Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၅.၈.၂၀၁၂

ဆောင်းပါးကဏ္ဍ

  1. အမှန်တရားနှင့် စတုတ္ထမဏ္ဍိုင်

*****************************************

ဆောင်းပါးကဏ္ဍ

အမှန်တရားနှင့် စတုတ္ထမဏ္ဍိုင်

မိုးတိမ်(ရွှေမှော်ဝန်း)

(သြဂုတ်၂ရက်နေ့ထုတ် Envoy ဂျာနယ်အတွဲ(၃) အမှတ်(၁၃)မှထုတ်ယူဖော်ပြချက်။)

မြန်မာနိုင်ငံတွင် ခေတ်အဆက်ဆက်တွင် မီဒီယာများအပေါ် အမြင်စောင်းမှုများရှိခဲ့သည်။ ယနေ့ဒီမိုကရေစီကို စတင်ကျင့်သုံးချိန်မှာပင် မီဒီယာ အပေါ် လူတစ်စု၏ အမြင်ကျဉ်းမြောင်းမှုတွေကို မြင်နေရသေးသည်။

မီဒီယာဟု ဆိုလျှင်ပြည်သူများ အကြားသိရှိနေသည်မှာ ပြည်သူများ မသိတာကိုသိရှိအောင် လုပ်ပေးနိုင်သော ကွန်ယက်တစ်ခုဟု မြင်နေပေ သည်။ ယင်းကဲ့သို့ဆိုလျှင် မှန်ပေသော်လည်းပြည်သူမှမဟုတ် နိုင်ငံကိုအုပ်ချုပ်နေသော တိုင်းပြည်၏ အစိုးရများ သိရှိလာအောင် အုပ်ချုပ်မှု စနစ်နှင့် အညီလိုက်လျောညီထွေဖြစ်အောင် မီးမောင်းထိုးပြမှုများမှာလည်း မီဒီယာပါဝင်ပေသည်။

ယင်းအတွက် တစ်ဖက်စောင်းနင်းနိုင်သောမီဒီယာများရှိသော်လည်း မီဒီယာအသိုင်းအဝိုင်းတွင် အချို့သောမီဒီယာသမားများသည် မီဒီယာ ကျင့်ဝတ်ကို နားမလည်မှာမှန်ပါသည်။

သို့သော်သူတို့လုပ်ဆောင်ချက်များသည် နိုင်ငံအတွက်သာ ဖြစ်သည်။ အစိုးရလိုလားသော မီဒီယာ၊ ပြည်သူလိုလားသောမီဒီယာဟူ၍ မရှိပေ။ နိုင်ငံအတွက်သာပင် ဖြစ်သည်။

မြန်မာနိုင်ငံတွင် ယခုအချိန်၌ ဥပဒေပြုရေး၊ တရားစီရင်ရေး၊ အုပ်ချုပ်ရေးဟူသောမဏ္ဍိုင်များအပြင် မီဒီယာဟူသော စတုတ္ထမဏ္ဍိုင် ပါဝင်ပတ် သက်လာပေသည်။ ယင်းအတွက်နိုင်ငံအတွင်း ကောင်းဆိုးဖြစ်တည်မှုများတွင် မီဒီယာသမားများပါ တာဝန်ရှိလာပေသည်။ မှားယွင်းသော သတင်းကို ဖော်ပြမိရင် သတင်း၏ အတိမ်အနက်ပေါ်မူတည်၍ မီဒီယာသမားတွင် တာဝန်ရှိပေသည်။

မီဒီယာ၏ လုပ်ဆောင်ချက်သည် မှန်ကန်နေပြီဆိုလျှင် မီဒီယာအပေါ်ထားသည့် စိတ်ဓာတ်များလည်း ပြောင်းလဲရန် လိုလာပေသည်။ ပြည်သူ များသိသင့်သော အချက်အလက်များ ဖြန့်ဝေပေးရာ၌ ဌာနဆိုင်ရာအချို့တွင် အပေါ်အောက်သိရှိပြီးမှသာ တာဝန်ယူပြောကြားမှုများသည် ယနေ့ ပြောင်း လဲနေသော နိုင်ငံအနေအထားအရ မရှိသင့်တောပေ။မီဒီယာသမားမှား လျှင်မီဒီယာတာဝန်ရှိသကဲ့သို့ ဌာနဆိုင်ရာမှားယွင်းလျှင် တာဝန်ယူတတ်မှုသည် များစွာအရေးပါသည်။

နိုင်ငံတကာ စာနယ်ဇင်းသမားများ Watch Dog ဟု ခေါ်ကြသည်။ ယင်းသို့ခေါ်ဝေါ်ခြင်းသည် ဖြောင့်မတ်စွာ နိုင်ငံအကျိုးပြု လုပ်ဆောင်သော မီဒီယာများကိုသာ ခေါ်ဆိုခြင်း ဖြစ်ပေသည်။

အမှန်တရားအတွက် ရဲဝံ့စွာဆေင်ရွက်တတ်သော မီဒီယာသမားများကိုသာ တင်စားခေါ်ဝေါ်ခြင်း ဖြစ်ပေသည်။ အစိုးရနှင့် မီဒီယာအကြား အပြန်အလှန် နားလည်မှုတွေ လိုအပ်ပေသည်။ မီဒီယာမကောင်းလျှင် မီဒီယာကို ထိရောက်သောအရေးယူဆောင်ရွက်မှုတွေ ဆောင်ရွက်နိုင်သလို အစိုးရ၏ ဖြစ်သင့်ဖြစ်ထိုက်သည့် အခြေအနေများကို မီဒီယာကထောက်ပြလျှင် လည်း အစိုးရအနေဖြင့်နားလည်ပေးရန် လိုအပ်ပေသည်။

