ပြည်တွင်းမှာ အဆင့်အတန်းမှီတဲ့ လူတွေမရှိတော့ နိုင်ငံခြားသားတွေက သူ့ဘာသာခေါ်လာကြတဲ့အခါ မြန်မာတွေအဖို့ လခကောင်းတဲ့ အလုပ်အကိုင်အခွင့်အလမ်းတွေ ဆုံးရှုံးမှာ ဖြစ်ပါတယ်”ဟု UNESCO မှ ပညာရေးနှင့် ပတ်သက်သော Sardar Umar Alam ကပြောသည်။

“အစိုးရသည် အဆင့်မြင့်ပညာအတွက် ကျောင်းပေါင်း(၁၆၀)ခန့် တိုးမြှင့်ပေးခဲ့သော်လည်း၊ ဘွဲ့ရသူအများစုက ၎င်းတို့၏ဘွဲ့နှင့် မထိုက်တန်ကြောင်း ကိုယ့်ကိုကိုယ် ပြက်ရယ်ပြုကြသည်။

ယခင် ဗြိတိသျှကိုလိုနီဟောင်းဖြစ်သော မြန်မာနိုင်ငံတွင် အင်္ဂလိပ်စာအရည်အသွေးများ ပျောက်ဆုံးသွားရခြင်းအတွက် အများက စိတ်ပျက် နေကြသည်။ ၁၉၆၀ ခုနှစ်နှစ်လယ်များက နိုင်ငံခြားသားကြောက်သော ဗိုလ်ချုပ်နေဝင်းက ကျောင်းများတွင် အတန်းငယ်များ၌ အင်္ဂလိပ်စာ သင်ကြားမှုကို ပိတ်ပင်ခဲ့သည်။

“ကျွန်တောတို့ မန္တလေးရုံးမှာ အလုပ်တော်တဲ့ အမျိုးသမီးဝန်ထမ်းတစ်ဦးရှိပါတယ်။ သူကစိတ်ပညာနဲ့ဘွဲ့ရပေမယ့် အင်္ဂလိပ်လိုစာလုံးတောင် မပေါင်းတက်ပါဘူး”ဟု ဦးမိုးကျော်က ပြောသည်။

ပညာရေးအပေါ်ဆင်နွှဲသောတိုက်ပွဲမှာ ၁၉၆၂ ခုနှစ်စစ်တပ်မှအာဏာသိမ်းပြီးနောက် ရန်ကုန်တက္ကသိုလ်ကျောင်းသား သမဂ္ဂအဆောက်အဦးကို အစိုးရဆန့်ကျင်သူများ၏ လှုပ်ရှားမှုများစတင်ရာနေရာ အဖြစ်မှတ်ယူ၍ ဗုံးခွဲခဲ့ရာမှ စတင်ခဲ့သည်။

သို့သော် အမှောင်ဆုံးနေ့ရက်များမှာ ၁၉၈၈ ခုနှစ်က ကျောင်းသားများနှင့် ဒေါ်အောင်ဆန်းစုကြည်တို့ဦးဆောင်သော ဒီမိုကရေစီဆန္ဒပြပွဲများ ရှုံးနိမ့် ခဲ့ရမှုများအပြီးတွင် ထွက်ပေါ်လာခဲ့သည်။ စစ်အစိုးရသည် တက္ကသိုလ်များကို ပိတ်ပစ်ခဲ့ပြီး အစိုးရဆန့်ကျင်ရေးဆန္ဒပြမှုများကို ကာကွယ်သည့်အနေဖြင့် ကျောင်းသားများကို မြို့နှင့် ဝေးရာသို့ ပို့ပစ်ခဲ့သည်။

