Posts
 | yangonchronicle 2011 |
၁၅-၉-၂၀၁၁
ပြည်တွင်းသတင်းများ
- လွှတ်တော်ကိုယ်စားလှယ်များ ဥပဒေကျွမ်းကျင်မှသာ မေးခွန်းနှင့် အဆို ထိရောက်မည်
- နိုင်ငံခြားငွေ ဝန်ဆောင်မှု ပြည်တွင်းဘဏ်နှင့် ပြည်ပဘဏ် ပူးပေါင်းဆောင်ရွက်မည်
- လုပ်ငန်းရှင်များ၏ တန်ပိုယာဉ်များကြောင့် လမ်းပျက်စီး
ပြည်တွင်းပါတီ၊ နိုင်ငံရေးသတင်းများ
- တိုင်းပြည်ကောင်းစားရေးအတွက် အသုံးချခံမည်ပာု ဒေါ်အောင်ဆန်းစုကြည် ပြောကြား
- နိုင်ငံတော်သမ္မတ အကြံပေးအဖွဲ့ အင်ဒိုနီးရှားနိုင်ငံသို့ လေ့လာရေးခရီး သွားရောက်မည်
- မြန်မာနိုင်ငံအမျိုးသားလူ့အခွင့်အရေးကော်မရှင်အဖွဲ့နှင့် အမေရိကန်အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ် တွေ့ဆုံ
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- စီးပွားရေးပြုပြင်ပြောင်းလဲရေး အတွေ့အကြုံ (၂)
××××××××××××××××××××××××××××××××××××××××××××××××××××××
ပြည်တွင်းသတင်းများ
နိုင်ငံခြားငွေဝန်ဆောင်မှု ပြည်တွင်းဘဏ်နှင့် ပြည်ပဘဏ် ပူးပေါင်းဆောင်ရွက်မည်
မြန်မာနိုင်ငံရှိ ပြည်တွင်းပုဂ္ဂလိကဘဏ်များတွင် နိုင်ငံခြားငွေဝန်ဆောင်မှု လုပ်ငန်းအားလုပ်ကိုင်နိုင်ရန် ပြည်ပဘဏ်များနှင့် ပူးပေါင်း၍ လုပ်ဆောင်သွားမည်ဖြစ်ကြောင်း သိရသည်။
၎င်း နိုင်ငံခြားငွေဝန်ဆောင်မှုလုပ်ငန်းအား ပြည်တွင်းပုဂ္ဂလိကဘဏ်များတွင်လုပ်ဆောင်နိုင်ရန် သက်ဆိုင်ရာဌာနများမှ ခွင့်ပြုပေးသွားမည်ဖြစ်ပြီး လက်ရှိအချိန်၌ နိုင်ငံတကာဘဏ်များတွင် နိုင်ငံခြားငွေဝန်ဆောင်မှုလုပ်ငန်းနှင့် ပတ်သက်၍ လုပ်ဆောင်နေမှုများကို လေ့လာလျက်ရှိကြောင်း သိရသည်။
ပြည်တွင်းပုဂ္ဂလိကဘဏ်များတွင် နိုင်ငံခြားငွေဝန်ဆောင်မှုလုပ်ငန်း လုပ်ကိုင်ခွင့်ပေးရခြင်းမှာ ပြည်တွင်းပုဂ္ဂလိကဘဏ်လုပ်ငန်းပို၍ ဖွံ့ဖြိုး တိုးတက်လာနိုင်ရန်နှင့် ဘဏ်လုပ်ငန်းစဉ်များ ကျယ်ပြန့်လာနိုင်စေရန် ရည်ရွယ်၍ ခွင့်ပြုပေးရခြင်းဖြစ်ကြောင်း သိရသည်။
ထိုသို့ ပြည်တွင်းရှိ ပုဂ္ဂလိကဘဏ်များ နိုင်ငံခြားငွေ ကိုင်ဆောင်ခွင့်ပြုပြီးပါက လုပ်ဆောင်ရမည့် လုပ်ငန်းစဉ်များမှာ ပိုမိုများပြားလာသည့်အတွက် ပုဂ္ဂလိကဘဏ်များကို နိုင်ငံခြားငွေကိုင်ဆောင်ခွင့် မပြုသေးမီကာလအတွင်း၌ တစ်ခုတည်းသော နိုင်ငံခြားငွေလဲနှုန်းသတ်မှတ်ရေးအတွက် ဆောင်ရွက်သင့်ကြောင်း ဘဏ်လုပ်ငန်းကျွမ်းကျင်သူတစ်ဦးက ပြောကြားခဲ့သည်။
လက်ရှိအချိန်၌ နိုင်ငံတော်မှလည်း နိုင်ငံခြားငွေလဲနှုန်း တစ်မျိုးတည်းသတ်မှတ်နိုင်ရန် ပြည်တွင်းဘဏ်များနှင့် ဆွေးနွေးညှိနှိုင်းမှုများပြုလုပ်၍ အကောင်အထည်ဖော်ဆောင်ရွက်လျက်ရှိကြောင်း သိရသည်။
မြန်မာနိုင်ငံတွင် နိုင်ငံခြားငွေဝန်ဆောင်မှုလုပ်ငန်းကို MICB (မြန်မာနိုင်ငံရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်) နှင့် MFTB (မြန်မာနိုင်ငံခြား ကုန်သွယ်မှုဘဏ်) နှစ်ခုကသာ လုပ်ဆောင်ခွင့်ရရှိထားကြောင်း သိရသည်။
မြန်မာနိုင်ငံတွင် နိုင်ငံခြားငွေဝန်ဆောင်မှုရရှိထားသည့် ဘဏ်လုပ်ငန်း နည်းပါးနေသေးသည့်အတွက် ပြည်ပနိုင်ငံများ၌ သွားရောက် အလုပ်လုပ်ကိုင်လျက်ရှိသော မြန်မာနိုင်ငံသား သင်္ဘောသားများနှင့် အလုပ်သမားများမှာ ငွေလွှဲ၊ ငွေပို့ ကိစ္စရပ်များဆောင်ရွက်ရာတွင် အခက်အခဲ တွေ့ကြုံရလေ့ရှိကြောင်း သိရသည်။
