Transparency Myanmar

transparency.myanmar@gmail.com

ယခုအခါ တရားဝင် ပါတီအဖြစ်မှ ပျက်ပြယ်သွားပြီ ဖြစ်သော အမျိုးသား ဒီမိုကရေစီ အဖွဲ့ချုပ် (NLD) က ရွေးကောက်ပွဲတွင် ဝင်ရောက် ယှဉ်ပြိုင်မည့် အမျိုးသား ဒီမိုကရေစီ အင်အားစု (NDF) ပါတီ၏ ခမောက်ပုံ အမှတ်တံဆိပ်ကို တရားဝင် ကန့်ကွက်မည် ဖြစ်ကြောင်း စုံစမ်းသိရှိရသည်။ NDF သည် NLD အဖွဲ့ဝင်ဟောင်းများဖြင့် ဖွဲ့စည်းထားသည့် နိုင်ငံရေးပါတီသစ် တစ်ခုဖြစ်ပြီး NLD ၏ အမှတ်တံဆိပ် ဖြစ်သော ခမောက်ပုံကို အသုံးပြုခဲ့သည်။

မြန်မာ လယ်သမားများ ရိုးရာဓလေ့အဖြစ် ဆောင်းကြသော ခမောက်သည် ၁၉၉၀ ပြည့်နှစ် ရွေးကောက်ပွဲ၌ NLD  ပါတီက မဲဆွယ် စည်းရုံးမှုများ ပြုလုပ်ရာတွင် ပါတီ အမှတ် သင်္ကေတ အဖြစ် အသုံးပြုခဲ့ပြီး နောက်ပိုင်း မြန်မာ့ ဒီမိုကရေစီ လှုပ်ရှားမှုများ ပြုလုပ်သည့် ကာလတစ်လျှောက် လူသိများသည့် နိုင်ငံရေး အမှတ်တံဆိပ် တစ်ခုသဖွယ် ဖြစ်ခဲ့သည်။

သို့သော် အဆိုပါ ခမောက်တံဆိပ် အမှတ်အသားကို ရွေးကောက်ပွဲ သပိတ်မှောက်မည့် NLD ၏ မူဝါဒကို လက်မခံသောကြောင့် NLD နှင့် လမ်းခွဲခဲ့သော NDF ပါတီက ပါတီ အမှတ်တံဆိပ်အဖြစ် အသုံးပြုခဲ့သည်။

NLD ပါတီ ဒုတိယဥက္ကဋ္ဌ ဦးတင်ဦးက NDF သည် NLD နှင့် ပတ်သက်မှု မရှိကြောင်း၊ သို့အတွက်ကြောင့် NLD ၏ အမှတ်တံဆိပ် မဟုတ်သော အခြား အမှတ်တံဆိပ် တစ်ခုကို အသုံးပြုသင့်ကြောင်း ပြောဆိုသည်။ ခမောက်တံဆိပ် အသုံးပြုမှုကို လက်သင့်မခံကြောင်း ရေးသားထားသည့် တရားဝင် စာတစ်စောင်ကို NLD ပါတီက NDF သို့ ပေးပို့ခဲ့သည်။

"NDF က ကျွန်တော်တို့ရဲ့ NLD တံဆိပ်နဲ့ ဆင်တူယိုးမှား ဖြစ်မယ့်ပုံစံ လုပ်တာပါ။ ခမောက် အမှတ်တံဆိပ်ရဲ့ အပေါ်မှာ ကြယ်လေးနှစ်ပွင့် ထည့်ပြီး သူတို့တံဆိပ် ဖြစ်အောင် လုပ်ထားတာ တွေ့ရတယ်" ဟု ပြောသည်။ NLD သည် နိုင်ငံရေးပါတီအဖြစ် တရားဝင်သည်ဖြစ်စေ၊ မဝင်သည်ဖြစ်စေ အဖွဲ့အစည်း တစ်ခုအဖြစ် ဆက်လက် တည်ရှိနေသေးသည်ဖြစ်ရာ အဆိုပါ ခမောက် အမှတ်တံဆိပ်ကို အတုအပ မပြုလုပ်သင့်ကြောင်း ဆက်လက် ပြောဆိုသည်။

"ဒီနေ့ ကျွန်တော်တို့ တရားဝင် ကန့်ကွက်စာ တစ်စောင်ကို ရွေးကောက်ပွဲ ကော်မရှင်ဆီ ပေးပို့ဖို့ ပြင်ဆင်နေပါတယ်။ အတုအပ ပြုလုပ်တယ်ဆိုတာ ကျင့်ဝတ်နဲ့ညီတဲ့ ကိစ္စ မဟုတ်ပါဘူး" ဟု ဦးတင်ဦးက ပြောသည်။

ယခုအခါ NLD ပါတီဝင်များနှင့် NDF ပါတီဝင်များ၏ ဆက်ဆံရေးမှာ ခပ်တန်းတန်း ဖြစ်လျက် ရှိသည်။ ဒေါ်အောင်ဆန်းစုကြည်၏ NLD ပါတီ၏ ပြောရေးဆိုခွင့်ရှိသူ နေရာကို တာဝန်ယူခဲ့ဖူးသူ ဦးခင်မောင်ဆွေမှာ  NDF ပါတီ၏ ပူးတွဲ တည်ထောင်သူ ဖြစ်သည်။ ၎င်းသည် ရွေးကောက်ပွဲ သပိတ်မှောက်ရေး ဟူသော NLD ၏ ဆုံးဖြတ်ချက်သည် အဓိပ္ပာယ်မရှိဟု ပြောဆိုခဲ့သည်။

ယခု NDF ပါတီမှ ဒုတိယ ခေါင်းဆောင် ဦးသိန်းညွန့်က ဝါးခမောက်ဟူသည် မြန်မာ့ရိုးရာ အထိမ်းအမှတ် တစ်ခုဖြစ်ရာ မြန်မာပြည်သူ အများစုနှင့် သက်ဆိုင်ကြောင်း ပြောဆိုသည်။ NDF ပါတီသစ်၏ အမှတ်တံဆိပ်မှာ ရွှေဝါရောင် ဝါးခမောက် အထက်တွင် ကြယ်နှစ်ပွင့်ပါရှိပြီး နောက်ခံ အရောင်မှာ အနီရောင်ဖြစ်ကာ အောက်ဘက်တွင် ပါတီနာမည်ကို ရေးထိုးထားသည်။

"NLD က အဲဒီ အမှတ်တံဆိပ်ကို မှတ်ပုံတင်ထားခဲ့လို့လား။ တကယ်လို့ သူတို့ မှတ်ပုံ တင်ထားတယ် ဆိုရင် ကျွန်တော်တို့ အသုံးပြုခွင့် ရမှာ မဟုတ်ဘူး။ ဒါပေမဲ့ သူတို့ မှတ်ပုံ မတင်ထားဘူး ဆိုရင်တော့ သူတို့အနေနဲ့ အခုလို ကန့်ကွက်တာမျိုး လုပ်လို့မရပါဘူး" ဟု ဦးသိန်းညွန့်က ဆက်လက် ပြောဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Mizzima News, 2nd July 2010

အိန္ဒိယ အစိုးရသည် လွန်ခဲ့သော နှစ်နှစ်က နာဂစ် ဆိုက်ကလုန်းဒဏ် ခံရသော ဒေသများတွင် အသုံးပြုရန် ပါဝါ ထရန်စဖော်မာများ လှူဒါန်းခဲ့ကြောင်း ရန်ကုန်ရှိ အိန္ဒိယသံရုံး၏ အဆိုအရ သိရှိရသည်။

အိန္ဒိယသည် အမေရိကန် ဒေါ်လာ ၁.၉ သန်း တန်ဖိုးရှိ ထရန်စဖော်မာ ၁၆ လုံး လှူဒါန်းရန် ကတိပြုထားပြီး၊ ဇွန်လဆန်းက ၁၄ လုံး ပေးပို့ခဲ့ပြီး၊ ကျန်ရှိသော ၂ လုံးကို ဗုဒ္ဓဟူးနေ့က ပေးပို့ခဲ့သည်။

ထရန်စဖော်မာများသည် ဗို့အားမြင့် လျှပ်စစ်ဓာတ်အား ပို့လွှတ်မှုတွင် လိုအပ်ပြီး၊ ခရီးဝေးမှ ဓာတ်အား ပို့လွှတ်မှုကို စီးပွားရေးအရ တွက်ခြေကိုက် လက်တွေ့ကျအောင် ပြုလုပ်ပေးနိုင်သည်။ ဓာတ်အားစက်ရုံမှ ပို့လွှတ်သော ဗို့အားမြင့် လျှပ်စစ်ဓာတ်အားများကို အိမ်များတွင် အသုံးပြုနိုင်သည့် ဗို့အားအဖြစ် ပြောင်းလဲပေးသည်။

"နာဂစ် ဆိုက်ကလုန်းက ကျွန်တော်တို့ အိမ်နီးချင်း မြန်မာနိုင်ငံကို ၂၀၀၈ ခုနှစ်က တိုက်ခတ်ခဲ့ပါတယ်။ အဲဒီအချိန်တုန်းကလည်း ကျွန်တော်တို့ ချက်ချင်း ကူညီနိုင်သမျှ ကူညီခဲ့ပါတယ်။ ကျွန်တော်တို့ ကတိအတိုင်း ထရန်စဖော်မာတွေ လှူပြီးပါပြီ" ဟု သံရုံးပြောခွင့်ရ ပုဂ္ဂိုလ်က မဇ္ဈိမသို့ ဗုဒ္ဓဟူးနေ့က ပြောကြားခဲ့သည်။

ထရန်စဖော်မာများသည် ၃၁၅ ကီလိုဗို့မှ ၃၀ မဂ္ဂါဗို့အထိ ရှိပြီး မြို့နယ် ၁၆ ခုတွင် တပ်ဆင်ရန် ဖြစ်ကြောင်း မြန်မာ့ လျှပ်စစ်ဓာတ်အား လုပ်ငန်း (EPC) မှ အင်ဂျင်နီယာချုပ်က မြန်မာအပတ်စဉ် ဂျာနယ် တစ်စောင်သို့ ပြောကြားခဲ့သည်။

နာဂစ် ဆိုင်ကလုန်းကြောင့် ဓာတ်တိုင်များနှင့် လျှပ်စစ် ကေဘယ်များကို မြေလှန်လိုက်သလို ဖြစ်ပြီး၊ EPC ၏ အဆိုအရ ရန်ကုန် တစ်ခုတည်းတွင် ပျက်စီးမှု ခန့်မှန်းတန်ဖိုး အမေရိကန် ဒေါ်လာ ၄ သန်းခန့် ရှိမည်ဟု သိရှိရသည်။

အိန္ဒိယသည် မုန်တိုင်း ပြီးပြီးချင်း ကယ်ဆယ်ရေး ပစ္စည်းများ ပေးပို့သော ပထမဆုံး နိုင်ငံများတွင် ပါဝင်ပြီး၊ ကယ်ဆယ်ရေး ပစ္စည်းတန် ၁၀၀ စုစုပေါင်း ရှိသော အိန္ဒိယရေတပ် သင်္ဘောနှစ်ဦးနှင့် လေယာဉ်နှစ်စီး ပို့လွှတ်ခဲ့သည်။

