Transparency Myanmar

transparency.myanmar@gmail.com

yangonchronicle 2011
yangonchronicle 2011

၉.၄.၂၀၁၁

ဘာသာပြန်သတင်းများ

NLD ၏ sanction ကို ထောက်ခံမှု

(8 April Feb 2011 ရက်စွဲပါ The Economist မှ An aye for sanctions ကို ဘာသာပြန်သည်)

မြန်မာ နိုင်ငံတွင် ပြီးခဲ့သည့် နိုဝင်ဘာ လဆန်းပိုင်း ရွေးကောက်ပွဲအပြီး၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ပြန်လွှတ်ပေး အပြီးတွင် မြန်မာနိုင်ငံကို စောင့်ကြည့်နေသူ များသည် သူမနှင့် သူမ၏ ပါတီသည် ကိုင်တွယ်ရခက်ခဲသော sanction များ အပေါ် မည်သို့ သဘောထား မည်နည်း ဆိုသည်ကို စိတ်လှုပ်ရှားစွာ စောင့်ကြည့်နေခဲ့ကြသည်။ နောက်ဆုံးတွင် အဖြေတစ်ခု ရရှိခဲ့သည့်သဘော ရှိသည်။

မြန်မာနိုင်ငံနှင့် စစ်အစိုးရအပေါ် အနောက်နိုင်ငံများက sanction များ ဆက်လက်ထားရှိရေး ဆိုသည်မှာ လူ့အခွင့်အရေး လှုပ်ရှားသူများနှင့် အတိုက်အခံများ နှစ်ပေါင်းများစွာ ဟစ်အော်ခဲ့သော ကိစ္စတစ်ခု ဖြစ်သည်။ မကြာသေးမီက ထိုအသိုင်းအဝိုင်းထဲမှာပင် sanction မူဝါဒကို ပြန်လည် သုံးသပ်ရန် တောင်းဆိုမှုများ ရှိလာသည်။ ရွေးကောက်ပွဲ ကျင်းပခြင်း၊ နှစ်ပေါင်း နှစ်ဆယ်အတွင်း ပထမဆုံး ပါလီမန် ခေါ်ယူမှု စသည့် ဒီမိုကရေစီနှင့် လွတ်လပ်မှု ခွင့်ပြုခြင်းအတွက် တိုးတက်မှုများ တွေ့ရှိရသဖြင့် မူဝါဒ ပြန်လည် သုံးသပ်ရန် ဆိုခဲ့ခြင်းဖြစ်ရာ ဒေါ်အောင်ဆန်းစုကြည်အား လွှတ်ပေးခဲ့ခြင်း ကိစ္စကိုမူ ဘာမျှမပြောခဲ့ပေ။ အဆိုပါ ဖိအားပေးမှုမှာ မြင့်တက်လာခဲ့သည်။ အာဆီယံ အသင်းကြီးကလည်း sanction များ ရုတ်သိမ်းရန် မကြာခဏ တောင်းဆိုခဲ့သည်။ မြန်မာနိုင်ငံ၏ တိုင်းရင်းသား အခြေပြု အတိုက်အခံပါတီ ငါးခုကလည်း မကြာသေးမီက sanction ရုတ်သိမ်းရေးအတွက် ငြင်းချက် ထုတ်ခဲ့ကြသည်။

ဖေဖော်ဝါရီလ (၇) ရက်နေ့က ဒေါ်အောင်ဆန်းစုကြည်၏ ပါတီဖြစ်သော အမျိုးသား ဒီမိုကရေစီ အဖွဲ့ချုပ်သည် ဆွေးနွေးမှုများ၊ အကြံဥာဏ်ယူမှု များစွာ ပြုလုပ်ပြီးနောက် sanction များ ဆက်ရှိနေသင့်ကြောင်း ဆုံးဖြတ်ခဲ့သည်ဟု ကြေညာချက် ထုတ်ပြန်ခဲ့သည်။ NLD သည် ထိုသို့ ဆက်လက် ရပ်တည် ရေးနှင့် ပတ်သက်၍ အချိန်ယူခဲ့ရမှုကို ပြောကြားရာတွင် ပါတီတွင်း အခြေအတင် ဆွေးနွေးမှုများ ပြုခဲ့ရကြောင်း ဆိုသည်။ မည်သို့ဆိုစေ NLD သည် အခြားတစ်ဖက်က ဖော်ပြသော တိုးတက်မှုများသည် အတုအယောင်၊ လှည့်ဖျားမှုများသာ ဖြစ်ကြောင်း ရှင်းရှင်းလင်းလင်း သိနိုင်ကြောင်း၊ အစိုးရ အား အသေးအဖွဲ လေးမျှသာ ပြုလုပ်ပေးမှုအတွက် ဆုလာဘ်ပေးရန် မထိုက်တန်ကြောင်း၊ ပြတ်ပြတ် သားသား ရပ်တည်ခဲ့သည်။

