Transparency Myanmar

transparency.myanmar@gmail.com

yangonchronicle2011 Op-Ed
yangonchronicle2011 Op-Ed

၎.၁၂.၂၀၁၁

ဆောင်းပါးကဏ္ဍ

  1. ဘက်နှစ်ဘက်နှင့် တူညီသောပန်းတိုင်

******************************

ဆောင်းပါးကဏ္ဍ

ဘက်နှစ်ဘက်နှင့် တူညီသောပန်းတိုင်

လွတ်လပ်ရေးနှင့်အတူ ရရှိခဲ့သောဆိုးမွေ ပြည်တွင်းစစ်ကြီးမှာ နှစ်ပေါင်းခြောက်ဆယ်ကျော် ခုနှစ်ဆယ်နီးပါး ရှိလာပြီဖြစ်သည့်တိုင် အဆုံး မသတ်နိုင်သေးသည့်အဖြေကို အစိုးရအဆက်ဆက်က တမင်မရှာခဲ့တာလား၊ မသိချင်ယောင်ဆောင်ခဲ့တာလား မရခဲ့တာလားဆိုသည်မှာ မြန်မာ့ ငြိမ်းချမ်းရေး ရှာဖွေသူတွေ ယနေ့တိုင် မျက်စိလည်နေရသေးသည့် အခြေအနေပင်ဖြစ်သည်။ မြန်မာအစိုးရအဆက်ဆက်အနေဖြင့် ပြည်တွင်းစစ်ကို ရပ်နိုင်သည့် အခြေအနေတွေ ရှိပါလျက်နှင့် တမင်တကာ မရပ်ခဲ့ခြင်းဖြစ်သည်ဟုဆိုရမည့် သက်သေသာဓကတွေကလည်း များစွာရှိနေပြန်သည်။

ပြည်တွင်းစစ်ကို ရင်ဆိုင်ခဲ့ရာ၌ အကြီးမားဆုံးပြဿနာမှာ ဗကပနှင့် ကေအင်န်ယူဟု ဆိုရမည်ဖြစ်ပြီး ဗကပပြိုကွဲသွားသည့်တိုင် ကေအင်န်ယူ ကျန်နေခဲ့သေးသည်။ ထိုဖြစ်ရပ်ကိုကြည့်လျှင် မြန်မာ့တပ်မတော်မှာ အမြစ်ဖြတ်ချေမှုန်းရမည့်ရန်သူကို မည်မျှပင် အင်အားကြီးမားစေကာမူ လိုအပ်လျှင် ချေမှုန်းနိုင်သည်ဟု ဆိုရမည်ဖြစ်သည်။ ရန်ကုန်အစိုးရဟု လှောင်ပြောင်ခေါ်နေကြချိန်တွင်ပင် မြန်မာတစ်နိုင်ငံလုံးပြန်ရအောင် တိုက်နိုင်ခဲ့သည်မှာ မြန်မာ့ တပ်မတော်၏ လျော့တွက်၍မရသည့် အရည်အသွေးပင်ဖြစ်သည်။ ဆိုရလျှင် ဗကပအမည်ခံ တရုတ်နီတပ်တွေကိုလည်း အင်အားချင်းမမျှ သည့်တိုင် လှေခွက်ချည်းကျန်အလံမလှဲ တိုက်နိုင်ခဲ့သည်။ ကျူးကျော်ဝင်ရောက်လာသည့် တရုတ်ဖြူတပ်တွေကိုလည်း အသက်သွေးချွေးများစွာပေး၍ တိုက်ခဲ့ သည်။ ဗကပကိုဆက်ခံသော တရုတ်ကိုးကန့်တွေ၊ ဝ အဖွဲ့တွေကိုလည်း အခြေအနေအတိုင်းအတာတစ်ခုထိ ငြိမ်သွားအောင် ထားနိုင်ခဲ့သည်။ ဗကပမှာ နိုင်ငံရေးအိုင်ဒီယိုလိုဂျီကွဲ၍ ဖြစ်သလို တရုတ်ဖြူမှာပြည်ပကျူးကျော်မှု ဖြစ်သည်။ ကွန်မြူနစ်ပါတီက အာဏာကိုလိုချင်သည်။ ထိုစဉ်က ခေါင်းဆောင် အများစုက ဗမာတွေဖြစ်သည်။ ထို့ကြောင့် ကွန်မြူနစ်ရန်ကိုကြောက်နေရသည့်အချိန်တွင် ကွန်မြူနစ်ပါတီကို အပြုတ်တိုက်လိုက်ခြင်း ဖြစ်သည်။ တရုတ်ပြည်ကလည်း အစပထမပိုင်း၌ ဗမာပြည်ကွန်မြူနစ်ပါတီကို လက်နက်အင်အား၊ လူအင်အား ထောက်ပံ့ခဲ့သော်လည်း တိန့်ရှောင်ဖိန်၏ အိုင်ဒီယာကြောင့် မြန်မာအစိုးရနှင့် ဆက်ဆံရေးကောင်းမွန်စေရန် ဗကပကို ဒေါက်တစ်ချောင်း ဖြုတ်လိုက်သည်။ သို့နှင့် သက်ဆိုးရှည်နေသော ဗကပ အပြီးတိုင်ပြိုကွဲသွားရခြင်း ဖြစ်သည်။ တရုတ်ဖြူမှာလည်း ထိုနည်းနှင်နှင်ပင် ပြည်ပကျူးကျော်မှုဖြစ်၍ ပြည်တွင်းတိုင်းရင်းသား လက်နက်ကိုင်တွေမှာ ထိုစဉ်က အစိုးရနှင့် ဖြစ်ပွားနေသော တိုက်ပွဲများကို အရှိန်လျော့၍ ပြည်ပကျူးကျော်မှုကို အလေးထားခဲ့ကြသည်။ ထို့ကြောင့် ဗကပနှင့် တရုတ်ဖြူ ကျူးကျော်မှုပြဿနာမှာ ကျန် ရှမ်း၊ ကချင်၊ ကရင်၊ ကယန်း၊ ရခိုင် စသည့် တိုင်းရင်းသားလက်နက်ကိုင် အဖွဲ့များနှင့် ဖြစ်ပွားနေသည့် ပြဿနာများကဲ့သို့ ရှုပ်ထွေးမှုမရှိပေ။

