Transparency Myanmar

transparency.myanmar@gmail.com

လာမည့် ရက်သတ္တပတ်တွင် အမေရိကန် ပြည်ထောာင်စု၊ နယူးယောက်မြို့ ကုလသမဂ္ဂ ဌာနချုပ်သို့ အလည်အပတ် သွားရောက် လည်ပတ်စဉ် အတွင်း သမ္မတ ဘားရက်အိုဘားမားနှင့် တွေ့ဆုံရန် အသင့်ဖြစ်နေပြီ ဖြစ်ကြောင်း အီရန်သမ္မတ မိုဟာမက် အာမက် ဒီနီဂျက်က ပြောကြားလိုက်သည်။

အမေရိကန် ပြည်ထောင်စုသို့ သွားရောက်စဉ် သမ္မတ အိုဘားမားနှင့် တွေ့ဆုံကာ စကားစစ်ထိုးရန် အသင့်ဖြစ်နေပြီ ဖြစ်ကြောင်း သမ္မတ အာမက်ဒီနီဂျက်က သြဂုတ်လ ၃ ရက်နေ့ တီဟီရန် မြို့တော်တွင် ပြောကြားခြင်း ဖြစ်သည်။

အီရန် သမ္မတသည် ကုလသမဂ္ဂ အထွေထွေ ညီလာခံသို့ တက်ရောက်မည် ဖြစ်ပြီး ၎င်းအနေဖြင့် အမေရိကန် သမ္မတနှင့် မျက်နှာချင်းဆိုင် ထိုင်ကာ နိုင်ငံတကာ မီဒီယာများ ရှေ့မောက်တွင် ကမ္ဘာ့ရေးရာ ကိစ္စများကို လွတ်လွတ်လပ်လပ် စကား စစ်ထိုးရန် အသင့် ဖြစ်နေကြောင်း၊ စကားစစ် ထိုးရာတွင် မည်သူ၏ အတွေးအခေါ်၊ ဖြေရှင်းချက်က ပို၍ ကောင်းမွန်သည်ကို တွေ့မြင်လိုကြောင်း ပြောကြားသည်။

မစ္စတာ အာမက် ဒီနီဂျက်က ယခုကဲ့သို့ အမေရိကန် သမ္မတ အိုဘားမားကို တွေ့ဆုံစကား စစ်ထိုးရန် ကမ်းလှမ်းပြီး စိန်ခေါ်မှု ပြုလုပ်သည်မှာ ပထမဆုံး အကြိမ် မဟုတ်ပေ။ မကြာသေးသော အချိန်ကာလကလည်း သမ္မတ အိုဘားမားသည် ထိခိုက် ပျက်စီးထားသော အမေရိကန် ပြည်ထောင်စုနှင့် အီရန် နှစ်နိုင်ငံ ဆက်ဆံရေး ပိုမို ကောင်းမွန်အောင် လုပ်ဆောင်နိုင်မည့် သမိုင်းဝင် အခွင့်အလမ်းများ လက်လွတ် ဆုံးရှုံးခဲ့ကြောင်း ပြစ်တင် ဝေဖန်ခဲ့သည်။

အမေရိကန် သမ္မတကလည်း အကယ်၍ အီရန်နိုင်ငံကသာ နှစ်နိုင်ငံ ချစ်ကြည် ရင်းနှီးမှုအတွက် ပြန်လည် ကမ်းလှမ်းပါက မိမိတို့ကလည်း ကမ်းလှမ်းမှု ပြုလုပ်သွားမည် ဖြစ်သည်ဟု ဆိုထားသည်။

အီရန်နိုင်ငံ၏ နျူကလီယာ အစီအစဉ်ကို ဆန့်ကျင် ကန့်ကွက်သည့် အနေဖြင့် ပိတ်ဆို့ အရေးယူမှုများ ထပ်မံ ပြုလာသည့် ကိစ္စနှင့် ပတ်သက်၍ မစ္စတာ အာမက်ဒီနီဂျက်က အနောက် အင်အားကြီး နိုင်ငံများကို ပြစ်တင် ဝေဖန်ခဲ့သည်။ အီရန် ထိပ်တန်း ခေါင်းဆောင်ကြီး အလီခါမေနီသည် အိုဘားမားအပေါ် ကြိမ်ဖန်များစွာ ပုတ်ခတ် ပြောဆိုထားသူ ဖြစ်သည်။

အီရန်နိုင်ငံသည် နျူကလီယာ လက်နက် တပ်ဆင် ထုပ်လုပ်ရန် ကြိုးပမ်းလျက် ရှိသည် ဟူသော အနောက်နိုင်ငံများ၏ စွပ်စွဲချက်သည် မှန်ကန်မှု မရှိကြောင်း တီဟီရန် အစိုးရက ငြင်းပယ်ထားသည်။ ယူရေနီယံ သန့်စင် ထုတ်လုပ်မှုကို ရပ်ဆိုင်းခြင်း မပြုနိုင်ဟု အီရန်နိုင်ငံက ငြင်းပယ်ခဲ့ပြီးနောက် ကုလသမဂ္ဂက ဘဏ္ဍာရေးဆိုင်ရာ ပိတ်ဆို့မှုများကို လေးကြိမ်တိတိ ပြုလုပ်ခဲ့သည်။ ငြိမ်းချမ်းရေးကို ဦးတည်သော နျူကလီယာ အစီအစဉ်အတွက် ယူရေနီယံ သန့်စင်မှု ပြုလုပ်ပိုင်ခွင့် ရှိသည်ဟု အီရန်က အနောက်နိုင်ငံများ၏ စွပ်စွဲချက်များကို တုံ့ပြန်ခဲ့သည်။

