Transparency Myanmar

transparency.myanmar@gmail.com

မြောက်ကိုရီးယား နိုင်ငံတွင် နှစ်ပေါင်း ၃၀ အတွင်း အကြီးကျယ် အခမ်းနားဆုံး နိုင်ငံရေး ဆွေးနွေးပွဲကြီး တစ်ရပ် ကျင်းပရန် စီစဉ်လျက် ရှိပြီး အဆိုပါ ဆွေးနွေးပွဲတွင် ခေါင်းဆောင်ကြီး ကင်ဂျုံအီလ်က ၎င်း၏ သားဖြစ်သူအား အလုပ်သမား ပါတီမှ အရေးပါသော ရာထူး နေရာ၌ ခန့်အပ်ထားမည်ဟု ခန့်မှန်းရသည်။ အဆိုပါ ရာထူးသည် မြောက်ကိုရီးယား ခေါင်းဆောင် ရာထူး လွှဲအပ်နိုင်ရေးအတွက် အလွန် ခိုင်မာသော နေရာ တစ်နေရာလည်း ဖြစ်သည်။

ယင်းဆွေးနွေးပွဲသည် ၁၉၈၀ ပြည့်နှစ် ကွန်ဂရက် ဆွေးနွေးပွဲတွင် လက်ရှိ ခေါင်းဆောင်ကြီး ကင်ဂျုံအီလ်သည် သူ၏ ဖခင် ကင်အီဆွန်း၏ အရိုက်အရာကို ဆက်ခံမည့်သူ ဖြစ်ကြောင်း အတည်ပြု ကြေညာခဲ့ပြီးနောက် ပထမဆုံးသော ပါတီ ဆွေးနွေးပွဲ တစ်ခု ဖြစ်သည်။ ယခု ရက်သတ္တပတ်တွင်လည်း ယခင် သမိုင်းကြောင်း အတိုင်းပင် သားဖြစ်သူက ဖခင်ဖြစ်သူ၏ အရိုက်အရာကို ဆက်ခံမည့် သဘောမျိုး တွေ့ရမည်ဟု မျှော်လင့်ရသည်။

အသက် ၆၈ နှစ် အရွယ်သို့ ရောက်ရှိနေပြီ ဖြစ်သော ကင်ဂျုံအီလ်သည် ကျန်းမာရေး ညံ့ဖျင်းလျက် ရှိပြီး အငယ်ဆုံး သားဖြစ်သူ ကင်ဂျွန်အန်ကို ပါတီတွင် အရေးပါသော ရာထူး ခန့်အပ်ဖွယ် ရှိသည်။

အလုပ်သမား ပါတီ တွေ့ဆုံ ဆွေးနွေးပွဲကို စက်တင်ဘာ အစောပိုင်း ရက်သတ္တပတ် အတွင်း ပြုလုပ်ရန် လျာထားသော်လည်း နေ့ရက် အတိအကျကိုမူ ထုတ်ပြန်ခြင်း မရှိသေးပေ။ သို့သော် လေ့လာ သုံးသပ်သူများ အဆိုအရ စက်တင်ဘာလ ၆ ရက်နေ့တွင် ပြုလုပ်ဖွယ် ရှိသည်ဟု ဆိုသည်။ ဒေသခံ ပါတီ အဖွဲ့ဝင် အရာရှိကြီးများမှာ အဆိုပါ အလုပ်သမား ပါတီ တွေ့ဆုံ ဆွေးနွေးပွဲသို့ တက်ရောက်မည့် ကိုယ်စားလှယ်များ ရွေးချယ်မှုများဖြင့် အလုပ်ရှုပ်လျက် ရှိသည်ဟု နိုင်ငံပိုင် KCNA သတင်းဌာနက ဆိုသည်။

ယင်းကွန်ဖရင့် ဆွေးနွေးပွဲသည် ၁၉၈၀ ပြည့်နှစ်တွင် ကျင်းပခဲ့သလို ထိပ်ပိုင်း ခေါင်းဆောင်ကြီးများ ဆွေးနွေးပွဲ မဟုတ်သည့်တိုင် အလုပ်သမား ပါတီ၏ အရေးကိစ္စကြီးများ ဖြေရှင်းရန် လွန်စွာ အရေးကြီးသည့် ဆွေးနွေးပွဲ တစ်ရပ် ဖြစ်ကြောင်း လေ့လာ သုံးသပ်သူများက ဆိုသည်။

မြောက်ကိုရီးယား နိုင်ငံကို ၁၉၉၄ ခုနှစ် မှစ၍ တစ်ဦးတည်း ချုပ်ကိုင်မှုဖြင့် အုပ်ချုပ်ခဲ့သူ ကင်ဂျုံအီလ်သည် ၂၀၀၈ ခုနှစ် လေသင်တုန်းဖြတ် ရောဂါဝေဒနာ ခံစားခဲ့ရသည့် အချိန် နောက်ပိုင်း သူ၏ အငယ်ဆုံးသားကို အာဏာ လွှဲပြောင်းရန် လျာထားခဲ့သည်ဟု လေ့လာသူ အများစုက ရှုမြင်ကြသည်။

