Posts
Associated Press, 14th June 2010
တောင်ကိုရီးယား သမ္မတ လီမြောင်ဘက်က စစ်သင်္ဘော တိုက်ခိုက်ခံရမှု (သို့) ထပ်မံ အတိုက်ခံရမည့် အန္တရာယ်နှင့် ပတ်သက်၍ မြောက်ကိုရီးယားကို တင်းမာစွာ တုန့်ပြန်ရန်နှင့် စစ်ရေးအရ အပြည့်အဝ အသင့်ဖြစ်နေရန် တနင်္လာနေ့က တောင်းဆိုခဲ့ပြီး ၎င်း၏ ထိပ်တန်း စစ်ဖက် အကြီးအကဲမှာလည်း ချိုနန် ဖြစ်ရပ်ကြောင့် ရာထူးမှ နုတ်ထွက်သွားခဲ့သည်။
ရေတပ်သား ၄၆ ဦး သေဆုံးခဲ့သော မတ်လက ချိုနန် သင်္ဘော နစ်မြုပ်မှုသည် ပြုံးယမ်း၏ တိုပီဒို ပစ်ခတ်မှုကြောင့် ဖြစ်ကြောင်း အပြစ်တင်ခဲ့ပြီးနောက် တောင်ကိုရီးယားသည် ဝါဒဖြန့် စစ်ဆင်ရေး ပြန်လည် စတင်မှု အပါအဝင် မြောက်ကိုရီးယား အပေါ် ထိရောက်သော အရေးယူ ဒဏ်ခတ်မှုများ ပြုလုပ်ခဲ့သည်။
မြောက်ကိုရီးယားက ၎င်းအပေါ် စွပ်စွဲမှုကို လုံးဝ ငြင်းဆိုခဲ့ပြီး ဆိုးလ်၏ တုန့်ပြန် စော်ကားမှုများသည် စစ်ပွဲ ဖြစ်ပွားရန် အစပျိုးသလို ဖြစ်လိမ့်မည်ဟု သတိပေးခဲ့သည်။ နယ်စပ်တွင် အသံချဲ့ စပီကာများဖြင့် တောင်ကိုရီးယား ဝါဒဖြန့်ချီရေး ပြုလုပ်နေမှုကို မီးကုန်ယမ်းကုန် တိုက်ခိုက်မှု ပြုလုပ်သွားမည်ဟု မြောက်ကိုရီးယား စစ်ဖက်က စနေနေ့တွင် ပြောကြားလိုက်ပြီး ဆိုးလ်ကိုပင် မီးလောင် တိုက်သွင်းနိုင်သည်ဟု ခြောက်လှန့်လိုက်သည်။
မြောက်ကိုရီးယားသည် ယခင်ကလည်း အလားတူ ခြိမ်းခြောက်မှုများ ပြုလုပ်ခဲ့ဘူးသည်။ တောင်ကိုရီးယားသည် ၆ နှစ်ခန့် ရပ်နားထားသော အသံချဲ့ စပီကာများကို ပြန်လည် တပ်ဆင်ခဲ့သော်လည်း ဝါဒဖြန့် အစီအစဉ်များ လွှင့်ထုတ်မှုကို မပြုလုပ်သေးပါ။
ချိုနန် ကိစ္စ အပေါ် ပြင်းထန်စွာ တုန့်ပြန်ရန် တောင်ကိုရီးယား သမ္မတ လီမြောင်ဘက်က တနင်္လာနေ့တွင် အသစ် ထပ်မံ တောင်းဆိုလိုက်သည်။
"တကယ်လို့ နိုင်ငံတကာ အသိုင်းအဝိုင်းနဲ့ ပူးပေါင်း ဆောင်ရွက်ဖို့ ပျက်ကွက်တဲ့ မြောက်ကိုရီးယားကို ထိထိရောက်ရောက် တုန့်ပြန်ဖို့နဲ့၊ စစ်ရေးအရ လုံးဝ အသင့်ရှိနေအောင် တည်ဆောက်ဖို့ကို မလုပ်နိုင်ဘူးဆိုရင် ချိုနန်ဖြစ်ရပ်လိုမျိုး ဒုတိယ အကြိမ်၊ တတိယအကြိမ် စော်ကားရန်စမှုတွေ အချိန်မရွေး ဖြစ်လာနိုင်တယ်" ဟု 'လီ' က တစ်နိုင်ငံလုံးသို့ ရုပ်သံမိန့်ခွန်းမှ ပြောကြားခဲ့သည်။
