Transparency Myanmar

transparency.myanmar@gmail.com

နိုင်ငံတကာ ကယ်ဆယ်ရေး လုပ်ငန်းများ မည်မျှပင် များပြားလာစေကာမူ ပါကစ္စတန် နိုင်ငံတွင်း ဖြစ်ပွားခဲ့သော ရေလွှမ်းမှုဒဏ် ခံစားခဲ့ရသော လူပေါင်း သန်း ၂၀ ခန့်မှာ ယနေ့အချိန်အထိ အကူအညီ မရရှိဘဲ ဖြစ်နေသေးကြောင်း ကုလသမဂ္ဂက သြဂုတ်လ ၁၇ ရက်နေ့တွင် သတင်း ထုတ်ပြန်သည်။ ပါကစ္စတန် အာဏာပိုင်များကလည်း Indus မြစ်ရေလျှံမှုကြောင့် ကမ်းပါးပြိုကျမှုများ ဆက်လက် ဖြစ်ပေါ်နိုင်သည်ဟု သတိပေးထားသည်။

ပါကစ္စတန်နိုင်ငံသည် ယခုအခါ အဆိုးရွားဆုံးသော သဘာဝ ဘေးန္တရာယ်ကြီး တစ်ခုကို ဖြစ်ပေါ် ခံစားနေရကြောင်း၊ ယခု ဖြစ်ရပ်က အမေရိကန် ပြည်ထောင်စု အလိုကျ အယ်လ်ကေးဒါးနှင့် တာလီဘန် နှိမ်နင်းရေးကိုသာ အာရုံ စိုက်နေသည့် ပါကစ္စတန် အစိုးရ၏  အရည်အချင်းကို စမ်းသပ်မှု တစ်ခု ဖြစ်ကြောင်း AP သတင်းဌာနက ရေးသား ဖော်ပြသည်။

ပြည်တွင်း အလှူရှင်များ၊ စေတနာ့ ဝန်ထမ်းများနှင့် နိုင်ငံတကာ အေဂျင်စီများက ရေလွှမ်းမိုးမှု အများဆုံး ဖြစ်ပေါ်ခဲ့သော ဒေသများ ဖြစ်သည့် Punjab နှင့် Sindh ပြည်နယ်များသို့ အစားအစာ၊ သောက်သုံးရေ၊ ကွန်းခို နေထိုင်စရာတဲများ နှင့် ဆေးဝါးများ အရေးပေါ် ပေးပို့လျက် ရှိသည်။ သို့သော် အကူအညီပေးရေး အေဂျင်စီများနှင့် ဗြိတိန်အစိုးရတို့က နိုင်ငံတကာမှ အရေးပေါ် ကယ်ဆယ်ရေးနှင့် အကူအညီပေးရေး ဆောင်ရွက်ချက်များ လုံလုံလောက်လောက် မရရှိသေးကြောင်း ဝေဖန် ပြောဆိုသည်။

ဒုက္ခသည် အတော်များများမှာ ၎င်းတို့အနေဖြင့် အလုပ်အကိုင် စီးပွား ရရှိဖြစ်ထွန်းနိုင်မည့် ဒေသများတွင် ယာယီသုံးတဲများဖြင့် နေထိုင်လျက် ရှိသည်။ "ရေလွှမ်းမိုးမှုများ ဆက်လက် ဖြစ်ပေါ်နေမှုကြောင့် လူပေါင်းများစွာမှာ အရေးပေါ် လိုအပ်သည့် အကူအညီ အထောက်အပံ့များ မရရှိနိုင်ဘဲ ဖြစ်နေသည်" ဟု ကုလသမဂ္ဂက ကြေညာချက် ထုတ်ပြန်သည်။

ကလေးသူငယ် အမြောက်အမြားနှင့် နို့တိုက်မိခင်များမှာ ရေလွှမ်းမိုးမှုဒဏ်ကို ခံစားခဲ့ရကြောင်း၊ အဆိုပါဒေသများတွင် ဝမ်းပျက်ဝမ်းလျှော ရောဂါများနှင့် အစာ အာဟာရချို့မှုများ ဖြစ်ပေါ်လာမည့် အခြေအနေတွင် ရှိသည်ဟု ကုလသမဂ္ဂက ဆိုသည်။

ပါကစ္စတန် ရေလွှမ်းမိုးမှုကြောင့် လူပေါင်း ၁၅၀၀ ခန့် သေဆုံးခဲ့ပြီး ဂျုံ၊ ကြံ၊ စပါး စိုက်ခင်း ၁ ဒဿမ ၇ ဧကခန့် ပျက်စီး ဆုံးရှုံးသွားရသည်။ သို့အတွက်ကြောင့် ဆင်းရဲနွမ်းပါးသော ပါကစ္စတန်အတွက် လာမည့် လများအတွင်း စားနပ်ရိက္ခာ ပြတ်တောက်မှုနှင့် ရင်ဆိုင်ရဖွယ် ရှိသည်။ ရေလွှမ်းမိုးမှု ဖြစ်ပွားပြီးနောက် အစားအစာ ဈေးနှုန်းများ တစ်နိုင်ငံလုံးတွင် အဆမတန် မြင့်တက်သွားခဲ့ရသည်။

အာဏာပိုင်များက လာမည့် ၂၄ နာရီမှ ၄၈ နာရီအတွင်း Sindh ပြည်နယ်တွင် ရေလွှမ်းမိုးမှုများ ပိုမိုဖြစ်ပေါ်မည့် အလားအလာ ရှိသည်ဟု သတိပေးချက် ထုတ်ပြန်ထားသည်။