NLD က sanction များသည် အစိုးရအား ဒဏ်ခတ်သည့် ရည်ရွယ်ချက်ထက် စာလျှင် ဆင်းရဲသော မြန်မာပြည်သူများကိုသာ ထိခိုက်ကြောင်း အဆိုကို  မှားယွင်းကြောင်း ထောက်ပြခဲ့သည်။ အဆိုပါ ပြည်သူများကို ကိုယ်စားပြုပါမည်ဟု NLD က ဝန်ခံ ကတိပြုထားခဲ့သည်။ NLD ၏ တာဝန်ရှိသူ တစ်ဦးဖြစ်သူ ဦးတင်ဦးက ပြောကြားရာတွင် ပါတီ၏ အသေးစိတ် သုတေသန ပြုချက်များအရ sanction များသည် အစိုးရနှင့် ၎င်းနှင့် နီးစပ်သော စီးပွားရေးသမားများကိုသာ ထိခိုက်ပြီး၊ ပြည်သူ အများစုအား မထိခိုက်ကြောင်း ပြောခဲ့သည်။ ထို့ကြောင့် sanction များ ဆက်ရှိနေသင့်ကြောင်း ဆုံးဖြတ် ခဲ့ခြင်း ဖြစ်ကြောင်း ဆိုသည်။

သို့သော် မပြည့်စုံသေးဟု ထင်ပါသည်။ NLD အနေဖြင့် သတိပြုရမည့် အချက်တစ်ခုမှာ NLD ၏ ရပ်တည်ချက်ကြောင့် မြန်မာနိုင်ငံသို့ ပြန်လာရန် မျှော်လင့်နေသော အနောက်နိုင်ငံမှ စီးပွားရေး လုပ်ငန်းများနှင့် မူဝါဒချမှတ်သူ အများစုကို စိတ်ပျက်သွားစေမည် ဖြစ်သည်။ ၎င်းတို့သည် မြန်မာနိုင်ငံ၏ သဘာဝ သယံဇာတများကို အမြတ်ထုတ်နေသော တရုတ်နှင့် ထိုင်းတို့ကို တန်ပြန် ချိန်ညှိနိုင်ရေး အတွက် မြန်မာနိုင်ငံသို့ ဝင်ရောက် လာလိုပေသည်။ သို့သော် NLD သည် တိုးသာဆုတ်သာ အခြေအနေတစ်ခုကိုမူ ဖန်တီးထားသည်။ NLD ပြောခွင့်ရပုဂ္ဂိုလ်များက ပြောကြားရာတွင် NLD အနေဖြင့် sanction များရုတ်သိမ်းရန် ငြင်းချက်ထုတ်လိုသူ ပြည်သူများ၏ စကားကို နားထောင်ရန် ဆန္ဒပြင်းပြပါကြောင်းနှင့် ဆွေးနွေးမှုများ ပြုလုပ်လိုကြောင်း ပြောသည်။ ယခုကိစ္စ ပြီးဆုံးမည့် အခြေအနေကိုမူ မမြင်မိသေးပေ။

******************************************************************************************************************

မြန်မာဒုက္ခသည် စခန်းများ ပိတ်ရန် အချိန်ရောက်ပြီဟု ထိုင်းပြည်နယ်အုပ်ချုပ်ရေးမှူး ပြော

(8 April 2011 ရက်စွဲပါ Radio Australia News မှ Time to close Burma camps, say Thai governor ကို ဘာသာ ပြန်သည်)

ယခုအချိန်သည် ထိုင်း-မြန်မာနယ်စပ် တစ်လျှောက်ရှိ မြန်မာ ဒုက္ခသည်များအား ပြန်ပို့ရေး စဉ်းစားရန် အချိန် ဖြစ်ကြောင်း ထိုင်းနိုင်ငံ Tak ပြည်နယ် အုပ်ချုပ်ရေးမှူးက ပြောကြားခဲ့သည်။

Tak ပြည်နယ်သည် မြန်မာဒုက္ခသည် ထောင်ပေါင်းများစွာအား လက်ခံထားရပြီး၊ အခြား ရွှေ့ပြောင်းလာသူ များသည်လည်း Tak ပြည်နယ်၏ အဓိကမြို့ ဖြစ်သော မဲဆောက်တွင် နေထိုင် အလုပ် လုပ်ကိုင်လျက် ရှိကြသည်။

မြန်မာနိုင်ငံ၏ အာဏာရှင်သန်းရွှေက ၁၉၈၈ ကတည်းက အုပ်ချုပ်လာသော နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ကို ဖျက်သိမ်း ကြောင်း ကြေညာခဲ့ပြီးနောက်တွင် ပြည်နယ် အုပ်ချုပ်ရေးမှူး Samart Loifah က အထက်ပါအတိုင်း ပြောကြားခဲ့ခြင်း ဖြစ်သည်။