သမ္မတ အာမက်ဒီနီဂျက်နှင့် အခြားသော အီရန် ခေါင်းဆောင်များသည် ပိတ်ဆို့ အရေးယူမှုများ အရှိန် လျော့ကျလာရေးအတွက် အနောက်နိုင်ငံများကို ချဉ်းကပ်ရန် ကြိုးပမ်းလျက် ရှိကြောင်း အီရန် သံတမန်အဖြစ် တာဝန် ထမ်းဆောင်ခဲ့ဖူးသူ လန်ဒန်အခြေစိုက် နိုင်ငံရေး လေ့လာသူ Mehrdad Khonsari က ပြောကြားသည်။

"အီရန်နိုင်ငံအပေါ် အနောက်အုပ်စုက အရှိန်အဟုန်နဲ့ ပိတ်ဆို့ အရေးယူမှုတွေ ပြင်းပြင်းထန်ထန် လုပ်နေတဲ့ ကိစ္စကို သူတို့က စိုးရိမ် ပူပန်နေကြတယ်။ အခုလို အာမက်ဒီနီဂျက်က အမေရိကန် သမ္မတနဲ့ တွေ့ဆုံပြီး စကားစစ်ထိုးမယ်၊ ဘာမယ် ပြောတဲ့ ကိစ္စဟာ တကယ်တော့ ပိတ်ဆို့ အရေးယူမှုတွေ လျော့နည်းသွားအောင်လို့ပါ။ နှစ်ဦးနှစ်ဖက် ဒိုင်ယာလော့ လုပ်မယ် ဆိုတဲ့ ကိစ္စဟာ အီရန်နိုင်ငံပေါ်မှာ အရေးယူ ဆောင်ရွက်မယ့် ကိစ္စတွေ ရွှေ့ဆိုင်းစေတဲ့ သဘောပါပဲ" ဟု မစ္စတာ Mehrdad Khonsari က ဆိုသည်။

အီရန်နိုင်ငံဖွား အရှေ့အလယ်ပိုင်း ရေးရာ ကျွမ်းကျင်သူ Alex Vatanka က သမ္မတ အာမက် ဒီနီဂျက်သည် အမေရိကန် ပြည်ထောင်စုနှင့် အီရန်နိုင်ငံ ချစ်ကြည် ရင်းနှီးမှု တိုးမြှင့်ရန် အမှန်တကယ် လုပ်ဆောင်နေခြင်း ဖြစ်သော်လည်း ၎င်း၏ ချဉ်းကပ်ပုံ ချဉ်းကပ်နည်းမှာ လွဲမှားနေကြောင်း ပြောကြားလိုက်သည်။

VOA သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ပြည်တွင်း စစ်ရေးပဋိပက္ခများ တင်းမာလာမှုကြောင့် ဒီမိုကရက်တစ် ကရင် ဗုဒ္ဓဘာသာ တပ်ဖွဲ့ (DKBA) ၏ တပ်မမှူးအား ဖမ်းဆီးရန် မြန်မာ စစ်ဘက် အရာရှိများက ကရင်ပြည်နယ်ရှိ တပ်ဖွဲ့များကို ညွှန်ကြားချက် ထုတ်ပြန်ထားကြောင်း စုံစမ်း သိရှိရသည်။

DKBA တပ်ဖွဲ့၊ တပ်မဟာ-၅ နှင့် ပတ်သက်သော နယ်နိမိတ်များအတွင်း အရပ်သားများ သွားလာမှုကိုလည်း မြန်မာစစ်တပ်က တင်းတင်းကြပ်ကြပ် ထိန်းချုပ်ထားသည်။ အဆိုပါ DKBA တပ်မဟာ-၅ သည် စစ်အစိုးရ၏ ကမ်းလှမ်းချက် ဖြစ်သော နယ်စပ် ဒေသစောင့်တပ် ပြောင်းလဲ ဖွဲ့စည်းရေးကို ဆက်လက် ငြင်းပယ်နေဆဲ ဖြစ်ပြီး တပ်မမှူးမှာ Saw La Bwe (Na Kham Mwe ဟုလည်း ခေါ်သူ) ဖြစ်သည်။

အဆိုပါ ကရင်ပြည်နယ်တွင် မြန်မာစစ်တပ်နှင့် ကရင် တိုင်းရင်းသား လက်နက်ကိုင် တပ်ဖွဲ့အကြား တင်းမာမှုများ ဆက်တိုက် ဖြစ်ပေါ်လျက် ရှိကြောင်း၊ မကြာသေးခင် ရက်သတ္တပတ် အတွင်း ပစ်ခတ်မှုများ၊ ရွာမီးရှို့ ဖျက်ဆီးမှုများ ပြုလုပ်ခဲ့ရာ ဒုက္ခသည်ပေါင်း မြောက်မြားစွာ ထိုင်းနယ်စပ် ဒေသသို့ ထွက်ပြေး တိမ်းရှောင် သွားခဲ့ကြောင်း သိရသည်။

