Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၂၅.၁၁.၂၀၁၁

ဆောင်းပါးကဏ္ဍ

ဒီမိုကရေစီဘက်တော်သားများညီညွတ်ရေးနှင့် ဒီမိုကရေစီတိုးတက်မြင့်မားရေးဆီသို့

****************************************

ဆောင်းပါးကဏ္ဍ

ဒီမိုကရေစီဘက်တော်သားများညီညွတ်ရေးနှင့် ဒီမိုကရေစီတိုးတက်မြင့်မားရေးဆီသို့

မောင်းဆက်

(နိုဝင်ဘာ ၂၄ ထုတ် ပြည်သူ့ခေတ်ဂျာနယ် အတွဲ (၂) အမှတ် (၇၀) မှ ထုတ်ယူဖော်ပြသည်)

အမျိုးသားဒီမိုကရေစီအဖွဲ့ချုပ် နိုင်ငံရေးပါတီအနေနှင့် မှတ်ပုံတင်တော့မည်ဆိုသည်က ယခုကာလများအတွင်း လူထုစိတ်အဝင်စားဆုံးသတင်း ဖြစ်နေခဲ့သည်။ အဖွဲ့ချုပ်ကို နိုင်ငံရေးပါတီအနေဖြင့် မှတ်ပုံမတင်စေလိုသူများ ရှိသလို၊ နိုင်ငံရေးပါတီအနေဖြင့် ရပ်တည်ပြီးကျယ်ပြန့်သော နိုင်ငံရေး စည်းရုံးရေး လှုပ်ရှားမှုများကို တစ်ပြည်လုံးအတိုင်းအတာနှင့် လုပ်စေချင်သူများလည်း ရှိနေသည်။

ပါတီအဖြစ် မှတ်ပုံမတင်စေလိုသူများမှာ ၁၉၉၀ ရွေးကောက်ပွဲရလဒ်ကို ယခုအတိုင်းထိန်းသိမ်းလိုသူများ၊ ၂၀၀၈ အခြေခံဥပဒေကို သဘော မတူသူများ ဖြစ်သည်။ ပြီးတော့ အဖွဲ့ချုပ်သည် မှတ်ပုံမတင်ဘဲရပ်တည်လို့ ရနိုင်သည်ဟုလည်း ယုံကြည်ကြသူများ ဖြစ်သည်။ ပါတီအဖြစ် မှတ်ပုံတင် လိုသူများက ရွေးကောက်ပွဲရလဒ်ကို ဆက်လက် အကောင်အထည်ဖော်ရန်နှင့် ကျယ်ပြန့်သော နိုင်ငံရေးလှုပ်ရှားမှုများ လုပ်နိုင်ရန်ဟူသော ရည်ရွယ် ချက်ကို ကိုင်စွဲထားသူများ ဖြစ်သည်။

ဆန့်ကျင်သော သဘောထားနှစ်ဖက် ရှိနေကြသော်လည်း ဒီမိုကရေစီ တိုးတက်မြင့်မာရေးနှင့် အစဉ် တည်တံ့ရေးဆီသို့ ချီတက်ရန်ဟူသည်မှာ နှစ်ဖက်စလုံး၏ တူညီသော သဘောထားဖြစ်သည်။ သည်နေရာမှာ ဦးဆောင် ဦးရွက်ပြု သူတို့၏ အခန်းကဏ္ဍက အရေးပါသည်။ ဒေါ်အောင်ဆန်း စုကြည်၊ ဦးဝင်းတင်တို့လို ခေါင်းဆောင်များက ရွေးချယ်သည့် ဆုံးဖြတ်ချက်နောက်ကို လိုက်ပါလုပ်ဆောင်ကြမည့်သူက အရေအတွက်အားဖြင့် ပိုများသည်ဟုထင်၏။ သည်တော့ ပါတီမှတ်ပုံတင်ဖြစ်ဖို့က အခွင့်အလမ်းပိုများနေသည်။

