Posts
 | yangonchronicle 2011 |
၁.၅.၂၀၁၁
ပြည်တွင်းသတင်းများ
ချယ်ရီဦးမှ Rolex နာရီ ပျောက်၍ ၀န်ထမ်းများ ၃၆ သိန်းလျော်ရ
Traders Hotel တွင်ဖွင့်လှစ်ထားရှိသော ချယ်ရီဦးနာရီဆိုင်မှ မြန်မာငွေကျပ်သိန်း(၂၆၀)ခန့်ရှိ Rolex နာရီ ပျောက်ဆုံးခဲ့သည့်အတွက် ယင်းဆိုင်တွင် တာဝန်ထမ်းဆောင်သူ ဝန်ထမ်းများအား ဆိုင်ပြောင်းရွေ့၍ ရာထူးတစ်ဆင့် လျော့ချကာ ကျပ် ၃၆ သိန်းအား ခွဲဝေလျော်ခိုင်းခဲ့ကြောင်း ချယ်ရီဦး နာရီဆိုင် တာဝန်ရှိသူတစ်ဦးမှဆိုသည်။
ဆွစ်ဇာလန် လုပ် Rolex နာရီအား ခိုးယူသွားသူ တရားခံများမှာ အသက် (၃၀)ကျော်ခန့်နှင့် အသက် (၄၀) အရွယ်ရှိ တရုတ်အမျိုးသားများ ဖြစ်ကြောင်း Traders Hotel ၏ လုံခြုံရေးစနစ်အရ တပ်ဆင်ထားသော CCTV ကင်မရာများ မှတဆင့် သိရှိပြီး၊ အဆိုပါ တရားခံများသည် ဖေဖော်ဝါရီလ ၁၇ ရက်နေ့က ၎င်းနာရီကို လာရောက်ကြည့်ရှုခဲ့ပြီး ဖေဖော်ဝါရီ ၂၀ တွင် ဒုတိယတစ်ခေါက်ရောက်ရှိလာကာ နာရီခိုးယူခဲ့ခြင်း ဖြစ်သည်ဟု သိရှိရသည်။
ချယ်ရီဦးနာရီဆိုင်တာဝန်ရှိသူတစ်ဦးက “သူတို့တွေက ပထမတစ်ခေါက် နာရီကိုလာကြည့်ပြီး နာရီကို ဘယ်သူမှ မရောင်းခိုင်းဘဲ ပြန်သွားတယ်။ နောက်တစ်ခါပြန်လာတော့ ဒေါ်လာ ၂၅၀ ပဲပါတယ်ဆိုပြီး ပြန်သွားတော့ ဆိုင်ဝန်ထမ်း တွေက နာရီကို မီးခံသေတ္တာထဲ သိမ်းလိုက်တယ်။ မတ်လ ၂၃ ရက်နေ့မှာ ဝယ်သူတစ်ယောက်လာလို့ မီးခံသေတ္တာထဲက ထုတ်ကြည့်မှ နာရီပျောက်မှန်းသိရတာ”ဟု ဆိုသည်။
ချယ်ရီဦးနာရီဆိုင် ဝန်ထမ်းတစ်ဦးကလည်း “ဒီကိစ္စကို ကုမ္မဏီတာဝန်ရှိသူက Traders hotel နာရီဆိုင် ဝန်ထမ်းတွေကို သိန်း ၂၆၀ လုံး လျော်ဖို့ပြောတာ၊ သူဌေးက ၃၆ သိန်းပဲ မျှလျော်ကြပါလို့ ပြောလို့ လစာထဲက ဖြတ်လျှော်ကြရတယ်။ အခု တာဝန်ရှိတဲ့ဝန်ထမ်းတွေကို ရာထူးလျော့ပြီး နောက်နာရီဆိုင် တစ်ဆိုင်ကို ပြောင်းထားတယ်”ဟုဆိုသည်။
ယင်း အမှုကျူးလွန်ခဲ့သော တရားခံများအား ယခုအချိန်ထိ ဖမ်းဆီးရမိခြင်း မရှိကြောင်း ကျောက်တံတားမြို့နယ် ရဲစခန်းမှ တာဝန်ရှိသူတစ်ဦးက ဆိုသည်။
ကျော်စွာ
-----------------------------------------------------------------------------------------------------------------------------------
