Transparency Myanmar: Sep 2, 2010

ရပ်ဆိုင်းနေသော မြောက်ကိုရီးယား နျူကလီယာ ဖျက်သိမ်းရေး ၆ နိုင်ငံ ဆွေးနွေးပွဲများ ပြန်လည် ဖော်ထုတ်ရေးနှင့် ပတ်သက်သည့် တရုတ်နိုင်ငံ၏ သဘောထား အမြင်ကို ကြားသိရ ပြီးနောက် အမေရိကန် ပြည်ထောင်စုက ၎င်းလုပ်ဖော်ကိုင်ဖက်များနှင့် တိုင်ပင် ညှိနှိုင်းမှုများ ပိုမို ပြုလုပ်ရန် စီစဉ်ထားသည်ဟု ဗုဒ္ဓဟူးနေ့တွင် ပြောကြားခဲ့သည်။

တရုတ် ထိပ်တန်း နျူကလီယာ တာဝန်ခံ ဝူဒါဝေ ခေါင်းဆောင်သည့် ကိုယ်စားလှယ် အဖွဲ့နှင့် အမေရိကန် ဒုတိယ နိုင်ငံခြားရေး ဝန်ကြီး James Steinberg အပါအဝင် နိုင်ငံခြားရေးဌာန တာဝန်ရှိသူများ တွေ့ဆုံခဲ့ကြ ပြီးနောက် ဝါရှင်တန်ထံမှ "ဆုံးဖြတ်ချက် မပေးသည့် မှတ်ချက်" ပေါ်ထွက်လာခြင်း ဖြစ်သည်။

"မြောက်ကိုရီးယား ခေါင်းဆောင်တွေနဲ့ တရုတ်ခေါင်းဆောင်တွေရဲ့ အဆင့်မြင့် ဆွေးနွေးပွဲတွေ ပေါ်မှာ အခြေခံပြီး လုပ်ဆောင်ဖို့ လိုအပ်တယ်လို့ သူတို့ ယူဆတဲ့ သဘောထား အမြင်တွေကို တရုတ် တာဝန်ရှိသူတွေက တင်ပြ ဆွေးနွေးခဲ့ပါတယ်" ဟု နိုင်ငံခြားရေးဌာန ပြောရေးဆိုခွင့်ရှိသူ Philip Crowley က သတင်းထောက်များအား ပြောကြားခဲ့သည်။

"ကျွန်တော်တို့မှာ ကိုယ်ပိုင် အကြံဥာဏ်တွေ ရှိပါတယ်။ ဒီကိစ္စကို ဆက်လက် တိုင်ပင် ညှိနှိုင်းရဦးမှာပါ။ တချို့ အချက်တွေနဲ့ ပတ်သက်တဲ့ ကျွန်တော်တို့ရဲ့ အကြံဥာဏ်တွေကို ဒီလုပ်ငန်းစဉ်ထဲက ကျွန်တော်တို့ရဲ့ လုပ်ဖော်ကိုင်ဖက်တွေနဲ့ မျှဝေ ဆွေးနွေးရဦးမှာ ဖြစ်ပါတယ်" ဟု ပြောကြားခဲ့သော Crowley က ရှေ့ဆက်ရမည့် လမ်းကြောင်း အတွက် တစ်ဖွဲ့လုံး အတူတကွ ပြောဆို ဆွေးနွေးမည်ဟု ဆက်လက် ပြောဆိုခဲ့သည်။

မြောက်ကိုရီးယားက ၎င်း၏ ဒုံးပျံ စမ်းသပ်မှုကို ကုလသမဂ္ဂက ပြစ်တင် ရှုတ်ချခဲ့ခြင်းကို ဆန္ဒပြသည့် အနေဖြင့် ၂၀၀၉ မေလတွင် နှုတ်ထွက်သွားခဲ့သည့် ၆ နိုင်ငံ ဆွေးနွေးပွဲများ ပြန်လည် စတင်ရေးကို ဆွေးနွေးရန် တရုတ် နျူကလီယာ တာဝန်ခံ ဝူဒါဝေသည် ယခင်လက ပြုံယမ်းသို့ သွားရောက်ခဲ့ပြီး ဖြစ်သည်။

သြဂုတ် ၂၆ ရက်တွင် ဆိုးလ်ခရီးစဉ်တွင် ဝူဒါဝေက "ကိုရီးယား ကျွန်းဆွယ် နျူကလီယာ ကင်းရှင်းရေးနဲ့ အရှေ့မြောက် အာရှဒေသ ငြိမ်းချမ်းရေး ရရှိဖို့ အတွက် ဆိုရင် ၆ နိုင်ငံ ဆွေးနွေးပွဲတွေဟာ ထိရောက်မှုရှိတဲ့ ဖြေရှင်းနည်း ဖြစ်တယ်လို့ ကျွန်တော်တို့ ယူဆပါတယ်" ဟု ပြောကြားခဲ့သည်။

မြောက်ကိုရီးယား၏ နျူကလီယာ လက်နက် အစီအစဉ်ကို ဖျက်သိမ်းရန် ရည်ရွယ်သည့် ၆ နိုင်ငံ ဆွေးနွေးပွဲများတွင် တောင်နှင့်မြောက် ကိုရီးယား ၂ နိုင်ငံ၊ အမေရိကန် ပြည်ထောင်စု၊ တရုတ်၊ ဂျပန်နှင့် ရုရှား နိုင်ငံတို့ ပါဝင်သည်။