“တက္ကသိုလ်ကျောင်းသားဘဝတွေဟာ တစ်စစီပြိုကွဲခဲ့ရပါတယ်။ ဘာလို့လဲဆိုတော့ အစိုးရက တက္ကသိုလ်ကျောင်းသားတွေဟာ ငြိမ်ဝပ်ပိပြားနေရ မယ်လို့ ခံယူထားလို့ပါပဲ”ဟု ဒေါ်အောင်ဆန်းစုကြည်က မကြာသေးမီက ဗြိတိသျှပါလီမန်တွင် ပြောခဲ့သော မိန့်ခွန်းတွင် ထည့်သွင်းပြောကြားခဲ့သည်။

“ပညာရေးစနစ်က လွန်စွာအားနည်းနေပါတယ်။ ပြုပြင်ပြောင်းလဲရေးလုပ်ဖို့ လိုအပ်နေပါတယ်။ ကျောင်းတွေ၊ သင်ရိုးတွေနဲ့ ဆရာတွေကို လေ့ကျင့်သင်ကြားပေးရေးတွေသာမကပဲ ကျွန်မတို့ရဲ့ ပညာရေးအပေါ်ထားတဲ့ သဘောထားကိုလည်း ပြုပြင်ယူရပါမယ်။ လက်ရှိအားဖြင့် ပညာရေးနှင့် ပတ်သက်ပြီး သဘောထားက အမြင်ကျဉ်းမြောင်းလွန်းပြီး၊ ပြောင်းလဲလိုစိတ်မရှိပါဘူး”ဟု သူက Oxford တက္ကသိုလ်တွင် ပြောကြားခဲ့သည်။

ကျောင်းသားများမှာ ကျေးလက်တွင်ရှိသော ကျောင်းများသို့တက်ရောက်ရန် အားမရှိကြဘဲ အဝေးသင်ပညာရေးကိုသာ ပို၍စိတ်အားထက်သန် ကြသည်။ ကျောင်းသားများ၏ ၇၀% မှာ အဝေးသင်ဖြင့်သာ ဘွဲ့ယူကြသည်။ ပုံမှန်အားဖြင့် အဝေးသင်ကျောင်းသားများမှာ တစ်နှစ်လျှင် ၁၀ ရက်ခန့်သာ ကျောင်းတက်ရပြီး၊ အိမ်တွင်လုပ်ရန် အဆိုင်းမင့်များပေးခြင်းသာ ရှိသည်။

အသက်လေးဆယ်ကျော်ဝန်းကျင်တွင် ရှိနေသူများသည် အစိုးရထံတွင်သော်လည်းကောင်း၊ စီးပွားရေးလောကတွင်လည်းကောင်း အကြီးတန်း နေရာများတွင် ရောက်နေသင့်ပြီဖြစ်သည်။ သို့သော် ယခု ဤအရွယ်သို့ ရောက်နေသူများမှ ကျောင်းတွင်ပညာပြည့်ဝစွာမရခဲ့၊ အချို့ကလည်း ရည်မှန်းချက် ပျက်၍ အရည်အချင်းမပြည့်ဝဘဲ အလုပ်အကိုင်ဘဝထဲသို့ ရောက်ရှိခဲ့ရပြီး၊ အချို့ကလည်း နိုင်ငံခြားတိုင်းပြည်များသို့ ထွက်သွားရခဲ့သည်။

အာဏာရှင်စနစ်၏ လက်အောက်တွင်ရှိသော နှစ်များအတွင်း ပညာရေးစနစ်သည် အောက်သို့စိုက်၍ ထိုးဆင်းသွားခဲ့သည်။ စာမေးပွဲတွင် ခိုးချ ခြင်းများကလည်း ကျယ်ပြန့်လာသည်။ ဆင်းရဲမွဲတေမှုကြောင့် ကိန်းဂဏန်းမှာ မယုံနိုင်ဖွယ်ကျဆင်းခဲ့ရာ လူဦးရေ၏ ၇၀% သည် မူလတန်းပညာရေးကိုပင် ပြီးဆုံးအောင် မသင်နိုင်ဖြစ်ရသည်ကို တွေ့ရသည်။ တက္ကသိုလ်များ၏ အဆင့်အတန်းမှာလည်း လျင်မြန်စွာကျဆင်းခဲ့သည်။