အကြွေးဝန်ကြားမှ တောင်သူများ
ပြည်ထောင်စုမြန်မာနိုင်ငံရှိ မြို့နယ်အချို့၌ တောင်သူအများစုသည် လောင်းကစားတစ်မျိုးဖြစ်သည့် နှစ်လုံးထီနှင့် သုံးလုံးထီအစရှိသည့် လောင်းကစားမှုများကြောင့် အကြွေးဝန်များပိကာ ဝင်ငွေနည်းပါးလာကြကြောင်းသိရသည်။
လယ်ဧက သုံး၊လေး ဧကသာ ပိုင်ဆိုင်သော တောင်သူများသည် နှစ်လုံး၊သုံးလုံးထီအား စပါးပေါ်ချိန် အကြွေးပေး စနစ်ဖြင့် ထိုးကြကြောင်း၊ မိမိတို့ဆီ၌ပင် နှစ်လုံး၊ သုံးလုံးဒိုင်များမှာ တဲများအထိတိုင် လာရောက်ရောင်းချကြကြောင်း၊ တောင်သူအချို့မှာမူ စပါးတင်းတစ်ရာတိုင် ထိုးတတ် ကြကြောင်း၊ နှစ်လုံးထီသည် မနက်နှင့် ညနေပာူ၍ နှစ်ကြိမ်တိုင် ထွက် ကြောင်း၊ အချို့မှာ စပါးရောင်းရငွေများကို ထီအကြွေးဆပ်သကဲ့သို့ အချို့မှာမူ ၁၅ ကျပ်တိုး၊ ၂၀ တိုးဖြင့် ချေးယူ၍ အကြွေး ဆပ်ကြသည့်အတွက် တောင်သူများ၏အကြွေးမှာ ပိုမိုများပြားလာပြီး အကြွေးဝန်များ ဖိစီးလျှက်ရှိကြောင်း ပဲခူးတိုင်းဒေသ ကြီးအတွင်းမှ တောင်သူတစ်ဦးကပြောကြားခဲ့သည်။
အချို့လယ်သမားများမှာ ပိုက်ဆံများချေးငှား၍ ပြန်မဆပ်နိုင်သည့်အတွက် ဆန်စက်ပိုင်ရှင်များနှင့် ပွဲရုံအချို့မှ ပိုက်ဆံထပ်မံ မချေးပေး တော့သည့်အတွက် လယ်မြေများစိုက်ပျိုးရာ၌ အခက်အခဲများစွာပင် တွေ့ရကြောင်းသိရသည်။
တောင်သူလယ်သမားတစ်ဝက်ကျော်ကျော်မှာ နှစ်လုံးထီအား ရူးသွပ်စွာပင် ထိုးလျှက်ရှိကြောင်း၊ ယခုနှစ် အတွင်း၌ပင် စိုက်ပျိုးတောင်သူများ အရှုံးများသည့်အတွက် ချေးယူထားသည့် အကြွေးများကိုပင် ဆပ်နိုင်ခြင်းမရှိတော့ပဲ လယ်မြေများ သိမ်းယူခံရမှုများထိပင်ရှိကြောင်းသိရသည်။
ထို့ပြင် တောင်သူလယ်သမားအများစုမှာ နှစ်လုံးထီ နှင့် သုံးလုံးထီလောင်းကစားများဘက်သို့သာ အာရုံရောက်ရှိ နေသည့်အတွက် ယခင်ကဲ့သို့ လယ်ယာစိုက်ပျိုးနိုင်ခြင်းမရှိတော့ပဲ မြန်မာနိုင်ငံရှိ လယ်ယာတော်တော်များများ ဆုံးရှုံးမှုများ ကြုံတွေ့ခဲ့ရခြင်းဖြစ်သည်။ ထိုကဲ့သို့ တောင်သူများ နှစ်လုံးထီ၊ သုံးလုံးထီများကိုသာ အာရုံစွဲလမ်းနေသဖြင့် လယ်ယာကဏ္ဍ များတွင်သာမက မြန်မာနိုင်ငံ၏ စီးပွားရေးလုပ်ငန်းများပါ ထိခိုက်ဆုံးရှုံးနစ်နာခဲ့ရသည်။