နောက်ဆွေးနွေးစရာ ခေါင်းစဉ်တစ်ခုက ပါတီမှတ်ပုံတင်ပြီးနောက် အဖွဲ့ချုပ်က ရွေးကောက်ပွဲ ဝင်၊မဝင်ဆိုသည့်အချက် ဖြစ်သည်။ တချို့က မှတ်ပုံတင်တာကို လက်ခံသည်။ သို့ရာတွင် အဖွဲ့ချုပ်ကို ဥပဒေအရမဝင်မဖြစ် ဝင်ရမည့်နေရာ သုံးနေရာသာ ဝင်စေချင်သည်။ အဖွဲ့ချုပ် အင်တိုက် အားတိုက် ရွေးကောက်ပွဲဝင်တာကို မလုပ်စေချင်။ အခုလာမည့် ရွေးကောက်ပွဲက ကြားဖြတ်ရွေးကောက်ပွဲမျှသာ ဖြစ်သောကြောင့်ဟူသော အကြောင်း ကြောင့်ဖြစ်သည်။ အဖွဲ့ချုပ်က ရွေးကောက်ပွဲအတွက် အင်တိုက်အားတိုက်လုပ်သော်လည်း လွှတ်တော်အတွင် အာဏာအဆုံးအဖြတ် နေရာကို ဘယ်လိုမှ ရစရာအကြောင်းမရှိဟုဆိုသည်။ တချို့ကမူ မှတ်ပုံတင်ရေး၊ မတင်ရေးကသာ ခက်ခဲသောအဆုံးအဖြတ်ဖြစ်၏။ မှတ်ပုံတင်ပြီး ဆိုမှဖြင့် အားလုံးသော နိုင်ငံရေးလှုပ်ရှားမှုများကို အရှိန်အဟုန်ပြင်းပြင်းဖြင့် လုပ်သင့်သည်ဟု ထင်သည်။ နိုင်ငံရေး ပါတီအဖြစ် မှတ်ပုံတင်မှတော့ နိုင်ငံရေးပါတီ တစ်ခု၏ စည်းရုံးရေးကိစ္စများ၊ နိုင်ငံရေးလှုပ်ရှားမှုများအားလုံကို ပြည်သူလူထုနှင့် လက်တွဲကာ လုပ်ဆောင်သင့်သည်ဟု ယူဆကြသည်။ ကြားဖြတ် ရွေးကောက်ပွဲ လစ်လပ်နေရာ အားလုံးကိုဝင်၍ အနိုင်ရအောင် လုပ်စေချင်သည်။ နှစ်ဖက်စလုံးရှိတူညီသော သဘောထားမှာ အမျိုးသားဒီမိုကရေစီအဖွဲ့ ချုပ် ပြည်သူလူထုအကြား ဂုဏ်သိက္ခာရှိရှိဖြင့် အင်အားကြီးမားကျယ်ပြန့်ရေးအရေးကြီးသည်ဟူသည့် သဘောထားဖြစ်သည်။

ရွေးကောက်ပွဲဝင်သင့်သည်ဟူသော အင်အားစုထဲတွင်လည်း နှစ်မျိုးကွဲပြားမှု ရှိနေတာကို တွေ့ရသည်။ တစ်စုက အဖွဲ့ချုပ် ရွေးကောက်ပွဲ ဝင်ရမည်။ ကြားဖြတ်လစ်လပ်သော နေရာအားလုံးကို ဝင်ရောက်ယှဉ်ပြိုင်နိုင်ရမည်။ သို့ရာတွင် ဦးတင်ဦး၊ ဒေါ်အောင်ဆန်းစုကြည်၊ ဦးဝင်းတင် အရှိသော ထိပ်တန်းခေါင်းဆောင်းများက ယခုအချိန်တွင် မဝင်သင့်၊ အဖွဲ့ချုပ်၏ အင်အားကျယ်ပြန့်ရေး၊ ကြီးမာရေးသာမက ကျစ်လစ်ခိုင်မာရေးအတွက် ပါတီစည်းရုံးရေးကိုသာ ဇောက်ချလုပ်သင့်သည်။ အဖွဲ့ချုပ်ဖွဲ့စည်းသည့် ၁၉၈၈ အောက်တိုဘာမှစ၍ ယခုအချိန်ထိအဖွဲ့ချုပ် အင်အားမှာ အလွန်ကြီးမား ခဲ့သည်ဟု ဆိုနိုင်သော်လည်း ကျစ်လျစ်ခိုင်မာသော ဖွဲ့စည်းမှုမျိုးမရှိသေး၊ နိုင်ငံရေးအားရှိသော ကေဒါသစ်များနှင့် ဗဟိုဦးစီးအဖွဲ့ဝင်သစ်များ၊ ဗဟို အလုပ်အမှုဆောင်သစ်များ လိုအပ်နေသည်။ ဒါကယခုအချိန်မှာဖွဲ့စည်းဖို့ အသင့်လျှော်ဆုံးဟု ယူဆကြသည်။ ကျန်တစ်စုက ဒေါ်အောင်ဆန်းစုကြည် ကိုယ်တိုင် လွှတ်တော်ထဲသွားသင့်သည်။ သည်လိုလုပ်လျှင် လွှတ်တော်ထဲမှာ အင်အားအရှိဆုံး အကျယ်လောင်ဆုံးစကားသံများ အမျိုးသားဒီမိုကရေစီ အဖွဲ့ချုပ်က ထွက်လို့ရမည်။ ဒါကအဖွဲ့ချုပ်၏ အင်အားပဲဖြစ်သည်။

ဤသို့ ကွဲလွဲမှုများရှိနေသော်လည်း အထက်ပါ ကွဲလွဲမှုများအားလုံး၏ တူညီသောဘုံရပ်တည်ချက်မှာ အမျိုးသား ဒီမိုကရေစီအဖွဲ့ချုပ် ပြည်သူ လူထုကြားမှာ ဂုဏ်သိက္ခာရှိရှိဖြင့် ကျစ်လျစ်ခိုင်မာပြီး အင်အားကြီးမားကျယ်ပြန့်ရေးပဲ ဖြစ်သည်။ ဒါက အမျိုးသားဒီမိုကရေစီအဖွဲ့ချုပ်နှင့် ပတ်သက်သည့် သဘောထား။