လက်ရှိ မြန်မာနိုင်ငံမှ ပြည်ပသို့ သွားရောက်အလုပ် လုပ်ကိုင်လျက်ရှိကြသည့် ပြည်တွင်းအလုပ်သမားအရေအတွက်မှာ သန်းချီရှိနေပြီး နိုင်ငံခြားသင်္ဘောသို့ သွားရောက် အလုပ်လုပ်ကိုင်နေသည့် မြန်မာနိုင်ငံသား သင်္ဘောသားဦးရေမှာ ၇၀၀၀၀ ဝန်းကျင်ခန့် ရှိကြောင်း သိရသည်။
Ref: မြန်မာပို့စ်၊ 7Day News
-----------------------------------------------------------------------------------------------------------------------------------
တန်ပိုယာဉ်များကြောင့် လမ်းပျက်စီး
ကိုယ်ကျိုးစီးပွားတစ်ခုတည်းကိုသာ ကြည့်သည့် လုပ်ငန်းရှင်များ၏ တန်ပိုယာဉ်သွားလာမှုများကြောင့် လမ်းပျက်စီးဆုံးရှုံးမှုများဖြစ်ပေါ်ခဲ့ရကြောင်း သိရသည်။
ပြီးခဲ့သည် ရက်ပိုင်းအတွင်း၌ ကရင်ပြည်နယ်တွင် (၂၄) နာရီ မိုးသည်းထန်စွာရွာသွန်းခဲ့သည့်ဒဏ်နှင့် လုပ်ငန်းရှင်များ၏ ကုန်တန်ချိန် အနည်းဆုံး (၇၀)၊ (၈၀) တင်ဆောင်လာသည့် စည်းကမ်းမဲ့ တန်ပိုတင်ဆောင်ယာဉ်များကြောင့် မြဝတီလမ်းနှင့် ဒေါပုံလမ်းများတွင် လမ်းပျက်စီးဆုံးရှုံးမှုများ ဖြစ်ပေါ်ခဲ့ ရကြောင်း သိရသည်။
၎င်း လမ်းပျက်စီးဆုံးရှုံးမှုများကို ကာကွယ်နိုင်ရန်မှာ သက်ဆိုင်ရာအာဏာပိုင်များ၊ လမ်းခင်းသည့် ကုမ္ပဏီနှင့် ပြည်သူလူထုကပါ ပူးပေါင်း၍ တန်ပိုတင်ဆောင်ယာဉ်များအား တားဆီးခြင်းဖြင့် ထိန်းသိမ်းကာကွယ်နိုင်ရန် လိုအပ်ကြောင်း ကရင်ပြည်နယ်နေ ပြည်သူတစ်ဦးက ပြောကြားခဲ့သည်။
ထိုသို့ တန်ပိုယာဉ်များကြောင့်လမ်းများပျက်စီးနေသည့်အတွက် သက်ဆိုင်ရာတာဝန်ရှိသူများက ၎င်းတန်ပိုတင်ဆောင် ယာဉ်များအား ယာယီခွင့်ပြုထားသည့် တန်ချိန်ထက်ပိုမိုတင်ဆောင်ပါက လမ်းအသုံးပြုခကောက်ခံရေး ဂိတ်များတွင် သတ်မှတ်နှုန်းထက် (၁၀)ဆ ပိုမိုကောက်ခံရန် ညွှန်ကြားထားကြောင်း သိရသည်။
ကောက်ခံမည့်ပုံစံမှာ ကုန်ကားများ၏ အပိုထပ်ဆောင်းယာယီခွင့်ပြုထားသည့် တန်ချိန်ထက် ပို၍ တင်ဆောင်သွားပါက သတ်မှတ်ဝင်ရိုး အရေအတွက်နှင့် ယာဉ်အမျိုးအစားအလိုက် တစ်မိုင် လျှင် သတ်မှတ်နှုန်းထား၏ သုံးဆကောက်ခံမည်ဖြစ်ကြောင်း သိရသည်။
လမ်းအသုံးပြုခကောက်ခံရာတွင် ကိုယ်ပိုင်ယာဉ်ငယ်များအတွက် လမ်းအသုံးပြုခ တစ်မိုင်လျှင် အခြေခံဈေးနှုန်း (၂) ကျပ်၊ သာမန်တံတား အသုံးပြုခ တစ်စီးလျှင် အခြေခံဈေးနှုန်း (၅၀)ကျပ်နှင့် စီမံကိန်းဝင် တံတားအသုံးပြုခကို တစ်စီးလျှင် အခြေခံဈေးနှုန်း (၉၀၀) ကျပ် စသည့် ယာဉ်အမျိုးအစား အလိုက် ကောက်ခံခွင့် သတ်မှတ်ထားကြောင်း သိရသည်။
Ref:Hot News
-----------------------------------------------------------------------------------------------------------------------------------
ပြည်တွင်းပါတီ၊ နိုင်ငံရေးသတင်းများ
တိုင်းပြည်ကောင်းစားရေးအတွက် အသုံးချခံမည်ပာု ဒေါ်အောင်ဆန်းစုကြည် ပြောကြား
မြန်မာနိုင်ငံ၌ ၂၀၁၀ ရွေးကောက်ပွဲအပြီး ပြောင်းလဲလာသည့် အပြောင်းအလဲများအပေါ်မူတည်ပြီး တိုင်းပြည်ကောင်းစားရေးအပေါ် မူတည်၍ မိမိအနေဖြင့် အသုံးချခံသွားမည်ဖြစ်ကြောင်း ဒေါ်အောင်ဆန်းစုကြည်မှ စက်တင်ဘာလ ၁၂ ရက်နေ့က သတင်းထောက်များနှင့် တွေ့ဆုံစဉ် ပြောကြား သွားခဲ့သည်။
