Posts
 | yangonchronicle 2011 |
၁၇.၅.၂၀၁၁
ပြည်တွင်းသတင်းများ
အသက်ကယ်အင်္ကျီများ ပုံမှန်ဈေးထက်ပိုပေးကာ ဝယ်ယူရ
ရန်ကုန်၊ မေ၁၇။
ဒလမြို့နယ်နှင့် ဆိပ်ကြီးခနောင်တိုမြို့နယ်များသို့ နေ့စဉ်ပြေးဆွဲနေသည့် သမ္ဗာန်များတွင် အသက်ကယ်အင်္ကျီထားရှိရန် ဝယ်ယူရသော ဈေးနှုန်းမှာ မူရင်းဈေးထက် ကွာဟနေကြောင်း ယင်းသမ္ဗာန်ပိုင်ရှင်များထံမှ သိရှိရသည်။
ယင်းသို့ဈေးကွာဟနေရခြင်းမှာ အသက်ကယ်အကျီများအား ဝယ်ယူရသောနေရာမှာ သမ္ဗာန်ယာဉ်လိုင်းများအား ကြီးကြပ်နေသည့် စည်းကမ်း ထိန်းသိမ်းရေးအဖွဲ့မှ သွားရောက်ဝယ်ယူရန်ညွှန်ကြားသည့် ရေယာဉ်သုံးပစ္စည်းများ ရောင်းချသောဆိုင်တွင် ဖြစ်သောကြောင့်ဟု သိရှိရသည်။
"စည်းကြပ်အဖွဲ့က သွားဝယ်ခိုင်းတဲ့နေရာမှာ သွားဝယ်ရတယ်။ ဈေးကလည်း အပြင်ဆိုင်တွေနဲ့ ၈၀၀ ကနေ ၁၀၀၀ ကွာတယ်။ သမ္ဗာန်တစ်စီးကို ၁၂ ထည်ဆိုတော့ ၁၂၀၀၀ လောက်ပိုပေးရတယ်။ သူတို့သွားဝယ်ခိုင်းတဲ့ဆိုင်မှာမဟုတ်ရင် အရည်အသွေးမမှီတဲ့ပစ္စည်းသုံးလို့ဆိုပြီး ပြဿနာရှာချင်တယ်။ ဒီအကျီင်္တွေမရှိရင်လည်း သမ္ဗာန်မထွက်ရဘူးဆိုတော့ မရှိရှိတာတွေ ပေါင်နှံပြီး ဝယ်နေရတာပဲ "ဟု ဆိုသည်။
သမ္ဗာန်ယာဉ်လိုင်းများသည် မကြာခဏတိမ်းမှောက်မှုများ ဖြစ်ပွားနေခြင်းကြောင့် အသက်ကယ်အင်္ကျီရှိမှသာ သမ္ဗာန်ပြေးဆွဲခွင့်ပြုသော်လည်း ယင်းအသက်ကယ် အကျီင်္များသည် ညစ်ပတ်ပေရေမှုများရှိခြင်းကြောင့် ဝတ်ဆင်သူမရှိကြောင်း သိရသည်။
သမ္ဗာန်ဖြင့် နေ့စဉ်သွားလာနေရသူတစ်ဦးက "အသက်ကယ်အကျီင်္တွေကို သန့်သန့်ရှင်းရှင်းလေးရှိမှသာ ဝတ်ရတာ စိတ်ချမ်းသာမယ်လေ။ အခုက ညစ်ပတ်ပေရေနေတော့ ဝတ်ရတာ ဘယ်လိုမှ အဆင်မပြေဘူး "ဟု ဆိုသည်။
အသက်ကယ်အကျီင်္များ ထားရှိသော်လည်း ဝတ်ဆင်သူမရှိခြင်းမှာ သမ္ဗာန်မောင်းသူများအား များစွာဒုက္ခရောက်စေသဖြင့် အသက်ကယ်အကျီင်္ များ၏ ဈေးနှုန်းသက်သာအောင်ဆောင်ရွက်ပေးပါက အသစ်နှင့်အဟောင်းဖလှယ်၍ သုံးစွဲနိုင်ကာ သမ္ဗာန်မောင်းသူသာမက၊ သမ္ဗာန်စီးသူပါ အဆင်ပြေနိုင် ကြောင်း ဆိပ်ကြီးခနောင်တိုမြို့နယ်ရှိ သမ္ဗာန်စီးရေး ၅၀ ပိုင်ဆိုင်သူတစ်ဦးက ဆိုသည်။
ရန်ကုန်မြို့နှင့်တစ်ဖက်ကမ်းမြို့နယ်များဖြစ်ကြသော ဒလမြို့နယ်နှင့် ဆိပ်ကြီးခနောင်တိုမြို့နယ်များအား ပြေးဆွဲနေသော သမ္ဗာန်စီးရေ ၄၀၀ ခန့်ရှိကြောင်း သိရှိရသည်။
ကျော်စွာ
-----------------------------------------------------------------------------------------------------------------------------------
ချင်းပြည်နယ်တွင် ကျောင်းဆရာများ ငှားရမ်းမှု အလုပ်ဖြစ်
ဟားခါး၊ မေ ၁၆။
