Transparency Myanmar

transparency.myanmar@gmail.com

Document yangonchronicle2011 Op-Ed
yangonchronicle2011 Op-Ed

၉.၅.၂၀၁၂

ဆောင်းပါးကဏ္ဍ

  1. ပြည်သူလူထုက ရွေးချယ်တင်မြှောက်ထားတဲ့ အစိုးရရဲ့ သစ္စာကို စောင့်သိရိုသေ လေးစားရမယ်

*****************************************

ဆောင်းပါးကဏ္ဍ

ပြည်သူလူထုက ရွေးချယ်တင်မြှောက်ထားတဲ့ အစိုးရရဲ့ သစ္စာကို စောင့်သိရိုသေ လေးစားရမယ်

မောင်ဝံသ

(မေ ၉ ထုတ် Popular News အတွဲ (၄) အမှတ် (၁၈) မှ ထုတ်ယူဖော်ပြသည်။)

နှစ်ပေါင်း ၂ဝ ကျော်ကာလ အတွင်း ပထမဆုံးအကြိမ်အဖြစ် ကျင်းပခဲ့တဲ့ ၂ဝ၁ဝ ရွေးကောက်ပွဲကတစ်ဆင့် တက်လာခဲ့တဲ့ စစ်အရာရှိဟောင်း အများစု ဦးဆောင်တဲ့ အရပ်သားအစိုးရလက်ထက် ပထမဆုံးကျင်းပခဲ့တဲ့ တပ်မတော်နေ့အခမ်းအနားမှာ တပ်မတော် ကာကွယ်ရေး ဦးစီးချုပ် ပြောကြား ခဲ့တဲ့ မိန့်ခွန်းကို ရုပ်/သံကလွှင့်စဉ်ကတည်းက ကျွန်တော် အသေအချာ နားထောင်ခဲ့ပြီး နောက်တစ်နေ့ထုတ် သတင်းစာမှာ ပါလာတော့လည်း ကျွန်တော် ဂရုတစိုက် ဖတ်ရှုလေ့လာခဲ့တယ်ဗျ။

တပ်မတော် ကာကွယ်ရေးဦးစီးချုပ်ရဲ့ အဲဒီမိန့်ခွန်းကို သုံးလေးခေါက်လောက် ဖတ်ရှုခဲ့ပြီးတဲ့နောက် သတင်းစာကို ဘေးမှာချပြီး ကျွန်တော်တို့ နိုင်ငံရဲ့ ပျော်စရာမကောင်းလှတဲ့ သမိုင်းကြောင်းကို ပြန်ပြောင်းစဉ်းစားနေခဲ့မိတယ်ဗျ။ အဲသလို စဉ်းစားနေရင်း စာရေးချင်စိတ်တွေ တဖျပ်ဖျပ်ခုန်လာ တာနဲ့ ရည်ညွှန်းကိုးကားနိုင်ဖို့ စာရွက်စာတမ်းပုံထဲ မွှေလိုက်တော့ တချိန်က တပ်မတော် ကာကွယ်ရေး ဦးစီးချုပ်ဖြစ်ခဲ့တဲ့ ဗိုလ်ချုပ်ကြီးနေဝင်း မိန့်ခွန်း ပြောနေတဲ့ပုံနဲ့ အဲဒီပုံအောက်မှာ “လူထုတင်မြှောက်သည့် အစိုးရ၊ တပ်မတော်က သစ္စာရှိရမည်”ဆိုတဲ့ စာသားတွေရေးထားတဲ့ စာအုပ်ငယ်လေး တစ်အုပ် သွားတွေ့တယ်ဗျ။

ဗိုလ်ချုပ်ကြီးနေဝင်းမိန့်ခွန်း

အဲဒီစာအုပ်လေးရဲ့ ဒုတိယစာမျက်နှာမှာ ”၁၉၅၈ ခုနှစ်၊ ဇွန်လ ၂၃ ရက်နေ့တွင် မင်္ဂလာဒုံလေတပ်စခန်း၌ ကျင်းပသော ၇ ကြိမ်မြောက် တပ်မတော်ညီလာခံ၌ ကာကွယ်ရေးဦးစီးချုပ် ဗိုလ်ချုပ်ကြီးနေဝင်း မိန့်ကြားသည့် မိန့်ခွန်း”လို့ ဖော်ပြထားတယ်ဗျ။ နောက်ဆုံး စာမျက်နှာ အောက်ခြေမှာ ပုံနှိပ် မှတ်တမ်းဖော်ပြ ထားချက်ကတော့ ပ၊မ၊ဗ၊စ၊ အမှတ် ၁၁၆၊ ပြန်၊ ညွှန်၊ ရုံး၊ ၈၊ ၇၊ ၅၈ – ၁ဝဝဝဝဝ + ၂- မိုနို ဟူ၍ ဖြစ်ပါတယ်။

