Transparency Myanmar

transparency.myanmar@gmail.com

burmanet.org,10 Dec 2009

          လခစား မဟုတ်သော လွတ်လပ်သည့် မီဒီယာသမားများကို ထောင်သွင်း အကျဉ်းချမှုများ တစ်ကမ္ဘာလုံးတွင် တိုးပွားလာနေသည်ဟု သတိပေးထားသူ မီဒီယာ စောင့်ကြည့် လေ့လာရေးအဖွဲ့၏ အဆိုအရ မြန်မာနိုင်ငံသည် စာနယ်ဇင်းသမားများကို အများဆုံး အကျဉ်းချထားသော ကမ္ဘာ့နိုင်ငံ တစ်ခုဖြစ်နေသည်ဟု သိရှိရပါသည်။ စာနယ်ဇင်း သတင်းထောက်များကို အကျဉ်းချလေ့ ရှိသော ကမ္ဘာတစ်ဝှမ်းရှိ ၂၆ နိုင်ငံတွင် မြန်မာ၊ တရုတ်၊ အီရန်၊ ကျူးဘားနှင့် အီရီထရီယာတို့သည် အဆိုးဆုံး ဖြစ်သည်ဟု နယူးယောက် အခြေစိုက် စာနယ်ဇင်း သတင်းထောက်များ အကာအကွယ်ပေးရေး ကော်မတီ CPT က အင်္ဂါနေ့တွင် ပြောကြားခဲ့ပါသည်။

          ကမ္ဘာအနှံ့ ထောင်ဒဏ် ကျခံနေရသော သတင်းထောက်များ စုစုပေါင်း ၄၅ % မှာ လွတ်လပ်သော မီဒီယာသမားများဖြစ်ပြီး ယခု လတ်တလော ဖမ်းဆီးမှုများ မြင့်တက်လာခြင်းသည် ကမ္ဘာ့သတင်း စီးပွားရေးလုပ်ငန်း တိုးတက် ပြောင်းလဲလာခြင်းကို ထင်ဟပ်ပြနေသည်ဟု ၎င်းတို့က ပြောပါသည်။

          နိုင်ငံရေး အကျဉ်းသားများဟု ယေဘုယျ သတ်မှတ်ထားသော အကျဉ်းကျခံ စာနယ်ဇင်းသမား ၉ ဦးအနက် ၅ ဦးမှာ လွတ်လပ်သော သတင်းသမားများဖြစ်သည်ဟု CPJ သတင်းများအရ သိရပါသည်။

          ၎င်းတို့ အထဲတွင် ကျော်ကြားသော ဟာသပညာရှင် ဇာဂနာလည်း ပါဝင်လာပြီး ၎င်းသည် နာဂစ် ဆိုင်ကလုန်းကာလတွင် မြန်မာအစိုးရ၏ လုပ်ဆောင်မှုများနှင့် ပတ်သက်၍ ပြည်ပ မီဒီယာများနှင့် အင်တာဗျူးတွင် ဝေဖန် ပြောကြားခဲ့သောကြောင့် ၂၀၀၈ နိုဝင်ဘာတွင် ထောင်ဒဏ် ၅၉ နှစ် (နောက်ပိုင်းတွင် ၃၅ နှစ်သို့ လျော့ချ) ပြစ်ဒဏ် ချမှတ်ခံထားရသူ ဖြစ်သည်။

          ဇာဂနာနှင့်အတူ နာဂစ်ဆိုင်ကလုန်း၏ ဆိုးကျိုးများကို ဗီဒီယိုရုပ်ရှင် ရိုက်ကူးခဲ့သူ ဇော်သက်ထွေးမှာလည်း ထောင်ဒဏ် ၁၉ နှစ် ချမှတ်ခြင်း ခံရပါသည်။

          မြန်မာဘလော့ဂါ နေဖုန်းလတ်သည်လည်း ၎င်း၏ ဝက်ဘ်ဆိုက်တွင် မြန်မာအစိုးရ ခေါင်းဆောင် ဗိုလ်ချုပ်ကြီးများ၏ ရုပ်ပြောင် ပုံတူများကို တင်ခဲ့ခြင်းကြောင့် ထောင်ဒဏ် ၁၂ နှစ် အပြစ်ပေးခံရကာ ၎င်းနှင့်အတူ လုပ်ကိုင်ခဲ့သူ ယခင် ဘီဘီစီ သတင်းပေး နေမင်းမှာလည်း ထောင်ဒဏ်၁၅ နှစ် ကျခံနေရပါသည်။