မြန်မာနိုင်ငံတွင် ရက်စက်ကြမ်းကြုတ်မှုများ မရှိတော့ကြောင်း၊ ထို့ကြောင့် ဒုက္ခသည်များ မိမိဆန္ဒအလျောက် နေရပ် ပြန်ရေးအတွက် မေးမြန်းရန် စတင်စဉ်းစားသင့်ပြီ ဖြစ်ကြောင်း Samart Loifah က ပြောကြားခဲ့သည်ဟု AleartNet က သတင်း ထုတ်ပြန်ခဲ့သည်။

နိုင်ငံတကာ အလှူရှင်များ အနေဖြင့်လည်း ဒုက္ခသည်များ ထိုင်းနိုင်ငံမှ ထွက်သွားရန် အားပေးသည့် အနေဖြင့် ဒုက္ခသည်စခန်းများသို့ ပေးသော ရန်ပုံငွေကို လျှော့ချသင့်ကြောင်း ၎င်းက တိုက်တွန်းခဲ့သည်ဟု သတင်းစာများက ဆိုသည်။

ထိုင်း-မြန်မာ နယ်စပ်ရှိ မြန်မာ ဒုက္ခသည် စခန်း ကိုးခုတွင် ဒုက္ခသည် ၁၄၅၀၀၀ ခန့် ရှိသည်။

************************************************************************************************************************

မိုးရေထဲ ရေဒီယို သတ္တိကြွများ ပါဝင်မည်ကို စိုးရိမ်၍ တောင်ကိုရီးယား ကျောင်းများပိတ်

(8 April 2011 ရက်စွဲပါ Associated Press မှ Some S Korean schools shut amid radiation fears ကို ဘာသာ ပြန်သည်)

တောင်ကိုရီးယားတွင် ကျောင်းပေါင်း (၁၀၀) ကျော်သည် ဂျပန်နိုင်ငံ နျူကလီယာ စက်ရုံမှ ရေဒီယို သတ္တိကြွများသည်၊ တောင်ကိုရီးယား နိုင်ငံတွင် ရွာသွန်းသော မိုးရေတွင် ပါဝင်လာမည်ကို စိုးရိမ်သောကြောင့် ပိတ်ထားရသည်။

Gyeonggi ပြည်နယ်မှ ပညာရေးဌာနမှ ပြောကြားရာတွင် ကြာသပတေးနေ့တွင် ကျောင်းများ ပြန်ဖွင့်မဖွင့် ဆုံးဖြတ်ရန် ကျောင်းများအား ခွင့်ပြုထားသည်ဟု ဆိုသည်။

ဝန်ကြီးချုပ်ရုံးမှ ပြောကြားရာတွင် မိုးရေထဲတွင် ပါဝင်သော ရေဒီယို သတ္တိကြွ အဆင့်သည် နည်းပါးသောကြောင့် ကျန်းမာရေးကို ထိခိုက်မှု မရှိနိုင်ဟု ပြောကြားခဲ့သည်။

သို့တိုင်အောင် မြို့တော် ဆိုးလ်အနီးရှိ Gyeonggi ပြည်နယ်တွင် ကျောင်း(၁၂၆) ကျောင်း ပိတ်ထားဆဲ ဖြစ်ပြီး၊ အခြား (၄၃) ခုမှာ စာသင်ချိန်များ လျှော့ထားသည်။

ပညာရေး၊ သိပ္ပံနှင့် နည်းပညာ ဝန်ကြီးဌာနက ပြောကြားရာတွင် Gyeonggi ပြည်နယ် ပြင်ပတွင်မူ ကြာသပတေးနေ့က ကျောင်းအနည်းငယ် ကသာ ပိတ်ထားကြောင်း ဆိုသည်။

ဖြစ်ပွားသော နေရာမှ ဝေးသွားသည်နှင့် အမျှ ရေဒီယိုသတ္တိကြွ အဆင့်သည် လျင်မြန်စွာ ကျဆင်းသွားသည်။ အစိုးရ တာဝန်ရှိသူများသည် ဖြစ်ပွား ရာ ဖူကူရှီးမား ဒိုင်အိချီ ဝင်းမှ ၁၂ မိုင်(၂၀ ကီလိုမီတာ) အတွင်းကို ရှင်းလင်းထားပြီး ဖြစ်သည်။

မတ်လ (၁၁) ရက်နေ့က ဆူနာမီကြောင့် ပျက်စီးခဲ့ရသော အဆိုပါစက်ရုံ၏ နောက်ဆုံး တိုးတက်မှုမှာ ပင်လယ်ထဲသို့ ရေဒီယို သတ္တိကြွများ ထုတ်လွှတ်မှု လျော့ကျသွားသည့် သဘော ရှိသည်။ ယခုအပတ်တွင် အင်ဂျင်နီယာများသည် ပစိဖိတ်သမုဒ္ဒရာထဲသို့ ရေဒီယိုသတ္တိကြွများ ပါဝင်သော ရေများ စိမ့်ထွက်သောနေရာကို ပိတ်နိုင်ခဲ့သည်။ ထိုစဉ်ကတည်းက ကမ်းခြေတစ်လျှောက် ရေများတွင် ရေဒီယို သတ္တိကြွပါဝင်မှု သိသာစွာ ကျဆင်းသွား ခဲ့သည်။