တိုင်းရင်းသားလူမျိုးစု ပြဿနာမှာ ထို့ထက်ပို၍ ရှုပ်ထွေးလာသည်။ ဆိုရလျှင် သမိုင်းကြောင်းအရ ရှုပ်ထွေးမှုများစွာရှိနေပြီး အနီးစပ်ဆုံး လွတ်လပ်ရေးယူရန် ပင်လုံစာချုပ်ချုပ်ဆိုစဉ်တည်းကပင် မပြတ်မသားမှုများ ရှိနေခဲ့ကြသည်။ ပင်လုံစာချုပ်ပါအချက်တွေမှာ နောင်ဆယ်နှစ်ခန့်အကြာ မှာပင်  တိုင်းရင်းသားလက်နက်ကိုင်တွေနှင့် ဇာတ်နာကြီး၏ ပိတ်ကားကို စတင်ဖွင့်လှစ်ခဲ့ရတော့သည်။ ထိုဇာတ်နာကြီး၏ နောက်ဆက်တွဲအရ လူ့ အခွင့်အရေးချိုးဖောက်မှုများ၊ အထွေထွေ နိမ့်ကျမှုများနှင့် တိုင်းပြည်မှာလည်း ဆင်းရဲတွင်း နက်သထက်နက်လာခဲ့သည်။ တိုင်းရင်းသားနှင့် အစိုးရ စစ်တပ်မှ တိုင်းရင်းသားနှင့် ဗမာလူမျိုးအထိ အကျယ်အကျယ် မငြိမ်းဖွယ်တွေ ဖြစ်ခဲ့ရသည်မှာ ယနေ့တိုင်ဖြစ်သည်။

တပ်မတော်အာဏာသိမ်းပြီးချိန်မှစ၍ တရုတ်ပြည်၏ အကူအညီဖြင့် ဗကပကို အပြီးတိုင်ပျောက်ကွယ်စေခဲ့ပြီး ယင်းကို ဆက်ခံသည့် ကိုးကန့်၊ ဝ နှင့် အခြားသော တိုင်းရင်းသားလက်နက်ကိုင်များကိုလည်း ဗိုလ်ချုပ်ကြီးခင်ညွန့်၏ အစီအမံဖြင့်  တစ်ဖွဲ့ပြီးတစ်ဖွဲ့ ငြိမ်းချမ်းရေး ရယူနိုင်ခဲ့သည်။ သို့သော် ထိုငြိမ်းချမ်းရေးမှာ အပစ်အခတ် ရပ်စဲရေးထက်ပိုသော အခြေအနေမျိုး မဟုတ်ခဲ့ပေ။ လက်နက်အပြီးတိုင် ဖြုတ်သိမ်းနိုင်ခြင်းမရှိခဲ့ပေ။ ကမ္ဘာပေါ်တွင် မည်သည့်နိုင်ငံမှာမျှ မရှိခဲ့သည့်ပုံစံကို ခွင့်ပြုခဲ့ရခြင်းဖြစ်သည်။ ထိုသို့ဖြင့်ပင် တိုင်းရင်းသားလက် နက်ကိုင်က အခွင့်အရေးတိုးယူလိုက် မြန်မာအစိုးရက တင်းလိုက်၊ ပြန်လည်ပစ်ခတ်မှု ဖြစ်ပွားလိုက်ဖြင့် သံသရာလည်နေခဲ့သည်မှာ ယနေ့တိုင်ဖြစ်သည်။ ထိုအခြေအနေကို နိုင်ငံရေး လေ့လာသုံးသပ်သူ များက ဦးနေဝင်းလက်ထက်မှသည် ဦးသန်းရွှေလက်ထက်အထိ မြန်မာစစ်တပ်အနေဖြင့် ပြည်တွင်းလက်နက်ကိုင်ပြဿနာကို တန်ဆာခံလုပ်၍ စစ်အစိုးရ သက်ဆိုးရှည်စေရန် ကြိုးပမ်းခဲ့ခြင်းဟု မှတ်ချက်ပြု ကြသည်။