ထို့အပြင် 'လီ' က တောင်ကိုရီးယား စစ်တပ် ခိုင်မာ တောင့်တင်းအောင် ပြင်ဆင် ပြောင်းလဲမည် ဟု ပြောကြားခဲ့ပြီး သင်္ဘော နစ်မြုပ်မှု အတွက် တာဝန်ရှိသော အရာရှိ အချို့ကို အရေးယူ ထိန်းသိမ်းခဲ့သည်။
နိုင်ငံ၏ ထိပ်တန်း စစ်ဖက် အကြီးအကဲ ဖြစ်သော ပူးတွဲ စစ်ဦးစီးချုပ်များ ကော်မတီ ဥက္ကဌ၏ နုတ်ထွက်မှုကို လက်ခံခဲ့သည်ဟု ကာကွယ်ရေးဌာနက တနင်္လာနေ့တွင် ကြေညာသည်။ သင်္ဘော နစ်မြုပ်မှု မတိုင်မီ သတိပေးမှုများကို ဂရုမစိုက်ဘဲ ပေ့ါဆခဲ့သည်ဟု စွပ်စွဲချက်များ ထွက်ပေါ်လာခြင်းကြောင့် ဗိုလ်ချုပ်ကြီး လီစမ်အူးက နုတ်ထွက်လွှာ တင်သွင်းခဲ့ခြင်း ဖြစ်သည်။ သွေးစွန်းသော ပင်လယ်ပြင် တိုက်ပွဲ ၃ ကြိမ် ဖြစ်ပွားခဲ့ဖူးသည့် နှစ်နိုင်ငံ အကြား အငြင်းပွား ပင်လယ်ပြင် နယ်နမိတ်တွင် ချိုနန် သင်္ဘော တိုက်ခိုက်ခံရမှု ဖြစ်ပွားခဲ့သည်။
အထက်ပါ ရာထူးကို အစားထိုးရန် ကြည်းတပ် ဦးစီးချုပ် ဗိုလ်ချုပ်ကြီး ဟန်မင်းဂူကို အမည် တင်သွင်းထားသည်ဟု ဝန်ကြီးဌာနက ပြောကြားသည်။ ယခု ရာထူးခန့်အပ်မှု အတွက် သမ္မတ လီမြောင်ဘက် အစိုးရ အဖွဲ့၏ တရားဝင် အတည်ပြုမှု လိုအပ်သည်ဟု သိရှိရသည်။
မတ်လ ၂၆ ရက် နစ်မြုပ်မှု မတိုင်မီ စစ်ရေး အသင့်ရှိနေမှု ပျက်ကွက်ခဲ့သည့် အတွက် ပူးတွဲ စစ်ဦးချုပ် လီနှင့် အခြား ကာကွယ်ရေး အရာရှိကြီး ၂၄ ဦးကို အရေးယူရန် တောင်ကိုရီးယား ထိပ်တန်း စုံစမ်းရေးဌာနက ကြာသပတေးနေ့တွင် ပြောကြားခဲ့သည်။
အဆိုပါ အငြင်းပွား ပင်လယ်ပြင်တွင် နိုဝင်ဘာလက ဖြစ်ပွားခဲ့သော ပစ်ခတ်မှု၏ နောက်ဆက်တွဲအဖြစ် မြောက်ကိုရီးယား ရေငုပ်သင်္ဘော တစ်စင်းက တောင်ကိုရီးယား စစ်သင်္ဘောကို တိတ်တဆိတ် တိုက်ခိုက်နိုင်သည် ဟူသော အချက်ကို တောင်ကိုရီးယား စစ်ဖက်က မျှော်လင့်ထားခဲ့သည်ဟု စုံစမ်း စစ်ဆေးရေး အဖွဲ့က ပြောကြားသည်။ တိုက်ခိုက်မှုကို ကာကွယ် တားဆီးရန်လည်း ပျက်ကွက်ခဲ့သည်ဟု ဆိုသည်။
၁၉၅၀ - ၅၃ ကိုရီးယား စစ်ပွဲမှာ ငြိမ်းချမ်းရေး စာချုပ် မချုပ်ဆိုဘဲ အပစ်အခတ် ရပ်စဲရေးဖြင့် ပြီးဆုံးခဲ့ခြင်း ဖြစ်သောကြောင့် ကိုရီးယား နှစ်နိုင်ငံမှာ ယခုထိ စစ်ဖြစ်နိုင်ချေ ရှိနေဆဲပင် ဖြစ်သည်။
