Transparency Myanmar

transparency.myanmar@gmail.com

International media (2)

Snapshot of the item below:
International media (2)

ဘာသာပြန်သတင်းများ (၂)

မြန်မာနိုင်ငံတွင် ရင်းနှီးမြှုပ်နှံမည့်သူများအတွက် တရုတ်မှသင်ခန်းစာ

(27 Oct 2013 ရက်စွဲပါ The Diplomat မှ Peter Birgbauer ရေးသားသော China lessons for Myanmar Investors ကို ဘာသာပြန်ဆိုသည်။)

၁၉၉၀ ခုနှစ်များ အစောပိုင်းတွင် တရုတ်က နိုင်ငံခြားရင်းနှီးမြှုပ်နှံသူများအတွက် တံခါးဖွင့်ပေးခဲ့သောအခါ ကမ္ဘာတစ်ဝှမ်းရှိ ကုမ္ပဏီများသည် ကမ္ဘာပေါ်တွင်အကြီးဆုံး ဈေးကွက်ကြီးအတွင်းသို့ဝင်ရောက်ရန် အတွက် ရင်ခုန်မှုမှာ ထိန်းမနိုင်သိမ်းမရ ရှိခဲ့သည်။ လူဦးရေမှာ တစ်ဘီလီယံကျော်ရှိသည့်အတွက် တရုတ်နိုင်ငံသည် စဉ်းစားနိုင်သမျှသော ကဏ္ဍတိုင်းတွင် မဆုံးနိုင်သော အခွင့်အလမ်းများ ပေးနေသည့်ပုံရှိပါသည်။ ကမ္ဘာတစ်လွှားရှိ ကုမ္ပဏီများသည် ထိုဈေး ကွက်သို့ ဝင်ရောက်ရန် စဉ်းစားခြင်း၊ ဆွေးနွေးခြင်းများမှာ သာမန်ထက်ပိုလှသည်။ ကုမ္ပဏီများသည် ရုံးခန်းနေရာများ အလျင်အမြန် ရှာဖွေခြင်းများကို လုပ်ဆောင်နေကြပါသည်။ သို့မှသာ တရုတ်နိုင်ငံတွင် စီးပွားရေးလုပ်ငန်းများ စတင် နိုင်မည်ဖြစ်ပါသည်။

ထိုသို့စိတ်လှုပ်ရှားမှုများနှင့် လျင်မြန်စွာလုပ်ဆောင်နေမှုများတွင် ကုမ္ပဏီအများစုအနေဖြင့် ၎င်းတို့သည် ဈေးကွက်တွင်းသို့ ဝင်ရောက်မှုအတွက် သင့်လျော်စော စီးပွားရေးလုပ်ငန်းဟုတ်မဟုတ် သေချာစွာ စဉ်းစားခြင်း မရှိခဲ့ကြပေ။

ယခုလည်း အာဏာရှင်စနစ်မှ တံခါးဖွင့်လာသော မြန်မာနိုင်ငံတွင် ထိုသို့သော ဟစ်စတီးရီးယားမျိုး ဖြစ်ပေါ် လျက်ရှိပါသည်။ မြန်မာနိုင်ငံကို ကမ္ဘာပေါ်မှ နောက်ဆုံးထွက်ပေါ်လာသော စီးပွားရေးမျက်နှာစာတစ်ခုအဖြစ် ရှု့မြင်လျက် ကုမ္ပဏီများသည် ၎င်းတို့၏ ထုတ်ကုန်များနှင့် ဝန်ဆောင်မှုများကို တစ်စာစာအော်၍ ဝင်ရောက်လာကြပါသည်။ စီးပွားရေး ပညာရှင်များနှင့် သရုပ်ခွဲသူများကလည်း တိုင်းပြည်၏အလားအလာကိုပြော၍ တိုက်တွန်းလျက်ရှိကြပါသည်။ သို့သော် ယခုအကြိမ်တွင် လည်း ကုမ္ပဏီအများစုသည် မြန်မာဈေးကွက်သို့မဝင်ရောက်မီ ၎င်းတို့၏ စီးပွားရေးနှင့်ပတ်သက်၍ အခြေခံကျသော မေးခွန်းများကို မပေးနိုင်ခဲ့ကြပေ။