မြန်မာနိုင်ငံအတွင်းရှိ တိုင်းရင်းသားအသီးသီး၏ အမျိုးသားပြန်လည်ရင်ကြားစေ့ရေး လုပ်ဆောင်ရာတွင် ပထမဆုံးအနေနှင့် ပူးတွဲဆောင်ရွက်သွားနိုင်ရန် ကြိုးစားသွားမည်ဖြစ်ပြီး နိုင်ငံအတွင်းရှိ ပြည်သူများ နစ်နာမှုမရှိစေရန် အကောင်းဆုံးလမ်းကို လျှောက်သွားမည်ဖြစ်ကြောင်း ဒေါ်အောင်ဆန်းစုကြည်က ပြောကြားခဲ့သည်။
ထို့ပြင် လက်ရှိအချိန်တွင် ပြည်တွင်း၊ ပြည်ပ နိုင်ငံရေးသမားအချို့မှ ဒေါ်အောင်ဆန်းစုကြည်သည် မြန်မာနိုင်ငံအစိုးရသစ်၏ အသုံးချခံသက်သက် ပာူသော အမြင်များနှင့် ပတ်သက်၍ သတင်းထောက်များကို ရှင်းလင်းပြောကြားခဲ့ကြောင်း သိရသည်။
မြန်မာနိုင်ငံ၏ အသက်သွေးကြောဖြစ်သော ဧရာဝတီမြစ်ဆုံစီမံကိန်း ကိစ္စရပ်နှင့်ပတ်သက်၍ ဒေါ်အောင်ဆန်းစုကြည်က “မြစ်ဆုံကိစ္စကတော့ ပန်ကြားလွှာထဲမှာ ထည့်ထားသလိုပဲ ထပ်ပြီး ပြောချင်တာကတော့ ဘယ်လိုပဲပြောပြော ပိာုဘက် ဒီဘက် အားလုံးကို ကြည့်ပြီးတော့မှ အကောင်းဆုံး အဖြေကိုရှာပါလို့။ ဒီလိုပဲ ပြောချင်တယ်” ပာု ပြောကြားခဲ့သည်။
Ref: Bi Weekly Eleven
-----------------------------------------------------------------------------------------------------------------------------------
နိုင်ငံတော်သမ္မတ အကြံပေးအဖွဲ့ အင်ဒိုနီးရှားနိုင်ငံသို့ လေ့လာရေးခရီး သွားရောက်မည်
နိုင်ငံတော်သမ္မတ၏ အကြံပေးအဖွဲ့မှ အဖွဲ့ဝင် လေးဦးသည် ယခုလကုန်တွင် အင်ဒိုနီးရှားနိုင်ငံသို့ လေ့လာရေးခရီးတစ်ပတ်ကြာ သွားရောက်မည် ဖြစ်ကြောင်း သတင်းရရှိသည်။
ထိုအဖွဲ့တွင် စီးပွားရေးအကြံပေး ဦးဆက်အောင်၊ နိုင်ငံရေးအကြံပေးများဖြစ်သည့် ဦးကိုကိုလှိုင်၊ ဒေါက်တာနေဇင်လတ်နှင့် ဥပဒေအကြံပေး ဒေါ်ခင်မျိုးမြင့်တို့ပါဝင်သည်။ အင်ဒိုနီးရှားနိုင်ငံ ဂျာကာတာမြို့အပြင် ဘန်ဒါအာချေးပြည်နယ်တို့ပါ သွားရောက်လေ့လာမည်ဖြစ်သည်။
“အစိုးရအရာရှိပိုင်းတွေနဲ့လည်းတွေ့မယ်၊ အငြိမ်းစားဗိုလ်ချုပ်တွေနဲ့လည်းတွေ့မယ်။ နိုင်ငံတော်သမ္မတအကြံပေးဖြစ်ပြီးမှ အင်ဒိနီးရှားကိုသွားတာ ဒုတိယအကြိမ်ပါ။ ပထမအကြိမ်တုန်းက အာဆီယံဆန်းမစ်မှာသွားခဲ့တာ” ဟု သမ္မတအကြံပေး ဦးကိုကိုလှိုင်မှ ပြောကြားသွားသည်။
အင်ဒိုနီးရှားနိုင်ငံသို့ သွားရောက်ရခြင်း အဓိကရည်ရွယ်ချက်မှာ ဒေသတွင်း အာဆီယံနိုင်ငံများတွင် အင်ဒိုနီးရှားနိုင်ငံ၏ နိုင်ငံရေးမှာ ဒီမိုကရေစီ အဖြစ် ထွန်းကားနေပြီး ၊ ထိုနိုင်ငံသည် ယခင်က စစ်တပ်အုပ်ချုပ်ခဲ့မှုမှ ဒီမိုကရေစီနိုင်ငံအဖြစ် အသွင်ပြောင်းလဲလာခြင်းတို့ကြောင့် ဖြစ်သည်။
Ref: မြန်မာတိုင်း(မ်)
-----------------------------------------------------------------------------------------------------------------------------------
အမျိုးသားလူ့အခွင့်အရေးကော်မရှင်အဖွဲ့နှင့် မြန်မာနိုင်ငံဆိုင်ရာ အမေရိကန် အထူးကိုယ်စားလှယ်တွေ့ဆုံ
မြန်မာနိုင်ငံအမျိုးသားလူ့အခွင့်အရေး ကော်မရှင်အဖွဲ့နှင့် အမေရိကန်အစိုးရ၏ မြန်မာနိုင်ငံဆိုင်ရာ အထူးကိုယ်စားလှယ်နှင့် မူဝါဒရေးရာ ညှိနှိုင်းရေးမှူး Mr. Derek Mitchell နှင့်အဖွဲ့သည် စက်တင်လာလ (၁၃) ရက် ညနေ ၄ နာရီမှ ၅: ၃၀ အထိ ရန်ကုန်မြို့ Chatrium Hotel တွင် တွေ့ဆုံဆွေးနွေးခဲ့သည်။