ချင်းပြည်နယ်တွင် အစိုးရကျောင်းဆရာများသည် ၎င်းတို့ကိုယ်တိုင် ကျောင်းမသွားတော့ဘဲတခြား ပုဂ္ဂိုလ်တစ်ဦးအား လခစားဖြင့်ငှားရမ်းကာ ၎င်းတို့ ကိုယ်စား အသုံးပြုမှုများ ရှိနေသည်ဟု သတင်းရရှိသည်။
“ယခု လက်ရှိ ဖလမ်းမြို့နယ်အတွင်းမှာ ကျောင်းဆရာ ၃၀ ခန့်ဟာ သူတို့ကိုယ်တိုင် ကျောင်းမသွားတော့ဘဲ တခြားလူကို လခစားနှင့်ငှားရမ်း နေကြတယ် ” ဟု ပညာရေးဝန်ထမ်းတဦးက ပြောကြားသည်။
အဆိုပါ ကျောင်းဆရာများသည် အခစားကျောင်းဆရာများအား ၎င်းတို့၏လစာအားလုံးပေးပြီး ကိုယ်ပိုင်အရောင်းအဝယ်များ လုပ်နေကြရသည်ဟု သိရသည်။
ကျောင်းဆရာတော်တော်များများသည် တဖက်အိန္ဒိယနိုင်ငံ မီဇိုရမ်ပြည်နယ်သို့သွားရောက်ကာ အရောင်းအဝယ် လုပ်နေကြသည်ဟု ဟားခါး မြို့နယ်အုပ်ချုပ်ရေးရုံးမှ ဝန်ထမ်းတစ်ဦး၏ ပြောကြားချက်အရ သိရသည်။
လက်ရှိ ကျောင်းဆရာတဦးလစာသည် ကျပ်ငွေငါးသောင်းဖြစ်သဖြင့် မိသားစုစားဝတ်နေရေး မဖူလုံနိုင်သောကြောင့် ယခုကဲ့သို့ ကျောင်းဆရာ ငှားစားနေကြခြင်းဖြစ်ကြောင်း သိရသည်။
ယင်းကိစ္စနှင့် ပတ်သက်၍ ဖလမ်းမြို့နယ်မှ ပြည်သူတစ်ဦးက “ အထက်ကလည်းဘာမှ အရေးမယူဘူး၊ ပြီးတော့ အငှားကျောင်းဆရာတွေက ဆယ်တန်းတောင် မအောင်ကြတော့ သားသမီးတွေရှေ့ရေးက မလွယ်ဘူး” ဟု ပြောကြားသည်။
အလားတူ စစ်ကိုင်းတိုင်း ကလေး၊ တမူးမြို့နယ်ရှိ အစိုးရဝန်ထမ်းများသည် လစာမဲ့ခွင့်ယူပြီး ကိုယ်ပိုင်စီးပွားရေး လုပ်ကိုင်နေကြကြောင်း သိရ သည်။
-----------------------------------------------------------------------------------------------------------------------------------
မူဆယ်- လားရှိုး ရထားလမ်း ဖောက်မည်
မူဆယ်-လားရှိုး ရထားလမ်း ဖောက်လုပ်သွားမည်ဖြစ်ပြီး ယင်းရထားလမ်းသည် တရုတ်ပြည်ထိ တိုက်ရိုက် ပေါက်သွားမည်ဖြစ်ကြောင်း နိုင်ငံပိုင် သတင်းစာများတွင် ဖော်ပြချက်အရ သိရသည်။
ယင်းစီမံကိန်းမှာ သုံးနှစ်ကြာမြင့်မည်ဖြစ်ပြီး မူဆယ်- လားရှိုးရထားလမ်းပိုင်းတွင် ရထားလမ်းအရှည် ၇၈ ဒသမ ၉၂ မိုင် ရှည်လျားပြီး ဘူတာ ခုနစ် ဘူတာ ပါဝင်မည်ဖြစ်ကြောင်း သိရသည်။
ဧပြီလ ၂၇ ရက်နေ့ နေပြည်တော် မူဆယ်-ကျောက်ဖြူ ရထားလမ်းပိုင်း စီမံကိန်းကို နားလည်မှုစာချွန်လွှာ လက်မှတ်ရေးထိုးခဲ့ကြောင်း သိရသည်။ အဆိုပါ စီမံကိန်းတွင် တံတားကြီး ငယ် ၄၁ စင်း၊ ၃၇ဒသမ ၃၇ မိုင် ရှည်လျားသည့် ဥမင်လိုဏ်ခေါင်း ၃၆ ခု ပါဝင်မည်ဖြစ်ပြီး မြန်မာနှင့် တရုတ် နှစ်နိုင်ငံ အတွက် အရေးပါသည့်ဆက်သွယ်မှု စီမံကိန်းလည်း ဖြစ်သည်။
တရုတ်နိုင်ငံသည် ၎င်း၏ နိုင်ငံအနောက်တောင်ပိုင်း ယူနန်ပြည်နယ်မှ ရန်ကုန်မြို့သို့ မြန်နှုန်းမြင့်ရထားလမ်း ဖောက်လုပ်ရန် စီစဉ်လျက်ရှိပြီး ၂၀၂၀ ပြည့်နှစ်တွင် ပြီးဆုံးမည်ဖြစ်ကြောင်း သိရသည်။