“မြန်မာနိုင်ငံမှာ ပါမောက္ခတွေဟာ သုတေသနလုပ်ဖို့မလိုပါဘူး၊ စာတမ်းလေးရေး၊ ကွန်ဖရင့်လေးတက်ရုံပါပဲ။ သောကြာနေ့မှာ လျှောက်လွှာတင်၊ တနင်္လာနေ့မှာ ပါမောက္ခဖြစ်ပြီ”ဟု ဒေါက်တာဘုန်းဝင်းက ပြောသည်။

မကြာမီက စစ်တပ်အုပ်ချုပ်ရေးမှ အရပ်သားအုပ်ချုပ်ရေးသို့ ပြောင်းလဲသွားခဲ့ရာ၊ ပြည်သူများသည် ၎င်းတို့၏ ဒေါသများကို ဖော်ထုတ် လာကြသည်။ နာမည်ကြီးသော ဘလောဂ့်တစ်ခုတွင် ဘာမျှမတက်သော စစ်အရာရှိများသည် ၎င်းတို့၏ အာဏာကို အလွဲသုံးစား၍ ချမ်းသာအောင် လုပ်နေ သည်ဟု ပညာရေးတာဝန်ရှိသူများကို စွပ်စွဲပြောဆိုထားသည်။

သို့သော်အစိုးရသည် ၉ သန်းမျှရှိသော ကျောင်းသားများတိုးတက်မှုရှိရေးအတွက် ကြိုးစားနေပုံတော့ရသည်။

ကျောင်းဆရာများမှာ ဆင်းရဲသည့်အဆင့်တွင်ပင် ရှိနေသေးပြီး လစာတိုးမြှင့်ပေးထားပြီး တစ်လလျှင်ဒေါ်လာ (၃၀) တိုးပေးထားသည်။  ကျေးလက်တွင် တာဝန်ထမ်းဆောင်သူများ နှစ်ဆတိုးသည်။

ယခင်ကတည်းက အဆက်အသွယ်ရှိ်ခဲ့သော နိုင်ငံခြားတက္ကသိုလ်များ ပြန်လည်တည်ထောင်ရန် လုပ်ဆောင်လျက်ရှိသည်။ အမေရိကန်၏ John Hopkins တက္ကသိုလ်သည် ဘွဲ့ရကျောင်းသားများနှင့် ဆရာများလေ့ကျင့်ပေးရေးအတွက် ရည်ရွယ်၍ ရန်ကုန်တက္ကသိုလ်တွင် Center of Excellence ထူထောင်ရန် စီစဉ်နေသည်။

“သမ္မတကြီးကတော့ ပညာရေးနဲ့ပတ်သက်ပြီး ပြုပြင်ပြောင်းလဲရေးလုပ်ဖို့ တကယ်ကိုတွန်းအားပေးနေတာပါပဲ။ ဒါပေမယ့် ဒါက အထက်က အောက်သွားတဲ့ပုံစံ(top-down)ဖြစ်နေတော့၊ ညွှ့န်ကြားရေးမှူးချုပ် အဆင့်လောက်မှာတင် ရပ်နေတယ်”ဟု မြန်မာနိုင်ငံ၏ လေးစားရသော ပညာရှင် တစ်ဦးဖြစ်သူ ရန်ကုန်တက္ကသိုလ် စာကြည့်တိုက်မှူးဟောင်း ဦးသော်ကောင်းက ပြောသည်။ “အစိုးရက လွှတ်တော်ကိုယ်စားလှယ်တွေရဲ့ စကားကို နားထောင်နေတာပဲ။ တစ်ခါတစ်ရံ ဝန်ကြီးအဖြေရခက်တဲ့ မေးခွန်းတွေတောင် မေးနေကြတယ်”ဟု ၎င်းကဆိုသည်။