သည်လိုအမျိုးသားဒီမိုကရေစီအဖွဲ့ချုပ်ကို ပြည်သူလူထုကအားကိုအားထား ပြုကြသည်မှာအဖွဲ့ချုပ်သည် ၁၉၈၈ ဒီမိုကရေစီရေးအုံကြွမှုကြီး၏ ရလဒ်ဟူ၍ သတ်မှတ်ထားသောကြောင့် ဖြစ်သည်။ အဖွဲ့ချုပ်၏ နိုင်ငံရေးလှုပ်ရှားမှုများသည် ၈၈ ဒီမိုကရေစီရေး၏ အဆက်ဖြစ်သည်ဟု ယူဆထား ကြတာ ဖြစ်သည်။ မဆုံးသေးသော ဒီမိုကရေစီခရီးကြမ်းကိုဦးတင်ဦး၊ ဒေါ်အောင်ဆန်းစုကြည်၊ ဦးဝင်းတင်တို့ ခေါင်းဆောင်သော အဖွဲ့ချုပ်အင်အားဖြင့် ဆက်လက်ချီတက်ကြရမည်ဟု ယုံကြည်ကြတာ ဖြစ်သည်။ ဤအချက်သည်လည်းအထက်ပါ ကွဲလွဲမှုများရှိနေကြသူ အားလုံး၏ ဘုံရပ်တည်ချက်တစ်ခု ဖြစ်ပါလိမ့်မည်။ အမျိုးသားဒီမိုကရေစီအဖွဲ့ချုပ်ကို ကျစ်လျစ်ခိုင်မာသောကေဒါများဖြင့် အင်အားကြီးမားအောင် ဖွဲ့စည်းကာ ဒီမိုကရေစီ အစဉ်သဖြင့် ဆက်လက်တည်တံအောင် ထိန်းသိမ်းသွားနိုင်ရေးတို့ကို ပြည်သူလူထုနှင် လက်တွဲဆောင်ရွက်သွားရေးသည် ဘုံသဘောထားတစ်ခုပဲ ဖြစ်ပါသည်။ ဒါကမကွဲလွဲ။

အဖွဲ့ချုပ် အမျိုးသားပြန်လည်ရင်ကြားစေ့ရေး အဆိုပြုချက်ကို တောက်လျှောက်ဆုပ်ကိုင်ထားခဲ့ပြီး၊ ယခုအခါ  ဒေါ်အောင်ဆန်းစုကြည်နှင့် အစိုးရအဖွဲ့သစ်၊ နိုင်ငံတော်သမ္မတဦးသိန်းစိန်တို့ တွေ့ဆုံကာ ရလဒ်ကောင်းများ ပေါ်ထွက်လာခြင်း အပေါ်မှာလူထုအနေနှင့် အားရမှု အတော်အတန် ရှိလာခဲ့တာဖြစ်သည့်အတွက် သည်နည်းလမ်းဖြင့် ဆက်လက် ချီတက်မည့် အပေါ်မှာလည်းကွဲလွဲမှု သိပ်မရှိပါ။ သည်လမ်းအတိုင်းဆက်လက် လျှောက်လှမ်းရန်မှာလည်း ဆက်လက်လျှောက်လှမ်းရန်မှာလည်း အဖွဲ့ချုပ်၏အင်အားက လိုအပ်သည်။ အဖွဲ့ချုပ်၏ နိုင်ငံရေးအင်အား၊ စည်းရုံးရေး အင်အား။

သည်တော့ အားလုံး၏ တူညီသော ဆန္ဒကိုအကောင်အထည်ဖော်ရန်အတွက် အဖွဲ့ချုပ်နှင့် ဒီမိုကရေစီအင်အားစုများ ခိုင်မာအင်အား ကြီးရေးက အရေးကြီးဆုံးနေရာမှာ ရှိနေသည်။ သည်ကိစ္စက နိုင်ငံရေးပါတီတစ်ခု ထူထာင်ပြီး အင်အားစုဆောင်းတာထက် အများကြီးပို၍ လေးနက် နေသည်။ အဖွဲ့ချုပ်၏ ဖွဲ့စည်းပုံကစပြီး စဉ်းစားစရာများ ရှိနေနိုင်သည်။ အမျိုးသားဒီမိုကရေစီအဖွဲ့ချုပ်ဟူ၍ စတင်ဖွဲ့စည်းခဲ့စဉ်က အဖွဲ့ချုပ်ပုံစံ ဖြစ်သည်။ ၁၉၈၈ ဒီမိုကရေစီအရေးတော်ပုံမှ ပေါ်ထွက်လာခဲ့တော့ တက်သိပညာရှင်အစရှိသည့် ဒီမိုကရေစီအင်အားစုများ၊ တပ်မှူးကြီးများဖြင့် ဖွဲ့စည်း ထားသည့် မျိုးချစ်ကြီးများ၊ ဗိုလ်မှူးချုပ်အောင်ကြီးတို့၏ အင်အားစုများစသည့် အဓိကအင်အားစုသုံးစုဖြင့် အဖွဲ့ချုပ်ပုံစံဖွဲ့စည်းခဲ့တာ ဖြစ်သည်။ နောက်တော့ ဗိုလ်မှူးချုပ်အောင်ကြီးနှင့် အင်အားစုများနှင့် အဖွဲ့ချုပ် လမ်းခွဲသည်။ နောက်တော့ ၁၉၉၀ ရွေးကောက်ပွဲနောက်ပိုင်း နိုင်ငံရေး အပြောင်း အလဲမှာ မျိုးချစ် ရဲဘော်ဟောင်းများသည်လည်း အဖွဲ့အစည်းအနေနှင့် မရှိတော့။