DVB သတင်းဌာနက လက်ခံ ရရှိသော ထောက်လှမ်းရေး သတင်း တစ်ရပ်အရ DKBA တပ်မဟာ-၅ နှင့် နီးကပ်စွာ တပ်စွဲထားသော မြန်မာစစ်တပ်မှ တပ်ဖွဲ့များထံသို့ အရှေ့တောင်ပိုင်း ဒေသ စစ်ဌာနချုပ်မှ ညွှန်ကြားချက်တစ်ရပ် ထုတ်ပြန်လိုက်သည်ဟု ဆိုသည်။ DKBA တပ်မဟာ-၅ မှ တပ်မမှူး Saw La Bwe အား ဖမ်းဆီးရန် ရှေ့တန်း ကွပ်ကဲရေးဌာန အမှတ်-၈ သို့ မြန်မာစစ်တပ်၏ အမိန့်ပေးစာ ရောက်ရှိသွားပြီ ဖြစ်သည်ဟု သတင်းအရ သိရသည်။

သို့သော် တပ်မမှူး Saw La Bwe သည် KNU (ကရင် အမျိုးသား ယူနီယံ) တပ်မဟာ-၆ နှင့် နီးစပ်သော နယ်မြေသို့ ထွက်ပြေး ပုန်းရှောင်သွားပြီ ဖြစ်သည်ဟု အမှတ်-၈ ရှေ့တန်း ကွပ်ကဲရေး ဌာနက အကြောင်းပြန်ခဲ့ကြောင်း ထောက်လှမ်းရေး သတင်းက ဆိုသည်။ KNU အဖွဲ့ အထွေထွေ အတွင်းရေးမှူး Zipporah Sein က DKBA တပ်မမှူး Saw La Bwe မည်သည့် နေရာတွင် ရှိသည်ဟူသော ကိစ္စနှင့် ပတ်သက်၍ တရားဝင် သတင်း မရရှိသေးကြောင်း ပြောဆိုသည်။

"ကောလာဟလ တွေတော့ ထွက်နေတယ်။ လွန်ခဲ့တဲ့ သုံးလလောက်က စပြီး KNU နယ်မြေထဲမှာ Saw La Bwe ပုန်းခိုနေတယ် ဆိုတာမျိုး ကြားရတယ်။ ဒါပေမဲ့ သူဘယ်မှာ ရှိနေတယ် ဆိုတာ ရှင်းရှင်းလင်းလင်း မသိရသေးပါဘူး" ဟု ၎င်းက ဆိုသည်။

DKBA သည် KNU မှ ခွဲထွက်လာသည့် အချိန်ကတည်းက မြန်မာ စစ်တပ်နှင့် ပူးပေါင်းပြီး KNU ကို တိုက်ခိုက်လာခဲ့သော အဖွဲ့ ဖြစ်သည်။ လတ်တလော ကာလများတွင် DKBA တပ်ဖွဲ့ဝင် အတော်များများ ၎င်းတို့၏ မူလတပ်ဖွဲ့ ဖြစ်သော KNU သို့ ပြန်လည် ပူးပေါင်း ဝင်ရောက်သွားကြသည် ဟူသော သတင်း ပေးပို့ချက်များလည်း ထွက်ပေါ်လျက် ရှိသည်။

"တကယ်လို့ Saw La Bwe သာ မြန်မာစစ်တပ်ကို တိုက်မယ်ဆိုရင် ကျွန်တော်တို့ KNU အနေနဲ့ သူ့ကို ပြန်လက်ခံမှာပါ။ မူးယစ်ဆေးဝါး ကိစ္စတွေကို သူ မပတ်သက် သေးသရွေ့ပေါ့" ဟု Zipporah Sein က ပြောသည်။ DKBA သည် မီသာအဖက်တမင်း စိတ်ကြွ ရူးသွပ်ဆေးပြား ကုန်ကူးမှု အပါအဝင် တရားမဝင် ကုန်သွယ်မှုများ၊ စီးပွားရေး လုပ်ငန်းများစွာကို လုပ်ကိုင်လျက် ရှိသော လက်နက်ကိုင်အဖွဲ့ ဖြစ်သည်ဟု သတင်းများက ဆိုသည်။

မြန်မာစစ်တပ်၏ ရှေ့တန်း စစ်မဟာဗျူဟာ ညွှန်ကြားမှု ဌာနကလည်း ကရင်ပြည်နယ်နှင့် နီးစပ်သော ဘုရားသုံးဆူ မြို့နယ်ဒေသ အခြေစိုက် တပ်ဖွဲ့များ အနေဖြင့် အရပ်သားများ သွားလာ လှုပ်ရှားမှုကို တင်းတင်းကြပ်ကြပ် စောင့်ကြည့် လေ့လာရန် အမိန့် ထုတ်ပြန်ထားသည်။ အရပ်သားများ အနေဖြင့် ညဘက် အပြင်ထွက်ရာတွင် လွယ်သည့် အိတ်များ သယ်ဆောင် သွားလာခြင်း မပြုရန်၊ ညဘက်တွင် မြို့ထဲသို့ ဝင်ခြင်း သို့မဟုတ် မြို့ပြင် ထွက်ခြင်း အစရှိသည်တို့ မပြုလုပ်ရန်လည်း အမိန့် ထုတ်ပြန်ထားသည်။ အဘယ်ကြောင့် ယင်းသို့ အမိန့် ထုတ်ပြန်သည်ကို ရှင်းရှင်းလင်းလင်း မသိရသေးသော်လည်း ဗုံးထောင်မှုများ ပြုလုပ်မည်ကို စိုးရိမ်သောကြောင့် ဖြစ်နိုင်သည်ဟု ထင်ကြေးပေး ပြောဆိုလျက် ရှိသည်။

