Transparency Myanmar

transparency.myanmar@gmail.com

အမေရိကန်သမ္မတ ဘားရက်ဟူစိန်အိုဘားမား တစ်ယောက် အာရှခရီးစဉ် ပြီးဆုံး၍ အမိမြေသို့ ပြန်လည် ရောက်ရှိနေပြီ ဖြစ်သည်။ အာရှ ခရီးစဉ်အတွင်း အိုဘားမားသည် ဂျပန်ဧကရာဇ်အား ဦးညွတ် ဂါရဝပြုကာ အရိုအသေ ပေးခဲ့သည်။ မြန်မာနိုင်ငံမှ စစ်အာဏာရှင်နှင့် လက်ဆွဲ နှုတ်ဆက်မှု ပြုသည်။

တရုတ် အစိုးရ ခေါင်းဆောင်ပိုင်းများနှင့် အစည်းအဝေးများ ခဲရာခဲဆစ် ပြုလုပ်သည်။ သေချာသည်မှာ အမေရိကန် သမ္မတကြီး အိုဘားမား အာရှတွင် မည်မျှအတိုင်းအတာ အထိ ကိုယ့်ကိုယ်ကို နှိမ်ချခဲ့သည် ဟူသော အကြောင်းမှာ လူတိုင်း ပါးစပ်ဖျားတွင် ပြောဆိုနေခဲ့ ကြပါလိမ့်မည်။  

အမေရိကန် ပြည်ထောင်စု၏ သမိုင်း မှတ်တမ်းများကို ကြည့်ပါက ကမ္ဘာ့ အရှေ့ပိုင်း ဒေသများနှင့် ဆက်ဆံရေးတွင် အမြဲပင်တစေ လိုက်လျောသမှု ပြုရသည့် စရိုက်မျိုး ရှိခဲ့သည်ကို တွေ့ရပါမည်။ ဟုတ်ပါသည်။ အမေရိကန်များသည် သမိုင်းကြောင်း အစဉ်အလာအရ အစောပိုင်း ကတည်းက စာပေ တတ်မြောက်ခဲ့ခြင်း မရှိရာ အခွင့်အရေး ပေါ်လာတိုင်း အကျပ်အတည်းနှင့် ရင်ဆိုင်ရစမြဲ ဖြစ်သည်။

တိတိ ကျကျနှင့် ရှင်းရှင်း လင်းလင်းဆိုပါက အမေရိကန်တို့၏ ဆွဲဆောင်ရည် ရှိမှုနှင့် ကျိန်စာသင့်မှု တို့သည် ဒွန်တွဲနေသည့် သဘောတွင် ရှိခဲ့ပါသည်။ အမေရိကန်တို့ ဟူသည် အတိတ် သမိုင်းကို အာရုံကျလေ့ မရှိဘဲ အနာဂတ် ကာလနှင့် ပတ်သက်သော အရေး ကိစ္စများကိုသာ အမြဲပင် အရေးပေး စဉ်းစားတွေးတော နေခဲ့ကြသူများ ဖြစ်ကြသည်။

အတိတ် သမိုင်းကို လျစ်လျူရှု ခဲ့ကြပြီး သာယာလှပမည့် ရွှေရောင် အနာဂတ်ကို တည်ဆောက် ကြသည်။ ယခင်က စက်မှု အနာဂတ်အကြောင်း စဉ်းစား တွေးတော ခဲ့ကြရာမှ ယခုအခါတွင်မူ အင်ဖော်မေးရှင်း အနာဂတ် ကိစ္စကို အလေးပေး နေကြပြီ ဖြစ်သည်။

အမေရိကားသည် အနာဂတ် မရှိတော့သည့် နယ်မြေဒေသတစ်ခု ဖြစ်နေပြီဟု ပြောနေကြသည့် ကိစ္စမှာ သမိုင်းကြောင်းကို လျစ်လျူရှုသည့် အပြောမျိုး ဖြစ်သည်။ အမှန်တွင် အမေရိကားဟူသည် အခြားသော ကမ္ဘာ့နိုင်ငံများထက် ပိုသော အနာဂတ်ပေါင်း မြောက်မြားစွာကို ပိုင်ဆိုင်ခဲ့သည့် နိုင်ငံတစ်ခုဖြစ်သည်။ အမေရိကန် ပြည်သူများ၏ အနာဂတ်သည် အခြားနိုင်ငံ ပြည်သူများထက် ပိုများခဲ့သည်။ "အမေရိကားမှာ နောက်ထပ် တစ်ခုထက်ပိုသော အနာဂတ် မရှိတော့ဘူးလား" ဟု မည်သူက ပြောလာမည်နည်း။

ယခုလို သမိုင်းကြောင်းကို လုံးလုံးလျားလျား မေ့ပစ်ထားခြင်းသည် အမေရိကန်တို့၏ မှားယွင်းသော အမျိုးသားရေး စရိုက်လက္ခဏာကြီး တစ်ခုပင် ဖြစ်သည်။  အမေရိကန်တွေ သမိုင်းကို မေ့ပစ်သည်။

ဥပမာ- တစ်ချိန်က အာရှဒေသ အတော်များများ ကိုလိုနီ သိမ်းပိုက်ခြင်း ခံခဲ့ရသလို အမေရိကန် ပြည်သည်လည်း ကိုလိုနီနယ်ချဲ့တို့ သိမ်းပိုက်ခံခဲ့ရသည် ဟူသော အချက်ကို မေ့ထား ကြသည်။ ထို့နည်း အတိုင်းပင် အာရှ၏ သမိုင်းကြောင်းကိုလည်း အမေရိကန်တို့ မေ့ထားကြပြန်သည်။

ဥရောပသားတို့ သဘာဝ သံယံဇာတများအပေါ် လောဘ ရမ္မက်တက်ကာ အာရှဒေသ အများစုကို ကိုလိုနီ သိမ်းပိုက်ခဲ့ကြခြင်း၊ အာရှသားများ ဥရောပ ကိုလိုနီတို့၏ နှိပ်စက်မှုဒဏ်ကို အမေရိကန်တွေ နည်းတူ ခံစားခဲ့ကြရခြင်း အစရှိသည်တို့ကို အမေရိကန်တွေ မေ့ပစ်ကြသည်။