ယခု လကုန် ပြုလုပ်မည့် ကုလသမဂ္ဂ အထွေထွေ ညီလာခံ အစည်းအဝေးများ အပြီးတွင် မြောက်ကိုရီးယားနှင့် နျူကလီယာ ဖျက်သိမ်းရေး ဆွေးနွေးပွဲများ ပြန်လည် စတင်ရေးကို ပြောဆိုရန် Crowley က ငြင်းပယ်ခဲ့သည်။

သို့သော်လည်း မြောက်ကိုရီးယား၏ ရန်စ ကျူးကျော်မှုများ ရပ်ဆိုင်း အဆုံးသတ်ရန် တောင်းဆိုနေသည့် အချိန်တွင် အသစ် ပြန်စမည့် ဆွေးနွေးပွဲများမှာ လုပ်သင့် လုပ်ထိုက်ကြောင်း သက်သေပြမည့် မြောက်ကိုရီးယား၏ မည်သည့် လုပ်ဆောင်မှုကိုမဆို အမေရိကန် ပြည်ထောင်စုက မြင်တွေ့လိုသည်ဟု Crowley က ဗုဒ္ဓဟူးနေ့တွင် ထပ်မံ ပြောကြားလိုက်သည်။

အမေရိကန်နှင့် တောင်ကိုရီးယားက မြောက်ကိုရီးယား အပေါ် အပြစ်တင်ထားသော မတ်လ အတွင်းက ရေတပ်သား ၄၆ ဦး အသက် ဆုံးရှုံးခဲ့ရသည့် တောင်ကိုရီးယား စစ်သင်္ဘော နစ်မြုပ်မှုမှာ နျူကလီယာ ဖျက်သိမ်းရေး ဆွေးနွေးပွဲများ ပြန်လည် စတင်ရေးတွင် အဓိက အတားအဆီး တစ်ခု ဖြစ်နေသည်။

သို့သော်လည်း တောင်ကိုရီးယားက တောင်းဆိုထားသည့် အတိုင်း အခင်း ဖြစ်ရပ် အတွက် တောင်းပန်ရန် ကိစ္စ လိုအပ်ဖွယ် ရှိ/မရှိကို Crowley က ရှင်းလင်းအောင် ပြောကြားခဲ့ခြင်း မရှိပါ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2113} အမေရိကန်နှင့် တရုတ်တွင် ထုတ်လုပ်မှု တိုးတက်လာခြင်းသည် စိုးရိမ် ပူပန်မှုများကို လျော့ပါးစေ

Posted by Transparency Myanmar 2010

comments (0)

BBC News, 1^st September 2010

အမေရိကန် ပြည်ထောင်စုနှင့် တရုတ်နိုင်ငံတို့တွင် သြဂုတ်လ၌ ထုတ်လုပ်မှု တိုးတက် လာခြင်းကြောင့် ကမ္ဘာ့စတော့ ဈေးကွက်တွင် မြင့်တက်မှု ရှိစေရန် အထောက်အကူ ဖြစ်ခဲ့သည်။

Institute for Supply Management ၏ အဆိုအရ အမေရိကန် ပြည်ထောင်စု၏ ကဏ္ဍသည် သြဂုတ်လတွင် ၁၃ လမြောက် ဆက်တိုက် တိုးချဲ့လာနိုင်ခဲ့သည်ဟု သိရှိရသည်။

တရုတ်ပြည်၏ Purchasing Manger's index (PMI) ညွှန်းကိန်းက လေးလအတွင်း ပထမဦးဆုံး အမြတ်ရခြင်း ဖြစ်ကြောင်း ဖော်ထုတ်ခဲ့သည်။

တရုတ်၏ တိုးတက်မှုသည် အမေရိကန်၏ ကုန်ပစ္စည်း တင်ပို့မှုကို ပိုမို တိုးတက် ဝယ်ယူနိုင်မည်ဟု မျှော်လင့်ချက် တိုးလာနိုင်ပြီး၊ အမေရိကန် စီးပွားရေး နာလံထူမှုကို ထိန်းသိမ်း ထားနိုင်ရန် အထောက်အကူ ပြုသည်။

Institute က ပြောကြားရာတွင် အမေရိကန်တွင် ထုတ်လုပ်မှု ညွှန်းကိန်းများတွင် ဇူလိုင်လက ၅၅.၅ ရှိရာမှ သြဂုတ်လတွင် ၅၆.၃ ထိ တိုးတက်ခဲ့သည်ဟု ဖော်ပြထားသည်။ ညွှန်းကိန်း ၅၀ အထက်ကို တိုးတက်သည်ဟု မှတ်ယူနိုင်သည်။

အမေရိကန် စက်ရုံများတွင် နိုင်ငံခြားသို့ တင်ပို့မှု အတွက် အမှာစာများ တိုးတက် ရရှိနေပြီး၊ စီးပွားရေး လုပ်ငန်းများကလည်း အရင်းအနှီး ကိရိယာများ ပြန်လည် ပြုလုပ်ခြင်းနှင့် စတော့ ဈေးကွက် ပြန်လည် တည်ဆောက်ရေးများ ပြုလုပ်နေကြသည်။