နာဂစ်တိုက်အပြီး ၅ ရက်အကြာတွင် အိန္ဒိယနိုင်ငံသည် ဆေးဝါးများ၊ စောင်များ၊ ယာယီမိုးကာတဲများနှင့် အစားအသောက် စုစုပေါင်း ၃၂ တန် ပေးပို့ခဲ့ပြီး၊ မေလ ၁၈ ရက်နေ့တွင် ဆရာဝန် ၅၀ နှင့် ဆေးဝါး ၆ တန်ခန့်ကို မြစ်ဝကျွန်းပေါ် အပြင်းထန်ဆုံး ထိခိုက်သော ဒေသသို့ ပို့လွှတ်ခဲ့သည်ဟု သံရုံး ပြောခွင့်ရ ပုဂ္ဂိုလ်က ပြောသည်။

ပျက်စီးသွားသော ဒေသများတွင် အဆောက်အဦးများ၊ ကျန်းမာရေး စောင့်ရှောက်မှု စနစ်များ၊ ပညာရေးနှင့် အခြား လိုအပ်ချက်များ အတွက် ၂၀၀၉ မှ ၂၀၁၁ အတွင်း ခန့်မှန်းခြေ အမေရိကန် ဒေါ်လာ ၆၉၁ သန်း လိုအပ်နေသော်လည်း ယခုထိ အမေရိကန် ဒေါ်လာသန်း ၁၈၀ သာ ရရှိသေးကြောင်း၊ သတင်းများအရ သိရှိရသည်။

နာဂစ်ကြောင့် လူပေါင်း ၁၄၀၀၀၀ ခန့် သေဆုံးခဲ့ပြီး၊ လူပေါင်း ၂.၄ သန်းအား အိုးမဲ့အိမ်မဲ့ ဖြစ်စေကာ စုစုပေါင်း ပျက်စီးမှု ခန့်မှန်းတန်ဖိုး အမေရိကန် ဒေါ်လာ ၄ ဘီလီယံ ရှိသည်။ Reuters Alert Net ၏ အဆိုအရ ကယ်ဆယ်ရေး လုပ်သားများက နှစ်နှစ်အတါင်း လူပေါင်း ၈ သိန်းခန့်မှာ ယာယီတဲများနှင့်သာ နေထိုင်ရဆဲ ဖြစ်ကြောင်း ပြောခဲ့သည်ဟု သိရှိရသည်။

"ဝါးတိုင်နဲ့ တာပေါ်လင် မိုးထားတဲ့ ယာယီတဲဟာ အခုလို မုတ်သုံရာသီမှာ အကာအကွယ် နည်းနည်းပဲ ပေးနိုင်ပါတယ်" ဟု သတင်း အေဂျင်စီက ပြောသည်။

အဆိုပါ ဒေသမှ လူများအတွက် အခြေခံ လိုအပ်ချက်များကို ထပ်လောင်း ဖြည့်စွက် ပြောကြားရာတွင် "ထောင်ပေါင်းများစွာသော လူတွေဟာ သောက်ရေ မလုံလောက်မှု၊ အထူးသဖြင့် ခြောက်သွေ့ရာသီမှာ ကြုံကြရပါတယ်။ ရေကန်တွေ ရေတွင်းတွေကလည်း ရေကြီးတုန်းက ပင်လယ်ရေတွေ ဝင်လို့ ပျက်ကုန်ပါတယ်" ဟုဆိုသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Korea Times, By U Win Tin, 2nd July 2010

ပြီးခဲ့သော ဇွန်လ ၁၉ ရက်နေ့က ပြည်တွင်းပြည်ပ မြန်မာ ဒီမိုကရေစီ ထောက်ခံ လှုပ်ရှားသူများသည် မိမိတို့၏ ခေါင်းဆောင် ဒေါ်အောင်ဆန်းစုကြည်၏ ၆၅ နှစ်မြောက် မွေးနေ့ အထိမ်းအမှတ် အခမ်းအနားများကို တပြိုင်နက် ကျင်းပခဲ့ကြသည်။

၁၉၉၀ ရွေးကောက်ပွဲများကို အနိုင်ရရှိရေး အတွက် NLD ကို သူမ ခေါင်းဆောင်ခဲ့သည့် နောက်ပိုင်း ဒီမိုကရေစီ လုပ်ငန်းစဉ်များ ရက်စက်စွာ နှိမ်နင်းခံရမှုကို အသေအချာ စဉ်းစား သုံးသပ်ရန် အခွင့်အလမ်းကို အများစုက ရယူခဲ့ကြသည်။

ယခုအခါ တပ်မတော် ခေါင်းဆောင်များ စီစဉ် ပါဝင် လုပ်ဆောင်နေသည့် အတုအယောင် ရွေးကောက်ပွဲ အယောင်ပြ ကစားပွဲတွင် ပူးပေါင်း ပါဝင်သည်ထက် ပါတီဖျက်သိမ်းရန်ကိုသာ မြန်မာနိုင်ငံ၏ အဓိက နိုင်ငံရေး အတိုက်အခံ ပါတီက ဆုံးဖြတ်ခဲ့သည်။ အဆိုပါ ဆုံးဖြတ်ချက်သည် အာဏာရှင်များ၏ နည်းဗျူဟာများကို ထဲထဲဝင်ဝင် နားလည် သဘောပေါက်မှု အပေါ်တွင် အခြေခံထားခြင်း ဖြစ်သည်။

မိမိတို့၏ ထောက်ခံသူ အချို့က မိမိတို့၏ ဆုံးဖြတ်ချက်ကို နားလည် သဘောပေါက်ခြင်း မရှိကြပါ။ မည်သို့ပင်ဖြစ်စေ မိမိတို့သည် ဒီမိုကရေစီ ဝါဒီများ အနေဖြင့် မိမိတို့နှင့် သဘောထား ဆန့်ကျင်သူ အားလုံး၏ အခွင့်အရေးကို လေးစားခဲ့သလို မိမိတို့အား ဝေဖန်သူများသည် ဤကိစ္စအပေါ် ကောင်းစွာ သုံးသပ် ကောက်ချက်ချ နိုင်လိမ့်မည်ဟုလည်း မျှော်လင့်ခဲ့သည်။ သို့သော် အများစုမှာ ဤသို့ မဟုတ်ကြောင်း ထင်ရှားလာသည်။

စီစဉ်ထားသော ၂၀၁၀ ရွေးကောက်ပွဲများကို စိတ်ဖြာ လေ့လာနေသူ အားလုံး အတွက် လမ်းခွဲစေသည့် ပထမအချက်မှာ ရွေးကောက်ပွဲ အခြေပြုထားသည့် အခြေခံဥပဒေပင် ဖြစ်သည်။ ၂၀၀၈ အခြေခံဥပဒေက ဒီမိုကရေစီ လုပ်ငန်းစဉ်၏ လွတ်လပ်စွာ လှုပ်ရှားခွင့်ကို တားဆီးရန် ကြိုးစားထားရာ ဆွေးမြေ့နေသော သစ်သားကို အရောင်တင်ကာ ဒီမိုကရေစီနှင့် ဖွံ့ဖြိုးမှု ရွှေမှုန်ကြဲထားသည့် ရုပ်ပျက်ဆင်းပျက် ကြိုးပမ်းမှု တစ်ခု ဟူသော အရာထက် ပို၍ ရှုမြင်ရန် မဖြစ်နိုင်တော့ပါ။

ချောမွေ့၍ အမြင်တင့်တယ်သော်လည်း အတွင်းတွင် ဘာမှ မကျန်တော့သည့် မြန်မာကျွန်း ပန်းပုရုပ်လေးကို မြင်ကြည့်လိုက်ပါ။ အထင်ရှားဆုံးအချက်မှာ လွှတ်တော်တိုင်းတွင် တပ်မတော်သား ကိုယ်စားလှယ် ၂၅ % ကို အခြေခံဥပဒေက အခိုင်အမာ နေရာပေးထားခြင်းပင် ဖြစ်သည်။ ထို့အပြင် တပ်မတော်သည် ရုပ်ဖျက်ထားသော စစ်တပ် နိုင်ငံရေးပါတီကို ရွေးကောက်ပွဲ ဝင်စေခြင်းဖြင့် အဓိက ဝေစုကို အပို ရရှိအောင် ကြိုးစားနေသည်။

သို့ဖြစ်၍ အများဆုံး မျှော်လင့်နိုင်သည်မှာ တပ်မတော်က ပြည်သူကို ပေးသော လေးပုံသုံးပုံ ဒီမိုကရေစီ (သို့) ထို့ထက် ပို၍ နည်းသော ဝေစုသာ ဖြစ်သည်။ ယခုနှစ် ကျင်းပမည့် ရွေးကောက်ပွဲများ အခြေပြုထားသည့် အခြေခံ ဥပဒေသည် ဒီမိုကရေစီ အပေါ် သဲကြီးမဲကြီး တိုက်ခိုက်စော်ကားမှုကို ပြုလုပ်နေသည်။ သာဓကအားဖြင့် ယခု ရွေးကောက်ပွဲတွင် အစိုးရကို ရွေးချယ်လိမ့်မည် မဟုတ်ပါ။ လွှတ်တော်အတွင်း နေရာဖြည့်ရန် အတွက် လူများကို ရွေးချယ်ခြင်းသာ ဖြစ်ပြီး ထို့နောက်တွင်မှ အစိုးရ အကြီးအကဲကို ရွေးချယ်ရန် ထိုသူများကို တာဝန်ပေးလိမ့်မည်။

အထက်ပါ လုပ်ငန်းစဉ်ကို မည်သို့ အသေးစိတ် ဆောင်ရွက်မည် ဆိုသည်ကို အခြေခံဥပဒတွင် ရှင်းလင်းစွာ မဖော်ပြထားပဲ အများဆုံး မျှော်မှန်းနိုင်သော သမ္မတ ရွေးချယ်ရေးအဖွဲ့ (တပ်မတော် ပါဝင်သော လွှတ်တော်) က သမ္မတသစ်ကို ဆုံးဖြတ်ရွေးချယ်မည်ဟုသာ ပါရှိသည်။

အကယ်၍ ဝန်ကြီးဌာနနှင့် အစိုးရ ရာထူးများကို အမိန့်အာဏာဖြင့် ခန့်အပ်မည့် သမ္မတသစ်ကို ရွေးချယ် အမည်တင်သွင်းရာတွင် လိုအပ်သော လွှတ်တော် ကိုယ်စားလှယ် အရေအတွက်ထက် ၂၅ % သော တပ်မတော် ကိုယ်စားလှယ်များက သိသိသာသာ နည်းနေမည် ဆိုလျှင် လွှတ်တော် ကိုယ်စားလှယ် နေရာ အများစုကို လိုအပ်လာလိမ့်မည်ဟု ယူဆနိုင်ဖွယ် ရှိသည်။

ဤသည်မှာ အမှန်စင်စစ် ကိုင်းဖျား ကိုင်းနား အကြွင်းအကျန် လွှတ်တော်ကို အစပျိုးမှု တစ်ရပ်သာ ဖြစ်သည်။

ယခုကဲ့သို့ ရွေးကောက်ပွဲ လုပ်ငန်းစဉ်၏ အလွန် အရေးကြီးသော အစိတ်အပိုင်းတွင် ဒီမိုကရေစီ မပြည့်ဝမှု ထင်ရှားနေခြင်းကို ကာကွယ် တားဆီးနိုင်မည် မဟုတ်ပါ။ ဤအချက်သည် ရွေးကောက်ပွဲ လုပ်ငန်းစဉ် တစ်ခုလုံး၏ လက္ခဏာ သဘောကို ဆောင်နေပြီး ဒီမိုကရေစီများနှင့် တသီးပုဂ္ဂလ အမတ်များကို ပါဝင် ယှဉ်ပြိုင်စေခြင်းဖြင့် အဝေဖန် မခံရအောင် ပြုလုပ်နေခြင်း ဖြစ်သည်။

