Transparency Myanmar

transparency.myanmar@gmail.com

Jakarta Post, By Lilian Budianto, 29th April 2010

အတိုက်အခံခေါင်းဆောင် ဒေါ်အောင်ဆန်းစုကြည် ပါဝင်ယှဉ်ပြိုင်ခြင်း မပြုနိုင်အောင်တားဆီး ပိတ်ပင်တားသော အထီးကျန် မြန်မာနိုင်ငံတွင် ကျင်းပမည့် ရွေးကောက်ပွဲများ တရားမျှတမှု မရှိခြင်းကြောင့် မြန်မာနိုင်ငံ အပေါ် အရေးယူ ပိတ်ဆို့မှုများ ပိုမိုချမှတ်ဖွယ်ရှိသည်ဟု အမေရိကန် အစိုးရက ပြောကြားလိုက်ပါသည်။

အကျဉ်းကျနေသော ပါတီဝင်များကို ထုတ်ပယ်ရန် ရွေးကောက်ပွဲ ဥပဒေက ချမှတ်ထားမှုကြောင့် မြန်မာနိုင်ငံတွင် အနှစ်၂၀ အတွင်း ပထမဆုံး အကြိမ် ကျင်းပမည့် ရွေးကောက်ပွဲများသည် အတုအယောင်သာ ဖြစ်သည်ဟု NLD ပါတီက သတ်မှတ်ကာ သပိတ်မှောက်ခဲ့ပါသည်။ လောလောဆယ်တွင် နိုင်ငံရေး အကျဉ်းသား ၂၀၀၀ ကျော်ကို မြန်မာ အစိုးရက ဖမ်းဆီးထားပါသည်။

''တော်တော့်ကို ဆိုးဝါးတဲ့ ရွေးကောက်ပွဲ ဥပဒေကို ကြုံတွေ့ရတာပါ၊ ဒီဥပဒေဟာ ဘာမှ အကျိုးမရှိဘူးလို့ ကျွန်တော်တို့ သတ်မှတ်ပါတယ်။ လွတ်လပ်၊ မျှတပြီး ယုံကြည် လေးစားထိုက်တဲ့ ရွေးကောက်ပွဲ ကျင်းပဖို့ မဖြစ်နိ်ုင်ဘူးဆိုတာ မဟုတ်ပါဘူးလို့ သူတို့က ပြောလာခဲ့ရင် ဒါဟာ တမင်ခက်ခဲအောင် လုပ်တာပဲပေါ့ဗျာ၊ ဘာကြောင့်လဲဆိုတော့ ထောင်ကျနေတဲ့ ပါတီဝင်တွေကိုထုတ်ဖို့ NLD ပါတီသာမကပဲ တခြားပါတီတွေကိုပါ သူတို့က အတင်းအဓမ္မ ဖိအားပေးထားတယ်လေ '' ဟု အာဆီယံဆိုင်ရာ အမေရ်ိကန် သံအမတ်ကြီး Scot Marciel က Jakarta Post သို့ အင်္ဂါနေ့တွင် ပြောကြားခဲ့သည်။

''NLD ခေါင်းဆောင် အများစုက ထောင်ထဲမှာပါ၊ ဒီရွေးကောက်ပွဲ ဥပဒေက NLDနဲ့ တခြားပါတီတွေကို အကျဉ်းအကျပ်ထဲရောက်အောင် မတရားလုပ်တာပါ၊ မြန်မာအစိုးရဟာ ရွေးကောက်ပွဲလုပ်ငန်းစဉ်က တဆင့် အမျိုးသား ပြန်လည်ပေါင်းစည်းမှု ရအောင် လုပ်နေတာ မဟုတ်ပါဘူး '' ဟု ၎င်းကပြောပါသည်။

အမေရိကန် ပြည်ထောင်စုသည် မြန်မာအစိုးရ၊ နာမည်ပျက်စာရင်းဝင် အစိုးရ လက်ဝေခံ လုပ်ငန်းရှင်များ၊ ကုမ္ပဏီများကို အမေရ်ိကန် ကုမ္ပဏီများနှင့် စီးပွားရေးအရ ဆက်ဆံခြင်းမပြုရန် စီးပွားရေး ပိတ်ဆို့ အရေးယူမှုကို ချမှတ်ပြီး ဖြစ်သည်။ ဒေါ်အောင်ဆန်းစုကြည်အား ဖမ်းဆီးထားခြင်းအတွက် တာဝန်ရှိသူများကို ခရီးသွားလာခွင့် တားမြစ်ခြင်း အပါအဝင် သီးခြားအရေးယူမှု အစီအစဉ်များကို တိုးချဲ့ရန် အီးယူက တနင်္လာနေ့တွင် သဘောတူခဲ့သော်လည်း ၁၉၉၀ ကပင် စစ် အစိုးရ အုပ်ချုပ်ခဲ့သော မြန်မာနိုင်ငံ အပေါ် အနည်းငယ်သာ ဖိအားပေးနိုင်ခဲ့ပါသည်။

နေပြည်တော် အစိုးရသည် အိမ်နီးခြင်း နိုင်ငံကြီး ၂ခု ဖြစ်သော တရုတ်၊ အိန္ဒိယတို့နှင့် ကောင်းမွန်သော စီးပွားရေး ဆက်ဆံမှုများကို ရရှိထားပါသည်။

အရေးယူ ပိတ်ဆို့မှုကို ကျွန်တော်တို့ ဆက်လုပ်မှာပါ၊ အရေးယူမှုတွေကို ထပ်တိုးဖို့ကလည်း သေချာသလောက်ပါပဲ ဟု Marciel ကပြောကြားသည်။