လက်ရှိအဖွဲ့ချုပ်မှာ အမည်အားဖြင့်သာအဖွဲ့ချုပ် ဖြစ်သော်လည်း၊ ပုံသဏ္ဍာန်အားဖြင့် နိုင်ငံရေးပါတီကြီးတစ်ခုအနေနှင့် ရပ်တည်နေတာ ဖြစ်သည်။ ဗိုလ်ချုပ်အောင်ဆန်းတို့ ဖွဲ့စည်းသော ဖဆပလအဖွဲ့ချုပ်တွင် ဗမာ့တပ်မတော်၊ ကွန်မြူနစ်ပါတီ။ ပြည်သူ့အရေးတော်ပုံပါတီ (ဆိုရှယ်လစ် ပါတီ)နှင့် တစ်သီးပုဂ္ဂများ၊ တိုင်းရင်းသားကိုယ်စားလှယ်များ ပါဝင်သည်။ အဖွဲ့ချုပ်ကိုအတူလုပ်ကြသော်လည်းတစ်ဦးချင်းစီတွင် သီးခြားအယူအဆနှင့် သီးခြားပါတီများ ရှိနိုင်သည်။ ယခု အမျိုးသားဒီမိုကရေစီအဖွဲ့ချုပ်ကို ပြန်လည်ဖွဲ့စည်းရာတွင် သည်လိုအဖွဲ့ချုပ် သို့မဟုတ် တပ်ပေါင်းစုစည်း မျဉ်းဖွဲ့စည်းပုံနှင့် ဖြစ်မည်လား၊ နိုင်ငံရေးပါတီကြီးတစ်ခုအနေဖြင့်ပဲ ဖွဲ့စည်းမည်လားဆိုတာကလည်း စိတ်ဝင်စားစရာဖြစ်သည်။ မြင်ရသလောက် ဆိုလျှင်မူ၊ နိုင်ငံရေးပါတီကြီးတစ်ခု၏ ဖွဲ့စည်းပုံနှင့်ပဲ သွားမည်ထင်ပါသည်။

သို့ရာတွင် ဒီမိုကရေစီရေးပန်းတိုင်သို့ လျှောက်လှမ်းရာတွင် ဒီမိုကရေစီမဟာမိတ်များ၊ ပါတီချင်းဆက်ဆံ ဆောင်ရွက်ရမှုများသည် ရှိနေဦးမည် ဖြစ်သည်။ သည်တော့ လုပ်ငန်းစဉ်ချင်းတူညီသည့် သို့မဟုတ် ဒီမိုကရေစီရေးကိစ္စရပ်များ ဆောင်ရွက်ရာတွင် အင်အာပိုမိုရရှိစေနိုင်မည့် နိုင်ငံရေး ပါတီများနှင့် ဆက်ဆံဆက်သွယ်ရေး၊ တစ်သီးပုဂ္ဂလများနှင့် ဆက်ဆံဆက်သွယ်ရေးတို့က လိုအပ်နေမှာဖြစ်သည်။ ဒီမိုကရေစီရေးဆိုင်ရာ မဟာမိတ်များ၊ ပူးပေါင်းဆောင်ရွက်ရမည့်သူများကို စိစစ် ရွေးချယ်ပြီးချဉ်းကပ်ဆက်ဆံရမည့် ကိစ္စရပ်များလည်း ရှိနေနိုင်သည်။ ဒါတွေအတွက် သာမက၊ ပါတီ၏ ကေဒါများအဖြစ် ရွေးချယ်စိစစ်ရာတွင်၊ ယခင်အဖွဲ့ချုပ် အဖွဲ့ဝင်ဟောင်းများအများအပြားကို ပြန်လည်ဆက်သွယ်ရမှာတွေ ရှိနေလိမ့်မည်။ အဖွဲ့ဝင်များ ထဲက တချို့က ဟိုတစ်ချိန်က နိုင်ငံရေးသဘောထားများအရ အဖွဲ့ချုပ်နှင့် ကင်းကွာနေသူတို့ရှိသည်။ တချို့က အခြားသောအကြောင်းများနှင့် အဖွဲ့ချုပ်နှင့် ဝေးနေတာတွေရှိမည်။ အချို့က အကျဉ်းထောင်ကမကြာမတင်ကမှ လွတ်မြောက်လာသူတွေ ဖြစ်နိုင်သည်။ အချို့က အကျဉ်းထောင် တွေထဲမှာ ကျန်ရှိနေသေးတာလည်း ဖြစ်နိုင်သည်။ ပန်းတိုင်နှင့် တူညီသော လုပ်ဆောင်နိုင်မှုများရှိသူ အားလုံးကို ပြန်လည်စည်းရုံးဖွဲ့စည်းရန် လိုမည်ထင်ပါသည်။

