Posts
 | yangonchronicle 2011 |
၃.၁၀.၂၀၁၁
ပြည်တွင်းသတင်းများ
- လူတစ်ဦး တစ်ရက်လျှင် နိုင်ငံခြားငွေ ၂၀၀၀ ထိသာ လက်ခံဝယ်ယူမည်
- ကုလားတန် ဘက်စုံစီမံကိန်း ၂၀၁၃ ခုနှစ်တွင် ပြီးစီးမည်ဟု ခန့်မှန်း
- မြန်မာ့ပေါင်းဆန် ရုရှားနိုင်ငံမှ အများဆုံး မှာယူ
- ဈေးကွက်နှင့်လိုက်လျောညီထွေရှိသည့် နိုင်ငံခြားငွေလဲနှုန်းတရားဝင်သတ်မှတ်မည်
***************************************************************************************
နိုင်ငံရေးသတင်းများ
- မြစ်ဆုံဆည် စီမံကိန်းဆုံးဖြတ်ချက် ပြန်လည်ညှိနှိုင်းဆွေးနွေးရန် တရုတ်ပြော
************************************************************************
ပြည်တွင်းဂျာနယ်များမှ ကောက်နှုတ်ချက်များ
ဆောင်းပါးကဏ္ဍ
- မင်္ဂလာသဝဏ်လွှာနှင့် ဆင်ခြင်ယူစရာ
************************************************************************
ပြည်တွင်းသတင်းများ
လူတစ်ဦး တစ်ရက်လျှင် နိုင်ငံခြားငွေ ၂၀၀၀ ထိသာ လက်ခံဝယ်ယူမည်
အောက်တိုဘာလ ၁ ရက်နေ့တွင် စတင်ဖွင့်လှစ်ခဲ့သော ရန်ကုန်မြို့ သိမ်ဖြူလမ်းရှိ နိုင်ငံခြားငွေ လဲလှယ်ရောင်းဝယ်ရေး စင်တာတွင် လူတစ်ဦး တစ်ရက်လျှင် နိုင်ငံခြားငွေ ၂၀၀၀ ထိသာ လက်ခံ ဝယ်ယူပေးမည်ဖြစ်ကြောင်း နိုင်ငံခြားငွေလဲလှယ်ရောင်းဝယ်ခွင့်ရ ဘဏ်အရောင်းကောင်တာများရှိ တာဝန်ရှိသူများက ပြောဆိုကြောင်း သိရှိရသည်။
“စဖွင့်ဖွင့်ခြင်း ဝယ်ရောင်းပါ လုပ်ကိုင်ဖို့ အစီအစဉ်ရှိပါတယ်။ အခုအချိန် ကောင်တာက အဝယ်ပဲ ဝန်ဆောင်မှုပေးတယ်၊ ကောင်တာက နိုင်ငံခြားငွေ ပြန်ရောင်းတာတော့ မလုပ်သေးဘူး။ တစ်ဦးကို နိုင်ငံခြားငွေ ၂၀၀၀ အထိ လက်ခံဝယ်ယူမယ်” ဟု တာဝန်ရှိသူတစ်ဦးက ပြောကြားခဲ့သည်။
သတ်မှတ်ထားသော စည်းကမ်းများနှင့်ပတ်သက်၍ “ အတု၊ အစစ် စစ်ဆေးမယ်၊ ဟောင်းနွမ်းတဲ့ ငွေကြေးတွေကိုလည်း မဝယ်ဘူး၊ အကြွေကိုလည်း အများကြီး လက်မခံဘူး၊ ကျွန်တော်တို့ကလည်း အခြားဘဏ်ကို ပြန်သွင်းရတာကြောင့် အခုလို စစ်ဆေးလက်ခံရတာပါ” ဟု ရှင်းပြပြောဆိုခဲ့သည်။
နိုင်ငံခြားငွေလဲလှယ်ရေးစင်တာတွင် တရားဝင် ကိုင်ဆောင်ခွင့်ရှိသူများ၊ ပြည်ပခရီးသွားမည့်သူများ၊ ဆေးကုသခံယူမည့်သူများနှင့် မော်တော်ကားပါမစ် ဝယ်ယူခွင့်ရရှိသူများအား ရောင်းချပေးကြောင်းသိရှိရသည်။
၎င်းအပြင် မြန်မာနိုင်ငံအတွင်း နိုင်ငံခြား ကြားခံငွေကြေးအဖြစ် သုံးစွဲနေသော FEC ကိုလည်း အမေရိကန်ဒေါ်လာ ပေါက်ဈေးနှုန်းအတိုင်း လဲလှယ်ပြီး တဖြည်းဖြည်း သိမ်းဆည်းသွားမည်ဖြစ်ကြောင်း၊ နိုင်ငံခြားငွေ လဲလှယ်ရောင်းဝယ် သူများအား သုံးစွဲခွင့်ပြေစာဖြင့် ကိုင်ဆောင်ခွင့်ပြုမည်ဖြစ်ကြောင်း မြန်မာနိုင်ငံတော်ဗဟိုဘဏ် ဥက္ကဋ္ဌ ဦးသန်းညိန်းက စက်တင်ဘာလ ၂၉ ရက်တွင် ကျင်းပသည့် နိုင်ငံခြားငွေ ဝယ်ယူရောင်းချခွင့်လိုင်စင် ထုတ်ပေးသည့် အခမ်းအနားတွင် ပြောကြားခဲ့သည်။
နိုင်ငံခြားငွေ လဲလှယ်ရောင်းဝယ်ရေးကောင်တာများ ဖွင့်လှစ်ထားရှိပေးမှုကြောင့် ငွေကြေးလဲလှယ် ရောင်းဝယ်သူများအတွက် အဆင်ပြေမှုများ ရှိသော်လည်း ထိုကောင်တာများမှ နိုင်ငံခြားငွေကြေး ပြန်လည်ဝယ်ယူရာတွင် အထောက်အထားများတောင်းခံခြင်း၊ အကန့်အသတ်များရှိခြင်းကြောင့် အခက်ကြုံရကြောင်း သိရှိရသည်။