မြန်မာပညာတက်အများစုက သမ္မတအကြံပေးဦးမြင့်၏ ယခုအိတ်ဖွင့်ပေးစာတွင် ဖော်ပြထားသော ရန်ကုန်တက္ကသိုလ်ဘွဲ့ကြိုသင်တန်းများ ပြန်လည်ဖွင့်ရန်နှင့် ပြည်သူလူထုအလှူငွေဖြင့် ကျောင်းသားသမဂ္ဂအဆောက်အဦး ပြန်လည်ဆောက်လုပ်ရန် တိုက်တွန်းထားမှုအား ခေါင်းဆောင်ပိုင်းမှ တုန့်ပြန်မှုကို စိတ်အားထက်သန်စွာ စောင့်ကြည့်လျက်ရှိသည်။ ၎င်းက ရန်ကုန်တက္ကသိုလ်အား အမျိုးသားပြန်လည်သင့်မြတ်ရေးအတွက် အရေးကြီးသော မှတ်တိုင်ဟုလည်းကောင်း၊ သမိုင်းစာမျက်နှာသစ် အသစ်စတင်ရန် အကောင်းဆုံးနည်းဖြစ်ကြောင်း ဖော်ပြထားသည်။

ထွက်ပေါ်လာမည့် ရလဒ်သည် အစိုးရက ၎င်း၏ ရည်ရွယ်ချက်အပေါ် အလေးအနက်ထားခြင်း ရှိမရှိ အဓိကစမ်းသပ်မှုအတွက် သက်သေဖြစ်မည် ဖြစ်သည်။ သို့တည်းမဟုတ် ကျောင်းသားများ၏ စွမ်းအားကိုကြောက်ရွံ့သော စိတ်၏ အရိပ်ထိုးမှုခံရဆဲလားဆိုသည်ကို စောင့်ကြည့်ရပေတော့မည်။

                                ******************************************************************************************************                                


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle2011 Op-Ed
yangonchronicle2011 Op-Ed

၁.၇.၂၀၁၂

ဆောင်းပါးကဏ္ဍ

  1. နိုင်ငံတော်သမ္မတနှင့် နိုဘယ်လ်ငြိမ်းချမ်းရေးဆု

*****************************************

ဆောင်းပါးကဏ္ဍ

နိုင်ငံတော်သမ္မတနှင့် နိုဘယ်လ်ငြိမ်းချမ်းရေးဆု

ပိုက်တင်

(ဇူလိုင်လ ၂ ရက်နေ့ထုတ် The Voice Weekly ဂျာနယ် အတွဲ ၈၊ အမှတ် ၂၈ မှ ထုတ်ယူဖော်ပြသည်။)

မြန်မာနိုင်ငံတွင် လက်ရှိဖြစ်ပေါ်နေသော စဉ်ဆက်မပြတ် ဖြစ်ပေါ်တိုးတက်မှုများမှာ တစ်ကမ္ဘာလုံးက လုံးဝမျှော်လင့်မထားခဲ့သော အရှိန် အဟုန်ဖြင့် အကောင်းဘက်သို့ဦးတည်ကာ တိုးတက်ပြောင်းလဲလာသောကြောင့် ကမ္ဘာကျော် The Economist စာစောင်ကြီးက မြန်မာနိုင်ငံမှ တိုးတက် ဖြစ်ထွန်းမှုများမှာ ဒေသတွင်းဖြစ်ပေါ်ခဲ့သော အထူးခြားဆုံး အပြောင်းအလဲကြီးတစ်ခုလုံး ဂုဏ်ကျက်သရေနှင့် ပြည့်ုစုံသောဖြစ်စဉ်တစ်ခုဖြစ်ကြောင်း ရေး သားဖော်ပြခဲ့ပါသည်။ နိုင်ငံတကာအသိုင်းအဝိုင်းကြီးတစ်ခုလုံးကလည်း လက်ရှိနိုင်ငံတော်သမ္မတ၏ ဒီမိုကရေစီစနစ်ဖြစ်ထွန်းရေး ကြိုးပမ်းအားထုတ်မှု များ၊ ပြည်တွင်းငြိမ်းချမ်းရေးအတွက် သန္နိဋ္ဌာန်ချမှတ်ဆောင်ရွက်နေမှုများနှင့် နိုင်ငံတော်နှင့် ပြည်သူလူထုအကျိုးစီးပွားအတွက် မှန်ကန်စွာထားရှိသော စေတနာများကို အသိအမှတ်မပြုဘဲ နေဖို့မဖြစ်နိုင်အောင် အကြောင်းတရားအားလုံးက သိသာထင်ရှားစွာ ဖြစ်ပေါ်လျက်ရှိနေသည်။