သည်လိုအခြေအနေမျိုးမှာ အမျိုးသားဒီမိုကရေစီအဖွဲ့ချုပ် ပြန်လည်ဖွဲ့စည်းမည်ဆိုလျှင် နိုင်ငံရေးအင်အား၊ စည်းရုံးရေးအင်အားရှိသူများနှင့် ပြန်လည်စတင်ရမှာ ဖြစ်သည်။ ပါတီ၏ စည်းရုံးရေး၊ နိုင်ငံရေးအင်အားသာမက၊ ဘဏ္ဍရေးကအစ စဉ်းစားလုပ်ဆောင်ရမှာတွေ ရှိနေမှာဖြစ်သည်။ ဒီမိုကရေစီခရီးကသွားရဦးမှာ ဖြစ်သည့်အတွက် တော်ရုံမတူညီမှုများ၊ မကျေနပ်မှုများကိုချေဖျက်၍  ညီညွတ်ရေးစိတ်ဓာတ် အရင်းတည်ကာ တည်ဆောက်ရမည်ဟု ယူဆပါသည်။ ဒီမိုကရေစီ ဘက်တော်သားများ၏ ညီညွတ်ရေးကိုအရယူကာ ဒီမိုကရေစီ တိုးတက်မြင့်မာရေး၊ အစဉ် တည်တံ့ရေး၊ တိုင်းပြည် ဖွံ့ဖြိုးတိုးတက်ရေးပန်းတိုင်ဆီသို့ အဖွဲ့ချုပ်ကဖွဲ့စည်းဦးဆောင်ကာ ဆောင်ရွက်နိုင်လိမ့်မည်ဟု မျှော်လင့်မိပါ ကြောင်း။

*******************************************************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၂၅.၁၁.၂၀၁၁

ပြည်တွင်းသတင်းများ

  1. ရန်ကုန်တွင် လူဆိုးဂိုဏ်းများ သောင်းကျန်းလာ
  2. ဆန်အထွက်တိုးသော်လည်း ကုမ္ပဏီများ လက်ငင်းမဝယ်နိုင်

 ပြည်တွင်းပါတီ၊ နိုင်ငံရေးသတင်းများ

  1. NLD ပါတီတည်ထောင်ခွင့်အား ရွေးကောက်ပွဲ ကော်မရှင် လက်ခံ
  1. NLD ပါတီဝင်လျှောက်လွှာ တစ်သန်းရိုက်မည်
  2. C4 ယမ်းအသစ်ကို ဂရုစိုက်ရန် လုံခြုံရေအဖွဲ့များအား အကြောင်းကြား

သတင်းနှင့် ဆောင်းပါးများမှ ကောက်နှုတ်ချက်များ

**************************************************

ပြည်တွင်းသတင်းများ

ရန်ကုန်တွင် လူဆိုးဂိုဏ်းများ သောင်းကျန်းလာ

ရန်ကုန်တိုင်းဒေသကြီးတွင် လူဆိုးဂိုဏ်းများ သောင်းကျန်းလာကြောင်း ယင်းတို့၏ခြိမ်းခြောက်မှုဒဏ်ကို ခံစားရသူများနှင့် ယင်းတို့နှင့် နီးစပ်သူများက ပြောကြားသည်။

မကြာမီကာလအတွင်းက ရန်ကုန်တိုင်းဒေသကြီးတွင် ဖြစ်ပွားခဲ့သော မှုခင်းများနှင့်ခြိမ်းခြောက်မှုများတွင် ယင်း လူဆိုးဂိုဏ်းများ၏ ပါဝင် ပတ်သက်မှုတွင် ထင်ရှားစွာ မြင်တွေ့လာရကြောင်း ရန်ကုန်တိုင်းဒေသကြီး အရှေ့ပိုင်းခရိုင် ရဲတပ်ဖွဲ့မှူးရုံးမှ တာဝန်ရှိသူတစ်ဦးက ပြောကြားသည်။

“လူသတ်မှုကိစ္စရပ်တွေ၊ ခြိမ်းခြောက်မှု ကိစ္စရပ်တွေမှာ သူတို့ရဲ့လက်ရာကို တွေ့ရပါတယ်။ ဒီကိစ္စနဲ့ ပက်သက်ပြီး စုံစမ်းစစ်ဆေးမှုတွေလည်း ဆောင်ရွက်နေပါတယ်”ဟု ယင်းက ဆက်လက် ပြောကြားသည်။