ယခုဆိုလျှင် အမေရိကန်များ အတွက် အာရှတန်ဖိုး (သို့မဟုတ်) အာရှစရိုက်သည် လွန်စွာ အရေးပါလာပြီဟူသော ထင်မြင်ချက်ဖြင့် အာရှနှင့် မိတ်သင်္ဂဟပြုရန် အကြောင်း ရှာနေကြသည်။ အာရှသားများ ဟူသည် တစ်ချိန်က အမေရိကန်တွေများနှင့် ဘဝချင်း တူညီခဲ့သည် ဟူသော အချက်ကို မေ့ပစ်ပြီး မိတ်ဆွေဖွဲ့ရန် ကြိုးပမ်းနေခြင်း ဖြစ်သည်။

ပြီးခဲ့သည့် တစ်ပတ်လောက်က Time Magazine ကြီးက ဆောင်းပါးတစ်ပုဒ် ဖော်ပြခဲ့သည်။ ဆောင်းပါးက အမေရိကန်တွေ အနေဖြင့် တရုတ်ပြည်မှ သင်ယူရမည့် အချက် ငါး ချက်ကို ဖော်ပြသည်။ ထိုဆောင်းပါး ဖော်ပြခြင်းအားဖြင့် အမေရိကန်တွေ သမိုင်းကြောင်းကို မေ့ထားသည် ဟူသော အချက်မှာ ပိုမို ရှင်းလင်းသွားသည်။

Time Magazine အယ်ဒီတာများ၏ အတွေး မှန်ကန်ပါသည်။ မှန်တာမှ လှလှပပကို မှန်သည်ဟု ဆိုရမည်။ ထိုဆောင်းပါးက အမေရိကန်တွေ အနေဖြင့် ရည်မှန်းချက် ကြီးမားရေး၊ ပညာရေးကို တန်ဖိုးထားရေး၊ သက်ကြီး ရွယ်အိုများကို ဂရုစိုက်ရေး၊ ပိုက်ဆံ များများစုပြီး အနာဂတ်ကို မျှော်ကြည့်ရေး အစရှိသည်တို့ကို ကောင်းစွာ လုပ်ရမည်ဟု ဆိုသည်။

ဆိုပါက ထိုအိုင်ဒီယာများသည် အမေရိကန်တွေ အတွက် ပြည်ပမှ လာသော အိုင်ဒီယာများ မဟုတ်ပါ။ ထို အိုင်ဒီယာများသည် အမေရိကန် အိုင်ဒီယာများပင် ဖြစ်ပြီး အမေရိကန်များ အနေဖြင့် ကိုယ့် သမိုင်းကြောင်းကို ကိုယ် မစိုစလောက်လေးပင် သိရှိ နားလည်ထားသည် ဟူသော အချက်ကို ညွှန်းဆိုနေပါသည်။

ထိုမျှ မကသေးပါ။ အမေရိကန်တွေ ကိုယ်ပိုင် ဝါဒအောက်မှ ဝေးကွာသော နေရာသို့ မည်မျှ အတိုင်းအတာအထိ ရောက်ရှိနေသည် ဟူသော အချက်ကိုလည်း သတိပေး ဖော်ကျူးနေသလို ဖြစ်ပါသည်။ Time Magazine ပါ အချက်များကို အတိုချုံးပြီး လေ့လာကြည့်လျှင် အောက်ပါ အတိုင်း တွေ့ရပေလိမ့်မည်။

နံပါတ်-၁ ။ ရည်မှန်းချက်ကြီးပါ။

ရည်မှန်းချက် ကြီးခြင်း ဆိုသည်မှာ အမေရိကန် ဝါဒအတွက် လွန်စွာ အခရာကျသော ကိစ္စတစ်ခု ဖြစ်သည်။ ကိုလိုနီ လက်အောက်တွင် ရှိစဉ်က ရည်မှန်းချက် သိပ်မကြီးလှသူ အချို့ အမေရိကားသို့ ရောက်လာကြသည်။

ထိုစဉ်က အမေရိကားဟူသည် ကမ္ဘာ့ပထမဆုံး လုပ်ငန်း နယ်ပယ်ကြီး ဖြစ်ခဲ့သည်။ အိမ်မက်ကြီးကြီး မက်လိုသူများ အတွက် မူလဘူတဟု ဆိုလျှင်လည်း ရနိုင်သည်။  

နံပါတ်-၂။ ပညာရေးပြဿနာများ

ပညာရေးနှင့် ဆိုင်သော အရေးကိစ္စဟူသည် အမေရိကားတွင် အမြဲတစေပင် ရှိနေသည်။ အမေရိကန်များသည် စာသင်ကျောင်းပေါင်း များစွာကို ထူထောင်သည်။ United State ဟူသော အမည်နာမ မပေါ်ပေါက်ခင် ကတည်းကပင် စာသင်ကျောင်းပေါင်း များစွာရှိခဲ့သည်။ အမျိုးသားရေး ခေါင်းဆောင်ကြီးများ ဖြစ်ခဲ့ကြသော Thomas Jafferson နှင့် Horace Mann တို့ ထူထောင်ကာ အားပေး အားမြှောက် ပြုလုပ်ခဲ့သည့် ပြည်သူ့ စာသင်ကျောင်းများသည် ယနေ့ထိတိုင် အမေရိကန် ပြည်သူများအား အကျိုးပြုနေဆဲပင်။

နံပါတ်-၃။ သက်ကြီး ရွယ်အိုများကို ဂရုစိုက်ရေး

အမေရိကန်များသည် သက်ကြီး ရွယ်အိုများ အပေါ် ကောင်းမွန်စွာ ဂရုစိုက်ခဲ့နိုင်သူများ မဟုတ်ပေ။ အကြောင်းမှာ အမေရိကန် လူ့အဖွဲ့အစည်း၏ ပင်ကိုစရိုက် ကိုယ်တိုင်က ရွှေ့ပြောင်း သွားလာ နေကြ၍ ဖြစ်သည်။ သို့သော် ပြောင်းရွှေ့ နေထိုင်သူများသည် နိုင်ငံနှင့် လူမှုဘဝ ကောင်းစားရေး အတွက် ဦးဆောင်ဦးရွက်ပြု ကြိုးပမ်း သူများအပေါ် ကြည်ညို လေးစား သူများ ဖြစ်ကြသည်။ 