၎င်းမှာ အမြင်မကျယ်မှုနှင့် ငွေကြေးဆုံးရှုံးနိုင်ရန် လမ်းတစ်ခုပင်ဖြစ်ပါသည်။ အချို့ကုမ္ပဏီများသည် မြန်မာ နိုင်ငံတွင် ကောင်းစွာရင်းနှီးမြှုပ်နှံလုပ်ဆောင်လျက်ရှိပါသည်။ သို့သော်အများစုမှာမူ နစ်န်ာမှုများ ရှိနိုင်ပါသည်။ တရုတ် နိုင်ငံတွင် ထိုအချက်မှန်ကန်ခဲ့ပါသည်။ တရုတ်က နိုင်ငံခြားရင်းနှီးမြှုပ်နှံမှုကို ထိန်းချုပ်ထားမှုဖြေလျော့ပေးခဲ့သောအခါ ကဏ္ဍမျိုးစုံမှ ကုမ္ပဏီများသည် လျင်မြန်စွာတိုးတက်နေသော ဈေးကွက်သစ်တံသ် ခြေကုတ်ရရန် ကြိုးစားခဲ့ကြပါသည်။ မူလအစတွင် လုပ်သားဈေးပေါမှုကြောင့် ထုတ်လုပ်မှုကဏ္ဍ နိုင်ငံခြားတိုက်ရိုက်ရင်းနှီးမြှုပ်နှံမှု (FDI) ကိုဆွဲဆောင်ခဲ့ ပါသည်။ ၂၀၁၃ ခုနှစ် အတွင်းတွင် မြန်မာနိုင်ငံ၏ လုပ်သားဈေးပေါမှုကို အကြောင်းပြု၍ အထည်ချုပ်ကဏ္ဍသည် FDI ကိုအများဆုံးဆွဲဆောင်ခဲ့ပါ သည်။ သို့သော် တရုတ်ပြည်တွင် အခြားကဏ္ဍများ အရှိန်အဟုန်ရလာရန် အချိန်အနည်း ငယ်ကြာခဲ့ပြီး၊ တရုတ်ပြည်တွင်းဈေးကွက်ရှိနေရန် မျှော်မှန်းသော ကုမ္မဏီများ၏ ပြန်ဆွဲဆောင်နိုင်ရန် အချိန်စောင့်ခဲ့ ရပါသည်။

