Posts
နာမည်ကျော် အမေရိကန် ဘောဂဗေဒ ပညာရှင် Joseph Stiglitz တစ်ယောက် အာရှ ဆန်အိုးကြီး ဖြစ်သည့် မြန်မာပြည်၏ စီးပွားရေး ပြန်လည် နာလန်ထူနိုင်ရေးအတွက် အလည်အပတ် ခရီးစဉ် သွားရောက်ခဲ့သည်။ မြန်မာ တပ်မတော် အစိုးရ၏ ပေါ်လစီများကို လုံးလုံးလျားလျား လက်သင့် မခံလိုသော ပုံစံဖြင့် သွားရောက်ခဲ့သည် မှာလည်း ထင်ရှားလှ သည်။
မြန်မာ အစိုးရ အရာရှိကြီးများကို ပေးပို့သော အစီရင်ခံချက်တွင် Stiglitz က မြန်မာနိုင်ငံ၌ ပညာရေး၊ ကျန်းမာရေး နှင့် ပစ္စည်းဥစ္စာ ပိုင်ဆိုင်မှု ဆိုင်ရာ အခွင့်အရေး တို့အတွက် လိုအပ်ချက်များကို ထုတ်ဖော် တင်ပြခဲ့သည်ကို DVB က တွေ့ရှိလိုက် ရပါသည်။ Stiglitz က အားနည်းချက် ရှိသော ကိစ္စများကို ကာကွယ်နိုင်ရေး အတွက် အလေးအနက်ထား တင်ပြခဲ့ခြင်း ဖြစ်သည်။
မြန်မာနိုင်ငံသည် လူတစ်ဦးချင်းစီ၏ ကျန်းမာရေးနှင့် ပညာရေး အခန်းကဏ္ဍတို့တွင် ရင်းနှီး မြှုပ်နှံမှု အနည်းဆုံး လုပ်သော နိုင်ငံဖြစ်သည် ဟူသော အချက်ကို Stiglitz တစ်ယောက် သိရှိလာပါလိမ့်မည်။
မစ္စတာ Stiglitz ၏ မြန်မာပြည် ခရီးစဉ် အတွင်းမှာပင် ဘောဂဗေဒ ပညာရှင်များက မြန်မာနိုင်ငံတွင် ပစ္စည်းဥစ္စာ ပိုင်ဆိုင်မှု အခွင့်အရေး၊ ဘဏ္ဍရေးစနစ်တို့နှင့် ပတ်သက်ပြီး လုံခြုံမှု အင်မတန် လျော့နည်းသောကြောင့် စီးပွားရေး တိုးတက်မှုကို အလွန်အမင်း ထိခိုက်လျက် ရှိသည် ဟု ပစ်ပစ်ခါခါ ဝေဖန်ကြသည်။
"ဒီအိုင်ဒီယာတွေနဲ့ ခွဲခြမ်း လေ့လာမှုတွေကြောင့် မူဝါဒရေးရာ ဆွေးနွေးမှုတွေ ထွက်ပေါ် လာလိမ့်မယ်လို့ မျှော်လင့်ပါတယ်။ နောက်ပြီး ကျွန်တော်တို့ရဲ့ ဖွံ့ဖြိုးမှု ဆိုင်ရာ မဟာမိတ် ဖွဲ့မှုအတွက် ပိုမို နက်ရှိုင်းတဲ့ အရေးကိစ္စတွေ ထွက်ပေါ်လာလိမ့်မယ် လို့လည်း မျှော်လင့်ပါတယ်" ဟု ကုလသမဂ္ဂ အထွေထွေ အတွင်းရေးမှူး လက်အောက်ရုံးမှ Noeleen Heyzer က နေပြည်တော်တွင် ပြုလုပ်သော ဆွေးနွေးပွဲ၌ ပြောကြားသည်။
အမှန်စင်စစ် ယခု ခရီးစဉ်တွင် မစ္စတာ Stiglitz သည် မြန်မာနိုင်ငံတွင်း ထင်သာမြင်သာ ရှိသော စည်းမျဉ်း စည်းကမ်းများနှင့် စီးပွားရေးတွင် တစ်ပြေးညီ ယှဉ်ပြိုင်နိုင်မည့် အနေအထားမျိုး ထွက်ပေါ်လာရေးအတွက် အလေးအနက်ထား တိုက်တွန်းခဲ့သည်။ Stiglitz ထောက်ပြသည့် အချက် နှစ်ချက်သည် အဆိုပါ ဆွေးနွေးပွဲသို့ တက်ရောက်လာသော တပ်မတော် အစိုးရ၏ ဝန်ကြီးနှစ်ပါး ဖြစ်သော လယ်ယာ စိုက်ပျိုးရေး ဝန်ကြီးနှင့် အမျိုးသား စီးပွားရေး စီမံကိန်းနှင့် ဖွံ့ဖြိုး တိုးတက်ရေး ဝန်ကြီး တို့အတွက် အတော်အတန်ပင် ထူးဆန်း အံ့ဩဖွယ် ကိစ္စများ ဖြစ်နေပေလိမ့်မည်။ အကြောင်းမှာ သူပြောသည့် နှစ်ချက်စလုံးမှာ နိုင်ငံတော်က ထိန်းချုပ် ကိုင်တွယ်ထားသော ကိစ္စများ ဖြစ်နေသောကြောင့်ပင် ဖြစ်သည်။ တပ်မတော် အစိုးရ၏ အာဘော် New Light of Myanmar သတင်းစာက ဆွေးနွေးပွဲတွင် Stiglitz ပြောသော အချက် နှစ်ချက်ကို ဦးစားပေး ရေးသား ဖော်ပြခြင်း မရှိခဲ့သည်မှာ ဝမ်းနည်းဖွယ်ရာ ကောင်းလှသည်။