Marciel ပါဝင်သော အမေရိကန် ကိုယ်စားလှယ် အဖွဲ့သည် ယခင်နှစ် နိုဝင်ဘာလက မြန်မာနိုင်ငံသို့ သွားရောက်ခဲ့ပြီး ဒေါ်အောင်ဆန်းစုကြည်၊ ဝန်ကြီးချုပ်  ဗိုလ်ချုပ်ကြီး သိန်းစိန်တို့နှင့် တွေ့ဆုံခဲ့ကာ အစည်းအဝေးတွင် အမေရိကန်က ''အမြင်ခြင်း ဖလှယ်မှု'' ဟုပြောကြားခဲ့သည်။ လွန်ခဲ့သော ၁၄ နှစ် အတွင်း ပထမဆုံး အကြိမ် ဖြစ်သော အမေရိကန်နှင့် မြန်မာ အကြား ထိပ်ပိုင်း အဆင့် တွေ့ဆုံမှုတွင် မြန်မာ အစိ်ုးရက နိုင်ငံရေး အကျဉ်းသားများကို လွှတ်ပေးခြင်း(သို့) ပြုပြင်ပြောင်းလဲမှု လုပ်ရန် ဆန္ဒရှိခြင်းကို တစုံတရာ ပြသခြင်း မရှိခဲ့ဟု Marciel ကပြောပါသည်။

အဆိုပါ ခရီးစဉ်မှာ ကြီးမားသော ရလဒ် ထွက်ပေါ်ရန် မမျှော်လင့်ခဲ့သလို အမှန်တကယ် တွင်လည်း ရလဒ်များထွက်ပေါ်ခဲ့ခြင်း မရှိခဲ့ပါဟု ၎င်းက ဆိုပါသည်။

မြန်မာ အာဏာပိုင်တွေက သူတို့ရဲ့ ကိုယ်ပိုင် စီးပွားရေး ဖွံ့ဖြိုးမှု အစီအစဉ်နဲ့ ရွေးကောက်ပွဲ အတွက် အစီအစဉ်ကိုပဲ အများဆုံး ပြောခဲ့ကြပြီး ကျွန်တော်တို့ကလည်းအမျိုးသားပြန်လည် ပေါင်းစည်းရေးကိ်ု ဦးတည်ချက်ထားဖို့နဲ့ လူ့အခွင့်အရေး အနေအထား တွေတိုးတက်အောင် ပြောင်းလဲမှု တချို့လုပ်ဖို့ အလွန်အရေးကြီးတဲ့ အကြောင်း သဘောထား တချို့ကို ပြောပြခဲ့ပါတယ် ဟု Marciel က နိုဝင်ဘာလ ခရီးစဉ်နှင့် ပတ်သက်၍ ရှင်းပြပါသည်။

လာမည့် ရွေးကောက်ပွဲများသည် အကျိုးဖြစ်ထွန်းဖွယ် မရှိသေးသော်လည်း ရွေးကောက်ပွဲ မတိုင်ခင် (သို့) ပြီးခါစတွင် မြန်မာနိုင်ငံသို့ သွားရောက်ရေး အတွက် ဖြစ်နိုင်ချေကို မိမိနှင့် အမေရိကန် အရာရှိများက ဖယ်ထုတ်ခြင်း မရှိသေးဟု Marciel ကဆိုပါသည်။

 အမေရိကန်နှင့် အာဆီယံ နှစ်ဦးစလုံးသည် မြန်မာ့အရေး ပါဝင်ရန် အခွင့်အရေး ရှိနေသောကြောင့် အမေရိကန် ပြည်ထောင်စုသည် အခြား အာဆီယံ အဖွဲ့ဝင်နိုင်ငံများနှင့် အတူ ပူးပေါင်း၍ မြန်မာ အစိုးရနှင့် ဆွေးနွေးမည်ဟု ၎င်းက ပြောကြားပါသည်။

အမေရိကန်ပြည်ထောင်စု၏ ပြီးခဲ့သော နိုဝင်ဘာက ခရီးစဉ်သည် အာဆီယံနိုင်ငံများ ပါဝင်မှု မရှိဘဲ စီစဉ်ခဲ့ခြင်း ဖြစ်သည်။

''အဲဒီကိုသွားဖို့ ကျွန်တော်တို့ ဆုံးဖြတ်ချက်ချတာက အာဆီယံဟာ ပါဝင် ပတ်သက်နိုင်တဲ့ အနေအထား မရှိဘူးလို့ ပြောဖို့ မဟုတ်ပါဘူး၊ ကျွန်တော်တို့ရဲ့ အနေအထား အတိုင်း ရပ်တည်ဖို့ ကြိုးစားနေတယ် ဆိုရုံလောက်ပါပဲ၊ မြန်မာနိုင်ငံရဲ့ အနေအထားနဲ့ ပတ်သက်လိ်ု့ အာဆီယံ မိတ်ဆွေတွေနဲ့ ကျွန်တော်တို့ ပုံမှန် ဆွေးနွေးနေကြပါ '' ဟု Marciel က ပြောကြားခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

DVB News, By Francis Wade, 29th April 2010

မြန်မာနိုင်ငံ အရှေ့ပိုင်းရှိ ကုန်သည်များသည် မြန်မာစစ်တပ်များနှင့် တိုင်းရင်းသား လက်နက်ကိုင်များကြား စစ်ဖြစ်ပွားမည်ကို စိုးရိမ်သောကြောင့် နယ်စပ်ကို ဖြတ်၍ ကုန်ပစ္စည်း တင်သွင်းခြင်းများကို ရပ်ဆိုင်းခဲ့ကြပါသည်။

ယမန်နေ့က တိုင်းရင်းသား အဖွဲ့များ အနေဖြင့် နယ်ခြားစောင့်တပ် အသွင်ပြောင်းရန် သတ်မှတ်ထားသော နောက်ဆုံးရက် ပြည့်ခဲ့ရာ တင်းမာမှုများ ဖြစ်ပေါ်ခဲ့ပါသည်။ အဆိုပါ တိုင်းရင်းသား အဖွဲ့များသည် တရုတ်နှင့် လည်းကောင်း၊ ထိုင်းနှင့်လည်းကောင်း နယ်စပ်များကို ချုပ်ကိုင်ထားပါသည်။