Ref: TRUE NEWS
************************************************************************
ကုလားတန် ဘက်စုံစီမံကိန်း ၂၀၁၃ ခုနှစ်တွင် ပြီးစီးမည်ဟု ခန့်မှန်း
မြန်မာနိုင်ငံနှင့် အိန္ဒိယနိုင်ငံတို့ အကြား တိုက်ရိုက်ကုန်သွယ်ရေးလမ်းကြောင်း ပေါ်ပေါက်လာစေရန် အမေရိကန်ဒေါ်လာ သန်း ၁၂၀ ကုန်ကျမည့် ကုလားတန်ဘက်စုံစီမံကိန်းအား ၂၀၁၃ ခုနှစ်တွင် ပြီးစီးမည်ဖြစ်ကြောင်း အိန္ဒိယသမ္မတနိုင်ငံ ကုန်သွယ်ရေးနှင့် စက်မှုဝန်ကြီးဌာန ဝန်ကြီး မစ္စတာ အလန်ရှားမားက ပြောကြားခဲ့သည်။
အဆိုပါ စီမံကိန်းကို အိန္ဒိယနိုင်ငံမှ အပြည့်အဝ ပံ့ပိုးကူညီခြင်းဖြစ်ပြီး ၂၀၁၀ ခုနှစ် ဒီဇင်ဘာလမှစ၍ စတင်အကောင်အထည်ဖော် ဆောင်ရွက်ခဲ့ခြင်းဖြစ်သည်။ မြန်မာ- အိန္ဒိယ နယ်စပ်ဒေသကို ပိုင်းခြားပေးသည့် ကုလားတန်မြစ်ဝှမ်းတစ်လျှောက် အကောင်အထည်ဖော်မည့် စီမံကိန်းတွင် ရေကြောင်းဆက်သွယ်မှု လမ်းကြောင်းသစ် တည်ဆောက်ခြင်း၊ ကုန်းလမ်းဆက်သွယ်မှု လမ်းကြောင်းမြှင့်တင်ခြင်းများ ပါဝင်မည်ဖြစ်သည်။ ၎င်းအပြင် စစ်တွေဆိပ်ကမ်း အဆင့်မြှင့်တင်ရေးနှင့် မြန်မာနိုင်ငံအတွင်း ကုလားတန်မြစ်တစ်လျှောက် စစ်တွေမှ စက်ပစ်ပြင် အကြား ၂၂၅ ကီလိုမီတာရှိသော ရေကြောင်း ထိန်းသိမ်းရေးလည်း ပါဝင်မည်ဖြစ်သည်။ စက်ပစ်ပြင်မှ မီဇိုရမ်ပြည်နယ်ရှိ လော်နက်လီမြို့သို့ ၆၂ ကီလိုမီတာ ရှည်သော ကုန်းလမ်း တည်ဆောက်မှုလည်း ပါဝင်ပြီး၊ အမှတ်(၅၄) အိန္ဒိယ အမျိုးသား အဝေးပြေးလမ်းမကြီးနှင့် ပေါင်းဆုံမည်ဖြစ်ကြောင်း သတင်းရရှိသည်။
မြန်မာ- အိန္ဒိယနှစ်နိုင်ငံသည် မီဇိုရမ်ပြည်နယ် နှစ်နိုင်ငံနယ်စပ်ဒေသ၌ ကုန်းတွင်း အကောက်ခွန်ဌာနများ ထားရှိရန် စီစဉ်လျက်ရှိကြောင်း၊ အကောက်ခွန်စခန်းများအား အိန္ဒိယနိုင်ငံ မိုရေးမြို့နှင့် မြန်မာနိုင်ငံ တမူးမြို့တို့တွင် ဖွင့်လှစ်ရန် စီစဉ်လျက်ရှိကြောင်း သိရှိရသည်။
Ref: The Myanmar Post
************************************************************************
မြန်မာ့ပေါင်းဆန် ရုရှားနိုင်ငံမှ အများဆုံး မှာယူ
မြန်မာ့ပေါင်းဆန်၏ အရည်အသွေးပိုင်းကို တိုးမြှင့်ထုတ်လုပ်ခဲ့သောကြောင့် ရုရှားနိုင်ငံသို့ ၂၀၁၁ ခုနှစ် ဇူလိုင်၊ သြဂုတ်နှင့် စက်တင်ဘာလများအတွက် တန်ချိန် ၇၅၀ တင်ပို့ခဲ့ပြီး၊ စတင် တင်ပို့ခဲ့သည့် ဇူလိုင်လ၌ ပေါင်းဆန် FOB တစ်တန်ကို အမေရိကန်ဒေါ်လာ ၄၈၀ ဖြင့် တင်ပို့ရောင်းချခဲ့သော်လည်း လက်ရှိတွင် ပေါင်းဆန်တစ်တန်ကို အမေရိကန်ဒေါ်လာ ၅၅၀ အထိ ဈေးနှုန်းတိုးမြှင့် ဝယ်ယူမှုများ ရှိလာကြောင်း သိရှိရသည်။
မြန်မာ့ပေါင်းဆန်ကို ပြည်တွင်း၌ ၁၉၂၀ ခုနှစ်တွင် စတင်ထုတ်လုပ်ခဲ့ပြီး၊ ထုတ်လုပ်မှုနည်းပညာနှင့် အရည်အသွေး လိုအပ်ချက်များကြောင့် ၂၀၀၀ ပြည့်နှစ်တွင် နိုင်ငံတကာဈေးကွက်သို့ တင်ပို့မှု ကျဆင်းခဲ့ရသည်။ လက်ရှိတွင် မြန်မာ့ပေါင်းဆန်၏ အရည်အသွေးပိုင်းကို တိုးမြှင့်ထုတ်လုပ်နိုင်ခဲ့သဖြင့် ရုရှား၊ ဘင်္ဂလားဒေ့ရ်ှနှင့် ပါကစ္စတန်နိုင်ငံများသို့ တင်ပို့နိုင်ခဲ့သည်။
ပေါင်းဆန်သည် ဆီးချိုနှင့် သွေးတိုးရောဂါဝေဒနာရှင်များအတွက် အထူးသင့်လျော်မှုရှိသဖြင့် အိန္ဒိယနိုင်ငံမှလည်း ကြိုက်နှစ်သက်မှုရှိနေသည်။ ဖိလစ်ပိုင်နိုင်ငံသည် ဧရာဝတီတိုင်းဒေသကြီးမှ ထွက်ရှိသော ပေါင်းဆန် တန်ချိန် ၃၀၀၀ ကို FOB စနစ်ဖြင့် ဝယ်ယူရန် ကမ်းလှမ်းမှုများ ရှိနေကြောင်းသိရသည်။