*************************************************************************************************************************

မြန်မာပြည်မှ ဖိတ်ခေါ်မထားသော ဧည့်သည်များ

(New York Times မှ 3 April 2011 ရက်စွဲပါ Benedict  Rogers ၏ “Uninvited Visitors” ဆောင်းပါးကို ဘာသာ ပြန်ဆိုသည်)

Benedict Rogers သည် နိုင်ငံတကာ လူ့အခွင့်အရေး အုပ်စု Christian Solidarity Worlswide မှ အရှေ့အာရှ အကြီးအကဲ ဖြစ်သည်။

ညဥ့်နက် သန်းခေါင်ယံတွင် အခန်းတံခါးကို အာဏာပိုင်များက လာခေါက်လိုက်ချိန်တွင် မြန်မာနိုင်ငံမှ အစိုးရ ဆန့်ကျင်သူ အတိုက်အခံများနှင့် တူညီသည့် ခံစားမှုမျိုးကို ကျွန်တော် ကောင်းစွာ သိရှိသွားသည်။ ကျွန်တော့်အနေနှင့် ယဉ်ယဉ်ကျေးကျေး ဆက်ဆံခြင်း ခံခဲ့ရသော်လည်း အကယ်၍ ကျွန်တော်သာ မြန်မာလူမျိုး ဖြစ်နေခဲ့ပါက အခြေအနေ အလွန့်အလွန် ဆိုးဝါးသွားနိုင်သည်။

ယခုတစ်ခေါက် မြန်မာနိုင်ငံသို့ ရောက်နေသည်မှာ တစ်ပတ်ခန့်ရှိပြီ ဖြစ်ပြီး ယခင်ကလည်း အကြိမ်ပေါင်းများစွာ လာရောက်ခဲ့ဘူးသည်။ လူသား မျိုးနွယ်အပေါ် ရာဇဝတ်မှုများ ကျူးလွန်မှုဖြင့် စွပ်စွဲထားကြသည့် အာဏာရှင် ဗိုလ်ချုပ်မှူးကြီး သန်းရွှေ၏ အထုပ္ပတ္ထိကို ရေးသားခဲ့သည့် ကျွန်တော့် အနေဖြင့် မြန်မာနိုင်ငံသို့ ပြန်လာခဲ့ခြင်းမှာ အံ့အားသင့်စရာ ဖြစ်သော်လည်း အာဏာပိုင်များက ကျွန်တော့်ကို တွေ့ရှိသွားချိန်မှာ အံ့သြခြင်း မရှိတော့ပါ။

အချိန်မှာ ယခုတစ်ခေါက် မြန်မာခရီးစဉ်၏ နောက်ဆုံးည ၁၁နာရီတွင် ဖြစ်သည်။ ထိုညက အိပ်ရာမဝင်မီ ဟိုတယ်ဘားသို့ သွား၍ ဂျပ်ဇ်ဂီတ နားထောင်ကာ အခန်းသို့ ပြန်ရောက်ပြီး ၅ မိနစ် ခန့်တွင် အာဏာပိုင်များက စကားပြောလိုသည်ဟု ဟော်တယ်က အကြောင်းကြားသည်။

ဟိုတယ်ခန်း အပြင်ဖက်တွင် ရပ်နေကြသော အရပ်ဝတ် တပ်မတော် ထောက်လှမ်းရေး ၆ ဦးကို ကျွန်တော့် အခန်းထဲသို့ ဖိတ်ခေါ်လိုက်သည်။ သူတို့၏ မေးခွန်းများကို ရိုးသားစွာ ဖြေမည်ဖြစ်သော်လည်း အပို သတင်း အချက်အလက်များကိုမူ  ရက်ရက်ရောရော မပေးနိုင်ဟုလည်း ဆုံးဖြတ်ထားပြီး ဖြစ်သည်။ ကျွန်တော့်အနေဖြင့် ပူးပေါင်းဆောင်ရွက်မည် ဆိုသော်ငြားလည်း အလွန် အကျွံ ပူးပေါင်းဆောင်ရွက်မည် မဟုတ်ပါ၊ ကျွန်တော့် ထိပ်တန်း ဦးစားပေး ကိစ္စမှာ အခြားသူများကို ကာကွယ် ပေးရန်ပင် ဖြစ်သည်။

“မစ္စတာရော်ဂျာ၊ ခင်ဗျားကို မနက်ဖြန်မနက် မြန်မာပြည်ကနေ ထွက်ခွာခိုင်းဖို့ နေပြည်တော်က ညွှန်ကြားချက် ပါလာပါတယ်” ဟု ပြောလာသည်။

ဤအဖြစ်မျိုး ကြုံတွေ့ရန် ဖြစ်နိုင်ချေ အလွန်များကြောင်း အမြဲတမ်း နားလည်ထား ခဲ့သော်လည်း အဆိုပါ စကားလုံးများမှာ ယခုတိုင် ကျွန်တော့် နှလုံး သား တွင် စူးနစ်နေဆဲ ဖြစ်သည်။