တောင်ကိုရီးယား လျှို့ဝှက် ထောက်လှမ်းရေး အေဂျင်စီ အဆိုအရ မြောက်ကိုရီးယား ကွန်မြူနစ် အစိုးရသည် ခေါင်းဆောင် ရာထူး ဆက်ခံမည့် ကိစ္စနှင့် ပတ်သက်ပြီး ဝါဒဖြန့်မှုများကို ပြုလုပ်လျက် ရှိကြောင်း၊ ထို့အတူ ဖခင်ကြီး နေရာကို ဆက်ခံယူမည့် ကင်ဂျွန်အန်အပေါ် ထုတ်ဖော် ချီးမွမ်းခန်း ဖွင့်သည့် ကဗျာများလည်း ဖြန့်ဝေလျက် ရှိကြောင်း သိရသည်။ သို့သော် အာဏာ လွှဲပြောင်းလည့် ကိစ္စ အသေးစိတ်ကို ကွန်မြူနစ် အစိုးရက လျှို့ဝှက်ထားကြသည်။

ယခုအခါ မည်သည့် နိုင်ငံတကာ မီဒီယာတွင်မှ ကင်ဂျွန်အန်၏ လတ်တလော ဓာတ်ပုံများ ဖော်ပြနိုင်ခြင်း မရှိသေးပေ။ ၎င်း၏ ဆယ်ကျော်သက် အရွယ် ဓာတ်ပုံကိုသာ တွင်တွင် ကျယ်ကျယ် အသုံးပြုနေခြင်းသာ ဖြစ်သည်။ ကင်ဂျွန်အန်နှင့် ပတ်သက်သော မေးမြန်းမှုများကိုလည်း မြောက်ကိုရီးယား အစိုးရ အရာရှိများက ဖြေဆိုမှု မပြုကြပေ။

AP သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Economist, 6th Sept 2010

မြောက်ကိုးရီးယား ခေါင်းဆောင် ကင်ဂျုံအီသည် ၎င်း၏ ယခင် တရုတ်ခရီးစဉ်နှင့် လေးလပင် မခြားဘဲ ဒုတိယ အကြိမ်အဖြစ် သြဂုတ်လ ၂၆ ရက်တွင် ၎င်း၏ ကျည်ကာ ရထားနှင့် တရုတ်နိုင်ငံသို့ ထပ်မံ၍ ခရီးထွက်လာခြင်းသည် အရေးပေါ် မစ်ရှင်ပင် ဖြစ်ရလိမ့်မည်။ အမေရိကန် သမ္မတဟောင်း ဂျင်မီကာတာ ပြုံယမ်းသို့ ရောက်ရှိနေခြင်း၊ မြောက်ပိုင်းတွင် ပျက်စီးဆုံးရှုံးမှု ကြီးမားသော ရေလွှမ်းမိုးမှုများ ဖြစ်ပွားခဲ့ခြင်း၊ ၎င်း၏ ကွန်မြူနစ်ပါတီ ရှားရှားပါးပါး အစည်းအဝေး ပြုလုပ်ရန်မှာ ရက်ပိုင်းမျှသာ လိုတော့ခြင်း စသော အကြောင်းများသည် ယခု အချိန်၌ ကင်ဂျုံအီး ပြုံယမ်း အိမ်တော်တွင် ရှိနေရန် လုံလောက်သော အကြောင်းများပင် ဖြစ်သည်။ သို့သော်လည်း တရုတ် နိုင်ငံသို့ အူလျားဖားလျား အပြေးသွားခဲ့ခြင်းသည် အရေးတကြီး ဦးစားပေး ကိစ္စတစ်ခု ရှိနေသည့် လက္ခဏာပင် ဖြစ်သည်။

တရုတ်နှင့် မြောက်ကိုးရီးယား ၂ နိုင်ငံ စလုံးသည် ၎င်းတို့၏ အမူအကျင့်အတိုင်း ကင်ဂျုံအီး ပြန်သွားသည့် သြဂုတ်လ ၃၀ ရက် အထိ အဆိုပါ ခရီးစဉ်ကို လျှို့ဝှက်ထားခဲ့ကြသည်။ ထို့နောက်တွင်မူ ဂျင်မီကာတာသည် အမေရိကန်လူမျိုး Aijalon Gomes နှင့်အတူ ပြန်လည် ထွက်ခွာသွားခဲ့သည်။ Gomes သည် မြောက်ကိုးရီးယား နိုင်ငံတွင်းသို့ ဇန်နဝါရီလက တရားမဝင် ဝင်ရောက်ခဲ့ခြင်းကြောင့် အလုပ်ကြမ်းနှင့် ထောင်ဒဏ် ၈ နှစ် ကျခံနေရသူ ဖြစ်သည်။ Gomes အား လွှတ်ပေးလိုက်ခြင်းသည် မတ်လက တောင်ကိုးရီးယား စစ်သင်္ဘော နစ်မြုပ်မှုကြောင့် လအတန်ကြာ တင်းမာမှု ကြီးထွားခဲ့ပြီးနောက် အမေရိကန် ပြည်ထောင်စုအား ရှားရှားပါးပါး လိုက်လျောသည့် လက္ခဏာ တစ်ခုပင် ဖြစ်သည်။

သို့သော်လည်း အမေရိကန်ကမူ ကင်ဂျုံအီးနှင့် မြောက်ကိုးရီးယား အထက်လွှာများအတွက် ဇိမ်ခံပစ္စည်းများ တင်သွင်းခြင်း၊ လက်နက်နှင့် မူးယစ်ဆေးဝါး ရောင်းဝယ်ခြင်း စသော တရားမဝင် လုပ်ကိုင်မှုများ အတွက် သံသယ ရှိသော မြောက်ကိုးရီးယား လူပုဂ္ဂိုလ်များနှင့် ကုမ္ပဏီများစွာ အပေါ် အရေးယူ ပိတ်ဆို့မည့် အစီအစဉ် အသေးစိတ်ကို ထုတ်ပြန်ခြင်းဖြင့် တုန့်ပြန်ခဲ့သည်။ ယင်းသို့ အရေးယူမည့် ဆုံးဖြတ်ချက်ကို ဇူလိုင်လက ကြေညာခဲ့ခြင်း ဖြစ်သည်။