အခြား အခြေခံ ဥပဒေဆိုင်ရာ ကိစ္စများလည်း များစွာ ရှိသေသည်။ ၎င်းတို့အနက် မှတ်ပုံတင်ရန်နှင့် မဲဆွယ် စည်းရုံးရန် ခက်ခဲမှုနှင့် အသုံးစရိတ် မလွယ်ကူမှုများ ပါဝင်သည်။ ဥပမာအားဖြင့် ကိုယ်စားလှယ်လောင်း တစ်ယောက် ဝင်ပြိုင်ရန် လိုအပ်သော ဒေါ်လာ ၅၀၀ (၅သိန်းကျပ်) မှာ မဲဆန္ဒနယ် ၄၉၈ နယ် အတွက် ကိုယ်စားလှယ်လောင်းများ၏ မဲဆွယ်စရိတ်ကို ခန့်မှန်းကြည့်ပါက ကုန်ကျမည့် သိန်းထောင်ပေါင်း များစွာသော ပိုက်ဆံများးသည် ကမ္ဘာ့ အဆင်းရဲဆုံး နိုင်ငံတစ်ခုအတွက် မမျှော်မှန်းနိုင်သော ငွေကြေးပင် ဖြစ်သည်။

ထို့အပြင် ပါတီကို တရားဝင် အသိအမှတ် ပြုခံရရေး အတွက် စစ်ဆေးခံရာတွင် ပါတီဝင် အားလုံး၏ အမည်ကို တင်ပြရန် လိုအပ်ခြင်းသည် အစိုးရ ဆန့်ကျင်သူများ မည်သည့်နေရာတွင် ရှိသည်ကို ရှာဖွေခြင်းဟု ရှင်းရှင်းလင်းလင်း အဓိပ္ပာယ် ထွက်နေပြီး ရွေးကောက်ပွဲ အပြီးတွင် ဖြိုခွဲ သုတ်သင်ခြင်း ပြုလုပ်လိမ့်မည်ဟု အချို့က ဝေဖန် ကန့်ကွက်လျက် ရှိသည်။

နောက်ဆုံးအားဖြင့် ထင်ရှားသော တိုင်းရင်းသား အုပ်စုများကို နိုင်ငံရေး လုပ်ငန်းစဉ်တွင် မပါဝင်နိုင်အောင် တားမြစ်နေခြင်း ဖြစ်သည်။ ဤအချက်သည် မြန်မာနိုင်ငံလုံး မဲဆန္ဒနယ် အများစုမှ မဲဆန္ဒရှင်များ အနေဖြင့် ဒီမိုကရေစီ အခွင့်အရေးများ ပိတ်ပင်ခံရခြင်းပင် ဖြစ်သည်။

လွတ်လပ်မှုနှင့် ညီမျှမှု၏ အမြင့်ဆုံး စည်းကမ်းများကို သိရှိထားသည့် ဒီမိုကရေစီ ပါတီတစ်ခု အနေဖြင့် NLD သည် မိမိတို့၏ ရပိုင်ခွင့်များကို ပိတ်ပင်ခံရသည် သာမကပဲ အခြား နိုင်ငံရေး အင်အားစုများကိုလည်း နိုင်ငံရေး လုပ်ငန်းစဉ်တွင် မပါဝင်နိုင်အောင် တားဆီးထားသည့် စနစ်အတွင်းသို့ ပါဝင်ရန် မဖြစ်နိုင်ပါ။ ယင်းကဲ့သို့ အာဏာရှင်တို့အား ဒူးထောက်သည့် လုပ်ရပ်မျိုးကို မိမိကိုယ်မိမိ လေးစားသည့် ဒီမိုကရေစီဝါဒီ တစ်ဦးတလေကမှ သဘောတူနိုင်မည် မထင်ပါ။

အဆုံးစွန် ဆိုရသော် NLD သည် နိုင်ငံရေးပါတီ တစ်ခုဖြစ်သည်နှင့်အညီ လူမှုရေး လှုပ်ရှားမှုပါတီ တစ်ခုလည်း ဖြစ်နေသည်။ ယိုယွင်းနေသည့် အာဏာရှင် အစိုးရ၏ ပါတီတစ်ခု ဖြစ်လာစေရန် စစ်ဖက် အုပ်ချုပ်သူများ၏ သိမ်းသွင်း စည်းရုံးမှုများ ရှိနေသည့် ကြားမှ ပါတီ၏ နိုင်ငံရေး၊ လူမှုရေးကဏ္ဍကို ထိန်းသိမ်းသွားရေးသည် မိမိတို့၏ ရည်မှန်းချက်ပင် ဖြစ်သည်။

မိမိတို့ ပါတီ ရွေးကောက်ပွဲ လုပ်ငန်းစဉ်တွင် ပါဝင်ရေးသည် ၂၀၀၉ ဧပြီလတွင် NLD က ထုတ်ပြန်ခဲ့သော ရွှေဂုံတိုင် ကြေညာစာတမ်းပါ "နိုင်ငံရေး အကျဉ်းသားများ လွှတ်ပေးရန်၊ ဒေါ်အောင်ဆန်းစုကြည်နှင့် ပွင့်လင်းစွာ ဆွေးနွေးရန်၊ ၁၉၉၀ ရွေးကောက်ပွဲ ရလာဒ်ကို အသိအမှတ်ပြုရန်နှင့် ၂၀၀၈ အခြေခံဥပဒေကို သုံးသပ် ပြင်ဆင်ရန်" စသော အချက်များပေါ်တွင်သာ မူတည်နေသည်။

အထက်ပါ အခြေအနေများသည်သာ မြန်မာနိုင်ငံကို တိုးတက်စေမည့် ဒီမိုကရေစီ၏ အခန်းကဏ္ဍကို ရှာဖွေပေးနိုင်လိမ့်မည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Yahoo News, By Anne-Marie Evans, 1st July 2010

ဟောင်ကောင်တွင် ထောင်ပေါင်းများစွာသော လူများသည် ဗြိတိသျှမှ တရုတ်သို့ လွှဲပြောင်းခြင်း ၁၃ နှစ်မြောက်တွင် ဆန္ဒပြလျက် ရှိသည်။ ဆန္ဒပြသော ဦးရေမှာ ယမန်နှစ်များကထက် နည်းသွားပြီး၊ ယင်းဆန္ဒပြမှုမှာ ဒီမိုကရေစီ စခန်းတွင် နှစ်ခြမ်းကွဲခြင်း၏ ထင်ဟပ်မှု ဖြစ်သည်။

အချို့သည် ရွေးကောက်ပွဲဖြင့် ပြုပြင် ပြောင်းလဲရေးကို တရုတ်ပြည်မကြီးနှင့် ညှိနှိုင်းလျက် ရှိနေကြသည်။

"သစ္စာဖောက်တွေ၊ ငါတို့ကို Beijing ကို ရောင်းစားတယ်" ဟု ကြွေးကြော်ကြပြီး၊ ဆန္ဒပြပွဲ အတွင်း အစွန်းရောက် ဒီမိုကရက်များက ဟောင်ကောင် ဒီမိုကရက်တစ်ပါတီ အဖွဲ့ဝင်များကို ဆဲရေး တိုင်းထွာမှုများ ပြုလုပ်ကြခြင်း ဖြစ်သည်။

ဟောင်ကောင်တွင် ဒီမိုကရေစီ စခန်းများတွင် အဖွဲ့များ ကွဲပြားမှုမှာ ယခု ပထမဦးဆုံး အကြိမ် ဖြစ်သည်။

၎င်းတို့သည် ယခင်က ဟောင်ကောင်၏ အုပ်ချုပ်ရေးမှူး (သို့) ဟောင်ကောင်၏ ခေါင်းဆောင်နှင့် ဥပဒေပြု ကောင်စီ (ပါလီမန်) အား ဆန္ဒမဲဖြင့် ရွေးချယ်ခွင့်ရရန် တညီတညွတ်တည်း တိုက်ပွဲဝင်ခဲ့ကြသည်။

သို့သော် မကြာသေးမီက ဒီမိုကရက်တစ် ပါတီသည် တစ်ကြိမ်တစ်ခါမျှ သဘောမတူခဲ့ဖူးဘဲ၊ ယခုမှ နောက်ထပ် အမတ်များကို တိုက်ရိုက် ရွေးချယ် တင်မြှောက်ရန် သဘောတူခဲ့သည်။ ထိုကိစ္စအား အခြား ဒီမိုကရေစီ အုပ်စုများက ထိုမျှလောက် လုပ်ရန် မလိုဟု ခံစားကြရသည်။

လက်ရှိအားဖြင့် ဥပဒေပြုကောင်စီ၏ တစ်ဝက်ကိုသာ ပြည်သူက မဲပေး ရွေးချယ် ခွင့်ပြုထားသည်။

ပါတီအဖွဲ့ဝင် Christopher Yu က ၎င်းပါတီ၏ ဆုံးဖြတ်ချက်ကို ကာကွယ် ပြောဆိုခဲ့သည်။

"ကျွန်တော်တို့က အခြား နည်းဗျူဟာတွေ မဟာဗျူဟာတွေ သုံးပြီး ဒီမိုကရေစီ အတွက် တိုက်ပွဲဝင်နေတာပါ။ ဒါပေမယ့် ကျွန်တော်တို့က သူတို့ရဲ့ အသံကို လေးစားနေဆဲပါ။ သူတို့ကလည်း ကျွန်တော်တို့ကို လေးစားလိမ့်မယ်လို့ မျှော်လင့်ပါတယ်" ဟု ၎င်းက ပြောသည်။

လက်ရှိ အင်အားနေကောင်းသော ရဲများသည် ဒီမိုကရေစီ စခန်းတွင် ဖြစ်နေသော ရန်ပွဲ အသေးစားများကို မည်သည့် တုန့်ပြန်မှုမျိုးမျှ မပြုလုပ်ပေ။ အဆိုပါ ချီတက်မှုမှာ ဟောင်ကောင် အလယ်ပိုင်းသို့ ဦးတည်နေသည်။

ဗြိတိသျှ ကိုလိုနီ အဖြစ်မှ ပြီးဆုံးသွားမှု ၁၃ နှစ်မြောက်တွင် ကျောင်းသား Enoch Liu က ဗြိတိသျှ ကိုလိုနီ အလံဟောင်းကို ပလပ်စတစ်ဖြင့် အသေးစား ပြုလုပ်၍ ဝေဌခဲ့သည်။

၎င်းနှင့် ၎င်း၏ သူငယ်ချင်းများက ဗြိတိသျှ ကိုလိုနီခေတ်က ဟောင်ကောင်တွင် ရှိသော အဓိက တန်ဖိုးများ တဖြည်းဖြည်း ဆုံးရှုံးသွားသည်ဟု ခံစားရကြောင်း ပြောသည်။

"ကျွန်တော်တို့ သတိရနေပါသေးတယ်။ ဗြိတိသျှတွေက ပေးခဲ့တာ။ ကျွန်တော်တို့ရဲ့ အဓိက တန်ဖိုးတွေလေ။ လွတ်လပ်ခြင်း၊ အမြင်မတူ ခြားနားမှုများကို လေးစားခြင်း စတာတွေကိုပေါ့။ ဒီနေ့ ပြည်သူတွေကို ဒီသတင်းစကားကို ပြသနိုင်လိမ့်မယ်လို့ ကျွန်တော် မျှော်လင့်နေပါတယ်" ဟု Liu က ပြောသည်။