အကြောင်းရင်းကို မေးမြန်းသောအခါ သူတို့အနေဖြင့် မသိရှိကြောင်း၊ ညွှန်ကြားသည့်အတိုင်း ဆောင်ရွက်ခြင်း ဖြစ်ကြောင်း ပြန်လည် ဖြေကြား ကြသည်။ သို့သော်လည်း စစ်ဆေးမေးမြန်းနေရင်း သူတို့ထဲမှ တစ်ဦးက ဖိုင်တွဲကို ရုတ်တရက်လှန်လိုက်စဉ် ကျွန်တော်ရေးသော စာအုပ်၏ ရှေ့မျက်နှာဖုံး မိတ္တူ ကို မြင်လိုက်ရသည်။

သူတို့က ကျွန်တော့်ကင်မရာကို စစ်ဆေးကြရာ သာမန်တိုးရစ် အလည်အပတ်နေရာများမှ ဓါတ်ပုံများကိုသာ တွေ့ရသဖြင့် စိတ်ပျက်သွားကြပုံ ရသည်။ အမှန်တကယ်တွင် ကျွန်တော်က စေ့စေ့ စပ်စပ် သတိထား ဆောင်ရွက်ထားခဲ့ခြင်း ဖြစ်သည်။ ထိုဓါတ်ပုံများကို မိတ္တူကူးလိုသည်ဟု တောင်းဆို ကြ သဖြင့် ဘာကြောင့်လဲဟု မေးမြန်းသောအခါ “အထက်ကိုပြန်ပြီး တင်ပြရမှာပါ” ဟု သူတို့က ဆိုသည်။

သန်းခေါင်ယံ အချိန်တွင် စစ်ဆေးမှုကို အပြီးသတ်လိုက်ကြပြီး မနက် ၇ နာရီတွင် အဆင်သင့် လုပ်ထားပါဟု ပြောကာ ပြန်လည်ထွက်ခွာ သွား ကြ သော်လည်း ၅ မိနစ်ခန့်အကြာတွင် သူတို့ထဲမှ တစ်ဦး ပြန်ရောက်လာသည်။ မှတ်စုစာအုပ် ကျန်ခဲ့လို့ပါဟု သူက ဆိုပါသည်။ ခဏတာ ရှာဖွေပြီးနောက် ကျွန်တော့် အဝတ်အစား အိတ်ထဲမှာ ပြန်၍တွေ့သွားသည်။ ကျွန်တော့်ပစ္စည်းများအား စစ်ဆေးပြီး ပြန်ထည့်စဉ် မတော်တဆ လိုလိုနှင့် သေချာ ထည့်သွား ခဲ့ခြင်း ဖြစ်ပေသည်။ အလွန်စိတ်ဝင်စားစရာ ကောင်းနိုင် သည်ဟု သူစဉ်းစားခဲ့ခြင်းမှာ စိတ်မကောင်းစရာပါ။

နောက်နေ့ မနက်ခင်းတွင်မူ အစောင့်အကြပ် ၂ ဦးနှင့် ကျွန်တော့်ကို လေဆိပ်လိုက်ပို့ကြသည်။ သူတို့ ယဉ်ကျေးကြပါသည်။ ကျွန်တော့်ကို ဘာ ကြောင့် ပြည်နှင်ဒဏ်ပေးသလဲဟု ထပ်၍မေးသောအခါ လေဆိပ်ကို ရောက်ရင် ပြောပါ့မယ်ဟု သူတို့ကဆိုသည်။ လေဆိပ်တွင်မူ တာဝန်ရှိသူ တစ်အုပ်ကြီး နှင့် တွေ့ရပါတော့သည်။ ကျွန်တော် လုပ်သမျှ အားလုံးကို ဓါတ်ပုံ ရိုက်ယူကြသည်။

တာဝန်ရှိသူ နှစ်ဦး ကျွန်တော့်ဘေးတွင် လာ၍ထိုင်သည်။ “မစ္စတာ ရော်ဂျာ မနေ့ညက ခင်ဗျားဆီက ပြန်တော့မှ ခင်ဗျားကို ပြည်နှင်ဒဏ် ပေးရ ခြင်းရဲ့ အကြောင်းရင်းကို သိရပါတယ်။ (ညာနေတာ၊ ခင်ဗျားတို့ ဖိုင်ကို စနေနေ့ညက တွေ့ပြီးသား) ဒါကြောင့် အခုမှ ပြောရတာပါ။ “Than Shwe: Unmasking Burma’s Tyrant” အပါအဝင် မြန်မာနိုင်ငံ အကြောင်း စာအုပ်တော်တော် များများ ခင်ဗျားရေးခဲ့တယ်လို့ သိရပါတယ် (အနည်းဆုံး စာအုပ် နာမည်ကို မှန်အောင်ပြောနိုင်သည်)။ ဒီစာအုပ်တွေနဲ့ ခင်ဗျားရဲ့ ဆောင်းပါးအများစုဟာ ကျွန်တော်တို့ နိုင်ငံနဲ့ ပတ်သက်တဲ့ သတင်းမှား တွေပါ” ဟု သူတို့ ဆိုသည်။