မြန်မာနိုင်ငံသို့ အရင်းအမြစ်များနေရာချထားရန် ဆုံးဖြတ်ရာ ကုမ္မဏီများအနေဖြင့် အချို့အခြေခံကျသော မေးခွန်းတစ်ချို့ကို ကိုယ့်ကိုကိုယ်ပြန်မေးရန် လိုအပ်ပါသည်။ မြန်မာနိုင်ငံတွင် အဘယ်သို့သော ဈေးကွက်အခွင့် အလမ်းများရှိပါသနည်း။ ထို့အခွင့်အလမ်းများသည် မိမိတို့၏ အဓိကထုတ်ကုန်နှင့် ဝန်ဆောင်မှုတို့ဖြင့် ကိုက်ညီမှု ရှိရဲ့လား။ မြန်မာနိုင်ငံတွင် ရင်းနှီးမြှုပ်နှံခြင်းဖြင့် မိမိတို့၏ စီးပွားရေး မော်ဒယ်ပုံစံကို အထောက်အကူပြုပါသလား။ မိမိတို့မှာ တိုးတက်ကြီးထွားရေး မဟာဗျူဟာရှိသလား။ မြန်မာနိုင်ငံဟာ ယခုအခါ မိမိတို့၏ ကြီးပွားရေးမဟာဗျူဟာလား။ မြန်မာပြည်မှာ ဆက်နေနိုင်မယ့် ပါဝါရှိသလား။ လျင်မြန်စွာ ထွက်နိုင်မယ့် ထွက်ပေါက်ရှာထားသလား။ မြန်မာနိုင်ငံမှာ စီးပွားရေးလုပ်ဖို့လိုတဲ့ အဓိကအကြောင်းပြချက် ကဘာလဲ။ ရေတိုကိုကြည့်၍ အဆိုပါအခြေခံသော မေးခွန်းများကို မှန်ကုန်စွာ ဖြေနိုင်ပါ ရေရှည်တွင် ကြီးမားသောအမှားများကို ရှောင်ရှားနိုင်မည် ဖြစ်ပါသည်။ ဤသို့လုပ်ဆောင်ရန်မှာ ရှင်းလင်းလွယ်ကူသော်လည်း အံ့သြဖွယ်အရေအတွက်ရှိသည့် ကုမ္မဏီများသည် တရုတ်ပြည်တွင် လည်းကောင်း၊ ယခု မြန်မာပြည် တွင် လည်းကောင်း ဤသို့လုပ်ဆောင်ခဲ့ခြင်းမရှိခဲ့ပေ။ ကုမ္မဏီများစွာသည် Beijing နှင့် ရှန်ဟိုင်းတွင် ၎င်းတို့၏ ရုံးများကို အထောက်အကူပြုမည့် သတ်သတ်မှတ်မှတ် အကြံပေးသူမရှိခဲ့ခြင်းကြောင့် ၁၂ - ၁၈ လအတွင်း ဈေးကွက်မှ ပြန်လည်ထွက်ခွာသွားခဲ့ရပါသည်။ ကိုကာကိုလာနှင့် GE ကဲ့သို့သော နိုင်ငံတကာကုမ္ပဏီကြီးများ ကာလရှည်ကြာ တည်ရှိနေနိုင်သည့် ပါဝါရှိပြီး ၎င်းတို့၏ ဈေးကွက်အတွက် ရင်းနှီးမြှုပ်နှံမှုပြုလုပ်ရန် ရေရှည်ချဉ်းကပ်မှု ရှိပါသည်။ သို့သော် အသေးစားနှင့်အလတ်စား ကုမ္ပဏီမျာအတွက်မူ အကန့်အသတ်မရှိသော ဘတ်ဂျက်မရှိခြင်းကြောင့် မှားယွင်းသော ရင်းနှီးမြှုပ်နှံမှုကြောင့် ဆုံးရှုံးမှုများ ဖြစ်ရတက်ပါသည်။

ကြီးမားသောမျှော်လင့်ချက်များနှင့် မြှုပ်နှံရမည့် ကုန်ကျစရိတ်များ၊ မိမိနှင့်ပြိုင်ဖက်များက ဈေးကွက်သစ်တွင် ရုံးခန်းများ ဖွင့်လှစ်လာခြင်းကြောင့် မိမိလည်း ရုံးခန်းလိုက်ဖွင့်ရမည်ဟု မဆိုလိုပေ။ တရုတ်ပြည်တံခါးဖွင့်ခဲ့စဉ်က ကုမ္ပဏီ အများစုသည် ဈေးကွက်တွင်းသို့ သူ့ထက်ငါဦးအောင်ဝင်ခဲ့ကြသော်လည်း ၎င်းတို့အတွက် အကျိုးများ လိမ့်မည်လား ဟူသောဆုံးဖြတ်ချက်မျိုးချမှတ်နိုင်ခဲ့ခြင်းမရှိပေ။ အများစုမှာ တရုတ်ဈေးကွက်တွင် ဦးစွာဝင် ရောက်သူဖြစ်ရေးသာ စိတ်ထဲတွင် စဉ်းစားခဲ့ကြသည်။ ဈေးကွက်အဖွင့်တွင် ပထမဆုံးဝင်ရောက်သူမှာ ကြီးမား သောကြီးမားသော အမြတ် အစွန်းအတွက် အသာစီးရသည်ဆိုသည်မှာ ကောင်းမွန်စွာလုပ်ငန်းလုပ်ဆောင် နိုင်မှသာ ဖြစ်နိုင်ပါမည်။ အကယ်၍ မှားယွင်းသော ဆက်ဆံရေးများ ထူထောင်မိပါက အသာစီးရနိုင်သည့် အချက်မှန်သမျှ လုံးဝဆုံးရှုံးသွားနိုင်ပြီး ဈေးကွက်တွင် ဆက်လက်ရှင်သန်ရေးကိုပါ ထိခိုက်နိုင်ပါသည်။