ယနေ့မီဒီယာများ၏ တရားစွဲဆိုခံနေရမှုများအား ကြည့်လျှင် များစွာထင်ရှားပေသည်။ နိုင်ငံအတွက် တရားမျှတစွာဝင်ရောက်ကူညီပြီး ထောက် ပြပေးနေသော်လည်း မီဒီယာသည် အသုံးချခံတစ်ခုအဖြစ် ယနေ့မြင်တွေ့နေရသည်မှာ များစွာ စိတ်မကောင်းဖြစ်မိသည်။ အသုံးချခြင်းကို ကျေနပ်စွာ ခံယူနေသော မီဒီယာတွေမှာ မိမိ၏ ကိုယ့်အကျိုးပါဝင်မှုမရှိပေ။

အဓိကအားဖြင့် နိုင်ငံနှင့်လူမျိုးအတွက်ရသော ကလောင်တံကိုကိုင်ပြီး တတ်နိုင်သည့်ဘက်မှ အထောက်အကူပြုနေခြင်းသာ ဖြစ်ပေသည်။ စာ နယ်ဇင်းများသည် အစိုးရ၏ ရန်သူမဟုတ်သည့်နည်းတူ  မတရားမှုများအပေါ် ထောက်ပြလမ်းညွှန်နေသူများလည်း ဖြစ်သည်။

နိုင်ငံတတကာတွင် ဂျာနယ်လစ်ပေါင်းများစွာ အသက်စတေးမှုတွေ၊ ပြန်ပေးဆွဲခံရမှုတွေ၊ နိုင်ငံအတွက် အသက်စွန့်သွားမှုတွေကို ကြည့်လျှင် သတင်းမီဒီယာသမားများသည် မည်သည့်စိတ်ဓာတ်ဖြင့် နိုင်ငံအပေါ်လုပ်ဆောင်နေသည်ကို နားလည်သဘောပေါက်သင့်ပေသည်။

မီဒီယာသမားများအပေါ် အထောက်အကူပြုနိုင်မည့် နည်းဥပဒေများမြန်မာနိုင်ငံအတွင်း မပေါ်ပေါက်သေးသော်လည်း အမျိုးသား ခေါင်းဆောင် ကြီး ဗိုလ်ချုပ်အောင်ဆန်းသည်လည်း မီဒီယာဘဝမှစတင်လာခဲ့သည့် အခြေအနေများကြည့်လျှင် မီဒီယာသမားများအတွက် အကာအကွယ်သည် မရှိ သေးသည်ကို တွေ့မြင်ရသည်မှာ ယနေ့အချိန်တွင် မဖြစ်သင့်တော့ပေ။

ယနေ့ဖြစ်ပေါ်နေသော အခြေအနေများသည် ဌာနဆိုင်ရာများတွင် သတင်းထုတ်ပြန်မှုကို တိကျစွာ ထုတ်ပြန်မှုကို တိကျစွာမပေးနိုင်ခြင်း အားမ ခံပေးနိုင်မှုနည်းခြင်း သတင်းတွင်ပါဝင်သော အချက်အလက်များကို ပြန်လည်ပြင်ဆင်ပေးပြီးမှသာ ထုတ်ဝေခွင့်ပြုခြင်းများသည် အမှန်တရားဆိုသော စတုတ္ထမဏ္ဍိုင်များတွင် မည်မျှအကျိုးသက်ရောက်စေသည်ကို နားလည်သိရှိရန် လိုအပ်ပေသည်။

ဒီမိုကရေစီကျင့်သုံးသည့် နိုင်ငံများတွင် အစိုးရမှ မီဒီယာသမားများအား အသိအမှတ်ပြုပြီး အပြန်အလှန်နားလည်မှုဖြင့် နိုင်ငံတိုးတက်ရေးကို ဆက်လက် လျှောက်လှမ်းရပေသည်။ နိုင်ငံဖွံ့ဖြိုးတိုးတက်ရေးတွင် မဏ္ဍိုင်လေးခုအနက် စတုတ္ထမဏ္ဍိုင်သည် နိုင်ငံလစာခံယူမှုမပါ နိုင်ငံတိုးတက်မှု လမ်း ကြောင်းပေါ်သို့ ရောက်စေချင်သော ဆန္ဒနှင့်သာ ဆောင်ရွက်နေပြီး ဒုတိယအဆင့်အနေဖြင့် မိမိဂျာနယ်ပေါက်မြောက်ရေးကို ဦးတည်ဆောင်ရွက်ကြ သည်။ ယင်းကဲ့သို့ရှိသော်လည်း အချို့သောဌာနဆိုင်ရာများသည် မိမိကိုယ်ကျိုးမနစ်နာစေရေးအတွက် သတင်းပြန်ကြားမှုတွင် ပြည်သူသိရှိအောင် ထုတ်ပြန်မှုများတွင် နိုင်ငံအတွက်မပါဝင်သည်ကို တွေ့မြင်နေရသည်။ တချို့သောဌာနများသည် ရေငုံနှုတ်ပိတ် နေကြသည်။ ယင်းကဲ့သို့ဖြစ်နေခြင်းသည် မူပြောင်းသော်လည်း လူမပြောင်းသေးခြင်းကို ပြသနေသလို ဖြစ်နေသည်။

မိမိခြေထောက်အပေါ် မိမိရပ်တည်ပြီး နိုင်ငံအကျိုးအတွက် လုပ်ဆောင်နေသည်မှာ မီဒီယာသမားများပင် ဖြစ်သည်။