ကျွန်တော့် အနေဖြင့် ငြိမ်မနေဖို့ ဆုံးဖြတ်ထားသလို၊ ကျွန်တော် ဘာတွေ စဉ်းစားသလဲ ဆိုတာကို သူတို့အား သိစေချင်သည်။ သို့သော်လည်း သူတို့ကို ပုဂ္ဂိုလ်ရေးအရ အပြစ်တင်မိတာမျိုး မဖြစ်စေချင်ပါ။ အမှန်စင်စစ် သူတို့ တာဝန်ကို သူတို့ဆောင်ရွက်ခြင်းသာ ဖြစ်၍ စနစ်ကသာ မှားနေခြင်း ဖြစ် သည်။

“စာအုပ်ရေးတာ ရာဇဝတ်မှုလားဗျာ” ဟု ကျွန်တော်မေးလိုက်သောအခါ သူတုန်လှုပ် သွားသည်။ ကျွန်တော်က ဆက်လက်ပြီး “နိုဝင်ဘာ လတုန်း က မြန်မာနိုင်ငံမှာ ရွေးကောက်ပွဲတွေ လုပ်ခဲ့ တယ်နော်၊ ဒါကြောင့် မြန်မာနိုင်ငံဟာ ဒီမိုကရေစီနိုင်ငံဖြစ်လာပြီလို့ ကျွန်တော်ထင်တယ်၊ ဒီမိုကရေစီ စနစ်မှာ လွတ်လပ်စွာ စာအုပ်ရေးတာဟာလည်း မဆန်းတဲ့ကိစ္စပါ။ တချို့စာအုပ်တွေက အကောင်းမြင် ချီးမွမ်းသလို တချို့ကလည်း ဝေဖန်ကြမှာပေါ့။ ဒါပေမယ့် စာအုပ်တစ်အုပ် ရေးတာကြောင့် ကျွန်တော့်ကို ပြည်နှင်ဒဏ် ပေးတယ်ဆိုတာကတော့ မြန်မာနိုင်ငံဟာ ဒီမိုကရေစီနိုင်ငံ မဟုတ်ဘူးလို့ ညွှန်ပြနေပါတယ်၊ ဒီတော့ မြန်မာနိုင်ငံဟာ ဒီမိုကရေစီနိုင်ငံ ဖြစ်လာပြီလား၊ မဖြစ်သေး ဘူးလား ဆိုတာကို ခင်ဗျားပြောပြနိုင်မလား” ဟုသူ့ကို မေးလိုက်သောအခါ သူ ခဏလောက် တုန့်ဆိုင်းသွားပြီးနောက် သူက “မြန်မာနိုင်ငံဟာ တစ်နေ့နေ့မှာတော့ ဒီမိုကရေစီနိုင်ငံ ဖြစ်လာမှာပါ။ ဒါပေမယ့် ဖြေးဖြေးခြင်း၊ ဖြေးဖြေးခြင်း ပေါ့၊ အခုက အသွင် ကူးပြောင်းဆဲ ကာလပါ” ဟုဖြေသည်။

“မြန်မာနိုင်ငံ ပြောင်းလဲနေပြီလို့ ကျွန်တော်ထင်ခဲ့ပေမယ့် အခုလို နိုင်ငံခြားသားတစ်ယောက်ကို စာအုပ်ရေးလို့ ဆိုပြီး ပြည်နှင်ဒဏ် ပေးတယ်ဆို တော့ မပြောင်းလဲသေးဘူးဆိုတဲ့ သဘောပဲလေ၊ ဒီတော့ မပြောင်းလဲသေးဘူး ဆိုတဲ့စကားက မှန်တယ်မဟုတ်လား” ဟု ကျွန်တော်က ထပ်ဆင့် မေးလိုက် သော အခါ သူက အားတက်သရော ခေါင်းညိတ်ကာ “ဟုတ်တယ်၊ ဟုတ်တယ် မပြောင်းသေးဘူး၊ မပြောင်းလဲသေးဘူး” ဟု ဆိုပါတော့သည်။

အကယ်၍ ထိုသို့သာ ပြောင်းလဲမှု မရှိသေးပါက sanctions များရုတ်သိမ်းရေးကို ဆွေးနွေးခြင်းသည် မှားယွင်း ဆုံးဖြတ်ခြင်းသာ ဖြစ်ပေ လိမ့်မည်။ ယခု အချိန်သည် စစ်မှန်သော ပြောင်းလဲမှု မရှိသေးပဲ sanctions များ ရုတ်သိမ်းရမည့် အချိန်မဟုတ်ပါ၊ အမှန်တကယ်တွင် ယခုအချိန်သည် လူသားမျိုးနွယ်အပေါ် ကျူးလွန်သော ဗိုလ်ချုပ်မှူးကြီးသန်းရွှေ၏ ရာဇဝတ်မှုများကို ကုလသမဂ္ဂ စုံစမ်းရေးကော်မရှင်မှ တဆင့် စစ်ဆေးရန်နှင့် သာမန်ပြည် သူများ အတွက် အကူအညီ အထောက်အပံ့ ပေးရန်အတွက် တစ်ကမ္ဘာလုံးက ဂရုတစိုက် ဖိအားပေး၊ တင်းကြပ်ရမည့် အချိန်သာ ဖြစ်သည်။