ထိုထက်ပိုပြောရလျှင် တရုတ်ဈေးကွက်သို့ ဝင်ရောက်ရာတွင် ကုမ္ပဏီအများစုသည် သဘာဝမကျသော မျှော်လင့်မှုများ ထားရှိခဲ့ကြခြင်း ပင်ဖြစ်ပါသည်။ အဆိုပါကြီးမားသော မျှော်လင့်ချက်များသည် အကြီးတန်းအမှု ဆောင်များက ဈေးကွက်ဝင်ရောက်ရေး အစီစဉ်များ အတွက်ဆုံးဖြတ်ချက်ချမှတ်ရာတွင် အမှန်တရားကို ဖုံးကွယ်ထား သလို ဖြစ်ရပါသည်။

မျှော်လင့်ချက်များနှင့်မတူ မြှုပ်နှံထားပြီးသော ငွေများက ဆက်လုပ်ရန် သဓိဋ္ဌာန်ချမှုကို မြင့်တက်စေပြီး ၎င်း အချက်မှာ ရေရှည်တွင် ကုမ္ပဏီများအပေါ် ကုန်ကျစရိတ်ပိုများနိုင်ပါသည်။ ဖြစ်လာနိုင်သည့် ဆုံးရှုံးမှုအမှား များကို ရှောင်ရှားနိုင်သည့် အကောင်းဆုံးနည်းလမ်းမှာ တရုတ်ကဲ့သို့ကြီးမားသော ဈေးကွက်ဖြစ်စေ၊ မြန်မာကဲ့သို့ မထိတွေ့ ရသေးသော ဈေးကွက်ဖြစ်စေ၊ ဈေးကွက်သစ်၏ အခွင့်အလမ်းများကို အငမ်းမရ ရယူလို သည့် ထောင်ချောက်မျိုး ရှောင်ရှားရန် ဖြစ်ပါသည်။ ဈေးကွက်အခွင့်အလမ်းများကို မှန်ကန်စွာ ထိတွေ့ချိတ် ဆက်ရန်နှင့် ဘက်လိုက်ခြင်းမရှိသော ရှု့ဒေါင့်မှ ကြည့်ရှုဝင်ရောက်ရန် ဖြစ်သည်။ တရုတ်ပြည်တွင် ဖြစ်ခဲ့သကဲ့ သို့ မြန်မာနိုင်ငံ၏ ထွက်ပေါ်လာသော ဈေးကွက်တွင်လည်း မှန်ကန်သော ချဉ်းကပ်မှုကသာ အောင်မြင်မည့် သူများနှင့် ဆုံးရှုံးမည့်သူများကို ခွဲခြားပေးသွားမည် ဖြစ်ပါသည်။

(Peter Birgbauer သည် ရန်ကုန်တက္ကသိုလ်မှ International Center of Excellence တွင်လုပ်ကိုင်နေသော Johns Hopkins တက္ကသိုလ် SAIS မှ အကြီးတန်းအကြံပေးဖြစ်ပါသည်။)



Google Drive: create, share, and keep all your stuff in one place. Logo for Google Drive

International Media (1)

Snapshot of the item below:
International Media (1)

နိုင်ငံတကာသတင်းများ

(New Indian Express မှ 28 Oct 2013 ရက်စွဲပါ India-Thailand road link by 2015 ကိုဘာသာပြန်ဆိုသည်)

(Financial Times မှ 28 Oct 2013 ရက်စွဲပါ “Myanmar offers Loses in mobile licence contest second chance” သတင်းကို ဘာသာပြန်ဆိုသည်)

(The Diplomat 26 Oct 2013 “Burma’s President will not run in 2015 elections” သတင်းကို ဘာသာပြန်ဆိုသည်)