နယ်စပ်ကုန်သွယ်ရေးမှာ ပြီးခဲ့သည့် အပတ်က သိသိသာသာ လျော့နည်းသွားခဲ့ပါသည်။ မြန်မာနှင့် ထိုင်း အတွက် ပစ္စည်းများ အသွင်း အထုတ် ပြုလုပ်ရာတွင် ထင်ရှားသော တာချီလိတ်မြို့မှ ကုန်သည်တစ်ဦးက ပြောကြားရာတွင် ထိုင်းလူမျိုး အနည်းငယ်သာ ဖြတ်သန်းသွားလာနေသည်ကို တွေ့ရသည်ဟု ဆိုပါသည်။ ထိုသတင်းမျိုးကို မိုင်းယောင်းနှင့် ကျိုင်းတုံတို့မှလည်းရရှိခဲ့ပါသည်။

''လုံခြုံရေးက ပိုမို တင်းကြပ်လာပါတယ်။ နယ်စပ်စစ်ဆေးရေး စခန်းတွေမှာ အရင်နဲ့မတူတဲ့ စစ်သားတွေ အများကြီးချထားတာကိုတွေ့ရပါတယ်။ သူတို့ဟာ စစ်ဆေးရေး ဂိတ်တွေမှာရော လမ်းတွေမှာပါ ကားတွေကို စစ်ပါတယ်။ တာချိတ်လိတ်နဲ့မယ်ဆိုင် ကူးတဲ့ တံတားကို ဒီနေ့ပိတ်မယ်လို့ ပြောနေကြတယ် '' ဟု၎င်းကပြောပါသည်။

တချိန်တည်းမှာပင် ကျိုင်းတုံတွင် နေထိုင်သူ တစ်ဦးက DVBသို့ ပြောကြားရာတွင် မြန်မာစစ်တပ်မှ တပ်မှူးတစ်ဦးသည် မိုင်းလား အထူးဒေသသို့ သွားရောက်ပြီး နယ်ခြားစောင့်တပ် အသွင်ပြောင်းရေး အတွက် တွေဝေနေသော မိုင်းလား လက်နက်ကိုင် အဖွဲ့နှင့် တွေ့ဆုံခဲ့သည် ဟု ဆိုပါသည်။

အဆိုပါ တွေ့ဆုံမှုသည် ဒေသခံများအား သတိပေး တပ်လှန့်လိုက်သလို ဖြစ်ကာ အနီးဝန်းကျင် ဒေသများသို့ ထွက်ပြေးခဲ့ကြပါသည်။ ''မိုင်းလားမှာရှိတဲ့ အစိုးရဝန်ထမ်းတွေ ကျိုင်းတုံကို ပြန်လာတာ နှစ်ရက်လောက်ရှိပြီ။ နှစ်ဖက်တွေ့ဆုံမှုမှာ အဆင်မပြေရင် ပဋိပက္ခဖြစ်လာမှာကို စိုးရိမ်နေကြတယ်'' ဟုဒေသခံ တစ်ဦးကပြောပါသည်။

''အစိုးရရော မိုင်းလား အဖွဲ့ကရော အစိုးရ ဝန်ထမ်းတွေကို တစ်ခုခု ဖြစ်ခဲ့ရင် တာဝန် မယူဘူးလို့ ပြောနေပါတယ်'' ဟု ကျိုင်းတုံမှ ဒေသခံ တစ်ဦးက ပြောပါသည်။ မြန်မာစစ်တပ်မှ မော်တော်ယာဉ်များ ကျိုင်းတုံမှ မိုင်းလားဒေသသို့ ညဖက်များတွင် စေလွှတ်ခဲ့သည်ဟု ၎င်းကပြောပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Irrawaddy, By Lawi Weng, 29th April 2010

မြန်မာအစိုးရ၏ နယ်ခြားစောင့်တပ် ပြောင်းလဲရေး အစီအစဉ်ကို သဘောမတူချိန်မှ စ၍  မြန်မာ စစ်တပ်နှင့် ဒီမိုကရက်တစ် ကရင် ဗုဒ္ဓဘာသာတပ် (DKBA) အကြားတွင် တင်းမာမှုများ ပေါ်ထွက်လာလျက် ရှိပါသည်။

DKBA နှင့်နီးစပ်သော မြဝတီရှိ ကရင်လူမျိုး တစ်ဦးက ဗုဒ္ဓဟူးနေ့က ဧရာဝတီသို့ ပြောကြားရာတွင် ''DKBA အဖွဲ့ဝင် အတော်များများက သူတို့ အဖွဲ့အစည်း နာမည် မဆုံးရှုံးချင်ကြပါဘူး။ သူတို့ စိုးရိမ်တာက DKBA ဆိုတဲ့ နာမည်မရှိတော့ရင် ကရင် လူမျိုးတွေရဲ့ အနာဂတ် မျှော်လင့်ချက်တွေ၊ နိုင်ငံရေး ရည်မှန်းချက်တွေရှိတော့မှာ မဟုတ်ဘူးလို့ စိုးရိမ်နေပါတယ်။ ဒါကြောင့် သူတို့က နယ်ခြားစောင့်တပ် အဖြစ် မပြောင်းလိုကြဘူး '' ဟု ပြောကြားခဲ့ပါသည်။

DKBA အဖွဲ့ဝင် တစ်ဦးက ပြောကြားရာတွင် ၎င်းတို့၏ သြဇာကြီးမားသော ဘာသာရေး ခေါင်းဆောင် အရှင် သုဇနက DKBA ခေါင်းဆောင်များအား အဖွဲ့အစည်း အမည် ထိန်းသိမ်းရန်နှင့် အစိုးရ၏ နယ်ခြားစောင့်တပ် အသွင်ပြောင်းလဲရေး အစီအစဉ်ကို လက်မခံရန် ပြောကြားခဲ့သည်ဟု ဆိုပါသည်။