၂၀၁၀ ရွေးကောက်ပွဲအပြီးတွင် အရပ်သား အစိုးရသစ်တက်လာခဲ့ပြီး ပြည်တွင်းစစ်ကို အဆုံးသတ်နိုင်လိမ့်မည်ဟု မျှော်လင့်ခဲ့ကြသည်။ ၂၀၀၈ ဖွဲ့စည်းပုံ အခြေခံဥပဒေတွင် တိုင်းရင်းသားပြည်နယ်များအတွက် ရသင့်ရထိုက်သည့် အခွင့်အရေးများ ပေးထားပြီးဖြစ်၍ ထိုပေးထားချက်များကိုသာ လက်တွေ့ အကောင်အထည်ဖော်နိုင်ခဲ့လျှင်  တိုင်းရင်းသားပြဿနာမှာ အတော်အတန်ပြေလည်သွားလိမ့်မည်ဟု မျှော်လင့်ခဲ့ကြသည်။ သို့သော် အစိုးရ သစ်လက်ထက်တွင် ကချင်တိုင်းရင်းသား လက်နက်ကိုင် KIA အဖွဲ့နှင့် ဖြစ်ပွားသော တိုက်ပွဲမှစ၍  ရှမ်း၊ ကရင် လက်နက်ကိုင်များနှင့်ပါ တိုက်ပွဲများ အကြီးအကျယ်ဖြစ်ပွားခဲ့သဖြင့် ဝေဖန်မှုမျိုးစုံ ထွက်ပေါ်လာခဲ့သည်။ အစိုးရကမူ ၂၀၀၈ ဖွဲ့စည်းပုံ အခြေခံဥပဒေအရ လက် နက်ကိုင်အဖွဲ့များအားလုံးမှာ တစ်ခုတည်းသော တပ်မတော်၏အောက်တွင်သာ ထားရှိရမည်ဖြစ်သည်ဟု အကြောင်းပြခဲ့သည်။ ကမ္ဘာပေါ်တွင် ပြည်နယ်များကို သီးခြားတပ်မတော် ထားရှိခွင့်ပြုသည့်နိုင်ငံဟူ၍မရှိပါဟု ရပ်ခံသည်။ ထိုသို့ဖြင့် နယ်ခြားစောင့်တပ် မလုပ်လိုသည့် တိုင်းရင်းသားလက်နက်ကိုင်များနှင့် တိုက်ပွဲများ အကြီးအကျယ် ပြန်လည်ဖြစ်ပွားကာ ကမ္ဘာ့အသိုင်းအဝိုင်းမှ စိုးရိမ်တကြီး ထုတ်ဖော်ပြောဆိုရသည်အထိ ပြဿနာကြီးထွားလာခဲ့သည်။

မြန်မာအစိုးရသစ်အနေဖြင့် အဆိုပါ ပြဿနာကို ဖြေရှင်းရန် ကြိုးပမ်းခဲ့သော်လည်း တိုင်းရင်းသားလက်နက်ကိုင် တစ်ဖွဲ့ချင်းစီ၏ မတူညီသော လိုအင်ဆန္ဒများကြောင့် အဆင်မပြေဖြစ်ခဲ့ရသည်။ ထို့ကြောင့် တိုင်းရင်းသားအားလုံးနှင့် အစိုးရတို့ တိုက်ရိုက်ဆွေးနွေးမည့်အစီအစဉ်မှာ အကောင် အထည် ပေါ်မလာခဲ့ပေ။ သမ္မတ ဦးသိန်းစိန်သည် ပြည်နယ် အသီးသီးရှိ တိုင်းရင်းသားလက်နက်ကိုင်များကို သက်ဆိုင်ရာ ပြည်နယ်အစိုးရများနှင့် ပဏာမ ငြိမ်းချမ်းရေးဆွေးနွေးရန် ကမ်းလှမ်းခဲ့သော်လည်း တိုင်းရင်းသားလက်နက်ကိုင်များအားလုံး စုပေါင်း၍ ဗဟိုအစိုးရနှင့် တိုက်ရိုက်ဆွေးနွေးရန် သာ ပြန်လည်တုံ့ပြန်ခဲ့ကြသဖြင့် တိုက်ပွဲများ အရှိန်တိုးမြှင့်လာခဲ့သည်။ ထို့ကြောင့် သမ္မတ ဦးသိန်းစိန်သည် ပြည်ထောင်စုအဆင့်ဝန်ကြီးများကို တိုင်းရင်းသားလက်နက်ကိုင်များနှင့် ဆွေးနွေးရန်စေလွှတ်ခဲ့ပြီး ထိုသို့စေလွှတ်ရာတွင်လည်း လူထုလက်ခံသည့် ပြည်ထောင်စုဝန်ကြီးများကို စေလွှတ်ခဲ့ သည်။ တိုင်းရင်းသား လက်နက်ကိုင်တစ်ဖွဲ့ချင်း၏ သဘောထားများနှင့် လိုအင်ဆန္ဒများမှာ မတူညီကြသည့်အလျှောက် တစ်ဖွဲ့ချင်းအလိုက် ဆွေးနွေး ပြီးမှ သမ္မတကြီးကိုယ်တိုင် အပြီးသတ်ဆွေးနွေးမည့်ပုံစံလည်း ဖြစ်သည်။