"နောက်နှစ်ရက် လောက်ဆိုရင် လူတွေ အသက် ဘေးအန္တရာယ် မဖြစ်အောင် အရေးတကြီး လုပ်ကိုင်ကြရမှာ ဖြစ်ပါတယ်" ဟု Sindh ပြည်နယ် လယ်ယာ စိုက်ပျိုးရေးဝန်ကြီး Jam Saifullah Dharejo က ပြောကြားသည်။

AP သတင်းကို ဘာသာပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

တရုတ်နိုင်ငံသည် ယခုနှစ် ဇူလိုင်လတွင် ပြီးခဲ့သည့်နှစ်ကထက် နိုင်ငံခြား တိုက်ရိုက် ရင်းနှီးမြှုပ်နှံမှု(FDI)  ၂၉ ရာခိုင်နှုန်း တိုးမြင့် ရရှိခဲ့ကြောင်း ရိုက်တာသတင်းက ရေးသားဖော်ပြသည်။ တရုတ်နိုင်ငံတွင် အလုပ်သမား ပြဿနာများ ဖြစ်ပွားလျက် ရှိသည့်တိုင် ကမ္ဘာလုံးဆိုင်ရာ စီးပွားရေး လုပ်ငန်းကြီးများ ဝင်ရောက်ကာ စက်ရုံ အလုပ်ရုံများ တည်ဆောက်ခြင်း၊ သုတေသန စင်တာများ တည်ထောင်ခြင်း တို့ကြောင့် FDI နှုန်း မြင့်မားလာခြင်း ဖြစ်သည်။

တရုတ်နိုင်ငံသည် ပြီးခဲ့သည့် ၂၀၀၁ ခုနှစ် ကမ္ဘာ့ ကုန်သွယ်ရေးအဖွဲ့သို့ ဝင်ရောက်လိုက်ပြီး နောက်ပိုင်း နိုင်ငံခြား တိုက်ရိုက် ရင်းနှီးမြှုပ်နှံမှု မြင့်တက်လာခဲ့သည်။ ကမ္ဘာလုံးဆိုင်ရာ စီးပွားရေး အကျပ်အတည်း ရိုက်ခတ်မှုကြောင့် တရုတ်ပြည် စီးပွားရေး ဆိုးဆိုးရွားရွား ထိခိုက်ခဲ့သည့်တိုင် ယခုလို FDI နှုန်း မြင့်တက်မှုကြောင့် ပုံမှန် အနေအထားဖြင့် စီးပွားရေး နာလန်ထူအောင် လုပ်ဆောင် လာနိုင်သည်။

လတ်တလော ကာလတွင် တရုတ်ပြည်၌ အလုပ်သမား အရေးကိစ္စနှင့် ဆက်နွယ်သော ပြဿနာများ ဖြစ်ပေါ်လျက် ရှိသော်လည်း ကုန်ထုတ်လုပ်မှု အစီအမံများ ပြုလုပ်ပြီး နိုင်ငံခြား စီးပွားရေး လုပ်ငန်းကြီးများကို ကောင်းစွာ ဆွဲဆောင်နိုင်လျက် ရှိသည်။

ယခု ၂၀၁၀ ဇူလိုင်လ တစ်လတည်းတွင် တရုတ်နိုင်ငံသည် နိုင်ငံခြား တိုက်ရိုက် ရင်းနှီးမြှုပ်နှံမှု တန်ဖိုး ဒေါ်လာ ၆ ဒဿမ ၉ ဘီလီယံအထိ ရရှိခဲ့သည်။ အဆိုပါ ပမာဏသည် ၂၀၀၉ ခုနှစ် ဇူလိုင်လကထက် ၂၉ ဒဿမ ၂ ရာခိုင်နှုန်း မြင့်တက်လာခြင်း ဖြစ်သည်ဟု စီးပွားရေး ဝန်ကြီးဌာနက ဆိုသည်။ ၂၀၁၀ ပထမ ၇ လအတွင်း နိုင်ငံခြား တိုက်ရိုက် ရင်းနှီးမြှုပ်နှံမှု တန်ဖိုး ဒေါ်လာ ၅၈ ဒဿမ ၃၅ သန်းခန့် ရရှိခဲ့ခြင်း ဖြစ်ကြောင်း၊ ၂၀၀၉ ခုနှစ် ပထမ ၇ လအတွင်း ရရှိခဲ့သော ပမာဏထက် ၂၀ ဒဿမ ၇ ရာခိုင်နှုန်း မြင့်တက်ခဲ့ခြင်း ဖြစ်ကြောင်း အဆိုပါ ဌာနက ဆိုသည်။

ပမာဏ အတိုင်းအတာ များပြားသော နိုင်ငံခြား ရင်းနှီးမြှုပ်နှံမှု တစ်ခုကို ဥပမာဖြင့် ပြရလျှင် ဂျာမန် ဓာတုဗေဒ လုပ်ငန်းကြီး တစ်ခု ဖြစ်သော BASF က ဂွမ်ဒေါင်း ပြည်နယ် တောင်ပိုင်းတွင် စက်ရုံသစ်ကြီး တစ်ခု တည်ဆောက်ခြင်းပင် ဖြစ်သည်ဟု စီးပွားရေး ဝန်ကြီးဌာန၏ ထုတ်ပြန်ချက်တွင် ပါရှိသည်။