နံပါတ်-၄။ ပိုက်ဆံ များများစုပါ။

အမေရိကန်များသည် ချွေတာ စုဆောင်းသူများ ဖြစ်ခဲ့ကြသည်။ ကြွယ်ဝ ချမ်းသာသော နိုင်ငံ၊ ဓန အင်အားကြီးမားသော နိုင်ငံတစ်ခုအဖြစ် အသိအမှတ်ပြု ခံရခဲ့သော်ငြားလည်း ချွေတာ စုဆောင်း တတ်ခဲ့ကြသည်။ ပစ္စည်းဟောင်းများကို ပြန်လည် အသုံးချ တတ်ခဲ့သည်။ Recycle ယဉ်ကျေးမှုကို ကောင်းစွာ နားလည်ခဲ့သည်။ အရာရာကို Recycle လုပ်နိုင်အောင် ကြိုးစားပြီး ပိုက်ဆံ စုခဲ့ကြဖူးသည်။

နံပါတ်-၅။ မြင်ကွင်းတစ်ဆုံးကြည့်ပါ။

အကောင်းဆုံး စံနမူနာ ထားထိုက်သူမှာ Robert Goddard ဖြစ်သည်။ သူသည် မြင်ကွင်းတစ်ဆုံး ကြည့်တတ်သူ ဖြစ်သလို တီထွင် ဖန်တီးနိုင်သူလည်း ဖြစ်ခဲ့သည်။ ခေတ်မီ လှပမှုကို ဖန်တီးနိုင်သည်။ McDonald ဟမ်ဘာဂါ အရောင်းဆိုင် ယဉ်ကျေးမှုကို ကြည့်လျှင် အမေရိကန်တို့ မည်မျှ အတိုင်းအတာအထိ မြင်ကွင်းတစ်ဆုံး ကြည့်တတ် ခဲ့သည်ကို တွေ့နိုင်သည်။ 

ယခု အချိန်တွင် အမေရိကန်တွေ သင်ယူတာဘာလဲဟု မေးရတော့မည်။ အမေရိကန်များသည် ကိုယ့်ကိုယ်ကို ပြန်လည် တီထွင် ဆန်းသစ်သည့် ကိစ္စတွင် တော်ကြသူများ ဖြစ်သည်။ ရှေးဟောင်း တန်ဖိုးများကိုလည်း သိကြသည်။ သို့သော် ခက်သည်မှာ ၂၁ ရာစု၏ ပန်းတိုင်ကို သိရန်လိုသည်။ အထူးသဖြင့် တရုတ်ပြည် ကြီးစိုးမည့် ရာစုကို ကောင်းစွာ နားလည် သဘောပေါက်ရ ပေမည်။  

Pittsburgh Post Gazette သတင်းစာမှ David Shribman ၏လက်ရာ Learning old lessons ကို ဆီလျော်အောင် ဘာသာပြန်ဆိုပါသည်။

 


--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/   upon their request.

-~----------~----~----~----~------~----~------~--~---

By Larry Jagan,From The Mizzima - 20 Nov 2009

အမေရိကန် ပြည်ထောင်စု သမ္မတ Barack Obama သည် အာရှမှ ပြန်သွားခဲ့ပြီ ဖြစ်ရာ အိမ်ဖြူတော် ကြုံတွေ့နေရသော အဓိက ကိစ္စရပ်များအားလုံး မည်သည့် ရလဒ်မှ မရဘဲ လက်ဗလာဖြင့် ပြန်ခဲ့ရခြင်း ဖြစ်ပါသည်။

ဖြေရှင်းရ အလွန်ခက်ခဲသော မြန်မာနှင့် မြောက်ကိုရီးယား ကိစ္စရပ်များတွင် အနည်းငယ် လှုပ်ရှားမှုများ ရှိခဲ့ပါသည်။ တရုတ်နှင့် နှစ်နိုင်ငံ ကိစ္စရပ်များတွင် ပြဿနာများ ရှိခဲ့ပြီး၊ ဂျပန် နှင့် တောင်ကိုရီးယားတို့နှင့်မူ အနည်းငယ် အောင်မြင်မှု ရခဲ့ပါသည်။ နောက်ဆုံးတွင် ဝါရှင်တန်သည် အာရှခေါင်းဆောင်များအား အမေရိကန်၏ သေတွင်း ချဉ်းကပ်မှု ပုံစံ ပြောင်းသွားပြီ ဆိုသည်ကို အသိပေးနိုင်ခဲ့ပါသည်။

အရေးကြီးသော အချက်မှာ သမ္မတ ဘွတ်ရ်ှလက်ထက်က ရှစ်နှစ်ခန့် ပစ်ထားခဲ့သော အရှေ့တောင် အာရှကို ယခု အမေရိကန် အစိုးရလက်ထက်တွင် ပြန်လည် ဆက်ဆံလိုကြောင်း ရှင်းရှင်းလင်းလင်း ပြသလိုက်ခြင်းပင် ဖြစ်ပါသည်။ ပြီးခဲ့သည့် အပတ်က စင်ကာပူတွင် ပြုလုပ်ခဲ့သော ပထမဆုံး အကြိမ် အမေရိကန် - အာဆီယံထိပ်သီး အစည်းအဝေးသည် အဆိုပါ လမ်းကြောင်းအတွက် လူအများအား ပြသလိုက်သော ဥပမာတစ်ခု ဖြစ်ပါသည်။ အရေးကြီးသော မူဝါဒ ပြောင်းလဲမှုတစ်ခုမှာ မြန်မာနိုင်ငံနှင့် ပတ်သက်၍ မူဝါဒ ပြောင်းလဲခဲ့မှုပင် ဖြစ်ပါသည်။ ဝေဖန်သူများက ယခုဗျူဟာအသစ်သည် ခိုင်မာသော ရလဒ်များ ထွက်ပေါ်နိုင်မည်လား။ သို့မဟုတ် ယခင် နိုင်ငံတကာ ကြိုးပမ်း အားထုတ်မှုများကဲ့သို့ မအောင်မြင်ဘဲ ကျရှုံးသွားမည်လားဟု မေးခွန်းထုတ်နေကြပြီ ဖြစ်ပါသည်။