တစ်ချိန်တည်းမှာပင် တရုတ် PMI လည်း ထုတ်လုပ်မှု တိုးတက်မှုအား တိုင်းတာရာတွင် ဇူလိုင်လတွင် ၅၁.၂ ရှိရာမှ သြဂုတ်လတွင် ၅၁.၇ ထိ တက်ခဲ့ကြောင်း ဆိုသည်။

HSBC မှလည်း သီးခြား တိုင်းထွာမှုများ ပြုလုပ်ခဲ့ရာ၊ သုံးလအတွင်း အမြင့်ဆုံး ရောက်ခဲ့ရာ ဇူလိုင်လတွင် ၄၉.၄ ရှိရာမှ သြဂုတ်လတွင် ၅၁.၉ ရှိခဲ့သည်။ ၅၀ အထက်ကို တိုးတက်သည်ဟု ပြော၍ ရသည်။

အမေရိကန်နှင့် တရုတ်တို့မှ ကိန်းဂဏန်းများသည် စတော့ ဈေးကွက်တွင် တိုးတက်မှု အတွက် အထောက်အကူ ဖြစ်ပြီး၊ Dow Jones မှ ၂.၅၄ % ဖြင့် ပိတ်ခဲ့ပြီး၊ လန်ဒန်၏ FTSE 100 သည် ပို၍ ကောင်းမွန်သော ၂.၇ % ဖြင့် ပိတ်ခဲ့သည်။

သို့သော် အပေါင်း လက္ခဏာ ဆောင်သော သတင်းများ ကြားတွင် စံတစ်ခု ဖြစ်သော Shanghai Composite Index သည် ကျဆင်းခဲ့သည်။

ဈေးကွက်တွင် ၁၅.၉၃ မှတ်၊ သို့မဟုတ် ၀.၆ % ကျဆင်းခဲ့ပြီး၊ ၂၆၂၂.၈၈ တွင် ပိတ်ခဲ့သည်။

ဝေဖန်သူများကမူ ထိုသို့ ကျဆင်းရခြင်းမှာ ရေရှည်တွင် တရုတ် စီးပွား တိုးတက်မှုနှုန်း နှေးကွေးမည်ကို ဆက်လက် စိုးရိမ်လျက် ရှိခြင်းကြောင့်ဟု ဆိုသည်။

{Yangon Chronicle 2010:2112} မြန်မာ ရွေးကောက်ပွဲသည် လက်ရှိ အာဏာရှင်ကိုသာ အမြစ်တွယ်စေမည်

Posted by Transparency Myanmar 2010

comments (0)

The Nation, 30^th August 2010

မြန်မာနိုင်ငံတွင် ရွေးကောက်ပွဲ နီးကပ်လာသည် နှင့်အမျှ စစ်အစိုးရသည် နိုဝင်ဘာ (၇) ရက်နေ့တွင် အမှားအယွင်း မရှိရလေအောင် တင်းကြပ်မှုများ ပိုမို ပြုလုပ်လျက် ရှိသည်။ ၎င်းမှာ အစိုးရ ခန့်အပ်ထားသော နိုင်ငံရေး သမားများ ပါဝင်သော ပါတီများ အသာ ရစေရန် ဖြစ်သည်။

ထိုသို့ ဖြစ်လာရေးအတွက် ဗိုလ်ချုပ်မှူးကြီး သန်းရွှေ၊ မောင်အေး၊ ရွှေမန်းနှင့် အတော် များများသည် တပ်မတော်မှ အငြိမ်းစား ယူခဲ့ကြသည်။ (ဗိုလ်ချုပ်မှူး သန်းရွှေနှင့် မောင်အေးတို့ ရာထူးမှ မထွက်သေးပါ- အယ်ဒီတာ) ၎င်းတို့ ယူနီဖောင်း ချွတ်လိုက်သော်လည်း မြန်မာနိုင်ငံအပေါ် လုံးဝ ချုပ်ကိုင်ထားနိုင်ဆဲ ဖြစ်သည်။ အင်္ကျီအရောင် ပြောင်းရုံဖြင့် အတွေး မမှားကြစေလိုပါ။

နေအိမ် အကျယ်ချုပ်ခံထားရသော ဒေါ်အောင်ဆန်းစုကြည်က ဆန္ဒမဲပေးမည့် သူများကို ရွေးကောက်ပွဲအား သပိတ်မှောက်ကြရန် တောင်းဆိုခဲ့သည်။ စစ်တပ် အာဏာ အမြစ်တွယ်ရေး လုပ်ငန်းစဉ်တွင် အသုံးချခံ မဖြစ်စေလိုဟု ဆိုသည်။

ရွေးကောက်ပွဲ ရှိသည် ဖြစ်စေ၊ မရှိသည် ဖြစ်စေ တပ်မတော်ကတော့ ဆက်လက်၍ အကြီးအကဲ နေရာကို ယူထားမည်သာ ဖြစ်သည်။ ရွေးကောက်ပွဲဖြင့် နေရာ (၂၂၀) ရှိသော အမျိုးသား လွှတ်တော်နှင့် နေရာ (၄၄၀) ရှိသော ပြည်ထောင်စု လွှတ်တော်တို့တွင် စစ်တပ်မှ တိုက်ရိုက် နေရာယူမည့် ၂၅ % သော နေရာ ပါဝင်သည်။ ယခု အငြိမ်းစား ယူကြသော ဗိုလ်ချုပ်များသည် စစ်တပ်၏ ၂၅ % နေရာနှင့် မဆိုင်ပေ။