တရုတ်နိုင်ငံကလည်း အမေရိကန် ပြည်ထောင်စု၏ လတ်တလော အကြောလျှော့ သွေးပူ လေ့ကျင့်ခန်းများကို ကျယ်ကျယ် လောင်လောင် ကန့်ကွက်ခဲ့ပြီး အထူးသဖြင့် တောင်ကိုးရီးယားနှင့် ပူးတွဲ စစ်ရေး လေ့ကျင့်မှုများကို ကန့်ကွက်ခဲ့ခြင်း ဖြစ်သည်။ ယမန်နေ့က ပူးတွဲ ရေတပ် လေ့ကျင့်မှုများ ပြန်လည် စတင်ခဲ့သည့် ပင်လယ်ဝါသည် တရုတ်ကမ်းခြေနှင့် နီးကပ်သဖြင့် စိတ်မသက်မသာ ဖြစ်ရသည်ဟု တရုတ်တို့က အကြောင်းပြသည်။ 

တရုတ်တို့က ၎င်း၏ ကိုယ်ပိုင် လေ့ကျင့်ခန်းများကို ပင်လယ်ဝါတွင် ဗုဒ္ဓဟူးနေ့က ပြုလုပ်ခဲ့သည်။ တရုတ်အစိုးရ သတင်းဋ္ဌာန Xinhua က ပုံမှန် ပြုလုပ်နေကျ လေ့ကျင့်မှုသာ ဖြစ်သည်ဟု ပြောကြားခဲ့သော်လည်း အမှန်တကယ်မှာ အမေရိကန်နှင့် တောင်ကိုးရီးယားတို့၏ လှုပ်ရှားမှုများကို ရင်ဆိုင်ရန် ခိုင်မာစွာ ဆုံးဖြတ်ထားမှုကို ပြသလိုသည့် ၎င်းတို့အပေါ် သတိပြုမိစေရန် ဆုံးဖြတ်ခဲ့ခြင်းသာ ဖြစ်သည်။ တောင်ကိုးရီးယား စစ်သင်္ဘော နစ်မြုပ်မှုနှင့် ပတ်သက်၍ မြောက်ကိုးရီးယားကို အပြစ်တင်ထားသည့် နိုင်ငံတကာ စုံစမ်း စစ်ဆေးရေး အဖွဲ့၏ စုံစမ်းမှု ရလဒ်များကို "ကင်" ၏ နောက်ဆုံး တရုတ်ခရီးစဉ် အပြီးတွင် ထုတ်ပြန်ခဲ့သည်။ အဆိုပါ ရလဒ်များကို လက်ခံရန် တရုတ်က ငြင်းဆန်ခဲ့သည်။ ယခု တဖန် ကင်ဂျုံအီးအား ကော်ဇောနီ ဖြန့်ခင်း ကြိုဆိုခြင်းဖြင့် ပြန်လည် စဉ်းစား သုံးသပ်ရန် အစီအစဉ် မရှိကြောင်း တရုတ်တို့က ပြသလိုက်ပြီ ဖြစ်သည်။

အဘယ်ကြောင့် ကင်ဂျုံအီ တရုတ်နိုင်ငံသို့ အချိန်တိုအတွင်း ထပ်မံ သွားရောက်ခဲ့သည် ဆိုသည်ကိုမူ ရှင်းလင်းစွာ မသိရသေးပါ။ ၁၉၈၀ နောက်ပိုင်း ပထမဆုံးအကြိမ် ကျယ်ပြန့်စွာ ကျင်းပမည့် ပါတီ ညီလာခံနှင့် ပတ်သက်ဖွယ် ရှိသည်ဟု အများစုက ခန့်မှန်းချက် ပေးကြသည်။ စက်တင်ဘာ လဆန်းပိုင်းတွင် ကျင်းပမည်ဟု မြောက်ကိုးရီးယားက ကြေညာထားသော ကွန်မြူနစ် အလုပ်သမား ပါတီ ညီလာခံသည် ကင်၏ သားဖြစ်သူ ကင်ဂျုံအန်အား ပါတီတွင်း အဆင်မြင့် ခန့်အပ်ခြင်းကို ထောက်ခံမှု ရစေရန် စုဝေးခြင်း ဖြစ်သည် ဟူသော ခန့်မှန်းမှုမှာလည်း ရေပန်းစားလျက် ရှိသည်။ ၎င်းအကြံဥာဏ်သည် ကျန်းမာရေး မကောင်းတော့သော ဖခင်၏ နေရာအား သားဖြစ်သူက ဆက်ခံနိုင်ရန် စင်တင်ပေးသည့် သဘော ဖြစ်ဖွယ် ရှိသည်။ အသက် ၂၀ ကျော် ၃၀ နီးနီး ရှိပြီ ဖြစ်သော သားငယ် ကင်ဂျုံအန်သည် အလုပ်အကိုင် မရှိသေးဟု ယူဆရသည်။ ၎င်းရာထူး ဆက်ခံမည့် ကောလာဟလများမှာ အချိန် အတန်ကြာကပင် ထွက်ပေါ်နေခဲ့ပြီး အကယ်၍ ထိုအစီအစဉ်သာ ဖြစ်အံ့ဆဲဆဲ ဆိုပါက ၎င်း၏ ဖခင်က တရုတ်နိုင်ငံအား သတင်းပို့ရန် သွားရောက်ခြင်း ဖြစ်ဖွယ် ရှိသည် ဆိုသော အချက်မှာ မှန်ကန်ဖွယ် ရှိနေသည်။