အားလုံးသိကြတဲ့အတိုင်း ခေတ်သစ်မြန်မာ့တပ်မတော်ရဲ့ အမြုတေဖြစ်တဲ့ ရဲဘော်သုံးကျိပ်အဖွဲ့မှာ ထိပ်တန်းခေါင်းဆောင်တစ်ဦး ဖြစ်ခဲ့ပြီး မြန်မာ့သမိုင်းရဲ့ အရေးကြီးတဲ့ အလှည့်အပြောင်းအကွေ့အချိုးတစ်ခုကို ဦးဆောင်ဖန်တီးခဲ့သူလည်းဖြစ်တဲ့ ဗိုလ်ချုပ်ကြီးနေဝင်းရဲ့ စကားတွေ၊ လုပ်ရပ် တွေက ဒီကနေ့အထိ မြန်မာ့သမိုင်းအပေါ် သက်ရောက်မှု ကြီးမားနေဆဲဖြစ်ပြီး နောင်လာမယ့် ကာလတစ်ခုအထိလည်း သက်ရောက်မှု ကြီးမားနေဦးမှာ သေချာတာကြောင့် မြန်မာ့တပ်မတော် ကာကွယ်ရေးဦးစီးချုပ်တစ်ဦးရဲ့ မိန့်ခွန်း (အထူးသဖြင့် အခုလို ခေတ်သစ်တစ်ခုဘက်ဆီသို့ ကျွန်တော် တို့နိုင်ငံ ဦးတည်နေပုံရတဲ့ ကာလမျိုးမှာ ပြောကြားတဲ့ မိန့်ခွန်းကို) ကြားလိုက်ရတာနဲ့ ကာကွယ်ရေးဦးစီးချုပ်ဟောင်း ဗိုလ်ချုပ်ကြီးနေဝင်းရဲ့ မိန့်ခွန်းတွေ၊ လုပ်ရပ် တွေကို ပြန်သတိရမိတာ ဖြစ်တယ်ဗျ။

ဗိုလ်ချုပ်ကြီးနေဝင်းရဲ့ အဲဒီမိန့်ခွန်းထဲက စိတ်ဝင်စားစရာ ပြောကြားချက်တချို့နဲ့ အဲဒီစကားနဲ့ ဆက်နွှယ်နေတဲ့ဖြစ်ရပ်တွေကို ကျွန်တော် တင်ပြ ချင်တယ်ဗျာ။

“… တပ်မတော်သည် အဖွဲ့အစည်းတစ်ခုအတွက်သာ တည်ထောင်ထားသည် မဟုတ်။ ပြည်ထောင်စုကြီးတစ်ခုလုံးအတွက် တည်ထောင်ထား ခြင်းဖြစ်သည်” ဆိုသည့်အချက်ကို တပ်မတော်သားတိုင်း နားလည်ထားပါသည်။ တပ်မတော်သားတို့သည် အဖွဲ့အစည်းတစ်ခုဝင်တွေသာ မဟုတ်။ ပြည်ထောင်စုသား အားလုံးပါဝင်သည်။ ထို ပြည်ထောင်စုသားတို့သည် နေရာတကာတွင် သဘောချင်းတိုက်ဆိုင်မှု ရှိချင်မှရှိမည် ဖြစ်သော်လည်း အောက်ပါအချက်တို့ တွင်ကား အကြွင်း မဲ့ သဘောတူ လက်ခံထားကြပါသည်။

(က) ဒီမိုကရေစီကို လက်ခံ ယုံကြည်၍ ထိုအတိုင်း လိုက်နာကျင့်သုံးရန်။

(ခ) ဖွဲ့စည်းအုပ်ချုပ်ပုံ အခြေခံဥပဒေနှင့် ထိုမှ ပေါက်ဖွားခက်ဖြာလာသော ဥပဒေတို့အတိုင်း လိုက်နာကျင့်သုံး ရန် စသည်တို့ ဖြစ်သည်။

…အာဏာကို ရယူတဲ့နေရာမှာ ပြည်သူ၏ ရွေးကောက်တင်မြောက်မှုနဲ့ပဲ ရယူရမယ်။ အခြား လက်နက်နည်းနဲ့ မရယူကောင်းဘူးဆိုတာ မှတ်သားပြီး သွားကြပါ။

... တိုင်းပြည်လူထုကို လေးစားသောအားဖြင့် ဒီမိုကရေစီကို ယုံကြည်လေးစားသောအားဖြင့်  ဖွဲ့စည်းအုပ်ချုပ်ပုံ အခြေခံဥပဒေကို လေးစား သောအားဖြင့် ထိုလူထုက တင်မြှောက်လိုက်တဲ့ အဖွဲ့အစည်းကိုပဲ သစ္စာရှိရှိနဲ့ ဥပဒေအတွင်းကနေပြီးတော့ လိုက်နာကျင့်သုံး ဆောင်ရွက်သွားဖို့ တိုက် တွန်းလိုက်တယ်။

…ကျွန်တော်တို့ ဖွဲ့စည်း အုပ်ချုပ်ပုံ အခြေခံဥပဒေကို ရိုသေ လေးစားသလို တစ်တိုင်းပြည်လုံး လည်းပဲ လေးစားနိုင်ပါစေ”