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြောက်ကိုရီးယားမှ နျူကလီယာ နည်းပညာနှင့် အတတ်ပညာများ မြန်မာနိုင်ငံသို့ ပေးပို့ လိုက်သည့် အနေအထားတွင် ရှိသည် ဟူသော သတင်းများ ထွက်ပေါ်လာပြီးနောက် မြန်မာနိုင်ငံ အနေဖြင့် နိုင်ငံတကာ၏ ပိတ်ဆို့ ဒဏ်ခတ်မှုများဖြင့် မကြာမီ ရင်ဆိုင်လာရနိုင်ကြောင်း မြန်မာ့အရေး ကျွမ်းကျင်သူ Bertil Lintner က Asia Times Online တွင် ဆောင်းပါးတစ်ပုဒ် ရေးသားခဲ့သည်။

အမှန်တွင် မြောက်ကိုရီးယားမှ နျူကလီယာ နည်းပညာများနှင့် လက်နက်များ မြန်မာနိုင်ငံသို့ ရောင်းချနေသည် ဟူသော ဖြစ်ရပ်နှင့် ပတ်သက်၍ မြန်မာစစ်ဗိုလ်များ အကြား မကျေမနပ် ဖြစ်အောင် မီးထိုးပေးမှုများ ရှိနှင့်နေပြီး ဖြစ်ကြောင်း သိရသည်။ နိုင်ငံတကာကလည်း အထီးကျန်ဖြစ်နေသော မြောက်ကိုရီးယားနှင့် မြန်မာစစ်အစိုးရတို့ အနီးကပ် ပူးပေါင်း ဆောင်ရွက်မှုများ ပြုလုပ်နေခြင်းအပေါ် လုံးလုံးလျားလျား သဘော မတွေ့ပေ။

မြန်မာ နျူကလီယာ အစီအစဉ်နှင့် ပတ်သက်၍ သိထားသမျှ အားလုံးကို ဒီမိုကရက်တစ် မြန်မာ့အသံ (DVB) သို့ ဖော်သည်ချခဲ့သူ ပြည်ပြေး ဗိုလ်မှူး စိုင်းသိန်းဝင်း ကဲ့သို့သော အခြား တပ်မတော် အရာရှိများလည်း အခွင့်အရေး ရပါက ပြည်ပသို့ ထွက်ပြေးကာ သူတို့ သိထားသမျှ လျှို့ဝှက်ကိစ္စ အားလုံးကို ဖွင့်ပြရန် ကြံစည်ကောင်း ကြံစည် နေနိုင်သည်။

မြန်မာနိုင်ငံတွင် ပြည်သူ့ ကျန်းမာရေးနှင့် ပညာရေး အစရှိသော အခန်းကဏ္ဍများအတွက် ရန်ပုံငွေပေါင်း မြောက်မြားစွာ အလွန်အမင်း လိုအပ်နေသည့်တိုင် စစ်အစိုးရက ယင်းသို့ နျူကလီယာ နည်းပညာ၊ ဒုံးကျည် ထုတ်လုပ်မှု အစရှိသည်တို့တွင် ငွေကြေး မြောက်မြားစွာ အကုန်အကျ ခံနေသည့် ကိစ္စမှာ ဖြုန်းတီးမှုတစ်ခုသာ ဖြစ်ပါလိမ့်မည်။

လာမည့် အောက်တိုဘာလတွင် ကျင်းပကောင်း ကျင်းပနိုင်သည် ဟူသော ရွေးကောက်ပွဲက မြန်မာနိုင်ငံအတွက် မည်သို့သော မျှော်လင့်ချက်များကို ပေးနိုင်ပါမည်နည်း။

Asia Times Online တွင် Bertil Litner က စစ်အစိုးရ နံပါတ်- ၁ ခေါင်းဆောင်ကြီး ဗိုလ်ချုပ်မှူးကြီး သန်းရွှေ အတ္ထုပတ္တိကို ရီဗျူးလုပ်ရာ၌ ယခုလို ဆိုသည်။

"မမြင် မသိနိုင်သော မျိုးဆက်သစ် လူငယ်များနှင့် တပ်မတော်အတွင်းမှ လစ်ဘရယ် သဘောထား ရှိသည်ဟု ယူဆရသော မျိုးဆက်သစ်များက မြန်မာနိုင်ငံကို ဒီမိုကရေစီ လမ်းကြောင်းပေါ်သို့ ရောက်အောင် တွန်းပို့သွားလိမ့်မည်" ဟု မျိုးဆက်သစ် ပညာရှင်များက ယနေ့အချိန် အထိ ယုံကြည်လျက်ပင် ရှိသည်။ မြန်မာပညာရှင် မျိုးဆက်သစ်များက ဖြစ်နိုင်ခြေ ရှိသည်များကို မည်သို့ပင် ပြောဆိုနေသော်ငြား မြန်မာစစ်အစိုးရနှင့် ပတ်သက်၍ နိုင်ငံခြား ပညာရှင်များ၏ သုံးသပ်မှုများသည် ယနေ့အချိန်အထိ လွဲမှားမှု မရှိသေးပေ။ မြန်မာ စစ်အစိုးရ ခေါင်းဆောင်ကြီး ဗိုလ်ချုပ်မှူးကြီး သန်းရွှေအကြောင်း ရေးသားခဲ့သည့် Benedict Rogers ၏ 'သန်းရွှေ သို့မဟုတ် မြန်မာ စစ်အာဏာရှင် တစ်ဦး၏ မျက်နှာဖုံးကို ဆွဲချွတ်ကြည့်ခြင်း' ဟူသော စာအုပ်တွင် စာရေးသူက မြန်မာနိုင်ငံတွင် ဗိုလ်ချုပ်မှူးကြီး ရာသက်ပန် အငြိမ်းစား ယူသွားသည့်တိုင် စစ်တပ်အနေဖြင့် နိုင်ငံရေး အာဏာကို စွန့်လွှတ်လိုသည့် ဆန္ဒမျိုး လုံးဝမရှိပေ ဟု ရေးသားသည်။

အမေရိကန် သတင်းစာ ဆရာတစ်ဦးနှင့် စင်ကာပူ ဝန်ကြီးချုပ် လီရှန်လွန်းတို့ ပြုလုပ်သော အင်တာဗျူးတွင် မစ္စတာလီရှန်လွန်းက မြန်မာ စစ်ဗိုလ်ချုပ်ကြီးများသည် အာဏာကို အလွယ်တကူဖြင့် စွန့်လွှတ်မည် မဟုတ်ဟု ဟောကိန်း ထုတ်သည်။

"တကယ်လို့ သူတို့ (လက်ရှိ အုပ်ချုပ်နေသည့် စစ်ခေါင်းဆောင်ကြီးများ) မရှိတော့ရင်တောင်မှ မြန်မာနိုင်ငံနဲ့ အစိုးရမှာ အပြောင်းအလဲ ဖြစ်သွားတယ်လို့ ပြောလို့ မရပါဘူး။ ဘာဖြစ်လို့လဲဆိုတော့ သူတို့မှာ စိုးရိမ်ပူပန်စရာတွေ ရှိနေလို့ပါပဲ။ သူတို့အနေနဲ့ ငါအာဏာ မရှိတော့ရင် ဘယ်ကို သွားရမှာလဲ။ ဘယ်ထောင်မှာ အဖမ်းခံရမှာလဲ။ ငါ့ရဲ့ သားသမီးတွေ၊ ငါ့ပိုင်ဆိုင်တဲ့ ကျောက်မျက် ရတနာတွေနဲ့ ဒေါ်လာတွေ ဘယ်လိုဖြစ်မလဲ စတာတွေ အတွက် ပူပန်ကြမှာပဲ" ဟု ပြောသည်။

ယခုအတိုင်းဆိုလျှင် ဗိုလ်ချုပ်မှူးကြီးသန်းရွှေ အမှန်တကယ် စိုးရိမ် ပူပန်နေသည့် ကိစ္စမှာ သစ္စာခံမည့် အောက်လက် ငယ်သား တပ်မတော် အရာရှိများ ရရှိရေးပင် ဖြစ်နိုင်ခြေ ရှိသည်။ အထူးသဖြင့် မြန်မာနိုင်ငံရေး အပြောင်းအလဲတွင် ထိပ်ပိုင်းနေရာသို့ တက်ရောက်လာမည့် သူများ၊ ပါလီမန် သို့မဟုတ် စစ်တပ်တွင် ထိပ်ပိုင်းအဆင့်သို့ ရောက်လာမည့်သူများ မိမိအပေါ် သစ္စာရှိမည့် ကိစ္စကို ဗိုလ်ချုပ်မှူးကြီး စိုးရိမ်နေခြင်း ဖြစ်နိုင်သည်။ သို့အတွက်ကြောင့် သူ့အနေဖြင့် ရွေးကောက်ပွဲ နောက်ပိုင်း ထွက်ပေါ်လာမည့် အစိုးရ အဖွဲ့သစ်နှင့် တပ်မတော်တွင် မိမိကို သစ္စာရှိသော စစ်ဗိုလ်များ မလွဲမသွေ နေရာရရှိရန် လုပ်ကိုင်ရမည် ဖြစ်သည်။ သို့မှသာ သူ၏ မိသားစုနှင့် အနာဂတ် လုံခြုံ စိတ်ချရမည် ဖြစ်သည်။

"မြန်မာနိုင်ငံတွင် ယခုနှစ်၊ ရှေ့နှစ်အတွင်း ရွေးကောက်ပွဲ ကျင်းပသည် ဖြစ်စေ၊ မကျင်းပသည် ဖြစ်စေ ဗိုလ်ချုပ်မှူးကြီး သန်းရွှေ အစီအစဉ် ဆွဲထားသည်များကို ကြည့်လျှင် တပ်မတော်သည် အနာဂတ် ကာလ၌ အာဏာ ဆက်လက် တည်မြဲရန် အရှိန်မြှင့်ထားနှင့်ပြီး ဖြစ်သည် ဟူသော အချက်ကို တွေ့မြင်ရပေလိမ့်မည်" ဟု Bertil Lintner က အဆုံးသတ် ရေးသားသည်။

Foreign Policy မှ ဆောင်းပါးကို ဆီလျော်အောင် ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

မြန်မာ့ တပ်မတော်(လေ) မှ စီနီယာ အရာရှိကြီး တစ်ဦး၏ သမီးဖြစ်သူအား သြစတြေးလျ အစိုးရက ပြည်နှင်ဒဏ်ပေးမည် ဖြစ်ကြောင်း သတင်း ရရှိသည်။ သြစတြေးလျ နိုင်ငံ၊ ကင်ဘာရာမြို့တွင် နေထိုင်သူ မဇင်မွန်အေး (Western Sydney တက္ကသိုလ်မှ စာရင်းကိုင် ကျောင်းသူ) သည် သြစတြေးလျတွင် ဆက်လက် နေထိုင်ရန်အတွက် အသနားခံ လျှောက်ထားခဲ့သော်လည်း အစိုးရက ပယ်ချခဲ့ကြောင်း၊ သို့အတွက်ကြောင့် မဇင်မွန်အေး အနေဖြင့် မြန်မာနိုင်ငံသို့ ရက်အနည်းငယ်အတွင်း ပြန်ရဖွယ် ရှိကြောင်း The Australian သတင်းစာက ရေးသားသည်။