ယင်းအတွက် စာနားလည်မှုတွေ အပြန်အလှန် လိုအပ်နေပေသည်။ မိမိစီးပွားအတွက် မီဒီယာများအား ခုတုံးလုပ်မှုများရှိနေသည်။ တစ်ခါတစ်ရံ အမှားအယွင်းများသည် မီဒီယာတွင်လည်းရှိနေမည်။ အဓိကအနေဖြင့် စာနာနားလည်မှုပင်ဖြစ်သည်။ အရည်အချင်းပြည့်သော မီဒီယာသမားများစွာရှိ သော်လည်း အကာအကွယ်ပေးသည့် ဥပဒေမပေါ်ထွက်လာခြင်းကြောင့် လမ်းတိမ်းချော်သွားသော မီဒီယာသမားများလည်း ရှိပေသည်။ ယင်းကဲ့သို့ ဖြစ်  လာလျှင် နိုင်ငံအတွက် များစွာ နစ်နာပေသည်။

အချုပ်အားဖြင့်ဆိုသော် မည်မျှပင် ဖြစ်သည်ရှိသော်လည်း မီဒီယာသည် ခေတ်အစိုးရပြောင်းသည့်တိုင်အောင် မီဒီယာဆိုသည်မှာ ရှိနေမည်သာ ဖြစ်သည်။ ယင်းအတွက် အစိုးရနှင့်ပြည်သူများ အကြားမီဒီယာသည် ထိန်းညှိစွာ တည်ရှိနေမည်သာ ဖြစ်သည်။ အစိုးရနှင့်မီဒီယာအကြား မပြေလည်မှု များသည် တစ်ချိန်သော ကာလတစ်ခုတွင် ညှိနှိုင်းအဆင်ပြေလာမည်ဟု စာရေးသူအနေဖြင့် သုံးသပ်မိပါ သည်။

*****************************************


Google Drive: create, share, and keep all your stuff in one place.
Logo for Google Drive

Document yangonchronicle2011
yangonchronicle2011

၅.၈.၂၀၁၂

ပြည်တွင်းသတင်း

  1. MJA သတင်းထုတ်ပြန်ချက်အနက် အချက်နှစ်ချက်အား လက်မခံကြောင်း EMG ဖော်ပြ
  2. ဂျပန်စီးပွားရေုးလုပ်ငန်းအား ထောက်ကူနိုင်ရန် မြန်မာ၌ ရုံးဖွင့်မည်
  3. တောင်ကိုရီးယားနိုင်ငံမှ မြန်မာပို့ကုန်ပစ္စည်းများအပေါ် အခွန်ကောက်ခံမှု ကင်းလွတ်ခွင့်ပြု

ပြည်တွင်းပါတီ၊ နိုင်ငံရေးသတင်း

  1. လာဘ်ပေးလာဘ်ယူမှုပပျောက်ရေး ဥပဒေကြမ်း တစ်ပိုဒ်ချင်းစီအလိုက်သာ အတည်ပြု

သတင်းနှင့် ဆောင်းပါးကောက်နှုတ်ချက်များ

*******************************

ပြည်တွင်းသတင်း

MJA သတင်းထုတ်ပြန်ချက်အနက် အချက်နှစ်ချက်အား လက်မခံကြောင်း EMG ဖော်ပြ

သြဂုတ်လ ၁ ရက်နေ့တွင် မြန်မာနိုင်ငံသတင်းစာဆရာအသင်း (MJA) ဖြစ်မြောက်ရေးကော်မတီ၏ သတင်းမီဒီယာများ ပိတ်ပင်ခံရခြင်းနှင့် ဖိနှိပ်ခံရမှုများနှင့် ပြန်ကြားရေးနှင့် စာပေစိစစ်ဌာနမှ The Voice Weekly ဂျာနယ်နှင့် Envoy News ဂျာနယ်တို့အား ထုတ်ဝေခွင့် ယာယီရပ်ဆိုင်မှုများ အပေါ် ထုတ်ပြန်သော သဘောထားကြေညာချက်အမှတ် (၄/၂၀၁၂)မှ အချက်နှစ်ချက်အား Eleven Media Group အနေဖြင့် လက်မခံနိုင်ကြောင်း EMG အွန်လိုင်းဝက်ဆိုဒ်စာမျက်နှာတွင် ဖော်ပြခဲ့သည်။

မြန်မာသတင်းစာဆရာအသင်း (MJA) ဖြစ်မြောက်ရေးကော်မတီ၏ ထုတ်ပြန်ကြေညာချက်အပေါ် Eleven Media Group အနေဖြင့် လက်မခံ နိုင်သည့် အချက်နှစ်ချက်မှာ စာနယ်ဇင်းကောင်စီဖွဲ့စည်းရေးနှင့် မီဒီယာဥပဒေကို အလျင်အမြန် ရေးဆွဲပြဋ္ဌာန်းရန် လမ်းကြောင်းပေးဖော်ပြထားသည့် အချက်များဖြစ်ကြောင်း သိရသည်။