တရုတ်နှင့် မြောက်ကိုးရီးယား တရားဝင် သတင်း ထုတ်ပြန်မှုများတွင် အာဏာ ဆက်ခံရေး ကိစ္စ (သို့) ကင်ဂျုံအန် အကြောင်း ဖော်ပြခြင်း မရှိပါ၊ ခရီးစဉ်တွင် ၎င်းလိုက်ပါခြင်း ရှိ/မရှိ ကိုလည်း မသိရသေးပါ။ သို့သော်လည်း ကင်ဂျုံအီးသည် ၎င်း၏ ကွယ်လွန်သူ ဖခင်ကြီး ကင်အီဘွန်း တရုတ်နိုင်ငံတွင် နေထိုင် ပတ်သက်ခဲ့ဖူးသော နေရာများသို့ ကြည့်ရှုကာ အချိန် ဖြုန်းနေသည်ဟု သိရှိရသည်။ ၂ နိုင်ငံ အကြား အစဉ်အလာ ချစ်ခင် ရင်းနှီးမှုကို မျိုးဆက်သစ်များအား လက်ဆင့် ကမ်းရန် လိုအပ်သည်ဟု ကင်ဂျုံအီးက ပြောကြားခဲ့ကြောင်း သိရှိရသည်။

ပြုံယမ်းတွင် ကျင်းပမည့် ပါတီ ညီလာခံကို အောင်မြင်စေရန် တရုတ် သမ္မတ ဟူကျင်းတောင်က ဆုတောင်းပေးခဲ့သည်။ မြောက်ကိုးရီးယား နျူကလီယာ ဖျက်သိမ်းရေး ဆွေးနွေးပွဲများ စောစီးစွာ ပြန်လည် စတင်ရေးအတွက် ကင်နှင့် သဘောတူညီမှု ရထားသော တရုတ်နိုင်ငံ အိမ်ရှင် အနေအထားကို တရုတ် မီဒီယာက အလေးပေး ရေးသားလျက်ရှိသည်။  ၆ နိုင်ငံ ဆွေးနွေးပွဲများ ပြန်လည် စတင်ရေး အလားအလာမှာ မှေးမှိန်နေဆဲ ဖြစ်သော်လည်း မြောက်ကိုးရီးယားသည် စီးပွားရေး ပိတ်ဆို့ခံရမှု ဖိအားများမှ သက်သာရာ ရရန် နည်းလမ်း အဖြစ် စေ့စပ် ဆွေးနွေးမှုများ ပြန်လည် စတင်ရန် ကြိုးစားနေသည်ဟု အကဲခတ် အချို့က ယုံကြည်ထားကြသည်။ လတ်တလော အချိန်တွင် တရုတ်နိုင်ငံသည် မြောက်ကိုးရီးယား၏ သက်သယ် ကြိုးတစ်ချောင်းပင် ဖြစ်သည်။ နှစ်နိုင်ငံ အကြား ကုန်သွယ်ရေးမှာ လတ်တလောလများ အတွင်း တိုးတက်လာခဲ့သည်ဟု သံတမန်များက ဆိုသည်။ စားနပ်ရိက္ခာ ပြတ်လပ်နေသော မြောက်ကိုးရီးယားက အပြန်အလှန် အားဖြင့် အရှေ့မြောက် ဆိပ်ကမ်းမြို့ ရာဂျင်တွင် ဆိပ်ကမ်း အဆောက်အအုံများကို တရုတ်အား ငှားရမ်းခဲ့သည်။

မြောက်ကိုးရီးယား၏ အာဏာလွှဲပြောင်းမှု အလားအလာသည် တရုတ်နိုင်ငံအား စိုးရိမ် ပူပန်စေသည်။ ဘေဂျင်းထုတ် အင်္ဂလိပ်ဘာသာ သတင်းစာ Global Times က အမေရိကန်နှင့် တောင်ကိုးရီးယားသည် မြောက်ကိုးရီးယားတွင် အကျပ်အတည်း ဖန်တီးရန် ဆန္ဒ ရှိနေကြသည်ဟု စွပ်စွဲလိုက်ပြီး ချောမွေ့စွာ အသွင် ကူးပြောင်းမှုသည် အရှေ့မြောက် အာရှဒေသ တည်ငြိမ်ရေးအတွက် အလွန် အရေးကြီးသည်ဟု ဖော်ပြခဲ့သည်။

ဝါရှင်တန် အခြေစိုက် ဥာဏ်ကြီးရှင် အုပ်စု Centre for Strategic and Tnternational Studies မှ Victor Cha က "တရုတ် နိုင်ငံသည် ၎င်း၏ မဟာမိတ် ပြုံယမ်းအား ခါးသီးသော အဆုံးသတ်ဆီသို့ ပို့ရန် ဆန္ဒ ရှိနေဆဲ ဆိုသော အချက်ကို ကင်၏ ယခု လျှို့ဝှက် ခရီးစဉ်က အနည်းဆုံး ထင်ဟပ် ပေါ်လွင် စေခဲ့သည်" ဟု ပြောကြားလိုက်သည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

ယခုအခါ ပြိုကွဲသွားပြီ ဖြစ်သည့် အမျိုးသား ဒီမိုကရေစီပါတီ (NLD) အနေဖြင့် ပါတီ ပျက်ပြားသွားအောင် ဖိအား ပေးခံရသည့်အတွက် မြန်မာ စစ်အစိုးရကို တရားစွဲဆိုရန် အတိုက်အခံ ခေါင်းဆောင် ဒေါ်အောင်ဆန်းစုကြည်က တိုက်တွန်းလိုက်ကြောင်း နိုင်ငံရေး အသိုင်းအဝိုင်းထံမှ စုံစမ်း သိရှိရသည်။