Ref: Messenger
************************************************************************
ဈေးကွက်နှင့်လိုက်လျောညီထွေရှိသည့် နိုင်ငံခြားငွေလဲနှုန်းတရားဝင်သတ်မှတ်မည်
ဒီမိုကရေစီအစိုးရသစ်၏ ဘဏ္ဍာရေးနှင့် အခွန်ဝန်ကြီးဌာန ဒုတိယဝန်ကြီးဦးဝင်းသန်းက ပထမအကြိမ်၊ ပြည်သူ့ လွှတ်တော် ဒုတိယပုံမှန် အစည်းအဝေး ၂၈ ရက်မြောက်နေ့တွင် နိုင်ငံခြားငွေလဲလှယ်နှုန်း ပေါင်းစည်းခြင်းလုပ်ငန်းကို ဆောင်ရွက်ပြီးစီးပါက ငွေလဲနှုန်းကို စည်းမျဉ်းစည်းကမ်းနှင့် အညီတရားဝင် သတ်မှတ်သွားမည်ဟု ပြောကြားချက်အရသိရသည်။
တရားဝင်ငွေလဲနှုန်း ပြင်ဆင်သတ်မှတ်ရန် ဗဟိုဘဏ်က လိုအပ်သော ဆောင်ရွက်ဖွယ်ရာများကို ကြိုတင်ပြင်ဆင်မှု ပြုလုပ်ထားသည့်အပြင် အပြည်ပြည်ဆိုင်ရာငွေကြေးရန်ပုံငွေအဖွဲ့နှင့် ပူးပေါင်းဆောင်ရွက်သွား ရန်စီစဉ်လျက်ရှိကြောင်းနှင့် ဗဟိုဘဏ်မှလည်း ဘဏ်များကို စည်းမျဉ်းစည်းကမ်း ချမှတ်ကာ ကြီးကြပ်ခြင်းနှင့် နိုင်ငံ၏ macro စီးပွားရေးတည်ငြိမ်မှုရရှိသည့် ငွေကြေးမူဝါဒများကို ကျင့်သုံးဆောင်ရွက်ရှိကြောင်း ၎င်း၏ ပြောကြားချက်အရ သိရသည်။
“နိုင်ငံခြားငွေကို တရားဝင်သတ်မှတ်ဖို့ဆိုရင် ဗဟိုဘဏ်ရဲ့ အခန်းကဏ္ဍက အရေးကြီးတယ်။ ဗဟိုဘဏ် ဆိုတာ တိုင်းပြည်ကြီးတစ်ခုလုံးရဲ့ ငွေကြေးမူဝါဒကို ချမှတ်ရတဲ့ အလွန်သြဇာကြီးတဲ့ အဖွဲ့အစည်းဖြစ်တယ်။ အဲဒီလို အဖွဲ့အစည်းမျိုးက အမှီအခိုကင်းရတယ်။ ပြီးတော့ စီးပွားရေး technocrat တွေကို ရွေးချယ်ခန့်အပ် ထားဖို့လိုတယ်။ အခု ဘဏ်များအားလုံးကို အပ်ငွေအာမခံ စတင်တယ် ဆိုတဲ့သတင်းကြားရတယ်။ ဒါက ဈေးကွက်စီးပွားရေး အလုပ်ဖြစ်ရေးအတွက် ယုံကြည်မှုကို တည်ဆောက်လိုက်တာပဲ” ဟု စီးပွားရေးလေ့လာသူ တစ်ဦး၏ ပြောကြားချက်အရသိရသည်။
ယခုနှစ်အတွင်း အာဆီယံနိုင်ငံအချို့မှာ မြန်မာအစိုးရဘဏ်ခွဲများ ဖွင့်ခွင့်ပေးခြင်း၊ ဘဏ်တိုးနှုန်း လျော့ချလိုက်ခြင်း၊ ဘဏ်ခြောက်ခုကို နိုင်ငံခြားငွေလဲလှယ်ခွင့်လိုင်စင်ချပေးလိုက်ခြင်း ဗဟိုဘဏ်မှ အငှားဝယ်စနစ်အား မီးစိမ်းပြလိုက်ခြင်းနှင့် ဘဏ်များအားလုံး အပ်ငွေအာမခံ ထားရှိခြင်းအစရှိသည့် မူဝါဒအပြောင်းအလဲများ ခပ်စိပ်စိပ်ထွက်ပေါ်လာလျက်ရှိသည်။
YC
************************************************************************
ပြည်တွင်းနိုင်ငံရေးသတင်းများ
မြစ်ဆုံဆည် စီမံကိန်းဆုံးဖြတ်ချက် ပြန်လည်ညှိနှိုင်းဆွေးနွေးရန် တရုတ်ပြော
မြစ်ဆုံဆည်တည်ဆောက်ရေး စီမံကိန်းရပ်တန့်ရန် သမ္မတဦးသိန်းစိန်က လွှတ်တော်သို့ စက်တင်ဘာ ၃၀ရက်နေ့က သဝဏ်လွှာပေးပို့ခဲ့ပြီးနောက် အဆိုပါဆုံးဖြတ်ချက်ကို သက်ဆိုင်ရာ ကုမ္ပဏီများနှင့် ပြန်လည်ညှိနှိုင်း ဆွေးနွေးရန် တရုတ်နိုင်ငံခြားရေးဝန်ကြီးဌာနက တနင်္ဂနွေနေ့က ကြေငြာချက် ထုတ်ပြန်ခဲ့သည်။