          သတင်းသမားများ၏ နောက်ကွယ်မှ ပံ့ပိုးနေသော မီဒီယာ အဖွဲ့အစည်းများ၏ ကြီးမားသော အစဉ်အလာသည် သမိုင်းတွင် တဖြည်းဖြည်း တိမ်မြှုပ် ကျဆင်းနေသည်ကို သိရှိသွားသောကြောင့် သတင်းသမားများသည် အန္တရာယ် ကြီးမားသော တာဝန်များမှ စွန့်ခွာနေကြသည်ဟု CPT အမှုဆောင် ဒါရိုက်တာ Toel Simon က အစီရင်ခံစာတွင် ဖော်ပြထားပါသည်။

          ယနေ့ ရှေ့တန်းတွင် လုပ်ကိုင်နေသော သတင်းထောက်များတွင် လွတ်လပ်စွာ လှုပ်ရှားသူများ တိုးပွားလာပါသည်။ အွန်လိုင်း သတင်းထောက်များ တိုးပွားလာခြင်းသည် သတင်းထောက် မျိုးဆက်သစ် စာမျက်နှာကို ဖွင့်လှစ်ခိုင်းခြင်း ဖြစ်သော်လည်း ၎င်းတို့မှာ ထိလွယ်ခိုက်လွယ် ဖြစ်နေသည် ဟု ဆိုရပါမည်။

          ဖြစ်ရပ်မှန် ဇာတ်ကားဆု ရရှိခဲ့သော Orphans of Burma Cyclone ရိုက်ကူးသူ DBV အတွက် အလုပ်လုပ်ပေးနေသည့် မြန်မာဓာတ်ပုံသမား "T"၏ အဖြစ်အပျက်ကို အဖွဲ့အစည်းက ညွှန်ပြခဲ့ပြီး ၎င်း သည် လက်ရှိတွင် ထောင်ဒဏ် ၁၅ နှစ် ကျခံနေရပါသည်။

          ကမ္ဘာပေါ်ရှိ စစ်ဆေးမေးမြန်းမှု ထူပြောသည့် နိုင်ငံတစ်ခု ဖြစ်သော မြန်မာနိုင်ငံသည် သတင်းထောက်များအတွက် အလွန် အန္တရာယ်ကြီးပြီး T ကဲ့သို့သော အကာအကွယ်မဲ့ သတင်းထောက်များ၏ ကိစ္စမှာ ကမ္ဘာပေါ်တွင် အရေးတကြီး ဆန်းစစ်စရာ ဖြစ်လာနေပါသည်။

          ပဲရစ် အခြေစိုက် မီဒီယာ လေ့လာရေးအဖွဲ့ Reporters Sans Frontieres က နှစ်စဉ် ထုတ်ပြန် သော ၂၀၀၉ မီဒီယာ လွတ်လပ်သော နိုင်ငံများ ညွှန်းတန်းတွင် ၁၇၅ နိုင်ငံ ရှိသည့် အနက် မြန်မာနိုင်ငံ က နံပါတ် ၁၇၁ တွင် ရှိနေပါသည်။ မြန်မာနိုင်ငံသည် ဘလော့ဂါတစ်ယောက် ဖြစ်လာရန် မလွယ်ကူသော လူဆိုးနိုင်ငံဟု CPJ က ထုတ်ပြန်သည့် ဧပြီလ အစီရင်ခံစာတွင် နာမည်ပေးထားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Yahoo News,Darlene Superville, 3 Dec 2009

          အမေရိကန် သမ္မတ အိုဘားမားနှင့် ရုရှားနိုင်ငံသမ္မတ Dmitry Medvedev တို့သည် စနေနေ့က သက်တမ်းလွန်သွားသည့် နျူကလီးယား လက်နက်စာချုပ်အတွက် ဆက်လက် ဆွေးနွေးညှိနှိုင်းရေး ကိစ္စအား စကားပြောကြကြောင်း အိမ်ဖြူတော်မှ တာဝန်ရှိသူတစ်ဦးက ပြောကြားခဲ့ပါသည်။

          အိုဘားမားအစိုးရ တာဝန်ရှိသူက ပြောရာတွင် သမ္မတနှစ်ဦးသည် တယ်လီဖုန်းဖြင့် အားပေး စကားပြောကြခြင်း ဖြစ်ပြီး၊ အသေးစိတ် အချက်အလက်များကို ပြောကြားခြင်း မရှိပါ။ ပြောဆိုသူက အမည်မဖော်လိုကြောင်း ဖုန်းဖြင့် ဆွေးနွေးမှုအား လူသိရှင်ကြား ထုတ်ပြန်ခြင်း မရှိသောကြောင့် ဖြစ်သည်ဟု ဆိုပါသည်။