စစ်တပ်မှ အမည်စာရင်း တင်သွင်းသော နိုင်ငံရေးသမား ၁၀၀၀ ကျော်သည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ လက်အောက်မှ နေရာ အများစုကို ယူကြမည် ဖြစ်သည်။

ဒီမိုကရေစီ ပါတီများမှ ကိုယ်စားလှယ်လောင်း (၅၀၀) ခန့်သည် အစိုးရ လူများနှင့် ယှဉ်ပြိုင် အရွေးခံကြမည် ဖြစ်သည်။ သို့သော် ၎င်းတို့သည် နိုဝင်ဘာ ရွေးကောက်ပွဲတွင် အပြည့်အဝ ပါဝင်ခွင့် မရအောင် နိုင်ငံရေးအရ အတားအဆီး ပေါင်းများစွာနှင့် ကြုံတွေ့နေရသည်။ ဥပမာအားဖြင့် ကိုယ်စားလှယ်လောင်း အဖြစ် မှတ်ပုံတင်ရန် အမေရိကန်ဒေါ်လာ ၅၀၀ (စကာင်္ပူဒေါ်လာ ၆၇၈) လိုအပ်ခြင်းမျိုး ဖြစ်သည်။ ဆင်းရဲ မွဲတေနေသော နိုင်ငံတွင် ထိုသို့သော မြင့်မားသော ငွေသွင်း ခိုင်းခြင်းမှာ ရယ်စရာ ကောင်းလှသည်။

အမှန်တကယ်ပင် ၂၀၀၈ ခုနှစ် နာဂစ် ဆိုင်ကလုံး တိုက်ခတ်စဉ်က ကယ်ဆယ်ရေး လုပ်ငန်းများ လုပ်နေသည့်ကြားမှ အစိုးရက အခြေခံ ဥပဒေကို အတည်ပြုခဲ့သည်ကို လူအများ စိတ်ထဲတွင် မနေ့တနေ့ကကဲ့သို့ ခံစားနေရတုန်းပင် ဖြစ်သည်။

ဆိုင်ကလုံး ဒဏ်ခံစားရသော ရွာများ အတွက် အနောက်နိုင်ငံများမှ အဓိကဖြစ်ပြီး၊ တရုတ်၊ ဂျပန်၊ ထိုင်းနှင့် စကာင်္ပူတို့သည် ဒေါ်လာသန်း (၆၀၀)ကျော် ပေးခဲ့ကြသည်။ အစိုးရသည် အဆိုပါ ပြင်ပ အလှူရှင်များထံမှ ငွေများထပ်ခါ တလဲလဲ တောင်းခဲ့သည်။

ယခုအခါ အစိုးရသည် နာဂစ် အစီအစဉ်အရ လူသာချင်း စာနာသော အကူအညီပေးရေး နိုင်ငံခြားသား တာဝန်ခံများ အပါဝင် နိုင်ငံခြား အစိတ်အပိုင်းများကို ဖယ်ရှားရေးအတွက် ကြိုးစားလျက်ရှိသည်။ အဘယ်ကြောင့်ဆိုသော် ၎င်းတို့သည် ရွေးကောက်ပွဲဖြစ်စဉ်တွင် မြင်သမျှ ပြန်ပြောမည်ကို အစိုးရက ကြောက်သောကြောင့် ဖြစ်သည်။

သတင်းစာဆရာများကို ဝင်ရောက်ခွင့် အရင်အတိုင်းပင် ပိတ်ထားသည်။ အစိုးရ၏ အဆိုအရ ၎င်းတို့သည် ရွေးကောက်ပွဲ အတွက် လုံလောက်သော အတွေ့အကြုံ ရှိသည် ဖြစ်၍ နိုင်ငံတကာ အကဲခတ် လေ့လာ သူများမလိုအပ်ဟု ဆိုသည်။ အာဆီယံမှ အကဲခတ် လေ့လာရေးအဖွဲ့ စေလွှတ်ရန် ကမ်းလှမ်းချက်ကိုပင် ပယ်ချခဲ့သည်။

အာဆီယံ အနေဖြင့် လွတ်လွတ်လပ်လပ် လုပ်ခွင့်ပေးပြီး ရွေးကောက်ပွဲ ရလဒ်အပေါ် ထောက်ခံမည်လော ဆိုသည်ကို သေချာစွာ စဉ်းစားရမည် ဖြစ်သည်။ နိုင်ငံတကာက အားလုံး ပါဝင်သော လွတ်လပ်၍ တရား မျှတသော ရွေးကောက်ပွဲ ဖြစ်ရန် တောင်းပန်ထားမှုအား ဂရုစိုက်လိမ့်မည် မဟုတ်ကြောင်း အစိုးရက ပြတ်သားသော လက္ခဏာများ ပြသခဲ့ပြီး ဖြစ်သည်။