တိုင်းရင်းသားလက်နက်ကိုင်များကို သုံးသပ်ရလျှင် လူမျိုးရေးအရ၊ တန်းတူအခွင့်အရေးအတွက် တော်လှန်နေသည့် တိုင်းရင်းသား လက်နက်ကိုင်နှင့် လက်နက်မရှိတော့လျှင် အာဏာမရှိဟုထင်၍ လက်နက်ကိုင် ကိုယ်ကျိုးရှာနေသည့် တိုင်းရင်းသားလက်နက်ကိုင်ဟူ၍ နှစ်မျိုးနှစ်စား တွေ့ရပါလိမ့်မည်။ အချို့တိုင်းရင်းသားလက်နက်ကိုင်များမှာ နိုင်ငံရေးအကြောင်းပြ၍ ကိုယ်ကျိုးလုပ်နေသည်မှာလည်း ငြင်း၍မရသော အချက်များပင် ဖြစ်ပါသည်။ လူမျိုးရေးအရ၊ တန်းတူအခွင့်အရေးအတွက် တော်လှန်နေသည့် တိုင်းရင်းသားများအနေဖြင့် ၂၀၀၈ခုနှစ်ဖွဲ့စည်းပုံအရ တိုင်းရင်းသားများ ကိုယ်တိုင် နိုင်ငံရေးတွင် ပါဝင်ခွင့်၊ ပါတီထောင်ခွင့်နှင့် မိမိပြည်နယ်အတွက် လုပ်ပိုင်ခွင့်များရရှိလာပြီကို သဘောပေါက်ပြီး လွှတ် တော်နိုင်ငံရေးတွင် ပါဝင်ရန် စိတ်ဝင်စားလာကြကာ  ယုံကြည်စိတ်ချရသည့် အခြေအနေရောက်လျှင် လက်နက်စွန့်ရန် အသင့်ဖြစ်နေကြပြီဖြစ်သည်။ ၎င်းတို့၏ နိုင်ငံရေး ရပ်တည်ချက်အရပင်လျှင် တိုင်းရင်းသားလူမျိုးများအတွက်ဖြစ်ရာ အမှန်တကယ်သာ တိုင်းရင်းသားများအတွက် တန်းတူညီတူအခွင့်အရေး ရခဲ့ပါလျှင် ၎င်းတို့အနေဖြင့်လည်း လက်နက်စွဲကိုင်လိုစိတ် မရှိတော့သည်မှာ သေချာလှသည်။

ကိုယ်ကျိုးအတွက် အစိုးရကို တိုက်နေသည့် လက်နက်ကိုင်များအနေဖြင့်လည်း တိုင်းရင်းသားအားလုံး နိုင်ငံရေးတွင် ပါဝင်ခွင့်ရနေချိန်၊ ယခင်က စစ်တလင်းဖြစ်ခဲ့သောဒေသများ ဖွံ့ဖြိုးတိုးတက်လာချိန်တွင် ၎င်းတို့အတွက် နေရာမရှိတော့သည်ကို ကောင်းစွာ သဘောပေါက်ပါလိမ့်မည်။ တိုင်းရင်းသားလက်နက်ကိုင်များအနေဖြင့် ငြိမ်းချမ်းရေးကို အမှန်တကယ်လိုလားလျှင် အစိုးရက လမ်းဖွင့်ပေးထားကြောင်း၊ လွှတ်တော်နိုင်ငံရေးတွင် ပါဝင်လာစေလိုကြောင်း၊ အစိုးရအနေဖြင့် တိုင်းရင်းသားလက်နက်ကိုင်များကို  နာရီပိုင်းအတွင်းတိုက်နိုင်ကြောင်း သမ္မတကြီး ဦးသိန်းစိန်က လက်တွေ့ ကျကျ ပြောဆိုခဲ့ပြီးလည်းဖြစ်သည်။