အဆိုပါတွေ့ဆုံပွဲတွင် အမျိုးသားလူ့အခွင့်အရေးကော်မရှင် ဥက္ကဌ ဦးဝင်းမြက “ သူက ကျွန်တော်တို့ကို ပြင်းထန်တဲ့မေးခွန်းတွေ မမေးပါဘူး။ မြန်မာနိုင်ငံမှာ လူ့အခွင့်အရေး ချိုးဖောက်မှုတွေကို ဘယ်လိုတိုးတက်အောင် လုပ်မလဲဆိုတာကို ရှေးရှုပြီး ဆွေးနွေးကြတယ်။ နှစ်ဦးနှစ်ဖက်ညှိနှိုင်းပြီး အမြင်ချင်း ဖလှယ်ပြီးဆွေးနွေးခဲ့ကြပါတယ်။
ကျွန်တော်တို့က ကျွန်တော်တို့ ဖွဲ့စည်းတာတွေပြောတယ်။ သူတို့ကလည်း ဘယ်လိုတိုးတက်အောင် လုပ်သင့်တယ်ဆိုတာကို ဆွေးနွေးတယ်၊ အများကြီး အပြုသဘောဆန်တယ် ” ဟု ပြောကြားခဲ့သည်။
“ ခိုင်မာတဲ့ တိုင်ကြားချက်မျိုးရှိရင် စုံစမ်းပြီး ကျွန်တော်တို့ အရေးယူဆောင်ရွက်ဖို့ သက်ဆိုင်ရာဌာနတွေကို ပေးပို့သွားမှာပါ ” ဟု ဥက္ကဌ ဦးဝင်းမြက ၎င်းတို့လုပ်ဆောင်မည့် မူဝါဒပုံစံ ရှင်းပြခဲ့သည်။
မြန်မာနိုင်ငံအမျိုးသားလူ့အခွင့်အရေး ကော်မရှင်အနေဖြင့် ဒေသတွင်း အာဆီယံနိုင်ငံများ၏ လူ့အခွင့်အရေးကော်မတီများနှင့် တွေ့ဆုံညှိနှိုင်းမှုများ ပြုလုပ်ရန်ရှိကြောင်း၊ လူ့အခွင့်အရေးဆိုင်ရာ တိုင်ကြားချက်များကို စုံစမ်းကာ အရေးယူမှုများ ပြုလုပ်မည်ဖြစ်ကြောင်း အဆိုပါကော်မတီမှ ဆိုသည်။
အာဆီယံနိုင်ငံများတွင် လူ့အခွင့်အရေးကော်မတီများရှိပြီး မြန်မာနိုင်ငံသည် ပဉ္စမမြောက် လူ့အခွင့်အရေးကော်မရှင်ဖွဲ့စည်းသောနိုင်ငံ ဖြစ်ကြောင်း သိရှိရသည်။
မြန်မာနိုင်ငံတွင် အမျိုးသားလူ့အခွင့်အရေးကော်မရှင်ကို စက်တင်ဘာလ (၅) ရက်နေ့စွဲ၊ အမိန့်ကြော်ငြာစာ အမှတ် ၃၄/ ၂၀၁၁ ဖြင့် စတင်ဖွဲ့စည်းခဲ့သည်။ အဆိုပါကော်မရှင်တွင် ဥက္ကဌ၊ ဒုတိယဥက္ကဌ၊ အတွင်းရေးမှူး အပါအဝင် အဖွဲ့ဝင် ( ၁၅ ) ဦးဖြင့် ဖွဲ့စည်းခဲ့သည်။
Mr. Derek Mitchell သည် စက်တင်ဘာလ (၁၄) ရက်နေ့ကလည်း ရန်ကုန်အပြည်ပြည်ဆိုင်ရာလေဆိပ်တွင် ပြည်တွင်းမီဒီယာများနှင့် တွေ့ဆုံခဲ့ပြီး မီဒီယာများ၏ မေးမြန်းချက်များကိုလည်း ပြန်လည်ဖြေကြားခဲ့သည်။
Ref: မြန်မာပို့စ်ဂလိုဘယ်
-----------------------------------------------------------------------------------------------------------------------------------
သတင်းနှင့် ဆောင်းပါးများမှ ကောက်နှုတ်ချက်များ
မေး- ဒီအဆိုဟာ လွှတ်တော်မှာ မှတ်တမ်းတင်ရုံအဆင့်သာ ရရှိခဲ့တဲ့အပေါ်မှာရော ဘာပြောချင်ပါသလဲ။
ဖြေ- အဲဒါကတော့ ပြည်ထောင်စုဝန်ကြီးကိုယ်တိုင်လည်း လွှတ်တော်ထဲမှာ ပြောသွားတယ်။ ဒါတွေကတော့ အစိုးရရဲ့ ကတိခံဝန်ချက်များ၊ ဝန်ခံချက်များကို စိစစ်တဲ့ကော်မတီ လွှတ်တော်ထဲမှာ ဖွဲ့ထားတာပဲ။ ဒီကော်မတီက စိစစ်မှာပေါ့။ နောက်တစ်ကြိမ်လွှတ်တော်အစည်းအဝေး မတိုင်မီမှာ ရတဲ့အချက်တွေပေါ် မူတည်ပြီးတော့ သတင်းမီဒီယာအခွင့်အရေး ကာကွယ်တဲ့ ဥပဒေမူကြမ်းကို လွှတ်တော်ကိုယ်စားလှယ်တစ်ယောက်အနေနဲ့ ကျွန်တော် ဆွဲခွင့်ရှိတယ်။ အဲဒီတော့ အင်မတန်တိကျတဲ့ သတင်းမီဒီယာကာကွယ်ရေးဥပဒေကို ကျွန်တော်ရေးဆွဲပြီး တင်ပါမယ်။
စက်တင်ဘာ ၁၆ ထုတ် The HOT NEWS အတွဲ (၂) အမှတ် (၅၇) တွင်ပါသည့် “ပြည်သူ့လွှတ်တော်ကိုယ်စားလှယ် သင်္ဃန်းကျွန်းမဲဆန္ဒနယ်မှ ဦးသိန်းညွှန့်” နှင့် အင်တာဗျူးကောက်နှုတ်ချက်