အာဆီယံသည် မြန်မာနိုင်ငံကို ဝင်ခွင့်ပေးခဲ့ပြီးနောက် (၁၃) နှစ်လုံးလုံး ခံစားခဲ့ရပြီး ဖြစ်သည်။ ထိုအခြေအနေကို ကုစားသည့် အနေဖြင့် အာဆီယံသည် လာမည့် ရွေးကောက်ပွဲနှင့် ပတ်သက်၍ ခိုင်မာသော ရပ်တည်မှု လိုသည်။ အာဆီယံသည် စည်းမျဉ်းများကို အခြေခံသော အဖွဲ့အစည်း ဖြစ်ပြီး ဒီမိုကရေစီ တန်ဖိုးများနှင့် နိုင်ငံတကာ စံများကို လေးစားသော အဖွဲ့ကြီး ဖြစ်သည်။ ယခု ကိစ္စကိုမျှ ဖြစ်အောင် မလုပ်နိုင်ပါက အဖွဲ့ကြီး၏ နိုင်ငံတကာတွင် ပလေယာ တစ်ခု ဖြစ်ရေး ရည်မှန်းချက်မှာ ပြောင်းလဲသွားနိုင်သည်။

{Yangon Chronicle 2010:2111} ဆိုင်ကလုံးဒဏ်ခံ ဒေသများ၌ ကယ်ဆယ်ရေး လုပ်ငန်း အကဲဖြတ်ခြင်း ခွင့်ပြုရန် မြန်မာကို အိမ်နီးချင်းများ တောင်းဆို

Posted by Transparency Myanmar 2010

comments (0)

By Ron Corben, Bangkok, 30^th August 2010

မြန်မာနိုင်ငံ အနေဖြင့် နာဂစ်စ် ဆိုင်ကလုံးဒဏ်မှ ပြန်လည် ထူထောင်နေရဆဲ ဒေသများသို့ နိုင်ငံတကာ အလှူရှင်များ သွားရောက် ခွင့်ပြုရေး ကိစ္စတွင် စမ်းသပ်မှုနှင့် ရင်ဆိုင်ရမည်ဟု အာဆီယံ ထိပ်တန်း တာဝန်ရှိသူ တစ်ဦးက သတိပေး ပြောကြားခဲ့သည်။ နာဂစ်စ် အပြီး ကူညီမှု လုပ်ငန်းများကို အကဲဖြတ်သည့် ကုလသမဂ္ဂ အစည်းအဝေးတွင် အထက်ပါ သတိပေးမှု ပေါ်ထွက်လာခြင်း ဖြစ်သည်။

၂၀၀၈ မေလ၌ ဧရာဝတီ မြစ်ဝကျွန်းပေါ် ဒေသကို နာဂစ်စ် ဆိုင်ကလုံး ဖြတ်သန်း ဝင်ရောက်ခဲ့ရာ လူပေါင်း ၁၄၀,၀၀၀ ခန့် သေဆုံးကာ လူ ၂ သန်းကျော် အိုးမဲ့အိမ်မဲ့ ဖြစ်ခဲ့ရသည်။

အဆောက်အဦးများ ပျက်စီးခြင်း၊ စပါးခင်းများ ပျက်စီးခြင်း မွေးမြူထားသော တိရစ္ဆာန်များ ထောင်ပေါင်း များစွာ ဆုံးရှုံးရခြင်း တို့ကြောင့် ပျက်စီးမှု တန်ဖိုးမှာ ဒေါ်လာ ၄ ဘီလျံ နီးပါး ရှိမည်ဟု ခန့်မှန်းကြသည်။

ဆိုင်ကလုံး တိုက်ခတ်မှု အပြီးတွင် ပျက်စီး ဆုံးရှုံးမှု ကြီးမားသော ဒေသများသို့ နိုင်ငံတကာ ကယ်ဆယ် စောင့်ရှောက်ရေး အသိုင်းအဝိုင်းကို ဝင်ခွင့် မပေးခဲ့သည့်အတွက် မြန်မာ အစိုးရမှာ နိုင်ငံတကာ၏ ဝိုင်းဝန်း ပြစ်တင်မှုကို ရင်ဆိုင်ခဲ့ရသည်။

နောက်ဆုံးတွင်မူ အာဆီယံ အဖွဲ့နှင့် ကုလသမဂ္ဂ အဖွဲ့တို့ ပါဝင်သော သုံးပွင့်ဆိုင် ဗဟို အဖွဲ့ မှတဆင့် ကယ်ဆယ်ရေး အစီအစဉ်များကို ခွင့်ပြုရန် မြန်မာ အစိုးရက သဘောတူခဲ့သည်။

ကုလ-အာဆီယံ လုပ်ဖော်ကိုင်ဖက် ဆက်ဆံရေး

အာဆီယံ အထွေထွေ အတွင်းရေးမှူးချုပ် ဆူရင်ပစ်ဆူဝမ်က "လာမည့် အနာဂတ်တွင် အာဆီယံနှင့် ကုလသမဂ္ဂ အတူတကွ လက်တွဲကာ ဒေသတွင်း သဘာဝ ဘေးအန္တရာယ်များကို လျှင်မြန်စွာ တုန့်ပြန် ဆောင်ရွက်သွားကြရမည်'' ဟု တနင်္လာနေ့တွင် ပြောကြားသည်။