ယခုအခါ နေအိမ် အကျယ်ချုပ် ၁၈ လ ပြစ်ဒဏ် ကျခံနေရသူ ဒေါ်အောင်ဆန်းစုကြည်က NLD အနေဖြင့် စစ်အစိုးရကို တရားစွဲဆိုရန် သူမ၏ ဥပဒေ အကျိုးဆောင် အဖွဲ့ဝင်များ ဖြစ်သော ရှေ့နေ ဦးဉာဏ်ဝင်း၊ ဦးကြည်ဝင်းနှင့် ဒေါ်ခင်ဌေးကြွယ်တို့ကို အကြံပေး ပြောဆိုခဲ့သည်။

"ဒေါ်အောင်ဆန်းစုကြည်က NLD ပါတီ ပျက်အောင် ဖိအား ပေးခဲ့တဲ့ ကိစ္စဟာ တရားမဝင်တဲ့ လုပ်ရပ် ဖြစ်တဲ့အတွက် ကျွန်တော်တို့ အနေနဲ့ စစ်အစိုးရကို တရား စွဲဆိုသင့်တယ်လို့ ပြောပါတယ်" ဟု ဦးဉာဏ်ဝင်းက ဆိုသည်။

စစ်အစိုးရက ထုတ်ပြန်လိုက်သော ရွေးကောက်ပွဲ ဥပဒေများသည် သူမနှင့် သူမ၏ ပါတီကို မလို မုန်းတီးသော သဘောမျိုးဖြင့် ရေးဆွဲခဲ့ခြင်း ဖြစ်သည်ဟု ဒေါ်အောင်ဆန်းစုကြည်က ပြောကြောင်း ဦးဉာဏ်ဝင်းက ပြန်လည် ပြောပြသည်။ မြန်မာ စစ်အစိုးရသည် လာမည့် နိုဝင်ဘာလ ၇ ရက်နေ့တွင် ရွေးကောက်ပွဲ ကျင်းပရန် စီစဉ်လျက် ရှိသည်။ အဆိုပါ NLD ပါတီ အနိုင် ရရှိခဲ့သည့် ၁၉၉၀ ပြည့်နှစ် ရွေးကောက်ပွဲ နောက်ပိုင်း နှစ်ပေါင်း ၂၀ အတွင်း ပထမဆုံး ဖြစ်သည်။ သို့သော် စစ်အစိုးရက NLD ကို အာဏာ လွှဲပြောင်းပေးခဲ့ခြင်း မရှိဘဲ ဒေါ်အောင်ဆန်းစုကြည်ကိုလည်း နှစ်ပေါင်း ၁၅ နှစ်တာကြာမျှ ဖမ်းဆီး ထိန်းသိမ်းထားခဲ့သည်။

ယခု လာမည့် ရွေးကောက်ပွဲတွင်လည်း ဒေါ်အောင်ဆန်းစုကြည်နှင့် သူမ၏ NLD ပါတီ ပါဝင်ခွင့် မရရှိအောင် စစ်အစိုးရက တစ်ဖက်သတ် ဥပဒေများ ရေးဆွဲခဲ့သည်။ ယင်းဥပဒေများအရ ဖမ်းဆီး ပြစ်ဒဏ် ကျခံနေရသူ ပါတီဝင်များ ရှိသည့် ပါတီများ အနေဖြင့် ရွေးကောက်ပွဲ ဝင်ရောက်မည် ဆိုပါက ၎င်းတို့အား ပါတီအဖွဲ့ဝင် အဖြစ်မှ ထုတ်ပယ် ရမည် ဖြစ်သည်။ သို့အတွက်ကြောင့် NLD အနေဖြင့် နိုဝင်ဘာလ ၇ ရက် ရွေးကောက်ပွဲ ဝင်ရောက် ယှဉ်ပြိုင်မည် ဆိုပါက ဒေါ်အောင်ဆန်းစုကြည်ကို ထုတ်ပယ် ပစ်ရမည့် အခြေအနေသို့ ဆိုက်ရောက်ခဲ့ရသည်။

ပြီးခဲ့သည့် ဧပြီလတွင် NLD ပါတီက ရွေးကောက်ပွဲကို ဝင်ရောက် ယှဉ်ပြိုင်မှု မပြုဘဲ သပိတ်မှောက်မည်ဟု ဆုံးဖြတ်ခဲ့ခြင်း ဖြစ်သည်။

Monster Sand Critics မှ သတင်းကို ဘာသာ ပြန်ဆိုသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

Asean, 26th August 2010

၂၀၀၈ မေလ ၂ရက်နှင့် ၃ရက်တွင် ဘင်္ဂလား ပင်လယ်အော်မှ နာဂစ်ဆိုက်ကလုံးသည် မြန်မာနိုင်ငံ ရန်ကုန်တိုင်းနှင့် ဧရာဝတီတိုင်းကို ဖြတ်သန်း၍ ကုန်းတွင်း ဝင်ရောက်သွားခဲ့ရာ လူ့အသက်များစွာ ဆုံးရှုံးခြင်း၊ အခြေခံ အဆောက်အဦးများ ၊ လူနေအိမ်ခြေများ၊ အသက်မွေး ဝမ်းကျောင်း လုပ်ငန်းများ ပျက်စီးခြင်း တို့ကို ဖြစ်ပေါ်စေခဲ့သည်။