ရုပ်ရှင်မင်းသားနေတိုး၏ ဖခင်သည် လူဆိုးဂိုဏ်းတစ်ဂိုဏ်း၏ သတ်ဖြတ်ခြင်းကိုခံရသည့် ရခိုင်လူငယ်တစ်ဦးနှင့် ဆက်စပ်သည့် ကိစ္စရပ် များအား လိုက်လံကူညီပေးခဲ့ခြင်းအား ချက်ချင်းရပ်ဆိုင်းပါရန် လူဆိုးဂိုဏ်းမှ ဖုန်းဆက်ခြိမ်းခြောက်ခဲ့ကြောင်း ရုပ်ရှင်လောက အသိုင်းအဝိုင်းမှ သိရသည်။

“လမ်းဘေးဖုန်းနဲ့ဆက်ပြီးခြိမ်းခြောက်တာ၊ ခင်ဗျားဆက်လုပ်ရင် ခင်ဗျားသားပါ ပြဿနာရှိတယ်ဆိုပြီး ခြိမ်းခြောက် တာလို့ကြားတယ်”ဟု ယင်းသတင်းရင်းမြစ်က ပြောကြားသည်။

ယင်းလူဆိုးဂိုဏ်းများသည် ခြိမ်းခြောက်ခြင်းကို ပြုလုပ်သလို ရန်ငြိုး၊ရန်စရှိသူများကိုလည်း သတ်ဖြတ်ရန် အဆိုပါ လူဆိုးဂိုဏ်းများအား ငှားရမ်း သည်များ ရှိနေကြောင်းကို မြောက်ဥက္ကလာပမြို့နယ်၊ ဝေဘာဂီမြို့သစ် လူသတ်မှုက သက်သေပြခဲ့သည်။

အဆိုပါ အမှုတွင် လူတစ်ယောက်တည်းအား နှစ်ဆယ်နီးပါးရှိသည့် ဓားကိုင်ထားသူများက ၀ိုင်းခုတ်ခြင်းဖြစ်ကာ၊ ယင်းဓားကိုင် လူသတ် သမားများအား ငှားရမ်းမည်ကို စေခိုင်းသူက အဆိုပါရပ်ကွက်တွင် ကြိုတင်ကြေငြာထားကြောင်း သိရသည်။

“လက်မရွံတွေဆိုတာ ဓားကိုင်ပုံ၊ ဓားနဲ့ထိုးပုံကို ကြည့်ရင် သိသာပါတယ်”ဟု ယင်းအမှုအား မျက်မြင်တွေ့မြင်ရသူတစ်ဦးက အတည်ပြု ပြောကြားသည်။

လူဆိုးဂိုဏ်းများ ကျက်စားရာဒေသများသည် ကြည့်မြင်တိုင်မြို့နယ်နှင့် ကမာရွတ်မြို့နယ်ရှိ ကမ်းနားလမ်း ဧရိယာများတွင် အများဆုံး ဖြစ်ကြောင်း သိရသည်။

“ကျွန်တော်တို့လည်း သတ်တာခံရမယ်၊ တုတ်နဲ့ရိုက်တာ ခံရမယ်ဆိုပြီး ခြိမ်းခြောက်ခံရပါတယ်”ဟု မက္ကာဘုရားဖူးကိစ္စရပ်တွင် အကျိုးဆောင် ပေးနေသူတစ်ဦးက ပြောကြားသည်။

YC(KS)

-----------------------------------------------------------------------------------------------------------------------------------

ဆန်အထွက်တိုးသော်လည်း ကုမ္ပဏီများ လက်ငင်းမဝယ်နိုင်

ပြည်တွင်းတွင် ဆန်အထွက်နှုန်းများတိုးလာသော်လည်း လက်ငင်းဝယ်ယူထားနိုင်သည့် ကုမ္ပဏီများ မရှိသည့်အတွက် အကြွေးဖြင့် ဝယ်ယူပြီး ငွေပေးချေရန်ကြာမြင့်နေ၍ ဆန်အကျိုးဆောင်များနှင့် တောင်သူ လယ်သမားများ အခက်အခဲနှင့် ကြုံတွေ့နေရကြောင်းသိရသည်။

ဆန်အကျိုးဆောင်ကုမ္ပဏီများသည် မိမိတတ်နိုင်သည့် ငွေကြေးထက် ပိုမိုဝယ်ယူခြင်းနှင့် ဆန်တင်ပို့သည့် သင်္ဘောများ အချိန်တိကျစွာ ဆိုက်ကပ်မှုများ မရှိခြင်းကြောင့် နယ်မှ ဆန်လာရောက်ရောင်းချသည့်သူများကို ကြာမြင့်စွာ စောင့်ဆိုင်းရခြင်းမျိုးများရှိကြောင်း သိရသည်။

ငွေပေးချေရန် ကြန့်ကြာမှုတွင် အဓိကထိခိုက်နစ်နာသူများမှာ တောင်သူလယ်သမားများဖြစ်ကြောင်း သိရသည်။ ဆန်ဖိုးငွေများ စောင့်ရချိန် ကြာမြင့်သည့်အတွက် လယ်သမားများသည် ငွေတိုးပို၍တက်လာခြင်း၊ အချိန်မီ မျိုးစပါးများ မဝယ်ယူနိုင်ခြင်းကြောင့် စိုက်ပျိုးချိန်နောက်ကျပြီး စပါး  အထွက်နှုန်းလျော့ကျမှုများ ရှိလာနိုင်ကြောင်း သိရသည်။

