Transparency Myanmar

transparency.myanmar@gmail.com

yangonchronicle 2011
yangonchronicle 2011

၂၇.၉.၂၀၁၁

ပြည်တွင်းသတင်းများ

  1. မြန်မာ့စိုက်ပျိုးရေးကဏ္ဍတွင် ပြည်ပနိုင်ငံများမှ စိုက်ဧက သိန်းချီပြီး ရင်းနှီးမြှုပ်နှံရန် ကမ်းလှမ်း
  2. မိုက်ခရိုဆော့ဖ်၏ Windows 8 ကွန်ပျူတာစနစ်၌ မြန်မာစာစနစ် တရားဝင်ပါဝင်မည်

ပြည်တွင်းပါတီ၊ နိုင်ငံရေးသတင်းများ

  1. တည်ဆဲဥပဒေအရ ငါးယောက်ထက် ပိုမစုရဟုဆိုကာ လူစုခွဲခံရ
  2. မစ္စယင်းလတ် အောက်တိုဘာလဆန်းတွင် မြန်မာနိုင်ငံ လာမည်
  3. လွှတ်တော်တွင် မီဒီယာဥပဒေ မကြာမီ တင်သွင်းမည်

သတင်းနှင့် ဆောင်းပါးများမှ ကောက်နှုတ်ချက်များ

ဆောင်းပါးကဏ္ဍ

  1. ဖွံ့ဖြိုးမှုနှင့် အလုပ်အကိုင်အခွင့်အလမ်း

×××××××××××××××××××××××××××××××××××××××××××××××××××××××××××××××××

ပြည်တွင်းသတင်းများ

မြန်မာ့စိုက်ပျိုးရေးကဏ္ဍတွင် ပြည်ပနိုင်ငံများမှ စိုက်ဧက သိန်းချီပြီး ရင်းနှီးမြှုပ်နှံရန် ကမ်းလှမ်း

မြန်မာ့လယ်ယာစိုက်ပျိုးရေးကဏ္ဍတွင် နိုင်ငံခြားကုမ္ပဏီများနှင့် စိုက်ပျိုးရေးလုပ်ငန်းစုများက မြေယာဧက သိန်းချီပြီး လာရောက်လုပ်ကိုင် လိုကြောင်း သိရသည်။

အဆိုပါ လာရောက်လုပ်ကိုင်လိုသည့် နိုင်ငံများမှာ ငလျင်ဒဏ်နှင့် သဘာဝဘေးဒဏ် ခံစားခဲ့ရသော ပြည်ပနိုင်ငံများမှ ဖြစ်ကြောင်း သိရှိရသည်။

မြန်မာနိုင်ငံသည် သီးနှံမျိုးစုံ စိုက်ဧက သန်း ၅၀ ကျော် ရှိပြီး မြေလွတ်မြေရိုင်းနှင့် ထပ်မံဖော်ထုတ်မည့် စိုက်ဧကများ ပါဝင်ပါက စိုက်ဧက ပိုမို၍ များပြားမည်ဖြစ်ကြောင်း သိရှိရသည်။

“လာမယ့် မကြာမီနှစ်တွေမှာပဲ မြန်မာနိုင်ငံထဲမှာ ဧက သိန်းနဲ့ချီပြီး စိုက်ပျိုးထုတ်လုပ်ဖို့ ကမ်းလှမ်းတောင်းဆိုထားတဲ့ နိုင်ငံတွေ ရှိနေပြီဖြစ်ပါတယ်။

အဲဒီနိုင်ငံတွေဟာ သူတို့နိုင်ငံမှာ သဘာဝဘေးအန္တရာယ်မျိုးနဲ့ ထိခိုက်ခံစားခဲ့ရမှုတွေကြောင့် စိုက်ပျိုးထုတ်လုပ်ဖို့ မဖြစ်နိုင်တော့သလို မြန်မာ နိုင်ငံရဲ့ သဘာဝဘေးအန္တရာယ် စိတ်ချရနိုင်တဲ့ မြေယာပိုင်ဆိုင်ထားမှုတွေကြောင့် ဒီမှာ စိုက်ပျိုးမြေယာရင်းနှီးမြှုပ်နှံမှုတွေ လုပ်ချင်နေတာပါ။ ဒါကို ခွင့်ပြု ပေးဖို့ အလားအလာတွေလည်း ရှိပါတယ်။ နည်းပညာနဲ့ ရင်းနှီးမြှုပ်နှံမှုတွေ စီးဝင်လာမယ့်အပေါ် အကျိုးအမြတ်ရှာတတ်ဖို့ပဲ လိုတာပါ” ဟု အမျိုးသား စီမံ ကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာန ပြည်ထောင်စုဝန်ကြီး ဦးတင်နိုင်သိန်းက ပြောကြားသွားသည်။