(၂၉ ဧပြီ ၂၀၁၁ မော်ဒန်ဂျာနယ် အတွဲ-၁၊ အမှတ်-၂၅၅၊ တွင်ပါသည့် တောင်သူများနှစ်လုံး၊ သုံးလုံးဒဏ်ကြောင့် အကြွေးဝန်ပိနေ သတင်းအား အကျဉ်ချုံး ဖော်ပြသည်)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"အခုတော့ ယာဉ်အသစ်တွေတင်သွင်းလာနေပေမယ့် အကန့်အသတ်လောက်ပဲ ရှိနေတာပါ။ မြန်မာနိုင်ငံမှာရှိတဲ့ ယာဉ်တွေရဲ့ ၉၀ ရာခိုင်နှုန်းလောက်က ပြည်ပမှာ အသုံးပြုခဲ့ပြီးသား used ကားတွေဖြစ်တဲ့အတွက် အင်ဂျင်ကျပြီး လေထုညစ် ညမ်းမှုကို ပိုပြီးဖြစ်စေတယ်။ ကားသစ်တွေလည်း ဖြစ်တာပဲဆိုပေမယ့် ကားဟောင်းတွေက ပိုဆိုးတာပေါ့။ ဒါကြောင့် အခု ပြည်ပနိုင်ငံတွေမှာတော့ လေထုညစ်ညမ်းမှု လျော့နည်းစေတဲ့ သဘာဝ ဓာတ်ငွေ့ကားတွေ၊ လျှပ်စစ်ကားတွေ အသုံးပြုမှုကို အားပေးလာတာ တွေ့ရတယ်။ တဖက်ကလည်း ဖြစ်ပေါ်လာမယ့် လောင်စာဆီအခက်အခဲကို ဖြေရှင်းရာလည်း ရောက်ပါ တယ်။ ဒီအတွက် မြန်မာနိုင်ငံမှာလည်း လျှပ်စစ်ယာဉ်လေးတွေ ပြေးဆွဲသွားလာခွင့် ရရှိအောင် ဆောင်ရွက်နေတာ တွေ့ရ သလို မြန်မာနိုင်ငံမှာ ထွက်ရှိတဲ့ သဘာဝဓာတ်ငွေ့ကို ပိုမိုအကျိုးရှိစွာနဲ့ အသုံးပြုနိုင်မယ်ဆိုရင် နောင်လာမယ့် ဆယ်နှစ်၊ အနှစ်နှစ်ဆယ်မှာ ဖြစ်ပေါ်လာမယ့် အကျိုးဆက်တွေကို ကာကွယ်နိုင်မှာပါ"
ဧပြီ ၂၇ ထုတ် Weekly ELEVEN အတွဲ(၃) အမှတ်(၆) တွင်ပါသည့် "လာမည့် ဆယ်စုနှစ်တစ်ခုအတွင်း အခြား မြို့ကြီးများထက် ရန်ကုန်နှင့် မန္တလေးမြို့ကြီးတွင် လေထုညစ်ညမ်းမှုများ ပိုမိုကြုံတွေ့လာမည်" သတင်းမှ မြို့ပြရေးရာ ကျွမ်းကျင်သူတစ်ဦး၏ သုံးသပ်ချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"ပုံမှန်ဆိုရင် လူတော်တော်များများက ဘဏ်ကနေပဲ လွှဲချင်ကြတယ်။ ဒါပေမဲ့ ဘဏ်ကလွဲရင် သူသွားမယ့် Procedure တွေက ကျွန်တော့်အမြင် နည်းနည်းရှုပ်နေတယ်။ မြင်သာထင်သာမရှိဘူးပေါ့။ နောက်ဟိုဘက်က လွှဲလို့ ဒီမှာပြန်ထုတ်ရင် ဘယ်လိုအာမခံချက်တွေပါရမယ်ဆိုတာမရှင်ဘူး။ ဒါကြောင့် ဒီလမ်းကြောင်းပေါ်ကို ရောက်မလာတာလို့ မြင်တယ်။ နောက် ဒီလုပ်ငန်းတွေက အခုလောလောဆယ် အစိုးရပဲ လုပ်နေတာပေါ့။ တကယ်လို့ ပုဂ္ဂလိကဘဏ်တွေကိုသာ လုပ်ခွင့်ပေး လိုက်ရင် အခြေအနေတွေ တစ်မျိုးတစ်ဖုံ ပြောင်းလဲသွားနိုင်တယ်။ အဲဒီအခါ တရားဝင်လမ်းကြောင်းပေါ်ကနေ ငွေလွှဲတာ တွေက ဖြစ်ကိုဖြစ်လာမှာပါ"