DKBA တပ်မဟာ-၅ နှင့် မွန်ပြည်သစ် ပါတီမှ အဖွဲ့ဝင်များ အကြား ဆက်သွယ်မှုများ မပြုလုပ်နိုင်ရေးအတွက် ပိတ်ဆို့ ဟန့်တားမှုများ လုပ်ရန်လည်း မြန်မာ စစ်အာဏာပိုင်များက သက်ဆိုင်ရာ စစ်ဘက် တာဝန်ရှိသူများကို ညွှန်ကြားထားသည်။ ထုတ်ပြန်ထားသော စည်းမျဉ်းစည်းကမ်း ချိုးဖောက်သူများကို ထိထိရောက်ရောက် အရေးယူ အပြစ်ပေးရန်ပါ ညွှန်ကြားထားသည်ဟု ဆိုသည်။

DKBA  တပ်မမှူး Saw La Bwe သည် နယ်ခြား ဒေသစောင့် တပ်ဖွဲ့ ပြောင်းလဲ ဖွဲ့စည်းရန် အကြိမ်ကြိမ် ငြင်းပယ်ခဲ့သူ ဖြစ်သည်။ DKBA တပ်မဟာ ၅ မှ အရာရှိကြီးများ အဆိုအရ နယ်ခြားစောင့် တပ်ဖွဲ့အဖြစ် ပြောင်းလဲ ဖွဲ့စည်းမည့် အစီအစဉ်ကို ဆန့်ကျင်သည့် အုပ်စုများအား မြန်မာစစ်တပ်က အင်အားသုံး နှိမ်နင်းမည်ဟု ခြိမ်းခြောက်ထားကြောင်း သိရသည်။

DVB သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ကျူးဘားနိုင်ငံ၏ လက်ရှိ စီးပွားရေး အခြေအနေနှင့် ပတ်သက်၍ ဖြစ်နိုင်ခြေ ရှိသော ပြုပြင် ပြောင်းလဲမှုများ ပြုလုပ်ရန် ပါလီမန် လွှတ်တော် ညီလာခံကို သမ္မတ ရာအူးကက်စထရို ရှေ့မောက်တွင် ပြုလုပ်ခဲ့ကြောင်း မြို့တော် ဟာဗားနားက လာသော သတင်းများက ဆိုသည်။

အဆိုပါ ပါလီမန် ဆွေးနွေးပွဲသို့ ယခုအခါ အသက်-၈၀ ရှိပြီ ဖြစ်သော ကျူးဘား ခေါင်းဆောင်ကြီး ကက်စထရို တက်ရောက်နိုင်ခဲ့ခြင်း မရှိကြောင်း၊ ဆွေးနွေးပွဲတွင် ကက်စထရိုကြီး၏ တပည့် လက်ထောက် ၆၀၀ ကျော် တက်ရောက်ခဲ့ကြကြောင်း သိရသည်။ ကျန်းမာရေး ချို့ယွင်းနေသော ခေါင်းဆောင်ကြီး ကက်စထရိုသည် နှစ်နှစ်အတွင်း အများပြည်သူ ရှေ့မှောက်သို့ ရှစ်ကြိမ်သာ ထွက်ပြခဲ့သည်။ ယခု ဆွေးနွေးပွဲကို ကျူးဘားအစိုးရက အမျိုးသား ညီလာခံဟုလည်း ခေါ်ဆိုသည်။

ညီလာခံတွင် ကျူးဘား စီးပွားရေး အခွင့်အလမ်းအတွက် လုပ်ဆောင်နိုင်မည့် ကိစ္စများ၊ ကုန်ထုတ်လုပ်မှု ကျဆင်းနေမှုများ၊ ဗျူရိုကရေစီ ယန္တရားနှင့် အဂတိ လိုက်စားမှုများ အစရှိသည် တို့ကို ဆွေးနွေးခဲ့ပြီး ကမ္ဘာလုံးဆိုင်ရာ စီးပွားရေး ပျက်ကပ်၊ ရာသီဥတု ပျက်ကပ်နှင့် သဘာဝ ဘေးအန္တရာယ် ဆိုးကြီးများ ကိစ္စကို ပြစ်တင် ဝေဖန်ခဲ့သည်ဟု သိရသည်။

ကျူးဘားနိုင်ငံ၏ အဓိက ပို့ကုန်ဖြစ်သော ကော်ဖီနှင့်သကြား ထုတ်လုပ်မှုမှာ လတ်တလော ကာလတွင် သိသိသာသာ ကျဆင်းလျက် ရှိသည်။ ကက်စထရို၏ ညီဖြစ်သူ ရာအူး ကက်စထရို သမ္မတအဖြစ် အစားထိုး ဝင်ရောက်လာခဲ့စဉ်က ကျူးဘား ကွန်မြူနစ် နိုင်ငံအတွက် စီးပွားရေး ပြုပြင် ပြောင်းလဲမှုများ ပြုလုပ်မည်ဟု ကတိကဝတ် ပြုခဲ့သည်။

Monstersandcritics မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Earth Rights International, 2nd August 2010