မည်သို့ပင်ဆိုစေကာမူ အစိုးရသစ်အနေဖြင့် နှစ်ပေါင်းခြောက်ဆယ်ကျော်ကြာခဲ့ပြီဖြစ်သည့် ဆိုးမွေကြီးကို အဆုံးသတ်၍ နိုင်ငံကို အမှန်တကယ် ပြုပြင်ပြောင်းလဲရန် ကြိုးစားနေပြီဖြစ်သည်။ ထို့ကြောင့် ယခင်အစိုးရအဆက်ဆက်က အပြီးသတ်မလုပ်ခဲ့သော ငြိမ်းချမ်းရေးကို ယခုအစိုးရလက်ထက် တွင် အပြီးတိုင်ကြိုးပမ်းပါလိမ့်မည်။ တိုင်းရင်းသားများအနေဖြင့်လည်း တန်းတူအခွင့်အရေးရလာသည်နှင့်အမျှ ၎င်းတို့ရင်စည်းခံခဲ့ရသော ပြည်တွင်းစစ် ကို အဆုံးသတ်ချင်ကြပါလိမ့်မည်။ ဆိုရလျှင် ဘက်နှစ်ဘက်သည် တူညီသောပန်းတိုင်ဆီသို့ ဦးတည်နေကြပြီး ပန်းတိုင်ရောက်ရန်မှာမူ နှစ်ဦးနှစ်ဖက်၏ စေတနာမှန်မှုကသာ အဖြေဖြစ်ပါလိမ့်မည်။

************************************************************************


Google Docs makes it easy to create, store and share online documents, spreadsheets and presentations.
Logo for Google Docs

yangonchronicle2011
yangonchronicle2011

၎.၁၂.၂၀၁၁

ပြည်တွင်းသတင်းများ

  1. ဘယ်လာရုစ်နှင့် မြန်မာ သဘောတူစာချုပ်များရေးထိုး
  2. စက်မှု(၁) ရုံးဟောင်း ဟိုတယ်အဖြစ် တည်ဆောက်မည်

ပြည်တွင်းပါတီ၊ နိုင်ငံရေးသတင်းများ

  1. ဒေါ်အောင်ဆန်းစုကြည် ကော့မှူးမဲဆန္ဒနယ်၌ ဝင်ပြိုင်ရန်စီစဉ်
  2. နိုင်ငံရေးအကျဉ်းသားများကို ဆက်လက်လွှတ်ပေးရန် စိစစ်ရေးလုပ်ငန်းများ စတင်
  1. မိတ်ဆွေပါတီများမှ မြေယာပိုင်ဆိုင်ခွင့် ဥပဒေနှင့် ပတ်သက်၍ ကြေညာချက် ထုတ်ပြန်

သတင်းနှင့် ဆောင်းပါးများမှ ကောက်နှုတ်ချက်များ

********************************************

ပြည်တွင်းသတင်းများ

ဘယ်လာရုစ်နှင့် မြန်မာ သဘောတူစာချုပ်များရေးထိုး

ဘယ်လာရုစ်သမ္မတနိုင်ငံနှင့် မြန်မာနိုင်ငံတို့အကြား ဒီဇင်ဘာလ ၂ ရက်နေ့တွင် သဘောတူစာချုပ်များ ရေးထိုးချုပ်ဆိုခဲ့ကြောင်း သိရသည်။

သဘောတူစာချုပ်များမှာ နှစ်နိုင်ငံအကြား ကုန်သွယ်မှုနှင့် စီးပွားရေး ပူးပေါင်းဆောင်ရွက်မှု၊ နှစ်နိုင်ငံ သံတမန်နှင့် အထူးနိုင်ငံကူးလက်မှတ် ကိုင်ဆောင်သူများ ပြည်ဝင်ဗီဇာ ကင်းလွတ်ခွင့်ပေးရေး သဘောတူစာချုပ်၊ နှစ်နိုင်ငံအကြား ပညာရေးနယ်ပယ်တွင် ပူးပေါင်းဆောင်ရွက်ရန် သဘောတူ စာချုပ်၊ လယ်ယာစိုက်ပျိုးရေးကဏ္ဍတွင် ပူးပေါင်းဆောင်ရွက်ရန် သဘောတူစာချုပ်၊ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်နှင့် ကုန်သည်များနှင့် စက်မှုလက်မှုလုပ်ငန်းရှင်အသင်းတို့အကြား ပူးပေါင်းဆောင်ရွက်ရေးသဘောတူစာချုပ်များကို လက်မှတ်ရေးထိုး ချုပ်ဆိုနိုင်ခဲ့ကြောင်း သိရသည်။