ဧပြီ ၂၅ ရက်ထုတ် The Messenger အတွဲ(၁)၊ အမှတ် (၄၉) တွင်ပါသည့် "ပြည်ပရောက် မြန်မာလုပ်သားများ ၏ ပြန်ပို့ငွေများ ပြည်တွင်းဘဏ်များနှင့် ချိတ်ဆက်လွှဲနိုင်ရန် စည်းမျဉ်းများ ဖြေလျော့သင့်" သတင်းမှ ကောက်နှုတ်ချက်
-----------------------------------------------------------------------------------------------------------------------------------
"ဘူတာရုံတွေမှာလည်း အကာအရံမရှိဘူး၊ လိုအပ်ချက်ကတော့ ရထားလမ်းတစ်လျှောက်မှာ လုံလောက်တဲ့ အကာအရံ မရှိတာဘဲ၊ အုတ်ခြံစည်းရိုးကို အပြည့်အဝမကာနိုင်တော့ ရထားလမ်းကို ကြိုက်တဲ့နေရနေ ကြိုက်သလို ကူးလို့ရနေတယ်။ အဲဒါက အရေးကြီးတဲ့ လိုအပ်ချက်တစ်ခုပဲ"
ဧပြီ ၂၈ ထုတ် Venus News အတွဲ(၂) အမှတ် (၃၇) တွင်ပါသည့် "ရထားကြောင့် ထိခိုက်ဒဏ်ရာရ သေဆုံးမှုများ ရှိနေဆဲ ဖြစ်၊ ပြည်သူများ ဘေးအန္တရာယ်ကင်းရှင်းရန် ပိုမိုကောင်းမွန်သော အစီအမံများလိုအပ်နေသေး" သတင်းမှ မီရထားဝန်ထမ်း တစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"တချို့ဆိုင်တွေက အနှိပ်ခန်းတွေလုပ်ကိုင်နေကြတာတွေ့ရတယ်။ အဲဒီကနေပြည့်တန်ဆာလုပ်ငန်းကိုပါ မသိမသာလုပ်နေတာ။ အဲဒီလုပ်ငန်းတွေ ရှိလာတော့ အိမ်ထောင်ရှင်အမျိုးသားတွေနဲ့ လူငယ်တွေအတွက်မကောင်းဘူး၊ အိမ်ထောင်ရှင် အမျိုးသားတွေဆိုရင် သူတို့ရဲ့ အိမ်ထောင်ရေးမှာ အဆင်မပြေမှုတွေဖြစ်လာပြီး မသာယာတော့ဘူး။ လူငယ်တွေကျတော့ ပိုဆိုးတာပေါ့၊ အတက်စမ်းရာကနေ သူတို့ရဲ့ဘဝလေးတွေ ငယ်ငယ်ရွယ်ရွယ်နဲ့ ပျက်စီးကြတော့ ရှေ့ရေးအတွက် ခေါင်းမ ဖော်နိုင်အောင် ဖြစ်သွားကြတာတွေလည်းရှိပါတယ်"
ဧပြီ ၂၉ ထုတ် မြန်မာပို့စ် ဂလိုဘယ် အမှတ်(၆) တွင်ပါသည့် "နေပြည်တော်တွင် အနှိပ်ခန်းများလုပ်ကိုင်ခြင်းမရှိ စေရန် စည်းကမ်းများ ထုတ်ပြန်ထား" သတင်းမှ နေပြည်တော်ပျဉ်းမနားမြို့မှ မြို့ခံမိဘတစ်ဦး၏ ပြောကြားချက် အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
သမ္မတ အကြံပေးအဖွဲ့ကို မျှော်ကြည့်ခြင်း