ဆိုင်ကလုံး အပြီးတွင် လူပေါင်း ၁၄၀,၀၀၀ နီးပါး သေဆုံးခဲ့ကြပြီး ဧရာဝတီတိုင်းနှင့် ရန်ကုန်တိုင်း အတွင်း နေထိုင်သူများ၏ သုံးပုံတစ်ပုံ အရေအတွက် ရှိသော လူပေါင်း ၂.၄ သန်းခန့်မှာ အိုးမဲ့၊ အိမ်မဲ့ ဒုက္ခများကို ခံစားခဲ့ကြရသည်။ ဆိုက်ကလုံး မုန်တိုင်း တိုက်ခတ်သွားသည့် ၃၇ မြို့နယ်၏ ဧရိယာ အကျယ်အဝန်းမှာ ၂၃၅၀၀ စတုရန်း ကီလိုမီတာခန့် ရှိရာ ဟေတီနိုင်ငံ အကျယ်အဝန်းထက် အနည်းငယ်မျှသာ လျော့နည်းသည်။ တစ်ကမ္ဘာလုံး အတိုင်းအတာ အနေဖြင့် နာဂစ်စ် ဆိုင်ကလုံးသည် မှတ်တမ်း တင်ထားသမျှ လူသေ ပျောက်မှု အများဆုံး ဆိုင်ကလုံးများတွင် အဋ္ဌမ နေရာတွင် ရှိနေပြီး မြန်မာ့သမိုင်း တစ်လျှောက်တွင် အဆိုးဝါးဆုံး သဘာဝ ကပ်ဘေး အဖြစ် မှတ်တမ်းဝင်ခဲ့သည်။

ဆိုင်ကလုံး နာဂစ်ကြောင့် လမ်းများ၊ ဆိပ်ခံတံတားများ၊ လောင်စာဆီ ဖြန့်ဖြူးမှုများ၊ လျှပ်စစ်ဓါတ်အား၊ ရေနှင့် သန့်ရှင်းရေး စနစ်များစသည့် အခြေခံ အဆောက်အဦးများနှင့် နေအိမ်များ ပျက်စီးမှု အပါအဝင် ရုပ်ပိုင်းဆိုင်ရာ ဆုံးရှုံးမှု ကြီးမားစွာ ပေါ်ခဲ့ရပြီး ပြည်သူများ၏ အသက်မွေး ဝမ်းကျောင်း လုပ်ငန်းများအပေါ် ကြီးမားသော ရေရှည် ထိခိုက်မှု ဖြစ်ပေါ်ခဲ့ရသည်။ ရေဖြန့်ဖြူးမှု ကဏ္ဍ၏ အပိုင်း တော်တော်များများမှာ ညစ်ညမ်းသွားခဲ့သလို စားနပ်ရိက္ခာ သိုလှောင်မှုများ မှာလည်း ပျက်စီး ဆုံးရှုံးခဲ့ရသည်။

လယ်မြေများ ပျက်စီးကာ မရေတွက်နိုင်သော ရွာများ နစ်မြုပ်စေခဲ့သည့် လှိုင်းလုံးများ ၉ပေမှ ၁၂ပေခန့် အထိ တက်လာခြင်းနှင့်အတူ ပြင်းထန်လွန်းသော လေမုန်တိုင်း ဒဏ်ကို ခံခဲ့ရသည့် မြန်မာ နိုင်ငံ၏ ဆန်အိုးကြီး ဧရာဝတီတိုင်းမှာ ထိခိုက် ပျက်စီးမှု အများဆုံး ဖြစ်ပွားခဲ့သည်။

ယခုကဲ့သို့ နာဂစ် ဆိုင်ကလုံးက မြစ်ဝကျွန်းပေါ် လယ်သမားများအား အလဲထိုးခဲ့သည့် အချိန်မှာ ဘေးဒဏ်သင့် ဒေသများ၌ တစ်နှစ်ပတ်လုံး ထုတ်လုပ်မှု ပမာဏ၏ ၂၅ % ရှိသော နွေစပါး ရာသီ၏ နောက်ဆုံး အဆင့် ဖြစ်သည်။ လယ်ယာ စိုက်ပျိုးရေး ကဏ္ဍ၏ စုစုပေါင်း ပျက်စီးမှုနှင့် ဆုံးရှုံးမှု ခန့်မှန်း တန်ဖိုးမှာ ကျပ်သန်းပေါင်း ၅၇၀,၀၀၀ မှ ၇၀၀,၀၀၀ အတွင်း ရှိသည်ဟု ဆိုသည်။

ဆိုင်ကလုံးက ဖျက်ဆီခဲ့သည့် မိသားစုများနှင့် လူ့အသိုင်းအဝိုင်း၏ လူမှုရေး၊ စီးပွားရေး ဆုံးရှုံးမှု ဒုက္ခများမှာ ကြီးမား လွန်းသောကြောင့် လိုအပ်ချက်များကို ဖြည့်ဆည်း ဆောင်ရွက်ပေးရန် အတွက် ချက်ခြင်း တုန့်ပြန် လှုပ်ရှားမှု လိုအပ်နေသည်။ ထို့အပြင် ဆင်းရဲ နွမ်းပါးသူများ၏ အသက်မွေး ဝမ်းကျောင်းနှင့် ပိုင်ဆိုင်မှုများ ပြန်လည် ရရှိရေး၊ မရှိမဖြစ် ဝန်ဆောင်မှုများ ဖြည့်ဆည်းပေးရေးတို့ အပေါ် အာရုံ စိုက်ရမည့် အလယ်အလတ်နှင့်  ရေရှည် ပြန်လည် ထူထောင်ရေး လုပ်ငန်းများသို့ သေချာစွာ အသွင် ကူးပြောင်းပေးနိုင်သည့် ကနဦး ပြန်လည် ထူထောင်ရေး အစီအစဉ် အတွက်လည်း ချက်ချင်း တုန့်ပြန် ဆောင်ရွက်မှု လိုအပ်နေသည်ဟု သုံးသပ် တင်ပြလိုက်ရသည်။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
 