ဘုရားသုံးဆူရှိ DKBA အရာရှိ တစ်ဦးက ဧရာဝတီသို့ ပြောကြားရာတွင် ''ကျွန်တော်တို့ ကရင်လူမျိုးတွေကို ဘယ်တော့မှ သစ္စာမဖောက်ပါဘူး။ ကျွန်တော်တို့ ခေါင်းဆောင် စောဘဦးကြီး ချမှတ်ခဲ့တဲ့ စည်းမျဉ်းများကို လိုက်နာသွားမှာ ဖြစ်ပြီး၊ ကရင်လူမျိုးတွေ လွတ်မြောက်တဲ့ အထိ တိုက်ပွဲဝင်သွားမှာပါ '' ဟုပြောခဲ့ပါသည်။

အချို့ မြန်မာ ဗိုလ်ချုပ်များနှင့် ရင်းနှီးသော မြဝတီ နယ်စပ် ကုန်သွယ်ရေး လုပ်ကိုင်နေသူများက DKBA ကို နယ်ခြားစောင့်တပ် အသွင်ပြောင်းစေလိုကြပါသည်။ DKBA ထိပ်ပိုင်းခေါင်းဆောင်များက အစိုးရ အစီအစဉ်ကို လက်မခံသော်လည်း၊ ခေါင်းဆောင်များကမူ လက်ခံရန် သဘောတူကြပါသည်။

ဘုရားသုံးဆူဒေသရှိ DKBA တပ်ဖွဲ့များသည် အခြေအနေ တင်းမာလာမှုကြောင့် အသင့် အနေအထားတွင် ရှိနေကြောင်း မွန်ပြည်သစ်ပါတီ (NMSP) မှလာသော သတင်းများ အရ သိရှိရပါသည်။

'' အစိုးရနှင့် DKBA ကြား ဆက်ဆံရေးက အရင်ကနဲ့မတူတော့ဘူး။ သူတို့ တစ်ဦးနဲ့ တစ်ဦး မယုံကြတော့ဘူး '' ဟု NMSP အဖွဲ့ဝင် Lawi Mon ကပြောကြားခဲ့ပါသည်။

မြဝတီမှ ကားမောင်းသူ နိုင်တ်ိန်က မြန်မာအာဏာပိ်ုင်များသည် မြဝတီနှင့် မော်လမြိုင်ကြားတွင် စစ်ဆေးရေး စခန်းများ ပိုမိုထားရှိကာ မော်တော်ယာဉ်များရော ခရီးသည်များကို ပါ စစ်ဆေးလျက်ရှိပါသည်။

အာဏာပိုင်များသည် အင်္ဂါနေ့က မော်လမြိုင်သို့ ဝင်ရောက်လာသော DKBA ပိုင် လိုင်စင်မဲ့ ကားများကို ဖမ်းဆီးရမိကြောင်း၊ ထိုကိစ္စမှာလည်း DKBA အား အစိုးရက ဖိအားပေးနေသော အချက်များတွင် တစ်ခုအပါအဝင် ဖြစ်ကြောင်း သိရသည်။

မြန်မာ အစိုးရသည် DKBA အား ကရင်ပြည်နယ်နှင့် မွန်ပြည်နယ်ရှိ သူပုန်များကို တိုက်ခိုက်ရာတွင် ကြားခံအဖြစ် အသုံးပြုခဲ့ပြီး၊ ၂၀၀၉ ခုနှစ် ဧပြီလက နယ်ခြားစောင့်တပ် အစီအစဉ် ကြေညာစဉ်က DKBA က သဘောတူခဲ့ပါသေးသည်။

သို့သော် ဖေဖော်ဝါရီလက အရှင် သုဇနက အဆိုပါ အစီအစဉ်ကို လက်မခံကြောင်း ကြေညာခဲ့ခြင်းကြောင့်၊ DKBA ခေါင်းဆောင်ပိုင်းက နဂို လက်ခံခဲ့သည့် အစီအစဉ်အား ပယ်ဖျက်ခဲ့ပါသည်။

အရှင်သုဇနသည် သက်တော် (၆၈) နှစ် ရှိပြီး ဖြစ်ပြီး၊ ကရင်ပြည်နယ် မြိုင်ကြီးငူ ဘုန်းကြီးကျောင်းမှ ဆရာတော် ဖြစ်ပါသည်။ ဆရာတော်သည် အဆိုပါ ဒေသတွင် ဗုဒ္ဓဘာသာ ပြန့်ပွားရေး အတွက် နှစ်ပေါင်းများစွာ တက်ကြွစွာ လှုပ်ရှားခဲ့ပြီး မြိုင်ကြီးငူတွင် စေတီ အတော်တော်များများ တည်ဆောက်ခဲ့ပါသည်။

ဆရာတော်သည် ဖေဖော်ဝါရီ လဆန်းပိ်ုင်းက ၎င်း ကာလရှည်က ခံစားနေရသော အဆုတ်ရောဂါအား ဘန်ကောက်ရှိ ဆေးရုံ တစ်ခုတွင် တက်ရောက် ကုသခဲ့ပါသည်။မြန်မာ အစိုးရ တာဝန်ရှိသူများက ဆရာတော်အား ရန်ကုန်မြို့ရှိ စစ်ဆေးရုံတွင်ကုသပေးရန် ပြောဆိုခဲ့သော်လည်း ဆရာတော်က ဘန်ကောက်ရှိ ပုဂ္ဂလိက ဆေးရုံတွင် ကုသရန် ရွေးချယ်ခဲ့ပါသည်။

DKBA က လွန်ခဲ့သော (၁၅) နှစ်က ဖွဲ့စည်းခဲ့ပြီး ထိုင်း-မြန်မာ နယ်စပ်ရှိ ယခင် KNU ထိန်းချုပ်ခဲ့သော ဒေသ အတော်များများကို ထိန်းချုပ်ထားပါသည်။

DKBA တွင် တပ်အင်အား (၆၀၀၀) ရှိပြီး (၉၀၀၀) ထိတိုးချဲ့ရန် စီစဉ်လျက်ရှိသည်။ ဒုတိယ အင်အားအကြီးဆုံး တိုင်းရင်းသား လက်နက်ကိုင် အဖွဲ့ ဖြစ်ပါသည်။ DKBA သည် KNU နှင့် ပြဿနာ ဖြစ်ပွားစဉ်က လူ့အခွင့်အရေး ချိုးဖောက်မှုများရှိကြောင်း စွပ်စွဲခံခဲ့ရပြီး၊ ထိုင်း-မြန်မာ နယ်စပ်ရှိ လူကုန်ကူးမှုများတွင်လည်း ပါဝင် ပတ်သက်မှုများရှိကြောင်း စွပ်စွဲမှုများရှိပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Monsters and Critics,29th April 2010