          မဟာဗျူဟာ လက်နက်လျှော့ချရေး စာချုပ် The Strategic Arms Reduction Treaty (Start) မှာ ဒီဇင်ဘာလ ၅ ရက်နေ့က သက်တမ်း ကုန်သွားပြီ ဖြစ်သည်။ နှစ်နိုင်ငံအစိုးရသည် လွန်ခဲ့ သော လများကပင် နှစ်ဖက်စလုံးက နျူကလီယာလက်နက် ထပ်မံ လျော့ချရေးအတွက် စာချုပ်သစ် ထပ်မံ ချုပ်ဆိုနိုင်ရန် ဆွေးနွေးခဲ့ကြပါသည်။

          အိမ်ဖြူတော်သတင်း ထုတ်ပြန်ရေး အတွင်းရေးမှူး Robert Gibbs က ယခင်အပတ်က ပြောကြားရာတွင် နှစ်ဖက်စလုံး တိုးတက်မှုများ ပြုလုပ်နိုင်ခဲ့သည်ဟု ဆိုပါသည်။ 

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

BBC News,12 Dec 2009    

ဘန်ကောက်လေဆိပ်တွင် ဆီဝင်ဖြည့်သော ကုန်တင် လေယာဉ်တစ်စင်းကို ထိုင်းနိုင်ငံက ဖမ်းဆီးလိုက်ပြီး အဆိုပါလေယာဉ်သည် မြောက်ကိုရီးယားနိုင်ငံမှ လက်နက်များကို သယ်ဆောင်လာခြင်း ဖြစ်၍ သွားရောက်မည့် နေရာကို မသိရှိရသေးဟု ဆိုပါသည်။

          လေယာဉ် အမှုထမ်း ၅ ဦးကိုလည်း ဖမ်းဆီးထားပါသည်။ ဒုံးပစ် လောင်ချာများ၊ ဗုံးများ၊ ဒုံးပျံများ နှင့် အခြားလက်နက်များ တင်ဆောင်လာသည်ဟု စစ်တပ် စုံစမ်း စစ်ဆေးရေးမှူးများက ပြောပါသည်။

          အဆိုပါ လေယာဉ်သည် မြောက်ကိုရီးယား မြို့တော်ပြုံးယမ်းမှ ပျံသန်းလာခြင်း ဖြစ်ပြီး အရေးပေါ် ဆီဖြည့်ရန် တောင်းဆိုခဲ့ခြင်းဖြစ်သည်ဟု ယူဆကြောင်း ထိုင်းလေတပ်က ပြောဆိုပါသည်။

          ပြည်တွင်းသတင်း ဖော်ပြမှုများအရ လေယာဉ်အမှုထမ်း ၄ ဦးမှာ ကာဇက်စတန် နိုင်ငံမှ ဖြစ်ပြီး ကျန်တစ်ဦးမှာ ဘယ်လာရုစ်မှ ဖြစ်သည်ဟု သိရပါသည်။

          ထိုင်းတာဝန်ရှိ ပုဂ္ဂိုလ်များက နိုင်ငံခြား ထောက်လှမ်းရေးဌာနတစ်ခု၏ လျှို့ဝှက် သတင်းပေးမှုအရ ဖမ်းဆီးနိုင်ခဲ့ခြင်း ဖြစ်သည်ဟု ပြောကြားခဲ့ပြီး အမည်မဖော်လိုသူ အရာရှိတစ်ဦးကမူ အမေရိကန် ပြည်ထောင်စုထဲမှ သတင်းရရှိခဲ့ခြင်း ဖြစ်သည်ဟု ရိုက်တာသို့ ပြောကြားခဲ့ပါသည်။

          ၎င်းလေယာဉ်သည် မြောက်ကိုရီးယားမှ လာခြင်း ဖြစ်၍ တောင်အာရှဒေသ တစ်နေရာရာသို့ ဦးတည်နေခြင်း ဖြစ်ပြီး ပါကစ္စတန်ဖြစ်ဖို့ များသည်ဟု အထက်ပါအရာရှိက ဆက်လက် ပြောကြားပါသည်။

          အတည်မပြုနိုင်သေးသော အခြား သတင်းတစ်ရပ်ကမူ သီရိလင်္ကာနိုင်ငံသည် ခရီးလမ်းဆုံး ဖြစ်သည်ဟု ဆိုပြန်ပါသည်။

အရည်အသွေးမြင့် ပို့ကုန်များ

          ဆိုဗီယက်နိုင်ငံထုတ် 1L - 76 အမျိုးအစား စင်းလုံးငှားလေယာဉ်ပေါ်တွင် လက်နက်ပစ္စည်း တန် ၄၀ ခန့် တင်ဆောင်လာသည်ဟု ပြည်တွင်းသတင်းများက ဖော်ပြပါသည်။