"အာဆီယံ မြေပေါ်မှာ သဘာဝ ဘေးအန္တရာယ်တွေ နောက်တစ်ခါ ကျရောက်လာခဲ့မယ် ဆိုရင် လိုအပ်ချက်တွေ ပျက်စီးမှုတွေ ဘေးဒဏ်ခံ ပြည်သူတွေရဲ့ ဒုက္ခတွေ လျော့ပါးအောင် ကူညီရာမှာ လိုအပ်မယ့် မဖြစ်မနေ လုပ်ငန်း ဆောင်တာတွေကို ချက်ချင်း အကဲဖြတ်နိုင်ဖို့အတွက် အတူတကွ သွားရောက်ကြဖို့ သဘော တူညီမှု ရရှိခဲ့ပါတယ်" ဟု ဆူရင်က ပြောကြားခဲ့သည်။

နာဂစ်စ် ကယ်ဆယ် ကူညီမှု လုပ်ငန်း အကဲဖြတ်သည့် အစည်းအဝေးတွင် ဆူရင်က အထက်ပါ အတိုင်း ပြောကြားခဲ့ခြင်း ဖြစ်သည်။

မြန်မာနိုင်ငံတွင် နိုဝင်ဘာလ၌ ရွေးကောက်ပွဲများ ကျင်းပရန် ပြင်ဆင် နေသည့်အတွက် ယခု အစည်းအဝေးကို ပြုလုပ်ခဲ့ခြင်း ဖြစ်သည်။ လွှတ်တော် အသစ်တွင် အမတ် နေရာ လေးပုံတစ်ပုံကို တပ်မတော်က ရယူထားသည့် အတွက် လာမည့် ရွေးကောက်ပွဲမှာ စစ်အုပ်ချုပ်ကို သက်တမ်းတိုးမည့် လှည့်စားမှု တစ်ခုသာ ဖြစ်သည်ဟု လူ့အခွင့်အရေး အုပ်စုများက ပြောကြားလျက် ရှိသည်။

မြန်မာ စစ်ဖက် အစိုးရသည် ပင်လယ် ရပ်ခြားမှ ရရှိမည့် ကယ်ဆယ်ရေး အထောက်အပံ့များနှင့် ရန်ပုံငွေ မြောက်များစွာကို ရွေးကောက်ပွဲ မတိုင်မီ တောင်းခံခဲ့သည်ဟု ထိုင်းသတင်းစာ တစ်စောင်က ဖော်ပြခဲ့သည်။

အရေးကြီးသည့် စမ်းသပ်မှုနှင့် ရင်ဆိုင်ရမည်

မြန်မာနိုင်ငံ အနေဖြင့် ရွေးကောက်ပွဲ အပြီးတွင် အရေးကြီးသည့် စမ်းသပ်မှုနှင့် ရင်ဆိုင်ရမည်ဟု ဆူရင်က ပြောဆိုသည်။ အစိုးရ အနေဖြင့် အလှူရှင်များနှင့် ပူးပေါင်း ဆောင်ရွက်မည် ဖြစ်ကြောင်း နိုင်ငံတကာကို ယုံကြည်အောင် စည်းရုံးရလိမ့်မည်ဟု ဆိုစည်။

"ဒီစမ်းသပ်မှုမှာ မြန်မာနိုင်ငံ ကျရှုံးသွားပြီ ဆိုရင်တော့ ရွေးကောက်ပွဲအပြီး မြန်မာနိုင်ငံနှင့် ပူးပေါင်း ဆောင်ရွက်ဖို့ နိုင်ငံတကာ အသိုင်းအဝိုင်းမှာ လူရာသွင်းဖို့ တစ်ကမ္ဘာလုံးက လိုလားတော့မှာ မဟုတ်ဘူး ဆိုတာကတော့ အသေအချာပါပဲ။ ဒါကြောင့် ဒီကိစ္စဟာ သေရေးရှင်ရေး တမျှ အရေးပါတဲ့ ကိစ္စပါ။ အလွန်အမင်း အရေးကြီးပါတယ်" ဟု ၎င်းက ဆက်လက် ပြောကြားသည်။

အာရှ ပစိဖိတ် ဆိုင်ရာ ကုလသမဂ္ဂ စီးပွားရေးနှင့် လူမှုရေး ကော်မရှင် အမှုဆောင် အတွင်းရေးမှူး နိုလင်းဟေဇာက အစည်းအဝေးတွင် ပြောကြားရာ၌ နာဂစ်စ်အပြီး ယခုထက် စောစီး လျှင်မြန်စွာ တုန့်ပြန် ဆောင်ရွက်နိုင်ခဲ့မည် ဆိုပါက လူ့အသက်များ ပိုမို ကယ်ဆယ်နိုင်မည် ဖြစ်ကာ ထိခိုက်မှုကို လျှော့ချနိုင်လိမ့်မည်ဟု ဆိုခဲ့သည်။

သဘာဝ ဘေးအန္တရာယ် ကိစ္စများတွင် ဒေသတွင်း အစိုးရများနှင့် ကယ်ဆယ်ရေး အေဂျင်စီများ အတူတကွ လုပ်ဆောင်ကြရမည် ဟုလည်း သူမက ဆိုသည်။