၂၀၁၅ တွင် အိန္ဒိယ-မြန်မာ-ထိုင်း သုံးနိုင်ငံဖြတ်ကျော်ရထားလမ်းစီမံကိန်း ပြီးဆုံးမည်

(New Indian Express မှ 28 Oct 2013 ရက်စွဲပါ India-Thailand road link by 2015 ကိုဘာသာပြန်ဆိုသည်)

ကီလိုမီတာ ၁၆၃၂ ရှည်လျားပြီး ဒေါ်လာသန်းပေါင်းများစွာ ရင်းနှီးမြှုပ်နှံထားသော အိန္ဒိယ-မြန်မာ-ထိုင်း သုံးနိုင်ငံ ဖြတ်ကျော်အဝေးပြေး မီးရထားလမ်းစီမံကိန်းမှာ လာမည့် ၂၀၁၅ ခုနှစ်တွင်ပြီးဆုံးမည်ဖြစ်ပြီး အာရှနိုင်ငံများအကြား ကုန်သွယ်ရေးနှင့် စီးပွားရေးလုပ်ငန်းများကို မြှင့်တင်ပေးနိုင်မည်ဖြစ်ကြောင်း ထိုင်းနိုင်ငံဆိုင်ရာ အိန္ဒိယသံအမတ်ကြီး Anil Wadhwa ကပြောကြားသည်။

ဘင်္ဂလားပင်လယ်အော်ဒေသ ကဏ္ဍပေါင်းစုံဆိုင်ရာ နည်းပညာနှင့် စီးပွားရေးပူးပေါင်းဆောင်ရွက်မှု မူဘောင်အရ အဆိုပါ သုံးနိုင်ငံဖြတ်ကျော် မီးရထားလမ်းစီမံကိန်းတွင် အိန္ဒိယနိုင်ငံဘက်မှ ဒေါ်လာ ၂၅၈ သန်းရင်းနှီးမြှုပ်နှံထားပြီး ဖြစ်ကြောင်း သံအမတ်ကြီး Anil Wadhwa က IANS သတင်းဌာနသို့ ပြောကြားသည်။

“မီးရထားလမ်းတစ်လျောက်မှာ တံတားပေါင်း ၇၁ စင်းကို ကျွန်တော်တို့တည်ဆောက်လျက်ရှိပါတယ်။

မီးရထားကွန်ယက် စတင်ထူထောင်ဖို့ မြန်မာနိုင်ငံကို ကျွန်တော်တို့ချေးငွေသန်း ၅၀၀ ပေးထားပါတယ်”ဟု ၎င်းက ဆိုသည်။

သံအမတ်ကြီး Anil Wadhwa သည် ဘင်္ဂလားဒေ့ရ်ှမှ ထိုင်းနိုင်ငံဘန်ကောက်သို့ SpiceJet လေကြောင်းလိုင်း၏ နိုင်ငံတကာ လေကြောင်းခရီးစဉ် ပျံသန်းဆိုက်ရောက်ခြင်း အထိမ်းအမှတ်အခမ်းအနားတွင် အထက်ပါအတိုင်း ပြောကြားခဲ့ ခြင်း ဖြစ်သည်။

ထိုင်းနိုင်ငံနှင့် အိန္ဒိယအကြား လေကြောင်းခရီးစဉ်မှာ တစ်ပတ်လျှင် ၁၅၆ ခုရှိသည်ဟု ၎င်းကဆိုသည်။

ထိုင်းနိုင်ငံ ဘန်ကောက်မြို့မှ အိန္ဒိယနိုင်ငံရှိ မြို့ပေါင်း ၁၀ မြို့သို့လေကြောင်းခရီးစဉ်များ ပြေးဆွဲပျံသန်းလျက်ရှိ သည်။ “အိန္ဒိယက လေကြောင်းလိုင်းတွေအတွက် အပြုသဘောဆောင်တဲ့ အနေအထားတစ်ခုဆိုရင်မမှားပါဘူး” ပာု ၎င်းကဆို သည်။