မည်သည့် နိုင်ငံတွင်မဆို နိုင်ငံရေးနှင့် ဘောဂဗေဒ လုံးလုံးလျားလျား ခွဲခြားထား၍ မရနိုင်ကြောင်း သူက မြန်မာနိုင်ငံတွင် ပမာဏ အမြောက်အမြား ရှိသော သဘာဝဓာတ်ငွေ့ ကိစ္စ အကြောင်း မပြောမီ သတိပေး ပြောဆိုခဲ့သည်။
ထို့နောက် Stiglitz က မြန်မာနိုင်ငံတွင်း သဘာဝ သယံဇာတများ အရေးကိစ္စကို ပိုမို အရှိန်မြှင့်၍ အစီရင်ခံ သုံးသပ်ခဲ့သည်။ ကျိန်စာသင့်စေသည့် သဘာဝ သယံဇာတ ရင်းမြစ်များ ဟု သူက ခေါင်းစဉ် တပ်လိုက်ပြီး အာဖရိက နိုင်ငံများမှ ဖြစ်ရပ်များကို သာဓကပြ ညွှန်းဆိုခဲ့သည်။ အာဖရိကတွင်မူ သဘာဝ သယံဇာတများနှင့် ရင်းမြစ်များမှာ လက်တစ်ဆုပ်စာမျှသာ ရှိသော အီလစ်အသိုင်း၏ ကြိုးကိုင် ခြယ်လှယ်မှုကိုသာ ခံရသည်။
မြန်မာကဲ့သို့သော နိုင်ငံများတွင် အဆိုပါ အရေးကိစ္စမှာ နိုင်ငံတော် အရေးကိစ္စ တစ်ခုမျှသာ ဖြစ်ကြောင်း၊ သို့သော် ခြွင်းချက်များ ထားရှိရမည် ဖြစ်ကြောင်း သူက ဖြည့်စွက် ပြောဆိုသည်။
"တကယ်လို့ နိုင်ငံ တစ်နိုင်ငံဟာ အခြား တစ်နေရာမှာ ဥစ္စာဓနကို ရင်းနှီး မြှုပ်နှံမှု မလုပ်ဘူး ဆိုရင် စီးပွားရေး တိုးတက်မှုဟာ ရေရှည်ခံဖို့ မလွယ်ပါဘူး" ဟု သူက ပြောသည်။
တကယ်တမ်း ပြောရပါက မြန်မာအစိုးရသည် Stiglitz ထုတ်ဖော် သတိပေးခဲ့သည့် အချက်များကို အလေးအနက် ထားမည့်သူ မဟုတ်ပေ။ မိမိသည် နိုင်ငံတကာ အသိုင်းအဝိုင်းမှ ပေးသော အကြံဉာဏ် ကောင်းများကိုလည်း ရယူသူ တစ်ဦး ဖြစ်သည် ဟူသော အချက်ကို ထုတ်ဖော် ပြသရုံ သက်သက်သာ ဖြစ်လေသည်။ ပြီးခဲ့သည့် ၂၀၀၄ ခုနှစ်ကလည်း နာမည်ကျော် ဘောဂဗေဒ ပညာရှင် Jeffrey Sachs လည်း ထိုနည်းအတိုင်းပင် စစ်အစိုးရကို လာရောက် အကြံဉာဏ် ပေးခဲ့ဖူးသည်။
ယခု ဆွေးနွေးပွဲတွင် Stiglitz အနေဖြင့် အိုင်ဒီယာကောင်းများ ရှိကောင်း ရှိခဲ့ပါလိမ့်မည်။ သို့သော် ပြောသမျှ တစ်လုံးတစ်ဘာသာမှ နားမလည် နိုင်သူများကို မဟာ အိုင်ဒီယာကြီးများ ချပြပေးခဲ့ခြင်း ဖြစ်သည်။ ဆိုရလျှင် Stiglitz သည် နားမကြားသူများကို သာယာ နားဝင်ချို သည့် တေးသံသာများ တီးခတ်ပြနေခဲ့သည့် ပုံစံမျိုးသာ ဖြစ်ခဲ့ရသည်။
ဤသို့ဆိုပါက မြန်မာအစိုးရနှင့် ပြည်သူလူထု လက်တွဲပြီး ခိုင်မာသော စီးပွားရေးစနစ် တစ်ခု ဖော်ထုတ်နိုင်အောင် Stiglitz က ကောင်းစွာ ပြောဆို နားချ နိုင်ခဲ့သည်ဖြစ်စေ၊ နားမချနိုင်ခဲ့သည် ဖြစ်စေ မြန်မာနိုင်ငံတွင်း တိုးတက်မှုမှာ လွန်စွာ နှေးကွေးနေပြီး Stiglitz ၏ခရီးစဉ်သည် အချည်းအနှီးသာ ဖြစ်သည် ဟူသော အချက်ကို မြန်မာ့စီးပွားရေးကပင် သက်သေ ပြသွားပါလိမ့်မည်။
DVB ၏ ခေါင်းကြီးပိုင်း ဖြစ်သော Is Stiglitz speaking the obvious to deaf ears? ကို ဆီလျော်အောင် ဘာသာပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.