နှစ်ပေါင်းငါးဆယ်ခန့် စီးပွားရေး၊ လူမှုရေး၊ နိုင်ငံရေး ချွတ်ခြုံကျခဲ့ရသော လူ့အဖွဲ့အစည်းတွင် နိုင်ငံရေးအရ ဒီမိုကရေစီဝါဒ ဆိတ်သုဉ်းပျက်စီး ခဲ့ရသောကြောင့် ကိုယ့်ကြမ္မာကိုယ် ဖန်တီးခွင့်အပါအဝင် နိုင်ငံသားတို့၏ အခြေခံအခွင့်အရေးများ ဆုံးရှုံးခဲ့ရပြီး စီးပွားရေးအရလည်း မှားယွင်းသော စီမံ ခန့်ခွဲမှုနှင့် နိုင်ငံတကာအသိုင်းအဝိုင်း၏ ပိတ်ဆို့အရေးယူခြင်းခံထားရမှုတို့ကြောင့် ကမ္ဘာ့အဆင်းရဲဆုံးနိုင်ငံဘဝ သက်ဆင်းခဲ့ရသည်။ အစစအရာရာ မျက်နှာငယ်ခဲ့ရသည်။ ယခုအခါ ဒီမိုကရေစီသို့ ဦးတည်အစပျိုးခြင်းနှင့်အတူ နိုင်ငံတော်သမ္မတ၏ အကောင်းဆုံးဦးဆောင်နိုင်မှုကြောင့် သန်း ၆၀သော မြန်မာတိုင်းရင်းသား ပြည်သူလူထု၏ မျှော်လင့်ချက်ရောင်ခြည်တို့ ပြန်လည် လင်းလက်တောက်ပလာနိုင်ခဲ့ပြီ ဖြစ်သည်။

အစိုးရယန္တရားတစ်ခုလုံးကို ခြုံကြည့်လျှင် အားနည်းချက်များ ရှိနေသေးခြင်း၊ နှစ်ပေါင်းများစွာ ရုပ်ပိုင်းဆိုင်ရာရော စိတ်ပိုင်းဆိုင်ရာပါ ဆုတ်ယုတ် ယိုယွင်းနေခဲ့ရသည့် ပြိုလဲလုမတတ် ယိမ်းယိုင်နေသော လူ့အဖွဲ့အစည်းကို စတင်တည့်မတ်ပြုပြင်ုသည့်အချိန် ဖြစ်လေရာ ချက်ချင်းလက်ငင်း ကောင်း မွန်ပြည့်စုံရန် မည်သည့်ပုဂ္ဂိုလ်၊ မည်သည့်အကြောင်းတရားကမှ စွမ်းဆောင်နိုင်လိမ့်မည်မဟုတ် ဟူသည့် လတ်တလောအမှန်တရားကို လက်ခံနိုင်ရန် အဆင်သင့်မဖြစ်သေးခြင်း စသည့်အချက်များကို အကြောင်းပြုလျက် လောလောဆယ်ပြုလုပ်နေသော ဒီမိုကရေစီတည်ဆောက်ရေးလုပ်ငန်းစဉ်ကြီးတွင် ကြုံတွေ့နေရသော အခက်အခဲများကို တလွဲအဓိပ္ပါယ်ကောက်ယူကာ သမ္မတ၏ စွမ်းဆောင်ရည်နှင့် စေတနာအပေါ် မေးခွန်းထုတ်လိုသူအချို့လည်း ရှိနေလေသည်။ ကောင်းမွန်သေချာမှုရှိသော ဖွံ့ဖြိုးတိုးတက်ခြင်းကို အာမခံချက်ပေးနိုင်မည့် အနာဂတ်တစ်ခုပေါ်ပေါက်လာစေရန် အားလုံးက တတ်စွမ်း သမျှ ကျရာနေရာမှ ပါဝင်လုပ်ဆောင်ကြရန်သာ လိုအပ်ပါသည်။ အစိုးရနှင့် တာဝန်ရှိသူများအပါအဝင် အဖွဲ့အစည်းအားလုံး၊ လူပုဂ္ဂိုလ်အားလုံးနှင့် လူထု တစ်ရပ်လုံးက ဟန်ချက်ညီညီ ကြိုးပမ်းကြမည်ဆိုပါက မျှော်မှန်းမထားသည့် အတိုင်းအတာပမာဏ ကြီးမားသောတိုးတက်မှုကို နိုင်ငံသားအားလုံး သာတူ ညီမျှ ခံစားရကြရမည်ဖြစ်သည်ဟူသော ဖြစ်နိုင်ခြေက အသေအချာ ရှိနေပြီဖြစ်သည်။