ယမန်နှစ်က ထိုင်းနိုင်ငံသို့ အိန္ဒိယနိုင်ငံမှတိုးရစ် ၁ ဒသမ ၁၅ သန်းခန့်သွားရောက်လည်ပတ်ခဲ့သည်။ တစ်ချိန်တည်း မှာပင် အိန္ဒိယနိုင်ငံသို့ လာရောက်လည်ပတ်သူ ထိုင်းတိုးရစ် ၈၈၀၀၀ ခန့်ရှိခဲ့သည်။

“ယခုနှစ်ထဲမှာလည်း တိုးရစ်ဦးရေမြင့်တက်လာလိမ့်မယ်လို့ မျှော်လင့်ရပါတယ်”ဟု ၎င်းကဆိုသည်။

ထိုင်းသည် အိန္ဒိယအတွက် ရုပ်ရှင်ရိုက်ကူးရန် နေရာတစ်ခုဖြစ်သည်မှာ မှန်သော်လည်း လက်ရှိအနေအထားတွင် အိန္ဒိယနိုင်ငံသား များအနေဖြင့် ထိုင်းနိုင်ငံကို လက်ထပ်မင်္ဂလာပွဲများပြုလုပ်ရာ နေရာတစ်ခုအဖြစ် ရွေးချယ်လာသည့် အလေ့အထ သစ်တစ်ခုပေါ်ထွန်းလျက်ရှိကြောင်း ၎င်းကဆိုသည်။

“အဲဒီစီးပွားရေးလုပ်ငန်းတစ်ခုတည်းရဲ့တန်ဖိုးဟာ တစ်နှစ်ကို ဘတ်ငွေ ၃၀ ကနေ ၄၀ ဘီလီယံအထိရှိတယ်။ တစ်နှစ်ကို ခန့်မှန်းခြေ ၁၅ ကနေ ၂၀ ရာခိုင်နှုန်းအထိမြင့်တက်လာတယ်”ဟု သံအမတ်ကြီးကပြောကြားသည်။  


မိုဘိုင်းဖုန်းလိုင်စင်အတွက် ဒုတိယတစ်ချီမကျေပွဲနွှဲရန် မြန်မာဖိတ်ခေါ်

(Financial Times မှ 28 Oct 2013 ရက်စွဲပါ “Myanmar offers Loses in mobile licence contest second chance” သတင်းကို ဘာသာပြန်ဆိုသည်)

ပြီးခဲ့သောလပိုင်းအတွင်း မြန်မာနိုင်ငံတွင် မိုဘိုင်းဖုန်းလိုင်စင်နှစ်ခုအတွက် ပြိုင်ဆိုင်ရာတွင် နောက်ကောက်ကျခဲ့ သော မိုဘိုင်းဖုန်းကုမ္မဏီများအား နိုင်ငံပိုင်အော်ပရေတာ MPT နှင့်အတူ ဈေးကွက်ဝေစုခွဲယူရန် ဖိတ်ခေါ်ထား ပြီ ဖြစ်သည်။

MPT နှင့် ပူးပေါင်းလုပ်ကိုင်ရန် အစိုးရကဖိတ်ခေါ်ထားသော ထိပ်သီးဆက်သွယ်ရေး ကုမ္မဏီကြီးများထဲတွင် Vodafone နှင့် Orange တို့ပါဝင်ပါသည်။

နိုင်ငံခြား အော်ပရေတာများ

မြန်မာ့ဆက်သွယ်ရေးလုပ်ငန်း MPT ၏ လက်ရှိစည်းကမ်း ထိန်းသိမ်းရေး လုပ်ငန်းတာဝန်နှင့်သီးခြားစီဖြစ်သော အများပိုင်တယ်လီဖုန်းကုမ္မဏီနှင့် ပုဂ္ဂလိက ဖက်စပ်လုပ်ငန်းထူထောင်ရန်အတွက် နိုင်ငံခြား အော်ပရေတာ ကုမ္မဏီများကို မြန်မာအစိုးရကဖိတ်ခေါ်ခဲ့ခြင်း ဖြစ်သည်။ မြန်မာအစိုးရက ချဉ်းကပ်ခဲ့သော ကုမ္မဏီများထဲတွင် Vodafone နှင့် Orange အပြင် စင်ကာပူ Sing Tel နှင့် အခြားကုမ္မဏီများလည်း ပါဝင်သည်။