ပြီးခဲ့သော လများအတွင်းက အမေရိကန်ပြည်ထောင်စုသည် ဗိုလ်ချုပ်များနှင့် တိုက်ရိုက် စကားပြောရေးကို စတင်နိုင်ခဲ့ပါသည်။ ယခင်အစိုးရများ လက်ထက်က အဆိုပါ အပြုအမူမျိုးကို ရှောင်ရှားခဲ့ပါသည်။ နယူးယောက်တွင် ဝန်ကြီးချုပ် သိန်းစိန်အပါအဝင် ဝန်ကြီးများနှင့်လည်းကောင်း၊ နိုဝင်ဘာလဆန်းပိုင်းက လက်ထောက်နိုင်ငံခြားရေးဝန်ကြီး Kurt Campbell နှင့်အဖွဲ့ မြန်မာနိုင်ငံသို့ လာရောက်၍လည်းကောင်း စကားပြောခဲ့ကြပါသည်။

နှစ်မကုန်မီ နောက်ထပ်တစ်ကြိမ် လာရောက်ရန် အများက မျှော်လင့်ပြီး၊ Campbell က ဒေါ်အောင်ဆန်းစုကြည်နှင့် NLD ခေါင်းဆောင်များအား မကြာမီ ၎င်းပြန်လာမည်ဟု ပြောခဲ့သည်ဟု ဆိုပါသည်။

ယခုအချိန်အထိ လာမည့်သတင်းနှင့် ပတ်သက်၍ မည်သည့် အရိပ်အယောင်မျှ မတွေ့ရသေးပါ။ အနောက်နိုင်ငံ သံတမန်များက Campbell မကြာတော့သည့် ကာလတွင် ပြန်လည်၍ လာရောက်ရေးကို သံသယ ရှိနေကြပါသည်။ အဘယ်ကြောင့်ဆိုသော် အဓိကပြဿနာမှာ စစ်ခေါင်းဆောင် ဗိုလ်ချုပ်မှူးကြီး သန်းရွှေသည် ဝါရှင်တန်၏ ပြန်လည် ချဉ်းကပ်မှုကို အေးတိအေးစက် ပြန်လည် တုန့်ပြန်နေသောကြောင့် ဖြစ်ပါသည်။

ဘောလုံးသည် မြန်မာကွင်းဖက် ရှိနေကြောင်း၊ အိုဘားမားသည် လက်ကမ်းထားသော်လည်း မြန်မာတို့ဖက်မှ လက်ဆွဲ နှုတ်ဆက်မည်လား၊ လက်သီးဆုတ်ပြီး တုန့်ပြန်မလား မသိနိုင်သေးကြောင်း Maequarie University of Australia မှ မြန်မာ့ အရေးကျွမ်းကျင်သူ Sean Turnell က မဇ္စျိမသို့ ပြောပါသည်။

အမေရိကန်၏ ရပ်တည်ချက်က ရှင်းပါသည်။ ယခင် မြန်မာနိုင်ငံကို အရေးယူ ပိတ်ဆို့မှုများနှင့် အထီးကျန်စေမှုများသည် မအောင်မြင်ခဲ့သောကြောင့် မူလအရေးယူမှုများကို ဆက်လက်ထားရှိပြီး စစ်ခေါင်းဆောင်များနှင့် တိုက်ရိုက် စကားပြောမည် ဖြစ်ကြောင်း နိုင်ငံခြားရေးဝန်ကြီး ဟီလာရီကလင်တန် က မူဝါဒပြောင်းလဲမှုကို ကြေညာခဲ့ပြီး ဖြစ်ပါသည်။

အချို့လေ့လာသူများက အမေရိကန်ပြည်ထောင်စုသည် မြန်မာအစိုးရ၏ ဝါရှင်တန်နှင့် ပူးပေါင်း ဆောင်ရွက်မှုအပေါ် သဘောထားကို မှားယွင်းစွာ အဓိပ္ပါယ် ကောက်ယူထားလိမ့်မည်ဟု ယုံကြည်နေကြသည်။ အချို့ကမူ အမေရိကန်သည် ဒေါ်အောင်ဆန်းစုကြည် ကိစ္စအပေါ် သူမနှင့် ဗိုလ် ချုပ်များ အမှန်တကယ် တွေ့ဆုံဆွေးနွေးမှု ဖြစ်ပေါ်ရေးကိစ္စအပေါ်တွင် အလေးပေးနေသည်ဟု ခံစားရကြောင်း ပြောပါသည်။ အမှန်တကယ် ဖုံးကွယ်နေသည့် ဆိုလိုရင်းကိစ္စကို အဓိပ္ပါယ် ကောက်ရလျှင် ဝါရှင်တန်သည် ၎င်းတို့၏ ဘာမျှ ဆက်လုပ်၍ မရသော အခြေအနေကို တွေ့ရမည် ဖြစ်သည်။