ပြည်ပမှ မြေယာလွတ်များ ရင်းနှီးမြှုပ်နှံလိုမှုအတွက် လယ်/ဆည်ဝန်ကြီးဌာနမှ လက်ခံဆောင်ရွက်ပေးရမည်ဖြစ်ပြီး ရင်းနှီးမြှုပ်နှံမှုအတွက် စီစဉ် ရေးဆွဲပေးမှုနှင့် ဥပဒေကြေညာပေးမှုကို အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှုဝန်ကြီးဌာနမှ တာဝန်ယူ ဆောင်ရွက်ပေးရမည်ဖြစ်ကြောင်း သိရှိရသည်။

“ပြည်တွင်းလုပ်ငန်းရှင်များ မစိုက်ပျိုးနိုင်တဲ့မြေယာတွေမှာ ပြည်ပလုပ်ငန်းရှင်တွေကို ပေးလုပ်ခွင့်ပြုမယ်ဆိုရင်တော့ ကောင်းပါတယ်။ ဒါပေမယ့် ပြည်တွင်းက လုပ်ငန်းရှင်တွေ၊ တောင်သူတွေမထိခိုက်စေမယ့် ရင်းနှီးမြှုပ်နှံမှုမျိုးပဲ ဖြစ်သင့်တယ်၊ သူတို့ လာရောက်ရင်းနှီးမြှုပ်နှံရင်တော့ သူတို့ဆီက နည်းပညာတွေ ရရှိမှာပဲ ” ဟု ဆန်စပါးလုပ်ငန်းရှင်တစ်ဦးက ပြောကြားသွားသည်။

Ref : ပြည်မြန်မာ

-----------------------------------------------------------------------------------------------------------------------------------

မိုက်ခရိုဆော့ဖ်၏ Windows 8 ကွန်ပျူတာစနစ်၌ မြန်မာစာစနစ် တရားဝင်ပါဝင်မည်

မိုက်ခရိုဆော့ဖ်၏ Windows 8 ကွန်ပျူတာစနစ်၌ မြန်မာစနစ် တရားဝင်ပါလာမည်ဖြစ်ကြောင်း ကွန်ပျူတာသုံး မြန်မာစာစနစ် အကောင်အထည် ဖော်ရေးအဖွဲ့(Myanmar NLP Lab) မှ စက်တင်ဘာလ ၂၀ ရက်နေ့က သတင်းထုတ်ပြန်ခဲ့သည်။

Windows 8 ၌ပါဝင်လာမည့် မြန်မာစာစနစ်မှာ ယူနီကုဒ်စံကို အတိအကျ လိုက်နာထားသည့် မြန်မာဖောင့်ဖြစ်ပြီး ဖောင့်အမည်မှာ Mya-nmar Text Regular ဖြစ်ကြောင်း သိရှိရပါသည်။ ထွက်ရှိမည့်ရက်ကို အတိအကျ ထုတ်ပြန်ထားခြင်း မရှိသေးသော်လည်း ၂၀၁၂ ခုနှစ်တွင် ဖြန့်ချိရန် လျာထား သည့် Windows 8 ၏ Preview versionကို စက်တင်ဘာ လ ၁၃ ရက်နေ့က ထုတ်ပြန်ခဲ့ပြီး ဖြစ်သည်။

ပြီးခဲ့သည့် ဇူလိုင်လအတွင်းက ထွက်ရှိခဲ့သော Mac OS Lion ကွန်ပျူတာစနစ်၌ မြန်မာစာစနစ် ပါဝင်လာခဲ့ပြီး နောက် ယခုအချိန်တွင် Windows 8 ကွန်ပျူတာစနစ်တွင်ပါ မြန်မာစာစနစ် တရားဝင် ပါဝင်လာခဲ့ခြင်း ဖြစ်သည်။

လက်ရှိအချိန်တွင် ပြည်တွင်းမှ ကွန်ပျူတာ သုံးစွဲသူအများစုမှာ Windows စနစ်ကို အများဆုံး အသုံးပြုနေသဖြင့် Windows 8 ကွန်ပျူတာ စနစ်၌ မြန်မာစာစနစ်တရားဝင် ပါဝင်လာခဲ့ခြင်းကြောင့် မြန်မာယူနီကုဒ် သုံးစွဲသူ အရေအတွက် ပိုမို ကျယ်ပြန့်လာနိုင်မည် ဖြစ်ကြောင်း သိရှိရသည်။

Ref :WEEKLY ELEVEN

××××××××××××××××××××××××××××××××××××××××××××××××××××××××××××××××

ပြည်တွင်းပါတီ၊ နိုင်ငံရေးသတင်းများ

တည်ဆဲဥပဒေအရ ငါးယောက်ထက် ပိုမစုရဟုဆိုကာ လူစုခွဲခံရ

ရွှေဝါရောင် သံဃာ့လှုပ်ရှားမှု လေးနှစ်ပြည့်အဖြစ် ဆူးလေဘုရားတွင်ပြုလုပ်မည့်  ဝတ်ပြုဆုတောင်းပွဲသို့ သွားရောက်သူ ၁၁၄ ဦးအား  လုံခြုံရေးတပ်ဖွဲ့ဝင် အင်အား ၂ဝဝ ခန့်က လမ်း၌ တားဆီးကာ လူစုခွဲလိုက်ကြောင်း ၂၀၁၀ ရွေးကောက်ပွဲတွင် ဝင်ရောက်ရွေးချယ်ခံခဲ့သည့် ဦးဝင်းချိုမှ ပြောကြားခဲ့သည်။