မြန်မာနိုင်ငံနှင့် ပညာရေး၊ ကူးသန်းရောင်းဝယ်ရေး ကဏ္ဍပေါင်းစုံတွင် ပူးပေါင်းဆောင်ရွက်သွားမည်ဖြစ်ကြောင်း၊ မြန်မာနိုင်ငံနှင့် အောင်မြင်စွာ ပူးပေါင်းဆောင်ရွက်မည်ဖြစ်ကြောင်း၊ နှစ်နိုင်ငံပူးပေါင်း၍ ကုန်ပစ္စည်းထုတ်လုပ်မှုများ ဆောင်ရွက်ပြီး အိမ်နီးချင်းနိုင်ငံများသို့ တင်ပို့ရန် ရည်ရွယ်ကြောင်း၊ မြန်မာနိုင်ငံ၏ ဘူမိဗေဒဆိုင်ရာလုပ်ငန်းများတွင် ပူးပေါင်းဆောင်ရွက်လိုပါကြောင်း ဘယ်လာရုစ်သမ္မတနိုင်ငံ ဝန်ကြီးချုပ်က ပြောကြားချက်အရ သိရ သည်။

မြန်မာနိုင်ငံတွင် ရင်းနှီးမြှုပ်နှံမှုလုပ်ငန်းများနှင့် ပတ်သက်၍ တရုတ်နိုင်ငံ၏ ရင်းနှီးမြှုပ်နှံဆောင်ရွက်မှု လုပ်ငန်းများဖြစ်သော မြန်မာနိုင်ငံမှ တစ်ဆင့် တရုတ်နိုင်ငံ ယူနန်ပြည်နယ်ကိုဖြတ်၍ အရှေ့အလယ်ပိုင်းမှ ရေနံများကိုသယ်ယူရန် ပိုက်လိုင်းများတည်ဆောက်ခြင်း၊ မီးရထားလမ်း ဖောက် လုပ်ခြင်း၊ ထိုင်းနိုင်ငံ၏ ရင်းနှီးမြှုပ်နှံမှုဖြစ်သည့် ထားဝယ်ရေနက်ဆိပ်ကမ်းများ၊ တရုတ်၊ ဂျပန်နှင့် တောင်ကိုးရီးယားတို့က ရေနက်ဆိပ်ကမ်းနှင့် အခြား စီးပွားရေးနယ်ပယ်များတွင် ရင်းနှီး မြှုပ်နှံရန် စီစဉ်ဆောင်ရွက်ထားမှု အခြေအနေများကို နိုင်ငံတော်သမ္မတကြီးမှ ဆွေးနွေးခဲ့ကြောင်းသိရသည်။

၎င်းအပြင် မြန်မာနိုင်ငံ၌ စိုက်ပျိုးရေးအခြေခံလုပ်ငန်းများ၊ သားငါးထုတ်လုပ်မှု၊ ရော်ဘာနှင့်ပတ်သက်သည့် စက်မှုလက်မှုလုပ်ငန်းများ၊ ပဲမျိုးစုံနှင့် ပတ်သက်သည့် စက်ရုံများ၊ သတ္တုလုပ်ငန်းများ၊ စွမ်းအင်ကဏ္ဍ ရင်းနှီးမြှုပ်နှံမှုလုပ်ငန်းများ လာရောက်လုပ်ကိုင်ရန် နိုင်ငံတော်သမ္မတမှ ဖိတ်ခေါ်ခဲ့ကြောင်း သိရသည်။

မြန်မာနိုင်ငံနှင့် ဘယ်လာရုစ်သမ္မတနိုင်ငံတို့သည် ၁၉၉၉ ခုနှစ်မှ စတင်ကာ သံတမန်ဆက်ဆံရေးထူထောင်ခဲ့ပြီး နှစ်ပေါင်း ၁၂ နှစ်အကြာတွင်မှ ပထမဆုံးအစိုးရအဖွဲ့အကြီးအကဲ မြန်မာနိုင်ငံသို့ လာရောက်သည့် ခရီးစဉ်ဖြစ်ကြောင်း သိရသည်။

YC

-----------------------------------------------------------------------------------------------------------------------------------

စက်မှု(၁) ရုံးဟောင်း ဟိုတယ်အဖြစ် တည်ဆောက်မည်

ရန်ကုန်မြို့ စက်မှု(၁)လမ်းနှင့် ကမ္ဘာအေးဘုရားလမ်းထောင့်ရှိ အမှတ်(၁) စက်မှုဝန်ကြီးဌာနရုံးဟောင်းအား ဗီယက်နမ်နိုင်ငံမှ လုပ်ငန်းရှင် များက ဟိုတယ်တည်ဆောက်ရင်းနှီးမြှုပ်နှံရန် မူအားဖြင့် သဘောတူပြီးကြောင်း သိရသည်။