စွမ်းအင် ဘီလူးကြီးများ ဖြစ်သော Total နှင့် Chevron တို့သည် ၎င်းတို့၏ ဓါတ်ငွေ့ စီမံကိန်းများမှ တဆင့် မြန်မာစစ်ဖက် အစိုးရအား ကျားကန်ပေးနေသည်ဟု စွပ်စွဲခြင်း ခံနေရသည်။

၎င်းတို့ကြောင့် မြန်မာအစိုးရကိ်ု ဒေါ်လာ ၅ ဘီလျံခန့် ဝင်ငွေ ရရှိသွားစေခဲ့သည်ဟု လူ့အခွင့်အရေးအဖွဲ့ Earth Rights International က ပြောကြားထားသည်။

အဆိုပါ ပိုက်ဆံများကို မြန်မာနိုင်ငံတွင်း ဆင်းရဲမွဲတေမှုကို တိုက်ဖျက်ရာတွင် အသုံးပြုရမည့် အစား စင်ကာပူဘဏ်များတွင် လျှို့ဝှက် အပ်နှံထားသည်ဟု သိရှိရသည်။

အဓမ္မခိုင်းစေမှုများ၊ သတ်ဖြတ်မှုများ၊ ထိပ်ပိုင်းအဆင့် လာဘ်စားမှုများကို Total နှင့် Chevron က လျစ်လျူရှုနေသည်ဟုလည်း လူ့အခွင့်အရေးအဖွဲ့က စွပ်စွဲခဲ့သည်။

အဆိုပါ စွပ်စွဲချက်များကို ကုမ္ပဏီကြီး နှစ်ခုက ငြင်းဆိုလိုက်ပြီး ၎င်းတို့အနေဖြင့် ကျေးလက် လူမှုအဖွဲ့အစည်းတွင် လက်တွေ့ကျကျ အပြုသဘော ဆောင်သော ကဏ္ဍမှ ပါဝင်နေရာ ကျန်းမာရေးနှင့် ပညာရေး အစီအစဉ်များ အကောင်အထည် ဖော်လျက် ရှိသည်ဟု ပြောကြားခဲ့သည်။

အစီရင်ခံစာတွင် အမည် ဖော်ပြထားသော စင်ကာပူဘဏ် ၂ ခုကလည်း ပါဝင် ပတ်သက်မှုကို ငြင်းဆိုခဲ့သည်။

အစိုးရ၏ အသက်သွေးကြော

မြန်မာကမ်းလွန် ဓါတ်ငွေ့သိုက်မှ ထိုင်းနိုင်ငံသို့ ဓါတ်ငွေ့ပို့ဆောင်နေသည့် ရတနာ ဓါတ်ငွေ့ ပိုက်လိုင်း စီမံကိန်းနှင့် ပတ်သက်သော အစီရင်ခံစာ ၂ စောင်ကို Earth Rights International က ထုတ်ပြန်ခဲ့သည်။

Earth Rights Internation ၏ မြန်မာ ပရောဂျက် ညှိနှိုင်းရေး တာဝန်ခံ Matthew Smith က "Total နှင့် Chevron ဟာ မြန်မာ စစ်အစိုးရကို တစ်ခုတည်းသော အကြီးဆုံး အသက်သွေးကြော (ဓါတ်ငွေ့ပိုက်လိုင်း) နဲ့ အထူးသဖြင့် ဖြည့်ဆည်းခဲ့တာကြောင့် ဒီစီမံကိန်းကနေ အခွန်ငွေတွေ ရသွားစေပါတယ်'' ဟု ပြောကြားသည်။

မြန်မာ စစ်ဗိုလ်ချုပ်များက ဓါတ်ငွေ့ဖိုး ပိုက်ဆံများကို နိုင်ငံတော် ဘတ်ဂျက်မှ မည်သို့မည်ပုံ ထုတ်ယူကာ စင်ကာပူရှိ ဘဏ်စာရင်းတွင် အပ်နှံခဲ့သည် ဆိုသည်ကို သတင်းရင်းမြစ်များက ရှင်းပြခဲ့ကြောင်း ၂ နှစ်ကြာ သုတေသန ပြုလုပ်ခဲ့သည့် အစီရင်ခံစာတွင် ၎င်းက ရှင်းလင်း တင်ပြထားသည်။

"၂၀၀၀ ခုနှစ်က စပြီး ရရှိခဲ့တဲ့ ဒေါ်လာ ၄.၈၃ ဘီလျံထဲက ဒေါ်လာ ၄.၈ ဘီလျံ နီးပါးဟာ အမျိုးသား ဘတ်ဂျက်ထဲကို စာရင်း မဝင်ခဲ့ပါဘူး၊ မြန်မာ စစ်ဖက် အစိုးရက သူတို့ရဲ့ တရားမဝင် အခွန်ငွေနဲ့ မသန့်ရှင်းတဲ့ ပိုက်ဆံတွေကို စင်ကာပူနိုင်ငံက နိုင်ငံခြားဘဏ် ၂ ခုမှာ အပ်နှံ သိမ်းဆည်းထားတယ်လို့ သတင်း ရင်းမြစ်တွေက ထုတ်ဖော်ခဲ့ကြပါတယ်'' ဟု Matthew Smith က ပြောကြားခဲ့သည်။