လက်ရှိဖြစ်ပေါ်နေသော ပြဿနာများ၊ အခက်အခဲများသည် ဖြေရှင်းမရနိုင်သည့် အဟန့်အတားများ လုံးဝမဟုတ်ပါ။ အာဏာရှင်စနစ်မှ ရုန်းကန်ပြီး လွတ်လပ်သော လူ့အဖွဲ့အစည်းတစ်ခုကို ထူထောင်ရန် ကြိုးပမ်းသည့်အခါတိုင်း သီအိုရီအရ ကြုံတွေ့ရသည့် ဖြစ်စဉ်များသာဖြစ်ကြောင်း သိရှိထားရန် လိုအပ်ပါသည်။ ဆန့်ကျင်ဘက် အသွင်ဆောင်သော နိုင်ငံရေးစနစ်နှစ်ခုတို့၏ နယ်နိမိတ်ချင်း တွန်းတိုက်မှုများသာ ဖြစ်သည်။ အစိုးရ၏ နိုင်ငံရေး၊ စီးပွားရေးမူဝါဒများကို အကောင်းအထည်ဖော်ရာတွင် နှောင့်နှေးစေသော ဗျူရိုကရေစီယန္တရားကြီးကို အထိရောက်ဆုံး၊ အမြန်ဆုံးပြုပြင်ရန် လို အပ်ခြင်း၊ လောလောဆယ် ဖြစ်ပေါ်နေသော လုပ်ခလစာပြဿနာ၊ လျှပ်စစ်မီးပြဿနာ အစရှိသည့် ခေတ်ဟောင်းစနစ်ဟောင်းများ၏ ဆိုးမွေဖြစ်သော ပြဿနာများကို အဆောတလျင် ကိုင်တွယ်ဖြေရှင်းရန်လိုအပ်ခြင်း စသည့် လုပ်ငန်းတာဝန်များရှိကြောင်းကို သမ္မတက ကောင်းမွန်စွာ နားလည်သဘော ပေါက်သည့်အပြင် အမှန်တရားကို အရှိအတိုင်းလည်း လက်ခံထားလျက် အကောင်းဆုံးဖြေရှင်းရန် ကြိုးစားနေခြင်းကို အထင်အရှား မြင်တွေ့နေကြရ လေသည်။ (ခြွင်းချက်ဖြစ်သည့် ရခိုင်ပြည်နယ်ပြဿနာမှလွဲလျှင် အဆိုပါပြဿများသည် ခေတ်ပြောင်းစနစ်ပြောင်းကာလတွင် သီအိုရီအရ ဖြစ်ပေါ်နေ သော အကြောင်းခြင်းရာများသာ ဖြစ်သည်။) ထိုပြဿနာများကို စနစ်တကျ ကိုင်တွယ်ဖြေရှင်းနိုင်ပါက ဒီမိုကရေစီစနစ်သည် ကောင်းမွန်စွာ ထွန်းကား လာတတ်သည်ဟူသော အချက်မှာလည်း သီအိုရီတစ်ခုဖြစ်ကြောင်း သိရှိထားရန် လိုအပ်သည်။