"အခု ဂျာနယ်တွေပိတ်တာ၊ တရားတွေစွဲတာ 'လုံးဝ' မလုပ်သင့်တဲ့ကိစ္စပါ။ တစ်ဖက်နဲ့တစ်ဖက် ဘယ်လိုနားလည်မှုနဲ့ ဖြေရှင်းရမှာလဲ။ လုံးဝ မလုပ်ရမှာ။ ၁၉၆၂ ဥပဒေနဲ့ပဲ ထုတ်တင်စနစ်လုပ်ရင် ဂျာနယ်တွေဘာပိတ်စရာလိုတော့လို့လဲ။ အစိုးရသတင်းစာတွေက ရှုံးနေတယ်။ အခွန်ထမ်းတွေရဲ့ ငွေတွေနဲ့ အရှုံးခံနေရတာ။ ပိတ်ပစ်ရမှာ။ ဒီမိုကရေစီအစိုးရကထုတ်ဝေတဲ့ အစိုးရသတင်းစာဆိုတာ မကြားဖူးဘူး။ ပြန်ကြာရေးဝန်ကြီးဌာနဆိုတာလဲ ချုံ့ ပစ်ရမှာ။ လျှော့ပစ်ရမှာ။ အခွန်ထမ်းတွေရဲ့ ငွေတွေကိုမသုံးသင့်ဘူး။ ဒီမိုကရေစီနိုင်ငံစစ်စစ်တွေမှာ ဝန်ကြီးဌာနအသွင်နဲ့တောင်မရှိဘူး။ အရင်အုပ်ချုပ် ရေးစနစ်ဟောင်းက ပုံစံတွေကို ပြောင်းပစ်သင့်တယ်။ ဆရာဦးစိန်ဝင်းပြောသလို ကိုယ့်လည်ပင်းစွပ်မယ့်ကြိုးကို ကျွန်တော်တို့ ဝင်မကျစ်နိုင်ပါဘူး။ ကျွန်တော်တို့ကို proxy အဖွဲ့တွေနဲ့ ထိန်းချုပ်မှာကို လုံးဝမလိုလားပါဘူး။ ဟိုနိုင်ငံဒီနိုင်ငံက တစ်စစီ ကိုယ်လိုရာဆွဲယူထားတဲ့ ဖြတ်ညှပ်ကပ် ဥပဒေ ကိုလည်း လက်မခံပါဘူး။ ဂျာနယ်တွေ မတရားဖိနှိပ်ခံရတာကို အကြောင်းပြပြီး အခုလို မီဒီယာဥပဒေကို တက်သုတ်ရိုက်အတည်ပြုဖို့၊ စာနယ်ဇင်း ကောင်စီကိုဖွဲ့ဖို့ လမ်းကြောင်းပေးဖော်ပြထားတာကို လုံးဝလက်မခံပါဘူး" ဟု Eleven Media Group မှ ဒေါက်တာသန်းထွဋ်အောင်က ပြောကြား ကြောင်း Eleven Media Group ဝက်ဆိုဒ်သတင်းစာမျက်နှာတွင် ဖော်ပြပါရှိသည်။

မြန်မာသတင်းစာဆရာအသင်း (MJA) ဖြစ်မြောက်ရေးကော်မတီ၏ ထုတ်ပြန်ကြေညာချက်တွင် အချက် (၈)ချက်ပါဝင်ပြီး ကြေညာချက်အမှတ် စဉ် (၈)၏ "စာနယ်ဇင်းနှင့် သတင်းမီဒီယာများနှင့် အခြားအဖွဲ့အစည်း လူပုဂ္ဂိုလ်များအကြားတွင် ပေါ်ပေါက်လေ့ရှိတတ်သော နားလည်မှုလွဲခြင်းများ၊ မပြေလည်မှုများ၊ ပဋိပက္ခများကို ကြားဝင်ဖြေရှင်းပေးနိုင်မည့် လွတ်လပ်သော အဖွဲ့အစည်းကြီးတစ်ခု အမြန်ဆုံးပေါ်ပေါက်လာရေး၊ စစ်မှန်သော စတုတ္ထ မဏ္ဍိုင်ဖြစ်စေရေး အာမခံချက်ပေးမည့် မီဒီယာဥပဒေတစ်ရပ် အမြန်ဆုံးပြဋ္ဌာန်းနိုင်ရေးတို့ကို တာဝန်ရှိသူများက ဝိုင်းဝန်း အကောင်အထည်ဖော်ပေးကြ ပါရန် ကျွန်ုပ်တို့က တိုက်တွန်းပါသည်" ဟူသည့် အချက်အား EMG မှ လက်မခံနိုင်ခြင်းဖြစ်ကြောင်း သိရသည်။

ပြည်တွင်းအပတ်စဉ်ထုတ် ဂျာနယ်နှစ်စောင်ဖြစ်သည့် The Voice Weekly နှင့် Envoy ဂျာနယ်နှစ်စောင်တို့အား စာပေစိစစ်၏ သတ်မှတ်ချက် များအား မလိုက်နာခြင်းပာူသော စွဲချက်ဖြင့် ထုတ်ဝေခွင့် ယာယီရပ်ဆိုင်းလိုက်ပြီဖြစ်ကြောင်း  ဇူလိုင် ၃၁ ရက်နေ့ နေ့လည်တွင် စာပေစိစစ်နှင့် မှတ်ပုံ တင်ဌာန၌ ပြည်တွင်းသတင်းဂျာနယ်များနှင့် စာပေစိစစ်ရေးနှင့် မှတ်ပုံတင်ဌာန လုပ်ငန်းညှိနှိုင်းအစည်းအဝေးကို ခေါ်ယူကျင်းပခဲ့ပြီး ယင်း အစည်းအဝေး တွင် စာပေစိစစ်နှင့်မှတ်ပုံတင်ဌာနမှ ဒုတိယညွှန်ကြားရေးမှူးချုပ် ဦးတင့်ဆွေက တရားဝင်ပြောကြားခဲ့သည်။

Ref:Eleven Media Group

-----------------------------------------------------------------------------------------------------------------------------------