တရုတ်နိုင်ငံ၏ လုပ်အား စရိတ်စခမှာ မြင့်တက်လျက် ရှိသလို ကုန်ထုတ်လုပ်မှုမှာလည်း အလွန်လျင်မြန်စွာ မြင့်တက်လျက် ရှိသည်။ သို့သော် အလုပ်သမား စရိတ်စကသည် အခြားသော ဖွံ့ဖြိုးပြီး နိုင်ငံများထက် လျော့နည်းလျက်ပင် ရှိသေးသည်။ နိုင်ငံတွင်း ရှိထားသော ခေတ်မီ အခြေခံ အဆောက်အအုံနှင့် အဆမတန် ကြီးထွားလာနေသည့် ပြည်တွင်း ဝယ်လိုအားတို့က နိုင်ငံခြား ရင်းနှီးမြှုပ်နှံသူများကို ကောင်းစွာ ဆွဲဆောင်ထားနိုင်သည်။

ယခင်ကာလက ရရှိခဲ့သော နိုင်ငံခြား ရင်းနှီးမြှုပ်နှံမှု အတော်များများမှာ ကုန်ပစ္စည်း တင်ပို့မှု အခန်းကဏ္ဍသို့သာ ဝင်ရောက်သွားခဲ့သော်လည်း ယခုအခါ ရင်းနှီး မြှုပ်နှံငွေများသည် စရိတ်စက နည်းပါးသော ပြည်တွင်း လုပ်ငန်းများဆီသို့ စတင် ဝင်ရောက်နေပြီ ဖြစ်သည်ဟု စီးပွားရေး ဝန်ကြီးဌာနမှ Yao Jian က ပြောကြားသည်။

"တရုတ်နိုင်ငံ အနောက်ဘက် ဒေသတွေက နိုင်ငံခြား တိုက်ရိုက် ရင်းနှီးမြှုပ်နှံမှုအတွက် အလား အလာတွေကို အစွမ်းကုန် ထုတ်ပြနေကြပါတယ်" ဟု ၎င်းက ပြောဆိုသည်။

ပထမ ၇ လအတွင်း တရုတ်ပြည် အနောက်ဘက်ဒေသတွင် နိုင်ငံခြား တိုက်ရိုက် ရင်းနှီးမြှုပ်နှံမှု ဒေါ်လာ ၃ ဒဿမ ၈၉ ဘီလီယံ ရရှိခဲ့ကြောင်း၊ အဆိုပါ ပမာဏသည် ယမန်နှစ်ကထက် ၁၉ ဒဿမ ၂ ရာခိုင်နှုန်း မြင့်တက်လာခြင်း ဖြစ်ကြောင်း သိရသည်။

လာမည့် လများအတွင်း ကုန်ပစ္စည်း တင်ပို့မှုနှုန်း နှေးကွေးလာဖွယ်ရှိပြီး ကုန်သွယ်ရေး ပိုလျှံမှုမှာ ယမန်နှစ်ကထက် လျော့နည်းနိုင်သည်ဟု Yao Jian က ပြောသည်။

Reuters သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Nation, 17th August 2010

အာဆီယံ၏ စီးပွားရေး ဝန်ကြီးများသည် ၂၀၁၅ တွင် တစ်ခုတည်းသော စီးပွားရေး ဈေးကွက် ထူထောင်ရေး အတွက် ပြင်ဆင်ရာတွင် ကုန်သွယ်ရေး မူဝါဒများနှင့် အညီ ဖြစ်စေရန်၊ ကုန်သွယ်ဖက်များ ဖြစ်သော တရုတ်၊ ဂျပန်၊ တောင်ကိုရီးယား၊ အိန္ဒိယ၊ သြစတြေးလျား၊ နယူးဇီလန် နိုင်ငံများနှင့် လက်မှတ်ထိုးခဲ့သော လွတ်လပ်သော ကုန်သွယ်ရေး သဘောတူညီချက်များ FTAs အကောင်အထည် ဖော်နေမှုကို အကဲဖြတ်ကြမည် ဖြစ်သည်။

လာမည့် အပတ် ဒါနန်းတွင် ပြုလုပ်မည့် အာဆီယံ စီးပွားရေး ဝန်ကြီးများ အစည်းအဝေးသည် အာဆီယံ အဖွဲ့ဝင်များ ၂၀၁၀ အတွက် ချမှတ်ထားသော ရည်မှန်းချက်များ ပြီးမြောက်ရေး အတွက် အလွန် အရေးပါလိမ့်မည်ဟု ဗီယက်နမ် စက်မှုနှင့် ကုန်သွယ်ရေး ဒုတိယ ဝန်ကြီး ငုယင်ကမ်တူက ပြောကြားခဲ့သည်။

ဒေသတွင်း ရင်းနှီးမြှုပ်နှံမှုနှင့် ကုန်သွယ်ရေး ချောမွေ့ လွယ်ကူစေရန် အတွက် တစ်ခုတည်းသော စီးပွားရေး ဈေးကွက်ကို ၂၀၁၅ နောက်ဆုံးထား၍ ထူထောင်သွားရန် အာဆီယံ အဖွဲ့က ရည်မှန်း ထားသည်။