သစ္စာစောင့်သိရိုသေခြင်း

အဲဒီစကားတွေကို ကြည့်ပြီး ပြောမယ်ဆိုရင် ဗိုလ်ချုပ်ကြီးနေဝင်းဟာ တပ်မတော်ဆိုတာ ပြည်သူလူထုကရွေးချယ် တင်မြှောက်ထားတဲ့ အစိုးရရဲ့ သစ္စာကို စောင့်သိရိုသေလေးစားရမယ်။ ဖွဲ့စည်းပုံ အခြေခံဥပဒေကို ကာကွယ်စောင့်ရှောက်မယ်၊ ဒီမိုကရေစီစနစ်ကို မြတ်နိုးတန်ဖိုးထားရမယ်၊ အာဏာ ကို လက်နက်နည်းနဲ့ မယူကောင်းဘူးဆိုတဲ့ အယူအဆ သဘောတရားတွေကို ရင်ဝယ်ပိုက်ထားသူ တစ်ယောက်ဖြစ်တယ်လို့ သုံးသပ်ကောက်ချက် ဆွဲကြမှာအသေအချာပဲဗျာ။

အခုက ပြန်ကြည့်ရင် အဲဒီဖြစ်ရပ်တွေဟာ ကာလအတန်လည်း လှမ်းခဲ့ကြပြီဖြစ်ပေမယ့် အဲဒီတုန်းက အမှန်တကယ် ဘာတွေဖြစ်ပျက်ခဲ့တယ် ဆို တာနဲ့ပတ်သက်ပြီး အထင်အရှား အခိုင်အမာသိရှိနေသူတွေ သက်ရှိထင်ရှား ရှိနေပါ သေးတယ်ဗျ။ ဗိုလ်ချုပ်ကြီးနေဝင်း အဲဒီ မင်္ဂလာဒုံမိန့်ခွန်းပြောပြီး မကြာမီမှာ ဗိုလ်မှူးကြီးမောင်မောင်၊ ဗိုလ်မှူးကြီးအောင်ကြီးနဲ့ ဗိုလ်မှူးချုပ်တင်ဖေတို့ ဝန်ကြီးချုပ်ဦးနုဆီ ဘာကြောင့်သွားခဲ့ကြတယ်။ ဘာတွေပြောခဲ့ကြ တယ် ဆိုတာတွေကို ဒီက နေ့ နုိုင်ငံရေး စိတ်ပါ ဝင်စားတဲ့ မြန်မာနိုင်ငံသားများ မြန်မာ့သမိုင်းအဖွဲ့က ထုတ်တဲ့ “၁၉၅၈ – ၆၂ မြန်မာ့နိုင်ငံရေး ” ဒုတိယတွဲ၊ စာ ၁၁၈-၁၁၉ မှာ လေ့လာနိုင်ကြပါတယ်။ အဲသလိုပဲ ၁၉၆၂ခုနှစ် မတ်လ ၂ ရက်နေ့မှာ ပေါ်ပေါက်ခဲ့တဲ့ နိုင်ငံရေးအချိုး အကွေ့နဲ့ ပတ်သက်ပြီးတော့ လည်း မြန်မာနိုင်ငံ လူထုတွေဟာ ဖြစ်ရပ် မှန်တွေကို သိရှိခဲ့ကြပြီးဖြစ်တယ်ဗျာ။

အဲသလို အဂတိတရားလေးပါး ကင်းရှင်းစွာ ဓမ္မဓိဋ္ဌာန်ကျကျ စစ်ဆေးကြရမှာ ဖြစ်တယ်။ အကြောင်းကတော့ အတိတ်ကို မှန်မှန်ကန်ကန် ဓမ္မ ဓိဋ္ဌာန်ကျ သုံးသပ်နိုင်မှသာ အနာဂတ်မှာ မှန်မှန်ကန်ကန် ဓမ္မဓိဋ္ဌာန်ကျကျ တည်ဆောက်နိုင်မှာကြောင့် ဖြစ်တယ်ဗျ။

ကျေးဇူးတင်ထိုက်စွာ မြင်တွေ့ရမည်

ပြီးခဲ့တဲ့ မတ်လ ၂၇ ရက်နေ့က ကြေညာခဲ့တဲ့ တပ်မတော်ကာကွယ်ရေးဦးစီးချုပ်ရဲ့ မိန့်ခွန်းမှာ “တပ်မတော်ဖခင် ဗိုလ်ချုပ်အောင်ဆန်း ဦးဆောင်ပြီး စတင်ထည်ထောင်ခဲ့သော တပ်မတော်ကို ဗိုလ်ချုပ်ကြီးနေဝင်းနှင့် ဗိုလ်ချုပ်မှုးကြီးသန်းရွှေတို့က လက်ဆင့်ကမ်း အမွေဆက်ခံပြီး စည်းကမ်း ကောင်းသော၊ စနစ်တကျရှိသော ခေတ်မီတပ်မတော်အဖြစ် ခေတ်ကာလနှင့်အညီ တည်ဆောက်ပေးခဲ့သည်ကို ကျေးဇူးတင်ထိုက်စွာ မြင်တွေ့ရမည် ဖြစ်ကြောင်း”လို့ ထည့်သွင်းပြောကြားသွားခဲ့တဲ့ အချက်ဟာ တိုင်းချစ်ပြည်ချစ်ပုဂ္ဂိုလ်တွေအနေနဲ့ အင်မတန်မှ စဉ်းစားစရာကောင်းတဲ့ အချက်ဖြစ်တယ် ဗျ။