“မြစ်ဆုံဆည်တည်ဆောက်ရေး စီမံကိန်းဟာ မြန်မာ-တရုတ်နှစ်နိုင်ငံ ပူးပေါင်းဆောင်ရွက်တဲ့ အကြီးမားဆုံး ရင်းနှီးမြှုပ်နှံမှုကြီးတစ်ခု ဖြစ်ပါတယ်။ ဒါကြောင့် နှစ်ဖက်စလုံးက သေသေချာချာစူးစမ်းလေ့လာပြီးမှ ဆုံးဖြတ်ချက် ချမှတ်သင့်ပါတယ်။ ပူးပေါင်းရင်းနှီးမြှုပ်နှံမှုကို သဘောတူထားတဲ့ သက်ဆိုင်ရာနိုင်ငံတိုင်းဟာ တရုတ်ကုမ္ပဏီများရဲ့ ဥပဒေကြောင်းဆိုင်ရာ အခွင့်အရေးများကို အာမခံချက်ပေးသင့်ပါတယ်။ ဤကိစ္စနဲ့ပတ်သက်ပြီး ဖွံ့ဖြိုးတိုးတက်မှုအခြေအနေကို မြန်မာ-တရုတ် နှစ်နိုင်ငံစလုံးက ရင်းနှီးစွာ တွေ့ဆုံဆွေးနွေးရေး နည်းလမ်းနဲ့ ကိုင်တွယ်ဖြေရှင်းသင့်ပါတယ်”ဟု ယင်းထုတ်ပြန်ချက်တွင် ဖော်ပြထားသည်။
နိုင်ငံတော်သမ္မတက မြစ်ဆုံဆည်တည်ဆောက်ရေး စီမံကိန်းရပ်ဆိုင်းထားရန် ဆုံးဖြတ်ခဲ့ခြင်းသည် နှစ်နိုင်ငံစွမ်းအင်ထုတ်လုပ်ရေး စီမံကိန်းများ အပါအဝင် တရုတ်နိုင်ငံက မြန်မာနိုင်ငံတွင် ရင်းနှီးမြှုပ်နှံမှု ပြုလုပ်ထားသည့် လုပ်ငန်းများတွင် အကျိုးသက်ရောက်မှု ရှိမည်ကို စိုးရိမ်ပူပန်သင့်ကြောင်း တရုတ်အစိုးရက ကြေညာခဲ့သည်။
မြစ်ဆုံဆည်တည်ဆောက်ရေး စီမံကိန်းကို မြန်မာအစိုးရက ပြန်လည်စဉ်းစားသင့်ကြောင်း တရုတ်ကုမ္ပဏီများ၏ အကျိုးစီးပွားကို ထည့်သွင်း စဉ်းစားသင့်ကြောင်း တရုတ်နိုင်ငံခြားရေးဝန်ကြီးဌာနမှ တာဝန်ရှိသူ မစ္စတာဟောင်လီက ဝန်ကြီးဌာနဝက်ဘ်ဆိုက်မှ တဆင့်ကြေညာခဲ့ခြင်း ဖြစ်သည်။
“တရုတ်အစိုးရဟာ သူများလူမျိုးမပြောနဲ့ သူ့လူမျိုးချင်းတောင် တန်ဖိုးမထားတဲ့ အာဏာရှင်စစ်စစ်ပါ၊ ဒါတောင် သူတို့နိုင်ငံက မြစ်ဆုံသုံးသွယ်စီမံကိန်းကို အများကန့်ကွက်နေတဲ့ကြားက လုပ်ဖို့ကြိုးစားခဲ့ပါသေးတယ်၊ ဘယ်လိုမှ မတတ်သာလို့ လက်လျော့ပြီး မြန်မာဘက်ကို အာရုံကျလာတာဖြစ်ပါတယ်၊ သမ္မတကြီးက အခုလို ဆုံးဖြတ်တဲ့အတွက် တရုတ်က မြန်မာပြည်မှာ ရင်းနှီးမြုပ်နှံထားတဲ့အခြားကိစ္စတွေမှာ သက်ရောက်မှု ရှိလိမ့်မယ်လို့ ခြိ်မ်းခြောက်တဲ့ စကားကလည်း ရယ်စရာပါပဲ၊ ကျွန်တော်တို့ အစိုးရဟာ အရင်က တရုတ်ကို အဖေခေါ်နေရတဲ့ အာဏာရှင်အစိုးရ မဟုတ်တော့ပါဘူး၊ စနစ်တကျရွေးချယ်တင်မြှောက်ထားတဲ့ ဒီမိုကရေစီအစိုးရဖြစ်လာတဲ့အတွက် နိုင်ငံတကာကလည်း ပြန်လည်ချဉ်းကပ် လာနေပါတယ်၊ ဒါကြောင့် ကျွန်တော်တို့ နိုင်ငံဟာ တရုတ်ရှိမှ လုပ်စားရမယ့် အခြေအနေမဟုတ်တော့ဘူး၊ ဈေးကွက်စီးပွားရေးအရ အခြားနိုင်ငံတွေနဲ့ အထူးသဖြင့် ပိတ်ဆို့ထားတဲ့နိုင်ငံတွေဆီက ရင်းနှီးမြုပ်နှံမှုတွေတောင် မျှော်လင့်လို့ရနေပါပြီ၊ တရုတ်နိုင်ငံဟာ ကိုယ့်ကိုကိုယ်အထင်ကြီးလွန်းနေတယ်လို့ ထင်ပါတယ်” ဟု မြန်မာ့အရေးကို စိတ်ဝင်စားသူ လူငယ်တစ်ဦးက ပြောဆိုခဲ့သည်။
Ref: Myanmar Post
************************************************************************
ပြည်တွင်းဂျာနယ်များမှ ကောက်နှုတ်ချက်များ
“နောက်တစ်ခုက တရုတ်အစိုးရက ပြည်သူလူထု လုံးဝမလုပ်ချင်တဲ့စီမံကိန်းတစ်ခုရပ်စဲသွားတာနဲ့ ပတ်သက်ပြီး တရုတ်အစိုးရက ရပ်တည်လာမယ်။ ပြောဆိုလာမယ်ဆိုရင်တော့ ကျွန်တော်တို့က နောက်ပိုင်းဘယ်လိုဖြစ်လာမလဲဆိုတော့ ကျွန်တော်တို့က တရုတ်အစိုးရ ကို ကန့်ကွက်ရုံပဲရှိတော့မှာပေါ့။ ဒီအစိုးရကို ကန့်ကွက်စရာမလိုတော့ဘူး။ ဒီစီမံကိန်းကိုဆက်လုပ်ဖို့ တိုက်တွန်း နေမယ်ဆိုရင် တိုက်တွန်းတဲ့သူကိုပဲ ကန့်ကွက်ရတော့မှာပေါ့။ တရုတ်နိုင်ငံဆိုတာ ကျွန်တော်တို့ အိမ်နီးချင်းနိုင်ငံ ပါ။ အိမ်နီးချင်းနိုင်ငံဆိုတာက ပြောင်းလဲလို့မရဘူး။ ကျွန်တော်တို့မြန်မာပြည်ကို