-----------------------------------------------------------------------------------------------------------------------------------
“လုပ်ကွက်အကြီးစားလို့ပြောလို့ရတယ်။ ငွေကြေးခိုင်မာမှုပြသရမယ့်ဟာကလည်း အတော်များတယ်။ ဧက ၇၀၀၀ ကို တစ်ယောက်တည်း ပေးတာတော့မဖြစ်နိုင်ဘူး။ လောလောဆယ်တော့ စိတ်မဝင်စားနိုင်သေးဘူး။ အခုအခွန်ဆောင်တဲ့ ပုံစံကလည်း ပြောင်းထားတော့ နည်းနည်း လက်တွန့်နေကြတယ်။ အခွန်ကိစ္စကိုတောင် မနည်းပြည့်အောင်လုပ်နေရတယ်။ မြန်မာနိုင်ငံမှာ သူတို့တောင်းတဲ့ ငွေကြေးခိုင်မာမှု ပမာဏလောက်ပြနိုင်တဲ့ လုပ်ငန်းရှင် အတော်ကိုရှားတယ်”
စက်တင်ဘာ ၁၅ ထုတ် 7DAY NEWS အတွဲ (၁၀) အမှတ် (၂၆) တွင်ပါသည့် “အနည်းဆုံးကျပ်သန်းပေါင်း ၃၀၀၀ကျော် ရင်းနှီးငွေပြရမည့် ရွှေလုပ်ကွက်တစ်ခု ပြည်တွင်းလုပ်ငန်းရှင်များကို လုပ်ကိုင်ခွင့်ပြုမည်” သတင်းမှ စစ်ကိုင်းတိုင်းဒေသကြီးမှ ရွှေတူးဖော်ရေး လုပ်ကိုင်နေသူ တစ်ဦးက မိုးထိမိုးဒေသလုပ်ကွက်နှင့်ပတ်သက်၍ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
မေး- ခုလို မြန်မာကျပ်ငွေ လဲလှယ်နှုန်းတွေအမျိုးမျိုးအဖုံဖုံဖြစ်နေတာနဲ့ပတ်သက်ပြီး ဆရာဘာတွေများ ပြောလို ပါသေးလဲ။ ကျွန်တော်တို့ဆီမှာ ခုချိန်ထိ ဘယ်နိုင်ငံနဲ့မှ မတူအောင် နှုန်းတွေအမျိုးမျိုးဖြစ်ပေါ်နေတယ်လေ။
ဖြေ- နှုန်းတွေ အမျိုးမျိုးပေါ်လာတာလည်းပဲ စီးပွားရေးပေါ်လစီကို တစ်လုံးတစ်ခဲတည်း ဒါမှမဟုတ် ပြဿနာ အားလုံး လွှမ်းခြုံမစဉ်းစားဘဲနဲ့ ဟိုကိစ္စလေး ပေါ်လာလိုက်၊ ဟိုလိုလုပ်လိုက်၊ ဒီကိစ္စလေးပေါ်လာလိုက်၊ ဒီလိုလုပ်လိုက်နဲ့ ဖြစ်နေတာ။ ဥပမာဆိုရင် မြန်မာပြည်မှာ ဒေါ်လာကိုင်ခွင့်မရှိဘူး။ တစ်ဖက်ကလည်း တရားဝင်လဲနှုန်းကို ၆ ကျပ်နဲ့ သတ်မှတ်ထားတယ်။ ငွေကိုင်ခွင့်လည်းမရှိဘူးဆိုပြီးတော့ ငွေလည်းကိုင်ခွင့်ပေးရမယ့် အနေအထား မျိုးတွေရှိတော့ နှုန်းကိုလည်း တတ်နိုင်သလောက်နီးစပ်အောင် ပြင်ရမယ်ဆိုတော့ FEC ဖန်တီးလိုက်တယ်။ ကျန်တာတွေ မစဉ်းစားဘဲနဲ့ FEC ကို ထုတ်လိုက်တော့ အဲဒီမှာ ဈေးတစ်ခုဆိုတာဖြစ်လာတာ။ အကောက်ခွန် နှုန်းဆိုရင်လည်း အရင်တုန်းက တစ်ဒေါ်လာကို ၁၀၀ ကောက်တယ်။ အဲဒီတုန်းက ပေါက်ဈေးက ၃၅၀ လောက် ရှိတယ်။ နောက် ၂၀၀ ကောက်တယ်၊ ပေါက်ဈေးက ၇၀၀ ရှိတယ်။ အဲဒါကလည်း အာဆီယံက ဒီလောက်ပဲ ကောက်ရမယ်ဆိုတဲ့ဟာကရှိတော့ လုပ်လိုက်တာပေါ့။ အဲဒီ ပြဿနာလေးကိုပဲအာရုံစိုက်ပြီး ဖြေရှင်းတော့ အဲဒီမှာလည်း အကောက်ခွန်သတ်မှတ်တဲ့ ငွေလဲနှုန်းတစ်မျိုးဖြစ်လာတယ်။ စီးပွားရေးပြဿနာကို ချဉ်းကပ်တဲ့ အခါမှာ ငါးပွက်ရာ၊ ငါးစာချတာမျိုးမဟုတ်ဘဲနဲ့ အလုံးစုံချဉ်းကပ်တဲ့ အမြင်မျိုးနဲ့ ဖြေရှင်းသင့်ပါတယ်။
စက်တင်ဘာ ၁၅ ထုတ် ပြည်သူ့ခေတ်ဂျာနယ် အတွဲ (၂) အမှတ် (၆၀)တွင်ပါသည့် “စီးပွားရေးတက္ကသိုလ် အငြိမ်းစားပါမောက္ခ ဦးမော်သန်းနှင့်” အင်တာဗျူးကောက်နှုတ်ချက်
-----------------------------------------------------------------------------------------------------------------------------------