          ဖမ်းဆီးရမိသော လက်နက်များကို ထိုင်းတပ်မတော် စစ်လက်နက်ပစ္စည်းဌာနသို့ ရွေ့ပြောင်း ထိန်းသိမ်းထားသည်ဟု ဆိုပါသည်။

          လေယာဉ်မောင်းအဖွဲ့က ၎င်းတို့ တင်ဆောင်လာသော ကုန်ပစ္စည်းများသည် ရေနံတွင်းတူး ကိရိယာများဟု သတင်းပို့ခဲ့ကြောင်း ထိုင်းဒုတိယဝန်ကြီးချုပ် ဆူသက်သောင်ဆူဆန်၏ ပြောကြားမှုကို AFP သတင်းဌာနက ထုတ်ပြန်ပါသည်။ မိမိတို့ စစ်ဆေးလိုက်သောအခါ လက်နက်ပစ္စည်းများ ဖြစ်ကြောင်း တွေ့ရှိရသည်ဟု အမျိုးသား လုံခြုံရေးကောင်စီ အကြီးအကဲဖြစ်သူ "ဆူသက်"က သတင်းထောက်များအား ပြောကြားပါသည်။

          ယခုကိစ္စတွင် ပါဝင်ပတ်သက်သူ များစွာရှိမည် ဖြစ်သောကြောင့် ဂရုတစိုက် လုပ်ဆောင်သွားမည်ဖြစ်ပြီး အရာအားလုံးကို ပွင့်လင်းမြင်သာစွာ ဆောင်ရွက်သွားမည်ဟုလည်း ၎င်းက ဆိုပါသည်။

          မေလတွင် ပြုလုပ်ခဲ့သော နျူကလီးယား စမ်းသပ်မှုကို ပြစ်ဒဏ်ခတ်သည့်အနေဖြင့် ကုလသမဂ္ဂကလည်း မြောက်ကိုရီးယားအပေါ် ချမှတ်ထားသည့် လက်နက်ကုန်သွယ်မှုများ တားမြစ်ရေး ပိတ်ဆို့ အရေးယူမှုကို ထပ်မံ တိုးမြှင့်ထားပါသည်။

          စားဝတ်နေရေး အလွန်ကျပ်တည်းနေသော ကွန်မြူနစ်နိုင်ငံအတွက် လက်နက်ပစ္စည်း ရောင်းချမှုသည် အလွန် အရေးကြီးသည့် ပို့ကုန်ပစ္စည်းဖြစ်၍ တစ်နှစ်လျှင် ၁ ဘီလျံကျော်ကျော် ရရှိသည်ဟု လေ့လာသူများက ပြောပါသည်။

          မြောက်ကိုရီးယား၏ ပမာဏကြီးမားသော လက်နက်ရောင်းချမှုများမှာ ပဲ့ထိန်းစနစ်သုံး ဒုံးများ ဖြစ်ပြီး အီရန်နှင့် အခြား အရှေ့အလယ်ပိုင်းနိုင်ငံများမှာ ဖောက်သည်များ ဖြစ်သည်ဟု အမေရိကန်အစိုးရ အရာရှိများက ပြောကြားပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Khonumthung News, 10 Dec 2009

          ချင်းပြည်နယ် Thantlang မြို့နယ် Lungler ရွာတွင် မြန်မာစစ်တပ်မှ တပ်ရင်း ၂၂၈ မှာ စစ်သား ၃၈ ဦး စခန်းချနေရာ ရွာသားများကို နေထိုင်ရ အဆင်မပြေမှုများ ဖြစ်စေသည်ဟု ဆိုပါသည်။

          သတင်းများအဆိုအရ စစ်တပ်မှ ခေါင်းဆောင်အရာရှိ စိုးကျော်သိန်းနှင့် သူ၏ တပ်ဖွဲ့သည် ရွာသား စန်းသူ၊ Thleilian နှင့် အခြားနှစ်ဦး၏ အိမ်များတွင် နိုဝင်ဘာလ ၂၇ ရက်နေ့မှ စတင်၍ စတည်းချ နေကြကြောင်း သိရှိရပါသည်။

          ရွာရှိ အမျိုးသမီးတစ်ဦးက ပြောကြားရာတွင် စစ်သားများ ရှိနေသောကြောင့် ၎င်းတို့ စိတ်ညစ်ကြောင်း၊ နေထိုင်ရ ခက်ခဲ၍ လွတ်လွတ်လပ်လပ် မရှိကြောင်း၊ ကျေးရွာကောင်စီသည် ၎င်းတို့အတွက် အစားအစာများ၊ ရေနှင့် ချက်ပြုတ်ရန် ထင်းများ စီစဉ်ပေးရကြောင်း ဆိုပါသည်။