မြန်မာစစ်တပ် တပ်မတော်(လေ)၊ မင်္ဂလာဒုံ လေတပ် အခြေစိုက်စခန်း တပ်ရင်းမှူး ဗိုလ်မှူးချုပ်ဇင်ယော်၏ သမီးဖြစ်သူ မဇင်မွန်အေးအား သြစတြေးလျတွင် နေထိုင်ခွင့် ပေးခြင်းသည် မြန်မာနိုင်ငံအပေါ် ပိတ်ဆို့အရေးယူမှု မူဝါဒကို ချိုးဖောက်ရာ ရောက်သည်ဟု ဆိုသည်။ သြစတြေးလျသည် မြန်မာစစ်အစိုးရနှင့် နီးစပ်သော သူများအဖြစ် ယူဆရသူများအပေါ် ပိတ်ဆို့ အရေးယူသည့် နိုင်ငံတစ်ခု ဖြစ်သည်။

 သြစတြေးလျ နိုင်ငံခြားရေး ဝန်ကြီး Stephen Smith သည် လွန်ခဲ့သည့် ၂၀၀၈ ခုနှစ်တွင် မြန်မာ စစ်အစိုးရနှင့် နီးစပ်သူများအပေါ် ပိတ်ဆို့ အရေးယူမှုကို စတင် လုပ်ကိုင်ခဲ့ရာ မဇင်မွန်အေးသည် ပထမဆုံး ပစ်မှတ် ဖြစ်ခဲ့သည်။ မဇင်မွန်အေးသည် ထိုအချိန်မှ စ၍ သြစတြေးလျ အစိုးရထံသို့ အသနားခံစာပေါင်း များစွာ ပေးပို့ လျှောက်ထားခဲ့သည်။ မိမိနှင့် မိမိဖခင် ဖြစ်သူအကြား ငွေရေးကြေးရေး ချိတ်ဆက်မှု မရှိပါကြောင်း၊ ဖခင်ဖြစ်သူနှင့် အနေဝေးကွာ နေသည်မှာလည်း အချိန် ကြာမြင့်နေပြီ ဖြစ်ကြောင်း သြစတြေးလျ အစိုးရထံသို့ လျှောက်ထား ပြောဆိုခဲ့ကြောင်း သတင်းစာက ဆိုသည်။

Burma Campaign Australia (BCA) မှ ပြောရေးဆိုခွင့် ရှိသူ Zetty Brake က အဆိုပါ အသနားခံစာကို မဇင်မွန်အေး ကိုယ်တိုင် လျှောက်ထားခဲ့သည် သို့မဟုတ် သူမ၏ ရှေ့နေဖြစ်သူက လျှောက်ထားခဲ့သည် ဟူသော အချက်ကို အတိအကျ မသိရှိရသေးကြောင်း ပြောဆိုသည်။

"ဘယ်လိုပဲဖြစ်ဖြစ် ပိတ်ဆို့ အရေးယူရမယ့် သူတွေရဲ့ စာရင်းက ရှင်းရှင်းလင်းလင်း ဖြစ်နေတယ်။ အားလုံးကို ရောထွေးပြီး ချမှတ်ထားတာ မဟုတ်ဘူး။ ပိတ်ဆို့ အရေးယူရမယ့် ပုဂ္ဂိုလ်၊ ရာထူး၊ အဆင့် စတာတွေနဲ့ အတိအကျ ဖော်ပြထားတာပါ။ ပြည်သူတွေကို ဖိနှိပ် ချုပ်ခြယ်လွန်းတဲ့ စစ်အစိုးရနဲ့ ပူးပေါင်းပြီး အကျိုးအမြတ် ထွက်နေတဲ့ သူတွေ ပိတ်ဆို့အရေးယူမှာ ဖြစ်ပါတယ်။ အခု မဇင်မွန်အေးရဲ့ အမှုက လုံးဝကို မျှမျှတတ ရှိပါတယ်။ ဘာဖြစ်လို့လဲ ဆိုတော့ သူတို့ဟာ ပိတ်ဆို့ အရေးယူဖို့ အဓိက ပစ်မှတ်ထားခံထားရတဲ့ သူတွေ စာရင်းထဲမှာ ပါနေလို့ပါ" ဟု မစ္စ Zetty Brake က ပြောပြသည်။

သြစတြေးလျ နိုင်ငံသည် မြန်မာနိုင်ငံအပေါ် ပိတ်ဆို့ အရေးယူသည့် နိုင်ငံများတွင် ပါဝင်သော်လည်း မြန်မာအပေါ် ကုန်သွယ်ရေး ပိတ်ဆို့ အရေးယူမှုများကို လုံလုံလောက်လောက် ပြုလုပ်ခြင်း မရှိသောကြောင့် များစွာ ပြစ်တင် ဝေဖန်ခံထားရသည်။ ယခုနှစ် ဧပြီလအတွင်း သြစတြေးလျ-မြန်မာ နှစ်နိုင်ငံ အကြား အပြန်အလှန် ကုန်သွယ်မှုမှာ ၂၀၀၉ ခုနှစ် အစောပိုင်း ကာလကထက် သုံးဆမျှ မြင့်တက်လာကြောင်း BCA က ဆိုသည်။ သြစတြေးလျ ကုမ္ပဏီ ဖြစ်သော Twinza Oil မှာ မြန်မာနိုင်ငံတွင် ယနေ့အချိန် အထိ လုပ်ကိုင်လျက် ရှိသောကြောင့် ယင်းသို့ မြင့်တက်ခဲ့ခြင်း ဖြစ်သည်ဟု ဆိုသည်။

ပြီးခဲ့သည့် ၂၀၀၆ခုနှစ်၊ နိုဝင်ဘာလတွင် Dandford Equities Corporation က မြန်မာနိုင်ငံတွင်း စွမ်းအင်တူးဖော်ရေး လုပ်ငန်းများ လုပ်ကိုင်ရန် မြန်မာ့ရေနံနှင့် သဘာဝ ဓာတ်ငွေ့လုပ်ငန်း (MOGE) နှင့် ကန်ထရိုက်စာချုပ် ချုပ်ဆိုခဲ့သည်။ BCA ၏အဆိုအရ ယင်းသဘော တူညီမှုကြောင့် မြန်မာ စစ်အစိုးရ အနေဖြင့် အမေရိကန်ဒေါ်လာ ၂ ဒဿမ ၅ ဘီလီယံခန့် အသားတင် အမြတ်အစွန်း ရရှိခဲ့သည်။

သို့သော် နိုင်ငံရေး ဆော်သြသူများ အနေဖြင့် အောက်တိုဘာလ အစောပိုင်း ကာလတွင် အောင်မြင်မှု ရရှိခဲ့သည်။ ယင်းမှာ သြစတြေးလျ အထည်ချုပ် လုပ်ငန်း တစ်ခု ဖြစ်သော Speciality Fashion Group(SFG) ကမြန်မာနိုင်ငံမှ ထွက်ကုန်များကို ဝယ်ယူမှု ရပ်ဆိုင်းလိုက်ကြောင်း ကြေညာခဲ့ခြင်းပင် ဖြစ်သည်။

"ဘယ်လိုပဲဖြစ်ဖြစ် သြစတြေးလျ အစိုးရ အနေနဲ့ မြန်မာ စစ်အစိုးရအပေါ်မှာ ပိုမိုပြင်းထန်တဲ့ ပိတ်ဆို့ အရေးယူမှုတွေ လုပ်ဆောင်ဖို့ ကျန်နေပါသေးတယ်။ အထူးသဖြင့် မြန်မာ အခြေခံ ပြည်သူလူထုကို ထိခိုက်စေနိုင်တယ့် ရေနံနဲ့ သဘာဝဓာတ်ငွေ့ တူးဖော်ရေး လုပ်ငန်းတွေ အပေါ် ပစ်မှတ်ထားဖို့ ဖြစ်ပါတယ်" ဟု Zetty Brake က ဆိုသည်။

DVB သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

အမေရိကန် စစ်တပ်မှ ကြယ်လေးပွင့် အဆင့်ရှိ ဗိုလ်ချုပ်ကြီး Stanley McChrystal အငြိမ်းစားယူမည့် ကိစ္စကို ပင်တဂွန်အနေဖြင့် ခွင့်ပြုပေးရန် သမ္မတ ဘားရက်အိုဘားမားက သဘောတူ လက်ခံလိုက်ပြီ ဖြစ်ကြောင်း အိမ်ဖြူတော် ပြောရေးဆိုခွင့်ရှိသူ Robert Gibbs က ပြောကြားသည်။

ဗိုလ်ချုပ်ကြီး Stanley McChrystal အနေဖြင့် သူ၏ ကြယ်လေးပွင့်အဆင့် ဗိုလ်ချုပ်ကြီး ရာထူး သတ်မှတ်ချက်အရ အငြိမ်းစားယူရန် အချိန်အနည်းငယ် လိုအပ်နေသေးသော်လည်း သမ္မတ အိုဘားမားက ခွင့်ပြုမည်ဖြစ်ကြောင်း Robert Gibbs က ပြောသည်။

"အမေရိကန် သမ္မတအိုဘားမားနဲ့ ကာကွယ်ရေးဝန်ကြီး ရောဘတ်ဂိတ်စ်တို့ နှစ်ယောက် အဲဒီကိစ္စကို ဆွေးနွေးပြီးပါပြီ။ ဗိုလ်ချုပ်ကြီး Stanley လို နိုင်ငံ့တာဝန်ကို ထမ်းဆောင်ခဲ့တဲ့ ဗိုလ်ချုပ်ကြီးတွေ ကြယ်လေးပွင့်အဆင့်မှာ အငြိမ်းစား ယူခွင့်ရတော့မှာပါ" ဟု Robert Gibbs က သတင်းထောက်များကို ပြောကြားသည်။

ဗိုလ်ချုပ်ကြီး Stanley McChrystal သည် အာဖဂန်နစ္စတန်တွင် အမေရိကန် တပ်ရင်းမှူးအဖြစ် တာဝန် ထမ်းဆောင်စဉ် ရာထူးမှ အငြိမ်းစားယူလိုက်ခြင်း ဖြစ်သည်။ ဗိုလ်ချုပ်ကြီးနှင့် သူ၏ စစ်ဘက် ဝန်ထမ်းများ အမေရိကန်အစိုးရ အုပ်ချုပ်ရေးအဖွဲ့မှ အခရာကျသော ပုဂ္ဂိုလ်များကို ပြစ်တင် ဝေဖန် ပြောဆိုချက်များအား Rolling Stone မဂ္ဂဇင်းက ကိုးကား ဖော်ပြခဲ့ပြီးနောက် အငြိမ်းစားယူမည်ဟု ၎င်းက ကြေညာခဲ့သည်။

ပင်တဂွန်မှ စီနီယာ အရာရှိကြီး တစ်ဦးက ဗိုလ်ချုပ်ကြီး Stanley အနေဖြင့် အငြိမ်းစား ယူရာတွင် ရရှိမည့် အကျိုးခံစားခွင့်များ အပြည့်အဝ ရရှိရေးအတွက် သုံးနှစ်တာမျှ တာဝန် ထမ်းဆောင်ရန် လိုအပ်သော်လည်း ၎င်းသည် နှစ်ကာလ ကြာရှည်စွာ ဂုဏ်ပြုထိုက်သော တာဝန် ထမ်းဆောင်မှုများ ပြုလုပ်ခဲ့ခြင်းကြောင့် သမ္မတ အိုဘားမားက အငြိမ်းစားယူ အကျိုးခံစားခွင့်များ အပြည့်အဝ ပေးရန် သဘောတူ ခွင့်ပြုခဲ့ကြောင်း CNN သို့ ပြောကြားသည်။