“နောက်ဆုံးကြားသိရတဲ့ သတင်းတွေကတော့ ဒီကားတွေကို ထုတ်လုပ်တဲ့စက်မှုဇုန်တွေကနေ အခွန်ဆောင် မယ်ဆိုရင်တော့ ဝင်လို့ရမယ်လို့သိရပါတယ်။ ဒါပေမယ့် ကားတစ်စီးအတွက်ဆောင်ရမယ့် ငွေကြေးကလည်း ကားအသစ်တစ်စီးစာလောက်ဖြစ်နေတာကြောင့် ကားထုတ်လုပ်တဲ့သူတွေကလည်း မပေးဆောင်ကြပါဘူး။ သူတို့လို လုပ်ငန်းရှင်တွေကတောင် ဒီလိုငွေကြေးကို မပေးဆောင်နိုင်ရင် ကျွန်မလိုကလေးတစ်ယောက်မုဆိုးမက ဒီလောက်များတဲ့ငွေပမာဏကို ပေးဆောင်ဖို့ဆိုတာလည်း မဖြစ်နိုင်ပါဘူး။ ရှိရှိသမျှပိုက်ဆံတွေကလည်း ကားဝယ်တဲ့အချိန်တုန်းက အကုန်အကျ ခံခဲ့ရတာကြောင့် တစ်နေ့တစ်နေ့စားဝတ်နေရေးကိုပဲ သားအမိနှစ် ယောက် ပြေလည်အောင်ဖြေရှင်းနေရပါတယ်။ အရောင်းအဝယ် တစ်ခုခုကို ပြောင်းလဲလုပ်ချင်ပေမယ့် အခုရှိနေ တဲ့ကားက ရောင်းလို့လည်းမရ၊ မောင်းလို့လည်းမရတဲ့အခြေအနေမှာ အင်မတန်စိတ်ပင်ပန်းကြီးစွာနဲ့ နေထိုင်နေ ရပါတယ်”
စက်တင်ဘာ ၁၄ ထုတ မြန်မာပို့စ် အတွဲ (၃)၊ အမှတ် (၃၅) တွင်ပါသည့် “ဇုန်ထုတ်ကားပြဿနာ ဖြေရှင်းပေးပါ “သတင်းမှ ပြည်သူတစ်ဦး၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
စီးပွားရေးပြုပြင်ပြောင်းလဲရေး အတွေ့အကြုံ (၂)
ယခင်ဆောင်းပါးတွင် တပ်မတော် အစိုးရလက်ထက် စီးပွားရေးပြုပြင်ပြောင်းလဲမှုများနှင့် ယခု ဒီမိုကရေစီအစိုးရသစ်၏ စီးပွားရေးပြုပြင် ပြောင်းလဲမှုများ အကောင်အထည်ဖော်ရာ၌ တူညီသော အချင်းအရာများရှိသည်ကို နှိုင်းယှဉ်ဖော်ပြခဲ့လေသည်။ န.ဝ.တ အစိုးရလက်ထက် စီးပွားရေးဖွံ့ဖြိုး တိုးတက်မှု အနည်းငယ်ရရှိခဲ့သည်မှာ အမှန်ပင်ဖြစ်ပါသည်။ သို့သော် စီးပွားရေးစီမံခန့်ခွဲမှုအမှားများကြောင့် အမှန်တကယ် ဖွံ့ဖြိုးတိုးတက်မှုကိုတော့ မရရှိခဲ့ပါချေ။ ဤကဲ့သို့ အစစ်အမှန်ဖွံ့ဖြိုးမှုရရှိခဲ့ခြင်းမဟုတ်သည်ကို ၁၉၉၈ အာရှဘဏ္ဍာရေးအကျပ်အတည်း ကြုံကြိုက်သောအခါ အလွန်ပင် သိသာသွားပါတော့သည်။
အဘယ်ကြောင့် အစစ်အမှန်ဖွံ့ဖြိုးမှုမရှိခဲ့ခြင်းကို သုံးသပ်စိစစ်ကြည့်ပါက အဓိက လုပ်ဆောင်သင့်သည့် အမျိုးသားအဆင့် စီးပွားရေးတည်ငြိမ်မှု (macroeconomic stability) ရအောင် မထိန်းသိမ်းနိုင်ခဲ့ခြင်းဖြစ်သည်။ အတိုးနှုန်းမြင့်မားခြင်း၊ ဘတ်ဂျက်လိုငွေပြမှုမြင့်မားခြင်း၊ ကုန်သွယ်မှုမညီမျှမှု (သွင်းကုန်မှာ ထုတ်ကုန်ထက်ပို များ)ရှိခြင်း၊ နိုင်ငံခြားငွေအရန်ကိုင် ဆောင်ထားမှု လျှင်လျှင်မြန်မြန်ကျဆင်းခြင်းနှင့် မြင့်မားသော ကြွေးမြီအချိုး ရှိခြင်း အစရှိသည့် စီးပွားရေးမတည်ငြိမ်မှုကို ဖြစ်ပေါ်စေခဲ့ပါသည်။ နိုင်ငံ၏ ပြည်တွင်းစုစုပေါင်းထုတ်ကုန်၏ ၂-၃ ရာခိုင်နှုန်းလောက်ကို စစ်ရေးအတွက် အသုံးပြုခြင်း၊ လူမှုဖုံလုံရေးစီမံကိန်းများ၊ လမ်း၊ တံတားကဲ့သို့ ပြည်သူ့ရေး ရာဝန်ဆောင်မှုများပေးရန် အခြေခံအဆောက်အအုံများ တည်ဆောက်ခြင်း အစရှိသည်တို့ကို တိုးမြှင့်သုံးစွဲခဲ့ခြင်းမှာ ဘတ်ဂျက်လိုငွေပြမှု၏ အဓိကအကြောင်းအရင်းဖြစ်ပေသည်။ အာဏာပိုင်များသည် ငွေကိုပိုမိုရိုက် ထုတ်ခြင်း၊ ဗဟိုဘဏ်သို့ ငွေတိုက်စာချုပ်များရောင်းချစေခြင်းဖြင့် ယင်းလိုငွေပြမှုကို ဖြေရှင်းခဲ့လေသည်။ နိုင်ငံခြားငွေလဲလှယ်နှုန်းသည်လည်း ပုံသဏ္ဍာန်သုံးမျိုးနှင့် ဖြစ်တည်နေလေသည်။ ပထမတစ်မျိုးမှာ အစိုးရ၏ တရား ဝင်ငွေလဲနှုန်းဖြစ်လေသည်။ ဈေးကွက်ပေါက်ဈေးထက် ၁၀ ဆမက