          ယခင်တပ်ဖွဲ့များ လာစဉ်က ရွာနှင့် အလှမ်းဝေးသော ဘုန်းကြီးကျောင်းတွင် နေထိုင်ခဲ့ကြသော်လည်း၊ ယခု ရောက်သော စစ်သားများက ရွာသားများနှင့် နီးကပ်စွာ နေထိုင်ကြောင်း ပြော၍ ရွာထဲတွင် နေထိုင်ကြသည်ဟု ဆိုပါသည်။

          ၎င်းတို့ အဘယ်ကြောင့် ရွာသားများနှင့် နေလိုကြောင်း မသိရကြောင်း၊ ရွာသားများ အတွက် ဝန်ထုပ်ဝန်ပိုး ဖြစ်ရကြောင်း သူမက ပြောပါသည်။

          စစ်သားများသည် Thantlang မြို့နယ်ရှိ တောင်ကြားရှစ်ခုအနက် ငါးခုတွင် ကင်းလှည့်ပြီး တစ်ခါတစ်ရံ ရွာသားများထံမှ အိမ်မွေး တိရစ္ဆာန်များနှင့် ငွေများကို ယူကြပါသည်။

          ရွာထဲတွင် ဝင်ရောက် နေထိုင်ရခြင်း အကြောင်း ဖြစ်နိုင်သည့် အချက်မှ စစ်တပ်အတွက် စခန်းသစ် တည်ဆောက်ရာတွင် ရွာသားများအား ခိုင်းစေပါက ပြည်ပမီဒီယာများသို့ အဓမ္မ လုပ်အားပေးစေခိုင်းမှု ရှိကြောင်း သတင်းပေးမည်ကို စိုးရိမ်သောကြောင့် ဖြစ်မည်ဟု ယူဆရပါသည်။

          Lungler စစ်တပ်ဧရိယာအတွင်းရှိ တောင်ကြားငါးခုတွင် ရွာပေါင်း ၄၆ ရွာ ရှိပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Irrawaddy, Marwaan Macan – Markar, 11 Dec 2009

          လာမည့်နှစ်တွင် မြန်မာနိုင်ငံအစိုးရက ကျင်းပပြုလုပ်မည်ဟု ကတိပေးထားသော ရွေးကောက်ပွဲသည် ၁၉၉၀ ခုနှစ်က ပြုလုပ်ခဲ့သော ရွေးကောက်ပွဲနှင့် မီဒီယာများ၏ ယဉ်ကျေးမှု အခြေအနေချင်း များစွာ ခြားနားကြောင်း မြန်မာသတင်းစာ ဆရာတစ်ဦးက ထိုင်းနိုင်ငံ မြောက်ပိုင်း ချင်းမိုင်တွင် ပြုလုပ်သော ဒေသတွင်း မီဒီယာ ဆွေးနွေးပွဲတစ်ခုတွင် ပြောကြားခဲ့ပါသည်။

          အဆိုပါ ရွေးကောက်ပွဲတွင် အတိုက်အခံက အနိုင်ရရှိခဲ့ပြီး စစ်အစိုးရက အသိအမှတ်ပြုရန် ငြင်းဆန်ခဲ့ပါသည်။

          ၂၀၁၀ ရွေးကောက်ပွဲသည် လွန်ခဲ့သော အနှစ်နှစ်ဆယ်အတွင်း မှိုလို ပေါက်လာသော မြန်မာနိုင်ငံ ပြင်ပရောက် မြန်မာ သတင်းစာဆရာများက ထုတ်ဝေနေသော မြောက်မြားစွာသော မီဒီယာများ၏ စောင့်ကြည့်မှု အောက်တွင် ကျင်းပရလိမ့်မည် ဖြစ်ကြောင်း ဧရာဝတီမှ အုပ်ချုပ်မှု အယ်ဒီတာ ကျော်စွာမိုးက ပြောကြားလိုက်ပါသည်။ ဧရာဝတီသည် ထိုင်းနိုင်ငံတွင် နေထိုင်ကြသော မြန်မာ သတင်းစာ ဆရာများ ထုတ်ဝေသော နာမည်ရ သတင်းမဂ္ဂဇင်း ဖြစ်ပါသည်။