ယင်းရထားလမ်းအရှည်မှာ ၁,၂၁၅ ကီလိုမီတာ (၇၅၅မိုင်) ရှည်လျားမည်ဖြစ်ကြောင်း သိရသည်။ မီးရထားလမ်းနှင့်အပြိုင် အဝေးပြေးကားလမ်းပါ ဖောက်လုပ်သွားမည်ဟု သိရသည်။
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
လွတ်ငြိမ်းချမ်းသာခွင့်နှင့် အကျဉ်းသား ၁၄၆၀၀ လွတ်မြောက်
ရန်ကုန်၊ မေ ၁၇။
မေလ ၁၆ ရက်နေ့ညက ကာကွယ်ရေးဝန်ကြီးဌာနပိုင် မြဝတီရုပ်သံတွင် ကြေညာခဲ့သော တစ်နှစ်လွတ်ငြိမ်းချမ်းသာခွင့် အမိန့်ကြောင့် အကျဉ်း သားစုစုပေါင်း ၁၄၆၀၀ လွတ်မြောက်ခဲ့ကြောင်း အကျဉ်းဦးစီးဌာနမှ ညွှန်ကြားရေးမှူးချုပ် ဦးဇော်ဝင်းမှ သတင်းမီဒီယာများအား ဆိုသည်။
ယင်းပြောဆိုမှုကို အင်းစိန်ဗဟိုအကျဉ်းထောင်မှ လွတ်ရက်စေ့၍လွတ်မြောက်မည့် အကျဉ်းသားများအား အကျဉ်းထောင်၊ အားကစားခန်းမတွင် အမှာစကား ပြောကြားရာတွင် ပြောကြားခဲ့ခြင်းဖြစ်သည်။ အင်းစိန်ဗဟိုအကျဉ်းထောင်မှ စုစုပေါင်း ၂၅ဝဝ ကျော် လွတ်မှာဖြစ်ပြီး၊ ပထမဆုံးနေ့ဖြစ်သော အင်္ဂါ နေ့တွင် အကျဉ်းသား ၈ဝဝ ကျော် လွှတ်ပေးလိုက်ကြောင်း အကျဉ်းဦးစီးဌာန တာဝန်ရှိသူတစ်ဦးက ဆိုသည်။
အင်းစိန်အကျဉ်းထောင်ရှေ့တွင် မေလ မနက် ၁၀ နာရီမှ အကျဉ်းသားများလွတ်မြောက်လာမှုကို စောင့်ဆိုင်းနေသည့် ပြည်တွင်းသတင်းထောက် တစ်ဦးမှ “သင်္ကြန်ပြီးကတည်းက နိုင်ငံရေးအကျဉ်းသားတွေကို လွတ်ငြိမ်းချမ်းသာခွင့်ပေးမယ်ဆိုတဲ့ သတင်းထွက်နေလို့ သတင်းကြားတိုင်း အင်းစိန် အကျဉ်းထောင် ရှေ့မှာ သွားသွားစောင့်နေတာ၊ မနေ့ညက သတင်းမှာပါလာတော့ သေချာလို့လာစောင့်နေတာ နိုင်ငံရေးအကျဉ်းသား ဘယ်လောက်ပါမလဲ ဆိုတာတော့ မသိဘူး” ဟု ဖုန်းဖြင့် ဆက်သွယ်မေးမြန်းချက်အား ပြန်လည်ဖြေကြားသည်။
အမျိုးသား ဒီမိုကရေစီအဖွဲ့ချုပ်မှ တာဝန်ရှိသူတစ်ဦးကလည်း “ ဒီနေ့မှာ လွတ်မယ်ဆိုတာတော့ သတင်းမှာ ကြေငြာကတည်းက သိပါတယ်။ နိုင်ငံရေး အကျဉ်းသား ဘယ်လောက်လွတ်မယ်ဆိုတာတော့ မသိသေးပါဘူး။ လွတ်တဲ့လူတွေထဲမှာ နိုင်ငံရေးအကျဉ်းသား နည်းမယ်ဆိုတာတော့ သေချာပါ တယ်” ဟု ဆိုသည်။
ကဆုန်လပြည့်နေ့ အထိမ်းအမှတ်အဖြစ် သေဒဏ်ကျခံနေရသော အကျဉ်းသားများအား ထောင်ဒဏ်ကျခံနေရသော အကျဉ်းသားများအား မူရင်း ကျခံနေရသော ပြစ်ဒဏ်များမှ တစ်နှစ်လျော့ပေါ့ကြောင်း သေဒဏ်ကျခံရသူများအား တစ်သက်တစ်ကျွန်းအဖြစ်လည်းကောင်း နိုင်ငံတော်သမ္မတက ကြေငြာခဲ့သည်။
ကဆုန်လပြည့်နေ့တွင် လွတ်မြောက်ခဲ့သော အကျဉ်းသား ၁၄၆၀၀ တွင် နိုင်ငံရေးအကျဉ်းသား ၂၀ ပတ်ဝန်းကျင်သာ ပါရှိကြောင်း သိရှိရသည်။
နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့၏ ထုတ်ပြန်ချက်အရ မြန်မာနိုင်ငံတွင် နိုင်ငံရေး အကျဉ်းသားပေါင်း ၂၁၀၀ ကျော် ရှိသေး ကြောင်း သိရှိရသည်။
ကျော်စွာ
-----------------------------------------------------------------------------------------------------------------------------------
လွတ်ငြိမ်းချမ်းသာခွင့် ထိရောက်မှုမရှိ
ရန်ကုန်၊ မေ ၁၇။
မေလ ၁၆ရက်နေ့ ပါရက်စွဲဖြင့် မြန်မာအစိုးရသစ်က ထုတ်ပြန်ကြေညာခဲ့သော အကျဉ်းသား လွတ်ငြိမ်းချမ်းသာခွင့် ပုဒ်မသည် ပြည်တွင်းနှင့် နိုင်ငံတကာမှ တောင်းဆိုလျှက်ရှိသည့် နိုင်ငံရေးအကျဉ်းသားများ လွတ်မြောက်ရေးအတွက် မည်သို့မျှထိရောက်ခြင်းမရှိဟု ပြည်တွင်းပြည်ပ နိုင်ငံရေး လေ့လာသူများ၏ ပြောကြားချက်အရသိရသည်။
အေအေပီပီ နိုင်ငံရေး အကျဉ်းသားများ လွှတ်ငြိမ်းချမ်းသာခွင့်အဖွဲ့ရဲ့ တွဲဘက်အထွေထွေ အတွင်းရေးမှူး ဦးဘိုကြည်က ယခုလွတ်ငြိမ်း ချမ်းသာ ခွင့်သည် ထောင်ဒဏ် နှစ်တစ်ရာနှင့် နှစ်ခြောက်ဆယ်ကျော် ကျခံနေသူများအတွက် ထူးခြားမှုမရှိဘဲ လွတ်မြောက်ကာနီးသူများအတွက်သာ ထူးခြားမှု ရှိ သည်ဟု ပြောဆိုခဲ့သည်။
“ဒါက လွတ်ငြိမ်းချမ်းသာခွင့်မှ မဟုတ်ဘဲ၊ လျှော့ပေါ့ပေးလိုက်တာဘဲ။ အမျိုးသားပြန်လည် သင့်မြတ်ရေးအတွက် ပြောဆိုနေတာတွေနဲ့တော့ ဘာမှ အဝေးကြီးကို ဖြစ်နေပါတယ်လို့ ကျွန်တော် ခံစားမိပါတယ်” ဟု အဓိက အတိုက်အခံပါတီဖြစ်သည့် အမျိုးသားဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးအုန်းကြိုင်က မဇ္စျိမသတင်းဌာန၏ မေးမြန်းချက်ကို ဖြေကြားခဲ့သည်။
“ဒီလိုလုပ်လိုက်တာဟာ ပြည်သူလူထုရဲ့ မျှော်လင့်ချက်ကို ရိုက်ချိုးလိုက်တာပဲ။ ပြီးတော့ အများမျှော်လင့်နေတဲ့ အမျိုးသား ပြန်လည်ရင်ကြား စေ့ရေးကိုလည်း စော်ကားလိုက်တာပဲ။ အရင် စစ်အစိုးရလက်ထက်ကပေးတဲ့ လွတ်ငြိမ်းချမ်း သာခွင့်ကတောင် ဒီထက်ပိုပါတယ်။ ကျွန်တော်ကတော့ ဒါဟာ ကျွန်တော်တို့ကို စော်ကားလိုက်တာပဲလို့ယူဆရပါတယ်” ဟု ဗေဒါသင်တန်းကျောင်း၏ ကျောင်းအုပ်ဖြစ်သူ ၈၈မျိုးဆက်ကျောင်းသားတစ်ဦးဖြစ်သည့် ကိုမျိုး ရန်နောင်သိန်းကလည်း ဖုန်းဖြင့် ဆက်သွယ်မေးမြန်းချက်အား ပြန်လည်ဖြေကြားသည်။
ယခုကဲ့သို့ ထိရောက်မှုမရှိသည့် လွတ်ငြိမ်းချမ်းသာခွင့်ကြောင့် နိုင်ငံတကာ၏ ပိုမိုဖိအားပေးမှုနှင့် ရင်ဆိုင်ရဖွယ်ရှိသည်ဟု နိုင်ငံရေးအကျဉ်း သားများ ကူညီစောင့်ရှောက်ရေးအသင်း (မြန်မာနိုင်ငံ) မှ ဦးတိတ်နိုင်က ပြောကြားခဲ့သည်။