အဆိုပါ ဆူးလေစေတီတော်သို့ ဆုတောင်းပွဲ တက်ရောက်မည့်သူများမှာ ဒဂုံမြို့သစ် အရှေ့ပိုင်းမှ မော်တော်ကား (၃)စီးဖြင့် သွားရောက်ရန် စီစဉ်ထားခြင်းဖြစ်ပြီး မြောက်ဥက္ကလာမြို့နယ် လမ်းဝမှတ်တိုင်အနီးတွင် ကားမောင်းသူများအား ကားဘီးခွန် (Wheel Tax)နှင့် ယာဉ်မောင်းလိုင်စင်များ  သိမ်းဆည်း၍ သွားမရရန် တားဆီးခဲ့ရာမှ ခြေလျင်သွားရောက်စဉ် မရမ်းကုန်းမြို့နယ်၊ စာတိုက်မှတ်တိုင်အနီးရှိ မိုးလေဝသနှင့် ဇလဗေဒရုံးရှေ့တွင် တားဆီးခဲ့ခြင်း ဖြစ်ကြောင်း သိရသည်။

ထိုသို့ တားမြစ်ရာတွင် လူငါးဦးထက် ပိုမိုစီတန်းလှည့်လည်ခွင့် မရှိ၊ တည်ဆဲဥပဒေဖြင့် အရေးယူနိုင်ကြောင်း မရမ်းကုန်းမြို့နယ် ရဲမှူး   ဦးမောင်စိုး က ပြောဆိုခဲ့သည်ဟု  ဦးဝင်းချိုက ရန်ကုန်ခရော်နီကယ်သို့ ဖုန်းဖြင့်ပြောကြားသည်။

“မြောက်ဥက္ကလာကနေ ကမ္ဘာအေးဘုရားလမ်းကို ချိုးပါတယ်။ အဲဒီမှာ ယဉ်ထိန်းကနေတားပြီးတော့ လိုင်စင်စစ်တယ်။ လိုင်းကားတွေဟာ လိုင်းမဆွဲဘဲနဲ့ နဝလီ(အငှားလိုက်ခြင်း) ငှားတဲ့အတွက် အရေးယူခံရမှာ ဖြစ်တယ်လို့ ပြောတဲ့အခါမှာ ကျွန်တော်တို့ ငှားလာတဲ့ကားတွေက ရှေ့ဆက် မသွားရဲတော့ဘူး သူတို့က ဥပဒေနဲ့ငြိနေတဲ့အတွက် သူတို့ အရေးယူခံရမှာကြောက်ပါတယ်ဆိုပြီးတော့ ကျွန်တော်တို့ငှားထားတဲ့ ပိုက်ဆံကို ပြန်ပေးပါ တယ်တော့ ကျွန်တော်တို့ လမ်းလျှောက်ရတဲ့ဘဝ ရောက်ရော၊ လမ်းလျှောက်သွားမယ်ဆိုတော့ မရမ်းကုန်းမြို့နယ် ရဲမှူးဦးမောင်စိုးက ငါးယောက်ထက် ပိုရင် တည်ဆဲဥပဒေအရ အရေးယူမယ်တဲ့။ အဲဒါနဲ့ ကျနော်တို့က ကမ္ဘာအေးဘုရားလမ်း ပလက်ဖေါင်းမှာပဲ ဘုရားဝတ်ပြုပါတယ်။ ပြီးတော့ ကျနော်တို့ လူစုခွဲ လိုက်ပါတယ်”ဟု ဦးဝင်းချိုက ပြောကြားခဲ့သည်။

“ဒီလို လာတားတဲ့အခါမှာ ကျွန်တော်က ဖွဲ့စည်းပုံ အခြေခံဥပဒေ စာအုပ်ကြီးကို ကိုင်ပေါက်ဖို့ထားတာကိုး၊ ခက်တာကဗျာ ဘုန်းကြီးတစ္ဆေတွေ ဖြစ်နေရော၊ အခုထက်ထိ ဥပဒေကြမ်းက အတည်မပြုရသေးဘူးလေတဲ့၊ လက်ရှိအချိန်ထိ တည်ဆဲဥပဒေအပ်ါကသာ ဒီကိစ္စကို စဉ်စားနိုင်မယ်တဲ့၊ အဲဒီတော့ ငါးယောက်ထက် ပိုစုရင် တည်ဆဲဥပဒေအရ အရေးယူမယ်လို့ ရဲမှူးဦးမောင်စိုးက ပြောတယ်ဗျ။ ဖွဲ့စည်းပုံ အခြေခံဥပဒေကြီးလည်း မကယ်နိုင်ဘူးဗျ”ဟု ဦးဝင်းချိုက ဆက်လက်ပြောကြားသည်။