အာဆီယံကို သန်စွမ်းသော၊ နာလံထူ နိုင်စွမ်းရှိသော ဒေသဆိုင်ရာ အဖွဲ့တစ်ခု အဖြစ် ထူထောင်ရန် အတွက် အဖွဲ့ဝင် နိုင်ငံများ၏ စီးပွားရေး တည်ဆောက်ပုံကို ပြိုင်ဆိုင်မှု ပုံစံမှ အပြန်အလှန် အကျိုးပြုမှု ပုံစံသို့ ပြောင်းလဲပစ်ရန် အာဆီယံ စီးပွားရေး ကော်မတီက ရည်မှန်းချက် ထားရှိသည်။

သြဂုတ်လ ၂၂ ရက်မှ ၂၇ ရက် အထိ ပြုလုပ်မည့် အစည်းအဝေးတွင် အာဆီယံ အဖွဲ့ဝင် ၁၀ နိုင်ငံမှ စီးပွားရေး ဝန်ကြီးများ စုဝေးကြမည် ဖြစ်ပြီး တရုတ်၊ တောင်ကိုရီးယား၊ ဂျပန်၊ သြစတြေးလျား၊ နယူးဇီလန်၊ အိန္ဒိယ၊ ဥရောပ သမဂ္ဂ၊ ရုရှား စသော ဆွေးနွေးဖက် ၈ နိုင်ငံမှ ဝန်ကြီးများအပြင် စီးပွားရေး လောက ခေါင်းဆောင်များ၊ သုတေသန ပညာရှင် အဖွဲ့များလည်း တက်ရောက်ကြမည် ဖြစ်သည်။

ယခုနှစ် အာဆီယံ အစည်းအဝေးများ အတွက် အိမ်ရှင် တာဝန် ယူထားသော ဗီယက်နမ် နိုင်ငံမှ စက်မှုနှင့် ကုန်သွယ်ရေး ဝန်ကြီး ဗူဟွိုင်ဟောင်က ဒါနန်း AEM အစည်းအဝေးတွင် သဘာပတိ အဖြစ် ဆောင်ရွက်မည် ဖြစ်သည်။

"အင်အားပြည့်၊ အဆက်မပြတ် ကြီးထွားမှု အတွက် အသိုင်းအဝိုင်း တစ်ခု ဖြစ်သည့် AEC" ဟူသော ခေါင်းစဉ် အောက်တွင် စီးပွားရေး၊ ကြီးထွားမှုနှင့် ဟန်ချက်ညီမှု၊ တည်ငြိမ်မှု၊ အဆက်မပြတ် ဖွံ့ဖြိုး တိုးတက်မှုတို့ကို ရည်ရွယ်သည့် အာဆီယံ၏ ကတိကဝတ်များကို အာဆီယံ စီးပွားရေး ဝန်ကြီးများက အတည်ပြုကြမည် ဖြစ်သည်။ ယခု ခေါင်းစဉ်သည် ၂၀၁၀ အာဆီယံ ခေါင်းစဉ် ဖြစ်သော "အာဆီယံ အသိုင်းအဝိုင်း ဆီသို့ ဦးတည်သော အမြင်မှသည် လက်တွေ့သို့" ခေါင်းစဉ်နှင့် လည်းကောင်း၊ ဧပြီလ ဟနွိုင်း အာဆီယံ ထိပ်သီး ညီလာခံတွင် အာဆီယံ ခေါင်းဆောင်များ ထုတ်ပြန်ခဲ့သော အဆက်မပြတ် နလံထူ ဖွံ့ဖြိုးရေးဆိုင်ရာ ကြေညာချက်များ နှင့်လည်းကောင်း လိုက်ဖက်မှု ရှိသည်။

၂၀၁၅ တွင် အာဆီယံ စီးပွားရေး အသိုက်အဝန်း ထူထောင်ရန် ရည်ရွယ်သော စီးပွားရေး ပူးပေါင်း ဆောင်ရွက်မှုများကို အားပေး မြှင့်တင်ရန် သီးသန့် ကိစ္စရပ်များကို ဆွေးနွေးကြမည့် အာဆီယံ စီးပွားရေး ခေါင်းဆောင်များ အတွက် ယခု စီးပွားရေး ဝန်ကြီးများ အစည်းအဝေးက အခွင့်အလမ်းကောင်း ဖြည့်ဆည်း ပေးမည်ဟု ငုယင်ကမ်တူက ဆိုသည်။

ယခု အစည်းအဝေးတွင် အာဆီယံ အပါအဝင် ဆွေးနွေးဖက် နိုင်ငံများမှ စီးပွားရေး ဝန်ကြီးများက လွတ်လပ်သော ကုန်သွယ်ရေး သဘော တူညီချက် အကောင်အထည် ဖော်မှုကို အကဲဖြတ်ခြင်း၊ ကုန်သွယ်ရေး သဘောတူညီချက် အသစ်များ စေ့စပ် ဆွေးနွေးမှု အရှိန်မြင့်ရန် ကိစ္စများ ဆွေးနွေးခြင်း၊ အာဆီယံနှင့် ကုန်သွယ်ဖက်များ အကြား လာမည့်နှစ်များ အတွင်း အနာဂတ် ပူးပေါင်း ဆောင်ရွက်ရေးကို သတ်မှတ်ခြင်း စသည်တို့ကို ပြုလုပ်ကြမည်ဟု ငုယင်ကမ်တူက ကြေညာချက်တွင် ပြောကြားသည်။