လက်ရှိ နိုင်ငံတော်သမ္မတသည် အလွန်တရာရှုပ်ထွေးနက်နဲလာနေသော ပြဿနာအရပ်ရပ်ကို ကောင်းမွန်စွာ ထိန်းသိမ်းဖြေရှင်းနိုင်စွန်း ရှိသူ ဖြစ်ကြောင်း၊ အများပြည်သူတို့ပေါ် နူးညံ့သိမ်မွေ့သော စိတ်သဘောထားရှိကြောင်း လက်တွေ့လုပ်ရပ်များက သက်သေပြနေသည်။ သီအိုရီနှင့် လုံးဝ မသက်ဆိုင်ဘဲ သီးခြားဖြစ်ပေါ်လာသော လွန်စွာကိုင်တွယ်ဖြေရှင်းရန်ခက်ခဲသော Democratizational Challenge တစ်ခုဖြစ်သည့် ရခိုင်ပြည်နယ်မှ ပြဿနာကို ကိုင်တွယ်ဖြေရှင်းပုံမှာ လွန်စွာ သိမ်မွေ့ညင်သာရုံမျှမက သမ္မတ၏ နိုင်ငံတော်နှင့် တိုင်းရင်းသားတို့၏ ရေရှည်အကျိုးစီးပွားအတွက် စေတ နာ၊ စွမ်းဆောင်ရည်နှင့် အမြော်အမြင်များစွာရှိသည့် ပုဂ္ဂိုလ်ဖြစ်ကြောင်းကိုလည်း သိရှိနိုင်ပြီဖြစ်သည်။ ဥရောပသမ္မဂကပင် လတ်တလောပေါ်ပေါက် ခဲ့သော အဆိုးရွားဆုံးပြဿနာကို အသင့်တော် အမှန်ကန်ဆုံးနည်းလမ်းဖြင့် သမ္မတက ဖြေရှင်းနေခြင်းဖြစ်ကြောင်း ထုတ်ဖော်ကြေညာခဲ့သည်။

သမ္မတသည် မူဝါဒကို အခိုင်အမာချမှတ်ထားပြီး ထိုမူဝါဒအတိုင်း အခိုင်အမာ ရပ်တည်ဆောင်ရွက်သူဖြစ်ကြောင်း သူ၏ လုပ်ပုံကိုင်ပုံများက သက်သေပြနေသည်။ ငြိမ်းချမ်းရေး တည်ငြိမ်ရေးနှင့် ဖွံ့ဖြိုးတိုးတက်ရေးတို့က သူ၏ ပဓာနအကျဆုံး ဦးတည်ချက်များဖြစ်သည်။ သူ၏ သမ္မတသက်တမ်း တွင် ပြည်တွင်းငြိမ်းချမ်းရေးကို အပြီးတည်ဆောက်နိုင်ရန် အခိုင်အမာဆုံးဖြတ်ထားသည်။ နိုင်ငံဖွံ့ဖြိုးတိုးတက်ရေးအတွက် အစိုးရအဖွဲ့၏ ဆောင်ရွက် နိုင်စွမ်းကို အားမလိုအားမရ ဖြစ်နေပြီး အစိုးရယန္တရားတစ်ခုလုံးကို အကြီးအကျယ်ပြုပြင်ပြောင်းလဲရန် လိုအပ်ကြောင်းကိုလည်း သိရှိထားသူဖြစ်သည်။ အပြောင်းအလဲများ လေးအီနေမှုကို တပ်လှန့်သတိပေးရန်၊ ဗျူရိုကရက်တို့ အမျိုးသားရေးနိုးကြားကြစေရန် ရည်ရွယ်လျက် ပြုပြင်ပြောင်းလဲရေး ဒုတိယ အဆင့်ကို အရှိန်မြှင့် အကောင်းအထည်ဖော်တော့မည်ဖြစ်ကြောင်း ထုတ်ဖော်ကြေညာခဲ့သည်။ ပြည်သူလူထုက အပြောင်းအလဲအသီးအပွင့်များကို မခံစားရသေးဘဲရှိသောကြောင့် ပြုပြင်ပြောင်းလဲရေး လုပ်ငန်းများကို အရှိန်အဟုန်မြှင့်တင်လိုသော စိတ်ဆန္ဒကြီးမားနေကြောင်းကို လက်ရှိ တာဝန်ထမ်း ဆောင်နေကြသူများက သဘောပေါက် နားလည်ကြရန် အထူးလိုအပ်နေသေးသည်။ History doesn’t pass the dishes again. ဟူသည့် စကားလုံးကို နိုင်ငံရေးသမားများ၊ နိုင်ငံသားများနှင့် လက်ရှိတာဝန်ရှိသူများအားလုံးက နှလုံးသွင်းကြဖို့ အချိန်တန်နေပြီ ဖြစ်သည်။