ဗုဒ္ဓဘာသာဝင်တွေရဲ့ အနှိုင်းမဲ့ ကျေးဇူးရှင်မြတ်ဗုဒ္ဓနဲ့ မဂ္ဂင်ရှစ်ပါးလမ်းစဉ်မှာ ‘သမ္မာသင်္ကပ္ပ’ မှန်ကန်စွာ တွေးခေါ် ဆင်ခြင်မှုဟာ ရှေ့ဆုံးက လာ တာပဲဗျ။ မှန်ကန်စွာ တွေးခေါ်ဆင်ခြင်နိုင်မှသာ ‘သမ္မာဒိဋ္ဌိ’ မှန်သောအမြင်ရမှာ ဖြစ်တယ်ဗျ။ မှန်သောအမြင်ရှိမှ ကျန်တာတွေအားလုံးကို မှန်မှန် ကန်ကန် ဆက်လက်လုပ်ဆောင်သွားနိုင်မှာ ဖြစ်ကြောင်းပါဗျာ။

*****************************************

 

 


Google Docs makes it easy to create, store and share online documents, spreadsheets and presentations.
Logo for Google Docs

Document yangonchronicle 2011- (1)
yangonchronicle 2011- (1)

၉.၅.၂၀၁၂

ဘာသာပြန်သတင်းများ

  1. မြန်မာနိုင်ငံမှ သတင်းများက အစိုးရအဖွဲ့အတွင်း ပြောင်းလဲမှုများအတွက် ပိုမို တွက်ဆလာ

(6 May 2012 ရက်စွဲပါ The Financial Times မှ Gwen Robinson ရေးသားသော Myanmar reports fuel talk of cabinet reshuffle ကို ဘာသာပြန်သည် )

  1. မြန်မာနိုင်ငံအနာဂတ်အတွက် တည်ဆောက်ရန် အတူလုပ်ကိုင်

(6 May 2012 ရက်စွဲပါ VOA News မှ ခေါင်းကြီးပိုင်းဖြစ်သော Working together to build Burma’s future ကို ဘာသာပြန်သည် )

  1. ကရင်တပ်ဖွဲ့များ နယ်စပ်မှ ဆုတ်ခွာရန် မြန်မာတပ်မတော် ညွှန်ကြား

(Bangkok Post မှ 8 May 2012 ရက်စွဲပါ “Karen rebels ordered to leave border area” သတင်းကို ဘာသာပြန်သည် )

  1. ပြုပြင်ပြောင်းလဲမှုကို တပ်မတော်က ထောက်ခံကြောင်း ထိပ်တန်းအကြံပေး ပြောကြား

(Brisbane Times မှ 8 May 2012 ရက်စွဲပါ “Military backs reform, top aide says” သတင်းကို ဘာသာပြန်ဆိုသည်)

**************************************

မန်မာနိုင်ငံမှ သတင်းများက အစိုးရအဖွဲ့အတွင်း ပြောင်းလဲမှုများအတွက် ပိုမို တွက်ဆလာ

( 6 May 2012 ရက်စွဲပါ The Financial Times မှ Gwen Robinson ရေးသားသော Myanmar reports fuel talk of cabinet reshuffle ကို ဘာသာပြန်သည် )

မြန်မာနိုင်ငံတွင် သြဇာရှိပြီး ပြုပြင်ပြောင်းလဲရေးများကို မလိုလားသူ ဒုသမ္မတဦးတင်အောင်မြင့်ဦး နှုတ်ထွက်စာ တင်သည့်သတင်းမှာ အစိုးရ အဖွဲ့အတွင်း ကြီးစွာသော အပြောင်းအလဲလုပ်မည်ဆိုသော တွက်ဆချက်ကို ပို၍ အားကောင်းလာစေခဲ့သည်။

တနင်္ဂနွေနေ့က မြန်မာမီဒီယာနှင့် VOA မြန်မာပိုင်းအစီအစဉ်က ဒုသမ္မတသည် စင်္ကာပူတွင် ကျန်းမာရေး ဆေးကုပြီး ပြန်ရောက်ပြီးနောက် မေလ (၃) ရက်နေ့က ကျန်းမာရေးအကြောင်းပြချက်ဖြင့် နှုတ်ထွက်စာတင်ခဲ့သည်ဟု သတင်းများ ထုတ်ပြန်ခဲ့သည်။ ၎င်းသည် အငြိမ်းစားဗိုလ်ချုပ်ကြီး ဖြစ်ပြီး အငြိမ်းစားအာဏာရှင် ဦးသန်းရွှေ၏ တပည့်ဖြစ်သည်။

အစိုးရတာဝန်ရှိသူများကို တနင်္ဂနွေနေ့ညက ဆက်သွယ်၍ မရနိုင်ခဲ့သော်လည်း ၎င်းနှုတ်ထွက်မည့် ကောလဟာလမှာ ပြီးခဲ့သည့် အပတ်က ပိုမိုထွက်ပေါ်လာခဲ့သည်ဟု ရန်ကုန်အခြေစိုက် သံတမန်များက ပြောကြားသည်။