၂၀၁၀ အာဆီယံ အစည်းအဝေးများ၏ အိမ်ရှင် အဖြစ် ဗီယက်နမ်က ဒေသတွင်း မူဝါဒ ချမှတ်ခြင်း လုပ်ငန်းစဉ် အတွင်း စီးပွားရေးဆိုင်ရာ ဒိုင်ယာလော့များ တိုးချဲ့ရေး ကဲ့သို့သော ပူးပေါင်း ဆောင်ရွက်ရေး ကိစ္စရပ် အချို့ကို အဆိုပြုခဲ့သည်ဟု သိရှိရသည်။ အာဆီယံ အတွင်း ဖွံ့ဖြိုးပြီး နိုင်ငံများနှင့် ဖွံ့ဖြိုးမှု နိမ့်ကျသော နိုင်ငံများ အကြား ကွာဟမှု ကျဉ်းမြောင်းစေရန် အတွက် ကမ္ဘောဒီးယား၊ လာအို၊ ဗီယက်နမ် နိုင်ငံများမှ စီးပွားရေး ဝန်ကြီးများနှင့် ပထမ အကြိမ် တိုင်ပင် ညှိနှိုင်းမှုကို ပြုလုပ်ရန် ကိစ္စကိုလည်း ဗီယက်နမ်က အဆိုပြုခဲ့သည်။

ချမ်းသာသော ဥရောပ ဈေးကွက်များသို့ အာဆီယံ ထုတ်ကုန်များ ပိုမို တင်ပို့ရန် ရည်ရွယ်၍ စင်္ကာပူ၊ ဖိလစ်ပိုင်၊ မလေးရှား၊ ဗီယက်နမ်၊ ထိုင်း စသော အဖွဲ့ဝင်များသည် ဥရောပ သမဂ္ဂနှင့် အပြန်အလှန် FTA သဘော တူညီချက်များကို စေ့စပ် ညှိနှိုင်းမှုများ ပြုလုပ်လျက် ရှိသည်။

နိုင်ငံတွင်း ရက်စက်သော လူ့အခွင့်အရေး ညှဉ်းပန်းမှုများ ပြုလုပ်နေသော မြန်မာ စစ်ဖက် အစိုးရကြောင့် ရိုင်းစိုင်းသော အာဆီယံ နိုင်ငံ အဖြစ် အီးယူက သတ်မှတ်ထားသော မြန်မာနိုင်ငံ အရေးကိစ္စများ အပါအဝင် မူဝါဒ ကွဲလွဲမှုများကို ပြေလည်အောင် ညှိနှိုင်းနိုင်ခြင်း မရှိသောကြောင့် ၂၀၀၇ က စတင်ခဲ့သော Comprehensive FTA အတွက် စေ့စပ် ညှိနှိုင်းမှုများကိုမူ အီးယူနှင့် အာဆီယံတို့ စွန့်လွှတ်လိုက်ပြီ ဖြစ်သည်။

ထို့အပြင် အာရှ ပစိဖိတ် စီးပွားရေး ပူးပေါင်း ဆောင်ရွက်ရေး အဖွဲ့ဝင် နိုင်ငံများ အတွက် လွတ်လပ်သော ကုန်သွယ်ရေး သဘောတူညီချက် ရရှိရန် စေ့စပ် ညှိနှိုင်းမှုများတွင်လည်း အာဆီယံ အဖွဲ့ဝင်များ ပါဝင် ပတ်သက်နေသည်။

ဆော်ဒီအာရေဗျ၊ ယူအေအီး၊ ကာတာ၊ အိုမန်၊ ကာရိန်း ကူဝိတ်တို့ အဖွဲ့ဝင် အဖြစ် ပါဝင်သော ပင်လယ်ကွေ့ ပူးပေါင်း ဆောင်ရွက်ရေး ကောင်စီ အောက်ရှိ ချမ်းသာသော အာရပ်နိုင်ငံများနှင့် အလားအလာ ရှိသည့် လွတ်လပ်သော ကုန်သွယ်ရေး သဘော တူညီချက်များကို လေ့လာ စူးစမ်းရန် လေ့လာရေးအဖွဲ့ တစ်ခုကို အာဆီယံ အဖွဲ့က တာဝန် ပေးထားသည်ဟုလည်း သိရှိရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Reuters, By Alistair Scrutton, 17th August 2010

ပါကစ္စတန် နိုင်ငံတွင် ရေဘေးကြောင့် သန်းပေါင်း များစွာသော လူများသည် ရောဂါဆိုးများ အန္တရာယ်ရှိကြောင်း နိုင်ငံတကာ အေဂျင်စီများက သတိပေးမှုကြောင့် ကမ္ဘာ့ဘဏ်သည် ကယ်ဆယ်ရေး လုပ်ငန်းများ အတွက် ဒေါ်လာ သန်း ၉၀၀ ထုတ်ပေးမည် ဖြစ်သည်။

မသန့်ရှင်းသော ရေများကြောင့် ၃.၅ သန်းသော ကလေးငယ်များသည် သေစေနိုင်သော ရောဂါများ၏ အန္တရာယ်ကို ကန်ထရိုက် ဆွဲထားသလို ဖြစ်မည် ဖြစ်ကြောင်း ကုလသမဂ္ဂက သတိ ပေးခဲ့သည်။ ထို့အပြင် ပါကစ္စတန်၏ သန်း ၁၇၀ သော လူများ၏ အနည်းဆုံး ဆယ်ပုံတစ်ပုံမှာလည်း ပိုးမွှား အန္တရာယ်ကို စိုးရိမ်ရကြောင်း ပြောသည်။