အဆိုပါ တာဝန်ကျ အရာရှိကို “နိုင်ငံခြားသား တော်တော်များများကို ဒီလိုပဲ ပြည်နှင်ဒဏ် ပေးသလား” ဟု မေးသောအခါ သူက “ဟုတ်တယ်၊ အများကြီး ပဲ” ဟု ပြုံး၍ဖြေသည်။ “ကျွန်တော့်ကို အခုလို ပြည်နှင်ဒဏ် ပေးတာဟာ တရားမျှတတယ်လို့ ခင်ဗျားထင်သလား” ဟု သူ့ကို ထပ်၍ မေးသည်။ သူက “ခင်ဗျားစာအုပ်ကို မဖတ်ရသေးလို့ ထင်မြင်ချက်မပေးနိုင်ပါဘူး၊ ခင်ဗျားရေးတဲ့ စာအုပ် အပို ပါမလာဘူးလား၊ ကျွန်တော် ဖတ်ကြည့်ဖို့ စိတ်ဝင်စားပါ တယ်” ဟု ဆိုသည်။ ကျွန်တော်က ရယ်လိုက်ပြီး “ပါမလာကြောင်း၊ သို့သော် ပို့ပေးမည် ဖြစ်ကြောင်း” သူ့ကို ပြောလိုက်သည်။ သို့ရာတွင် သူက လိပ်စာ မပေးပါ။

“လူတွေကို ဒီလိုဆိုးဆိုးဝါးဝါး ဆက်ဆံတဲ့ အစိုးရအတွက် အလုပ်လုပ်ပေးရတာ ပျော်သလား၊ တပ်မတော် အစိုးရ လက်အောက်မှာ တိုင်းရင်းသား လူမျိုးစု တွေ ဒီလို ဒုက္ခတွေ ခံစားနေရတာကို သိသလား”ဟု ကျွန်တော်က မပြီးနိုင်၊ မစီးနိုင် ဆက်၍မေးသောအခါ သူက တုံဏိဘာဝေ လုပ်နေသည်။

အီဂျစ်၊ လစ်ဗျားနဲ့ တူနီးရှားက ဖြစ်ရပ်တွေနဲ့ ပတ်သက်လို့ ဘယ်လိုယူဆသလဲဟု မေးသော် “ဒီလို ပြောင်းလဲတဲ့ ပုံစံကိုတော့ မကြိုက်ပါဘူး၊ ဒါတွေကို အယ်ကေဒါးတွေက ဖန်တီးနေတယ်လို့ ထင်တာပဲ၊ ခင်ဗျားကော ဒီလိ်ုမထင်ဘူးလား” ဟု သူက ပြန်မေးသည်။ “မဟုတ်ပါဘူးဗျာ၊ ဒီလိုနိုင်ငံတွေ မှာ အာဏာရှင် စနစ်ကို မုန်းတဲ့ သာမန်ပြည်သူတွေက ဒီလှုပ်ရှားမှုတွေကို ဦးဆောင်ကြတာပါ” ဟု သူ့ကို ပြောပြသောအခါ သူက “ဒါပေမယ့် ဒီမိုကရေစီ စနစ်က အယ်ကေဒါးတွေကို အခွင့်အလမ်းတွေ ပေးနေတာပဲလေ” ဟုဆိုသည်။

ကျွန်တော်သဘောမတူပါ။ အစွန်းရောက်ဝါဒ၊ အကြမ်းဖက်ဝါဒတွေကို စိမ်ခေါ်တဲ့နေရာမှာ အာဏာရှင်စနစ်ထက် ပွင့်လင်းတဲ့ ဒီမိုကရေစီ လူ့အဖွဲ့ အစည်းက ပိုပြီးကောင်းပါတယ်ဟု ကျွန်တော့် အယူအဆကို ပြောပြလိုက်သည်။

ထို့နောက်တွင်မူ လေယာဉ်ပေါ် တက်လို့ရပါပြီဟု သူတို့က ဆိုသည်။ ကျွန်တော့်ပတ်စပို့ သူတို့ဆီတွင် ကျန်နေကြောင်း ကျွန်တော်က သတိပေး လိုက်သောအခါ သူတို့ ဘာလုပ်ရမှန်း မသိအောင် ဖြစ်သွားကြသည်။ “ပတ်စပို့ မရှိရင်တော့ ကျွန်တော် မြန်မာပြည်မှာပဲ နေတော့မယ်ဗျာ၊ အိုကေလား” ဟု ကျွန်တော်က ပြောလိုက်ပြီးနောက် ကျွန်တော်တို့အားလုံး ဝိုင်း၍ ရယ်မော လိုက်ကြသည်။