          မဲခေါင်မီဒီယာ ဆွေးနွေးပွဲကို ဒီဇင်ဘာလ ၉ ရက်မှ ၁၂ ရက်နေ့အထိ ကျင်းပလျက် ရှိရာ၊ ကြာသပတေးနေ့က အဆိုပါ ဆွေးနွေးပွဲတွင် ၎င်းက ဆက်လက် ပြောကြားရာ၌ ၁၉၉၀ ခုနှစ် ရွေးကောက်ပွဲ ကျင်းပစဉ်က ပြည်တွင်း၌လည်း ရွေးကောက်ပွဲအကြောင်း လွတ်လပ်စွာ ဖော်ပြခွင့် မရှိသည့်အပြင် မြန်မာနိုင်ငံ ပြင်ပ၌လည်း မြန်မာမီဒီယာများ မရှိပါဟု ဆိုပါသည်။ ပြည်တွင်းတွင် ယခုအချိန်အထိ ရွေးကောက်ပွဲနှင့် ပတ်သက်၍ လွတ်လပ်စွာ ဖော်ပြခွင့်မရဘဲ အန္တရာယ်များ ရှိနေဆဲ ဖြစ်သည်ဟု ၎င်းက ဆက်၍ ပြောကြားခဲ့ပါသည်။

          ထို့ကြောင့် မကြာသေးမီ နှစ်များအတွင်းက ကြီးထွားလာသော မြန်မာနိုင်ငံ ပြင်ပရှိ မီဒီယာများသည် အရေးကြီးသော ကဏ္ဍမှ ပါဝင်ရမည် ဖြစ်သည်ဟု၊ လူတစ်ရာခန့် တက်ရောက်သော ဆွေးနွေးပွဲ တွင် "Burma 2010" ခေါင်းစဉ်အောက်၌ ဆွေးနွေးစဉ် ဝင်ရောက် ပြောကြားခဲ့ပါသည်။

          ဧရာဝတီအနေဖြင့် ရွေးကောက်ပွဲကို စောင့်ကြည့်ခြင်း ကဏ္ဍတစ်ရပ်ကို အစောကြီးကတည်းက ဖွင့်လှစ်ထားပြီး၊ ရွေးကောက်ပွဲမတိုင်မီ၊ ကျင်းပဆဲနှင့် ကျင်းပပြီး ကာလတို့တွင် ရှုဒေါင့်ပေါင်းစုံမှ တင်ပြနိုင်ရန် ရည်ရွယ်ထားပါသည်။

          မြန်မာအစိုးရက ပြောကြားရာတွင် ယခု ရွေးကောက်ပွဲသည် စည်းကမ်း ပြည့်ဝသော ဒီမိုကရေစီ ဖန်တီးရာတွင် အစိတ်အပိုင်းတစ်ခု ဖြစ်ကြောင်း ဖော်ပြခဲ့ပါသည်။

          မိမိတို့အနေဖြင့် ရွေးကောက်ပွဲ၏ အဆင့်တိုင်းကို စောင့်ကြည့်ရန် လိုအပ်မည် ဖြစ်ကြောင်း နိုင်ငံရေး လှုပ်ရှားသူ မိုးဇော်ဦးက ပြောကြားခဲ့ပါသည်။ ရွေးကောက်ပွဲတွင် ပွင့်လင်းမြင်သာမှု ရှိရေးနှင့် ပတ်သက်၍ ပုံမှန်မဟုတ်သော ကိစ္စရပ်များကို ပြည်တွင်းပြည်ပ မီဒီယာများက မည်သို့ ဖော်ထုတ်ရမည် ဆိုသည်ကို လေ့လာရမည်ဟု ၎င်းက ဆိုပါသည်။ ရွေးကောက်ပွဲသည် အလှည့်အပတ် များပြီး ရှုပ်ထွေးလိမ့်မည် ဖြစ်ကြောင်း၊ ပြည်တွင်းမီဒီယာများ အနေဖြင့် လွတ်လပ်စွာ ဖော်ပြနိုင်လိမ့်မည်ဟု ပြောကြားခဲ့ပါသည်။

          တိုင်းရင်းသားများကို ကိုယ်စားပြုသော မီဒီယာများကလည်း ရွေးကောက်ပွဲအတွက် ပြင်ဆင် ထားကြပြီး၊ ဥပမာအားဖြင့် ထိုင်းနိုင်ငံတွင် နေထိုင်ကြသော ကချင် သတင်းစာဆရာများ ထုတ်ဝေသော Kachin News ရှိပါသည်။