ဆယ်စုနှစ်များစွာ အတွင်း အဆိုးဆုံး ဖြစ်ခဲ့သော ပါကစ္စတန် ရေကြီးမှုတွင် လူပေါင်း ၁၆၀၀ ခန့် သေဆုံးခဲ့ပြီး၊ လူနှစ်သန်းခန့် အိုးမဲ့ အိမ်မဲ့ ဖြစ်ရသည်။

အာရှတွင် အဆင်းရဲဆုံး နိုင်ငံ တစ်ခုဖြစ်သော ပါကစ္စတန် တနံတလျားတွင် ရွာပေါင်း ရာချီ၍ ကယ်ဆယ်သူမဲ့ ဖြစ်ခဲ့ရသည်။ အဝေးပြေး လမ်းများ ထက်ဝက် ပြတ်ကျိုးပြီး၊ အိမ်ရာမဲ့ လူထောင်ပေါင်း များစွာသည် လမ်းဘေးတွင် တာပေါ်လင် မိုးကာတဲများ ထိုး၍ နေကြရသည်။

ကမ္ဘာ့ဘဏ် ရန်ပုံငွေကို စီစဉ်ပြီး ဖြစ်သော ပရောဂျက်များကို ပြန်လည် ရေးဆွဲပြီး အသုံးပြုမည် ဖြစ်သည်။ မခွဲဝေရသေးသော ရန်ပုံငွေများကို ပြန်လည် နေရာချမည် ဖြစ်သည်။ သို့သော် ထိုရန်ပုံငွေများကို ရေဘေး ဒုက္ခသည်များ အတွက် မည်သို့ အသုံးပြုမည်ကို ပြောကြားခြင်း မရှိပေ။

"ကျွန်တော်တို့ဟာ ရန်ပုံငွေတွေကို ချက်ချင်း အသုံးပြုနိုင်အောင် ဦးစားပေး စီစဉ်နေပါတယ်" ဟု ကမ္ဘာ့ဘဏ် ပြောခွင့်ရ ပုဂ္ဂိုလ် Mariam Altaf က ပြောကြားခဲ့သည်။

ရေကြီးမှု နှစ်ပတ်ခန့် ကြာပြီးနောက် အစိုးရက အကူအညီပေးရန် နောက်ကျမှုကြောင့် လူထုက စိတ်ဆိုးလာပြီး နိုင်ငံရေးအရ ဒုက္ခရောက်လာနိုင်သည်။

တနင်္လာနေ့က ပါကစ္စတန် ရေဘေးဒုက္ခသည်များသည် အဝေးပြေး လမ်းမကို ပိတ်ဆို့၍ အစိုးရအား အကူအညီ တောင်းခံကြရာ ရေ၊ အစားအစာနှင့် နေအိမ်မဲ့နေသော သန်းပေါင်း များစွာသော လူများ အတွက် အကူအညီများ ရောက်ရှိမှု နောက်ကျကြောင်း အကူအညီပေးရေး အေဂျင်စီများက သတိပေးသည်။

ယဲ့ယဲ့သာ ရှိတော့သော တည်ငြိမ်မှု

ရေလွှမ်းမိုးကြောင့် ပျက်စီးမှုများနှင့် ပြန်လည် ထူထောင်ရေး အတွက် ကုန်ကျငွေများသည် ပါကစ္စတန်၏ ရေရှည် စီးပွားရေး တိုးတက်မှုနှုန်း ၁% ထက်ပို၍ နှောင့်နှေးမည်ဟု ဝေဖန် သုံးသပ်သူများက ဆိုသည်။

ပါကစ္စတန် စတော့သည် တနင်္လာနေ့က ၂.၉% ကျဆင်းပြီး ပိတ်သွားခဲ့ရာ၊ ထိခိုက်မှုမှာ ပထမ ခန့်မှန်းသည်ထက် ပိုမည်ကို စိုးရိမ်သောကြောင့် ဖြစ်သည်။

ဗြိတိန်နိုင်ငံဆိုင်ရာ ပါကစ္စတန် ကော်မရှင်နာ မင်းကြီး Wajid Shamsul Hasan က Reuters သို့ ပြောကြားရာတွင် ပြန်လည် တည်ဆောက်ရေး အတွက် ဒေါ်လာ ၁၀ သန်းမှ ၁၅ သန်း ကျော်ကျော် ကုန်ကျနိုင်ကြောင်း ဆိုသည်။

၎င်းက နိုင်ငံတကာ အသိုင်းအဝိုင်းသို့ အသနားခံရာတွင် ကယ်ဆယ်ရေးနှင့် ပြန်လည် တည်ဆောက်ရေး အတွက် ရန်ပုံငွေများ ပေးကြရန်နှင့် အစ္စလာမ်မစ် စစ်သွေးကြွများအား တိုက်ခိုက်ရန် ရန်ပုံငွေများ ပေးကြရန် ပြောခဲ့သည်။ သို့မဟုတ်ပါက ဒေသတွင်း တစ်ခုလုံးကို မတည်ငြိမ်မှု ဖြစ်လာနိုင်ကြောင်း ပြောခဲ့သည်။

အစိုးရသည် ၎င်း၏ မပြည့်စုံသော ဖြည့်ဆည်းမှုများကြောင့် ခေါင်းမီးတောက်လျက် ရှိသည်။ စစ်သွေးကြွ အုပ်စုများနှင့် ဆက်စပ်နေသော အစ္စလာမ်မစ် အလှူရှင်များသည် ရေဘေး ဒုက္ခသည်များကို အကူအညီ ပေးလျက်ရှိရာ ထောက်ခံသူများ တိုးပွားလာမည် ဖြစ်သည်။