ဦးတင်အောင်မြင့်ဦးမှာ ရိုင်းစိုင်းပြီး သမ္မတ၏ ပြုပြင်ပြောင်းလဲမှုများကို ဝေဖန်သူဟု လူသိများပြီး၊ ပြီးခဲ့သော ရက်သတ္တပတ်များအတွင်း လူမြင်ကွင်းမှ ပျောက်နေခဲ့သည်။

၎င်းရာထူးမှ နှုတ်ထွက်သွားမှုမှာ အရေးကြီးကြောင်း သံတမန်တစ်ဦးက ပြောကြားသည်။ အဘယ်ကြောင့်ဆိုသော် ၎င်း ကိုင်တွယ်နေသော နိုင်ငံရေးနှင့် စီးပွားရေးပြုပြင်ပြောင်းလဲမှုများကြောင့် လည်းကောင်း၊ ၎င်း၏ ယခင်ရှေးဟောင်းနည်းအတိုင်း ခရိုနီပုံစံစီးပွားရေးကို ထောက်ခံမှုတို့ကြောင့် ဖြစ်ကြောင်း ဆိုသည်။

၎င်း နှုတ်ထွက်မှုသည် ပြုပြင်ပြောင်းလဲရေးသမားများ၏ အောင်ပွဲလက္ခဏာဟု ပြောရန်လိုအပ်မည် မဟုတ်ပေ။ မြန်မာနိုင်ငံ၏ နိုင်ငံရေး စနစ်အရ ဒုသမ္မတတစ်ဦး အစားထိုးရန် ၎င်းအား လွှတ်တော်မှ ရွေးချယ်အမည်စာရင်း တင်သွင်းပေးခဲ့သော တပ်မတော်သား ကိုယ်စားလှယ်အစုအဖွဲ့မှ အမည်စာရင်းတင်သွင်းရမည် ဖြစ်သည်။

ဦးတင်အောင်မြင့်ဦးသည် ကုန်သွယ်ရေးကောင်စီ ဥက္ကဋ္ဌဟောင်းဖြစ်ပြီး သွင်းကုန်ထုတ်ကုန်လိုင်စင်များကို ကိုင်တွယ်ခဲ့ရသဖြင့် တကိုယ်ရည်   ကြွယ်ဝမှုအများအပြားနှင့် တရုတ်အကျိုးစီးပွားနှင့် ဦးဇော်ဇော်ကဲ့သို့သော သူဌေးများ အပါအဝင် အဆက်အသွယ်ကောင်းများလည်း ရရှိခဲ့သည်။

၎င်းသည် မြန်မာနိုင်ငံ၏ သယံဇာတထုတ်ယူရေး စီမံကိန်းကြီးများနှင့် အခြေခံအဆောက်အဦးများအတွက် တရုတ်နှင့် ညှိနှိုင်းရာတွင် များစွာ ပါဝင်ပတ်သက်မှုရှိသည်ဟု ဆိုကြသည်။ အဆိုပါ ကိစ္စရပ်များတွင် သမ္မတကြီးရပ်ဆိုင်းခဲ့သော ဒေါ်လာ 3.6 ဘီလီယံတန်ဖိုးရှိ မြစ်ဆုံရေလှောင်တမံ စီမံကိန်းလည်း ပါဝင်သည်ဟု ဆိုသည်။

၎င်း နှုတ်ထွက်စာတင်သော သတင်းမှာ ဦးသိန်းစိန်က ၎င်း၏ အစိုးရအဖွဲ့ကို ပြင်ဆင်ရန်လုပ်ဆောင်နေချိန်တွင် ဖြစ်သည်ဟု အစိုးရနှင့် နီးစပ် သူများ၏ အဆိုအရ သိရှိရသည်။ အဖွဲ့ဝင် (၃၇) ဦး ပါဝင်သော အစိုးရအဖွဲ့တွင် သဘောထားတင်းမာသူများဟုခေါ်သော လေးငါးခြောက်ဦး ရှိသည့် အနက်၊ ပြန်ကြားရေးဝန်ကြီး ဦးကျော်ဆန်း၊ လျှပ်စစ်ဝန်ကြီး ဦးဇော်မင်းနှင့် လယ်ဆည်ဝန်ကြီး ဦးမြင့်လှိုင်တို့မှာ ရာထူးမှဖယ်ရှားခြင်း (သို့မဟုတ်) အရေး မပါသောဌာနသို့ ပို့ခြင်းများ ဖြစ်နိုင်ကြောင်း သတင်းများက ဆိုသည်။

ယခု အပြောင်းအလဲများသည် အနောက်နိုင်ငံများက အရေးယူမှုများဖြေလျော့ပေးနေချိန်တွင် သမ္မတသည် ၎င်း၏ အစိုးရအဖွဲ့အတွင်း ပြုပြင် ပြောင်းလဲရေးကို မလိုလားသူများအား ကိုင်တွယ်ရာ၌ နိုင်ငံရေးအရ ယုံကြည်မှုများ ပိုမိုတိုးပွားလာစေသည်။