ယခုနှစ် အတွင်းကျင်းပမည့် ရက်မသတ်မှတ်ရသေးသော ရွေးကောက်ပွဲတွင် ပါဝင် ယှဉ်ပြိုင်ရန် အတွက် မြန်မာဝန်ကြီးချုပ် ဗိုလ်ချုပ်ကြီး သိန်းစိန်က နိုင်ငံရေးပါတီသစ် တစ်ခုကို ကြာသပတေးနေ့တွင် မှတ်ပုံတင်ခဲ့သည်ဟု နိုင်ငံပိုင် မီဒီယာက သတင်းထုတ်ပြန်ခဲ့သည်။

ဗိုလ်ချုပ်ကြီး သိန်းစိန်နှင့် အခြား ဝန်ကြီး၊ ဒုဝန်ကြီး ၂၇ ဦးသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီသို့ ဝင်ကာ ရွေးကောက်ပွဲတွင် ယှဉ်ပြိုင်ကြမည်ဟု မြန်မာ့ရုပ်သံက ထုတ်လွှင့် ကြေညာလိုက်ပါသည်။

ဗိုလ်ချုပ်ကြီးသိန်းစိန်နှင့် အခြား အစိုးရ ဝန်ကြီး ၂၂ ဦးသည် ၎င်းတို့၏ စစ်ဖက်ရာထူးများကို တနင်္လာနေ့က စွန့်လွှတ်ခဲ့ကြပြီး ရွေးကောက်ပွဲဝင်ရန် လိုအပ်သော အရပ်သား အဖြစ် ပြောင်းလဲခဲ့ကြသည်ဟု ကြေညာချက်တွင် ဆက်လက်ဖော်ပြထားသည်။

၎င်းတို့၏ပါတီသည် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (USDa) ကို ပုံစံသစ် ပြောင်းခြင်းဟု ယုံကြည်ရပြီး လူဦးရေ ၅၆သန်းရှိသော မြန်မာနိုင်ငံတွင် သန်း၂၀ကျော်မှာ အဆိုပါ စစ်ဖက်လိုလားသော usDa အသင်းဝင်များ ဖြစ်ကြသည်။

မြန်မာစစ်ဖက် အုပ်ချုပ်သူများက ၎င်းတို့၏ အဆင့်၇ဆင့် ဒီမိုကရေစီ လမ်းညွှန်မြေပုံ အရ ယခုနှစ်တွင် ရွေးကောက်ပွဲ ကျင်းပရန် ကတိပေးထားသော်လည်း ယခုတိုင် ရက်မသတ်မှတ် ရသေးပါ။ ကိုယ်စားလှယ် လောင်းများ စစ်ဖက် ရာထူး ဆက်ယူထားခြင်းကိုလည်း ခွင့်ပြုခြင်းမရှိပါ။

ယခု စစ်ဖက် ရာထူး စွန့်သူများတွင် နိုင်ငံခြားရေး ဝန်ကြီး ဗိုလ်ချုပ် ဥာဏ်ဝင်း၊ လျှပ်စစ်စွမ်းအား ဝန်ကြီး ဗိုလ်ချုပ်ကြီး ဇော်မင်း၊ ဆောက်လုပ်ရေးဝန်ကြီး ဗိုလ်ချုပ် ခင်မောင်မြင့်၊ ဘဏ္ဍာ အခွန်ဝန်ကြီး ဗိုလ်ချုပ် လှထွန်း၊ ဆက်သွယ်ရေး စာတိုက်နှင့် ကြေးနန်းဝန်ကြီး ဗိုလ်မှူးချုပ် တင်နိုင်သိန်း တို့ပါဝင်ကြမည်ဟုအမည် မဖော်လိုသူ အစိုးရ အရာရှိ တစ်ဦးက ပြောကြားသည်။

အထက်ပါ စာရင်းတွင် ပြည်ထဲရေး ဝန်ကြီးး၊လူမှုဝန်ထမ်းနှင့် ကယ်ဆယ်ရေး ဝန်ကြီး၊ ဟိုတယ်နှင့် ခရီးသွားလာရေး လုပ်ငန်း ဝန်ကြီး၊ ဒုဝန်ကြီး ၄ ဦး၊ ဝန်ထမ်းရွေးချယ်လေ့ကျင့်ရေး အဖွဲ့ဝင် ၄ ဦးနှင့် ညွှန်ကြားရေးမှူးချုပ် ၂ဦး တို့ပါဝင်သည်ဟု သိရသည်။

ပြီးခဲ့သော မတ်လတွင် အစိုးရက ထုတ်ပြန်ခဲ့သော နိုင်ငံရေး ပါတီများ မှတ်ပုံတင်ခြင်း ဆိုင်ရာ ဥပဒေတွင် အဓိက အတိုက်အခံ NLD ပါတီအား ၎င်းတို့၏ ခေါင်းဆောင် ဒေါ်အောင်ဆန်းစုကြည်ကို ထုတ်ပယ်ရန် (သို့) ရွေးကောက်ပွဲ မဝင်ရန် ၂ ခု အနက် တစ်ခုကို ရွေးချယ်ရန် အတင်းအကျပ် ဖိအားပေးခဲ့သည်။

အဆိုပါ ပါတီမှတ်ပုံတင် ဥပဒေ အရ လက်ရှိပြစ်ဒဏ် ကျခံနေရသူ မည်သူကိုမဆို ရွေးကောက်ပွဲဝင်မည့် နိုင်ငံရေးပါတီသို့ ဝင်ခွင့်မပြုပါ။ ဒေါ်အောင်ဆန်းစုကြည်သည် လောလောဆယ်တွင် နေအိမ် အကျယ်ချုပ် ပြစ်ဒဏ် ၁၈လ ကျခံနေရသူ ဖြစ်ပါသည်။