ဒါက အဖြစ်သဘောမျိုးလုပ်လိုက်တာပါ၊ အာဆီယံမှာ ဥက္ကဋ္ဌနေရာရဖို့ အပြောင်းအလဲတွေလုပ်ရမယ်၊ နိုင်ငံတကာကလဲ သိသာထင်ရှားတဲ့ အပြောင်းအလဲတွေ လုပ်ပါဆိုလို့ လုပ်ပြတဲ့သဘောပါ၊ နိုင်ငံရေး အမြတ်ထုတ်တာလို့ပဲ ထင်ပါတယ်ဟု နိုင်ငံရေးလေ့လာသူ လူငယ်တစ်ဦးက ဆိုသည်။
လွတ်ငြိမ်းချမ်းသာခွင့်ကို ကုလသမ္ဂ အတွင်းရေးမှူးချုပ်၏ ကိုယ်စားလှယ် မစ္စတာနမ်ဘီးယား ပြန်သွားပြီး နှစ်ရက်အကြာတွင် မြန်မာနိုင်ငံတော် နိုင်ငံတော် သမ္မတရုံး အမိန့်အမှတ် ၂၈/၂၀၁၁ အဖြစ် ထုတ်ပြန်ကြေညာခဲ့ခြင်းဖြစ်ကာ သမ္မတ၏ နိုင်ငံရေးအကြံပေးအဖွဲ့မှ ဦးကိုကိုလှိုင်က မြန်မာနိုင်ငံတွင် နိုင်ငံရေး အကျဉ်းသားများ မရှိပါဟု မစ္စတာ နမ်ဘီး ယားအား ပြောကြားခဲ့သေးကြောင်း သိရသည်။
××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
ဆရာဝန်ညွှန်ကြားချက်မလိုဘဲနဲ့ သောက်လို့ရတဲ့ဆေး Over the Counter Drugs က လွဲရင် ကြေငြာခွင့်မရှိပါဘူး။ ကြေငြာရင် ဆေးဝါးဥပဒေနဲ့ငြိပါတယ်"
မေ ၁၉ ထုတ် ရန်ကုန်တိုင်းမ် အတွဲ(၇) အမှတ် (၁၈) တွင်ပါသည့် "ဆရာဝန်ညွှန်ကြားချက်ဖြင့်သာ သောက်သုံးရသည့် ဆေးဝါးများကို အလွန် အမင်းကြော်ငြာခြင်းသည် ဆေးဝါးဥပဒေနှင့် ငြိစွန်း" သတင်းမှ ဒေါက်တာဝင်းစည်သူ၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"တကယ့်ကို အသွင်သဏ္ဍန်ရော အနှစ်သာရပါ ပြောင်းချင်တယ်ဆိုရင်တော့ တိကျခိုင်မာတဲ့ မူတစ်ခုချနိုင်ဖို့လိုတယ်....ဒါပေမယ့် အဲဒီမူက ဘောင်တော့ မဖြစ်စေနဲ့....။ ဘောင်ရှိနေရင် လုပ်ရကိုင်ရခက်တယ် အဲဒီလိုဆိုရင် ဘာမှ ပြောင်းလဲနိုင်မှာမဟုတ်ဘူး"
မေ ၁၉ ထုတ် ENVOY NEW အတွဲ(၂) အမှတ်(၄) တွင်ပါသည့် "အစိုးရသစ်တာဝန်ယူပြီးနောက်ပိုင်း နိုင်ငံပိုင် သတင်းစာများ ပထမဆုံးအကြိမ် ပြင်ပစာမူများ ဖိတ်ခေါ်" သတင်းမှ သတင်းစာဆရာဟောင်းကြီးတစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
"အဓိက ကတော့ လိုအပ်ချက်ရှိလို့၊ လိုအပ်တယ်ထင်လို့ လူငယ်တွေ အလုပ်လုပ်သင့်တယ်ထင်လို့ ကျွန်တော် ဆုံးဖြတ်ချက် ချလိုက်တာပါ။ ဘာဖြစ်လို့လဲ ဆိုတော့ ကျွန်တော်တို့ Generation မှာ လူငယ်တွေက နိုင်ငံရေးလို့ ပြောလိုက်ရင် ကြောက်သွားကြတယ်။ ရှေ့မှာလည်း စံပြတွေက အများကြီး မြင်ခဲ့ရ တယ်။ နိုင်ငံရေးက ရှေ့မှာတစ်လျှောက်လုံး တော်လှန်ရေးအသွင်ဆောင်ခဲ့ရတော့ အင်္ဂလိပ်အုပ်ချုပ်တဲ့ ခေတ်ကတည်းက ဒီနေ့ဒီခေတ်အထိလို့ ပြောရ တော့မယ်။ အချင်းချင်းမတည့်တာက များတယ်။ ဒါပေမဲ့ ကိုလိုနီခေတ်မှာ အင်္ဂလိပ်တိုက်ထုတ်ခဲ့တာက မှန်တယ်။ သူတို့က ကိုယ့်အိမ်ထဲဝင်လာ။ ကိုယ်က ပြောလိုက်ရတယ်ကြိုက်သလို နှင်ထုတ်ခွင့်ရှိတယ်။ ဒါပေမဲ့ ကိုယ့်လူမျိုး အချင်းချင်းကြားထဲမှာ ဘာကြောင့် နင်နဲ့ငါနဲ့ဆိုတဲ့ အသိတွေ၊ ငါနဲ့ သူနဲ့ ဆိုတဲ့ အသိ တွေမရှိဘဲ အားလုံးက ငါတို့ပဲဆိုတဲ့ အသိနဲ့ပြည်သူအသိနဲ့ ကိုယ့်တိုင်းပြည်ကောင်းစားရေးအတွက်ပဲ လုပ်မယ်ဆိုရင် အဆင်ပြေမှာပါ"