အမေရိကား နားကို ရွှေ့ထား ကြည့်ပါလား။ သူတို့ဘာမှလုပ်လို့မရဘူး။ ဒါကြောင့် ကျွန်တော်တို့က တရုတ်အစိုးရနဲ့ပတ်သက်လာရင် အမြဲတမ်း ချစ်ကြည်ရင်းနှီးစွာနဲ့နှစ်နိုင်ငံ အမြဲတမ်းပြည်သူများရဲ့ အကျိုးစီးပွားကို ဖြစ်ထွန်းစေတဲ့နည်းနဲ့ ဆွဲဆောင်မယ်ဆို တဲ့သဘောထားက နှစ်ပေါင်းများစွာရှိခဲ့ပါတယ်။ သို့သော် အဲဒီရှိနေတဲ့ဟာက နှစ်နိုင်ငံအကျိုးစီးပွားကို မထိခိုက် တဲ့နည်းနဲ့ရှိမှသာလျှင် ဒီသဘောထားကတည်မြဲနိုင်မှာ ဖြစ်ပါတယ်”
အောက်တိုဘာ ၅ ထုတ် Weekly ELEVEN အတွဲ (၇) အမှတ် (၁) ထုတ် “နိုင်ငံတော်သမ္မတကြီး၏ မြစ်ဆုံစီမံကိန်း ရပ်ဆိုင်ထားမည်ဟု ထုတ်ပြန်ချက်အား NLD ပါတီ ထိပ်တန်းခေါင်းဆောင်များကြိုဆို” သတင်းမှ NLD ပါတီ၏ ဗဟိုအလုပ်အမှုဆောင်ကော်မတီဝင် ဦးဝင်းတင်၏ ပြောကြားချက်အပေါ် ကောက်နှုတ်ချက်
************************************************************************
မေး- အခုလက်ရှိဖြစ်ပေါ်နေတဲ့ နိုင်ငံရေးအခြေအနေကို ဘယ်လိုမြင်သလဲ၊ အကောင်းမြင်ပါသလား။ ဒေါ်အောင်ဆန်းစုကြည်နဲ့ သမ္မတကြီးဦးသိန်းစိန် တွေ့ဆုံခဲ့ပြီး ဖြစ်ပါတယ်။ ပြီးခဲ့တဲ့ သောကြာနေ့က အစိုးရ ဆက်ဆံရေးဝန်ကြီး ဦးအောင်ကြည်နဲ့ ဒေါ်အောင်ဆန်းစုကြည် ထပ်မံတွေ့ဆုံခဲ့ပါတယ်။ ဒါတွေ အားလုံးကို ဘယ်လိုမြင်ပါသလဲ။
ဖြေ။ မြန်မာပြည်ဟာ Political transition ကို သွားနေပြီလို့ ထင်ပါတယ်။ အဲဒီ transistion ဟာ peaceful transition ဖြစ်ဖို့လိုပါတယ်။ ဒီဘက်ကနေ မြန်မာပြည်ကို ကြည့်ရင် ဒီမိုကရေစီရေးအပြင် ကျွန်တော်မြင်တာကတော့ တိုင်းရင်းသားအရေးနဲ့ ပြည်တွင်းစစ်ဟာ အရမ်းအရေးကြီးတယ်လို့ မြင်ပါတယ်။ သူတို့တွေ transition ထဲမပါရင် တိုင်းပြည်တည်ငြိမ်မှု အေးချမ်းမှု ရမယ်လို့ ကျွန်တော်မထင်ပါဘူး။ ဒေါ်အောင်ဆန်းစုကြည်နဲ့ အစိုးရ စကားပြောနေတာဟာ ကောင်းတဲ့အလားအလာဖြစ်ပါတယ်။ တိုင်းသူပြည်သားတွေအတွက် အဓိပ္ပာယ်ရှိမယ့် အကျိုးရလဒ်ရှိမယ်လို့ မျှော်လင့်ပါတယ်။ အများစုက အဲလိုပဲ မျှော်လင့်တာတွေ့ရပါတယ်။ တချို့ကတော့ ဒီအချိန်ဟာ ညီအစ်ကို မသိတသိအချိန်လို့ သုံးသပ်ကြတာတွေ့ရပါတယ်။ ဒါကြောင့် အဲဒီအချိန်ကို ကျော်သွားရင်တော့ တစ်ဘက်နဲ့တစ်ဘက်ပိုပြီး ရှင်းရှင်းလင်းလင်း မြင်ရမယ်လို့ ထင်ပါတယ်။ ၂၀၀၈ အခြေခံဥပဒေထဲက အချက်အလက်တချို့ကို ပြင်နိုင်၊ မပြင်နိုင်၊ NLD ပါတီရဲ့ တရားဝင်ရပ်တည်ရေး၊ ဒေါ်အောင်ဆန်းစုကြည်ရဲ့ အခန်းကဏ္ဍ၊ လွှတ်တော်နဲ့ အစိုးရကြားဆက်ဆံရေး၊ ပြီးတော့ တပ်မတော်ရဲ့ အခန်းကဏ္ဍ၊ ဒါတွေအားလုံးဟာ transition တစ်ခုကို ဖြတ်သန်းနေရတယ်လို့ သုံးသပ်မိပါတယ်။ အရင်က နိုင်ငံရေးဟာ idealism ဘက်ကို ပိုရောက်တယ်လို့ထင်ပါတယ်။ ဒီနေ့မှာတော့ pragmatism ဘက်ကို ပိုရောက်လာသလားလို့ ထင်မိပါတယ်။ ၂၀၁၀ ရွေးကောက်ပွဲကို credible မဖြစ်ဘူးလို့ ဝေဖန်သံတွေ ညံခဲ့ပါတယ်။ ဒါပေမယ့် လက်ရှိသမ္မတကြီး ဦးသိန်းစိန်အစိုးရက တကယ်ပြည်သူတွေရဲ့လိုချင်နေတဲ့ reform ကို အချိန်တိုတိုနဲ့ ဖော်ဆောင် ပေးမယ်ဆိုရင် ပြည်သူတွေအသိအမှတ်ပြုတဲ့ အစိုးရတစ်ခု ဖြစ်လာနိုင်ပါတယ်။ ဒါကြောင့် ကျွန်တော်မြင်တာက credible ဖြစ်တဲ့ အစိုးရလိုသလို credible ဖြစ်တဲ့ အတိုက်အခံလည်း မြန်မာပြည်မှာလိုပါတယ်။ မြန်မာနိုင်ငံနဲ့ မြန်မာပြည်သူတွေရဲ့ ကံကြမ္မာကို မြန်မာပြည်သူပြည်သားတွေကပဲ ဆုံးဖြတ်ရမှာ ဖြစ်ပါတယ်။