ဂျပန်စီးပွားရေုးလုပ်ငန်းအား ထောက်ကူနိုင်ရန် မြန်မာ၌ ရုံးဖွင့်မည်

မြန်မာနိုင်ငံရှိ စီးပွားရေးလုပ်ငန်းများတွင် ဂျပန်နိုင်ငံမှ လာရောက်ရင်းနှီးမြှုပ်နှံကြမည့် စီးပွားရေးလုပ်ငန်းရှင်များ အထောက်အကူကောင်းများ ပေးနိုင်ရန် ဂျပန်ပြည်ပကုန်သွယ်ရေးအဖွဲ့အစည်း Jetro မှ စီးပွားရေးအထောက်အကူပြုဌာနတစ်ခုကို မြန်မာနိုင်ငံ၌ စက်တင်ဘာလ ၃ ရက်နေ့တွင် စတင် ဖွင့်လှစ်မည်ဖြစ်ကြောင်း သိရသည်။

“ဂျပန်နိုင်ငံက စီးပွားရေးလုပ်ငန်းရှင်တွေ လာပြီးရင်းနှီးမြှုပ်နှံမယ်ဆိုရင် သူတို့ကို အထောက်အကူပေးနိုင်အောင်လို့ မြန်မာနိုင်ငံမှာ ရုံးခန်းဖွင့် လှစ်မယ်လို့ သိရပါတယ်။ ဂျပန်နိုင်ငံက မြန်မာနိုင်ငံထဲကို ရင်းနှီးမြှုပ်နှံမှုတွေ ဝင်လာတော့မယ်ဆိုရင် သူတို့ဆီက နည်းပညာတွေ ရရှိတော့မှာပါ။ မြန်မာ လုပ်ငန်းရှင်တွေအနေနဲ့လည်း ပြည်ပရင်းနှီးမြှုပ်နှံမှုတွေနဲ့ ယှဉ်ပြိုင်နိုင်အောင် ကြိုတင်ပြင်ဆင်ထားသင့်ပါတယ်”ပြည်တွင်း စီးပွားရေးလုပ်ငန်းရှင်တစ်ဦး က ပြောကြားသည်။

ဂျပန်နိုင်ငံမှ လာရောက်ဖွင့်လှစ်မည့် စီးပွားရေးအထောက်အကူပြုဌာနသည် ကာလတိုရုံးခန်းငှားရမ်းခြင်းများ၊ ဒေသဆိုင်ရာ သတင်းအချက် အလက်နှင့် ဂျပန်ကျွမ်းကျင်ပညာရှင်များဖြင့် စီးပွားရေးအကြံပေးခြင်း စသည့်လုပ်ငန်းများကို ဆောင်ရွက်ပေးသွားမည်ဖြစ်ကြောင်း Jetro ၏ သတင်း ထုတ်ပြန်ချက်တွင် ပါရှိကြောင်း ပြည်တွင်းအပတ်စဉ်ထုတ် မြန်မာပို့စ်ဂလိုဘယ်ဂျာနယ်တွင် ဖော်ပြပါရှိသည်။

“စတုရန်း ၁၀ မီတာရှိတဲ့ အခန်းသုံးခန်းကို ရုံးခန်းအဖြစ်ဌားရမ်းသွားမှာပါ။ အသေးစားနဲ့ အလတ်စားစီးပွားရေးအဖွဲ့တွေကို ရုံးခန်းတစ်ခန်း ငှားရမ်းခ ရက်ပေါင်း ၇၀ အတွက် အမေရိကန်ဒေါ်လာ ၄၀၀ ဆိုပြီး သတ်မှတ်ထားပါတယ်။ စီးပွားရေးလုပ်ငန်းကြီးတွေအတွက်ကတော့ ရုံးခန်းတစ်ရက် ငှားရမ်းခကို ရက်ပေါင်း ၇၀ အတွက် အမေရိကန်ဒေါ်လာ ၉၇၇ ဒေါ်လာကျသင့်မှာဖြစ်ပါတယ်”ပာု Jetro မှ တာဝန်ရှိသူတစ်ဦးက ပြောကြားသည်။

စီးပွားရေးအထောက်အကူပြုဌာန၌ အခန်းလာရောက်ငှားရမ်းသည့် မည်သည့်ကုမ္ပဏီမဆို အများဆုံးဌားရမ်းမှုကာလအဖြစ် ရက်ပေါင်း ၇၀ ပာု သတ်မှတ်ထားကြောင်း ပြည်တွင်းအပတ်စဉ်ထုတ် မြန်မာပို့စ်ဂလိုဘယ်ဂျာနယ်တွင် ဖော်ပြပါရှိသည်။

Ref:မြန်မာပို့စ်ဂလိုဘယ်

-----------------------------------------------------------------------------------------------------------------------------------

တောင်ကိုရီးယားနိုင်ငံမှ မြန်မာပို့ကုန်ပစ္စည်းများအပေါ် အခွန်ကောက်ခံမှု ကင်းလွတ်ခွင့်ပြု

တောင်ကိုရီးယားနိုင်ငံသို့ မြန်မာနိုင်ငံမှ တင်ပို့လျက်ရှိသော ကုန်ပစ္စည်းများမှ အချို့ကို အကောက်ခွန် ၈၀ ရာခိုင်နှုန်းသို့ ကင်းလွတ်ခွင့်ပြုခဲ့ပြီး အရေအတွက် ကန့်သတ်ကင်းလွတ်ခွင့် (Quota free) ပေးထားသော ကုန်စည်အမည်များကို တိုးမြှင့်သတ်မှတ်ပေးခဲ့ကြောင်း သိရသည်။

