Transparency Myanmar

transparency.myanmar@gmail.com

yangonchronicle 2011
yangonchronicle 2011

၁၀.၆.၂၀၁၁

ပြည်တွင်းသတင်းများ

စာပေစိစစ်ရေးပုံစံသစ်ကြောင့် ဂျာနယ်များ တာဝန်ပိုလာ

ရန်ကုန်၊ ဇွန် ၁၀။

စာပေစိစစ်ရေးနှင့် ပုံနှိပ်ထုတ်ဝေရေးဌာနမှ ထပ်မံပြဋ္ဌာန်း လိုက်သော စာပေစိစစ်ရေး စည်းမျဉ်းအသစ်ကြောင့် သတင်းဂျာနယ်များအနေဖြင့် ယခင် ထက်ပို၍ တာဝန်ရှိလာကြောင်း ပြည်တွင်းသတင်းဂျာနယ်တစ်စောင်မှ သတင်းအယ်ဒီတာတစ်ဦးက ဆိုသည်။

“စိစစ်ရေးက ထုတ်လိုက်တဲ့ မူဝါဒအသစ်တွေက သတင်းဂျာနယ်တွေကို စည်းကမ်းချက်ထက်တိုးတယ်လို့လဲ ပြောလို့မရဘူး။ ဒါပေမယ့် အရင်က ထက်စာရင်တော့ လုပ်ရ၊ ကိုင်ရတာ ပိုကျပ်လာတော့မယ်” ဟုဆိုသည်။

စာပေစိစစ်ရေးမှ ထုတ်ပြန်လိုက်သော မူဝါဒများအား လိုက်နာခြင်းမရှိပါက စာပေစိစစ်ရေး၏ စည်းမျဉ်းမူဘောင်များအရ သင့်တော်သလို အရေး ယူဆောင်ရွက်သွားမည်ဖြစ်ကြောင်း သိရှိရသည်။

စာပေစိစစ်ရေးမှ အသစ်ထုတ်ပြန်လိုက်သော စည်းမျဉ်းစည်းကမ်းများတွင် ဂျာနယ်များမှဖော်ပြသော သတင်းများအပေါ် ကာယကံရှင်မှ မှားယွင်း ကြောင်း သက်သေအထောက်အထားဖြင့် စာပေစိစစ်ရေးသို့ တိုင်ကြားပါက၊ စာပေစီစစ်ရေးမှ ခုံရုံးဖွဲ့၍ စစ်ဆေးမည်ဖြစ်ကာ၊ ခုံရုံးဖွဲ့စစ်ဆေးချိန်တွင် အဆို ပါ သတင်းရေးသားသောဂျာနယ်မှ ကျပ် သိန်း ၅၀အား စာပေစိစစ်ရေးသို့ စပေါ်ငွေအဖြစ် တင်သွင်းထားရမည်ဖြစ်ပြီး၊ သတင်းမှားရေးကြောင်း စစ်ဆေး တွေ့ရှိပါက၊ စပေါ်ငွေ ကျပ် သိန်း ၅၀ထဲမှ ဒဏ်ကြေးပေးဆောင်ရမည် ဖြစ်ကြောင်း သိရှိရသည်။

ဇွန်လ ၈ ရက်နေ့တွင်သိမ်ဖြူလမ်းရှိ ပုံနှိပ်နှင့် ထုတ်ဝေသူများအသင်းခန်းမတွင် ပြုလုပ်သော သတင်းစာရှင်းလင်းပွဲသို့ တက်ရောက်ခဲ့သူ တစ် ဦးက “ဂျာနယ် ပြန်ထုတ်ချင်ရင်တော့ ဒဏ်ရိုက်ခံရတဲ့ ငွေကြေးပမာဏကို စပေါ်ငွေ သိန်းငါးဆယ်ပြည့်အောင် ပြန်ဖြည့်ပေးရမယ်” ဟု ဆိုသည်။

ယင်း သတင်းစာရှင်းလင်းပွဲတွင် စာပေစိစစ်ရေးမှ တာဝန်ရှိသူတစ်ဦးက အနုပညာသုတရသ၊ ကျန်းမာရေး၊ ကလေးစာပေ၊ နည်းပညာနဲ့ အားက စား ကဏ္ဍငါးမျိုးကို ရေးသားဖော်ပြနေသော ဂျာနယ်နှင့်မဂ္ဂဇင်း ၁၇၈ စောင်ကို တင်-ထုတ်စနစ်မှ ထုတ်-တင်စနစ်သို့ ပြောင်းလဲပေးခဲ့ပြီး၊ သတင်းဂျာနယ်၊ နိုင်ငံရေးမဂ္ဂဇင်း၊ စီးပွားရေးနဲ့ သမိုင်းဆိုင်ရာ ဂျာနယ် စာအုပ်စာတမ်းများမူ ယခင် ပုံစံအတိုင်း ဆက်လက်ဆောင်ရွက်သွားမည်ဖြစ်ကြောင်း ဆိုသည်။