မေ ၁၉ ထုတ် ENVOY NEW အတွဲ(၂) အမှတ်(၄) တွင်ပါသည့် အဆိုတော် ရသနှင့် အင်တာဗျူးကောက်နှုတ် ချက်
-----------------------------------------------------------------------------------------------------------------------------------
"မေလ ၁ ရက်နေ့ ညနေ ၃ နာရီခွဲလောက်မှာ စနေထောင့် အောင်ရွှေထီးတန်းဆောင်းထဲမှာ သန့်ရှင်းရေးတာဝန်ကျနေတဲ့ ဒေါ်မြင့်မြင့်အေးက ဒီကလေးကို တွေ့လို့ လုံခြုံရေးဌာနကို လာအပ်ပါတယ်။ အဲ့ဒီကလေးကို ၂ ရက်နေ့ မနက် ၁၀ နာရီအထိ မိဘဖြစ်သူတွေကလာပြီး ဆက်သွယ်မှုမရှိတဲ့အတွက် ကလေး ကို စွန့်ပစ်ခံရတယ်လို့ ယူဆခဲ့ပါတယ်။ အဲဒါကြောင့် ၂ ရက်နေ့ ၁၀ နာရီမှာ ကျွန်တော်တို့ဆီက လုံခြုံရေး ဌာနစိတ်မှူးနဲ့ ဒဂုံရဲစခန်းက ရဲတပ်ကြပ်တို့ အပါ အဝင် တာဝန်ရှိသူတွေနဲ့ ကလေးဆေးရုံကို ပို့ခဲ့ပါတယ်"
မေ ၁၉ ထုတ် Venus News အတွဲ(၂) အမှတ်(၄၀) တွင်ပါသည့် " အသက် ၃နှစ်အရွယ် ကလေးငယ်တစ်ဦး ရွှေတိဂုံစေတီပေါ်တွင်စွန့်ပစ်ခံရ" သတင်းမှ ဂေါပကအဖွဲ့ ရုံးအဖွဲ့မှူး ဦးဝင်ကြိုင်၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အခြေခံလူတန်းစားများအတွက် ကျန်းမာရေးစောင့်ရှောက်မှု
နိုင်ငံတော်သမ္မတဦးသိန်းစိန်၏ မူဝါဒဆိုင်ရာ အခြေပြမိန့်ခွန်းတွင် ကျန်းမာရေးအခန်းကဏ္ဍနှင့်ပတ်သက်ပြီး "ကျန်းမာရေးကဏ္ဍမှာဆိုရင် ပြီးခဲ့တဲ့ ဆယ်စုနှစ် နှစ်ခုအတွင်း တိုးချဲ့ဖွင့်လှစ်ခဲ့တဲ့ ဆေးရုံကြီးများရဲ့ အရည်အသွေးနဲ့ ကျန်းမာရေးဝန်ထမ်းများရဲ့ အရည်အသွေးမြင့်မားရေးကို အလေးထား လုပ် ဆောင်သွားမှာ ဖြစ်ပါတယ်။ အနာဂတ်မှာ နိုင်ငံတော်၊ ပြည်သူနဲ့ ပရဟိတအဖွဲ့အစည်းများ ပူးပေါင်းပါဝင်တဲ့ ကျန်းမာရေးစောင့်ရှောက်မှု စနစ်တစ်ခုကို တည်ထောင်ပြီး အခြေခံကျန်းမာရေး စောင့်ရှောက်မှုလုပ်ငန်းများကို တိုးချဲ့ဆောင်ရွက်သွားဖို့ ရည်မှန်းထားပါတယ်" ဟု ပြောကြားသွားလေသည်။
NESAP ၏ ထုတ်ပြန်ချက်အရ မြန်မာနိုင်ငံ၌ လူဦးရေ ၁၅ သန်း မှာတစ်နေ့ တစ်ဒေါ်လာအောက် ရရှိသည်ဖြစ်ရာ မရှိဆင်းရဲနွမ်းပါးသူများ အနေဖြင့် ကုန်ကျစရိတ်ကြီးမြင့်သော ပုဂ္ဂလိက အထူးကုဆေးခန်းကြီးများထက် စရိတ်မျှပေး ကျန်းမာရေးစနစ်နှင့် ကုသပေးလျက်ရှိသော ပြည်သူ့ ဆေးရုံ ကြီးများအား အားထားလျက်ရှိကြောင်းတွေ့ရပါသည်။