၂ဝဝ၈ ဖွဲ့စည်းပုံ အခြေခံဥပဒေပါ ပုဒ်မ (၃၅၄)အရ ပြည်သူများ၏ ဆန္ဒကို လွတ်လပ်စွာဖေါ်ထုတ်ရန်ဆိုသည့် ကိစ္စမှာ နည်းဥပဒေ ထုတ်ပြန် ထားခြင်း မရှိသေးဘဲ  စက်တင်ဘာလ (၂၆) ရက်နေ့တွင်မှ နည်းဥပဒေ ထုတ်ပြန်ရန်  လွှတ်တော်တွင် ဥပဒေမူကြမ်း တင်သွင်းခဲ့ခြင်း ဖြစ်သည်။

ယင်း ဥပဒေမူကြမ်းတွင် ငြိမ်းချမ်းစွာ စီတန်း လှည့်လည်ခွင့်နှင့် စပ်လျင်း၍ အစိုးရဌာန အစိုးရ အဖွဲ့အစည်းရုံး၊ အလုပ်ရုံ၊ စက်ရုံ၊ အလုပ်ဌာန ဘာသာရေးနှင့် သက်ဆိုင်သော နေရာများ၊ စာသင်ကျောင်း၊ ဘူတာရုံ၊ လေဆိပ်၊ သင်္ဘော ဆိပ်ကမ်း၊ ကားဂိတ်၊ ဆေးရုံ စသည့် အများပြည်သူကို အနှောက်အယှက် ဖြစ်စေသည့် နေရာများတွင် “စီတန်းခွင့်နှင့် စုဝေးခွင့် မရှိ” ဟု ပြဋ္ဌာန်းပါရှိသည်။

ဥပဒေမူကြမ်းတွင်  “ခွင့်ပြုချက် မရဘဲ၊ ငြိမ်းချမ်းစွာ စီတန်းလှည့်လှည်ခြင်း၊ ငြိမ်းချမ်းစွာ စီတန်းခြင်း၊ ပြစ်မှု ထင်ရှားပါက တနှစ်ထက် မပိုသော ထောင်ဒဏ်နှင့် ငွေဒဏ်၊ စီတန်း လှည့်လည်သူများကို နှောက်ယှက်လျှင် နှစ်နှစ်ထက် မပိုသော ထောင်ဒဏ်” တို့ကို သတ်မှတ်ထားသည်။

Moe Z

-----------------------------------------------------------------------------------------------------------------------------------

မစ္စယင်းလတ် အောက်တိုဘာလဆန်းတွင် မြန်မာနိုင်ငံလာမည်

ထိုင်းနိုင်ငံ ဝန်ကြီးချုပ်  မစ္စယင်းလတ်သည် လာမည့် အောက်တိုဘာ လဆန်းတွင် မြန်မာနိုင်ငံသို့ လာရောက်မည် ဖြစ်ကြောင်း သတင်းရရှိသည်။

အဆိုပါ မစ္စယင်းလတ် မြန်မာနိုင်ငံသို့ လာမည့်အကြောင်းကို အမေရိကန်နိုင်ငံ၊ နယူယောက်မြို့တွင် ကျင်းပခဲ့သည့် (၆၆)ကြိမ်မြောက် ကုလသမဂ္ဂ အထွေထွေညီလာခံ၌ ထိုင်းနိုင်ငံခြားရေးဝန်ကြီး Surapong Torwijakchaikul က ပြောကြားခဲ့ခြင်း ဖြစ်သည်။

ထိုင်းဝန်ကြီးချုပ်သစ် မစ္စယင်းလတ်သည် စက်တင်ဘာ လဆန်းတွင် ဘရူးနိုင်းနိုင်ငံ၊ အင်ဒိုနီးရှားနိုင်ငံ၊ ကမ္ဘောဒီယားနိုင်ငံနှင့် လာအိုနိုင်ငံတို့သို့ သွားရောက်ခဲ့ပြီး လာမည့် အောက်တိုဘာလ (၃)ရက်နေ့တွင် မလေးရှားနိုင်ငံသို့ သွားရောက်မည် ဖြစ်ကြောင်း၊ ထိုသို့ သွားရောက်ရခြင်းမှာ အာဆီယံ နိုင်ငံများ၏ ထုံးတမ်းအစဉ်အလာအတိုင်း အဖွဲ့ဝင်နိုင်ငံများသို့ သွားရောက်မိတ်ဆက် နှုတ်ဆက်ခြင်းဖြစ်ကြောင်း ထိုင်းနိုင်ငံခြားရေးဝန်ကြီးမှ ပြောကြားသည်။

မစ္စယင်းလတ် မြန်မာနိုင်ငံသို့ ရောက်ရှိစဉ်အတွင်း မြန်မာ့နိုင်ငံရေးခေါင်းဆောင်များနှင့် နှစ်နိုင်ငံ အကျိုးတူကိစ္စရပ်များ ဆွေးနွေးကြမည် ဖြစ်ကြောင်း ၎င်းက ဆက်လက်ပြောကြားသည်။