“ဆီဒိုးနားဟိုတယ်ဘေးက စက်မှု(၁)ရုံးဟောင်းကို ဗီယက်နမ်လုပ်ငန်းရှင်တွေက ဟိုတယ်အဖြစ် တည်ဆောက်လုပ်ကိုင်ဖို့ မူအားဖြင့် သဘောတူပြီးသွားပါပြီ” ဟု မြန်မာနိုင်ငံ ရင်းနှီးမြှုပ်နှံမှုကော်မရှင်ဥက္ကဋ္ဌ ဦးစိုးသိန်းက ပြောကြားခဲ့ကြောင်း သိရသည်။

မြန်မာနိုင်ငံ၏ ဟိုတယ်လုပ်ငန်းကဏ္ဍတွင် မြှုပ်နှံလိုကြောင်း မြန်မာနိုင်ငံရင်းနှီးမြှုပ်နှံမှု ကော်မရှင်သို့ ကမ်းလှမ်းထားသည့် ဂျပန်၊ မလေးရှား၊ စင်ကာပူ၊ ကိုရီးယားနိုင်ငံများမှ လုပ်ငန်းရှင်များကိုလည်း သတ်မှတ်ချက်ဖြင့် ကိုက်ညီပါက အားလုံးခွင့်ပြုပေးမည်ဟု မြန်မာနိုင်ငံ ရင်းနှီးမြှုပ်နှံမှုကော်မရှင် ဥက္ကဋ္ဌ ဦးစိုးသိန်းက ပြောကြားခဲ့ကြောင်းသိရသည်။

“ရန်ကုန်ဟိုတယ်တွေမှာလည်း ပြည့်နေပြီ။ နေပြည်တော်လည်း ပြည့်နေပြီ။ တစ်နှစ်လုံးစာလောက်အတွက် ပြည့်နေတာ။ နေပြည်တော်- ရန်ကုန် ဆိုရင် ပြည်တွင်းလေကြောင်းလိုင်းတောင် ကြပ်လာပြီ။ လက်ရှိအတိုင်းတောင် နိုင်ငံခြားခရီးသွားက များလာနေတာ 2013 မှာ ဆီးဂိမ်း၊ 2014 မှာ ASEAN SUMMIT တွေကို အိမ်ရှင်အဖြစ်လုပ်မှာ။ 2015 မှာ AFTA လာတော့မယ်။ အဲဒီလိုဆိုရင် နိုင်ငံခြားခရီးသွားတွေ အများကြီးဖြစ်လာမှာမို့လို့ ဟိုတယ်လိုအပ်ချက်က ရှိနေပြီ။ အဲဒီအတွက် ဘယ်နိုင်ငံပဲဖြစ်ဖြစ် ဟိုတယ်လုပ်ငန်းနဲ့မြှုပ်နှံမယ်ဆိုရင် အားလုံးကို သတ်မှတ်ချက်နဲ့ညီတာနဲ့ လက်ခံသွား မှာပါ။ ပြည်တွင်းကလုပ်ငန်းရှင်တွေ လုပ်ချင်ရင်လည်း လာလျှောက်ပါ ချက်ခြင်းလုပ်ကိုင်ခွင့်ပေးမယ်”ဟု MIC ဥက္ကဋ္ဌ ဦးစိုးသိန်းက ပြောကြားခဲ့ကြောင်း သိရသည်။

မြန်မာနိုင်ငံတွင် နိုင်ငံခြားခရီးသွားများ များပြားစွာဝင်ရောက်လာမှုကြောင့် မြန်မာနိုင်ငံတွင်းရှိ ဟိုတယ်များမှာ တစ်နှစ်ပတ်လုံးအတွက် ဧည့်သည်များ ပြည့်နေသည့် အနေအထားတွင် ရှိပြီး၊ လာမည့်နှစ်မှစ၍ ၂၀၁၅ ခုနှစ်အထိ မြန်မာနိုင်ငံသို့ နိုင်ငံခြားခရီးသွားများ ဝင်ရောက်မည့် အနေ အထားမှာ ပိုမိုများပြားမည်ဖြစ်သည့်အတွက် ဟိုတယ်လိုအပ်ချက်မှာ မြင့်မားမည်ဖြစ်ကြောင်းသိရသည်။ လကရှိမြန်မာနိုင်ငံတွင် ဟိုတယ်အလုံး ၇၀၀ နှင့် အခန်းပေါင်း ၂၇၀၀ ကျော်သာ ရှိသေးကြောင်းသိရသည်။

YC

****************************************************************

ပြည်တွင်းပါတီ၊ နိုင်ငံရေးသတင်းများ

ဒေါ်အောင်ဆန်းစုကြည် ကော့မှူးမဲဆန္ဒနယ်၌ ဝင်ပြိုင်ရန်စီစဉ်

ဒေါ်အောင်ဆန်းစုကြည်သည် လာမည့်ကြားဖြတ်ရွေးကောက်ပွဲ ကော့မှူးမဲဆန္ဒနယ်၌ ဝင်ရောက်အရွေးချယ်ခံမည်ဟု အမျိုးသားဒီမိုကရေစီ အဖွဲ့ချုပ် (NLD) မှ ဗဟိုအလုပ်မှုဆောင်တစ်ဦးက ပြောကြားသည်။