အစီရင်ခံစာတွင် အဆိုပါဘဏ် နှစ်ခု၏ အမည်ကို ဖော်ပြထားသော်လည်း ၎င်းဘဏ် နှစ်ခုစလုံးက မြန်မာနိုင်ငံ၏ ရတနာ စီမံကိန်းနှင့် ပတ်သက်မှုကို ငြင်းဆိုသည့် ကြေညာချက်များ ထုတ်ပြန်ခဲ့ပြီး အစီရင်ခံစာသည် မှန်ကန်မှု မရှိ၊ အခြေအမြစ် မရှိဟု ပြောကြားခဲ့သည်။

လူ့အခွင့်အရေး ညှဉ်းးပန်း နှိပ်စက်မှု စွပ်စွဲချက် များသည် Total နှင့် Chevron လုပ်ကိုင်နေသော ဓါတ်ငွေ့ ပိုက်လိုင်းကို လုံခြုံရေး တာဝန်ယူပေးနေသည့် မြန်မာစစ်တပ် အပေါ် စွပ်စွဲထားခြင်း ဖြစ်သည်။

အရေးယူ ဒဏ်ခတ်မှာလား

မြန်မာ စွမ်းအင် စီမံကိန်းများကို တောက်လျှောက် စောင့်ကြည့် လေ့လာနေသည့် ဆစ်ဒနီ Macquarie University မှ စီးပွားရေး ပညာ တွဲဖက် ပါမေက္ခ Sean Turnell က စစ်ဖက် အုပ်ချုပ်သူများ ငွေများစွာ ရှာဖွေနေသည့် နည်းလမ်းသည် အရေးယူ ဒဏ်ခတ်ရေး ကိစ္စ ပေါ်ထွက်စေသည်ဟု ပြောကြားသည်။

"ကျွန်တော်တို့ သိတဲ့အတိုင်း ဆိုရင် အမေရိကန် ပြည်ထောင်စုနဲ့ ဥရောပ နိုင်ငံတွေဟာ မြန်မာနိုင်ငံ အပေါ်မှာ တော်တော်လေး တင်းကျပ်တဲ့ ငွေကြေး အရေးယူ ပိတ်ဆို့မှုတွေ ပြုလုပ်ဖို့ ရှိပါတယ်'' ဟု ၎င်းက ဆိုသည်။

"မြန်မာ စစ်ဗိုလ်ချုပ်တွေဟာ တခြားနိုင်ငံတွေကို အသုံးပြုပြီး ဒီပြဿနာကို ရှောင်တိမ်းနိုင်စွမ်းရှိတယ်။ တခြားနိုင်ငံ အချို့အပေါ်ကိုလည်း အလားတူ ပိတ်ဆို့မှုတွေနဲ့ ဖိအားပေးဖို့ ကြိုးစားနေတဲ့  ဒီအရေးယူ ဒဏ်ခတ်မှုတွေကို စည်းကြပ်တဲ့ နိုင်ငံတွေရဲ့ စိတ်ဝင်စားဖွယ်ရာ နောက်တစ်ဆင့်ဟာ ဘာဖြစ်မလဲ ဆိုတာကို ကျွန်တော် စဉ်းစားနေပါတယ်" ဟု ၎င်းက ဆက်လက် ပြောကြားသည်။

အမေရိကန်နှင့် အီးယူက မြန်မာစစ်ဖက် အုပ်ချုပ်သူများ အပေါ် ချမှတ်သည့် အရေးယူ ဒဏ်ခတ်မှုများသည် Chevron နှင့် Total ကို တင်းကျပ်နိုင်ခြင်း မရှိပါ။

ပြည်သူ အများစု ဆိုးဆိုးဝါးဝါး ဆင်းရဲ မွဲတေနေသော မြန်မာနိုင်ငံအပေါ် နိုင်ငံတကာ ကိုင်တွယ်မှု အဖြစ် အရေးယူ ဒဏ်ခတ်မှုများကို တင်းကျပ်မလား၊ စွန့်လွှတ်ရုတ်သိမ်းမလား ဆိုသည်ကို ငြင်းခုန်နေကြဆဲ ဖြစ်သည်ဟု BBC ၏ အာရှ သတင်းထောက် Alistair Leithead ၏ အဆိုအရ သိရှိရသည်။

 

 

 

 

 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Aisa Sentinel, By Adam Selene, 3rd August 2010

အမေရိကန် ပြည်ထောင်စုနှင့် မြန်မာအစိုးရတို့၏ အသစ်တဖန် တွေ့ဆုံ ဆွေးနွေးမှုမှာ လူအများကို အတော် ဆွဲဆောင်ခဲ့သည့် ကိစ္စဖြစ်ခဲ့သည်။ သို့သော် အဆိုပါ စကားပြောမှုများမှ မည်သည့် ရလဒ်မျှ ထွက်ပေါ်လာခြင်း မရှိသေးပေ။

ထိုသို့ ဖြစ်ရခြင်းအတွက် မအံ့သြသင့်ပေ။ အမေရိကန် သံတမန်များကပင် အလွတ်သဘော ဝန်ခံခဲ့ဖူးသည်။ မြန်မာ အစိုးရနှင့် တွေ့ဆုံ စကားပြောမှုမှာ စကားပြောမှု သက်သက်ထက် နည်းနည်းသာ ပိုသည့် အဆင့်တွင် ရှိသည်ဟု ဝန်ခံခဲ့ကြသည်။ တရားဝင် ကမ်းလှမ်းချက်များလည်း မရှိပါ။ အမေရိကန်ကလည်း ဒီမိုကရေစီ ပြောင်းလဲမှုများ အတွက် တောင်းဆိုသော ၎င်း၏ မူဝါဒကိုသာ ဖက်တွယ်ထားဆဲ ဖြစ်သည်။