ဒေါ်အောင်ဆန်းစုကြည်နှင့် NLD ကိုယ်စားလှယ်များ လွှတ်တော်ထဲ ဝင်ရောက်လာခြင်းအား တုန့်ပြန်သည့် အနေဖြင့် တပ်မတော်က ဧပြီလ (၂၃) ရက်နေ့တွင် ၎င်းတို့၏ လွှတ်တော်ကိုယ်စားလှယ် (၅၉) ဦး အား အဆင့်မြင့် အရာရှိကြီးများနှင့် လဲလှယ်ခဲ့သည်။ ထိုလုပ်ရပ်သည် လုပ်ရိုးလုပ်စဉ် ထက်စာလျှင် အတိုက်အခံနှင့် ပြုပြင်ပြောင်းလဲမှု ဖြစ်စဉ်များအပေါ် ပို၍မလိုလားသောဖက်မှ ရပ်တည်ရန်ဖြစ်ကြောင်း သုံးသပ်သူများက ပြောကြား သည်။

သို့သော် အခြားသူများက အဆိုပါ တပ်မတော်သားကိုယ်စားလှယ်များကို ရွေးချယ်သော တပ်မတော်ကာကွယ်ရေးဦးစီးချုပ် ဒုတိယ ဗိုလ်ချုပ် မှူးကြီး မင်းအောင်လှိုင်သည် သမ္မတ၏ ပြုပြင်ပြောင်းလဲရေးကို ထောက်ခံသူဟု ဆိုကြပြန်သည်။ “ရာထူးကြီးတဲ့ တပ်မတော်သား ကိုယ်စားလှယ်တွေ ကျတော့ ပိုပြီးလွတ်လွတ်လပ်လပ် စဉ်းစားပြီး၊ ကိုယ်ပိုင်ဆုံး ဖြတ်ချက်နဲ့ မဲပေးနိုင်လာဖို့ အလားအလာရှိတာပေါ့” ဟု မြန်မာအကြောင်းသုံးသပ်သူ Richard Horsey က ပြောကြားသည်။

“တင်အောင်မြင့်ဦးဟာ သဘောထားတင်းမာသူလို့ ဆိုကြပြီး၊ လက်ရှိပြုပြင်ပြောင်းလဲမှုတွေကို သိပ်မလိုလားသူ ဖြစ်ပါတယ်။ သူ ရာထူးမှ နှုတ် ထွက်သွားတဲ့အတွက် အစိုးရထိပ်ပိုင်းမှာ ပိုပြီးစည်းလုံးလာနိုင်ပါတယ်။ ဒါပေမယ့် သူ့နေရာ ဘယ်သူဆက်ခံမယ်ဆိုတာ စောင့်ကြည့်ရဦးမှာပါ” ဟု Richard Horsey က ပြောကြားသည်။

******************************

မြန်မာနိုင်ငံအနာဂတ်အတွက် တည်ဆောက်ရန် အတူလုပ်ကိုင်

( 6 May 2012 ရက်စွဲပါ VOA News မှ ခေါင်းကြီးပိုင်းဖြစ်သော Working together to build Burma’s future ကို ဘာသာပြန်သည်)

မြန်မာနိုင်ငံ၏ အတိုက်အခံ ဒေါ်အောင်ဆန်းစုကြည်နှင့် အမျိုးသားဒီမိုကရေစီ အဖွဲ့ချုပ်မှ တခြားအဖွဲ့ဝင်များသည် လွှတ်တော်သို့ ဝင်ရောက် ခဲ့ပြီး ဖြစ်သည်။ အစပိုင်းတွင် 2008 အခြေခံဥပဒေပါ ကျမ်းကျိန်သည့်စာသားတွင် “ကာကွယ်စောင့်ရှောက်ပါမည်” ဟူသော စာသားအား ပြင်ဆင်ပေး ရန်တောင်းဆိုပြီး လွှတ်တော်တက်ရန် ငြင်းဆန်ခဲ့သည်။ သို့သော် နောက်ဆုံးတွင် ညှိနှိုင်းအပြီး မေလ (၂) ရက်နေ့က လွှတ်တော်တွင် ကျမ်းကျိန်ခဲ့ရာ ၎င်းတို့သည် အနာဂတ် မြန်မာနိုင်ငံတွင် တိုင်းပြည်တည်ဆောက်ရေးအတွက် အစိုးရနှင့်အတူ လုပ်ကိုင်နိုင်လိမ့်မည်ဟု မျှော်လင့်ရသည်။

ခြေခံဥပဒေအရ လွှတ်တော်ကိုယ်စားလှယ်များ၏ လေးပုံတစ်ပုံကို စစ်တပ်အတွက် ချန်ထားရပြီး၊ ကျန်နေရာများ တွင်လည်း အာဏာရပါတီက နေရာယူထားရာ ဒေါ်အောင်ဆန်းစုကြည်၏ ပါတီသည် အနည်းစုသာ ရှိသည်။ မည်သို့ဆိုစေ ကျမ်းကျိန်ပြီးနောက် ဒေါ်အောင်ဆန်းစုကြည်က ပြောကြား ရာတွင် သူနှင့် သူ၏ပါတီမှ အဖွဲ့ဝင်များသည် လွှတ်တော်အား စစ်မှန်သော ဒီမိုကရေစီကျကျဖြစ်ရန် လုပ်ဆောင်သွားမည်ဟု ဆိုသည်။