“ကျွန်တော်တို့က ဆန်တင်ပြီးတာနဲ့ ငွေမျှော်နေရတာပေါ့၊ စားဝတ်နေရေးရယ်၊ နောက်ထပ်စိုက်ဖို့ မျိုးစပါး ဝယ်ဖို့ရာရယ်က ငွေရမှဖြစ်မှာလေ၊ ဒီကြားထဲ ပွဲတော်တွေရှိရင် အတိုးနဲ့ချေးပြီးသုံးရတယ်” ဟု လယ်သမားတစ်ဦးက ပြောကြားခဲ့သည်။

Ref : နေပြည်တော်တိုင်းမ်

***************************************************************************************

ပြည်တွင်းပါတီ၊ နိုင်ငံရေးသတင်းများ

NLD ပါတီတည်ထောင်ခွင့်အား ရွေးကောက်ပွဲ ကော်မရှင် လက်ခံ

ဆယ်စုနှစ်နှစ်ခုကျော် အတိုက်အခံအဖြစ် ရပ်တည်လာသည့် အမျိုးသားဒီမိုကရေစီအဖွဲ့ချုပ်၏ တရားဝင်နိုင်ငံရေးပါတီ တစ်ခုအဖြစ် ရပ်တည်ရန် ကြိုးပမ်းမှု ပထမအဆင့်အား ပြည်ထောင်စု ရွေးကောက်ပွဲ ကော်မရှင်က အတည်ပြုလိုက်ကြောင်း သိရသည်။

အန်အယ်ဒီပါတီ၏ ဗဟိုကော်မတီဝင် ဦးဥာဏ်ဝင်းနှင့်ရုံးအဖွဲ့မှုး ဦးဝင်းမြင့်တို့သည် နိုဝင်ဘာ ၂၅ ရက် မနက် ၁၀ နာရီကျော်က နေပြည်တော် အခြေစိုက် ပြည်ထောင်စု ရွေးကောက်ပွဲကော်မရှင်ရုံးသို့ သွားရောက်၍ အန်အယ်ဒီပါတီ ပြန်လည်ဖွဲ့စည်းတည်ထောင်ခွင့်အား တင်ပြခဲ့ရာ ယင်း ကော်မရှင်က လက်ခံလိုက်ကြောင်း သိရသည်။

ယင်းပါတီ ပြန်လည်တည်ထောင်ခွင့်ကို လျှောက်ထားရာတွင် အန်အယ်ဒီပါတီကို စတင်တည်ထောင်သူများ၊ ထပ်မံရွေးချယ်ခံရသည့် ဗဟို  ကော်မတီဝင်များ၊ တိုင်းဒေသကြီးနှင်ပြည်နယ်များမှ ကိုယ်စားလှယ်များ စုစုပေါင်း ၂၁ဦးဖြင့် ဖွဲ့စည်းတည်ထောင်ခွင့်ကို လျှောက်ထားလိုက်ကြောင်း ဦးဥာဏ်ဝင်းက ပြောကြားသည်။

“ဒီဟာက အတည်မဟုတ်ပါဘူး။ပြီးမှသာ ဗဟိုအလုပ်အမှုဆောင် ကော်မတီဝင်တွေကို ပြန်ရွေးချယ်မှာပါ”ဟု ယင်းက ဆိုသည်။

တည်ထောင်သူ ၂၁ ဦးတွင် ဦးတင်ဦး၊ ဒေါ်အောင်ဆန်းစုကြည်၊ ဦးဝင်းတင်၊ဦးဉာဏ်ဝင်း၊ ဦးဟံသာမြင့်၊ ဒေါက်တာ ဒေါ်မေဝင်းမြင့်၊ ဦးမျိုးညွှန့်၊ ဦးဒါ့ရှီလဆိုင်း၊ဒေါ်နန်းခင်ထွေးမြင့်နှင့် အခြား ၁၁ဦးတို့ ပါဝင်ကြောင်း သိရသည်။

အန်အယ်ဒီပါတီသည် ရွေးကောက်ပွဲအောင်နိုင်ရေးအတွက် စတင်ပြင်ဆင်လျက်ရှိကာ နိုဝင်ဘာ ၂၅ရက်နေ့ ညနေက ယင်း၏ နေအိမ်ခြံဝင်း အတွင်းတွင် ရုပ်ရှင်အနုပညာသမား ၅၀ ကျော်နှင့် တွေ့ဆုံခဲ့ကြောင်း သိရသည်။

“ပါတီကို ပြန်လည်ဖွဲ့စည်းဖို့ကို ကျွန်တော်တို့ လူငယ်အဖွဲ့တွေ လှုပ်ရှားဖို့ရှိတယ်”ဟု အန်အယ်ဒီလူငယ်လုပ်ငန်းအဖွဲ့မှ တာဝန်ရှိသူတစ်ဦးက ပြောကြားသည်။