စာပေစိစစ်ရေးမှ ကျင့်သုံးနေသော စည်းမျဉ်းဥပဒေများသည် ၁၉၆၂ ခုနှစ်တော်လှန်ရေးကောင်စီ တာဝန်စတင်ယူချိန်မှစ၍ သတင်းမီဒီယာများ အပေါ်တွင် ကျင့်သုံးနေသော ဥပဒေနှင့် နည်းဥပဒေများဖြစ်ကြောင်း သိရှိရသည်။

ကျော်စွာ

-----------------------------------------------------------------------------------------------------------------------------------

စပါးဈေးနှိမ် ဝယ်သူများ အရေးယူခံရမည်

စပါးဝယ်ယူရာတွင် တောင်သူများထံမှ မတရားဈေးနှိမ်၍ ဝယ်ယူသည့် ဆန်စပါးပွဲစားများအား စစ်ဆေးတွေ့ရှိပါက အရေးယူဆောင်ရွက် သွားမည် ဖြစ်ကြောင်း ထန်းတပင်မြို့နယ် အထွေထွေအုပ်ချုပ်ရေးမှူး ဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။

ပွဲစားများမှာ မမှန်မကန် နည်းလမ်းဖြင့် ဈေးနှိမ်ဝယ်ယူကြကြောင်း၊ တင်းတောင်းမမှန်မကန် ချိန်တွယ်ခြင်းမျိုးတွေ့ရှိပါက မြို့နယ်အဖွဲ့အား သတင်း ပို့သင့်ကြောင်း၊ ထိုသို့အကြောင်းကြားမှသာ စိုက်ပျိုးကြီးကြပ်မှုကော်မတီက စစ်ဆေးအရေးယူဆောင်ရွက်သွားမည်ဖြစ်ကြောင်း ၎င်းက ဆက်လက် ပြောကြားခဲ့သည်။

တောင်သူများစပါးရောင်းသည့်အခါ၌ ခေါင်းရွက်ဗျက်ထိုးပွဲစားကုန်သည်များနှင့် ဆက်သွယ်၍ စပါးရောင်းကြကြောင်း သိရသည်။ စပါးပွဲစား ကုန်သည်အချို့မှာ ရာသီဥတုဖောက်ပြန်မှုပေါ်မူတည်၍ အနည်းငယ်ပျက်စီးသွားသည့် စပါးများအပေါ်၌ အခွင့်အရေးယူ၍ မတရားဈေးနှိမ်ခြင်း မျိုး ပြုလုပ်ကြောင်းသိရသည်။

ဆန်စပါး စိုက်ပျိုးနေကြသည့် တောင်သူလယ်သမား အများစုမှာ ဓာတ်မြေသြဇာ၊ ပေါင်းသတ်ဆေး သုံးစွဲနည်းများကို သေချာရေရာစွာ နားလည်နိုင်ခြင်း မရှိကြောင်း၊ ထိုသို့နားမလည်သည့်အတွက် အထွက်နှုန်းတိုးတတ်ခြင်းမရှိပဲ ကုန်ကျစရိတ်သာ ပိုသွားကြောင်း၊ အရည်အသွေး ကောင်းသည့် စပါးမျိုးဖြစ်နိုင်စေရန် ကြိုးစားထုတ်လုပ်ခြင်း ဖြစ်သည့်အတွက် စပါးရောင်းချိန်တွင် ဈေးမှန်ရရှိစေရန် တောင်သူလယ်သမားဘက်မှ ရပ်တည် ပေးစေလိုကြောင်း ထန်းတပင်ရှိ တောင်သူတစ်ဦးကပြောကြားခဲ့သည်။

လယ်ဧကနည်းပါးသည့် တောင်သူများမှာ လက်ထဲ၌ အပိုဝင်ငွေမရှိကြောင်း၊ စပါးစစိုက်မည်ဆိုပါကလည်း အတိုးနှင့်ပင် စိုက်ပျိုးကြရ ကြောင်း၊ စပါး ပေါ်ချိန်ရောက်မှသာ အတိုးပေးအရင်းဆပ်လုပ်ကြရကြောင်း၊ ယခုနှစ်၌ စပါးအထွက်မကောင်းသည့်အတွက် အရင်းပင်မကျေကြောင်း ဥက္ကံဘက်မှ တောင်သူတစ်ဦးကပြောကြားခဲ့သည်။

(မော်ဒန်၊ အမှတ်-၂၆၁ ပါ “စပါးဝယ်ရာမှာ မတရားဈေးနှိမ်သူအရေးယူမည်” သတင်းအားအကျဉ်းချုံး ဖော်ပြသည်)

-----------------------------------------------------------------------------------------------------------------------------------

 ထားဝယ်ရေနက်စီမံကိန်း လူကုန်ကူးမှုမဖြစ်စေရေး လေ့လာစောင့်ကြည့်ရန် လိုအပ်

လက်ရှိလုပ်ကိုင်လျှက်ရှိသည့် ထားဝယ်ရေနက်ဆိပ်ကမ်းစီမံကိန်း၌ မြန်မာနှင့်ထိုင်း ရွှေ့ပြောင်းလုပ်သားများ အများဆုံးပါဝင်သည့်အတွက် လူကုန်ကူးမှုများ မဖြစ်ပေါ်နိုင်စေရန် စောင့်ကြည့်နေရမည်ဖြစ်ကြောင်း UNIAP မှ တာဝန်ရှိသူတစ်ဦးက ပြောကြားခဲ့သည်။