အမေရိကန်တို့သည် ဒေါ်အောင်ဆန်းစုကြည် လွတ်မြောက်ရေးအတွက် ကြားဝင် ဆောင်ရွက် မည်လော။ သို့မဟုတ် တိုင်းပြည်၏ လူအများ ခံစားနေရသော အခြေအနေကို ပိုကောင်းလာအောင် ကူညီမည်လော ဆိုသည်ကို ဆုံးဖြတ်ရလိမ့်မည် ဖြစ်သည်ဟု အမည်မဖော်လိုသူ ရန်ကုန်မှ ဝါရင့် အယ်ဒီတာတစ်ဦးက မဇ္ဈိမသို့ ပြောကြားပါသည်။ Campbell နှင့်အတူ မြန်မာနိုင်ငံသို့ လိုက်ပါလာသူ အာဆီယံ သံအမတ်လည်းဖြစ်သူ Scott Marciel က မြန်မာနိုင်ငံမှ အပြန် Bangkok တွင် မဇ္ဈိမသို့ ပြောကြားရာတွင် မြန်မာပြည်ရှိ သန်း ၅၀ ကျော်သော သူများကို နိုင်ငံတကာ အသိုင်းအဝိုင်း၏ တိုးတက်မှုအတွက် ကြိုးစားမှု ထိုက်တန်သော ရလဒ်များ ပေးလိုကြောင်း၊ မိမိတို့အနေဖြင့်လည်း ကတိ ပြုကြောင်း ထည့်သွင်း ပြောကြားသွားပါသည်။

တွေ့ဆုံဆွေးနွေးမှုများမှ ခိုင်မာသော ရလဒ်များ ထွက်ပေါ်လာရန်ကား လိုအပ်ကြောင်း Marciel က ပြောပါသည်။

စစ်အစိုးရနှင့် ဆက်ဆံရန် ပြီးခဲ့သော ကြိုးစားအားထုတ်မှုများမှာ မအောင်မြင်ခဲ့ပါ။ ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများ လွှတ်ပေးရေးကိစ္စမှာ ပို၍ အလှမ်းဝေးနေပါသေးသည်။ ကုလသမဂ္ဂ အထူးကိုယ်စားလှယ် Razali Ismail လာရောက် ကြိုးစားခဲ့ဖူးရာ ၂၀၀၂ ခုနှစ်မေလ တွင် ဒေါ်အောင်ဆန်းစုကြည်အား လွှတ်ပေးခဲ့ပြီး ၎င်း၏ မစ်ရှင် အောင်မြင်သည်ဟု ဆိုနိုင်ပါသည်။

အကယ်၍ အမေရိကန်သည် ပြီးခဲ့သည့် ကိစ္စများကို အခြေခံပြီး ဖြစ်နိုင်သည့် ကိစ္စကို စဉ်းစားမည် ဆိုပါက ဒေါ်အောင်ဆန်းစုကြည်နှင့် ဗိုလ်ချုပ်များကြား တွေ့ဆုံဆွေးနွေးရေးကို ကြိုးစားမှုများသည် အကြိမ်ပေါင်းများစွာ ကြိုးစားရသည်သာ အဖတ်တင်လိမ့်မည် ဖြစ်ပါသည်။ ကုလသမဂ္ဂသည်လည်း ဤနည်းအတိုင်း ကြိုးစားခဲ့သည်မှာ နှစ်ပေါင်း ၂၀ ခန့် ကြာခဲ့ပြီ ဖြစ်ပါသည်။

နှစ်ဖက်စလုံးသည် ခံယူချက်များ၊ အမြင်များ လုံးဝခြားနားသွားပြီ ဖြစ်ပြီး၊ နှစ်ဦးနှစ်ဖက်ကြားတွင် ကြီးစွာသော ယုံကြည်မှု ပျက်ပြားနေကြောင်း၊ သမိုင်းပညာရှင် ဦးသန့်မြင့်ဦးက ပြောပါသည်။

ယခုအခြေအနေမှာ ယုံကြည်မှု တည်ဆောက်သည့် အဆင့်မှာပင် ရှိနေသေးကြောင်း ၎င်းက မဇ္ဈိမသို့ ပြောပါသည်။ အကယ်၍ ဒေါ်အောင်ဆန်းစုကြည်နှင့် စစ်အစိုးရတို့ကြားရှိ ဆက်ဆံရေးကိစ္စ ကဲ့သို့သော ခက်ခဲ့သည့် ကိစ္စရပ်များကို အောင်မြင်စေရန် ရည်ရွယ်ခဲ့မည်ဆိုလျှင် စိတ်ပျက်ဖွယ် ရလဒ် ထွက်ပေါ်လာမည်ကို စိုးရိမ်ကြောင်း ဆက်ပြောခဲ့ပါသည်။

သာမန်ပြည်သူများ၏ အမှန်တကယ် တိုးတက်မှုများကို ဆောင်ကြဉ်းပေးမည် ဆိုလျှင်လည်း နိုင်ငံတကာ အသိုင်းအဝိုင်း အနေဖြင့် ရေရှည် ချဉ်းကပ် ဆောင်ရွက်ရလိမ့်မည်ဟု မိမိယုံကြည်ကြောင်း သန်းမြင့်ဦးက ဆက်ပြောပါသည်။

မည်သို့ပင် ဆိုစေကာမူ လာမည့်နှစ်တွင် ရွေးကောက်ပွဲ ကျင်းပတော့မည် ဖြစ်သည်။ ပြီးခဲ့သည့်နှစ်က မရိုးသားသော ဆန္ဒခံယူပွဲဖြင့် အတည်ပြုထားသော အခြေခံဥပဒေကို ပြင်ဆင်ပေးရန် ဆိုသည်မှာလည်း မေးစရာ မလိုသော မေးခွန်း ဖြစ်ပေသည်။ မြန်မာအစိုးရအနေဖြင့် အမေရိကန်တို့ သဘောကျ ဆောင်ရွက်ပေးနိုင်ရန် ဗိုလ်ချုပ်များအတွက် အရေးကြီးသော မက်လုံးများ မရှိခဲ့ပါက  မကြာခင် ဖြစ်လာတော့မည် ကိစ္စများတွင် အမေရိကန်တို့ ဘာမျှ ဝင်ရောက် ပြောဆိုနိုင်လိမ့်မည် မဟုတ်ပေ။

ဗိုလ်ချုပ်မှူးကြီးသန်းရွှေအနေဖြင့် အမေရိကန်တို့ကို နှစ်သိမ့်လိုစိတ် မရှိခဲ့ပါက အများ တောင်းဆိုမှုများကို လုပ်ပေးရန် မလိုအပ်ဟု ခံယူထားလိမ့်မည် ဖြစ်သည်ဟု ထိုင်းနှင့် ဗီယက်နမ်ဆိုင်ရာ ဗြိတိသျှသံအမတ်ဟောင်း၊ မြန်မာ့အရေး စောင့်ကြည့်လေ့လာသူ Derek Tonkin က ပြောပါသည်။