အမျိုးသားဒီမိုကရေစီအဖွဲ့ချုပ်သည် ပါတီဖွဲ့စည်းတည်ထောင်ခြင်းကို  ပြည်ထောင်စုရွေးကောက်ပွဲကော်မရှင်အား တင်ပြထားပြီး ပါတီအမှတ် တံဆိပ်အား အများသဘောတူသည့် တံဆိပ်ကို ရွေးချယ်အတည်ပြုရန် ပြင်ဆင်လျက် ရှိကြောင်း သိရသည်။

“ခမောက်မသုံးပေမယ့် အလံကတော့ ဆက်သုံးဖြစ်မှာပါ”ဟု ဦးအုန်းကြိုင်က ဆိုသည်။

YC(KS)

-----------------------------------------------------------------------------------------------------------------------------------

NLD ပါတီဝင်လျှောက်လွှာ တစ်သန်းရိုက်မည်

အမျိုးသားဒီမိုကရေစီအဖွဲ့ချုပ်(NLD)ပါတီကို ပြန်လည်ဖွဲ့စည်းတော့မည် ဖြစ်သည့်အတွက် ပါတီဝင်လျှောက်လွှာကို ပထမတစ်သုတ် အနေအဖြစ် အစောင်ရေ တစ်သန်းရိုက်ထုတ်မည်ဖြစ်ကြောင်း NLDဗဟိုအလုပ်မှုဆောင် ဦးဝင်းထိန်က ပြောကြားသည်။

“တနသာင်္ရီတိုင်းကတော့ စောင်ရေတစ်သိန်း မှာထားတယ်။ NLD အတွက်တော့ တနသာင်္ရီတိုင်းက တကယ့်အားပဲ” ဟု ၎င်းက ဆက်လက် ပြောကြားသည်။ လျှောက်လွှာများ ရိုက်နှိပ်ရန်အတွက် ပုံနှိပ်တိုက်သို့ မပို့ဆောင်ရသေးကြောင်း သိရသည်။

လျှောက်လွှာတွင်ဖြည့်စွက်ရမည့် အချက်အလက်များကိုမူ ထုတ်ဖော်ပြောကြားခြင်း မရှိသေးပေ။ သို့သော်လည်း ယခုလက်ရှိ ပါတီဝင်များ ကိုယ်တိုင်လည်း ပြန်လည်လျှောက်ထားရမည်ဖြစ်ကြောင်း ဦးဝင်းထိန်က ပြောကြားသည်။

နိုဝင်ဘာ ၂၅ရက်နေ့တွင် NLD ဗဟိုအလုပ်မှုဆောင် ဦးဥာဏ်ဝင်းနှင့် ဦးမျိုးမြင့်တို့သည် နေပြည်တော်တွင် ပါတီမှတ်ပုံတင်ရန် သွားရောက် လျှောက်ထားနေပြီဖြစ်ကြောင်း ဦးဥာဏ်ဝင်းက ပြောကြားသည်။

၂၀၁၀ ရွေးကောက်ပွဲတွင် ပါဝင်လုပ်ဆောင်ခဲ့သော နိုင်ငံရေးသမားများကလည်း ဒေါ်အောင်ဆန်းစုကြည်ကို ဝန်းရံသွားမည်ဟု ပြောဆို ကြသည်။ NLD သည် ၂၀၁၀ရွေးကောက်ပွဲကတည်းက ရွေးကောက်ပွဲဝင်သင့်ကြောင်း ၎င်းတို့က သုံးသပ်ပြောဆိုခဲ့သည်။

ယခုအချိန်တွင် တစ်နိုင်ငံလုံးအတိုင်းအတာထိ ကျယ်ကျယ်ပျံ့ပျံ့ လုပ်ဆောင်နိုင်သည့် အင်အားကြီးပါတီဖြစ်သည့် ကြံ့ခိုင်ရေးနှင့် ဖွံ့ဖြိုးရေး ပါတီနှင့် တစညပါတီတို့ကို ယှဉ်ပြိုင်နိုင်သည့် ပါတီကြီးတစ်ခု ပေါ်ပေါက်လာပြီဖြစ်ကြောင်း အတိုက်အခံနိုင်ငံရေး အင်အားစုများက အားရဝမ်းမြောက်စွာ ပြောဆိုကြသည်။

NLD ပါတီသည်ယခုအချိန်မှစ၍ လေးနှစ်တာကာလအတွင်း စည်းရုံးရေးလုပ်ငန်းများ ဆက်တိုက်လုပ်ဆောင်သွားပါက ၂၀၁၅ ရွေးကောက်ပွဲ တွင် အင်အားအကြီးမားဆုံးသော ပါတီတစ်ခု ဖြစ်လာမည်ဖြစ်ကြောင်း မြန်မာ့နိုင်ငံရေး လေ့လာစောင့်ကြည့်သူများက သုံးသပ်ပြောဆိုသည်။

Peace Press