“ကိုရီးယားနိုင်ငံက မြန်မာနိုင်ငံက ကုန်စည်တင်သွင်းမှုအပေါ်တွေမှာ ကောက်ခံနေတဲ့ ကုန်ပစ္စည်းအချို့ကို အခွန်ကင်းလွတ်ခွင့်ပြုခဲ့ပါတယ်။ ကိုရီးယားနိုင်ငံပာာ ပြီးခဲ့တဲ့ ၂၀၀၈ ခုနှစ်မှာ ကုန်စည်အားလုံးရဲ့ ၇၅ ရာခိုင်နှုန်းကို လျှော့ပေါ့ပေးခဲ့ပါတယ်။ ၂၀၀၉ ခုနှစ်မှာတော့ ကုန်စည် ၂၅၃ မျိုးကို ကင်းလွတ်ခွင့်ပေးခဲ့ပါတယ်။ အခုကတော့ ကျန်ကုန်စည်အားလုံးရဲ့ ၈၀ ရာခိုင်နှုန်းကျော်ကို ကင်းလွတ်ခွင့်ပေးခဲ့တာပါ”ပာု စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနမှ တာဝန်ရှိသူတစ်ဦးက ပြောကြားသည်။

ကိုရီးယားနိုင်ငံမှ ကင်းလွင်ခွင့်ပြုလိုက်သည့် ကုန်စည်လိုင်းများမှာ လယ်ယာထွက်ကုန်ပစ္စည်းမှ ၂၆ လိုင်း၊ ရေထွက်ပစ္စည်းမှ ၁၀ လိုင်း၊ တိရစ္ဆာန် နှင့် တိရစ္ဆာန်ထွက်ပစ္စည်းမှ ၂၈ လိုင်း၊ သတ္တုတွင်းထွက်ပစ္စည်းမှ ၁၂ လိုင်း၊ အထည်အလိပ်နှင့် အဝတ်အထည်မှ ၁၀၂ လိုင်း၊ ဓာတုနှင့် ဓာတုထုတ်ကုန် များမှ ၆ လိုင်း၊ စက်မှုထုတ်ကုန်ပစ္စည်းများမှ ၅၅ လိုင်း၊ ဆေးနှင့် ဆေးပစ္စည်းလိုင်းမှ တစ်လိုင်း၊ လက်မှုအနုပညာလိုင်းမှ ၁၂ လိုင်း စုစုပေါင်း ၂၅၁ လိုင်းကို ကင်းလွတ်ခွင့်ပေးခဲ့ခြင်းဖြစ်ကြောင်း ပြည်တွင်းအပတ်စဉ်ထုတ် မြန်မာပို့စ်ဂလိုဘယ်ဂျာနယ်တွင် ဖော်ပြပါရှိသည်။

“အထည်ချုပ်လုပ်ငန်း တင်ပို့မှုမှာ ဒုတိယအများဆုံးက ကိုရီးယားနိုင်ငံပါ။ ဒီတော့ အထည်ချုပ်အလုပ် ပိုအသက်ဝင်လာနိုင်ပါတယ်။ ဒီလို အခွန် လျှော့ပြီဆိုရင် အထည်ချုပ်လုပ်ငန်းတွေမှာ ဖြစ်နေတဲ့ပြဿနာတွေ ပြေလည်နိုင်မယ်ထင်ပါတယ်”ပာု အထည်ချုပ်လုပ်ငန်းရှင် ကိုဋ္ဌေးဇော်က ပြောကြား ကြောင်း  ပြည်တွင်းအပတ်စဉ်ထုတ် မြန်မာပို့စ်ဂလိုဘယ်ဂျာနယ်တွင် ဖော်ပြပါရှိသည်။

ယခုကဲ့သို့ ကိုရီးယားနိုင်ငံမှ အခွန်များလျှော့ပေါ့ပေးခဲ့သည့်အတွက် မြန်မာနိုင်ငံမှတင်သွင်းလျက်ရှိသည့် ကုန်စည်လိုင်းစုစုပေါင်း ၈၀ ရာခိုင်နှုန်း အထိ ကင်းလွတ်ခွင့်ရမည်ဖြစ်ပြီး ပြည်တွင်းရှိ ပို့ကုန်လုပ်ငန်းရှင်များအတွက် ပိုမိုအကျိုးရှိ၍ အဆင်ပြေလာနိုင်မည်ဖြစ်ကြောင်း ၎င်းက ဆက်လက် ပြောကြားသည်။

Ref:မြန်မာပို့စ်ဂလိုဘယ်

*******************************

ပြည်တွင်းပါတီ၊ နိုင်ငံရေးသတင်း

လာဘ်ပေးလာဘ်ယူမှုပပျောက်ရေး ဥပဒေကြမ်း တစ်ပိုဒ်ချင်းစီအလိုက်သာ အတည်ပြု

၂၀၁၂ သြဂုတ်လ ၁ ရက်နေ့၌ ကျင်းပပြုလုပ်ခဲ့သည့် ပထမအကြိမ် အမျိုးသားလွှတ်တော် စတုတ္ထပုံမှန်အစည်းအဝေး (၁၉)ရက်မြောက်နေ့တွင် အမျိုးသားလွှတ်တော်ဥပဒေကြမ်းကော်မတီ အတွင်းရေးမှူး ဦးစံထွန်း၍ လာဘ်ပေးလာဘ်ယူမှုပပျောက်ရေး ဥပဒေကြမ်းနှင့် ပတ်သက်၍ လွှတ်တော် ကိုယ်စားလှယ်များ ဆွေးနွေးမှုအပေါ် ဥပဒေကြမ်းကော်မတီ၏ အစီရင်ခံစာကို ပြန်လည်ဖတ်ကြားမှုအပေါ် အမျိုးသားလွှတ်တော်ဥက္ကဋ္ဌ ဦးခင်အောင်မြင့် က ယင်းဥပဒေကြမ်းအား တစ်ပိုဒ်ချင်းစီအလိုက် အတည်ပြုခဲ့ကြောင်း နိုင်ငံပိုင်သတင်းမီဒီယာများ၏ သတင်းဖော်ပြချက်အရ သိရသည်။