တစ်ချိန်တည်းမှာပင် သမ္မတ Barack Obama ကလည်း မြန်မာနိုင်ငံ အပေါ် အမေရိကန်၏ အရေးယူမှုများကို သက်တမ်း တိုးခဲ့သည်။ ထို့ကြောင့် နှစ်နိုင်ငံ ဆက်ဆံရေးမှာ ပြောစရာ သတင်း ဘာမျှ မထူးချေ။

အနောက်နိုင်ငံများ သဘောပေါက်ရန် လိုအပ်သော အချက်မှာ မြန်မာ အစိုးရသည် လူသိရှင်ကြား အညံ့ခံလိမ့်မည် မဟုတ်ဟူသော အချက်ဖြစ်သည်။ မြန်မာနိုင်ငံတွင် စစ်တပ်သည် အဓိက အာဏာ ရှိနေဆဲ ဖြစ်ပြီး၊ စစ်တပ်သည် စုစည်း ညီညွတ်ပြီး၊ သနားညှာတာခြင်း ကင်းမဲ့သည့် ပုံရိပ်ကို ပိုင်ဆိုင်နေသောကြောင့် ဖြစ်သည်။ ထိုအချက်သည် အစိုးရအား လွန်စွာမှ အကျိုးပြုသည်။ စစ်တပ်သည် မြန်မာပြည်သူများကို ကြောက်အောင်၊ လမ်းပေါ် မထွက်ရဲအောင် ထိန်းထားနိုင်စွမ်း ရှိသောကြောင့် ဖြစ်သည်။ စိတ်ပညာ ရှုဒေါင့်မှ ကြည့်လျှင် မြန်မာဗိုလ်ချုပ်များသည် ဘယ်သောအခါမျှ အားနည်းသည့် လက္ခဏာ ပြလိမ့်မည် မဟုတ်ပေ။ ဗိုလ်ချုပ်မှူးကြီး သန်းရွှေ အနေဖြင့် အမေရိကန် ဖြစ်စေလိုသည့် အချက်များကို ခေါင်းညိတ်ခဲ့လျှင် မျက်နှာထားစရာ မရှိတော့မည့်အပြင် ၎င်း၏ စိတ်ဓာတ် ပြင်းထန်သော သူတစ်ယောက်၏ ပုံရိပ်မှာ တစစီ ကွဲကြေသွားလိမ့်မည် ဖြစ်သည်။

မြန်မာနိုင်ငံနှင့် ပတ်သက်သော အနောက်နိုင်ငံများ၏ မူဝါဒကို အရာမထင်အောင် လုပ်နေသော နောက်ထပ် အချက်တစ်ခု ရှိသေးသည်။ မြန်မာဗိုလ်ချုပ်များသည် နိုင်ငံရေးသမားများ သာမဟုတ် ၎င်းတို့သည် စီးပွားရေး သမားများလည်း ဖြစ်နေခြင်းပင် ဖြစ်သည်။ မြန်မာ အစိုးရ (SPDC) သည် ယုံကြည်မှုအပေါ် အခြေခံ၍ လည်ပတ်နေခြင်း မဟုတ်ပေ။ သူတို့သည် လက်ဆုပ်လက်ကိုင် ပြနိုင်သည်ကိုသာ အလိုရှိသည်။ ၎င်း၏ အိန္ဒိယ၊ တရုတ်တို့နှင့် ဆက်ဆံရေးကို ကြည့်ပါက၊ SPDC သည် ရော့ပတ္တမြား၊ ရော့နဂါး မူဝါဒကို အခြေခံ၍ အလုပ်လုပ်နေသည်ကို တွေ့ရမည် ဖြစ်သည်။ နှစ်ဖက်စလုံးက မိမိဘာလိုချင်သည်၊ ဘာကို ပေးရမည် ဆိုသည်ကို ရှင်းရှင်းလင်းလင်း သဘောပေါက်ကြသည်။

ထိုကဲ့သို့ အပေးအယူ သဘောတရားနှင့် လုပ်ကိုင်မှုမျိုးကို အမေရိကန် ပြည်ထောင်စုနှင့် စကား ပြောရာတွင် မတွေ့ရပေ။ အမေရိကန်များသည် ၎င်းတို့ လိုချင်သည်များသာ ရှိပြီး၊ ပြန်ပေးရမည့် အရာများအတွက် ဝါးတားတား လုပ်ထားကြသည်။ ထိုအချက်ကြောင့် မြန်မာ အစိုးရသည် ကောင်းကောင်းမွန်မွန် ဆက်ဆံရမည့် အစား၊ ၎င်းတို့ကို စိတ်ဆိုးစေသည်။