သမိုင်းက ဘယ်သောအခါမှ အခွင့်အရေးနှစ်ခါ မပေးပါ။ ရရှိသည့်အခွင့်အရေးကို ကိုယ်ကျိုးအတွက် အသုံးချသည်ဖြစ်စေ၊ နိုင်ငံတော်နှင့် နိုင်ငံ သားတို့အတွက် အသုံးချသည်ဖြစ်စေ နောက်လူတို့က သုံးသပ်ဝေဖန်၊ ချီးမွန်းအသိအမှတ်ပြု၊ ကဲ့ရဲ့ရှုတ်ချခြင်း ပြုကြလိမ့်မည်။ မိမိရွေးချယ်မှုသည် မိမိ ရေးသားသော မိမိ၏ သမိုင်းဖြစ်သည်ကို သတိကြီးစွာထားလျက် လုပ်ကိုင်ဆောင်ရွက်ရန် လိုအပ်သည်။ ပြုပြင်ပြောင်းလဲရန် လိုအပ်သည်။

၁။ ပြည်သူလူထု။ ၂။ အတိုက်အခံနိုင်ငံရေးအင်အားစုများ၊ ၃။ နိုင်ငံတကာအဖွဲ့အစည်းများနှင့် အစိုးရများအားလုံးတို့က သမ္မတ၏ လုပ်ရပ်နှင့် စေတနာကို ကောင်းစွာ နားလည်လက်ခံထားကြပြီ ဖြစ်သည်။

ပြည်သူလူထုအနေနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကို ထောက်ခံသည်ဖြစ်စေ၊ မထောက်ခံသည်ဖြစ်စေ သမ္မတကို (အများစုက) ထောက်ခံနေကြပြီဖြစ်သည်။ မြန်မာလူထုသည် အငြိုးအတေးမထားတတ်သူများဖြစ်ပြီး မေတ္တာကို မေတ္တာဖြင့် တုံ့ပြန်တတ်ကြသူများဖြစ်ကြောင်း သက်သေပြနေသည့်အချက် ဖြစ်သည်။ ဘယ်တုန်းကမှ တပ်မတော်ကု အကောင်းမမြင်ခဲ့ကြသော အတိုက်အခံနိုင်ငံရေးအုပ်စုအချို့သည်ပင် သမ္မတ၏ သဘောထားနှင့် စေတနာကို အသိအမှတ်ပြုခဲ့ကြပြီဖြစ်သည်။ နိုင်ငံတကာအသိုင်းအဝိုင်းအနေနှင့်လည်း အပြောင်းအလ&