ယခု စရိတ်မျှပေး ကျန်းမာရေးစနစ်သည် ပြည်သူများသုံးတတ်လျှင် အလွန်ကောင်းသည့်စနစ်ဖြစ်သော်လည်း ပြဿနာမှာ လာဘ်ပေးလာဘ်ယူ ကိစ္စတို့ ဖြစ်ပါသည်။ စရိတ်မျှပေး ကျန်းမာရေးဆိုသည်မှာ ငွေကြေးတက်နိုင်သူများအတွက် စရိတ်တစ်ဝက်ကျခံပေးပြီး မရှိဆင်းရဲနွမ်းသူများအတွက် အခမဲ့ ကျန်းမာရေး ကုသမှုပေးသည့် စနစ်တစ်ရပ်အနေဖြင့် ၁၉၈၈ခုနှစ်မှ စတင်ခဲ့ပါသည်။ ရည်ရွယ်ချက်မှာ ကောင်းမွန်သော်လည်း ယခုအချိန်အထိ အခြေခံ လူထုနှင့် ရင်းနှီးကျွမ်းဝင်ခြင်းမရှိလှပေ။ အဘယ်ကြောင့်ဆိုသော် အထက်တွင်ဖော်ပြခဲ့သည့် လာဘ်ပေးလာဘ်ယူကိစ္စကြောင့် ဖြစ်သည်။ မရှိနွမ်းပါးကြသည့် လူအများစုသည် ဆေးရုံမှာ တွန်းလှည်းခ၊ ဓာတ်လှေကားခတောင်းခြင်း၊ တံခါးစောင့်က တောင်းခြင်း၊ တစ်ချို့သော ကျန်းမာရေးဝန်ထမ်း များက ဆေးဝါး များကို ကိုယ်ကျိုးစီးပွားအတွက် ထုတ်ရောင်းခြင်းများ ရှိနေသောကြောင့်ပင်ဖြစ်သည်။
သမ္မတမိန့်ခွန်း၏ မိန့်ခွန်းပါ မူဝါဒကို လက်တွေ့ဆောင်ရွက်ချက်အနေဖြင့် ယခုအခါ ကျန်းမာရေးနှင့် အလုပ်သမားဝန်ကြီးဌာနတို့က ပြည်ထောင် စု ဝန်ကြီးများ စီမံလျက်ရှိပါသည်။ ပြီးခဲ့သည့် ပြည်သူလွှတ်တော် အစည်းအဝေးတွင်လည်း ပြည်သူ့လွှတ်တော်အမတ် ဦးကြည်မြင့်(လသာ) တင်ပြခဲ့သည့် ဝင်ငွေနည်းပြည်သူများအတွက် ဆေးကုသခွင့် အာမခံချက်ရရှိရေးကို လက်ခံစဉ်းစား လျက်ရှိပါသည်။ ထိုအတွက်ကြောင့် မကြာမီ ဝင်ငွေနည်းပြည်သူများ ဆေးကုသခွင့် အာမခံချက်ရှိသော စနစ်တစ်ခုကို လူမှုဖူလုံရေးအက်ဥပဒေသစ် ပြည်လည်ရေးဆွဲပြဋ္ဌာန်း၍ အမျိုးသားကျန်းမာရေးစနစ်တစ်ခု ထူထောင် သွားဖို့ ရှိကြောင်းသိရသည်။ ယင်းကျန်းမာရေးမူဝါဒကို ကျင့်သုံးအကောင်အထည်ဖော်လျှင် အကျိုးသက်ရောက်မှုရှိသူများမှာ ပင်စင်ယူမည့် သက်ကြီး ရွယ်အိုများနှင့် ဝန်ထမ်းများ၊ အလုပ်လုက်မဲ့များ လူမှုဖုံလုံရေးအာမခံ ပေါ်လစီဝယ်ယူထားသည့်သူများတို့ ဖြစ်ပါသည်။ ပင်စင်စားများကို ပင်စင်တစ်လုံး တစ်ခဲတည်း ပေးအပ်၍ ဆေးကုသခွင့် လူမှုဖူလုံရေးကတ် အခမဲ့ပေးထားသည့် စနစ်မျိုးကိုကျင့်သုံးမည်ဖြစ်ပြီး ပင်စင်စောစောယူသည့်အတွက်ကြောင့် စရိတ် နည်းနည်းပဲရသည့် သက်ကြီးရွယ်အိုများကိုလည်း ဆေးကုသခွင့်နှင့် ထောက်ပံ့ကြေးငွေများ ပေးအပ်သွား မည်ဖြစ်သည်။ ထို့အပြင် ဝန်ထမ်းများ လည်း ဆေးကုသခွင့်ရရှိမှာဖြစ်ပြီး အလုပ်လက်မဲ့နှင့် လူမှုဖူလုံရေးအာမခံ ပေါ်လစီဝယ်ယူထားသည့် မည်သူမဆို ဆေးကုသခွင့်ရရှိမှာဖြစ်သည်။ အဆိုပါ ဝင်ငွေနည်းပြည်သူများအတွက် ဆေးကုသခွင့်အာမခံချက်ရှိသော အမျိုးသားကျန်းမာရေးစနစ်ကို ထူထောင်ရာတွင် ကုမ္ပဏီများနှင့် အလုပ်သမားများ၏ လူမှုဖူလုံရေးကြေးဖြင့်လည်းကောင်း၊ တောင်သူလယ်သမားနှင့် ပွဲစားကဲ့သို့သော လူအများ၏ လူမှုဖူလုံရေး အာမခံပေါ်လစီ ဝယ်ယူမှုဝင်ငွေဖြင့် လည်း ကောင်း ရန်ပုံငွေအနေဖြင့် ထားရှိ ကုသပေးသွားမည်ဖြစ်လေသည်။