ပြီးခဲ့သည့် အပတ်က ထုတ်ပြန်သော အမေရိကန်-အာဆီယံ ပူးတွဲကြေညာချက်တွင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကိစ္စကို ဖော်ပြထားခြင်း မရှိခဲ့ပါ။ အဆိုပါ ကြေညာချက်သည် အမေရိကန်၏ ဗျူဟာအသစ်နှင့် နိုင်ငံတကာ၏ သဘောတူညီချက် အသစ်တို့၏ ကောင်းမွန်သော တိုင်းတာချက်တစ်ခု ဖြစ်ပါသည်။

အဆိုပါ ကြေညာချက်တွင် အချက် ၂ ချက်ကို အလေးပေးထားပါသည်။ ပထမအချက်မှာ ၂၀၁၀ ရွေးကောက်ပွဲသည် လွတ်လပ်၍ တရားမျှတရန်၊ အားလုံးပါဝင်ပြီး နိုင်ငံတကာ အသိုင်းအဝိုင်းမှ မြင်သာထင်သာရှိပြီး လက်ခံနိုင်ရန် တိုက်တွန်းထားပါသည်။ ဒုတိယအချက်မှာ အများလက်ခံနိုင်သော ရွေးကောက်ပွဲဖြစ်ရေးအတွက် အထောက်အကူဖြစ်စေရန်၊ နိုင်ငံရေးနှင့် ပတ်သက်သူများအားလုံးနှင့် တွေ့ဆုံဆွေးနွေးခြင်းဖြင့် အားလုံးပါဝင်စေရေး လုပ်ငန်းစဉ်များကို လုပ်ဆောင်ရန် တိုက်တွန်းထားပါ သည်။

ယခုအခါ အာရှနိုင်ငံများမှ ခေါင်းဆောင်များနှင့် ဝါရှင်တန်ပါ တစ်လေသံတည်း ထွက်နေပြီ ဖြစ်ပါသည်။ အာဆီယံဥက္ကဋ္ဌ ထိုင်းဝန်ကြီးချုပ် ABhisit Vejjajiva ဦးဆောင်သော အာဆီယံ ခေါင်းဆောင်များသည် မြန်မာအစိုးရကို သိက္ခာရှိသော ရွေးကောက်ပွဲ ဖြစ်စေရန် အကြိမ်ကြိမ် အကြံပေးခဲ့ကြပါသည်။

တရုတ်အနေဖြင့်လည်း သဘောတူခဲ့ပါသည်။ တရုတ်အနေဖြင့် အမျိုးသား ပြန်လည် စည်းလုံး ညီညွှတ်ရေးနှင့် စည်းလုံးရေးဝါဒကို လက်ကိုင်ထားကြောင်း၊ နိုင်ငံရေးအရ ဆွေးနွေးမှုများ အကြံဥာဏ်ရယူခြင်းများကို အစိုးရနှင့် အတိုက်အခံများအကြား ပြုလုပ်ရမည်ဖြစ်ကြောင်း မြန်မာအရေး လေ့လာသူ တရုတ်ပညာရှင် Dr Li Xuecheng က ပြောပါသည်။ တရုတ်အနေဖြင့် အတိုက်အခံ နိုင်ငံရေးပါတီအပါအဝင် သက်ဆိုင်သော ပါတီများနှင့် ရွေးကောက်ပွဲ အောင်မြင်ရေးအတွက် အတူပူးတွဲလုပ်ကိုင်ရန် ဆန္ဒရှိကြောင်း Li က မဇ္စျိသို့ ပြောကြားခဲ့ပါသည်။

သို့သော် အမျိုးသား ပြန်လည် စည်းလုံးညီညွှတ်ရေးနှင့် အားလုံးပါဝင်သော ရွေးကောက်ပွဲ ဖြစ်ရေးအတွက် သာမန်အားဖြင့် သဘောတူညီချက် ရှိသော်လည်း၊ မြန်မာအစိုးရသည် နိုင်ငံတကာ အထီးကျန်စေမှုများကို ဖြေလျော့ပေးနိုင်ခဲ့မည်ဆိုလျှင်၊ သဘောတူညီချက်၏ လက်တွေ့ဆိုလိုရင်းကို အထွေအထူး လုပ်ပြရန် လိုလိမ့်မည် မဟုတ်ပေ။

Obama အစိုးရသည် လွတ်လပ်၍ တရားမျှတသော ရွေးကောက်ပွဲကို အမေရိကန်တို့ မည်သို့ အဓိပ္ပါယ် ဖွင့်ဆိုသနည်းဆိုသည်ကို ရှင်းပြထားခြင်း မရှိသေးပါဟု George Town တက္ကသိုလ်မှ ပါမောက္ခ David Steinberg က ပြောပါသည်။

ဒေါ်အောင်ဆန်းစုကြည်အား ရွေးကောက်ပွဲတွင် ပါဝင်ခွင့် သို့မဟုတ် မဲဆွယ်ခွင့်ပြုစေရန် ဆိုလိုသည်လား။ NlD ကို ရွေးကောက်ပွဲတွင် ပါဝင်ယှဉ်ပြိုင်ခွင့် ပြုမည်လား၊ တရားမျှတသော မဲဆွယ်မှု၊ မဲဆွယ်သည့် စာတမ်းများ ပုံနှိပ်ထုတ်ဝေခွင့်ပြုမည်လော စသည်ဖြင့် မေးစရာမေးခွန်းများ ရှိနေသေးကြောင်း Steinberg က ပြောပါသည်။