ထားဝယ်ရေနက်ဆိပ်ကမ်းစီမံကိန်းသည် အရှေ့တောင်အာရှဒေသများတွင် အကြီးမားဆုံးဖြစ်လာနိုင်ပြီး ၎င်းရေနက်ဆိပ်ကမ်းသည် မြန်မာ-ထိုင်း နယ်စပ်ရှိ လူကုန်ကူးမှု အများဆုံးဖြစ်လာနိုင်သည့် နေရာပင်ဖြစ်ကြောင်း ၎င်းက ဆက်လက်ပြောကြားခဲ့သည်။

မည်သည့်နေရာ၌ဖြစ်စေ လုပ်ငန်းသစ်များ၊ စီမံကိန်းသစ်များ ဖြစ်ပေါ်လာပါက လူကုန်ကူးမှုဖြစ်စဉ်များ ဖြစ်ပေါ်လာနိုင်ကြောင်း၊ ထားဝယ်ရေနက် စီမံကိန်း၏ လုပ်ငန်းခွင် စီမံကိန်းအသစ်များ ပေါ်ပေါက်လာသည့်အတွက် ဒေသခံများ၊ ရွှေ့ပြောင်းလုပ်သားများအတွက် အလုပ်အကိုင်အခွင့်အလမ်း ပေါ် ပေါက်လာနိုင်မည်ဖြစ်ကြောင်း ၎င်းက ဆက်လက်ပြောကြားခဲ့သည်။

နှုတ်ကတိများ ခိုင်မာမှုမရှိသည့် စာချုပ်များဖြင့်သာ အလုပ်လုပ်နေကြောင်း၊ အလုပ် လုပ်ကိုင်မည့်သူများအနေဖြင့်လည်း ပွဲစားပြောသည့် ဝန် ဆောင်မှုများကိစ္စအား စဉ်းစားရန်လိုအပ်ကြောင်း၊ နှစ်ဦးနှစ်ဘက် ရှင်းလင်းတိကျသည့် စာချုပ် ချုပ်ဆိုရန်လိုအပ်ကြောင်း၊ သို့သော် နှုတ်ကတိများဖြင့်သာ အလုပ်လုပ်မည်ဆိုပါက လူကုန်ကူးမှုများ၊ အလုပ်သမား ခေါင်းပုံ ဖြတ်မှုများ ဖြစ်လာနိုင်ကြောင်း UNIAP မှ တာဝန်ရှိသူတစ်ဦးက ပြောကြားခဲ့သည်။

(မြန်မာပို့စ်(ဂလိုဘယ်)၊ အမှတ်-၁၂ ပါ “ထားဝယ်ရေနက်ဆိပ်ကမ်းစီမံကိန်းတွင် လူကုန်ကူးမှုမဖြစ်ပေါ်စေရန် လေ့လာစောင့်ကြည့်မှုများ ပြု လုပ်မည်” သတင်းအားအကျဉ်းချုံး ဖော်ပြသည်)

×××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

ရန်ကုန်တိုင်းဒေသကြီးသတင်းစာရှင်းလင်းပွဲ ပြန်စမည်

ရန်ကုန်၊ ဇွန် ၁၀။

ရန်ကုန်တိုင်းဒေသကြီး အစိုးရအဖွဲ့၏ သတင်းစာရှင်းလင်းပွဲအား ဇွန်လ ၁၄ ရက် အင်္ဂါနေ့တွင် ပြန်လည်ကျင်းပသွားမည် ဖြစ်ကြောင်း စာပေ စိစစ်ရေးမှ တာဝန်ရှိသူတစ်ဦးက ဆိုသည်။

အဆိုပါတာဝန်ရှိသူက "သတင်းစာရှင်းလင်းပွဲတက်ဖို့ ခွင့်ပြုတဲ့ သတင်းဂျာနယ်တွေကို ကြာသပတေးနေ့နဲ့ သောကြာနေ့တွေမှာ ဖုန်းဆက် ဖိတ် ကြားတာတွေ လုပ်မှာပါ"ဟု ဆိုသည်။

အဆိုပါ သတင်းစာရှင်းလင်းပွဲသို့ သတင်းဂျာနယ်တိုက်များမှ ခွင့်ပြုသောသူတစ်ယောက်သာ တက်ရောက်ရမည်ဖြစ်ကြောင်း သိရှိရသည်။