မြောက်ကိုရီးယားကို အရေးယူရန် တောင်ကိုရီးယား၏ တောင်းဆိုမှုကို ကုလ လုံခြုံရေးကောင်စီက စဉ်းစား သုံးသပ်ရန် ဆုံးဖြတ်ခဲ့ပြီ ဆိုးလ် တာဝန်ရှိ ပုဂ္ဂိုလ်များကလည်း စုံစမ်း စစ်ဆေးရေး ရလဒ်များကို တနင်္လာနေ့တွင် လုံခြုံရေးကောင်စီ အဖွဲ့ဝင်များထံ အသေးစိတ် ရှင်းလင်း တင်ပြရန် စီစဉ်ထားသည်။ တောင်ကိုရီးယား တင်ပြအပြီးတွင် မြောက်ကိုရီးယားကလည်း သင်္ဘော နစ်မြှုပ်မှုနှင့် စပ်လျဉ်းသည့် ၎င်း၏ အနေအထားကို ရှင်းလင်းရန် စီစဉ်ထားသည်ဟု ဆိုးလ်မှ နိုင်ငံခြားရေး ဝန်ကြီးဌာန အဆိုအရ သိရှိရသည်။
စနေနေ့က သွင်းယူပြီး တနင်္ဂနွေနေ့တွင် ထုတ်လွှင့်ခဲ့သည့် Fox News Sunday အင်တာဗျူး အစီအစဉ်တွင် ကုလသမဂ္ဂဆိုင်ရာ အမေရိကန် သံအမတ်ကြီး Susan Rice က "ဒါဟာ လက်ခံနိုင်ဖွယ် မရှိတဲ့ ကျူးကျော် ရန်စမှု ဖြစ်လို့ ပြစ်တင် ရှုတ်ချပါတယ်။ ပြီးတော့ အရေးယူ ဒဏ်ခတ်ဖို့ လိုအပ်ပါတယ်" ဟု ပြောကြားခဲ့သည်။ "ဒီဖြစ်ရပ်မှာ အသက် ဆုံးရှုံးခဲ့ရတဲ့ ရေတပ်သားတွေရဲ့ မိသားစုတွေနဲ့ ထပ်တူထပ်မျှ ကျွန်မတို့ ခံစားရပါတယ်" ဟုလည်း သူမက ပြောကြားလိုက်သည်။
တနင်္လာနေ့ ညနေပိုင်းက ပြုလုပ်သော ဆိုးလ် ဖိုရမ်တွင် ယခင် သမ္မတဟောင်း ကင်ယောင်းဆမ်က "သင်္ဘော နစ်မြှုပ်မှု အတွက် ကုလသမဂ္ဂက မြောက်ကိုရီးယားကို အရေးယူရမည် ဖြစ်ကြောင်းနှင့် အာဏာရှင် ပြုံးယမ်း အစိုးရသည် တောင်ကိုရီးယားကို ဆိုးဆိုးဝါးဝါး ခြိမ်းခြောက်နေသည်" ဟုပြောကြားခဲ့သည်။ ၁၉၉၀ ခုနှစ်များ အလယ်ခန့်က ပထမဆုံး မြောက်ကိုရီးယား နျူကလီယာ ပြဿနာကို ကိုင်တွယ် ဖြေရှင်းခဲ့ရသည့် ကွန်ဆာဗေးတစ် သမ္မတ ကင်ယောင်ဆမ်က "လူ့အခွင့်အရေး ကိစ္စများ အပါအဝင် မြောက်ကိုရီးယားရေးရာ ပြဿနာများတွင် ကုလသမဂ္ဂ အနေဖြင့် ပိုမို တက်ကြွစွာ ပါဝင်ရမည်" ဟု ပြောကြားလိုက်သည်။
ယခုလ အစောပိုင်းက ပြည်တွင်း ရွေးကောက်ပွဲများတွင် လက်ရှိ အာဏာရပါတီ မမျှော်လင့်ဘဲ အရေးနိမ့်ခဲ့ခြင်း အပါအဝင် အစိုးရအဖွဲ့ တစိတ်တပိုင်းကို ဆိုးလ်မြို့ အပြင်ဘက်သို့ ပြောင်းရွှေ့ အခြေစိုက်မည့် စီမံကိန်းကို ဖျက်သိမ်းလိုသည့် သမ္မတလီ၏ အငြင်းပွားဖွယ် အစီအစဉ်များ အပါအဝင် အဓိက ပြည်တွင်းရေး ကိစ္စများကို ဖြေရှင်းရန် ရည်ရွယ်ချက်ဖြင့် သမ္မတလီ၏ မိန့်ခွန်း ထွက်ပေါ်လာခြင်း ဖြစ်ပုံရသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.