အမေရိကန်ပြည်ထောင်စုအနေဖြင့် အဆိုပါ အဖြစ်အပျက်အား မြန်မာအစိုးရစတင်ခဲ့သော ပြုပြင်ပြောင်းလဲရေး လုပ်ငန်းစဉ် ဆက်လက် လုပ် ဆောင်နိုင်ရေးအတွက် မျှော်လင့်ချက်အပြည့်ရှိသော ခြေလှမ်းအဖြစ် ရှုမြင်သည်။ ကျွန်ုပ်တို့ သည် ပိုမို၍စံပြုရမည့် အုပ်ချုပ်မှုအတွက်လမ်းကြောင်းတွင် နောက်ထပ်တိုးတက်မှုများအား အားတက်ရသည်။ ကျွန်ုပ်တို့နှင့်အတူ အခြားနိုင်ငံတကာအသိုင်းအဝိုင်းသည် သံတမန်ဆက်ဆံရေး အဆင့်မြင့်ခြင်း၊ USAID မစ်ရှင်ကို ပြန်လည်တည် ထောင်ခြင်းနှင့် ကျွန်ုပ်တို့ ပိတ်ပင်ထားသော ငွေကြေးဆိုင်ရာဝန်ဆောင်မှုများနှင့် ရင်းနှီးမြှုပ်နှံမှုများကို စတင်ဖြေလျော့ ပေးခြင်း အပါအဝင် ခိုင်မာသောလုပ်ဆောင်မှုများနှင့် မြန်မာအစိုးရ၏ ပြုပြင်ပြောင်းလဲရေး လုပ်ငန်းစဉ်များကို ထောက်ခံသည့် ခြေလှမ်းများ လှမ်းလျက် ရှိသည်။

သို့သော် မြန်မာနိုင်ငံနှင့် ပတ်သက်၍ နိုင်ငံရေးအကျဉ်းသား ရာပေါင်းများစွာနှင့် တိုင်းရင်းသားဒေသများတွင် တိုက်ပွဲများဖြစ်ပွားနေခြင်း အပါအဝင် အရေးကြီးသော လူ့အခွင့်အရေးကိစ္စ စိုးရိမ်ပူပန်ရမှုများ ရှိနေသေးသည်။ ထို့ကြောင့် ကျွန်ုပ်တို့သည် အခွင့်အရေးရတိုင်း မြန်မာအစိုးရအား ကာလကြာရှည် ရှိနေသော အဆိုပါ စိုးရိမ်ဖွယ်ကိစ္စများအား ကိုင် တွယ်ဖြေရှင်းရန် တိုက်တွန်းလျက်ရှိသည်။ တိုးတက်မှုများ တွေ့ရှိရသည်နှင့် ကျွန်ုပ်တို့ သည် အဆိုပါ တိုးတက်မှုများကို အသိအမှတ်ပြုရန် နောက်ထပ်လုပ်ဆောင်မှုများ လုပ်ဆောင်ပေးမည်ဖြစ်ပြီး၊ တိုးတက်ဖွံ့ဖြိုးမှုများကို အနီးကပ် ဆက် လက်ကြည့်ရှုသွားမည် ဖြစ်သည်။

 ******************************

ကရင်တပ်ဖွဲ့များ နယ်စပ်မှ ဆုတ်ခွာရန် မြန်မာတပ်မတော် ညွှန်ကြား

( Bangkok Post မှ 8 May 2012 ရက်စွဲပါ “Karen rebels ordered to leave border area” သတင်းကို ဘာသာပြန်သည် )

မဲဆောက်ခရိုင်တလျှောက် ထိုင်းနိုင်ငံနယ်စပ်အနီးမှ DKBA စစ်သားများကို ဆုတ်ခွာရုတ်သိမ်းရန် ဗိုလ်မှူးချုပ် နှုတ်ခမ်းမွှေး ဦးဆောင်သော ကရင်လက်နက်ကိုင်တပ်ဖွဲ့ကို မြန်မာ့တပ်မတော်က ညွှန်ကြားထားကြောင်း သိရှိရသည်။

မြန်မာစစ်တပ်က အဆိုပါ ညွှန်ကြားချက်ကို မနေ့က ထုတ်ပြန်ခဲ့ရခြင်းမှာ ထိုင်းနိုင်ငံနှင့် မြန်မာနိုင်ငံအကြား ဆက်ဆံရေးတွင် တင်းမာမှု ကြီး ထွားမည်ကို မမြင်တွေ့လိုသောကြောင့်ဖြစ်သည်ဟု နယ်စပ်သတင်းရပ်ကွက်က ဆိုသည်။ DKBA အုပ်စုအား ယင်းတို့၏ တပ်ဖွဲ့များ ဖြစ်နိုင်သမျှ အမြန် ဆုံးဆုတ်ခွာရန် အကြောင်းကြားထားသည်ဟု အဆိုပါ သတင်းအရ သိရှိရသည်။