ဘဏ္ဍာရေးနှင့် ဥပဒေရေးရာကော်မရှင်ဥက္ကဋ္ဌ ဦးအောင်ထွန်းက လာဘ်ပေးလာဘ်ယူမှုပပျောက်ရေးဥပဒေကြမ်းကို အတည်ပြုရန် အဆို တင်သွင်းခဲ့ပြီး ဧရာဝတီတိုင်းဒေသကြီး မဲဆန္ဒနယ်အမှတ်(၃)မှ ဦးဉာဏ်လင်းက ထောက်ခံဆွေးနွေးခဲ့သည့်အတွက် ယင်းဥပဒေကြမ်းကို လွှတ်တော်မှ အတည်ပြုကြောင်း ဆုံးဖြတ်ခဲ့သည်။

“ခုချိန်ထိကို အစိုးရဌာနတွေမှာ လာဘ်ပေးလာဘ်ယူမှုတွေ ရှိနေတုန်းပါပဲ။ ဒီကိစ္စကို သေသေချာချာ ကိုင်တွယ်သင့်ပါပြီ။ အရင်အစိုးရ လက်ထက်ကတည်းက ကျင့်သုံးရခဲ့တဲ့ ဝန်ထမ်းတွေရဲ့ အကျင့်ပျက်ခြစားမှုတွေကို အဖွဲ့တွေဖွဲ့ပြီး ထိထိရောက်ရောက် အရေးယူသင့်ပါပြီ။ ဒီကိစ္စကို လွှတ်တော်တွင်းမှ ဆွေးနွေးနေပေမယ့် လာဘ်ပေးလာဘ်ယူမှုပပျောက်ရေးအတွက် အမြန်ဆုံးလုပ်ဆောင်သင့်ပါပြီ”ပာု လွှတ်တော်ကိုယ်စားလှယ် တစ်ဦးက ပြောကြားသည်။

၀၁၂ ဇူလိုင် ၉ ရက်နေ့ထုတ် နိုင်ငံပိုင်သတင်းစာများတွင် လာဘ်ပေးလာဘ်ယူမှုပပျောက်ရေး ဥပဒေကြမ်းကို ထုတ်ပြန်ကြေညာခဲ့ပြီး ယင်း ဥပဒေကြမ်းအရ မြန်မာနိုင်ငံအတွင်း အစိုးရသစ်လက်ထက်မှ စတင်ဖွဲ့စည်းခဲ့သည့် လာဘ်ပေးလာဘ်ယူပပျောက်ရေးကော်မရှင်၏ တာဝန်ပေးချက်အရ စုံစမ်းစစ်ဆေးရေးအဖွဲ့၏ စုံစမ်းစစ်ဆေးမှုများကို ငြင်းပယ်သည့်ဘဏ်နှင့် ငွေကြေးအဖွဲ့အစည်းတစ်ခုမှ တာဝန်ရှိသူများအား ထောင်ဒဏ် ငါးနှစ် ချမှတ် သည်အထိ အရေးယူဆောင်ရွက်သွားမည်ဖြစ်ကြောင်း လာဘ်ပေးလာဘ်ယူမှုဥပဒေကြမ်းတွင် ဖော်ပြပါရှိသည်။

ထို့ပြင် ကော်မရှင်အနေဖြင့် ပဏာမစိစစ်ရေးအဖွဲ့နှင့် စုံစမ်းစစ်ဆေးရေးအဖွဲ့များကို လိုအပ်သလို ဖွဲ့စည်းတာဝန်ပေးအပ်နိုင်ပြီး ကော်မရှင် သည် စုံစမ်းစစ်ဆေးရေးအဖွဲ့၏ စုံစမ်းစစ်ဆေးတွေ့ချက်အစီရင်ခံစာရ  တစ်စုံတစ်ဦးသည် လာဘ်ပေးလာဘ်ယူမှုနှင့် ကြွယ်ဝချမ်းသာလာကြောင်း စစ် ဆေးတွေ့ရှိရပါက ယင်းငွေကြေးနှင့်ပစ္စည်းများကို  ပြည်သူ့ဘဏ္ဍာအဖြစ် သိမ်းဆည်းရန် သင့်၊ မသင့် သဘောထားမှတ်ချက်နှင့်အတူ ကော်မရှင်သို့ တင်ပြရမည်ဖြစ်ပြီး သက်သေထင်ရှားပါက ပြည်သူ့ဘဏ္ဍာအဖြစ် သိမ်းဆည်းရန် အမိန့်ချမှတ်နိုင်ကြောင်း လာဘ်ပေးလာဘ်ယူမှုပပျောက်ရေး ဥပဒေ ကြမ်းဖော်ပြချက်အရ သိရသည်။