ဗိုလ်ချုပ်ကြီး Stanley သည် ၂၀၀၉ ခုနှစ်တွင် ကြယ်လေးပွင့်အဆင့်သို့ ရာထူး တိုးမြှင့်ခံရပြီး အာဖဂန်နစ္စတန်တွင် အမေရိကန် တပ်ရင်းမှူးအဖြစ် တာဝန် ပေးအပ်ခြင်း ခံခဲ့ရသည်။

CNN သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Nation, 30th June 2010

(ရှမ်းပြည် ပြန်လည်ထူထောင်ရေး ကောင်စီ ဥက္ကဋ္ဌ ရှမ်းပြည်တောင်ပိုင်း တပ်မတော် စစ်ဦးချုပ် ဒုတိယ ဗိုလ်ချုပ်ကြီး ရွက်ဆစ် ရေးသားသော ဆောင်းပါး)

မြန်မာ စစ်ဖက်အစိုးရ အပေါ် တိုင်းရင်းသား တော်လှန်ရေး အုပ်စုများ၏ နှစ်ပေါင်း ၅၀ကျော်ကြာ လက်နက်ကိုင် တော်လှန်မှုမှာ အောင်မြင်မှု မရရှိခဲ့ပါ။ ယခုကဲ့သို့ ကျဆုံးရခြင်း၏ အကြောင်းရင်းများကို စိစစ်ရာတွင် မိမိတို့၏ အားနည်းချက်များကို ထုတ်ဖော် သုံးသပ်ရန် လိုအပ်သည်။

ပထမအချက်မှာ မိမိတို့၏ နိုင်ငံ ချစ်စိတ်သည် တစ်ဦးချင်း၏ အနေအထားနှင့် နေရာပေါ်တွင် အဓိက မှီခိုနေခြင်းပင် ဖြစ်သည်။ ထို့ကြောင့်ပင် မိမိတို့ ပန်းတိုင်ကို ရောက်ရှိစေမည့် ခိုင်မာသော စည်းလုံး ညီညွတ်မှုကို မရရှိခဲ့ကြပါ။

ဒုတိယ အချက်မှာ နိုင်ငံရေး အပိုင်း ဖြစ်ပြီး အချို့က ဖက်ဒရယ်ပြည်ထောင်စု၊ အချို့က လုံးဝ လွတ်လပ်ရေး စသဖြင့် ကွဲပြား ခြားနားသော မူဝါဒ ရည်မှန်းချက် အမျိုးမျိုးကို ချမှတ်ခဲ့ကြခြင်း ဖြစ်သည်။ ယင်းကဲ့သို့ နိုင်ငံရေး အယူအဆများ ကွဲပြားမှုကြောင့်ပင် မိမိတို့ တစ်ပွဲပြီး တစ်ပွဲ စစ်တိုက်နေကြခြင်း ဖြစ်သည်။ နိုင်ငံရေး ဗဟုသုတချို့တဲ့သူများနှင့် ပညာမတတ်သူများက စစ်ပွဲများကို မီးထိုးပေးနေကြခြင်း ဖြစ်ပြီး အများစုမှာ အလွယ်တကူ ကြိုးကိုင် ခြယ်လှယ် ခံနေရသည့် သဘော သက်ရောက်နေသည်။

အခြားတဖက်တွင်လည်း ပညာတတ် ပညာရှင်များမှာ ခက်ခဲသော ရုန်းကန်မှုကို ရင်ဆိုင်ရန် မလိုလားကြဘဲ ၎င်းတို့နေအိမ် အမိုးအောက်မှနေ၍ သင်ခန်းစာ ဥပဒေသများ ပေးခြင်းလောက်ကိုသာ ပြုလုပ်နေကြပါသည်။ ဘဝကို စွန့်လွှတ်၍ အပြင်သို့ထွက်ကာ ပြည်သူတို့အတွက် အလုပ်လုပ်သူ ပညာတတ်များမှာ အနည်းငယ်သာ ရှိသည်။

ထို့အပြင် တော်လှန်ရေးနှင့် ပတ်သက်နေသော လူအများစုမှာ မိတ်ဆွေနှင့် ရန်သူကို မည်သို့ ခွဲခြားရမည်ကိုပင် မသိကြပါ။ သဘောမတူမှု၊ ကန့်ကွက်မှုတို့နှင့် ရင်ဆိုင်ရသည့်အခါ၊ ၎င်းတို့သည် အဖွဲ့ငယ်လေးများ ကွဲထွက်သွားကာ ရန်သူထံ အညံ့ခံသွားကြသည်။ ထိုအခါ ၎င်းတို့သည် တော်လှန်ရေး အုပ်စုများ၏ အားနည်းချက်များကို ရန်သူထံ ဖောက်သည်ချသည့် သတင်းပေးများ ဖြစ်လာကြသည်။ တကယ့်ရန်သူ အစစ်ကို ၎င်းတို့ မေ့သွားကြခြင်း ဖြစ်သည်။

သဘောထား ကွဲလွဲမှုနှင့် အငြင်းပွားမှုသည် ပြည်တွင်းရေးရာ၏ သဘာဝ ဖြစ်စဉ်တစ်ခုသာ ဖြစ်သည်။ သို့ရာတွင် ဘယ်နှစ်ကြိမ်ပင် သဘောကွဲလွဲပါစေ၊ အငြင်းပွားမှု မည်မျှပင်ကြီးပါစေ၊ မိမိတို့အနေဖြင့် အုပ်စု ကွဲမသွားသင့်ပါ။ ထိုအခါမျိုးတွင် မျက်နှာချင်းဆိုင်ကာ၊ စေ့စပ်ညှိနှိုင်းကာ၊ အလျှော့ပေး လိုက်လျောကာ ရန်သူကို အနိုင်ယူနိုင်မည့် နည်းလမ်းကို ရှာဖွေသင့်သည်။ ဆိုလိုသည်မှာ ပိုမို၍ သတိထားကြရန်နှင့် စည်းလုံးခြင်း၏ အားကို ထိန်းသိမ်းကြရန် ဖြစ်ပါသည်။

အတိတ်ကာလ တစ်လျှောက် မိမိတို့သည် စိတ်ရင်း ဆန္ဒမပါဘဲ အပေါ်ယံ စကားလုံးများဖြင့် မဟာမိတ် ဖွဲ့ခဲ့ကြသည်။ ဤသည်မှာ လူအများ၏ အကျိုးစီးပွားကို ကျော်၍ လူတစ်ဦးခြင်း၊ အဖွဲ့အစည်း တစ်ခုခြင်း၏ အကျိုးစီးပွားကို ဦးစားပေးခဲ့ကြခြင်းပင် ဖြစ်ပါသည်။ အဖွဲ့တစ်ခုကို ရန်သူက တိုက်ခိုက်လာသည့် အချိန်တွင် ၎င်း၏ မဟာမိတ်များက ကူညီရန် ပျက်ကွက်ခဲ့ကြခြင်းမှာ ၎င်းတို့ တိုက်ရိုက် တိုက်ခိုက်ခံရခြင်း မဟုတ်သောကြောင့် ဖြစ်သည်။ သို့ရာတွင် အကယ်၍သာ ပထမအုပ်စုကို ရန်သူက အနိုင်ရသွားပါက ၎င်း၏ မဟာမိတ်များမှာ ဒုတိယ ပစ်မှတ်ဖြစ်လာလိမ့်မည်။ သို့ဖြစ်ရာ မဟာမိတ်တို့၏ ကဏ္ဍဆိုသည်မှာ တစ်ဦးကို တစ်ဦး ကူညီကာ ရန်သူကို နှိမ်နှင်းရန် ဖြစ်သည်ဟူသော အချက်ကို မီးမောင်းထိုးပြနေသည်။

တတိယ အချက်မှာ အမျိုးသား အကျိုးစီးပွားကို မဆောင်ကြဉ်းနိုင်မှီ တစ်ဦးခြင်း အတ္တကို ရှေ့တန်းတင်နေခြင်းကြောင့် စည်းလုံးညီညွတ်သော အုပ်စု မဖွဲ့နိုင်ခဲ့ခြင်းပင် ဖြစ်သည်။ စုဝေးလိုက်ပြီဆိုလျှင် အမြဲတမ်း သဘောထား ကွဲလွဲခဲ့ကြသည်။ နယ်မြေပိုင်နက် ထိန်းချုပ်ရေးနှင့် ပတ်သက်ပြီး အုပ်စုများ အကြား မကြာခဏ တိုက်ခိုက်ခဲ့ကြသော်လည်း ပြည်သူတို့ကို ကာကွယ်ရန် (သို့) တိုင်းပြည် ပြန်လည် ထူထောင်ရန် ပျက်ကွက်ခဲ့ကြသည်။

မိမိတို့သည် စည်းလုံးမှုကို အားနည်းစေသည့် ကိုယ်ကျိုးစီးပွားနှင့် အငြင်းပွားမှုများကြောင့် ဝါးအစည်းပြေကာ ရန်သူကို အနိုင်မယူနိုင်ခဲ့ခြင်း ဖြစ်သည်။ လက်နက်ကိုင် တော်လှန်ရေး  အုပ်စုများ၏ ပျက်စီးမှု အတွက် တာဝန်ရှိသူမှာ ပြည်ပမှ ရန်သူ သာမကပဲ အတွင်းရန်သူကြောင့်လည်း ပါဝင်သည်။ တန်ဖိုးကြီးကြီး ပေးဆပ် ရရှိခဲ့သော သင်ခန်းစာမှာ အလွန်ရှင်းလင်းပါသည်။ မိမိတို့သည် ပြန်လည်ပေါင်းစည်းရေးကို ရည်ရွယ်လုပ်ဆောင်ရမည် ဖြစ်ကာ မှန်ကန်သော မူဝါဒများဖြင့် ခိုင်မာသော စည်းလုံးမှုကို တည်ဆောက်ကြရလိမ့်မည် ဖြစ်သည်။

သို့မဟုတ်ပါက အောင်မြင်မှုသို့ ချီတက်ရာ လမ်းကြောင်းပေါ်တွင် အတားအဆီး၊ အခက်အခဲများစွာ ကြုံတွေ့ရပါလိမ့်မည်။

စတုတ္ထအချက်မှာ အကယ်၍သာ မိမိတို့၏ တော်လှန်ရေးကို ဗီယက်နမ် ခေါင်းဆောင်ကြီး ဟိုချီမင်းနှင့် နှိုင်းယှဉ်မည် ဆိုပါက မိမိတို့၏ ကြိုးပမ်းမှုများမှာ သူ့အတွက် ပြိုင်ဘက် မဖြစ်နိုင်ခြင်းပင် ဖြစ်သည်။ မိမိတို့တွင် လုပ်ရည်ကိုင်ရည်ရှိသော နိုင်ငံရေးနှင့် စစ်ရေးခေါင်းဆောင်များ အပါအဝင် ပညာတတ် ပြည်သူများ လိုအပ်နေပါသည်။ မိမိတို့ ပြည်သူများတွင်လည်း ဖွံ့ဖြိုးနိုင်သည့် စွမ်းရည်ပြည့်ဝရန် လိုအပ်နေသည်။