သူတို့က ကျွန်တော့်ကို လက်ဆွဲ၍ ဂွတ်ဘိုင်ဟု နှုတ်ဆက်သည်။ “ကျွန်တော့်ကို ကောင်းကောင်း ဆက်ဆံတဲ့ အတွက် ကျေးဇူးတင်ပါတယ်ဗျာ၊ ခင်ဗျားတို့ အစိုးရက ခင်ဗျားတို့ မြန်မာပြည်သူ တွေကို ကောင်းကောင်းမဆက်ဆံဘူးဆိုတာ ကျွန်တော်သိပါတယ်၊ ဒါပေမယ့် အနည်းဆုံး ကျွန်တော့်ကို ဒီလို ကောင်းကောင်း ဆက်ဆံတဲ့အတွက် တကယ်ကို ကျေးဇူးပါ” ဟု ကျွန်တော်က ပြန်လည် နှုတ်ဆက်ခဲ့သည်။


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle 2011
yangonchronicle 2011

၉.၄.၂၀၁၁

ပြည်တွင်းသတင်းများ

ဖျာပုံတွင် ရေလုပ်သား အလောင်းဖျောက်

ရန်ကုန်၊ ဧပြီ ၈။

မြန်မာ့ ပင်လယ်ပြင်တွင် မတ်လ ၁၅  ရက်နေ့က တိုက်ခိုက်ခဲ့သည့် လေပြင်းမုန်တိုင်းကြောင့် သေဆုံးခဲ့သည့် ရေ လုပ်သားများ၏ အလောင်းကို ဒေသခံ ရဲတပ်ဖွဲ့ဝင်များက သက်ဆိုင်သည့်မိသားစုများထံ အသိမပေးအကြောင်းမကြားဘဲ မြုပ်ပစ်ခဲ့ကြောင်း ဖျာပုံခရိုင်၊ အမာမြို့နယ်ခွဲမှ ဒေသခံအချို့က ပြောကြားသည်။

ထိုကဲ့သို့ သက်ဆိုင်ရာသို့ အသိမပေးဘဲရေလုပ်သားအလောင်းများကိုမြုပ်ပစ်ခြင်းမှာ သက်ဆိုင်ရာကုမ္ပဏီများက လျှော်ကြေးပေး ရမည်စိုးသဖြင့် ရဲများကို ခိုင်းစေကြခြင်းဖြစ်ကြောင်း အမာမြို့နယ် ဒေါ်ညိမ်းကျေးရွာမှ ဒေသခံတစ်ဦးက ပြောကြားသည်။

ထိုသို့ သေဆုံး၊ ပျောက်ဆုံးနေသော အဆိုပါ ရေလုပ်သားများသည် ဖျာပုံခရိုင်အပြင် ဧရာဝတီတိုင်း၊ ရန်ကုန်တိုင်း အတွင်းရှိ အခြားဒေသတို့ မှလည်း ပါဝင်ကြောင်း၊ ယင်းတို့သည် အသက်သေဆုံးပါက တစ်ယောက်လျှင် ကျပ်တစ်သိန်း ဖြင့် စာချုပ်ချုပ်ထားကြခြင်း ဖြစ်ကြောင်းသိရသည်။

“တစ်ယောက်ကိုမှ တစ်သိန်းနဲ့ပါဗျာ။ ရေလုပ်သားတွေက ပညာမတတ်ကြတော့ လူ့အသက်ကို တစ်သိန်းတည်းနဲ့ စာချုပ်ချုပ်ထားတာပေါ့။ ဖောင်ပိုင်ရှင်တွေက လျှော်မယ်ဆို လျှော်နိုင်ကြပါတယ်။ တစ်ချို့ဆို ရန်ကုန်မှာ တက်နေတာ။ တိုက်ပိုင်ကားပိုင်တွေနဲ့”ဟု ဥယျဉ်ခြံမှ ဒေသခံကပြောကြား သည်။

လေပြင်းကြောင့် ရေလုပ်သားများ သေဆုံးသည်ကိုသိရှိသော အနီးနားဝန်းကျင်မှ ဒေသခံများက လာရောက် ကြည့်ရှုခဲ့ကြောင်း၊ သို့သော် ရဲများ က ကြည့်ခွင့်မပေးခဲ့ကြောင်းသိရသည်။

“မြုပ်ပစ်တာကိုကျွန်တော်တို့ မျက်စေ့နဲ့ တိုက်ရိုက်တွေ့ခဲ့တာ။ဗန်ဒါပင်ကပျက် (အမာမြို့နယ်ခွဲအတွင်းမှ ကျေးရွာ တစ်ရွာ)က သောင်ပြင်မှာ မြုပ်တာ” ဟု ယင်းကဆိုသည်။ “ကျွန်တော်တို့က သူတို့ အလောင်းတွေကိုမြုပ်နေတာ တွေ့သွား လို့ Ɯ