ပါကစ္စတန် နိုင်ငံခြားရေး ဝန်ကြီး Shah Mehmood Qureshi က ပါကစ္စတန်၏ တည်ငြိမ်မှု အတွက် စိုးရိမ် ပူပန်မှုကို ဖော်ပြခဲ့ရာ၊ အစိုးရ မတူညီနိုင်သည့် ကွက်လပ်ကို အစ္စလာမ်မစ်များက နေရာယူသွားမည်မှာ အန္တရာယ်ကြီးသည်ဟု ဆိုသည်။

"ဆာနေတဲ့ လူတစ်ဦးကို စားစရာ သွားပေးရင်၊ သူက လာပေးသူကို သဘောထား ပျော့ပြောင်းသူလား။ အစွန်းရောက်လား မေးနေမှာ မဟုတ်ဘူး" ဟု Qureshi က BBC သို့ ပြောသည်။ "သူကတော့ ပေးတာ ယူမှာပဲ။ ဒီတော့ ဒီစိန်ခေါ်မှုကို သတိထား ရပါမယ်" ဟု ဆိုသည်။

ယခုအခါ ကယ်ဆယ်ရေး အစပျိုးမှု အတွက် လိုအပ်သော ရန်ပုံငွေ ဒေါ်လာ ၄၅၉ သန်း၏ လေးပုံတစ်ပုံသာ ရောက်ရှိပါသေးသည်ဟု ကုလသမဂ္ဂ၏ အဆိုအရ သိရှိရသည်။ ထိုငွေမှာ ယမန်နှစ်က စစ်သွေးကြွများကို တိုက်ခိုက်ရန် အမေရိကန်က ပါကစ္စတန်သော ပေးသော ဒေါ်လာ ၁ ဘီလီယံနှင့်စာလျှင် လွန်စွာ ခြားနားလှသည်။

ကုလသမဂ္ဂက ဝမ်းရောဂါမှာ ပထမဆုံး ဖြစ်ပွားနိုင်သည်ဟု သတင်း ပေးပို့ခဲ့သည်။ နယူးယောက်တွင် ထုတ်ပြန်သော သတင်း ကြေညာချက်တွင် အကြီးဆုံး ခြိမ်းခြောက်မှုမှာ ကာလဝမ်း ရောဂါဖြစ်ကြောင်း၊ အသဲရောဂါ A နှင့် E တိုက်ဖွိုက်တို့ အန္တရာယ်မှာလည်း အရေးကြီးကြောင်း ဖော်ပြထားသည်။

ဒုက္ခသည်များသည် ပါကစ္စတန်တွင် အာဏာ အရှိဆုံး အဖွဲ့အစည်း ဖြစ်သည့် စစ်တပ်ပေါ်တွင်သာ မှီခိုမှုများပြီး၊ နိုင်ငံခြား အကူအညီပေးရေး အေဂျင်စီများကို အကူအညီ တောင်းလျက် ရှိသည်။

မည်သို့ဆိုစေ၊ အာဏာသိမ်းဖို့မူ ဖြစ်လာမည် မထင်ပေ။ စစ်တပ်၏ ဦးစားပေး အစီအစဉ်မှာ တာလီဘန် သူပုန်များကို တိုက်ခိုက်ရန်သာ ဖြစ်ပြီး၊ သဘာဝဘေး အန္တရာယ် ကျရောက်နေချိန်တွင် အာဏာရယူရန် ကိစ္စမှာ အဓိပ္ပာယ် မရှိကြောင်း၊ သုံးသပ်သူများက ပြောသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Associated Press, 17th August 2010

တောင်ကိုရီးယားထံမှ ပြန်လည် ပေါင်းစည်းရေး အဆိုပြုချက် အသစ်ကို မြောက်ကိုရီးယားက အင်္ဂါနေ့တွင် ပယ်ချလိုက်ပြီး အမေရိကန် ကူညီမည့် ဝင်ရောက် ကျူးကျော် သိမ်းပိုက်မှု အတွက် ကြိုတင် ပြင်ဆင်ရာတွင် မြောက်ကိုရီးယား အားနည်းသွားစေရန် ရည်ရွယ်သည့် ရူးနှမ်း မိုက်မဲသော အစီအစဉ်သာ ဖြစ်သည်ဟု ပြောဆိုလိုက်သည်။

တနင်္ဂနွေနေ့က တောင်ကိုရီးယား သမ္မတ လီမြောင်ဘက် အဆိုပြုခဲ့သော အဆင့် ၃ ဆင့်ပါ ပေါင်းစည်းရေး လုပ်ငန်းစဉ်တွင် ငြိမ်းချမ်းရေးနှင့် နျူကလီယာ ဖျက်သိမ်းမှု၊ စီးပွားရေး ပေါင်းစည်းမှု၊ နောက်ဆုံးတွင် ကိုရီးယားနိုင်ငံ လူ့အဖွဲ့အစည်း ထူထောင်မှုတို့ ပါဝင်သည်။ ပေါင်းစည်းမှု ကုန်ကျစရိတ်ကို ရန်ပုံငွေ ထောက်ပံ့မည့် အထူး အခွန် အစီအစဉ်ကိုလည်း သမ္မတလီက အဆိုပြုခဲ့သည်။