အောက်တိုဘာ ၅ ထုတ် Weekly ELEVEN အတွဲ (၇) အမှတ် (၁) ထုတ် “ဧရာဝတီမဂ္ဂဇင်းအယ်ဒီတာ ကိုအောင်ဇင်နှင့် အင်တာဗျူး” ကောက်နှုတ်ချက်
************************************************************************
“အစိုးရသစ်က ဆင်းရဲမှုပပျောက်စေဖို့အတွက် ချေးငွေတွေထုတ်ပေးတယ်။ အဲဒါကို လူအချို့က လွယ်လွယ်ကူကူ ချေးယူကြတယ်။ လွယ်လွယ်ကူကူ သုံးကြတယ်။ လောင်းကစားတွေလုပ်ကြတယ်။ အစိုးရက စီးပွားရေးလုပ်ဖို့ ချေးပေးကြတာကို တလွဲသုံးနေကြတာဆိုတာမျိုးက တိုင်းပြည်ဖွံ့ဖြိုး တိုးတက်ဖို့အတွက် အနှောင့်အယှက်ဖြစ် စေပါတယ်”
အောက်တိုဘာ ၅ ထုတ် The Messenger အတွဲ (၂) အမှတ် (၂၀) တွင်ပါသည့် “ချေးငွေများ တလွဲသုံးခြင်း သည် ဆင်းရဲမှုပပျောက်ရေးကို ထိရောက်မှုမရှိ” သတင်းမှ စီးပွားရေးနှင့် ဥပဒေအကြံပေးဦးတင်သန်းဦး၏ ပြော ကြားချက်အပေါ် ကောက်နှုတ်ချက်
************************************************************************
“ကျွန်တော်တို့က ယှဉ်ပြိုင်မှုကို မြတ်နိုးပါတယ်။ မျှတတဲ့ယှဉ်ပြိုင်မှုကိုပဲ လိုချင်ပါတယ်”
အောက်တိုဘာ ၅ ထုတ် The Messenger အတွဲ (၂) အမှတ် (၂၀) တွင်ပါသည့် “စိန်ခေါ်မှုများအတွက် အဆင် သင့်ဖြစ်နေဟု မြန်မာ့စီးပွားရေးလုပ်ငန်းရှင် ဦးတေဇပြောကြား” သတင်းမှ ကောက်နှုတ်ချက်
***********************************************************************
ဆောင်းပါးကဏ္ဍ
မင်္ဂလာသဝဏ်လွှာနှင့် ဆင်ခြင်ယူစရာ
၂၀၁၁ စက်တင်ဘာ ၃၀ ရက်နေ့က လူငယ်၊ လူလတ်များ တစ်ခါမှ မကြုံတွေ့ဖူးသော နိုင်ငံရေး ဆုံးဖြတ်ချက် တစ်ခုကို ကြုံတွေ့ခဲ့ရလေသည်။ အစိုးရမှ ပြည်သူ၏ အသံကို တလေးတစားနားထောင်ပြီး ပြည်သူ့ဆန္ဒနှင့် မဆန့်ကျင်ဘဲ မှန်ကန်သည့် ဆုံးဖြတ်ချက်မျိုး ပေးနိုင်ခဲ့သည့် အတွက်ကြောင့်ဖြစ်ပေသည်။ မြန်မာနိုင်ငံတွင် ဤကဲ့သို့ အစိုးရတစ်ရပ်၏ တာဝန်ယူမှု၊ တာဝန်ခံမှုပျောက်ဆုံးသွားသည်မှာ ၁၉၆၂ခုနှစ်ကတည်းက ဖြစ်လေသည်။ ဖွံ့ဖြိုးတိုးတက်မှုနိမ့်ပါးသည့် မြန်မာနိုင်ငံအနေဖြင့် အာဏာပိုင်စနစ်မှ ဒီမိုကရေစီအသွင်ကူးပြောင်းရေး ကာလတွင် ယခုကဲ့သို့ မှန်ကန်မှုရှိသည့် နိုင်ငံရေးဆုံးဖြတ်ချက်မျိုးချမှတ်ပေးနိုင်ခြင်းမှာ အလွန်အရေးကြီးပါသည်။ ပြည်သူရွေးချယ်တင်မြောက်လိုက်သည့် အစိုးရမှ ပြည်သူ့ဆန္ဒနှင့်အညီ အကောင်အထည်ဖော် ဆောင်ရွက်လိုက်ခြင်းမှာ ဒီမိုကရေစီအလေ့အကျင့် (Democratic practice) တစ်ခုလည်းဖြစ်ပါသည်။
နိုင်ငံတော်သမ္မတကြီးဦးသိန်းစိန်မှ လွှတ်တော်သို့ ပေးပို့ခဲ့သည့် အချက် (၁၀) ချက်ပါ သဝဏ်လွှာထဲ မှ နောက်ဆုံး အချက် (၁၀) တွင် အောက်ပါအတိုင်းရေးသားထားလေသည်။