ပြည်တွင်းသတင်းဂျာနယ်တစ်စောင်မှ တာဝန်ခံအယ်ဒီတာတစ်ဦးက "အရင်လုပ်တဲ့ ပွဲတွေတုန်းက တိုက်တစ်တိုက်ကို နှစ်ယောက်ခွင့်ပြုတယ်၊ အခုပွဲကျတော့ တိုက်ကခွင့်ပြုတဲ့သူတစ်ဦးကိုပဲ တက်ဖို့ဖိတ်တယ်။ ဇွန် ၁၄ ရက်လုပ်မယ့် ပွဲတက်တဲ့သူက နောင်အပတ်စဉ်လုပ်တဲ့ သတင်းစာရှင်းလင်းပွဲ တွေ ကိုလည်း သူပဲတက်ရမယ်၊ သူ့နေရာကို အစားထိုးပြောင်းရွှေ့လို့ မရဘူးလို့ စာပေစိစစ်ရေးက ဖုန်းဆက်ပြောတယ်"ဟု ဆိုသည်။

သတင်းစာရှင်းလင်းပွဲသို့ တက်ရောက်မည့်သူများ၏ ဓာတ်ပုံနှစ်ပုံ၊ မှတ်ပုံတင်အမှတ်၊ ကင်မရာအမျိုးအစား၊ ဟန်းဖုန်းအမျိုးအစား၊ အသံဖမ်းစက် အမျိုးအစားတို့နှင့် တိုင်းဒေသကြီးအစိုးရအဖွဲ့သို့ မေးမြန်းမည့်မေးခွန်းများအား အယ်ဒီတာချုပ်၏ ခွင့်ပြုချက်လက်မှတ်နှင့်အတူ စာပေစိစစ်ရေးနှင့် ပုံနှိပ် မှတ်ပုံတင်ရေးဌာနသို့ ဇွန်လ ၁၃ရက် တင်္နလာနေ့ နောက်ဆုံးထားကာ ကြိုတင်ပို့ထားရမည်ဖြစ်ကြောင်း သိရှိရသည်။

ရန်ကုန်တိုင်းဒေသကြီး အစိုးရအဖွဲ့၏ သတင်းစာရှင်းလင်းပွဲအား မေလ ၁၀ ရက်နေတွင် တစ်ကြိမ်၊ မေလ ၁၇ ရက်နေ့တွင် တစ်ကြိမ် ကျင်းပခဲ့ပြီး၊ နော်ဝေးအခြေစိုက် ဒီမိုကရက်တစ်မြန်မာ့အသံ (ဒီဗီဘီ)သတင်းဌာနမှ မေလ ၁၀ ရက်နေ့က ပြုလုပ်ခဲ့သော သတင်းစာရှင်းလင်းပွဲ၏ ရုပ်သံမှတ်တမ်းအား ထုတ်လွှင့်ခဲ့သည့်အတွက် ယင်းသတင်းစာရှင်းလင်းပွဲများ ပြုလုပ်ခြင်းကို ရပ်နားခဲ့ခြင်းဖြစ်ကြောင်း တိုင်းဒေသကြီး တာဝန်ရှိသူ တစ်ဦးက ဆိုသည်။

ယင်းသတင်းစာရှင်းလင်းပွဲများ စတင်ပြုလုပ်သည့် မေလ ၁၀ ရက်နေ့က အပတ်စဉ် အင်္ဂါနေ့တိုင်း သတင်းစာရှင်းလင်းပွဲများ ပြုလုပ်ရန် အစီအစဉ် ရှိကြောင်း ဝန်ကြီးဌာန ၆ ခုကိုကိုင်သော ဝန်ကြီး ဗိုလ်မှူးကြီးဟောင်း ဦးဉာဏ်ထွန်းဦးက ပြောကြားခဲ့သည်။

ကျော်စွာ

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“တကယ်တော့ ဒီလိုမျိုး ငွေကြေးဈေးကွက်မှာ အပြောင်းအလဲဖြစ်တယ်ဆိုတာ ရင်းနှီးမြှုပ်နှံမှုနဲ့ ဆိုင်တယ်လို့ ပြောလို့ရပေမယ့် မြန်မာနိုင်ငံရဲ့ လတ်တလော အနေအထားအရတော့ ရင်းနှီးမြှုပ်နှံမှုနဲ့ အများကြီး ပတ်သက်လှတယ် မထင်ပါဘူး။ မကြာခင်က real estate market က အရမ်းတိုးတက်သွားတယ်။ အဲဒီတော့ ဒေါ်လာငွေတွေကို မြန်မာငွေနဲ့ ပြန်ဖော်ပြီး အလုံးအရင်းနဲ့ ဝင်လာတယ်။ ဒါကတစ်ပိုင်း၊ နောက်ပြီးတော့ အိမ်ခြံမြေဈေးကွက်မှာ အခွန် ၁၅ ရာခိုင်နှုန်း စနစ်က မကြာခင် သက်တမ်းကုန်တော့မယ်လို့ မျှော်လင့်နေတယ်။ ဒါတွေ ငွေအပြည့်ချေရတော့မယ်။ နာမည်ပေါက် လုပ်ရတော့မယ်။ ဒါ့အပြင် တခြားငွေတွေ ရှိသေးတယ်။ ကျောက်ပွဲလိုဟာမျိုးက ဝင်တာ၊ ရင်းနှီးမြှုပ်နှံမှုအနေနဲ့ ဝင်တာတွေ၊ ပုံစံမျိုးစုံနဲ့ ဝင်ရင်းက အခုလို ဒေါ်လာဈေး ထိုးဆင်းတာလို့ ယူဆပါ တယ်။ နောက်ဆုံးတော့ exporter ကိုထိတယ်။ ပြီးရင် သူနဲ့ ဆက်စပ်တဲ့ supply chain တစ်ခု လုံးထိမယ်။ ဒါပါပဲ”