ပြီးခဲ့သည့် ရက်အနည်းငယ်က ပြည်ထောင်စု သမ္မတမြန်မာနိုင်ငံ၏ နိုင်ငံတော်သမ္မတ အကြံပေးအဖွဲ့ကို ဖွဲ့စည်းလိုက်ပြီး နိုင်ငံရေး၊ စီးပွားရေးနှင့် ဥပဒေရေးရာ အကြံပေးအဖွဲ့များတွင် လူပုဂ္ဂိုလ်သုံးဦးစီ ပါဝင်ဖွဲ့စည်းလိုက်သည်ဟု သိရသည်။
ထိုသို့ ဖွဲ့စည်းလိုက်ခြင်းအပေါ်တွင် ယင်းအကြံပေးအဖွဲ့၌ ပါဝင်ကြသူတို့အပေါ် ထွက်ပေါ်လာသည့် အသံများကို သုံးသပ်ကြည့်ရာတွင် ပြည်ပအခြေစိုက် အွန်လိုင်းမီဒီယာများက အနုတ်လက္ခဏာဖြင့် ပြောဆို ဝေဖန်ခဲ့ကြသကဲ့သို့ အချို့ကလည်း အကောင်းမြင်သည့်ဘက်မှ ရှုမြင်ခဲ့သည်ကို တွေ့နိုင်သည်။
နိုင်ငံရေး အကြံပေးအဖွဲ့မှာ ပါဝင်သည့် ဒေါက်တာနေဇင်သည် တပ်မတော် အငြိမ်းစားဟောင်းတစ်ဦး ဖြစ်ပြီး တပ်မတော်ကနေ အရှုပ်အရှင်းနဲ့ ထွက်ခဲ့ရခြင်းဖြစ်သည်ဟု ပြည်ပအခြေစိုက် မီဒီယာတစ်ခုမှ ဖော်ပြခဲ့ပြီး ဒေါက်တာနေဇင်လတ်ရေးသားခဲ့သော စာမူများမှာ နောက်ကွယ်တွင် ရှဲဒိုးရေးပေး သူများ ရှိနေပြီး ထိုသူများနှင့် ဒေါက်တာနေဇင်လတ်မှာ ပြဿနာတက်လျှက်ရှိသည်ဟုလည်း သတင်းများထွက်ခဲ့ပါသည်။
ယင်းကဲ့သို့ ကိစ္စရပ်များသည် နိုင်ငံတကာတွင်လည်း ဖြစ်ပွားလေ့ရှိပြီး လူပုဂ္ဂိုလ်တစ်ဦး နာမည်ကြီးလာလျှင် ယခင်က ထိုပုဂ္ဂိုလ် ပါဝင်ပတ်သက် ခဲ့ဖူးသည့် လူမှုရေးအရှုပ်အထွေးများကို ချဲ့ကားပြောဆို တတ်ကြသည်မှာ လည်း မထူးဆန်းတော့သည့် အဖြစ်ပျက်တစ်ခုပင်ဖြစ်ပါသည်။ ယင်းကိစ္စကို ဆက်စပ်ကြည့်လျှင် တပ်မတော် ဆိုသည်မှာ သံသယ အလွန်ကြီးမားသည့် အဖွဲ့အစည်းဖြစ်သည်။ ထို့ကြောင့် တပ်မတော်မှ နာမည်ပျက်ဖြင့် ထွက်ခဲ့ရသည့် ပုဂ္ဂိုလ်တစ်ဦးကို တပ်မတော် အကျင့်စရိုက် မပျောက်သေးသည့် အစိုးရက မည်သို့မျှ လက်တွဲ ခေါ်ဆာင်လိမ့်မည် မဟုတ်ဟု ထင်မိပါသည်။ ထို့ပြင် ဒေါက်တာနေဇင်လတ်၏ စာမူအချို့ကို ရှဲဒိုးရေးပေးနိုင်သော်လည်း မေးခွန်းများ ဘက်ပေါင်းစုံမှ ထွက်ပေါ်လေ့ရှိသည့် ဟောပြောပွဲ များကိုမူ ရှဲဒိုးရေး ပေး၍ မရနိုင်သည့်အတွက် ပုဂ္ဂိုလ်ရေး သိက္ခာချခြင်းဖြစ်ရန် ပိုများသည်။
တဖန် စီးပွားရေး အကြံပေးအဖွဲ့တွင်ပါဝင်သော စီးပွားရေး ပညာရှင်ဦးမြင့်သည် ကုလသမဂ္ဂ၏ စီမံကိန်းများတွင် ပါဝင်ခဲ့ဖူးပြီး ဒေါ်အောင်ဆန်းစုကြည်နှင့်လည်း နီးစပ်သည့်အတွက် ဦးမြင့်ကို ခေါ်ယူခန့်ထားပြီး မြန်မာနိုင်ငံ တွင် အနောက်အုပ်စုမှ ချမှတ်ထားသော ပိတ်ဆို့မှုများ ရုပ်သိမ်းရေးအတွက် အသုံးချရန် သက်သက်သာ ဖြစ်သည်ဟု အထက်ပါ ပြည်ပ မီဒီယာမှပင် ဖော်ပြခဲ့သည်။