၁၉၉၀ ရွေးကောက်ပွဲများတွင် ပြည်လုံးကျွတ် အောင်ပွဲခံခဲ့သော NlD ပါတီက ယခုနှစ် ရွေးကောက်ပွဲတွင် ပါဝင်ယှဉ်ပြိုင်ခြင်း မပြုရန် ဆုံးဖြတ် ရွေးချယ်ခဲ့သည်။

NLD ပါတီနှင့် ဒေါ်အောင်ဆန်းစုကြည် ပါဝင်ခြင်း မရှိသော ရွေးကောက်ပွဲများသည် လွတ်လပ်မျှတမှုရှိမည် မဟုတ်သလို တိုင်းပြည်၏ အနာဂါတ် နိုင်ငံရေး အပေါ် စစ်တပ်က ထိန်းချုပ်ရန် ရည်ရွယ်သော အတုအယောင် ဒီမိုကရေစီ ကျင့်စဉ် တစ်ခုသာ ဖြစ်လိမ့်မည်ဟု အကဲခတ်များက ယုံကြည်ထားကြပါသည်။

မြန်မာနိုင်ငံတွင် ၁၉၆၂  မှ စ၍ စစ်အာဏာရှင်များ အုပ်ချုပ်ခဲ့သည်မှာ ယခုတိုင် ဖြစ်သည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

VOA news, 29th April 2010

(နိုင်ငံတကာ လွတ်လပ်စွာ ကိုးကွယ်ခွင့် ဆိုင်ရာ အမေရိကန် ပြည်ထောင်စု ကော်မရှင်မှ ထုတ်ပြန်သော နှစ်လည် အစီရင်ခံစာ မျက်နှာဖုံး ဆောင်းပါးဖြစ်သည်။)

မြန်မာ စစ်ဖက်အစိုးရသည် ကမ္ဘာအဆိုးဆုံး လူ့အခွင့်အရေး ချိုးဖောက်သူများထဲတွင် တစ်ဦး အဖြစ်ပါဝင်နေဆဲ ဖြစ်သည်ဟု အမေရိကန် ပြည်ထောင်စု အစိုးရက လွတ်လပ်စွာ ယုံကြည်ကိုးကွယ်ခွင့်နှင့် ပတ်သက်၍ သတင်း ထုတ်ပြန်သည်။

နိုင်ငံတကာ ဘာသာရေး လွတ်လပ်ခွင့် ဆိုင်ရာ အမေရိကန် ကော်မရှင်က ကြာသပတေးနေ့တွင် ထုတ်ပြန်သော နှစ်လည် အစီရင်ခံစာတွင် မြန်မာ အစိုးရသည် ၂၀၀၇ ခုနှစ်က အစိုးရ ဆန့်ကျင်သော ငြိမ်းချမ်းစွာ ဆန္ဒပြမှုများကို အကြမ်းဖက် ဖြိုခွဲခဲ့ပြီးနောက်ပိုင်း ဗုဒ္ဓဘာသာဝင်များ အပေါ် ဆက်လက် ချုပ်ချယ် ဖိနှိပ်နေဆဲ ဖြစ်သည်ဟု ဖော်ပြထားသည်။

အစီရင်ခံစာတွင် မြန်မာ မူဆလင်များ အပေါ် ဖိနှိပ်မှုကိုလည်း ဖော်ပြထားပြီး အထူးသဖြင့် ရိုဟင်ဂျာ လူမျိုးစု အပေါ်တွင် ဖြစ်ကြောင်း၊ ၎င်းတို့ကို မြန်မာ အစိုးရက နိုင်ငံသား အဖြစ် အသ်ိအမှတ် မပြုကြောင်း တင်ပြထားသည်။

ဒီမိုကရေစီ စနစ် ပြန်လည် တည်ဆောက်ရေး အတွက် စစ်ဖက် အုပ်ချုပ်သူများအား တိုက်တွန်း အားပေးနေချိန်တွင် အရေးယူ ပိတ်ဆို့ မှုများဖြင့်လည်း မြန်မာ အစိုးရကို ဖိအားပေးသင့်သည်ဟု ကော်မရှင်က အမေရ်ိကန် ပြည်ထောင်စုကို အကြံပေးပါသည်။ ထို့အပြင် သံတမန်ဆိုင်ရာ ဆောင်ရွက်ချက်များကို ညှိနှိုင်းရန်နှင့် အာရှနှင့် ဥရောပ မဟာမိတ်များနှင့် ပူးပေါင်းဆောင်ရွက်နိုင်ရန် မြန်မာနိုင်ငံဆိုင်ရာ အထူးအရာရှိ တစ်ယောက်ကို အမေရ်ိကန်ပြည်ထောင်စု အနေဖြင့် ခန့်အပ်သင့်သည်ဟုလည်း အစီရင်ခံစာတွင် တိုက်တွန်းထားပါသည်။

အမေရိကန်ပြည်ထောင်စုသည် ၁၉၉၂မှစ၍ မြန်မာနိုင်ငံဆိုင်ရာ သံအမတ်ရာထူးကို ခန့်ထားခြင်း မရှိတော့ပါ။

လွတ်လပ်စွာ ကိုးကွယ်ခွင့်ကို ငြိမ်းချမ်းစွာ ကျင့်သုံးနေကြောင်း ပြသသည့် အနေဖြင့် အထိန်းသိမ်းခံ ဘုန်းတော်ကြီးများ လွှတ်ပေးရန် အတွက် မြန်မာ အစိုးရနှင့် ကြိုးစားညှိနှိုင်းရေးကို အမေရိကန် အစိုးရအား အစီရင်ခံစာတွင် တိုက်တွန်းထားပါသည်။ ထို အစီရင်ခံစာတွင် အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် အခြားနိုင်ငံရေး အကျဉ်းသား အားလုံးကိုလည်း လွှတ်ပေးရန် တောင်းဆိုထားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