“မိမိတို့အစိုးရသည် ပြည်သူမှ ရွေးချယ်တင်မြှောက်ထားသည့် အစိုးရဖြစ်၍ ပြည်သူများ၏ဆန္ဒကို အ လေးထားရပါမည်။ ပြည်သူများ၏ စိုးရိမ်ပူပန်မှုများကို အလေးထား၍ ဖြေရှင်းဆောင်ရွက်ပေးရန် တာဝန်ရှိပါ သည်။ သို့ပါ၍ မိမိတို့အစိုးရလက်ထက်တွင် မြစ်ဆုံဆည် တည်ဆောက်ခြင်းကို မပြုလုပ်စေဘဲ ရပ်ဆိုင်းထားမည် ဖြစ်ပါသည်။ နိုင်ငံတော်အတွက် လိုအပ်နေသည့် လျှပ်စစ်ဓာတ်အားရရှိရေးအတွက် အန္တရာယ်မရှိနိုင်သည့် အခြားသော ရေအားလျှပ်စစ်စီမံကိန်းများကိုသာ စနစ်တကျလေ့လာဆန်းစစ်၍ ဆောင်ရွက်သွားမည်ဖြစ်ပါသည်။ အိမ်နီးချင်းမိတ်ဆွေနိုင်ငံဖြစ်သည့် တရုတ် ပြည်သူ့သမ္မတနိုင်ငံနှင့် ချုပ်ဆိုထားသည့် အဆိုပါစီမံကိန်းနှင့် သက်ဆိုင်သော စာချုပ်စာတမ်းများကို မိတ်ဝတ်မပျက်စေဘဲ သဘောတူလက်ခံအောင် ညှိနှိုင်းဆောင်ရွက်သွားမည် ဖြစ်ပါကြောင်း” ဟူ၍ ဖော်ပြပါရှိလေသည်။ ယင်းစာပုဒ်ကို ကြည့်ခြင်းအားဖြင့် အစိုးရသစ်တွင် ဒီမိုကရေစီဝိဉာဉ် (Democracy’s sprit) အမြစ်တွယ်စပြုနေပြီး ဖြစ်ကြောင်းတွေ့ရှိရလေသည်။ ပြည်သူများအနေဖြင့်လည်း အစိုးရ၏ မြစ်ဆုံစီမံကိန်းအား နှစ်ထောင်းအားရရှိသည်သာမက ယင်းတို့အစက သံသယ ထားခဲ့သည့် နိုင်ငံရေး၊ စီးပွားရေး၊ လူမှုရေးဖြေလျှော့ပေးမှုကိုပါ (အစိုးရ၏ နိုင်ငံရေးစိတ်ဆန္ဒမှန်ကန်မှု(Political Will)ကို) ယုံကြည်မှု ရှိလာပြီဖြစ်လေသည်။
ထို့အပြင် အဆိုပါသဝဏ်လွှာပါ အချက် (၃) တွင်
“တိုင်းရင်းသားပြည်သူအပေါင်းတို့၏ တူညီသော မျှော်မှန်းချက်သည် နိုင်ငံတော် တည်ငြိမ်အေးချမ်းရေး နှင့် နိုင်ငံတော်ခေတ်မီ ဖွံ့ဖြိုးရေးတို့ ဖြစ်ပါသည်။ ပြည်ထောင်စုအစိုးရသည် တိုင်းရင်းသားပြည်သူတို့၏ ဆန္ဒနှင့် အညီ နိုင်ငံတော်တည်ငြိမ်အေးချမ်းရေးအတွက် ဥပဒေပြင်ပသို့ ရောက်ရှိနေသည့် တိုင်းရင်းသားလက်နက်ကိုင် အဖွဲ့အစည်းများအား ထာဝရငြိမ်းချမ်းရေးရရှိရန် ဆက်သွယ်ကမ်းလှမ်းဖိတ်ခေါ်ဆောင်ရွက်ခဲ့ရာ ယခုအခါ အထူးဒေသ (၂) “ဝ” အဖွဲ့နှင့် အထူးဒေသ (၄) အဖွဲ့တို့သည် ပြည်နယ်အဆင့်သဘောတူညီချက်များရရှိခဲ့ပြီး ပြည်ထောင်စုအဆင့် ဆွေးနွေးပွဲများပင် စတင်ဆောင်ရွက်လျက် ရှိနေပြီဖြစ်ပါသည်။ အချို့အဖွဲ့များသည်လည်း ပြည်နယ်အစိုးရများထံ ငြိမ်းချမ်းရေးရယူရန် ဆက်သွယ်ဆောင်ရွက်မှုများ ရှိနေပါသည်”ဟု ဖော်ပြထားလေ သည်။ အမှန်စင်စစ် မြန်မာနိုင်ငံသည် ကမ္ဘာပေါ်ရှိ နိုင်ငံများအနက် ပြည်တွင်းစစ် အရှည်ကြာဆုံးသော နိုင်ငံဖြစ်လေသည်။ ထိုကဲ့သို့ ပြည်တွင်းစစ် ကာလတာရှည်စွာဖြစ်ခဲ့ရသော နိုင်ငံတစ်နိုင်ငံအနေဖြင့် ဖွံ့ဖြိုးတိုးတက်ရေး လုပ်ငန်းစဉ်များကို အဘယ်မှာ အကောင်အထည်ဖော်၍ ရနိုင်မည်နည်း။ ပြည်တွင်းစစ်ဆိုသည်မှာ လူနည်းစုဖြစ်သော ဌာနေတိုင်းရင်းသားများက ၎င်းတို့၏ အမှတ်အသား သရုပ်လက္ခဏာအတွက် ခုခံကာကွယ်ရင်းနှင့် ဖြစ်ပေါ်လာရခြင်း ဖြစ်လေသည်။ အမှတ်အသား သရုပ်လက္ခဏာတစ်ခုကို ရှင်သန်ရပ်တည်ဖို့ စစ်ပွဲကို ဖန်တီးခြင်းမှာ လက်တွေ့မကျသည့် ဖြေရှင်းမှုမျိုးသာ ဖြစ်ကြောင်း တိုင်းရင်းသားလက်နက်ကိုင် အင်အားစုများရော၊ တပ်မတော်ကပါ သိပါသည်။ သို့သော် စစ်ပွဲများကြာရှည်ရခြင်း အကြောင်းအရင်းမှာ ပြဿနာ၏ အဖြေကို ရှာမတွေ့လို့မဟုတ်၊ အခြားရွေးချယ်စရာမရှိ၍မဟုတ်ပါ။ ဂုဏ်သိက္ခာ ကိစ္စရပ်ကြောင့်ပင်ဖြစ်လေသည်။ ထိုအတွက်ကြောင့် နှစ်ဖက်စလုံး၏ ဂုဏ်သိက္ခာကို မထိပါးနိုင်သည့် ညှိနှိုင်းအဖြေရှာမှုကို ပေးထားသည့် နိုင်ငံရေး အင်စတီကျူးရှင်းများ၏ ဘောင်ထဲတွင်သာ အညင်သာဆုံးအဖြေရှာ၍ ရနိုင်ပါသည်။
သဝဏ်လွှာပါ အချက် (၄) နိုင်ငံရေးအင်အားစုများ၏ အခန်းကဏ္ဍနှင့် အရှိန်မြင့်ပြုပြင်ပြောင်းလဲမှုများ မှာ သတိပြုမိစရာ၊ ဆင်ခြင်စရာ ၊ ဝေဖန်ထောက်ပြစရာများပါရှိနေပါသည်။ သမ္မတကြီး ထုတ်ပြန်သည့်အချက် (၄)မှာ ဤလို