ဒေါ်အောင်ဆန်းစုကြည်ကလည်း သူမ၏ လွတ်မြောက်ရေးထက် စစ်တပ်နှင့် ဒီမိုကရေစီ လှုပ်ရှားသူများ၏ စစ်မှန်သော တွေ့ဆုံမှု ဆွေးနွေးမှုများ ထူထောင်နိုင်ရေး အရေးကြီးကြောင်း နှစ်အတန်ကြာကပင် ပြောကြားခဲ့ပါသည်။ အမေရိကန်ကလည်း ဤအယူအဆကို သဘောတူပြီး ဖြစ်ပါသည်။ သို့သော် အပြောနှင့် မလုံလောက်ပေ။ ဗိုလ်ချုပ်မှူးကြီးသန်းရွှေသည် သူ့လက်ထဲတွင် ဘာရှိသလဲ ဆိုသည်ကို ဘယ်သောအခါမှ ထုတ်ပြလိမ့်မည် မဟုတ်သလို သူဘာဖြစ်ချင်သလဲ ဆိုသည်ကိုလည်း လူသိရှင်ကြား ထုတ်ဖော်ပြောလိမ့်မည် မဟုတ်ပါဟု ဝါရင့် မြန်မာ့ပညာရှင်တစ်ဦးက ပြောပါသည်။ ထို့ကြောင့် ဗိုလ်ချုပ်မှူးကြီး ဘာဖြစ်ချင်သလဲဆိုသည်ကို ဒေါ်အောင်ဆန်းစုကြည် မှန်းဆနိုင်မှုအပေါ် မူတည်ကြောင်း၊ သို့မှသာ ၎င်း၏ အနာဂတ် မဟာဗျူဟာကို ဒေါ်အောင်ဆန်းစုကြည်က ထိခိုက်စေလိမ့်မည် ဟု ဗိုလ်ချုပ်မှူးကြီးက ယူဆမည့် အပြုအမူမျိုးကို သူမ ရှောင်ရှားနိုင်လိမ့်မည် ဖြစ်သည်ဟု ၎င်းက ပြောပါသည်။

ဒေါ်အောင်ဆန်းစုကြည်သည် အထီးကျန်ဗိုလ်ချုပ်များကို သူမနှင့် တိုက်ရိုက်စကားပြောရန် နားချနေပါသည်။ သူမ၏ ဗိုလ်ချုပ်မှူးကြီးထံ ပေးသောစာတွင် ဗိုလ်ချုပ်မှူးကြီးနှင့် တွေ့ဆုံခွင့် တောင်းထားပြီး၊ အမျိုးသား ပြန်လည်စည်းလုံးရေး လုပ်ငန်းစဉ်အတွက် သူမ ကူညီနိုင်သည့် နည်းလမ်းများကို ဆွေးနွေး အဖြေရှာနိုင်ရန် ရိုးရိုးသားသား အဆိုပြုခဲ့ပါသည်။ သူမပြောင်းလဲခဲ့ပြီ ဖြစ်ကြောင်း၊ ညှိနှိုင်းရေးအတွက် ပြင်ဆင်ထားပြီး ဖြစ်ကြောင်း၊ စိတ်ဓာတ်ရေးရာအရ အသာစီး ရယူထားမှုပင် မရှိကြောင်း ပြသလိုက်ခြင်းပင် ဖြစ်ကြောင်း အင်္ဂလိပ်စာရေးဆရာ ဒေါ်အောင်ဆန်းစုကြည်၏ အထ္ထုပတ္တိ ရေးသားသူ Justin Wintle က ပြောပါသည်။

အဆိုပါ အစီအစဉ်ကို အမေရိကန်၏ ပြောင်းလဲခဲ့ပြီ ဖြစ်သော မူဝါဒကလည်း ထောက်ခံခဲ့ပြီး၊ နှစ်ပေါင်းများစွာအတွင်း မြန်မာနိုင်ငံတွင် စိတ်လှုပ်ရှားဖွယ် အဖြစ်အပျက်များ ဖြစ်လိမ့်မည် ဖြစ်ကြောင်း၊ တွေ့ဆုံဆွေးနွေးမှုအတွက် ဖြစ်နိုင်ချေများ ရှိကြောင်း ၎င်းက ဖြည့်စွက် ပြောကြားခဲ့ပါသည်။

သို့သော် အချို့က အပြည့်အဝ မမျှော်လင့်နိုင်ကြောင်း ဆိုပါသည်။ ဒေါ်အောင်ဆန်းစုကြည်၏ နောက်ဆုံးပေးစာနှင့် ပတ်သက်၍ ဗိုလ်ချုပ်မှူးကြီးသန်းရွှေအနေဖြင့် လိုက်လျောလိမ့်မည် မဟုတ်ကြောင်း Tonkin က သတိပေးပါသည်။ အားလုံး ညီတူညီမျှ နေရာမှ ဆွေးနွေးကြရမည် ဖြစ်သော်လည်း  ဗိုလ်ချုပ်မှူးကြီးသည် အာဏာအားလုံး ချုပ်ကိုင်ထားသူဖြစ်ပြီး အခြေအနေကို အသာစီးရထားသူ ဖြစ်နေပါသည်။

မြန်မာနိုင်ငံတွင်းမှ သုံးသပ်သူများက အဆိုပါ အဆိုပြုချက်သည် ရေထဲ ခဲပစ်လိုက်သလို အရာမထင် ဖြစ်သွားမှာကို စိုးရိမ်ကြောင်း ပြောပါသည်။ ဒေါ်အောင်ဆန်းစုကြည် အနေဖြင့် ဗိုလ်ချုပ်မှူးကြီးသန်းရွှေ စိုးရိမ်သည့် အချက်များအတွက် ပြေပျောက်စေမည့် လက်ဆုတ်လက်ကိုင် ပြနိုင်မည့် အဆိုပြုချက်များ ပေးနိုင်ရန် လိုအပ်ကြောင်း ပြောပါသည်။ ဥပမာအားဖြင့် သူမအနေဖြင့် လာမည့် ရွေးကောက်ပွဲကို နှောင့်ယှက်မည့် ရည်ရွယ်ချက်မရှိကြောင်း ကဲ့သို့သော အချက်များ ပါဝင်ရမည် ဖြစ်ပါသည်။ အချို့က စစ်တပ်နှင့် ချစ်ကြည်ရေး အမူအရာပြသည့်အနေဖြင့် NLD မှ ထွက်သင့်ကြောင်း၊ တောင်အာဖရိက Nelson Mandela ကဲ့သို့ လည်းကောင်း၊ တီမောမှ Xanna Gusmao တို့ကဲ့သို့ ချဉ်းကပ်နည်းကို သုံးသင့်ကြောင်း အကြံပြုကြပါသည်။