          ကချင်ဒေသတွင် ပုံစံသစ်ဖြင့် ဖွဲ့စည်းထားသော လူထုအုပ်စုအဖွဲ့များ ဖွဲ့စည်းထားကြောင်း၊ ပြီးခဲ့သည့် နိုဝင်ဘာ ၁၈ ရက်နေ့က ကချင်ပြည်နယ် တိုးတက်ရေးပါတီ ရုံးခန်းသစ်ကို ဖွင့်လှစ်ခဲ့ကြောင်း  Kachin News မှ အယ်ဒီတာ Naw Din Lahpai က ပြောပါသည်။

          ကချင်ပြည်နယ်တွင် အများစုမှ ခရစ်ယာန်ဘာသာ ကိုးကွယ်သူများ ဖြစ်သည့်အလျှောက် စစ်အစိုးရသည် ကချင်ဒေသရှိ ဘုရားရှိခိုးကျောင်းများတွင် မဲဆွယ်မှု ပြုလုပ်လျက် ရှိပါသည်။ ဘုရားရှိခိုး ကျောင်းများတွင် ဆန်များ ပေးဝေခြင်း၊ ဆီများ ပေးဝေခြင်း၊ ငွေအနည်းငယ် လှူဒါန်းခြင်းများကို ပြုလုပ်လျက် ရှိကြောင်း၊ ဘာသာရေးကို အခြေခံသော မဲဆွယ်မှုများ ပြုလုပ်လျက် ရှိကြောင်း Naw Din က ပြောပါသည်။

          မြန်မာနိုင်ငံပြင်ပရှိ မီဒီယာများသည် မသေချာမှုများ၊ ဖိနှိပ်မှုများဖြင့် ပြည့်နှက်နေသော နိုင်ငံရေး အခင်းအကျင်းကို အကြိမ်ကြိမ် ဖော်ပြခဲ့ကြပြီး၊ လာမည့်နှစ် ရွေးကောက်ပွဲကို လွတ်လပ်၍ တရားမျှတရေးအတွက် တောင်းဆိုသည့် ဆောင်းပါးပေါင်းများစွာ ရေးထုတ်ခဲ့ပြီးလည်း ဖြစ်ပါသည်။ ယခု ရွေးကောက်ပွဲသည် ဗြိတိသျှ လက်အောက်မှ လွတ်မြောက်ပြီးကတည်းက ရေတွက်လျှင် ၁၅ ကြိမ် မြောက် ရွေးကောက်ပွဲ ဖြစ်ပါသည်။

          သို့သော် ယခုလက်ရှိအားဖြင့် မြန်မာအစိုးရသည် အရေးကြီးသည့် ဥပဒေ ၂ ရပ်ဖြစ်သည့် ၂၀၁၀ ရွေးကောက်ပွဲ ဥပဒေနှင့် နိုင်ငံရေးပါတီများကို ကြီးကြပ်မည် ဥပဒေတို့ကို တရားဝင် ကြေညာရန် လိုအပ်နေပါသေးသည်။

          ရွေးကောက်ပွဲနှင့် ပတ်သက်၍ စိုးရိမ်ရသော အကြောင်းအချက်များမှာ ပိုမို တိုးပွားလာလျက် ရှိပါသည်။ ၂၀၀၈ ခုနှစ် မေလ ဧရာဝတီတိုင်းတွင် နာဂစ်မုန်တိုင်း တိုက်ခတ်ပြီး ရက်များ မကြာမီ စစ်အစိုးရသည် ဆန္ဒခံယူပွဲ ပြုလုပ်၍ ဖွဲ့စည်းပုံ အခြေခံဥပဒေကို အတည်ပြုခဲ့ပါသည်။ ဆန္ဒ ခံယူပွဲကို အလိမ်အညာများဖြင့် ပြုလုပ်သည်ဟု စွပ်စွဲခဲ့ကြပါသည်။

          ၁၉၉၀ ရွေးကောက်ပွဲ ဖြစ်ရပ်ကလည်း မီဒီယာများကို စိုးရိမ်ပူပန်မှုများကို တိုးပွားစေပါသည်။

          စစ်အစိုးရအနေဖြင့် အရပ်သားများကို အာဏာလွှဲပေးရန် တုံ့ဆိုင်းနေရခြင်းမှာ ၎င်းတို့၏ အဆိုအရ နိုင်ငံရေးနှင့် ဒီမိုကရေစီ ပြုပြင် ပြောင်းလဲမှုများအတွက် လမ်းညွှန်မြေပုံ ၇ ချက်၏ အစိတ်အပိုင်း ဖြစ်ကြောင်း ဆိုပါသည်။ မြန်မာနိုင်ငံသည် ၁၉၆၂ ခုနှစ် စစ်တပ် အာဏာသိမ်းပြီး ကတည်းက စစ်တပ်အောက်တွင် နေခဲ့ရသည် ဖြစ်ရာ ဖွဲ့စည်းပုံ အခြေခံ ဥပဒေအထိ စစ်တပ်၏ လွှမ်းမိုးမှုမှာ သက်ရောက်လျက် ရှိပါသည်။