“တစ်ချိန်တည်း၌ပင် အကြောင်းအမျိုးမျိုးကြောင့် ပြည်ပသို့ရောက်ရှိနေကြသည့် မြန်မာနိုင်ငံသား တိုင်း ရင်းသားများအားလည်း ကိုယ့်နိုင်ငံ၊ ကိုယ့်ဒေသသို့ ပြန်လာလိုပါက ပြန်လာနိုင်ရန် စိစစ်လက်ခံခဲ့ရာ တချို့ပြန် လာနေကြပြီဖြစ်ပါသည်။ အကျဉ်းသားများ လွှတ်ပေးရေးကိစ္စများကိုလည်း ဖွဲ့စည်းပုံ အခြေခံဥပဒေပါ အပ်နှင်း ထားသည့် အခွင့်အာဏာအတွင်းမှ ဆောင်ရွက်ပေးသွားမည်ဖြစ်ပါသည်။ အမျိုးသားအကျိုးစီးပွားအတွက် ထိုသို့အရှိန်အဟုန်ဖြင့် ဆောင်ရွက်နေချိန်တွင် ပါတီအချို့နှင့် အင်အားစုအချို့တို့သည် အစိုးရအခက်အခဲအကြပ် အတည်းတွေ့အောင်၊ တည်ငြိမ်အေးချမ်းမှု ပျက်ပြားအောင် ကြံရွယ်၍ လှုပ်ရှားလုပ်ဆောင်မှုများ ပြုလုပ်နေကြ သည်ကို စိတ်မချမ်းမြေ့ဖွယ် တွေ့ရှိနေရပါသည်” ဖော်ပြပါရှိလေသည်။
ဒေါ်အောင်ဆန်းစုကြည်နှင့် ဦးအောင်ကြည်တို့ တွေ့ဆုံးဆွေးနွေးပွဲများ၊ အကျဉ်းသားလွှတ်ပေးရေးကိစ္စများ၊ စီးပွားရေးမူဝါဒအပြောင်းအလဲများ၊ ပြည်ပရောက် မြန်မာနိုင်ငံသားတိုင်းရင်းသားများကို ပြည်တော်ဝင်ခွင့်ပေးမှုများ အစရှိသဖြင့် ဖြစ်ထွန်းပြောင်းလဲမှုများကို ဆက်တိုက်ဆိုသလို တွေ့မြင်နေရလေသည်။ လူ့အဖွဲ့အစည်းတစ်ခုအတွင်း နိုင်ငံရေး၊ စီးပွားရေးနှင့် လူမှုရေးအပြောင်းအလဲများတွင် အပြောင်းအလဲလိုလားသူများ(Pro change) နှင့် ခုခံသူများ(anti change) များရှိနေလေရာ သမ္မတကြီး အထက်ကပြောသည့် စာပိုဒ်ထဲ၌ပါဝင်သည့် “အရှိန်အဟုန်မြှင့်”ဆိုသည် စကားလုံးကိုတော့ အထူးသတိထားစရာရှိပါသည်။ အပြောင်းအလဲများမြန်လျှင် အခုအခံအင်အားစုလည်း ကြီးထွားလာနိုင်သလို၊ အပြောင်းအလဲကို လိုလားပြီး မလိုက်နိုင်ဖြစ်နေရသူများလည်း “အ” သွားနိုင်ပါသည်။ ဆန္ဒစောလွန်းအားကြီးပြီး ရှရုားနိုင်ငံကဲ့သို့ “ရှော့စ်ရိုက်ကုထုံး”(Shock Therapy) နည်းဖြင့် ပြုပြင်ပြောင်းလဲမှုများကို မြန်မြန်သွက်သွက်ပြုလုပ်ပါက ဘေးထွက်ဆိုးကျိုးများထွက်ပေါ် လာနိုင်ပြီး လူ့အဖွဲ့အစည်းတစ်ခုလုံးကို ပြင်းပြင်းထန်ထန်ကြီး သက်ရောက်သွားနိုင်ပါသည်။ သာမန်ပြည်သူများ လိုချင်ကြသည်မှာ တိုင်းပြည်ဖွံ့ဖြိုးဖို့လည်းဟုတ်သလို တည်ငြိမ်မှုရှိသည့် လူ့အဖွဲ့အစည်း တစ်ခုဆိုလည်းမမှားချေ။ ထိုအတွက်ကြောင့် အစိုးရမှာ အပြောင်းအလဲကို ဖြည်းဖြည်း မှန်မှန်ချဉ်းကပ်သည့်နည်း (Gradual Change) ဖြင့် ချဉ်းကပ်အဖြေရှာဖို့လိုအပ်ပါသည်။ ရေတိုတွင် ရှော့စ်ရိုက်ကုထုံးမှာ အပြောင်းအလဲဖြစ်ထွန်းမှုကို မြင်သာထင်သာ ရှိသော်လည်း ရေရှည်ဖြစ်ပေါ်လာနိုင်သည့် ဘေးထွက်ဆိုးကျိုးကို မြင်နိုင်မည်မဟုတ်ပါ။ တစ်ဆင့်ခြင်း ပြောင်းလဲသည့်နည်းသာလျှင် နိုင်ငံတည်ဆောက်ရေးအတွက် လိုအပ်သည့် အားကောင်း၍ ထိရောက်စွမ်းဆောင်ရည်ပြည့်သော နိုင်ငံရေး၊ လူမှုရေး၊ စီးပွားရေး အဖွဲ့အစည်းများ၊ ယန္တရားများကို စနစ်တကျ ချင့်ချိန်၍ တည်ဆောက်နိုင်မည် ဖြစ်ပါကြောင်း…………..။
*************************************************************************************
Google Docs makes it easy to create, store and share online documents, spreadsheets and presentations.