ထောက်ပံ့ကြေးနှင့် ဆေးကုသခွင့်ပေးသည်ဆိုခြင်းမှာ ချမ်းသာသည့်နိုင်ငံများ ငွေပိုလို့လုပ်ခြင်းဖြစ်သည့်အတွက် မြန်မာနိုင်ငံအနေဖြင့် မိမိလူမှု အဖွဲ့အစည်းနှင့် ကိုက်ညီသည့် မူဝါဒမျိုးကိုချမှတ်သင့်ပါသည်။ အထူးသဖြင့် ကျန်းမာရေး ဝန်ကြီးဌာနနှင့် အလုပ်သမားဝန်ကြီးဌာန၏ အုပ်ချုပ်မှုစွမ်းရည်နှင့် ဝန်ထမ်းများ၏ စေတနာတို့ဖြစ်သည်။ ၂၀၁၀ နိုဝင်ဘာ ၄ ရက်နေ့အထိ စာရင်းများအရ ယခင်တိုက်နယ်ဆေးရုံ ၃၀၅ ရုံရှိရာမှ ယခု ၅၀၅ရုံ၊ ယခင်ကျေးလက် ကျန်းမာရေးဌာန ၁၃၃၇ခုရှိရာမှ ယခု ၁၅၀၄ခု၊ ယခင် ဒေသန္တရ ကျန်းမာရေး ၆၄ ခုရှိရာမှ ယခု ၈၆ ခုအထိ တိုးတက်ဖြစ်ထွန်းလာခဲ့ လေသည်။ ဆေးတက္ကသိုလ်များအနေနှင့်လည်း ဆေးသိပ္ပံ ပညာဦးစီးဌာနအောက်တွင် ဆေးတက္ကသိုလ်လေးခု၊ သွားဘက်ဆိုင်ရာ ဆေးတက္ကသိုလ်နှစ်ခု၊ ပြည်သူ့ ကျန်းမာရေး တက္ကသိုလ်(ရန်ကုန်) တစ်ခု၊ အခြားကျန်းမာရေးဆိုင်ရာ တက္ကသိုလ်ခုနှစ်ခုနှင့် သူနာပြုသားဖွားသင်တန်း ကျောင်း ၄၆ ကျောင်းတို့မှ ဆေးဘက် ပညာရှင်မျိုးစုံကို လေ့ကျင့်မွေးထုတ်ပေးလျက်ရှိပါသည်။ အရည်အတွက် များရုံသာမဟုတ်ဘဲ အရည်အချင်းပြည့်ဝစွာရရှိရန်ကိုလည်း ကျန်းမာရေးဝန်ကြီး ဌာနဝန်ကြီး ဒေါက်တာမေသက်ခင်မှ ဧပြီ ရက်နေ့တွင် နေပြည်တောင် ပြည်သူ့ဆေးရုံကြီး ခုတင် ၁၀၀၀ဆံ့သို့ သွားရောက်စစ်ဆေးကြည့်ရှုခဲ့စဉ်က ဝန်ထမ်း များအား ပြောကြားရာတွင် စရိတ်မျှပေးကျင့်သုံးနေသည်ကို ပြည်သူအများ ရှင်းလင်စွာသိရှိနား လည်သဘောပေါက်အောင် ဆောင်ရွက်ရန်လိုကြောင်း၊ လာဘ်ပေးလာဘ်ယူကင်းစေသည့် ရိုးသားကြိုးစားစေတနာထားသော အရည်အချင်းပြည့်ဝသည့် ဝန်ထမ်းကောင်းများဖြစ်အောင် တာဝန်ခံ ခေါင်းဆောင် များက လေ့ကျင့်သင်ကြားပေးရန် လိုအပ်ကြောင်း ပြောကြားခဲ့လေသည်။
စေတနာကောင်းမွန်သည့် စရိတ်မျှပေးကျန်းမာရေးစနစ်ကို ပြည်သူများယခုထက် ပိုမိုကျွမ်းဝင်ဖို့ သက်ဆိုင်ရာဌာနများမှ ပညာပေး အကြံပြု ခြင်းများ လိုသလို၊ စနစ်၏ အားနည်းချက်များကို စည်းမျဉ်းစည်းကမ်းများ အသစ်ပြဋ္ဌာန်း၍ အရေးယူဆောင်ရွက်ဖို့လိုအပ်ပါသည်။ ထို့အပြင် ဝင်ငွေနည်း ပြည်သူများအတွက် ကျန်းမာရေးအာမခံချက် မက်လုံးဖြစ်သော လူမှုဖူလုံရေး အက်ဥပဒေကိုပြဋ္ဌာန်း၍ နိုင်ငံ၏ အမျိုးသား ကျန်မာရေးစနစ်ကို ယခုထက် ပိုမို ကောင်းမွန်ပြီး ပွင့်လင်းမြင်သာမှုရှိအောင် ဆောင်ရွက်သွားဖို့အထူးလိုအပ်ပါကြောင်း။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