နည်းသည့် တရားဝင် ငွေလဲနှုန်းမှာ တစ်ဒေါ်လာကို မြန်မာကျပ်ငွေ ၆ ကျပ်နှုန်း နှုန်းသေ သတ်မှတ်ထားသော်လည်း မြန်မာ့စီးပွားရေး၏ ၇၅ ရာခိုင် နှုန်းမှာ ဈေးကွက်ပေါက်ဈေးနှင့်သာ လည်ပတ်လုပ်ဆောင်လျက် ရှိပါသည်။ ဒုတိယတစ်မျိုးမှာ FEC နှင့် ဒေါ်လာကို ချိတ်ဆက်ထားမှုဖြစ်ပေသည်။ ယင်းစနစ်ကို တရုတ်နိုင်ငံတွင် အသုံးပြုခဲ့သော်လည်း အလုပ်မဖြစ်ကြောင်းသိသည်နှင့် ၁၉၉၄ခုနှစ်တွင် ဖျက်သိမ်းခဲ့ပါသည်။ မြန်မာနိုင်ငံတွင်မူ ၁၉၉၅ခုနှစ်တွင် FEC ငွေကြေးကို ကျပ်နည်းတူ ဒေါ်လာနှင့်ချိတ်ဆက်ထားသော၊ တန်ဖိုးခြင်းညီမျှသော ငွေကြေးအဖြစ် တရားဝင်သတ်မှတ်ထားခဲ့သည်။ ၁၉၉၆ ခုနှစ်တွင် အစိုးရမှ သွင်းကုန်လုပ်ငန်းများအဆင်ပြေစေရန်အတွက် တစ်ဒေါ်လာ ၁၀၀ ကျပ်နှုန်းနှင့် အထက်ရှိသော ငွေလဲနှုန်းတစ်မျိုးကို အသုံးပြုခဲ့လေသည်။ ထိုငွေလဲနှုန်း အမျိုးမျိုးရှိကြောင့် ရှုံးသူနှင့် နိုင်သူနှစ်မျိုးဖြစ်ပေါ်ခဲ့ရလေသည်။ ပို့ကုန်သမားများမှာ ငွေလဲနှုန်းအမျိုးမျိုးဖြစ်နေသောကြောင့် ရှုံးပြီး၊ သွင်းကုန် သမားများနှင့် တစ်ဒေါ်လာခြောက်ကျပ်ဖြင့် အလုပ်လုပ်ကိုင်ခွင့်ရသူများမှာ အနိုင်ရခဲ့လေသည်။ ယခုဒီမိုကရေစီ အစိုးရသစ်၌လည်း ငွေလဲနှုန်းပြုပြင် ပြောင်းလဲမှုများနှင့် ပတ်သက်၍ အခက်အခဲများကြုံတွေ့နေသည်ဖြစ်ရာ အထက်ပါအတွေ့အကြုံများမှာ နောင်ချမှတ်မည့် မူဝါဒသစ်အတွက် သင်ခန်းစာများပင်ဖြစ်ပေသည်။
စီးပွားရေးအကျပ်အတည်းကို ဖြစ်ပေါ်စေခဲ့သော နောက်အကြောင်းအရင်းတစ်ရပ်မှာ နိုင်ငံပိုင် စီးပွားရေးလုပ်ငန်းများ၏ စွမ်းဆောင်ရည် ဖြစ်ပါသည်။ ၁၉၈၉ခုနှစ်တွင် အစိုးရမှ နိုင်ငံပိုင်စီးပွားရေးလုပ်ငန်းများ၏ လုပ်ဆောင်ချက်နှင့် စွမ်းဆောင်ရည် မြှင့်တင်မည့် မူဝါဒများ ချမှတ်အကောင်အထည်ဖော် ဆောင်ရွက်သွားမည် ဖြစ်ကြောင်း ကြေညာခဲ့ပါသည်။ ယင်းကာလတွင် အစိုးရဝန်ကြီးဌာနအသီးသီးမှာ နိုင်ငံပိုင်စီးပွားရေး လုပ်ငန်း ၅၀ ကျော် လုပ်ကိုင်ဆောင်ရွက်လျက်ရှိပြီး ဆက်လက်၍ တိုးချဲ့လုပ်ဆောင်ခဲ့ပါသည်။ ၁၉၉၅ခုနှစ်တွင် အာဏာပိုင်များက နိုင်ငံပိုင်စီးပွားရေး လုပ်ငန်း ၆၉ ခုခန့်ကို ပုဂ္ဂလိကပိုင်ပြုလုပ်မည်ကတိပေးခဲ့သော်လည်း နောင်နှစ် အနည်းငယ်တွင် ယင်းမှ အနည်းငယ်ကိုသာ ပုဂ္ဂလိကပိုင် ပြုလုပ်နိုင်ခဲ့ပါသည်။ အကြောင်းရင်းမှ စစ်တပ် ခေါင်းဆောင်များကြား နိုင်ငံပိုင်စီးပွားရေး လုပ်ငန်းများ ပြုပြင်ပြောင်းလဲမှု၏ အကျိုးရလဒ်အပေါ် သဘောထား မတူညီမှုများရှိခဲ့သောကြောင့်ဖြစ်ပါသည်။ အထူးသဖြင့် နိုင်ငံတော် စီးပွားရေးလုပ်ငန်းများနှင့် ဆက်စပ်လျက်ရှိသော တပ်မတော်မှ အရာရှိများ၊ အစိုးရဝန်ထမ်းများမှာ ပြုပြင်ပြောင်းလဲမှုများသည် ယင်းတို့၏ အကျိုးစီးပွားကို ခြိမ်းခြောက်နိုင်သည်ဟု ယုံကြည်သောကြောင့် ပြင်းပြင်းထန်ထန် ကန့်ကွက်မှုများပြုလုပ်ခဲ့ပါသည်။ ယင်းကဲ့သို့ နိုင်ငံပိုင်စီးပွားရေးလုပ်ငန်းများ၏ စီမံခန့်ခွဲမှုနှင့် စွမ်းဆောင်ရည်နိမ့်ပါးခဲ့မှုကြောင့် အစိုးရမှာ စက်မှုဖွံ့ဖြိုးရေး လုပ်ငန်းများကို အရှိန်အဟုန်မြှင့်တင်ကာလုပ်ဆောင်၍ မရခဲ့ပါချေ။ ယခုအစိုးရသစ်မှ အထူးစီးပွားရေးဇုန်များ တည်ဆောက်ခြင်းအပါအဝင် ယခင် တိုးတက်မှု မရှိခဲ့သော ပြည်တွင်းစက်မှုဇုန်များအား ပြန်လည်သုံးသပ်ခြင်း နှင့် အဆင့်မြှင့်တင်ခြင်းလုပ်ငန်းများ စနစ်တကျဆောင်ရွက် သွားမည်ဖြစ်ကြောင်း ကတိပေးထားသည်လည်း ဖြစ်လေရာ ယခင်စက်မှု မူဝါဒအမှားများကို အတုယူနိုင်မည်ဖြစ်ပါသည်။