"ယုံကြည်မှု တည်ဆောက်တဲ့ နေရာမှာ ခေါင်းဆောင်မှုကိစ္စနဲ့ ပြည်တွင်း အုပ်ချုပ်ရေး ကိစ္စတွေက အရေးကြီးပါတယ်" ဟု ဟေဇာက ပြောကြားသည်။ နာဂစ်စ် ကယ်ဆယ် ထောက်ပံ့ရေး အစီအစဉ်များကို ၃ ပွင့်ဆိုင် အဖွဲ့မှတဆင့် ဆောင်ရွက်ရာ၌ ယုံကြည်မှုကို တည်ဆောက်နိုင်ခဲ့သည်။ လုပ်ဖော် ကိုင်ဖက် ဆက်ဆံရေး ကိစ္စများနှင့် တာဝန်ယူမှု ကိစ္စများသည် လုပ်ဖော်ကိုင်ဖက် ဆက်ဆံရေးမှာ အလွန် အရေးကြီးသည်ဟု သူမက ပြောကြားသည်။

နာဂစ်စ် ပြီးလျှင် ပြီးချင်း မြန်မာနိုင်ငံအား ကူညီရန် လုံလောက်သော အလှူငွေများ လက်ခံ ရရှိခဲ့သည်ဟု ကုလသမဂ္ဂ တာဝန်ရှိသူက ပြောကြားခဲ့သော်လည်း ရေရှည် ပြန်လည် ထူထောင်ရေးနှင့် ဖွံ့ဖြိုးရေး အတွက် ရန်ပုံငွေ ရရှိရေးမှာမူ ပိုမို ခက်ခဲသည့် စိန်ခေါ်မှု တစ်ခုအဖြစ် တွေ့ရှိခဲ့ရသည်ဟု ဆက်လက် ပြောကြားခဲ့သည်။

{Yangon Chronicle 2010:2110} ပင်လယ်ဝါ အတွင်း တရုတ်ရေတပ် စစ်ရေး လေ့ကျင့်မှု စတင်

Posted by Transparency Myanmar 2010

comments (0)

အမေရိကန် ပြည်ထောင်စုနှင့် တောင်ကိုရီးယားတို့ ပင်လယ်ဝါအတွင်း ပူးတွဲ စစ်ရေး လေ့ကျင့်မှု မပြုလုပ်မီ တစ်ရက်အလိုမှာပင် တရုတ်ရေတပ်ကလည်း အဆိုပါနေရာ၌ စစ်ရေး လေ့ကျင့်မှု ပြုလုပ်ခဲ့ကြောင်း သိရသည်။ တရုတ်ရေတပ်က အမြောက်ကြီးများ ပစ်ခတ်မှုများ ပြုလုပ်ခဲ့ခြင်း ဖြစ်ကြောင်း၊ အမြောက်ကြီး ပစ်ခတ်မှုများ အဓိက ပါဝင်သော နှစ်စဉ် ပုံမှန် စစ်ရေး လေ့ကျင့်မှု တစ်ခု ဖြစ်ကြောင်း တရုတ် နိုင်ငံပိုင် မီဒီယာက ရေးသား ဖော်ပြသည်။

စက်တင်ဘာ ၅ ရက်နေ့တွင် စတင်မည့် အမေရိကန် - တောင်ကိုရီးယား ပူးတွဲ စစ်ရေး လေ့ကျင့်မှုကို တရုတ် နိုင်ငံက ပြင်းပြင်းထန်ထန် ဆန့်ကျင် ကန့်ကွက်ထားသည်။ ချိုနန် စစ်သင်္ဘော နစ်မြုပ်မှု ဖြစ်ပွားပြီးနောက် မြောက်ကိုရီးယား အပေါ် စစ်အင်အား ပြရန် အလို့ငှာ အဆိုပါ စစ်ရေး လေ့ကျင့်မှုကြီး ပြုလုပ်ခဲ့ခြင်း ဖြစ်သည်။ ချိုနန် စစ်င်္ဘော နစ်မြုပ်မှုမှာ မတ်လ ၂၆ ရက်နေ့တွင် ဖြစ်ပွားခဲ့ပြီး လူပေါင်း ၄၆ ဦး သေဆုံးခဲ့ရသည်။

နိုင်ငံတကာ စုံစမ်း စစ်ဆေးရေး အဖွဲ့က ယင်းဖြစ်ရပ်သည် မြောက်ကိုရီးယား တော်ပီတို ဒုံးကျည် တိုက်ခိုက် ခံရခြင်းကြောင့် ဖြစ်သည်ဟု ဆိုသော်လည်း ပြုံယမ်း အစိုးရက မဟုတ် မမှန်ကြောင်း ငြင်းပယ်ခဲ့သည်။

ယခု တရုတ် နိုင်ငံရေတပ်က ပြုလုပ်သော စစ်ရေး လေ့ကျင့်မှုမှာ တရုတ်ပြည် အရှေ့ပိုင်း Qingdao မြို့အနီးတွင် ပြုလုပ်ခဲ့ခြင်း ဖြစ်သည်ဟု Xinhua သတင်းဌာနက ဆိုသည်။ တရုတ်သည် ပြီးခဲ့သည့် သြဂုတ်လ အတွင်းကလည်း အရှေ့ဘက် ကမ်းခြေ ဒေသတွင် အမေရိကန်-ကိုရီးယား စစ်ရေး လေ့ကျင့်မှုများကို တုံ့ပြန်သည့် အနေဖြင့် လေကြောင်း စစ်ရေး လေ့ကျင့်မှုများ ပြုလုပ်ခဲ့သည်။