ဇွန်လက ရှုံးနိမ့်ခဲ့သော ကုမ္မဏီ ၂၀ ထဲတွင် တစ်ခုအပါအဝင် ဖြစ်ပြီး၊ ဆန်ကာတင် ၁၂ ဦးထဲမှ တစ်ဦးဖြစ်သူ Digicel ကိုလည်း ယခုတစ်ချီတွင် ပါဝင်ရန် ဖိတ်ခေါ်ထားခြင်း ရှိ/မရှိ မနေ့ညကအထိ သဲသဲကွဲကွဲ မသိရသေးပါ။

Vodafone၊ Orange နှင့် Sing Tel တို့ ပါဝင် ယှဉ်ပြိုင်ခဲ့ကြသော ယခုနှစ်ဇွန်လက ဆက်သွယ်ရေးတင်ဒါတွင် နော်ဝေး Telenor နှင့် ကာတာ Ooredoo တို့ အောင်မြင်ခဲ့ကြပြီး ယခုအခါ ၎င်းကုမ္မဏီနှစ်ခုစလုံး အကြိတ်အနယ် ထပ်မံယှဉ်ပြိုင်မှုနှင့် ရင်ဆိုင်နေကြရဖွယ် ရှိသည်။

ယခု တစ်ကြိမ်အစီအစဉ်သည် ဇွန်လက နှစ်သိမ့်ဆုရခဲ့သော Orange နှင့် ငွေကြေးအင်အား တောင့်တင်းသူ Vodafone တို့အား မိုဘိုင်းဖုန်း ပျံ့နှံ့သုံးစွဲမှု ၁၀ ရာခိုင်နှုန်းမပြည့်သော မြန်မာဈေးကွက်တွင် ဝေစုယူရန် မရေရာသော ဒုတိယအချီမကျေပွဲနွှဲရန် အခွင့်အရေးကိုကမ်းလှမ်းထားသည်။ သို့ရာတွင် နှစ်ပေါင်းငါးဆယ် စစ်အုပ်ချုပ်ရေးအလွန် အသွင်ပြောင်းနေသော နိုင်ငံတွင် နာမည်ပျက်နေသော အစိုးရကုမ္မဏီနှင့် လက်တွဲရသည့် မသေချာ၊ မရေရာမှုကိုလည်း ပတ်သက်ရင်ဆိုင်ရဖွယ် ရှိသည်။

“ဇွန်လက ပထမအချီ တင်ဒါအပြီးမှ Orange က အခြေအနေကောင်းနေပြီး Vodafone ကလည်း အရင်းအနှီး တောင့်တယ်ဆိုတာ ထင်ရှားပါတယ်။ ဒါပေမယ့်လည်း ဒီကိစ္စမှာ လိုင်စင်အသစ်ရဖို့ထက် ပိုမိုရှုပ်ထွေးတဲ့ အားထုတ်မှုတွေ လိုအပ်ပါလိမ့်မယ်။” ဟု ရန်ကုန်အခြေစိုက် အကဲခတ်လေ့လာသူတစ်ဦးက ပြောကြားသည်။

Vodafone နှင့် Orange တို့က MPT ဖက်စပ်လုပ်ငန်းနှင့် ပတ်သက်၍ မှတ်ချက်ပေးရန် ငြင်းဆိုထားကြသည်။ Sing Tel ကလည်း မြန်မာနိုင်ငံတွင် အခွင့်အလမ်းဆက်လက်ရှာဖွေဦးမည်ဟုသာ ပြောကြားသည်။ မှတ်ချက်ပေးရန် မေးမြန်းခြင်းကို MPT ကလည်း တုန့်ပြန်ခြင်း မပြုပေ။

ဇွန်လက အော်ပရေတာလိုင်စင်ပေးကာနီးတွင် ခရိုန