YC

*******************************

သတင်းနှင့် ဆောင်းပါးများမှ ကောက်နှုတ်ချက်များ

“ကျွန်တော်တို့ကတော့ ဒီကိစ္စကို မြန်မာပြည်နိုင်ငံရေးမှာ စသုံးလာတဲ့အချိန်ကတည်းက လက်မခံခဲ့ဘူး။ နိုင်ငံရေးပြဿနာတွေကို ရှင်းနိုင်တဲ့အနေ အထား မဟုတ်ဘူး။ ပြည်သူလူထုက ဒီလိုမဲပေးတဲ့စနစ်ကို ကျင့်သုံးဖို့ အဆင်သင့်ဖြစ်ပြီလို့ မထင်ဘူး။ ပါတီလေးတွေအဖို့တော့ ဒီစနစ်က ကိုယ်စားပြုမှု ရမှာပေါ့။ ဒါပေမယ့် နိုင်ငံရေးပါတီကြီးတစ်ခုလုပ်မယ်ဆိုရင်တော့ ပါတီကြီးတစ်ခုက ပြည်သူလူထုရဲ့ဆန္ဒကို ရအောင်ယူမယ်။ လူထုရဲ့ ဆန္ဒအများဆုံး ရရှိတဲ့အပေါ်မှာ မူတည်ပြီး ဒီပါတီကြီးက နိုင်ငံရေးလုပ်ငန်းတွေ အများကြီး လုပ်သွားနိုင်တယ်”

သြဂုတ် (၃)ရက်နေ့ထုတ် မြန်မာပို့စ်ဂလိုဘယ်ဂျာနယ် အမှတ် (၇၀) တွင်ပါရှိသည့် “အချိုးကျကိုယ်စားပြု ရွေးချယ်စနစ်နဲ့ ပတ်သက်ပြီး အမြင်စုစည်းမှု” မှ အမျိုးသားဒီမိုကရေစီအဖွဲ့ချုပ်နာယက ဦးဝင်းတင်၏ ပြောကြားချက်အပေါ် ကောက်နှုတ်ချက်။

-----------------------------------------------------------------------------------------------------------------------------------

"မြေဈေးကွက်ကို အခွန်စနစ်နဲ့ ထိန်းနိုင်သလို နောက်တနည်းက အမိန့်ညွှန်ကြားချက်နဲ့ ထိန်းလို့ရတယ်။ စက်မှုဇုန်မြေတွေ ချပေးတယ်။ ချပေးစဉ် ကတည်းက စည်းကမ်းသတ်မှတ်ချက်နဲ့ လမ်းညွှန်ချက်ရှိပြီးသား။ ဘယ်အချိန်မှာ ဝန်းထရံခတ်ရမယ် စသဖြင့်ပေါ့။ မြေနဲ့အိမ်လည်း ဒီလိုပဲ။ ဘယ်ကာလ အတွင်းမှာ အိမ်ဆောက် ချပေးထားတဲ့အချိန် ကုမ္ပဏီတွေ ပြန်ပြီးမသိမ်းအောင် ညွှန်ကြားချက်ထုတ်ထားတာ ရှိတယ်။ ဒါကြောင့် လူနေအိမ်ယာဖြစ်ဖို့ အတွက် အစိုးရဝန်ကြီးလုပ်ရမယ့် အခန်းကဏ္ဍတွေ ပီပြင်ဖို့လိုတယ်"

သြဂုတ် ၃ ရက်ထုတ် Envoy Journal အတွဲ ၃ အမှတ် ၁၃ တွင်ပါရှိသည့် "ပြည်ပရင်းနှီးမြှပ်နှံမှု နှောင့်နှေးခြင်းသည် ရင်းနှီးမြှပ်နှံမှုဥပဒေပေါ် မူတည် ဖြစ်ပေါ်"သတင်းမှ မဏ္ဍိုင်အိမ်ခြံမြေအကျိုးဆောင် ဦးသန်းဦး၏ ပြောကြားချက်အပေါ် ကောက်နှုတ်ချက်။

-----------------------------------------------------------------------------------------------------------------------------------

"ကျွန်တော်တို့သိချင်နေတာက အခြေအနေတွေ နောက်ကြောင်းပြန်သွားခဲ့ရင် ကျွန်တော်တို့လည်း နောက်ကြောင်းပြန်သွားနိုင်ပါ့မလားဆိုတာရယ်၊ ကျွန်တော်တို့ချင်း ဆက်ဆံရေး ထိခိုက်မလားဆိုတာရယ်ပါပဲ။ အခြေအနေတွေ ရှေ့ဆက်သွားရင်တော့ လျော့ပေါ့ချက်တွေသုံးပြီး လိုအပ်တာတွေ ဖြည့် ဆည်းပေးဖို့ ကျွန်တော်တို့ဘက်က လုပ်ပိုင်ခွင့်နဲ့ ပြောင်းလွယ်ပြင်လွယ်တဲ့ စီမံခန့်ခွဲမှုတွေ ရာနှုန်းပြည့်ရှိနေပါတယ်။ ဒါကြောင့်လည်း ပြီးခဲ့တဲ့ သတင်း ပတ်မှာ ကျွန်တော်တို့ရဲ့ ရင်းနှီးမြှပ်နှံမှု ထားတာတွေကို လျော့ပေါ့ခဲ့တာပါ"

ဇူလိုင် ၂၇ရက်နေ့ထုတ် မြန်မာတိုင်းမ်ဂျာနယ် အတွဲ ၂၉ အမှတ် ၅၇၉ တွင်ပါရှိသည့် "သွင်းကုန်ပိတ်ဆို့မှုလျော့ရန် ဆက်လက်စဉ်းစားမည်"သတင်းမှ မြန်မာနိုင်ငံဆိုင်ရာ အမေရိကန်ပြည်ထောင်စုသံအမတ်ကြီး ဒဲရစ်မစ်ချယ်လ်၏ ပြောကြားချက်အပေါ် ကောက်နှုတ်ချက်။

*****************************


Google Drive: create, share, and keep all your stuff in one place.
Logo for Google Drive