ထိုင်းနိုင်ငံသည် ၂၀၁၄ခုနှစ်၌ အာဆီယံ အလှည့်ကျဥက္ကဋ္ဌနေရာအား မြန်မာနိုင်ငံ ရယူနိုင်ရေးကို ထောက်ခံထားသည့် နိုင်ငံလည်း ဖြစ်သည်။

YC

-----------------------------------------------------------------------------------------------------------------------------------

လွှတ်တော်တွင် မီဒီယာဥပဒေ မကြာမီ တင်သွင်းမည်

ဒီမိုကရေစီနိုင်ငံအဖြစ် ကူးပြောင်းနေသည့် မြန်မာနိုင်ငံ၌ ပြည်တွင်းမီဒီယာများတွင် လုပ်ကိုင်နေသူများအတွက် ရည်ရွယ်ပြီး မီဒီယာဥပဒေကို လွှတ်တော်ထဲတွင် မကြာမီ တင်သွင်းသွားမည်ဖြစ်ကြောင်း စာပေစိစစ်နှင့် မှတ်ပုံတင်ဌာနမှ ညွှန်ကြားရေးမှူး ဦးတင့်ဆွေက ပြည်တွင်းမီဒီယာများနှင့် တွေ့ဆုံစဉ် ပြောကြားခဲ့သည်။

လက်ရှိအချိန်တွင် တင်ထုတ်စနစ်မှ ထုတ်တင်စနစ်သို့ ပြောင်းလဲထားသည့် မီဒီယာများမှာ ရက်ပေါင်း ၁၀၀ ကျော်ကာလအတွင်း ကြီးမားသည့် ပြဿနာများ ပေါ်ပေါက်လာခြင်းမရှိခဲ့ကြောင်း၊ ထို့အတွက်ကြောင့် လက်ရှိထုတ်ဝေနေသည့် မီဒီယာများထဲမှ အမျိုးအစား သုံးမျိုးကို ထုတ်တင်စနစ်သို့ မကြာမီ ရက်သတ္တပတ်တွင် ပြောင်းလဲပေးသွားမည် ဖြစ်ကြောင်း ဆက်လက်ပြောကြားသွားသည်။

ပြန်ကြားရေးဝန်ကြီးဌာနအနေဖြင့် ပြည်တွင်းမီဒီယာများကို ဖြေလျှော့မှုများ ပြုလုပ်ပေးနေသည်ဖြစ်ရာ ပြည်တွင်းမီဒီယာများကလည်း ပူးပေါင်း ပါဝင်ရန် လိုအပ်ကြောင်း၊ ဒီမိုကရေစီနိုင်ငံအဖြစ် ကူးပြောင်းနေသည့် မြန်မာနိုင်ငံတွင် ပြည်တွင်းမီဒီယာများကို နေ့စဉ်ထုတ်သတင်းစာများအဖြစ် ခွင့်ပြုပေး သွားမည်ဖြစ်ကြောင်း၊ သတင်းရယူနေသည့် သတင်းထောက်များကို သက်ဆိုင်ရာဌာနများမှ ထုတ်ပြန်ပေးရန်ရှိသော သတင်းများကို လွယ်လင့်တကူ ရရှိနိုင်ရန် စီစဉ်ဆောင်ရွက် နေကြောင်းလည်း ၎င်းက ထပ်မံရှင်းပြသွားသည်။

မီဒီယာနှင့်ပတ်သက်သော ဥပဒေကြမ်းများကို လွှတ်တော်သို့တင်သွင်းပြီး လွှတ်တော်မှ ယင်းအဆိုကို လက်ခံဆွေးနွေးရန် အတည်ဖြစ်လျှင် ဥပဒေကြမ်းကော်မတီသို့ လွှဲအပ်၍ ဥပဒေကြမ်းရေးဆွဲစေမည်ဖြစ်သည်။ ယင်းဥပဒေကြမ်းအား လွှတ်တော်မှ ဆွေးနွေးပြီး  အတည်ပြုပေးလျှင် ထိုဥပဒေကြမ်း ပေါ်ထွက်လာမည်ဖြစ်သည်။  ဒီမိုကရေစီ ကျင့်သုံးနေသော နိုင်ငံအများစုတွင် မီဒီယာလွတ်လပ်ခွင့်ကို တတ်နိုင်သမျှ ဖြေလျှော့နေကြပြီး၊ သီးခြားလွတ်လပ်သောအဖွဲ့ဖြင့် မီဒီယာကို ထိန်းချုပ်နေကြသည်။