DKBA ကရင်လက်နက်ကိုင်တပ်ဖွဲ့ခေါင်းဆောင် ဗိုလ်မှူးချုပ်စောလားဘွယ် (ဗိုလ်နှုတ်ခမ်းမွှေး)သည် သူ့အား နယ်စပ်မူးယစ်ဆေးဝါး အရောင်း အဝယ်တွင် ပါဝင်ပတ်သက်သည်ဟု စွပ်စွဲထားသော ထိုင်းအာဏာပိုင်များကို တုန့်ပြန်သည့်အနေဖြင့် မဲဆောက်ခရိုင် ဘန်မဲကွန်ကန်ရွာနှင့် ဆက်နေ သော မြန်မာစစ်တပ်ကို ယခင်သီတင်းပတ်အတွင်း ၎င်း၏ တပ်ဖွဲ့ဝင်များဖြင့် တပ်စွဲကာ ပိတ်ဆို့ထားခြင်း ဖြစ်သည်။

ထိုင်းနိုင်ငံ၏ မူးယစ်ဆေးဝါး နှိမ်နင်းရေးကိစ္စများကို ကိုင်တွယ်ကြီးကြပ်ရသော ဒုတိယဝန်ကြီးချုပ် ချာလမ်ယူဘမ်ရန်က ထိုင်းနိုင်ငံ မူးယစ်ဆေး ဝါးနှိမ်နင်းရေးအဖွဲ့၏ အလိုရှိသော ရာဇဝတ်ကောင် ၂၅ ဦးစာရင်းတွင် ကရင်သူပုန်ခေါင်းဆောင်သည် နံပါတ် ၅ နေရာတွင် ပါဝင်နေကြောင်းနှင့် ယင်း အား ဖမ်းဆီးနိုင်ပါက ဆုငွေဘတ် ၁ သန်း ချီးမြှင့်မည်ဖြစ်ကြောင်း ထုတ်ပြန်ကြေငြာခဲ့ပြီးနောက် ယခုကဲ့သို့ဖြစ်ရပ်များ ဆက်တိုက် ထွက်ပေါ်လာခြင်း ဖြစ်သည်။

မြန်မာစစ်တပ်က ယခု ဗိုလ်မှူးချုပ်စောလားဘွယ် စစ်တပ်များ ချထားသော ယ်စပ်ဧရိယာသည် တပ်မတော် ထိန်းချုပ်နယ်မြေဖြစ်၍ DKBA တပ်များ ဝင်ရောက်တပ်စွဲခွင့် မရှိကြောင်း ကန့်ကွက်အကြောင်းကြားထားသည်ဟု နယ်စပ် သတင်းရပ်ကွက်က ဆက်လက်ပြောကြားသည်။

မြန်မာတပ်မတော်က မဲဆောက်နှင့် မြဝတီအကြား နယ်စပ်ကုန်သွယ်ရေးကို အားပေးမြှုင့်တင်ရန်အတွက် နှစ်ဖက် ပြည်သူများ လွတ်လပ်စွာ နယ်စပ်ဖြတ်ကူးသွားလာစေလိုသည်ဟုလည်း သိရှိရသည်။

တပ်ခ်ခရိုင် အန်ပန်းနှင့် ပေါ့ဖရားတို့၏ မျက်နှာခြင်းဆိုင် မြန်မာနယ်စပ်ဂိတ် ၁၂ ခုကို ကရင်တပ်ဖွဲ့များက ပိတ်ဆို့ ထားကြောင်း ဗိုလ်မှူးချုပ် စောလားဘွယ်က ပြောကြားခဲ့သည်ဟု နယ်စပ်သတင်းရပ်ကွက်က ဆိုသည်။ ထိုကိစ္စကြောင့် အနီးတဝိုက်ရွာများ၏ လုံခြုံရေးကို တင်းကြပ်ရန်အတွက် ထိုင်းစစ်တပ်က ၎င်း၏ တပ်ဖွဲ့များကို စေလွှတ်ထားသည်။

******************************

ပြုပြင်ပြောင်းလဲမှုကို တပ်မတော်က ထောက်ခံကြောင်း ထိပ်တန်းအကြံပေး ပြောကြား

(Brisbane Times မှ 8 May 2012 ရက်စွဲပါ “Military backs reform, top aide says” သတင်းကို ဘာသာပြန်ဆိုသည်)

မြန်မာနိုင်ငံတွင် ယခင်အာဏာရှင်စနစ်မှ ဒီမိုကရေစီစနစ်သို့ ကူးပြောင်းနေပြီဖြစ်၍ မြန်မာ့တပ်မတော်ခေါင်းဆောင်များသည်လည်း အာဏာ ပြန်သိမ်းရန် ရည်ရွယ်ချက်လုံးဝမရှိသူများသာ ဖြစ်ကြသည်ဟု သမ္မတဦးသိန်းစိန်၏ ထိပ်တန်းနိုင်ငံရေးအကြံပေးက ပြောကြားလိုက်သည်&