ရှမ်းနိုင်ငံရေး ပါတီများမှာလည်း အားမကိုးရပါ၊ နိုင်ငံရေးသမား အများစုမှာ ရန်သူ၏ ခြိမ်းခြောက်မှုများကြောင့် အိမ်မှပင် မထွက်ရဲကြပါ။ မြန်မာအစိုးရ၏ ဖိအားပေးခြိမ်းခြောက်မှုများက ၎င်းတို့အား လက်နက်ကိုင် အဖွဲ့များ ကဲ့သို့ အလားတူ မူဝါဒများ ထုတ်ပြန်ခြင်းကို တားဆီးထားပါသည်။

အကယ်၍သာ မိမိတို့သည် ကိုယ်ပိုင် ဆုံးဖြတ်ပိုင်ခွင့်ဆိုင်ရာ နိုင်ငံရေး အယူအဆကိုလက်ခံကာ မြန်မာအစိုးရကို ဆန့်ကျင်ရန် စည်းလုံးညီညွတ်မည် ဆိုပါက နိုင်ငံရေး မဟာဗျူဟာများ ချမှတ်ရန် ခက်ခဲတော့မည် မဟုတ်ပါ။ သို့သော်လည်း ဖက်ဒရယ် ပြည်ထောင်စု၏ အစိတ်အပိုင်းဖြစ်လိုသော တိုင်းရင်းသားလက်နက်ကိုင် အုပ်စုများက လုံးဝလွတ်လပ်ရေး အတွက် တိုက်ပွဲဝင်နေသူများနှင့် သဘောတူနိုင်ကြမည် မဟုတ်ပါ။ နောက်ဆုံးရလဒ်မှာ ညီညွတ်မှု တည်ဆောက်ရာတွင် နှောင့်နှေး ကြန့်ကြာနေခြင်းပင် ဖြစ်သည်။ အကယ်၍သာ ရှေးယခင်က ကဲ့သို့ ရှမ်းပြည်နယ်အတွင်း တိုင်းရင်းသား လူမျိုးစုများ ငြိမ်းချမ်းစွာ အတူတကွ နေထိုင်ရေး " မူ '' ကို ဝ၊ ပလောင်၊ ပအို့နှင့် လားဟူ တိုင်းရင်းသား အုပ်စုများက လက်ခံနိုင်ကြမည် ဆိုလျှင် ရှမ်းဖက်ဒရယ် ပြည်နယ်သစ်မှာ အလှမ်းမဝေးတော့ပါ၊ မိမိတို့သည် အခက်အခဲများကို ကျော်လွှားကာ ပွင့်လင်းသော ဆွေးနွေးပွဲများ ကျင်းပ၍ တိုင်းရင်းသား အုပ်စုများ၏ အခွင့်အရေးများကို အာမခံနိုင်ပါလိမ့်မည်။

ပဉ္စမအချက်အနေဖြင့် လက်နက်ကိုင် အုပ်စုများသည် တပ်မတော်နှင့် အပစ်အခတ်ရပ်စဲရေး စတင် သဘောတူခဲ့ချိန်တွင် နိုင်ငံရေး နယ်ပယ် ဆုံးရှုံးသွားခဲ့ကြခြင်းပင် ဖြစ်သည်။ မြန်မာအစိုးရသည် ယခုအချိန်တွင် ၎င်းတို့၏ စေ့စပ်ဆွေးနွေးရာ၌ အပေါ်စီး ရရှိသွားပြီ ဖြစ်သည်။

အပစ်ရပ် အုပ်စုများက ၎င်းတို့အနေဖြင့် အစိုးရနှင့် နိုင်ငံရေး အကြောင်းအရာကို ဆွေးနွေးပြောဆိုနိုင်လိမ့်မည်ဟု မှားယွင်းစွာ ယုံကြည်ခဲ့ကြပါသည်။ တချိန်ထဲတွင် လူသူ စုဆောင်းခြင်း၊ ရန်ပုံငွေရှာဖွေခြင်း၊ လက်နက် သိုလှောင်ခြင်း တို့ကို လုပ်နိုင်လိမ့်မည်ဟု ယူဆခဲ့ကြသည်။ လုံးဝမှားယွင်းသည်။ အပစ်ရပ် အဖွဲ့များ၏ နိုင်ငံရေးနှင့် စစ်ရေး ရည်မှန်းချက်များ မအောင်မြင်စေရန် မြန်မာအစိုးရက တားဆီးကာာ အလွန်လှပသော ဂိမ်းကိုလိမ္မာ ပါးနပ်စွာ ကစားသွားခဲ့သည်။

မြန်မာအစိုးရက အကြောင်းရင်း နှစ်ချက် အတွက် အပစ်ရပ် ဆွေးနွေးပွဲများကို ကမ်းလှမ်းခဲ့ခြင်းဖြစ်သည်။

(၁)     နိုင်ငံရေး လှုပ်ရှားမှု အတွင်းသို့ ဒေါ်အောင်ဆန်းစုကြည် ပိုမိုတက်ကြွ ပါဝင် ပတ်သက်လာပြီးနောက် မြန်မာနိုင်ငံတွက် ပြည်တွင်းနိုင်ငံရေး အကျပ်အတည်း ပိုမိုပြင်းထန်လာသည်။ အစိုးရအနေဖြင့် ၎င်း၏ပြည်တွင်းရေး ပြဿနာကို ပထမဦးစွာ ဖြေရှင်းရန် လိုအပ်ခဲ့သည်။

(၂)     ၁၉၈၉ ခုနှစ်တွင် သခင် ဗသိန်းတင် ခေါင်းဆောင်သော ဗမာပြည် ကွန်မြူနစ် ပါတီ လက်အောက်မှ တိုင်းရင်းသား လက်နက်ကိုင် အုပ်စုများစွာ ပုန်ကန် ခွဲထွက်ခဲ့ကြသည်။ ထိုအခြေအနေတွင် တစ်ခုထဲသော အတိုက်အခံ တပ်ဖွဲ့ အဖြစ် တိုင်းရင်းသား အုပ်စုများ ပူးပေါင်း ဖွဲ့စည်းမည်ကို အစိုးရက ကြောက်ရွံ့သောကြောင့် အပြန်အလှန် လိုက်လျောမှုများ ပြုလုပ်ကာ အပစ်အခတ်ရပ်စဲရေးကို ကမ်းလှမ်းခဲ့ခြင်း ဖြစ်သည်။ ထို့အပြင် ဒေါ်အောင်ဆန်းစုကြည် ဦးဆောင်သော NLD ပါတီနှင့် တိုင်းရင်းသား အုပ်စုများ မဟာမိတ်ဖွဲ့ ပူးပေါင်းသွားနိုင်ခြင်းကို တားဆီးရန် အစိုးရက အသည်းအသန် ကြိုးပမ်းခဲ့ခြင်း ဖြစ်သည်။

မြန်မာအစိုးရ ကျင့်သုံးလေ့ရှိသော နည်းဗျူဟာ၏ သွင်ပြင်လက္ခဏာကို " သူအားနည်းနေတဲ့ အချိန်မှာ မင်းကို ဒူးထောက်ပြီး အသနားခံလိမ့်မယ်၊ ဒါပေမဲ့ သူအားကောင်းလာပြီဆိုရင် မင်းရဲ့ တောင်းဆိုမှုကို လျစ်လျူရှုပြီး မင်းရဲ့ တောင်းပန်နေတဲ့ လက်တွေကို ဖြတ်ပစ်လိမ့်မယ်'' ဟု ပုံဖော်ပြောကြားနိုင်သည်။

လွန်ခဲ့သည့် အနှစ်၂၀ အပစ်အခတ်ရပ်စဲရေး မူဝါဒ စတင်ခဲ့ချိန်မှစ၍ နိုင်ငံရေး ပြဿနာကို နိုင်ငံရေးနည်းလမ်းများဖြင့် ဖြေရှင်းရေး ဟူသော အတွေးအခေါ် ရုပ်လုံးပေါ်လာခြင်း မရှိတော့ပါ၊ အခြားသော တော်လှန်ရေး အုပ်စုများက ၎င်းတို့၏ နိုင်ငံရေး ယုံကြည်ချက်ကို မစွန့်ပဲ အကျပ်အတည်း၌ ရုန်းကန်နေချိန်တွင် အချို့ အပစ်ရပ် အဖွဲ့များက အစိုးရထံမှ စီးပွားရေး အထူးအခွင့်အလမ်းများကို လက်ခံကာ ၎င်းတို့၏ ယုံကြည်ချက်ကို စွန့်လွှတ်ခဲ့ကြသည်။ ၎င်းတို့၏ နိုင်ငံရေး ရည်ရွယ်ချက်များ လမ်းချော်သွားမှုကြောင့် ယခုအခါ မြန်မာအစိုးရ၏ တစ်ရစ်ပြီး တစ်ရစ် ဝက်အူ တင်းလာခြင်းကို ထိရောက်မှုမရှိ်သော တစ်ရက်ခြင်း ရေလိုက်ငါးလိုက် နည်းလမ်းဖြင့် ရင်ဆိုင်တုန့်ပြန်ရသည့် အခြေအနေဖြင့် ငြိမ်းချမ်းရေးကို ထ်ိန်းသိမ်းရန်ပင် ၎င်းတို့လက်မှ အလှမ်းဝေးနေပြီ ဖြစ်သည်။

ထို့အပြင် အကယ်၍သာ အပစ်ရပ် အုပ်စုများ အနေဖြင့် ယခုနှစ် ရွေးကောက်ပွဲတွင် ပါဝင်ရန် သဘောတူခြင်း သို့မဟုတ် နယ်ခြားစောင့်တပ် ပြည်သူ့ စစ် အဖြစ် အသွင်ပြောင်းရန် သဘောတူခြင်း တို့ကို ပြုလုပ်ခဲ့ပါက ၎င်းတို့၏ မူလ နိုင်ငံရေး ရည်ရွယ်ချက်များ ရှင်းရှင်းလင်းလင်းပင် ကျဆုံး သွားတော့မည် ဖြစ်သည်။ ၂၀၀၈ အခြေခံ ဥပဒေကို အပစ်ရပ် အဖွဲ့ အားလုံးက လက်ခံခြင်း မရှိသော်လည်း ရွေးကောက်ပွဲတွင် ပါဝင်ယှဉ်ပြိုင်ခြင်းဖြင့် ၎င်းတို့၏ နိုင်ငံရေး ရည်မှန်းချက်များကို အလိုအလျှောက် စွန့်လွှတ်ပြီး ဖြစ်သွားပါလိမ့်မည်။

နိဂုံးချုပ် အားဖြင့်ဆိုရသော် ယခုအချိန်အထိ တိုင်းရင်းသား လက်နက်ကိုင် အုပ်စုများသည် တပ်မတော်နှင့် ရင်ဆိုင် တိုက်ခိုက်ရာတွင် ပျောက်ကျားနည်းဗျူဟာကိုသာ အသုံးပြုနေကြဆဲ ဖြစ်ပါသည်။ မြန်မာစစ်တပ်နှင့် ယှဉ်ပြိုင်နိုင်သည့် စစ်မဟာဗျူဟာ မြောက် ထိုးစစ်ကြီးများကို ဆင်နွှဲနိုင်ခြင်း မရှိသောကြောင့် တပ်ရင်းများနှင့် တပ်မဟာများသည် ၎င်းတို့၏ ဋ္ဌာနချုပ်များမှ အမိန့်များကို နာခံရန် ပျက်ကွက်နေပါသည်။ တိုင်းရင်းသား စစ်တပ်များ၏ အားနည်း၍ ထိရောက်မှု မရှိသော အမိန့်ပေး စနစ်နှင့် ပြောင်းပြန်ခြားနားပင် မြန်မာ့တပ်မတော် တပ်ရင်းများသည် ကိစ္စတိုင်းတွင် အထက် အမိန့်ကို နာခံကြသည်။ တပ်မတော်သည် ၎င်း၏ တပ်ဖွဲ့များကို ထိန်းချုပ်ရာတွင် ပိုမို သန်စွမ်းကောင်းမွန်းသည် ဆိုသော အချက်ကို မိမိတို့ ရင်ဆိုင်နေရသည်။ မြန်မာအစိုးရသည် နိုင်ငံရေး၊ လူ့အခွင့်အရေးနှင့် ဆိုင်သော ဂုဏ်သိက္ခာရစရာ မရှိအောင် စုတ်ပြတ်သွားသည့်တိုင်အောင် ၎င်းတို့၏ ဆယ်စုနှစ်များစွာကြာ အာဏာချုပ်ကိုင်မှုများ ခိုင်မာအားကောင်းနေဆဲ ဖြစ်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