Ref : Envoy

×××××××××××××××××××××××××××××××××××××××××××××××××××××××××××××××××

သတင်းနှင့် ဆောင်းပါးများမှ ကောက်နှုတ်ချက်များ

“အခုအချိန်မှာ ကျွန်တော်တို့နိုင်ငံမှာ စာပေလွတ်လပ်ခွင့်ကိစ္စဟာ တစ်ရစ်ချင်းဖြေလျော့နေတဲ့ အနေအထားကို ရောက်ရှိနေပြီလို့ ဆိုနိုင်ပေမယ့် အာဏာပိုင် အဖွဲ့အစည်းဘက်ကရော ကျွန်တော်တို့ စာပေလောကသားတွေဘက်ကပါ လုပ်စရာတွေက အများကြီးရှိနေပါသေးတယ်။ တကယ်တော့ ဒီမိုကရေစီနဲ့ ဆင်ဆာစနစ်၊ စာပေလွတ်လပ်ခွင့်နဲ့ စာပေစိစစ်ရေးဆိုတာ အမြင်မတော် ဆင်တော်နဲ့ ခလောက်ဆိုသလို လားလားမှ မအပ်စပ်တဲ့အရာ မဟုတ်လားဗျာ။ ဒါကို အာဏာပိုင် တွေဘက်ကလည်း ကောင်းကောင်းနားလည် သဘောပေါက်ထားတယ်လို့ ကျွန်တော်ယုံကြည်ပါတယ်။ ဒါပေမယ့် စာပေ လွတ်လပ်ခွင့်ကို ကမ္ဘာဦးလူတို့ နေလမျှော်သလို မျှော်လင့်တောင့်တနေကြတဲ့ တစ်ချိန်တည်းမှာ ကျွန်တော်တို့ စာနယ်ဇင်းလောကသားတွေဟာ လွတ်လပ်မှုကို တာဝန်သိမှု (Responsibility)၊ တာဝန်ခံမှု (Accountability) တို့နဲ့ ယှဉ်တွဲအသုံးပြု နိုင်စွမ်းရှိသူများ ဖြစ်ကြောင်း အားလုံးသိအောင် သက်သေပြနေကြရမှာပဲ ဖြစ်ပါတယ်”

စက်တင်ဘာ ၂၇ ထုတ် TRUE NEWS အတွဲ (၄) အမှတ် (၁) တွင်ပါသည့် ဆောင်းပါးရှင် မောင်ဝံသရေးသည့် “ကုန်းပေါ်မှာ ရေကူးသင်လို့မရ” ဆောင်းပါးမှ ကောက်နှုတ်ချက်

-----------------------------------------------------------------------------------------------------------------------------------

“ကားတန်ဖိုးတွေသာကျပြီး ကားအတွက် ကုန်ကျမယ့်စရိတ်က ပိုလာမယ်လို့ သုံးသပ်ထားပါတယ်။ ယာဉ်ရပ်နားခတွေ တိုးလာနိုင်တယ်၊ ကားပြင်ဆင် စရိတ်တွေ တိုးလာနိုင်တယ်။ ကားတွေများလာမယ်ဆို ဘယ်မှာထားကြမလဲ။ မြို့ထဲမှာ ဘယ်နေရာမှာ ကားရပ်ကြမလဲ။ ဒီအတွက် ကားပါကင်တွေ ပေါ်လာလိမ့်မယ်။ ကားပါကင်တွေကလည်း ကားရပ်နားခ ဈေးမြှင့်တောင်းလာမှာပဲ။ ကားဝယ်စီးမယ့်သူတွေ သတိပြုရမှာက ဘယ်လိုပဲဖြစ်ဖြစ် ရှေ့ဆက်ခွင့်ပြုမယ့် ကားမူဝါဒအရရော ကားနဲ့လမ်း၊ ကားနဲ့ ကားပါကင်အခြေအနေအရရော အခုဈေးတွေနဲ့ ကားဝယ်စီးရင်ရှုံးမှာပါပဲ။ ကားတန်ဖိုးသာ ကျမယ် ကားအတွက် နောက်ဆက်တွဲ ကုန်ကျစရိတ်က တက်နေမှာပဲ”