ထို့နောက် သမ္မတအကြံပေးအဖွဲ့တွင် ပါဝင်သော တပ်မတော် အငြိမ်းစားဟောင်းပင် ဖြစ်သည့် ဦးကိုကိုလှိုင်၊ ယခင် စစ်အစိုးရသတင်းစာ အယ်ဒီတာ ဦးရဲတင့် ၊ ဥပဒေရေးရာအဖွဲ့တွင် ရဲမှူးကြီး စစ်အေး၊ ဒေါ်ခင်မျိုးမြင့် (နိုင်ငံခြားရေးဝန်ကြီးဌာန) တို့လည်း ပါဝင်နေသည်။
ထိုအကြံပေးအဖွဲ့အပေါ်တွင် ပြည်တွင်းမှ နိုင်ငံရေးလေ့လာသူအချို့ သဘောထားမှတ်ချက်ပေးခဲ့ရာတွင် ထိုအကြံပေး ပုဂ္ဂိုလ်များသည် ပြောတိုင်း ခေါင်းမညိတ်သည့် ပုဂ္ဂိုလ်များဖြစ်ကာ ၎င်းတို့ ရေးသားသော စာပေများ အတိုင်းသာ အမှန်တကယ် လုပ်ဆောင်ခွင့်ရလျှင် နိုင်ငံအတွက် ကောင်းမွန်လိမ့်မည်ဟု မှတ်ချက်ပေးခဲ့ကြသည်။
မည်သို့ပင်ဆိုစေကာမူ မြန်မာနိုင်ငံတွင် လူမပြောင်းစေကာမူ ခေတ်ပြောင်း၊ စနစ်ပြောင်းတော့မည့် အရိပ်အယောင်ကို မြင်တွေ့နေရသည့် အားလျော်စွာအပ ယခင်စစ်တပ်မှ အုပ်ချုပ်သူများနေရာတွင် အာဏာအမြင့်ဆုံး ရာထူးများမှ အရပ်သား ပညာရှင်များကို သိသိသာသာ အစားထိုး လာနေသည်ကို တွေ့ရသည်။ အာဏာရှင်များ ရေရှည်မတည်တံ့နိုင်ဆိုသည်ကို အရှေ့အလယ်ပိုင်းမှ အာဏာရှင်များထက် မြန်မာအစိုးရဟောင်းက သဘောပေါက်နားလည်ခဲ့သည်ဟု ယူဆရသည်။ ယခုလက်ရှိအခြေအနေသည် စစ်တပ်က အစီအစဉ်တကျ နောက်ဆုတ်ပေးခြင်းလည်း ဖြစ်သည်ဟု ပညာရှင်အချို့ ဆိုသည်။
နိုင်ငံတကာ အသိုင်းအဝိုင်းတွင် ဝင်ဆန့်နိုင်ရန် အစိုးရသစ်အနေဖြင့် ကြိုးပမ်းနေပြီဟု ယုံကြည်ရသည့် အားလျော်စွာ ယခုကဲ့သို့ အရပ်သား ပညာရှင်အချို့ကို နေရာပေးလာသည့်အပေါ်တွင် ထိုအရပ်သားပညာရှင် များကလည်း ရနိုင်သမျှ အခွင့်အရေးများထဲမှ မ်ိမိတို့ တတ်နိုင်သလောက် စွမ်းဆောင်လျှင် ပြည်သူအားထား မျှော်လင့်သည့် အဖွဲ့အစည်းတစ်ခုဖြစ်လာမည်ဖြစ်ပြီး နိုင်ငံတော်၏ ကံကြမ္မာမှာ မိမိတို့ လက်ထဲတွင် များစွာ ရှိနေကြာင်း သတိပြုမိပါက တိုင်းပြည်အတွက် အစွမ်းကုန် ကြိုးစားဆောင်ရွက်သင့်နေပေသည်။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