By Dan Rivers, From CNN News, July 1st 2010

ထိုင်းနိုင်ငံ၏ စီးပွားရေးသည် မကြာမီက ဖြစ်ပွားခဲ့သော နိုင်ငံရေး အရှုပ်အထွေးများကြောင့် စိုးရိမ်ရန်မလိုသည့် သဘောကို တွေ့ရှိရသည်။ အစိုးရကလည်း စီးပွားရေး တိုးတက်ကြီးထွားမှုကို ခန့်မှန်းချက်ကို သုံးလအတွင်း ဒုတိယ အကြိမ် ပြောင်းလဲမှုများကို စစ်ဆေးခဲ့သည်။

သို့သော် အခြေအနေ ကောင်းသည်ဟု ဆိုကာ သတိလက်လွတ် မဖြစ်ရန် စီးပွားရေး ပညာရှင်များက တိုက်တွန်းခဲ့သည်။ ထိုင်းနိုင်ငံ အနေဖြင့် ယခုနှစ်တွင် ပြည်တွင်း အသားတင် ထုတ်လုပ်မှု ၆ % တိုးတက်မည်ဟု ခန့်မှန်းရသည်။ သို့သော် ရေရှည်တွင် အနာဂတ် တောက်ပလိမ့်မည်ဟု မဆိုသာချေ။

"အရေးပေါ် အခြေအနေတွေ ရှိနေသ၍၊ ပုဂ္ဂလိက ကဏ္ဍအနေနဲ့ အရင် သာမန် အချိန်တုန်းကလို အပြည့်အဝ ရင်းနှီးမြှုပ်နှံဖို့နဲ့ ရောင်းဝယ်ဖို့၊ လုပ်ရ ကိုင်ရတာ ကျပ်ကျပ်တည်းတည်း ရှိနေနိုင်ပါတယ် '' ဟု Kasikorn Bank မှ မ တည်ငွေရင်းဈေးကွက် သုတေသနဋ္ဌာန အကြီးအကဲ Kobsidthi Silpacahi က ပြောကြားခဲ့သည်။

ဆန္ဒပြ မငြိမ်သက်မှု ဖြစ်စဉ်တွင် လူပေါင်း (၈၀) ကျော်သေဆုံးပြီး (၁၅၀၀) ခန့် ဒဏ်ရာရရှိခဲ့ပါသည်။ ထိုင်းနိုင်ငံ၏ အစိတ်အပိုင်း အချို့တွင် အရေးပေါ် အခြေအနေ ရှိနေဆဲ ဖြစ်ပြီး၊ စစ်တပ်မှ လုံခြုံရေး အတွက် လုပ်ဆောင်နိုင်ရန် အရေးပေါ် အခြေအနေ ပြုလုပ်ထားရခြင်း ဖြစ်သည်။

Kobsidthi က ခန့်မှန်းပြောကြားရာတွင် နိုင်ငံရေး ပြဿနာအတွက် ရေရှည် ဆုံးဖြတ်ချက်များ မရှိခြင်းကြောင့် နှစ်စဉ် စီးပွားရေး ထုတ်လုပ်မှုကို ၂ % ခန့် လျော့နည်းစေမည် ဖြစ်ကြောင်း ပြောကြားခဲ့သည်။ "ထိုင်းနိုင်ငံကို လာလည်ဖို့ ၁၀၀ % လုံခြုံ စိတ်ချရပါပြီ၊ M76 ဗုံးလည်း အန္တရာယ် မရှိတော့ပါ ဘယ်လိုလိုပဲ ကျေညာဖို့ ကြိုးစားပါစေ အရေးပေါ် အခြေအနေရှိနေသ၍  တင်းမာမှုရှိနေဆဲ ဆိုတာကို ပြတာပဲ။ ဒါကြောင့် ပြည်တွင်း ခရီးသွား လုပ်ငန်းကိုများစွာ အနှောင့်အယှက် ဖြစ်စေပါတယ် '' ဟု ၎င်းက ပြောသည်။

ဧပြီလနှင့် မေလတွင် ရက်သတ္တပတ် ခြောက်ပတ်ခန့် အရောင်းအဝယ်များအားလုံး၏ ဗဟိုဋ္ဌာန ဘန်ကောက် ရပ်ဆိုင်းသွားခြင်းကြောင့် ခရီးသွားလုပ်ငန်းကို အကြီးအကျယ် ထိခိုက်နေချိန်တွင်၊ ထိုင်းနိုင်ငံတွင်ပြုလုပ်သော ထုတ်ကုန်များကို နိုင်ငံခြားသို့ ရောင်းချခြင်းဖြင့် စီးပွားရေးကို အခြေအနေမပျက် ထိန်းထားနိုင်ခဲ့သည်။

စီးပွားရေး တိုးတက်မှု အများစုသည် အမေရိကန်ပြည်ထောင်စု၊ ဂျပန်၊ တရုတ်နှင့် ဥရောပသမဂ္ဂသို့ တင်ပို့သော ပို့ကုန်များ အပေါ်တွင် တည်မှီခဲ့ရသည်။ စက်ရုံများမှ ထုတ်လုပ်မှု ဖြစ်သော ကား၊ လျှပ်စစ် ပစ္စည်းနှင့် အစားအသောက်များ ထုတ်လုပ်မှုများမှာ အစိုးရ ဆန့်ကျင်ရေး ရှပ်နီများကြောင့် မည်သည်မှ ထိခိုက်မှု မရှိခဲ့ပေ။

ဘန်ကောက်ရှိ Merrill Lynch Phatra Securities မှ မန်နေဂျင်း ဒါရိုက်တာ Dr Supavud Saicheua က ယခုနှစ်အပြီး ထိုင်းနိုင်ငံ၏ စီးပွားရေး အလားလာများကို သတိထားရမည် ဖြစ်ကြောင်း ပြောကြားခဲ့သည်။

" အခုနှစ်ကတော့ GDP က ကုန်ပစ္စည်း တင်ပို့မှုကြောင့် တိုးတက်နိုင်ပါတယ်။ ဒါပေမဲ့ ရေရှည်မှာတော့ ရင်းနှီးမြှုပ်နှံမှု ရှိမှ ဆက်လက်ထိန်းသိမ်းနိုင်မှာပါ '' ဟု ၎င်းက ပြောသည်။ " အခုလို ထိုင်းနိုင်ငံရဲ့ နိုင်ငံရေး အခြေအနေက ဆက်လက်ရှိနေမယ်ဆိုရင်တော့ ရင်းနှီးမြှုပ်နှံမှုတွေကို တားဆီးထားသလို ဖြစ်ပြီး၊ လာမယ့်နှစ် အနည်းငယ် အတွင်း GDP  တိုးတက်မှု ကျဆင်းလာပါလိမ့်မယ် '' ဟု ၎င်းကပင်ဆိုပါသည်။

Jennifer Cronin သည် ဘန်ကောက်ရှိ Dusit Thani ဟိုတယ်၏ ဈေးကွက်နှင့် ရောင်းချရေး ဒုဥက္ကဋ္ဌ ဖြစ်ပြီး၊ သူမအနေဖြင့် ဆန္ဒပြမှုများ၏ အကျိုးဆက်များကို ကောင်းကောင်းသိရှိလိုက်ရသည်ဟု ဆိုပါသည်။ သူမ၏ ဟိုတယ်မှာ ဗုံးထိမှန်မှုကြောင့် ရှစ်ည ပိတ်ခဲ့ရသည်။ ယခုအခါ ဈေးကွက် မြှင့်တင်ရေးအတွက် အခန်းများကို အဆင့်မြင့်တင်ပြီး ပြန်ဖွင့်နေပြီ ဖြစ်ကြောင်း သူမက ပြောသည်။

ယခုအခါ ကမ္ဘာလှည့် ခရီးသည်များ စီးပွားရေး လုပ်ငန်းရှင်များဖြင့် ပြန်လည် စည်ကားနေပြီ ဖြစ်ပါသည်။ ဟိုတယ်တွင် မကြာသေးမီက အိန္ဒိယစုံတွဲ တစ်တွဲ၏ မင်္ဂလာဆောင်ကြီး လက်ခံ ကျင်းပပေးခဲ့ရာ ဧည့်သည် (၂၀၀)ခန့်ဖြင့် ဟိုတယ်အဝင်တွင် ဝင်ထွက်သူများဖြင့် စည်ကားခဲ့သည်ဟု ဆိုသည်။ Cronin က ရက်သတ္တပတ်အချို့ကို ခက်ခက်ခဲခဲ ဖြတ်သန်းခဲ့ရပြီး၊ ယခုအခါ ပြန်လည်ကောင်းမွန်လာပြီ ဖြစ်ကြောင်း ထုတ်ဖော်ေ ပြာဆိုခဲ့သည်။

"လုပ်ငန်းတွေက သိသိသာသာ ပြန်ကောင်းလာပါတယ်။ အရင်တုန်းက အချိန်တွေလိုမျိုး ပြန်ရချင်ပါတယ်။ တဖြည်းဖြည်း အရှိန်ယူနေရတာ ဆိုတော့ အကောင်းမြင်ပါတယ်။ သတိလည်း ထားနေရပါတယ်'' ဟု Cronin က ပြောသည်။

Chai Srivakorn သည် ဆန္ဒပြသူများ မီးရှို့ဖျက်ဆီးခဲ့သော Central World နှင့် မျက်နှာချင်းဆိုင်ရှိ Gaysorn Mall ကို ပိုင်ဆိုင်သူ ဖြစ်သည်။ ၎င်းသည် ပြည်တွင်း ကူးသန်းရောင်ဝယ်ရေး အဖွဲ့တစ်ခု၏ ဥက္ကဋ္ဌလည်း ဖြစ်ပြီး၊ ဆန္ဒပြသူများကြောင့် ရောင်းဝယ်မှု တန်ဖိုး အမေရိကန် ဒေါ်လာသန်း(၃၀၀) ခန့် ဆုံးရှုံးကြောင်း၊ ပုံရိပ်မှာမူ ဆုံးရှုံးမှုပိုများကြောင်း ၎င်းက ဆိုသည်။

"ဧည့်သည်တွေက ထိုင်းနိုင်ငံကိုလာရမှာ လုံခြုံပါ့မလားလို့ ထင်ကုန်ကြပြီ။ ထိုင်းလူမျိုးတွေက ဘယ်လိုလဲ။ ဒါပေမဲ့ အခုတော့ ဒီပတ်ဝန်းကျင်မှာ ငြိမ်းချမ်းနေပါပြီ။ ပုံမှန်အခြေအနေကို အမြန်ဆုံး ပြန်ရောက်အောင်သွားနေပါပြီ '' ဟု ၎င်းက ပြောသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.