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

The Economist, 2nd September 2010

"ပြီးပြည့်စုံခြင်း ဆိုတာ သူသေပြီးရင် ဖြစ်ရမယ်" ဟု W.H.Auden က ၎င်း၏ စာအုပ် "Epitaph on a Tyrant" (အာဏာရှင်၏ အုတ်ဂူတွင် ထွင်းမည့်စာ) တွင် ရေးသားခဲ့သည်။ ထို ရည်ရွယ်ချက်ဖြင့်ပင် ဗိုလ်ချုပ်မှူးကြီး သန်းရွှေသည် လုပ်ကိုင်လာခဲ့ရာ ၎င်းသည် မြန်မာနိုင်ငံကို မြေကြီးထဲသို့ စုန်းစုန်းမြှုပ် စေခဲ့သောသူ ဖြစ်သည်။ သူသည် ရှင်းပြ၍ မရနိုင်သော မဟာ အမှားကြီး ဖြစ်သော ရန်ကုန်နှင့် ကီလိုမီတာ ၃၂၀ (မိုင် ၂၀၀) ခန့် ကွာဝေးသော ငှက်ဖျား ရှိရာ ဝေးလံသည့် အရပ်တွင် မြို့တော်သစ် တည်ဆောက်ခဲ့သည်ကို ရှင်းပြပေလိမ့်မည်။

သူ၏ ခေါင်းထဲတွင် ထိုပရောဂျက်ကိုသာ တချိန်လုံး စဉ်းစားနေဟန် ရှိသည်။ Benedict Rogers က သန်းရွှေ၏ အတ္ထုပ္ပတ္တိတွင် တစ်ချိန်က မြန်မာနိုင်ငံတွင် အမေရိကန် စစ်သံမှူး လုပ်ခဲ့သူ တစ်ဦး ပြောပြသော အဖြစ်အပျက် ကလေး တစ်ခုကို ရေးပြထားသည်။ တစ်ခါက ဧည့်ခံပွဲ တစ်ခုတွင် အဆိုပါ စစ်သံမှူးသည် သန်းရွှေထံသို့ ကပ်၍ မိတ်ဆက် စကားပြောခဲ့ရာ၊ ၎င်း စကား မဟနိုင်မီမှာပင် သန်းရွှေက "ကင်ဘာရာနဲ့ ဆစ်ဒနီ၊ ဝါရှင်တန် ဒီစီနဲ့ နယူးယောက်၊ The Hague နဲ့ အမ်စတာဒမ်၊ အော့တဝါနဲ့ တိုရန်တို၊ နိုင်ငံ အများစုမှာ အဓိက လူဦးရေ ထူထပ်တဲ့ စီးပွားရေး စင်တာတွေနဲ့ သီးခြား အုပ်ချုပ်ရေး မြို့တော် ရှိကြတယ်" ဟု ကျက်မှတ်ထားသည်များကို ရွတ်သွားသည့်နှယ် ပြောပြီး ဖြေးညှင်းစွာ ထွက်သွားခဲ့သည် ဟု ဖော်ပြထားသည်။

အနည်းဆုံးတော့ အမေရိကန်သည် ဗိုလ်ချုပ်မှူးကြီးကို အသိအမှတ် ပြုခဲ့သည်။ အကယ်၍ သန်းရွှေသည် စစ်ရာဇဝတ်မှုများနှင့် အာဏာဖြင့် မတရားပြုခဲ့မှု အတွက် ရှေ့ဆုံးတန်းမှ အပြစ်ပေးခံမည် ဆိုလျှင်တောင် မြန်မာနိုင်ငံ ပြင်ပမှ နိုင်ငံ အနည်းငယ်ကသာ ၎င်း၏ နာမည်သော် လည်းကောင်း၊ မျက်နှာကို သော်လည်းကောင်း သိပေလိမ့်မည်။ သို့သော်ငြားလည်း သန်းရွှေသည် သန်းငါးဆယ် ကျော်သော လူများအပေါ် ဆယ်စုနှစ် နှစ်ခုခန့် မှားယွင်းစွာ အုပ်ချုပ်ခဲ့ပြီး ဖြစ်သည်။ ထို့ကြောင့် Mr Rogers သည် လိုအပ်နေသော ၎င်း၏ ဘဝ ဇာတ်ကြောင်းကို ခွဲခြမ်း စိတ်ဖြာ ရေးသားခြင်းသည် ရဲဝံ့သော လုပ်ဆောင်မှုပင် ဖြစ်သည်။

သို့သော် ဝမ်းနည်းဖွယ် ကောင်းသည်မှာ ၎င်း၏ အမှန်တရား ရှာဖွေမှုမှာ အလုပ်မဖြစ်ခဲ့ပေ။ စာရေးဆရာလည်းဖြစ်၊ လူ့အခွင့်အရေး လှုပ်ရှားသူလည်း ဖြစ်သူ Mr Rogers သည် မြန်မာတွေ အကြောင်း သိပါသည် ဆိုသော်ငြားလည်း လျှို့ဝှက်လွန်းသော မြန်မာ အစိုးရနှင့် နဖူးတွေ့ ဒူးတွေ့ တွေ့ရလေတော့သည်။ ထို့ကြောင့် ၎င်းသည် အတင်းအဖျင်းများ၊ အဖြစ်အပျက်များ၊ အရေး မပါလှသော တရားဝင် သတင်းများ၊ ခန့်မှန်းချက်များ အပေါ်တွင်သာ အခြေခံ၍ ရေးသားခဲ့ရသည်။ ဗိုလ်ချုပ်မှူးကြီး မွေးသော နေရာနှင့် ပတ်သက်၍တောင် သန်းရွှေနှင့် ရင်းနှီးသော စီးပွားရေးသမား၏ ခင်မင် ရင်းနှီးသူထံမှ သေချာစွာ မေးမြန်းယူရသည့် အဖြစ်တွင် ရှိသည်။