Bi Weekly ELEVEN (၄) အမှတ် (၁၀) တွင်ပါသည့် "  အမေရိကန်ဒေါ်လာဈေး ဆက်တိုက် ထိုးဆင်းနေသောကြောင့် ပို့ကုန်လုပ်ငန်းနှင့် ဆက် စပ်သော ထုတ်လုပ်မှုလုပ်ငန်းများ ထိခိုက်ဖွယ်ရှိနေ " သတင်းမှ စီးပွားရေး ပညာရှင်တစ်ဦး၏ ပြော ကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“ရပ်ကွက်၊ ကျေးရွာအုပ်ချုပ်ရေးမှူးတွေက စာရေးကိရိယာတွေ၊ စာရွက်စာတမ်းတွေအတွက် ကာမိအောင် ရန်ပုံငွေရှာတဲ့အခါမှာ လွဲမှားတဲ့နည်းလမ်းတွေ သုံးလာနိုင်ခြေရှိမယ်။ အဲဒါကို ဖြေရှင်းဖို့ နည်းလမ်းနှစ်ခု စဉ်းစားမိတယ်ပါတယ်။ ရပ်ကွက်၊ ကျေးရွာအုပ်ချုပ်ရေးမှူးရုံးတွေအတွက် စာရွက်စာတမ်း၊ စာရေး ကိရိယာတွေကို မြို့နယ်အဆင့်က ထောက်ပံ့ပေးတာပဲဖြစ်ဖြစ်၊ ဧည့်စာရင်းတို့၊ ထောက်ခံစာတို့ကို အများပြည်သူတတ်နိုင်တဲ့ မများလှတဲ့ ငွေပမာဏတစ် ရပ် သတ်မှတ်ပြီး တရားဝင် ကောက်ခံတာမျိုးရယ်ပေါ့”

MYANMAR TIMES  အတွဲ(၂၇) အမှတ် (၅၂၁) တွင်ပါသည့် " နေပြည်တော်မြို့နယ်အချို့ ဧည့်စာရင်းတိုင်ကြားခ ကောက်ခံခြင်းမပြုရန် စတင် ညွှန်ကြား" သတင်းမှ မြို့နယ် အုပ်ချုပ်ရေးမှူးရုံးမှ တာဝန်ရှိသူတစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“အင်တာနက်က လိုချင်တဲ့ အချက်အလက်တွေ၊ သီချင်းတွေ၊ ဖိုင်တွေကူးပြီးရင် မန်မိုရီစတစ်နဲ့ကူးလာပြီး အိမ်ကစက်ထဲကို ကူးထည့်ပါတယ်။ ဒါပေမယ့် အဲဒီလိုကူးလို့မရရင် ဘယ်လိုလုပ်မလဲ။ အချက်အလက်တွေအားလုံးကို စာရွက်နဲ့ Print ထုတ်ရရင်လည်း ကုန်ကျစရိတ်က များလာမှာ”

MYANMAR TIMES  အတွဲ(၂၇) အမှတ် (၅၂၁) တွင်ပါသည့် " အင်တာနက်ဆိုင်များ လိုက်နာဆောင်ရွက်ရမည့် စည်းကမ်းချက်အသစ်များ ထုတ်ပြန်ထား" သတင်းမှ အင်တာနက်အသုံးပြုသူတစ်ဦး၏ ပြောကြားချက်အပေါ် ကောက်နှုတ် ချက်

-----------------------------------------------------------------------------------------------------------------------------------

“မြဝတီနဲ့ တာချီလိတ်ကို စလှုပ်ရှားရမှာ ဝင်ရလွယ်အောင်၊ ကားသုံးရလွယ်အောင် လုပ်နိုင်တယ်။ Taxတွေ လျှော့ပေါ့ပေး တာလုပ်နိုင်တယ်။ ဒါဆိုရင် လာ မယ့်နှစ် ခရီးသွားများမှာ သေချာတယ်။

Modern  အမှတ် (၂၆၁) တွင်ပါသည့် "နယ်စပ်ဂိတ်များ စနစ်တကျ ဖွင့်လှစ်မည် " သတင်းမှ မြန်မာနိုင်ငံခရီးသွား လုပ်ငန်းရှင်များအဖွဲ့မှ တာဝန်ရှိသူတစ်ဦး၏ ပြောကြားချက်အပေါ် ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