စက်တင်ဘာ ၂၈ ထုတ် Weekly ELEVEN အတွဲ (၁၆) အမှတ် (၅၂) တွင်ပါသည့် “ကားဝယ်စီးချင်လား၊ ဈေးထက်ကျဦးမယ်” သတင်းမှ ကား ဈေးကွက်အပြင် ယာဉ်ရပ်နားမှုနှင့် မြို့ပြအပေါ် လေ့လာထာသူတစ်ဦး၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“အန်ကယ်တို့က အဲဒီလို သဘောထားကို အစတုန်းကတည်းက မြင်တယ်။ မြန်မာမှာ တစ်ယောက်နဲ့ တစ်ယောက် နားလည်မှု အရင်ယူရမယ်။ နားလည် မှုရှိမှ အလုပ်အတူတူလုပ်လို့ရမယ်။ အန်ကယ်တို့ ရွေးကောက်ပွဲဝင်ခဲ့တာ ဒီသဘောပဲ၊ ဒီတိုင်းပြည်မှာ ဆူပူလှုပ်ရှားမှုတွေဖြစ်ခဲ့ဖူးတာပဲ။ အောင်မြင်မှု မရခဲ့တာ။ ဒါကြောင့် ဆူပူအုံကြွမှု၊ ဆန္ဒပြမှုတွေက မကောင်းဘူး။ မဖြစ်နိုင်ဘူး၊ တရားဥပဒေနည်းလမ်းအတိုင်း ရွေးကောက်ပွဲဝင်ဖို့လုပ်တဲ့ အခက်အခဲတွေ ရှိတယ်။ ကျော်လွှားပြီး လုပ်ခဲ့ရတယ်။ လုပ်မှဖြစ်မယ်ဆိုပြီး လုပ်ခဲ့တယ်။ ဒေါ်စုပြောတာလည်း ဒီနည်းပဲ။ ပူးပေါင်းလုပ်မှဖြစ်မယ်၊ တခြားနည်းလမ်းက အောင်မြင်ဖို့ ခက်တယ်။ တိုင်းသူပြည်သားတွေအတွက် နစ်နာတယ်။ ခုလို ပြောတာဝမ်းသာတယ်။ မှန်တဲ့လမ်းလို့ ယူဆ တယ်။”

စက်တင်ဘာ ၂၆ ထုတ် The Messenger အတွဲ (၂) အမှတ် (၁၉) တွင်ပါသည့် “အာရပ်ကမ္ဘာကဲ့သို့ ဆူပူအုံကြွမှု၊ ဆန္ဒပြမှုများဖြင့် မြန်မာ နိုင်ငံရေးတွင် အဖြေရှာ၍ မရနိုင်ဟု ဒေါ်အောင်ဆန်းစုကြည် ပြောကြားမှုအပေါ် သူတို့အမြင်များ” သတင်းမှ ဒီမိုကရက်တစ်ပါတီဥက္ကဋ္ဌ ဦးသုဝေ၏ ပြောကြားချက်အပေါ် ကောက်နှုတ်ချက်

-----------------------------------------------------------------------------------------------------------------------------------

“အပြောင်းအလဲတိုင်းတွင် နှစ်ဖက်လုံး၌ ခုခံတွန့်ဆုတ်တက်ကြသူများ ရှိနေနိုင်ပါသည်။ ပြောင်းလဲလိုသူများ အားကောင်းလျှင် အပြောင်းအလဲတစ်ရပ်သို့ ရောက်ရှိနိုင်ပြီး၊ ခုခံတွန့်ဆုတ်ကြသူများဘက်မှ အားကောင်းလျှင် မျှော်မှန်းသော အပြောင်းအလဲတစ်ရပ်သို့ ရောက်ရန် ခက်ခဲ့သွားပါလိမ့်မယ်။ ဤအချက်ကို နှစ်ဖက်လုံးက သတိ ကြီးစွာထားရပါလိမ့်မယ်။ တစ်ဖက်က စနစ်တကျဖွဲ့စည်းထားတာ အဖွဲ့အစည်းဖြစ်သဖြင့် အပြောင်းအလဲတစ်ရပ်ကို ဖော်ဆောင်ရာ၌ ရထားတွဲ တန်းကို ခေါင်းတွဲက ချိတ်ဆွဲရွှေ့လျားစေသကဲ့သို့ ဆောင်ရွက်နေနိုင်သော အခြေအနေတရပ်တော့ရှိနေပါသည်။”

စက်တင်ဘာ ၂၆ ထုတ် The Messenger အတွဲ (၂) အမှတ် (၁၉) တွင်ပါသည့် ဆောင်းပါးရှင် နေဇင်လတ်၏ “အခင်း အကျင်းသစ်သို့ ကူးပြောင်းခြင်း” ဆောင်းပါးမှ ကောက်နှုတ်ချက်