“ဒေါ်စုက တရားဝင် မကြေငြာသေးပေမဲ့ ကော့မှူးမှာ ဝင်ပြိုင်မယ်ဆိုတာကတော့ သေချာသွားပြီ” ဟု ၎င်းကဆိုသည်။

ကော့မှူးမြို့နယ် ပြည်သူ့လွှတ်တော်တွင် ဝင်ရောက်အရွေးချယ်ခံပြီး အနိုင်ရသွားသော ကြံ့ခိုင်ရေးနှင့် ဖွံ့ဖြိုးရေးပါတီအမတ် ဦးစိုးတင့်သည် ဆောက်လုပ်ရေးဝန်ကြီးဌာနမှ ဒုဝန်ကြီးရာထူး တာဝန်ထမ်းဆောင်ရသည့်အတွက် ကော့မှူးမဲဆန္ဒနယ်သည် လစ်လပ်နေရာဖြစ်သွားကြောင်း သိရသည်။

နိုင်ငံရေးအင်အားစုများထဲတွင် တချို့က ဒေါ်အောင်ဆန်းစုကြည်ကို လာမည့်ကြားဖြတ်ရွေးကောက်ပွဲတွင် မဝင်သင့်သေးကြောင်း ပြောဆိုကြ သော်လည်း တချို့ကမူ ဒေါ်အောင်ဆန်းစုကြည်သည် လွှတ်တော်ထဲသို့ သွားရောက်ရန် နောက်ကျနေပြီဟု သုံးသပ်ပြောဆိုလျက်ရှိသည်။

လစ်လပ်နေရာတစ်ခုဖြစ်သည့် မရမ်းကုန်းမြို့နယ်တွင် နိုင်ငံရေးအင်အားစုများက ဒေါ်အောင်ဆန်းစုကြည် ဝင်ရောက် အရွေးချယ်ခံနိုင်သည်ဟု သုံးသပ်ကြသော်လည်း မရမ်းကုန်းမြို့နယ်တွင် ဒေါ်အောင်ဆန်းစုကြည် လုံးဝဝင်ပြိုင်မည်မဟုတ်ကြောင်း အထက်ပါပုဂ္ဂိုလ်က အတည်ပြုပြောကြား လိုက်သည်။

ဒေါ်အောင်ဆန်းစုကြည် ဝင်ပြိုင်မည့်မဲဆန္ဒနယ်တွင် တိုင်းရင်းသားစည်းလုံးညီညွှတ်ရေးပါတီ(တစည) က လုံးဝဝင်ရောက်ယှဉ်ပြိုင်မည် မဟုတ် ကြောင်း တစညပါတီမှ တာဝန်ရှိသူတစ်ဦးက ပြောကြားသည်။

၎င်းအပြင် NLD ပါတီက လစ်လပ်နေရာ ၄၈နေရာစလုံးတွင် ဝင်ရောက်အရွေးချယ်ခံမည်ဖြစ်သည်အတွက် အတိုက်အခံပါတီများက ကြားဖြတ် ရွေးကောက်ပွဲတွင် ဝင်ရောက်ယှဉ်ပြိုင်ရေးနှင့် ပတ်သက်၍ ပြန်လည်သုံးသပ်နေကြကြောင်း နိုင်ငံရေးအသိုင်းအဝိုင်းမှစုံစမ်းသိရသည်။

“တကယ်တော့ ဒေါ်စုအဆင့်က ရွေးကောက်ပွဲ ဝင်ပြိုင်ရမယ့်အဆင့်တော့ မဟုတ်ဘူးဗျ” ဟု NLDမှ ဗဟိုအလုပ်အမှုဆောင် ဦးဝင်းထိန်က ပြောကြားသည်။

တရားဝင်ကြေငြာထားသော လစ်လပ်နေရာ ၄၈နေရာတွင် ပြည်သူ့လွှတ်တော်၌ ၄၀နေရာ၊ အမျိုးသားလွှတ်တော်၌ ၆နေရာနှင့် တိုင်းဒေသကြီး လွှတ်တော်တွင် ၂နေရာ ဖြစ်သည်။

NLD ပါတီသည် လာမည့်သတင်းအပတ်အတွင်း ပါတီမှတ်ပုံတင်ခွင့်ရမည် ဖြစ်သည့်အတွက် လစ်လပ်မဲဆန္ဒနယ်များတွင် အောင်နိုင်ရေး အဖွဲ့များ ဖွဲ့စည်းတော့မည်ဖြစ်ကြောင်း၊ လစ်လပ်နေရာမဟုတ်သည့် မြို့နယ်များတွင်မူ ဝန်းရံရေးအဖွဲ့များကို ဖွဲ့စည်းသွားမည်ဖြစ်ကြောင်းသိရသည်။