ဥရောပ သမဂ္ဂသည် မြန်မာနိုင်ငံနှင့် ပတ်သက်သော မူဝါဒတွင် လိုချင်သည့် ရလဒ်နှင့် ပြောင်းပြန် အဖြေကိုသာ ရရှိပေသည်။ ဥရောပ တိုင်းပြည်များကလည်း အမေရိကန် ကဲ့သို့ပင် မပြောင်းလဲသော သံတမန်ရေးရာနှင့် စီးပွားရေး အရေးယူ ပိတ်ဆို့မှုများကိုသာ အသုံးပြုခဲ့ကြသည်။ သို့သော် အောင်မြင်မှု မရခဲ့ပေ။ ယနေ့အချိန်တွင် အရေးယူမှုများသည် အပေါင်းလက္ခဏာ ဆောင်မှုများကို မပြုလုပ်ပေးနိုင်ဟု ယုံကြည်ရန် ခဲယဉ်းနေကြဆဲ ဖြစ်သည်။

လွန်ခဲ့သော နှစ်ပတ်ခန့်က မြန်မာ့အရေး ကိစ္စတွင် သဘောထား တင်းမာသူဟု သိနေကြသူ ဒတ်ခ်ျ နိုင်ငံခြားရေး ဝန်ကြီး Maxime Verhagen ကပင် ၎င်း၏ မိန့်ခွန်းတွင် အရေးယူမှုများ အလုပ် မဖြစ်ကြောင်း ဝန်ခံခဲ့သည်။ သို့သော် ၎င်းက ထိုသို့ ပြောခြင်းမှာ အရေးယူမှုများကို ဖယ်ရှားရမည်ဟု ဆိုလိုခြင်း မဟုတ်ကြောင်း ပြန်ပိတ်ခဲ့သည်။

တစ်ချိန်တည်းတွင် မြန်မာနိုင်ငံတွင် အရေးကြီးသော လုပ်ငန်းစဉ်များက အတော် ခရီးရောက်နေပြီဖြစ်ရာ အီးယူနှင့် အမေရိကန်တို့၏ အဖြေမထွက်သော မူဝါဒများမှာ လဲလိုသော သေလိုက်ဖို့ ကောင်းနေပြီ ဖြစ်သည်။ မြန်မာနိုင်ငံ ပြင်ပမှ အတိုက်အခံ အင်အားစုများက ရွေးကောက်ပွဲကို အတုအယောင်၊ အလိမ်အညာ အဖြစ် ငြင်းဆန်နေဆဲ ဖြစ်သော်လည်း အခြေခံ ဥပဒေ အသစ်နှင့် ရွေးကောက်ပွဲများသည် ဆယ်စုနှစ်များစွာ ပျောက်ဆုံးနေသော အချို့ လွတ်လပ်ခွင့်များနှင့် အဆင့် တစ်ခုထိ ပါဝင်ခွင့်များ ခွင့်ပြုထားသည် ဆိုသည့် အချက်ကို လက်ခံကြရမည် ဖြစ်သည်။

ကိုယ့်ကိုကိုယ် ဘေးရောက်သွားစေမည့် ဝါဒအစား၊ အနောက်နိုင်ငံများ အနေဖြင့် မြန်မာနိုင်ငံ၏ ရွေးကောက်ပွဲများ ဒီမိုကရေစီ သဘာဝများနှင့် ညီညွတ်စေရေးအတွက် မိမိစွမ်းအား ရှိသလောက် ဘာမဆို လုပ်သင့်ပေသည်။ နည်းလမ်း အဟောင်းဖြင့် ချဉ်းကပ်ခြင်းသည် အဖြေ မထွက်သည့်အတွက်  နည်းလမ်း အသစ်တစ်ခု လိုအပ်နေသည်။ အမြန် လိုအပ်နေသည်။

အရေးကြီးသည့် အချက် နှစ်ခု ရှိသည်။ ပထမ အချက်မှာ မြန်မာ အစိုးရနှင့် ဆက်ဆံလိုစိတ် ရှိသင့်သည် ဟူသော အချက် ဖြစ်သည်။ SPDC သည် ရိုင်းစိုင်းသော အစိုးရ တစ်ခု ဖြစ်သည်မှာ အမှန်ပင် ဖြစ်သည်။ သို့သော် ၎င်းမှာ လက်ရှိ အာဏာ ယူထားသော အစိုးရ ဖြစ်နေသည်။ အကယ်၍ မြန်မာနိုင်ငံတွင် တစ်ခုခု အောင်မြင်မှု ရရန် လိုအပ်လျက် ရှိရာ တစ်ဦးဦးက ရိုးသားခဲ့မည် ဆိုလျှင်၊ ထိတွေ့  ဆက်ဆံရမည်မှာ ရှောင်လွှဲ၍  မရသော အချက် ဖြစ်သည်။ အရေးယူမှုများကိုမူ ဈေးဆစ်နိုင်သော ပစ္စည်းအဖြစ် ကိုင်ထားနိုင်သေးသည်။ ကိုယ့်ဖက်က စတင်လိုက်၍ အချက်မှာ အကောင်းဆုံး ဖြစ်သည်။ တစ်ခုခု ကမ်းလှမ်းလိုက်ပြီး၊ ဆုလာဘ်၏ သဘောတရားကို ရှင်းလင်းစွာ သဘောပေါက်အောင် လုပ်ပြီး၊ ၎င်းတို့ အခြေခံ၍ ရှေ့ဆက် သွားရမည် ဖြစ်သည်။

သို့ရာတွင် အနောက်နိုင်ငံများ အဖို့ လုံးဝ အသစ်တစ်ခု ကပြရန် ခက်ခဲမည် ဖြစ်သည်။ အဘယ်ကြောင့်ဆိုသော် အနောက်နိုင