          ဖွဲ့စည်းပုံ အခြေခံဥပဒေသည် လိုအပ်ချက်များစွာ ရှိပြီး စစ်တပ်၏ လွှမ်းမိုးမှုကို မျက်နှာသာ ပေးထားကြောင်း မိုးဇော်ဦးက ဆိုပါသည်။ စစ်တပ်သည် နိုင်ငံကို အရေးပေါ် အခြေအနေ ကြေညာ၍ အချိန်မရွေး အာဏာသိမ်းနိုင်သည်ဟု အခြေခံဥပဒေတွင် ပါဝင်ရာ ဥပဒေအရ ခွင့်မပြုသင့်ကြောင်း ၎င်းက ပြောပါသည်။

          စစ်အစိုးရ၏ အာဏာ လက်ကိုင်ထားမှုကို ဆက်လက် ထိန်းသိမ်းနိုင်ရန် အခြေခံဥပဒေ၏ နည်းဥပဒေများတွင် အခိုင်အမာ ထည့်သွင်းထားရာ ဥပဒေပြုမှု အဖွဲ့တွင် ၂၅ % သော နေရာကို ရွေးကောက် တင်မြှောက်ခြင်း မပြုပဲ စစ်တပ်မှ ပုဂ္ဂိုလ်များကို ခန့်အပ်ရန် ပြုလုပ်ထားပါသည်။

          မြန်မာနိုင်ငံတွင် တိုင်းရင်းသား လူမျိုးစုများသည် စုစုပေါင်း လူဦးရေ ၅၆ သန်း၏ ၄၀ % ရှိသည် ဖြစ်ရာ တိုင်းရင်းသားများအပေါ် စစ်တပ်၏ ရက်စက်စွာ ဖိနှိပ်သော လှုပ်ရှားမှုများသည် ၎င်းတို့၏ ရွေးကောက်ပွဲ အစီအစဉ်များကို အဓိပ္ပါယ်မဲ့အောင် ပြုလုပ်နေသလို ဖြစ်ကြောင်း Shan Women's Action Network မှ Charm Tong က ပြောပါသည်။ အဆိုပါအဖွဲ့မှ မြန်မာစစ်တပ်မှ ကျူးလွန်လျက် ရှိသော စစ်ရာဇဝတ်မှုများကို အစီရင်ခံစာ ထုတ်ပြန်ခဲ့ရာ အမျိုးသမီးများကို အဓမ္မပြုကျင့်ခြင်းကို စစ်ပွဲ လက်နက်သဖွယ် စနစ်တကျ အသုံးပြုပုံလည်း ပါဝင်ပါသည်။ မြန်မာနိုင်ငံတွင်းတွင် နေရာဖယ်ရှားခြင်း ခံရသော လူဦးရေ ခြောက်သိန်းခန့် ရှိကြောင်း၊ တိုင်းရင်းသားများ၏ ဆိုးရွားသော အခြေအနေကို ရည်ညွှန်း၍ သူမက ချင်းမိုင် ဆွေးနွေးပွဲတွင် ပြောကြားခဲ့ပါသည်။ မြန်မာစစ်တပ်သည် တစ်ပြည်လုံး တပ်ရင်း ၅၀၀ ခန့် ရှိသည့်အနက် တပ်ရင်း ၁၅၀ ခန့်သည် ရှမ်းပြည်နယ်တွင် နေရာယူထားကြောင်း တပ်အင်အား၏ လေးပုံတစ်ပုံ ရှိကြောင်း သူမက ဆိုပါသည်။

          ရှမ်းနိုင်ငံရေး ခေါင်းဆောင် အများစုမှာလည်း ထောင်ထဲတွင် အဖမ်းခံနေရသည် ဖြစ်ရာ ၁၉၉၀ ခုနှစ်က အနိုင်ရသော ပုဂ္ဂိုလ်များလည်း ပါကြောင်း၊ အရှေ့မြောက် နယ်စပ်တွင် နေထိုင်ကြသော ရှမ်း တိုင်းရင်းသား နိုင်ငံရေး လှုပ်ရှားသူများလည်း ပါဝင်ကြောင်း၊ ဤဖြစ်ရပ်များမှ ရွေးကောက်ပွဲ မတိုင်မီ လျစ်လျူရှုထားရန် မသင့်ကြောင်း သူမက ပြောကြားသွားခဲ့ပါသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.