ပိုဆိုးသည်မှာ သန်းရွှေသည် သာမန် လူများနှင့် ကွဲပြားသော အချက် အတော်များများ ရှိဟန် တူသည်။ ကုလသမဂ္ဂ အကြီးတန်း ကိုယ်စားလှယ် တစ်ဦးက ကောင်းမွန်စွာ ဝတ်စားပြီး၊ မတ်မတ်ထိုင်၍ ကြည့်ကောင်းသော သန်းရွှေသည် သူ့ကိုယ်သူ အလွန် ဂုဏ်ယူနေ ပုံပေါက်သည်ဟု ထင်မြင်သည်ဟု ဆိုသည်။ ထိုင်း သံတမန်ဟောင်း တစ်ဦး၏ အဆိုအရမူ တောင့်တင်းပြီး မျက်မှန်နှင့် ကွမ်းချိုး (ဂျိုး) ရှိသော သွားများနှင့် ပုဂ္ဂိုလ်ဟု သိရသည်။

၎င်းနှင့် ပတ်သက်သော အချို့ အရာများမှာ သိရှိပြီး ဖြစ်သည်။ ကမ္ဘာပေါ်တွင် အဆင်းရဲဆုံး နိုင်ငံ၌ သမီးတော်၏ ကြီးကျယ် ခမ်းနားသော မင်္ဂလာဆောင် ဗွီဒီယို အပြင်သို့ ထွက်ခဲ့ရာ ပြည်သူ၏ အမြင်နှင့် ပတ်သက်၍ သန်းရွှေကြီး အလွန် ဒေါသထွက်သည် ဆိုသော အကြောင်းများ ဖြစ်သည်။ အခြား လျှို့ဝှက် မထားသော ကိစ္စတစ်ခုမှာ သူသည် ဗေဒင် ယတြာများကို ယုံကြည်ခြင်းပင် ဖြစ်သည်။ သူ အနှစ်သက်ဆုံး အကြားအမြင် ဆရာမှာ ရုပ်ရှင် ဇာတ်ကောင် ET နှင့် တူ၍ ET ဟု အမည် ပေးထားသော အသက် လေးဆယ်ကျော် ဝန်းကျင်ရှိ လူကောင် သေးသေး ရှေ့ဖြစ်ဟော ဆရာမ ဖြစ်သည်။ လယ်သမားများအား ဇီဝလောင်စာ အတွက်ဟု ဆိုကာ ကြက်ဆူပင်များ အတင်း အကြပ် စိုက်ခိုင်းခြင်း ကဲ့သို့သော အမှားမျိုး အတွက် ရှင်းလင်းချက်မှာ ဗဟုသုတ ကြွယ်ဝ၍ဟု ပြော၍ မရနိုင်ပေ။ ဗေဒင် ဆရာ၏ ဒေါ်အောင်ဆန်းစုကြည် အပေါ် ယတြာ ချေခိုင်းခြင်းကြောင့် ဖြစ်သည်။

သို့သော် စာအုပ်တွင် သန်းရွှေနှင့် ပတ်သက်သော ကျွန်ုပ်တို့ သေချာစွာ သိရှိသည့် အကြောင်းအရာ အနည်းငယ် ဖြည့်စွက်ခဲ့မည် ဆိုပါက သန်းရွှေ ခေါင်းဆောင်သော အစိုးရ၏ စိတ်မချမ်းသာဖွယ်များကို အချိန်မီ သိရှိကြရမည် ဖြစ်သည်။ အစိုးရ ခေါင်းဆောင်များသည် နိုဝင်ဘာ ရွေးကောက်ပွဲ အပြီးတွင်လည်း အာဏာ ဆက်လက် ကိုင်ထားရန် သေချာနေသည် ဆိုသည့် ကိစ္စမျိုး ဖြစ်သည်။ Mr Rogers က သန်းရွှေ ဆက်ခံခဲ့သည့် နေဝင်း လက်ထက်ကလည်း ၎င်း၏ အာဏာရှင် စနစ်ကို အရပ်သား မျက်နှာဖုံး တပ်ခဲ့သည်ဟု ညွှန်ပြထားသည်။

သို့သော် သန်းရွှေသည် သူကိုယ်တိုင်၏ အကြောင်းများကိုမူ သိုသိုဝှက်ဝှက် ရှိသည်။ အနည်းငယ်မျှပင် မသိရှိရသည့် အတွက် အချို့က သူ့ကို အလွန် ဥာဏ်ကောင်းသည်ဟု ထင်နေပုံ ရသည်။ သူ၏ ပုံမှန် ဗျူဟာများနှင့် အာဏာ ဆက်လက် ချုပ်ကိုင်ထားမှုများကို အများက အမြဲတမ်း လျော့တွက်ခဲ့ကြသည်။ Mr. Rogers က ၎င်းရေးသားသော အတ္ထုပ္ပတ္တိ စာအုပ်တွင် စာရင်းဇယား ကောက်ယူထားသော သန်&#