နိုင်ငံရေး စိတ်ပါဝင်စားသူများ ဖွဲ့စည်းခြင်းနှင့် နိုင်ငံရေးအသစ်လှုပ်ရှားခြင်း

တင်ညွန့်

မြန်မာပိုစ့် ဂလိုဘယ် သတင်းဂျာနယ်၊ အမှတ်(၁၂)၊

သောကြာနေ့၊ ဇွန်(၁၀)ရက်နေ့၊ ၂၀၁၁။

ကျွန်တော်ပြောချင်သည့် အဖွဲ့အစည်းသည် ပါတီအဖွဲ့အစည်းတွေနှင့် သက်ဆိုင်ချင်မှလည်း သက်ဆိုင်မည်။ နိုင်ငံရေးကို စိတ်မဝင်စားပါဘူးဟု ဂုဏ်ယူပြောချင်သူများနှင့်လည်း သက်ဆိုင်ကောင်းသက်ဆိုင်နိုင်သည့် အဖွဲ့အစည်းများ၏ ဖွဲ့စည်းလှုပ်ရှားပုံအကြောင်း ဖြစ်ပါသည်။

နိုင်ငံရေးကို စိတ်ပါဝင်စားသူများ စုပေါင်းဖွဲ့စည်းထားသည့်အဖွဲ့ သို့မဟုတ် အုပ်စုကို (interest group) ဟု ခေါ်ပါသည်။ ထိုအဖွဲ့ သို့မဟုတ် အုပ်စုသည် နိုင်ငံရေးကို သာမန်စိတ်ပါဝင်စားသူများဟု ဆိုနိုင်သော်လည်း အစိုးရအနေဖြင့် အများပြည်သူဆိုင်ရာ မူဝါဒများကို ချမှတ်ရာတွင် များစွာ အထောက် အကူပြုနိုင်သည့် အဖွဲ့အစည်းများအဖြစ် ထင်ရှားကြသည်။ ထိုအုပ်စုသည်  နိုင်ငံရေးဆိုင်ရာ သဘောတရားများကို အစိုးရနှင့် ပြည်သူတို့ကြား သိအောင် လုပ်ပေးခြင်းကြောင့် ထင်ရှားသည့် အဖွဲ့အစည်းများဟု ဆိုနိုင်ပါသည်။ အနောက်နိုင်ငံများတွင် နိုင်ငံရေးစိတ်ပါဝင်စားသူများ အုပ်စုသည် အစိုးရ ဆုံးဖြတ် ချက်များအပေါ် များစွာလွှမ်းမိုးမှု ရှိကြောင်းလည်း တွေ့ရသည်။

အမေရိကန်ပြည်ထောင်စုတွင် နိုင်ငံရေးစိတ်ပါဝင်စားသူများအဖွဲ့ကို "Lobbies" ဟုခေါ်သည်။ ထိုစားလုံးသည် "Lobbyist" ဆိုသည့် စကားလုံး နှင့် မှားနိုင်သည်။ အမေရိကန်တွင် "Lobbying" ဆိုသည်မှာ လွှတ်တော်အမတ်များကို မိမိတို့ ဖြစ်စေချင်သည့်ကိစ္စများအား ဆွယ်တရားဟောခြင်းကို ခေါ် သည်။

နိုင်ငံရေးစိတ်ဝင်စားသူများအဖွဲ့သည် နိုင်ငံရေးကိစ္စများကို စုံစမ်းစစ်ဆေးအရေးယူပေးရသည့် အဖွဲ့အစည်းနှင့်လည်း မှားနိုင်သည်။ ထိုအဖွဲ့သည် ရွေးကောက်ပွဲနှင့် ရွေးကောက်ပွဲဆိုင်ရာကိစ္စရပ်များကို ကိုင်တွယ်ဆောင်ရွက်ပေးကြသည့် အဖွဲ့မျိုးသာဖြစ်သည်။  နိုင်ငံရေး စိတ်ပါဝင်စား သူများသည် နိုင်ငံရေးပါတီများလည်း မဟုတ်ကြပေ။ တစ်နည်းအားဖြင့် နိုင်ငံရေးစိတ်ပါဝင်စားသူများအဖွဲ့သည် အစိုးရမူဝါဒများကို ထိန်းကျောင်းရပြီး နိုင်ငံရေးပါတီများသည် အစိုးရအား ပုဂ္ဂိုလ်ရေးအရ ထိန်းကျောင်းရသည် အသွင်ဆောင်ပါသည်။

အမေရိကန်ပြည်ထောင်စုတွင် နိုင်ငံရေးစိတ်ပါဝင်စားသူများအဖွဲ့ပေါင်း မြောက်မြားစွာရှိသည်။ အမေရိကန်နိုင်ငံသား သန်းနှင့်ချီပြီး အဖွဲ့တစ်ဖွဲ့ သို့မဟုတ် အဖွဲ့ပေါင်းများစွာတွင် အဖွဲ့ဝင်များအဖြစ် ပါဝင်လှုပ်ရှားနေကြသည်။ မိမိတို့ အဖွဲ့အစည်းရပ်တည်နိုင်ရေးအတွက် ရန်ပုံငွေများကို ထည့်ဝင်ကြ သည်။ အဖွဲ့ကကျင်းပသည့် အစည်းအဝေးများကိုလည်း တက်ကြွစွာ တက်ရောက်ဆွေးနွေး အကြံပေးကြသည်။ အမေရိကန်တို့က နိုင်ငံရေးပါတီများ အသွင်ဖြင့် နိုင်ငံရေးကို လှုပ်ရှားရခြင်းထက် နိုင်ငံရေးကို စိတ်ပါဝင်စားသူများအသွင်ဖြင့် နိုင်ငံရေးတွင် ပါဝင်လှုပ်ရှားရခြင်းကို ဒီမိုကရေစီ ဖော်ဆောင်ခြင်း ဟု သတ်မှတ်ကာ ပိုပြီးသဘောကျကြောင်းသိရသည်။