United Press International,29th April 2010

မြန်မာနိုင်ငံတွင် ပြန်လည် ထူထောင်ရေး လုပ်ငန်းများကို ကူညီနေသော ကယ်ဆယ်ရေး ဝန်ထမ်းများ အပေါ် တင်းကြပ်မှုများ ဖြေလျှော့ပေးရေး အတွက် မြန်မာ အစိုးရ အပေါ် နိုင်ငံတကာက ဖိအားပေးရန် Human Rights Watch က ကြာသပတေးနေ့တွင် တောင်းဆိုလိုက်ပါသည်။

၂၀၀၈ ခုနှစ် မေလတွင် လူပေါင်း တစ်သိန်း လေးသောင်းခန့် သေဆုံး၍ လူပေါင်း ၂သန်းခွဲခန့်ကို ဒုက္ခရောက်စေခဲ့သော နာဂစ်စ် ဆိုက်ကလုံး မုန်တိုင်း အပြီးမှစ၍ နိုင်ငံတွင်း လာရောက် ကူညီ လုပ်ကိုင်နေကြသော ကယ်ဆယ်ရေး ဝန်ထမ်းများ အပေါ် မြန်မာ အစိုးရက လိုသည်ထက်ပိုသော တင်းကျပ် ချုပ်ချယ်မှုများ ပြုလုပ်နေသလို အခြေခံ လွတ်လပ်ခွင့်များကိုလည်း ဆက်လက် ပ်ိတ်ပင်ထားသည်ဟု နိုင်ငံတကာ လူ့အခွင့်အရေး အဖွဲ့က ထုတ်ပြန်သော အစီရင်ခံစာတွင် စွပ်စွဲထားသည်။

အခြားနိုင်ငံရေး အကျဉ်းသားများနှင့် အတူ အကျဉ်းကျနေသော ဒေသခံ လူမှု ဝန်ထမ်း ကယ်ဆယ်ရေး လုပ်သား ၂၀ ကျော်ကို လွှတ်ပေးရန်နှင့် လူသားခြင်း စာနာထောက်ထားသော အကူအညီများ တနိုင်ငံလုံးသို့ ပြန့်နှံရောက်ရှိနိုင်ရေးအတွက် ထပ်မံ ကြိုးပမ်းကြရန် Human Rights Watch က တောင်းဆိုခဲ့သည်။

ဆိုးဝါးသော သဘာဝ ဘေးအန္တာရာယ်ကြီး ဖြစ်သည့် နာဂစ်စ် ဆိုက်ကလုံး အပြီး ၂နှစ်ခန့်တွင် ဒေသခံ လူမှု ကယ်ဆယ်ရေး ဝန်ထမ်းများမှာ မြန်မာအစိုးရ၏ အဆက်အပြတ် ဖိနှိပ်မှုကို ခံစားနေကြရဆဲ ဖြစ်သည်ဟု HRW မှ အာရှရေးရာ ဒုတိယ ညွှန်ကြားရေးမှူး Elaine Pearson ကပြောကြားပါသည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီသည် လူမှု ကယ်ဆယ်ရေး ဝန်ထမ်းများနှင့် အဖွဲ့အစည်းများ အပေါ် လွတ်လပ်စွာ ပြောဆို၊ စည်းရုံး၊ လှုပ်ရှား နိုင်ခွင့် အခွင့်အရေးများကို ပိတ်ပင် ချိုးဖောက်လျက်ရှိကြောင်း အစီရင်ခံစာတွင် အသေးစိတ် ဖော်ပြထားသည်။

ရေ ရရှိရေး၊ မိလ္လာစနစ်၊ အိမ်ယာ တည်ဆောက်မှု၊ အခြေခံ ကျန်းမာရေး လိုအပ်ချက်နှင့် အလုပ်အကိုင် ကဏ္ဍများ အပါအဝင် မြစ်ဝကျွန်းပေါ်ဒေသ ပြန်လည် ထူထောင်ရေး လုပ်ငန်းများတွင် အခက်အခဲများ ဆက်လက် ဖြစ်ပေါ်နေသည်ဟု Human Rights Watch က ဆိုပါသည်။

မြန်မာ အစိုးရသည် သဘာဝ ဓါတ်ငွေ့ရောင်းချမှုမှ ရရှိသော ဘဏ္ဍာငွေများဖြင့် ပြန်လည် ထူထောင်ရေး လုပ်ငန်းများကို လုံလောက်စွာ ထောက်ပံ့ ကူညီရန် ပျက်ကွက်နေသည့် အပြင် စနစ်တကျ အကျင့်ပျက် ခြစားမှုနှင့် ဖိနှိပ် ချုပ်ချယ်မှုများကြောင့် သန်းပေါင်းများစွာသော ပြည်သူလူထုမှာ မလိုလားအပ်သော ဆင်းရဲတွင်း၌ ရှင်သန်နေကြရသည်ဟု HRW က ပြောကြားပါသည်။

မြန်မာ စစ်ဖက်အစိုးရသည် လူမှု ကယ်ဆယ်ရေး လုပ်ငန်းများ အပေါ် အလွန် အမင်း ချုပ်ချယ် တင်းကြပ်ထားသလို နှစ်ပေါင်းများစွာ စီးပွားရေး မှားယွင်းခန့်ခွဲမှုများကြောင့် စားနပ်ရိက္ခာ ဖူလုံရေး၊ သန့်ရှင်းသော ရေရရှိရေးနှင့် အခြေခံ ကျန်းမာရေး စောင့်ရှောက်မှု စသော မြန်မာပြည်သူများ၏ လူသားခြင်း စာနာထောက်ထားသော လိုအပ်ချက်များမှာ အလွန်အမင်း ကြီးမားနေသည်ဟု Pearson ကပြောဆိုခဲ့သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ဧပြီ ၂၇ ရက် အင်္ဂါနေ့ပါ "ဗိုလ်ချုပ်မှူးကြီးလေယာဉ် ဆင်ဖြူတော်ဟု အမည်ပေး" သတင်းတွင် " ဗိုလ်ချုပ်မှူးကြီးနှင့် သူ့ဇနီးသည် ကဆုန်လပြည့်နေ့တွင် ဘုရားကိုးဆူ ပူဇော်ပွဲ ကျင်းပကြောင်း" နှင့် "ဘုရားကိုးဆူ 
 