ပေါင်းစည်းမှုတွင် မြောက်ကိုရီးယား နျူကလီယာ ဖျက်သိမ်းရမည့် ကြိုတင် စည်းကမ်း သတ်မှတ်ချက်ကြောင့် မြောက်ကိုရီးယားက ၎င်းအဆိုပြုချက်ကို ပြစ်တင် ဝေဖန်ခဲ့ခြင်း ဖြစ်သည်။ "ဒီကိစ္စက ဘာမှမဟုတ်ဘူး ဆိုပေမယ့် မြောက်ကိုရီးယား လက်နက်ချအောင် ဖိအားပေးတဲ့ ရူးနှမ်းတဲ့ ဝါဒဖြန့်မှု တစ်ခုပါ။ အမေရိကန်နဲ့ အတူ မြောက်ကိုရီးယားကို ကျူးကျော်ဖို့ အတွက် ရည်မှန်းချက် ရှိနေတယ် ဆိုတာ သိသာပါတယ်" ဟု ငြိမ်းချမ်းစွာ ပြန်လည် ပေါင်းစည်းရေး ဆိုင်ရာ မြောက်ကိုရီးယား ကော်မတီက ကြေညာချက်တွင် ဖော်ပြသည်။

"ဒီအဆိုပြုချက်ဟာ မြောက်ကိုရီးယား အစိုးရကို ဖြုတ်ချဖို့ အတွက် မီးကုန်ယမ်းကုန် ထိပ်တိုက် လုပ်ဆောင်မယ်လို့ ကြေညာတာနဲ့ အတူတူပါပဲ" ဟု ဖော်ပြထားသော ကြေညာချက်ကို မြောက်ကိုရီးယား နိုင်ငံပိုင် KCNA သတင်းဌာနက ထုတ်ပြန်ခဲ့သည်။

ထို့အပြင် ပေါင်းစည်းမှု စရိတ် ကျခံရန် အဆိုပြုသည့် သမ္မတလီကိုလည်း မြောက်ကိုရီးယားက ဝေဖန် ပြစ်တင်လိုက်ပြီး မြောက်ကိုရီးယားတွင် အကျပ်အတည်း ပြဿနာများ ဖြစ်ပေါ်အောင် ရည်ရွယ် ပြင်ဆင်ထားသည့် အကြံဥာဏ် ဖြစ်သည့် အတွက် ပြုံးယမ်း၏ သိက္ခာပိုင်းအရ လက်ခံနိုင်ဖွယ် မရှိဟု ပြောဆိုခဲ့သည်။

ကိုရီးယား ကျွန်းဆွယ်တွင် တင်းမာမှုများ ကြီးထွားနေသည့် အတွက် ယခု အဆိုပြုချက်သည် လုံးဝ အဓိပ္ပာယ် မရှိဟုလည်း ကြေညာချက်တွင် ပြောကြားသည်။

မတ်လက တောင်ကိုရီးယား စစ်သင်္ဘော နစ်မြုပ်ကာ ရေတပ်သား ၄၆ ဦး အသက် ဆုံးရှုံးခဲ့ရခြင်း အတွက် နိုင်ငံတကာ စုံစမ်းရေး ကော်မရှင်က မြောက်ကိုရီးယားကို အပြစ်တင်ခဲ့ပြီးနောက် ကိုရီးယား နှစ်နိုင်ငံ ဆက်ဆံရေး အနိမ့်ဆုံး အဆင့်သို့ ရောက်နေသည့် ကြားမှ သမ္မတလီက ပြန်လည် ပေါင်းစည်းရေး အဆိုပြုချက်ကို ကမ်းလှမ်းခဲ့ခြင်း ဖြစ်သည်။

တနင်္လာနေ့တွင် တောင်ကိုရီးယားနှင့် အမေရိကန် တပ်ဖွဲ့များ ကွန်ပြူတာ အသုံးချမှု ဆိုင်ရာ စစ်ရေး လေ့ကျင့်မှုများ စတင်ခဲ့ပြီးနောက် တင်းမာမှုများ ပိုမို နက်ရှိုင်း လာခဲ့သည်။ အမေရိကန်နှင့် တောင်ကိုရီးယားတို့က ကာကွယ်ရေး လေ့ကျင့်ခန်း စစ်စစ်သာ ဖြစ်သည်ဟု ပြောကြားသော်လည်း ကျူးကျော်ရန် အစမ်း လေ့ကျင့်မှုဟု မြောက်ကိုရီးယားက ခေါ်ဝေါ်လိုက်ပြီး လက်တုန့် ပြန်မည်ဟုလည်း ကတိပြုလိုက်သည်။

၁၁ ရက်ကြာ စစ်ရေး လေ့ကျင့်ခန်းများကို "အူလ်ချီ လွတ်လပ်ခွင့် ကာကွယ်သူ" ဟု အမည် ပေးထားကာ တောင်ကိုရီးယား တပ်ဖွဲ့ဝင် ၅၆၀၀၀ နှင့် တောင်ကိုရီးယား ပြည်တွင်း၊ ပြည်ပမှ အမေရိကန် တပ်ဖွဲ့ဝင် ၃၀၀၀၀ တို့ ပါဝင် ဆင်နွှဲလျက် ရှိသည်။

ယခု စစ်ရေး လေ့ကျင့်မှုသည် သင်္ဘော နစ်မြုပ်မှု အပေါ် တုန့်ပြန်သည့် အနေဖြင့် ယခင်လက ကိုရီးယား ကျွန်းဆွယ် အရှေ့ဖက် ကမ်းရိုးတန်းတွင် ပြုလုပ်ခဲ့သော ရေတပ် လေ့က)