နောက်အကြောင်းတစ်ရပ်မှာ နိုင်ငံခြားရင်းနှီးမြုပ်နှံမှု တိုးတက်မှု နှေးကွေးခြင်းဖြစ်ပါသည်။ ၁၉၈၈ ခုနှစ်တွင် တပ်မတော်အစိုးရမှ နိုင်ငံခြား ရင်းနှီးမြုပ်နှံမှုဥပဒေကို ပြဋ္ဌာန်းခဲ့အပြီး မြန်မာနိုင်ငံသို့ နိုင်ငံခြားရင်းနှီးမြုပ် နှံမှုများတဟုန်ထိုး တိုးတက်ခဲ့ပါသည်။ အဓိကရင်းနှီးမြုပ်နှံသည့်နေရာများမှာကား ခရီးသွားလုပ်ငန်း၊ သတ္တု တူးဖော်ရေးလုပ်ငန်း၊ ဆောက်လုပ်ရေးလုပ်ငန်းနှင့် ရေနံနှင့်သဘာဝဓာတ်ငွေ့လုပ်ငန်းများတွင်ဖြစ်ပြီး မြန်မာ ရင်းနှီးမြုပ်နှံမှုကော်မရှင်၏ တရားဝင် စာရင်းများအရ ၁၉၉၇ခုနှစ် မတ်လ တွင် နိုင်ငံခြားရင်းနှီးငွေ ကန်ဒေါ်လာ ၆.၀၅ ဘီလီယံခန့်ရှိလေသည်။ ရင်းနှီးမြုပ်နှံသူများတွင် ဗြိတိန်နှင့် စင်ကာပူနိုင်ငံသားများမှာ အများစုဖြစ်ပြီး ရင်းနှီးမြုပ်နှံသူအားလုံး၏ တစ်ဝက်မှာ အာရှနိုင်ငံများမှဖြစ်လေသည်။ သို့သော် ရင်းနှီးမြုပ်နှံသူအားလုံးမှာ ငွေပင်ငွေရင်းကြီးကြီးမားမား၊ နည်းပညာအပြည့်အစုံဖြင့် လာရောက်ရင်းနှီးမြုပ်နှံခဲ့ကျသည်တော့မဟုတ်ပါ။ အဓိက အကြောင်းအရင်း နှစ်ချက်ကြောင့်ဖြစ်ပါသည်။ ပထမအချက်မှာ အားနည်းသည့် မြန်မာ့စီးပွားရေး အခြေအနေနှင့် နိုင်ငံရေးအနေအထားမှာ သေချာရေရာမှု အလွန်နည်းပါးခြင်းကြောင့်ဖြစ်သည်။ ဒုတိယအချက် မှာ မြန်မာစစ်တပ်အစိုးရ၏ လူ့အခွင့်အရေးချိုးဖောက်မှုကြောင့် လူ့အခွင့်အရေးအဖွဲ့အစည်းများက မြန်မာနိုင်ငံ အပေါ် ရင်းနှီးမြုပ်နှံခြင်းမပြုရန် နိုင်ငံခြားကုမ္ပဏီများအပေါ် ဖိအားပေးမှုများလည်းရှိခဲ့ခြင်းကြောင့်ဖြစ်သည်။ အထူးသဖြင့် အမေရိကား၊ ကနေဒါနှင့် ဥရောပမှ ကုမ္ပဏီကြီးများ၊ ကော်ပိုရေးရှင်းကြီးများ ဖြစ်သော Heineken, Levi Struss, Eddie Bauer, Motorola, HP, Peregrine နှင့် Eastman Kodak တို့ ပေါ်တွင်ဖြစ်ပါသည်။ ထိုအတွက်ကြောင့် ယင်းကုမ္ပဏီကြီးများမှာလည်း စွန့်စွားမှုနည်းသည့် စီးပွားရေးလုပ်ငန်း များတွင်သာ ရင်းနှီးမြုပ်နှံကြပြီး သေချာရေရာမှုမရှိသည့် စီးပွားရေးနှင့် နိုင်ငံရေးရာသီဥတုကြောင့် wait and see ချဉ်းကပ်မှုဖြင့်သာ ကျင့်သုံးခဲ့ကြလေသည်။ ၁၉၉၇/၉၈ တွင် နိုင်ငံခြားရင်းနှီးမြုပ်နှံမှုမှာ ယခင်နှစ်များနှင့်ယှဉ် လျှင် ၇၉.၁ ရာခိုင်နှုန်းကျဆင်းသွားခဲ့သည်ကို ပမာဏအားဖြင့် ဖော်ပြရလျှင် ကန်ဒေါ်လာ ၅၈၅ မီလီယံရှိလေသည်။ ယခုအစိုးရလက်ထက်တွင်လည်း ယခင်ရင်းနှီးမြုပ်နှံမှုကော်မရှင်၏ ခေတ်မမှီတော့သော ဥပဒေများ၊ လုပ်ထုံးလုပ်နည်းများကို ပြင်ဆင်ပြဋ္ဌာန်းရန် ကော်မရှင်ကိုပြောင်းလဲဖွဲ့စည်းခဲ့ပါသည်။ ယင်း အသစ်ဖွဲ့စည်းလိုက်သည့် ကော်မရှင်မှ ယခင်ရင်းနှီးမြုပ်နှံမှုနှင့် ပတ်သက်သည့်မူဝါဒများ ကျရှုံးရခြင်းအကြောင်းကို စနစ်တကျလေ့လာ သုံးသပ်ပါက နိုင်ငံခြားရင်းနှီးမြုပ်နှံမှုကဏ္ဍအတွက်များစွာ အကျိုးကျေးဇူးရရှိနိုင်ပါသည်။
(ရှေ့တစ်ပတ်ဆက်လက်ဖော်ပြပါမည်)
××××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