နောက်တစ်နည်းအားဖြင့် Sonia Gandhi ၏ နည်းလမ်းလည်း ရှိပါသေးသည်။ Sonia Ganhi သည် လုပ်ကြံခံရသော ဝန်ကြီးချုပ်၏ ဇနီးသည်ဖြစ်ပြီး အီတလီနိုင်ငံတွင် မွေးဖွားသူဖြစ်ပါသည်။ သူမသည် ကွန်ဂရက်ပါတီ၏ ခေါင်းဆောင်ဖြစ်ပြီး၊ သူမ၏ ပါတီရွေးကောက်ပွဲတွင် အနိုင်ရသော အခါ ဝန်ကြီးချုပ်ရာထူးကို သော်လည်းကောင်း၊ ဝန်ကြီးရာထူးကို သော်လည်းကောင်း ငြင်းဆိုခဲ့ပါသည်။ သူမအနေဖြင့် အတိုက်အခံ Hindu - Fundamentalist Party (BJP)၏ အခြေခံဥပဒေအရ ခါးသီးစွာ ကာလကြာရှည် ငြင်းဆိုမှုအား ရှောင်ရှားရန် ပြုမူခဲ့ခြင်း ဖြစ်ပါသည်။ သို့သော် သူမသည် ကွန်ဂရက်ပါတီခေါင်းဆောင်အဖြစ် ဆက်လက် တည်ရှိပြီး နောက်ကွယ်တွင် သြဇာရှိသော ခေါင်းဆောင်တစ်ဦး ဖြစ်လာပါသည်။

နောက်ထပ် ရွေးချယ်စရာ နည်းလမ်းတစ်ခုမှာ သူမအနေဖြင့် ရွေးကောက်ပွဲတွင် ပါဝင်လိုခြင်း မရှိဟု ဗိုလ်ချုပ်မှူးကြီးကို သိစေရန် သို့မဟုတ် နိုင်ငံရေးအတွက် နေရာတစ်နေရာ စဉ်းစားသင့်ပါသည်။ ဆိုလိုသည်မှာ သူမအနေဖြင့် အရပ်သား အစိုးရဖြစ်ပေါ်ရေးအတွက် အသွင် ကူးပြောင်းရေးကာလတွင် သူမ၏ လုပ်ဆောင်လိုသည်များကို အဆိုပြုသင့်ပါသည်။ သို့ဆိုလျှင်တောင်မှ ဗိုလ်ချုပ်မှူးကြီးသန်းရွှေသည် သူမကို လွတ်လွတ်လပ်လပ် ခွင့်ပြုလိမ့်မည် မထင်လှပေ။

ကျွန်ုပ်အနေနှင့် ရွေးကောက်ပွဲ မတိုင်မီ သူမအား လှုပ်ရှားခွင့် ပြုလိမ့်မည်ဟု မထင်ကြောင်း၊ ယခု အုပ်ချုပ်ရေးစနစ်အရ သူမကို ချုပ်ကိုင်ထားလိမ့်ဦးမည် ဖြစ်ပြီး၊ လွှတ်တော်အသစ် ဖြစ်ပြီးမှသာ အခြေခံဥပဒေအသစ်က စတင် သက်ရောက်လိမ့်မည် ဖြစ်ကြောင်း၊ Steinberg က မဇ္ဈိမသို့ ပြောကြားခဲ့ပါသည်။

မကြာမီ ရက်သတ္တပတ်အတွင်း အနာဂတ်သည် အနည်းငယ် ပိုမို ပီပြင်လာလိမ့်မည်ဟု ထင်ပါသည်။ လာမည့်အပတ် စစ်တပ်၏ လေးလပတ်အစည်းအဝေးနှင့် ကြံ့ခိုင်ရေးညီလာခံ (USDA) နေပြည်တော်တွင် ကျင်းပ ပြုလုပ်အပြီးတွင် USDA ကလည်း ပါတီအသွင် ပြောင်းပြီး ရွေးကောက်ပွဲဝင်ဖွယ် ရှိပြီး၊ ရွေးကောက်ပွဲ ဥပဒေလည်း မကြာမီ ကြေညာဖွယ် ရှိပါသည်။ မြန်မာအစိုးရ၏ သတင်းများအရ ယခု အစိုးရအဖွဲ့ကို အမည်ပြောင်းထားသော ကြားဖြတ်အစိုးရသဖွယ် ကြေညာဖွယ် ရှိကြောင်း ဆိုပါသည်။

ထိုအချိန်တွင်းတွင် အာရှခေါင်းဆောင်များရော နိုင်ငံတကာ အသိုင်းအဝန်းကပါ ဖြစ်ပေါ်လာမည့် လက္ခဏာများကို စောင့်ကြည့်နေကြမည် ဖြစ်ပြီး၊ အဆိုပါလုပ်ငန်းစဉ်တွင် အတိုက်အခံများ ပါဝင်မှု ရှိမရှိ စသည်ဖြင့် စောင့်ကြည့်ရမည် ဖြစ်ပါသည်။ အနည်းဆုံးတော့ သူမ၏ ဗိုလ်ချုပ်မှူးကြီးသန်းရွှေထံ ပို့သောစာတွင် ဖော်ပြထားသလို NLD ဗဟိုအလုပ်အမှုဆောင်များနှင့် တွေ့ခွင့် ပြုသင့်ပါသည်။ သို့သော် အမေရိကန်ရော Asean ကပါ စိုးရိမ်စွာ စောင့်ကြည့်နေသည့် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီး တွေ့ဆုံရေး ကိစ္စကို အစိုးရက အလေးထားမှုရှိမရှိ ကိစ္စမှာ ထင်ရှားသော အရေးကိစ္စ ဖြစ်နေပေသည်။

<