ပူဇော်ပွဲသည် မြန်မာဘုရင်များနှင့် ဆွေတော်မျိုးတော်များ၏ အလေ့အထတစ်ခုဖြစ်သည်ဟု မြန်မာမှု ကျွမ်းကျင်သူများက ပြောကြားပါသည်။" ဆိုသည့် နေရာတွင်  ဘုရားကိုးဆူ ပူဇော်ပွဲ အစား "ကိုးပါးသီလ
 
စောင့်ထိန်းကြကြောင်း" ဟု ပြင်ဆင်ဖတ်ရှုပေးပါရန် နှင့် အယ်ဒီတာ၏ ပေါ့လျော့မှုကြောင့် အချက်အလက်မှားယွင်းသွားခြင်းကို စာဖတ်သူများအား လေးစားစွာ တောင်းပန်အပ်ပါသည်။
 
 
 
အယ်ဒီတာ

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

စစ်အစိုးရ၏ ကမ်းလှမ်းချက် တစ်ရပ် ဖြစ်သော နယ်စပ် ဒေသစောင့် တပ်အဖြစ် ပြောင်းလဲ ဖွဲ့စည်းရေး ကိစ္စအပေါ် သဘောထား ကွဲလွဲမှုနေမှုကြောင့် အပစ်အခတ် ရပ်စဲရေး လက်နက်ကိုင် အဖွဲ့ ဖြစ်သော ရှမ်းပြည် မြောက်ပိုင်း တပ်ဖွဲ့ (SSA-N) အတွင်း ဂိုဏ်းနှစ်ဂိုဏ်း ကွဲမည့် အလားအလာ ရှိနေကြောင်း သိရသည်။

SSA-N ၏ တပ်မဟာ သုံးခုအနက် နှစ်ခု (တပ်မဟာ-၃ နှင့် တပ်မဟာ-၇) တို့က နယ်ခြား ဒေသစောင့် တပ်ဖွဲ့ အဖြစ် ပြောင်းလဲ ဖွဲ့စည်းရေးကို သဘော တူညီသော်လည်း တပ်မဟာ-၁ က ငြင်းပယ်ခဲ့ကြောင်း Shan Herald News Agency မှ အယ်ဒီတာ Saengjuen က Irrawaddy သို့ ပြောကြားသည်။

"ကျွန်တော်တို့ ကြားတာတော့ နယ်ခြား ဒေသစောင့် တပ်ဖွဲ့ ပြောင်းလဲ ဖွဲ့စည်းရေးနဲ့ ပတ်သက်ပြီး SSA-N ဟာ အဖွဲ့တွင်း နှစ်ပိုင်း ကွဲနေပါတယ်၊ ဘယ်လိုပဲဖြစ်ဖြစ် ကျွန်တော်တို့ကတော့ ကျွန်တော်တို့ ပြည်သူတွေရဲ့ လွတ်လပ်ရေး တိုက်ပွဲအတွက် လာရောက် ပူးပေါင်းဖို့ သူတို့ကို ကြိုဆိုပါတယ်" ဟု ရှမ်းပြည် တောင်ပိုင်း တပ်ဖွဲ့ (SSA-S) မှ ပြောခွင့်ရ ပုဂ္ဂိုလ် Sai Sheng Murng က ပြောကြားသည်။

ရှမ်းပြည်နယ် အရှေ့မြောက်ပိုင်းတိုင်း တိုင်းမှူး ဗိုလ်ချုပ် အောင်သန်းထွဋ် နှင့် စေ့စပ် ညှိနှိုင်းမှုများ ပြုလုပ်ပြီးနောက် SSA-N တပ်မဟာ ၃ နှင့် တပ်မဟာ-၇ မှ ဗိုလ်ချုပ် Loimao နှင့် ဗိုလ်ချုပ် Gaifa တို့က ဧပြီလ ၂၂ နေ့တွင် နယ်ခြား ဒေသစောင့်တပ် အဖြစ် ပြောင်းလဲဖွဲ့စည်းရန် သဘော တူညီခဲ့သည်။

သို့သော် ဗိုလ်ချုပ် Loimao မှာ ဗိုလ်ချုပ် Parngfa ကွပ်ကဲသော တပ်မဟာ-၁ အား နယ်ခြား ဒေသစောင့်တပ် အဖြစ် ပြောင်းလဲ ဖွဲ့စည်းရန် အမိန့် မပေးနိုင်ခဲ့ကြောင်း Sarawin က ပြောကြားသည်။ တပ်မဟာ-၁ မှာ SSA-N တွင် အင်အား အကောင်းဆုံး တစ်စုတစ်ခု ဖြစ်ပြီး အင်အား ၂၅၀၀ ခန့်ရှိသည်။

တပ်မဟာ-၁ မှာ ရှမ်းပြည် တောင်ပိုင်း Kehsi မြို့နယ်တွင် အခြေစိုက်ပြီး တပ်မဟာ ၃ မှာ Mongyai မြို့နယ်တွင် အခြေစိုက်ကာ တပ်မဟာ ၇ မှာ သီပေါမြို့နယ်တွင် အခြေစိုက်သည်။

SSA-N သည် ၁၉၈၉ ခုနှစ်တွင် မြန်မာ စစ်အစိုးရနှင့် အပစ်အခတ် ရပ်စဲရေး သဘောတူ စာချုပ်ကို လက်မှတ် ရေးထိုးခဲ့သည်။ မူလ သဘော တူညီချက်များအရ ရှမ်းလက်နက်ကိုင် တပ်ဖွဲ့များ အနေဖြင့် လက်နက် ဆက်လက် ကိုင်ဆောင်ခွင့်နှင့် စီးပွားရေး လုပ်ကိုင်ခွင့် ရရှိသည်။ အထူးသ&#