အမေရိကန် ပြည်ထောင်စုနှင့် တောင်ကိုရီးယား အစိုးရတို့က ချိုနန် စစ်သင်္ဘော နစ်မြုပ်မှု ဖြစ်ရပ်အပေါ် တုံ့ပြန်သည့် အနေဖြင့် ပင်လယ်ဝါ ဒေသအနီးတွင် စစ်ရေး ပူးတွဲ လေ့ကျင့်မှုများ စီးရီး အလိုက် ပြုလုပ်ခဲ့သည်။ နောက်ဆုံး ပြုလုပ်မည့် စစ်ရေး လေ့ကျင့်မှုမှာ စက်တင်ဘာလ ၉ ရက်နေ့တွင် စတင်မည် ဖြစ်ပြီး မြောက်ကိုရီးယား ရေငုပ်သင်္ဘော တိုက်ဖျက်ရေး၊ ကင်းထောက် ရှာဖွေရေး အစရှိသော လေ့ကျင့်မှုများ ပါဝင်မည် ဖြစ်ကြောင်း အမည် မဖော်လိုသော စစ်ဘက် အရာရှိကြီး တစ်ဦးက တောင်ကိုရီးယား Yonhap သတင်းဌာနသို့ ပြောကြားသည်။

အမေရိကန်နှင့် တောင်ကိုရီးယားတို့ ပူးတွဲ ပြုလုပ်သော အဆိုပါ စစ်ရေး လေ့ကျင့်မှုများသည် ဒေသတွင်း တည်ငြိမ် အေးချမ်းမှုကို ထိခိုက်စေသောကြောင့် ပြင်းပြင်းထန်ထန် ဆန့်ကျင် ကန့်ကွက်ကြောင်း တရုတ်နိုင်ငံက သဘောထား ထုတ်ပြန်ထားသည်။ ထို့ပြင် ယင်းစစ်ရေး လေ့ကျင့်မှုများသည် တရုတ်နှင့် ဒေသတွင်း နိုင်ငံအချို့ နယ်မြေ ပိုင်ဆိုင်မှု ပြဿနာကြောင့် တင်းမာမှုများ ဖြစ်ပေါ်နေချိန်တွင် ထွက်ပေါ်လာခြင်း ဖြစ်သောကြောင့် တရုတ်နိုင်ငံက လွန်စွာ စိုးရိမ်မကင်း ဖြစ်လျက် ရှိသည်။

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က တရုတ်နှင့် အချို့သော အရှေ့တောင် အာရှ နိုင်ငံများ တောင်တရုတ် ပင်လယ် အတွင်း ဖြစ်ပေါ်နေသော နယ်မြေ ပိုင်ဆိုင်မှု ဆိုင်ရာ အငြင်းပွားမှုများသည် အမေရိကန် ပြည်ထောင်စု၏ အမျိုးသား အကျိုးစီးပွား တစ်ရပ် ဖြစ်ကြောင်း ဇူလိုင်လ အတွင်း ထုတ်ဖော် ပြောဆိုခဲ့ရာ တရုတ် အစိုးရက လွန်စွာ အမျက် ထွက်ခဲ့သည်။

BBC သတင်းကို ဘာသာ ပြန်ဆိုသည်။

Transparency Myanmar

transparency.myanmar@gmail.com

Welcome

Blog Archive

Labels

{Yangon Chronicle 2010:2114} မြောက်ကိုရီးယားနှင့် နျူကလီယာ ဆွေးနွေးပွဲများ ပြန်လည် စတင်ရန် အမေရိကန် မှတ်ချက် မပေးသေး

{Yangon Chronicle 2010:2113} အမေရိကန်နှင့် တရုတ်တွင် ထုတ်လုပ်မှု တိုးတက်လာခြင်းသည် စိုးရိမ် ပူပန်မှုများကို လျော့ပါးစေ

{Yangon Chronicle 2010:2112} မြန်မာ ရွေးကောက်ပွဲသည် လက်ရှိ အာဏာရှင်ကိုသာ အမြစ်တွယ်စေမည်

{Yangon Chronicle 2010:2110} ပင်လယ်ဝါ အတွင်း တရုတ်ရေတပ် စစ်ရေး လေ့ကျင့်မှု စတင်

Transparency Myanmar

transparency.myanmar@gmail.com

Subscribe To

Welcome

Blog Archive

Labels

{Yangon Chronicle 2010:2114} မြောက်ကိုရီးယားနှင့် နျူကလီယာ ဆွေးနွေးပွဲများ ပြန်လည် စတင်ရန် အမေရိကန် မှတ်ချက် မပေးသေး

{Yangon Chronicle 2010:2113} အမေရိကန်နှင့် တရုတ်တွင် ထုတ်လုပ်မှု တိုးတက်လာခြင်းသည် စိုးရိမ် ပူပန်မှုများကို လျော့ပါးစေ

{Yangon Chronicle 2010:2112} မြန်မာ ရွေးကောက်ပွဲသည် လက်ရှိ အာဏာရှင်ကိုသာ အမြစ်တွယ်စေမည်

{Yangon Chronicle 2010:2110} ပင်လယ်ဝါ အတွင်း တရုတ်ရေတပ် စစ်ရေး လေ့ကျင့်မှု စတင်