×××××××××××××××××××××××××××××××××××××××××××××××××××××××××××××××

ဆောင်းပါးကဏ္ဍ

ဖွံ့ဖြိုးမှုနှင့် အလုပ်အကိုင်အခွင့်အလမ်း

နိုင်ငံ၏ စီးပွားရေးကို စနစ်တကျ တည်ဆောက်လျက်ရှိသော နိုင်ငံများတွင် သတ်မှတ်ထားသည့် အနိမ့်ဆုံး အလုပ်လက်မဲ့နှုန်းထက် မကျော်သွားအောင် ကြိုးစားအကောင်အထည်ဖော်လျက် ရှိပါသည်။ အလုပ်လက်မဲ့နှုန်း မြင့်မားသော နိုင်ငံများတွင် မလိုလားအပ်သော လူမှုရေး ပြဿနာများ ကြုံတွေ့ရနိုင်ပါသည်။ ကမ္ဘာနိုင်ငံတော်တော်များများတွင် စစ်အေးခေတ်အခါက ဆိုရှယ်လစ်စနစ်မှာ ပျိုတိုင်းကြိုက်သည့် နှင်းဆီခိုင်လို့ ဖြစ်နေခဲ့သော်လည်း ဆိုရှယ်လစ်စီးပွားရေးစနစ်၏ ဓနဖြန့်ဖြူးရေးဟူသော စီးပွားရေးအတွေးအခေါ် ကျင့်သုံးသည့် နိုင်ငံများ၏ လူ့အဖွဲ့အစည်းအတွက် တော့ အကျိုးဖြစ်ထွန်းခဲ့သည်ဟု မပြောနိုင်ပါ။ ကမ္ဘာနိုင်ငံများမှ ကျင့်သုံးအကောင်အထည်ဖော်ခဲ့သော ဆိုရှယ်လစ် အတွေးအခေါ်ကို မြန်မာနိုင်ငံ တွင်လည်း ၁၉၆၂ခုနှစ် တပ်မတော်အာဏာသိမ်ပြီးနောက်ပိုင်း တော်လှန်ရေးကောင်စီ တက်လာသည့်အခါ၌ တွင်တွင်ကျယ် ကျယ်ကျင့်သုံး ခဲ့လေသည်။

ပြည်သူပိုင်သိမ်းခြင်း၊ အစိုးရပိုင်စက်ရုံများ စွမ်းဆောင်ရည်နိမ့်ပါးခြင်း၊ မှောင်ခိုဈေးကွက် ကြီးထွားလာခြင်း၊ တပ်မတော်မှ စစ်မှုထမ်းများ အရပ်ဘက်တွင် ကျယ်ကျယ်ပြန့်ပြန့်နေရာ ယူလာမှုများကြောင့် မြန်မာ့ဆိုရှယ်လစ်လမ်းစဉ် ပါတီခေတ်တွင် နိုင်ငံ၏ စီးပွားရေးကျဆင်း၍ အလုပ်အကိုင် ရှားပါးလာကာ လူငယ်များ လမ်းဘေးတွင် အုပ်စုဖွဲ့ ဆိုးသွမ်း ရမ်းကားမှုများ၊ မူးယစ်ဆေးသုံးစွဲမှုများ  အလွန်မြင့်မားကြောင်း တွေ့ရလေသည်။ သွင်းကုန် အစားထိုးရေးဟူသော စီးပွားရေးမူဝါဒကို အဓိကကျင့်သုံးခြင်းလည်းဖြစ်၊ နိုင်ငံတကာနှင့်လည်း အဆက်အသွယ် ဖြတ်ထားသည်လည်း ဖြစ်လေရာ ရေသေအိုင်လို ဖြစ်သွားခဲ့ပြီး တံခါးပိတ်လူ့အဖွဲ့အစည်းအဖြစ်သို့ အသွင်ပြောင်းသွားခဲ့ပါသည်။ ၁၉၉၀ နောက်ပိုင်းတွင် စီးပွားရေးပြုပြင်ပြောင်းလဲမှုများ၊ နိုင်ငံခြားရင်း နှီးမြုပ်နှံမှုများဝင်ရောက်လာခဲ့သည့်အတွက် စီးပွားရေးဖွံ့ဖြိုးလာမှုနှင့်အတူ အလုပ်အကိုင်အခွင့်အလမ်းများ လည်း ပေါများလာခဲ့ပါသည်။ သို့သော် ရေတိုဖွံ့ဖြိုးမှုကိုသာ ဦးတည်သော စီးပွားရေး ပေါ်လစီများကြောင့် အမှန်တကယ် ဖွံ့ဖြိုးတိုးတက်မှု မဟုတ်ခဲ့ဘဲ စီးပွားရေးအကျပ်အတည်း တိုးခဲ့ရသည်။ ထိုမှ ယခုထိ စီးပွားရေး ဖွံ့ဖြိုးမှုနှုန်းမဆိုသလောက်သာ ရရှိခဲ့သည့် ကမ္ဘာ့ဖွံ့ဖြိုးမှုအနည်းဆုံးနိုင်ငံစာရင်းတွင် ထိပ်ဆုံးစာရင်းဝင်ဖြစ်ခဲ့ ရပါသည်။ စီးပွားဖွံ့ဖြိုးမှုတုံ့နှေးသည်ဆိုကတည်းကိုက စီးပွားရေးလုပ်ငန်းများ လုပ်ငန်းချဲ့ထွင်မှုရပ်တံ့ခြင်း၊ လုပ်ငန်းရပ် ဆိုင်းခြင်းတို့ ဖြစ်ပေါ်လာရပြီး ယင်းနှင့်အတူ အလုပ်အကိုင်အခွင့်အလမ်းများမှာလည်း နည်းပါးလာခဲ့သည်။

သို့သော် အလုပ်လုပ်လိုသူ လူငယ်၊ လူလတ်များအတွက် မျှော်လင့်ချက်ရောင်ခြည်သန်းစရာ တစ်ခုမှာကား ပြည်တွင်း၌ အလုပ်အကိုင် အဆင်မပြေလျှင် ပြည်ပတွင် အလုပ်အကိုင်ရရှိအောင် ဆောင်ရွက)