နိုင်ငံရေးစိတ်ပါဝင်စားသူများသည် မိမိတို့အုပ်စုအလိုက် ပညာအရည်အချင်းကို သတ်မှတ်လက်ခံတတ်သည်များလည်း ရှိသည်။ လွှတ်တော်သို့ နိုင်ငံရေးစိတ်ပါဝင်စားသူများအဖြစ် မိမိတို့အဖွဲ့ကိုယ်စားပြုသူများကို စေလွှတ်တက်ကြသည်။ ထိုနိုင်ငံရေးစိတ်ပါဝင်စားသူများ အုပ်စုသည် အစိုးရ ဘာလုပ်မည် သို့မဟုတ် အစိုးရဘာထုတ်ပြန်တော့မည်ကို စောင့်ကြည့်နေကြသည်။ သို့သော် အပျက်သဘောဆောင်သော အမြင်ဖြင့် ရှုမြင်သုံးသပ် နေခြင်းထက် အပြုသဘောဆောင်သည့် ဝေဖန်အကြံပြုချက်များ ပေးနိုင်ရန် ကြိုးစားအားထုတ်ကြသည်။ နိုင်ငံရေးစိတ်ဝင်စားသူများ၏ ဦးတည်ချက်မှာ ဒီမိုကရေစီ ထွန်းကားရေးအတွက်သာဖြစ်ပြီး ဒီမိုကရေစီကို ဖျက်ဆီးရန်မဟုတ်ကြောင်း သဘောပေါက်ထားကြသည်။

နိုင်ငံရေးစိတ်ပါဝင်စားသည့် အုပ်စုအဖွဲ့များစီးပွားရေးနှင့် လယ်ယာစိုက်ပျိုးရေးအဖွဲ့များ

ဤအုပ်စုသည် လူတန်းစားအမျိုးမျိုး အရွယ်အစားအမျိုးမျိုးဖြင့် ဖွဲ့စည်းထားကြသည်။ အစိုးရသည် စီးပွားရေးဆိုင်ရာကိစ္စများ ဘာတွေလုပ်တော့ မည်။ မည်သည့်မူဝါဒများ ချမှတ်တော့မည်၊ ဘာဖြစ်နိုင်သည်ကို လေ့လာစူးစမ်းသည့် အဖွဲ့ဖြစ်သည်။ စီးပွားရေးကဏ္ဍတွင် လက်တွေ့ လုပ်ဆောင်ကြ သူများ၊ လုပ်ငန်းရှင်များကို များစွာအထောက်အကူပြုနိုင်သည့် အဖွဲ့အစည်းများလည်း ဖြစ်ကြသည်။ အမေရိကန်ပြုထောင်စုတွင် အမျိုးသားရိုင်ဖယ် အသင်းနှင့် အမေရိကန် လယ်သမားအဖွဲ့ချုပ်တို့သည့် နာမည်ကြီးအဖွဲ့အစည်းများဖြစ်သည်။ ဝါရှင်တန်တွင် လှုပ်ရှားနေသည့် ထိုနိုင်ငံရေး စိတ်ပါဝင် စားသူအဖွဲ့ များနှင့် ပူးပေါင်းနေသည့် ကုမ္ပဏီများမှာ Shell oil, IBM  နှင့် General Motors ကုမ္ပဏီများဖြစ်သည်။

 အလုပ်သမားများအဖွဲ့များ

အလုပ်သမားအဖွဲ့အစည်းများသည်  လွှတ်တော်အကြံပေးအဖွဲ့တွင် တက်ကြွစွာ ပါဝင်လှုပ်ရှားလေ့ရှိကြသည်။ AFL_CIO, Uniter Mine Work ers နှင့် Teamaster အဖွဲ့များသည် အလုပ်သများ ကိုယ်စားပြုအဖွဲ့များအနေဖြင့် လွှတ်တော်တွင် အကြံပေးဆွေးနွေးကြသည်။ ယခုအခါ အလုပ် သမား အဖွဲ့ကို နိုင်ငံတွင်းရှိ အလုပ်သမားနှင့် ဝန်ထမ်းများက စိတ်ပါဝင်စားလာကြပြီး အဖွဲ့ဝင်အရေအတွက်များ တိုးပွားနေကြောင်း သိရသည်။ အထူးသဖြင့် မြူနီစီပယ်ဝန်ထမ်းများ သည် နိုင်ငံရေးစိတ်ပါဝင်စားမှုပိုများသည်ဟုဆိုသည်။ 

တတ်သိပညာရှင်အဖွဲ့များ

အမေရိန်ကန်ရှေ့နေကောင်စီနှင့် အမေရိကန်ဆေးပညာရှင်အသင်းတို့သည် ပြည်နယ်ဒေသဆိုင်ရာ ဥပဒေပြုရာတွင် များစွာအထောက်အကူ ပြု ပေးနိုင်သည့် အဖွဲ့အစည်းများ ဖြစ်ကြသည်။ ဘဏ္ဍရေးဆိုင်ရာ အဖွဲ့အစည်းများကို ကိုယ်စားပြုကြသည့် အမေရိကန် ဘဏ်လုပ်ငန်းရှင်ကြီးများအဖွဲ့နှင့် အမျိုးသား ငွေစုငွေချေးအဖွဲ့တို့သည်လည်း လွှတ်တော်အကြံပြုရာတွင် အရေးပါသည့် အဖွဲ့အစည်းများဖြစ်ကြသည်။ ထိုအဖွဲ့များ၏ အကြံပြုချက်များ ဆွေးနွေးတင်ပြချက်များ သည် ဥပဒေပြုအဖွဲ့အတွက် များစွာ အထောက်အကူပြုကြောင်းတွေ့ရ သည်။

 ပြည်သူ့ရေးရာအဖွဲ့များ

ပြည်သူကိုယ်စားပြုအဖွဲ့အစည်းများ၏ အခန်းကဏ္ဍသည်လည်း လွှတ်တော်အကြံပြုအဖွဲ့တွင် များစွာသက်ရောက်မှု ရှိကြောင်းတွေ့ရသည်။ ထို အဖွဲ့များတွင် စားသုံးသူများအတွက် အကာအကွယ်ပေးရေး၊ သဘောဝပတ်ဝန်းကျင် ထိန်းသိမ်းရေးတို့တွင် များစွာသြဇာသက်ရောက်မှုရှိကြသည်။ The Natural Resources Defense Council, The Sierra Club, The Union of Concerned Scientists နှင့် Common Cause အဖွဲ့များသည် ပြည်သူ့ရေးရာ ကိုယ်စားပြု အဖွဲ့များတွင် ထင်ရှားကြသည်။

 အတွေးအမြင်အုပ်စုများ

ပြည်သူ့ရေးရာ ကိုယ်စားပြုအဖွဲ့များနှင့် များစွာဆက်နွယ်မှု ရှိကြသည်။ သီးခြားနိုင်ငံရေးဆိုင်ရာ သဘောတရားများ၊ အမြင်ရှိသူများ၊ အတွေး အခေါ်အယူအဆကောင်းပြီး နိုင်ငံရေးအကြံပြုနိုင်သူများဖြင့် ဖွဲ့စည်းထားကြသည်။ ဥပမာ People for the American Way အဖွဲ့သည် လစ်ဘရယ် ဒီမို ကရေစီဆိုင်ရာ သဘောတရားများကို မြှင့်တင်ပေးနိုင်ခဲ့သည်။ Christian Coaltion အဖွဲ့သည် ဘာသာရေးဆိုင်ရာ သဘောတရားများကိုလည်းကောင်း National Taxpayer Union သည် ပြည်ထောင်စု အစိုးရ အဖွဲ့ဝင်ဦးရေကို လျှော့ချနိုင်ရေးအတွက် လှုပ်ရှားဆောင်ရွက်မှုများ အောင်မြင်ခဲ့သည်။

 ပြည်သူ့ကိုယ်စားပြု အဖွဲ့များ

အမေရိကန်လွှတ်တော်သည် ပြည်သူ့ကိုယ်စားပြုလွတ်လပ်သော နိုင်ငံရေးဆိုင်ရာအကြံများကို နှစ်ပေါင်းများစွာ အလေးထားခဲ့ကြောင်း တွေ့ရ သည်။ ဥပမာ National Leaguage of Cities အဖွဲ့ကဲ့သို့သော နိုင်ငံရေးဆိုင်ရာ သုတေသန ပြုလုပ်နေသည့် အဖွဲ့အစည်းများဖြစ်သည်။ နောက်ပိုင်း ထို အဖွဲ့အစည်းများတွင် Think Tank ကဲ့သို့သော နိုင်ငံရေးဆိုင်ရာ အကြံပေးပညာရှင်များ ပါဝင်လာပြီး အစိုးရကိုယ်တိုင်က သုတေသနပြုလုပ်ရန်အတွက် ငွေကြေးများ ထောက်ပံ့ပေးရသည်အထိ အောင်မြင်မှုများရခဲ့သည်။ ထိုအဖွဲ့အစည်းများသည် ဟားဗတ်တက္ကသိုလ်၊ ဘရွတ်ကင်းတက္ကသိုလ်နှင့် အမေရိကန် စီးပွားရေးတက္ကသိုလ်များ ပါဝင်လာကြောင်း တွေ့ရသည်။

အမေရိကန်ပြည်ထောင်စုတွင် နိုင်ငံရေးလှုပ်ရှားမှုအသွင်ဖြင့် ပြည်သူ့နိုင်ငံရေးတိုက်ပွဲများကို ဆင်နွှဲလာကြေ